عند عوض اللي بعد ما خلص من السوبر ماركت و حط الاغراض بالسياره و التفتت لسيف : بسرعه ابي اي محل حيوانات أليفه

عقد سيف حواجبه : ليش

عوض و هو جالس يدور بجواله محل قريب : بعدين سيف بعدين ، امشي على اللوكيشن ذا

و بدأ سيف يمشي على اللوكيشن و بعد مده وصلوا المحل دخل عوض و ابتسم و نطق للموظف : ابي اشوف البسس بس أبيهم صغار

هز الموضف راسه و بدأ يوري عوض البسس و ناظر البسس و اختار بينهم و بعدها بدأ يختارهم المستلزمات أخذهم و طلع من المحل و هو مبتسم و دخلهم السياره ورا ناظره سيف بصدمه : وش ذا

تقدم عوض يفتح الباب و يجلس : بسس

ضحك سيف : حسبتهم اسد

ناظره عوض : لا تنكت

ضحك سيف : طيب لمن

ابتسم عوض و فهمه سيف : فهمنا فهمنا

ضحك عوض و بدأ سيف يسوق و يتجه للبيت

↚

عند البنات بدوا يضبطون الجلسه بالسطح و جابت شوق البروجكتر و بدات تضبطه و بعد مده خلصوا الجلسه و توجهوا للمطبخ يجيبون الاغراض و الاكل دخل عوض البيت و ناظر عماته و أمه و عمامه و أبوه و جده جالسين بالمجلس ابتسم و بيده البسس داخل البوكس تقدم يحط البسس بالمجلس : خبوهم لا تشوفهم شوق الحين

حط يدها على جبهتها عبير : لا عوض لا ذي راح تنبسط و تبي زياده و راح تعودها على الدلع

ضحك عوض و تقدم يبي يطلع : دلعها راحه لي والله إذا ما دلعتها أدلع مين

طلع عوض و التفتت عليهم عبدالرحمن بصدمه: وش صار بالدنيا

ابتسم الجد : الله يهنيهم

تقدم عوض للسياره و بيده اكياس السوبرماركت و دخل للمطبخ : سلام

ناظرته شوق و صدت ناظرها و ابتسم : جبت لكم أغراضكم و بدأ يطلع الاغراض و نطق : ما اعرف وش تحبين كندر جبتلك من كل نوع و الصراحه ذا الشي الوحيد اللي مو عارف تحبين فيه اي نوع

ناظرت كميه الكندر شوق بصدمه و حطت يدها على راسها : كل ذا

ابتسم عوض و هز راسه و كملت : كثير

رفع عوض أكتافه : عادي و ألتفتت للبنات: اي وش الجلسه اللي مسوينها

العنود : بنجلس نلعب و نغني و حركات

لمار : اي و شوشو راح تغني لنا

اشرت شوق على نفسها : أنا

هزت لمار راسها و التفتت ليان للبنات : يالله بنات دام جاب الاغراض و جاء خلونا نروح نجلس

شوق مسكت بيدها الصينية: اي يالله

وقفها عوض من نطق : لا لحظه

ناظرته جوري : وش عوض

ناظر عوض جوري و رجع أنظاره لشوق : لا هي مو انتم

اشرت شوق على نفسها و هز عوض راسه : تعالي معي

ناظرته شوق و ناظرت نظرات البنات : وين

عوض تقدم يمشي : تعالي

تقدمت تمشي معه و وصلوا قريب من المجلس و تقدم صار وراها : غمضي عيونك

شوق : عوض

عوض : شوق يالله غمضي

غمضت شوق عيونها و حط عوض يده على عيونها و صار يمشي وراها و وصلوا عند المجلس : قولي والله انك ما تفتحين عيونك

شوق : والله بس وش يا ويلك تقول لي كندر بعد والله أذبحك

ضحك عوض و همس بأذنها : تذبحين حبيبك

عضت شوق شفتها و تقدموا يدخلون المجلس و التفتت عوض لعبدالرحمن و اشر له بمعنى يفتحهم و تقدم عبدالرحمن يفتحهم و طلعوا البسس و  بعد يدينه عن شوق و نطق : افتحي

