-

ريم: ماله دخل مين زوجي

سلمان: الا له دخل محد يشوف جسمك غيري

ابعدت عنها يده و مشت تجلس: اجل تهنى مابي احطه تقدر ترتاح

سلمان: ريم يا ريم مب وقت العناد ظهرك يوجعك

ريم: مين قال انه يوجعني ما فيه شي

سلمان: اشوف اذا يوجعك

ناظرته بحده و تقدم يجلس جنبها

-

-

جلست بمقعدها وجهها عابس بسبب اللي هي فيه كانت تطن انها بتهرب عشان ما تشوفه لكن صدمتها كبيره وهو الحين جالس بالمقعد اللي جنبها اخذت نفس بربكه تفرك يدينها ببعض لما بدت الطياره تقلع ولف عليها حامد يلاحظ توترها ونطق: عندك فوبيا؟

صدت بدون ما ترد عليه و سكت يناظها بـ استغراب

اول ما حست ان الطياره مشت تمسكت يدينها بعبايتها تكورهم و غمضت عيونها بعنف

فتحتها على صوت حامد: اصايل

لفت تناظره ونطق: مافي شي يخوف

ما ردت عليه تناظر يدينها و اكمل: انا معك

نطقت بـ هدوء بدون ما تناظر وجهها: منت معي انت مع نفسك اتركني بحالي

حامد: خليني ارجع لحياتك اصايل صدقيني ما بخليك تندمي

اصايل: ما عاد لك مكان بحياتي انا وانت مستحيل نرجع نجتمع كل شي انتهى من يوم تزوجت سلوى

حامد بـ جديه: اصايل انتي عارفه سبب زواجي من سلوى واني ما كنت صاحي اعذريني اصايل بس ذي المره انتي عارفه اني احبك ومحد سكن قلبي غيرك

لفت عنه تجتمع دموعها بمحاجرها لا شعوريًا وهمست: ما اقدر انتظر دخولك لحياتي مره ثانيه

لفت عليه تكمل: خليتني اذوق القهر بأشد انواعه بكيت كل ليلة بسببك تشتت عن حياتي عشانك

اشرت على نفسها بقهر: انا بشبابي بس صرت حامله هم شايب بصدري شابت روحي بسببك باليوم اللي انتظرتك فيه بفارغ الصبر و جيت بفعلتك كأنك صفعتني كف يصحيني من غبائي من بعد هذاك اليوم انا ما عاد انتظرك ولا اثق انك ما بترجع لي بكفوف ثانيه، انا عشت ايام مع نفسي محد يعرف عنها تعذبت، انحرقت، بكيت، و تحسبت عليك لوحدي، كانت زوجتك تقعد قدامي و تتكلم عنك تذكرني بالشخص اللي غلطت وقت اعطيته مشاعري، بسببك بعد ما كنت اشعر بأعذب انواع الشعور خليتني اتعذب بنفس المشاعر، اللي حسيته انا من إهانة و ذل من نظرات الناس لي من التساؤلات هل انا فيني بلاء ولا ليش ولد عمي تركني بيوم ملكتنا كل ذي الاشياء و اكثر يمنعوني ارجع لك نفسي تعز علي اكثر من حبك اللي دعست عليه

هزت راسها تنطق بكذب: دعست عليه تفهم ما عاد لك مكان عندي

بلل شفته يسمع حديثها كامل و لفت عنه تمسح دموعها اللي تنزل بدون توقف و رفعت يدها لفها تجهش بالبُكاء بالمكان الغلط-

ناظرت فيه ريم مُصر و رفعت كتوفها برفض ترجع بظهرها لورا عشان تستند على الكنبه لكن ظهرها ما كان متحمل شي يلمسه و عضت شفتها تطلع منها آه بغير قصد

سلمان: ريم قاعده تتوجعين ليه تسوين كذا

ما ردت عليه و تنهد ينطق: طيب يالريم انا اسف

لفت عليه تنطق: ليه؟

سلمان: مو ذا اللي تبينه

رمشت تناظره و تقدمت بجسمها تحضنه وهمست: اقبل اعتذاري اول

ابتسم يرفع يده على كتفه: انا قابله بس بخليك تتأدبين شوي

ابتعدت عنه تناظر بسمته براحه كانت خايفه ان الزعل يكبر بينهم و يدوم وهم ما يستغنون عن بعض

سلمان: الحين لفي اشوف ظهرك ليه ما قلتي لي اول ما وجعك

لفت بدون رد و رفع بلوزتها ونطق: كانت قريب تتعافى

حط اصبعه ونطق: يوجعك؟

هزت راسها بـ نعم و اخذ المرهم يمسح على ظهرها بخفه و وقف بعد ما خلص يغسل يدينه ورجع ينطق: انا بطلع، حاولي ترتاحي

هزت راسها تبتسم بخفوت و خرج من البيت يناظر الشارع و رفع جواله يتصل على سهم اللي رد بعد ثواني: هلا بالنسيب

