غمض عيونه عوض و بدا يمسح على شعرها : والله ما اخليك والله اني معك بكل وقت و بكل دقيقه بس ناديني وانا اجيك ركض والله ماراح اتركك ولا دقيقه شوق انتي حبيبه قلبي و شريان قلبي اللي ما اقدر اعيش بدونه و عيوني الثنين اللي بدونهم ما اقدر اشوف كيف راح اتركك قوليلي

ابتسم عبير ابتسامه عريضه و نطقت لعوض : اعطيها من ادويتها علشان تهدى شوي

التفت لعبير و شوق بحضنه ناظرها تبتسم ابتسم و نطق : اخذتهم اليوم

هزت عبير راسها بالنفي ونطق : خلاص عمه جيبيهم نعطيها

هزت عبير راسها بالموافقه و تقدمت تطلع ناظر عوض شوق اللي لازالت تبكي : شوقي يا كلي انتي قوليلي وش اسوي علشان تهدين و كيف اخذ ضيقك قوليلي وش اللي يفرحك وانا والله اسويه و اجيبه لك

شوق ببكي : لا تتركني عوض لا تتركني

عوض : والله ما اتركك ولا يبعدني عنك شر غير الموت من غير شر

بكت شوق زياده ناظرها عوض بصدمه : لا شوق لا ليش البكي

بكت شوق : اخاف تتركني اخاف اكون وحيده عوض اخاف اخسرك اخاف ، انت الوحيد اللي خايفه اخسره

بدا يقرا عليها و نطق : تعوذي من الشيطان يا عروق قلبي و مو صاير الا كل خير

دخلت عبير و ناظرتهم على حالهم ابتسمت و تقدمت لعوض : ادويتها

ناظر عوض شوق اللي جالسه تشد عليه : يالله شوقي ادويتك

هزت شوق راسها و بعدت عنه و بدات تمسح دموعها و مسح معها دموعها : تعوذي من الشيطان

هزت راسها بالموافقه و تقدم يعطيها من الادويه اخذتهم و شربت مويه و نطق : نامي ارتاحي و اذا احتجتي اي شي اتصلي علي وانا اجيك والله

هزت راسها بالموافقه و تقدمت تنسدح علشان تنام و تقدم عوض و وقف و التفت لها من حس بيدها ماسكه يده و نطقت : انتبه لنفسك

ابتسم عوض بخفه و اشر على عيونه و تقدم يقبل راسها : هدي لا تخافين وانا حولك

التفت لعبير اللي كانت منزله راسها و مبتسمه : عمه

ناظرته عبير و نطق : نامي عندها انا ما اقدر

هزت عبير راسها بالموافقه و تقدمت تجلس على سرير شوق و تقدم عوض يخرج ناظرت عبير شوق و قدمتها لحضنها و حضنتها و بدات تمسح على شعرها : عوض ما ينخاف عليه لا تخافين

هزت شوق راسها ابتسم عبير و نطقت : ما توقعتك كذا شوق

عقدت حواجبها : كيف كذا

↚

ابتسمت عبير : انك تحبينه بسرعه

تنهدت شوق و تقدمت تمسك يد عبير : اخخ يا ماما معرف وش سوي فيني هي عيونه اللي حلوه ولا قلبي اللي حبه بسرعه

ضحكت عبير و ابتسمت شوق و نطقت : بس تعرفين ماما انه عطاني الحب اللي اتمناه و ما يرفض لي ولا طلب لو اقول له ابي نجمه جابها لي و يخاف علي من اتفه الاشياء و يهتم فيني و تقبلني وانا ب اسوء حالاتي وقف معي بكل شي و ما يخليني انام زعلانه و يسمع سوالفي احسه جاني حنون بعد ما عصفت فيني الدنيا كلها بعد ما تعبت من كل شي جاني كأنه يعوضني عن كل شي

ابتسمت لها عبير : الله يخليه لك يارب و قلتلك من قبل نظراته لك نظرات مغرم بس ما صدقتيني

تنهدت شوق : اخخ يا ماما طلعت فاهيه صدق

ضحكت عبير و بدات تسولف معها تحاول تنسيها وهي بحضنها و نامت بعد فتره

عند ليان و سلطان اللي بعد ما طلعت من المجلس توجهت للحوش الخلفي و جلست بالكرسي و تنهدت تحاول تمسح دموعها كل ما تتذكر دخول صقر عليهم ذيك الليله تخاف سمعت صوته و هو ينطق : ليان

ليان بقل حيله : هنا

تقدم لها و شافها جالسه و جلس جنبها و مسك يدها : وش صاير

هزت راسها بالنفي: بس خفت شويه عليها

ابتسم سلطان و هز راسه بالموافقه التفتت له : صح ليش ما قلت لي

ابتسم سلطان و رفع اكتافه : لمحت لك كثير بس ما فهمتي

عقدت حواجبها وصدت : قصدك اني غبيه صح

ضحك بخفه : لا ما قلت

ناظرته ليان : راح امشيها لك بس ماقلت لي متى بكرا الموعد احس خايفه شوي

سلطان : العصر ما عليك بنج كامل ما راح تحسين بشي

هزت ليان راسها و تنهدت التفت لها : شفيك

رفعت اكتافها بعد المعرفه : ما توقعتك تخطبني حسبتك تضحك علي

ناظرها بصدمه : انا سُلطانك ما العب عليك لو كنت بلعب عليك كان لعب من زمان بس مو سُلطان اللي كذا

هزت راسه ليان : عارفه بس سُلطان انت اول شخص احبه بحياتي ف كنت خايفه شوي ابتسمت و كملت : بس راح كل الخوف الحين تخيل راح نعيش مع بعض

صرخت بخفه : ما اصدق

ضحك سلطان على حركاتها : يعني صدق تحبيني

ناظرته ليان بتوتر و تقدمت تمشي مسرعه ضحك سلطان و نطق و هو يمسح على شواربه : اهربي مثل كل مره ضحك و تقدم يوقف يدخل

عند مشاري بعد العشاء كان بشقته طلع من غرفته و ناظر لولوه و وتين يلعبون بالمجلس و صوت التلفزيون عالي دخل عندهم و نطق : رزان وين

وتين وهي جالسه تلعب : تلعب سوني مع خالد

هز مشاري راسه و تقدم يدخل غرفته اخذ دخانه و تقدم يوقف عند الشباك شغل الدخان و بدا ينفثه و يفكر وش ممكن تكون نهايته هل محارب او مستسلم وش راح تكون نهايه بناته راح يعيشون معه طول العمر ولا راح يتركهم في بدايه عمرهم تنهد و تقدم يطفي دخانه و نطق : من كثر ما كسرت قلبك ربي بلاني بالمرض ذا تنهد و نطق : عساه تطهير لكل ذنب لي ....................

عند رزان و خالد كانوا جالسين بالمجلس بشقه وليد و يلعبون سوني بعد ما خلصوا واجباتهم دخلت عليهم ريم و ابتسمت : كيفك رزان

ناظرتها رزان و ابتسمت : هلا عمه الحمدلله

و رجعت انظارها للتلفزيون و بدات تلعب مع خالد و فازت بالعبه صفقت : يس فزت

أبتسم خالد لانه خلاها تفوز و نطق : كفو

ابتسمت رزان و تقدمت توقف : نلعب بعدين بروح تأخر الوقت

هز خالد راسه و تقدمت رزان تطلع و تدخل شقتهم و ناظرت وتين و لولوه و نطقت: بابا وين

اشرت لها لولوه على الغرفه و تقدمت رزان تطق الباب و نطق مشاري : تعالي

تقدمت رزان تدخل : بابا يصير بكرا تروح المدرسه او تخلي جودي تروح لان قاطعها : تعالي اجلسي

هزت راسها و تقدمت تجلس على السرير و كملت : بابا البنات يضايقوني مره والله كذا مره اسكت بس يضايق كلامهم

هز مشاري راسه بالموافقه : ان شاءالله بكرا اروح

هزت رزان راسها و تقدمت بتخرج و التفتت له و نطقت : بابا لا تعامل جودي كذا تراها مره حبوبه و تحبنا كثير وانت تخليها تزعل و تحزن وهي حزينه اصلاً

ابتسم مشاري بخفه : ان شاء لله ، في موضوع مهم نتكلم بكرا فيه طيب الحين نامي و خلي اختك تنام

هزت رزان راسها و تقدمت تطلع

↚

كانوا البنات مجتمعين بالمجلس و نطقت لجين : بنات خلونا نسوي لشوشو توديع عزوبيه

ابتسمت لمار : صححح اي خلونا

جوري : بنات لاحظتوا الشي ذا ولا بس انا صايره علاقتهم حلوه

تنهدت جود : اخخ يجننون بشكل

غلا : صدق حلوين ما شاء لله

العنود : الصراحه ما استغربت

كنت متوقعه الشي ذا بعد ما قال وليد احس ان علاقتهم راح تقوى و يصيرون قراب و انا حاسه

لمار : اخوكم ذا احساسه يخوف

ضحكوا و نطقت لجين : ليلي وين

ضحكت العنود : نايمه اكيد سُلطانها خطبها و ملكتهم بعد زواج شوشو تلقينها في قمه سعادتها

