جلس جنب مالك يساله الي هز راسه انه مايعرف

ويمينه غسان الي ياكله بنظراته يليل ذا كيف اصالحه

احمد : ادم قم صب القهوه لعمك مترف وبراء وعوض

مالك : ليه احس في مصيبه جايه

غسان : وانا اقول مثلك

بعد مرور خمس دقايق والنظرات الي تدور بين احمد وولده ادم وابتسم مترف على توقعه بشي

احمد : احنا بنطلب يد بنتكم سدين لولدنا ادم على سنه الله ورسوله

ابتسم عساف لادم واتسعت عيون اخوان سدين بصدمه اختهم صغيره !

مترف : والله شف يا احمد لنا الشرف بس تعرف سدين صغيره وجاهله خلها لين تكبر

احمد : نملكهم على بعض وبعدين نزوجهم اذا كبرت بالعمر

مترف : الشور شور البنت انا ماعندي مانع لنا الشرف والله

تنهد ادم براحه لانه عارف رد سدين وجنبه غياث الي بارك له وعساف ابتسم له ويبارك بس انصدم من نظره معاذ شبلاه ذا ، معاذ : اختي صغيره يا ادم

ادم : اي ما بنتزوج بدري بعد ماتطلع من الثانوي

معاذ تنهد : يصير خير

ابتسم ادم لتفكيره بعصام وايش بيقول ..!

براء : اصيل شف ادم الي اصغر منك تزوج وانت باقي ! وانت تكبره بـ 10 سنوات

عوض : ذولي هم عيالنا ولدي عساف بيدخل 25 وهو باقي ماتزوج

عساف : يايبه الحياه موب بس بزواج

عوض : اعقب ذا تكمل نص دينك

مترف براحه : يلا الحمدلله عيالي متزوجين مابقى الا معاذ

معاذ : لو باخذ انا اختارها

مترف : اي بس موب برا القبيله

معاذ : وانا وش بيجيبني لبرا القبيله

اصيل بفضول : بسالك معاذ كم عمرك ؟

معاذ ابتسم : بدخل 19

اصيل بصدمه : المفروض تكون اول جامعه

مترف بتنهيده حزينه : اي من مو*ت ماهر عاد السنه

بلع ريقه اصيل ليكون ذي اشاره كل يوم يجيبون طاري اهل وعد يارب سترك ليكون فيها شي وانا احاول اساعدها !

بلع ريقه وهو ياخذ جواله بيرسل لنايف بس مافي اشاره للاسف : ياعيال وين احصل شبكه ؟

مالك : فوق الجبل بس ماتوقع تقدر تروح لحالك في ذياب غسان شرايك تروح معه ؟

احمد : اي يلا ياولد وخذو سلاح

تنهد غسان وهو يوقف متجه لاحد الخيم ياخذ سلاحين

اتجهو للجبل وتكلم غسان : ليه تبي الشبكه ؟

تنهد : اتطمن عليها

غسان : تبي تخطب اختي وتكلم بنات ؟

بعصبيه : اكل تبن اقصد وعد وبعدين مابيننا علاقه اساعدها انا !

تنهد غسان تنهيده حزينه : مادري ياخي احس موج يوم من الايام بتروح مني خـ خايف يا اصيل اخوك يكون حي

وقف اصيل بعيون متسعه خايف ومتوتر وبدا يعرق : و وش يخليك تـ ـقول كذا ؟

غسان : من شفت وعد حيه قلت اكيد بعد ذا حي

اصيل بدا يعرق اكثر : استغفر الله وترحم على اخوي بدل تقول كذا وبعدين انت شفت السياره تحترق وهو فيها

غسان ناظر فيه : بس وقتها ماحد دخل يشوف الجىىىثه الا انت حتى ابوك ماقدر

صر على اسنانه: ترحم عليه

وقف اصيل وهو يناظر في الابراج الي جت في جواله وكميه الرسايل الكثيره اتسعت عيونه من شاف اشعار من جوال وعد " وعد بح ترحمو عليها و انسو بنت اسمها وعد " ناظر في الرساله وهو يرجف بشكل موب طبيعي .. كـ ـان يبي ينقـ ـذها وينتىىقم لها رمى الجوال بقوه على الارض صرخ بعصبيه وحزن وخذل : الله ياخذك يا اديب الله ياخذك الله ياخذك الله ياخذك

جلس على الارض يضرب راسه بالحجر ينز*ف هـ ـو وعدها انه بيساعدها ، وعدها ..! خاطر فيها وقال بينقدها !!! خاطر فيها عشان هيثم ينقىىىتل !!! كـ كيف بيقابل ربه ..! مسكه غسان بقوه منصدم من حالته الي انقلبت فجاه صرخ بوجهه غسان ودموعه تنزل تارك غسان المصدوم منه : ياغسااان ياغسااان اقتىىلني ذا احنا وحدنا اقتىىىلني ياخي ذا هو السلاح بيدككك ياغسااان انا وعدت واخلفت !! وعد رااحت وعددد رااااحت !!! راحت من يدي !! خليتها تخاطر في نفسها وبالنهايه وبالنهايهه ما*تت بدل ماتاخذ بثارها !!

غسان بخوف : يارجال صل على النبي

انهمرت دموع اصيل المقهوره رفعه غسان عن الارض وبدا ينزل من الجبل يرجعون ادراجهم حاول قدر المستطاع يشيل اصيل ويسانده دخل من البوابه وكانو العيال وقتها موجودين يتقهوون

مالك بصدمه وصراخ : اصيييل !

ناظر براء ولده بخوف ركض له يسانده كان صوت مالك عالي لدرجه البنات طلعو واولهم اخته ركضت لاخوها بدون عبايه خايفه على اخوها ماتبي تفقده نفس غيث : ياخوي اشبك من مسوي فيك كدا !

