'

مزون ~

والله يارغد ليت تطلبين مني شي ثاني ماقدر

أتصل عليه وأكلمه استحي منه وخايفه من الرد

رغد:.والله أنا مادري هالعناد من وين جايبته؟،

صدقيني عادي وأنا قلت لك عن طبع فيصل زين وإن هم عندهم هناك غير ديرتنا الخطيب يكلم خطيبته ويمكن بعد يطلع يتقضى معها لزواجهم حياتهم غير عن حياتنا هُنا عندنا مُحافظين وأي شغله تصير تكلمو وسبو وقالو الكلام الى ماينقال

مزون:.يعني بعد مادري إنتِ شلون صايره

رغد:.بس آنتي لازم تتصلين وتباركين له وتعتذرين على الى صار انتي ماكلمتيه من بعد الهوشه..!

تنهدت بتفكير:.أحس اني شوي شايله هم بس

رغد:.لا بس ولاشي سهله السلام عليكم عليكم السلام وشلونك وسكري ولا طقي سوالف معه اصلا بعد الى صار اكيد مابيروح ويقول انك دقيتي عليه

لان هو حفظ ديرتنا وإن عايلتك عائله محافظه

حست بالراحه والشـجاعه وقررت ..

'

↚

" وصلو بالنفود "

المكان المليان كثبان رمليه وكانو يدورون وينزلون أغراضهم والسيارة موقفينها، كان يفرش الفرشه الكبيرة وعيال الجيران"حمد"عمار" كانو يساعدون فيصل وفارس واقف يشب دخان ويدخن ويناظرهم

فيصل:.بدال ما أنت واقف مثل الأبله ساعدنا مهو فكرة الكشته فكرتك!.

فارس:.جاي خل عنك اصلا انا بجهز وبنسوي قرعة الى تطلع عليه هو الى يسوي الكبسه معنا واحد يتفرج

فيصل:.أنا ماعرف اطبخ طلعني من قرعتكم السخيفه بس إذا تبون شّاي جمر أو... قاطعهم وقال:.هيه أنت الشاي على اصلا من متى أنت تضبط شّاي الجمر يطلع معك صايد

كان مذهول بتضاحيك عيال الجيران وفارس أنصدم منهم وجامل وهو يضحك معهم

وقف بسرعه وهو يسحبه لجهة ثانيه:.من وين عرفت هالسامجين؟

فارس:.حرام عليك والله يهبلون

فيصل:.والله آنت الى انهبلت بس عبدالرحمن تلاقيه مكيف الحين

ناظر فيه بأستغراب:.ليش؟

فيصل:.لان لقى ناس سامجه مثله تضحك على ذباته السخيفه

عقد حاجبه وهو يطلع جواله ويبتعد ويشوف فارس يسحب المرتبه الكبيرة ويصرخ:.تعالو ساعدوني ثقيله ياعيال

فيصل:.من معاي؟،

بلعت ريقها وزادت ربكتها وأغلقت وحط جواله بجيبه بعدم أهتمام إلا وثواني يعلن إتصـال من نفس الرقم

فيصل:.هلا أشغلتني في حياتي من أنت!!.

كل شوي تدق ياخي إذا غلطان قول وجع

مزون:.لا موب غلطانه، معاي فيصل صح

عقد حاجبه بغرابه:.من معي؟

-

هز راسه وكرر كلمته بهدوء:.قلت من آنتي؟،

تنهدت بخوف وهي تنطق:.أنا مزون، فيصل…

فز من مكانه بذهول وهو يتجه لجهة سيارته ويقفل باب السيارة ويراقبهم اذا احد انتبه له:.ياهلا من وين جبتي رقمي أنا بغيت اقفل

تراني ماكلم بنات استغربت انه في بنت متصله

مزون:.مو انا جبته لان

فيصل:.لان وش؟

فزت من الضربه الى جتها من بنت جيرانهم رغد وهي تهمس:.ياثوله منجدك بتقولين له

مزون:.اسكتي خليني اكلمه

ناظر بالقزاز وهو يشوف عبدالرحمن الى يإشر له عشان يفتح القزاز وضغط على الزر:.نعم خير أن شاءالله

عبدالرحمن:.يا كذاب يادجال يالي كل كلمة شينة تنقال فيك وماتوفيك أماك تقول انك بتساعدنا وتسوي الكبسه معنا العيال انزل رتب مع فارس

أنتبه على زر المايك وهو يحط ميوت:.اقول انا ماقلت اني بسوي شي شلت المراتب!

ثبت نظرة بغضب على عبدالرحمن الى يكرر كلامة بسخرية:.شلت المراتب شلللت المراتب على الاساس انك شايل ومسوي شي ترى المراتب ماهي شي انزل ساعدنا

تجاهله وهو يقفل القزاز ويشوفه يتوعد ويتكلم بس موب فاهم وش قاعد يقول

فيصل:.هلا أسف بس العيال مايقدرون يسوون شغله بدوني مُعتمدين على من بعد الله جعلني م ابكيهم

وقف بعيد وهو يناظر سيارته:.هو من قاعد يكلم؟

عبدالرحمن:.مادريت بس طنش الى بيروح يحط له من غدانا يا ويله من يومه كسول ليش جاي معنا

فارس:.هو مو قال بيساعدنا هذا مُساعدته؟.

انا رايح له اشوف شوضعه اجل يبينا نطبخ لحالنا

عبدالرحمن:.اي حيلكم بينكم…

'

مزون:يعني وشلون أنت مشغول معهم؟.

فيصل:.لا بس جدي دايم يخليني معهم لانهم تراهم مايعرفون شي بدوني وش ماصارت لهم مصيبه فيصل وينك وياطلابه هالفيصل وبعد انا اساعدهم دايم

مزون:.ماشاءالله وش تسوي يعني بالعاده اذا رحتو تكشتون

فيصل:.الا وش ما اسوي انا الى اسوي كل شي

فارس:.يعني ماتبي تفتح هالقزاز اي خلك خلك نشوف والله بناكل ونروح ونخليك لحالك هُنا،

مزون:.وشفيك تضحك؟

فيصل:.لا تذكرت شغله تضحك إلا انا بعد ودي اتعرف عليك واعرف وش تحبين وش ماتحبين عادي اكلمك شات؟.

مزون:.اي عادي بس لاتتصل تكفه انا اتصل فيك تعرف يعني مابي احد يطيح علي اكلمك وتصير لنا سالفه

فيصل:.ولو اني بعد ما سمعت صوتك

ما اضمن لك نفسي بس بحاول عشانك

ماتمالكت نفسها وضحكت:.اي طيب

فيصل:يقولك عشان عين تكرم مدينه.

-

بعد مُرور وقت طويل~

كانت عينه على السيارة وهو يدقه بأيده:.نادو ولد عمكم ياكل حرام يجلس لحاله وشفيكم

فارس:.لا ماراح نناديه بعدين لو هو يبي ياكل كان نزل الظاهر عاجبته جلسة السيارة،

حمد:.لايكون ولد عمك يكلم بنات

حط عينه عليه وهو يضحك:.حمد أحترم نفسك!

حمد:.لا بس انا اعرف واحد من أخوياي كذا يكلم له وحده هبلت فيه كل مادقت تركنا وشدعوة وش انا قايل يافارس بعدين كأنه لا قل لا وبس!.

فارس:.هالحكي ماهو حكي رجال واصلا حنا ماعمرنا سوينا الحرام وقربناه وماظنيتها هاذي علومك؟،

عمار:.صلو على النبي وشدعوة عاد فارس ترى حمد مايقصد وبعدين احنا ماعمرنا كلمنا بنات بس هو يقولك عن خويه وشدخلنا حنا تقصدنا بكلامك!!.

فارس:.اذا خويه يكلم بنات ويلعب عليهم صارو كل عيال الاوادم يكلمون يحشم نفسه وأنت معه!

عمار:.هي هي احترم نفسك أنت من اليوم اسلوبه ذا ولد عمك ماعجبنا وقاعد يزبد لنا وسكتنا وانت تحسب انك ممشيها علينا!

فز وهو يترك الى بايده وانتفضت التربه من تحركت الفرشه:.هي ذي تقولها لعيال حارتكم ماتقولها لي

حمد:.واااقول بس عمار صادق وصايد حركاتكم ولد عمك راح لم السيارة لانه مايبي يجلس معنا وماهوب حابنا واحد منافق ويحكي فينا الظاهر ماحنا بعاجبينه

فارس:.أي موب عاجبينه ولا عاجبيني ويالله تلايط

عبدالرحمن:.يا عيال وشفيكم صلو على النبي

فارس:.عليه الصلاة والسلام بس هذولا ماجلس معهم انا

عمار:.اصلا حنا رايحين ورح علم ولد عمك أنه مايجلس معنا غير الرجاجيل

فارس:.أذا ودك نعلمك الرجولة بس اني محترم النعمه الى قدامي لعنه الله على هالوجيه!!.

قفل باب السيارة وهو يناظرهم:.وش سالفتكم؟،

حمد:.يالله عمار انا بسيارتي تعال …

فيصل:.وش العلم وش مزينين؟

فارس:.هذولا تحسسو يحسبونك ماتبي تجلس معهم

جلس وهو يشمر كمه:.أي بالطقاق اصلا سامجين

عبدالرحمن:.عويّض الله من شرك يافارس!!.

فارس:.تستهبل أنت تسمع اذنك وش قاعدين يحكون فينا هالاشكال مايستاهلون نجلس معهم على سفرة وحدة

عبدالرحمن:.والله انهم صادقين وبعدين انت رايح تجلس هناك لان ماتبي تجلس معهم !!

فيصل:.مالك دخل ليش رحت لسيارتي واذا هم يحسبون لاني مابي اجلس معهم خل يصدقون احساسهم بعد اركض وراء زوير وعوير وابرر لهم

فارس:.والله ليت هالنعمه ماهيب قدامي كان لعبت في حسبتهم

عبدالرحمن:رايح اسوي شّاي كلامكم ماعجبني

فيصل:كلمة الحق ماتعجب احد

-

أصبح الصبح وكل شخص راح على شغله أما هو كان متكي على سيارته ويلعب بسبحته وماهو منتبه لفارس الى يناظره:.لا أنت اليوم منتهى منتهى!.

فيصل:.هلا فارس وشفيك ليش وش السالفه؟،

فارس:.اندري من اليوم سرحان وش صاير معك

فيصل:.فارس تدري انك أعز واحد على الى صار ماقدر اخبيه عليك اكيد تعال هُنا

أقترب من جمب السيارة وهو يستند:.وجيت يالله غرد اسمعك

فيصل:.بصراحه الى صار امس ماكنت متوقع يصير

عقد حاجبه وهو يسمع بصمت:.يعني بعد كل المشاكل الى صارت لنا أنصدمت انها جابت رقمي وأتصلت فيني!!

فارس:.واكيد مو أنت الى طلبت منها تجيب رقمك

فيصل:.تستهبل أنت شلون بطلب منها الظاهر جابته من احد تعرفه المهم كلمتها وامس يوم أني اسحب عليكم كنت اكلمها

فارس:.لكن غلط الى سويته يعني قدر الرجال قولها وقت ثاني احاكيك

ضحك بدهشه:.والله تحلم وأنا اتمنى هالشي وجاني من زمان تبيني اقولها تقفل المهم صار

فارس:.ويعني اذا دقت عليك هالشي بيغير مشاعرك؟

فيصل:.ترى عادي تتزوج وحدة ماتحبها اهم شي زواج وتكون عاف نفسك عن الحرام

فارس:.يولد شهالحكي يعني انت خلاص بتتزوجها

↚

فيصل:.لايشيخ يعني تبيني اطلقها؟،

فارس:.بس حرام عليك هاذي فرصة تقولها تفل الخطبه وتتركون بعض لان مايصير تتزوجها اذا هي فلت الخطبه جدي ماله عندك كلام لان هي الى بتكون ماتبيك انت لازم تستغل الفرصة وتقولها كل شي صار معك من اوله لأخره،

فيصل:.لا مابي بعدين البنت عاجبتني يعني صح ماهوب حُب بس يعني عاجبتني وبصراحه انا قررت قرار ثاني ولازم انت اول من يعرفه

فارس:.أي وش القرار اصدمني اكثر بنجلط

فيصل:.قررت أقدم الزواج لان اخوها ذا ناشب لي بعدين انا صدق احس ودي الزواج اليوم قبل بكرة

فارس:.تدري انك رخمه وش ذنبها اذا درت أنك بس طمعان انك تعف نفسك عن الحرام وأنك ماتبيها،

فيصل:.اسكت ابيها وشفيك ابيهاا!

فارس:.تبيها بس ماتحبها تبيها عشانك معجب فيها وهالأعجاب بيخلص خاف الله خاف الله شفيك

فبصل:.بسئلك سؤال الحين ايام زمان كان الواحد يتزوج وحده ويحبها لا؟

-

انا بسوي نفس الشي بتزوج وحدة عجبتني وبتزوجها وبجيب منها عيال مستقبلاً وبتكون معززة مكرمة

فارس:.وش بعد وش بعد لاني بنهبل

فيصل:.ماعرفت لي عجبتني الخطه وحدة تكون حبيبتي وحدة أم عيالي

فارس:.وجدي بيسمح لها المصخره؟،

فيصل:.والله عاد مالي دخل فيه بس الحين انا بعيش الدور واذا ماتوالفنا يحلها الف حلال

فارس::وش بتقول أنت صدق بجيح وداخل بقوةً

فيصل:.أنا قلت لها كلام ماظن بحياتها سمعته قلت لها اني يوم شفتك ماصرت افكر الا فيك وأني اول مره قلبي يدق وأن مسبه نسيت اسمي هو صدق ذا احساسي مع شوي مُبالغات..

فارس:.جعل قلبك يدق في غرفه العمليات

فيصل:.اقول اقول اترك عنك دعاوي العجايز بعدين اقول هالكلام لزوجتي احسن من اني اكلم وحدة بالحرام واقعد اقولها هالحتسي

فارس:.تدري شي انت غاسل ايدي منك لانك ما تستحي ولا تخاف ربك

فيصل:.يالله انا رايح بغيت شي يا دكتور

فارس:.على وين لسى ماخلص التحقق

فيصل:.شفيك الحين موعدنا نتراسل تعرف انا رجال خاطب ومضغوط ويبي لي اجهز للعرس فـ بنسولف عشان تجهيزات العرس

فارس:.ياجعلهم يحطونك في قدر ضغط،

-

بيت الشيخ مُساعد ~

فزت على الباب وهي تحط الى بأيدها:.خير الجوهره

الجوهرة:.ماشاءالله هاذي الخياطه أم يحيى وش كنتي تبين منها

مزون:.خذينا موعد عشان تفصل لي كم ثوب نوم تفصيلتها حلوة ومره عليها كلام

الجوهرة:.شدعوة وليش تجيبن خياطه تفصلك ملابس نومك حقت الزواج على الاساس انتي بتروحين الربع الخالي تراك بتروحين الرياض كل شي فيها خلي فلوسك ويوم تروحين اشتري من هناك،

مزون:.لا مايحتاج بعدين انا احب كذا واذا رحت الرياض بزيد واشتري من هناك،

الجوهرة:.اشوف هالقماش حلو بس مايليق عليك إلا متى عرسك

مزون:.مادري لسى مابعد حددنا بس اكيد قريب

الجوهرة:.اي تزوجي بسرعه لان الناس تحسب أن ابوي مو عاجبه هالنسيب

مزون:.وش قاعده تقولين آنتي؟

الجوهرة:.هذا كلام الناس ماهوب كلامي يعني من بعد هوشة سالم مع فيصل

مزون:.لا ابد واصلا ابوي يحب فيصل وكل كلامهم هذا من الحسد والقهر مايهمني

الجوهرة:.بس من اول الخطبه وصارت هوشه اذا هذا أولها ينعاف تاليها صح سالم صرف نظر عن الموضوع لانه يحبك ولا بيزعلك

مزون:.وانتي وش تبين توصلين له؟

الجوهرة:.الناس كلها تكلمت عننا ولو وش ماصار بيظل هالحكي

مزون:.حتى في ملكتي تكلمو عليك وش يعني انه كلامهم صحيح؟

الجوهرة:.تكلمو علي انا!

-

جلست وهي تناظرها وبرودة دم وهي تناظر عيونها الى مليانه فضول:.قالو معقول أختها الى اصغر منها تتزوج قبلها وقالو عنك شيفه وانحاشو منك العرسان ومحد طل بوجهك،

أقتربت بغضب:.اقول كل هالحكي تأليف على مين تألفين انتي ماحد حكي فيني واصلا يخسون

مزون:.يعني الكلام الى يقولونه الناس يصير صح؟

الجوهرة:.الناس لها الظاهر وظاهرهم عن خطيبك انه وقح وماتربي ولايُمكن ينسون فضيحتكم!!.

شهقت وأتبعت كلامها بضحكة:.فضيحتنا ليش وش سوينا بعدين ترى إنتهت السالفه دوري شي ثاني تعيبين فيه فيصل ماراح تلقين وابوي راضي عنه وكل الى بالديرة تكلمو بأخلاقه وأدبه ولا انتي ماتسمعين الا الشين ولا ماسمعتي بأخر الأخبار؟،

الجوهرة:.ابوي عشان يتلاحق على سمعته اكيد سوا هالشي عشان يحسن صورة فيصل قدام اهل ديرته ولا خلاني ساكته بس

مزون:.اقول روحي اسئلي امك شقالو عنك يوم ملكتي هاذي امك اكيد ماراح تكذب عليك؟

اذا انا كذابه وباخذك على قد عقلك مع اني ماقد كذبت عليك بشي بس ويننن؟؟ ماشوف جوابك

الجوهرة:.أجاوب عن وشهو؟،

مزون:.كلام الناس الى يقولونه كله صحيح ولا الناس لها الظاهر ومتعودة تظلم وتاكل بغيرها!!

