مديرس

باحراج : تمام T-T

اتجهت بسرعه لمكتبه : ابيك توقعين الاوراق ذي عني وقدامي

هبه باستغراب : قدامك ؟ طيب خل اروح لمكتبي عشان مازعجك

اصيل : مافي ازعاج يلا اجلسي على ذا الكرسي ووقعي

تنهدت : تمام

اخذت القلم الجاف الازرق وبدات توقع وهو انشغل باوراق ثانيه وكل شوي يخطف لها نظره يبيها كل ثانيه قدامه ولا يبي شخص ثاني يتاملها سوا ابوها ولا اخوها يغار عليها ولا يتحمل اخ الشيطان بدا يوسوس فيه اعوذ بالله منه وقف مكانه يسوي له قهوه ولها

حط الكوب امامها ناظرت فيه بامتنان تعشق شي اسمه قهوووه : شكرا ياستاذ اصيل

ضحك : وش الي استاذ ؟ ناديني اصيل بس

: شفت ذيك الموظفه قالت استاذ وقلت خل اقول زيها

ضحك عليها وانجذبت بقوه لضحكته جلس على الكرسي وبدا يراجع الاوراق والصفقات ، انجذبت عيونها لعيونه ماشاء الله من وين وارث هالجمال دام اني شايفه ابوه اتوقع منه اجل كيف الام والبنات ! ماشاء الله تبارك الرحمن عيونه تجنن بعض الخصل الي طايحه على عيونه كانت تزيده جاذبيه ! صـ صبر ذا ليه يناظرني كذا ! يووو يالفشله لاحظ نظراتي له !

نزلت راسها بخجل والي زاده خجل كلامه : لهدرجه انا حلو ؟

بصوت هامس : لا

صدر صوت ضحكه المستمتع - واخيرا ! انتهت من الاوراق

: اصيل

نبض قلبه بسرعه نادت اسمه اخيرا بدون رسميه : عيـ.. هلا

كاد يجيب العيد بس ركد ، هبه : ليه هربتني ذيك المره من بيت اهلي وقت كنت بطلع مع موج وساعدتني على اني امك ؟

رفع انظاره عن الاوراق يناظر في عيونها تمنى انها ماتلبس النقاب عنده عشان يتامل جمالها موب منجده حبها بس عشان تهاوشو على كتاب بالمكتبه !

اصيل : والله مادري بس كنت بحش واضحك

انصدمت : تحش فيني ياولد العم ؟

اتسعت ابتسامته : اي شفيها يابنت عمي

-

بيت ابو مالك

: ليه جايبه قشتس ؟

بعصبيه مزيفه : ليه ماتبوني ؟

ضحك لها : انتي بنتنا كيف مانبيك بس زوجك من يونسه ؟

بخجل : يبه وش تقصد ؟

غمز لها وكان جنبها غسان الي بدا يضحك بهستيريه عكس موج انصدمت منه ان ماخجل ان عمه قله كذا !

مالك : ابك اهجد صوتك وصل لبرا

قامت موج على صوت اخوها بسرعه تحضنه باشتيااق كبير

ابتسمت له : تدري حبيبي مالك اني بعد شهر اتخرج

مالك بابتسامه لاخته بحنيه : اطلبي الي تبين ويقول سمي ابشري من عيونه

حضنته لكن وقفها غسان وهو يبعدها عن مالك بغيره : خلاص اهجدو واجلسو

قبلت راسه نجود اخته بابتسامه حنونه وكل منهم اتجهت لاخوها الي مشتاقه له وفاقده له

سدين : خير وانا !

مترف بفجعه : ابك غسان هنا روحي البسي نقابس

خرجت سدين بخطوات غاضبه

موج : الي سمعته صدق ؟ سدددييين لبست النقاب !!

مترف : اي خلاص البنيه كبرت وصار عمرها 16

-

امجد & غيد

دخل عليها وهي جالسه على الطاولة تاكل من الايسكريم الي شاريه امجد له : ايسكريمي ياغيدوووه

ابتسمت له وهي ملطخه وجهها بالايسكريم : كلنا واحد ولا ؟

ابتسم وهو يقترب لها : اي صح اجل ايسكريمي حلالك واي شي لي لتس

ابتسمت له لكن انخرشت وهو يقرب من وجهها بس ارتاحت من حست بابهامه مسح على شفتها من الايسكريم لكن اكتساها اللون الاحمر من شافت يلعق اصبعه الابهام من بعد مامسح الايسكريم عنها

: تخجلين مني يا روحه ؟

ضربت الملعقه على انفه وتلطخ منها مسك الملعقه قبل تهرب بيرجع فعلته نزلت من الطاوله بسرعه بتهرب من الباب لكن ماحست الا بيده تحاوط خصرها والملعقه الممتلىء قدام عيونها : لا لااا اذا تحبني لا اسوي لك اي شي بس ابعد

ابتسم بحْبث : تسوين لي اي شي ؟

هزا راسها بسرعه وخوف واكمل كلامه بعد ماقبل خدها على السريع : ابي قربك ..

انفتح الباب عليهم واتجهت عيونهم بخوف بسرعه للي فتح الباب بس من حسن حظه انها توامه ولا لو كانت سدين وموج بيمسكونها عليهم ويتكلمون عليهم

ابتسمت بغباء : اءءء اسـفـه جيت بـ بوقت غـ غلط

قفلت الباب ناظر لغيد الي متسعه عيونها بخوف وتوتر وخجـل كبيــر ! ، ابتسم لها : معليك ذي امجاد ماتقول اعرفها وبعدين اصلا احنا مملكين ماسوينا شي حرام

بخجل : بس اسـ..ـتحي

ابتسم : وياحلو الي تستحي يالناس !

