رواية تكون لي قلب اكون لك دقاته الفصل الثامن عشر 18 بقلم مجهولة
رواية تكون لي قلب اكون لك دقاته pdf الفصل الثامن عشر 18 هى رواية من اجمل الروايات الرومانسية السعودية رواية تكون لي قلب اكون لك دقاته pdf الفصل الثامن عشر 18 صدر لاول مرة على موقع التواصل الاجتماعى فيسبوك رواية تكون لي قلب اكون لك دقاته الفصل الثامن عشر 18 حقق تفاعل كبيرعلى الفيسبوك لذلك سنعرض لكم رواية تكون لي قلب اكون لك دقاته الفصل الثامن عشر 18
رواية تكون لي قلب اكون لك دقاته الفصل الثامن عشر 18 بقلم مجهولة
عند البنات ~
هبه : جبت السماعه
طلعت امجاد لبس المصري : وانا جبتهم بعد جبت اربع
هبه : ببدا انا
امجاد : ترا معها صدريه بس موب هنا خليها في بيتنا تجينا بكره ووقتها عروب موجوده
سدين : امجاد منجدك ؟ احنا نلبسها بدون احد يعرف وتبين تفضحينا
موج : يويلكم من امي لو تشوفه
امجاد : عادي محد شايفنا
هبه بحماس : اجل امشو لغرفتي
سدين : والله مالبس
هبه : كلنا نلبس عشان نتعادل
امجاد : يليل ترا كلنا بنات
سدين : بنااات منجدكم ترا صدريه
اشرت لها امجاد على الي بتلبسه على خصرها : طيب ذا طويل
سدين : اذا لبستو البس
قامو كلهم لابسين نقاباتهم متجهين لغرفه هبه
سدين : مين منكم بتلبس اول ؟
امجاد : هبه هي جابت الفكره
دخلت هبه لداخل ومعها عباتها ، مرت 5 دقايق وطلعت لهم هبه بعباتها : بنات استحي افضخ العبايه والله لو امي تشوفني تقول ذولي اكيد وراهم بلا ولا ليه لابسين كذا
ضحكت امجاد : وريني اخلصي
هبه : احس خلاص برجع البس
امجاد : وريينييي
فكت ازرار عباتها وهي توريهم البس
سدين بحماس : الله علييييك حلوووو
استحت موج من البس الي على هبه ومن خواتها: بنات شفيكم كذا جريئات
هبه : يلا قومو البسو موج ترا بتلبسين
قفلت الباب بالمفتاح ودخلت امجاد تلبس
-
هبه وامجاد : قومي البسي ياموج كلنا لبسنا الا انتي
موج : لا مستحيل
كانت رافضه رفض تام ، شغلت هبه اغنيه مصريه حركت خصرها مع تناغم الاغنيه رفعت شعرها تحركه يمين ويسار
سدين : والله وطلعتي تعرفين ترقصين ياهبه
هبه : تعلمت انا وموج وقت هي وغسان جالسين عندنا
امجاد : والله خيانه
سدين : تعبببت خل انزل
-
انتهت هالسهره على خير ، امجاد : بكره تعالي بس ماراح نلبس كذا نلبس بس حق الخصر وبس
هبه : تم
موج : ماقدر اجي بكره
سدين : يليللل موج وليه ماتقدرين ؟
موج : بنطلع انا وغسان بكره
يوم الاربعاء الساعه 4:38 مساء
" قروب العائله " والي فيه عيال العم وبنات العم الي يكونو ام غسان وابو غسان وام مالك وابو مالك وعيالهم
احمد " ليه مانطلع للعزبه نرجع ايام زمان " مترف " والله فكره " احمد " بناخذ معنا ابو اصيل يتونس معنا ويشوف عزبه ابوي الله يرحمه " مترف " خلاص كلمه انت انا علي الذبيـ*حه " احمد" لا انا جبت طاري العزبه انا بذ*بح " مترف " سهله دامنا كثيرين خل ثنتين " ريهام " ليه الخساير " مترف " مابه خساير عيالنا كثيرين واخوي عوض بيجي معنا " سدين بسرعه " عمييي عوض ! اخيرا مابغى والله له 9 اشهر ماجا" احمد " اي خلاص عوض موب لازم يحسب علينا " ادم " يعني لازم عمي ؟!"
قفلو جوالتهم بسبب هوشه ادم وسدين على عساف
امجاد : غيدوه تكفين اقنعي امجد موب معقوله ابغى اشتري اغراض لبكره
غيد : حتى انا بشتري بروح اكلمه واعتبريه موافق من الحين
موج : لا تكلموه ولا شي خذي سيارتي
امجاد بحماس : والله ؟؟؟
موج : اي بس عبي بانزين
طغى حماسها : قولي من اول
موج : روحي بس وجيبي لي تشوكلت انا وبنتي
ركبت السياره امجاد وجنبها غيد المتحمسه نفسها
الغيد : تعرفين تسوقين ؟
امجاد : افا عليك
الغيد : والله من افا عليك ماعرفت الا عندك الخراط
امجاد : اسكتي لو سمحتي خل اسوق
شغلت السياره حطتها على D ومشت فيها
امجاد بحماس : شفتييي اعرررف
الغيد بخوف : انتبهي لقدامك ولا تسرعين
لقمت مطبين ، غيد : اخخخخ راسيييي الله يقلعك مرتين ضربت القزازه
التفتت لها امجاد : اربطي حزام الامان وانتي ساكته
غيد : السياااره لاتصدميها !!