سند نفسه على ركبته وجلست امامه عروب حاضنته نزل د*م اصيل على كتف اخته وببكى : فقدتها ياعروب فقدتها ..

مسحت على راس اخوها خايفه عليه : ومن هي ؟

: وعدتها اني بساعدها بس راحت من يدي !!

وكل ذا تحت سمع موج الي طلعت مخروشه معطيه روح لهبه مسكت ياقه اصيل : وينها وينهااا قلت بتنقذها وييين وعددد !!!

اخذ غسان شماغه يغطي شعر موج ووجهها فيه مدخلها الخيمه : اهجدي يابنت صلي على النبي

موج بعصبيه وصراخ : وخررر عنييي يا غسااان !

رفعو اصيل عن عروب يحاولون يعالجوه مصدومين من الكلام الي انقال وعد ؟ مين وعد ؟؟

مسك راسه غسان بالم من ترك هبه مع موج ناظر في اصيل الي يحاول يفلت منهم وفوقه مترف يقرا عليه

احمد : شكله دخل فيه جني

مترف : الجبل مليان ذيابه والجن يخافون منها

احمد : اي صح ، غسان ناد موج هنا

توتر غسان : ليه ؟

مترف : هي الي تعرف وش فيه اصيل

تقدم للخيمه الي فيها اخته وموج الي تبكي : لبسيها العباه والنقاب

ساعدتها هبه في اللبس نفس ماقال غسان ومسكها يحركها لمترف ابوها وعمها احمد وعوض وابو اصيل براء

جلسها غسان يسندها على صدره

مترف : موج ايش فيه قولي كل شي

لارد ، احمد : مووج اسمعي كلام ابوك

مترف تنهد : من اليوم اللعبه الي تلعبونها انتهت قولو كل شي

اصيل التفت لموج خايف تقول شي وتجي لابوه جلطه

موج بحزن : ولا شي

مترف بعصبيه ويحاول يتمالك اعصابه : وعد الي تكلمتي عنها تقصدين وعد بنت مازن ؟

اخذت نفس : اي

شهقو جميعا ، مترف : وليه ذكرتيها ؟

ناظرت موج في اصيل الي قلب وجهه بلعت ريقها وهي تشوف مالك الي ماسك براسه من المصايب الي تجي وحده ورا وحده ، موج : على بالي يقصدها وانه سبها

ضحك مترف : تكذبين على مين ؟ انا مترف ترا

موج : اي ادري انك ابوي مترف ابراهيم آل عبدالله

اقترب منها مترف حاضنها : قولي لي يابنتي انا ابوك

حضنت ابوها وزاد بكائها و انسحبو العيال ماعدا الشياب وغسان واصيل ، موج بحزن : ولا شي بس كنت مشتاقه لها

تنهدو اصيل وغسان براحه ، مترف : خلاص روحي للخيمه غسان رح معها

اخذ زوجته وطلع والتفتو لاصيل جميعا انخرش من نظراتهم بس تمالك البرود ، مترف : من الي فقدتها ؟

اصيل بحزن : ماقلت فقدتها قلت فقدته نايف الي اعتبره اخوي !

عوض : لا حول ولا قوه الا بالله

ترحمو جميعا مصدقين الكذبه الي قالها وماعرف كيف طلع منها بهالسرعه

في اليوم الثاني

عروب : بابا فين اصيل ؟

براء : طلع من المزرعه للجبل يروح يدور جواله طاح منه روحي صحي امك

تنهدت متجهه لخيمه الحريم ، هبه : بنات مادري احس خايفه

امجاد : على ايش ؟

هبه بحزن : اصيل

اتسعت ابتسامه امجاد : روحي له

هبه : لا مستحيل

امجاد : وليه مستحيل ؟

هبه : حرام يابنت انا بطلع عند خيلي اخذت الشماغ الي كان جنب راسها تتلثم فيه وتخرج من الخيمه للاسطبل جلست جنب خيلها مشتاقه له سندت راس الخيل بحضنها تمسح على جسد خيلها : وش فيني

ناظرت لسقف متنهده تنهيده طويله ليه تحس بضيقه ؟ اخذت نفس طويل سمعت صوت احد يدخل ويقفل الباب انخرشت من سمعت شهقات وعرفت انه مديرها و وش تسوي الحين ..! و وليه يبكي ؟

ابعدت عن حصانها وهي تناظر فيه من بعيد كان يمسح عيونه بشماغه حقه بلعت ريقها ودها تواسيه بس وش دخلها هي و بتحرجه اذا عرف انها شافت دموعه ناظرت لشاش الي يغطي جبينه ونص راسه بلعت ريقها وهي تبعد عن خيلها وتقترب من اصيل : اءءء اصيل

ناظر فيها وكانه يبيها بالوقت ذا ، هبه : اسفه لك والله

انخرشت منه ومن سحبه لها حاطها في حضنه مدخل راسه في عنقها ابعد شماغه عنها وبان شعرها القصير ووجهها الجميل تحت نظراتها المصدومه : اااءءء اصيل وش جالس تسوي ؟!

: اششش خليني تكفين

سكتت والخجل طافي عليها ارتعشت من حست بشفته تقبل عنقها ..! ابعد عنها وتبادلو النظرات لثواني لكن اتسعت عيونها بصدمه وخوف وتوتر من حست شفته بشفتها تعمق في القبل وهي تحاول تبعده عنها وتهاوشه بس موب قادره لانه ماسكه بقوه !!