ضحكت بخجلها لكن اكمل امجد : حبيبي يلا البسي نقابك وخلينا بعد نصدم عائله احمد واخوي مالك اننا مملكين

اخذ نقابها وبدا يلبسها وهي تعدل وراه لبسها العبايه : يازوجتي طالعه بالنقاب حلوه خير مابيهم يشوفونك بذا الزين ! ابيك لي لييي وحدي

خجلت من كلامه الي ياثر فيها

-

دخلو لداخل المجلس وانصدمو عيال احمد ومالك ان امجد ماسك يد غيد ويجلسها بقربه لكن عكس احمد ومترف الهاديين

مالك :

مالك : ابو نوره وش جالس تسوي انت ! ابعد عن البنت

غياث : افا يا امجد ماهقيناك كذا اترك يدها

غسان : ذا شبلاه كذا ؟!

عكس نظرات سدين وامجاد الهاديين ماعدا موج الي متسعه عيونها بصدمه

امجد بمزح : بسم الله شفيكم بنت عمي واساعدها شفيها عادي دام ابوي سامح لي وبعدين عمي ابوكم ماقال شي ليه تتكلمو !

مالك بصدمه : يبه عاجبك الي يسويه ! ذي امانه عندنا !!

امجاد : مالك شدعوه خله مع خطيبته يفرح ويستانس

غسان وغياث وادم : خـ خطيبته !!!

مالك : امجد ؟ خطيبته ابك امجد موب مخطوب اقصد خاطب !

ضحكو البنات على رده فعل العيال

معاذ : ياعيال امجد خطب غيد وهي موافقه خلوهم يتهنون

غسان : ماشاء الله مبروووك واحنا اخر من يعلم !

قرصت موج كتف امجد : انااا اختك ياقليل الادب ولا تقول لي !! اختتتك !!! ماش ماش

بالم وهو يحك مكان قرصت موج هي واظافرها الطويله: ابك قصصي اظافرك تعور !

موج : احسن ! وانتي ياغيد ليه ماقلتي لي يلا راضوني ابيكم تعبون بانزين سيارتي كل يومين لمده اسبوعين

امجد ابتسم : على ذا الخشم ابشري

ريهام : الله يتمم لكم على خير يارب ماشاء الله تكبرون قدامنا يارب بعد نشوف عيالكم خطبتو كلكم ماعدا غياث وادم وامجاد وسدين ومعاذ وهبه

سدين : بسم الله اسمي ليه موجود ! انا بعيش حياتي واسس نفسي

معاذ بسخريه : اي يصير خير وانتي اول المخطوبين وبعدين البنت ماتقرر الاب

سدين بغضب : اقول كل تبن بس من فوق خشمك البنت تقرر ولها القرار الاول والاخيـ

تحمحم مترف وكملت سدين : طبعا من بعد ابوها اذا وافق هي يكون قراراه

شاركا ضي : اي وامها

ابتسمت سدين : اي والوزاره الداخليه

معاذ : اعقبي بس بتتزوجين وانتي ماتشوفين الدرب

سدين بغضب : يبببه شوفه ! يقول البنت مالها راي ! شفه

مترف ابتسم : ابك احترم اختك

امجاد : معاذ ترا في بنات احترم نفسك

معاذ : اقولكم البنت تتزوج وهي ماتشوف الدرب اص بس

سدين بسخريه : يعني بتتزوج وانتي ماتشوف الدرب ؟؟؟

العيال : اح قويه

معاذ : يبه ترضى !!!

مترف ابتسم وهو يشوب فنجاله : مو دق الباب سمع جوابه يامعاذ

سدين : احسن ! واحترم البنت عشان ماتوطى ببطنك

معاذ : اص انتي محد يمزح معك

احمد : عساف واصيل واهله بيجون من جده بنستقبلهم بالبيت

بسرعه سدين : عساف بينام عندنا لمده اسبوع

ادم : لا عساف ينام ببيتنا

سدين بتافف : موب بكيفك اخوي ينام عندنا !

احمد : البنت صامله تقول له اخوها

سدين : اي اخووووي ذا عشت معه وانا صغيره يعتبر اخوي

سمعو جرس البيت وقام معاذ يفتح لاحقته سدين بعد ماعرفت انه عساف

سدين : ارحببب تو مانور البيت هالمره لابسه نقابي لو بيدي شلته حر وكتمه

عساف ضحك عليها : تشيليه باي مكان ماراح انام عندكم

دخلت سدين قبله : رحبو باخوي عساف

طاحت انظارها بادم الي كان يحاول يناظر اي شي ويحاول يتجاهل كلامها وكيف قامت تركض عشان ذا الي يتسمى عساف ! اخخخ غيرته بتقـ*تله !

جلس عساف بعد ماسلم على الكل واعطى سدين كيف من البقاله : ذا جبته لتس سدينوه عشان فزت عليك وزعلتي

بغضب : اصلا فزت عليك بفيفا واحد واحد

عساف ضحك : ذا موب فوز ذا تعادل

بغضب : يليلللل يعتبر فوز لانك ماقد تعادلت معي اليوم بفوز عليك

عساف : اليوم ماقدر بجلس مع الرجال

بطفوليه : اف لازم ياخذونك مني !

ضحك عليها : والله لو اني زوجك !

