نزلو البقاله وأمجد في السياره ومعاذ مع اخته تقابلت عيونها مع شخص وكان متضح عليه كبير او بالجامعه نزلت عيونها بسرعه ولا كانّها شافته واخذت اغراضها اتجهت لمعاذ وعليها ابتسامه غبيه

سدين : معاذي حاسب لي

معاذ بحاجب مرفوع : لا ياشيخه وفلوسك ؟

سدين بكذب : يوووه نسيتها

معاذ : آخر مره

سدين : وصح قل لأمجد سدين بتروح مشي خلاص المدرسه قدامنا بكم خطوه

معاذ : امشي امشي لسياره بس

سدين : بتتاخر عن المدرسه انت

معاذ : ومن متى تهمك مدرستي ؟

سدين : يليل خلاص اسكت

ناظر معاذ لشخص الي جاء وابتسم معاذ

معاذ : ياهلا ارحب ادم وين اختفيت عنا

ناظرته سدين وكان نفس ذاك الشخص سفهتهم وكملت طريقها لسياره تقول لأمجد وافق امجد وكملت مشي

وصلت سدين لمدرستها ونزلت وهي متوتره دخلت على طول الحمامات وحطت جوالها بالشباك ان شاء الله مايقفطونها

دخلت فصلها متجه لمكانها

-

بيت احمد

غسان : يلا يبه توصي على شي ؟

احمد : سلامتك بس اذ ماعليك امر وصل اختك

غسان : يبه والله اني مستعجل شف غياث اليوم بيغيب خله يوصلهم

احمد : طيب وآدم وينه ؟

غسان : راح البقاله

احمد : ياذا الولد لاشغل ولا مشغله قوم غياث قبل تروح

غسان : ابشر

اتجه غسان لغرفه اخوه ولا رضى يصحى اخذ ماء ورشه عليه قام خايف بسرعه

غايث : يابن الـ..

ارتفع حاجب غسان

غسان : وش كنت بتقول

ناطره غياث : سلامتك

غسان : قوم ودي خواتي

ريهام صرخت عليهم : يعياال تعالو افطرو أنا بروح على دوامي

نجود طلعت لامها هي وهبه وقبلو راسها وطلعت

طلع غياث ووصلهم للجامعه

-

غسان وصل للجامعه ودخل المحاظره وبدا يتكلم انفتح الباب نظر للي فتح الباب بغضب

موج : أنا اعتذر دكتور بس ممكن ادخل ؟

غسان : وفي احد يفتح الباب كذا ؟

موج انحرجت : اكرر اعتذاري

غسان : ادخلي

اتجهت موج لمكانها وهي تناظر عيونهم يناظرونها جلست وطلعت أيبادها وركزت

أنتهت المحاظره الممله

غسان وهو يجمع اغراضه : بكره عليكم اختبار

تنهدت موج بتعب وجمعت اغراضها وطلعت على طول ركبت سيارتها وهي تنتظر اختها تخلص محاظره

بعد نصف ساعه طلعت اختها امجاد ركبت معها

امجاد : ياحظك ياموج ذي آخر سنه لك اخ بس

موج : اسكتي بس بكره علي اختبار

حركت سيارتها متجه لمدرسه سدين

-

سدين

دخلت الحمام واخذت جوالها وبدات تصور شكلها ومعها خويتها الين دخلت معلمه وتجمد الد/م في عروقها خبت الجوال بسرعه وهي تحاول تلاقي اي طريقه

ريهام معلمه الدين : ايش قاعدين تسوون ؟؟

سدين التفتت لها بخوف كاذب : صديقتي تعبانه

اتجهت لها ريهام ومسحت على ضهرها وبدات صديقه سدين تمثل على ريهام

ريهام : بسم الله عليك فيك شي الحين

سدين : يعطيك العافيه استاذه

ريهام : انتظري هنا يجيب ماء لها

طلعت ريهام واخذتها فرصه سدين وخبت الجوال في الشباك وركضو للفصل

كانو يضحكون

سدين : كنت بنقفط هههههههه قسم وقتها خفتتت

كانت تضحك بقوه وصلو للفصل وقابلتهم هناك حقت الرياضيات

: فين كنتم ؟؟

سدين : صديقتي كانت تعبانه

: ماشوف عليها تعب

سدين : توها استفرغت

دخلو الفصل بعد ماصدقتهم ووجههم احمر يحاولو يكتمون ضحكهم

ريهام ام غسان : نجود صحي هبه الناس بيجون وذي كذا !!