ناظرت قدامها امجاد بخرشه من حست انها صدمت شي : يااااربي وش اسوي كله منـــك !! يوييلللي الحين سياره موج غاليه والله لتقتىىىلني بدل ذبيىىىحه بكره
غيد صرخت عليها : سدي حلقك وانزلي
امجاد بخوف : انزلي معي
غيد : لا رجلي تعورني
امجاد : الحين رجلك تعورك ها !
نزلت وبلعت ريقها من شافت الشخص الي ينزل لاعب كمال بغت تدوخ وهو يناظر لسيارته بلعت ريقها : اءءء اسفه ياخوي والله ماقصد
بعصبيه : وش الي ماقصد وش اسوي فيها ذي !
بخوف : ياخي لاترفع صوتك كل واحد يروح من طريق
بعصبيه زايده : لا ياشيخه ؟؟ عليك الخطا وتقولين كل واحد يروح من طريق ؟؟
تعمدت القوه : اوووه خلاص اجي اخلي اخوي يتفاهم معك الحين !
اتجهت لسياره موج ورجولها ترجف اخذت جوالها وهي تبحث بالارقام تتصل على مالك ؟ لا لا صاير عصبي وبزياده على امجد ؟ لا بيعصب منها لان معها غيد ولا قالت له طيب معاذ ؟ لا لا ذاك ثالث ثانوي خايفه يفرشه ذا مالي الا ولد العم !
اتصلت على غياث بخوف " السلام عليكم " غياث بفرحه " هلا امجاد وعليكم السلام " امجاد بخوف اكبر " ابي مساعدتك لاتردني " غياث " سمي وابشري " امجاد " انا صدمت بسياره موج وذا الي صدمته جالسه يصارخ علي وفوقها عنده عضلات تخوف " سمعت ضحكه الساخر عليها " غيااث موب منجدك تضحك انا خايفه هنا وانت تضحك ! " غياث ابتسم " اي طريق ؟ " اعطته الطريق ومالها الا 10 دقايق وذا هي سيارته توقف عند سياره موج
غياث : خير ياخوي ؟؟ ليه تنافخ عليها
: وانت مين ؟؟؟
ابتسم : زوجها
بسخريه : قالت تبي تنادي اخوها بس شكلها تلخبطت
غياث : لا تمون اتصل على نجم ولا يكثر
اتجه لامجاد الخايفه تعض اصابعها لو طلبت امجد افضل من الكمخه موج مسويه انا الاخت الحنونه الي اعطي اختي السياره وها ذا هي السياره معدومه من قدام
غياث : حصل خير لاتخافين
امجاد : والله تضربني موج
غياث : الخطا على مين ؟
بخوف : علي علي
غيد بمقاطعه : بس هو واقف في نص الطريق
غياث : الله و بيحطها عليكم ؟!
امجاد : انا من الخوف نسيت
غياث : طيب نجم بيجي ويشوف
امجاد بخرشه : نجم ؟ لا لا والله لو يعرفون اخواني انها وصلت لشرطه دفنوني جنب البيت
ابتسم لها : انتي في امان معي مابيقربون لك خل اتصل على امجد
اشرت امجاد على غيد : بس ذي الخوافه معي
غياث : معليه قلت لكم انتم ب امان وبعدين امجد مايمد يده على خواته
غيد : اي تشوه صوره زوجي عندك
العزبه ~
شمر ثوبه وهو يناظر في الخيل الهارب
صوتها المحبب له من وراه : اتحداك تطرحه
: معليش يا امجاد اخوي قدها
حك ذقنه وهو يناظر في الخيل ، امجاد : الحقه قبل يهرب
اتجه له يركض باسرع ماعنده يحاول يمسكه لكن بعيد عنه وبصراخ للبنات : موووب هارب اصلا ماااايقدر
ابتسم وهو يقترب مسك طوق الخيل يداريه في السرعه ويخفف من سرعه الخيل قفز على ظهره محاول التمسك فيه : ابك وقف !
ابتسم بانتصار وهو يناظر في الي يحبها مرجع الخيل لادراجه ويكلم امجاد : لاتفتحين باب بدون تعرفين ايش وراه
امجاد بتافف : وش دخلني يعني هبه البقره الي قالت افتحيه
هبه بتصنع الصدمه : انا يا امجاد انا !
دخل الخيل ورجع لهم وثوبه مليان تراب : يويلكم تعيدوها
هبه : قب لا امجاد لاتهاوشني
غياث : انتي راس البلا
هبه بعصبيه متعمده : موب عشان تحبها تحط راس اللوم على اختك !