تورد وجنتي سدين بالحمره

-

ادم كان يناظر فيها بحده والي زاده غيره وقهر انها الحين مستحيه من عساف وش قال لها هالكـ*لب عشان تستحي !!

غياث : وش بلاك شوي وتروح تهجم على الرجال

ادم بعصبيه : اقول كل تبن من صارت بقربه ماذقت النوم

غياث : الا والله صدق الغيره توجع

ادم : يارب تحس فيني

غياث : ابك استغفر ربك

-

عساف : شفي وجهك احمر

خجلت اكثر وضربت يده يسكت : انت عادي تقول والله لو اني زوجك لاي بنت ؟

عساف : لا انا اكره طاري الزواج

سدين : اجل تزوجني

انصدم منها : يابنت لايسمعك ابوك او احد ويسيء الظن فيني وفيك ويبعدونا عن بعض

ضحكت سدين : لا انت اخوي يعرفونا نمزح

ابتسم : صامله انتي المهم اي شي يضايقك بذاك الي اسمه ادم قولي لي

ناظرت له لكن اقشعرت من نظرته الحاده لها: ادم ؟

عساف بفضول : بسالك

: اسال ؟

ناظر لعيونها ومن ثم لعيون ادم : تحبينه ؟

توردت وجنتها بالحمره وخجلها زاد : ها ؟

بفضول اكبر : ادم ادم تحبينه ؟

لعبت باصابعها عاضه شفتها : يـ يمكن بس شسوي اذا شافنا مع بعض قام زعل ويهاوشني على اساس اغار

التفت لها : هو يكلمك ؟

باستغراب : اي يكلمني نفسك ماتكلمني عادي

تنهد من تذكر نفسه : اذا زاد حده قولي لي افرشه لك

انتبهت سدين للي دخلو ووراهم معاذ يحيهم : ذولي مين ؟

ابتسم لها عساف : ذولي من القبيله عائله اصيل

سدين بغيره : ياحظ بنتهم ماتلبس النقاب

-

موج ~

سلمو كلهم على بعض وسحبت اخت اصيل بسرعه لعندها تحييها

جلسو العيال بجهه وقام عساف بعد محاولات من سدين تبعد عنه يتجهه للعيال قربت سدين للبنات وللحظه ! ولدقيقه ولثانيه ! استوعبت شي !!! وشييي كبيير الحين اخت اصيل حلوه بس اكيد انا احلا منها وفوقها كاشفه وش قله الادب ذي ! ادم يشوفهااا !!! التفتت بادم وهي تعض اظفرها بقهر وغيره يمكن الله اعلم !

سمعت كلام هبه لاخت اصيل : ماشاء الله العائله طلع كلهم حلوين !

ابتسمت لها اخته : وي من وين لك تعرفيني اقصد قد شفتي احد من العائله ؟

هبه : شسمك ؟

: عروب وانتي ياعسل ؟

: اسمي هبه وبعدين اخوك هو مديري عروب كم عمرك ؟

: 25 عمري

هبه بصدمه : ماشاء الله شكلك يبين اصغر ! ياحلوك بس

موج : ابعدو ذي عروبي حقي

هبه : يالخاينه تعرفينها ولا تعرفينا عليها

ابتسمت موج بحزن : ذي اخت غيث

باستغراب : غيث ؟

لكن جتها لحظه ادراك بعد مالتفتت على طول لاصيل : يعني اصييييل اخوو غيث الي كان حبيب موج !!!

ابتسمت لها عروب بحزن : ايوا الله يرحمه

هبه ابتسمت تغير الجو : وش اسم ذا الحلو ؟

ضحكت : دا نواف

نشرت يدها هبه وانصدمت من ميانه الطفل الصغير الي ركض وكانه يدور الحضن ذا من زمان

ماتعرف ان هناك قلب يغار اخوه ياخذ حضن هبه الي يكون له

هبه : خلاص ذا ولدي

ضحكت عروب على هبه

-

براء : ياحمد انت ماشاء الله اقنعت غسان الي كان مستحيل يتزوج تكفى اقنع ولدي الي راسه يابس !

اصيل : يايبه شدعوه مثلا لو بتزوج مايكون الحين يكون بعد سنه

براء : اشهدو تكفون قال بعد سنه تمر هالسنه على طول ازوجك بنت عمك

اصيل انخرش : بنت عمي والنعم فيها بس موب الي ابيها قلت لك اذا ابي بيكون من العائله ذي عائله ام نوره ام احمد ومترف وبدر وعايش

مترف :

مترف : انا ماعندي الا ثنتين وحده صغيره والثانيه بالجامعه واحمد ماعنده الا وحده وتوظفت عنـ.

وقف كلام وهو يناظر بسرعه لهبه ولو قالو من الاذكى في ذي العائله لقالو مترف ومن بعدها كمل عشان مايحرج احد : وتوظفت عندك وبدر عنده بنت وتزوجت وعايش عنده بنت باقي خلصت جامعه

ضحك احمد : احرق علينا وقل من هي ؟

اصيل ابتسم لمترف الي عرف مين يبي : كل شي بوقته حلو

بدا يضحك مترف وتكلم : عموما ومقدما مبروك عليكم الله يتمم لكم على خير

ابتسم له اصيل : بس ياعم يمكن ماتوافق

غسان ابتسم له بسخريه وهو يلعب بسبحته: اي ما بتوافق اصلا ولا تقدر تتقدم لهم لانك موب اقاربنا واذا قلنا نعرف بعض نعرف على اننا من القبيله وولد العم ماياخذ الا بنت عمه

بلعت ريقها موج من نظرات اصيل لها والي كان يبتسم لها وتكلم : الشور موب شورك يا غسان الشور لابوها وحتى لو اننا موب نفس القبيله احنا بشر

احمد بعصبيه : ياغسان احترم نفسك عيب ! محشوم يا اصيل اعذرني

اصيل : ماصار شي وذا مجرد راي ولا ياغسان ؟

غسان : الا رايي

-

عروب بخوف : يمه اصيل هادي مره وادا هدى نعرف انه معصب مررره

موج : الله يستر بس وبعدين انا باكلها !

