كان يعد الثواني والدقايق وبعد مدة تنهد بِ راحة من سمع صوت السيارة الي سفطت امام البيت ونزلوا منها واصواتهم بدات تحتوي على المكان !

كان خايف ان وجهتهم تتغير وخوفه ذا ما اخفاه ولا قدر يخفيه لكن لحسن حظه انّ وجهتهم ما تغيرت ورجوا البيت !

سحب جواله بسرعة وارسل رسالة لِ احدى الرجال الي يشتغلون معاه وكانوا معاه فالمطعم ' حاوطوا البيت من كُل الجهات '

ثم قفل جواله وهو يراقبهم بِ صمت بعدما انفتح باب الحوش ودخلوا جميعهم منه !

كان يدورها بّ عيونه وقدر يلاقيها !

رص على اسنانه وهو يشوف سياف للحين مخلوط رقبتها لكن ما كان بّ يده أي حيلة سوا الانتظار !

صوت بكائها وصراخها ورجائها لهم بِ انهم يتركونها كان يقطع القلب وقدرت تصنع شي بّ قلب رمّاوي الي سمع صوتها والود وده ينقظها بّ اللحظة ذي لكن ما يبي يزيد الطين بلة ويقلب كُل شي عليه ويفقدها نهائياً بسبب تسرعه وهو الي من عاداته يسوي ويشيل ويحط بدون تفكير لكن من جت السالفة لِ وتر صار يحسب حساب لِ كُل شي ويفكر مية مرة وكرة قبل لا يسوي شي خوفً من فقدانها !

وصله هزة جواله وكانت رسالة منرسلة من نفس الرقم الي ارسل له قبل شوية !

ابتسم بِ توسع من قراء محتوى الرسالة الي كان يحتوي على ' عد للثلاثة وابداء شغلك وانتَ مغمض ، حنا بّ ضهرك '

ما تردد ولا ثانية وما هي الا بّ لحظات قليلة طلع من ورا الجدار الي كان متخبي وراه ونطق بِ صوت عالي : اتركها تروح بّ حال سبيلها ، هيَ ما لها علاقة بّ شي !

توجهت الانظار على رمّاوي !

اعتلى صوت ضحكة سياف وقال بِ صوت عالي : الحين المفروض مننا نسمع لِ كلمتك يَ سيد رمّاوي ؟

هز راسه رمّاوي بالايجاب وقال بِ كُل ثقة : طبعاً !

رفع حواجبه وقال بِ سخرية : ووش يجبرني اسمع كلامك ما فهمت ، اقول انقذ نفسك الحين خلينا نشوف شغلنا اليوم مع حبيبة قلبك ونرجع لك بكرا … لاحقين عليك يّ ابن الناس لاحقين !

هز راسه رمّاوي وكتف يدينه وهو يناظرهم بِ صمت !

تنهد بِ عُمق وقال : انا نبهتك صح ؟

كان سياف بينطق لكن سبقوه الي دخلوا البيت من وراهم بِ كُل هدوء وصمت وحاوطوا سياف وابوه وانه واخته من الخلف بِ لمح البصر !

اول ما حس سياف باليد الي حاوطته من الخلف ترك وتر وهو يحاول يفك نفسه لكن الي خلفه كان اقوى منه وحط المسدس على راسه ونطق بِ صوت عالي : حركة من واحد فيكم بتخليكم تندمون طول حياتكم !

اما وتر فَ اول ما حست باليد الي كانت محاوطتها فجاه تركتها ركضت بِ اتجاه رمّاوي وكانه الملجأ الوحيد لها !

شافها وهي تركض بِ اتجاهه وفتح لها يدينه وكانه ينتظرها توصل لِ امامه عشان يحتويها بّ يدينه !

قربت منه وحضنته بدون تردد او خجل ودموعها ما فارقت خدها !

بادلها الحضن ومسح على ظهرها وهو يسمع لِ كلامها وهي تقول بِ صوت باكي وكلام نصه مفهوم والنص الثاني لا بسبب بكاءها : ءاا كان بيقتلني ! رمّاوي طللعني من هناا تكفى !