ووو

-

الساعه 8:57 مساء

احمد وهو يناظر في النار : بكره بنمشي العامل بيجي ويهتم بالمزرعه

ناظر للعيال والحريم

امجاد : يووو ياعم ماشبعنا وباقي للإجازة ثلاث ايام بدري والله

احمد : ذا ثالث يوم في العزبه وتقولين ماشبعنا

سدين : اي والله ياعمي خل نجلس لو يوم مانبي نحرك في الليل خلها بكره

التفت احمد لمترف : وش تقولون ؟

عوض : شوري من شوركم

براء : وانا مع عوض

مترف : وانا اقول نجلس يومين ونروح

احمد: تم

فرحت امجاد وهي تضرب كفها بكف سدين

سمعو صوت روح الباكي الي شاد شعرها ولد مالك مترف

مالك : ولد عيب اترك شعرها

تركه مترف بسرعه تحت ضحك اخوه احمد ركضت روح لامها

غسان : طيب تعالي عندي ليه تروحين لموج

موج : انت ابوها وانا امها

غسان : مافي فرق

موج : في فرق

هبه بخجل من ابوها : يبه انا والبنات بنروح فوق الجبل

احمد : لا يابنت هناك في ذيابه ينهشون عظامك

هبه : اعوذ بالله نروح كلها ساعه ونرجع

مترف : والله يابنتي هبه هناك في ذيابه روحو اسمرو عند الابل

ضحكت سدين : اي عشان يرفسني يطيرني للجبل الي كنا نبيه

بتفكير : طيب عند الخيول

امجاد تنهدت : يبه الخيول يرفسون

مترف : طيب ورا المطبخ

موج : ريحه طبخ

احمد : حشروك

مترف : موب مترف الي يتغلبون عليه طيب الزاويه ذيك ومحد يقدر يشوفوكم وتقدرون تكشفون براحتكم

هبه : احنا نبي نسمر ياعمي

عروب : متل ماقال عمي ديك الزاويه يعني ديك

عساف باستغراب : تبين ديك ؟

ضحك اصيل عليه : لا يالغبي يعني ذيك

عروب بغنج : اشبها لهجتي

عساف : علمها ياعم براء لهجتنا

ابو اصيل ضحك : مابتفهم

ام اصيل تاففت : اتركو بنتي بحالها

قامو جميع البنات ورمت موج روح كالعاده على ابوها

اخذت هبه البساط وموج التكايه وامجاد القهوه والشاهي وغيد الحلويات وعروب الابتوب وسدين ماكلفت على نفسها

رتبو جلستهم ، سدين : بنات نشب النار ؟ نسوي شاهي على الجمرر اممم

هبه : اي والله مشتهيته يلا دامك ماجبتي شي روحي جيبي البرادي من المطبخ

-

عند العيال

مالك : يبه شف

التفت مترف للبوابه الي اشر عليها مالك ناظرو للجسد الي جازف انه يوصل لهنا قامو بخوف ودخلو الحريم لداخل الخيمه ماعدا الرجال الي ساندوه يمشونه لنار

اسقوه الماء فتح عيونه وهو يناظر فيهم : وش جابني عندكم ؟

مترف : رجولك قادتك هنا

تكلم اخيرا وهو يناظر فيهم من بعد اساله مترف : سيارتي تعطلت وجلست هنا لمده لاتقل يومين ونفذ الاكل من عندي وقلت خل ابحث ولقيتكم الله يجزاكم خير لولاكم كنت الحين مـ*يت

هبه : بنات ماعندنا ولاع وحده تجيب من العيال

عروب : خلاص انا بقوم

اتجهت لهم بعد مالبست عباتها والطرحه على راسها ابتسمت عروب لعمها : ياعم نبي ولـ

ناظرت في الشخص الي ساند نفسه على التكايه اتسعت عيونها بصدمه بادلها النظرات لكن ابعد وهو يناظر للامام

عساف : عروب وش تبين ؟

اخذت نفس : ولاعه

طلع من جيبه الولاعه ورماها عليها مسكتها وهي تناظر في الشخص الي جنب مالك

اصيل : بنت روحي

مشت بعيد عنهم وهي تتعرق بتوتر وخوف صرخت بالم وهي تطيح على وجهها بعد ماحست ان في شي قرصها تحرك اخوها لها بسرعه منخرش من الصوت الي طلعته :شفيك ؟؟

نزلت دموعها : شي قرصني

ناظر لرجلها : ليكون عقرب !

انتبه لشي الي يمشي قريب منها : عقـــرب !!

ركضو العيال لهم حاولو يضربونه

مترف : ودوها المستشفى بسرعه مافي وقت !!!

بلع ريقه احدهم وتكلم : انا اعرف اخرج سمه

ناظرت لعيون الي تكلم اخر شخص تبيه يعالجها هو !

: ولا اختك يا اصيل بتمو*ت

باستغراب : كيف عرفت اسمي ؟

: سمعتهم ينادونك

اصيل بخوف : طيب تعال ساعدها ياتركي

اقترب منها وهو يناظر في عيونها المرتجفه ابعدو نصف العيال ماعدا اصيل وبراء ومترف وعساف وتركي

قرب شفايفه من ساقها يحاول يطلع السم من رجلها وكل ثانيه وثانيه يناظر في عيونها المدمعه اخذ شماغه وربطه على رجلها ناظر لاخوها : خذها المستشفى تاكد انها بخير

وقف تركي وشكره اصيل وبراء

مترف : اجلس عندنا ياتركي وبعدها العيال بيصلحون سيارتك

اكمل مترف بعد ماعرف ان تركي بيرفض : والله ماترفض لزمت عليك

ابتسم له : يعطيك العافيه ياخال

وقف عروب اصيل يمشيها لاحد الخيم حقت البنات جلسها ، عروب : بس البنات هناك

اصيل ابتسم لها : ارتاحي هنا ولا يكثر

اتجه للخارج وهناك قابل هبه الي تدور على عروب تورد خديها بالاحمر من شافته هي اصلا كانت تتفاده !

ابتسم لها اصيل : تدورين عروب ؟

هزت راسها بخجل ، اصيل : في الداخل قرصها عقرب ولولا واحد من الرجال كانت مـ*يته

هبه شهقت : متى !