عروب : ليه ؟

موج بتوتر : لا ولا شي الا وش قلتو ؟

-

احمد : مترف احسك مخبي علينا قل يارجال

مترف : انا ؟ مافي شي

براء : شكله عرف مين يبي اصيل يارجاال ذا ماقال لي تبونه يقول لكم ؟

اصيل : الا ادم ماتوظفت ؟

ادم ابتسم لها باحراج : قريب ان شاء الله بدخل الدوره العسكريه وادعو لي انهم يقبلوني

اصيل : الله يوفقك يارب

التفت ادم لسدين وابتسامه خبيثه كبيره عليه عرف وش بيخلي سدين تغار ناظر لاخت اصيل ومبين نظرات الاعجاب الكاذبه امام سدين الي بدات شوي وتصفق عروب بس البنت مالها ذنب ناظرت لعيون ادم الي ماهتم لها ومركز انظاره لجمال عروب بلعت ريقها سدين بحزن كبييير الحين بيحبها ! اففف شكله بيردها لي ! مايعرف بمشاعر البنت ذا ! كادت تنزل دموعها لكن وقفت بسرعه وهي تخرج من المجلس متجه للخارج تاخذ هوا رمت النقاب متجهه لخلف البيت جلست على الارض وتركت شعرها ينسدل على ضهرها باريحيه نزلت دموعها لاشعوريا لهدرجه الغيره توجع ! بانت شهقاتها

-

في المجلس

عض شفته ادم بندم وناظر لعساف الي يعطيه نظرات حارقه وكارهه وكانه عرف بالي سواه وقف عساف لاحق سدين لاشعوريا بغى يقوم لكن وقفه غياث : تستهبل وش بيقولون لاحق بنتنا ؟ لاتطيح من عينهم

صر على اسنانه وجلس والندم ياكله

عساف

بحث عنها واخيرا اتجهه لورا البيت ناظر لجسدها الجالس على الارض بكل حزن !

: شبلاتس ياعيون عساف

التفتت له بسرعه وكانها تبيه من اول جلس حولها

وتكلمت سدين لاشعوريا : شفت كيف يناظر فيها حقير ! اكيد مايحبني واوهمني بحبه لي ! عساااف اضربه عني !

تمسكت بحضنه : عساف هو سوا كذا عشان اغار ! اغاار منها حقييير ، هي عمرها 25 ولا تلبس النقاب وانا عمري 16 والبسه موب عدلل !!! موووب عدللل ياعساف ابيها تتغطى عنه اغااار منها هو حقير سوا كذا بس عشان انا قريبه منك ! عشانك اخوي

ابتسم لها بحنيه كل ذي المشاعر كانت بداخلها وبخبث : طيب سدين ليه مانسوي زيه ونرد له الصاع صاعين ؟

بسرعه مسحت دموعها : اي تم موافقه !

صد عنها معطيها النقاب الي راميته وسط الحوش : البسيه

لبست نقابها : عطني جوالك عساف بشوف النقاب

اعطاها بدون رفض اقتنعت بمظهرها الخارجي ودخل عساف وبعدها هي ابعد عنهم وجلس بعيد شوي وجلست هي جنبه

اصيل تكلم مع امجد : ولد عمكم مره قريب لاختكم شكلهم يحبون بعض

امجد : الله اعلم بس هي تعتبره اخوها

بلع ريقه ادم من كلام اصيل : بسم الله البنت توها صغيره

امجد : اي فاحتمال لا

اصيل باستغراب : بس اشوف العكس مره مقربين لبعض حتى اول مادخلت كانو جالسين مع بعض ودخلو مع بعض

امجد : دخلو مع بعض ؟ لا عساف دخل قبلها يمكن راك الحمام اكرمك الله

بتسليك : اي صح

-

اتسعت عيونها من شافت كم عساف : عـ عساااف ! الروج روجي !! مطبوع على ثوبك امسحه قبل يشوفوه العيال ! .. اءءء ادم يناظر اكـ ـيد شافه يمه عساف والله لاتطير نيتهم !

تذكر حضنها له خلف البيت وقت واسها وطبطب عليها بلع ريقه بخرشه الروج كان باين اخذ منديل وبدا يمسح قدر المستطاع

ناظرت للموجوين خايفه وكاد يغمى عليها من شافت عروب تناظر فيها ! واخوها يبتسم لها بسخريه !! البجيح طيب ماعرفك

بتوتر : نيتهم طايره طايره اصلا من حقهم تذكرين حضنك لي !!

تورد خديها بالحمره وزاد خجلها بسببه !!

همست له بخوف : شـ شف ادم كيف يناظر !

