رواية تكون لي قلب اكون لك دقاته الفصل السابع عشر17 بقلم مجهولة
رواية تكون لي قلب اكون لك دقاته pdf الفصل السابع عشر17 هى رواية من اجمل الروايات الرومانسية السعودية رواية تكون لي قلب اكون لك دقاته pdf الفصل السابع عشر17 صدر لاول مرة على موقع التواصل الاجتماعى فيسبوك رواية تكون لي قلب اكون لك دقاته الفصل السابع عشر17 حقق تفاعل كبيرعلى الفيسبوك لذلك سنعرض لكم رواية تكون لي قلب اكون لك دقاته الفصل السابع عشر17
رواية تكون لي قلب اكون لك دقاته الفصل السابع عشر17 بقلم مجهولة
جلست على احد الكراسي تراقب الناس انخرشت من جلوس شخص جنبها : ادم ؟ وش تبي ؟؟
ابتسم لها : شفيك وكاننا غريبين ترا انا الي احبك وتحبينه
صرت على اسنانها بندم على الي بتقوله : اذا انت صادق تحبني انتظرني لين اكبر وتعال اطلب يدي من ابوي اذا انت صادق اشتغل على نفسك ! ولا اذا موب صادق وكذاب وتجرح مشاعري ياليت ما توريني وجهك ابدا
تحركت من امامه بعصبيه وبقدر المستطاع تحاول تمنع دموعها من النزول وقفت بسبب اليد الي مسكتها : كم مره اقولك مستحيل تتحركين من عندي وانتي زعلانه
بعصبيه : اترك يدي !
: والله لو تدرين عن الشوق الي فيني
مانامت عيونك ولو ربع ساعه
ياروح روحي وغايتي ونور عيني
قلبٍ يودك من قسى الوقت راعه
اشتاق لك لي كل وقت و حيني
مثل الطفل لامه في حزه رضاعه
في قربك اهنى و تهنى سنيني
وفي بعدك يعيش عمري ضياعه
انتي وطن عمري وقلبي وعيني
وانتي نور ليلي وضيعه وشعاعه ..
بعتاب : اخبر ان الحب يبي له رجال
يحفظ ويصون كرامه البنت
ماهو بحب تسليه ومزوح
حتى لو انه من بين البرامج عرفها ! ..
قلوبنا الضعيفه ماهي مربطه باحبال
ولا نقدر نديرها ونحدد هدفها ..
تحركت من امامه معطيته ظهرها ، ناظر فيها عتابها كسره مليون كسره اجل هي كيف حالها ؟؟ هل هي نفسه ولا اسوا منه ، اخذ نفس عميق حزين مكسور خذلان تعبان خيبه ظن ..
-
جلست سدين على فراشها بعد مارفضت نومه البنات ببيت احمد ماتبي تقابله ماااتبي !
نزلت دموعها المخذوله تبي شخص تفضفض له تبي تحضن شخص وتفضفض براحه بس هالشخص وين تلقاه ؟ امجد لو تبيه موب موجود مع خطيبته ، عساف موب موجود وهو موب محرم لها .. تمنت انها ماعرفت ان ادم روز وتكلمه وتفضفض له براحه !.
قفلت الباب بالمفتاح تاركه دموعها تنزل تحرق خدها زلق جسدها على الباب وزادت شهقاتها المؤلمه
: ياربي يااربي ليـ ـه يصير لي كذا !! يارب انا حبيته ليه يفرقوني عنه ادري حرام بس احبه احببه يارب ..
اختنقت تحاول تاخذ نفس لكن ماقدرت ! قامت متجه للمكتب بدات ترجف يدها بقوه طاح العطر المفضل لا امجاد على الارض فتحت الدولاب الصغير تدور حق الربو فتحت الدولاب الثاني ، مافي وين حطته بـ بالصاله ..
اتجهت للباب تحاول تفتح المفتاح بيد مرتجفه لكن جرفتها الدوخه الفضيعه للارض تنفسها ينقطع تدريجيا حضن جسدها الصغير الارض مصدر صوت قوي ، مافي بالبيت الا هي امها وابوها في بيت عمها ..
اغلقت عيونها تدريجيا -
بيت احمد ~
ضي : قلبي ناغزني
مترف : استغفري ربك
ضي : اتصل على العيال
اخذ جواله متصل على معاذ " اختك وين ؟ " " في البيت احنا اصلا ببيت احمد بس بالمشب " مترف بعصبيه " وش تسوي هناك واي وحده فيهم ؟؟؟ " معاذ بخوف " سدين شفيك يايبه ؟؟ " مترف " وانت ليه تحطها لحالها " بلع ريقه " خلاص اقوم اجيبها " مترف " لا بنجي كلنا "
ادم : شسالفه معاذ ؟
معاذ : يسال عن اختي
ادم : اختك ؟
قام مترف بسرعه مع ضي الي قلبها ناغزها وبقوه
احمد : عسى ماشر ؟؟؟
مترف : كثر الله خيركم الحين بنمشي
وقف مترف عند باب المشب : قم نلحق عليها !
امجد بخرشه : شفيه ؟؟؟
مترف : خلك هنا
امجد : شفيها سدييين ؟؟؟
مترف : الله اعلم
نبض قلب ادم بقوه وطلع من امامه امجد ومعاذ بسرعه هو وامه وابوه
وصلو للبيت نزلت ضي بسرعه فتح الباب مترف
: يمه سدين وينك ؟؟؟
مترف : شوفيها فوق انا بشوفها في الدور الاول
ركضت ضي لفوق ناظرت لغرفتها دقت الباب : سدين يابنتي
لارد : سديين نايمه انتي ؟؟
ودام هالصمت لمده خمس دقايق وبدا يزداد صراخ ضي
: امجــد !! معــاذ تعالــو اكسرو الباب !