ضحكوا و تنهدت العنود : الله يرزقنا بس

ضحكوا البنات و نطقوا : امين

التفتت عليهم لجين : حجزت ثيم توديع العزوبيه لشوشو شرقي

صفقوا البنات و نطقت جوري : ايوا تكفين راح تنبسط كثير جوها كذا

بدوا البنات يسولفون و يخططون ايش راح يسون في الحفله و الزواج

بالمجلس كان الجد يشرب شاي و عبير تقدمت تجلس بعد ما نامت شوق و كان موجود عبدالرحمن و ابو رنا و ابو وليد و ابو مشاري يشربون شاي و تقدم عوض يدخل : السلام عليكم

ردوا عليه السلام و تقدم يجلس معهم و التفت لعبير : نامت

ابتسمت عبير بضيق و هزت راسها بالموافقه اخذ عوض بياله الشاي و بدا يشرب : الحاله ذي مو عاجبتني بقول كلمتين عن كل شي صار اليوم و بعدها يمشي اول شي ناظر عبدالرحمن و كمل : انا مو مجبور عليها صح جدي قالي تزوجها بس لما قال لي الشي ذا انا كنت احبها و ربي شاهد على كلامي ولا هي حتى كانت تعرف بحبي لها ولا شي و كل شي سويته لها علشانها مو علشان اي احد هذا واحد اثنين ناظر جده و ابوه : صقر رجع من جديد

عقدوا حواجبهم و نطق ابو وليد : كيف من جديد

عوض : يعني يا يبه ما كفاه انه تبرى منها راجع من جديد و راجع يهدد اقوى من قبل راجع يرجعها بكل شي و فهمكم كفايه تنهد و كمل : لما كانت زعلانه من عبدالرحمن رحت وراها سكت و التفت لعبير و بضيق : كانت بتجرح يدها شفت الشفره بيدها و جرحت نفسها

ابو مشاري بخوف عقد حواجبه : كيف لحظه

حطت عبير يدها على قلبها : عوض خايفه عليها خايفه لا تسويها والله خايفه

تقدم عوض يمسك يدها و يطبطب عليها : لا تخافين

التفت لها و نطق : اعرفها شوق مستحيل تفكر بالم*وت عارف انها تسوي كذا بس تحاول تطلع غضبها و حزنها لانها مو قادره تطلعه بأي طريقه اللي طريقه ذي تنهد و كمل : المختصر انها ما جرحت نفسها كثير جرح صغير و بسيط جداً بعد بس المهم ان صقر ذا مو ساكت ولا انا ساكت كم يوم و رافع القضيه اللي عنده دليل يجيبه لي و الكلام لك يا عمه

الجد : لا عوض لا تذل البنت بالمحاكم معه

ناظره عوض : جدي تعرف قبل شوي وش قالت لي تقولي يا عوض قلبي تعبان احس قلبي ميت البنت تحس كذا وانت ما تبيها تنذل البنت صارت تشوفه حتى بأحلامها صحت قبل شوي مخترعه و تبكي و واضح انها حلمانه فيه هذا الكلام اللي عندي وصلكم العلم وانا ما اتحمل اشوفها كذا ولا اتحمل اخسرها اذا انتم هين عندكم خسارتها

قاطعه عبدالرحمن : محد هين عنده و اذا تبي شي انا موجود اطلع لك حاضره و ماضيه

التفتت له عبير :وانا معك ناظرت ابوها : ما اقدر اتحمل يبه سكت كثير بس خلاص ما اقدر اشوفها كذا

هز الجد راسه بقل حيله : ما يصيبها شر اهم شي ولا تنذل

تقدم عوض يقبل راسه : تنذل و عوض معها افا يا ابو خالد

ربت على كتفه الجد : ذا العشم يا عوض

تقدم عوض يخرج من المجلس و بدوا يسولفون و خلص اليوم من غير اي احداث تذكر

صحت الصباح شوق وتوجهت للجامعه مع عوض و دخلوا كلاسهم الاول و نطق عوض : اجلسي جنبي

ابتسمت له و هزت راسها بالموافقه و تقدمت معه تجلس و تناظر نظرات الطلاب لهم بلعت ريقها بتوتر و حاولت تشتت نفسها بالجوال بس التفتت من سمعت ضحكات ساره و هي تقول : الله لا يبلانا تخيلي في بنات كذا عادي عندهم يرمون نفسهم على الرجال و يسحرونهم

تقززت وعد : يع رخاص صدق

ساره : اي و تخيلي الولد يكون يالله يتحملها وهي ترمي نفسها له

وعد : شكلك ما تعرفين ان في بنات امهاتهم يجيبونهم قبل لا يتزوجون

ضحكت ساره و ضحكت معها وعد ناظرتهم شوق و صدت بضيق ناظر نظرات الضيق وتنهد : نتفاهم بعدين

هزت راسها و سمعتهم الجوهره بحكم قرب طاولتها من طاولتهم و ساره تقول : احسن خليها هذي كفو تاخذ المز ذا يمين بالله ما اطلع بنت امي اذا ما خليته يطلقها

سمعتهم الجوهره و تنرفزت و تقدمت لهم و هي تصرخ : تطليق منو حبيبتي قوليلي

ضحكت ساره : خير محامي الدفاع طلع لك صوت

رفعت حاجبها الجوهره و تقدمت تشدها من شعرها : انا اعلمج ولا انتي تطلقين شوق من عوض شكلج ما عرفتيني عدل انا بنت سعود بنته والله اتوطى في بطنك ولا اخلي فيج شي صاحي

↚

بدات الجوهره تتضارب مع ساره و تشد شعرها بقوه و تجمعوا الطلاب حوالينهم ضحكت شوق بخفه ناظرها و ضحك : مو قليله صديقتك ذي

ضحك شوق : بردت حرتي فيهم

عوض : لو اني مو رجال كان عرفت كيف ابرد حرتك زياده

تقدم لهم سيف و هو منصدم : متأكدين ذي بنت ولا جنس اخر

ناظره عوض و ضحك : تعال اجلس الفلم حلو و يضحك

تقدم سيف يجلس جنبهم : يمين بالله انا رجال ما اقدر اضرب و اتخانق كذا

ضحكت شوق و هي جالسه تشوف ساره تصرخ : بعدي عني يا مجنونه

الجوهره و هي شاده شعرها : انا اعلمج شلون اصير مجنونه الحين والله اطلع حرتي و حره شوق فيج يا كلبه

بدات تتهاوش معها و ساره تحاول تبعد و وعد تصرخ تحاول تبعد ساره من يدين الجوهره و الطلاب يضحكون دخل عمر و سمع الصياح و تجمع الطلاب و عوض و سيف و شوق جالسين جنب بعض و يضحكون عقد حواجبه و صرخ : بسس

التفتوا له الطلاب و التفتت له الجوهره و هي ماسكه راس ساره بيدها تقدم لهم و صرخ : حديقه حيوان هي

بعدت يدها عن ساره و ناظرته بحده و نطق : كل وحده مكانها خلصوني تخلص المحاضره كلكم بمكتبي سامعيني عدل

سكتوا و نطق بحده : سامعين ولا لا

تأفتت الجوهره و تقدمت ترجع لمكانها : سامعين

عمر بحده : يالله كل واحد مكانه يالله خلصوني

بدات تعدل ساره شعرها و تبكي ناظرتها شوق و ابتسمت و صدت ناظر عوض غمازاتها و همس لها : لو عارف ذا كله بيخليني اشوف غمازاتك كان خليتهم يتخانقون كل يوم …………

التفتوا لعمر من بدأ المحاضره و همس له سيف اللي تقدم يجلس معهم : اول مره اشوفه كذا معصب

ضحك عوض بخفه و بنفس الهمس : نفسك واضح انه جالس يتصنع العصبيه

ضحك سيف بخفه و بدا عمر يشرح المحاضره و صل عند اخر المحاضر و نطق : راح احضركم اللي يسمع اسمه يقول نعم و يتفضل يورينا عرض اكتافه بس الثنتين اللي كانوا يتخانقون خليكم جالسين

بدأ يحضر الطلاب لحد ما انتهى ولا بقى غير الجوهره و ساره و نطق و هو واقف مستند على الطاوله : تفضلوا قدامي

تقدمت الجوهره قبل ساره و ناظرتها بحده و تكتفت و نطق عمر : وش اللي صار

ساره بدلع اشرت على الجوهره : هي اللي بدات تتخانق معي مالي ذنب

ناظرتها الجوهره و هي متكتفه و رافعه حاجبها : جذابه بعد تبيني افجر فيج الحين

عمر بحده : خير ان شاء الله حديقه حيوان هي اشرحولي وش صار

ناظرته الجوهره : هذي قاعده تقول كلام عن رفيجتي

ساره : ك…… قاطعها عمر : خلاص ما علينا من اللي صار كل شي متسجل بكاميرات الكلاس اقدر اروح و اشوف الصدق و الكذب بس والله ثم والله مره ثانيه احط لكم F و اريح راسي يالله خلاص كل وحده تمشي

تقدمت ساره تمشي و هي تمثل البكي و اخذت الجوهره شنطتها بحده و ناظرت عمر : مره ثانيه تصدقني ما تصدق الكلبه

ضحك عمر بخفه : طيب طيب

ناظرته و مدت لسانها : اننن ما يضحك غلط مني اخذت كلاس عندك

ضحك عمر و مسح على شنبه: كل ما اتذكر شكلك اضحك

ناظرته و عقدت حواجبها بحده و تقدمت تطلع بقوه

بعد ما طلعت ضحك عمر بقوه من تذكر هوشتهم

تقدمت الجوهره تطلع و تدور شوق لقتها مع عوض و سيف واقفين يسولفون و تقدمت لها ناظرتها شوق و ابتسمت و نطقت الجوهره : شلوني معاج