اصيل : من قبل شوي

راحت هبه تركض للبنات تخبرهم الي انقال لها

نامو عندها وهي بنصهم ويمينها موج ويسارها غيد

همست لها موج : عروب بنت ليه تبكين ؟

انخرشت من سوال موج : مافي شي

موج اشرت على الشماغ المربوط برجلها : من شماغه ؟

تنهدت تنهيده طويله : تركي

موج باستغراب وهمس : من ذا ؟

عروب : الي ساعدني

موج : وش فيك قولي لي وان شاء الله اقدر اساعدك

نزلت دموع عروب اكثر حضنتها موج لصدرها : شبلاك يابنت ؟

جلسو وهم يناظرون في البنات يتطمنو ان كلهم نايمين

بكت عروب اكثر : اعرف تركي حبيبي القديم

شهقت موج بصدمه : ها ؟؟

عروب : اي ودحين مادري شجابه هنا

موج : يراسي

عروب : موج بخرج للحمام واجي " اكرمكم الله "

موج : تبين اساندك ؟

عروب : لا يديك العافيه

تحركت عروب تحاول تسند نفسها وقفت عند المرايه وهي تناظر في وجهها الشاحب اغلقت عيونها من حست نفسها تتحاصر عند المغسله بلعت ريقها

: تركي ابعد عني !

ابتسم وهو يناظر في وجهها بالمرايه : ليه تركتيني ؟!

بكرهه : لاني شفت خيانتك بالمول يالحقىٍر !

تركي ابتسم لها : ذيك صديقتي موب حبيبتي نفسك

لفت له وهي تضرب صدره : صديقتك ؟؟ وانا لو صاحبت صديق ايش بتسوي

تركي : عروبي حبيبي انا عادي انتي لا !

صرت على اسنانها بقهر : ابعد ياقدْر !

تركي : اوووه صرتي شرسه توتو

بلعت ريقها وهي تناظر في عيونه : اكرهك مستحيل اقدر احبك من بعد ديك الخيانه ياحقىٍر

اقترب منها اكثر : عيب عيب يا قطوتي

حاولت تدفعه عنها : ابعد ابعـــد ..!

حس انه يندفع عنها وبقوه انرمى على الارض : ياكـىىىلب عمي ما اكرمك هنا عشان تمس بناتنا !

تركي ابتسم لعروب الي تخبت خلفه : اووه ذا حبيبك الي اخذ مكاني ؟

تمسكت عروب بيده بجرائه : ايوا واتمنى انا وحبيبي مانشوف وجهك من اليوم دا !

لف يده على خصرها : مثل ماقالت ولا بحك وجهك في التراب ياكىىلب !

وقف تركي يطلع من البوابه بسرعه

ابعد عساف عن عروب بسرعه يجلس على الارض بصدمه منها ناظر في رجلها: شيلي شماغه وخذي حقي

استحت منه ولا قدرت تنزل وتشيله انصدمت من شافته يقترب لها يبعد حق تركي ويحط بداله حقه

بدا يدق قلبه من سمع صوت ابوه : عســاف !!

ناظرت عروب بخوف لعوض الي اقترب منهم ووراها ابوها الي يناظر مصدوم وقف عساف بسرعه والحين بتطير نيتهم وتسيى مسك عوض ياقه ابنه : اخر عمري اشوف ولدي كذا ؟! تقرب من بنت الناس ياكلىىىب !

عساف : والله فاعم غلط يابـ..

انصعق من الكف الي نزل على خده اول مره يضربه ابوه وبحزن وخذلان : ماكنت ابيك تتزوج بذي الطريقه بس انت الي جنيتها على نفسك والله اعلم وش سويتو بعد !

عساف ناظر في عيون ابوه بصدمه :

عساف ناظر في عيون ابوه بصدمه : قسم بالله فاهم غلط

بعصبيه : سد حلقك عشان الفضيحه تاخذ عروب وتخطبها وذا هو ابوها وانت يابو اصيل موافق ؟!

كانت نظره ابو اصيل مصدومه وخذلان من بنته : موافق ..!

عروب ببكى : بابا قسم بالله مـ

براء بعصبيه : تبيني ارضى عليك وافقي على عساف !!

تقدمت عروب لابوها تحاول تمسك يده قبل يتركها ويمشي : بـ

براء بعصبيه : اسكتييي !

دفعها عنه متجه لخيمه الشياب ووراه عوض الي بيده عكاز

صرخت عروب على ابوها : قسم بالله فااااهم غلط !!

لارد ~ تركها خلفه تمنت تمو*ت ولا يناظر فيها ابوها بذي النظره ..! ناظرت لحاله عساف الي واقف مصدوم ويده على خده صرخت عليه : وش بنسوي دحين !

ناظر فيها وهو يبلع ريقه : احمدي ربك ماشافك مع تركي ولا كان زوجك اياه واسكتي خليني افكر !

تنهدت بحزن وهي تجلس على الارض الكل يقولها اسكتي ! وهو سند نفسه على الجدار -

اليوم التالي الي مامر بسلام على عروب وعساف

تجمعو العيال ماعدا عساف الي اتجه للابل وكذلك البنات الي تجمعو بدون عروب مستغربين من حالتها الي تغيرت 180 درجه

مترف : وين تركي ؟

عوض تنهد : ماعلينا منه قررت ازوج ولدي عساف لبنت براء وكلهم موافقين

احمد ابتسم : الله يتمم لهم على خير بس كيف كذا بسرعه ؟

اصيل : يبه انت موافق ؟!