بدا يدفعون الباب هم وابوهم انكسر الباب وضرب بعض من خشب الباب على راس سدين انخرشو من الجسم الي على الارض طايح
بخوف : يمه سدين يمه يابنتي ردي علي !
حطتها بحضنها خايفه : تكفين سدين ردي علي لا تخوفين امك عليك
شالها مترف من بين حضن امها يركض لسياره ، امجد : بسوق انا
ركب مكان السائق ويحاول قدر المستطاع يوصل بسرعه ركض مترف بجسد سدين ومن بعد ما تداركو الممرضين والدكاتره اخذوها بالسرير
امجد : شكلها عشان الربو
ضي : ياليت ولا يكون فيها اشد منه
معاذ بهدو : وش بيصير في سدين
ضي : معليكم مابيصير فيها شي انتم لاتعلمون موج واخوكم مالك وامجاد لايخافون عليها وهي مافيها شي
امجد بهدو غريب يناظر لامه : كيف بخير وهم اخذوها لطوارى ؟
مترف : لاتخافون متعودين على حالات سدين كذا انا وامكم بس اول مره تدخل مستشفى
معاذ بحزن : الله يستر
خرج الدكتور ووقف امجد بسرعه له : وش فيها اختي ؟؟
ابتسم له : الله يديمكم لبعض اختك مافيها شي اللهم ان بس تتنوم يومين عندنا عشان تطلع وقتها الفحوصات ونراقب حالتها
مترف : بس يادكتور ليه كل ذا
: ملزمين عشان نشوف حالتها و نشخصها من فيكم مرافق لها خل يوقع ؟
ضي : انا انا
وقفت ضي على ورق ، ضي : من حسن الحظ ان امجاد بتنام ببيت احمد ومالك عند زوجته وموج عند زوجها انتم روحو البيت وانا بجلس عند بنتي
مترف : الله يهديك كان ماتكلمتي وخليتيني انا
ضي : لا انت رح وخل احمد يحط امجاد بعيونه وقل وش فيها سدين امجد انتبه لابوك ومعاذ هم امانه عندك
: على ذا الخشم
طلع مع ابوه واخوه معاذ الي حالته حزينه خايف يفقدها مثل مافقد اعز خويه والي يحبها بذا المستشفى ..
دخلو بيت احمد ، ادم : وين عمتي ؟
تنهد معاذ باسى ، بخوف تكلم ادم : وش فيه ؟
امجد : سدين منومه يومين وامي تقول متعودين بس ماتوقع لان سدين ولا مره تنومت في المستشفى ولمده يومين بعد !
غياث بخوف على ادم : شفيك يمكن مافيها شي
معاذ : ماتوقع اول مره اشوف وجهه سدين كذا شاحب ! ياخوفي اختي تروح مني ..
امجد : لا تبالغ كلها يومين وتتهاوش معك ترا مالك هنا ويصدق على طول الخبل
مالك : امجـــد ! وش قالو عن سدين
امجد : وش بلاك والله مافيها شي باذن الله
بعصبيه : يارجل ! بالله عليك ؟؟ اخلص وش قال الدكتور
امجد : يليل الغثى والله انت ماتفهم !! قلت تتنوم يومين وبس تطلع زي الغزال ترا عادي ادعو لها بالسلامه ولا تتفاولون على اختي باشياء غبيه نفس عقولكم
صر على اسنانه ادم هل ذا الشي منه ؟ ..
امجد تنهد : لاتقولون لامجاد وموج موج توها حامل جاك العلم يا غسان وامجاد تخاف على سدين كثير
غياث : شفيكم جوكم مشحون خلاص امها عندها مابها شي ادعو لها واكيد هي مافيها شي وقولو غياث ماقال
مالك : انا بروح اي مستشفى يا امجد ؟؟
امجد بحيره : المستشفى الي توفت فيه وعد الله يرحمها
اصيل بخوف : طلع اختك منه وبسرعه المستشفى موب مضمون نصيحتي لك ! واسال غسان
غسان : انا مع كلام اصيل واول مره هالمستشفى موب زينين الي فيه موب مره يعرفون بالطب
بلع ريقه مالك : ابو نوره انتم صادقين ؟
هزو راسهم باجابه ومن ثم ناظرو لبعض لكذبهم لكن خايفين يفقدونها او يصير شي وتتورط بمشاكل اكبر منها .
موج : غسان خل نغير الشقه
تنهد وهو يناظر فيها : وليه ؟
موج : ياخي اشوف اشياء تتحرك
ابتسم لها : لا ذا اثار الحمل معليك مافي شي لاتخافين
موج : خايفه
غسان : يابنت الحلال مافي شي صدقيني ذي هرمونات
صرت على اسنانها منه متجهه للمطبخ اخذت كاس الماء اخذت نفس وهي تشوف المواعين الي نظفتها نتغير مكانها اف من غسان ! رتبتهم معطيه ظهرها لهم لكن وقفت خطواتها من حست شي يطيح خافت وهي تناظر للملعقه : اكيد ماحطيتها زين
رفعتها عن الارض متجهه لغسان : بسالك البيت ذا كم له سنه ؟
تنهد وهو يفكر : 22 سنه على كلام المالك
بصدمه : 22 سنه ! ماشاء الله بس شرايك نغيره ونكون قريبين من بيت ابوي وابوك
غسان : بعدين يابنت الحين ماقدر ولا قلت ابشري
-
فتحت عيونها على ضوء الغرفه ناظرت لامها نايمه على الكرسي ، وش صار ..