فتحت عيونها بشويش شوق و ناظرت البسس بفرحه و ناظرته جالس يبتسم : قول والله

ضحك عوض : والله

تقدمت شوق تجلس و تناظر البسس كانوا أربع بسس صغار ناظرتهم و بدات تاخذهم بحضنها و ابتسمت بفرح و بدأ تلعبهم و تداعبهم تقدم عوض يجلس على الكنب يناظرها تلعب مع البسس و نطقت عبير : يا فرحتك صدقني ما راح تنام اليوم

ابتسم عوض و حضنت البسس شوق : اكيد ماما مو شايفه قد ايش يجننون وصرخت  

ناظرها عوض و ابتسم و بدات تلعب مع البسس شوق و دخلت و تين و بصدمه فرح : بسس

هزت شوق راسها و نطقت وتين : مين جابهم

عوض : أنا جبتهم لشوشو

ناظرها و ناظرته و ابتسم ، ابتسمت و نزلت راسها تلعب مع البسس و نطقت وتين : وش اسمهم

شوق و البسس بحضنها : ما سميناهم لحد الحين تسمينهم معنا

هزت وتين راسها و التفتت شوق لعوض : أناث ولا ذكور

عوض : ذكر و ثلاث إناث

ناظرت وتين : وش نسميهم ولد واحد و ثلاث بنات

جلست وتين تفكر : الولد نسميه دودي لان دودي جابهم صح

ناظرت شوق عوض و ابتسمت : خلاص الولد دودي طيب و ذولي شرايك نسمي ذي لوسي و ذي ساشا و ذي لولي

هزت وتين راسها : مره حلوه اسمائهم و حتى هم حلوين

ابو وليد : لقيتي شبيهتك

ضحك شوق و تقدمت تقبل خد وتين و نطقت عبير : صدق تشبهها بكل شي سبحان الخالق

ناظرت ام وليد عوض : شرايك عوض انت تذكرها تشبهها ولا لا

ناظر عوض شوق و هي جالسه تلعب مع البسس مع وتين و هز راسه بالنفي: لا شوق غير

ابتسمت شوق بخفه و هي جالسه تلعب مع البسس و نطق عبدالرحمن: نامي ما راح تحصليهم

ناظرته شوق و بتهديد : يا ويلك عبدالرحمن بتسوي نفس ما سويت بصوصي والله بس تنام صدق ما راح تحصل أغراضك اللي تحبهم ناظرت عوض و بوجه حزين : عوض شوفه بيأخذهم مني

تقدمت عوض يجلس جنبها على الأرض و ياخذ وحده من البسس و يقبلها : ما يأخذهم و أنا موجود

ابتسمت شوق و مدت لسانها لعبدالرحمن: اننن شفت ما تقدر وحتى إذا أخذتهم راح يجيب لي كثير حره اننن

ضحك عوض و ضحكوا و نطقت عبير : قلتلك ذي ما تتدلع زياده عن اللزوم بسه وحده كافي اعرفها و قلتلي إذا مادلعتها أدلع مين

ابتسمت شوق و التفتت له تناظره و عضت شفتها و بدات تلعب مع البسس و نطق عبدالرحمن: جوري ذبحتني بس ترسل وينكم

وقف و نطق يالله امشوا و قفوا عوض و شوق و بيدها البسس ناظرها عوض متوهقه فيهم ضحك و مد يده : عطيني أساعدك فيهم

مدت له شوق بستين و لامست يدينهم بعض و ابتسموا لبعض ناظروا كل الجالسين ابتساماتهم لبعض و النظرات و ابتسموا و كأن كل الجالسين شاهدين على حبهم و نظراتهم و ابتساماتهم لبعض و ابتسم الجد برضى و راحه من شاف حفيدته المفضله مرتاحه معه و مبسوطه ...............

