'

↚

حور ~

كانت جالسه تحط شنطتها وهي تناظر بنظرة غرابه:.يعني جدك ذا مو صاحي جايبنا من أخر الدنيا عشان يزوج فيصل وليش فارس كذب على وقال أنه بنخيم وفي عزيمه؟،

حطت الى بأيدها بأنفعال:.وفارس وش دراه أن جدي يبي يزوج فيصل وبعدين كلنا أنصدمنا بالخبر يعني جد موب مستوعبه الى قاعد يصير.. واليوم الى كان عزيمة رجال

حور:.بس ليش فارس ما قالنا!،

أسّيا:.لان ياذكية فارس مايعرف أكيد ترى جدي كذا يسوي أشياء مانعرفها ويجي يصدمنا فيها

فزت بخوف على صوت الحديده الى طاحت:.يممه أسّيا ليكون حرامي؟،

أسّيا:.حرامي يجي بالبر من جدك آنتي !!

سَحبت يدها بعصبيه:.لا تفتحين يمكن احد غريب

دفعت يدها بشجاعه وهي تفك باب الخيمه:.الله الله تعالي شوفي الحرامي الى جاينا بالليل

فارس:.وين حور؟،

تنهدت براحه وهي تبعد أسّيا:.وش جابك حياتي !

أسّيا:.اتوقع يبيك تتمشين معاه لان حركات الجن هاذي مستحيل يخليها كل ما نخيم يطلع يهيت

فارس:.الصدق جاي أمشيك ونسولف

أسّيا:.حور ارجعي بسرعه عاد لا تطولين

فارس:.آنتي لو تبطلين تتدخلين يكون أحسن

أسّيا:.ورانا عزيمه شوي جديه يعني

فارس:.ماعليك ما راح نطول

'

" بيت أسماعيل "

جلس جمبها وهو يسَحب الخيوط الصوفيه الى بأيدها:.آنتي ماتطفشين من الشغل فيهم ارتاحي سويت لك نعناع وليمون،

ضحكت بلطف:.شُكرًا لا تصدق صايره أتسلي بهالخبوط الى موب عاجبتك!!،

أسماعيل:.والله العظيم صايره تحبينهم اكثر

عزيزة:.لا مافي شي يُعلى على مُحبتك

أبتسم وهو يسحب كوب الشّاي:.صحة..

عزيزة:.على قلبك ماتجيني كذا الا وعندك موضوع؟،

أسماعيل:.أوه .. عاد من يومي أهتم فيك آنتِ وشجن وش عندي أغلى منكم!!،

هزت راسها بنفي:.لا ماقصد كذا أنت فاهم قصدي تكلم تكلم ماتقدر تخبي على

حط الكوب وهو يناظر لها بثبات:.الحقيقه أبوي أتصل

بادلته النظرة:.أي أكيد سأل ليش ماجينا!

هز راسه بالأيجاب:.شي زي كذا و..

ضحكت بخفه:.وقالك تعال وطبعًا أنت رفضت

أسماعيل:.الموضوع ماهو كذا ابدًا لان الشي هذا مُهم وأنا قلت اعلمك

عقدت حاجبها:.طيب قولي؟

أسماعيل:.أبوي خطب لفيصل وانا لازم أتواجد وأبوي طلب مني بعد اخليك تجين !

عزيزة:.أنا اتفهم أن تواجدك مهم وماراح أخرب علاقتك بـ أبوك لكن أنا ليش أجي؟،

'

نطق بضحكه:.آنتي تدرين أنها أوضاح انسانه ماتعرف تتعامل بذوق مع الناس وحنا بنروح لناس تحتاج شخص عنده اسلوب بالتعامل وآنتي ادرى بأسلوبها وتعاملها وانتِ انسانه راقيه وتعرفين تتعاملين ونبي نعرف وش طلبات الحريم سوي هالشي عشاني وعشان مستقبل فيصل وزواجه وأنا أدري انك ماراح ترديني ولا ماكان تكلمت

رفعت حاجبها وهي تسحب الكوب:.وأنا بكون عند حُسن ظنك وهالشي بس عشانك أنت وفيصل ولا انا مافكر اني اروح

أسماعيل:.كنت متوقع منك هالرد صدق شُكرًا!

عزيزة:.يعني بالنهايه فيصل يستاهل وهالشي يخص مستقبله وزواجه واكيد مابنتركه لحاله،

تطمن

'

فارس ~

سَحب بيالات الشّاي وهو يصب:.الجو حلو !

عقدت حاجبها بغرابه:.فارس مُمكن أسئلك سؤال

رفع حاجبه وأبتسم:.أكيد اصلا ليش صايره مؤدبه وتستأذنين غريبه

ضربت كتفه بقوة:.لاجد أنت مجنون نشرب شّاي في عز الليل ؟

فارس:.ليش الشّاي له أوقات حبيبتي؟.

حور:.لايعني أحنا راح ننام ورانا جمعة وبننشغل وأنا مابغى اسهر ابد ماراح أشرب معك

ميل شفته بعبوس:.آنتي حره

ضحكت وهي تتاظره:.شفيك زعلت

فارس:.المُفروض اصلا انتي تسوين لي الشّاي تعبت نفسي عشانك

حور:.والله فارس أنت مو صاحي

وضع البياله وهو متوجه للثلاجه الصغيره الى فيها عصيرات وهو يفتحها وكان يعرف أنها تحب عصير الفراوله

هزت راسها بغرابه:.فارس ارجع !

أغلقها وهو متوجه لها وجلس جمبها:.خذي هذا آنتي ماينفع معاك اعاملك كأنك واحد من أخوياي واسوي لك شبّه وشّاي

حور:.الله ميلك ستروبري

فارس:.وش قاعده ترطنين انتِ؟،

'

تحركت عيونها لجهته باللذه:.ياغبي قصدي حليب فراوله أنت كيف صرت دكتور وانت ماتعرف أنقلش

رمَش بتكرار:.لا أعرف أنقلش بس بلاه أنلوى لسانك مافهمت وش قاعده تهرجين الا من توي

تجاهلته وهي ترسم بالتربه وأستغل هالحظه وتركها وهو متوجه لسيارته ويطلع آله العود ~ ..

عقدت حاجبها بأستغراب وهي تشوفه جلس جمبها:.تعرفين وش ذا ؟

حور:.قيتار هذا الى يعزفون فيه بالحفلات الغنائيه

رمَش بفهاوة من غبائها:.وش اسوي فيك أنا !!

بادلته نظرات الأستغراب:.وش عرفني شايفني مغنيه لاصرت مغنيه أسئلني

فارس:.هذا العود عزف عليه أشهر وأقدم الفنانين السعودين واليمنين طلعو من وراه طرب أصيل

حور:.مين أصيل؟،

فارس:آنتي وشفيك لايكون عليك حراره !

حور:.فارس انا ماعرف هالاشياء ياخي انت كلامك مو مفهوم

فارس:تبيني اكلمك اجنبي عشان تفهمين شسوي عاد أنتِ جايه من مكان وانا من مكان الشكوى لله!

حور:خلاص كلمني طبيعي عشان افهمك

فارس:.تدرين حور ؟

بادلته النظرة بحماس:.يعني لو ادري بتقولي !

فارس:.أن لله .. أنتِ هيهههه خلاص

حور:.خلاص يممممه اسمعك قول

فارس:.خذيتك هُنا عشان أغني لك يلا قولي لي وش تحبين تسمعين

حور:.في اغنية بدويه ماعرفها غني لي اياها !

فارس:لا ياشيخه ؟

حور:.وشفيك والله حلوه

فارس:.آنتي تستهبلين ولا وش شلون اغنيها ولا انا ولا آنتي نعرفها ؟

حور:.اوكي خلاص غني لي ايشي تحبه !

فارس:.في اغنيه اسمعي وخليك ساكته

رمَشت وهى تجلس بهدوء وتسمعه بعد مابدء يعزف على العود ويغني لها بشاعريه ..

'

" سلطان "

جت عيونه عليها وهو يشوفها تشرب عصير برتقال وتمشي سَحب الحجر وهو يبي يرميها عليها تنهد وهو يرجعها لمكانها وهو يحس انه غلط يخوفهت بالليل ويمكن تزعل منه وهو يسحب الشَال الى لابسه متوجهة لها:.شجن !

فزت وهي تحط الكوب:.سلطان أنت شتسوى هنا؟،

سلطان:.كنت قاعد اتمشى وحسيت أني عطشان

ضحكت وهي عارفه أنه يكذب:.طمني عنك الا وش صار عليك أصدرت كتابك؟،

هز راسه بالنفي:.لا أنا تركت الكتابة

شهقت وضعت الكوب:.شقاعد تقول مو عالاساس تبي تصير كاتب كبير والكل يعرفك وحتى ملاحظه ماعاد تلبس نظارتك سلطان أنت مو نفس الى اعرفه

هز راسه بأنكار:.ماتغير شي بس شغفي تجاه هالهوايه برد وأكتشفت انها ماهي هوايتي

شجن:.أنا اعرفك ماتفوت كتاب شلون كذا قررت تنهي مسيرتك الكتابية وأحلامك؟،

هز راسه بالنفي:.مو كل شي نبيه ياشجن نحصل عليه

'

شجن ~

أنت تستهبل كنت مره تحب الكتابة وكنت تقولي انك بتصدر كتابك وأنا كنت أشوفك متحمس وش الى غيرك ياترى؟،

هز راسه:.حسيت أني تسرعت وهالشي مو لي وماهو مكاني الصحيح يعني لحظة أدراك ..

شجن:.سلطان أنا ملاحظة فيك أشياء تغيرت كثير ماحسك سلطان الى اعرفه لوترجع مثل ماكنت بس الانسان يمر بظروف وتتغير أشياء كثير فيه لكن المفروض ما يستسلم ويترك الاشياء الى يحبها ..

سلطان:.شجن خلاص موضوع الكتابة أنسيه ورجاءًا لاتفتحينه لان ماعاد بصدر كتاب وقلت لك خلاص

عقدت حاجبها بغرابه:.أنت ماكنت تعصب وتزعل من كلامي وشفيك ؟

سلطان:.في أشياء كثير تغيرت حتى آنتي تركتي بيت المزرعه ومو بس الى تغير كرهي لهواية الكتابة ومُظهري الخارجي

شجن:.سلطان آنت تدري ليه رحت مايحتاج أشرح لك وأنت ادرى انا ماقدر اعيش مع جدي واعطيه فرص وادور منه الشي الحلو هو مايحبني

سلطان:.بس كلنا نحبك وشخص واحد مايحبك مايأثر لان واحد يحبونك وفقدوك

شجن:.ما عاد يهمني انا الحين بعيش لنفسي وبس اكمل الجامعه مع اني اخر شي افكر فيه الدراسه وادور لي هواية جديده لان احس حياتي بلا هواية سيئه وهوايتي الوحيدة انحرمت منها للابد بينما أنت لسى تقدر تكتب وتألف الآف الكتب .. بس انا لا

سلطان:.كلنا أنحرمنا من الى نهوى،

شجن:.كلامك غريب ليكون تحب أنت ماش عليك كلام مو عاجبني ابد ماحسك سلطان الغبي!!،

ضحك بتصريف:.ادخلي داخل عشان بكرة ورانا يوم طويل ولا ماراح تجين

شجن:.فيصل بيتزوج والله توقعت انت تسبقه بس طحت من عيني

سلطان:.الزواج ماهوب مُسابقة الزواج نصيب ..

شجن:.بعد صاير تشخصن المواضيع ماش منتب سلطان حقنا،

'

فارس ~

حط آلة العود وهو يناظرها بصمت طويل:.كأنك نعسانه والله شكلك ماحبيتب الأغنية،

ضحكت بخفه:.لا حبيتها وحبيت عزفك بس ليش مخبي العود أنت؟،

بادلها بالضحكه وهو ساكت حتى نطقت بحماس:.شفيك تضحك قولي!