الجوهرة:.اقول بس التهي بشغلك ثاني شي الناس صح لها الظاهر بس كلهم شافو خطيبك المحترم وهو يكلمك بالسوق من غير حيا ومستحي.. ولا كذب ولا عيون الناس صارت تتوهم

مزون:.اي كلمني وإنتهى الموضوع وهو ماهو عايش هنا ولايعرف شي وبعدين كل شخص سبه الحين قاعد يمدحه وابوي راضي عنه ويحبه

الجوهرة:.لو ابوي يسمع شور سالم ويقضبه الباب هالاشكال ماهي كفو بس هذا الى تستحقينه لايق لك

سَحبت جوالها وعينها على الباب الى أنقفل وهي تقرأ رسالته"مشغوله ولا فاضيه؟."ارسلت ومارديتي عسى ماشر

رفعت حاجبها وهي توقف بجهة الباب بسرعه وتقفله وتتصل عليه،

-

كان يضبط سيارته وقفلها وهو بجهة الباب دخل وأغلقه وهو يشغل أغنيته"لفو يمين حطيتها"

وكان يردد مع المغني وفز على صوت ألاتصال ولاحظ أتصال وإرد منها مانتبه له بحكم انه كان يصلح سيارته:.اهب ذي متى دقت!!.

قفل المسجل وهو متوتر ورد:.ياهلا أسفرت وأنورت اسف بس كنت مشغول بشغيله.

مزون:.لاعادي حنا تواعدنا نراسل بعض بس قلت اتصل افضل منه اسئلك وشخبارك

فيصل:.والله اخباري كانت ها وها بس الحين صرت

بخير وتعرفين جدي معتمد على عشان كذا انشغلت

مزون:.وش كنت تسوي؟

رفع حاجبه بربكه وقال بداخله:.ابوك يالنكبه وش ألف عليها الحين

مزون:.عاد انا تو كنت مشغوله بالخياطه لانه جتني باكر ان شاءالله بتعود

فيصل:.أنا كنت مع جدي في مجلس الرياجيل تعرفين يعني علوم المرجله ذي يبي لها واحد فطين

مزون:.اي انت مثل اخوي سالم تفزع بهالامور

فيصل:.عاد خلينا بالعسل وش لنا بالبصل

مزون:.قول الصدق عاد حاقد على سالم؟

فيصل:.لا انا مانيب حقودي بس حمقت شوي

مزون:.سالم كذا طبعه بس ماعلينا منه

فيصل:.اي الله يحيك

-

في شركة بدر

جلس وهو مرتبك ويفكر اذا هي راح تنفصل او لا.

أكلت عقله التسـاؤلات، وناظر في رسالته لها الى ما استلمتها"سحاب متى ترجعين البيت؟"

رمى جواله على الطاوله وهو يحس بالجنون وشلون راح تتركه وخايف تفهم سؤاله غلط انه يبي يفرض نفسه عليها … وحالته حاله

تفاجئ بدخول صديقه محمد الى كان يناظره:.هيه سرحان ياعالم وينك فيه

بدر:.محمد احس اني مختنق هُنا خل نطلع

محمد:.مو عاجبني لازم اسمع وشفيك تعال،

-

سحاب ~

كانت جالسّه على الأريكه وشافت رسالة بدر وماردت عليها مُتعمد وهي تشوف رسائل صديقتها بيادر الى من دقيقه ونص"سحاب دقي ضروري بقولك حاجة!"

تنهدت وهي تتصل فيها وبإنتظار ردها:.بيادر وشفيك اسفه ماشفت

بيادر:.لاعادي ياروحي مافي مشكله بقولك شي يخص هند ويخصك وعشان ابري الذمَه..

سحاب:.أي قولي

بيادر:.سحاب هند قالت لبدر انك ماتحبينه وقالت كلام عجيب هو جانا بعد ماتركتي شغلك

سحاب:.نعم وش هالوقاحه ذي !!

بيادر:.والله وبرضو ماتبيك تحطين ايدك بالشغل مع شركة ال عويد وماتبيك تستفيدين واتصلت وخبرت ذاك عبدالرحمن الى مستلم الشغله

سحاب:.مايهمني وهم لو يبوني اشتغل معهم اكيد بيكلموني بس راح احاسبها على تعديها على اموري الخاصه صدق وقحه ومالقت الى يوقفها عند حدها

بيادر:.وش راح تسوين بتجين وتقلبين عليها المكان

سحاب:.هين بتشوفين وش بكيد لها فيه

-

العيال في الديرة ~

فارس:.والله أني جويع من اليوم بهالشموس

عبدالرحمن:.آنت عندك زوجة وراء ماتطبخ لك اشوفك بس في هالمطاعم..

ضحك فيصل ونطق:.اي زوجته ماتعرف تطبخ!

فارس:.اقول حدك انت وياه وبعدين انا ماحب اكل البيت وراضي

فيصل:.الحمدلله انا ماخذ وحدة سنع ومنع وتطبخ يعني مخلص اموري واطنخ

فارس:.عاد صدق الحق على الى يجلس معكم

فيصل:.قررت قرار يّا عيال اني اروح لين عند جدي بقوله ياخذ لي سيارة عاد مليت من سيارتي

فارس:.اي خذ سيارة بدل هالقرمبع

فيصل:.هيه لاتغلللط!!

فارس:.وانا وش قلت لو ماهيب قرمبع ماغيرتها

فيصل:.المهم بروح له ويارب يوافق

عبدالرحمن:.عاد معرس انت بيوافق ماعليك

فارس:مبروك عليك مقدما وتكسرها بالحوادث

فيصل:.شف شقول ذا انت يا حسودي

فارس:.والله لاحسودي ولاشي تقلع بس جويع انا وش العلم مشينا البيت

عبدالرحمن:.اي خل نتغدا نطلع بعدها تكيه

فيصل:.ومنه ها موضوع السيارة الجديدة

فارس:.منجدك بتروح تكلم جدي وهو جوعان؟

حتى لو كان موافق بيكرشك اثول أنت تركد بس وانتظر لين يفرجها الله

فيصل:.انا متاكد بيوافق سيارتي قديمه صح اني شاريها من سنة ونص بس قديمه وموديلها راح المهم سيارتي اصلا مرتفعه حرارتها

فارس:.سو لها كمادات هههههههه

فيصل:.كميديا اقول بس خفف خفف

-

بعد مرور عدة ساعات~

أخذت الملابس من يدينه وشهقت:.ليس ماخذها ازرق عالاساس بيطلع ولد وش عرفك مايعرف الى بالارحام الا رب العالمين،

عبدالله:.عاد ماكان قدامي غير الازرق واخذته بكرة بنروح موعدك ونعرف جنس الجنين واصلا من زمان المفروض كنا رحنا هالموعد وأحس أنه ولد

ملاك:.اخاف جدي بس يطلع ويجي ويشوفني ويدري بحملي انا مره خايفه

عبدالله:.جدك له فاطس أشهر مايدري وين الله حاطه انا بقوله انه أحنا تزوجنا وملاك انتي بتمشين معي من غير توتر ولاعاد تفكرين بجدك لان الموضوع ذا خالصين منه!

ملاك:.طبعًا سهل مره تقول هالكلام انت ماتحس

عبدالله:.شسوي يعني عطيتك خطه وفوقها ماكله هم الموضوع قلللللت لك عندي شفيك،

'

« عند بيادر »

طلعت وهي تشوفها جايه وهي تفتح الباب:.أهلين

سحاب:.وينها الى ماتتسمى اكيد درت بجيتي وراحت

بيادر::اشبك كذا داخله بشرك بعدين هند ماهي موجوده ولو هي موجودة علمتك عشان ماتجين

سحاب:.لا ياشيخه وليش ما اجي!!.

خايفه منها أنا ولا طقيت لها خبر ترى ماني شايلتها من أرضها هالوقحه قبيحه الاخلاق مسيلمه الكذاب

أنفتح الباب والتفت وهي تناظرها:.يادجاله دريتي بجيتي ورحتي انتي ماتستحين ولاتحشمين العشرة،

هند:.وزوجك الطرطور على طول شكاني لك الظاهر صرتو على قلب واحد بعد ماكنتم السنافر وشربيل

سحاب:.انتي مايثمر فيك كثر العطأ هاذي جزاتي؟،

هند:.اقول اذلفي من هُنا ولا اشوفك داخله بشرك ترى قسم بالله كل الى قلته صدق انتي لو تحبين بدر ومحافظه على بيتك ماتركتيه وماكان تمردتي عليه وانتي اصلا طول عمرك ماشفتي شي من الحياة بسبب عمك وزواجك من بدر كله مصلحه ولا ليش لسى باقي ماشفنا انك انفصلتي يا أم كرامة !

شهقت ومن غير لاتحس جاها أقوى كف بالعالم:.وضحت لي نجاستك

هند:.الحقيقه دايم تعور وصدقيني حتى بدر بينفر منك مثل ما حتى صحباتك ماقعدو معك

بيادر:.احترمي نفسك ياهند وكلامك ماهو صحيح

↚

إتسعت حدقة عينها بصدمه:.انا ماراح اشتغل معك لانك صدق وقحه وسحاب عندها حق بكلامها انتي فعلاً ماتحمشين الصحبه ولايشرفني احط ايدي بأيدك وانتي الى كل صحباتك ينفرون منك لانك منافقه وكذابه

-

في بيت الجد عواد بالديرة~

ناوله البياله بأبتسامة عريضه:.جدي ولا عليك أمر

حط سبحته وهو يناظره:.وش عندك قل

فيصل:.الصراحه يعني سيارتي لها سنة ونص وراحت موضتها يعني قديمه وانا ابي سيارة حلوة وتدري اني كم يوم وأعرس ابيك تضبطني بإي سيارة اهم شي تكون جديدة

عواد:.وسيارتك من وش تشكي اشوفك تروح وتجي عليها قلي

فيصل:.سيارتي فيها كذا مشكله وبيني وبينك اصلا ماهي بخاطري ودي اغيرها وانا أدري انك ماتردني

عواد:.أي خلاص خذ مفتاحي وانا ابوك

فيصل:.يعني وشو؟

عواد:.في واحد بايع سيارته كامري تبي ناخذها

فيصل:.اي جدي ماعندي مشكله قدااام

عواد:.اجل قم خل نقابله ونحجزها

وقف وهو يشوف فارس إمام المسجد بطلوعه:.على وين أن شاءالله؟،

فيصل:.بنروح نشتري سيارة جديدة يالحسودي

فارس:.اشوف جدي راضي عليك وش السبب

فيصل:.جدي يحبني اكثر واحد فيكم

فارس:.وش بتشتري

فيصل:.مالك دخل خل اذا شريتها تتفرج وقلبك ينقهر والله حظي زين زواج وسيارة وش ابي بعد حتى سمعت جدي يقول انه بيكتب لي بيت بأسمي

فارس:.هذا ماهوب عشانك هذا لانك صرت تحت طوعه

فيصل:.اقول انقلع بس اهم شي الدراهم ابيعه واطلع منه شي وشويات

عواد:.يالله امش

فارس:.الدنيا حظوظ ناس تاخذ بيوت وناس تكش ذبان

-

تاليا ~

كانت فاتحه جوالها وتسوي سيرش بأسم"شجن أسماعيل او شجن أل عويد" على أمل تحصل لو حساب بالتواصل الأجتماعي لأختها،

شهقت بذهُول بصدمة وكان

يقرأ الكتاب ونزله نظارته وهو يشوفها:.شفيك؟،

تاليا:.لقيتها لقيتها أي هاذي هي !

ساطي:.مافهمت عليك من لقيتي وش السالفه

تاليا:.لقيت حساب أختي شجن بالتويتر

ساطي:.وش راح تسوين بتكلمينها؟.

شجن:.حسابها مو برايفت ومتابعينها واجد

بشوف وش تنزل ابي اعرف وين جامعتها..

سَاطي:.يالله اهم شي وصلنا للطرف الأساسي باقي عاد امها

تاليا:.شفيك منجدك ماراح اتواصل معها

ساطي:.وليش لا انتي لازم توضحين لها أنها شجن اختك ولازم تعلمها كل شي

رفعت حاجبها:.تقول انها مسجله هالسنة بالجامعه وتنتظر القبول وهُنا في واجد يدعون لها البنت عندها قبول واضح

سَاطي:.بدال ماتصرفين ردي وش العلم؟،

تاليا:.خلاص عاد لاتوترني افكر بعدين

طاحت عيونها على هالتغريدة الى جذبتها حيل"لفو يمين وشوفوها"

-

في بيت بيادر ~

سحاب:.انتي ظليتي بلا شغل بسببي، وأقدر لك هالشي بس ماني راضيه كذا والله

بيادر:.عادي ياروحي يحلها الف حلال

سحاب:.عبدالرحمن ال عويد عندهم شغل مثل الى تشتغلينه يعني بتكونين مديرة اعمال بسيطة وشرايك اكلمه هو راح يحلها،

بيادر:.جد وتتوقعي يوظفوني؟،

سحاب:.وليش مايوظفونك انتي دارسة ادارة اعمال وراح يستفيدون منك وبعدين اصلا هم عاجبهم الشغل معنا سابقًا قبل نطلع من شغلنا

بيادر:.موافقة بس عندي شرط

سحاب:.وشهو شرطك؟،

بيادر:.انتي برضو تشتغلي معايا ليش لحالي

سحاب:.لا ياروحي انا حابهزاسجل بالجامعة واكمل يعني اكيد بنضغط وماراح اقدر على الشغل

بيادر:.والله هذا القرار الصح وبالعكس دامه مستقبلك انا ماراح اعترض بالتوفيق لك وصدقيني انا معك بإي شي تبينه

سحاب:.الله لايحرمني منك بس.

-

بيت الجد عواد بالديرة ~

فتحت باب الغرفه وهي تشوفها تحط مسكارا،

أسيّا:.مزون كلمتني بس مادري من وين جابت رقمي صراحه وعزمتنا عندها الليلة نتكي ونستانس وتقول بس حنا ورغد بنجلس مع بعض

حور:.يوووه روحي انتي لحالك انا ماطيق هالرغد !

أسيّا:.دلخه انتي الى عازمنا مين يعني يبي لها ذكاء مايصير مانروح وتاخذ منا موقف بعدين

حور:.عارفه انه الى عازمتنا مزون بس مابي اروح

أسيّا:.وعاجبتك جلسة البيت حتى فارس يروح ويجي لايكون تحسبين بيجي ويجلس معك فارس معه عيال عمه مايخلونه بعدين وش عاجبك في جلسة البيت انتي اقول تجهزي..

حور:.يعني ضروري نروح ونجامل ماحب هالمجاملات

أسيّا:.ابيك تستانسين معي وبعدين شعليك في رغد طنشيها كأنها مو موجودة حنا رايحين عشان مزون

بس تصدقين لين الحين قاعدة افكر من وين جابت رقمي تهقين أسئلها؟،

حور:.لا طبعًا يا غبيه عيب بعدين عادي ممكن سئلت احد يعرفك هنا

اسيّا:.حالي من حالك في هالديرة ماعرف احد

حور:.بس مايصلح نروح من غير ماناخذ معنا شي انا في بسبوسه بحطها بغلفها جديدة،

أسيّا:.وانا بتجهز وانتي كلمي فارس

-

فارس

وقف قدامه:.ياليل هاذي وقتها تبنشر

عبدالرحمن:.خلاص ارجع معي وشفيها يعني

وقف وهو يلتفت:.هلا حور

حور:.افا هلا بس يعني مافرحت يوم اتصلت

فارس:.إلاّ حياتي بس اسف الصدق بنشرت بوسط الشارع وتنرفزت شوي وشعندك أمري

حور:.كنت ابيك تاخذنا لبيت مزون لانها عازمتنا مر ولا نروح كذا بعيد عنا بيتهم شوي

فارس:.لا وش تروحون كذا أنا بجيكم بسيارة عبدالرحمن افا عليك!!.

حور:.عمري والله خلاص تم اجل

قفل وهو بحط جواله بجيبه

عبدالرحمن:.منجدك وانا اقعد بالشارع

فارس:.ارجع كعابي اصلا من يومك

ماتركب سيارات

عبدالرحمن:.ياليل هالليله الى مابتخلص..

-

« في بيت الشيخ مساعد »

كانت ترتب بالجلسة الى وراء الحوش..

رغد:.يعني ضروري تعزمين هالسامجه حور

مزون:.انتي شفيك على البنت اي عزمتهم بتعرف عليهم ونسولف ونتسانس شوي،

رغد:.ماعندك سالفه والله مابقى الا تحطين لهم لبن العصفور عشان يرضون

مزون:.حنا مانعزم كذا لازم نكرم الضيف واصلا هم ماهم ضيوف الحين حنا أهل

رغد:.أنا امي عيت على اجلس بروح لان بكرة بنمر خالتي تدرين ولدها توفي

مزون:.يوه وذا خبر الله يرحمه وعزيها عني

رغد:.يوصل.

-

أستند على سيارة فارس وهو يناظر بجواله وفورًا رد على الأتصال:.اهلين سحاب

سحاب:.أعتذر على الأزعاج بهالوقت بس كنت ابيك في موضوع مهم

عبدالرحمن:.اذا بالنسبة لشغلك معنا فـ لاتخافين انا مايهمني اذا خربت بينك وبين شريكتك بالشغل وعادي تستمرين اذا حابه..

سحاب:.لا مو أنا الصدق صديقتي محتاجه شغل وهي اكيد راح تفيدكم وتدير لكم الشغل

عبدالرحمن:.ماقدر احكم الين ترسلين لي السيڤي حقها وابشري بي،

-

بعد مرور عدة ساعات"كانو البنات متجمعين وجالسين وقفت مزون بصدمة وهي تشوف رغد الى داخله عليهم واقتربت منها:.مو قلتي امك عيت تجين وش الى صار؟،

رغد:.جيت اشوف شعندهم بعدين تعرفين مافوت هالجمعات مو مهم تعالي..

تقدمو أمامهم وجلسو وعيّونها الى كانت على حور الى كانت تاخذ العقل بطلتها وجمالها، وشخباركم،

حور:.بخير ألحلا هذا جبته خصيًصا لك مزون لازم تجربينه انا مشهورة فيه!!.