نجود : ابشري

اتجهت نجود لغرفه اختها وبدات تقومها

هبه : في ناس بيجون !!

نجود : اي وانتي حظرتك نايمه

هبه : مين طيب ؟

نجود : عائله مترف وعائله مازن

هبه : كلهم ؟

نجود : اي

هبه : وموج وأمجاد ووعد بيجون ؟

نجود تنهدت بتعب من اختها: اي

هبه : ياربي ولا تصحوني من بدري ولا تقولو لي

قامت وطلعت لها ملابس متجهه للحمام

نجود : قبل تدخلين نظفي الصاله

هبه : يليل

تركت اغراضها متجهه لصاله وقابلت امها

هبه : على الساعه كم ؟

ريهام : امم يمكن المغرب

هبه : تمام في وقت

رتبت الصاله ورجعت دخلت الحمام تروشت على السريع

هبه ناظرت في اختها : افيره ولا اتركه كذا

نجود : ستريت افضل عليك

هبه نشفت شعرها وطلعت فستان رمادي وتركته على السرير

هبه : نجود كم الساعه ؟

نجود وهي تضبط نفسها : ٥:٤٤

هبه : الوقت سريععع

نجود : إذ خلصتي ساعدي امي بالقهوه

هبه : طيب بس شوفي إذا جو انتي الي بتضيفين أنا استحي

نجود : طيب طيب

لبست فستانها هبه واتجهت لامها تساعدها بترتيب الحلى والقهوه انتهت ودق باب بيتهم

ريهام : روحي افتحي لغسان

هبه : مو غسان بيروح للاستراحه مع الرجال ؟

ريهام : اي بس الخبل نسى جواله

هبه : في احد ينسى جواله ؟

اتجهت للباب وفتحته

دخل غسان البيت وبكامل كشخته متجه لغرفته في الدور الثاني اخذ الجوال ونزل

غسان : يلا أنا طالع

طلع متجه للاستراحه

-

جمعه ~

رن جرس البيت

ريهام : نجود اطلعي افتحي ذولي شكلهم الضيوف

نجود : ابشري طيب ابوي واخواني راحو ؟

ريهام : اي العيال كلهم في الاستراحه إلا الحريم في البيت

نجود : اخ لو يصير العكس

ريهام : روحي افتحي الباب تأخرنا على الضيوف

متجه للباب

نجود : ياهلا بضيوفنا تو مانور البيت ارحبو

ضي : تبقين ياحبيبتي امك فينها ؟

نجود : هنا تعالي ياخالتي أوديك لها

دخلو بناتها بكشختهم

امجاد وموج وسدين

وصلتهم لصاله الضيوف سلمو على ريهام وعلى هبه اخذت نجود القهوه وبدات تصب لهم

ريهام : ياهلا ويامرحبا كيفكم

ضي : الحمدلله بخير وانتي ؟

ريهام : دامك بخير انا بخير

وقفت نجود عند سدين

نجود : قهوه ؟

سدين : لا يعطيك العافيه ماشرب

نجود بإصرار وابتسامه : فنجال

سدين : يلا بس فنجال

وزعت الحلى وجلست جمب موج

نجود : ذي آخر سنه لك ؟

موج : اي الحمدلله

نجود : ايش بتسوي إذا تخرجتي

موج : ان شاء الله يقبلوني بوظيفه مرموقه

نجود : ان شاء الله

التفتت نجود لأمجاد : اذ ماخاب ظني ذي ثاني سنه لك ؟

ضحكت امجاد : صح

هبه بقهر : اخ بس المفروض اكون آخر سنه بس مشكلتي تاخرت

موج : الله يعين

رن جرس البيت للمره الثانيه وهبه قامت بتفتح

هبه : يامرحبا حياكم الله