صعدوا عوض و عبدالرحمن و شوق للسطح و بيد عوض و شوق البسس التفتت عليها و ناظرها جالسه تلعب معهم و نطق بهمس : اجلسي جنبي

ناظرته شوق و ناظرت عيونه ابتسمت بخفه و هزت راسها بالموافقه و تقدموا يدخلون السطح و نطقت جود : طولتوا يالله

تقدمت شوق تجلس و معها البسس : جينا

ناظرت جوري البسس : الله مين جابهم

شوق بأبتسامه : عوض

العنود ابتسمت : اللهههه

↚

تقدم عوض يجلس جنبها و حاط فروته على كتفه و بحضنه البسس و ناظرت شوق ريم و وليد : منضمين معنا المره ذي

هزت ريم راسها و نطق وليد : فعالياتكم حلوه قلنا نجي ننبسط شوي

وقفت العنود و بدات تشغل البروجكتر و شوق كانت تلعب مع البسس بالكوره الصغيره التفتت لريم : ترا سرقتها من ألعاب عيالك

ضحكت ريم : حلال عليك

ابتسمت شوق و بدات تلعب معهم ناظرها عوض كيف مبسوطه و ابتسم من لمح غمازاتها و نطقت العنود : تغنين لنا شوشو بالأول ولا نلعب بالأول

ناظرتها شوق و رفعت أكتافها بعد المعرفه و نطق سيف : يالله نلعب

تقدمت العنود تجلس و نطق عبدالرحمن و هو يناظر عوض و شوق : بس بدون خناق

ضحك عوض و التفت لشوق و هز راسه و تقدموا يجلسون على شكل دائره و نطقت شوق : مابينا غريب

رد الكل : مابينا غريب

بدات تشرح لهم كيف يلعبون اللعبه و البسس بحضنها و عوض كان يناظرها يناظر كيف جالسه تشرح و تحرك يدها التفتت عليه و ناظرته يناظرها نزلت راسها بخفه و رفعته و نطقت : بس كذا نظام اللعبه

ليان : طيب و كيف يعني بالترتيب ولا كيف

هزت شوق راسها : نبدأ من وين

وليد : خلاص من عندك

هزت شوق راسها و تقدمت تاخذ الكرت الأول من المرحله الأولى وهي مرحله الانطباع و نطقت : يالله وش اول انطباع أخذتوا عني ؟ً

نطقت جود : دلوعه

التفتت عليها لجين و ضحكت : صحح صحح

فهد : احس ما خذت انطباع بس لو بأخذ احسك بكايه

سيف : صح بكايه و دلوعه

اتفقوا الكل على الشي ذا و التفتت لعوض اللي كان يناظرها ولا شال عينه عنها و نطقت : وانت

ناظرها عوض و التفت يناظرهم و ابتسم و رفع أكتافه : دلوعه

ابتسمت بخفه و هزت راسها و تقدم عبدالرحمن ياخذ كرت ونطق : هل تحسون اني سهل أوقع بالحب او لا و إذا اي ليش

بدوا يفكرون و نطقت الجوري : شوف احسك ثقيل و مره يعني مو نفس ذولي و اشرت على سلطان و عوض و فهد وكملت : ذولي مفضوحين ف احس اي

سلطان اشر على نفسه : أنا مفضوح

ضحكت ليان و غنت لمار : راعي الهواء وش

الكل : مفضوح

و بدوا يعطون عبدالرحمن أجوبتهم و اخذ سيف كرت و قراءة : قلدني ، يالله قلدوني

ضحكوا و بدأ يقلدونه و يقولون : جوعان ابي اكل بموت من الجوع

ضحك و هز راسه : صدق جوعان

ضحكوا و تقدم عوض يأخذ كرت : وش اكثر شي تحبونه فيني

العنود : انك كفو

سلطان : اي صح

لجين : الصراحه أنا احب شخصيتك

فهد : صحح فلاوي و يحب الضحك و شديد بنفس الوقت جامع كل الشخصيات

و بدأوا ينطقون و يقولون له و التفتت لشوق شافها تلعب مع البسس : ما قلتي لي وش اكثر شي تحبيه فيني