شهقت أسيّا بهمس:.وش هالكذب مو انتي مسويته ذا من المحل قولي الصدق

دفته بكتفها:.اي وصراحه كنا مره متحمسين نشوفك

كانت تحسّ بالصداع من كذبها

مزون:.كلفتو على أنفسكم.. والله يعني ماكان له داعي الخير واجد

أسيّا:.ألا بسئلك من وين طحتي على رقمي؟،

إتسعت حدقة عينها بصمت وهي تناظر بأسيّا:.لا ماتقصد صدق يعني غريب شلون لقيتي رقم أسو

مزون:.فيصل عطاني رقمك لاني قلت له بخاطّري اعزمكم ونسوي جمعة خفيفه..

حور:.ولحقتو تاخذون ارقام بعض ماشاءالله عليكم

أسيّا:.هههه لا هي تقصد يعني وشلون؟،

مزون:.وشفيها عادي بس ترى سر بينا يعني

حور:.اكيد سر احنا من اليوم اهل والمفروض محد غريب يعرف اسرارنا؟!،

كانت بتوقف لكن أوقفتها يد مزون:.مافي احد غريب هُنا ياحور رغد صاحبتي من الطفوله

حور:.لا شدعوة ما أقصد صاحبتك فهمتيني غلط

أسّيا:.حور قومي ابيك شوي !

رغد:.هاذي وش تقصد اقوم امردغها

مزون:.اسكتي لاتسمعك البنت واضح عليها تقط كلام وماتدري شتقول عادي يمكن ماتقصدك

رغد:.ياحليلك حليله انتي اعرف تدقنيي!!.

حور:.شفيك أسيّا قومتينا وشبيتي فيني بعدين انا قلت مابي اجي واذا شفتها ماقدر اتمالك اعصابي وش جايبها هالنشبه؟،

أسيّا:.بس كذا مزون بتاخذ عنك فكرة غلط

حور:.خليها تاخذها وتعلقها شسوي

أسيّا:.يعني صدق انتي عجيبه مو شايفه احد

حور:.أي مو شايفه احد خصوصًا هاذي

رغد لا أراها شي وكيفي عاد ليت تفهم وتحل عنا،

مزون:.بنات شفيكم واقفين تعالو.. مافي شي من واجبكم تفضلو

مشت لجهة الجلسة ورغد تناظرها بنظرات مُش مريحه نهائيا وقالت .

-

بغيض وكراهيه:.اما عاد تعلمتي الطبخ امداس

حركت يدها بس شدتها أسيّا بردها الحاد:.ترى الطبخ سهل وبعدين الحين كل شي موجود على برامج السوشل ميديا وفي بعد كتب طبخ اذا ماتعرفين ونص الناس تعلمت منها،

رغد:.والله حنا مانعرف السوشل ميديا ذا انا من كبرت أمي علمتني كل شي طبخ وترتيب

↚

حست عليهم وعطتهت نظرة صارمه:.المهم ماعلينا انا مادري بس ودكم تفصلون؟

يعني حنا متعودين كل عرس نفصل عند خياطه ولا تستهزئون فيها ترى تفصيلتها تاخذ العقل

حور:.انا شاريه فستان ومره عاجبني

أسيّا::حنا مانفضل نفصل صراحه وبنتأخر

مزون:.انا وفيصل قررنا العرس يكون قريب لاهو البعيد ولا هو الى يربكم عادي اذا ودكم تسون اي شي ترى في وقت طويل

اتسعت حدقة عينهم وهم يناظرون بعض:.فيصل فيصل ولا مين قصدك اعذريني

حور:.اختلطت علينا الامور من تقصدين؟،

مزون:.وفي فيصل عرسه في ديرتنا غير الى انا خذيته ادري بتنصدمون لان مو من عاداتنا البنت تكلم خطيبها بس انا اكلمه

حور:.لحقتو تشبكون بعض

دفتها بكتفها:.ايه الله يتمم عليكم وعادي ترى اكيد مابنقول لحد بالاخير فيصل مثل اخوي

رغد:.أي هذا اول عرس في عائلة ال عويد واول عروس تدخل على بيتهم بالابيض هي مزون بنت الشيخ مساعد

رفعت حاجبها بقهر من حكيها وناظرتها بغصب:.رغد قومي معاي !

حور:.هاذي وش تقصد بأول عروس؟،

تقصدني لان تزوجت من غير عرس تتمصخر على

أسيّا:.حور آنتي شعليك فيها هاذي واضح مجنونه وجايه تبين لنا جنانها

مزون:.كلنا ندري انها حور ماسوت عرس وهالشي انشهر بعد ما سئلو اهل الديرة ليش فارس ماسوا عرسه حرام عليك تكسرين بخاطر البنت وتحسيينها بالاحساس ذا،

رغد:.اقول يا ام قلب طير انتي تلقينها متحرقه ومقهوره لانك بتسوين عرس وكل جيتها هنا نفاق رلا في وحدة تحب سلفتها وهي ماسوت عرس ولا دخلت على الاغاني وتباريك وبفستان ابيض هي حاسدتك والله

مزون:.اعرذبالله منك انتي غصب بتدخلين في نيتها حرام عليك البنت جايه ومتعنيه !!

رغد:.كله حق الحش وعشان بطلعون عيوبك عند رجلك ويخربون فرحتك واي انا ادخل بنيتها واعرف الناس من وجيهم وألسنتهم..

مزون:.اقول لاتحديني أطردك

-

رغد:.هي الى بدت خليها تعرف مع من تحكي

وبعدين لاهي الى تبلعني ولا انا الى ابلعها ليش اجامل ليش اضحك في وجهها خليني واضحه

مزون:.في فرق بين الوضح وانك توقفين احد عند حدّة بطيبه اخلاقك وفي فرق بين إن نمسك ممسك على الناس نجرحهم فيه ولا نعايرهم خصوصًا اذا هالشي ماكان بأيدهم

رغد:.والله هذا الى عندي تستاهل البجيحه الوقحه مغرورة وشايفه نفسها على ولاشي ربعد الحلا الى جابته ماهي هي الى مسويته تبيني احلف

مزون:.انتي الظاهر تبيني اندم على هالعزيمة !

رغد:.اي ماهي مسويته هاذي خل تعرف تقلي بيض عشان نصدق ودك احشرها وأسئلها عن مقادير البسبوسه

مزون:.والله إن سئلتيها يا رغيد لا اطردك

ضحكت:.خلاص مانيب سئلتها اصلا يكفي كل شوي احشرها ماعاد تقدر تتنفس الظاهر بتشوف فيني كابوس وتندم على هالجيه

-

« في بيت الجد عواد »

كان مستند على جدار من الطين وهو ينتظر ردها ولاحظ انها مشغوله وتأكد انه سوت الجمعه الى قالت له عليها عشان كذا مابتفضي ترد عليه وهو يفكر وناظر بـ عبدالرحمن:.وشفيك

عبدالرحمن:.فارس اخذ سيارتي عشان يوصل اسيّا وزوجته وطول انا عندي مشوار

فيصل:.سؤال انت صرصور من صراصير الليل ماتنام وش هالمشوار تالّي الليول!!.

عبدالرحمن:.شفت هذا حمدان الى صلح سيارة فارس قال بياخذ سيارتي ويصلحها لي

فيصل:.مين حمدان ذا؟،

عبدالرحمن:.ذا واحد فيه خير يوم تورط فارس صلح سيارته تخيل بدون مقابل احسه والله طيب

فيصل:.اقول بس انت الطيب انت شلون توثق بواحد ماتعرفه لا وبتعطيه سيارتك !

ترى في ناس هنا تسرق السيارات وتبيع كل شغله غاليه فيها وتستفيد انتبه

عبدالرحمن:.الحين انت وشدخلك سيارتي ولا سيارتك بعدين فكر بسيارتك الى هي هدية الزواج ولا تتدخل فيني

ضحك وهو يلعب بشاربه:.على العموم ترى حجزت السيارة وبكرة بتطلع

-

مسكت جوالها وهي تقول:.اي خلاص يمه

مزون:.وشسالفه ماراح تجلسين بعد

رغد:.اي لا لا ماراح اجلس انتي تعرفين امي وشلون اصلا زعلت وقالت تأخرت مايمديني

خلاص انا بجيك بكرة تقولين لي واقولك شصار

مزون:.اي الله معاك تعالي بكرة مو تنسين

رغد:.اي بحاول هذا اذا رضت أمي

سلمت عليهم وطلعت أما جلست وهي تناظرهم:.الصراحه انا اسفه لان رغد تكلمت كذا تراها حليوه وماتقصد شي

حور:.اي اصلا مايهمني يعني كلامها مافهمناه

سَحبت جوالها من الشنطه وهي تشوف رسالته"يعني مبلطين هُنا انا برا؟"

حور:.فارس برا ينتظرنا ومتسعجلنا ولا مقعدك ماينمل ياروحي وكان ودنا نمدد بجلستنا

همست بأكراه:.وهو شعنده يبينا نمشي يروح يلاقي اي شغله غيرنا

رفعت حاجبها بصوت غير مسموع:.آنتي شفيك مايصير نطول الزيارة حدها بالكثير ثلاث ساعات وحنا بندخل بالرابعه مايصير كذا

أسيّا:.اي والله مو من زود الادب بس مايهون عليك حبيب قلبك ينتظرنا

-

« شلة حمدان بالديرة والعيال»

حمدان:.قلت لي فارس سبكم وغلط عليكم

عمار:.اي قال ولد عمي مايكلم بنات

ومدري وش ولو لا النعمة كان علمتكم الرجوله!!.

حمدان:.الحق عليكم تطلعون مع هالهطوف

انتم سبايك ومدعوسين من يومكم

حمد:اقول حشم نفسك يا حمدان بعدين فارس شايف نفسه لانه من عايله معروفه وحنا كلنا عيال تسعه

حمدان:.واحد سيارته غاليه ودكتور ماراح يناظركم ولا يصادقكم حنا مساكين نمشي ونحب الأيادي بس أنا بفتري فيهم افترا

عمار:.توك تقول اننا مساكين وش بتسوي يعني اصلا فارس هذا اخ والله لو اجيب سكينه واطعنه فيه مليون طعنه ماراح يكفي هالشي انه يشفي غليلي بعد ماطردنا

حمدان:.انا عندي فكرة بس اذا انتم تبطلون حركات السبايك راح اخليكم يدي اليمين

عمار:.والله معاك على الموت قلي بس شلون اخلي فارس ذا ينمسح بوجهه الارض ابي فضيحته على كل لسان

-

« في بيت إديبـة»

ردت على أتصالها بحماس:.بيادر كلمت عبدالرحمن وقال راح يحصل لك شغله عندهم ومو بإي شغله ولا بأي راتب تراه بيضبطك مره

بيادر:.صدق يعني ضمنتي هالشي يوه سحاب مره شُكرًا واضح عبدالرحمن مره يعزك

عقدت حاجبها:.لا عاد تراني مو مره اكلمه بس واضح عاجبه شغلي معهم بالاعلانات..

بيادر:.انتي فين جالسه اسمع اصوات عندك؟

سحاب:.جلست في بيت عمة بدر إديبة وهي ماراح تعلمه عن مكاني قاعدة اجهز اغراضي بالغرفه بس

بيادر:.يوه خسارة لو علمتيني اجي اساعدك لان فاضيه وماعندي شي والله

سحاب:.لا شدعوة كلهم كم غرض المهم انتي جهزي نفسك لان اكيد بيجيك اتصال من شركات كثير

بيادر:.تمام اتصلي متى مافضيتي

-

شجن ~

حطت كوب قهوتها وهي تشوف إشعـار جديد بالدي أم بالتويتر وتقرأ الرسالة"آنتي تحبين الخيل وش نوع خيلك عجبني حيل؟"

رفعت حاجبها بغرابه لان مو واجد تجيها أسئله نفس كذا وردت بشكل سريع"خيلي عربي"

تفاجئت بالرد السريع منها"الصدق انا ماعرف بالخيول وماكانت من اهتمامي من فترة قريبة بديت اهتم فيها وكثير نصحوني اكلمك لانك معروفه بـ حبك للخيول"

شجن:.مين نصحك تكلميني انتي مين؟،

غريب لان صدق ماقد مر على اسمك يعني ماقد تكلمنا قبل

-

تاليا:جلست وهي متحمسه:لالا انا ماعرفك.

بس كثير قالو لي انك تحبين الخيل وانا كذا ابحث بحسابات واجد غير حسابك وطلعتي لي صدفة مع ان سمعت فيك بس ماذكر مين قالي عنك والله خصوصًا انك من عائله معروفه !

قفلت جوالها وهي تناظر بالسقف:.اخاف اجيب العيد عندها وماعاد ترد على

الديرة ~

قفل الأغنية وهو يفتح الدروج ولمح علبه الخاتم الى شراها قبل يسافرون لديرتهم وكان يبي يهديها لها ونسى من زود شغله والضغط الى كان عليه وموضوع سفرتهم الى جا فجأة،

تنهد بربكه:.وانا شلون نسيت الخاتم هُنا !

لمح زولها من الجهة الخلفيه وهي تركب بالخلف وتقفل الباب حط الخاتم في جيبه وهو يناظرها:.لا سواق عندك انا اركبي جمبي،

ضحكت وهي تنزل وركبت وهي تقفل:.شفيك معصب وي بعدين نسيت انا

فارس:.انا بعد نسيت شغله بس ماتخص احد

عقدت حاجبها بعدم إهتمام:.شتقول انت لايكون ناسي مفتاح البيت ونروح ننام برا

فارس:.لا بس نسيت اعطيك على وجهك

أسيّا:.اقول حرك حرك ازعجتنا بوسط جلستنا يا سواق العايله

كتمت ضحكتها وهي تتاظره وبضحكه مسموعه:.أسيّا مايضحك

جلست بملل وهي تفتح جوالها:.لايكون تبي اللوكيشن ياسواق نسيته

فارس:.لاعاد تجين معانا مره ثانيه تبين شي روحي تذللي لعيال خوالك ولا بس انا ولد خالك مالت عليك انا الوحيد الى معطيك وجه لان معاك واسطه قوية

عدلت حجابه بخجل:.اي خلص اسيا شهالمزح السخيف

أسيّا:.وانا اقول النساء للنساء هذا وهو مخرب علينا جلستنا

-

بيت إديبة الساعة ٧:٢٠ الصباح

أقتربت من الدرج وهي تسمع صوت الجرس الى كان يرن وأشرت لها إديبة ترقى فوق وهي بجهة الباب وتفاجئت من فتحت الكاميرًا الى برا وهي تشوف الى بالخارج هو بدر..

فتحت الباب وهي تناظر فيه:.هلا يا بعد روحي شفيك جاي من الصبح

بدر:.بنهبل هاذي وين اختفت لاترد على اتصالاتي ولا اعرف أرضها من سماها !

إديبة:.وشفيك انت صل على النبي مايصير الا كل خير وين بتكون تلقاها في بيت اهلها

نطق بجنون وعقله بيطير:.وشلون يعني هي بتروح بيت الناس الى ظلموها مو منطق اتصل عليها ماترد ارسل واتساب ماترد واشوفها متصله ولا ترد على

إديبة:.مو زين عليه العصبيه هاذي روق واهد اكيد اذا هديت بتعرف كل شي واصلا هي لاشافتك في هالحاله ماراح ترجع معاك !

انت متى تصير رجال وانسان صاحي وأفعالك افعال شخص واعي لنفسه

بدر:.انا رايح لبيت أهلها بقلب البيت عليهم وبطلعها من تحت الارض وبترجع معاي

إديبة:.لا يابدر الى انت قاعد تسويه غلط

بدر:.اقول اذا انتي تطلقتي وسويتي الى تبين انا ماني مثل زوجك رخمه وبطلق وبخليها معلقه

فز على الصفعه القوية الى جته:.اطلع برا

بدر:.خلاص ارحموني انا تعبت منكم كلكم حتى انتي ماعاد ماعاد تفهميني

التفت بصدمه وفزت على صوت الباب:.اعوذبالله منك يابليس

نزلت وهي تناظرها بذهول:.شفتي هذا واحد مجنون ما ابيه ماراح ارجع له !

-

بيـادر~

وقفت سيارتها بعيد بخوف وهي تلمحه من بعيد وقالت بنبرة قرف:.هذا وش يبغي جاي

مُسكت جوالها وبرد سريع:.شفته ركب سيارته ومَشي لاتخافين انزلي!

سحاب:.ماعليك بتجهز بنروح الموعد ونشوف عشان شغلك

بيادر:.يمممه خفت يسوي لك شي هذا إنسان مريض انتبهي تطلعين لحالك..

تبغين أبات عندك اليوم؟

سحاب:.خلاص يا بيادر والله مايخوف نمله جاي يهدد واصلا مايعرف أني في بيت عمته

بيادر:.انا رحت بعيد لان اكيد اذا شافني راح يعرف سيارتي لان شافها بالمحل اكيد،

'

ديرتهم ~

أستندت وهي تتفرج بجوالها وبنفس الثانيه لمحت علبه الخاتم الى أنفتحت:.هالخاتم مايليق الا على دنيتي

فز قلبها بالمنظر ودق قلبها بس تذكرت كلام الكل عليها بالديرة وسخريتهم وخصوصًا رغد ونطقت بقهر:.مابي خاتم،

فارس:.وشو شفيك الحين قاعد اقولك كلام حلو وتقولين ماتبين

حور:.خاتم بدون زواج وش فايدته؟

مزون وفيصل بيسوون عرس وحنا لا عرفت ليه مابي اروح مابي أشوف رغد وكل ماتشوفني تستهزء فيني لاني ماعرف أطبخ ولانك خذتني بدون زواج!

فارس:.وانتي وش عليك فيها هذا كلام وحده مقهوره لا أكثر وهي ماتعرف وش ظروفنا الى خلتنا نتزوج بدون عرس لاهي ولا غيرها واحنا موب مجبورين نبرر!!،

حور:.حتى اهلك عمتك وزوجة عمك الكل يحس أني أقل من مزون وأنها افضل مني

لان هي الوحيده الى بتدخل على عائلتكم عروس وأنا لا

فارس:.آنتي وش عليك من كلامهم آنتي بنظري دايم عروس

توترت من صوت الأشعار الى وصلها من الواتس برساله من عمها:.اي خلاص انا راضيه اكون معك بدون عرس اصلا مو مهم

عقد حاجبه بغرابه:.توك شرهانه بس ماعلي حتى وآنتي شرهانه احبك وحقك على

بس اوعدك اني اسوي لك عرس الدنيا كلها تحكي فيه ويكون احسن من عرس مزون وفيصل

'

مجلس الحـوش ~

حط الجوال وهو يحط أبريق الشّاي حتى تداركته يدينه:.وهذا ثاني كأس مدري ثالث تصبه ويبرد وماتشربه في وش تفكر؟،

فز وهو يطلع متجاهل تساؤلات عبدالرحمن بسرعه بجهتها:.عمتي ادري بتروحين بيت مزون عشان تتفاهمون على موضوع المعازيم بوصلس!!.