حك طرف حاجبه سلمان: سهم ما لحقت أسألك للحين مافي خبر عن ذياب لمتى ذا الحال

سهم: ما في خبر عنه ولا احد شافه لكن اللي معه يقولون انه سافر برا البلد بس ما نقدر نصدقهم يمكن تكون كذبه وذياب للحين ناويك

تنهد سلمان: بخلص امور الكاميرات اليوم و ارجع للبيت

سهم بـ حذر: خطر يا سلمان

سلمان: يجرب يرجع

تنهد سهم ينطق: سلمان اهجد لين نعرف وش صار له

سلمان: انا بهرب منه؟ خليه يجي نشوف مين يموت ذي المره

زفر سهم و قفل سلمان و فتح جواله يناظر رسالة حامد اللي قبل ساعات و ركب سيارته متوجه لـ المطار

و وقف بعد مُدة ونزل يناظر الناس و يدور بعيونه على حامد

و ابتسم يشوفه مقبل عليه و تقدم يصافحه و ضمه حامد بخفه ونطق سلمان: الحمدلله على السلامة

ابتعد حامد يناظر فيه: الحمدلله على سلامتك انت ياخوي

سلمان: الله يسلمك

لف على اللي تبعد شوي عن حامد لكن واضح انها جايه معه و دقق النظر بعيونها الذابله ونطق: اصايل

هزت راسها بـ نعم و تقدم بـ ابتسامة فرح يحضن اكتافها: وش ذي المفاجأة ليه محد علمني انك جايه

ابتسمت تحضنه وابتعدت عنه تنطق: بغيت افاجئكم بس جدي اللي يدري-

سلمان: اهلا فيك الحين يلا للبيت الحمدلله رجعتي رويدا مطلعه عيوني

ضحكت تمشي معه و مشى حامد قبلهم

ونطق سلمان بخفوت يلف عليها: كنتي تدري ان حامد جاي؟

هزت راسها بدون رد و ببلل شفته سلمان يستنتج ان الامور صلحت بينهم و ركب سيارته تركب رويدا بالخلف و حامد قدام مع سلمان وحرك ينطق: وش اخبارك حامد كيف امورك

تنهد حامد ينطق: الحمدلله زينه كيف الاوضاع هنا عسى كل شي بخير

سلمان: الحمدلله كله خير بس ترا عمي زيد مو حاب روحتك

اخذ حامد جواله يناظره ونطق: من رحت وهو ما يرد على اتصالاتي

سلمان: اي قال لي المفروض ما تروح و جلساتك مع الشيخ باقي ما خلصت

حامد: انا بخير صرت، و بكملها

كانت تسمع حديثهم بصمت بالخلف كانت راكبه خلف سلمان بالضبط و عيونها على حامد تنهدت تستنتج انه لحقها رغم انه باقي ما كمل علاجه و اخذت جوالها تشغل نفسها فيه لكن كانت عيونها تخونها غصبًا عنها كل ما سمعته يتكلم ترفعها عشان تناظر فيه

وصل سلمان قدام بيت ابو سالم و نزل حامد ياخذ شنطته ونطق: قول لجدتي بسلم على امي و اجيهم

هز راسه سلمان ينزل شنط اصايل و دخلت تتوجه للمكان اللي تعودت على جدتها تكون جالسه فيه

رفع عيونه مشعل على البنت اللي دخلت متغطيه يحاول يتعرف عليها و رفعت نِقابها و صرخ بـ عدم تصديق ينطق: اختيي

تقدمت اول ما وقف يضمها و ضحكت لما رفعها عن الارض بسبب فرق الطول بينهم ونطق بـذهول : اصايل متى جيتي

ابتعدت عنه تنطق: الحين

لفت تتوجه لجدتها اللي تحاول توقف و انحنت بسرعه تضمها وهي جالسه و ضمتها فايزة تمسح على ظهرها ونطقت: هلا بريحة حبيب روحي هلا بـ قرت عيني

باست راسها اصايل تنطق: وحشتيني

ضحكت فايزه تمسح على كتفها و تلفتتف اصايل تنطق: وين رويدا

فايزة: بغرفتها

وقفت اصايل: بشوفها و ارجع، مشت بخطوات يغمرها الفرح لغرفة رويدا و دقت الباب بيدينها الثنتين ترعب رويدا و فتحت رويدا الباب مفجوعه و زادت صدمتها لما شافت اصايل و صرخت: اصوووله

حضنتها اصايل بقوه تنطق: عمتيي و ضحكت رويدا بصوت عالي و ذهول تضمها-

كانت معه بالسياره و يغني مع الاغنية رفع كفها اللي بيده يبوس اصابعها، عضت طرف شفتها حسناء تميل براسها على كتفه ونطقت: بتار

نطق وعينه على الطريق: عيونه يا أغلى من عيونه

حسناء: ياخي احسك مراهق مب شايب عنده بنتين

ضحك ينطق: افا عليك انا شايب؟ تراني صغير بس تزوجت بدري

نطقت بـ فضول: كم عمرك

رفع جواله بيد و اليد الثانيه يسوق فيها ونطق يناظر فـ التاريخ: بعد عشرين يوم بدخل ثمانية وعشرين

رفعت حواجبها بذهول: صدق ولا تمزح!