دخلت ربى ومعها بنتها وعد وسلمت عليهم دخلو الصاله وجلسو البنات مع بعض ويسولفو

مر الوقت بدون يحسو

-

ريهام اتصلت على غسان

ريهام : جب العشاء تأخرتم

غسان : هلا يمه يلا جاي جاي وصح جهزو قهوه وشاهي بنجلس انا والرجال فيه

ريهام : تعشيتو؟

غسان : اي الحمدلله

ريهام : مين معك ؟

غسان : الحين معي العيال ادم وغياث ومعاذ وماهر

ريهام : تمام يعني كل الي بالاستراحه جايين

غسان : اي

-

دخل غسان هو وآدم صاله الحريم والبنات تغطو إلا أخواته و سدين الي ماتتغطى بالأصل

اتسعت عيون موج بصدمه

الحين الدكتور الي يدرسها في الجامعه طلع ولد عمها !!

حاولت تهجد ولا تتكلم مع الي جنبها نجود بس فشلت

موج : الحين ذا اخوك ؟

نجود : اي ليه

موج : اسال

نجود غمزت لها : ليه عجبك

موج : يععع سدي حلقك بس

ضحكت نجود : امزح ههههه

طلع غسان وطاحت عيون ادم بعيون سدين وبسرعه نزل عيونه وطلع متجهين لمشب الرجال

جلسو الرجال في المشب وبدو يسولفون الا واحد منهم والي كان جنب غسان ويفكر

مالك : ولد

غسان التفت له : هلا ؟

مالك : ابغى أشوفها

غسان بغباء : من ؟

مالك : انت حمار ؟

غسان : لا صدق منهـ.. اهاااا نجووود

مالك : كلزق لاترفع صوتك اي هي ابغى أشوفها

غسان وهو يحاول مايبتسم او يضحك : وانت ماتكفيك انك تسولف معها في الجوال ؟

مالك : ياولد اخلص قبل نروح ويطلعون الرجال

غسان ضحك: طيب رح من ذاك الممر وانا برسل لها

قام مالك وقاطعه صوت عمه : وين بتروح اجلس

مالك : بروح الحمام ( أكرمكم الله )

طلع وراح للممر وبعد دقايق انفتح الباب وسمع صوتها الي ينادي

: غسان فينك كان جيت من الباب الرئيسي

طلعت وقابلت مالك وتجمدت في مكانها خايفه

كان صوتها يرن في أذنه بلع ريقه وشافها تناظر له متوتره نزلت راسها باستحياء

مالك : السلام عليكم

نجود : و وعليكم السلام

مالك : كيفك ؟

نجود : الحمدلله .. مالك ماشفت غسان قال اني اطلع بيقول لي شغله بس مافيه

مالك : لا أنا ناديتك كنـ..كنت ابي اشـ..

معاذ : ياولد وين رحت تاخرت

حضن مالك نجود عشان مايشوفها وخباها بصدره عن اخوه

معاذ : مين الي عندك ؟؟

مالك : نجود شتبي انت

معاذ بسخريه : اها وانتم ايش تسوون مع بعض ؟

مالك : كلزق مالك دخل وهي خطيبتي ماسويت شي حرام

معاذ : طيب بقول لأمجد

مالك : خلاص سد حلقك بعطيك سيارتي

معاذ : اي كذا هههههه

راح معاذ وهو يضحك ابتعد مالك عنها وكان وجهها احمرر

نجود وصوتها بالقوه يطلع : أنا بـ..بـ..بروح

التفتت بسرعه ودخلت من الباب بسرعه ضحك مالك عليها والتفت راجع للمشب

اول مادخل شاف امجد وآدم وغياث واصيل وماهر يناظرو له ماسكين ضحكتهم ناظر في معاذ بغضب والتفت لغسان وكان يبتسم بسخريه

