رواية تكون لي قلب اكون لك دقاته الفصل الخامس 5 بقلم مجهولة
رواية تكون لي قلب اكون لك دقاته pdf الفصل الخامس 5 بقلم مجهولة
في قروب البنات
هبه " كم باقي لكم ؟ "
امجاد " 3 ساعات "
هبه " بتمرون عند عمانكم صح ؟ "
امجاد " اي بنجيكم "
هبه " كويس "
موج " ياربييي صداااع ويلموني في كره طريق السفر "
امجاد " طريق السفر أكره إذا كان الساعات كثيير "
قفلو جوالاتهم وبدو يسولفون مع أبوهم وأمهم
مترف : مالك وش صار عليه ؟
ضي : الصبح اتصلت عليه تطمنت عليهم والحمدلله
موج : طيب متى بيجون ؟
ضي : الاسبوع الجاي
موج : احس اشتقت له
أمجاد : اي والله حتى أنا
سدين : يبه كم باقي
مترف : ثلاث ساعات
التفتت سدين لجوالها وكلمت صديقتها الاكترونيه
سدين " باقي لنا ثلاث ساعات والله ماقدر اصبر هالقد !! "
ادم " عادي اصبري هناك بتقابلين خوالك وعمانك "
سدين " تدرين روز ماطيق عماني "
ادم جته صدمه " من هم "
سدين " إلا واحد احمد وعائلته بناته يدخلون القلببب "
ادم ابتسم بفرح " اي ليه تحبينهم كذا "
سدين " قلت لك بناتهم حبوبات وبالذات هبه فلاويه وتحب تغامر "
ادم " اي ماشاء الله .. تحبين ؟"
سدين " أنا ههههه لا مافكر ليه ؟ "
ادم " لا بس اسال "
سدين " روز انتي قد حبيتي ؟ "
ادم " اي ولسى احبها دخلت قلبي من اول نظره "
سدين انصدمت " روز انتي اللوان ؟؟؟؟ "
ادم ناظر في جواله مقين انه جاب العيد " لا لا بسم الله شهالحكي الكيبورد بس يغيييير لاني متعوده اتكلم بصيغه البنات "
سدين " طمنتيني هههههههه على بالي انتي اللوان "
ادم " استغفر الله "
سدين " وليه يالحيوانه ماقلتي لي انك تحبييين !! ايش اسمه ؟ "
ادم " اغار عليه "
ضحكت سدين " الله وأكبر ترا ماباخذه "
ادم " من قبيله ***** "
سدين " يمه نفس قبيلتي "
ادم ضحك على غباها "صدفه "
سدين " ماعندكم مناسبات ؟ تطلعون لها او بتسافرون مكان "
ادم " لا ياعيوني "
سدين " تسلم عيونك ياقلبي "
ادم " احبك سدين "
سدين بحسن نيه " أنا اكثر يلا باي حبيبي بروح "
قفلت الجوال ..
عند بطلنا ادم ..
كان يناظر الجوال بفرحه هي تحبه !! اي تحبه قالت أنا أكثر
جاه احباط بعد ماتذكر .. هي تحبني لاني بنت عندها ..
دخل غياث : وش ذي انتبه لينشق وجهك من الابتسامه
ادم : ههههههههههه اص بس … غياث
غياث : لبيه
ادم ضحك : اول مره .. المهم ماعلينا قد جربت الحب ونجح معك ؟
غياث : اسلم هههههههههه
تربع زين وبحكم ان غسان مو موجود اخذو راحتهم
غياث : تدري اي قد جربته ومانجح للأسف انت تحب ؟
ادم : تبي الحقيقه ؟
غياث : اي
ادم : طحت ولا حد سمى علي
غياث : حد !! حد !! قل احد وش الي حد استرجل ذي مايقولها إلا البنات .. لا امزح معك لمين ؟
ادم : سدين بنت مترف
بسق القهوه من فمه على وجه ادم ..
ناظر فيه ادم بصدمه وبعدها تدارك الوضع : يالكـ/لب وجهييي الله ياخذك استغفر الله بس
غياث : من جد تتكلم ؟
ادم استحى : اي
غياث ضحك : وجهك يضحك ههههههههههه
ادم : كل تراب بس أنا بفضفض لك
غياث : تدري بقول لك شي
ادم : قل
غياث : امي فضحتك من قبل وقالت ادم من شاف سدين مو على بعضه وتكلمت هبه وقالت اكيد طاح فيها
ادم : ابغى أحجزها
غياث : موب زين
ادم : إلا بروح اكلم ابوي
قام ادم وراح وراه غياث
..
