- قَوس -

صحى من نومه وهو يحس بِ ثقل على ذراعه اليمين !

ناظر بالي منسدحة جنبه بِ هدوء وغاطة بِ نومة عميقة !

قرب من اذنها وهو يهمس بِ اسمها بِ محاولة انه يصحيها لكن كان متعمقة بالنوم ولا صحت معاه !

ابتعد عنها وطلع من الغرفة وهو يتفتل فالبيت !

تنهد بِ ملل ثم طلع للحوش وهو يجلس بِ هدوء يتأمل جمال الطبيعة الي امام عيونه وجمال الجو .

بعد مدة من الجلوس والهدوء قاطع عليه رنة الجوال !

نقز من مكانه ثم تنهد بِ هدوء ودور على مصدر الصوت !

شاف الجوال الي موجود على الطاولة وتذكر زيدان !

عقد حواجبه وقرب من الجوال لكن توقف الجوال عن الاتصال !

كان بيرد على المتصل لكن ما لحق فَ فتح الجوال وبسبب تقدم زيدان فالعمر فَ ما كان حاطط له كلمة سر !

دخل على جهة الاتصالات بِ نية انه يتصل لِ نفس الرقم لكن قاطعه الرسالة الي وصلت على جوال زيدان وكان محتواها ' صار لي مدة انتظرك ، للحين ما نام زوج بنتك ؟ '

عقد حواجبه قَوس وتأكد ان المقصود بِ زوج بنتك هوَ قَوس !

فَ دخل على الرسالة بسرعة وطلع لِ اعلم المحادثة وهو يقراء المحتوى !

تجمد الدم بِ عروقه بِ سبب الكلام الي قرائه واتجه لِ الغرفة الي كانت فيها روح بسرعة وبخوف عليها !

اما روح فَ كانت توها صاحية !

هي طالعة من الغرفة وقَوس داخل ، التقوا بِ بعضهم ونطقت وتر بِ تسال : متى صحيت وليه ما صحيتني مع …

قاطعها قَوس وهو يقول : البسي عليك هيا ، لازم نبعد عن المكان ذا بِ اسرع وقت !

عقدت حواجبها روح وقالت بِ تسأل : وش صاير !

قَوس : انتِ سوي الي قلت لك عليه وبعدين بقول لك هيا !

ثم حط يده ورا ظهرها وهو يدفها بِ هدوء لِ داخل الغرفة !

بدلت ملابسها وطلعت بسرعة وهي تقول : انا جاهزة !

قام قَوس عن الكنب وهو يتقدم منها ويمسك يدها ويطلع من البيت بسرعة وبدون ما يردعلى اسألتها !

طلعها فالسيارة وطلع مكانه وحرك من المكان بِ اقسى ما عنده !

اما روح فَ كانت مستمرة بِ أسئلتها له وتكررهم بدون ملل !

تجاهلها لِ مدة الين ما ابتعد عن المكان بُعد يسمح له يوقف سيارته ويلف عليها ويسمع لِ جميع أسئلتها ويجاوبها عليهم !

صفط السيارة على طرف الطريق ولف عليها وقال : الحين اسئلي !

لفت عليه وهي تبادله النظر وقالت : فين رايحين ؟

قَوس : لِ بيت اهلي !

روح : وابوي وش صار عليه ؟

احتدت ملامحه بعدما ذُكر اسمه قدامه وقال : وانا شدراني !

روح : اجل فين ماخذني قبل لا يرجع ؟ تخيل يبي مننا شي زي مساعدة او اي شي ، انتَ سمعته يوم قال ان زوجته رجعت لِ بيت اهلها يعني مافي احد عنده يعينه !

هز راسه قَوس وقال : ايه منروح له ليه لا ، خلينا نروح مرة ثانية عشان يحط لي فكوب الشاهي منوم عشان فرصة قتلك تصير اكبر !

عقدت حواجبها بِ عدم فهم وهي تحاول تستوعب ولو كلمة وحدة من الي قالها !

نطقت بِ عدم فهم : ولله ولا حرف منك ما فهمت !

تنهد بِ هدوء وقال : ابوك يَ انسة حط لي منوم بِ كوب الشاهي لا والشيخ معذب نفسك ومكلم مدري مين عشان يجي ويقتلك هوَ قال لك بنتي وما اقدر اقتلها بِ يدي !

صغرت عيونها واثار الصدمة مرسومة على وجهها !

بلعت ريقها بِ صعوبة وقالت : ابوي مستحيل يسوي كذا !

هز راسه بالايجاب وقال : ايه مستحيل وانا يَ أمي كذاب !

ثم طلع جوال زيدان من جيبه وفتح على المحادثة ورماه فّ حضنها وقال : شوفي فّ عينك ولو كذبت عليك بِ حرف ابصقي فّ وجهي ولا لسانك يطبق على لساني !