بخرشه : بروح الحمام واجيتس

طلع وسدين بقت متوتره في مكانها ونظرات عروب تاكلها هي واصيل الي يضحك سخريه وفوقها ادم الي بيقتـ*لها

اخذت شهيق وزفير تقابلت عيونها مع اصيل ومن ثم شمقت له خلته يحاول يكتم ضحكته ناظرت عروب من فوق لتحت تحس ما تقبلتها تنهدت وهي تناظر عيون ادم المنخذل حزت بخاطرها وودها تداويه بس قدامهم ! اخذت جوالها " ادم "

" ادوووم " صدر جواله اشعار ، شاف رسالتها بس ترك جواله وناظر للعيال انصدمت من فعلته ! بدا يسولف لهم تارك سدين الي زعلت " ادم ان مارديت بتصل ! "

وللمره الثانيه يشوف البجيح ولا يرد !! قامت من مكانها خارجه من البيت لوراه

اخذت نفس من خطوتها الي بتتخذها " ان ماجيت ورا البيت يويلك ! بقطعها معك "

ناظر لرسالتها منهد حيله منها قام بعد دقايق متجه للمكان الي هي فيه

جلس على العتبه ينتظر منها تتكلم : نعم وش تبين ؟؟

ناظرت فيه من سمعت صوته : نعم ؟؟ نعامه ترفسك ، مارضيت انك تزعل مني ادم سامحني

ابتسم لها بس حينما اخفاها بقناع البرود : طيب وش تبين ؟

سدين بعصبيه : جيت اراضيك ليه تكابر

ادم بسخريه : تراضيني عن ايش بالضبط ؟ عن جلستك مع عساف ؟؟؟ عن قربك منه ؟؟ عن تحييك له ؟ عن تجاهلك لي ولا كاني موجود؟؟؟ ووقت ناظرت اخت اصيل قمتي تصيحين وراح وراك عساف والله اعلم وش سويتو ومن الروج الي على كم ثوبه عرفت وش سويتو ! سدين انتي تحبينه ماتحبيني ! قوليها من الحين تبيني ولا لا ؟؟ لاااان اذا قلتي لا ما بتشوفين وجهي مره ثانيه ! وبحاول انسى حبي لك بدل التعب والغيره الي اعيشها معك ! مشاعرك لي كذابه يا سدين !

انصدمت من كلامه وفضفضته لها ! اقتربت بدون شعور وهي تمسح على مقدمه ثوبه : انا احبك ومستحيل ابدل حبي في غيرك حتى لو افترقنا بيبقى حبي لك مدفون بداخلي لو جاوبت لك وقلت لا ماحبك .. انا اكذب انا اعشقك ادم ..

اقترب منها اكثر وحينما صدم صدره بصدرها : ابعدي عن عساف ..

التقط انفه ريحه عطرها الانثوي قبل مقدمه رقبتها بحب ولا هو حاس بالي حوله وحاس بنفسه ! تمسكت بكتفه بدون شعور ، ناظر عيونها العسليه من تحت النقاب تحركت يده بسرعه تشيله وبانت ملامحها الجذابه له بانت ملامحها الي سحرته بانت ملامحها الي خدرته

بسُكر : ان ماكنت احبك فمن يستحقه غيرك ؟

اقترب من وجهها وهو يقبل ذقنها ومن ثم … شفايفها .. لكن قبل يبدا

قاطعته بخجلها : ادم عـ عيب ..

بسُكر : انتي بديتها ياسدين تحملي ..

بتوتر : بـ بس موب كذا ..

اتسعت عيونها بعد ماحست بشفته عليها !!

شد شعرها له والتفت يده حول خصرها نزلت دموعها لكرهها ذي الاشياء ! و ماتبيها الا بالحلال حاولت تدفعه عنها : ابـ ـعد عـ ـني لاحـ ـد يشوفنا !

ابعد عنها ولا بانت على ملامحه ذره ندم وابتسامه شاقه وجهه ، لكن حينما انمحت من شاف وجهها الشاحب : اسف سدسد بس بكذا انتي طفيتي غضبي وغيرتي عليك

ببكى : اكـرهـك حقـيـر ! جـ ـيت اراضيك بس انت بكذا خليتني اكرهـ..ـك ادم ! انت ماتختلف عن عصام !

انجرح من كلمتها الاخيره بس ماحس الا انها تعطيه ضهرها .. بس هالمره مابيخليها تمشي زعلانه

مسك يدها موقفها مكانها : والله ماتمشين زعلانه

وقفها امامه لكن بقدر المستطاع تحاول تتجاهله

: سدين ناظري لعيوني

تقابلت عيونهم وابتسم لها : والله ماقصدي الله ياخذ الشيطان والله مابعيدها معك الا بالحلال تكفييين سامحيني مايطاوعني قلبي تروحين من عندي زعلانه اسف يا سدين سامحيني واوعدك اني مابعيدها الا اذا كنتي حرمي

ابتسمت لكلامه لكن فعلته !!! الكلام مايغفر لفعلته وتكلمت : مسامحتك بس قسم بالله لو تعيدها لاتعرفني ولا اعرفك !

مشت من امامه متجهه للمجلس جالسه جنب اختها امجاد تحت نظرات عساف الحارقه يبي يعرف وش فيها لان باين انها بكت صح انه موب باين بس هو عساف يعرف كل شي فيها !