: يـ ـمه
انتفضت ضي وهي تناظر في بنتها حضنتها لصدرها مافي شي حلو بعد حضن الام : يايمه خوفتيني عليك ليه كذا
ابتسمت لها سدين : ابـ ـي مـ
بدا تكح وبسرعه قامت ضي تاخذ كلاس الماء شربت سدين : ليه انا هنا ؟
ابتسمت لها ضي : طحتي في البيت وجيناك انا وابوك اي صح مترف خل اتصل عليه ابشره
بحزن : لا ابيك انتي لحالك بتكلم معك وبطلع كل الي فيني وفي قلبي وضيقتي واقوله لك
: افا ياعيون امك متضايقه وانا هنا ؟
تكلمت بقهر : تعبت وروحي جزعت من الاعتاب كل مابغى اسولف تغرق عيوني ، ماكل مستشفى علاجه يداويني ولا كل دكتور يداوي جروحي
بعتاب لبنتها : تحسبين لعب ومزوح
مادريتي ان قلبك بيدفع ثمنها
ياليتك تداركتي المزوح
ولا تركتي قلبك يسج بخيبتها
سدين : يمه كيف عرفتي
ابتسمت لها : انا امك قلتيها الي تعرف عنك كل صغيره وكبيره عيوني تشوف يا سدين على بالك ماشوف نظراتك له ؟ على بالكم ماشوف نظراتكم لبعض ياسدين يابنتي لو هو يبيك ينتظرك تكبرين ولا يستغل صغرك وعدم علمك
نزلت دموعها الحارقه : كيف اكرهها ؟.. مدري اواسي حلمي اللي تمناه ولا اواسي قلبي اللي خيب ظنه ..
دخل مترف : افا بنتي تبكي ليه ؟؟
مسحت دموعها سدين ودخل مالك وامجد ومعاذ ورا ابوها
ضي : لا بس تشكي من الم راسها ولا ياسدين ؟
هزت راسها بالايجابه ، سدين : وين البنات ؟
مالك : موج حامل ماقدرنا نقولها وتخاف الخبله
امجد : مسوي طالع منها وهو اول من خاف عساف بيشوفك سدين البسي نقابك
سدين : دخلوه
معاذ : عساف ادخل تسترت
دخل عساف وبيده ورد يبتسم لسدين جلس قريب منها بعد ماعطاها الورد : وش ذا الدلع مخليتنا نخاف عليك والحين انتي زي الغزال
سدين ضحكت : اي من بعد شوفتك صرت زي الغزال
تحمحم مترف : عيب هالكلام
عساف : نمزح اسفين
سدين رفعت حاجبها : بس انا صادقه من بعد شوفتكم صرت زي الغزال
ضحك مترف : ابك اهجدي
جلس قريب مالك منها يتحسس يدها البارده : يمه معاذ بيكون مرافق لها انتي ارتاحي في البيت
ضي : لا ابغى تكون بنتي بعيوني
مترف : يابنت الحلال خلينا نرجع معاذ بيجلس عندها لاتتعبين روحك
سدين : يمه ترا والله لا ازعل
ضي : توعديني اذا صار شي ترسلين لي ؟
سدين : وعد
خرجو وبقى معاذ وعساف وسدين
معاذ بطقطقه : يلا قومي عن السرير بنام انتي نامي على الكنب
سدين بصدمه : ها ؟
ضحك عساف : وش الي ها يطقطق عليك
اتصل جواله يقاطع كلامه : صبر ذا ابوي
سدين : سلم لي على عمي
عساف " هلا وعليكم السلام " عوض " ياولد اتعبت الناس ارجع لمكه ابكي تروح لدوله تعقد اتفاق معهم " عساف " طيب خلها بعد يومين الحين سدين تعبانه وابي اتطمن عليها " عوض " سدين ؟ وش فيها زوجتك " ناظر عساف للجوال بصدمه " يبه ترا هي موب ببالي وذا احد في بالي ياليت تقفل السالفه " سدين : من الي موب ببالك عساف ؟
عساف : صبر سدين
عوض " متاكد ؟ " عساف " يبه تكفى ترا مستحيل ومن رابع المستحيلات حتى لو هي موافقه " عوض " عمرك بيصير 24 وانا مافرحت فيك " ابتسم " دخلت امس 24 يبه لاتفكر تكفى موب الحين " قفل عوض بوجهه عساف
معاذ : شفيك ؟
عساف : بيزوجني بدري
معاذ : الله يعين بس مين الي يبيها لك ابوك ؟
عساف : وحده من عيال عمي
ادم ~
سمع طق الياب ، ريهام : تعال تعش
ادم : مالي نفس بس
ريهام بحزن : لمتى بتجلس كذا يايمه
صر على اسنانه : يامي خلاص يرحم امكم لاتجون لو حتى امو*ت جوع هنا اتركونييي بحالي
ريهام : بتزعلني منك يا ادم
اختفى صوت امه ناظر لسقف الغرفه الابيض غطى عيونه بكف يده يمنع دموعه من النزول : ما لاعك الي لاعني يا سعود ولا جرى لك ماتهيا لي ..
كلامها وعتابها كان جارح له وكسره الف كسره بكم كلمه صغيره من فمها قسم بالله ندم ندم على كل حركه بايخه سواها معها الله يلعن الشيطان ..
نزلت دموعه الحارقه على وجنته والله يحبها ويعشقها ويهواها هي اصلا يعتبرها قلب له لا لا موب قلب هي روح اي روح القلب بدون الروح ولا شي ..
اغمض عيونه يحاول ينام وينسى لكن كيف بينسى وهو اصلا بيرجع يتذكر اليوم الثاني ..
-
نجود ~
جلست على الكرسي : اخ ياربي ياورعان اهجدو جالسين تعورون امكم !
ارسلت لمالك " تعال البيت بسرعه احس بالم "
سمعت صوت الباب : على رسالتك انا وصلت وش بلاك !