صفقوا لها و نطقت شوق : الخوي الكفو

تقدمت الجوهره تحضن يد شوق : علبالج اني قليله سكت و انفجرت عليهم

ضحك سيف و نطق : اول مره اشوف هوشه كذا على ارض الواقع اهنيك الصراحه اخاف اتكلم عن شي و تصفقيني

ضحكت الجوهره : لا ماعليك بس انت انتبه لكلامك علشان لا يجيك اللي جاها

ناظرتها شوق بصدمه : لحظه وش صار على الجوهره الهاديه

بعدت الجوهره شعرها بتفاخر : انتهت من اليوم و راح اطلع شخصيتي الصجيه و انت اشرت على عوض : لا تخليها تزعل من كلام العقربتين

ضحك عوض : لا ولا يهمك ما اقدر ازعلها اخاف ازعلها و تصفقيني

ناظرت شوق : هذولي شفيهم خايفين جذي

ضحك شوق و رفعت اكتافها بعدم المعرفه و نطق سيف : جذي

عقدت حواجبها الجوهره و هزت راسها : اي جذي شفيك

سيف هز راسه بالنفي : لا o ولا b فصيله دمي الكويت

بدا يرقص بخفه ناظره عوض و هبده مع راسه و ابتسم : اركد

ضحك سيف : حي والله جيرانا بينا

الجوهره : حي نباك شلون عرفتني اني كويتيه

ضحك سيف : عندنا خوي كويتي بس مو كويتي كويتي يعني نصه سعودي ف ساعات يقط كلام كويتي

هزت الجوهره راسها : انا بعد نصي سعودي بس اخذت الكلام الكويتي عكس اخواني

ناظرتهم شوق : خلونا نجلس بمكان تعبت واقفه

عوض تقدم يمشي و تقدمت تمشي معه ناظرت الجوهره بصدمه سيف : هذولي نسونا ولا شنو بالضبط

ضحك سيف : امشي بس توك ما شفتي شي

ضحكت الجوهره و تقدمت تسبق سيف بالمشي بعد مده وصلوا للمكان و جلسوا على الارض يسولفون كانت الجلسه كلها ضحك و نطقت شوق : تقهر تكفين دلعها

عوض : الدلع مايليق اصلا عليها تتصنعه بطريقه تخليني اصير ابي استفرغ

سيف حط يده على جبهته : تناديني سيوف يا ذا العلم لو ابوي يدري يمين بالله اتصفق بالعقال

ضحك الجوهره : سيوف اهههه و كملت : هذولي اصواتهم جعفر اسألوني عنهم انا اعرف

عوض : سؤال فضولي كيف تعرفتوا عليهم

التفتت الجوهره لشوق و هي جالسه تاكل من الشبس : قولي لهم شوشو

ضحكت شوق : تعرفنا على بعض بالمتوسط انا و الجوهره و بعد ساره و وعد كنا جالسين جنب بعض و شوي شوي تقربنا و كنت اعرف انهم خبيثين بس قلت لا ما راح اتركهم علشان لا اكون وحيده ناظرت عوض اللي كان حاط يده على خده و جالس يسمع لها ابتسمت و نطقت : نفس ما قلت لك ما احب اكون وحيده و كانت علاقتنا عاديه اصلا مو عميقه سطحيه و بس كذا و ماكنت ارتاح لهم

الجوهره : حتى انا تخيلي كنت احس بضيق بس كنت اقول لا ما راح اخلي شوشو

ابتسمت لها شوق و تقدمت تحضنها : وه يا حظي

بادلتها الحضن الجوهره و ابتعدت و نطقت شوق : صح وش قال لكم دكتور عمر

ضحك الجوهره : بس قال راح اعطيكم F اذا تهاوشتوا مره ثانيه

ضحكوا عوض و سيف بقوه و مد سيف يده لعوض و عطاه كف و نطق : اخخخ ذا ابدا العصبيه ما تصير عليه

عوض و هو يضحك : يحاول يتصنعها بس ابدا ما تصلح له

ضحكت الجوهره و هزت راسها و تقدمت توقف : شوشو محاضرتي الجايه راح تبدا الحين اشوفج بكرا و اذا تبين اي شي دقي علي

هزت شوق راسها و تقدمت الجوهره تعطيها بوسه من بعيد لوحت لها و مشت لمحاضرتها

تقدم سيف ينسدح على رجل عوض : اخخ تعبان

ضربه عوض مع راسه : امك انا جبتك و نسيتك

ضحكت شوق و تقدمت تاخذ جوالها: يالله سلفي

التفتت و صاروا وراها و مدت جوالها و ابتسمت و عوض كان يحاول يبعد سيف عن رجله و سيف مبتسم و صورت تعدت بجلستها و ضحكت : يالله تضحك بشكل

عوض : اشوف عطيني

عطت شوق جوالها لعوض ناظر سيف و ضحك و ناظرها كيف مبتسمه و غمازاتها ظاهره ابتسم و همس لها : اللي محلي الصوره و جودك ولا الزفت ذا مخربها

ضحكت شوق و نطق سيف : سامعك

عوض بعد سيف و وقف : اسمع يالله شوق راح تبدا محاضرتنا

تأفتت شوق و وقفت و اخذت اغراضها : اكره دكتور ذا اكره ما احبه ولا اتقبله

تقدم سيف يوقف : انا رايح اكل

ضحك عوض : بالعافيه بس لا تخلص اكلهم

ضحكوا و تقدموا عوض و شوق لمحاضرتهم و بعد المحاضره توجهوا للسياره و كان معهم سيف كان جالس ورا و اتصل جواله و رد و هو يضحك : هلا عمر

عمر ضحك : ولا كلمه معرف كيف عصبت اصلا عوض عندك

هز سيف راسه و فتح السبيكر : عندي كلمه حاطه سبيكر

عمر : عوض كلمت عبدالله

عوض : كلمته خلاص على موعدنا المغرب ان شاء لله

عمر : خلاص المغرب انا عندك سلام

عوض : عليكم السلام

عقدت حواجبها شوق : وين بتروحون

ضحك سيف و ابتسم عوض : بنجلس بالبيت من زمان ما اجتمعنا مع بعض

هزت شوق راسها بالموافقه و التفتت لسيف : وش اللي يضحك

هز سيف راسه بالنفي و هو يضحك صدت عنه شوق

عند ليان وصلت مع ابوها و جود للعياده و جلسوا ينتظرون

ليان كانت تحرك رجولها بتوتر: خايفه

ضحكت جود و همست لها : سلطانك راح يكون معك و خايفه

تأففت ليان و صدت عنها و نطق ابو رنا : ما عليك ما راح تحسين بشي

هزت ليان راسها بالموافقه و التفتت من سمعت اسمها و تقدمت تدخل و يدها بيد جود ناظرت سلطان اللي كان مبتسم خلف الكمام : حياكم الله

ابو رنا : الله يحيك بس شكلها زوجتك المستقبليه خايفه

ضحك سلطان و هز راسه : ما عليك بسيطه ما راح تحسين فيها ان شاء الله

هزت راسها بالموافقه و نطق : يالله تعالي معي علشان نسوي لك البنج بالاول

تقدمت ليان تطلع له و ناظرت ابوها : ادعولي خايفه

ضحك ابو رنا و تقدم يخرج مع جود ينتظروها برا جلسوا و التفتت ابو رنا لجود : خوافه اختك

ضحك جود و هزت راسها بالموافقه و نطق : جود

ناظرته جود و كمل : يصير اتكلم معك بموضوع

↚

هزت جود راسها و نطق : في واحد تقدم لك

بلعت ريقها : بس بابا قاطعها و نطق : واحد اعرفه و تعرفينه فكري بالموضوع انتي عارف انك ما تفكرين بالزواج بس عطي نفسك فرصه وانا والله خايف عليكم من بعد موتي لا سند ولا شي استخيري و عطيني رايك

ناظرته جود بقل حيله : مين بابا

تقدم يحط يده على كتفها و يقربها منه : مشاري

فتحت جود عيونها بصدمه طلع صادق صدق رغم كل اللي مرت فيه الا انها راح تجتمع فيه من جديد تجتمع مع الشخص اللي كانت تحبه و رغم كسره لها الا انها لازالت تحبه و كمل ابو رنا : عارف انه كان متزوج بس انتي شايفه بنات يحبونك كثير و انتي تحبينهم و ولدنا و نعرفه عدل عطي نفسك فرصه

هزت جود راسها و حطت راسها على كتف ابوها و غمضت عيونها الشخص اللي قبل ١١ سنه تركها راح ترجع تجتمع فيه من جديد الشخص اللي كانت تتمنى تقضي عمرها معاه راح يصير لها صحيح انكسرت منه كثير بس قلبها كان كبير و قدرت تسامحه تنهدت بضيق من تذكرت مرضه و التفتت لابوها : ابي اصلي

هز ابو رنا راسه و تقدمت جود تتجه للمصلى تصلي بدات تصلي و كل دعواتها كانت لمشاري كانت تدعي له بالشفاء و استخارت و ارتاحت له و ابتسمت بخفه و تقدمت تطلع لابوها ناظرته و تقدمت تجلس جنبه : بابا استخرت

ناظرها ابوها : اخذي وقتك

هزت راسها بالنفي : موافقه

ابتسم لها و تقدم يقبل راسها : بناتك محظوظين فيك و بحنيتك و بعد راح يحضرون زواج امهم