ارسل لها " صدز انتس خاينه ليه ماجلستي معي ؟ " ردت عليه وابتسامتها شافه وجهها لرسالته " قابل الرجال احنا بنروح داخل " تنهد " يويلي احلى خبر ياخي عايلتكم غريبه كيف تجمعكم بمجلس واحد " باستغراب " عادي كل جمعه نجتمع حتى بالديره وش بلاك ماتذكر عادتنا ؟ " رد عليها " لا والله اعرفها بس انتم ماتعرفون انه غلط " ابتسمت " ادري كلم ابوي واعمامي بس تدري الي يغفر في جمعتهم انك انت وادم موجودين " اتسعت عيونه وهو يشوف رسالتها ومن ثم رفض انظاره لها وهي تتخبى ورا اختها امجاد منخرشه من عجلتها برسايل وغبائها " ابك اهجدي يابنت " ابتسمت " انت تعرف كل شي ياخوي يعني عادي "

قفلت جوالها من شافت عساف يندمج مع سوالف العيال

اصيل : ياخي ياعساف وجهك موب غريب عني ؟

عساف : انت رجل اعمال وانا نفسك يمكن تقابلنا باجتماع

اصيل : الله اعلم بس ليه ماتزوجت ؟

ضحك بسخريه : تسالني وانت عمرك 30 يارجال ترا عمري 23 صغير على الزواج

ابتسم له اصيل : وليه احسك ناوي على وحده

اندمجو جميع العيال وهو يسمعون حوارهم : لا موب ناوي ولا بنوي

اصيل : وسدين ؟ احسك تحبها

بصدمه : ابك احشم اخوانها

اصيل : شبلاك الحب مابه شي عادي قل

ادم بمقاطعه : سدين صغيره عليه

عساف ابتسم بتلاعب : العمر مجرد رقم اهم شي القلوب يا ادم

غسان بجرائته المعتاده : صح العمر مجرد رقم عشان كذا ادم يحبها

مالك بعصبيه : تعرفون تسدون حلقك انت وياه ! لانكم جالسين تتكلمون عن اختي الي حتى مادخلت ثانوي وتجيبون عنها طاري الزواج

معاذ : ابك كل تبن يا غسان ذي اختي

غسان : مثل مانت تحب يامعاذ ومالك وامجد وغياث وانا واصيل وكلنا نحب ليه نكذب على بعض

مالك : لابوكم لابو الي يجلس معكم

كان بيقوم لكن مسكه اصيل : يابوي ترا محد ماخذ اختك اجلس اجلس

جلس بالقوه معهم وانظاره الحارقه على ادم

( يالبى الي يغار على خواته 🥹)

امجد : غياث ماتفكر تتزوج ؟

غياث : الا بس بعد ماتوظف

غسان بابتسامه خبيثه: ياعيال احنا نسينا شخص ! يامعاذ من تفكر فيها من اول تهوجس

انحرج معاذ : اعوذ بالله

امجد : والله انه يحب بس مايقول هالخروف

معاذ بتنهد : اي بس توفت

حزن عليه غياث : ومن هي ؟

تنهد تنهيده طويله : وعد بنت مازن

اتسعت عيون اصيل بصدمه وتقابلت انظاره بغسان الخبيث

غسان : الله يرحمها يارب الا ياعيال تخيلووو تخييلو لو تطلع عائله مازن عايشه موب متوفيه او لنقول هم متوفين اما وعد لا ويتزوجها معاذ رغم فرق العمر بينهم

اصيل بتوتر : غساان استغفر ربك وترحم عليهم بدل الكلام الفاضي ذا

غسان بضحكه : او تخيلو غيث يكون حي

شحب وجهه اصيل و ماحس بنفسه الا وهو يقوم يتهجم على غسان مسك ياقته : سد فمك ياكلـ*ـب

غسان : خلاص خلاص اسف

مالك بصدمه من ولد عمه : استح على وجهك ياغسان وش الي تهذي فيه ! وعد اول وسكتنا بس ارحم قلب اصيل على اخوه

-

موج

كانت متسعه عيونها بخوووف خووووف كبير من كلام غسان بس و وش يقصد بكلامه عن غـ غيث رفعت انظارها بعد مانخرشت من تهجم اصيل عليها بدا ينبض قلبها بقوه من فكره ان غيث حي ، ترحمت عليه من الكلام الفاضي

براء : اصيل ! بيت الناس وتتهجم عليهم

تكلم غسان بابتسامه غريبه : معليه ياعم اتركه هوشات عيال وبتروح

اصيل : اعذروني بطلع

مالك بحلف : والله ماتروح

اصيل : تكفى لا تحلف

مالك : لااخلي ابوي يدبل حلفه على حلفي

اصيل : خلاص الا عمي بجلس شوي

احتدت نظرات اصيل لغسان وجلس مكانه ومن ثم ناظر موج الله يعينها على هالزوج ! تقابلت عيونه بعيونها وكانها تقول مالي دخل ابتسم لها واخذ فنجال القهوه

-

مترف : ابك عيالنا وش صاير فيهم

احمد : ذا عمرهم وشوي يصيرون شياب ويتهاوشون !

براء : معليه يارجال امسحوها بوجهي

تقفلت السالفه -

عروب ~

انظارها كانت مركزه مع عساف الي كان يسولف طبيعي ناظر فيها من حس في احد يناظره ابتسم لاخت اصيل وبسرعه نزلت انظارها بخجل

واندمجت مع سالفه هبه وموج

هبه : الله اعلم وش جاه غسان متغير

موج : يابوي ذولي العيال تتغير نفسيتهم كانهم جايتهم الدوره

ضحكت عروب على كلام موج وتعليقها واكملت عليها : دحين احنا البنوتات لو جتنا الدوره مانسوي كدا نفسهم

هبه : ويازين الجداويه ياناس

عروب : ترا استحي

ضحكت موج على عروب وتكلمت اخيرا : بنات شرايكم ندخل داخل هنا قرف العيال موجودين

دقتها هبه : ترا زوجتس موجود بينهم

موج : امشي امشي بس

قامو حميع البنات داخلين داخل شالت عباتها موج وبان فستانها القصير الاسود لركبتها وكان علاق سدلت شعرها وكانت حاطه ميكب خفيف ورغم ذلك كانت جميله !