دخلو عالمجلس وعمانهم وعماتهم موجودين اتجه لابوه وجلس
ناظر في غياث الي وجهه احمر يحاول يكتم ضحكته من شكل ادم المستحي
طلعت ضحكه من ادم وبعدها سكت ناظر في عمانه وعماته الي أنظارهم عليه
غياث التفتت للجدار يحاول يسكت ولا يناظر لوجه ادم
ضحك غياث وقام بسرعه طالع برا
واحد من عمانه والي اسمه بدر
بدر : شبلاه هالولد
قام ادم بسرعه خلف غياث وقام وراهم غسان
مسكهم باذانيهم
ادم وغياث : اح اح والله توجع
غسان : وش عندك مصيبه انت وهو
جلسو على الارض وتكلم غياث بعد ماشاف ادم طول مايتكلم
غياث : احممم ادم بيكلم ابوي انه يحجز له سدين بنت مترف
غسان : ها !! هااا انت حمار ولا ايش بتقولها عند عماني ؟
ادم : عادي عشان يوافق
غسان : خلاص بدخل وانتم ادخلو معي
قامو كلهم داخلين
اقترب ولد عمه بدر
ماجد : وش عندك من علم ؟
ادم : بتعرف شوي
ماجد : اجل قل بسرعه
ناظر ادم في ابوه بخوف وتوتر وناظر في غسان الي منزل راسه حاط يده على فمه
التفت لغياث يبي يتلقى المساعده بس هو كذلك يناظر فيه وخدوده منفوخه يحاول يسكت
ضحك ادم
بدر : وش عندك انت وياه
احمد : وش مسوين
غسان : يبه وش شايفنا ههههههههه
ضحك غسان على وجه ادم
غياث : يبه ادم بيقول لك شي
ناظر ادم بغدره لغياث موب الحيننن !!!
احمد : قل ادم وش في وجهك كذا ؟
ادم تحمحم : أنا ابـ.. ابـ
سكت ادم خايف ومتوتر
غسان : احم يبه ادم يبي يحجز بنت مترف سدين له قبل تنحجز
ناظر ادم بامتنان لغسان رجل المهمات الصعبه ..
ناظرو في شخص كان في الزوايه ينتظرون منه رد
احمد : ابشر ادم بكلم ابوها بعد مايجي
وقف ذاك الشخص وتكلم بصراخ
: محد بياخذها غيري هي ملكي
تدحرجت عيون ادم لذاك الشخص بعصبيه هو قال الحين زوجته المستقبليه ملكه !
سدين لي أنا ابغاها
ادم : لاتجيب اسم سدين بلسانك
قام ادم بعد ماشافه يقرب وقامو اخوان ادم ينتظرون اي حركه من ذولي الشخصين
احمد : سدو حلوقكم انت وياه عيب عليكم ماحشمتونا
ادم ناظر في عصام
عصام : سدين لي سدين لي !!
عصب ادم من عصام الي يقول زوجه ادم له !! اقترب منه ودفعه بقوه تدخلو غسان وغياث وماجد وبدر واحمد
وذا هم عيال مترف الي وصلو قبل ابوهم دخلو المجلس ابعد ادم عن عصام بسرعه يناظر في امجد ومعاذ بفرحه
ادم : ياهلا ياهلا تو مانور المجلس
اقترب ادم منهم مسلم عليهم انصدمو الي في المجلس من تغير ادم !!
معاذ استغرب من الجو المشحون
سلمو على عمانهم وعماتهم وجلسو قام ادم مأخذ القهوه مقهويهم حط الدله بعد ماخلص وجلس بنصهم
ضحك امجد وتكلم : شسالفه عصام ليه يناظر فيك كذا
ادم : ذاك خبل معليك منه ابوك باقي ماوصل ؟
امجد : كم دقايق ويكون عند الباب
ادم : اي يعني انتم مقسمين السيارات البنات مع ابوك وانتم بسياره
امجد : اي وللأسف سيارتي مشيله شنطهم
سمع صوت الباب ادم وقام بسرعه
ادم : ذا هو عمي شكله جاء
غياث : قايم بالواجب هههههههه
ادم : اكيد بقوم ذولي جايين من طريق سفر وتعبانين
طلع ادم بلهفه ناظر في البنات يدور بينهم سدين ناظر فيها وطاحت عيونه بعيونها
ادم : ارحب ياعم كيف حالك
قبل راسه واتجه لضي مقبل راسها
ادم : الله يحيكم تو مانور البيت
ضي : بوجودكم
ادم : بتنامون وين ؟
ضي : عند اخواني
ادم : خساره كنت أبيكم تنامون عندنا
ضي : المرات الجايه ياولدي
دل لهم الطريق ناظر في سدين الي بتدخل المجلس عصام بيكون موجود ووقتها بيشوف سدين اجل بيوقف بطريقه
دخلو المجلس وقامو اخوان مترف يرحبون فيهم ناظر ادم في عصام وقلبه ينبض بغيره وجنون ناظر في سدين اقترب امجد منها همس لسدين وسفهته كالعاده والي كان كلامه " تغطي في عيال "