اخذت الجوال من حضنها وهي تقراء الرسائل والصدمات كُل مالها تكسرها اكثر واكثر !

رمت الجوال من يدها وحطت يدها على اذنها وهي تضغط بِ شدة وتقول بِ صوت عالي : لا ، لا لا هو رحب فينا مستحيل ! انا شفت عيونه تضحك من شافتنا يَ قَوس صدقني !

وبدات دموعها تنزل بدون توقف !

حست ان في شي بِ قلبها بعدما تصلح رجع انكسر !

كانت تحس بِ الم فّ جسدها من وقت ما صحت وقدت تتجاهل المها ولا تحس فيه لكن الالم الي حست فيه الحين بسبب الي سمعته ما قدرت تتجاهله ابداً !

رجعت راسها للخلف وارتخت ملامحها وجسدها وتوقفت دموعها عن النزول وقالت بِ قلة حيلة : قَوس …

لف عليها وهو ينتظرها تكمل لكن الي حصله من انتظاره هوَ شوفت عيونها وهم يغمضون بِ بطء !

دب الخوف فيه وتوتر من الي شافه !

قرب منها بسرعة وقال : روح ، روح ابوي اصحي !

ما ردت عليه او بالاحرى ما كانت سامعته عشان تقدر ارد عليه !

قرب منها اكثر وهو يضرب خدها بِ هدوء ويحاول يصحيها لكن باتت محاولاته بالفشل !

بلع ريقه بٍ صعوبة وحرك السيارة بِ اتجاه المستشفى بسرعة وبدون تردد وكُل شوي يمرر انظاره بين الطريق والنظر لها !

ما غابت مناداته لها عن فمه طول الطريق لعل وعسى تصحى او ترد عليه وما كان يحصل منها ولا جواب !

- سَهم -

وصل البيت ونزل من السيارة ونزل حور معاه !

اتجهوا لِ باب البيت وفتح الباب بالمفتاح الي معاه !

دخلوا البيت وعلى دخلتهم طلعت شمس من المطبخ !

التقوا ببعض وتقدمت شمس وهي تسلم عليهم وقالت : يَ هلا ومرحبا ، نو ما نوّر البيت … تعالوا الصالة مسويين قهوة وحلا !

ابتسمت حور ومشت مع شمس ومشى سَهم وراهم !

دخلوا الصالة وسلموا على شوق وجلسوا جميعهم يسولفون مع بعض وقامت شوق تصب لهم القهوة والحلا !

دارت السوالف بينهم وبدات حور تسولف معاهم وتنسى خجلها منهم وتاخذ على جوهم !

كانت تسولف لهم عن جمال بيت الجبل الي كانو فيه وكان سَهم يتأملها بِ صمت وهو ناسي الي حَوله !

صحاه من تأمله صوت شوق الي قالت : سَهم ، رمّاوي يبيك !

لف سهم شوق وقال : ايه ، تمام !

ثم طلع من الصالة وعلى طلعته دخلت سوسن الصالة فَ ترك لهم الحرية بِ انهم يسولفون مع بعض بعدما دخلت سوسن !

اتجه للمكتب وطرق الباب ، سمع صوت رمّاوي وهو يسمح له بالدخول !

فتح الباب وقال : عسى ما شر ؟

رفع رمّاوي انظاره له وقال : اخوك ارسل لي رسالة قبل شوي ، يقول فيها ' ابو زوجتي كان بيقتلها ، اسمه زيدان … جاه اتصال الضهر ومن وقتها اختفى ولو لا الاتصال ذا كانت زوجتي الحين تحت التراب '

توسعت عيون سَهم من الي سمعه وقال : ول ول ول … ذا مافي فّ قلبه رحمة ؟

ثم تذكر انّ زوجة قَوس تكون اخت حور وقال بسرعة : لا يسوي لِ زوجتي شي !

رمّاوي : عشان كذا طلبتك ، ابكي تدوره وتجيبه من تحت تاسع ارض واترك الباقي عليّ !

سَهم بِ تسأل : ووش بتسوي انتَ ؟

قام رمّاوي عن الكرسي وتقدم من سَهم وقال : زوجتك وزوجة قَوس راح يزعلون مرة لو دروا انّ لكن يد فالي بيصير بِ ابوهم عشان كذا انتَ اعرف اي مكانه واترك الباقي عليّ !

ثم طلع من المكتب بِ اتجاه جناحه !

دخل الجناح وقفل الباب وراه ونادة على اسمها !

ردت عليه من داخل الغزفة وهي تقول : انا هنا فّ غرفة النوم !