أوضاح:.اي وصلني وشفيك واقف كذا

رفعت حاجبها وهي تشوفه يطلع يدور في جيبه:.اي خذي ذا ابيك تعطينه مزون

أوضاح:.افـا يافيصل وانا عمتك ماعمرك تذكرتني بهديه والحين مزون تاخذ لها سلسال واضح بعد غالي!

فيصل:.وش اسوي آنتي مرسول المحبه الوحيد وحنا في هالديرة لا زيارات ولاشي ماقدر اهديها الا عن طريقك

أوضاح:.اي خلاص بعطيها اياه تبيني اقولها شي بعد

فيصل:.لا بس وصلي لها سلامي الكثير..

-

بُعد مرور الوقت الطويل-

كانت جمبها تشرب قهوة وتسترجع ذكرياتها في هالبيت وعيونها ع هدى:.الرجال من الجنوب وقال بس نتزوج بياخذني معه بعيد بعيد متخيله اني بروح الجنوب واخلي ابوي هُنا ماقدر ابها وين والرياض وين

سحاب:.وهذا سبب يخليك ترفضين واحد بهالمواصفات الرجال زين واذا ع بعد المسافه انتي ترى مب رايحه امريكا

هدى:.كيف ياسحاب تبغيني اتزوج واخلي ابوي الى ماهو راضي لايسامح اختي ولا أمي عند مين اخليه ابوي رجال مريض ويحتاج عناية وحتى لو إنتِ انفصلتي!.

شلون تبين تعتنين فيه؟، ابـوي ظلمك

سحاب:.مادري وش اقولك والله هدى انا بظل هُنا بعد طلاقي وهاذي خطتي

شهقت بصدمة:.وشهو يعني أفهم من كذا انتي سامحتي ابوي آنتي خلاص حللتيه

هزت راسها بإسف:.كل الى صار بسبب اختك وأمك وعمي اعتذر لي وتعنى وبالاخير هو رجال كبير وحتى الحين ماعاد يقدر يشتغل وطول الوقت بالسرير تعبان خذا عقابه بالدنيا انا سامحته لاني ماقدر اضره هو يظل عمي ويظل رجال كبير ويحتاجنا نوقف معه مو ضده، معقول ابتركه وحيد

أنهمرت دموعها وقلبها يعتصر:.انتي يا سحاب تقولين عن أبوي كذا آنتِ؟.

بعد ماظلمك وكسرك وزوجك غصب ابوي دمر حياتك كلها وضرك آنتي عظيمه لانك تحملتي الأذى، وفوق ذا تسامحينه؟!.

سحاب انا لو مكانك يمكن اموت وما أستحمل آنتي تحملتي هالابتلاء الأذيه الى جتك من الكل من أقرب الناس لك عمك زوجك بنت عمك وزوجة عمك:.اتمنى تسامحين أمي في يوم

نطقت بـ رجفه قهر وجع:.لأ!.

والله لو بينها وبين الجنة ذنبي مانيب مسامحتها ماراح اسامحها لاهي ولا أختك أنا أسفه يا هدى بس الى صار لي مو شوي

وقفت وهي تشوفها تمسح دموعها:.عن أذنك بروح اشوف عمي،

هدى:.خذي راحتك والله هالبيت بيتك وما يستاسع الا بوجودك

'

" الديرة "

حط جواله بغرابه وهو يناظر فيه:.هذا ولد الجيران متصل فيني يقول يبي يقابلني

عبدالرحمن:.وش الغريب يعني؟،

فارس:.ماهوب غريب إلا الشيطان بس المكان الى حدده لي هو الغريب،

عبدالرحمن:.ليش وين يبي يقابلك

قاطعهم دخوله:.السلام عليكم اقول تراني وصلت عمتي وأنا جاي شفت ذا الى مب صاحي حمدان مدري فيهدان

فارس:.حمدان وشفيه بعد ياربي

فيصل:.مادري شفته راكب مع عيال الجيران الى رحنا معهم كانهم يبون يروحون كشته بس موب شايلين اشياء واجد معهم المهم هذولا وشلون تجمعو ماندري

فارس:.لحظه لحظه هو دق على يبيني اروح

فيصل:.هذولا واضح يخططون على شي

-

عبدالرحمن:.اقول بس تراكم تكبرون المواضيع تسوي من الحبه قبه،

فيصل:.اقول بس هذولا على قولتهم مؤدبين وش يوديهم مع واحد مثل حمدان اصلا سمعته سيئه شلون بالديرة اقولك شي دق عليه وقوله انك بتجي

عبدالرحمن:.دامكم مسوين لي فيها تحريات وتقولون الموضوع خطير اجل ليه تبون تروحون انتم صاحين؟.

فيصل:.ألا خله يدق واذا طلعت شكوكي

في محلها أنا الى بأدبهم زين

عبدالرحمن:.اجل انا معكم

فارس:.وش العلم ياعيال وش تقولون

فيصل:.انا بروح بالصندوق الى وراء كأن محد جاي معك ونكون وراء ومعنا عصيان اذا هالسمردح بيسوون شي بنطلع نشلخ وجيهم ماجاك على انا اصلا حاقد

فارس:.لا لوسمحتو شغل الحارات هذا مب حلو احنا ناس راقين وجدنا وتعرفونه

فيصل:.بلا رقى بلا بطيخ واضحه الخطه وبعدين هذا حمدان مارتحت له وشلون مادرينا انهم اصحاب يوم نحكي لهم سالفه سيارتك يوم تغرز ماقالو انهم يعرفون حمدان يعنني مايبون يبينون لنا انهم أصحاب مشاكل بس قفطناهم !

عبدالرحمن:.ينطفي الأكشن والله جلد

فارس:.انت يافيصل راعي مشاكل من يوم كنت تدرس اسئلك بالله للحين تقدر تقول كم تعهد خذيت

فيصل بغمزه وضحكة خبث:ماتنعد

'

في بيت ناصر~

قدرت تحط عينها بعينه أما هو فـ قفي للجهة الثانيه بإنكسار وتكلم بصوت مخنوق وغير مسموع:.ماني مصدق جيتك عزيزة على قلبي وآنتي أعز..

سحاب:.أنا جيت هنا عشان اتطمن عليك سمعت انك مريض ومو راضي تروح المستشفى؟،

حرك يده برفض:.خليني في بيتي وأموت فيه أبرك لي اصلا أنا عمري خلص

سحاب:.لاتقول كذا راح اخذك للمستشفى تسوي فحوصات ونعرف وش مرضك عمي أنت ماكنت كذا كانت صحتك زينه وش صار لك وش غيرك

ناصر:.غيرتني أفعالي

تجاهلت كلامه لانها تعرف انه يقصد يوم ظلمها وكل ظلمه وأذيته رجعت عليه وبالفعل ماهو الإنسـان الا حصاد أفعاله..

-

في الديرة بيت الشيخ مساعد~

أنبهرو فيها وفي سناعتها وكيف كانت تضيفهم وكل شي على أكمل وجه:.حنا مابغينا نشغلك ونضغط عليك بس تدرين المعرس ماعاد عنده صبر على كامل الزين

جلست وضحكة بخفه:.والله هذاني انا قاعده اشتغل في كل شي بسرعه وأن شاءالله العرس ماهوب مطول

الجوهرة:.وليش مستعجلين انتظرو لكم شهر وش بيصير يعني

رفعت حاجبها بجراءة منها:.ألا حقكم بس تدرين انه العم عواد مرض شوي عشان كذا أجلنا وغير السوالف الى صارت بس الحين مابقى الا المعازيم وقاضين منها اليوم

وقفت بقهر من نظرات أمها:.انتي متى تتسنعين شوفي عينهم على مزون ماشالوها يابنتي الاسلوب الزين بيحسن حظك

الجوهرة:.مالت عليها اكيد نظراتهم كلها عليها لاتنسين انها العروس واصلا مستحيل اتزوج من أل عويد ولا اشوف نفسي بزينها في عينهم لانهم مو مستواي

أم سالم::اقول بس انتي تجحدين انه زوجها زوج كل بنت تتمناه والله اني تمنيته لك

الجوهرة:.بس تشوفين وش بسوي لها ليلة عرسها شي ماتنساه

أم سالم:.اقول بس لايكثر امشي خلينا نضيفهم نسولف وفكي من هالاسلوب البجيح طيحتي حظك بإيدك..

'

" فارس "

وقف وهو يناظر للخلف:.ترى هالاسلوب ابد مو راقي وش حنا عايشين في غابه

فيصل:.أي غابه وانزل الحين فارس عويض الله من شرك

فارس:.بس ماراح ينجلط لو صارت سالفه الا جدي وبسببكم انتم

عبدالرحمن::ياشيخ انزل بس واسمع دق على وحط جوالك في جيبك عشان نسمع كل شي ونعرف وش صار

فيصل:.هذولا اكيد ناوين على شر ياعساهم للماحي انزل خلصنا!

فتح باب السيارة وهو يحط جيبه بالداخل يناظرهم من بعيد لمحوه وكانو متحمسين من أقدم عليهم وهو يناظرهم بغرابه أقترب حيل وقال بأستغراب:.وش السالفه؟.

حمد:.فارس حبيبي والله انا كنت بقولك شي

عقد حاجبه وعنده مليون تساؤل:.وش سالفتكم انتم

حمدان:.اخوياي قالو لي انهم غلطو عليك وعلى ولد عمك والصراحه انا شفت انه حركاتهم كريهه والشباب حبو بعتذرون

رفع حاجبه وهو منذهل فيهم:.ها،

أتسعت حدقة عينهم وهم متعجبين حيل وكان يدف باب السيارة بس مسكه بقوة:.وجع وش تبي تسوي أنت احنا ظلمناهم وراك كذا!

فيصل:.والله للعن ابوهم بزران حنا جايبينا في وسط الشموس عشان يتصالحون كذابين واتحدا

وقفو وهم يسمعون المكالمه:.اجلس اقلط معنا وعاد مالك داعي ماتذوق كبستنا

فارس:.كثر الله خيركم ومسامحين

فيصل:.شف الدرج شيقول..

شد على يده:.جعلك الى مني قايل ماتعرف فارس طيب ويسامح ماعاد حنا نازلين

دفعه بقوة وتفاجئو من انفتح الباب بعد مارفع القفل

-

وسكر الباب وعيونه عليهم وهو يناظرون من وراء:.وش الى صار موب عالاساس بنجلدهم

فارس:.اهدا يافيصل وشفيك هذولا دقو على عشان يعتذرون بس مارتحت لهم

فيصل:.والله ولا انا امشو نشلخهم بس

عبدالرحمن:.ابد جاهز جاهز للمشاكل أنت

↚

فيصل:.ياربي قهرني قهرني وشلون جيتنا

فارس:.يعني امد يدي عليهم وابدا بالمشكله عشان ترتاح أنت

فيصل:.ولا حق البنزين لاتشوفك عيني

فارس:.أنت دايم عقلك صغير واذا ماصار الى تبيه تعصب مولازم كل شي يصير على حسب توقعاتك

'

في امريكا سلطان ~

كان يسحب شنطته وهو متوجهة لأكبر مجموعه سكن جامعي، وشاف صديق فيصل"ذياب" نزل وهو متوجهة له ويرحب فيه بحفاوة:.ياهلا والله من اليوم واقف انتظرك الظاهر ضعت

ضحك وهو يناظره:.أي والله ضعت واخيرًا

ذياب:.لازم تجهز اغراضك عشان بكرة الدوام واكيد تعرفت على الجامعه زين واعطوك لافتّـه تعريفيه؟.

هز راسه بالأيحاب:.بضبط بس شايل هم

ذياب:.اللغة عندك زينه واذا لا بكون معاك دايم ومابخليك

عدل نظارته بإبتسامة:.لا تخاف عارف اللغة

ذياب:.بعد زين تطمنت السكن هذا اغلبه عرب ماراح تلاقي صعوبه بالكلام مع الناس بس الصعوبه بالجامعه

'

الديرة سالم ~

وقف سيارته وهو مذهول من المنظر والدم وصل لراسه من العصبيه:.هذا شلون واقف قدام بيتنا صدق بجيح!!.

واقف ومستند على السيارة وهو في لحظه هواجيس جاهل عن الشخص الى وراه يناظر له بحقد وكراهيه وقال بصوت جهوري كاره:.وش جايبك خير!!.

-

التفت بنظرة أزدراء:.هلا والله سالم

كرر كلمته وهو متنرفز:.قلت وش تسوي عند بيتنا أنت لك وجه تجي ماعندك صبر لين تعرس تنشب لنا حتى وانت باقي ما اعرست ناشب في حلقنا!

عطاه نظرة وبرد بارد:.عمتي جايه عشان موضوع الزواج وماعليك بس اتزوج أختك بكثر زياراتي عشان ماتشتاقون لي

اتسعت حدقة عيونه وقبل ينطق أنفتح الباب وقف مكانه:.هلا يبه

تجاهل وجوده وهو يرحب فيه بحفاوة:.تفضل يا ولدي هلا بالغالي ولد الغالين تقهو وعين من الله خير وراك جالس برا كان دخلت احسبك رحت

حط يده على صدره بشكر:.لا والله ياعم عندي شغيله هنا بس جاي اخذ عمتي

رفع راسه برفض:.ألا بتجي وتشرب قهوتك وأنا حالف وخل الحريم ياخذون راحتهم تفضل وانت وراك مثل اللوح ماتقلطه

استانس على هالكلام ودخل وهو جاهل الشخص الى شبت في داخله نار القهر:.ياجعل مافي فيصل والله لو بيدي ماتاخذها اهخ اهخ

'

في أمريكا بعد مرور ثلاث أيام~

في الجامعة

مرت عليه الأيام مثل وكأنها أمس هذا الى أبتعد عن وطنه عشان ينسى حُب أهلكه وعشان يتمسك من الحياة سلبها من نفسه بدون شعور هُنا معه ذياب ولكن يحس انه وحيد وقاتمَ وعاجز يفهم نفسه فز على صوت ذياب:.اطلب لنفسك قهوة عشان تكون مصحصح بالكلاس..

هز راسه بالايجاب وهو يعدل نظارته كان شكله جاذب وحدة من البنات الى جالسين بعيد وقالت:.ههههه شوفيه واضح ذكي!

عقدت حاجبه بغرابه:.الا واضح غبي انتي بفهم وش هالذوق الى عندك

سهام:.انطمي بس كيفي بعدين الولد واضح ذكي انا شفته اول ماداوم كانت عينه ابد بس على الكتاب ومطنش عكس الشباب شوفي كيف يناظرون البنات

نطقت بجراءة:.جربتي تكلمينه

هزت راسها بالنفي:.احسه مايعطى وجه

سديم:.دامك ماجربتي انتي تكلمينه انا راح اجرب

رفعت حاجبها بقهر:.نعم أنا الى مدحته وشفته قبلك

سديم:.انتي ماكلمتيه اذا فيك حيل نتشارط ونشوف من يعطى وجه وبعدين لما يصير روج ولا مناكير وتشترينهم قولي شفته قبلك

سهام:.هو مره محترم وفي حاله وانا اعرف صديقه ذياب وبعدين هو واضح مو نسونجي بطلي هالحركات

سديم:.انا ماقلت عنه نسونجي بس بتشوفين شلون بجيبه من أقصاه

سهام:.تعالي وش تسوين؟

تجاهلتها وهي ماشيه واشرت لها تبتعد

تنهد وهو ينتظره وجالس لحاله بس أنذهل من القلم الى طاح عند رجله وهو يسمع صوتها:.اوه اسفه!

-

غض البصر عنها وهو يرفع القلم:.مو مشكله حصل خير تفضلي

سديم:.أنا شايفتك في مكان شي!

ماعرف احس اني اعرف وشايفتك ماذكر

سلطان:.لا مانعرف بعض تتوهمين

رفعت حاجبها بأستفزاز:.اوكي شُكرًا

كانت تضحك وهي تناظر فيها وهي جايتهم وملامحه الاستفزاز واضحه فيها"غيداء ونور"اخ ياربي شوفو ماعطاها وجه حرام!

سديم:.والله شايف نفسه حيل هذا من يفكر نفسه بعدين هو مايعرفني زين وماسولفنا عشان تحكمين انتظري وشوفي

هزت راسها بسخرية:.واااااي ضحكتيني تخيلي اوقف قدام واحد ومايناظرني حتى بموت من الفشله حبيبتي تفشلت عنك

سديم:.بتشوفين كيف بخليه يركض وراي وبعدين لاتحكمين من البدايات

نور:.سديم اتركي عنك هالسوالف بعدين واحد جاي في حاله لصقتي له

كررت ضحكتها العاليه:.ماقدر بالفعل انتي مانقدر نفرق بينك وبين العلكه!

تجاهلت طقطقتهم وهي تركز في الكتاب:.اللغة العربيه!

نطقو بوقت واحد"هـا!"

سديم:.ماسك كتاب اللغة العربية، هو مره يهتم بالشعر والأدب عرفت شلون اتواصل معه وبتشوفون بتنجح خطتي

'

الديرة فيصل ~

ترك الباب مردود وهو يهاوش:.والله أنت الزلابه لاعاد تتصل انا معصب منكم ومابي اشوفكم اجل نروح للورعان بزارين ماينشافون وفارس يصالحهم؟،

كمل كلامه بغضب:.قفل بس والله ماكون فيصل لو اجلس معكم أن ماغديتو رجال بالذات أنت ياعبدالرحمن

فز على صوت الباب الى انفتح وهو يلف ببطء شافها قدام عينه وكان ذا أحلى مُنظر يشوفه من حوش بيتهم:.وش تسوين هُنا!