تنهد وهو يشرب فنجاله : اي

اصيل : طيب واختي ؟

صر على اسنانه من طاريها : اي موافقه

اصيل : غريبه طحنت الحب الي براسها ؟

براء : باقي انت تطحنه

تنهد اصيل وهو يناظر في احمد : انا بروح اكلم اختي

براء : وش تبي فيها ؟

اصيل : بسالها واعلمها عن طبيعه الزواج

غسان ضحك وبجرائه : وش بتقول لها يعني ؟ بتعلمها وش يصير بليله الدخله ؟

استحى اصيل : اعقب انا ماتكلم بذي السوالف قدام احد

ضحكو عليه ماعدا عوض وبراء الي يفكرون

دخل اصيل على عروب الي حاضنه نفسها ، اصيل : انتي موافقه ولا جبرك ابوي ؟

حاولت تكتم الغصه بصدرها : مـ ـوافـ ـقه

كان سكا*كين في حنجرتها ضحك اصيل : شكلك مستحيه مني يلا يا عروستنا انا بروح

خرج اصيل وبدات عروب تبكي اكثر واكثر

-

عساف

حضن ناقته الي اسمها المزيونه بحزن كبير وشعرت في الناقه

يوم السبت الساعه 7:49 في مدينه جده تحديدا بالفندق

عوض تقدم لولده : قم بسرعه اليوم عرسك

عساف صر على اسنانه مغلق عيونه : يعني مصر اننا سوينا حرام ؟ انت يايبه تعرف وش عقاب القدْف ؟

عوض بسخريه : تنكر الشي الي شفته قم قامت عليك القيامه قم !

خرج ابوه وعساف قام لابس بشته الاسود اخذ نفس عميق يناظر لنفسه بالمرايه عدل الشماغ وطلع لامه وابوه

ابتسمت امه بحنيه : اخيرا بشوفك معرس افرح افرح ياعيون امك بتاخذ الي تحبها

ناظر في عيون امه يحاول يصنع الابتسامه ومن ثم ناظر لابوه الي يناظره بحده قبل راس امه ومن ثم اتجه لابوه يقبله همس له باذنه : كلنا نعرف عقوق الوالدين بس مانعرف عقوق الابناء

عوض بعصبيه : امش قدامي ولا يكثر !

اتجه لسيارته واخذ ابوه سياره له هو وامه

وقفو عند بيت ابو اصيل الي كان فله كبيره انبهرو بالفله

ام عساف : ماشاء الله تبارك الرحمن الله يزيد من خيرهم يلا مشينا خل نسلم عليهم ومن بعدها عساف يروح للفندق مع العروسه

ابو عساف ابتسم : وافضل شي ان العرس بيننا

دخلو داخل ورحب فيهم اصيل بابتسامه شاقه وجهه دخلو المجلس ودخلت ام عساف عند ام اصيل

براء لعساف : الله يتمم لكم على خير

ناظر فيه عساف ومن بعدها مارد وناظر في القهوه تصرفه اغضب اصيل كل شي الا ابوه ! رد عليه عوض منحرج من ولده : امين يارب

اصيل : يلا عساف امش تاخذ اختي

اخذ نفس وهو يقوم مع اصيل دخلو الصاله وكانت جالسه على الكنب الي بالنص بفستانها الابيض منزله راسها بحزن كبييير وقفت من حست بتقفيل الباب رفعت انظارها وهي تشوف عساف واخوها طلع ! بس الغريب انه ماناظر فيها ولا رفع نظره له جلس قريب منها وتكلم : ها تبين الحين نروح للفندق ونتكلم هناك ؟

غمضت عيونها : براحتك

تنهد : اجل يلا

وقف ومسك يدها عشان مايشك فيهم اصيل وهو يخرج معها ارتعشت يدها من بروده يده ومن ثم بلعت ريقها بخوف بالفندق ! هي وهو لحالهم !!

استقبلهم اصيل عند الباب حاضن اخته بكل حنيه وتكلم مع عساف : اختي بعيونك

اقترب منها نواف الصغير حاضن فستان اخته يبكي : دحين حاتروحي منا ؟!

نزلت له : حاجيكم

وقفت امام ابوها وبكل حزن همست له : قسم بالله انا شريفه وآنك ظلمتني بس أنا مسامحتك بابا لانك بابا الحنون كنت ابي عرس كبير ونفرح سوا

ابعدت عنه تحضن امها الي مستغربه من همسها لابوها دلفت سياره عساف وتحرك بدون يتكلم عضت شفتها وهي تناظر في الشارع غطت نفسها بالعبايه زين من انه يشوف وجهها وصلو للفندق وتمنت انها ماوصلو ساعدها في النزول مسك يدها يساعدها في المشي وصلو للجناح

عضت شفتها واول مادخلت اتجهت على طول للغرفه تاركته خلفها قفل الباب ورمى شماغه على الكنب انسدح على الكنبه حاط يده على عيونه متنهد بعصبيه

-

عروب

ناظرت لنفسها بالمرايه كانت تبي هالجمال لشخص تحبه وتبيه كانت تبي عرس كبير يطري على كل لسان ..!

اتجهت لدولاب الي رتبوه لهم ناظرت لملابسه اغمضت عيونها بقهر اخذت لها بجامه متجهه للحمام " اكرمكم الله " نزلت فستانها بعد نزاع مع نفسها علقته في الدولاب متجه لتسريحه تمسح الميكب ومن بعدها فتحت شعرها متوسط الطول ينسدل على ظهرها ناظرت في الشخص الي دخل تبادلو النظرات وهو يتفحص جسمها ودخل متجه لدولاب ياخذ له بجامه تكلم معها : انا بنام في الصاله انتي نامي بالغرفه

ماهتمت لكلامه واكملت تمشط شعرها خرج من الغرفه واتجهت هي لسرير نايمه عليه

-

يوم الاحد الساعه 6:48 الصباح

فتحت عيونها بتعب ماقدرت تنام زين بسبب التفكير فتحت جوالها على رسايل امها " وش صار معك ؟ " استحت من امها " ولا شي " ارسلت لها امها " متاكده ؟ " خجلت من امها اكثر " اي "

خرجت من الغرفه متجهه للمطبخ تدور شي تاكله انقهرت لان الثلاجه فاضيه اخذت التليفون تطلب من الفندق بعد 15 دقيقه ابتسمت من سمعت الباب يدق قامت بسرعه تفتح لكن طلع بوجهها عساف صرت على اسنانها تبعد عن الطريق دخل لداخل وبيده كيس اكل

تنهدت ومامداها تقفل الباب لان موظف الفندق دق عليها الباب يسلم لها الاكل اتسعت عيون عساف بعصبيه : ماعندنا بنات يطلعون يستلمون طلبهم

صرت على اسنانها بعصبيه وشافت عساف ياخذ من الموظف الطلب ويعطيه لعروب مقفل الباب اخذت الاكل بعصبيه متجهه للغرفه : وبعدين معه دا ! افف !