فارس:.جدي مايسمح لي أعزف اذكر كان عندي عود وكسره يوم درى أني ادق عود وقتها ماعاد خذيت

حور:.والحين شلون من وين لك ذا ؟

فارس:.خلاه عندب خويي وسافر وبعدين قالي خذه لك وما استخدمته الا مرتين مره اول مره خلاه عندي والمره الثانيه هاذي

حور:.أول مره احب الليل ماكنت احبه

فارس:.ادري ليش ماتحبينه بس شلون حبيتيه؟

حور:.كل يوم تغير نظرتي للأشياء وتخليني أحب أشياء ماعرفها اصلا فارس أنت انسان غريب وماحس أن في شخص بالحياة قدر يغيرني مثل ما أنت غيرتني وجُددت فيني كل شي

فارس:أكره الوداع كلامك هذا موادع

'

سحاب ~

كانت تناظر الساعه بربكه:.قلت لهدى بكون موجودة قبل الساعة ٥ الصباح يالله بندخل ٦ونص

تقدم وهو يلبس ساعته وضحك:.بعض الأحيان أشك انك مجنونه في أحد يكلم نفسه بس يلا الحديث مع النفس مو حرام،

ألتفتت عليه بعصبيه:.تعمدت تتأخر وماتصحى بسرعه كان قلت لي أروح مع اي سايق

طلعت وهو بتنفجر من عصبيتها ألتفت على الدرج وهو يفتحه ويناظر ويده ترجف بكسره قلب لعلبه المنوم الى ياخذها لأجّل يقدر ينام ويكفي انه ضحى بموعده بالمستشفى النفسي عشان يقدر ياخذها لموعد عمليه عمها ولكن كَل هالمعاناة ماتدري عنها سحاب شي ! وهل لو درت راح تقدرها ؟

كان يصارع أسئلته الكثيره ويحاول يتحكم بحالته النفسيه وما يبين لها شي

'

الديرة ~

كان يلعب بالسبحه وهو يناظر بصديقه"عوض" ليش كل هالتجهيزات سويلم وش بتصير الحرب العالميه الثالثه وانا مدري ؟

غمز له بضحكه:.لا نجهز لخطبه أختي بس ولاشي

عوض:.وأنت متى تتزوج أنت ولد ابوك الوحيد متى تفرحه يخي ما تمل

سالم:.أخر واحد يفكر يتزوج انا بقضى العمر وحيد

عوض:.وش تقضى العمر وحيد بيصك عمرك الثلاثينات ولا تزوجت

عوض:.اقول بدال مانت واقف امش نشوف التجهيزات

'

" شجن "

دخلت وهي تشوفها بأندهاش:.يممه مو قلتي ماراح تجون وش صار وجيتو ؟

عزيزة:.جينا عشان فيصل وعشان الخطبه !

أوضاح:.مكانك خالي يابعد روحي بس ماكان له داعي ابوي يسبب لكم ازعاج انا اصلا كنت بقوم فيهم وزود يعني وش الفرق بينا

كتمت ضحكتها وهي ترجع شعرها لورا:.أيه صح مافي فرق

أوضاح:.آنتي وش الى يضحك صدق ماتستحين؟،

حور:.ماضحكت عليك بعدين ماينفع تعصبين اخاف عليك من الضغط يرتفع مو وقته

'

المخيم ~

كان يجهز أغراضه وصادف دخول فيصل الى أنذهل فيه:.سلطان وش قاعد تسوي وين بتروح أنت

سلطان:.كنت أنتظر الصبح يصبح برجع ما أتحمل العزايم ولا ضغط جدك الى يحطنا فيه وقررت قرار ..

عقد حاجبه بنظرة أستغراب:.قرار وش؟،

ربت على كتفه:.بسافر أدرس برا لي فترة مقدم على بعثه بس ماعلمت ولا واحد منكم

فيصل:.ليش بتسافر طيب يا كثر الجامعات هنا!

سلطان:.بعدين راح تفهمني يا فيصل

فز على كلمته"لا" فاهمك وأكثر واحد يفهمك كيف قدمت ؟

عقد حاجبه بغرابه:.ليه تسألني

فيصل:.سلطان انا بروح معاك مابي اجلس هُنا بنهبل من أفعال جدك فيني

ضحك بنظرة غرااااابه:.وش قاعد تقوا وش السالفه تكلم يمكن اقدر انقذك

فيصل:.هذا جدك أنهبل يبيني اتزوج وحده ماشفتها متخيل والله شكله خرف

ضربه على كتفه بعصبيييه:.هيه هيه جدك ذا شقاعد تقول بعدين أنت مب رجال تكلم قلّه مابي

↚

جلس على المركى بقهر:.سلطان أنت من جدك ؟

سلطان:.أي من جد جدي ماينفع معاه الا هالاسلوب اذا بتخضع له بيمشيك مثل الخاتم بأصبعه وموب بس يزوجك على كيفه بعد يختار اسامي عيالك

فيصل:.بس انا ماقدر تربط لساني جدي عطاهم كلمة عني مابي اتزوج وحده ماشفتها ومابي اصلا اخذ وحده بالديرة يخي ماتحمل حياتها غير حياتي ولهجتها واسلوبها اكيد دفش وماهي مثقفة وأكيد حياتها كلها مقضيتها بالمطبخ

سلطان:.لاتطلع عذاريب أنت لانك ماتبيها قاعد تقول كذا لو تبيها كان شفتها أحلى وحدة بالكون وبعدين مين مفهمك انه البنات هنا كذا ؟

فيصل:.آيييييه ايه انا مابيها ومن الحين كارها وانا ماشفتها ويمكن اذا شفتها اقولها بوجهها

سلطان:.والله ماستغرب لو قلتلها كذا لانك وقح

فيصل:.والله ياسلطان يعني بتتركني بالورطه ذي الله يخليك دبرني

رفع يده:.انا مالي دخل ان كانك تبي مصيرك يصير مثل ابو راشد يوم تزوج وانحاش وجدك الى تقول عنه مخرف تبرأ منه لين مات اهرب من هُنا اصلا ماتوقع تقدر تدفع حق البعثه

'

المستشفى ~

تركتهم لحالهم وهي رايحه تجيب قهوة وكانت منتبهة عليه أنه يكلم بالممر وقفل بعد مالاحظ نظراتها:.سحاب تبين أجيب لك شي ؟

هزت راسها بالنفي:.وشفيك وجهك تعبان اكيد لان صحيتك من نومتك الهنيه

بدر:.مافيني شي وكانت مكالمة شغل اذا بتسألين من كنت اكلم يعني

سحاب:.مايهمني اعرف مين تكلم بس مره ثانيه اذا وعدت بشي لاتخلف أخرتني وهدى احسها تضايقت لاني ماجيت سريع

بدر:.وش ما اسوي ما يعجبك

'

مكان الحريم ~

همست بتنهيدة:.فارس برا روُحي ناديه لي

أسيا:.اذا تبين جدي يقوم القيامه يعني راح اكلمه

حور:.يعني جدك عنده اكثر من حفيد ليش فارس شايل مسوؤليه خطبه الرجاجيل كلها خلوه يرتاح تراه ادمي !

أسيا:.ياحليلك اصلا فارس يحب المساعده ومايرضى يخلي جدي يشيل عود كبريت بالارض

حور:.جدك هذا شايف الناس عنده عبيد نادي فارس

كتمت ضحكتها وهي تطلع بأتجاه البيت:.فارس بسرعه تعال

رمَش بأنزعاج على صوتها العالي وهو يطوي ثوبه وينط من الحجر:.وشتبين

أسيا:.حضرة الست حور تقول انك تعبت من الشغل وتبيك ترتاح تفضل ارتاح لان بعض الناس قلبهم عندك

فارس:.وصلت الشغاله روحي ساعديها بتجهيز القهوة لا تفشلنا عند الناس قهوتها كأنه ماء ..

هزت راسها بالأيجاب:.اسمع ترى حور معصبه مادري شبلاها لا تزيدها على البنت بكلامك

رمى الى بأيده وهو يقفل الباب:.علامك مطنقره

الظاهر انك كذا طفشانه وأبليسك ماهجد

حور:.فارس أنا متضايقه انك مشغول عني واحسك مره مهتم بخطبه الرجال فيصل يسويها هو الى يخطب ولا أنت والله شكيت أن..

قاطعها بنطق سريع:.أني وشو بعد

حور:أنه انت الى خاطب مو فيصل فارس خلاص خليهم يسوون الى يبون خلينا نرجع المزرعه

فارس:.مايصير اخليّ اهلي جدي محتاجني وهاذي خطبه ولد عمي تبيني اخليه؟،

حور:يعني موطبيعي كيف بجلس انا اجامل ناس ماعرفهم عشان ولد عمك انا مو متعوده على هالعزايم وماعرف اتصرف مع الناس وحتى لبسي مو مناسب لعزيمتهم على قولة أسيا

وقفت أمام الحديدة وهي تسمع حديثهم بغيض:.فارس شيخ الشباب اشوفك هُنا حبيبي

ألتفت بذهول:.عمتي وشخبارك ماشفتك وينك فيه

'

أوضاح:.قاعده اجهز اغراض بسيطه وطلعت الظاهر مطول هنا

فارس:.لا توني طالع بس كنت اشوف حور

أوضاح:.انتي وش راح تلبسين ؟

حور:.ماعندي شي البسه !

أوضاح:.بروح انا وزوجه اخوي السوق القريب تعالي معانا نختار لك شي ساتر لان لبسك ماينفع تلبسينه

حور:.وش تقصدين اني ماعرف اختار؟،

أوضاح:.احد قال انك ماتعرفين تختارين انا قلت لبسك مو مناسب لا للمكان ولا للزمان

فارس:.انا بروح مع حور وباخذ لها الى بخاطرها اذا محتاجه شي قولي لي

أوضاح:.والله العظيم انك كريم طالع على جدك وعمتك الكرم وراثي

تنهدت بعصبيه وهي تحبس أنفاسها وحابسه دموعها من كلامها واستهزائها:.طلعت وتركتهم وتقدم لها وهو حاس بشعورها ويعرف انها حساسه وتزعل من اي شي

فارس:.عمتي تحب تعلق على كل شي ارجوك لاتزعلين منها آنتي ذويقه بس يمكن لبسك مايناسب المكان فعلاً كل مكان لهم طريقتهم

بلعت ريقها وهي تنطق بحزن مكبوت:.بتجهز،

'

المستشفى ~

هدى:.سحاب انتي ليش هاوشتي بدر يعني هو اعتذر منك وانكشفت كل الاوراق متى راح يطيح الحطب ببنكم؟،

سحاب:هاوشته عشان يحس بغلطته ويبطل بوعدني بشي ويفاجئني بشي ثاني

هدى:.هذا مو اسلوب ترى ماله داعي تضايقينه وانا الى اشوفه انه بحاول يرضيك حاولي تكونين

سحاب:قفلي على الموضوع بنفجر من هند وكلامها اقولها عندي موعد وتقولي تعالي

هدى:.هند هاذي مو مرتاحه لها لو تقطعين علاقتك فيها بس لان ماجابت لك الا المشاكل وفالها عليك فال شر…

'

أوضاح ~

دخلت وهي تفتح ستاير البيت القديم الى كانت تملأه الغبره ورائحة الذكريات أطلقت تنهيدة وهي تجلس وتأمر الخادمه بالترتيب:.اسمعي لجّمي والله ياويلك ياسواد ليلك اجي اشوف هالغبره بننام بالبيت لين يوم الزواج وانا عندي حساسيه

لجّمي:.ماما انتَ لايعلم شغل انا

أوضاح:.وجع وتردين بعد اقول بس

لمست أطراف الباب وهي ترسم عليهم قلب بضحكه عاليه:.الله يهبل!!،

وقفت بفزعه:.أسيا لاتلمسين الغبار اخاف تمرضين يُمه ويصير لك شي انتبهي

دفعت يدها بشرانيه:.بعدي عني مسويه نفسك خايفه علي وانتِ تاركتني سنين وما تذكرتي انه عندك بنت الا يوم مات زوجك؟،

هزت راسها بنفي:.أسيا انتي لين متى تلوميني ابوي كان رافض اخذك معاي وتعيشين عند رجال غريب

أسيا:.مايهمني اسمعيني كلمتين بقولها لك

سكتت بجبورتها وحدتها الى مايقدر لها أحد ورَق قلبها بحُزن شديد وبرقت عيونها بصدمه عميقه:.بطلي تجرحين حور بكلامك وتستقوين عليها للاسف فارس مايقدر يوقفك عند حدك بس انا ماراح ارضى

اذا فارس ساكت لك !