جلس مترف مع بناته وزوجته المتغطين ماعدا سدين التفت لسدين الي كانت متكشخه
ماجد قام لعند لعصام : ياولد صد ترا أكلت البنت بنظراتك
وصل إشعار لآدم " زوجتي " وذي سدين مرسله
" بصور لك عيال عماني لعله بيكون واحد منهم الي تحبينه هههههههه "
" تمام "
صورتهم بدون يحسون " تم الإرسال "
فتحها ادم دور بين الصور صورته بس مالقاها
ادم " سدين اتذكر انك حسبتي عائله احمد عمك بس في واحد ناقص "
سدين " ذاك موب لازم تشوفينه "
ادم " ليه ؟ " …
سدين " مادري احس من تعامله وأسلوبه لابوي واخواني احس انعجبت فيه شوفي ركزي على إعجاب وليس حب "
اتسعت عيون ادم بصدمه وفرحه والابتسامه شاقه وجهه
ماقدر يمسك نفسه وطلع بسرعه من المجلس
ادم " طيب انتي قلتي ماتحبين "
سدين " اي ماحب بس انتي ماسألتي في إعجاب "
ادم " طيب افرضي ان ذا الشخص يكون الي حبيته "
سدين " بصفقك "
ادم " تغارين عليه ؟ "
سدين باستحياء " اي المهم ذا الكلام بيننا "
ناظر ادم وجهه في المرايه غسله بسرعه ودخل المجلس يناظر في الجدار متبسم
غياث دق ادم : ولد ولد
ادم : عيونه
غياث : ههههههه ذا كله لسدين
ادم : اي احبها
غياث : هههههههههه ياولد اثقل
وصل إشعار لآدم قفل الإشعارات بسرعه عشان ماتشك ناظر فيها وشافها تناظر فيه برفعه حاجب اشر لها بايش ؟ هزت راسها بـ لا والتفتت لجوالها قام ادم وابتعد لأبعد نقطه في المجلس وجلس فيه
ناظر في عمانه وعماته الي مستغربين منه والوضع المشكوك الي هو فيه
-
عند بطلتي سدين
موج : سدين بنت
سدين : هلا
موج : ياخي احس ادم يحبك
سدين : هااا وش تهبدي فيه انتي ؟
موج : قسم ماكذب شايفه يوم نزلنا من السياره كيف كان يدورك بيننا وبعد قبل نجي لديره يوم رحنا لهم عزيمه ودخل يحط العشا كان يناظر فيك نظراته عليك
سدين : تتخيلي مستحيل يحبني شايفه فرق العمر
موج : الحب مايعرف العمر
سدين : الحين بصيح ترا كلامك يوترني
امجاد ضحكت : أنا اتفق معها هههههههه
سدين : كلو تراب انتي وياها
ارسلت لروز
" روز "
وصل إشعار لآدم ناضرت فيه بشك وناظر فيها باستغراب ابعدت شكوكها بسبب نظراتها
" عيوني هلا "
سدين " تسلم عيونك "
سدين اكملت " ياخي غثوني خواتي "
ادم " ليه ؟ "
سدين " يشبكوني مع الخبل ادم "
ادم " وليه زعلانه ؟ مو معجبه فيه ؟ "
سدين " ماحب احد يشبكني مع شخص "
ادم " اها طيب شعندك سولفي مللل "
سدين " تدرين ابغى احش "
ادم " جوي "
سدين " اول احم ياخي واحد من عيال عماني الله يسسستر عليييه الله يستر عليه غاثنيييي مره "
ادم " ليه "
سدين " قبل سنتين رحنا الديره تمام ؟ "
ادم " تمام "
سدين " تخيلي أخذني وكلمني "
ادم " بايش ؟ "
سدين " تخيلي وش قال T^T “
ادم " ايش ؟ "
سدين " قال انه يحبني وذا اكثررر واحد اكرهه وقبل اخته قايله لي ان يكلم بنات وفوق ذا جاني ويقول اني احبك شين وقوي عين "
ادم " ايش اسمه "
سدين " قلنا الله يستر عليه "
ادم " طيب "
سدين " بصور لك اخوي معاذ "
ادم " ههههههههههه "
صورت معاذ بدون يدري بفلتر غبي
طلع صوت ضحكه ادم من بعيد بس من حسن حظه ان سدين لبست سماعاتها
ناظر في معاذ موب قادر يسكت
معاذ : وجهي في شي ؟
ادم : لا ماشاء الله مزيون هههههههه
دخلت هبه بنت احمد وزوجته ريهام اقتربو لعائله مترف بفرحه
سلمت عليهم واقتربت من سدين .. ريهام فرصت سدين مع خدها
ريهام : بعدين لازم تركزين في الدرس
سدين بضجر : ياعمه احنا متخبين عن الدراسه لاتذكريني
ضحكت ريهام عليها : لا لا امزح عليك بسم الله عليك يابنتي
اقتربت هبه منهم حاضنه موج بقوه وبعدها امجاد وسدين
جلسو في زوايه من المجلس وبدو يتكلمون
سدين : اخ ودي افصخ العبايه
موج : اهجدي بس