انصدمت سدين من كلام ابوها : وش الي خطبه !!! ترا باقي اول ثانوييي !

مترف تنهد : طيب تعرسين بعد ماتخرجين من الثانوي

بعصبيه : ارفض مستحيل حتى لو ادم ! قل انتظرها لين تطلع من الثانوي واذا مايبغى لا يخطبني !

طلعت من المجلس متجهه للغرفه مصدومه من ابوها الي يبيها تنخطب وهي صغيره ! ماتدري تركز في الدراسه ولا في الزواج !

اخذت جوالها تطلع رقمه " اسفه يا ادم اذا جرحتك برفضي لكن موب معقوله ترا انا باقي صغيره ملحقين اذا كبرت اوعدك اذا جيتني بعد الثانوي بوافق بدون تردد صدقني " بلكته وبعدها قفلت الجوال بتوتر اخذت نفس عميق كيف بتكون رده فعله ؟!

-

دخلت الجامعه بكل ياس ياحظها موج تخرجت وانا باقي !

جلست في القاعه ابتسمت لولد عمها : السلام عليكم

: وعليكم السلام ارحبي

امجاد : البقى

دخل غسان عليهم وبدا يعطي الدروس ، غسان : والحين ابيكم تسوون مشروع وتسلمونه ذا الاسبوع وكل شخصين مع بعض بنادي الاسامي الحين

نادى الاسامي واخيرا وهو يناظر لغياث وامجاد : غياث وامجاد مع بعض

تنهد غسان لان الي معطيه الورقه ويرتب هو اخوه غياث ندْل ناظرت امجاد لغياث بادر هو : اول مره

امجاد : غريبه مع ان الكل بنات مع بعض والعيال مع بعض ليه حط غسان كذا ؟

غياث ضحك : يمكن احنا الزايدين

امجاد : تهقى ؟

غياث : الله اعلم موب مهم متى تحبين نسويه

امجاد: اليوم خل نخطط ونصمم

ابتسم لها بكل حب : تم ماقول لا رغم ان عندنا كشته مع العيال ولازم نضبط من بدري بس يلا

امجاد بسرعه : موب مشكله لو تبي يوم ثاني

غياث : لا والله الي تبين انا معك

استحت منه وخرجو من المحاظره متجهين للكافتيريا اخذت تعطي معه وعن المشروع الي بيسوونه

امجاد بخجل : غياث انت معي ؟

ابتسم من نطقت اسمه : سمي اي معك كملي

اكملت امجاد تحاول ماتناظر لعيونه الي تاكلها وفي داخله " حتى عيونها بالنقاب جميله !"

وقفت من بعد ماخلصت كلام وعلمته كيف التنفيذ اتجهت لسياره امجد

امجد : المهم بقولك قراري

امجاد : قل ؟

امجد : انا وغيد بنسكن بشقه بعيد عنكم

امجاد بصدمه : اف لهدرجه ماتبوننا

امجد : شدعوه اصلا معاذ ومالك كل ثانيه داخلين البيت وانا مابغاهم يشوفونها

ابتسمت لاخوها : الله يديمكم لبعض الا بسالك من متى وانت تحبها ؟

تنهد تنهيده طويله : من كنا نلعب مع بعض

ضحكت امجاد : اي اتذكر كانت المسيطره وكانت هي الرئيس حقكم

امجد : حبيتها وانا بالمتوسط وحبي كل ثانيه يزيد لها تدرين كنا احنا الي بناخذها لين تكلم غازي انه بياخذها هو لان ماعنده عيال والحقىٍر بدل مايهتم لها كان يعدْبها ! تدرين يا امجاد لولا الله ثم موج وغسان كان الحين تعيش معهم وتدرين من بعد ماعرفت الي سواه غازي وفاتن فيها كنت بمو*تهم على يدي واخليهم يعضون الارض ندم وعلى الساعه الي فكرو ياخذونها اخ قسم بالله ودي ادْبحهم لو موب غسان وقفني عن غازي كان الحين مدفون صرت اكره غسان من بعدها بس وقت فكرت تذكرت انه حرام والحمدلله غسان وقفني وقتها حملت السلاح متوجه له كنت بدخل القسم واجر*م فيهم بس وقفني ! والحمدلله وقفني لان كنت بمتنع عن شوفه غيد

تنهدت امجاد بحزن : كل ذا بقلبك ياخوي ياتوامي ؟! ومتى اي يوم كنت بتقتىىلهم لان مادرينا

تنهد : بعد مادخلو السجن بيوم وقفني غسان وذكرني في الدين

امجاد ابتسمت : تدري ياخوي انصدمت ماتوقعت امجد الي قلبه طيب وابيض ويده مافيها د*م يفكر يدْبح

امجد : وقتها كنت بغسلها بد*مهم بس الله ستر

تنهدت امجاد : ياخوي ياغيـ..

سكتت لثواني من انها نطقت اسم غياث بالغلط

تنهد امجد : غياث ؟ وش جاب طاريه شكله دخل قلب اختي ها ها ؟

ضحك امجد ، امجاد : لا وين بس بالغلط

لو قالت اسم غياث عند مالك بيبدا تحقيقات طويله من بعد وفاة نجود وهو عصبي اما امجد يعترف بالحب وعادي عنده لكن بحدود يحبها وتحبه بس ما يتراسلون

امجاد بتصريفه : يلا امش

تحركت سياره امجد للبيت .