أوضاح:.أسيا… أنا ماسويت شي لحور وش قاعده تقولين انتي

أسيا:يكفي تقولين لها كلام يجرح وتستغلين ضعفها مره تجيبين طاري امها المتوفيه ومره تتكلمين عن شكلها ومره عن لبسها مالك دخل فيها تلبس الى تبي وتسوي الى تبي اذا في شي الحين ماراح اسامحك عليه مو بس لانك تركتيني لانك بعد قاعده تأذين شخص احبه

أوضاح:.بس حور قليلة ادب وماتربت دايم ترد على ولسانها يلوط أذانها ولا ما جربتي تعلقين معها انا اعاملها بالمثل لأنها قوية عين وباس!،

أسيا:.أحنا لنا الظاهر آنتي ماجربتي تسمعين لها وتتكلمين معها هي انسانة وتنجرح وتحس وماهي قوية مثل ماتقولين عنها يكفي عُمري ماراح انسى أفعالك معها

شَدت على يدها برجاء:.أسيا انا يمكن اقسى عليكم بس لان ابي لكم الزين ويمكن مع الوقت احب حور وتشكرني على هالقسوة؟،

رمَشت بتكرار ساخر:.القسوة عمرها ماخلت الأنسان يتعدل كل الى تسوينه انك تغثينها بكلامك عشان تحسسينها انه محد يحبها وانها منبوذه بيننا ترى فارس يحبها وكلنا هنا نحبها حتى جدي يعاملها زين وماقد جرحها

أوضاح:.انتي الحين شتبيني اسوي يعني بفهم

أسيا:.كل الى ابيك تسوينه"تحسين بالناس لان الكلام أحيان مثل السكاكين"

'

بيت أبو سالم ~

حطت الأغراض وهي تناظر للحريم الى جاين يساعدونها والى أغلبهم كانو من الطبقه الفقيرة والى يكسبون حلالهم من العزايم

أم سالم:.نسيمه آنتِ طباخك مافي مثله عشان كذا ناديتك لان صراحه مافي وحده بديرتنا تطبخ مثلك ونفسها طّيب بقدك!!،

نسيمه:.مشكوره عمتي الا ماقلتي وين العروس لاشفناها ولا سلمت الظاهر تتجهز خنت حيلي

أم سالم:.ايه تتجهز يعني ابو سالم ماهوب راضي تشتغل معنا

فزت وهي تناظر لجهة الباب:.يمه ابيك برا

نسيمه:.وي بسم الله عليك يا الجوهرة عروس ان شاءااله نرقص بعرسك

أم سالم:.الله يسمع منك

نسيمه:.والله والله لو عندي ولد ماخذك الا آنتي له آنتي شيخه البنات

شمّقتها بقهر وهي تراقب نظرات أمها:.شهالكلام يا نسيمه!!،

بلعت غصتها بضيق:.أنا بعض الاحيان ماعرف اعبر

أم سالم:.حتى لو عندك ولد تتوقعين ياخذ بنت عمه وتاج راسه لا تطالعين فوق تنكسر رقبتك

نسيمه:آنتي عمتي وصج الى قلتيه اتمنى انك ماتتضايقين مني كل شي الا ضيقه المعزبه

أم سالم:.لا مازعلت بس ازعل لاشفت الفقارى يحلمون بشيءٍ ماراح يحصلونه

طلعت برا بضيقه:.هذا قدري ولد نسيمه اكرهك يامزون اكرهك كره العمى

'

" المستشفى "

تنهدت وهي يوصلها صوتها:.سحاب انتي وين

سحاب:.هند قلت لك أن عمي عنده عملية !

هند:.انتي متى تبطلي حجج وسخافات مره مصدعه ومره تهاوشتي مع زوجك المتخلف ومره ماتقدرين تشتغلين

سحاب:.قاعده اقولك عمي بغرفه العمليات !

هند:.وعلى كذا ماحتخلص حججك بكرة جيبي حجه اقوى

سحاب:.هند انتي معصبه وقاعده تقولين كلام ممكن الحين يخلينا نتهاوشـ… وضعته على الأسبيكر بعصبيه:.سحاب أنتي مطروده سمعتي

سحاب:.هند انتي من كل عقلك تتكلمين؟

هند:.أي وبكل بساطه انتي خربتي علينا كل سي بدال ما توقفين وتشتغلين قاعده عند عمك الى ماحبك ولا مره بحياته ومع الرجال الى اهانك انتي انسانه ماعندك كرامة ولو عندك ذرة كرامههه كان تركتيه وجيتي وفضلتي نفسك بس واضح لسى تحبينه

سحاب:.انتي جدًا انانيه وماتراعين ولاتظنين بسامحك على كلامك هذا !

'

السوق ~

كانت أنظارهم عليها بأستغراب وكانت شي مُلفت للنظر بحكم أنّ جميع النساء في هالمكان مُتمسكين بـ العباة الأسلامية الكاملة

توجه لمكان البائعه الى كانت مركزه على حور الى كانت كاشفه:.تفضل ياولدي؟،

فارس:اهلين ياخاله … نبي شي يقد على هالبنت

حور:فارس وجع انا بختار لنفسي وشرايك في ذا!

فارس:.انتي من جدك ولا تستهبلين احد يلبس كذا في عزيمة

حور:.والله حلو يجنن انت ماعندك ذوق ولا نظر

وجهة نظرها لهم:.خلها على كيفها

استحي من العجوز وهو ينطق بإدب:.حاضر أجل انا بخليك هُنا مب تضيعين

ضحكت وهي تناظرهم:.انتي من بنته؟،

أبتسمت بخجل:.أنا بنت ابوي يعني من بنته

العجوز:.لا قصدي منهم ابوك واضح عليك جديّده منتيب من ديرتنا؟،

هزت راسها بالايجاب:.أي مو من ديرتكم

العجوزه ضحكت وهي ترمش:.أنا شايفتس بس وين مدري

ضحكت بأستغراب ورجفه:.لا وين شايفتني ماتذكرك انا اصلا

هزت راسها بستغراب:الظاهر مشبهه عليك !

,

↚

" المستشفى "

أتكي على الجدران وهو يناظر لرسالة الى وصلته من أمه"أختك يابدر موعاجبتها الشرقية"

تبينا نرجع الرياض ونعيس في بيت أبوك وسحبت اوراقها من الجامعة وتبي تنقل !

بدر:يمه ألف مره قلت لك اتركي نجود على راحتها انتي ضغطتي عليها بموضوع دراسة الجامعة هي وين والدراسه تحسبيني مادري؟،

أسترقت النظر له من بعيد ماحبت تحكي له عن الى صار وخيبة قلبها الكبيره بـ هند ، راح يتشمت فيها ويستغل هالفرصه عشان يبين لها أنها بدونه ولاشي فـ كيف لها ترضى بالشماته ونظرة الشفقه:.تلمس بأغراضها وتقفل شنطتها وتحاول تسيطر على توترها وماكانت تدري عن الشخص الى منتبه لها كل الأنتباه،

القراءة بدون اللايك

'

العميق لها وجهة نظرها لمكان أخر ~

تماسكت أمام ربكتها من ريحة عطره الى لفحت بوجهها:.أمي وأختي راجعين يعيشون معنا اذا هالشي بيضايقك اقدر ..

تقاطعت كلماتها بتوتر:.لا ابد مين قال أني أتضايق من وجودهم حياهم الله!!،

أبتسم وهو يمَد يده ليدها:.راح نستقبلهم احلى أستقبال راح يعيشون معنا على طول

سحاب:.صحيح أنها امك تكرهني بس ماراح اسبب مشاكل اذا خايف من هالشي

هز راسه بنفي:.سحاب انا ماقصدك آنتي بس ماودي تتضايقين من أمي وتتجاهلينها!،

سحاب:.ماراح اسوي شي لا تقلق

'

" الفندق "

مسح على وجهة وبروده دمه تزيد وقلبه يحترق كل أللهيب في قلبه نيران ماكان فاهم وشلون يطفيها:.بيترك حب طفولته بلا مواجهة بُل هل الأنسحاب مواجهة واضحه الاسئله أخذت وقته وجهده وماكان في باله الا هي لكن بداخله شي يرفض"التراجع" سلطان ماتراجع رغم حبه لها مايقدر يكون معها خادع وكاذب ويدري اذا عرفت بالحقيقه ماراح تتأذي منها وبس الى بيأذيها كيف الشخص الى تأمنه على كل أسرارها وتلجأ له قدر يخدعها ويشارك بجزء بسيط من كذبه أبوها وامها وكره جدها لها كانت عنده أجابات لأسئلتها وماكان قادر يجاوبها وهالشي يسكته عن الأعتراف ويكبر المسافات لايقدر ينساها ولايقدر يخسرها كانت هالليلة الأكثر سوداويه في حياته تركت بداخله صراع كبير ماتقدر تخفيه الأقدار،

'

" الشقه "

حطت الى بأيدها وهي ترفع سماعة التلفون:.رمَشت ببطء وتكللها الخوف والربكه:.كيف جدي صحى من الغيبوبة؟،

ثواني أغلق الباب وهو يشوفها واقفهه ومتوجه لها:.ملاك خير وشفيك تعبانه ألف مرة قلت لك لاتوقفين مو زين عشان الطفل !!

ملاك:.عبدلله جدي صحى من الغيبوبه،

أقترب لها وهو يربت على كتفها:.واذا يعني بقوله أني تزوجتك وماراح يعرف عن الى صار..

ملاك:.راح يزعل راح يجبرني أسوي اشياء كثير عشان الفلوس ممكن يخليني أتطلق منك جدي انسان قاسّي وممكن يقتلني؟،

شد على قبضة يده بعصبيه ونرفزه:.خلاص ملاك أنت مستقله فيني لها الدرجه .. لاجدك ولا أي إيّ احد راح يأذيك انا معاك مايقدرون

ملاك:.لازم اروح واشوفه خذني ..

'

" الفيلا "

اخذت شنطتها وسُرعان ما تلقت رسالته:.تاليا ..

ضحكت من بين حُزنها:.ادري تأخرت عليك يلا جايه أصبر شوي انا متحمسه اكثر منك،

قفلت شنطتها بشكل سريع وهي تمشي بخطواتها كأنها بسباق لدرجة تجذب النظر..

بدرية:.خير أن شاءالله لاسلام ولا كلام بعدين وين طالعه ماعندك زوج تسألينه؟.

تاليا:.خالتي يعني اكيد ماراح اطلع لحالي ساطي برا ينتظرني

شادن:.يمه اكيد مابتطلع من غير علمه ماعليك يروحي انبسطي

بادلتها الأبتسامة وهي تاركتهم:.انتِ كم مره اقولك بطلي لقافه

شادن:.يمه حرام عليك ادري انك تبين تطفشين البنت عشان تترك اخوي حرام عليك !!

بدرية:.ماني طايقتها مابيها يخي بس اخوك هو الى مخليني اسكت،

شادن:.وانتي يمه من متى سكتي لها كرهتيها عيشتها حرام عليك فوق ظروفها وجدتها الى بالمستشفى تضايقينها يمه مو زين ،

بدرية:.هيه هيه انتي مصختيها امك الى قدامك ترى ماحتاج احد يوجهني

'

الديرة أسيا ~

فتحت الدرج بنرفزة:.حور وين حطيتي الأغراض شفتي بسببك طولنا عن التجهيز يلا روحي البسي دامك جاهزة

حور:.أسيا انا متوترة اول مره انعزم كذا عزايم مو ناقصتك تهاوشيني بعد بنصرع

حطت الى بأيدها بأتجاهها:.اسفه لاتزعلين الصراحه فستانك حلو ومناسب مره!،

حور:.بس تصدقين احس متحمسه مره للخطبه حاسه انها بتكون غير غيّر …

أسيّا:.حور اتمنى كلام امي الى قالته مايعكر عليك يومك انتي تعرفين طبعها ؟

هزت راسها بغرابه:.وشو انا قلت لك اني زعلت منها او مهتمه بعدين عادي تصير

أسيّا:.الا زعلتي بس صدقيني ماراح اسمح لحد يضايقك ابد مين ماكان

حور:.أسيا خلاص مازعلت غيري الموضوع وكملي تجهيزك!!!،

بادلتها الأبتسامة:.تمام دامك مو زعلانه يعني

'

" بأحد الكافيهات "

سَاطي:.خلينا نسوي هالشي دام آنتي تبين تلتقين مع أختك ولو حتى تعرفين أسمها،

أتسعت حدقة عينها بعصبيه:.سَاطي انت كيف تتكلم كذا وكأنه شي طبيعي لو بلقى اختي ولا ادوس بيت الاب الى تركني ويتمنى!!،

سَاطي:.آنتي مو فاهمه قصدي ابد هالشي راح تسوينه عشان أقل شي تعرفين عنوان أختك؟،

تتواصلون مع بعضكم وتعرفك وتعرفينها …

تاليا:.مستحيل أروح واتكلم معاه انسى

ساطي:.يعني ماتبين تشوفين اختك !

تاليا:.ساطي وشفيك تستفزني بكلامك ..