شد عليها اكثر وقال : بس انا انقذتك والحمدلله ان ما حصل لك شي !

ما ردت عليه وسمحت لِ شهقاتها تحتل على المكان !

لف رمّاوي نظره على الرجال الي بداو يطلعون من البيت وعائلة ابو سياف بالكامل معاهم !

ابتسم بِ رضى على اكماله للمهمة وانه انقذ وتر منهم !

نطق احدى الرجال : حنا نكمل شغلك يَ سيد رمّاوي ، تعبت معانا انتَ وحرمك والشكر ما راح يكون كلام … خلك فّ بيتك مستريح كم يوم ومشكور !

هز راسه رمّاوي ونطق بِ ابتسامة : العفوا ، ما سويت الا واجبي !

وطلع الرجال من المكان !

اما رمّاوي فَ نزل انظاره الي للحين مبادلته الحضن وتبكي على مدى صوتها !

حط يده على ظهرها وهو يمسح عليه بِ هدوء ويحاول يهديها ثم قال : هيا ، خلينا نرجع البيت !

رفعت راسها اه وابعدت يدها اليمين عنه وهي تمسح دموعها ثم مشت معاه بِ هدوء وهي متمسكة بِ طرف بلوزته !

كان حاسس بِ خوفها والي درى به بعدما ضمته ومسكت بِ طرف بلوزته وهي الي دائماً تظهر له انها تكره قربه والحين ما تبي بعده ابداً !

ما ينكر ان الفرحة كانت مرسومة على ملامحه لكن كان يدري ان تصرفاتها ذي بسبب خوفها ولا يبي يبحر بِ خياله اكثر ويطمح للاكثر ومع ذالك ما كان قادر يسيطر على نفسه !

وصل للسيارة وفتح الباب لها !

جلست مكانها واتجه رمّاوي لِ مكانه وحرك بِ اتجاه البيت بِ هدوء !

كان الصمت سيد المكان !

هي تناظر الطريق وتراجع الاحداث الي صارت معاها ومشاعرها الي بدات تحس انها صارت تتلخبط غير الالم الي رجع يداهمها !

وهو مكمل سواقة وافكاره متمحورة حَول الانثى الي ما خاف على احد بّ حياته كثر خوفها عليها !

بعد مدة طويلة طلع من فمها كلام وقطعت الصمت الموجود بينهم !

نطقت بِ هدوء وصوت خافت : ءاا عادي نمر الصيدلية ؟

لف عليها وهو عاقد حواجبه وقال : عسى ما شر ؟ فيك شي ؟ انتِ بخير ؟

حست بِ لهفته وخوفه عليها لكن تجاهلت الموضوع وهي منشغلة بالي تفكر فيه الحين !

نطقت بسرعة : الا بخير الحمدلله بس ابي شي منها لو سمحت !

ما عارضها ابداً وقال : ابشري !

ثم حوّل طريقه للصيدلية !

بعد مدة صفط سيارته اما الصيدلية وكان بينزل لكن نطقت وتر بسرعة : بجيب شي وبرجع خلك هنا !

استغرب منها لكن الي فهمه من رفضها انها تبي تجيب شي خاص ولا ما كانت رفضت نزوله معاه وهي توها كانت بحضنه وتبكي من الخوف !

هز راسه بالايجاب واعطاها صرافته وقال : طيب ، خذي ذي !

اخذت الصرافة من يده ونزلت من السيارة بسرعة وهي تتجه للصيدلية وتجيب الي تبيه بسرعة ثم دفعت وطلعت وهي منشغلة بِ انها تخبيه فّ ملابسها !

طلعت فالسيارة ومدت له الصرافة وقالت : شكراً !

رفع انظاره عن جواله واخذ منها الصرافة وقال بِ محاولة انه يكسر برود الحديث : شدعوة زوجك انا ، ماله داعي الشكر !

ابتسمت بِ تسليك وعدلت جلستها وحرك رمّاوي بِ اتجاه البيت !

- سَهم -

سلم من صلاته ثم وقف وهو يعدل وقفته !