ضحكت بخفه جود و شبكت يدينها ببعض و ابتسمت بخفه

عند ليان تقدمت من سلطان للغرفه : لا تخافين

ليان بتوتر : خايفه سُلطان

ابتسم و تقدم يمسك يدها : سُلطانك راح يكون معاك وانا والله اللي راح اخلعه لك و راح اخلعه شوي شوي لا تخافين و بعدين راح تكونين متخدره

ليان بتوتر : خايفه سُلطان

مسك يدها و تقدم معها : والله ما يعور والله صدقيني ما راح تحسين بشي

تنهد و تقدمت معه : اوعدني ان ما يعور

ضحك بخفه : والله ما يعور

تقدمت ليان للغرفه و لبست اللبس الازرق و بعدها تقدمت تجلس على السرير و كان سلطان علي يسارها و تقدم الدكتور الثاني و نطق : الحين راح نحط الابره علشان تتخدرين

ناظرته بخوف و فهمها و نطق : ناظرني و مو صاير الا كل خير

مد يده سلطان لها و بدا الدكتور يعطيها الابره و يدها الثانيه تشد على سلطان بعد فتره حست بشعور غريب و نطقت : سُلطان احس اني احلم

ضحك سلطان بخفه و تفعل البنج و نامت و بدا يلبس القفازات و الكمام و اخذ الادوات و بدا يخلع لها الضرس بهدوء و هي ما كانت تحس في ولا شي

المغرب تجمعوا العيال بالمجلس و تأخر عمر و نطق عبدالله: اتصلوا عليه تلقونه مضيع

سيف : اتصلت يقول لي جاي

التفت لعبدالله عوض : الوكاد ان تمسكها لي و تطيحه

ضرب على صدره عبدالله : افا يا ذا العلم وانا ولد ابوي امسكها و اطيحه و فوقها حبه مسك

تقدم عوض يسلم عليه من خشمه : ذا العشم والله

سمعوا صوت الدباب و ضحكوا و نطق سيف : وصل

نزل عمر من دبابه الاسود و كان لابس بنطرون اسود و تيشيرت اسود نزل الخوذه و فتح الباب سيف : حياك

تقدم له عمر يسلم عليه و تقدموا يدخلون المجلس و بدوا يسولفون و نطق عمر : كيف صرت عصبي معرف حاولت اصنع العصبيه بس ماش مو شخصيتي

ضحك عوض : تكفي اشكال البنات كل ما اتذكر اضحك

ضحك عمر بقوه و سيف و ناظرهم عبدالله: شكلها هوشه قويه

ضحك عوض : جلست تشد شعرها الله لا يوريك انا الرجال ما اقدر اتضارب كذا

ضحك عبدالله و نطق سيف : طبعاً انا و ياه و حرمه المصون جالسين و نضحك

ضحكوا و ناظر عوض خوذه عمر و نطق : طالبك عمر

نزل فنجال القهوه عمر : امرني عيوني لك

اشر عوض على الخوذه : باخذ لفه و ارجع

ابتسم عمر : ما اردك وانا ولد ابوي

قدم له الخوذه و وقف عوض اخذها و نطق عندك خوذه ثانيه ………………

قدم له الخوذه و وقف عوض اخذها و نطق : عندك خوذه ثانيه

ضحكوا و نطق عمر : عندي شوفها برا على الدباب

ابتسم بخفه و تقدم يطلع من المجلس التفت عبدالله للعيال وهو يضحك : لا خويكم ذا متطور وضعه

↚

سيف و هو جالس يشرب القهوه : انا وش اقول نساني ذاك اليوم ولا قال سيف ولا شي هذا وانا وياه اعز الاخويا

ضحكوا و نطق عمر : يقولك الحب ينسيك حتى نفسك تبيه ما ينساك

ضحكوا و بدوا يسولفون سوالفهم المعتاده

عند شوق اللي كانت جالس مع البنات بالمجلس و تلعب مع البسس و نطق لجين : حجزنا لك ثيم توديع عزوبيه شرقي

التفتت لهم بأبتسامه : احلفوا

العنود ضحك : والله عارفينك تحبين الرقص

تقدمت تاخذ وحده من البسس و تقبلها : اموت بالرقص و الشرقي بعد صدق جوي لازم نعزم فطوم و جوجو

عقدوا حواجبهم و نطقت غلا : جوجو

هزت شوق راسها : صديقتي لازم اعرفكم عليها راح تعجبكم تخيلوا اليوم تخانقت مع وحده علشاني

جوري : كفو ذي الخويه صح اعزميها

هزت شوق راسها و تقدمت جود تدخل و التفتت لها العنود : ليلي وين

تقدمت تجلس جود و تنهدت : تكفين ليلي ذي فضحتنا بالعياده كلها

ضحكوا و نطقت لمار : وش صار

جود تربعت : صبوا لي قهوه و اقولكم وش صار

قبل ساعات في العياده عن ليان خلص سلطان من خلع ضرسها و كانت نايمه دخلت عندها جود ناظرتها و تقدمت تجلس جنبها و بدات ليان تفتح عيونها شوي شوي ناظرت حوالينها و نطقت : سُلطان

وقفت جود : صحيتي يعورك شي

بكت ليان : ابي سُلطان

ضحكت بخفه جود : يجيك شوي

هزت ليان راسها بالنفي و ببكي بدات تصرخ : ابي سُلطان الحيوان سُلطان

ضحك جود : بس لا تفضحينا بس

ناظرتها ليان و عقدت حواجبها : بعدي عندي راح تسرقين حبيبي مني بعدي

ضحكت جود : يا غبيه

صدت عنها ليان : ابي سُلطان جيبوه لي الحين

علت صوتها : ابي سُلطان ابيه

ضحك جود بقوه من شكل ليان و دخل سلطان من سمع صوتها و ناظرها متخدره ضحك بخفه و التفتت عليه جود : تبي سُلطان

ناظرتها ليان بحده : سُلطاني انا انتي مين علشان تنطقين اسمه كذا

علت صوتها ليان : سُلطان

تقدم لها سلطان و هو يضحك : بس لا تفضحينا كل اللي جنبك راح يسمعون صوتك

هزت راسها بالنفي و ابتسمت : سُلطان

ابتسم لها سلطان و اخذت جود جوالها و بدات تصورهم و هي تضحك و نطق سلطان : عيوني

ناظرته ليان : انا احبك كثير سُلطان كثير انت مره حلو مره بس ليش كثير بنات يكتبون لك كومنتات حلوه بالانستقرام افف

ضحك بخفه و نطقت : انت راح تصير زوجي بعدين نعيش مع بعض و نسوي قهوه كل يوم مع بعض صح

هز سلطان راسه و بدا يمسح على شعرها : صح

ضحك بخفه و نطقت : انت راح تصير زوجي بعدين نعيش مع بعض و نسوي قهوه كل يوم مع بعض صح

هز سلطان راسه و بدا يمسح على شعرها : صح

ليان عقدت حواجبها : سُلطان يا حيوان كذبت علي يا كذاب يا سُلطان قلت لي راح تشوفيني بس انا اشتاق لك حتى وانا بالجامعه

ضحك بخفه و ضحكت جود بقوه و هي تصورهم نطقت ليان و هي متخدره : احس اني بطياره

ضحك سلطان و مسك يدها و نطقت بصوت عالي : احبك سُلطان كثير

سكر سلطان فمها بيده و ضحك : بس فضحتينا بس

هزت راسها بالنفي و تقدمت تدخل السستر و التفت لها سلطان : عطيها منوم

هزت السستر راسها و بدات تعطينها ابره المنوم حست ليان ان عيونها بدات تغمض شوي شوي و نطقت : سُلط… ما كملت كلمتها و نامت ضحك سلطان و ضحكت جود التفت لجود و نطق : اختك ذي فضيحه الحمدالله عمي راح يصلي ولا والله نروح فيها انا وياها

ضحكت جود و تقدم ابو رنا يدخل : صحت

ضحكت جود : صحت بس عطوها ابره منوم لانها متخدره

هز راسه و تقدم يجلس : ما تقصر سلطان

ابتسم سلطان : واجبي اذا صار شي بلغوني و عموماً ساعه بالكثير و تطلعون

ابو رنا : ان شاءالله

↚

حكت لهم جود وش صار لليان و ضحكوا البنات بقوه و نطقت لمار : البنت ذي يمه صدق فضيحه

شوق مسكت بطنها : بنات تكفون ما اتخيل شكلها

ضحك لجين و نطقت : وينها ما شفناها

جود : حبيبتي ذي بعد اللي صار لها اليوم راحت تكبر المخده و تنام

جوري : تكفين قولي انك صورتيها

هزت جود راسها : صورتها اخخخ تضحك راح ادزها بقروبنا حنا البنات

دخل عوض البيت و نطق : شوق

سمعته شوق و تقدمت تطلع له و نطق : يالله روحي البسي و تعالي

عقدت حواجبها : وين راح نروح

ابتسم عوض : روحي البسي تيشيرت اسود و بنطرون اسود و تعالي بدون عبايتك

تخصرت شوق : تتشرط بعد

عوض : شوق يالله بسرعه يالله

تأففت شوق و تقدمت تصعد غرفتها فتحت الدولاب و طلعت منه اللبس و لبست و تقدمت تلبس شوزها ناظرت شكلها و عدلت مكياجها و حطت من عطرها و تقدمت تنزل ناظرته ناطرها واقف عند الدرج ولابس جينز اسود و جاكيت اسود بأبيض و بيده جاكيت جلد ناظرها لابسه تيشيرت اسود و بنطرون و فاتحه شعرها ابتسم و نطق : يالله شوق