سَاطي:.آنتي الى وشفيك نسيتي يوم عرفتي عندك اخت وأنا عارف تبين تشوفينها بس تنكرين وتجحدين شعورك

تاليا:.اكيد ابي اشوفها احد قال مابي اشوفها ولا اعرفها ولا تحرك فضولي تجاهها؟،

بس آنت تبيني اروح لشخص تركني .. ولا سأل فيني كل هذيك السنين ولا أروح لزوجته السابقة عزيزة أذل نفسي لها انسى اصلا .. هي ماراح تتقبل وجودي أكيد أمها تكرهني؟.

'

سَاطي:.تدرين آنتي وش مُشكلتك ؟

أستباق الأحداث هذا الى ماله داعي لو كانت امها اصلا مو قايله عنك شي ولو هي مو شخص جيد ماكان أبتعدت عن أبوك بعد ماعرفت عن أمك وعنك فكري!!،

تاليا:.مادري مادري خايفهه من ردة فعلها واصلا ماتوقع بيقولي عنها شي

سَاطي:.خلينا نجرب ونشوف انا حاس أنه راح يدلنا على طريقة تواصل معها تدرين ليش،

كررت كلمتها بضحكة:.ليه ؟

ساطي:.هو قال أنه حلمه يعيش معكم ويجمعكم بعد فراقكم وأن هذا الشي الوحيد الى يبيه ولا نسيتي

تاليا:.يمكن غير رأيه وقرر يتراجع

سَاطي:.لا عاد فوق أستباق الإحداث سلبيه !.

'

بيت أبو سالم ~

دخلت بأنذهال:.الله ياعروس وش هالزين !

مزون:.وي رغد تأخرتي على حيل ظنيتك

ماراح تجين والله بس زين جيتي

رغد:.شلون تبيني أخليك بالليلة ذي آنتي يالدنيا

مزون:.اهخ يازينك بس ياحبي لك …

حركة حاجبها بأستداره:.سمعتي صوت الرجال برا هذاهم وصلو تعالي،

وقفت بغرابهه:.مو وقتك وش بتسوين؟،

رغد:.امشي السطح يمدينا نشوفهم ترى السطه يطل على برا ولا نسيتي

سحبت يدها بتردد:.لا تكفين بعدين تشوفنا مرة أبوي ولا الدعله الجوهرة

رغد:.وااي منك ماعليك منهم تعالي نشوفهم ولا ماعندك فضول تشوفين عريس الغفله

مزون:.اصلا كيف بعرفه ولو شفتهم اكيد جاين كومة رجاجيل هاذي خطبه رسميه اكيد عمانه او عيال عمه معه ياذكيه !

رغد:.يالله وش هالحجح الى ماتخلص تعالي بس انا اعرفهم كلهم واحد واحد واعرف مين منهم فيصل تعالي

أرتسمت على وجهها ابتسامة الفضول ..

'

بأحد الأحياء العادية والمُتواضعه ~

جلسَ بنظرة ربكه:.الحقيقه تاليا حابه تقولك ..

قاطع كلامه وضع الى بأيده:.تاليا ماتوقعت انك راح تسامحيني أنا فعلاً محظوظ بقلبك الكبير

ومسامحتك هاذي!!..

هزت راسها بنفي:.مين قال أني سامحتك؟،

أنا أسُتحاله أسامحك بس جايه أسئلك عن أختي الى قلت عنها، وعزيزة .. قصدي حبيبتك الى فضلتها على أمي وتركتنا عشانها!

زياد:.يعني آنتِ يروُحي تبين تكلمين اختك..يالله لك الحمد يعني انتي راضية فيها،الحمدلله أكرمني اكون مجتمع معكم قبل ما أموت وعد راح أفهمك كل شي بالوقت المناسب بس اجمعكم،

تنهدت بتذمر وقفه وغضب عارم،الظاهر مطول تدور شفقتي مستحيل اسامحك لو تموت وبنتك الى ميت عشان تشوفها تعتبر غيرك ابوها وهاذي ضريبة خيانتك لأمي بـ اول فرصة باعتك عزيزة بتراب ..

غمَض عيونه وكلماتها القاسيه خنقت حنجرته وماقدر ينطق حرفين على بعض:.الحقها اكيد هي معصبه وتقدر تجي متى ماتبي

ساطي:.أنا اسف تاليا عصبيه شوي بس هي حنونه وقلبها طّيب بي متأثرة

'

" بيت أبو سالم "

وضعت الصندوق:.يالله أصعدي قبلي سريع

بلعت ريقها بتردد وكُلها ترجف:.يارغد اخاف يشوفونا الرجاجيل والله فضيحه!!.

رغد:.يالله يعني مو ناويه تشوفين المُعرس ولا عندك فضول شين ولا زين يعني هو مايشوفك قلنا زين بس انتي ماتشوفينه ولا بالصور ماصارت!!.

تمَسكت بالجدار المليان تربة:.يالله ايدي..

رغد:.يلا بليّا حجج وخري

أبتعدت وهي تترك لها مكان فوق الصندوق الى صعدو فوقه ويشوفون كل شي من السطح بشكل واضح:.يالله وين فيصل معقول جاين يخطبون بدون المعرس ليكون المعرس انحاش

'

الديرة ~

أستقبلتهم بالتراحيب وهي تحط البخور:.جوهرة روحي نادي اختك

الجوهرة:.وحنا يمه يعني احنا شدخلنا

أم سالم:.شبلاك آنتي انا قاعدة اوجب عشان ابوك تبينه يطلقني انتي

تأفأفت بملل:.خلاص بناديها بس ليش كل هالحريم لو انها ساحرتهم ماجو هالكثر

أم سالم:.انتي الظاهر بتهبلين فيني روحي نادي مزون بسرعه

'

مزون:.هاو أزعل منك ترى!

ضحكت وهي تكتم صوتها:.ورا يحافظ

مزون:.أنا مزون بنت أبو سالم منهو الى ينحاش مني اصلا هذا تحصلينه ميت من الفرحه لايمنه أهله بيناسبون أبوي وماهوب ماخذ أي بنت ..

رغد:.أي أي خل ننتظر هذا وينه مصيف

مزون:.منهو ذاك ابو غتره

رغد:.هذا فارس الدكتور واي

مزون:.وش وأي شبلاك مستانسه

رغد:.هذا أزين واحد فيهم والى مُعتمد عليه جده في كل شي يعني شي من الأخر بس حظه أقشر مدري شقول

مزون:.هاو ليه وشفيه؟،

رغد:.اقولك تزوج وحدة أهو اكبر منها بينهم ست سنين والى يشوفها ماكنها مرّه

مزون:.وي مافهمت شتقصدين؟،

رغد:.قصدي ماتعرف علوم الحريم وحتى مرة جابها مزرعتهم عاد كانت لابسه كعب وأنا اقول هاذي منهي اصلا منهي الخبله الى تلبس كعوب بالحصى والتراب

مزون:.لا حرام عليك واضح البنت على نياتها وبعدين اكيد ماتروح واجد ولا تفهم انتي تعرفين كل مكان والناس يختلفون فيه مو غريب عاد

رغد:.يربيه منها هالبنت بتجننيني في يُوم

مزون:.بلاك انتي كل مازانت الجلسة حشيتي في وحدة وقلتي شينه بايخه لاتعرف ولاتحط وطلع كل كلامك خرطي ولا نسيتي بنت أبو خالدّ..

رغد:.لاعاد هذيك ويع مو شي انتِ من وين تشوفين ان الظاهر اشوف شي ماتشوفينه

مزون:.اقرل اتركي سوالف التمحرش عنك وبعدين ترى مولازم تعرف تطبخ مع الوقت تتعلم

رغد:.أي يعني حتى بيضه ماتسوي هاذي وشلون تكون مسوؤله على أسره بكره

شهقت وهي ترفع الغطى:.شوفي ذاك مين

رغد:.هذا هذا شوفيه الى لف صوب الشبه

مزون:.والله ما أشوف شي !

رغد:.انتي تستهبلين شوفيه هناك ماشاءالله مُحلو ولا كذا الزواج يحلي

مزون:.ماشاءالله في هاذي صدقتي الصراحه فيه جاذبيه!!

'

أسيا ~

↚

جلسَت أمامها وهي تلعب بشعرها:.حور الحين بيجون حريم كبار بالسن انتي ماتعرفين تتصرفين معهم خليني اعلمك طّيب؟،

حور:.اي قولي وشو اقولهم بعد محور الكون

أسيا:.اذا وحدة سألت وشحالك تقولينها بخير وتردين لها نفس السؤال واغلبهم بيسئلونك انتي من بنته وعلميهم بعائلتنا!

حور:.ليش الكذب انا ابوي اسمه حمد!

أسّيا:.حور شهالغباء الى فيك آنتِ الحين على ذمة فارس يعني من أل عويّد

حور:.يعني نعرف بأسم جدك ولا اسم العائله

أسيا:.خلاص لازم اوقف معك لان واضح بتجيبين العيد فينا!،

حور:.كيفك ماتفرق معاي تصدقين عجبتني بيوتهم حلوة بس كيف عايشين بالغبار ذا تحسست من برا وحنا جاين

اسيا:.آنتي تتحسسين من التربة؟

حور:.هو ي احد مايتحسس احس بموت مناعتي اصلا سيئه..

'

الجوهرة ~

وقفت والهواء يلفح ويطير جلابيتها وهي تمسَك مُقبض الباب:.أنا اوريك والله ماتطلعين للحريم لاخليك تخيسين هُنا!!.

شهقت بقوة بنزله سريعه:.الباب تقفل علينا،

رغد:.وشلون تقفل وشلون نطلع؟.

مزون:عمى الباب ماله مقبض من داخل شلون نطلع الحين واي

رغد:.آنتي شبلاك شلون تقفل مافي هواء يمه سم الله ليكون بيتكم مسكون!!.

مزون:.وجع يوجع عدوينك سمعت صوت المزلاج يعني احد قفله

رغد:.آنتي شقاعده تقولين المكان يخوف

مزون:.هاذي حركات الجوهرة زمان كانت تقفل على عشان ابوي لادرى اني بالسطح يهاوشني بس اعرف افتحه لان تعلمت طريقه بشتوفين شلون

'

الجوهرة ~

فتحت القدر وهي تناظر بعيونها:.ورا مازهب هذا تستهبلين انتي نسيموه!!.

نسيمه:.الجوهرة يابنيتي اطلعي وكل شي انا اسوي لا تاكلين هم العشاء

الجوهرة:.نعم نعم كأني سمعتك تناديني بأسمي وراك آنتي ناويه على الشر؟،

بلعت ريقها بصدمه:.أمري شـ:.انا عمتك نفس ما أمي عمتك كم مرة بعلمك ومانيب بنتك افهميها..

بلعت غصتها بضيقه وهي تجلس وأثقال الدنيا عليها من هالكلام الى يسم القلبَ وتناظر لها وهي تروح

شريفه:.حنا صح جاين نشتغل ونكد بس ليه ساكته لها واهي تهينك يخاله؟،

نسيمه:.أنا ويّـا أهل بيت أبو سالم نمون

شريفه:.لا عاد مصختها هاذي لا أمجع شوشتها صج مستفزه تشوفنا من فوق،

بس صدق شيفه ماشافت شي من زين أختها وذرابتها عوبه

نسيمه:.ماهي مثل مزون تذكرني في أمها

شريفه:.الا آنتي قد شفتي أم مزون؟،

نسيمه:.كانت مرّه فيها الخير واذا مايلحقك خيرها مايجيك شرها حتى أنها كانت تتمنى الخير لأم سالم حتى وأهي وياها ضراير..

شريفه:أيه كل حب يطلع على بذره

'

السطح ~

سَحبت الحبل بقوة:.هذا علامه ماينفك !

رغد:.أنحبسنا هُنا هاذي علامها عليك ليه تصكه صك الله عنها لقمتها

ضحكت برجفه:.أنفتح أنفتح ..

سحبت الباب بقوة:.جعلك السلال هالادميه ما تعقب وراها ناويه على الشر من الحين

مزون:.مقهورة مني بتموت مني .. بس مسيكينه هاذي حيلة الضعيف !

'

أبو سالم ~

حط الفنجال وهو يوجه نظره لـ عواد:.أنتم فيك الخيّر والبركة ولاحنا بحاجةٍ نسأل عن فيصل هذا ربات أيدك وأنا متطمن له

أنشغل فكره تمامًا عنهم وهو يفكر في يومه الى ضاع بين ناس مايعرفهم ومُصير مجهول وبنت بالنسبة له ما توافق تفكيره من مُلاحظه ..