تورد خدي امجاد باللون الاحمر ، غياث : عيب ياهبه يلا روحو خيمه البنات
اتجهو الاثنين تحت انظار غياث الي يحاول مايضحك لين يروحون : صدق انها بقره على ماقالت مجدي
تحرك للمطبخ الي فيه العيال يتاففون وهم يقطعون البصل والطماط والذبيىىحه على ثنين
غياث بصدمه : غسان تبكي !
غسان بعصبيه : سد حلقك كله من البصل
ادم : ياعيوني خلاص لاتبكي يعوضك الله
غسان عطاه نظره خلته يسكت : بدعس ذا بحلقك
اشر له على السكىىىىين مخلي ادم يسد حلقه
مالك وهو ياكل من الطماط الي يقطعه معاذ : اي والله خله يسكت ازعجنا
معاذ بعصبيه : انا الي بغرسه في بطنك ياكلىىىب من اول اقطع واقول ليه يخلص وكاني ماقطع طلع انت الي تاكل
مالك : انتظر امجد يخلص من الذبيىىىحه وابدا بعده يلا يلا كمل تقطيع
دخل احمد بعصبيه : انتم بزران ولا رجاجيل ؟؟؟ ماتعرفون تنجزون بسرعه !
معاذ : ياعم والحريم ليه مايسوون ؟
احمد : الحريم كل يوم عليهم يلا دوركم
امجد بصدمه : بس ياعم احنا بعد نساعد في البيت ونطبخ موب بسم على خواتي خلهم يسوون معنا
احمد : انجز وانت ساكت
امجد : سم طال عمرك طيب ليه اصيل جالس يتقهوى هو وعساف عندكم ؟
احمد : عساف ؟؟؟ وينه ماشوفه
مالك بسخريه : شكله مع سدين
احمد : اوريه الحين اتله مع اذنه واصيل ضيف
ادم : يبه رح اول لعساف ولا خل انا اروح له اتله من اذنه عنك
احمد : قطع ولا يكثر
تصدح صوت العيال ضحك على ادم ، احمد : كملو شغلكم !
طلع احمد مبتسم من زمان عن عزبه ابوه
—
عساف ~
: سدين روحي لخيمه بروح اساعد العيال
سدين : يلا مع السلامه
كمل مشيه عساف للمطبخ البعيد لكن وقفه لشي قريب من جمال جده احتاله الفضول وهو يقترب خطوه ورا خطوه وكان حذر في مشيه
انصدم من البنت الطايحه : ابو نوره وش جابها ذي هنا !
حركها بيده : يابنت يابنت وش تسوين هنا ؟
فتحت عيونها ببطى رجعت على الشبك خايفه منه بلع ريقه من جمالها وتعوذ من الشيطان : انت انس ولا جن ؟
بخوف : وش تبون مني ليه تلحقوني
عساف : تعوذي من الشيطان
ناظرت فيه بعد ماعرفت صوته : ابي منك امان
عساف : كلي امان انتي فامان الله وفي وجهي وشنبي
بخوف : ودني لاخوي
بتوتر : طيب شجابك لمزرعتنا ؟
ببكى : في تنين يلحقوني
: تعرفيهم ؟
هزت راسها برفض وانتبه لسياره الي تقترب رمى عليها شماغه تتغطى فيه : لو سمحت في بنت هنا ضاعت منا هي اختنا
ناظر عساف لشبك الجمال مندسه وراه : لا بس شفت وحده تركض من ذيك الجهه اتوقع اختكم
: يعطيك العافيه
مشت السياره ، بتوتر : طيب تعرفين بيتك ؟
زاد بكائها : اخوي جابني هنا وانا تحركت من مكاني
: ابك لاتبكين شكل اخوك عندنا لان مافي مزرعه غير حقتنا وشسمه ؟
بتوتر : اصيل
بعصبيه طفيفه : قومي معي
فصخ حذيانه من شاف ماعليها يعطيها : البسيهم الارض فيه شوك
تنهدت وهي تلبسهم وتحركت وراه وقفت بعيد شوي وهي تشوفه يدخل على خيمه الرجال : اصيل تعال
قام اصيل باستغراب يلحق عساف اتسعت عيونه وهو يشوف اخته مبهذله مسك ياقه عساف وبعصبيه : وش مسوي فيها !
ابعده عساف بعصبيه : اختك بغت تخطف وانت على طول حطيت التهايم فيني
عروب بخوف : اصيل تنين كانو بيخطفوني وقت كنت ضايعه قالو يعرفوك هربت منهم و انقدني عساف
اصيل بعصبيه : ابناء الذينا !!