ناظرته شوق و بدالها النظرات بلعت ريقها حست بتوتر و كلهم جالسين يناظرونها و رفعت أكتافها بعدم المعرفه و نزلت راسها تلعب مع البسس و نطقت : معرف

ابتسم و هز راسه بالموافقه و همس لها : عارفه وش اكثر شي احبه فيك ناظرته و كمل بهمس : كلك شعرك اللي قصيته و غمازات و خجلك و دلعك و عنادك و غيرتك اللي ميت فيها

ابتسمت شوق و نزلت راسها تلعب مع البسس و ضحك عوض بخفه من حركتها

بداوا يلعبون و خلصوا المرحله الأولي مرحله الانطباع و بداو بالمرحله الثانيه مرحله التواصل تقدمت جود تاخذ كرت و قرات : وش آخر شي تخليت عنه

تنهدت و ناظرت مشاري و رجعت أنظارها للكرت و رفعت أكتافها : يمكن قلبي

سمع جوابها مشاري و التفت لها يناظرها و نطق عبدالرحمن: افا يا ذا العلم ما يضيع منك شي ولا تتخلين عن شي و عبدالرحمن عمك

ابتسمت له جود بأمتنان و هزت راسها و تقدمت ليان تاخذ كرت و قرات : وش الجزء اللي احبه بحياتي وش الجزء اللي ما حبه

جلست ليان تفكر و ناظرت سلطان وابتسمت : ما احب الدوام لأنه يبعدني عنكم و اكثر شي احبه جلستنا مع بعض

غلا : اللههه يا ليلي

ابتسمت شوق بخفه من فهمت كلام ليان و التفتت عليها عوض : برد

هزت شوق راسها بالنفي وهي جالسه تمسح على البسس و تقدم عوض يحط جزء من فروته عليها بحيث انها صارت عليه و عليها ابتسم و ناظرته و بهمس : يا فاهمني بدون حكي

ابتسم عوض و بنفس همسها : كيف ما أفهمك و انتي حبيبه قلبي

ابتسمت شوق و التفت لهم عبدالرحمن بصدمه : بس انت وياها ابتسامات خلاص

مدت شوق لسانها له : اننن مالك دخل

صد عنها عبدالرحمن و تقدم مشاري ياخذ كرت و قرا : وش أصعب درس تعلمته

بدأ مشاري يفكر و الكرت بيده و نطق بضيق : ان اللي يروح ما يتعوض

هزوا رأسهم و تقدمت شوق تاخذ و نطقت بأبتسامه : غن أغنيتك المفضله

بدوا يصفقون و نطقت لمار : جت بوقتها يالله غني

هزت شوق راسها : بس حطوا لي اللحن

التفت عوض للعنود و صفق : يالله نودي حطي لها اللحن بسرعه

هزت العنود راسها و تقدمت عند اللابتوب : اي أغنيه

ناظرتها شوق و نطق وهي مبتسمه : منصور الزايد طلع عاشق

هزت العنود راسها و بدات تشغل اللحن ابتسمت شوق من سمعت اللحن و بدات تغني و هي مبتسمه :

طلع عاشق طلع مهتم

طلع ذايب طلع مشتاق

وانا احسب و حدي المغرم

طلعنا اثنينا عشاق

↚

ناظرها عوض و هي بدات تغني طلع جواله و بدأ يصورها و هي تغني و مبتسمه و تمسح على البسس بحضنها و الفروه عليهم و قراب من بعض ناظرته و ابتسمت ناظر غمازاتها و عض شفته السفله و هو يصورها ناظروهم اللي كانوا جالسين و انصدموا من تقدم علاقتهم و ابتسموا بخفه على نظراتهم و نظرات الحب بينهم و كيميتهم و كيف منجذبين لبعض خلصت شوق الاغنيه و نزل عوض جواله و بدأوا يصفقون و نطقت العنود: عاشت شوشو