وقف جنبها، نجود : مادري بس ابي اروح المستشفى يامالك احس بشي موب طبيعي وانا بـ7 شهر !
لبسها عباتها وبقدر المستطاع يحاول يساندها
مالك : بكذا ما بتفلحين
نزل شوي وشالها رجع لها مرتبه السياره مخليها ترتاح فيها
نجود : ودني لاهلي بنام عندهم من اليوم لين اولد
شبك يدها بيده : ابشري ياعيونه
قبل كف يدها ~ وصل اخيرا للبيت ومن هناك شاف غياث طالع برا : افتح الباب نجود بتنام عندكم لين تولد
اكل البسكوت الي بيده : يلا يلا
فتح لهم الباب : مالك هنا هبه ادخلي داخل
ريهام : حي الله مالك ونجود تفضلو
——————
ادم : يبه بقدم على العسكريه
احمد جلس زين : افضل خبر سمعته
ادم : بس بسافر لسنتين وبعدها ارجع
ريهام : تمنعنا من شوفتك سنتين عشان وظيفه !
ادم : يمه تكفين
تنهدت باسى : موافقه
نجود : وش حادك عليها
ادم : بتوظف طفشت من الي انا فيه
مالك ببرود : الله يوفقك
ابتسم له : وياك
——————
بعد مرور ثلاث اشهر الساعه 5:38 الفجر
: يـ ـمه بـ ـولددد !!!
تحرك مالك يمين ويسار ينتظر الدكاتره يدخلونها العمليات
الدكتوره : مضطرين نسوي لها عمليه قيصريه
اتسعت عيونه : بس تعورها !
الدكتوره : كذا بتروح منك اذا ماسوينها موافق ؟
عض شفته وهو يهز راسه بـ اي اخذ نفس وهم يقربون سرير نجود الي تصارع مع نفسها
مسكت يده : تكفى اذا ماطلعت انتبه لهم انت ابوهم ..
بخوف : وش تقولين انتي استغفري ربك
نزلت دمعتها : مالك احس بقابل ربي تكفى انتبه لهم اذا رحت تزوج هبه تهتم بعيالي
ريهام : يايمه لاتقولين كذا !
سحبو سريرها وتركت يده المشبوكه بيده
سجد يدعي لربه يخرج زوجته من الغرفه على خير ولا يصيبها شي الا ماكتبه الله لها ..
صر على اسنانه ينتظر وينتظر وينتظر على احر من الجمر بلع ريقه من شاف الدكتوره تخرج وقف بسرعه متجه لها : و و وش صار ؟
تنهدت بحزن : بخيرك بس اتمنى تفكر مليون مره بزوجتك وعيالك الاثنين
بلع ريقه من كلامها : اخلصي وش فيه !
اغمض عيونه نازله دمعته من سمع كلامها ..
——————
مسك اطفاله بيديه الاثنين حاضنهم لصدرهم نزلت دموعه خيروه في امهم .. ومن كلامها وافق .. وافق للاسف واختارهم ومثل كلامها سماهم مترف واحمد كـ كان جسدها الضعيف مايتحمل وخيروه يمو*تون الطفلين ولا امهم ، كانت صادقه والحين قابلت ربها ..
اغمض عيونه جنبه عمه يبكي على بنته وريهام الي اغمى عليها من الصدمه وعندها عيالها
يالله ادخلها الجنه واغفر لها ..
وهناك من مايعرف لانه وقتها في دورته العسكريه الي مرت عليها 3 شهور وهو بعيد عن اهله وحبيبته ودياره
انفتح الباب بسرعه : و وين نجود !
ناظر في اختها المبهذله اقتربت منهم خطوه ورا خطوه وهي تناظر لطفلين الي بيده : مـ مالك وين نجود !
صمت والي لقته بكائهم وبكاء احمد ابوها الي ولا مره شافت دموعه هبه ببكى : ياخي تكلمو تكلموو ! وين نجود
اقتربت الممرضه منهم بحزن : ابغى الطفلين احطهم بحضانتهم
اخذتهم من حضن مالك ابوهم تتحرك من قدامه لكن وقفت والتفتت تتكلم بحزن : بتغسلونها ولا احنا ؟
تكلم مالك ودموعه موب راضيه توقف عن نزولها : انا ..
هبه بضحكه ساخره : وش الي تغسلونها من تقصد ذي ؟!
وقف احمد يحضن بنته : اختك راحت عند ربها وقت ولادتها
تجمد الد*م في عروقها وهي تسمع كلام ابوها الصادم
ناظرت في عيونه وارتجفت شفايفها : تكـ ـذبـ ـون علي صـ ـح ؟
يوم السبت الساعه 10:30
حضن جسدها وبدا يبكي زي الطفل وفوقه اهله واهلها : من بيواسيني تالي اليالي يا نجد مالك ياعيون مالك يا روحه ياقلبه يا شريانه تركتيني وحدي ومعي عيالي يا نجد من بيساعدني ويعطيني الحلول من بيعطيني الامان اذا انتي بقربي ؟
طبطب غسان على كتف مالك : لازم ننزلها للقبر ياخوي
بكى مالك وهو حاضن جسدها : اصبرو تكفون باقي ماخلصنا كلام انا وهي ياليت يومي قبل يومها ..
نزلوها لقبرها والي نزلها مالك صلو عليها صلاه الميت
-
الساعه 8:37 بالليل
سجد لربه يدعي لحبيبه قلبه والي كانت ام عياله
اي والله ابكي ليتني ما فقدتك
واي والله انه ما جبر خاطري شي
.