ناظرها بِ هدوء وقال بِ صوت يحتويه الهدوء : صلي انتِ وانا فّ ذا الوقت بنزل المطبخ اجهز لنا قهوة !

ابتسمت بِ لُطف وقالت : طيب !

ثم وقفت بِ اتجاه القبلة وهو نزل يسوي القهوة !

وبعد مدة طلع للسطح وهو يمد شرشف على ارضه ويحط القهوة والفناجين !

جلس على الارض وهو يسمح لِ نفسه بِ انه يتأملها وهي تصلي الين ما خلصت !

لفت وجهها عليه وبادلته النظر ثم قامت وهي تجلس جنبه !

تنهد بِ راحة وقال : تندرين وش النِعم ؟

عقدت حور حواجبها وقالت بِ تسأل : وشو ؟

سَهم بِ ابتسامة : وجودك !

شتت انظارها عنه وهي تحاول تكتم ابتسامتها !

نطق بِ ضحكة : ايه ابتسمي ليه تخبيها !

استحت منه اكثر وما قدرت تكتم ابتسامتها وانرسمت على وجهها !

- رمّاوي -

صفط سيارته امام باب البيت ونزل من السيارة !

اتجه لِ بابها وهو يفتح لها الباب ومد لها يده عشان يساعدها !

كان متوقع منها انها تتجاهل يده الي انمدت لكن عكست توقعاته وهي تعطيه يدها وتنزل من السيارة بِ مساعدته !

رفع حواجبه وابتسم من داخله لكن ما اظهر لها !

اتجهوا لِ باب البيت وفتح الباب بالمفتاح الي معاه ثم طلعوا ثنينهم لِ جناحهم بِ هدوء وبسبب تأخير الوقت ما شافوا لا شمس ولا شوق !

فتح باب الجناح وهو ينتظرها تدخل !

دخلت وتر ودخل رمّاوي وراها وهو يقفل باب الجناح !

فصخت وتر عبايتها والطرحة والنقاب وهي تمشي بِ اتجاه الغرفة !

اما رمّاوي فَ جلس على الكنب بِ تعب وهو يسمح لها تاخذ وقتها فّ تبديل ملابسها !

اما وتر فَ طلعت ملابسها من الدولاب ودخلت الحمام بسرعة وقفلت الباب !

طلعت الي سوته من الصيدلية والفضول شوية ويقتلها !

وقفت امام المراية وهي تحاول تشجع نفسها بِ انها تخطي الخطوة وتسوي التحليل وبالفعل سوت التحيليل ووقفت امام المراية وهي تنتظر إجابته !

كانت تمرر انظارها بين كاشف الحمل وشكلها الي موجود على المراية !

شعرها بّ ذي اللحظة كان متناقد !

مبسوطة عشانها حست بِ احساس ان ممكن تكون أم بِ يوم من الايام لكن فّ نفس الوقت ما تبي ولد من رمّاوي !

بعد مدة طالت لِ خمس دقائق والي حستهم وتر انهم كانو خمس ساعات اخيراً طلعت النتيجة !

كان ظاهر لها خطين على كاشف الحمل وأول ما لمحت الخطين رجف جسدها !

ابتسمت وامتلئت عيونها بالدموع وعجزت تفهم دموعها ان كانو دموع فرح ولا حزن !

قطع عليها صوت طرقت الباب ولفت على جهة الباب وهي تقول : مين ؟

نطق رمّاوي بِ تسأل : انا ، انتِ بخير ؟

ناظرت بِ نفسها فالمراية ومسحت دموعها وقالت بسرعة : ءاا ايوه بخير لا تاكل هم !

ثم سحبت كاشف الحمل وهي تخبيه وتمحي اثر الفحص الي سوته !

وبعد مدة قصيرة فتحت باب الحمام وشافته واقف امام دولابه ويلبس بلوزته !

وقفت امام باب الحمام وهي تناظره وتسمح لِ نفسها ولاول مرة تتأمله وتفكر فّ نتيجة الحمل الي حصلت عليها !