هبه : خلونا نروح غرفه ثانيه
امجاد : أنا بالقوه جيت لزاويه ذي تبيني اروح لغرفه خلينا هنا
موج : هبه صادقه هنا احس أتضايق
امجاد : لا لا خلونا هنا
وافقو البنات بالقوه
سدين : بطلع للمرايه الي برا واجيكم بشوف شكلي
موج : تمام انتبهي لك
سدين : وش بيصير لي في بيت جدتي
قامت سدين وتكلم مترف
مترف : وين رايحه يابنتي
سدين : برا بروح للحمام واجي ( اكرمكم الله )
بدر : خذي معك احد يمكن يطلع لك عقرب
سدين : بسم الله علي
ضحكو عليها
عصام : آجي معك ؟
ناظرت سدين في عصام بقرف وانقذها امجد
امجد : معليه أنا بجي معها لاتتعب نفسك
قامو مع بعض متجهين للخارج
في طريقهم
امجد : سدين انتبهي من عصام احس ناوي على شي موب خير لك
سدين : يمه لاتخوفني
امجد : ترا ماكذب وبعدين إذا بتجين بيت جدتك البسي نقاب او غطي على الاقل شعرك
سدين : ياقلبي الي يخاف على اخته .. بس تدري جايه هنا عشان ايش ؟ .. ابغى اصور ودامك جيت بصورك معي
امجد : لاتخليني اندم هههههههه
وقفو عند المرايه اخذ جواله امجد بيصور لذكره
امجد : أنا اطول ولا انتي كذا تقصرين ؟
سدين : يليل وش فيكم تضحكون على طولي ؟؟
امجد : كم طولك ؟
سدين : 157
ضحك امجد : يالقصيييره
سدين : القصر عز
امجد : تقصدي الطول عز
وقفو باعتدال وصورو الصوره
سدين : الله حلوووه
امجد : وريني
سدين لفت جوالها له
امجد : وانتي صادقه ارسليها لي
سدين : كم تعطيني ؟
امجد : ولا ريال ههههههه
سدين : اجل انقلع
طلعو من المكان متجهين لداخل
جلست مع البنات
سدين : بنات مشينا لداخل ؟
موج : اي يلا هنا عيال وغثى
امجاد : بجلس عند امي
قامت متجه لامها دخلو هبه وموج وسدين
تحمحم احمد والتفتو له الكل
احمد : يامترف حنا بنحجز بنتكم سدين لولدنا ادم وبنتكم نفس بنتنا بنحطها بعيونا
مترف ناظر فيه بصدمه : البنت صغيره
احمد : بنحجزها لادم مابنخطبها
ابتسمو عيال مترف متذكرين تعامل ادم معهم عرفو السبب الحين
مترف : موافق بس إذا كبرت البنت ورفضته لاتزعلون
ناظر في ادم المستحي من اخوانها وابوها
ضحكو عيال مترف عليه
تكلم احمد بضحكه : تذكرت امك وهبه هههههههههه
ناظر ادم في ابوه .. ابوه ذب عليه
ريهام : وانت باقي متذكر
احمد : شلون أنسى وجهكم
ادم ناظر في عصام بنصر بس استغرب لانه ماكان في المجلس !! بلع ريقه بخوف قام واستأذن منهم داخل لداخل .. سمع صوتها الهامس وواضح كانت مع احد
: ياخي ابعد عني ماتفهم لايشوفنا احد
عصام : أنا احبك ياسدين احبك لاتوافقين على ادم ..
: ادم وش بعد انت ابعددد عنيي
ركض ادم للغرفه الي كان يسمع صوتهم فيها
ناظر في عصام الي كان ماسك يد سدين بقوه وهي تحاول تفلت منه
دفعه بقوه بغضب ضاربه بدون رحمه .. بدأ يشـ/تم في
دخل امجد من سمع صوتهم دخل الغرفه الي فيها هم استغرب من وجود سدين ولا أعطى اهتمام كبير مثل ماعطى لادم وعصام اقترب منهم يحاول يدفع ادم عن عصام ابتعد عنه بالقوه
ناظر في وجه عصام النازف
امجد بصراخ وغضب : شفت وش سويت بالرجال
ادم بغضب : لاتناديه بالرجال هالرخمه
امجد بغضب : طيب شفيكم !!
ادم ناظر في سدين بغضب : قولي له
سدين بصراخ : يستاهل ماجاه هالكـ/لب !
امجد : ليه ؟
سدين ماتحملت وبدات تبكي وتسرد له : يوم رحت عن البنات بشحن جوالي جاء وراي لاحقني مسك يدي وبدا يقول كلام غبي مثل
سدين استحت وناظرت في ادم وبعدها نزلت راسها : لاتوافقين على ادم
اقترب منها امجد حاضنها
امجد : وانا وش قلت لك .. انك تنتبهي لنفسك ولا تبعدين عن البنات لولا ادم ماندري وش بيسوي !
ناظر في عصام الطايح : وذا وش بنسوي لها
طلع ادم متجه للمجلس
: عصام متصفق
ابوه عايش بخوف: من مصفقه ؟!!