بتار: والله صدق

حسناء بـ ضحك : احسبك ثلاثيني ياربي طلعت صدق مو كبير حيل

بتار: تزوجت وانا توي عشرين الله يرحم امي اصرت اتزوج من وقتها عشان اكوّن عيلتي من بدري، و ما طولت لما جتني رند

رفعت راسها عن كتفه تناظر وجهه: بأول سنة من زواجك؟

بتار: لا السنة اللي بعدها

حسناء اعتدلت بجلستها تنطق: بدري مره

رفع حواجبه بتار: مو بدري سنة ونص

حسناء: يعني انت تشوفه كثير سنة ونص

بتار: اي حتى شهرين اشوفها كثير

ميلت شفتها لانه يقصد زواجهم ونطقت: احس مستحيل احمل قبل ثلاث سنين زواج او اكثر

التفت عليها يغمز لها: لي رأي ثاني

حسناء: ركز على طريقك استاذ بتار

ضحك بتار: ابشري ياست الحُسن

وقف بعد مُدة و نزل يمسك كفها و مشت معه تدخل وجلست تنطق: وش طاري العزيمه

بتار: ابد بس بقضي وقت معك

ابتسمت تسند يدينها على الطاوله و تسند راسها عليهم ونطقت: صاير كتكوت

رفع حاجبه ينطق: اعقبي وشو كتكوت

ضحكت تهتز اكتافها: كتكوت مدحه وش فيك

سند يدينه بنفس حركتها ونطق: مابي المدح ياحلوه

حسناء: اجل؟

همهم ينطق: هممم عندك كثير خيارات غيره مثلاً القُبل ترا ما تكلف وتغني عن الكلام

اعتدلت بخجل من جرائته اللي ما يستغني عنها حتى لو كان بمكان عام ونطقت: بتاار!-

ضحك بتار: عيونه

كشرت تنطق: بترفع ضغطي بكلامك ذا

مد يده يمسك يدها ونطق: وش فيه كلامي مو عاجبك؟

هزت راسها بالنفي وهي تزم شفتها و اكمل بتار: اجل ببكم عشانك هاه؟

ضحكت بخفوت على سخريته وبدت تغير الموضوع لمواضيع ثانيه

-

↚

حامد، دخل بيتهم يعقد حواجبه وهو يسمع الاصوات و الجِدال اللي الحاد بينهم

وقف يسمع زيد ابوه يهتف: مالك غيره تبين تعيشين حياتك من الحين و تشوفين مستقبلك وافقي عليه واذا للحين تحسبين اني بلِين و اوافق على رواف لا تخدعي نفسك مستحيل تتزوجيه وانا حي

نطقت ريام و جهها محمر من كبتها لـ قهرها و الدموع تنزل من عيونها بدون توقف: ياخي مابي اتزوج احد اتركوني بحالي ما رح اوافق عليه لو على موتي اذا ما بتزوج رواف ما بتزوج غيره

اتسعت عيونها ولف وجهها للجهة الثانيه من قسوة الكف اللي طبع اثر يد ابوها على قلبها قبل خدها و مسكت خدها تتحسس حرارته هي جربت الضرب من اخوها و امها لكن اخر شخص توقعت منه ذا الشي هو احن شخص عليها سكنت دموعها و انفاسها من صدمتها تناظره بسكوت و عم الصمت بالمكان لين نطق هزاع: يبه

ما ناظره زيد وناظر فـ ريام ينطق بـ أمر: لا توريني وجهك

هزت راسها: صرت مثلهم

عقد حواجبه و اكملت بسخريه: مثل اخوانك اللي كنت تستغرب معاملتهم لعيالهم منت افضل منهم كلكم عيال محمد

اتسعت عيونه وقبل يدرك وش يسوي فيها بسبب كلامها انسحبت بتطلع و قابلت حامد اللي ناظرها يهمس: ريام

ناظرته بكُـره و بلل شفته ينطق بِمُحاولة جبر خاطرها: بكلم ابوي كل شي بيتصلح

صرخت بـ انفلات اعصاب: لا تتكلم انت بالذات لا تتكلم انت السبب لو ما انت سويت نفسك رجال ورحت تفضحني يمكن ما صار كل ذا، مالك دخل فيني انت سويت اللي تبيه الحين واطلع من الموضوع

تنهد ومشت تتخطاه وتمشي لغرفتها ودخل يشوف ابوه اللي فتح زر ثوبه العلوي يتحسس عنقه و ياخذ انفاسه و امه اللي جالسه بصمت و هزاع اللي كانت ملامحه واضح عليها الانزعاج: السلام عليكم

وصلته ردود السلام بدون نفس وقف هزاع ينطق: انا بروح

ما رد عليه احد و مشى يطلع وتقدمت ام حامد: حمدلله وصلت ياحبيب روحي

ابتسم حامد بخفوت يحضنها