تقدمت له شوق و اخذ الجاكيت وحطه عليها و سكره كان كبير عليها ابتسم بخفه ناظرت الجاكيت: كان قلتلي البس من عندي

همس لها عوض : ابيك تقاسميني حتى ابسط الاشياء

ابتسمت بخفه و بعد عنها بعد ما سكرت الجاكيت و تقدم يمسك يدها و يدخل المجلس و يدها بيده ناظر عبير و نطق : راح اسرق بنتك

ضحكت عبير و ناظرته شوق بصدمه و نطقت عبير : حلالك اسرقها

ضحكت ام وليد : انتبهوا لنفسكم

هز عوض راسها و تقدم يطلع معها ويده بيدها : يالله شوق

طلعت معه من باب البيت و ناظرته تقدم ياخذ الخوذه و يلبسها و نطقت : لا عوض لا

تقدم عوض يحط الخوذه على راسها : ليش لا

شوق : عوض اخاف بعدين حق مين ذا

ناظرها عوض : وش قلنا شوق خوف معي مافي انسي كلمه خوف معي ذا لعمر

ناظرته بصدمه : دكتور عمر

ضحك عوض بخفه : دكتور عمر

تقدم يركب عوض و ناظرها : يالله شوق

شوق : طيب وين راح نروح عوض

رفع اكتافه عوض : سر يالله اركبي راح اسوق شوي شوي انتي امسكيني و كل شي راح يكون تمام

هزت شوق راسها و تقدمت تركب : اثق فيك

ابتسم عوض و تقدمت تمسك عوض من طرف تيشيرته ضحك بخفه و تقدم يمسك يدها و يخليها تحضنه و حط يده على يدها و شغل الدباب و بدا يحرك و حرك بقوه بالغلط شدت عليه شوق عض شفته من قربها منه و ضربته على بطنه : شوي شوي عوض

ضحك عوض : بالغلط

بدا يحرك بسرعه متوسطه و زاد سرعته و شدت عليه زياده بخوف مسك يدها و بدا يسوق بيد وحده و ابتسم و بعد مده وصلوا لمكانهم مكان عوض السري فصخ الخوذه و لازالت شاده عليه ابتسم بخفه ونطق : وصلنا

بعدت شوق يدينها و ضربته على كتفه بخفه : اخر مره اثق فيك

نزلت و فصخت الخوذه و نزل عوض يضحك : ليش

شوق : عوض امسك قلبي احسه بيطلع من مكانه من السرعه

ضحك عوض و حط يده على قلبها و ناظر عيونها و بادلته النظرات لمده و بعدها نطق : جالسه تزيد نبضات قلبك من السرعه ولا من قربك مني و مسكه يدي على قلب

زادت نبضات قلبها و بدا صدرها يهبط و يصعد من التوتر ابتسم بخفه و بعد يده و مسك يدها : تعالي نجلس

ناظرت مسكه يده ليدها و ابتسمت و تقدمت تجلس معه على الارض بمكانهم السري و نطق عوض : جيناه قبل و كل واحد كان جاهل عن الحب الثاني و جيناه الحين و حنا عارفين بحبنا لبعض

ابتسمت شوق و يدها كانت بيده و نطق : باقي القليل على زواجنا حبيبه قلبي راح اكون معاها بنفس الغرفه و نتشارك نفس الانفاس نتشارك قهوه الصباح مع بعض و نتشارك كل شي راح يكون لنا مكانا الخاص اللي راح نكبر داخله راح نحبه كثير و احلامنا راح تنموا معاه و يكون عندنا نونو صغير يشاركنا حياتنا راح تكون الحياه حلوه اوعدك وعد رجال ان راح تعيشين كل ايامك سعيده

ابتسمت له شوق بخجل ناظرها و ناظر خجلها و تقدم يقبل خدها : احب خجلك بس لا تكثرين منه

ضحكت بخفه و ضربته على صدره : وصخ

فتح عيونه بصدمه : وش سويت

هزت راسها بالنفي و شتت انظارها تناظر المنظر اللي قدامها و نطق : جبتك هنا بتكلم معك بموضوع

عقدت حواجبها شوق و نطق : بعد زواجنا برفع قضيه على صقر ........

ناظرته شوق و بكت تقدم يحضنها : ليش يا ابوي انتي ليش البكي

شوق ببكي : صدق عوض

ابتسم بخفه و بدا يمسح على ظهرها : صدق يا عروق قلبي صدق و اوعدك نكسبها لا تبكين

بعد عنها عوض و بدا يمسح دموعها : راح اخلي عبدالله يمسك القضيه و راح ياخذ لك حقك

↚

تقدمت تمد يدها و تحطها ورا رقبته و تحضنه : عساني ما انحرم منك الله يديمك لي باقي العمر يا اجمل صدفه و اجمل عوض و اجمل حب اعيشه و بعيشه للابد

ابتسم عوض و بادلها الحضن و حضنوا بعض لمده و بعدها ابتعدوا و تقدم يمسك يدها و نطقت : تعرف عوض

ناظرها عوض و نطقت : ١٨ سنه عشتها و كل ليله خايفه اول ١٠ سنوات من طفولتي كانت كلها ضرب و عنف و ت*حرش بكت و تقدم عوض يحط يده على كتفها و يقربها منه و كملت : و ٨ سنين الباقيه كانت عذاب كبير تهديد و افكار انتحاريه و محاولات انتحار كثيره فاشله و حياه سيئه و تعذيب ذاتي و بكي و وحده و مراجعات عند مليون دكتور نفسي و ادويه كثيره و فقدان شهيه و نوم كثير تنهدت و هي تبكي و بدا يمسح دموعها و نطقت : يمكن صرت احس بأخر سنه بس ما اصدق ان اخيرا راح ارتاح منه و راح تكون حياتي الجايه خاليه منه من زمان كنت ابي ارفع قضيه بس محد كان يسمعني و جدي ما كان يقدر يواجهه بروحه بحكم سنه و كبره ولا ماما تقدر تواجهه جيتني انت و قدرت تواجهه و قدرت توقف بوجه ناظرته و ابتسمت بعيون باكيه : معقول انت العوض اللي كنت ادعي ربي يرزقني ياه كل يوم

ابتسم لها عوض بخفه و بدا يمسح دموعها : انا عوضك شوق اوعدك اني اعوضك عن كل شي سيئ اوعدك اني راح اخليك تعيشين اجمل سنينك معي انا معك و جنبك و حولك ولا راح اتركك يوم واحد ابتسمت و هزت راسها و تقدم يحضنها بقوه : احبك

بدا صدرها ينزل و يصعد من التوتر و نبضات قلبها تزيد حس بصدرها و نبضات قلبها و ابتسم و نطق و هو حاضنها : احبك و اموت فيك و اهيمك و اعشقك و اتنفسك و والله لو حبك وطن كنت انا اول جندي و لو حبك رصاصه اعتبريني انا اول شهيد و لو حبك يهد الحيل والله لا اهد حيلي و احبك و لو خطأ بخطيه كل عمري و انا راضي

ابتسمت شوق بفرحه من كلامه و تعبيره لها حست بحبه لها فعلاً و ايقنت شوق بأنها فعلاً وجود عوض بحياتها اكبر نعمه و اجمل شي صار بالحياه تحس معه بالامان ما قد حسته بوجود اي شخص ثاني تحس انها فعلا اكتفت فيه و جاها حنون مثل ما كانت تتمنى

بعد عن حضنها و ناظرها تبتسم و نطق : قلبك قال لي قد ايش تحبيني

ابتسمت له و نطق : ما يحتاج تقولين اي شي ولا تردين كافي اشوف ابتسامتك و غمازاتك و افهم كل شي

ابتسمت له و هزت راسها و نطق : يالله نروح لمكانا الثاني

شوق : في بعد مكان ثاني

ابتسم لها : بأخذك مكان سري و لانك حرم عوض ولازم تتعلمين الاشياء ذي

تقدم يوقف و وقفت معه و يدها بيده و عقدت حواجبها : وين

تقدم يمشي معها للدباب و اخذ الخوذه و لبسها و نطق : سر ثاني

ابتسمت : اسرارك حلوه بشكل مو طبيعي

ابتسم لها و اخذ يدها يقبلها و نطق : لو مو الخوذه على راسك عرفت اتفاهم معك بطريقه ثانيه

ضربته شوق على كتفه و ضحك بخفه و تقدم يلبس خوذته و يركب الدباب و ركبت وراه و نطق : تمسكي فيني عدل

قربت منه و صار ظهره ملاصق لصدرها و يدها ملتفه حول بطنه و تشد عليه ناظر يديها و بدا يحرك و هي تشد على بخوف ضحك بخفه و بعد مده وصلوا المكان و نزل و نزلت و فصخت الخوذه : وين المكان

فصخ عوض الخوذه و اشر على المكان ناظرت المكان و فتحت عيونها بصدمه : رمايه

ابتسم عوض و هز راسه و تقدم يشبك يده بيدها : يالله امشي

مشت معه و نطقت : صدقني ذا بيكون واحد من احلا ايام حياتي من زمان بخاطري اجرب الرمايه

التفت لها و ابتسم : و ايامك الجايه راح اخليها كلها حلوه اي شي بخاطرك قولي لي و انا راح اقولك حاظر و لبيه