مسكت بالباب وبنظرة غرابه:.ماهان علي تروح وما أسلم عليك وقلت بما انهم راحو أسلم عليك شَفيك معصب؟،

هز راسه بالنفي وهو مُحرج من نظرات التسأؤلات:.مافي شي بس صارت شغله سخيفه آنتي وش تبين اقصد وش جابس

عقدت حاجبها بذهول من كلمته:.مابي شي هاذي جزاتي جايه اسلم عليك ي فيصل؟،

أقترب من جهة الباب بصوت مسموع:.آنتي تدرين اني ماقصد كذا بعدين يعني لامسكونا مع بعض بتصير علوم كايده!

ضحكت وهي تتراجع لوراء:.خلاص بروح بس كنت بعطيك شغله

هز راسه بغرابه:.وشهي الشغله!.

مدت يدها وهي تعطيه المنديل:.أبوي عطاني هالخاتم يوم كنت صغيره لانه خاتم خالي الله يرحمه وأنا حلفت ماهديه ألا شخص غالي على أنا مافتحت صندوقي من توفي خالي بس اليوم تذكرت اني لقيتك يعني خلاص هالخاتم لازم يكون لك!

رجف كامل جسدها من سمعت صوت أبوها من برا يـ...

-

بأحد محافظات الجنوب عائله أبو لافي~

كان يمشي خط طويـل، للديرة متجاهل أخته وهواجيسها ولا كوب قهوتها المُصاحب لها في كل مكان فاتحه جوالها وكالعادة ترمي حسراتها بالملاحظات وقالت غاليّـه بأول كلماتها بعد ماشافت لائحة أسم الدخول لمحافظتهم:.قبل ثمـان ورجعنابس كانت زيارة قبل ثلاث سنوات و كنا بالسيارة هاذي الى الحين يسوقها أخوي لافي وكنا تابعين نفس الخط بس ماكان خط عوده أحنا كنا طالعين من ديرتنا بنسكن بالرياض المهم وسكنا هناك بحكم أنه ابوي عميد وشغله يتطلب ننقل صحيح أحب ديرتنا وبنات عمي نورة وجمانه ماكنت متخيله بيجي يوم وأفارقهم ويوم فارقتهم ماكان جاي بخيالي أنه بنرجع هُنا أي أي رجعنا بس بدون أبوي!.

صح نسيت أخبركم المهم بقصتي أبوي توفي من سنة ضاق علينا الحال ماعاد شالتنا الرياض وقررنا نرجع من حيث ما أتينا لان الرياض صارت كئيبه ماعادها المكان الى نشوف الكل يحسدنا عليه بالاحرى ابوي وجوده كان مجمل لنا كل شي وعرفنا حقيقه كل شي بعد وفاة ابوي!

'

يدخل لجوا

استند على باب الحوش او المدخل الثاني للبيت من جواء وهو يشوفهم داخلين وكان سالم داخل وعطاه نظرة عدم الرضى والكل دخل مجلس الحوش كان شاد على الخاتم بقوة عشان مايطيح ويسئل نفسه"أنا ماستاهلها" ليش تهديني هالخاتم؟،

أنبه ضميره وحس أنها حيل بريئة وتبين قوتها للكل بس هي حبته ولا تدري انه بياخذها عشان جده أنجذب لكم شغله فيها بس ماتعمق بشخصيتها ماقدر يعرف عنها كل شي ما سَاعه الوقت لمعرفه الكثير وباقي كم يوم فاصل على أنه يجمعهم سقف واحد وهو باقي في مرحله الفضول وهي حبته بهالبراءة والسرعه لانها فاقده هالشعور في حياتها بأختصار هي عاشت بين أخوان وزوجة اب خلوها تعيش كأنها في حرب ومجبورة تبرر ومجبورة تبين طول الوقت قوية!!!!! هو الشخص الوحيد الى قدرت تكون معه على سجيتها..

-

منصور أل عليّان~

أشـر عليهم هذولا ياحضرة الضابط

ضحك بأستهزاء:.ياليل ماطولك أنتم لين متى تتهاوشون وتجون هُنا وبعدين يعني!!.

أبو عمار أشر بحقد:.هذا الرجال ماهوب صاحي وش اسوي اذا ماراح وفحص على عقله لانه قليل صح بنام عندكم هنا لين اطلع حقي من خشمه

جلس ببرود وبنظرة فضول:.وش مسوي بعد؟

ابو مالك:.كذاب ياحضرة الضابط هذا الرجال مسبب ازعاج في أمر يهمني

منصور:.حلو يعني مشكلتكم هي الازعاج انت وهو ولا انا ماسمع!

ابو عمار:.الا على طاري الازعاج هو المزعج له فترة يطلبني أذن له يصلح شغله مشتركه بين بيتي وبيته واقوله اني مو فاضي مشغول عندي ضيوف مهمين وعرس ولدي عالابواب والأخ يبي يدخل يخرب ويوصخ البيت بالتربان

أبو مالك:.والله يالضابط انه كذاب انا صابر وساكت ومن حقي اصلح اي شي يخص بيتي وهالشي فيه ازعاج لي ولعائلتي انا استئذنت منه فاضي يسوي عروس بس موفاضي يعطيني من وقته قليل

منصور:.لو ماتسقطون حقكم عن بعض برميكم ثنينكم بالنظارة عشان يفتك العالم من التفاهه!

والأن تسمح للرجال يشتغل في أمره الخاص ويصلح وكفى الله شـرك اترك اللعانه عنك..

أبو عمار:.بس اقولك عرس ولدي قرب!

منصور:.مالي شغل في عرس ولدك ولاكلمه نفذ وأنتهى والا برميك بالنظاره وحتى العرس يلتغى تفهم!!.. أنهو الأمر

أبو مالك:.وانا على اوقع تعهد ماقرب من هالادمي

منصور:.بلاك الله بجيرة شينه وبلاني بشوفتكم كل شهر بهوشه جديده والوعد قدام اقطكم بالنظارة إن عاد جيتوني ثاني مره تشتكون،

-

عائله أبو لافي~

حط الى بأيده بصدمه من دخولها:.أسمع ابيك تاخذني لنورة وجمانه، وعدتهم اجي اول مانوصل

لافي:.والله تستهبلين يعني لازم تتصبحين بوجيهم روحي لهم بكرة الحين ساعدي أمي بالترتيب

غاليّه:.برجع بسرعه مابطول

تنهد برضى وتكلم بصوت مسموع:.يمه باخذ غاليه لـ بنات عمي تبين منها شي؟.

-

هز راسها بالأيجاب:.سلمي لي عليهم وعلى خالتك أم منصور قولي لها بنزورهم

ركضت لجهة السيارة وهي تسكر الباب بأقوى ماعندها:.اسمع أنت لين متى تجحد حبك لجمانه! كلنا ندري انك تحبها يا لافي واصلا حتى يوم كنا صغار كانت دايم هي عروستك بالالعاب

لافي:.واحنا ماعندنا سيرة غير جمانه ذي؟

للمعلوميه ترى هاذي ألعاب وأنتهت ولا تقعدين تأملين البنت فيني ياغاليه سامعه!

غاليه:.وجع اسرع الى يشوفك تناظر وراء يقول بيتهم بعيد عننا تراه حذفـه رجل !

لافي:.لاتسوين نفسك ماسمعتي ياويلك تكلمين جمانه عني وتعلقينها فيني انا مابي أخطب واتزوج انا بكرس حياتي لحماية الوطن مثل أبوي

غاليّه:.خلاص وجع عرفنا وأصلا راحت عليك وحرام وحدة مثلها تتزوج واحد مثلك

'

↚

وقف وهو يشوف خواته الى جالسين:.أنا اول مره اشوف مثلكم جايتكم ضيفه وجالسين تلعبون اونو!،

شهقت وهي تضحك:.شوفي وش يقول اصلا غاليه مانعدها ضيفه هي من يومها تدف الباب وتدخل

منصور:.يعني انا اول مره اشوف أشخاص يعزمون احد ومايجهزون تبون اجيب لكم شي والله عيب!

جمانه::أنت ليش مهتم اطلع لشغلك!

منصور:.قاعد أمسك نفسي بما فيه الكفايه وش تبونها تنقد علينا وتقول اننا قليلين ذوق ومانقدر الضيف جاي اسئل اذا تبون شي بس ماش موب راعين واجب

نورة:.يا روحي أنت وشدخلك وليش مره مهتم بعدين هي متعوده ترفس الباب وتدخل مسوي نفسك ماتعرفها!

منصور:.ماعرفها يعني وش يعرفني فيها الله يستر عليها

دخلت مابينهم:.الله يوفقك يمه انتبه على نفسك اليوم وش تبي اسوي على العشاء

منصور:.الى تبين يمه انا السم اكله من يدك

وآنتي برد عليك وقت ثاني يالوقحه

طلع وهو تاركهم خلفه:.مسوي نفسه مو مهتم وهو متشقق اكثر مننا على جيتها

جمانه:.هو ليش يسئل عنها يوم امي قالت له انها تبي تخطبها عيا

نورة:.مو ياغبيه غاليه ابوها توفي واوضاعهم اكيد ماتسمح لخطبه وزواج وبعدين اصلا غاليه تعقدت من شغل ابوها وعلى حظه اخونا هو ضابط وهي تكره شي اسمه شرطه وضباط ولا تجيبينهم عندها وهو وده والى وده محد يرده بس خايف ترفضه!

جمانه:.اجل سهل انا الى بشوف وش وضعها واذا توافق ولالا ولا يجيب لنا طيف العقربه الى ماصدقنا يفصخ خطبته منها

نورة:.بس وش بتسوين راح تفتحين الموضوع معها؟

انذهلت من صوت الجرس وشهقت وهي توقف:.اسكتي أنا اعرف شلون اجمع هالاثنين واوفق راسين بالحلال

نورة::ذكية يا خطابه ههههههههه

-

الديرة بيت الجد عواد~

دخل ورفع ثوبه وهو يحاول يقصره لجل يمشـي براحته وأنتبه لنظرتها يليّ سرعان ماصدت عنه بخجل قفل الباب ومشى بخطوة هاديه ناحيتها:.فيك شي ولا؟،

بلعت ريقها وكانت تحاول ماتبين غصتها الى باينه بصوتها يوم نطقت أسمه:.فارس،

لمعت عيونها من قال"لبيه ياعيونه"

حور:.شفت هذيك رغد بالجمعه وقالت لي كلام يقهر حسيت اني مقهوره والكل ينظر لي بهالنظره الشينه وانا مو كذا!

فارس:.وش قالت لك ذي بعد؟،

حور:.حسيتها تبي تكره مزون فيني وحسستها اني حاسدتها

فارس:.من زين فيصل عشان تحسدينها عليه هذا حتى اهله مايحبونه

غلبتها ضحكتها وناظرته وهي تبعد شعرها عن وجهها:.لا ياغبي مو كذا هههههههه

فارس:.وش اجل

حور:.قصدها على هذاك الموضوع شفيك !

فارس:.موضوع وش، ترى يروح فكري لبعيد خليك واضحه

رفعت حاجبها بخجل:.وي شفيك اقصد أني انا وياك ماسوينا عرس وهي اول وحده بتتزوج وتجي عروس على العائله،

فارس:.أنا ماقد تهاوشت مع حريم بس شكلي بتهاوش!.

تجمّد مكانه من مسكت يدينه وقالت بنبرة كلها حلاوة ونعومه:.لأ.. المقصد مو هوشه بس يعني تضايقت شوي لان بعد حريم الديرة تكلمو عني وفي منهم قالو اكيد ماسويت لي عرس لانه في سبب!!

فارس:.حرام حرم الدم على انك تسوينهم بعيوبك ولسانك الطويل الى بيحكي فيك كلمة بيندم ولو كان حرمه مع اني ماقد تهاوشت مع حريم

حور:.وأنت تدور المشاكل ماهقيتك كذا أنت مسالم شفيك قلبت

فارس:.مانيب مسالم اذا الموضوع فيه يضايقونك!.

حور:.بديت احس انك صادق في كلامك

عقد حاجبه بأستغراب وهو يناظرها بصمت وهي تحكي بكل أنكسارها:.احس اني ماراح استحمل كلامهم عني وماراح اتحمل اني احضر العرس

فارس:.لها الدرجة كلامهم مزعلك صدقيني هم يتكلمون بالكل والناس وش ماسويتي بيتكلمون عنك وحتى لو سكتي بدال لاتزعلين زعليهم وسكتيهم ولا بس حاطه حيلك فيني

ضحكت وهي كلها غرور:.أنا؟ ماسويت شي لا تتبلاني

فارس:.آنتي تدرين وش سويتي بس انا انتظرك تعلنين استسلامك وتعتذرين وتدرين أني ما ازعل عليك بس هذا عتاب المُحبين وعواقب السكوت الله يجنبنا الزعل

حور:.دامك مو زعلان ليش تطري الموضوع؟

فارس:.في فرق بين الزعل والعتاب

ومستعد اشرح لك الفرق بس بعدين

رفعت حاجبها بسكوت وذهول:.طيب انا جوعانه

فارس:.الحين انا اقولك اني واصل أقصاي وابي اسمعك وانتي جوعانه وتبي تأكلين ! اقدر اقول انك تهربين من الجواب مو مشكله

-

وصل أستراحه الباب بـ بال ماهوب مُستريح:.تعال نلعب ضد بعض فيفا،

رفع حاجبه بأعتراض:.ماني فاضي لك

أقترب سلمان وهو يجلس جمبه:.الظاهر أنت شغلتك شغله ياخي ليش ماتسمع كلامي وتتزوج عليها بعدها بتمشي مثل المسطره

بدر:.ماترد على وفوقها مادري وينهي فيه

سلمان:.اقولك شي وماتزعل مني!

ثبت نظرة عليه بال شارد:.لاتصير رخمه الحرمه يبي له شكم وبطريقتك تقدر تاخذها وتجيبها واذا سمعت انك تزوجت بتجيك طايره وبتدور رضاك

حط المخده وهو ينسدح:.كلام فاضي مايمشي معها هالشي هي مايهمها الا نفسها وماهي شايلتني من أرضي بعض الاحيان احس انها نستني

سلمان:.الا قول أنت الى مو هاين عليك تاخذ عليها وحده ثانيه وتقهرها وتجيبها تترجاك

عطاه نظرة ونطق بصوت ثقيل:.لاخذيت عليها وحده عشان اسنع أموري بظلمها وانا مابي اظلم وحده ثانيه يكفي على ظلمت الى حبيتها وظلمها على قلبي ثقيل

سلمان:.آنت بدت تلعب بعقلك حرمتك وتمشيك على كيفها من متى حقوقك وانك تستر حرمتك وتعزها بفلوسك صار ظلم هي تبي تمشي على كيفها وتشتغل خل تشتغل بس هي ماتقبلت انها هي الى ظالمتك وانت صابر عليها

بدر:.أنا الى ظلمتها بس هي ماراح تسامح

-

بيت عمة بدر ~

حطت الايباد وهي تناظر لها:.يعني لين متى بتظلي ساكته وش الشي المهم

سحاب:.بدر لازم يطلقني ويفكني شره

شهقت وهي تحط الكوب:.يطلقك يعني منجد انتي ماعاد تبينه؟

سحاب:.هذا واحد همجي وش ابي فيه جا لنا هنا وقعد يصارخ حسيته واحد يبي له مصحه

بيادر:.تبغين الصراحه المفروض تقعدي معاه وتتفاهمو

سحاب:.انا اقعد مع واحد مثله بيادر الى مثل بدر مستحيل يتغيرون وانا خلاص بلكته عشان مايرسل

بيادر:.بس المفروض تجلسين معاه وبعدين انا اشوف انه هو يحبك ومايقدر يتخلى عنك

سحاب:.ماعاد اثق فيه وهذا المهم وهالشي الى خلاني اخذ قراري

-

بعد مرور أيام في الجنوب ~

فتحت الباب وهي تناظر للبيوت الى تحت بيتهم حست بالذهول من لاحظت الشخص الى يناظرها من بعيد وهو"راضي"اخو بنت جيرانهم عدلت شالها ودخلت وهي تقفل الباب ارتعد جسمها من صوت طق الباب الى انفتح:.وش قاعده تسوين هنا

غاليّه:.يمه خالتي منيرة للحين تسكن هُنا هي وعيالها حسبتهم نقلو!!.

بهية:.لا مانقلو وشرايك يابنتي نروح نسير عليهم

هزت راها بالأيجاب:.اي بس تكه والبس ونمشي

بهية:.وانا بسوي شي ناخذه معانا اسمعي كلمي بنات عمك يجون نبي نروح جميع

هزت راسها بأبتسامه وهي تاخذ جوالها فتحت"الواتس وتحديدًا قروبهم التجار"

ياتاجرات جاهزين نروح نسير مع بعض؟.

ضحكت وهي تشوف نورة الى مرسله رياكشن

جمانه:.بموت اخيرًا رجعتو لحياة الوناسه غاليه احسك كنتي مدفونه بالرياض محد يزوركم ولا يجيكم

غاليه:.اجلو السوالف لاجيتو هههههه

'

في الديرة بيت الشيخ مساعد~

مُسكت المقص وهي تناظر للفستان وقصته من السيار واليمين وخربته:.اجل اليوم في عرسك ماراح اخليك تلقين فستان تطلعين فيه لزوجك وبفشلك

رمت المقص وهي مبسوطة ماهي مدركة فعلتها وتخريبها لفستان أختها وش من قلب تحمله وش من حقد مستوطن داخلها الى يخليها تسوي كذا

غادرت المكان وهي تشوفها تناظرها:.الجوهرة؟،

الجوهرة:.شفيك تطالعيني كذا سكرت الشبابيك عشان ماتدخل الغبرة غرفتس اشوفك على خير

'

فارس ~

جلس وهو يناظر من بعيد وتنرفز من منظره ومشى بأتجاه المحل:.هذا البشت ماهوب مقاسك

فيصل:.هالاثول الى قدامك قايله يخيط لي بشت

فارس:.حرام عليك الرجال شدخله لاتقط توترك على الناس درينا انك معرس

فيصل:.وشدخل الحين انا ماعندي بشت ادخل على الرجاجيل فيه

فارس:.خلاص خلاص لاتصارخ انا الى بحلها صاحبي جاي وجايب لك معاه بشت بخشم الريال

فيصل:.قل قسم

فارس::افا عليك كلمته وارسلت له صورة البشت الى بتلبسه بسيطه

فيصل:.والله فكيت ازمه قاعد افكر وش يفكني من لسان جدي وهذا الى مادري وشلون سموه خياط عثى فيه ماعاد ينلبس

فارس:.محمد مشكور

محمد:.بابا وين فلوس أنتا

فيصل:.فوق مانك مخرب لي البشت تبي فلوس!!.