حس رمّاوي عليها وناظرها بِ هدوء وقال : عساني عاجبك ؟

صحت من سرحانها على كلمته وابتسمت بِ تسليك وبدون ما تنطق بِ ولا حرف !

ثم اتجهت للسرير وهي تبعد اللحاف وتنسدح عليه وتتلحف !

عقد حواجبه وهي بالعادة ان نامت فالسرير فَ يكون مو موجود فالبيت اما بِ وقت وجوده تنام فالصالة !

ما تردد بِ انه يتقدم من السرير وينسدح جنبها وفصوله سابقه من ردة فعلها او انسدح جنبها !

تقدم للطرف الاخر من السرير وانسدح جنبها بِ هدوء !

حس على حركتها وهي تعدل نومتها بعدما كانت نايمة على ظهرها !

همس بينه وبين نفسه ' بدايتها تعطيني ظهرك ونهايتها تنامين بحضني '

ثم غمض عيونه بِ تعب وهو يحاول ينام بعد اليوم الغريب والصعب الي عاشه مع زوجته !

- قَوس -

بعد الكثير من السوالف نطق زيدان بِ تعب : انا بديت انعس !

ثم لف على روح وقال : وانتِ يّ بنتي تعرفين كُل شي فّ ذا البيت ، خذي زوجك وخليه ينام فالمكان الي يريحه !

هزت راسها بالايجاب وقالت : ابشر يبا !

ثم طلع زيدان من الغرفة !

اما قَوس فَ اخذ راحته بعدما ابتعد ابها عن المكان وقام عن الكُرسي الي كان جالس عليه وهو يجلس جنبها على الكنب ويقول : شفتي كيف ؟ كُل شي حصل وبخير ولا هو زعلان منك ولا من اختك !

ابتسمت روح بِ هدوء وقالت : ايه الحمدلله ، ولله كنت خايفة من ردة فعله !

حك قَوس طرف شفته وقال : لا تخافين يّ قلبي وانا معاك !

ابتسم روح من كلامه الي دائماً يطمنها وبادلها قَوس الابتسامة !

- سَهم -

بعد مدة طويلة من السوالف وثنينهم يحاولون يسحبون كلام ومعلومات من بعض شرب سَهم اخر رشفة من فنجان القهوة وقال وهو يناظرها بِ هيام : ما ودك ننام ؟

حور بِ حسن نية : الا ، ادري مع اني شربت مدري كم فنجان قهوة ومع ذالك ولله احسن اني ميتة نعس !

هز راسه سَهم وقال : ايه وهذا المطلوب !

ثم قام وهو يمد لها يده ويساعدها بِ انها تقوم واتجهوا لِ الطابق السفلي !

نطقت حور بِ تسأل : الحين ذا البيت لمين ؟

لف عليها سَهم وهو يقول : لنا ، يعني انا واخواني وامي كُل فترة نجي نقضي فيه وقت وكذا !

ثم تقدم منها وهو يمسك يدها وقال : تعالي اوريك غرفتي … او بالاحرى غرفتنا !

مشت حور معاه ودخلت الغرفة بعدما فتح الباب وأشر لها تدخل قبله !

ناظرت بِ انحاء الغرفة وما كانت غرفة عادية !

رغم انه بيت فالجبل الا انه بيت راقي وجميل بِ شكل مُريح للعين !

شتت انظارها بِ انحاء الغرفة وقالت : ماشاءالله الغرفة مرة جميلة ، حتى البيت كُله يحسسك بِ اجواء العائلة لا ارادياً !

جلس على الكنب وقال : ايه امي معتمدة انه يكون كذا !

هزت راسها بالايجاب ثم لفت عليه وهي تقول : بس سَهم …

نطق بِ ابتسامة : عيونه ؟

حور : ما عندكم كذا ملابس زايدة او اي شي مثلاً ؟ اكيد ما راح انام فّ ذا البنطلون وهو بدون شي بضايق !

رفع اكتفه وقال : مدري ولله ، روحي شوفي بالغرف الثانية الا ما تلقي لك شي !