-

غسان & موج

حضن روح : اسم روحي قريب منك ياموجي

موج : ترا انت محظوظ اذا بينادونها يقولون روح غسان ! ليه مايقولون روح موج

ابتسم لها : لان صدق روحي

لعب مع بنته وتكلمت موج : وانا ؟موب روحك ؟

ابتسم : انتي شرياني وقلبي وروحي وعيوني

ابتسمت له بخجل : خلاص خلاص تعال تعش مسويه لك صينيه شاورما لذيذذذه !

: كل شي من يدك بيطلع حلو .!

بخجل : غسااان ترا استحي

ابتسم لها : تخيلي عطيت اوراق لغياث يوزع لي الطلاب عشان مشروع وكل ثنين مع بعض تخيلي من حاط معه ؟

ضحكت موج : اكيد امجاد الخبله

واكملت : ودي اجمعهم بس راس امجاد يابس

تنهد : شكلها تستحي

: يووووو امجاد اكثر وحده تستحي عكس سدين الجريئه

غسان : على طاري سدين اخوي تقدم لها باقي ردها

موج : ذا وجهي اذا وافقت اعرفها اختي بتقول توني صغيره

غسان : نفس طينه هبه تهقين توافق على اصيل ؟

موج باستغراب : وي موب انت الي كنت رافض يتزوجون؟

غسان : صح رفضت عشان وعد بس تقبلت واصيل والنعم فيه لو موب كفو ماكان وقف مع وعد لاخر نفس شفت وقتها تحسر لدرجه انه كان بياذي نفسه لانه مانفذ وعده

موج : يارب هبه توافق واضح يحبها

جلسو على الطاوله وغرفت له موج من الاكل

-

مالك ~

ناظر لعياله الي نايمين وده يتغير ويصير نفس اول موب عصبي وحنون على خواته ويتفهم بس من بعد مو*تها

: قلبي غدا واستيسره لين العود

محد يفك القلب ياسعود منها

تنهد تنهيده طويله مسك صورتها بيده ندم قد شعر راسه لانه اختار الولدين كان يقدر يعيش طفل ويمو*ت الثاني بس وصيه زوجته وانها بتزعل منه لو ماهتم فيهم كانت تعرف انها بتمو*ت لعلها خيره يالله ارحمها

صحى مترف وهو يناظر في ابوه اقترب منه ساند راسه على يد ابوه ابتسم مالك لتصرف ولده قرب احمد منه ملحفهم زين ، احمد : بابا انت ليه عصبي

ابتسم بحزن لولده : اوعدك يابابا ماصير وايش رايكم ياعيال ناخذ روح معنا ونروح للملاهي ؟

مترف : اي اي اي !

ابتسم لحماس ولده ، احمد : بابا روح مزعجه

مترف بدفاع عنها : لا روح كويسه انت مزعج

ضحك مالك على دفاع مترف لروح : بابا مترف انت تحبها ؟

مترف : اي هي نفس اختي

مالك : نشوف اذا كبرت تصير صدق نفس اختك ولا لا

مترف : بابا ايش تقصد ؟

مالك : نامو ياعيون ابوكم

-

( ملاحظه صغيره للي يسالون وين بدر وبدور وليه ما يظهرو خلص دورهم في الروايه 💗 )

ادم ~

: هالبقره كنت اعرف انها بترفض معليه اصبر لك نفس ماصبرت عليك بالمتوسط يالبزره

بالعكس ما حزن لانها قالت وعد اني بوافق عليك وقتها .

نزل تحت متجهه للمطبخ : واه الريحه وصلت للغرفه وش تطبخين ؟

هبه بغيض : موب حقك حقي اندومي

ادم : يووو ليكون بخلطاتك ؟؟

هبه : ياحلو خلطاتي بس اقلب وجهك

ادم بسخريه : حلات الاندومي بدون الخلطات بالله وش حطيتي ؟

هبه : سر

ادم : الله عليك بس قولي قولي

هبه اندمجت وهي تقول له : اول شي معجون طمام ومن بعدها صويا حلوه واخر شي كريمه طبخ وليمون

ادم : وش ذي كريمه؟

هبه : من اول اقولك تيس تاكل الاخضر واليابس ذي دايم احطها في الاكل الي اسويه لكم

فتح ادم الثلاجه والتهت هبه تاكل الاندومي حقها ناظر للايسكريم ابتسم لذا النوع الي يحبه فتحه وبدا ياكل منه طاحت نظره هبه عليه وصرخت بعصبيه : يااااازق حقيي! والله لا اعلم ابويي اذا ماجبت لي واحد

ادم : اذني يازقيق بجيب لك لا تاكليني يع

ومن بجاحته اكمل وهو ياكل فيه ماحس فيه الا ينسحب من يده : بجيح انت !!

ادم : موب ميـ*ـت عليه على فكره اصلا عندي راتب واقدر اشتري كرتون

ابتسمت له هبه : خلاص عاد نمزح شدعوه خذ حلالك

ادم : ناس ماتمشي الا بالعين الحمرا

هبه : على فكره ترا حتى انا عندي راتب وابيك توديني لشركه الحين

ادم : على هالصبح اندومي الحمدلله والشكر

هبه : مسوي طالع منها تطلبني وبعدها تاكل ايسكريمي

ضحك لانها حشرته وطلع لسياره دخلت وراه بعد 10 دقايق

: لا كان نمتي ؟!