ادم ببرود : أنا
عايش : وليههه !!!
ادم ناظر في عيون عمه بغضب : كان بيتحرش بسدين !! ويستاهل ماجاه
مترف قام بغضب هو ومعاذ : الـ*****
اتجهو للغرفه الي فيها ناظرو في عصام
تقدم معاذ بيكمل عليه
مترف : موب الحين يمكن يمـ/وت علينا
شالوه العيال
امجاد ناظرت في غسان بحب !! مو مهتمه لسالفه اعماها الحب !!
غسان : بروح اجيب شاش واجيكم
مشى جاهل وجود البنات بالصاله وهذا هو يدخل عليهم ..
ناظر فيهم بصدمه طاحت عينه في عين موج المصدومه من دخوله عليهم !!
صد بسرعه من كلام هبه : موج عندييي اطلع برا
غسان : كنت بجيب شاش
هبه : شاش ؟ ليه شصاير ؟؟
غسان : عصام
هبه : شفيه ؟
غسان : تصفق من ادم
هبه : اها اجل احسن لاتعالجوه خلوه يمـ/وت
غسان : اخلصي روحي جيبيه من شنطتي !!
التفت وطلع لعند الباب ينتظرها قامت هبه متاففه
تكلمت موج بصوت هادي من ورا الباب : عساه بخير ؟
سكت غسان شوي ليه تسأل عنه : ليه ؟
موج : وش يعني بسال عن حالته بخير هو ؟
غسان سوالي غبي صدق بس احس مالها داعي تسال !! طول بتفكيره واستوعب
غسان : اي بخير
جت هبه وانصدمت من وضعهم وقطعت الشك بالغلط ..
هبه : غسان وتقول مأوراكم شي انتم اكيد تحبون بعض !!
وذي هبه كالعاده تجيب العيد وتذهلنا بغبائها
اتسعت عيون موج بتوتر وش تقول ذي !!
ناظرت في هبه : وش تهبدين فيه انتي ؟؟
هبه : لاتستحون ترا اعرف واذا ناوينها زواج قولو لي أتوسط لكم
احمر وجه موج بإحراج من كلام هبه !
غسان : هبه لو تسكتين شوي وتعطيني الشاش افضل
هبه : هيهي كشفتكم وخذ ذا هو الشاش
اعطته من ورا الباب وجلست موج ماسكه راسها من الصداع الي داهم راسها
هبه : شفيك
موج : يابنت من وين جايبه الكلام ذا
هبه : أنا اعرف ترا حتى هو مثبتك بالواتس اول وحده هو ماثبت امي حتى وانصدمت انه ثبتك !!
موج : ياراسيييي جبتي فيني العيييددد
-
عند بطلي غسان الي طلع من عندهم مبتسم ليه قلبه يخفق بسرعه ؟ وايش سبب ابتسامته هو حتى مايدري وصل للغرفه معطيهم الشاش .. خاف من دقات قلبه المتسارعة اخذ جواله ودخل جوجل يبحث ..
" ماسبب تسارع القلب والابتسامه دون سبب ؟ "
بدأ يبحث ولا لقى سبب محدد مل من البحث واتجه للمطبخ شارب ماء
-
دخلت امجاد وسدين عند موج وهبه
موج بخوف : شفيك سدين تبكي ؟؟
انصدمت موج من بكاء سدين
التفتت لأمجاد : شفيها ؟؟
امجاد : الكـ/لب عصام كان بيتحرش فيها !!
موج : ايش !!
امجاد بابتسامه غريبه : الحين هو طايح بسبب ادم
هبه باستغراب : ادم ؟ وش دخله ؟
امجاد : قابله هناك بالغرفه
هبه ناظرت في ابتسامه امجاد بشك .. اشرت لها تلحقها .
قامت امجاد تاركه سدين مع موج دخلو الغرفه
هبه : أنا احلف لك ان في سبب ورا ابتسامتك
امجاد : الحقيقه اي .. ادم حجز سدين يوم طلعتو من المجلس
صرخت هبه بصدمه : هااا !! أنا أخته آخر من يعلم !!
امجاد ضحكت : عادي عادي والله تدرين واضح ادم يحبها
هبه : يوووه توك تعرفي ؟
امجاد : لا من نظراته لها ، أنا ابغى اعرف متى حبها ؟
هبه : مادري بس يوم امي دخلت سدين بيتنا بوقت تاخر معاذ عليها في الدوام فتح لهم وعطره وصل لآخر بيت في الحاره
ضحكت امجاد : اجل حبها قبل تدخل البيت
هبه : اي واضح
امجاد استحت وتكلمت : تدرين هبه ..
هبه : ايش ؟
امجاد باستحياء : أنا حبيت بعد ..
هبه : الله بمين هههههههه
امجاد : في اخوك غسان
هبه سكتت وبقت تناظر في امجاد
امجاد اكملت : شفيك ؟
هبه : لا ولا شي
..