مالك : اول ماتخطب ماكون أنا مالك إذا ماسويت ذي الحركات

غسان : لا موب خروف

مالك : نشوف ههههههه

اندمج غسان مع سوالف الكبار

مترف : الا يا احمد ليه ماخطبتو لغسان

احمد : غسان راسه يابس يقول موب متزوج

مترف ضحك

غسان : اي والله يايبه وجع راس ومصاريف

مترف : بس كمل نص دينك

غسان وهو ماسك الفنجال: مافكر

مازن : خلو الرجال بحاله

غسان : اي والله ياعم اذ فكرت بالزواج وقتها اقول لكم

احمد : بموت وانا ماشفت عيالك

غسان : بعد عمر طويل

وأكمل غسان : واذ بتزوج بتزوج من الخارج

احمد : ياكثر بنات السعوديه ليه بتروح للأجانب

غسان : ابغاها تكون بشعر اشقر وعيون زرق وتدلعني وادلعها وتجي توكلني من يدها

ضحك مالك : فاقد حنان هههههههه

ضحكو الرجال

غسان : والله أنا مافكر إلا كذا إذا بتزوج

احمد ضحك : يصير خير

مترف : وغياث ماتفكر ؟

غياث ضحك : أنا نفس غسان

وأكمل بسخريه : بس مابغاها أجنبيه بعيون زرق وشعر اشقر ههههههههه

ضحك مالك على تعابير غسان وهو يتوعد فيه

تعشو الحريم وقامت موج بتساعد هبه ونجود على الغسيل

وبدو يحلفون على بعض

هبه : أنا حلفت قبلك انك ماتلمسيهم

نجود : ياموج اتركيها اليوم عليها الله يهديك بس

موج : أنا حلفت قبلكم يلا انقلعو أنا الي بغسل

بعد محاولات فشلو هبه ونجود طلعت نجود وهبه يجيبون الصحون الباقي

انفتح الباب وعلى بالها انها وحده من البنات ومعطيه الباب ضهرها ولا لابسه طرحتها وعبايتها التفتت بعد ماخلصت بتنشف يدها واتسعت عيونها بعد ماطاحت بعيونه

موج بخرشه بعد ماعرفت انه دكتورها : ابعد عيونككك ياقليل الادب

استوعب هو وابعد عيونه وتكلم : وانتي شتسوين في المطبخ وين نجود وهبه ؟؟

موج بشبه صراخ : مالك دخل

غسان : لاترفعين صوتك !

موج : مو وقتك اطلع لحد يشوفنا ويفهمون خطا

غسان ابتسم ابتسامه جانبيه : واذا شافونا

عصبت موج والتفتت للمغسله واخذت الاسفنجه وضربتها في نص وجهه

وو .

دخلت هبه وانصدمت من شكل غسان وخروج موج بسرعه

ناضرت في غسان والصابون على وجهه وهو باقي واقف مصدوم استوعبت هبه وبدات تضحك بقوه وماسكه بطنها ودخلت نجود من ضحك هبه مستغربه الين شافت غسان وضحكت معها رغم انها موب عارفه السالفه الا انه وجهه ضحكها

اتجهه للمغسله وهو يتوعد فيها ومعصب وعروقه بارزه

نجود وهي تضحك : ايـ..ايش فيـ..ـه وجهـ..ك كذا ههههههه

هبه التفتت لها وبدات تضحك بقوه : موج ضربـ..ته

ضحكت نجود زياده ودخلت امهم مستغربه من ضحكهم

ريهام : فشلتونا ضحككم وصل لصاله !!

مسح غسان وجهه ولا هو معهم وطلع من الباب الي دخل منه وناسي شغلته

-

موج

جلست عند امها وناظرت فيها امها بشك وقامت ريهام طلعت

ضي : شفيك ؟

موج : ايش ؟

ضي : وجهك شفي كذا ؟

موج : ليه وجهي شفيه ؟

ضي : احمر

موج فتحت جوالها وشافت وجهها

موج بترقيعه : اوه ذا من الحر

ناظرت فيها امجاد وسدين برفعه حاجب

عرفت وش يفكرون فيه

رجعت ريهام لهم ورجعت نجود وهبه وهم يناظرو في موج ناظرت لهم وشمقت لهم ضحكت هبه وقرصتها نجود سكتت بعد محاولات قربت هبه من عند موج