فارس:.كم تبي خلاص فيصل مشها

فيصل:.بمشيها لاني رايق ولد امه يخرب مزاجي

-

الجنوب احد المحافظات~

كانت تهليّ فيهم ودخلتهم مكان الجلسة الأرضية وجلسو لكن سرعان ماوقفو البنات وهم يسحبون انفسهم لبراء مع بنت الجيران الى دخلتهم المطبخ :.هلا والله بـ غاليّه!

شدعوة رحتي الرياض وماعاد شفناك هنا بس ماتغير فيك شي الا انك صرتي أحلى

نورة:.اي ياحلو حرمة اخونا

اتسعت حدقة عينها:.وشو انتي انخطبتي لولد عمك!

ضرب نورة بخفه:.لا تمزح وشفيك نوير تحب تناديني كذا ومادري وش السبب للحين

جلست وهي تتذكر كلام أخوها راضي"بروح بحضر عرس فيصل مع خويي حمدان اذا شفتي غاليه علميها اني بخطبها"

رفعت حاجبها من راحو من أمامها وهي تسحبها على جنب:.اسمعيني:.حتى لو خطبك منصور لاتوافقين ونظام البنت لولد مها مات شتبين فيه

ضحكت بذهول::هي شفيك شفيك شسالفه بعدين هو ماخطبني البنات يمزحون

خوله:اخوي يحبك ويبي يخطبك هو شافك كم مره بس قبل ماتسافرون وحبك يوم درى انك رجعتي حط معي أمانه خذي

رفعت حاجبها وهي تاخذ:.وش في هالظرف

خوله:.لاتفهميني غلط بس والله اخوي قصده شريف:.هزت راسها بـ رفض قاطع:.ماقدر تبيني اكلمه!!.

اعذريني ياخوله شلون تبيني اكلمه مايمديني ابد

خوله:.وش اقوله اذا رجع من العرس انك رفضتي

غاليّه::اخوك مايقدر يصرف على نفسه كيف يبي يتزوجني انا اسفه انهي السالفه

فزت على دخول"بنات عمها"يالله مين تسوي الشاي

خوله:.انا اسويه انتم ضيوف اجلسو ارتاحو

'

الديرة ~

كان يعدل غترته والبشت يرفعه:.وشرايك حلو

فارس:.الله معرس اصلي وش حلاتك وأنت رايق

وضع نظرة على الباب والشخص الى لابس ثوب أصفر ويدخن:.ياهلا والله بمعرسنا!

فيصل:.وش تسوي هنا آنت هلا فيك

حمدان:.والله عيب أنه حنا عيال ديرة وحده وماتجيني عزيمه لعرسك وحنا حبينا خشوم بعض وتصالحنا وغدى الشر

فارس:.وشدعوة العرس الكل بيحضره مقبره ماترد ميت

فيصل:.حياكم الله

راضي:.عاد انا جيت من الجنوب مخصوص عشان احضر عرسك وارقص فيه

فيصل:.عن أذنكم شوي

ضحك بخبث ونطق بهمس:.هذا على وش شايف نفسه مترفع زيادة عن اللزوم

راضي:.ماعليك بكسر خشمه الى رافعه

حمدان:.هذا العشم فيك والله

فارس:.الا ماقلت لي وش الى خلى دربكم على دربنا

-

حمدان:.في واحد هنا كلمني اصلح سيارته ويوم شفتك من القزازّه قلت لازم اسلم عليك

فارس:.زين اجل اليوم نشوفك بالعرس وعاد ودي اشوفك مغير هندامك ومتكشخ

حمدان:.نكشخ لك ماعليك

العد يده عن كتفه ومشى بجهة فيصل وهم يتكلمون:.مره ماكان ودي تعزمه غلطت

فيصل:.وش اسوي ازبد له يعني لازبدت له اصلا بتنقد على

حمدان:.قال وش غير هندامك

راضي:.وانت بعد في احد بروح العرس بملابس وصخه لازم تنجهز

حمدان:.المفروض اني انا المعرس مو هو

رفع حاجبه بغرابه:.وش قاعد تقول انت

حمدان:.خطبتها قبله بس ابوها رفض يبي ولد نعمه وفلوس الله يقهره مثل ماقهرني الشايب

راضي:.لو هي من نصيبك خذتها لا تحمل هم جبال عشان شي تافه وبدال المرة اربع

حمدان:.الكلام سهل

'

بيت الجد عواد ~

حط السبحه وهو يقوم ويستغفر

حور:.عمي ممكن تخلي فارس يجي مارد على

عواد:.لاتشغلينه فارس مع فيصل ومشغول بعدين لاتقولين لي عمي

تأفأفت وهي تشوف أشعـار منه:.يعني مصره تجين العرس معاي قلت لك خليني اخذك رفضتي

حور:.اي ولوسمحت مر على يعني وش بتسوي هذا عرس فيصل وعبدالرحمن موجود ليش كل شي عليك

فارس:.مايمديني جدي جاي ؟

حور:.اي توه طلع

فارس:.يالله اجل اليوم بنشوف زينك انتي العروس اليوم بنظري

فزت على صوت أسيّا:.وين الاستشوار حقي؟

حور:.هيه انا وشدخلني بعدين انا ماستخدم اغراضك

أسيّا:.وانتي اتركي عنك هالفارس وتجهزي ترى العرس ماهوب بعيد والوقت بيضيق

فتحت شنطتها وهي تناظرها:.حبيبتي انا ماتكرفس وانا اتجهز انا احب اتجهز وانا اسمع موسيقى رايقه عشان اطلع قلوري وكشختي تصير كشخه فعليًا

أسيّا:.مالت عليك صدق بدق على شجن

-

حطت فنجال القهـوة موجهة نظرها لأخت راضي يليّ ملامحها ماتعبر إلا على الاستياء:.بش خوله

لفت نظرها غاليه الى توشوش لها وعطتها نظرة إستغراب وهي تسمع صوتها الخفيف:.ابتسمي ابتسمي

خوله:.لاتناظريني كذا وتوشوشين انا زعلانه عليك

غاليه:.اف منك خلاص ههههههه ماكلمك يعني!

نورة:.هي بنات وشفيه بسم الله عليكم وش صاير

غاليّه:.لا ولاشي كملو لعب وش تلعبون

نورة:.نلعب كيرم

غاليّه:.يالله انطمي لاتذكريني بأيام الحجر

نورة:.انا الى بذكرك ولا شكلك ماتبين تذكرين عشان الى مابقول احسن اسكت

خوله:.رفعت حاجبهاوقفت وهي بأتجاه المطبخ:.غاليّه ممكن تلحقيني

هزت راسها بالموافقه:.راجعه لك بس هين بكرة اجيكم ونلعب كيرم حقيقي مو بالجوال وبكسر لك راسك والله

-

حمدان وراضي ~

فتح الدولاب بدفاشـه:.بلبس أي شي مصدق نفسه ذا بتكشخ له

راضي:.العفو منك ياخويي أنت ادرى بس عشان مظهرك قدام الناس ولاهم لا ماشفناهم

حمدان:.وشرايك في ذا البس سروال وفنيله واخش عليهم بشكل يكون شبهه بخوفهم واخلي المعازيم ينحاشون ههههههاي

راضي:.الله اكبر والمعازيم الى عازمهم من ديرتنا نصهم شيبان مافي غيري وغيرك شباب شكل

حمدان:.عاد اكره الشيبان وبالذات ابو العروس عندي له مفاجأة ماراح ينساها!.

راضي:.لاتسوي لنا مصيبه لازم تقولي وش خطتك مب انا بير لأسرارك

حمدان:.بس بتشوف بعدين

راضي:.اذا انجلط علينا ومات بنص العرس

-

وقفت وهي تسند على بلاطة الجدار:.وشفيك

خوله:.قولي انك تحبين ولد عمك وتبينه بعدين تلميحات بنت عمك ماراحت على الفاضي

غاليّه:.يالله منك ياخوله تراك بتندميني على الجيه ماراح اتزوج لا ذا ولا ذا بعدين ماهقيتك كذا اذا رفضت اخوك بتزعلين من متى انتي راعيه شخصنه!

خوله:.لاني ماحب الكذب والتلون لو قلتي رافضه اخوك ياخوله لاني احب ولد عمي وابيه كان باركت لك تراني مانيب الى بحسدك على فرحتك

غاليّه:.لو البنات مو برا اقسم بالله كان رويتك وجهي الثاني وشفتي حكيي، خلاص هقيت انك بتفهمين

خوله:.لاتزعلين مني غاليه انا صريحه

غاليّه:.هاذي مو صراحه ذي وقاحه بس الحق على الى يقدرك ويجاوبك على شي اصلا مالك دخل فيه صار ولا ماصار

خوله:.اقول تأدبي!!.

غاليّه:.اذا جيت بتزوج ولد عمي ولاغيره بعزمك ليش اخبي وانتي اتركي عندك التدخل في شوؤن الغير بلا سبه

.

الديرة ~

دخل بغرابه:.راسلت سلطان يسلم عليك وش قاعد تسوي أنت يلا روح وراك سباحه وترتيب من ايت وزد

فيصل:.جهزت لنا جلسة بعد العرس

فارس:.نعم نعم والعروس بتحطها وتجينا؟

فيصل:.لا بودع العزوبية انا بيني وبين المسوؤليه والزواج حذفه رجل لا تتكلم

فارس:.اشوي فكرتك غبي والله انا اتوقع بنت الناس اذا فيها عقل بتغير رأيها الحين قبل لايطيح الفاس بالراس يعني ها اترك هالجوال اكلم مين

فيصل:.هاذي خصوصياتي وشوؤني الخاصه مالك حق تسئل ثاني شي انا مشغول في امور بيني وبين زوجتي ماتطلع

فارس:.أنت يوم انولدت شالو عقلك وحطو بداله شي ثاني عرسك الله يلعن ابو البرود الى فيك!!.

فيصل:.خلاص ترى طفشتوني رايح

دق كتفه وغمز:.لايكون باقي تبي تنحاش من الديرة

فيصل:.لا أنا عندي بالديرة هُنا شخص يهمني مابروح الا رجلي على رجله

فارس:.واكيد هالشخص مو أنا يلا يلا انقلع تعلمت صفصفه الكلام الحب يغير الانسان

-

المحقق عبدلله ~

حط الكوب الى بأيده ونظرته على الرسالة الى وصلته"أنا تحت لو تأخرت بجيك لين شقتك"

اخذ مفتاحه وهو يراقبها من بعيد نايمه اقترب بخطوات بطيئة وغطاها:مادري وش بقول هالادمي طفشني لازم افهم وش يبي مني حالاً..

« كان يمشي خطوة بخطوة »

وقف وهو يناظر للبناية:.اهلين عبدلله اتصلت فيك

ماترد…فيك شي يا اخوي

عبدلله:.الله يلعن اليوم الى صرت فيه اخوكم وش تبي

صالح:.اسمع كل الى جيت اقولك انك شبل من الخمس أخوان وابونا الحين في المستشفى علمًا بانك جاحدنا حتى قدام الناس وتقول أن ابوك زوج امك الى رباك

عبدلله:.ابوي؟؟؟ وش الى صار تكلم صـ..

دفعه وهو يكرر"لميت الدنيا اسكت" أبوي حالته حرجة أنت لازم تستحي الى وجهك وتجي تزوره

عبدلله:.زوجتي حامل! هي ماتعرف

صالح:.او تزوجت وحنا ماندري،مو مهم واضح مانهمك ولاكان عزمتنا على عرسك

عبدلله:.كل شي صار بسرعه!!.

↚

صالح:.اطلع من هالبيبان كل ماجحدتم قلتم كل شي صار بسرعه المهم مر ولا تطولها

عبدلله:.انا جاي معاك… زين؟

صالح:.انا بنتظر هنا

...

« كان قاعد يشيك على الفناجيـل »

فتح جواله وهو يشوف الرسالة بغرابه محد يرسل له إلا احفـاده وش هالرسالة ومحتواها الى اغرب منها وأستذكر الرقم"متى راح تخليني أشوف فارس واحكي له عن عائلته! تأنيـب الضمير ذابحني ويالله اكفر عن ذنبي ابوه بالمستشفى" بيموت وهو مادري إن عنده ولد غير عيـاله الخمس؟

جلس ورد بسرعه"لوسمحتي مو وقته بس ارجع نتفاهم"

تجاهـل رسالتها الجديدة وهو مرتبك كيف بيوقف في وجهه بعد هالسنين ويقوله عندك عائلة ثانيه و اخوان وأب على فراش الموت يمكن يروح قبل لا تلحق عليه… وكيف بيسامح الشخص الى علمه الشجـاعة وخاف يحكي ويخسره، أنقبض قلبه لمجرد أنه يفكر بفقدان فارس حفيدة الى مابينهم رابطه دم بس بينهم رابطه محبة وثيقـه

-

الساعة ٩… تجهز الجميـع وحان موعد دخوله عليها لكن أنصدم بالرجل الى أنحطت على الباب تمنعه من الدخول نااااااطق بصوت يسمعه أبعد شخص عن الديرة:.على وين؟.

جحدت العادات ومشيت الكل على كيفك والان تبي تدخل وش بتسوي مثلاً مافيك صبر، أنت صدق ماتستحي على وجهك

"دخل بالخـط ونطق بتعجب"سالم وخر المعرس بيدخل بإذن ابو العروس ثانيًا هي حلاله صار ماصار

سالم:.ماكان ودي بهالنسب المصـدي بس ابوي مسكني عنك والله يعيني عليك لاني مادري كيف بعاااااااشرك وتصير منا وفينا

فيصل:.بعطى زوجتي هديتها وبشوفها وأهنيها بفرقى اخوها الأقشر

نزل من العتبه وطاحت الزبيريه الى برجله:.يمين بالله لو اني مب حالف لابوي ماقرب لك كان شفت شي ثاني

تحرك من مكانه ونظرة مشغول بالشخص يليّ يحرك مسواكه بفمه بطريقة مقرفه وصرخ بصوت عالي:حمـدان!!!.

وقف وهو يناظر بـ راضي:.تعال تعال يا مسند ظهري الظاهر إن.. في أحد مستغرب من الجيه

سالم:.أبوي طردك من الشغل بعد السالفه ذيك وماظن بيسره حضورك اذلف الله لايهينك

حمدان:.حبيبي سالم مو ابوك الشيخ الكريم الى مستعد يدخل المحتاج والبردان لبيته وماظنتي بيرد ضيفانه واذا عرف أن ولده الى مو شايله من ارضه اصلا قاعد يطردهم تتوقع وشلون بيكون رده؟،

سالم:.ومين انت عشان تحدد اذا ابوي شايلني من ارضـي... اذلف اذلف لاشرشحك

حمدان:.اصواتكم كانت عاليّه من الفرحه اوه راضي صح صح

ضحك بسخريه وهم ينظرون في عينه بوقاحه:.صحيح احنا ماسمعنا الحوااار الى دار بينكم بس والله أهـل الديرة غلط تتهجم على زوج اختك وحامي عرضك وشرفك وتطلب منه بصوت عالي يطلقها ولا سمعنا ان ابوك شرشحك والعجيب يعني ان صذق مالك كلمة

ضحك بصوت عالي وهو يشيل المسواك:.أنت مذا من يوم كنت صغير مالك كلمة واحترام وكنت دايم تهدد وتقول بس تكبر الكل بيحترمك بس حبيبي انت بتظل صغير عقل وماحد بيحترمك وهذا اسلوبك

انا مابكذب عليك هذا الادمي مابلعه بس أنت ماعندك مبرر للوقاحه

سالم:.اخر همي اسمع وش اسوي وماسوي من واحد مثلك انت بالاول روح حصل لك شغل ولم لك قرشين

راضي:.الفلوس ماتخلي الناس تحترمك ياسالم هذاك انت عندك فلوس وفيصل مايشوفك شي

تجاهلهم ومشي وهو كابت الغضب الى بداخله مايبي يبين انه تحسسّ ولو ذرة من كلامهم

حمدان:.شفت هذا شايف نفسه على وش والله ودي ادوس عليه وعلى وجهه الى يقطع الرزق

-

راضي:.امشي نلحق نوصل للعرس قبل الكل عشان ماننطرد بوجودهم ونتفشل

حمدان:.انطم من يسترجي يطردني؟

ثاني شي انا رايح يم هنا وراجع انت اسبقني

راضي:.الله يلعن الرخامه.. خايـف تندعس

حمدان:.بلا بربره زايده رايح اجهز مفاجئه لشيخ الديرة الكل جاي ومعه هدايا هدايا ياراضي معقول انا اروح ويدي فاضيه

راضي:.العفو منك بس الزواج لفيصل مو للشيخ

حمدان:.وهالهدية للأثنين اسكت وتفرج

راضي:.وانا اصير لقمة سهله لهم متاكد سالم بيدعسني

حمدان:.توك تتكلم عن الرخامه والله انك تتسيـد على الرخوم قلت اذلف من وجهي لصقه دقايق وجاي!!!!.