وعد ~
فتحت عيونها ناظرت في السقف بشرود وخمول ومكبله يدها في السرير
رفعت يدها على نور الغرفه ناظرت في السلسله موب قادره تبعد الأكسجين عنها .
حالتها يرثى لها ، نزلت دموعها بحرقه ، اهلها وينهم ، ماهر ليه صار مايزورها ، اخوها ، حبيبها ، سندها ، وين اختفى ، ابوها ، امها ، هل هم مشتاقين لها ؟
ليه كل ذا يحصل معها !!
أبعدت الأكسجين عنها وبدات تشيل الإبر عن يدها
حطت يدها على فمها مانعه صوت شهقاتها
وعد : يارب .. يارب .. ليه حصل معي كذا .. مالي ذنب .. ماقدر اتحمل يالله .. خذ روحي .. ابغى اموت .. ابغى اكون مع جدتي .. هي الي وقفت معي من بعدك يارب ..
ارتفعت شهقاتها ..
وعد بشهقاتها المؤلمه : يار..ب .. اللـه يأخذني .. الله يأخـ..ذني .. يارب أنا ..تعـ..بت .. تعبببت خلاص ماصـ..رت اتحمل كل ذا ..
دخلو الدكاتره من وصل لهم ان نبضها توقف لكن انصدمو بحالتها التي يرثى لها اقتربت الدكتوره بتعطيها المنوم
التفتت لها وعد وبصراخ مخيف : ابعدييييي انتي السبببب ابعدووو عنيييي ..
سكتت وناظرت في السلسه وببكى : أنا بخير أنا مافيني شي افحصوني سوو لي كل شي بس أنا مافيني شي .. كله من أديب .. أديب السبب هو وصلني لهالحاله ابغى اطلع ابغى اطلع انتم بدل تعالجوني بتقتـ/لوني ! اطلعو عن الغرفه ابعدو عني اتركوني في حالي
طلعو الدكاتره خايفين على حالتها دخلت عامله نظافه ودموعها تنزل
اقتربت من وعد فكت لها السلسه مسكتها بيدها
: تكفين اطلعي من هنا انجي بحياتك .. أديب يبي يقتـ/لك انتي نفس بنتي كل يوم اشوفك وابكي عليك .. انتي تشبهين لها ..
حضنتها العامله بقوه لكن وعد كانت منصدمه منها ماصدقت خبر وطلعت بسرعه وصلت للباب ابتسمت وناظرت خلفها .. اتسعت عيونها بخوف أديب كان يناظر لها وذا هو يركض لها بسرعه التفتت للباب وطلعت برا بسرعه التفت للورا بس هو باقي يلحقها !!
ناظرت الشارع .. اخيرا .. اخيرا .. بدات تضحك .. اخيرا شفته
ركضت وصلت لشارع التفتت للورا ارتعبت منه لانه كان قريب منها كم خطوه ويصل لها
التفتت لشارع وركضت التفتت ليسارها .. نور قوي جاء على عيناها ..
ضربتها السياره بقوه ، ناظر أديب فيها وعينه متسعه ركض لها ، وصل لعندها ناظر في جسمها ، الد/ماء ماليه جسمها ..
تنفسه اضطرب ، داخله خوف ، بيفقدها ، هو حبها ، لا لا مو من حقها
جلس على ارضيه الشارع ونور السيارات عليه
شالها وحطها بحضنه
أديب : لاتروحين أنا معك ، افتحي عيونك ، دام أنا هنا محد يقدر ياذيك ..
فتحت عيناها رفعت يدها لوجنته بابتسامه : انـ..ـت الـ..ـي كـ..نـ..ـت تاذيـ..ـني
عائله مازن ~
ماهر : يبه انت ليه تمنعني اختي .. اختي تراها .. ترا هي بنتك !! من لحـ/مك ود/مك !!
التفت لامه : يمه ليه ماتتكلمين مو هي من رحمك ؟ هي بنتك افهمووو بنتكم .. بنتكم تحتاجكم ..
رفعت صوتها ربى : لاتقولها بنتي !! ذي قتـ/لت اختك !! افهم ذي شر علينا لو بقت دقيقه يمكن أفقدك !!
ماهر : هههههههه جالسه تضحكيني .. امي لازم تزورين مصحه عقليه .. أنا متاكد انتي وابوي في عقلكم شي ..
قام مازن معطيه كف ..
مازن : ياقليل الادب تتكلم مع امك كذا !!
ناظر ماهر في الارض ساكت
مازن : اعتذر منها الحين !!
لأرد
مازن : اعتذر !!
التفت ماهر وخرج من البيت
اتجه للمستشفى بسرعه كبيره ناظر في المستشفى بابتسامه اشتياق التفت للأمام .. اتسعت عيونه بخوف من البنت الي كانت واقفه بالطريق وماكن بيعد عنها إلا خطوه .. ابتعد جسد البنت عن مكانها الي كانت واقفه فيه بعيددد .
وقف السياره في صدمه وخوف ، نزل من السياره وركض لشخص الي كان حاضن هالجسد الصغير
جته صدمه ان هالشخص يكون الدكتور أديب الي انقذ حياه اخته ..