هبه : اخخخ بس تكفين لو تشوفين وجهه ههههه

نجود : اي والله ضحكني هههههه

موج : بنات بقولكم شي بس قسم يوصل لغسان يويلكم

نجود : ليه ؟

موج غطت وجهها بورطه : غسان نفسه دكتوري بالجامعه

هبه فتحت فمها بصدمه وسكرته موج وضحكت

موج : ماتقولو له احس بينقصني وانا الي باكلها

هبه : احس لو تتزوجو

ناظرت موج لهبه وخلتها تسكت

نجود ضحكت : اخ بس لو يصير

موج : آخر همي اني أتزوج بقعد عانس

هبه : وهي بتكون أولنا تتزوج

نجود : اي ههههههه

قربت منهم أمجاد

امجاد : شف شف والله سحبه

اكملت وهي تناظر في موج بخبث : اي اي ليه جتنا موج ووجهها احمر

هبه تذكرت الموقف وبدات تضحك

موج : بقولك بس تقولين لامي يويلك

امجاد : اهبدي

موج تنهدت : كنت اغسل وانفتح الباب الخلفي للمطبخ وتوقعت هبه او نجود بس ماتوقعت غسان فالتفت بعد ماخلصت والاقيه بوجهي وتهاوشنا وماتمالكت نفسي ورميت عليه الاسفنجه حقت الغسيل وهربت

امجاد : كفو ذي اختي بس حبيبتي متى زواجكم ؟

موج : الله ياخذكم

امجاد : امزح امزح

موج : أزيدك من الشعر بيت ؟ طلع دكتوري في الجامعه !

امجاد : لا ذي بتصير زواج

موج : يليل

امجاد : لا صدق امزح

هبه ضحكت عليهم

-

غسان راح لشباب اما الكبار راحو لمجلس ثاني وبقو الشباب

دخل عليهم غسان وجلس جنب مالك

غياث : ولد ليه ثوبك ماء ؟

ناظر في ثوبه : انكب علي ماء بالغلط

امجد : عيال ؟

: هلا

امجد : بلوت ؟

ادم : أنا بلعب

ماهر معاذ : وانا بعد

غسان : العبو انتم

التفتو عليه وشافوه يفكر

امجد : ذا شكله يفكر في الحب

غسان : آخر همي احب

اصيل ومالك اقتربو منه

مالك : وش السالفه ياولد

غسان : ولا شي

اصيل : وش فيك قل !

غسان: قلت لك مافي شي بس انتم تحبو تكبرو

-

مر الوقت وموج لقت الفرج يوم قالت امها ضي

ضي : يلا بنات مشينا أبوكم برا وأخوكم

ريهام : يابنت مشيتو بسرعه طولو شوي

ضي : لا والله احنا جلسنا وقت طويل انتم زورونا بكره

ريهام : يصير خير

ضي : لاوصيك تجيبين نجود

ضحكت ريهام وطلعو

وصلت لجامعتها موج وجلست في القاعه ودخل غسان بدأ يتكلم ويثرثر وهي في قمه توترها وكلما تناظر في وجهه تتذكر رميها للاسفنجه في جبهته تلاقت عيونهم في بعض وبدا يناظر فيها ويضيق عيونه عليها اقترب منها

غسان : ايش اسمك ؟

موج : موج ؟

غسان : موج ايش ؟

موج توترت : موج مترف الـ***

اتسعت عيونه بصدمه وسمعته يهمس " بنت عمي !" مانزلت عيونها عنه وشافت ابتسامه كبيره خبيثه ارتسمت على شفايفه

غسان بخبث : بنت عمي الي رمت علي الاسفنجه

موج بتوتر : يمكن مخطى انت او يمكن تشابه أسامي

غسان بخبث : ليه ماعرفتك من اول ؟

رجع مكانه ولا هو قادر يمسح ابتسامته كانت لابسه النقاب بحيث عيونها بس باينه كـ..يف عرفها !!

انتهت المحاظره ولحقته بسرعه تلحق على مستقبلها لايضيع

وقف بعد ماشافها

موج بتوتر : اممم غـ..غسـ..

قاطعها بخبث : دكتور غسان

موج ناظرته بعصبيه بس اهم شي مستقبلها

موج : احممم دكتور غسان انا اعرف اني مخطئه بس بعد مابعتذر لان صدق لو احد شافنا وقتها بيفهم غلط !