عساف ناظر فيه : تعرفهم ؟
اصيل بعصبيه : اي ! اعداء
عساف : انتبه لاختك سلمت مره ويمكن المره الثانيه ماتسلم
اخذ اصيل بيد اخته وهو يرمي الشماغ على عساف ويعطيها شماغه وصل لخيمه البنات : يمه
-
سدين ~
ناظرت لامجد : تكفى سوها لي وبعدين بكون مستره
امجد : ابك ذي تكشف وجهك
مدت له الشماغ تبيه يسوي لها لثمه : تكفى وانا اختك
تنهد واخذها ابعدت عنها الطرحه وبان شعرها الاسود الطويل لف عليها اللثمه ناظرت سدين لنفسها بالمرايه حيث مايبان الا عيونها وبعض خصل شعرها طايحه على عيونها : يلا بروح اللعب بالدبابات
معاذ : لا موب بكيفك احنا سبقنا
ركضو الاثنين : معاااااذ ياااازق الدباب الاحمر ليييي
: اقلبي وجهتس بس
: معااذ شف الي على رجلك
انخرش وهو يوقف لكن من حسن جظ سدين اخذت الدباب وبسرعه تحاول تشغله قبل يجيها ضحكت وهي تبعد عند اقتربو امجد وغيد واخذو لهم دباب واحد
ولد مالك احمد : يبه تكفى بس فره وحده تكفى
مترف ولده : اي
مالك : لا
موج : مالك شفيك على عيالك قم لاعبهم
شالت موج روح على الدباب الموجود فيه غسان : انتبه لها
قبل راس بنته الي تضحك بحماس وتسخر من عيال مالك
قام مالك متنهد مركب عياله قدامه
وعلى جنب اصيل وعروب الي يتكلمون
عروب بعصبيه وخوف : اصيل قل لي من دولي ولا بقول لابوي !
تنهد منها : يابنت الحلال بقولك بعدين بس خل نلعب وبعدها اسالي الي تبين تم ؟
عروب تنهدت : اوكي
اصيل : خلاص انتي لاتخافين
اخذ بيدها مخليها تركب احد الدبابات وناظرت في بغباء : ماعرف اسوق
ضرب راسه من غباء اخته : طيب خلي احد البنات معك
اشرت عروب لهبه من بعيد : تعاالي
ابعد اصيل واتسعت ابتسامه هبه : تمم تممم يلا انا بسوق
غياث ضحك : ماتعرفين تسوقين لاتقلبين البنت
هبه : اقول اسكت بس
تاففت من اخوها وكل منهم اتجه لدباب والباقي جلسو يناظرون
اقترب دباب سدين بخبث من عساف وهي ترمي عليه التراب
عساف : يااابنت ثوبييي
ضحكت عليه : تسابق ياولد عوض ؟
عساف ضحك : امشي بس لايدققون العيال فيك
غمزت له : ليه تغار ؟
ادم بغيره : سدين غبرتي علينا تحركي
عساف : بعد شوي باخذه منك
سدين : والله ما تخذونه لالعب فيه لين اتعب
عساف : نشوف
ابعدت عنه سدين بعد مانتبهت انه يقرب مرت ربع ساعه وهم يلعبون ونزلو الكل الا سدين صامله تلعب
امجد : يابنت الحلال خلي العيال يلعبون
سدين بعصبيه :مير انا مالي دخل دامني بعيده عنكم سدو حلوقكم
مالك : سدين انزلي
ابعدت سدين عنهم وكل من العيال اخذو دباب الا ادم الي يناظر في سدين مبتسم لها ، معاذ : ابك انزلي
: اعقب والله مانزل وانا بنت مترف
ابعدت سدين عنهم بدبابها مخليه البنات يضحكون عليها وهواشها مع اخوانها : قلت ماراح انزل الا لين اتعب
ادم بخوف : الشجررره
ناظرت قدامها بخوف وبالقوه تفادتها ، ادم : انتبهي لقدام
امجد : الواحد يندم يسوي لها لثمه
معاذ : قلت لك ماتستاهل الله يعينك يا ادم انتظرها لين تخلص راسها يابس
ادم : خلاص انتم العبو انا بجلس انتظر
ابعدو العيال بدباباتهم يطلعون من المزرعه اقتربت سدين من ادم : وينهم البقر ذولي تركوك ؟
ادم : ترضين ماخذ دباب سدسد ؟
بتفكير : اذا الدباب لي اي
بصدمه : افا لهدرجه حبيبك يهون عليك ؟!