ماهر : دكتور لازم ننقلها المستشفى
ناظر فيه أديب ودموعه تنزل نزل وجهه هالبنت
ناظر فيها ماهر متسعه عيونه بصدمه وخوف .. ذي اخته !! اخته الي جاها عشان يشوفها مشتاق لها .. الحين هو صدمها بسيارته ..
جلس بالارض يحاول يتنفس بسرعة ، موب قادر ، موب قادر !! .
بدأ يشاهق ابعد أديب عنها مآخذها لحضنه
بدأ يبكي في حضنها زي الطفل الي يبي امه ..
اخذها أديب قام فيها عن الشارع راكض لداخل المستشفى حطوها على السرير المتنقل منصدمين من حاله أديب ..
دخل غرفه الجراحه بيعمل عمليتها هو ..
بدأ يعمل العمليه
الممرضه : نبض قلبها توقف
أديب : عطيها صعق كهربائي
الممرضه : ماينفع !!
اخذ منها : زيدي منه
زادت الصعق وذا هو أديب يحاول ينعش قلبها ..
طاح من يده الصعق وجلس على الارض ماسك طرف السرير يبكي مثل الطفل
أديب : راحت .. راحت .. ما/تت بيدي
الممرضه : الله يرحمها
: عظم الله أجرك ..
طلع أديب بصدمه وفي السرير متغطيه وعد في الغطاء الأبيض
رجف ماهر قايم من الكرسي
ماهر : وينها ، كيف حالها ، هي بخير !!
اديب : عظم الله أجرك ..
ماهر التفت للسرير برجفه وبكى ، فقد اخته هو السبب ، هو صدمها ، لو .. لو زارها من قبل ..
فتح الغطاء يشوفها لآخر مره
وجهها مشوه بسبب انها حك الشارع وجهها .
حضن جسدها ببكى ..
في بيت جديد ولم يسبق علينا دخوله او مشاركه احداثه
: الغنننذذذ تعالي نظفي هنا
ركضت لعمتها بسرعه
الغند : هلا عمتي
: كم مره كم مره اقولك نظفي ذا انتي غبيه نفس امك !!
نزلت راسها بخوف : أنا اسفه
: وش بيفيدني اسفك !! الحين بيجون عائله مترف عندي !! وانتي يالـ**** مانظفتي شي
الغند : تمام
تقدمت لها عمتها وضربتها على خدها : وش الي تمام قولي سمي وابشري !!
الغند تلمست خدها بالم : ابشري
ابتسمت عمتها بحقاره لها ومشت من عندها ، اخذت الممسحة وبدات تنظف الارض ودموعها تنزل على خدها البارد
جلست على الارض وبدات تمسح الطاوله ناظرت في يدها الي تمسح كان عليها كدمات خضراء ابتسمت وبدات تنظف المكان انتهت
عمها : أنا كم مره اقول لك تمسحين السياره !!
الغند : كنت انظف الصاله
: موب عذر أنا هنا ربيتك ومخليك معززه مكرمه في البيت وذا كلامك وتراددي علي !!
الغند بخوف : انـ..أنا اسـ..ـفه
: انقلعي نظفي البيت وبعدها الصاله ولا انتي شكلك تبين العصا ينكسر عليك مثل كل مره ؟؟
الغند : لا لا آخر مره تكفى آخر مره
ركضت الغند للمطبخ تبدّا بالتنظيف الشاق
دخلت عليها عمتها ماخذه السكـ/ين
عمتها : ليه موب نظيف !!
الغند : أنا اسفه
عمتها : انتي كم مره بتعتذرين ماعندك غير الاعتذار بس تدرين لقيت لك عقاب مناسب
مسكت يدها بقوه غارسه السكـ/ين بقوه
صارخت الغند بقوه من الالم الي في يدها تناظر ليدها النازفه دخل عمها على صراخها المرعب
عمها غازي : سدي حلقكككك الحين بيجتمعون عندنا الجيران !!
عمتها فاتن : دلع زايد سدي حلقك قال لك
غازي : انتي ماينفع معك إلا كذا
اقترب منها ضاربها على بطنها بقوه
فاتن : احسن
الغند : الـ..طـ..فل
اغمى على الغند
فاتن : طفل ؟ اي طفل تقصد ؟
توتر غازي : خليها بعدين ذي كذابه البنت اغمى عليها يمكن تمـ/وت علينا
اخذها للغرفه
غازي : خيطي لها جرحها انتي السبب
اخذت علبه الخياطه وبدات تخيط لها بالنهايه ربطته بشاش ..