ابتسم شوق له و هزت راسها بالموافقه : عساني ما انحرم منك

عوض : ولا منك يا حبيبه قلبي

ابتسمت و تقدمت تمشي معه دخلوا المكان و تقدموا يختارون السلاح و عدد الطلقات و بعدها توجهوا لمكان الرمي وقف عوض عند المكان و جنبه شوق اللي كانت متحمسه و تصور اخذ السماعات و بدا يلبسها و يلبسها النظارات و تقدم واحد من الرجال اللي كان يشتغل يساعدها و يعدل السلاح و نطق عوض : شكراً اعرف

الرجال : متأكد

هز عوض راسه : مليون بالميه

هز راسه الموظف و ابتعد و بدا عوض يعلم شوق : حطي يدك الثنين

تقدمت شوق تحط يدها على السلاح و حط يده وحدها معها على السلاح و الثانيه خلف ظهرها و نطق : مستعده

شوق بحماس : مستعده

نطق عوض : يالله ارمي

بدات تصوب شوق على الهدف و عوض يساعدها بعد مده خلصت طلقاتها و فلت يده عوض و نزلت يدها و بدا يصفق لها : عاشت

تقدمت شوق تحضنه : يونس عوض احس بشعور حلو

ضحك عوض و بعدت عن حضنه بسرعه و عضت شفتها و نطق : دوري اخليك تشوفين كيف حبيبك فنان بالرمايه

بعدت شوق و تقدم عوض لبس السماعات و النظاره و بدا يحط الطلقات و يعدل السلاح نزل جاكيته و عطاه لشوق و حط يدينه على الزناد و بدا يصوب كان شكله مغري و عضلات يده مشدوده و بارزه و رافع شعره ناظرته شوق و ناظرت عرض ظهره و اكتافه و عضت شفتها السفليه و طلعت جوالها و بدات تصوره و هو يرمي خلص و التفت عليها : كيف

ابتسمت له شوق و صفقت : فنااانننن

ضحك عوض و تقدم ينزل السماعه و النظاره و نطق : اي في شي بخاطرك بعد

ابتسمت شوق و هزت راسها بالنفي و نطقت : نروح البيت

تقدم ياخذ جاكيته منها و يلبسه: يالله

تقدموا يطلعون و ركبوا الدباب و توجهوا للبيت دخلوا البيت و ناظرت شوق عمر و عبدالله و سيف اللي كانوا جالسين بالحوش و يسولفون و تقدمت تدخل داخل البيت و تقدم وراها عوض : سلام عليكم

ردوا عليه السلام و تقدم يجلس جنبهم و تنهد وهو مبتسم : يا ان الدباب ذا شي فنان

ضحك عمر : لا واضح انك في قمه السعاده

تنهد عوض : فوق الغيم والله

ضحكوا و نطق عبدالله: نسيتنا ورحت معها

عوض : اخخ انا نسيت حالي وقفت عليكم

ضحك سيف : الله يرزقنا من الحب ذا

اتصل جوال عمر و وقف يكلم و العيال كانوا يسولفون و نطق عبدالله: كلمتها على القضيه

هز عوض راسه : كلمتها موافقه

تنهد عبدالله براحه : خلاص كم يوم و تعال عندي المكتب معها و نحل الامور و نرفع القضيه

↚

ناظره عوض و حك شعره : بس في شي

عقد عبدالله حواجبه : وش

عوض : ان الادله كلها مو اي احد يقدر يشوفها و افهمني عبدالله

هز عبدالله راسه : ما عندك ادله ثانيه

هز راسه بالنفي عوض و نطق سيف : في حل مناسب لنا كلنا

التفتتوا عليه و نطق : العنود

عوض التفتت لعبدالله: صح عني اختي متخرجه قبل سنه ولا لقت لها وظيفه بمكتب اقدر تساعدك و تشوف الادله و تعرضها على القاضي

عبدالله: خلاص دام كذا اليوم اللي تبي ترفع فيه قضيه جيبها معك نوظفها عندنا بالمكتب منها تمسك القضيه و منها بعد حنا محتاجين الصراحه محامين

عوض : خلاص عندي

تقدم لهم عمر : يالله انا ماشي تأمروني على شي

سيف : اجلس يا رجال تعشى معنا

هز راسه بالنفي عمر : عندي شغل نتعشى و نرقص بعرس دودي

ضحكوا و التفت عوض لسيف و هبده على راسه : قلتلهم

هز سيف راسه بالنفي و هو يضحك : وتين جت تسأل عنك

عبدالله: راحت هيبه الدكتور عوض بن خالد

عوض : ما تروح و انا ولد ابوي

ضحكوا و تقدم عمر يخرج و التفت عوض لسيف : قول الصدق ما راح اضربك

ضحك سيف : والله وتين

عوض : راح امشيها علشان نفسيتي حلوه

ضحكوا و كملوا جلستهم بالسوالف و الضحك

عند البنات دخلت شوق و شافتهم مجتمعين بالمجلس و نطقت العنود : كيف الدباب

تنهد شوق : اخخ يا بنات يجنن تحسون نفسكم فراشه

ضحكوا البنات و نطقت لجين : صدق كيف على بكرا

عقدت حواجبها شوق : كيف

جوري : حبيبتي شوشو بكرا حفلتك و اللي بعده عرسك صحصحي

استوعبت شوق : يمه صح بنات احس اني متوتره معرف كيف

جود : ولا يهمك كلنا مو جودين و نساعدك

ناظرت شوق البنات : بعترف اني ما لقيت زفه لحد الحين و اتمنى ما تضربوني

ضحكت العنود : تعرفين يعني انا راح اكون مسؤله عن الاغاني ف عطاني عوض الزفه اللي يبيك تدخلين فيها

شوق : كذابه

العنود بأبتسامه : والله

شوق: طيب وش هي

هزت راسها بالنفي : سر بيوم العرس تشوفين بس تجنن صدق يعرف يختار الحيوان

شوق : تكفون خايفه صدق

تقدمت ليان تدخل و التفتتوا عليها و ضحكوا ناظرتهم و ناظرت جود و نطقت : شفيكم

لمار : شوفي قروبنا

تقدمت تجلس ليان و فتحت جوالها و شافت الفيديو و غطت و جهها : لا بنات لا فشله اخخ يا راسي صدق اني فضيحه

جوري : لا و سلطان عاجبه الوضع يحاول يسكتك و انتي مكمله

نزلت راسها بخجل ليان : بنات بس تكفون و ذا سُلطان انا اعلمه الشغل

ضحكوا و نطقت جود : وش دخله

رفعت اكتافها ليان و ضحكت : معرف

التفتت لهم شوق : طيب بنات متوتره بنات

تقدمت لها العنود و مسكت يدها : وش اللي يوترك قوليلي مو انتي تحبينه خلاص ليش التوتر بعدين راح تعيشون هنا معنا ليش خايفه قوليلي وانتي عارفه عوض عدل

شوق ابتسمت : عارفته بس توتر طبيعي شفيك

ضحكت العنود و تقدمت تجلس مكانها : طيب قولي كذا

لجين : طيب بنات كيف على العيال بكرا

شوق : عندي اقول لجدي يطردهم ما راح يردني

غلا : اي صح صح قولي له ما يرفض لك طلب

شوق : تمام بس بنات قلتوا لفاطمه

لمار : اي كلمتها تقول راح تجي

وقفت شوق : خلاص انا راح ابلغ صديقتي تجي بكرا بعد و اقول لجدي

تقدمت شوق تطلع و اتجهت لمجلس الرجال و كان جدها و خوالها جالسين دخلت و ابتسمت : ادخل

الجد فتح يده : تعالي حياك الله

تقدمت له شوق و جلست جنبه و يد جدها على كتفها و نطقت : اطلب

ضحك بخفه الجد : عيوني لك

شوق : تسلم عيونك بس بكرا بنسوي حفله مع البنات و نبي قاطعها ابو وليد : تطردين العيال صح

ضحكت و هزت راسها بالموافقه : صح

ضحكوا و نطق ابو وليد : خلاص عندي انا اكلمهم

هزت راسها بالموافقه و ناظرت ابو مشاري : خالي ولدك ذا جننا بالجامعه كل شوي جوعان جوعان

ضحكوا و نطق ابو مشاري : سيف بعد شي جديد هذا حاله وين يروح الاكل معرف

ضحكوا و جلست تسولف معهم و بعد فتره تقدمت تطلع

عند مشاري في شقته نادا لولوه و رزان و جلسوا قدامه على السرير و نطق : يصير نتكلم

رزان : اي بابا

بلع مشاري ريقه مو عارف كيف يبدا الموضوع و نطق : تبون ماما جديده

لولوه : ماما جديده

رزان عقدت حواجبها : كيف بابا ماما جديده يعني راح تتزوج

مشاري هز راسه بالموافقه : اذا ما تبون ماراح اتزوج بس انتم وش رايكم بجودي تبونها تصير ماما

ابتسمت رزان : جودي

هز مشاري راسه و نطق : اي شرايكم اتزوج جودي و تصير ماما

رزان ابتسمت : اي بابا راضين صح لولو

لولوه : صح انا ابي جودي تصير ماما لي

ابتسم مشاري : خلاص جودي راح تصير ماما و راح اتزوجها

صفقت رزان بحماس و وقفت لولوه تنط على السرير : جودي راح تصير ماما

ضحك مشاري و ناظرت رزان مشاري : بابا جودي ترا تحبنا كثير و دايم تساعدنا حتى كلمت صديقتها علشان البنات اللي يتنمرون علي و هاوشتهم و دايم تعلمني اشياء و تعرف بعد انها يوم ملكه شوشو جت و شافتك مريض و حطت لك كمادات