خجلت من كلامه : خلاص خذ
ابعدت عن الدباب متجهه للبنات ، هبه : اخوانتس رفضتي لهم لكن ادم بكم كلمه وافقتي وش قال لتس
سدين بتفكير : وش دراس يمكن بكلمه واخذت عقلي
امجاد : اف يالبجيحه تعترف
عروب : بنات شرايكم نسوق السياره ؟
موج : انا بروح انوم روحي
اخذت طفلتها متجهه للخيمه الي بينامون فيها
هبه : يليل بصفقها موج المهم بنات خل ناخذ السماعه ونروح فوق الجبل
امجاد : اجل دامه ليل ماباخذ عباتي
عروب : طيب وفكرتي ؟
سدين : خليها بكره
كل وحده اخذت شماغ اخوها تسللت هبه لداخل الخيمه تناظر لملابس العيال المكركبه فتحت شنطه اخوها غياث تدور شماغه صرت على اسنانها بغضب : اف ذا حاطهم بالسياره ! وغسان بعد وادم الزق يعرف حركاتي يليل
قفزت من مكانها بخرشه من سمعت صوت احد : تبين شماغي ؟
ناظرت لخلفها من شافت ان في احد منسدح وملتحف في بطانيه خفيفه : صد موب ساتره نفسي
بسخريه : عادي بتكوني زوجتي
شال شماغه راميه عندها : خذيه واحتفظي فيه اذا رجعنا داومنا رجعيه وقتها لي
خجلت منه مغطيه نفسه بالشماغ حقه وعطره القوي ثبت على شعرها : شكـ
ماقدرت تكمل كلمتها لانها طاحت بسبب الفرش على صدره ! صدرررره !!!! ياراسييي
صدر صوت تالمه و توردت خديها باللون الاحمر وخرت بسرعه عنه : ااءءء اسفه ..!
ابتسم وهو يعض شفته : لهدرجه تحبين صدري وحضني لك ؟
اتسعت عيونها بخجل من كلامه قايمه بسرعه لكن وقفتها يده ناظرت في عيونه بخوف لكن مالها الا ثواني وابعد عنها جلس في مكانه وهو يناظر لغبارها وخرشتها منه : اخخ متى تصيري حلالي
حك راسه وبدا يضحك عليها ويتحسس صدره مبتسم
-
عروب : دي اشبها
هبه بخوف : يلا مشينا ؟
امجاد : ماقلتي شفيك ؟
: اقولكم فوق بسرعه خل نركض قبل العيال يجون
تحركو من مكانهم متلثمين وكل وحده منهم معها عصا مكنسه
سدين : اذا جونا احد بجلدهم لكم ازهلوني
امجاد بسخريه : وهي اول وحده تهرب
هبه : بنات ترا الموضوع ماينمزح فيه هنا في قطاع طرق
عروب بحماس : الله ويخطفني واحد وبعدين يحبني
امجاد : ذي الي بتجيب لنا مصيبه تراك متاثره بروايات هنا يبيعون اعضائك مابها مزح
عروب : انا بخليه من جمالي وحلاوتي بيحبني
سدين : اي وبعدين لاتهربين اذا قابلتيهم
هبه : بنات سدو حلوقكم
وصلو للمكان المقصود اخيرا ، امجاد : يووو بعدنا شوفو كيف السيارات صغيره
سدين : خل نقول قصص اول
اخذت سدين جوالها وكتبت شي ورسلته وبعدها اندمجت مع امجاد الي تكلمت
امجاد : ببد انا في يوم من الايام ذي عائله كاشته في البر في الليل قررت وحده من بناتهم تروح لورا الجبل هي واختها يغامرون رغم رفض امهم الا انهم تسللو انتبهو ان فيه بيت شعبي قديم وامام البيت كان جمجمه !!
بانت على ملامح البنات الخوف واكملت : اختها بالبدايه رفضت تكمل بس ليباسه راس الثانيه كملت معها دخلو البيت يناظرون يمين ويسار و
: بوووو
:اعععععع
صرخو جميعهم من الشخص الي وقف خلف امجاد يخوفهم وتصدح صوت ضحك سدين وهي تضرب كفها
بكف عساف: توقعت ههههه ما بتضبط بـ ههههههه ـس وجيههم تضحك
تغطو البنات عن عساف الي تكلم : وش جابكم هنا ؟ ماتعرفون ان في قطاع طرق هنا ؟ يلا كل وحده قدامي لانادي كل وحده اخوها
تحركو جميعا الا العنيده : وادا ماتحركت ؟
بنرفزه : بخليهم يسحبونتس
جلست بعصبيه من التحكم الي في ذي العائله : ما حتحرك من هنا بنتظر اي قطاع طرق يخطفني ويحبني
بسخريه : خيالتس واجد تحركي بس يلا مابقى الا انا وانتي
صرت على اسنانها : ماحتررك افهم اف !
: اجل خليتس وحدس هنا
تحرك من امامها وابعد شوي ولا ناظر فيها سمع اسمه الي طلع من لسانها بغنج :افف عسااااف استنى !
ضحك بسخريه وهو يناظر فيها تلم اغراضها مشت قدامه متاففه تسوي حركات بيدها وتقلد كلامه وقف مكانه بخوف من سمع صوت عواء الذيب
ناظرت للخلف بخوف : عـ ـساف د ديب
اشرت له على الذيب الي يناظر فيهم بجوع
بخرشه : ديب ؟ راحت هيبه الذيب ابك انحاااشي
حاولت تركض بسرعه لكن بسبب الحجاره ووراها عساف الي يركض وخلفهم الذيب يلحقهم بعد ماشافهم وجبه عشاءه عصب من بطى عروب شالها على كتفه وبدا يركض فيها تارك حذيانه تطير خلفه ناظر لخلفه يشوف وين الذيب لكن انخرش من شافه باقي وراه صرخت عروب خوف من الذيب ناسيه انها على كتف عساف !! كانها كيس بصل او بطاطس !! انتبه مالك لهم واسرع في الدباب لهم يخوف الذيب دخل المزرعه ولحقه مالك بعد ماقفل الباب يمنعه من الدخول اتجه مالك لداخل يعلمهم بوجود ذيب يحاول يدخل برا
صرخ عساف على عروب : والحين لو تركتك هناك وش كان بيصير لك ؟؟ لو ماقالت لي سدين اجي لكم اخوفكم كان الحين انتم عشى له ولقطيعه !