هزت راسها بالايجاب وكانت بتطلع من الغرفة لكن وصلها صوت رنة جواله وصوته الي قال وهو يرد على الاتصال الي جاه : هلا بروحي ، هلا بعمري كله ، هلا بِ اغلى ما عندي !

عقدت حواجبها من كلامه الي فوراً شكت بِ انه يسولف مع بنت ثم اتجهت للتسريحة وهي تسوي نفسها مشغولة بِ شعرها لكن بالفعل تحاول اسمع لِ كلامه الي ما يحمل الا الحلاوة واللطافة واكتشفت من الصيغة الي يقول فيها الكلام انه يكلم انثى وكان الانثى ذي اخر نساء العالم ومتجاهل الي امامه او بالاحرى زوجته !

املتئت عيونها بالركوع لكن ما اظهرتهم وحاولت تسمح اثرهم قبل ما يلاحظ عكس الي لاحظ تصرفاتها لكن بسبب بعد المسافة ما لمح دموعها !

نطق بِ ابتسامة : ابشري يّ عيوني ، وانتِ انتبهي لك … استودعتك الله !

ثم قفل جواله ولف على الي واقفة امام التسريحة وقال بِ خبث : حور ، حسبتك رحتي تدوري لك لبس !

رفعت حواجبها واكتفت يدينها وقالت : امم الحين رايحة !

ثم مشت لِ الباب لكن توقفت وهي تلف عليه وتقول بِ فضول : ما قلتلي مين الي كنت تكلمها ؟

وصل لِ السؤال الي كان ينتظره منها وقال بِ ثقة : وحدة ما تعرفينها !

مررت لسانها على اسنانها العلوية وقال : طيب عرفني عليها !

تقدم منها سَهم واحد يدينه على كتوفها وقال : لاا صعبة مقدر ، لو درت اني متزوج مستحيل ترجع تجيني الشقة !

توسعت عيونها وقالت : وشو ؟ شقة مين ؟

سَهم : شقتي !

حور بسرعة : هاذي فهمتها بس الي ما فهمته شتبي فيها عشان تجيك الشقة ؟

ابعد يدينه عنها وقال : نسولف شويتين وناكل سوا وبعدها نتسلى ، اشياء زي كذا يعني !

شهقت بِ صدمة وتقدمت منه وهي تضرب كتوفه بِ عشوائية وقال : بس انتَ متزوج ، وش التفاهة ذي ؟ منجدك سَهم ؟

هز راسه بالايجاب وقال : وانا شدخلني اذا انتِ مو معطية زوجك وجه ؟

عقدت حواجبها من كلامه وظهرت ملامحها الحزينة على وجهها !

لاحظ ملامحها لكن سوا نفسه مو منتبه اما حور فَ طلعت من الغرفة بسرعة وهي تنتقل من غرفة لِ غرفة تدور على ملابس وعقلها متمحور حَول الكلام الي سمعته من سَهم !

كانت مقهورة من كلامه بِ شكل واضح وما نكرت ذا الشي !

وبعد مدة من البحث فالغرفّ والتفكير فالموضوع بِ ذات الوقت وصلت لِ غرفة قَوس الي شافت فيها اكياس كثير موجودة على الارض !

ابتسمت بِ رضى وتقدمت من الاكياس وهي تتفقد الي بداخلهم وبدات اثار الصدمة تنرسم على وجهها !

تنهدت بِ نرفزة من شافت منظر الملابس الي كانو قصيرين بزيادة بالنسبة لها وجلست على الارض لِ مدة قصيرة !

نطقت بِ صوت مسموع وهي تحاول تهدي نفسها : اصلاً عادي وهو زوجي ، دام انه يتسلى مع البنت ذيك ليه اسمح لِ ذا الشي وانا حلاله !

ثم سحبت احدى القطع وطلعت من الغرفة وهي تقفل الباب وراها ثم اتجهت لِ غرفتهم !

دخلت الغرفة بِ هدوء وصمت !

لف سَهم على صوت فتحة الباب ونطق بِ تسأل : بشري لقيتي لك شي ؟