-

المستشفى صالح ~

كان داخل من البوابه وهو يشوف حاله أستنفار من الدكاتره والممُرضات:.ابوي ابوي يصالح ابوي

صالح:.ابوي وشفيه تكلم يا مجنون

على:.صحي وكلمني وشد على يدي وانا ناديت الدكاتره اخيرًا بيرجع ويتحسن

صالح:.مابي احد يدري بهالكلام سامع خصوصًا عبدالله المجنون

على:.ليش أنت رحت وشفت عبدلله أستقبلك؟

الله يخليك قولي هو بخير لنا سنين ماشفناه

تكلم بعدم مبالاة وهو يناظره:.طيب انا رايح مشوار وراجع ولو يهمك عبدلله تواصل معه هو مو هامه شي

على:.لاتقول كذا اذا ابوي تحسن بيجي ويبوس يده ويصالحه أنت تدري انه ابوي الغلطان

صالح:.هذا ابوه وراح يجي مثل الكلب واذا ماكان برضاه بيكون غصب عنه…

-

طلعت وهي لابسه فستان العرس بطلتها البهية عليهم والى كل من كان يردد بشوفتها"ماشاءالله وتبارك الله"على جمُالها حسنها الى ورثته من أمها حتى نطقت أحد الحضـور:.طالعه عليك يا مي الله يرحمك ليت الله طول بعمرك وبلغك فيها،

كانت تبلع ريقها بحرقه وغيره وكره:.ليش حتى وهي ميته مب مفتكه منها... الكل يمدحها والكل يحبها

حتى نطقت بكراهيه:.الله ياخذ عمرك كانك غثيتيني واستدارت على نظرات الجوهرة:.يمه ماصدق شقيته شقيته بيدي كيف،دفعته:.اسكتي!!.

الجوهرة:.يمه كيف كذا شقيت الفستان بيدي كيف تطلع وهي لابسته الخبيثه الله يقطعها

أم سالم:.انطمي لو انك ذكية كان دريتي انه ذاك مو الفستان الى بتلبسه هي الى لعبت عليك

كانت تناظرهم بنظرات الأنتصار وقلوبهم بتطلع من مكانها من الحسد ونظراتهم تحكي الى ماتقدر تحكيه الألسنة، وكانت تقول في بالها يا كثر حسّادي ، و انا قَد الحسد واستاهله

‏شرواي ما يرضى يجي في وضع لا يُحسد عليه...

'

حمدان" ونظرات الحقد سيدة الموقف/

رمـى الورقة المحترقه داخل

وابتعد وقف قدام الدكان الى يحتوى على التمور والسيوف وبعض من الكتب والسجاد وهو ينطق بحرقه قلب:.كل الى طلبه عبدك الفقير يارب العالمين يعرس على الى قلبه حبها بس أرفضوه، وكسرو قلبي ولا هي ما تبيني هاذي تسأؤلاتي وقف وهو يحط الى بيده من صوت راضي:.امشي من هنا الناس كلها في العرس وش تسوي

دفه وهو رافض وكاره:.بتتزوج غيري بتتزوج غيري!!.

راضي:.أنا كنت معك وادري بحرقتك بس بتروح فيها بتنسجن تحرق الدكان تتوقع محد بيدري بك

حمدان:.بتروح وبيتهنى بها وبتكون أم عياله وبيقولون لها ياحرم فلان

راضي:.طيب تدري اني حبيت واليوم قالت ماتبيني

التفت عليها وشعره على وجهه بس انصدم من الدخان الى سرعان ما أنتشر بالمكان وقاطعته صرخه رفيق عمره:.مجنون بتودر عمرك وتودرني معك امشييي

-

غاليّه~

كانت تناظر في بنات عمها بضيقه:.بنات اخوي سحب علي وش اسوي يعني قال اذا بتطولين رحت عنك وش ذا ياخي مو وقته مو وقته

نوره:.خلاص تعالي معانا بيتنا قريب وانا أحلها،

أنعقد حاجبها بربكه:.تحلينها وش بيتنا بعيد شوي

نوره:.خلاص اسكتي وامسي معنا يالله تحب تبربر هالبنت

جمانه:.لازم نتحملها حرم منصور

*ضحكو وهم بجهة البيت*

فتحته ودخلو وهم يسمعون صوت امهم:.يابنات جيتو اليوم في ترتيب عاد

قاعطوها وهم محرجات:.جينا وايدنا مب فاضيه شوفي من معنا

أقتربت زوجة العم وهي تحضنها وتبوسها:.شخبارك يا غاليه كذا تجين وماتزورينا تجين وتمشين

ضحكت:.جيت وماطولت وش اسوي نوره؟.

نوره:.اسكتي قاعده اتصل بأخوي عشان..قاطعتها بسحب الجوال:.نوره خلاص احس ماينفع

دفتها:.منصور آنت موجود هنا ولا بعيد؟

منصور:.انا مداوم وش بغيتي يا وجه البومه

نوره:.لا بس غاليه بنت عمنا انسحب عليها من اخوها وقلت يمكن امن عليها مع توصلها

بلع ريقه بربكه ولخبطه:.نوره.. انتي تدرين

ضحكت:.اي ادري ادري

بادلها الضحكه وشعوره فائض بالشوق

لشوفتها:.أنا جاي

-

كان جالس وهو يضحك ويفكر فيها وفي هالليلة الى ينتظرها كل رجل مع محبوبته حتى أنذهل من يدين احد المعازيم:.هاذي عانيه الى نقدر عليه وعسى الله يجمع مابينكم على الخير

فيصل:.الله يسعدك ويغنيك

عواد:.ها مبسوط اشوفك ورايق مكيف

فيصل:.دام فيها فلوس بستانس ماعليك

قاطعهم فارس:.دام فيها فلوس زوجه على ذوقك للحين باقي لك ثلاث محلات فاضيه

عبدالرحمن:.قومو خل نستانس عرسك ماراح ينعاد

وقفو قدام الى كانو يطبلون ومعهم السيّوف وكانو يسوون العرضة النجديـة..والطبول تزيد وحماسهم يعلى تكلمو من بين صوت الطبول:.والى كان معه السيّف ويعرض به والى كان يرقص العرضه بأحترافيه ويوضعون اياديهم على اكتافهم ويعرضون مع بعضهم بأستمتاع حتى نطق فيصل:.فقدت سلطان مابيننا ياليته معنا،

-

بعد مرور دقايق بلعت ريقها بتوتر من صفط سيارته قريب منهم

نورة:.يلا روحي مع منصور على الاساس هو واحد غريب عنك شفيك

ضحكت:.يالله منك مو المقصد كذا بس والله استحيت منه كيف جايبته من راس عمله هذا ضابط ماهوب سواق

نوره:.اقول اقول بس سواق ويرخص لك امشي

ابتسمت وبحكم أنها محجبه لمحها وغض بصره حتى انفتح الباب ودخلت بصمت تام

غاليّه:.اعتذر منك اشغلتك وطلعتك من شغلك موشغلك توصلني بس الله يهديه اخوي

ضحك وهو يحط يده على الدركسون:.مايترك حركاته

فأجئته يوم نادته:.منصور ابيك تساعدني بشغله

منصور:.أمريني واذا يمديني بسويها

غاليّه:.مانبي اخوي يدخل للعسكرية احنا مالنا غيره وامي ماهيب راضيه أنت تدري ان ابوي توفي بمهمة وامي وانا خايفين يصير مع اخوي نفس الشي

منصور:.بس هو بيخدم بلده وشعبه واذا مات بيكون بطل مثل أبوك

غاليّه:.انا مابي بطل انا ابي اخوي انت تقدر تقنعه

منصور:.لا، هو يبي يكون مثل ابوك واذا تحسبيني ماتكلمت تكلمت ومافاد الموضوع منتهى

غاليّه:.عود كلمه مره اخيره طلبتك

منصور:.ابشري

'

" الديرة "

تجمعو العمال يطفون الحريق الى بالدكان

والثاني الى كان على تواصل مع سالم ويخبره بالضرر الى صار كان ماسك راسه من هول المصيبه ولايبي يخرب فرحة ابوه الى قاعد مع شيبان الديرة،

تنهد وطلع وهو مسرع بس انصدم من لمحة فارس:.شسالفه وين رايح؟،

بلع ريقه بثقل:.الدكان يافارس انحرق ابوي ماينفع يدري انا رايح اساعد بتطفيه الحريقه

فارس:.شسوي اجي معك

سالم:.لالا خلك مع فيصل اذا جيت بيلاحظون غيابك الله يكثر خيرك

فارس:.مامعاس رقمك ابيك تكلمني وتعلمني

سالم:.بنقلك 966+ ...

كان يكتب وهو يشوف فيصل الى يناظرهم من بعيد

توجه لجهته:.خير ان شاءالله وشفيك ذا؟

فارس:.مافيه شي بس بيطلع وقال اعلمك

فيصل:.وجوده وعدمه واحد يرجال،

-

المستشفى~

كان جالس بس انذهل بدخول"غنى"

صالح:.هاذي وش جابها الحين ماقطعت علاقتك فيها انت تبي ابوي ينهبل؟

على:.مالك دخل في حياتي!

↚

توجهة لجهتها:.غنى وش تسوين هنا

غنى:.سمعت انه ابوك تحسن حبيت اجي واتطمن

صالح:.والله وجيتي وتطمنتي امشي ابرك لاتصير مصايب

على:.اذا ابوي تحسن بنتزوج وانا بنفسي بقنع ابوك

غنى:.وش زواجه، ابوي رافض ومنعني اطلع من البيت وسحب جوالي تخيل بس ابوي الى يحبني سوا فيني كذا بس يوم درى عن اني احبك

على:.وتبين تستلمين؟

غنى:.لا ما استسلمت بس لا ابوك يبي ولا اهلي

وسع حدقه عينه من شاف عبدالله داخل عليهم:.السلام عليكم اخواني

على:.ياهلا تفضل وينك تاخرت كذا

صالح:.اوه جيت تشوف ابوي واخيرًا حنيت

عبدالله:.في شخص خلاني اجي احمدو ربكم

صالح:.حلو في شخص يعرف يلين راسك

بلل شفته وانظاره على الدكاتره والممرضات الى دخلو بحاله أستنفار:.دكتور…يا دكتور

دفه بقوة على الجدار:.على مو وقت جنونك في شي قاعد يصير

عبدالله:.مثل ماتقول دايم ماجيب الا النحس

تكلم وهو شاد على اسنانه:.مو وقتك انت الثاني

'

"الديرة "

وقف قدام المجلس مب عارف وش يقوله واذا عرف بيتضايق وحاله بينقلب على صديق عمره الى يعتبر حلاله من حلاله بس سكت من انتبهة على اسمه الموجود بحديثه:.قلت فارس ماينفع يعرف مابيه يزعل من كان ولد لين صار رجال ماعلمته الا الصلابه، كيف تبيني اقوله انا اعرف ابوك وين انا كذبت عليك عشان ماتواجه شي اكبر من كل شي واجهته وهاذي مالقت تموت الا الحين وتبي تبري ذمتها وفارس يسامحها هي الى تخلت عنه،

شد على قبضة يده وهو موقادر يسيطر على غضبه:.جدي!!!.

التفت وهو ينزل الجوال تدريجيا:.فارس؟،

فارس:.انت كنت تكلم امي الحقيقيه من وراي

عواد:.فارس خليني افهمك الى سمعته فارس/ تعال

طلع من غير لايسمعه وهو مختنق لجهة ثانيه وكان يتصل عليها:.ردي ردي!!.

جاه صوتها وتنفس بصعوبه:.حور اطلعي بنمشي

حور:.نمشي وين والله مبسوطة انت من جدك

فارس:.انزلي انا برا الحين الحين

حور:.شفيك احسك تعبان خلاص انا جايه مابطول

فارس:.ياليت، مابي اشوف غيرك الحين محتاجك!

-

" بعد ساعات بالمستشفى"

جلس وهو يوجه كلامه لهم:.عبدالله على وين الباقي ولا كل واحد مع زوجته كالعادة ابوي هنا يموت وهو متهنين

على:.خالد ومعن ماراح يجون قاعدين يديرون شغلهم وش يسوون وانا اطمنهم

صالح:.والله فيك الخير اصلا انت ماكنت بتجي لو ابوي ماطاح بسببك والثاني الغبي الى جاحدنا

عبدالله:.متى يطلع الدكتور ويخبرنا بس

تفاجئو بخروج الدكتور وقفو واتجهو له

صالح:.بشرني يادكتور ابوي بخير

الدكتور:.هو عايز يشوف تنين منكم عبدالله وعلى

صالح:.هذا هذا وش فيه؟

الدكتور:.ممكن تدخلو وتتجهزو علشان تشوفو

عبدالله::طبعًا

الدكتور:.حالتو مش كويسه بس بنتأمل بالساعات الجايه انو يكون بخير فهيبقى تحت المُلاحظة..

صالح:.يالله من وين هالمصايب هاذي

فتح جواله وهو يرسل لـمعن:.ابوي طلب يشوف على وعبدالله وينكم ماجيتم ابوي حالته صعبه

وصله الرد بعد دقائق:.انا وغيداء معزومين عند اهلها تعرف كيف تنشب فيني وتحب تترزز عن اهلها ماقدرت ارفض، جاي بعد شوي لحالي

صالح:.الله يلعنكم من عيال لو انا من ابوي تبريت منكم والله وجودكم وعدمه واحد يا سفله

'

وقفو أمام صوت الاجهزة وكان صعب حيل على عبدالله بعد غياب سنوات، يوقف قدام ابوه واسترجع ذاكرته يوم ضربه ابوه كف وقال"أنت ولد مجنون ومكانك المصحة"بلع ريقه وقوى قلبه وهو يسمع صوت ابوه الى يالله ينطق كلامه:.وصيتي لك يا على ماتتزوج من غادة واذا تزوجتها انا في قبري مانيب راضي عليك

شد على قبضه يده بقهر وحاله حزن على حال ابوه وبداخله قال:.ماعصيت لك امر وصيتني الحين ماكون مع الى احبها صعب يالله،

ناظر في عبدالله بصعوبه وهو ينطق:.اما انت ماعندي شي اوصيك فيه ابيك تصير رجال وتكون سند لاخوانك ابيك تصير مثل صالح لاتتركهم وهم ماراح يتركونك وسامحني اذا اخطيت في حقك

أما عن الشخص الى كان واقف أمام المستشفى

-

ويرسل"اعذريني خليك عندهم بمرك بس اخلص شغلتي" استغربت من رسالته وعذرته، نزل مسرع ويده على قلبه وهو يتذكر الكلام الى بالرسالة:.ابوك يتعالج بالمستشفى الى انت فيها تشتغل وانا راقبت حالته علشانك روح وشوفه وسامحني لاني ماقويت اقولك انه هالرجال ماكان يبيك يافارس،

ركض ويده على قلبه الدقائق والساعات نفذت وهو كل همه يوصل بالوقت المناسب بس وقف وهو يشوف اربع رجال بالغرفة منهارين،

صالح:.مااااات، يبه ارجع ماقوى اعيش هالدنيا بدونك

تداركه عبدالله وهو يصرخ:.اسكت خلاص مات!!

صرخ بغضب وأنهيار:.مـات يبه ارجع لاتكفي يبه ارجع لاتروح مالي غيرك لاتتركنا

كان حاط يده على راسه من هول المصيبه ويبكي والى كان كاتم قهره عبدالله الى مايبي يبكي ولايبى يصدق وفاة ابوه

هرب فورًا لبرا وهو مخنوق يتنفس بصعوبه لحقه فارس ودخل خلفه للحمام الثاني الى قدامه واغلقه بس من ضيقه عبدالله مالاحظ هو وش قاعد يسوي وين هو مالقى نفسه الا بقسم حمام الرجال قفل الباب وصرخ بغضب"بأه كلها وجع:.يبببببه!

كان صعب عليه يشوف اخوه الى من لحمه ودمه بضيق ولا يواسيه بس الوضع كان صعب انتبه على صوت القزاز الى انكسر وصوت البكاء أنين كله ألم بس وش يفيد الندم

بلع ريقه وهو يرمش وهالموقف زاده قوة:.مالحقت اتعرف عليك بس بلحق على اخواني،

-

" الديرة "

انتهى العرس وكان فيصل يركب سيارته لاحظ أن بس موجىد جده وعبدالرحمن:.عسى خير،

عبدالرحمن:.فارس عنده شغله ضرورية، وعرسك انتهى اكيد ماراح نعيش بالديرة احنا رايحين الصبح

فيصل:.اي اي انا ماشي اجل، جدي تبي شي؟.

ناظر فيه بغرابه:.جدي اكلمك فيك شي وراك كذا

عواد:.يالله لا تتاخر روح مافيني الا العافية

قلق يس تجاهل الى صار وهو مو حاب يعكر فرحته ومشى وهو بباله تساؤلات بس سكت،

عبدالرحمن:.فارس مايرد وش صار؟

عواد:.روح وصل الحريم للبيت وبلا اسئلة،زوجة ولد عمك معاهم جته شغله طارئه

عبدالرحمن:.وأنا غريب مع اسئلتي دكتور اكيد بينشغل يالله استاذنك..

-

"بعد مرور ساعات "

قفلت الباب وهي تشوف أسيّا الى تناظرها:.خير

حور:.الخير بوجهك، يعني فارس كلمني وقال بيمر وفجأة يقرر يروح بدوني ويخليني هنا وشفيه

أسيّا:.يعني هذولا أحفاد عواد لا جديد،لا تتسئلين!!.

حور:.يالله اتصلت اتصلت مايرد اكيد فيه شي وجدك غريب ماشفته دخل حتى فيه شي صاير يالله فعلاً حتى يوم كان يكلمني كان صوته تعبان ومكدر

أسيّا:.حبيبتي وشرايك تنامين لان لما تقعدين تفكرين فيه كذا يا اما راح تفقدين عقلك؟ يا اما بتفقدين صحة جسمك بسببه ممكن صار ظرف وماقدر بس اصبحييي

فتحت جوالها وهي تشوف رسالته"راح احي الصبح اخذك واقولك أسف لاني مشيت بس اضطريت"

قفلته وهي تحطه وتغطت

أسيّا:.وانتي متعوده تجين بدون ماتبدلين بتنامين بملابسك حقت العرس

حور:.يالله آنتي وين وانا وين مالي خلق ابدل شي فيني النوم ادور السرير بس

أسيّا:.وخالي وشجن راحو يعني والله هالعرس اطول عرس وهاليوم اطول يوم وجعني راسي ماتنلامين،

'

فيصل/فتح الجوال وهو يشوف رسالة من سلطان:.مبروك اعرست قبلي هههههههه

ضحك وقفل من شافها جت وهو يقول:.طولتي

مزون:.فيصل ممكن تتطمن على ابوي؟

فيصل:.مافيه شي وشفيك

مزون:.مادري حسيته متضايق وسالم ماشفته بعد الصبح وش صار لايكون تهاوشتم

فيصل:.لاهواش ولاشي، الموضوع مو كذا بس في شي صار ماعرف الكل اليوم غريب..ماعلينا!