غسان : طيب ؟

موج بخجل : لاتنقص درجاتي عشان أشياء تافهه

غسان مسك ضحكته وتكلم : أنا مضطر انقص درجاتك لانك اخرتيني ولأنك للحين لسى تاخريني و انك ضربتيني في الاسفنجه

غسان بغرور وعبوس مصطنع : ووجهي الجميل توصخ

موج رفعت حاجبها : من قال؟

غسان : انتي ؟

موج : شكلك تتخيل

استوعبت موج انها بتنقص درجاتها كذا

موج : اسفه المهم انك ماتنقص درجاتي

غسان : امزح معك والاسفنجه الي كانت براسي بسامحها لاني كنت مخطئ

موج فرحت والتفتت بتمشي

سدين

واقفه برا تنتظر اخوها او اختها يجونها

سدين بانزعاج وغضب طفولي : يالله وش ذا حتى المديره رفضت تدخلني بس عشان رحت البقاله ويالله شريت شي خير وش قله الادب ذي اف وذا معاذ الز/ق متى يجي !!

التفتت على صوت زوجه عمها

ريهام : سدين ؟

التفتت لها سدين : عيون سدين لبيه

ريهام : شتسوين هنا ؟

سدين : والله ياخاله مثل مانتي شايفه معاذ تاخر وشكله بخيس هنا للعصر وذي المديره غثيثه متى تنقل اف !

ريهام : يابنتي وش ذا الكلام تعالي يودينا واحد من عيالي

سدين : يعطيك العافيه خالتي بس لا عشان ماتعبك معي

ريهام : يابنت امشي بس ذا هو بيتي قدام المدرسه تعالي على الاقل في الداخل على بال مايجي معاذ اخوك

سدين انحرجت : تمام

دقت الجرس وسدين وراها وبيدها شنطتها منحرجه وتحاول تغطي وجهها المحمر بيدها

انفتح الباب وكان ادم الي فاتح

-

ادم

جالس على سريره وقام بيفتح الشباك وناظر فيها وكيف كانت تتهاوش بطفوليه رغم انه مكان يسمعها بدأ قلبه ينبض بجنون وبسرعه .. طاح بطلنا في شباك بطلتنا .. شاف امه تطلع من المدرسه وتكلمها الين وصلت عند باب بيتهم ركض بسرعه وتكشخ وبخ عطر ونزل تحت ينتظرهم

-

انفتح الباب وقرب من امه باس راسها

ادم : ياهلا بأمي

ناظرت فيه ريهام برفعه حاجب اول مره

تقدمو لصاله وسدين كانت منحرجه وتناظر في الارض دخلت ريهام اغراضها وطلبت من سدين تنتظرها

رفعت سدين راسها وانصدمت من الي كان واقف قدام باب الصاله ويناظر فيها من بعدها رفعت حاجبها بتسال

ابتسم لها والتفت يطلع

سدين : شفيه ذا ؟

دخلت ريهام وبيدها عصير

سدين : الله يهديك خالتي كلفتي على نفسك

ريهام : انتي هنا عندي ضيفه لازم أكرمك

خجلت سدين

ريهام : الحين بتصل على امك تمام ؟

سدين : تمام

طلعت ريهام وبدات سدين تتوتر وتمسك بيدها وتلعب في أصابعها الين دخل ذاك الولد الي فتح لهم الباب ذا صدق نشبه

ادم : اخوانك امجد ومعاذ ومالك ؟

سدين ناظرت فيه ذا اكيد يستغبي !

سدين : ايوا ليه ؟

ادم : لا اسال لانك موب غريبه فاطلعتي بنت عمي

سدين : طب اخوي بغيت شي ؟

ادم : لا سلامتك شفيك معصبه

سدين : لاني مالي خلق

دخلت ريهام وناظرت في ادم مستغربه من وجوده

ريهام : سدين امك تقول معاذ نام ونسى ههههه

سدين بورطه : يوووه واخواتي يطلعون متاخر كلهم جامعيين

ريهام : لا عادي بخلي غياث يوديك او ادم

ادم : غياث يمه نايم يقول لحد يصحيه

ريهام : اجل مافي إلا انت