فارس:.شفيك أنا اول مره أشوف معرس ومكشر أفرح عاد

سكت بصمت وهو يشوف واحد من رجاجيل الديرة المعروفين جلس أمام فارس:.والله ياسعدك وهناك بـ هالنسيب الى ينحسد عليه

أبو سالم:.ماعليك زود

أبو عازم:.وأنت ماودك بعد نزوجك

ضحك بخفه:.أنا خالص عمي

أبو عازم:.وش عليه بعد طق الثانيه الشرع محلل لك ثلاث الحين

فارس:.لا والله يسلم راسك

أبو عازم:.على بالحرام لو عندي بنت تاخذها بلا مُهر حنا نشتري رجال !

سالم:.دام نعرفكم انا اقول خير البر عاجله

عواد:.أي صحيح لازم نجيب الشيخ ونستعجل لانأجل فرحنا ليُوم ثاني ..

بلع ريقه بربكه ورضى تام وكان ساكت مثل وكأنه ما خلق له صوت

تنهد وأعصابه فالته من تخلفهم وهو يوقف متجه للخارج ياخذ نفس عميق وهو يحس بخطوات خلفه:.فيصل وشفيك تركت الرجال

فيصل:.الحين ذا كلام ينقال يحسبون أنه حنا في سوق ماشيه ؟

فارس:.هذولا أهل اول كذا من قبل لانجي

فيصل:.الا الوقاحه ماليته مانيب قادر ابلع هالاوادم المتخلفين

فارس:.وشبلاك أنت حاس انك ماتبيها !

ألتفت بنظرة حُزن : الصدق أي جدك أحرجني حسيت اني ولاشي كلمتي تنداس

فارس:مادافعت وتكلمت ليه وتكلمت الحين؟

فيصل:.مجبور أخذها ومانيب طايق نفسي ودي اروح اقرب شبه واحرق روُحي

فارس:.كنت تقدر تتكلم وتسوي الى تبي بس أنت ضعفت وجدي أستغل ضعفك والحين ..

فيصل:.ألحين وش؟،

فارس:.أرضى بالي صار البنت مالها ذنب !

وضع يده على جبينه بجنون:.أنت اخر واحد توقعته يقولي كذا

فارس:.شتبيني اقولك يعني دامك رضيت تخلي جدي يشكلك على كيفه وياخذ لك الى يبي خلاص ماتقدر تسوي شي بتكسر فيها وتخليها ترى كلام الناس مايرحم يافيصل وهي بنت؟،

فيصل:.وأنا وشدخلني إيدي مُربطههه .. ماقدر

فارس:.عُمرك لاتكسر قلب بنت

فيصل:.وأنا ؟

فارس:.تحسب كسر الروُح هين وهو عند الله

عظيم البنت اليوم تنتظرك تملك عليها ..

وش ذنبها قولي !

'

نطق بإعجاز:.وذنبي أنا يافارس؟،

فارس:.ذنبك تشيله على رقبتك خلك رجال لاتكون في يوم سبب في دمعة بنت وأذاها ..

فيصل:.فارس أنا من كنت صغير ويمشوني على كيفهم بالأخص جدي ومانيب مثلك !!

فارس:.مافي شي أسمه مانيي مثلك لا تنقص من نفسك لايأثر عليك حُزنك،

هز راسه بنفي وهو يعاود كلامه:.ابد على الأقل أنت تعرف توقف بوجه جدي وتقوله لا حتى لو أحرجك ولايكثر مايحرجك بين الرجاجيل وأنت ترفض لسانك حصانك بس أنا لساني خذلني ..

تربط لسانه أمـام خذلانه هالمرة لاقدر يرتب حروفه عشان يصففها ولكن مُقدرته القوية على المواساة رتبت قلبَ فيصل لأن فارس على ماقيل"اضيق من ضيقة صاحبي لا صار متضايق

‏اشيل همه لو ان الهمّ ما اطيقه" فـ كيف لو كان ولد عمه أخوه بالربآه..

'

المُجلس ~

جلسَت أمامها بضيق:.يعني ليه كذا؟

أسّيا:.وشو الى ليه كذا شفيك حور رخى صوتك

حور:.ليه نأكل على الأرض معقول

ماعندهم وقت يجيبون طاوله

أسّيا:.هم متعودين ياكلون على الارض تعالي نروح زاوية بعيده ماتشوفين الزحمه على هالمكان يلا ..

وقفت وهي تتحرك بصعوبه:.واي أسو دفيتيني

أسّيا:.اقول اقولك زحمه وشفيك والله بيجي يوم تجيني جلطه منك !

فزت وهي تناظر فيها:.حياكم اذا متضايقين روحو اجلسو هناك شوفي الجلسه هُناك فاضيه

هزت راسها بالأيجاب:.مشكوره

كانت عيونهم عليها وأكلوها بنظراتهم والكل ضايق على أنّ عائله العويد سبقتهم وخذتها وجمُالها كان حكاية العزيمة والحريم ..

عزيزة:.ماشاءالله تخيلت البنت حلوه بس مو هالكثر بسم الله عليها

أوضاح:.شفتي مرت أبوها شقد تمثل يمه منها

عزيزة:.انتي وشفيك يمكن المرّة صدق تحبها ؟

أوضاح:.اقول حكي حريم لاتحبها ولاشي واضح يعني اصلا انا مارتحت لهم بس البنت يعني زينه

عزيزة:.ايه يعني وشو شرايك فيها؟

أوضاح:.احسن من حور على الاقل ذربه

عزيزة:.انتي متى تفكين هالبنت من لسانه؟،

أوضاح:.وأنا شقلت انتي سئلتيني وجاوبتك

'

مجلس الرجال ~

عواد:.فيصل ليش ماتبي تاكل

هز راسه بنفي:.والله شبعان كثر خيركم

أبو عازم بضحكه:.ذكرتني بحماسي يوم أعرست المرة الاولى والثانيه والثالثه .. والله يذيك أيام من الوناسه ماعاد اكلت ولا شربت بالي مشغول

بادله الضحكه أبو سالم بأطراف الحديث:.ولا ناوي تعرس أخر عرس

أبو عازم:.ماظنتي أنه اخر عرس تدري ليه

ابو سالم:.وراه!

ابو عازم:.كود الله ياخذ أمانه وحده وتزيد الفرص

كان الكل يضحك على كلمته عدا فارس وفيصل الى حاولو مايعلقون على الموضوع ونظراتهم وصُفت الأشمئزاز الى حاسينه من مجالسته

'

بالجهة الثانيه ~

ضحكت بخفهه وعيونها تلمع على جوالها بفرح

أسّيا:.يعني فارس مالقى يرسلك الا الحين حبكت انتي من وين جايبه نت؟،

حور:.يعني تتوقعين من وين بعدين فارس يحب يسولف معاي خصوصًا حنا نمل من البعد

أسّيا:.اذا بتقعدين تسولفين معه وحنا بالعزيمة ماراح تستمتعين بشيء .. بعذرك ضايق خلقك

حور:.يالله أسو شفيك آنتي ماجربتي تحبين

أسّيا:.هاذي الى بقوم أفلعها حُب وش كلي انتي موب شايفه شلون نحيفه كأنك عود

حور:.أسيا للمرة المليون لاتغلطين انا اصلا جسمي عاجبني وموجوعانه فارس قالي أنه بيطلب لي اكل بس نطلع !

أسيا:.لا بعد مكذب عليك انه في مطاعم؟،

حور:.آنتي مو متطوره وماتشوفين اكيد الديرة

هاذي صار فيها مطاعم ترى شوفي بنفسك

أسيا:.وش راح يعشيك؟،

حور:.ماعرف قال راح نتعشي بخاري الظاهر برقر جديد او مشاوي هو قالي انه يحب يشوي

أعتلى صوت ضحكها وهي تراقب تعابير وجهها:.كيف!!

'

الفيلا ~

وقف وهو ماسك شنطتها وضعها:.تاليا اذا احتجتي شي اتصلي انا برا ..

هزت راسها بالايجاب وهي تصعد لفوق من غير تنتبه للعيون الى عليها:.تفضلي شوفي شلون اخوك صاير حاله حال راجو السواق يشيل ويحط

شادن:.يمه البنت حامل انتي متى يحن قلبك

بدرية:.والله اقول بس انا قاعده اتكلم لمصلحه اخوك درينا ظروفها صعبه بس ماتسوى هي بعد لها دور تعاونه

شادن:.ماشاءالله كان قلتي هالكلام لنفسك يوم كان عايش ابوي كان شايلك من الارض

بدرية:.على الاقل انا كنت استاهل

'

↚

أوضاح ~

كانت تناظرهم من بعيد ومتضايقهه حيل من وجود حور مع بنتها وحاسه بالقهر الزايد بسبب نقاشهم الى كانت هي السبب فيه،

وقفت وهي توجهة نظرها لها:.عزيزة انا بروح شوي يم أسيّا اذا بغيتيني

هزت راسها بالأيجاب وهي تتركها وتناظرها من بعيد متقدمه لهم:.أسّيا وراك يمه جالسه هُنا المكان ماهو مُريح تعالي يمي ..

رمَشت بتكرار:.لا انا مرتاحه هُنا لاتهتمين

أوضاح:.زين انا بروح اجيب شي لي تبين شي تشربينه:.هزت راسها بنفي بضيقه:.قلت لك لا يعني اكيد مابي شي روُحي

ثواني وجهة نظرها لها بحُزن:.أسّيا ليه تعاملين أمك كذا حرام عليك تظل أمك

أسّيا:.خلاص حور اتمنى ماتكلميني عنها ..

نطقت بكلمتها وقاطعها وقوف أسّيا الى تركتها رهينه لعدة تساؤلات:.كيف أسيّا تقسى على أمها بالطريقةٍ المؤلمه ..

تمنت أنها مكانها ولو لحظه بس حتى لوهي غلطانه ماراح تتركها وأستوعبت هالخيال الى في بالها على رنه الرسالة هُل هو خيال ؟

آه " ليت بعض الخيال واقع " مَسكت دموعها وهي تقرأ الرسالة الى محتواها يهتف للتلاقي:.ماظن بترديني لاقلت محتاج أشوفك؟،

تماسكت وهي تبلع غصتها الى كل مرة تتذكر أمها فيها تمسكها ..

سحبت نفسها وهي تشوف عيون الجميع عليها

'

وقفت وهي تستنشق ريحة القهوة السعودية العربية الى من أيد الحريم ~

ومانتبهت لنظراتهم الى كان الكل مُنبهر بجمالها الى كان خاطف للأنظار بالعزيمة ..

مزون:.خالتي نسيمة جد مشكوره لانك جيتي

بادلتها الأبتسامة:.أكيد راح اجي وحتى بعرسك بجي أوعدك

مزون:.انتي تعبتي اليوم خليني انا اسوي القهوة

شريفة:لا مايصير انتي عروس ومايصير تقعدين بالمطبخ كله نطبخ وش يجيبك خلاص انا بسويها عن خالتي نسيمه

وقفت بصدمة ويدها ترجف من وجهة نظرها لها بثبات وثِقة هزتها وخلتها تحس كأنها الأرض بتبلعها:.الجوهرة انتي شتسوين بالمطبخ لاتقولين جايه تخدمين بالعزيمة مانيب مصدقه

دخلت بجهة الباب وهي تشوفهم طالعين بعصبيه:.آنتي وش تقصدين؟.

بادلتها بالخطوات الواثقة بعيونها الى تقدح شرار:.آنتي عارفه وش قصدي واذا تحسبين تمشي على سوالفك لكن ترى ماحسبتي حساب الباب الى قفلتيه اني أقدر أفتحه وأنتي تدرين مافي باب ينسد بوجهي الا وينفتح !

الجوهرة:.أقول لاتقطين بلاك على يالمايقه بعدين اذا على السطح هو تقفل من الهواء ولا ماندري انك ميته على الزواج عشان تشوفين المعرس الا شايفه روحك فيه كنه أمير ولاشي كبير

مزون:.كيفي أشوفه ماشوفه انا حره بنفسي ويالله كملي جميلك واذلفي عاد انا عروس وخاطّري أكون عايشه بجوي لين ليلة زواجي وبمرر لك أفعالك عشان مزاجي

الجوهرة:.الحمدلله والشكر احسدك على عايلة هالشكل رايحةٍ لهم انا لا جيت اتزوج باخذ أمير ولا شيخ شي يلبق في مُقامي !