تنهدت : امش

وصلو لشركه نزلت متوتره لان عندهم اجتماع ومن امس متوتره دخلت مكتب اصيل تسجل حظورها

اصيل : تاخرتي نص ساعه

هبه : انشغلت شوي

اصيل : طيب اجلسي خل اعلمك وش بيصير

اقتربت من الكرسي تجلس وتناظر في يد اصيل الي تاشر على الورق ويتكلم عضت شفتها من شافت عروقه وهي من النوع الي يحب العروق كثير ! خلص كلامه : فهمتي ؟

ناظرت فيه بفهاوه : ها ؟

اصيل تافف : يووو ياهبهب ماكنتي معي وش كان شاغل بالك عني

كيف تصارحه انها حبت عروق يده الباينه بلعت ريقها : ولا شي بس فهيت شوي

اصيل : يلا بشرح ثاني مره يويلتس تفهين لان بعدها ابيتس انتي الي تشرحين لي

: ازهلني

واخيرا انتهى من الشرح : يلا اشرحي لي

توترت وش بتقول اول شي ! اخذت تتكلم وتاشر على الاوراق وكل ثانيه وثانيه تنتقل عيونها من الاوراق لعيونه العسليه الي جذبتها وش ناقص فيه ذا ماشاء الله مرتب ونظيف وجميل وحتى عروقه حبتها غبيه يوم رفضته وقت تقدم لها وبحجه ايش والله اني صغيره بدل مايسعى لها صارت تسعى له وبعيد عن كل ذي الاساله : بسالك اصيل

: عيون اصيل اسالي

استحت منه بس اخيرا تكلمت : وش خلـ

قاطع كلامها الباب الي انطق دخلت احد الموظفات

دخلت احد الموظفات الي ماتلبس نقاب ومن بلدٍ اجنبي ناظرت في هبه : لو سمحت يا اصيل عندي اوراق ابيك توقعها

اصيل ابتسم لها : كان خليتيها بمكتب السكرتيره

تنهدت حاطه اصبعها بفمها وبغنج : مالقيتها

ناظرت في لبسها هبه كان قصير بلعت ريقها مستغربه من عائلتها الي تاركتها كذا وبالبس ذا

اصيل صد عنها يناظر في عيون هبه الي تناظر في الموظفه : كان حطيتيها عادي وهي بتجي وتعرف ولا يا استاذه هبه ؟

ناظرت فيه باشمئزاز : اي

بلعت ريقها : بس انا كنت ابي اسلمها لك

اصيل : وليه ؟

بخجل : لـ لان لـ

وقفت هبه تضرب طاوله اصيل : لانها تبيك انت ولا تبيني تبي تغريك عشان تحبها

طلعت بنرفزه من المكتب متجهه لاحد الحمامات " اكرمكم الله " فصخت النقاب متنزفزه من الموظفه ومشمئزه منها رجعت لمكتبها انخرشت من وجود اصيل على كرسيها : هلا طال عمرك بغيت شي ؟

ابتسم لها : اي جيت اقول لتس اني طردتها

باستغراب : مين ؟

: الي قبل شوي

باستغراب اكثر : وليه ؟

قام من مكانه يمرر اصبعه على خدها : لانك تغارين

تورد خديها بالاحمرار : و وش تقول انت !

بيت لم ندخله من قبل ~ زمرد ~

ناظرت لابوها الي على جواله وهي تقلب الاكل بالشوكه ومن ثم نظراتها جت على امها الي تاكل بصمت بلعت ريقها وهي تناظر في اخوها ناظر في عيونها وابتسم لها نزلت انظارها لصحنها بسرعه وتكلمت اخيرا بالي تبي تقوله : يبه

ناظر فيها بعد ثواني طويله : ها ؟

بلعت ريقها بخوف : ماتحس انك مبعد عنا ؟

ترك ملعقته وهو يناظر في زمرد : لا انا عندكم بالبيت

بخوف : اي اقصد ماتمل من البثوث الي تفتحها ؟

تكلم اخوها : زمرد مالك دخل بابوي

ابو زمرد : لا مامل

تكلمت اخيرا ام زمرد : حالتك ذي يابراهيم موب عاجبتنا ! هالتطبيق الز*فت اخذك منا النفقه ماغير انا الي ادفع وانت بس تشحن بهالتطبيق !

تنهد ابراهيم : اول شي مالكم دخل ثاني شي لاتجيبون هالسيره قدامي

زمرد بخوف : طيب لاتدخل مع بنات على الاقل احترم مشاعر امي !

وقفت زمرد ولحقتها امها للغرفه : ليه تقولين كذا

التفتت زمرد لامها : الى متى بنجلس ساكتين ؟؟ الى متى !! اتذكر وانا صغيره كان يجيب لي معلم ومن البجاحه الي فيه جلس عندنا وفتح بث !! ومع مين مع بنت !! فشلني عند المعلم الي حاول يسلك لي ويخليني اركز معه ! الى متى بنسكت يامي لين يتزوج عليـ

حست بالم من الكف الي جاها من امها : اسكتي مالك دخل دامك عايشه على فلوسه

بسخريه : على فلوسه لاتكذبين علي لاني اعرف انتي الي تدفعين السفره الي فاتت رحنا لجده وهو حتى بانزين مادفع كله عليك ! خلاك تاخذين قرض من البنك وياليت ان ماخذ من القرض لااا راح شحن فيه !! ترا هو موب بزر عشان يسوي هالحركات التافهه ! ترا تعبتت تعببببت !!

طلعت امها ماخذه نفس حزين وعميق ارتمت على سريرها تحاول النوم

اغلقت عيونها بتعب كبير ودها تفضفض وتتكلم بالي يصير لها بس من بيسمع ؟ من بيسمممع !!!

استيقضت على لمسات شخص فتحت عيونها وانخرشت من اخوها عمر

: عـ ـمـ ـر و وش تسوي !!

بشهوه : اششش اشتقت يازمردي

دفعت صدره بخوف : الي تسويه حرام ابعد عني !

ابتسم لها : بس انا اخوك !

بخوف اكبر : عمر انت اخوي حراام !

عمر : بس انا مشتاق لك

مسك يدها بقوه ….