تقدم من غرفة النوم وقال : وش تسوين ؟

رفعت انظارها عن الجوال وقال : ولا شي !

هز راسها بالايجاب وفصخ بلوزته ورماها على السرير وقال : بدخل اتروش ، طلعي لي لبس على بال ما اخلص لو سمحتي ، ثم دخل الحمام !

كانت بترفض لكن تذكرت كلام شمّه وطلبه تردد بِ اذنها ، طلبها بِ احترام ليه ما ترد عليه !

قامت وتر عن السرير بِ اتجاه دولاب رمّاوي وطلعت له ملابسه ، كانو الملابس بِ يدها وحست بِ نفس الرائحة الي شمتها فالسيارة وعجزت اعرف مصدرها !

قربت من الملابس وهي تستنشق رائحتهم وتاكدت انها نفس الريحة الي حست فيها من كانت فالسيارة وان يوم قال لها ' ريحتي ' كانت منجد ريحته !

رمشت لِ عدة مرات واتجهت للسرير ورمتهم على السرير ثم اتجهت لِ باب الغرفة لكن الرائحة للحين ماخذة تفكيرها !

رجعت للسرير وهي تاخذ احدى قطع الملابس وتستنشق رائحتهم بِ هدوء ثم اخذت التيشرت الي توه فصخه وهي تقارن بين الرائحة !

جازت لها ريحة التيشرت الي توه فصخه وما تردنا ولا ثانية بِ انها تلبسه !

فصخت بيجامتها بسرعة ولبست تيشرته وطلعت من الغرفة ويدها محاوطة عنق التيشرت ورافعتها لِ مستوى انفها !

جلست على الكنب فالصالة وسحبت ريموت التلفزيون وهي تقلب فالبرامج وعلقها بالكامل مركز مع رائحة التيشرت !

اما رمّاوي فَ تروش وطلع من الحمام وهو يتفقد الملابس الي طلعتهم له !

ابتسم من شافها سمعت لِ كلامه وردت عليه ولبس ملابسه ثم طلع من الغرفة بِ اتجاه الصالة !

نطق بِ ضحكة : اوتاري يّ قلبي ، تراني جيعان ما جعتي انتِ ؟

رفعت انظارها له وملامح الاستغراب من مناداته لها بِ ذا الدلع للمرة الثانية مع كلمة ' يّ قلبي ' !

نطقت بِ هدوء : الا جيعانة بس مالي خلق اسوي شي ، شي لي ولك انتَ !

تقدم منها وجلس جنبها وقال : اوو وو وو … وش ذا ؟ كُنتي قلتي لي كان عطيتك من الدولاب ايه لبستي ذا !

توترت من سؤاله وقالت بسرعة : ءاا لا ما عليك اصلاً ملابس كُلها يبي لها غسيل عشان كذا لبست بلوزتك !

ثم قامت عن الكنب وقالت : لو ما تسمح لي عادي ترا بروح ابدلها !

مسك يدها وسحبها لها وهو يجلسها على الكنب وقريب منه وقال : يَ شيخة ، كلها بلوزة وش الي لو ما تسمح لي … ترا البلوزة ومالكها حلالك !

حست بِ احساس غريب فّ قلبها لكن تجاهلته وبلعت ريقها بِ صعوبة وابتسمت بِ هدوء وقالت بِ محاولة لِ تغيير السالفة : ءاا وش قلت ، بتسوي لي ولك اكل ولا ؟

فهم مقصد حركتها وقال بِ ضحكة : ابشري بسوي لك اكل عمري ما ذقتي مثله !

ثم قام عن الكنب ومشى بِ اتجاه المطبخ !

تنهدت وتر بِ راحة من حست انه صدقها وما ماطل بِ سالفة التيشرت من عوايده ورجعت تقلب فالبرامج بِ هدوء وصمت الين ما سمعت صوته وهو يقول : حرم رمّاوي ، وش رايك تجي تسليني او تسولفي لي مثلاً ؟

لفت وجهها لِ ناحية الباب وقالت : تعبانة مالي خلق اتحرك !

رمّاوي : يّ بنتي المطبخ خطوتين وتوصلين له ما يحتاج لا درج تطلعين له ولا درج تدلين له كلهم خطوتين !

ردت عليه وهي تقول : ولله مالي خلق حتى لو خطوة !

هز راسه وقال : طيب !

ثم طلع من المطبخ واتجه للصالة بِ هدوء !

قرب منها وبِ حركة سريعة منه حملها بين يدينه ومشى فيها للمطبخ متجاهل كلامها ونبرتها الي بدات ترتفع !

تقدم من الطاولة وجلسها عليها وقال ويدينه تحاوط الطاولة وهي بين يدينه : شفتي كيف جبتك بدون ما اعذبك ؟ ذا الرجال الي يفكر بِ راحة زوجته واذكر كنتي تقولين لي اسمه دائماً !