كل ما سجدت لوجه ربي ذكرتك
ي الميت اللي باقي في داخلي حي
-
سمع طرق الباب قام عن سريره فاتح الباب ولقى بوجهه ضي امه
: لازم تاكل ياعيون امك
مالك : كيف تبيني اكل بدونها ؟
ضي بحزن ودمعتها في طرف عينها : قابل عيالك لاتحرمهم من شوفه ابوهم
وللحظه تذكرهم اتجه لتحت متجاهل كل الحريم الي يعزون ماخذ ورعانه من هبه وسدين حاضنهم لصدره بدا يبكي ويبكي ويبكي يبكي زي الطفل الي يبي امه قبل راس اطفاله متجاهل جميع الموجودين راجع ادراجه للغرفه وبيده الطفلين الي سماهم احمد ومترف : لـ ـو قلت ابي امكم بتزعل مني هي ترا تحبكم كانت متلهفه تشوفكم الاثنين بس للاسف ربي اخذها منا ولعلها خيره .. لـ ـعلـها خيره ..!
مر اسبوع كامل وهم بذا الحزن واسوا حالتهم حاله مالك الي بدا يهوجس ويتكلم وكانها موجوده مر اسبوع والاطفال يتنقلون من بيت مترف ومن بيت احمد كل يوم عند واحد منهم ،
-
ناظر لنجود الي لابسه الثوب الابيض : انتبه لعيالي ولا بزعل منك تزوج هبه هي الي بتكون ام طيبه لهم ..
حاول يتكلم لكنه ماقدر ماقدر !! يبي يقول لها مشتاق لك ياحرم مالك لكن وكان لسانه مربوط : مالك تذكر عيالي عياالي بعيونك
فتح عيونه بسرعه تمنى انه يكمل حلمه حتى لو انه حلم ! يبي يشوفها ..
جلس بالمجلس وبيده السبحه مايعرف يتكلم مع عمه ويقوله عن وصيه زوجته مايبي يقول بس ذي وصيه ملزم ينفذها
احمد بحزن : مالك عندك شي قوله
اخذ نفس حزين وتعبان : بقولك وصيه نجود وبكون كذا بريت ذمتي والقرار لك
احمد فز : قل يامالك قل
تنهد ماخذ نفس وهو يناظر في اصيل : نجود طلبت اتزوج هبه في المنام وقبل تدخل غرفه العمليات
تنهد احمد بحزن : سمعتها ريهام وقالت لي
اصيل بسرعه : بس ياعم انت وعدتني وقلت اذا كبرت بالعمر شوي بتتزوجها !
احمد : ياصيل ذي وصيه وبالنهايه بكلم هبه اذا هي موافقه
صر على اسنانه خارج من المجلس ، دعا مالك في داخله ان هبه ماتوافق قام غسان بوجه شاحب متجه لداخل
: هبه
جت له وبيدها ولد مالك : بكلمك وانتي قولي موافقه ولا لا
تنهدت بحزن : قل ياخوي
صر على اسنانه : نجود اعطت مالك وصيه انه يتزوجك وتهتمين في ورعانه
صدت عنه وتكلمت : موب موافقه
غسان بحزن : بس ذي وصيه اختك
ببكى التفتت له : غسان موب موافقه عيال اختي بعيوني خله يجيبهم عندي في كل وقت
ابتسم لها بحزن : تمام
اتجهه للمجلس يكلمهم عن كلامها تنهد مالك براحه لكن اي راحه يحصلها بوقته ذا ؟ وقته ذا ؟؟ وكانها دقايق بتمر ذي تمر عنده سنين ما بينسى وليفه قلبه دقات قلبه قلبه نفسه ..
-
مترف & ضي
ببكى : وش اسوي مع هالولد !..
بحزن : لاتبكين ترا ماينلام ذي حب طفولته ياضي
نزلت دموعها اكثر : اخخ انا مادري اساند ولدي ولا اساند ريهام في مصيبتها
مترف : روحي لاختك انا بهون على مالك
هزت راسها بايجاب متجهه لمعاذ تخليه يوديها لبيت احمد
-
بعد مرور 9 اشهر على وفاتها وموج جابت طفله وتخرجت موج من الجامعه ودخلت سدين اول ثانوي وامجاد وامجد وغياث في اخر سنه جامعه ومعاذ في ثالث سنه وادم باقي بدورته العسكريه ~
سدين
ابتسمت لعيال مالك الي يتضاربون شادين شعر بعض تذكرت هي ومعاذ كيف يتهاوشون وبنت موج الي سمتها روح
روح غسان احمد آل عبدالله
سدين بصراخ من مترف واحمد : خلاص عيب انت وياه يبه وين مالك ؟
: يجيب اشياء لورعانه
ابتسمت : طيب وادم ؟
باستغراب : وش دخلك فيه ؟
ضحكت : يووو بس اسال ماتحسين يايمه طال شعري بوريك صورتي قبل سنه وبعدها
لفت بين الصور واخيرا طلعتها لفتها لابوها وامها : اي والله مررره تغيرتي سدين
مترف : ابك انتم صادقين ذي سدين بنتي ؟!
تاففت : اي طيب قولو الحين افضل ولا قبل ؟
ضي : افضل من قبل بمليون مره
بصدمه : يعني قبل موب زينه !
ضي : لا كنتي طالعه على ابوك ووقت كبرتي طلعتي علي
تصدح صوت ضحك سدين تحت نظرات مترف المصدومه والاطفال الثلاث الي يناظرون باستغراب دخلت موج ومعها الرضاعه : بياخذني غسان للبيت بعد شوي
مترف : الله يستر عليكم
موج : يلا حبيبي روح موج تعالي
سدين : ليه احس غسان الي سماها كذا عشان يقولون روح غسان
ضحكت موج : لا انا مسميتها انا كنت حابه الاسم ذا وبقوه
دخل معاذ : غسان بيدخل سدين ادخلي داخل
دخلت سدين متاففه خي المفروض ينتظر برا يخرجوني عشانه !