لكن هناك كان من يفوقهم جمال شالت نقابها بسرعه وكانها ارتاحت وبانت بلوزتها القصيره ومبينه معدتها والبنطلون الاسود وهي تنزل عباتها سدلت شعرها الكيرلي الطويل

ذهلت من جمالها : امجاد ماشاء الله ماتوقعتك بدا الجمال ! ماشاء الله

خجلت من كلامها : حبيبتي حتى انتي والله حلوه

جلسو على الكنب وقامت سدين تضيفهم بالقهوه

اخذت الفنجال هبه وصورت القهوه وبانت ساقها بحكم ان فستانها مررره قصير ! كان فوق ركبتها ولونه احمر بدات تصور شكلها وفستانها ارسلت لصديقتها الي معهم بالاستريك

سدين : عروب انتي تدرسين ؟

ابتسمت لها : ايوا اخر سنه

هبه : ليه ماتجو الرياض بحكم ان شركه اخوكم هنا ؟

عروب : ذكرياتي كلها بجده ماقدر

موج : اي احس صعب تنقلين مكان وتتركين مكان كنتي تعيشي فيه من الطفوله صعب مره

هبه ~

ناظرت للاشعار من السىْاب " مديري بالشركه " استغربت لكن فضولها سحبها تشوف رسالته دخلت لكن هبط قلبها ببطنها من شافت " ماتوقعتك بذا الجمال ، بس وش قصدك انك ترسلينها لي ؟ " اتسعت عيونها من شافت انه حفظها بالدردشه ارتفت فوق شوي وتدعي ان يكون خطا لـ لكننننن ذي صورتها صورتهااا بفستانها القصير !

" بالغلط !!!! " رد عليها بسرعه" احلى غلطه " انصدمت منه " وش تقول انت ! " حذفت صورتها بسرعه من الشات " ولا شي سلامتك " " ياليت الي صار يكون بيننا وتنسى ! " ابتسم على رسالتها وخوفها " ابشري على ذا الخشم " تطمنت بس كيف تطمن من رجال ؟ مالهم امان ذولي !

-

انتهت هالجمعه برساله موج لهبه " شفيك اليوم موب على بعضك " هبه بسرعه " ايوا الله تخيلي ارسلت صورتي لاصيل بالغلط ! على بالي بس ارسلت للبنات وشكلي ضغطت عليه بالغلط !! وفوقها وش يقول ! يقول اجمل غلط و يقول وش تقصدين انك ترسلين صورتك لي " موج فرحت " يابنت واضح يحبك ! " هبه توترت " اقول ابعدي انتي وياه بس ! بس تدرين موجي والله انه مز وحلو بس ركزي ترا قلت مز ماقلت ترا انا احبه ! " ضحكت عليها " ذي علامات الحب " هبه بخبـ*ـث " ليه مجربتها ؟ " بجرائه " اي مع اخوك " هبه ضحكت " ياوصخه بدل ماخليك تستحين خليتيني انا " ضحكت عليها " يلا بقفل اختي جات "

قفلت وهي تناظر امجاد : هلا ؟

امجاد : بنام عندك

: يلا تعالي اصلا ماكنت بنام وحدي

جلست جنبها امجاد وتكلمت موج بعد دقايق من العدم : وش رايك في غياث ؟

امجاد باستغراب : غياث ؟ شفيه ؟

موج : لا بس اسالك غياث شرايك فيه

امجاد : زي اي واحد

موج : اي واحد ؟ متاكده ؟

باستغراب كبيير : موج عليك حراره ؟

موج : لا بس اسال مالاحظتي يعني نظراته لك وقت كنا بالمجلس

: نظراته ؟ لا مانتبهت كنت مركزه معكم وش تلمحين له موج ؟

موج : يابنت ذا كان يناظر لك طوال الوقت ويتامل فيك

امجاد بضحكه ساخره : لاتفكرين حتى !

موج : ياربييي انا دايم مفضوحه ، امجاد ماتحسي انه يحبك !

امجاد : انا اكره الحب ..

اتسعت عيون موج بصدمه ! : ماسمعت ! يعني ماتحبيني!

ضربتها في مخدتها: قومي عن فراشي بس

امجاد : امزح مووج شفيك انا اموووت فيك بس صدق غياث ماحس بشعور له بس تدرين على بالك اني ماعرف انه يحبني على بالك ماشوف تلميحاته ؟ انا مافكر بالزواج هو الله يسعده ويختار الزوجه الي تناسبه الزواج موب اجبار ! انا ماحب ولا بحب ولا افكرر حتى ! لاتجيبين طاري الزواج قدامي لاني اكرهه ، غياث الله يتمم له خير مع اي وحده غيري !

اعطتها ضهرها ونامت حست بحزززن كبييير موج انها اخذت غسان من امجاد الي المفروض يكون لها حست انها خانت اختها ..

-

هبه ~

: يلا حبيبي عروب انتي بتنامين عندنا وغرفتي غرفتك

بخجل : ثقلنا عليكم

هبه : افا ! افاا نامي نامي بس ولا صدق ليه مانسوي سهره لنا ونروح السطح

عروب : عادي اطلع ببجامتي موب متعوده البس عباتي ببيت

هبه : العائله نايمين بس تعالي وراي احتياط

عروب : تمام

اتجهو للمطبخ وهبه فتحت درجها المفضل اخذت كم شبس وغازيات وبعض الحلويات

طلعو فوق لسطح وفتحت على فلم رعب تقدمت هبه من عند عروب الخايفه ولا تنكر هي خايفه بعد !