ابتسم مشاري و تقدم يقبل راس رزان : جودي مافي مثلها

مشاري : يالله ننزل تحت اكيد جالسين تحت و يسولفون

تقدمت لولوه تخرج بركض و تقدمت رزان تطلع مع ابوها دخلوا المجلس و كان الكل جالس فيه و مليان ضحكات و سوالف و تقدمت لولوه لجود مسرعه و اخذتها جود و حطتها بحضنها و نطق : جودي صدق راح تصيرين ماما

التفتتوا عليها البنات و عقدوا حواجبهم بلعت ريقها جود و ناظرت مشاري و رجعت انظارها للولوه و نطقت : تبيني اصير ماما

هزت لولوه راسها و هي مبتسمه : اي جودي

رزان : اي جودي بابا يقول انك راح تصيرين ماما صدق

ناظرت لولوه و نطقت وهي مبتسمه : اذا تبوني اصير ماما اصير

وقفت ام مشاري تزغرط : يعني موافقه

ضحكت جود بخفه : موافقه

↚

ابو مشاري : ماشاءالله ماشاءالله الله يسعدكم ان شاءالله

ابو رنا : الله يهنيك يا بنتي

ام رنا : الله الله بناتك راح يحضرون زواجك بعد

ضحكت جود بخفه و نطقت عبير : محظوظات راح يشوفون زواج امهم و ابوهم

ابتسمت جود و ناظرت نظرات البنات و همست لها العنود : مشاري

هزت جود راسها و تقدموا يباركون لها كانوا ليان و غلا مصدومين و همست لها ليان : متأكده جود

هزت جود راسها

و تقدم يدخل عوض و سيف و عبدالرحمن سلموا و نطق الجد : ماشاءالله جيتوا عندي و كل اسبوع واحد مملك

ضحكوا و نطق عبدالرحمن: ها منو بعد يبي يتزوج

الجد : مشاري

التفتتوا عليه و نطق سيف : مشاري

هز الجد راسه : و يتزوج بنتنا جويد

التفت عبدالرحمن لجود اللي كانت بحضنها لولوه و تسولف معها : جود

التفتت عليه جود : راح تتزوجين

ابتسمت و هزت راسها تقدم عبدالرحمن يجلس : يويلي كلكم راح تعرسون

جلس سيف : انا ابي اكل جوعان يمه تكفين استعجلوا بالعشاء

عوض : تونا شاربين شاي و ماكلين بس

التفت عوض لمشاري و بارك له و بدوا الكل يباركون له و نطق عبدالرحمن: تصدق اختيار موفق ذي المره

عوض : صاير وليد

وليد نطق : عندي كلامه صح اختياره موفق الله يبارك لكم و يهنيكم

ابتسم له مشاري : الله يبارك فيك يا اخوي التفت لعبدالرحمن و آشر على وليد : ذا ابو الاحساس مو انت

ضحكوا ونطق عوض و هو يناظر العنود : العنود جهزي شهادتك لقيت لك شغل بمكتب

ناظرته العنود بفرحه : قول والله

عوض : والله و خويي بعد

التفت لهم ابو وليد : عبدالله

هز عوض راسه : اي عبدالله

ام وليد فرحت : ماشاءالله الله يوفقك يا بنتي

العنود تنهدت : الحمدالله راح ارتاح من العطاله و اشتغل

وليد : لا بعد بمكتب عبدالله يعني بالحفظ و الصون

عوض نطق : عاد اول قضيه بتمسكينها تخصني

ناظرته شوق و ابتسمت بخفه من نطق " تخصني " كأنه هي وياه فعلاً شخص واحد وهي مخصوصه له مو لغيره

ابتسمت العنود : افا عندي امسكها لك

عوض ضحك : كفو ذي اختي كم يوم و اخذك توقعين على التوظيف عندهم و تمسكين القضيه

ابتسمت العنود بفرحه و هزت راسها بالموافقه

↚

و بعد مده تقدموا يتعشون و دخل سلطان وهو لابس اللابكوت : ان شاءالله ما تأخرت

وليد : حياك حياك تونا حاطينه

تقدم سلطان يجلس و التفت لليان و نطق : كيفك الحين

شتت ليان انظارها و هزت راسها بالموافقه

سلطان : الحمدلله اذا حسيتي بألم اخذي لك من المسكن اللي عطيته لك

هزت ليان راسها و نطق ابو رنا : و انا بالمستشفى كنت اسمع اصوات وحده تصرخ

نزلت ليان راسها و ضحكوا البنات بخفه و كمل كلامه : حسبتها انتي بعدين لما جيتك الغرفه لقيتك نايمه قلت الحمدالله لا تكون فاضحتنا

همست لها جود : ما يدري انك صدق فضحتينها

ضحكوا و ناظر عوض سيف و هبده مع راسه : ما راح يطير الاكل

سيف : جوعان شفيك

فهد ضحك : زين ما تسوي فيه ذا ماينفع معه الا الهبد

سيف : افا هذا و انا اخوك الصغير

ضحكوا و نطق الجد : صح قبل لا انسى بكرا كل جنس ادام برا البيت

التفت عليه عبدالرحمن: ليش يبه

الجد : البنات بيسون حفله ف عطونا عرض اكتافكم

سيف وهو ياكل : انتم بعد من جنس ادم و راح تجلسون ولا حلال عليكم حرام علينا

التفتت الجد لام مشاري : ام مشاري بنتي متوحمه على شنو انتي

ضحكوا و شرق سيف بالشوربه و بدا عوض يضربه مع ظهره بقوه : تستاهل

الجد : كلنا بكرا بعد المغرب برا البيت

وليد : ابشر .................

بدوا ياكلون و التفت الجد لعوض : خلصت شقتك

ابتسم عوض و هز راسه بالموافقه : خلصتها كل شي جاهز

ابتسمت شوق بخفه و ناظر ابتسامتها و اخذ جواله و دخل تويتر و نشر تغريده :

طيب عارفه ان ابتسامتك حلوه و ماخذه عقلي

نشرها و دخل على واتس و ارسل :

شوفي تويتر

وسكر جواله التفتت شوق لجوالها و عقدت حواجبها من رسالته و فتحت تويتر و ناظرت تغريدته و ابتسمت و ناظرته جالس ياكل و ارسلت له :

طيب عارف انك جالس تخليني ابتسم ابتسامات غريبه بوسطهم

سكرت جوالها و ناظر عوض رسالتها و كتب :

حلالي احد عنده مانع

ناظرت شوق جوالها و ضحكت بخفه و ناظرهم عبدالرحمن: المسلسل التركي ذا ممكن توقفونه لان كلنا جالسين نشوفكم

ناظرت عبدالرحمن شوق و نظراتهم لها و لعوض و ابتسمت بخفه و نطق عبدالرحمن: حالت جوري و فهد اهون منهم ذولي

ضحكوا و نطق فهد : زين لقيت احد تمسكه غيرنا

عوض ضحك : ماسكنا منزمان

ضحكوا و بعدها الكل تقدم يتوجه لغرفه دخلت جود غرفتها و رمت نفسها على السرير بفرحه : صدق تأخرت كثير بس يا حظي فيك ان شاءالله تبقى لي عمر

فتحت ليان الباب و معها غلا تعدلت جود بجلستها و ناظرتهم : شفيكم

ليان : جود متأكده

غلا : جود استخيري علشان لا تندمين

ليان : جود الولد عنده بنتين و كان متزوج قبلك و عارفه زوجته وش هي ف استخيري

جود : استخرت و مرتاحه

ليان : جود تكفين است…… قاطعتها جود و بعصبيه : خلاص قلتلكم استخرت و ابيه ليش ماتفهمون بكت و نطقت : ابيه من ١١ سنه و اكثر استوعبوا شوي كنت احبه و هو يحبني منزمان و راح تزوج مها و انا الحين ابيه و هو يبيني خلاص اتركوني و افهموا اني احبه رغم كل اللي سواه قلبي ما قدر يقسى عليه

ليان بصدمه : تحبينه

جود ببكي : احبه و اموت عليه بعد من كثر حبه كنت اهتم في بناته لانهم قطعه منه و لاني احبه سامحته رغم انه كسر قلبي كسر كبير محد يقدر يصلحه الا اني سامحته

تقدمت غلا تحضنها : جودي اسفين مو قصدنا كذا

بكت جود بحضن غلا : والله احبه والله و ابيه من زمان

ابتسمت غلا بخفه و تقدمت تمسح على شعرها : و راح يصير لك و عندكم بعد احلا بنتين

ليان: محظوظات راح يحظرون زواج امهم و ابوهم احسدهم الصراحه

ضحكت بخفه جود بوسط بكائها و تقدمت ليان تجلس جنبها : صدق كنتي تحبيه

هزت جود راسها : كثير

اخذت يده جود ليان و نطقت : اسفه صدق ما كنت اعرف

هزت راسها جود بالنفي و بعدت عن حضن غلا و نطقت : اي و كيف سُلطانك

ابتسمت ليان و بدات تلعب بشعرها الكيرلي : ما خذ عقلي

جود التفتت لغلا : وانتي في احد بقلبك

↚

هزت راسها بالنفي : لا لو في تلقيني مفضوحه نفس ليان

ضحكوا و نطقت جود : طيب ابي انام يالله بلا مطرود

ضحكوا و تقدموا يخرجون و انسدحت جود على سريرها تفكر بمشاري و حياتها الجايه ابتسمت تحس اخيرا راح تجتمع مع الشخص اللي كانت تحبه