ابتسمت شوق لها و ناظرت نظراتهم لها و ابتساماتهم عقدت حواجبها و نطق سيف : نكمل

هزت شوق راسها و تقدم عوض ياخذ كرت ناظر الكرت و ابتسم بخفه و ناظر شوق اللي منشغله تشرب قهوه و نطق : وش اسم اول حب في حياتي و ليش حبيتها

ننطق عوض و هو مبتسم و ابتسم سيف معه لان عارف جوابه و نطق : اول حب بحياتي اسمها سكت و ابتسم

و بعدها نطق :  اسمها

وليد : خلص وش اسمها

ابتسم عوض : شوق

شرقت شوق بالقهوة و نزلتها و بدأ يضربها مع ضهرها و يضحك و حطت يدها على صدها و بدأ يصعد و ينزل ضحك بخفه و ناظر الكرت : حبيتها لأنها فارقه عن غيرهم

ابتسموا و بدأوا يصفقون و نطق عبدالرحمن وهو مبتسم : الله يالعاشق الولهان

غطت شوق وجهها بخجل من ناظرت ابتساماتهم و نظراتهم ناظرها عوض و ضحك : بعدي يدك

هزت راسها بالنفي و نزل عوض راسه يضحك و مسح على شاربه و نطق : بس ضحك يالله كملوا لعب

تقدم سلطان اللي كان جالس جنب عوض ياخذ كرت و لمح الكرت عوض و كان مكتوب فيه (وش اسم ابوك و قول شي واحد عنه ) و اخذه من سلطان قبل لا ينطق فيه و شقه رفعت راسها شوق و ناظرته يشق الكرت : لا ليش لعبتي عوض

عقد عوض حواجبه : مو عاجبني السؤال

لجين : وش هو السوال

هز عوض راسه بالنفي و نطق : اخذ كرت ثاني

ناظرته شوق : ليش كذا عوض لعبتي

ناظرها عوض : اجيب لك مليون غيرها و لا الكرت ذا يكون موجود

شوق : ليش عوض

هز عوض بالنفي : بس يالله كملوا لعب

ناظرته شوق و تأففت و تقدم سلطان ياخذ كرت ونطق : وش افضل شي صار لي السنه ذي

نزل الكرت و ناظر ليان المشغوله جالسه تاكل و ابتسم ناظر الكرت و نطق : لقيت نصي الثاني اللي يشبهني بكل شي

ناظرته ليان و عضت شفتها و ابتسمت له ناظرها و بادلها الابتسامة و تقدم سيف ياخذ كرت : يالله دوري بس ابتسامات خلصت من اخوك جيت انت

ضحك سلطان و اخذ سيف الكرت : شي غير مادي يخليني سعيد

جلس يفكر و نطق الكل : الاكل

ضحكوا و ضحك : صح عليكم

جاء دور وليد و اخذ الكرت بهدوء : أوصف شعور الوقوع بالحب بكلمه وحده

ابتسم و ناظر ريم اللي كانت جالسه جنبه : أوصفه بحلم  صدق تحس انك مع الشخص الصح ، الشخص اللي يفهمك من نظره من حرف من افكارك من اهتماماتك و يتقبل اختلافك تكون متعايش معاه مع عاداته اللي تحبها تعرف الكلام اللي يقوله بدون توضيح ولا تحتاج ترجمه

بدوا يصفقون له و نطق فهد : عاش ابو خالد

ناظرته ريم و ابتسمت له و تقدم يحط يده على كتفها و بادلها الابتسامات ناظروا حبهم لبعض رغم كل ذي السنين ما نقص ولا قل كل سنه يزيد و يزيد ، حبهم كان هادي مثل وجودهم بيننا و ذا يدل لنا ان مو كل زواج تقليدي سيء وأثبت لنا ان الحب يجي بالعشره و بالراحه و بالطمأنينه و بالعوض و بالاحترام و التقدير و التقبل و إذا لقى الشخص الأشياء ذي بطرفه الثاني معناها انه في قمه حبه له