عائله مترف
مترف : امجد يلا تحركو نبي نزور عمكم غازي
امجد : يوووه والله انه فله من زمان عنه
امجاد : اي والله اشتقت لهم هي وزوجته فاتن
ضي : ياذي زوجته مستحيل اطيقها أفعى أفعى
سدين ضحكت : ليه وش مسويه لك
ضي : سوت الي مايتسوى سوالفها عند الحريم
مترف تكلم مع امجد : يويلك تسرع أمش ببطى انت تعرف شوارع الديره أنا بلحقكم مع معاذ
امجد : يايبه والله اني اعرف أسوق ذي رابع مره توصيني
مترف : رح رح
حرك السياره متجهين بكل حماس لعمهم الكل اتفق على حبه ولا يعرفون شصاير مع البنت المسكينه .. إلا شخص ..
وذا هم يوقفون عند بيتهم الصغير
نزلو الكل فتح لهم غازي مرحب فيهم
جلسو في الصاله
موج : وين الغيد اشتقت لها
سدين : عم ابغى اشوف الغيد
غازي بتوتر : ها لا لا الغيد تعبانه
سدين : تعبانه ؟
موج بريبه : من ايش ؟
غازي : تعرفين الجو والبرد الي في الديره
موج قامت : ابغى اسلم عليها
غازي : اجلسي يابنت لاتعديك
ناظرو اهلها في شك بـ موج تصرفها غريب اول مره تسوي كذا !
موج جلست بعد ماتكلم امجد : بكره نجي ونشوفها
غازي : بكره عندنا عزيمه
ضي : غريبه ؟ مو يوم الجمعه كلنا في بيت عمتي ؟
غازي ناظر في ضي : بكره مابحظر
امجد ضحك : يويلك عاد من عماني يبتهجمون عليك
غازي ضحك : خلهم بس
دخلت فاتن وبدات ترحب فيهم
فاتن : ياهلا في اهلنا ياغازي ليه ماقلت لي انهم جو ؟
موج : عمتي فاتن ابغى اشوف الغيد
فاتن توترت : الغيد طالعه مع صديقاتها
اتسعت عيون غازي بخوف
موج ضحكت بسخريه : مو معقوله قبل شوي يقول عمي تعبانه كيف طالعه ؟
ناظر غازي في موج بشك اكيد الغيد قايله لها شي
فاتن : اوووه صح ليه ماقلت لي ياغازي ان الغيد راجعه من صديقاتها ؟؟
غازي : نسيت ههههههه توقعت عرفتي وهي عاد رجعت تعبانه
غازي اكمل يناظر في موج بريبه : تبين تشوفينها ؟
موج ابتسمت : اي
قامت موج ومعها عمها
ضي : اجلسي ياموج تعبتي عمانك
غازي : شدعوه بس تشوفها وبترجع على طول صح موج ؟
موج ابتسمت لعمها : اي يمه
اكملو طريقهم دخلت الغرفه الي فيها الغيد كانت ظلام سمعت صوت قفل الباب وانفتحت الانوار اتسعت عيونها بخوف الغيد طايحه على السرير والد/م من حولها !
موج : وش مسوييين لها !
ركضت لها بسرعه
ماقدرت تكمل طريقها لان عمها شد شعرها ضرب جسمها في جسده
بدأ يتحـ/رش فيها !!
تنفسها اضطرب بخوف
موج : لو .. لو ماتبعد عني والله ياغازي لاقول لابوي وعماني على فعلتك وعلى طفلك الي في رحمها ! وبصرخ أنادي امجد
ضحك غازي : لو عرفت انك قلتي لهم ذي هي غيد بقتـ/لها
موج : طيب ابعد الله ياخذك !
جمعت قوتها ودفعته عنها
غازي : موج ياموج لو عرفت انك قلتي شي لاتنقـ/تلين انتي والغيد وكذا كذا أنا بمو/ت عمري قصير بس انتم لا انتم توكم بعز شبابكم
بصقت عليه موج : الله يرحم جدي وجدتي على ذي التربيه
مسح وجهه : بمشيها لك هالمره
موج : لانك كلـ/ب ياعديم الرجوله
غازي اقترب منها وشد شعرها مخرجها من الغرفه
طلعت ودموعها موب راضيه تنزل وصلو لعند اهلها بس صدموهم فعلت موج من خروجها برا البيت لحقها امجد
امجد : خير خير وين عايشين !! شايفه في عيال هنا والحين لو يشوفك ابوي يويلك منه
التفتت له ودموعها تنزل
امجد : موج ! تبكين !! والله تقولين !
موج : حاله الغيد
امجد : شفيها ؟
موج : تعبها .. امجد خلني هنا شوي
امجد : وابوي ؟
موج : أنا بكلمه
امجد : تمام بس انتبهي عماني مع الطريق وتعرفينهم عقارب وبذات عمك عايش والله ليحرش ابوي
موج : معلي منه أنا الكبيره عند ابوي
ضحك امجد وضحكت معه موج
امجد : اي ذي اختي الي اعرفها اضحكي جعل مايضحك غيرك
دخل امجد للبيت وبقت موج قامت من مكانها ملتفته حول البيت بعد دقايق سمعت صوت السيارات وعرفت ان ذولي ياعمانها او ابوها
سمعت صوت عمها احمد وعائلته ..