مزون:.شيخ مره وحده اقول احلمي على قدك يالصيده

الجوهرة:.أي بنشوف على العموم كل شخص بروح على الى قد مقامه وانتي تدرين امي مين وابوي مين ابوي الى هو ابوك ولا يحتاج تعريف وامي وتاريخ عايلتها العريق،

مزون:.عاد ماطقيت خبر لتاريخهم العريق اظن امك تحب تكذب عليك وتحب تفلم كثير يعني الظاهر نست تقولك انهم من بيت عادي وطبقة تحت الكحيانه بس كذا من يومها تحب تمثل انها شي كبير وروحي اسئلي ابوي ..

الجوهرة:.هذا كله من الحره الى فيك

فزت على صوت القهوة الى غلت وأنسَكب نصها على الغاز:.اقول يلا بس اذا تبين قدامك الجدران حاكيهم تراهم خير الرفاقه ..

بعدين أنا ماقلت لك اسئلي الجيران قاعده اقولك اسئلي أبوي من وين خطب امك واصلا ليه جايبه طاري الأصول وش دخلني انا بـ كل هالهذره تحسبيني مثلك سخيفه واطالع الناس من فوق اصحى على نفسك لانك تفشلين

نظرتك الدونيه للناس تنعكس عليك !

ولا همّ ماضرهم شي لاتاخذين طبايع أمك

عندك فرصة ماتكونين النسخه الثانيه منها ..

'

حطت الأغراض وهي تناظرها ~

شريفة:.ماشاءالله هالبنت ملاك ياحظ هالي خذاها بيعيش مع سنع ومنع ودلال وجمال هذا الظاهر يصلي ويصوم وبار في أمه والقبيله

نسيمة:.أي والله الله يبارك له فيها

شريفة:.الجوهرة ماحسها ناوية على خير يعني داخله على شر بليه هالادميه

نسيمة:.والله مادري بس ماراح تسوي شي يعني أمها تخاف من الطلاق ومتسحيل تضر مزون

شريفة:.هقوتي على نظراتهم تقول شي ثانيٍ ..

'

الديرة وراء البيت ~

بعدت شالها من شافته من بعيد بربكه

فارس:.آنتي الظاهر تبيني أجرم رجعي هالشال

حور:.مابي فارس مليت خلينا نرجع المزرعة؟.

أقترب وهو يسحب شالها ويرفعه ونظراته تنحدر لها من فوق لتحت:.ماقدر أطلبي شي ثاني وراه عاد تبيني اخلي أهلي؟،

ميلت شِفتها بنبرة عُتب:.يعني انا ماعرف أحد هُنا وغير كذا طول الوقت أخذ تعليمات من أسّيا وزوجة عمك كيف أتعامل مع اهل ديرتكم

فارس:.هذا هو بعد كُل مايعجبك

والبس مايعجب الناس بعدين ترى مؤقتيه هي وراك؟

حور:.موعاجبني بعدين أنا ماحب هالأمثال الغبيه ولا ابي أمشي عليها انا وحدة على طبيعتي ولا ابي اغير بنفسي بعدين أنا وأنت راح نقصى وقت حلو مع بعض قبل اداوم أول يوم بالمدرسه

شهقت بقوة من سَحبها من فستانها بقوة وتحكم:.والله وآنتي أي شي بغيتيه تبيني أقولك تم وحاضرُ ودي بس ماقدر أخلي ولد عمي يعرس وأنا بعيد بعدين جد موب عاجبني أستغلالك لـ عاطفتي !.

دفعته بربكه:.أنا مو قاعده أستغل هالشي بس جد انا أول مره اجي جمعات والوضع يخوف

فارس:.مافهمت ليه خايفه من التجمعات ؟

رفعت حاجبها وهي تحس بوهقه:.فارس يعني انا شتبيني اقول .. قصدي اني مو متعوده على هالشي وانت تدري

فارس:.لحظه كذبتي على وقلتي انك تركتي دراستك عشانك كسوله وو مدري وش بس في شي مخبيته على وتكذبين ماهقيتها ؟

حور:.مافي شي خلاص اتركني خلاص عاد

صرخت بقوة من شد يدها بكل قوته:.ماني رايح من هُنا لين أعرف وش مشكلتك وليه تخافين من التجمعات ليه تكذبين على وتحسسيني اني ولاشي بحياتك مع العلم تعرفيني اكره الكذب!!،

شهقت بألم من سَحبه يده القوية وشعرها الطويل يلي علق بـ ساعته،

'

مَسكت دموعها قدام نظرته الى كلها فضول الى ذكرتها بنظرة أبوها لا سوت شي غلط بإحساس عميق داخلها إنها مجبوره تبرر له لأنه مُهم مهم عندها فوق ما يتخيل الكُل ولا تبي تخسره لمجرد شي خبته بلا مُقصد ..

التفت على صوت فيصل العالي يلي يناديه وهو موجه نظرته لها من تركته وراحت وخلت في باله كل " التسأؤلات " ليش ؟.

ليه في أشياء عن حياتها مايعرفها معقول ماعطاها الأمان الى يخليها تحكي بلا سكوت ..

وتبكي بلا صوت، ويحس بالحيرة يزعل منها ولا عليها لأ اكيد بيزعل عليها لانه مُستعد يتضرر عنها بإي شكل ولا يمسها خدش إبرة ..

" هذا الحُب العميق الى كان يحسسه بـ مُهمه العساكر بحماية الوطن "

سكت وسكت حتى تكرر أسمه على مُسامعه:.فارس وشفيك أتكلم أنا!!،

تقدم بخطوات ثقيله:.فيصل وشفيك أنا مو قلت لك لاتلحقني كنت جاي عشان عمتي

ضحك بمزح:.حركات تواعد هه اقول بس تعال احتاج شاهد على زواجي التعيس قفص الزوجيه الى بدخله غصب عني ..

بادله الضحكة:.وراك أنت ماتدري وش يصير

فيصل:.اقول حسبي الله بس على الى خلاني أجالس أشباه الرجال

فارس:.اهب من تقصد أنت؟

فيصل:.من اقصد يعني هذولا الى يحسبونا داخلين بقاله كل سوالفهم عن الزواج وكم عندهم بنات هذولا الى جد ودي احرقهم

فارس:.الا عاد هالشي موب عاجبني بعد بس تدري اذا عطينا رأينا جدي بيحذفنا من فوق الجبل

فيصل:.وجدي مبسوط انه مسيطر ومستانس بس صدقني مانيب ممشيها

فارس:.اقول أنت لو بأيدك تسوي شي سويته من زمان بس لافات الفوت ماينفع الصوت ..

'

أم سالم ~

وقفت وبأيدها المُبخر:.وشهو هذا من جده !

سالم:.أي يمه هذا قرار الرجال يبون الملكه بالعزيمة منه عشان نختصر ويكون العرس هاليومين وتروح مع زوجها ..

أم سالم:.هذا وراه مطيور ومستعجل الى يشوفه يقول ماخذ وحدة تستاهل

سالم:.افا يمه افا بس ماهقيتها منك بعدين اصلا هم ليه مستعجلين برأيك ميتين على نسبنا أحنا ترى موب إي ناس !

أم سالم:.شكثر تمنيت هالناس لأختك مالت عليها هالمزون كل شي يجيها

سالم:.عاد فاتك يمه مهرها شكثره أثاري أبوي حيل يغليها ماهيب سهله

عقدت حاجبها:.صج كم مهرها؟،

'

أشرت له بإيدها وهي ملاحظه ظلها ودليل تواجدها ..

رفع حاجبه بصدمه .. مزون شتسوين هُنا

مزون:.ماسوي شي انت ليه مو مع الرجال ها

سالم:.جاي اقولك كلام ابوي ترى قررو موعد الملكة

عقدت حاجبها بغرابه:.شلون ومتى ؟

سالم:.اليُوم والعرس بتحددينه إنتِ بنفسك

هذا كلامهم واتفاقهم عاد

مزون:.زين أنا بطلع اذا ناداني أبوي

فيصل:.تعالي المجلس لان هم هناك وحنا هنا بس بيسمعون موافقتك وتوقعين

مزون:.لا اخاف يكون في احد برا

سالم:.يعني انا بوديك مكان فيه رجاجيل منب رجال انا قدامك !

مزون:.اقول عاد لاتفسر الامور على كيفك

'

بمجلس الحريم ~

حطت الى قدامها بصمت طويل:.حور آنتي وشفيك زعلانه غريب من تو مافيك شي

هزت راسها بإنكار:.مافيني شي أسّيا بس تعبانه

أسّيا:.والله مادري شقول حتى أنا هاليوم بالنسبة لي متعب وأحس طفيت وبنام بس ماسكه نفسي لين تنتهي الا دريتي !

عقدت حاجبها بعدم إهتمام:.وش؟،

أسّيا:.قررو ملكتهم اليوم يلا احسن أختصرو علينا درب وتجهيزات بعد جد واحشتني المزرعه ودي نرجع بإسرع وقت

بادلتها الأبتسامة وهي ترجع لصمتها الطويل والى كانت تسمع كلام أسّيا وكأنها ماهيب معها ولا هيب حول إي شي تقوله ..

'

كانت تراقبهم من بعيد بشرانيه وهي ماسكه نفسها ما تحكي ولا كلمة:.أسّيا ماكانت تبلع هالحور وشلون رافقتها؟،

عزيزة:.الحين إنتِ بدال ماتفرحين انها بنتك عندها اشخاص يحبونهت تزعلين

أوضاح:.أشخاص الا هالأدميه عجزت أبلعهاانا خايفه يجي يوم أرتكب فيها جريمة انتي موب شايفه اسلوبها قليل الأدب الله اعلم وشلون تعامل فارس

عزيزة:.خلاص عاد انا اشوف هالبنت عادية بس يظهر هي تحب تدافع على نفسها كثير وهالشي يعني انه شخصيتها قويه أظن هذا الى جذب فارس لها

أوضاح:.الا انا الى مستغربه ليه الحين يملكون ماكانه استعجلو

عزيزة:.يالله منك يا أوضاح مافي شي يعجبك يعني وش الفرق سوو الملكه الحين ولا قبلين اهم شي يختصرون الوقت علينا

أوضاح:.انسى احاول اضيع الوقت ماسمعنا اذا خلصو وملكو ولالا !

'

الشقة ~

قفل الباب بضحكه:.كنتي خايفه على الفاضي

ملاك:.وش الى يضحك انا خايفه وموب عارفه وشلون أواجه جدي بزواجنا وخصوصًا اني ماكنت اطيقك كيف بتمشي عليه

عبدالله:.ملاك صدقيني جدك المخرف هذا مايستاهل كل هالخوف

ملاك:.لوسمحت احترم نفسك هذا يظل جدي

عبدلله:.يعني مادري شقولك هالأنسان دنيء الأفعال وتافه وكان يستغلك عشان الفلوس ومستحيل ابد اني اعامله كـ بشر !

ملاك:.انا اخاف لو قلت اني تزوجتك تصير جريمة لان فعلاً ماودي جدي بعد ما افتك من القبر يروح للسجن..

عقد حاجبه:.لحظه يعني عادي عندك أرواح الأبرياء الى يموتون من الممنوعات والمخدرات الى كان يبيعها جدك مجرم ويستاهل الموت!!،

ملاك:.خلاص مابي اسمع شي منك تتعمد تستفزني يكفي أخرس

عبدلله:.لان كلامي صحيح أهربي حالاً ..

'

إنتهت مراسيم الزواج ~ بـ موافقتها ..

وبالأحرى موافقة الطرفين وشهادة شخصين من أعز الأشُخاص على مُعرسنا الفيصل

"فارس وعبدالرحمن" وقف الشيخ بنظرة سعاده وحفاوه:.الله يسعدهم ويجمع مابينهم على خير وبركة .. الكل أنصرف لأشغاله

وأستوقفت الشيخ يد فيصل الى أنوضعت على كتفه:.لحظه ياشيخ الحين أنا اقدر أشوف زوجتي يعني شرعا ماهوب ممنوع ؟

أتسعت حدقة عينه من هول طلبه:.شرعا يجوز لك هي زوجتك لكن هالشي مابينكم لان هُنا الأغلب مُحكمين بالعادات لكن اذا تسئلني بالشرع فـ يحل لك تشوفها وتكلمها ..

سالم:.هيهه انت أحترم نفسك واحترم هالمكان الى وطيته توكل مافيه شوفه الا ليلتكم !

فيصل:.وأنا وشقلت يالنسيب بعدين انا سئلته سؤال عادي وأظن ماله داعي تعصب

تركهم بغرابه من عصبيه سالم ونظرات أبو سالم الى كانت كلها صدمه:.ماهقيت منك تسأل هالسؤال أحترم عاداتنا!!،

فيصل:.عمي مابي اطولها وهي قصيرة أنا صراحه ودي أشوف زوجتي وبالنسبه لي هاذي أشياء قديمه مابي أمشي عليها اولا لاني مانيب مجبور وثاني شي فكر فيها أنا مانيب داخل على غريبه هي حرمتي خلاص؟.