عند عوض بغرفته كان جالس يذاكر و هو مبتسم و فرحان بشكل محد يتوقعه ما بقى شي على وقت لقاه مع حبيبه قلبه التفت لجواله و اخذه دخل تويتر و نشر تغريده :

وقت اللقى قرب و حان يا شوق عطر ذا المكان ❤️

ابتسم و سكر جواله و كمل دراسه

عند شوق اللي كانت تجهز اغراضها اغراض لقائها مع عوضها كانت مبتسمه و فرحانه فرحه محد قادر يوصفها التفتت لجوالها من سمعت الاشعار اخذته و دخلت تويتر و قرات تغريدته ابتسمت بفرحه و همست : قرب وقت لقانا يا حبيبي قرب

تنهدت بفرح و بدات تجهز اغراضها

صحوا البنات و بدوا يجهزون لحفله شوق كان البيت مليان بالازعاج و الاصوات و قدروا انهم ينجزون و يخلصون كل شي و نطقت لجين : كيف الثيم

شوق : يجنن يا بنات

جوري صفقت : صدق اهنيك على الاختيار

التفتت لهم العنود : بنات طلعوا العيال

لمار : اي موجودين بالحوش ناطرين خويهم يجي

جود دخلت و معها رزان : نظم رزان معنا

ابتسمت شوق : اكيد روري حياك الله صرتي وحده مننا

ابتسمت رزان بخجل و تقدمت تجلس

عند العيال كانوا بالحوش ينتظرون عمر تأفف سيف : ذا شفيه طول

عوض : بس يسيف بس تتحلطم

تقدم عبدالرحمن يطلع من البيت : بيتنا و طاردينا منه جديده ذي

ضحك عوض : طيب السنين اللي طافت كنت بعيد عن البيت الحين تبيه و حبيته

تقدم لهم عبدالرحمن: اكيد ابيه اذا السالفه فيها شوق ابيه

ضحك عوض : حدك عاد

عبدالرحمن: عرفنا خلاص طيب الحين وين بتروحون

تنهد سيف : عمر بيجي بنروح نتقهوى او اي مكان معرف

التفت عبدالرحمن للباب اللي كان ينطق و طنشه و بدات تضرب زياده بقوه تأفف عبدالرحمن و تقدم له و نطق : اذا عمر و… ما كمل كلمته و فتح الباب و ناظرها بلع ريقه و بادلته النظرات فاطمه و نطقت : ساعه اطق الباب ما تسمع

وقف عبدالرحمن مكانه سرحان فيها و بعيونها الناعسات و نطقت : ما تسمع اصمخ

ناظرها و ناظر عصبيتها و نطقت : بعد عن الباب واقف حارس كذا

انتبه لنفسه عبدالرحمن و بعد عن الباب و تقدمت تدخل البيت و اتجه للعيال و حاله مقلوب عقد عوض حواجبه : شفيك

ناظره عبدالرحمن و هز راسه بالنفي : متى يجي خويكم ذا

سيف و عيونه على جواله و يلعب بشعره : جاي

عند عمر بسيارته

نطق : متأكده هنا

الجوهره هزت راسها بالموافقه : اي هني هي قالت لي شوف

التفت لها : مين صديقتك ذي

الجوهره : ما تعرفها

عقد حواجبه لما وصله الموقع لبيت عوض : متأكده

الجوهره : اي عمر

عمر : ذا بيت خويي عوض

هزت الجوهره راسها : اي رفيجتي زوجته

عمر : زوجته صديقتك

الجوهره: يالله ياعمر اسألتك غبيه اي

عمر ابتسم : ما كنت اعرف

الجوهره : يالله انا راح انزل تنزل معاي

هز راسه بالنفي : لا باخذ عوض و بنطلع اجيك شوي بس تخلصين اتصلي علي و انتبهي لنفسك

تقدمت الجوهره تطلع من السياره و فتحوا العيال الباب و نطق سيف : عارف وصولك من صوت السياره

عمر ضحك و نطق : يالله تعالوا

تقدمت الجوهره تدخل و ركبوا العيال سياره عمر و نطق : مكانا المعتاد ولا تبون نتقهوى

عقد عبدالرحمن حواجبه : وين مكانكم المعتاد

ابتسم سيف : بنص البر و نشرب شاي و نفضفض

عوض ابتسم : قدام ولا شرايكم

عبدالرحمن: اي يالله

بدا عمر يحرك و يتجهون لمكانهم

دخلت الجوهره البيت و ناظرتها شوق و تقدمت لها : جوجو

ابتسمت الجوهره و تقدمت تسلم عليها : شلونج

شوق : الحمدالله يالله تعالي ننتظرك

ابتسمت الجوهره و تقدمت تدخل المجلس مع شوق و التفتوا لها البنات من ناظروها كانت جميله و شعرها لي نص ظهرها و جسمها ياخذ العقل سلمت عليهم و نطقت العنود و هي مبتسمه : حي الله الجوهره

تقدمت الجوهره تجلس : الله يحيج

فاطمه : حي بنت الكويت والله

ابتسمت لهم الجوهره و نطقت جوري : صدق تهاوشتي علشان شوق

ضحكت بخفه و نطقت : اي العقربتين كانوا يطلعون كلام عليها و ما تحملت و عطيتهم اللازم

ضحكوا و نطقت شوق : بنات الهوشه كانت تضحك بشكل كنا انا و عوض و سيف جالسين و نضحك و الطلاب يضحكون تكفون و ساره تبكي و الثانيه تصرخ

ضحكوا البنات و نطقت جود : بس والله انك كفو

بعدت الجوهره شعرها بتفاخر : اكيد يتكلمون عن شوشو و اسكت

شوق ضحكت : لا و الدكتور عمر يحاول يمسك ضحكته

الجوهره: عمور كذا ما يعرف يعصب العصبيه بصوب و هو بصوب

التفتت عليها شوق : عمور

الجوهره و هي تشرب قهوه : اي شفيج

ضحكت لمار : ذي جديده تدلعون دكتوركم

ليان : لو اقول لدكتور عمور بعد مليون سنه اتخرج

ضحكت الجوهره : هو كذا بينا بالبيت عمور لكن بالجامعه الدكتور عمر بن سعود

انصدمت شوق : لحظه كيف بالبيت احس لحظه مو مستوعبه

ضحك الجوهره و نطقت فاطمه : زوجك صح

ضحكت الجوهره بقوه : لا اخوي

انصدمت شوق : قولي والله

ضحكت الجوهره : والله اخوي

شوق : ابدا ما يبين

الجوهره : اي قلتلج هو ماخذ الكلام السعودي و انا ماخذه الكويتي

غلا : يعني نصك سعودي

هزت الجوهره راسها و بدوا يسولفون و كانت الجلسه كلها ضحك و تعرفوا البنات على الجوهره و حبوها و بعد مده وقفت لجين : يالله شوشو صار وقت الرقص

صفقت الجوهره : يالله شوشو اظهري لنا مواهبج

ضحكت شوق و تقدمت توقف : البس و اجيكم

طلعت شوق تبدل لبسها و بدوا البنات يسولفون و نطقت فاطمه : في واحد من عيالكم كريه معرف منو بس قعد ساعه على ما يفتح الباب

ضحكوا البنات و نطقت لمار : واضح الجوعان

ضحكوا البنات و نطقت الجوهره : الجوعان

لمار : اي ذا اخوي سيف من كثر حبه للاكل و كل شوي ياكل نسميه كذا

ضحكت الجوهره : عاد ما يبين ابدا

العنود : اتمنى اصير مثله بس مافي اذا اكلت شي زياده زدت وزن

جوري : وانا معك ذا من كثر ما يسولف و يتحرك يحرق صدقيني مو طبيعي

ضحكوا البنات و دخلت لهم شوق ببدله الرقص و نطقت: يالله شغلوا الاغنيه

ناظروها البنات و بداو يصفقون و ابتسمت رزان بخجل ناظرها جود : شفيك مستحيه

هزت راسها بالنفي : اول مره اشوف كذا

نطقت جود : اخليها تعلمك

هزت راسها بالنفي رزان وهي تضحك : لا

تقدمت جود تحط يدها على كتف رزان و تقربها منها : شوفي الحين كيف الرقص

ابتسمت بخفه و هزت راسها و نطقت شوق : انا راح ارقص اول بعدها تشاركوني مو تستحون والله ازعل منكم

ضحكوا البنات و شغلت العنود الاغنيه و شوق كانت لابسه بدله رقص حمراء و حاطه شال على شعرها البني القصير و شال على خصرها كان شكلها مغري و ملفت و مبينه تفاصيل جسمها و صدرها ظاهر و بدات ترقص من اشتغلت الاغنيه و بدات تتمايل و تحرك خصرها و تهز و بيدها العصاه و تحرك اكتافها و صدرها بخفه و احترافيه بدوا البنات يصفقون لها و تقدمت جوري تنثر عليها الفلوس المزيفه : ايوا شوشو

اخذت العنود الطبل و بدات تطبل و عط شوق الباب ظهرها و نزلت العصاه و تسندت عليها و ميات ظهرها و بدات تميل خصرها يمين و يسار لورا