جت لقطه فلم ان الباب ينفتح ببطى شديددد

اقتربو من بعض متمسكين ايادي بعض سطح ومافي الا نور خفيف فوق الباب وفي غبار وليل وش يبون اكثر من كذا يخوف وفوقها مخزن بالزاويه اليسرى قديم جدا ولا قد دخلو الا وقت بيحطون الاشياء القديمه بلعت ريقها هبه ماحست بنفسها الا وهي تصرخ مع عروب وقت انفتح باب السطح وبقوه حضنو بعض خايفات لكن الي طلع لهم نواف الصغير جالس يدور عروب وفوقها سمعو العيال صوتهم وصوت صراخهم المرعب

دخلو غسان واصيل وادم وغياث من الباب من الصراخ ووراهم احمد وبراء

طاح الفشار من اشكال العيال الي تهجمو على المكان وبدا يتصدح صوت ضحك نواف

اصيل بصراخ وغضب : ايش فيه !!!!

نزلت دموع هبه بخوف : نـ نواف خـ ـوفـ ـنا

قامت عروب راكضه لحضن ابوها خايفه : بابا خايفه

غسان بعصبيه : كل ذا الصراخ عشان ورع !

غياث : الله يهديك هبه خوفتينا

تنهدو براحه لكن حينما استوعبو ان خواتهم موب متغطيات

غسان بغيره : صد عن اختي !

اصيل بعصبيه : لاتنسى ان اختي هنا !

نزلو كلهم دفعه وحده يرجعون إدراجهم بعد ماقال احمد كل واحد على غرفته ومنهم البنات جالسين يجمعون اغراضهم

هبه بصراخ : طيببب غسان تعال لاترووح خايفه

غسان بغرابه : عروب هنا ؟

هبه : لا بغرفتي

غسان : تمام

اقترب منها لكن حينما وقف وهو يروح للمخزن المهجور

هبه باستغراب : وش تبي هناك ؟

وقفت مكانها وهي تشوف باب السطح تقفل من نفسه !

هبه بخوف وتوتر : بسم الله !! غـ غـ ـسان لـ ليه طولت بداخل ؟

اقتربت من المخزن لكن حينما اتسعت عيونها بخوووف وصدمه خووف كبييير ، شافت غسان مع شخص ثاني و لدقيقه وثانيه طاح راسه على الارض

صدح صياح هبه لتحت وطاحت مغمى عليها عند باب المخزن !

-

احمد : وش بلاها بعد ذي البنت ؟

ادم : تلقاه فلم

احمد : رح شف وتعال

ادم : ابشر

طلع متجه لسطح استغرب من قفل الباب وهو ماعنده اصلا : هبه يابنت وش فيتس بعد ؟

لارد : هبه ؟؟؟

بدا يردد اسمها زي المجنون ركض لتحت خايف على اخته : يبهه هبه موب راضيه تفتح باب السطح وهو ماله مفتاح اصلا !

احمد : ها ؟

غسان : من متى السطح له مفتاح ؟

ادم بنرفزه وعصبيه : ابك هبه معليكم من المفتاح هبه ماترددد !!

براء : روحو شوفو البنت !

احمد : قم ياولد

طلع احمد هو وغسان وادم وبقى غياث عند الرجال وزاد توتر اصيل لانهم تاخرو

سمعو صراخ الرجال فوق وكيف يحاولو يفتحو الباب

اصيل بتوتر وخووف : بسم الله

براء : الله يستر لايكون صاير شي !

قام اصيل يركض لسطح ووراه ابوه وغياث

اصيل : شفيه !!

غسان بنرفزه : امور عائليه

اصيل بعصبيه : موب وقتك ! اكسرو الباب

تساعدو ثلاث على الباب وبدو يحاولون يدفعونه ورغم انه حديد موب قادر يتزحزح

بعد 15 دقيقه اخيرا ذا هو الباب ينفتح وكان الفرج جاء لاصيل دخل لسطح بسرعه ووراه اخوانها ولا اهتم لهم ولا انه حرام ناظر لجسدها امام باب المخزن ركض لها بخوف

: هـ هبـه يابنت الناس وش فيك قومي !

ضرب وجنتها بخفيف حاطها بحضنه : هبه ! هبهه بسم الله عليك قومي !

اجتمعو حوله خايفين على بنتهم واختهم امتلى ثوب اصيل الابيض بالغبار وبدون شعور شالها ينزل فيها تحت ركض للمجلس سدحها على الارض الصلبه

صرخ لادم : بسرعه جب ماء بارد وفوطه صغيره !

غسان : خلاص سويت شغلك الحين على اهلها

بعصبيه وصراخ : ياخي الله ياخذك كل تبن البنت بتفقد حياتها

جلس احمد جنب اصيل نازل ضغطه وجمبه غياث يحاول يهديه وغسان جنب اصيل

تمسك يدها البارده وتكلم مع غسان : افرك يدها بارده بسرعه انا مضطر اسوي لها تنفس اصطناعي !

رفع رقبتها وجسمها شوي وسقطت قلوب اخوانها من قرب اصيل لوجهه هبه يسوي لها تنفس واكثرهم غسان الي كاد يفقد سيطرته بس وقفه ادم يخلي اصيل يسوي شغله !!!…