إن شفتها الحين ولا ليلة العرس نفس الشي

إردف وهو يشوف نظرات عواد الى كلها فشله:.وشرايك بـ كلامه أنت الى تقول يا عواد يمشي علينا كلنا

حُس بالمسؤليه وكان بخاطره يفرض رأيه كالعادة لكن بـ هالموقف أضطر ينصفه بحقانيه:.مابعد كلام الشيخ والأصح من حقه يشوفها وهاذي مجرد عادات مشينا عليها لكن هالجيل مُتعب

فيصل:.أنا ماقصد اقلل منكم بس انا ماسويت شي غلط وراح أشوفها بحضورُ أخوها ..

هز راسه بنفي:.لا أنا واثق منك زين والبيت بيتك وهاذي زوجتك ودامه كلام جدك أنقال مايتثنى ..

↚

تجهزت وهي تحط أغراضها بشنطتها ..

أسّيا:.أي طيب خلاص الحين أقولهم،

عقدت حاجبها بأستغراب:.أسّيا من تكلمين !

ضحكت بخفه:.والله من غير هالمصرقع فارس يقول أنه ينتظرنا بيوصلنا أستغربت انه موب متصل عليك بالعادة يتصيد الفرص،

بلعت ريقها بـ قهر وهي ترفع جوالها من الشنطه لرد إعتبارها موب أكثر:.الا متصل بس أنا ما أنتبهت لأتصالاته ..

أسّيا:.اجل انا بقولهم يتجهزون انتي اطلعي قبلي

'

بيت أهل بدر ~

فتحت محادثتهم بصمت من بيادر الى كاتبة كلام طويل كثير وأخر كلامها تأكد لها أنها مالها دخل بمشاكلها هي وهند ومتاكدة الغلط على هند وعندها ثقة انها سحاب ماتغلط،

وهالشي الى كانت تحتاجه سحاب شخص يدعمها بلا مقابل ويحبها حُب غير مشروط صداقه بلا أخذ وعطى صداقه صادقه ونابعه من القلب ..

'

" الديرة "

حطت فنجال القهوة بنظراتها الى تتوجه للجوهرة:.والله حرام مايصير الصغيره قبل الكبيرة تتزوج الناس وشفيها؟،

حطت يدها بعصبيه:.اسكتِ البنت لاتسمعك

ضحكت بخفه:.وانا وش قلت كلهم كذا مايزوجون الصغيره قبل الكبيره بس هالعائله أنقلبت

رفعت حاجبها:.والله مدري انا اشوف عادي هو نصيب ومقدر ومكتوب ..

'

عقد حاجبه بأستغراب ودقات قلبه تزيد من ركبت سيارته ولفحت ريحة عطرها الى يعرفه أكثر من نفسه ويحُببببها !.

فارس:.راكبه ورا سواق عندك أنا،

تجاهلته وهي تلاحظ علبه الدخان الى كان محطوط وهي تتراجع بنزولها وتركب بالأمام ..

ناظرها بطرف عين وعدم راحه ~

وهو مُنشغل برسالة أسّيا:.فارس حنا بنروح مع عبدالرحمن خلاص انت أمش،

ضحك بخفه:.راحو مع عبدالرحمن

تحركت سيارته فورًا وهو يخفف من السرعه بجهة الشارع وبـ ملاحظه سريعه من شافها أخذت علبه الدخان ورمتها قبل تتقفل نافذة السيارة وهي تلاحظ نظرات الصدمة منه والى تأكد انه لازم يصدق أحساسه دايم ..

وأحتارُ سوت كذا عشان تقهره ولا خوفًا عليه ؟

بيت أبو سالم ~

دخلت غرفتها وهي تشوف بقايا تجهيزاتها لملكتها وهي حاسه بقهر نار بقلبها تحرقها من نظرة الناس لها وللإسف كانت الجوهرة مهتمه للقيل والقال وزاد حقدها على أختها

مَسحت خدها بخفه:.ليه كل الناس تحبها؟

ليه الكُل حضر ملكتها ليه كلهم مدحوها والعين عليها ليش الحريم يتمنونها هي مو أنا ..

'

مَسك طريق ثاني وهو متجاهل نظرات الأستغراب منها:.فارس أحنا ليه طالعين؟،

فارس:.باخذك المزرعة آنتي ماراح تحضرين الزواج برجعك ولو انه درب طويل

حور:.أي مو كان رأيك ثاني خلاص بلاه

فارس:.لان كيفي لان أنا حُر واسوي الى ابيه ..

حور:.فارس بلا جنان أنا ابي اكون هُناك بعدين انسى الى صار بيننا انا مابي اتكلم

فارس:.آنتي مو قلتي انك تخافين من التجمعات يعني جو العرس ماراح يناسبك!!،

حور:.كلمة وطلعت معاي خلاص

فارس:.خلاص بنروح بس انتي ماراح تحضرين وكذبك مابصدقه لين تصارحيني ليه تخافين تجتمعين مع الناس وليه تركتي دراستك !

تنهدت بتوتر قوي وضح عليها وهي تحس بحراره تسَري بكامل جسدها ..

ودها تصرخ وتهاوش تكره أسلوبه البارد وكل ما يبين لها هالبرود منه ما تتحمله

'

سالم ~

حط البشت وهو مُشخص تمامًا ويعدل غترته

ناظر فيه بـ قهر وخاطره يخليه يتوكل لكن كان ماسك لسانه بسبة أبوه الى وقف بينهم،

مَشي لجهة الباب وهو يلحقه وتحديدًا يدله على المجلس الى فيه مزون لأجّل يشوفها ويرضى فضوله ويكسر خشم عاداتهم الى بترضخ برفضه لها من غير ماهو يرضخ لها

أبتسم وهو يراقب نظراته تفضل ..

تقدم بـ خطوته وهو يفتح الباب بخفه وكان جاهل أقباله عليها وهي تسمع خطواته لها والى طيح كل هيبتها وخلاها ترتبك وعشان تخفف من هالشعور شالت فكرة إن هو الى دخل عليها لكن سُرعان ما إنتهى شعورها من سُمعت صوته

رمَش ومابينهم مسافة السلام عليكم ..

'

ضحك بخفة:.يمكن قالو لك مابنشوف بعض

أسف مايضحك أدري شي غريب"يمكن غريب"

على أنا لان ماتوقعت أتزوج وحدة ماشفتها ..

لكن ماتقبلت هالشي أسّف كسرت عاداتكم ويمكن هالشي مايناسبك إنتِ الان .. بس تراه عادي لانك زوجتي وهالشي مو غلط

عقدت حاجبه بغرابههه قوية وهو يقول

وهو يحاول ينفي الشي الى يحس فيه"معقول جدي بيزوجني غصب وبعد وحده ماتتكلم؟"

لحتى قاطعته بـ رد السلام بـ التفاته إطمئنان ولاحظت إنه ماكان يطالعها ماهوب بعالمهم حتى وكان سارح بالأفكار لدرجة ومن غيّر مانبالغ وصل لـ مرحله أنه حتى ما سمع صوتها~

مزون:.أنا شفتك أقصد يعني سئلتهم كيف شكلك وإنتِ وش تشتغل وعرفتك فـ ماهتميت للموضوع الى تكلمت عنه ..

وجهة نظرة لها بـ نظرته الغيّر أعتياديه من ثقتها القوية بنفسها الى ماكانت شي عادي كانها تتكلم مع شخص مهم وكلامها الى كان مرتب أسلوبها الى يجذب لإبعد الحدود ولبسها مكياجها البسيط جدًا:.كيف شفتيني؟،

رفعت حاجبها بثقة:.مادري يعني شفتك وبس يعني مو مهم احكي التفاصيل اهم شي سويت الى ابيه وأنت بعد اكيد تحس انك مرتاح

فيصل:.أنا ماعرف عنك شي فـ إنتِ سهل تعرفين بس أنا حتى مالحقت أسئلهم

مزون:.أنت ماتبي تتزوج يعني ليكون

أنجبرت

تقدم من جهتها:.أنا!

مزون:.يعني في احد معنا هُنا أكيد اكلمك

قاطع كلامها بـ تردد:.أسّمعي .. صراحه جـ ..

شهقت من دخل وهو يحط الى بأيده:.حلا هو خلاص شفتها مثل ماتبي اطلع !

فيصل:.إنتِ شلون تدخل علينا كذا ؟

محترمك عشان أبوك الشايب بس لكن ..

قاطعه بغضب:.لو أحترمت أبوي ما احرجته قدام الشيخ انت واحد ماتستحي

مزون:.سالم خـلاص!!!

سالم:.والله عاد له واجد يقرق مادري وش يقول وسكت لك كثير لكن اذا تحسب بمشي حركتك يوم تحرجنا،

ألتفت على مزون بنظرة سريعه:.مزون أنا ماقدر اكلمك براحتنا قدام اخوك ..

'

براحتنا قدام اخوك الى مايفهم شي بعدين اقدر اتكلم معك

سالم:.ماراح تجي بيتنا الا يوم العرس

رفعت حاجبها بصدمة من أنسَحب كانت تفكر وش كان يبي يقولها:.سالم أنت ليه تقاطعنا

سالم:.أقول أشفق عليك على هالزوج الى ماعنده أحترام لسلومنا .. مسوي نفسه بيكسر خشمنا ويحرجنا بس مايدري انه غلط

مزون:.أنا بفهم شغله أنت متى تكبر وتترك المشاكل تراك كذا تخرب سُمعة أبوي وبعدين لانه جاي من ديرة وأنت ديرة تعامله كذا ؟

سالم:.لانه قليل أحترام وماحشمنا ولا ماتدرين شلون أحرج أبوك يا حبيبة أبوك هو بكل بساطة قدام الشيخ طلب يشوفك

مزون:.أبوي وافق ؟

سالم:طبعا ولا يخسي

مزون:.أجّل أنت وش دخلك !!

لأ تتدخل فيني خلك بأختك الى تحبها

سالم:.مزون إنتِ بعد أختي شقاعده اقولين؟

مارضى عليك مثلك مثل الجوهرة ماسويت شي

مزون:.بّعد عني مانيب مثل الجوهرة أصلا أنت ماتحبني الحين مسوي نفسك على ؟

أصلا أنا عارفه كل الى تسوونه عشان أبوي ولا كلكم تكرهوني ومفرحكم أني بطلع

سالم:.مزون أنا أسوي كذا عشان ماخسر أمي

عُمري ماكرهتك أنا ترى أحبُك ..!

'

بعد مرور وقت ~

حاولت تسترخي وتتناسي الأحادث الأخيرة من حدث"الدخان والسيارة وكذبها عليه" وقفت بتثاقل وهي تطلع مابين توقيت ما قبل الفجر وكانت الشمس قريبه الطلوع ..

ولاحظت خروج الجّد عواد من البيت وهي تحس بدفء عميق وهدوء،

فتح الموية وهو يتوضى للصلاة وباله مُثقل بالأفكار ولكن قرَر ينسى ويسلم أمره لله،

تنهد وهو يقفل الموية ويستغفر بترديد:.ماراح أفكر بالي صار بس لازم اقنعها تجلس وماتروح العرس عشان ماتنجبر تسوي أشياء ماتحبها وتوجب أشخاص يمكن يحرجونها،

إنتهت أفكاره على صوت عمته:.فارس وين جدك صحيه على الصلاة؟،

هز راسه بنفي:.جدي سبقني أنا رايح المُسجد

أوضاح:.أنا رحت أصحى البنات وشفت أسّيا لحالها وشو حور قرَرت ترجع ؟

عقد حاجبه بغرابه:.بس حور رجعت معاي !

أوضاح:.يمكن تحصلها بالحوش الثاني او بالسطح هالبنت غريبه احس مخاويه جن

فارس:.عمَتي وش هالحكي .. الله يهديك بس

أوضاح:.لحظه موب قلت رايح الصلاة؟

فارس:.باقي على الصلاة شي بروح ادورها لان ..

رفعت حاجبها:.لان وش علمني اذا هاذي فيها جني ولا مسحورة عشان ننحاش

فارس:.لان ولاشي لان بروح ادورها !!!

'

الديرة ~

شاف باب السطح مفتوح ولمحها جالسه ما لاحظت إنه موجود وهي ترسم بالتراب وهي تنفض لبسها بقرف:.أنا ليه أسوي كذا ؟

فارس:.أكيد حتى أنا أبي أعرف وش تسوين هُنا بعد يعني أعتقد أحتاج إجابة ..