ناظرهم عوض و التفتت لشوق اللي كانت مبتسمه لهم و نطق: راح يجي يوم و يضربون في حبنا المثل مثلهم

ابتسمت له و هزت راسها و كملوا لعب و وصلوا عن آخر كرت و كان عند جوري : اخذوا سيلفي مع بعض الحين

ابتسمت شوق و صفقت : يالله يالله

عبدالرحمن تقدمت يوم و فتح جواله : يالله اعد لي الثلاث

عوض اخذ بستين بيده و رفعهم : لحظه انتظر

ناظر شوق : ارفعيهم معي

هزت شوق و راسها و ابتسمت و رفعت البسس و مسكتهم بيدها و حط عوض راسه على راسها و هو رافع البسس و بدوا البنات يسوون حركات و سيف كان يستعبط و يسوي حركات بوجهه و جود كانت هاديه و الحال مثله عند مشاري اللي صار غريب بعد كل اللي صار ولا ينسمع له حس و تغير كثير و طول وقته يا نايم او بالدوام و صار يدخن كثير ، نطق عبدالرحمن : جاهزين

الكل : جاهزين

عبدالرحمن: واحد ... اثنين ... ثلاث

اخذ الصوره كانت صوره جميله بمعنى الكلمه و نطق : تجنن

شوق : أرسلها بالقروب بسرعه

غلا : اي عبدالرحمن يالله

ارسل عبدالرحمن الصوره و دخلت شافتها و ناظرت شكلها و عوض حاط راسه على راسها : عوض شوف شكلنا يضحك

ناظر عوض الصوره و ضحك و تقدم يحط يده على كتفها و يقدم راسها له و يقبله : تجننن

ناظرته شوق و ناظرتهم مشغولين بالصوره و ضربته على يده بخفه : بس عاد مو كذا

بعد عوض يده و ابتسم : ابشري

ناظرته و شتت أنظارها تناظر الصوره و تبتسم

عند سلطان كبر الصوره و ناظر شكل ليان و شعرها الكيرلي اللي يحبه و كيف مغطيه وجهها بيدها و ابتسم و صورها و دخل عليها واتس و ارسل لها الصوره و كتب :

سبحان من سواك و ميزك بينهم

ناظرت ليان رسالته ابتسمت و بعدت شعرها و را أذنها و اكتفت بالابتسامه

وقفت العنود و نطقت : تبون نشوف فيلم

لمار : اي اي يالله

غلا : اي تكفين بس مانبي شي رعب

ضحك سيف و همس : بزر

ناظرته غلا بحده و صدت و بدات العنود تحط الفيلم و كانت شوق تلعب مع البسس بالكوره و عوض معها و جود و مشاري نظرات العتاب بينهم و بدأ الكل يشوف الفيلم و يضحكون كانت جلستهم مليانه ضحك ناظرتهم شوق ولا توقعت بيوم من الأيام بتعيش أيام سعيده مثل كذا و ناظرت عوض اللي كان يناظر الفيلم و يأكل من الفشار و يضحك ابتسمت ولا توقعت ان الشخص اللي كانت تتخانق معه يصير قريب منها لدرجه ذي ابتسمت و كملت تشوف الفيلم معهم و بعد مده تأخر الوقت و بدأ كل شخص يتقدم و يتجه لغرفه بعد يوم متعب و شاق و اللي توجه لغرفته و قلبه يذكره بالماضي و مكسور و اللي توجه لغرفته و هو ندمان على كل شي و تمنى لو بس يرجع زمانه و اللي توجه لغرفته و هو يكلم حبيبه و حبيبه يكلمه و اللي توجه لغرفته و هو متعب من يومه و من شغله الشاق و اما عند أبطالنا توجهت شوق لغرفتها و بيدها بستين و تركت الثانين عند عوض حطتهم على سريها و تقدمت تطلع لها بجامه و تتجه للحمام ( الله يكرمكم) غسلت و جهها و مسحت مكياجها و تقدمت تجلس على التسريحه تعتني ببشرتها ناظرت البسس و ابتسمت و ناظرت دبلتها : اخخ يا عوض وش صار بيننا وش حصل كنت اقول اني مغصوبه عليك و الحين اقول لك اني أغار عليك و مرتاحه لك

