زهور الي اخذت القهوة السعودية وهي ساكته بينما تصب قهوة سعودية ل طهر وهي تمررها لـها ونطقت : وإنتي ناظرتيه؟؟.

طهر الي ارتشفت القهوة السعودية ونطقت بتافأف : أيـوه... دقيقه على الأقل! ناظروني شلته الوقحين وتوترت!.

زهور الي رفعت حاجبها وهي تصب قهوه بفنجـالها وتمتمت : خلينا من ذا .. هو ليـه مقرب عزيمه عيدنا؟؟.

طهر الي حسّت ان سالفتها مالها معنى ابداً وتنهدت وهي تمتم : جدّتي فـضه .. جابت طاري امي وتقول بجي ازورك عشان كذا قدمها

زهور الي رفعت حاجـبها ورجعت تشرب قهوتها وبهدوء كانت بتنطق لكن صـُوت التلفزيون الخافت الي فززها من نـطق التلفزيون الغرييب بأسم " كاسر " !!.

زهور الي تقشعرت واخذت الـريموت وهي تعلي الصُوت بينما قال الاسم الكامل " كاسـر عُوض ...بعد سنين تم الافراج عِنه"

زهور الي ارتجفت وطهر الي بهدوء نطقت باستغراب : فيك شي؟.

زهور الي رادوها الضـيق وهمست: مهو الوحيد الي اسمه كاسر؟؟. صح؟؟.

بلعت ريقها وهي تطفي التلفزيون والضيق مستحلها معقول الاسم الي ظهر على الشاشه هوو نفسه كاسر؟؟.

طهر الي تنهدت وهي تقُوم لـغرفتها بينما تركت هور التايهة بافكارها وقلقـها

وضـوح

نـاظرت الواتسـاب وهي تشهق : اوف اوف ، عمّي ذياب مقدم عزيمته

بهاء الي ازاحت نظرها على كـتابها وهي تناظر وضوح وازاحت نظاراتها وهي تتمتم : وش المناسبه ؟ غريب مو من عوايده ابداً

وضوح الي نـزلت جوالها وتثـبتت عيُونها على عيُون بهاء وهمست : تعالي .. ليه ماتـزورين أهل طليقك اثنينهم؟.

بهاء الي سكرت كتابها بـقوّة وهي تناظر وضوح : وش جاب هالطاريّ؟.

وضوح الي لعبت بشعرها وتمتمت : شـفتهم لطيفين معك .. اكيد فقدوك بهالمناسـبة .. اهالي طليقك الاثنين حيل لطيفين

بهاء الي اعتـدلت وهييّ تقوم بينما نطقت : إنتي غافله عن اشياء كثيره .. بس لاتخافين عايـدتهم برساله ووصلتهم .

وضوح الي قامت وهي تأخذ جوالها : حبيـت اذكرك .. لاتحسبيني افتح جروحك ماكان مقصدي

بهاء الي تنهـدت وهي تناظر وضوح بينما همست : ماهييّ جروح ياوضوح .. تضايقت لانك جبتي امر ازواجـي القديمين ..

وضوح الي تبسمت وهييّ تضحك : ازواجي القديمين؟؟. تزوجتي اثنين بـس وماتوفقتي ، ان شاء الله الثالث ثابت

بهاء الي تبسمت وهي ترفع حاجبها وتـدف وضوح لبرا : بلا عبـاطه .. جايه لغرفتي وتتفلسفـين فوق راسي ناقصتك أنا؟؟.

زهـور

ثـاني يُوم عيد

تنـقلت انظارها لحسنها الطاغي ولشامتها الي تحت عيُونها بينما ماحطت مسكرا لأن خلقه من ربي رمـوشها طُوال وكثيفات ، ختمت طلتها الخفـيفه بروج وردي ومهو بالوردي الصاقـع

ناظرت طلـتها الي كانت لابسه فـستان وردي ماسك على رقبتها والاكمام عاريـه وشعرها ذيـل حصان غمضـت عيُونها بتعب وهي تناظر جوالها والساعه كانت تشـير لـ ٨:٤٠

لأن عـزيمتهم دايم لـيل ، اخذت جوالها وهييّ تلف بينما ناظرت طهر الي واقفه عند الباب بـطلّه فـستان احمر ماسك على الجسم وشعرها مفـير ومنسدل على اكتافها وظهرها بشكل ملفت وجميل .

وتمتمت طهر بينما متكتـفه : جدّتي تسأل عنك وعماتي جو

الا ان هالـزهور كانت تعبانه ومنهلكه لان طوُل هاليوم ماحصلت وقت تفتح التلفزيون و الجـرايد وتراكمـو عليها الاخبار ..

حسّت بان مزاجـها خرب لانها ماشربت قهوة سعودية وتافأفت وهي تجـلس على كرسي تسريحتها بينما طهر الي اختفت لثّواني وطلعت وهي تمشي بسرعه وتمرر لـ زهور فنجال وهي تبتسم : ماحصلتي وقت تشربين قهوة؟. جبت لك بس زيني مـزاجك

زهور الي تبسمت بـشكل مهلك وراقييّ جداً وهي تشرب فنجال القـهوة

زهور الي كانت تضـيف جدتها و عمـاتها وهي تصب لهم قهوة ورغم ان خادمات بيتهم اكثر من عدد شعر راسها لكـن ابوها ذياب يردد عليها دايم بشكل ممل

" احنا الي نضيف الضيوف .. واحنا الي عزمناهم مو الخدم واجب انك تضيفينهم بيدك "

الا انها تنهـدت وهييّ تجلس بجنب جدتها فضّه وهي تشرب القهوة والجدّه فضه نطقت بمـزاحة : ماتابعتي الاخبار اليُوم؟؟.

زهور الي ضحكت وهي تنزل فنجـالها وتناظر جدتها بإبتسامة : تعرفيني يافـضّه ، المزّاج اليُوم مو رايق

لـثواني جمد دمها من حسّت بصُوت ابوها الي هييّ تميزها وهي الوحيدده الي لاحظـته من بدّ الموجودين ، وقـفت وهي تمشي بشكل سريع للخارج

طهر

بيبـان حوشهم كانت مفتوحه على اكملـها وهييّ توترت لانها تبي شي من السيارة والخدامات مشغوليين ولاقدرت تأخذ عبايه لانها مستعجلة وتبييّ جوالها الي نسته بالسيارة

كان معها مفتاح سيارتها الي يسوقها السواق وبلعت ريقها وهي تشُوف المطر الخفيف الي ينهمر وشافت سيارتها الي واقفه بالشارع وركضت بشكل سريع وهي تبييّ توصلها بسرعه وتأخذ جوالها ولـكن ماحسسّت الا على نفسها وهييّ طايحه ورجـلها ملتوييـه ومتكـدمه ، حسّت بالرعب وهي ترتجف وسط الشارع وحسّت بان المطـرر يروشها والأكيد انها زلقت بسبب انها لابسه كعب ، رفعت نظرها للشارع وهييّ تتفقـد الي موجوديـن بهالشارع ومن رفعته .. تجمدت من شافت راعييّ الددسن الي نفسه كان يناظرها الصباحح والعصر!!.

حسّت بانها ترتجف وانهمرت دّموعها وهي تحاول توقف ورفعت راسها مرّه ثانيه وهي تشـووفه يرمي زقارته ويتقدم لها

كانت بكل مرّه تحاول توقف تتألم وتزداد دّموعها وللمرّه الاخيرة من رفعت نظرها شـافته فوقها بالضـبط وما يـفصل بـينهم الا شـبر.