دخلت غرفتها من بعد زواج موج اخذت امجاد غرفه موج لها وصارو كل منهم يرتاحون بغرفه
اخذت الكتاب وبدات تذاكر للاختبار بكره وتدعي بان ربي يسهلها عليها اخذت القلم الاسود وبدات ترسم على كتابها تلهي نفسها عن المذاكره ماتحس بنفسها انها رسمت قلب وبداخله حرف A يووو موب وقتي لازم اذاكر ماتنكر انها مشتاقه له اكثر من اهله نفسهم تحبه وش تسوي عاد يعني تنهدت بياس : قلبي كل مايحل طاريه
يفز له تسعين فزه ..!
اخذت نفس تحاول بقدر المستطاع تخليه فكرها في الدراسه نسبتها في الترم الاول خايسه لازم تعدلها ! جابت 90٪ وهاوشتها امها وفي ذي ماتلوم امها 90!!! لازم تجتهد مثل ماهو يجتهد ..
-
براء & مجد
مجد : يابراء لاتروح احس موب متطمنه
براء : لازم اقاتل عشان الوطن انتبهي لطفلي
قبل معدتها وكمل يلبس عدته بلعت ريقها : تكفى ارجع
براء ابتسم : باذن الله
قبل جبينها وخرج من امامها وقفته بكلمتها : اوعدني ترجع
التفت وكانها اخر نظره يناظر فيها : اوعدك وخبري امي وخواتي وروحي لهم اجلسي عندهم على بال ماجيتس
ابتسمت له : ابشر بس يويلك ماترجع
طلع من امامها وانهمرت دموعها على خدها يارب ابعدني عن هالتفكير اكيد من الحمل
اصيل ~
: مرت سنه وثلاث اشهر ووعد مالها خبر ابي اساعدها احس بذنب
نايف : ليه مانروح عند مكانهم ؟
تنهد : لو اقدر كان جبتها من زمان بس وعد مالها خبر وغيرو المكان
نايف : الـ*** وش ذنبها
غيث : انا الي وش ذنبي الى متى بتخبى !!
اصيل : لو تعرف وش الي بقوله لك خايف تنجلط اكثر
نايف ببرود : موج جابت طفله
اتسعت عيون غيث وهو يناظر في اخوه تقدم وهو يمسك ياقته : كله منك !!! الحين بروح لرياض واتكلم بكل شي !
اصيل بعصبيه : بتجيب لابوي جلطه انت !
غيث بحزن : نواف صار عمره ثلاث سنوات اختي عروب خلصت جامعه حبيبتي والي تمنيتها زوجه زيفتو مو*تي لهم لاحبابي اصيل حس فيني خلك في مكاني وتخيل موج هبه انا بروح !
اصيل : لاتروح انتظر عرسي واحظر
بسخريه : عرسك ؟؟ الي تبيها رفضت زوّج اختها ماتبيها ترفضك ؟
اصيل : بس الحين هي موظفه عندي وفوقها صار عمرها 26 وانا بدخل 31 بتقدم لها ومثل ماقلت قبل سنه والله انها لي و مابتكون لغيري وانا رجال عند كلمتي !
غيث : بس تغير الحال
-
: سدين سدين قومي يلا تجهزي لدوامك
فتحت عيونها وهي تناظر لوجهه امها : الساعه كم ؟
: 5:39
وقفت بسرعه تناظر في امها ناظرت للمكتب كانت تذاكر وغفت بالغلط اخذت مريولها الكحلي
ضي : خذي جكيتك دخل البرد
قبلت خد امها ثم خرجت تاركه سدين تلبس براحتها من حظي مدرستي جنب مدرسه المتوسط القديمه وباقي 8 اشهر على رجوع ادم ووقتها اصير ثاني ثانوي قريب ادخل 17 وش صار عليه اليوم بيدخل 22 كبرنا واحنا بعيدين عن بعض ..!
ناظرت لانعكاسها بالمرايه ابتسمت لتغير شكلها وصارت اجمل واجمل وشعرها الاسود طال اكثر تمسك اطراف شعرها : بقصه اول مارجع
جمعت كتبها ونزلت تحت عند امها تفطر هي وامجاد وامجد ومعاذ
امجد : انا بودي امجاد الجامعه معاذ يودي سدين لثانوي
سدين : بس معاذ ماينزلني البقاله
مترف : بسحب منك مفتاح السياره اذا مانزلتها
معاذ : ابشر الا السياره
ضحكت سدين بسخريه مخليه اخوها يفور منقهر منها كملو فطورهم وقامو اولهم سدين ومعاذ
: يلا البقاله
تنهد : بوديك البقاله القريبه من المدرسه
سدين : يلا معليه اهم شي بقاله
وقف السياره ونزلو الاثنين للبقاله اخذت فسحتها وكذلك معاذ
دخلت المدرسه وكالعاده ذي الوكيله تهاوشها يليل ذولي الوكيلات استقعدو لي متوسط وثانوي ! ماهتمت لها وكملت مشي لكن وقفت وتكلمت : علي اختبار ما بتاخر عشان محاظراتك وفريها لنهايه الدوام
ابتسمت بانتصار من كلامها داخله لداخل المدرسه ناظرت لحوسه البنات توترت معهم وقفت جنب صديقتها وبدا طابور المدرسه ورددو البنات النشيد الوطني
صديقه سدين : يابوي شوفي بلوزتها و التنوره احمر على ازرق ! ليه سنكولا ؟
ضحكت سدين على ذبه خويتها الي بدات تقرصها لان جذبت الانظار بضحكها والمديره الكريهه تناظر فيهم بلعت ريقها من شافت المديره تتقدم لهم : وش عندك انتي وياها !