ببكى : لاتصرخ علي لاتصرخ علي لا تصرخ عليي !
اتسعت عيونه منها وحتى في الظروف ذي تدلع ! ولا يمكن هي كذا ؟
مسك راسه بيده يحاول يخفف الصداع ينتظر مالك لكن انلجم من حضنها له : خـ خايفه
اغلق عيونه بهدو وش يسوي معها ذي هي وسدين نفس الطينه يحضنوه وهو يكره الاحضان الا بالحلال
بتوتر : خـ ـلاص بـ ـنـ ـادي اخوتس اءءء ابعدي عشان مايفهمون غلط
ابتعدت بوجه احمر ومن حسن حظ عساف ان على بعدها طلع مالك ومعه المسدس
شهقت عروب : المسكين ليه انتم كدا يالشباب
طلع اصيل يناظر للازعاج برا ومقابل الخيمه الي كان فيها كانت هبه ولابسه شماغه تناظر في مالك وعساف ووراها يحاولون يناظرون امجاد وسدين ابتسم وهو يناظر فيها لكن اتسعت عيونه وهو يشوف مالك معه السلاح ومقابله اختتته !!! وش مسويه الغبيه ذي
ركض بسرعه لهم وبعصبيه : ماااالك ليه تصاوب اختيي ؟!
عساف بنزفزه : محد مصاوبها بنطلع لذيب الي برا
باستغراب : ذيب ؟
ركضت ترتمي بحضن اخوها وهي توصف حجم الذيب : اي ديب كبييير مرره
ولا شعوريا ابتسم عساف لها وكيف اندمج اصيل معها ويحرك راسه بمعنى انه فهم : خلاص ادخلي عند البنات
اعطاها شماغه تغطي شعرها الباين فيه
همست له عروب : العطر دا نفس عطر الي مع هبه
ضحك لها : روحي لداخل
دخلت لداخل وكملت مع البنات وهم يناظرون للعيال فتح الباب مالك واطلق في السماء مخلي الذيب بخاف ويهرب
اصيل : جيتي بدون فايده يلا بروح اكمل نوم
عساف : والله انت مهمل درجه اولى
اصيل : لا موب مهمل لاني اعرف ان اذا صار فيها شي بيجيها البطل وينقذها
مالك : البطل ؟ انت ترضى انك تشبك اختك ؟
اصيل : دام الحب حلال ولا سوو شي حرام اي عادي
مالك : الحمدلله والشكر
اتجه مالك لدباب يرجعه ورجع اصيل للخيم وبقى عساف واقف مكانه يفكر بكلام الغبي اصيل حرك راسه يمين ويسار يطرد الافكار المزعجه ناظر في البنات الي يناظرون فيه ويطقطقون على عروب ابتسم عساف : يلا ادخلووو داخل
انخرشو من صوته ودخلو للخيمه ، عروب بخجل : اشبكم اخوي مايقصدو
هبه : مايقصدو قالت يابنت يناظرون فيتس وتقولي مايقصدو
سدين : وااااه لازم اساعد عساف واقربكم من بعض
امجاد ضحكت : لا انتبهي يمكن تغار
هبه : اي وبعدين تقطع لك شعرتس
ضحكت سدين على خجل عروب : اففف بنااات خلااص
خرجت من الخيمه متجهه للحمام " اكرمكم الله " تغسل وجهها لانها حست بحراره بلعت ريقها وهي تشوف جمالها بالمرايه : ماينلام قطاع لطريق ادا كان بيتقىىىلني وبعدها يحبني
ضربت عباتها تزيل التراب منها ونفس الشي مع طرحتها رجعت على راسها ترتب شعرها ناظرت في المرايه برضى تام عنها : والله اني حلوووه
خرجت لخيمه البنات وهناك صادفت عساف جالس على جواله ابتسم لها وكملت مشيها بخجل
-
مر هاليوم
العصر ~
سدين : عروب هي الحارس انا لا
رجعتها هبه للمرمى الي متكون من جزمات " اكرمكم الله" : شوفي حبيب القلب حارس خليك نفسه
سدين : اف تمام موب عشان ادم
الحارس كانت سدين والمهاجم كانت عروب المي رابطه عباتها على خصرها وامجاد وهبه الدفاع وغيد لاعب وسط
اما فريق العيال ادم الحارس وعساف المهاجم وغياث وامجد الدفاع واصيل لاعب وسط والحكم مالك
فريق البنات كنت تنظمهم موج وفريق العيال غسان
اخذت الكوره عروب وهي تناظر في عساف وفي اخوها الي كان وراه بلعت ريقها وبدات المباراه هم كانو كذا | والبنات كذا .