تقدمت توقف و توجهت لسريرها و انسدحت و البسس جنبها اخذت جوالها و بدت تطقطق فيه و تمسح على البسس و كل ما تذكرت قبله عوض لها تبتسم و تحس بفراشات داخل معدتها تحس انها اسعد إنسانه بالدنيا كلها غمضت عيونها و ابتسم تتذكر قبلته لها حطت يدها على شفايفها و دق جوالها فتحت عيونها و عضت شفتها من ناظرت الرقم و كان رقم عوض تقدمت تاخذ السماعات تلبس و ردت و وصلها صوت عوض : عطيني حل ما اقدر أنام

ابتسمت شوق بخفه : ولا أنا

عند عوض اللي كان منسدح على ظهره و البسس على بطنه : اخخ يا شوقي احس قلبي كذا معرف كيف

ضحكت شوق و هزت راسها : حتى أنا

ابتسم عوض و بدأ يمسح على البسس : اي كيف كنتي تقرين التغريدات ولا حسبتي انها انتي

رفعت شوق أكتافها و اخذت الكريم من الطاوله اللي جنبها و بدات ترطب يدها : فاهيه

ضحك عوض : صدقيني انك احلا و أجمل فاهيه بالحياه

عضت شفتها شوق و نطق عوض : شوق

شوق : هلا

ابتسم عوض : شرايك نسمي البسس سوسو ولا وعوده بدل ساشا و لول... قاطعته شوق و هي معصبه : يمين بالله أذبحك انت و ياهم إذا سميتهم كذا مره ثانيه و بكرا تشوف وش راح اسوي مع الحيوانات سكت لهم كثير بس اكثر من كذا ما راح اسكت كل شي لي يأخذونه مني و اسكت بس انت لا والله...... ما كملت كلامها و سمعته يضحك و نطق : اخخ يا شوقي تخيلي كننا راح نتزوج ولا اعرف عن غيرتك ولا تعرفين عن حبي لهدرجه تحبيني و تخافين احد يأخذني منك

شوق بحده : عوض سكر موضوعهم الحين لا افصل عليك انت الثاني

ضحك عوض : طيب طيب و قلد كلامها بدلع : لا تفصلين على حبيبك

↚

شوق : اننن ما عندي حبيب

ضحك عوض : تجحديني على طول افا ياذا العلم

ابتسمت شوق : ليش تقلدني و من قالك أنا أتكلم كذا ما تعرف الدلع عوض

ضحك عوض : ما اعرفه لان الدلع أنوجد بحياتنا إلا لأجلك و أصلا محد يحق له الدلع غيرك تدلعي و كل شي يصير علشانك والله حتى اللي مايصير اخليه يصير غصب

ابتسمت شوق و غطت و جهها بيدها بخجل ضحك عوض من سكوتها و نطق : عارف يا جالسه تعضين شفتك يا مغطيه وجهك

ضحكت شوق : كيف كذا عارف

ابتسم و رفع أكتافه و بدأ يمسح على البسس : معرف يمكن من الحب صرت احس فيك و اعرف وش تحسين فيه و وش اللي تبيه و اللي ما تبينه

ابتسمت شوق ابتسامه عريضه و غمضت عيونها و ضحكت : كيف ما كنت اعرف انك تقصدني

ضحك عوض : فاهيه

شوق بحده : عوض

ابتسم عوض من سمع اسمه من منطوقها : حبيبه قلب و حياه و أهل عوض كلهم انتي

ابتسمت شوق بخجل : بس عوض بس

ضحك عوض من خجلها : حاظر و تنهد

تنهدت شوق معه بفرحه و بدات تسولف معه و هو كان منصت و مستمع لكل حرف تقوله و لكل كلمه تنطقها ثغرها