سدين : اسفه استاذه
رجعت ادراجها مخليه البنات يعيدون النشيد الوطني واخيرا بعد ثلاث مرات خلتهم يطلعون فصولهم
ومن سو حظهم كانت اول حصه عليهم رياضيات
سدين : ياخي اليوم مررره موب حلو وش ذا
: اسكتي انظارها علينا
-
وقت الاختبار ~
ناظرت سدين في خويتها تحاول تصيد الاجوبه ارتجفت بخوف من شافت الاستاذه تناظر فيها سوت نفسها تحل وتحسب
انتهى اليوم الدراسي بغش سدين من صديقتها الدافوره جلست على الرصيف تناظر لساعتها بيدها الله ياخذك يامعاذ استغفر الله ماتلقى تتاخر الا الحين وش ذا الحر حتى المتوسط قفلو المدرسه و الوكيله طردتها عشانها راحت البقاله ورجعت للمدرسه ! يليل صدق ناظرت لبيت عمها قفلت عيونها شوي من الشمس وهي تشوف السياره الغريبه امام بيتهم نزل منها شخص لابس لبس العسكر عدل الكاب حقه وهي يناظر في الارجاء طاحت عيونه في عيونها ابتسم لها ثم دخل بيت عمه اتسعت عيونها وهي واقفه تناظر في ظهره ! ذا الي تحبه ..! ادم رجع بلعت ريقها كانت بتمشي لكن وقفتها السياره المسرعه رجعت على ورا بسرعه قبل تندعس : زق عليك ماتشوف انت ! ماتعرف تسوق !!
التفت لصراخها يناظر فيها هالصوت موب غريب عليه
تكلم السائق : ياشيخه ! جايه تقطعين بدون ماتشوفين على يسارك !
بعصبيه : كل تبن وتحرك
صر على اسنانه بغضب : انا اكل تبن !!!
بصراخ وعصبيتها زادت : اي اكل تبنين بعد !
اقترب منهم العسكري : خير خير ازعجتونا بصراخكم
التفتت بسرعه له وبلهفه لكن خاب ظنها فيه للمره الثانيه لانه ماعرفها ، السائق : والله ذي الي ماتشوف وجايه تحط التهايم على الناس
ادم : خلاص اعذرها ياخوي بزره ويمكن بالمتوسط بعد
تحركت السياره وتكلم معها ادم : وين اهلك ؟
نزلت راسها عشان مايشوف عيونها ويعرفها من قريب بالنقاب : خلاص سويت الي عليك رح الله يستر عليك
وقفت سياره قريبه منهم
اقتربت لسياره : معاذ ليه تاخرت !
اتسعت عيون ادم ذ ذي سدين ! كيف ماعرفها !!
ناظر معاذ لشخص الواقف نزل بسرعه له : ادم وحشتنا
حضنه معاذ باشتياق : غريبه جيت بدري ؟
ابتسم له : بدري ؟ سنه واربع شهور وتقول بدري ؟
معاذ : الا بس اقصد باقي لك 8 شهور ؟
ادم : موب سنتين هي سنه واربع شهور
التفت عيون ادم بعيون سدين الي تناظره من داخل السياره : يلا الحين بروح اسلم على الاهل تراكم معزومين الليله عندنا
معاذ : باذن الله على خير
تحرك ادم ومعاذ اتجه لسياره : وش كان يسوي عندك ؟
سدين : تهاوشت مع واحد كان بيصدمني وهو جاء وتكلم معه
معاذ ضحك : وانتي كل شخص تتهاوشين معه ؟
سدين : يعني ترضى امو*ت ؟؟؟؟
معاذ : اي عادي
: كل تبن
وصلو للبيت ودخل معاذ بسرعه يبشرهم بوصول ادم من الدوره العسكريه
امجاد : وصل حبيب القلب ها ياسدين
سدين ضحكت : اص وابشرك عزمونا الليله وش اللبس فستان ؟
طلعت لها ثنين احمر وقصير بشوي وفتحه مع صدرها وظهرها من ورا مره باين بس بيغطيه شعرها الطويل الاسود وخرجت الفستان الثاني البنفسج قصير بزياده وناعم
امجاد بتفكير : خذي الاحمر وعليه كعب اسود قصير بشوي لاهو طويل ولا قصير
سدين : ذوقك حلو بس احس المناسبه موب كبيره
امجاد غمزت لها : بس المناسبه بقلبك كبيره
سدين : على اساس بيشوفني اهله بيشوفني
امجاد : لاتنسين بيجمعونا بمجلس واحد
سدين : بس متسترات الحمدلله وعروب يا امجاد بتجي وقتها وهي ماتلبس نقاب
امجاد : لا عروب مابتجي اصلا هي في جده
سدين : اجلس تعالي فيري لي شعري
جلست على الكرسي معطيه ظهرها لامجاد تفير شعرها لها
: بسالك امجاد ماببالك احد ؟
امجاد : اكره طاريه
ابتسمت لها سدين : لهدرجه تكرهين طاري الحب ؟
امجاد : اي وباذن الله مادخله لانه شي يتعب والله
انتهت امجاد من شعر سدين اتجهت سدين لغرفتها تلبس وتجهز نفسها من بدري
بعد نصف ساعه سمعت صوت ابوها الي ينادي مستعد يروح لبيت احمد
امجاد نزلت وهي لابسه عباتها ومن سو حظها ابوها شاف فستانها القصير : ذا لبسك ؟
انخرشت وهي تهز راسها : اي عادي بجلس مع البنات
مترف : تمام خلي سدين تنزل
نزلو جميعا متكشخين وصلو لبيت لحمد وقابلتهم سياره مالك الواصل قبلهم
ريهام : حي الله من جانا
دخلتهم لداخل المجلس وللاسف في اختلاط زي عادتهم جلست سدين جنب امجاد و انظارها على ادم الي يسولف مع غياث
احمد : والحين كبرت وصار عندك وظيفه يا ادم لازم ازوجك
ارتعد قلب سدين
احمد : اختار وحده من بنات عمك ولا خالاتك وانا بخطبها لك
ابتسم لابوه : بخلي امي الي تختار لي وانت كلم ابوها
اتسعت عيون سدين وهي تناظر في امجاد الي بادلتها النظرات اغمضت عيونها من نظره سدين المغبونه كـ كان يوعدها ! يوعدها بالزواج !! كان صادق عساف بكلامه الرجال لو بغى الي يحبها ماجاها بالبرامج يجيها من الباب صرت على اسنانها بغضب
ريهام : اي بنت خالك مشاعل حلوه له وتناسب عمره
الى متى بيخيب ظنها ..! تبادلت النظرات مع امجاد وناظرت في ادم المبتسم ولا ناظر فيها
مترف : بس مشاعل يا ريهام لولدي معاذ
ابتسم معاذ لكلام ابوه : معليش بس ذي لي !