ضحكت بأستخفاف:.فارس أنت وش تبي حتى هُنا لاحقني كنت ابي أكون لحالي

عقد حاجبه بتركيز بـ تيشرتها الى كان عليه تراب:.وتلعبين بالتراب إنتِ طفله ؟

رفعت حاجبها بأستهزاء:.أظن مالك دخل أعبر عن مشاعري وشلون

فارس:.حور تكلمي معي زين

حور:خلاص ياليت ما تناقشني بعدين أنا حسيت أني أحتاج فيتامين د .. يادكتور المُفروض تكون مثقف وما تطلق أسئله سخيفه

فارس:.لعلمك تراني ساكت لك لأني مابي أهاوش أحد واليوم حالف أكمل يومي بدون ماحط راسي براسك .. فـ أعتبري أنه إنتهى ..

أنزلي أفطري معاهم وراي صلاة ألعني أبليس

'

↚

إديبة ~

جلسَت بهدوء وهي تضحك:.الحين أم بدر بتجي وتعيش معاكم ماصدق الله يعينك عليها وعلى فصولها الناقصه

سحاب:.مادري يمكن علاقتي فيها تتحسن

إديبة:.أنا لي زمان وهي زوجة أخوي ومات وعلاقتي فيها ماتحسنت هالأنسانه تموت اذا ماسوت مشاكل انتبهي على نفسك منها

سحاب:.ليش في أكثر من مشاكلنا أصلا أنا مو مطوله مع بدر

إديبة:.سحاب وش هالحكي بدير ولد أخوي وماتحصلين مثله

سحاب:.ماودي أتكلم أكثر عن هالموضوع بس هالشي أحساس

إديبة:.صدقيني مهما بدر سوا مابتلقين مثل قلبه هو طيّب بس مشكلته متهور وصعب

سحاب:.أقولك كذا لاني توظفت وحاليًا أنفصلت عن وظيفتي وبسرعه حصلت الأفضل

إديبة:.لاتستغربين لان بدر ماخذ طبايع أخوي هو كان صعب ويبي ياخذ وحدة راعيه بيت عشان كذا تشوفين أم بدر مو سهله لان اصلا هي جايه من عايله متشدده

سحاب:.بالله تو اعرف هالشي !

إديبة:.وين راح تشتغلين ؟

سحاب:.راح أشتغل مع شخص عرض هالشي على لاني اعرف أنظم يعني بكون منظمه لصالحهم

إديبة:.وليه ماتصارحين بدر اذا درى لحاله بيعصب ؟

'

" إديبة "

أستكملت كلامها بغرابه:.وصلتو لها المرحله ..

ماتوقعت بدر بيرفض بالشكل ذا إنتِ لا تحكمين عليه لان بدر لو ما ندم ما يعتذر

سحاب:.لو قلت له أني تهاوشت أنا وهند بيشمت أنا مابي هالشي يصير بسكت وبقوله أني أستقلت لاني حصلت فرصة أفضل

إديبة:.مادري هالهند هاذي ماهيب سهله لاتعطينها فرصة أشوف أنه الى يستاهل فرصة بدر وماحد غيره بعد لا تظلمينه يستحق

سحاب:ماقدر أنا وبدر مابينا توافق وجد بعض الأحيان أفكر أنفصل عنه

إديبة:.لا يـ سحاب لا تسوينها ابد !

سحاب:.لو آنتي مكاني وش تسوين؟

إديبة:.زوجي الأول كان كذا صح أنفصلت بس الظروف تختلف هو كان أناني وما أعتذر وكنت أنا الطرف الى يحاول يصلح بس النتيجة كانت وخيمه .. حسيت إنه موب أنسان وهالشعور كان خط النهاية، "ما أعتذر"

سحاب:.بس مو كُل الأعتذارات تقدر تصلح هالخراب الى بداخلنا كلمة أسف عندي صار مالها قيمة صدق عني كلام ما صار وأذاني نفسيًا وجسديًا حتى أول مرة كنت بستريح فيها من أتعاب الحياة وأسافر منعني أروح ..

كيف أكمل حياتي مع شخص مؤذي مثل بـدر

حتى لو ندم وش بيفيد الندم بعد ما أنا تحطمت، يبي يحبني بس اذا صرت على كيفه

أنسان نرجسي ماعنده هدف بحياته !

إديبة:.وهالانسان، بيمشيك علي كيفه؟.

ضحكت بغرابه:.هه لا طبعًا !

إديبة:.الأعمال الحرة ماراح تفيدك وماهي مضمونه رغم ذكائك أقولك شتسوين؟،

رفعت حاجبها ببلاهة:.في شي أقدر أسويه أكثر من كذا اشتغل وبدر جن

إديبة:.أي خليه ينجن شنسوي له يعني؟

إنتِ لازم يكون طموحك أكبر من الشغل بكوفي ومكان ورد و صاحباتك لين متى بيشركونك بالشغل وحتى لو همّ يثقون فيك أنا ضد الشي الى مو مضمون صح دوام الحال من المُحال بس آنتي المفروض تفكرين بالأفضل؟

سحاب:.والله مافهمت اذا تقصدين أكمل دراستي وأسجل بالجامعه هالشي أبعد من الحدود عندي الحين

إديبة:.وهم أحسن منك؟

كل الى يشتغلون معك يتسلون وعندهم أهلهم فاتحين لهم محلات ودعموهم ولو بقولك خذي فلوس من بدر وسوي لك شغل خاص مابترضين إنتِ كرامتك فوق كل شي عشان كذا الحل الجامعه ثم تتخرجين ويكون لك وظيفه ثابته إلا وش حلمك تتخصصين؟،

رمَشت بإنكسـار وما هقت في أحد بيسئلها هالسؤال الى يفتح جروحها،

تنهدت بتصريفه لـ سؤالها ونطقت:.برجع اتصل شوي هالشغاله مادري وش تغبر كسرت الصحون

ضحكت بخفهه:.وقفلت فورًا وهي تفكر بالحوار الى دار بينهم

'

بيت الجد عواد بالديرة~

تحركت بأنزعاج من ضربت الشمس على وجهها وهي تقول بعصبيه وصراخ:.حور قفلي الباب!!.

تركته مفتوح شوي وهي تقترب وتجلس:.لا مابقفله ويلا قومي راح نفطر إسمعي أرتحتي بنومتك على الأرض؟،

كررّت جملتها بـ غضب:.واضح لك أني مارتحت ولا في أحد يظل نايم لين هالوقت؟!،

حور:.أسيّا والله مره مارتحت لمن صحيت حسيت أني نايمه على صخر، أمك وخالتي عزيزة يجهزون الفطور خلينا نساعدهم؟،

تحركت وتسندت بضحكة:.هها تبين تساعدينهم لا ماظنتي بيخلونا نساعدهم الله اكبر كله بيض يابنت عيني خير خليني انام وارتاح ترى موقاعدين نسوي وليمه!

ضمت شفايفها بعضهم وقفت متوجهة للدريشه الى بدون باب وهي تسمع صوت الباب أنقفل وتحديدًا سمعت صوته وهو يقول"تبون شي بروح البقاله؟"وكانت تناظره من بعيد وهي تلعب بشعرها بسرحان وتضحك

أوضاح:.أكيد ماتشوف البيت يصفر الصراحه سؤالك عجيب!،

لمحها من بعيد ونظرته كلها عليها:.أنا بروح بس الظاهر نسيت شي

دخلت المطبخ وهي تاركته متوجهة لها بسرعه بس نزل على الجدار وهو متخبي تحت الدريشه

حور:.صدق مطيور كأنه جني يجي ويختفي!

لفت وهي تصرخ بقوة بس سحبها وهو يحط يده على شفايفها ويمنع صوتها:.أسكتي جعلك الى منب قايل!!،

على هالصرخه تمنيت أني ماخذك بلا لسان،

نطقت بعصبيه:.ليه في أدمي بلا لسان؟

صراحه كل يوم قاعد تصدمني بالغباء الى فيك

فارس:.تبين شي قلت اجي اشوف اذا حرمتي تبيني اجيب لها شي؟

حور:.انا البداوه هاذي ماحبها حرمتي وش ترى اسمي حور ولو تبي اقولك وش معنى اسمي!

وأخليك تنصدم من جماله أحلى من كلامك القبيح الى مادري من وين تجيبه،

فارس:.آنتي مادري وش الى يرضيك لا اذا مدحتك تستانسين لا اذا سبيتك بعد وش يونسك يا أدميه

حور:.فرقاك عندي مثل العيد وبعدين ترى أنا ماراقبك وماطقيت لك خبر كنت اتشمس،

فارس:.الله أكبر .. بالسطح تتشمسين وهنا بعد الظاهر بنحطك بدال البيض ونأكلك وش عاجبك بالشمس

حور:.مالك دخل أخو مزاجي أنت!

فارس:.الحق على أنا جاي اسئلك ومهتم

حور:.روح أسئل عمتك حبيبتك التس تس وش تبي ولا جاي تسئلني لان هزئتك وماهيب راضيه عليك

فارس:.عمتي عمتي أي بس حبيبتي وحدة وماعندي ثنتين هالأسم بس لشخص واحد

حركت رموشها:فارس أنت حرفيا بيجي يوم أقتلك ونطلع بالأخبار

ضحك وهو يغمز لها:.ونطلع بالأخبار من الحُب ما قتل ولا ؟

حور:.آنتِ لو تحبني كان ..

'

ماجرحتني بكلامك عشان بس ماقلت لك كم شغله عني

فارس:.آنتي مستحيل تفهمين أن الى يحب يسوي أكثر من كذا وهذاني ساكت على كل كذبك

حور:.أنت شلون تحكم أني كذبت عليك!

وإذا كذبت عليك فـ هذا لاني ماكنت اعرفك زين وبعدين ترى مو لازم تعرف كل شاردة واردة عني

فارس:.أجّل ليه تزوجنا دام بنخبي على بعض؟

إنتِ النقاش معك ضايع أجيك بالطيّب ولا ينفع

حور:.ولا راح ينفع طالما أنك تحسبني على مزاجك برضى واسكت أنت لسى ما تبي تترك أغلاطك السابقه وعصبيتك وبتظل نفس ما أنت وأنا بظل اسكت لأن أحبك؟ على مُعاملتك معاي اذا هذا الحُب الى بتعطيني إياه مابيه ..

واذا بتعتذر مني وتسمعني زي الناس خل أعتذارك واضح مو بطريقة غير مباشرة

فارس:.أووووآه ، تغيرتي؟ ماتوقعت كل هذا بقلبك على بس لاتتوقعين أني اقصد أجبرك هاذي ردة فعل على أفعالك وكذبك

حور:مين قالك ما تتوقع المرة الجايه توقع أكثر عشان ماتنصدم، وأنا ماراح اتكلم معك اذا بتجرحني بكلامك،

نزل ثوبه الى كان رافعه بيده عشان يمشي براحته:.اقول أنا رايح تهاوشي مع الجدران!

'

" بيت الشيخ مساعد أبو سالم "

كانت الأبتسامة شاقه وجهها وهي تشوف الخياطه تناظرها:.الفستان هذا قديم بس انتي ليش مصرة تلبسينه في عرسك؟،

أنا بأيدي أفصلك الى أحلى منه يا عمه

مزون:.هذا فستان أمي يا خالتي هدى ومالي غناة عنه أمي يوم كانت حيه وصتني البسه صح كنت صغيره ومافهم شي بس مانسيت وصيتها،

بس بنزله السوق أحتاج مساعدتك إنتِ وخالتي شريفه ماتقصرون

هزت راسها بالأيجاب:.أنا الحين بدور على كل بيت وباخذ معاي شريفه وأم غانم يساعدونك!

قفلت الباب بشرانيه وتصنع للضحكة:.أوه وليش تدورين على الحريم بيت بيت أنا موجودة وبنقي كل شغله مزون تحتاجها ولا؟،

أبتسمت بسخرية:.اذا تبين تعالي معنا وإذا ماتبين خليك هُنا مايحتاج

تنهدت بقهر وهي تاخذ نفس عميق وتحس مزون تبي تكسحها وتكسرها قدام الكل وهي عارفه أنها هدى نقالة كلام وبتتكلم عنها بالديرة والكل بيعرف أنها تسوي نفسها تحب مزون،

طبعًا ابي اجي أصلا والله مافي فرق عنك وعن الجوهرة فرحتي لكم وحدة ومارضى الا تطلعين مجهزة كاملة في ليلة عرسك!