اخذ عساف الكوره من عروب وتحرك لمرمى البنات ووراه امجد ويساره غياث اعطى امجد الكوره من شاف امجاد تقرب تحاول تاخذها ، غيد : امجد بزعل منك هات الكورره !
لاشعوريا اعطاها الكوره ، غياث : الخرووف
رمتها على هبه الي كانت ورا اصيل وباقسى ماعندها سجلت في مرمى ادم ركضو البنات حاضنين بعض على هدفهم الاول
رجعو لترتيب وكانت الكوره هالمره مع عساف ويناظر في عروب وبعدها سدين رماها وبقوه من بعيد كانت بتجي بوجهه سدين بس مسكتها مصدومه تناظر فيها يدها كيف سوتها ابتسمت حاطتها على الارض مخليه البنات يبعدون عن طريقها وامامها ادم ، مالك : اف اف اف حارس ضد حارسه
رمت الكوره بقوه وسمعت تاوه احد بالم والعلمات الي ظهرت على وجيه العيال : احح
طاح ادم بالارض يتالم من بعد ماجت الكوره عليه
اصيل بالم : راح المستقبل
ركضو العيال اولهم له ومن بعدها البنات
هبه : ياويلك ياسدين من وين لتس ورعان بعدين
انخرشت هبه من نظره اصيل ومالك لها لان موب وقتها تطقطق
سدين : اح والله اسفه
تالم ادم والعيال حوله مايعرفون وش يسوون بعد مامرت نص ساعه على ذا الوضع طلع ادم من اللعب ووراه سدين تلحقه وتعتذر له
راحو ورا حلال جدهم الله يرحمه ، ادم : تبين تراضيني ؟
هزت راسها باي ، اكمل : بوسي خدي
ابعد عنها اللثمه يبين وجهها له : يلا انتظرك سدسد
طغى الخجل عليها بس بجرائته وعشن تراضيه الغبيه اقتربت مغلق عيونها فتحت عيونها بصدمه وهي تناظر في ادم ! الحيوان لف وجهه لها ناظر في عيونها وابتعدت عنه بسرعه من فعلته : ذي المره الثانيه ياسدسد لهدرجه تحبيني ؟
بخجل : حيوان انت الي لفيت وجهك
عضت شفتها منزله راسها مستحيه منه رفع راسها : لا تبعدين عيونك عني
قرب شفته من شفتها لكن بسرعه ابتعدت : لا يا ادم غلط
حك ذقنه : اي صح يلا امشي يكفي وحده المرات الجايه باذن الله بالحلال
تحركت من امامه لكن وقفت تدير وجهها له : سو لثمتي
ادم : خذي شماغي لاتاخذين حق مالك هاتي ارجعه في الشنطه
اعطته الشماغ وبان شعرها المحبب له بلع ريقه وهو يحط شماغه على شعرها ويسوي لها اللثمه الي تبيها انتهى وهو يناظر بس لعيونها الخارجه وبعض الخصل
: خايفه يعرفون انه حقك
ادم ابتسم : الي بيعرف بس غياث معليك
بخوف : غياث ؟ خايفه يقول لاخوي
ادم : معليك يلا امشي
تحركو الاثنين كل منهم بجهه سدين عند البنات وادم راح للخيمه يحط شماغ مالك
لبسو البنات اللبس الشعبي وكل منهم شماغ اخوها بيدها عكس هبه وسدين هبه اخذت حق اصيل وسدين حق ادم الي اعطاها
هبه : بنات بقلكم شي بس امانه مايطلع بيننا وماتمسكوه علي
امجاد : قولي
هبه : امس وقت دخلت خيمه العيال موب كلهم طلعو من المزرعه يلعبون
عروب : اخوي في الخيمه
هبه : البلا فيه المهم دخلت وجلست ادور على حق غياث او غسان او ادم وكلهم حاطينها في الجيب وماعرفت الا ان اصيل تكلم من وراي يقول تبين شماغي المهم تخيلو بعد ماخذته طحت بحضنه بسبب الفرررش !!