ادم : خلاص يمه نتناقش بالزواج بعدين
سدين التفتت لهبه الي متفشله من اخوها كانت تعرف ان بينهم هو وسدين كلام ووعود ، سدين : ايش رايك نروح لداخل هنا احس بكتمه
هزت راسها بموافقه وتحركو البنات جميعا لداخل نزلت سدين عباتها اولهم ، هبه : خل اجيب لكم قهوه
انصرفت عنهم ، امجاد : عشان كذا قلت لك اكرهه الزواج
موج : معليه ياعيوني تتخطين مابيلقى احسن منك
سدين بكذب : بناات ترا ما تاثرت عادي شرايكم بالفستان ؟
امجاد : ماتوقعته والله حلو لهدرجه يابنت !
موج : زود حلاوتك طلعك افضل بكثير مبين خصرك
سدين : الله يجبر بخاطركم
سوت شعرها زين ، هبه : بنات جهزت لنا جلسه ورا البيت
موج : بس روح وين احطها ؟
هبه : عند ابوها
اخذت موج بنتها متجهه للمجلس اعطت غسان بنتها : انتبه لها
-
هبه : ايش تبون فيلم ؟
امجاد : عندي فيلم يجننن هاتي
اخذت منها الابتوب وبدات تقلب بالبرنامج شوي لين اخيرا حصلته ولفته عليهم : ذا هو
شغلته
استغلت انهم اندمجو تحركت من جلستهم الى للمطبخ على قوله اخته كان يزهب القهوه دخلت من الباب الخلفي والي قابلته كان ظهره وواقف عند الفرن ينتظر القهوه تجهز اخذت نفس نطقت اسمه : ادم ..!
التفت لها : هلا ؟
اغمضت عيونها عاضه شفتها بقهر : ليه تعاملني كذا ؟!
ناظرها من اخمص رجولها لعيونها فستانها كان يجذبه وبقوه : اعاملك ؟ ليه كيف تبيني اعاملك ؟
صرت على اسنانها : ادم انا سدين موب اي شخص !
ببرود : اي اعرف انك سدين سالتك يا سدين كيف تبيني اعاملك ؟
اقتربت بعصبيه ماسكه مقدمه لبسه : انا سدين الي تحبها موب اي شخص !
افعالها الغبيه الي تسويها الحين بتخليه يسوي معها شي ما يرضيها ولا يرضيه ، سدين : وين مواعداتك لي بالزواج ؟ ليه تكذب علي ! لقيت غيري ؟! لقيت غيري وقت سفرتك الي كنت اشتاق لك فيها كل ثانيه ودقيقه وساعه ويوم واسبوع وشهر ؟! ليه تكذب علي ..! ليتني صدقت عساف ولا صدقتك
عض شفته وهو يناظر في وجهها الجميل : بس انا بخطب وذاك حب مراهقه انسـ
سكته بقبله منها اول مره تبادر فيها صدمته وبقوه ..! نزلت دمعتها مبعده شفتها عن شفته : بس انا احبك ..!
حاوط خصرها مقربها له اكثر قبلها قبله قطعت نفسها ضربت صدره مخليته يبعد : وانا احبك اكثر .. وش قصدس تلبسين احمر لهدرجه تبين تغريني ؟ البسي عباتس لايشوفنتس ترا اغار عليتس
ضربت صدره بخجل : اص
ضحك : ابشري بسكت يلا روحي لا يشوفنا
بفضول : طيب بسالك
ابتسم : اسالي جعل مايسالني غيرك
استحت لكن فضولها فاز : تبي تخطب غيري ؟
: اعقب بس الكلام الي دار بيني وبين امي ابوي جالسين نكذب انا متفق معهم
توردت خدي سدين بالاحمر : يـ يعني يعرفون عنا ؟
ابتسم لها : اي
نبض قلب سدين بخوف من سمعت صوت غياث يقترب من المطبخ : بسرعه بسرعه تخبي
مامداها لان ذا هو غياث يدخل عليهم وقف ادم قدام سدين يغطيها ، غياث بصدمه : ابك وش تسوون انت وياها !
ادم ابتسم : مالك دخل المهم خلاص الحين اجيب القهوه وبعدين انت ماتطق الباب تشوفني جالس مع زوجتي المستقبليه
تالم ادم من قرصه سدين ، غياث بسخريه : زوجتك ؟ ابك ذي موب محرم لك !
ادم : خلاص تقلع
طلع والتفت ادم لسدين المتوتره : شفيتس ؟
سدين : خايفه يقول لاخوي
ادم : معليك روحي يلا عند البنات
طلعت سدين من باب المطبخ والتفت ادم بابتسامه متسعه للقهوه ياخذها وقف من سمع كلامها
: بس ادم …