تناست توترها ونرفزتها بِ سبب حمله لها وقالت : جنتل مان ؟

نطق بِ ضحكة وقال : ايوه جنتل مان !

كانت بتنطق لكن نزل صوتها عليهم مثل الصاعقة وهي تقول : رمّاوي ؟

لفوا وتر ورمّاوي لِ مصدر الصوت ونطقت سوسن وهي تناظرهم واسنانها راصين على بعض بعدما شافت قربهم من بعض بِ عيونها : صار لي مدة ادورك ، فينك مختفي ؟

كح رمّاوي وابتعد عن وتر وقال بِ تسأل : هنا انا ، عسى ما شر ؟

ناظرت وتر بِ رمّاوي بعدم شافته ابتعد عندنا بعدما سمع صوت سوسن فَ مدت يدها لِ يده وهي تشبك يدها بِ يد رمّاوي وتقول : وانتِ وش دخلك لِ جناحنا وبدون اذننا ؟ مو متربية على الاحترام والاخلاق يعني ؟

تجاهلت سوسن كلام وتر وقالت وهي توجه كلامها لِ رمّاوي : ابيك بِ موضوع مُهم ويخصنا نحنا الاثنين !

رفع رمّاوي حواجبه وقال : قولي الي تبينه هنا ، ثم لف على وتر واكمل : وتر زوجتي مو حد غريب وما اخبي عنها شي !

ناظرت وتر والابتسامة متوسعة على وجهها ثم لفت على سوسن وقالت : سمعتيه وش قال صح ؟ هيا قولي قدامي لان وجودكم مع بعض وبحالكم ذا ولا حتى فّ احلامك راح يصير !

ابتسم من داخله وهو تعمد يقول الكلام ذاك لِ سوسن انام وتر لانه داري بِ ان ردها راح يتعلق فيه !

احتدت ملامح سوسن ونطق بِ حدة : يعني تبوني اقول الي ابي اقوله قدامكم انتم الاثنين ؟ طيب بقوله ليه لا !

ثم اكملت بِ كذب : تذكر الرجال الي كنت اكلمه ايام زواجي منك وتهمتوني فالخيانة معاه ؟ ذاك الرجال ما اعرفه ولا يعرفني وكنت اكلمه عشان مُهمة !

احتدت ملامح رمّاوي لِ ذكر سوسن للسالفة الي ما يحبها ويكره طاريها وشد على يد وتر الي كانت مشبوكة بِ يده !

اكملت سوسن وهي تقول : ووتر قبل فترة قالت لك انها تبي الطلاق واكيد انتَ ما راح ترضى تكمل حياتك مع وحدة ما تبيك ذا لو رمّاوي الي اعرفه ما تغير …

توسعت عيون وتر وقال : وانتِ وش عليك لو ابي الطلاق ولا لا ؟ ووش دراك لو تراجعت مثلاً ولا حليناها انا وياه ؟

تجاهلت سوسن كلام وتر وقالت : ممكن نقدر نرجع ايامنا ونصلح اغلاطنا لو رجعنا حياتنا مثل ما كانت …

تركت وتر يد رمّاوي وتقدمت من سوسن الين ما صارت قدامها !

خصرت يدينها وقالت بِ دلع ونبرة انوثة : ولله يّ قلبي اغلاطك انتِ ممكن تقدرين تصلحينها بنفسك اما الايام فَ ما راح تقدرين ترجعينها تدرين ليش ؟ لان الامور الحين اختلفت ، الحين صار في نونو فالموضوع وطليقك صار متزوج وعنده عيلة …

ثم لفت على الي يحاول يربط الكلام فّ عقله ويتاكد من الي سمعه ، وقالت : رمّاوي حبيبي المهمة وخلصت مدري وش موقعها ذي فالبيت !

ثم رجعت لفت على سوسن وقالت : هيا يّ قلبي ، انتِ فّ جناح زوج وزوجة يبون يقضون وقت مع بعض ولا مو شايفة انّ لبسنا شوي خاص ؟ اطلعي من جناحنا وروحي للغرفة الي تنامين فيها رتبي شنطتك والله معك من البيت بكبره ، تطلعي بكرامتك ترا عيب الي تسويه ذا استحي على نفسك ولا تخلينا نتفشل عنك !

رصت سوسن على اسنانها وما كان لها الا انها تطلع من الجناح والبيت مثل ما قالت سوسن لان ولا حد يبي وجودها !

كانت متوقعة ان سالفة طلاق وتر بتنفتح من جديد وان رمّاوي بيصدق كذبتها وبيسامحها على خيانته له مع رجال ثاني لكن ما صابت خطتها !