زغرطت موج : مبروك مقدما
غيد : واه بتصير عندنا عروس قريب
هبه : بس انا مابتزوج عمري باقي صغير
موج : عمرك صغير وبتدخلين 26 ؟
هبه : اي توي
عروب : اخوي بيدخل 31
سدين بدون خجل : اي وعساف بيدخل 25 وادم 22 وانا قريب 17
امجاد : حافظتهم
سدين : اي وحافظه سجل ادم
هبه : انا اخته ماحفظته انتي تحفظيه ؟
هزت راسها بايجابه ، موج : اهجدي
عروب : امجاد انتي تحبين ؟
هبه : تحب غياث
امجاد : لاتكذبين انا ماحب ولا افكر
غمزت لها سدين : علينا تذكرين وقت تعززين لغياث يمسك الخيل امس الصباح ؟
امجاد : اي عادي اصلا انا طلعت الخيل بالغلط
عروب : بناات تذكرون السيارات ؟ خل نسوقها
هبه : اعرف اخواني سيارتهم تعتبر ازواج لهم
عروب : موب اخوانك بكلم اخوي
هبه : اخوك وش دخله ؟
عروب : اشبك يعلمنا كيف نسوق
هبه : احس استحي منه
غيد بمقاطعه : بكلم لكم امجد بس بشرط معي موج وسدين وامجاد وسياره اصيل عروب وهبه
عروب بسرعه : ايواا
تحركت عروب لبرا تكلم اصيل : حبيبي اخوي نبي نسوق
اصيل : لا
همست له باسم : هبه بتكون بسيارتك
اصيل : تم يلا
امجد : يلا اصيل هبه بسيارتك وانا باخذ بنات مترف
غسان : وش في ؟
امجد : البنات بيسوقون ودام سيارتي ماتكفي الا قليل بنات مترف معي وهبه وعروب مع اصيل
غسان : وليه اختي؟
اصيل : خلاص خل يلعبون بسيارتك
تافف غسان : خلاص بس انتبه لها
قام اصيل بسرعه ووراه عروب فرحانه جلس اصيل في سيارته يناظر في هبه الي تكلم البنات وتسحبها معها عروب ضحك عليها لهدرجه تستحي منه ؟ ماتنلام من كلامه الي يقول لها وش الي لهدرجه تحبين صدري ؟!
دخلت هبه السياره ورا عروب الي جلست جنب اصيل حرك سيارته خارجين من العزبه وكلهم متلثمين غير عيونهم الخارجه وبقدر المستطاع هبه تحاول تغطي نفسها لكن من وين تهرب من عيونه
عروب ابتسمت بحماس : هبهب حاتبدين اول ؟
هبه : لا انا بعدك بصورك من ورا
فتحت الشباك وهي تناظر في سياره امجد الي سبقتهم ولا شعوريا : اصييل اسبقهم
ابتسم باتساع وهو يسرع في سيارته يتعداهم على طلب معشوقته : من عيوني
نزل اصيل يبدل مكانه مع اخته وجلست في النص هبه تصور عروب : شوفي انا صورتك ابيك تصوريني
اصيل : انتبهي لاتدعسين بانزين تروحين فينا
استجابت له عروب ومشت بالسياره تحت تعليمات اخوها
هبه بحماس : يلا دوري دوررري
عروب بتافف : استني بلف
اصيل ضحك : وقفي ياعروب
وقفت بالسياره تنزل وتبدل مع هبه اخذت نفس وهي تستنشق رائحه عطره في شماغه
عروب بجرائه : هبه ليه اخدتي شماغ اخوي كيف كدا ؟ من اداك ؟
اصيل : انا عطيتها
هبه بخجل : انتم عندكم الجرائه متوارثه بالعائله
صدر صوت ضحك عروب عليها وابتسامه اصيل الي مافارقت وجهه بلعت ريقها من حست بيده فوق يدها ويحرك لها الدركسيون اخ لو اخته موب هنا كان تجرى معها : على مهلك لاتخافين
لمعت فكره براس هبه والتفتت لاصيل الي وجهه كان قريب منها : ابغى افحط
اتسعت ابتسامته وهو موافق على رايها اخر همه سيارته همه الوحيد هي
اسرعت بالسياره وكان الي يساعدها بالتفحيط اصيل انخرشت هبه من شافت انها صعدت في الجبل : لا تخافين انتي معي
بلعت ريقها من كلامه ، بخوف : اصيل خذ مكاني
ناظر في عيونها : قلت لك انتي معي سوقي ولا تخافين
عروب : حبييت اللحظه الرومانسيه بينكم بس دحين احنا في الجبللل !!
قاطعتهم عروب مخربه جو اصيل نزلو بالسيارة موقفين جنب سياره امجد ، سدين بحماس : هبه طلعتييي سواقه
عروب : كان يساعدها حبيب القلب
هبه : سدي حلقك اخوك ورانا
اصيل بسخريه : سمعت
امجد بمقاطعه : يلا جهز الغدا خل نرجع
هبه بخجل : برووح معكم امجاد
امجاد : لا روحي هناك
رجعت ادراجها بس الغريب ان مكان السائق فاضي واصيل جالس بالمكان الي جنبه اتسعت عيونها وهي تشوف عروب تطلع من شباك سياره امجد ترسل قبل لهبه بلعت ريقها: الحيوانه
اصيل : تعالي سوقي هالمره ما بساعدك
دلفت السياره مخروشه الحين تتوقع من اصيل اي شي اي شييي يخطر على البال وبياخذ راحته بزياده
التفتت له بسرعه وهي تعدد باصابعها : حركات وكلام مافي تمـ