مزون:.احس في شي صاير اليوم حا سالم لامه وشفت كيف قاعده تفكر مادري وش قال وش صار انا والله شايله همهم

فيصل:.تطمني الصبح اذا تبين بحطك عندهم واجهز كل شي واعبي السيارة بنزين وبخليك على راحتك تودعينهم متفقين كذا؟،

أستندت على المخده وهي تحاول تنزع الشبكه:.ماكان لها داعي

فيصل:.اساعدك؟،

مزون:.على الاساس تفهم وشلون تنفك قولي وش صار الحين

فيصل:.يوم راح اخوك كان هو وفارس واقفين ودريت انه انشغل بشي مادري واليوم شفت كل شي يسد النفس بس تحملت لان بالاخير بقابل وجهك السمح

مزون:.وش شفت بعد؟

سحب كرتون الدخان وهو يولع:.وش شفت يعني حمدان

قاطعت كلامه وهي تسعل:.أنت تدخن؟

رفع حاجبه بورطه:.الصراحه شوي،يعني

مزون:.اذكر انك قلت لي انك ماتدخن صح

فيصل:.فعلاً انا مادخن معقول اكذب عليك بس هالمرة محتفي فيك وحبيت ادخن ومو واجد احبه

مزون:.غريب يعني ماعرفت لك والله

-

الشركة ~

كانت واقفه تكلم قسم الضيافه الى هي تشرف عليهم تفاجئت من لمحته ينزل من سيارته متوجهة لها وينادي بصوت عالي:.سحاب!!.

تقدمت بغرابه وهي تناظره:.نعم خير لاحقني هنا

بدر:.ممكن نتكلم كـ زوجين مابعد أنفصلو؟،

سحاب:.لا مو ممكن، بدر هذا مكان شغلي مو بيت ولا مقهى جاي مدرعم خير

نزل نظارته وهو يقول:.بتجين معاي عاجبك واحد يعرف امي مصورك هنا تتكلمين مع الرجاجيل؟

مو عيب عليك تسوين هالحركات انتي مرّة مرّه متزوجه مابعد طلقتك

سحاب:.روح قول لهذا الى مرسلك صوري انك واحد مريض عقليًا يبي لك علاج مايبي لك زوجة

قاطع كلامه دخول عبدالرحمن:.خير وش هالاصوات؟،

بلعت ريقها وهي تناظره بأحراج:.اعتذر احنا اصلا كنا طالعين

لبس نظارته وهو ماشي خلفها:.اكلمك انا ردي؟،

↚

سحاب:.ارتحت فضحتنا بصوتك العالي تبي تخرب كل شي وش تبي مني طلقني وفكني حتى يوم فكرت اجلس معك مثل البشر ونحصل حل جيت توريني انك ماتستاهل، طلقني الحين؟

بدر:.اهم شي عندك ترضين مديرك وزملاء العمل تقضيت معهم وقت اكثر من زوجك ههههههههه

وسعت حدقه عينها ولاشعوريًا ضربته كف:.تف عليك وعلى زوج مثلك،روح روح للي علمك الى خرب كل شي بيده وشوف اذا بيفيدك

بدر:.لكن ماني مطلقك وبخليك معلقه وعمك انتهت حشيمته له مابيني وبينه الا المحاكم الى بترجع لي كل شي سرقه مني، كنت ساكت عشانك ولا تنسين تقولين لعمك البضاعه الى بعتهع طلعت مغشوشه

سحاب:.والله وبضاعه مين ومين انت عشان يشتغل معك؟

بدر:.آنتي، أنتِ كنتي جنوني والشي الى عمك باعه لي عشان الشراكة وصخ الدنيا والحين يتمسكن عليك انه يحبك لان محد يبيه انغشيت فيك وفي عمك ويمكن كنتي متأمرة معه،اندرى عن عائلتك السلالة كلها تحب الكذب واللف والدوران

سحاب:افهم انك مريض ومعتل لكن ماسمح لك تشكك بصدقي وانا بحياتي ماشفتك لا انت ولا فلوسك بالعين المجردة شفيك مصدق نفسك انك شي كبير وحتى انا في محكمة تطلقني منك احنا مو في غابه!

-

مشت وتجاهلت مراقبته لها الى تزعجها وهي تدخل لمبنى الشركة ومتوجهة للمكتب:.ناديتني

عبدالرحمن:.ممكن اعرف وش هالمصخره هذا مو اول مره يجي وترصده الكاميرات طليقك،زوجك مين ماكان مو مهم هنا عمل واحترمي هالشي

سحاب:.عبدالرحمن ممكن نتفاهم ماقلت له يجي

تنهد بضيق:.طيب تفهمت وضع مثل كذا ممكن يزعج الناس واحد مريض يهدد ويصرخ هاذي شركة محترمه لها اسمها

سحاب:.هالشي ماراح يتكرر اذا ممكن تسمح لي بإذن عمي عنده موعد عند الدكتور

عبدالرحمن:.طبعًا!

حط الملف بضيقه:.وانا عصبت وحطيت حرتي بهالبنت شدخلها

أخذت نفس براحه وهي تطلع:.بعد هالفضيحه اخذ اذن والله عيب زين جت على كذا

'

" الخط السريع بالديرة "

ضغطت على زر المسجل وهي تناظره:.تتهرب كانك

فارس:.اي هروب ماني قاعد اهرب حور قاعد اسوق شوي صبر وبتعرفين يعني ودي اعرف نسبة الفضول الى تاكلك دايم لمعرفة كل شي،

حور:.طبعًا حياتي لما يصير شي بخصوصي كسر خرب عصب لاتخلي شتيمه ماتقولها تصير قنبله ولما انا اسئل وبهداوه شوف تقول لما نوصل، الأنسان قبل لايمشي يعلم وش فيه وش عنده وش هالغرابه الى انتم فيها

فارس:.الى صار مايستوعبه العقل باقي لنا ساعتين ونصف ونوصل

حور:.ماتحمل ساعتين على الاقل قولي وين كنت

فارس:.بالمستشفى رحت لشغله ضروريه دكتور،أنا دكتور ياليت تستكين لسانك لمدة ساعتين انا في وجهك والله يابنت لسانك ماعاد يعرف يدخل لحلقك

حور:.طبعًا طبعًا ولما يكون الموضوع يخصني تقطع التواصل البصري والسمعي بيننا وتصير مثل العدو لين ها تاخذ رؤس اقلام عن حور وش تخبي

صرخ بحماس وسخرية:.بالله على الاساس انا عرفت موضوعك بس نوصل الشقة،اعرف كيف اتفاهم معاك واطلع الى تخبينه هههههه ماراح تهربين

حور:.خلينا نوصل وثنينا نتحاسب بس انت اسرع اسرع لاني بنفجر الا شوي،

-

بيت عائلة ابراهيم ~

فتح الباب وكان يستقبل المعزين بحكم أنه اكبر واحد فيهم وكل واحد منهم كان بعالمه الموازي بدايتًا من خالد الى عبدالله ومعن، تكي على كتفه وهو ينطق:.كان بيفرح اذا شافك عايش معنا بس انت قد وعدك يا عبدالله ماجيت هنا الا على موته كان بيفرح صح انه ماراح يبين بس راح يفرح

حط عينه على صورته الى كانت على الجدار لوحة كبيرة:.كان يحب يتسيد علينا وكلمته تمشي وكان يحب يقلل منا عشان يحس انه الأفضل يامعن كيف كنت تبيني اجي واعيش في هالجو حتى دخولي لسلك التحقيق رفضه وعلى قولته خايف على حياتي من المجرمين،عيشتي هنا كانت اكبر إجرام في حقي

معن:.طالع طالع جاك الذيب خالد

مد يدينه وهو يصفق ليدين كل واحد فيهم

عبدالله:.اتفل عليك وعلى اخوتك،وش هذا!

خالد:.بالله انا لابس ومرتب لايكون بتحاسبني على القرش مثل ابوك

عبدالله:.الناس بتستغرب منك لك خلق تتعطر وتعدل هندامك،ماعندك احساس،عديم مروئه!،

قاطعهم ددخول صالح بينهم وجلس ببروده وهو يعطى نظرات لكل واحد لانه اكثر واحد يحب اخوانه ويعرف أطباعهم:.وش هذا،تستهبل خالد

خالد:.نعم نعم مايصير اجي مرتب تبيني ابهذل نفسي انا اليوم راضي بقضاء الله وقدره،الله على صبري يُدرس،شفيكم؟،

صالح:.هذا مو صبر هاذي وناسه جهريه انقلع برا هذا ابوك،ابوك الى صرف ورباك او لا لحظه ابوي مارباك لانك تحتفل بموته

خالد:.موقاعد احتفل أحتفال وش،انا راضي هذا رضاء

صالح:.اه،الله يعطينا قوم وبلا مثاليه زايده

'

قفل الباب وهو متجاهلها وراء وصعد لفوق عشان يبدل ملابسه التفت وهو يشوفها أما باب الغرفة:.الله عليك فاضي لدرجة تبدل ملابسك وتصرف الموضوع:.فارس قولي كل شي!!.

فارس:.الأنسان يبدل،نبداء فيك وفي كذبك بـ حبيبتي الكذابه الى تهربت مني مانسيت

أنذهل من صرخت بصوت عالي:.فااااارس لاتجنني

فارس:.والله مو مشكله سوي الى تبين

التفت وهو يشوفها ماخذه أكواب الزينه وتنهد من كسرتها:.بتتكلم بتتكلم ولا عاد تقول عني كذابه

-

تراجع لوراء واقتربت وهي تناظره بقهر:.انا كذابه بنظرك بس انا حتى بكذبي واضحه، بس انت ماودك تشاركني همومك وترتاح وتصير إنسان،لمتى تخبي بقلبك ثلث أرباع مشاعرك الى ماعرف منها شي

فارس:.لان الكل بهالبساطه طلع يكذب على آنتي جدي عمتي اوضاح والله اعلم مين، خسرت اليوم شخص ادور عليه من سنين تدرين مين؟ مينننن ماتدرين وحتى لو دريتي

حور:.فارس، انا لودريت بخفف عنك وراح نواسي بعض كالعادة،ليش ماتبيني معك بهمومك؟

أنت وقفت معاي قبل سجن أبوي وبعده وبسالفه عمي يوم كنت بموت علي يدينه ليش ماتبيني اسوي شي لك ليش ماتبيني اسمعك

لبس بدلته وهو يطلع لصاله:.حور اليوم اكثر شخص أثق فيه طلع يكذب على ويخدعني عشت طفوله ومُراهقه صعبه كلها تساؤلات،وش سوا أستمر يكذب على كل مااسئل،كنت اشوفه اكثر شخص يعيني بس طلع اكثر شخص يعرقل الأمور

رمشت وهي تقترب وتجلس على حافه الطاوله:.وش الموضوع

فارس:.اخيرًا عرفت اهلي، بس اليوم رحت المستشفى كان عندي امل اقابل الرجال اتمنى اعرفه بس يوم رحت كان يوم صعب اف

تنهدت وهي تقوم وتجلس بجمبه:.وش صار

فارس:.كانو عياله الخمس متجمعين عليه وكان ميت،يوم وصلت له مات وتعرفين وش قال جدي هالرجال الى امس مات ماكان يبيني بحياته ماصدق

:.انت ليش تصدق جدك،على الاساس هن مايكذب ومثالي ليش الى سواه لك وش مو كذب مو خداع لاتسمعه اسمع صوت قلبك وروح هالرجال أنت ماتعرفه لاتظلم واحد راح لربه

فارس:.ماعاد اعرف وشلون بقابل جدي ماعاد بروح لهذاك البيت

حور:.الموضوع هذا غريب في احد يعرف شي ولازم يقوله لك ويخليك ترتاح؟

فارس:.ماشفت خالتي وهذا كلامها

حور:.تمام انا وياك نروح لها راح نخليها تقولنا كل شي هي الوحيدة الى تعرف تجمعك بأخوانك وتعرف تخليك ترتاح وتلقى جواب لأسئلتك والله هالحل المنطقي

فارس:.ماظن بيصدقونها وش الشي الى يخليهم يصدقون

حور:.في تحليل يثبت هذا وانت دكتور

فارس:.تشوشت مادري وش قاعد اقول الله يجيب العواقب سليمه

'

« الديـرة »

تنهد وهو يتأملها بشعور عميق وخاطره مسفهل:.بنت شيخ وجميله كثير علي كذا كثيرررر

بادلته الأبتسامة بسكوت طويل بينهم حتى قطع حبل أفكارها وتوترها كلامه:.أنا ماعرف أعبر ويمكن تشوفين هالتعبير قليل بحقك بس هالامور تشد اي واحد انه ياخذك ويطمع فيك

ناظرته بغرابه:.بس أنا وياك مانعرف بعض مره يعني مالنا الا كم اسبوع خطبة وملكة وزواج هالشي يخوف شوي

فيصل:.شوفي بصراحه الموضوع غريب الزواج التقليدي بشكل عام فكرة ماتنجح الا نادر بس انا صدق ابيك ويمكن ماتصدقين اني صرت اهوجس فيك أنا مشيت كل شي عشان ما يصير شي يخرب على زواجي منك وتحملت بعد

تجاهلت كلامه وهي تناظر للطاوله الى عليها علبه دخان وهي تعطيه نظرة تأكد له انها ماخذة منه موقف

فيصل:.انا قلت لك اني مادخن بس ترى كنت اقصد اني مادخن مدمن يعني ادخن بس مو دايم فهمتي

مزون:.اذا من بدايتها تكذب علي!!،

فيصل:.واذا من بدايتها تبين تنكدين تراه دخان مب قنبله عاااااادي لاتنكدين

مزون:.انا مانكد بس انا ماحب الكذب في فرق

ضحك وهو متنازل عن كلامه قدامها:.شدعوة استهبل يعني نكدي متى ماتبين اصلا من غيرك يمون بعدين انتي تبين مصلحتي

مزون:.اف والله حيرتني فيك مره احبك

فيصل:.حتى انا محتار فيك يعني ابادلك الشعور

ناظرة وهي تضحك:.يعني انا معصبه وانت تستهبل

فيصل:.اكلتي ولا جويعه؟

مزون:.لاتصرف الموضوع لاعاد تدخن!

فيصل:.اصلا ماعاد احب ادخن يعني كلامك اوامر

مزون:.اي جوعانه، ماكلت ولاشي طول الوقت اجهز اغراضي الى ابيك بكرة تمر وتاخذها من بيت أهلي

فيصل:.بس ابشري

مزون:.وانت وش سويت اليوم؟

فيصل:.كنت اخذ دورات كيف اتعامل معك

مزون:.ها

فيصل:.شفيك يعني تعرفين بأول يوم متوتر ماعرف ارتب كلمتين على بعض وفكرت

مزون:.وش طلع معك؟

ضحك وهو يقول:.تصدقين الى طلع معي اني ماعرف اقول كلام حلو يعني وجودك يوترني

مزون:.اسوء شي سويته بحياتي اني لبست فستان عرس

فيصل:.مسرع ندمتي انك تزوجتيني؟

مزون:.لا انا ماحب الفساتين يعني بس جاملتك

فيصل:.انتي لو تلبسين خيشه بتطلعين حلوة فيها

مزون:.طيب انا بروح يعني افك شعري وكذا انت جهز الاكل

فيصل:يعني ليش ماتحهزينه انتي

مزون:.يعني مب شايفني مشغوله بنفسي؟

فيصل:.اصلا عادي انا من يومي اجهز لهم الاكل جت عليك خليك بفستانك عشان اتذكر اني توني معرس وماجيب العيد بالكلام

قفلت باب الحمام:.اصلا جبت العيد وخلصت

تنهد براحه:.والله الحريم صعب تفهم منهم شي وصعب ترضيهم

-

طلعت وهي تعدل شعرها ومالقته بس تفاجئت من دخل وقفل الباب:.مادري وش تحبين بس اخذت شي تشربينه حياك

توجهت لجهة الجلسة وجلسو:.يعني باكل لحالي؟

فيصل:.طبعًا لا بس انا مب جوعان اصلا

توترت من ناظرها وقال:.يالله بالعافيه شفيك؟

مزون:.انا بعد يعني مو مره جوعانه بس قلت

ابتسم وحس انها مستحيه تاكل قدامه وقف وهو يلبس نعاله:.انا بطلع اشيك اذا السيارة فيها بنزين ولا شي لان نسيت

تنهدت براحه وهي سعيدة:.خذ راحتك

فيصل:.عن اذنك،

ارتاحت من سمعت صوت الباب وبدت تاكل:.اول مره اجوع كذا والله بطني يمغصني من الجوع،

'

« عبدالرحمن »

كان واقف وهو يناظر للبيت من بعيد وشافه طالع ركض لجهة البيت مسرع:.فيصل فيصل!

التفت وهو يتوجه له:.وشفيك فيه شي

عبدالرحمن:.تعرف وشفيه فارس مايرد وسافر لحاله وجدي موب راضي يتكلم في شي صاير

فيصل:.يرجال خل عنك تلقاه زعلان

عبدالرحمن:.وليش يزعل يعني عسى ماشر؟،

فيصل:.انا سويت عرس وهو لا تلقاه مقهور هههاي

عبدالرحمن:.اقسم بالله انك ورع وماتقدر وش هالسخافه الحق على جاي عندك

فيصل:.امزح معاك وشفيكم نفسيات اليوم خلاص انا بدق عليه واسئله وشفيه بس تعرف ماراح يقول لانه كتوم

عبدالرحمن:.مالومها شكلها طاردتك من سخافتك

فيصل:.احترم نفسك انا مخليها تاخذ راحتها وشدخلك امور ماتخصك ذي

عبدالرحمن:.اي بعد كم يوم بتخلعك من اسلوبك

فيصل:.اقول عن البربرة انا جايع تخبر لك بوفيه فاتحه

عبدالرحمن:.وين في بوفيات تفتح الحين صاحي انت ليل ليل اصبح

فيصل:.شسوى والله ماقدرت اجلس معها حسيتها مستحيه حتى تاكل قدامي متى تطيح الميانه بينا

عبدالرحمن:.مالك الا كم ساعه ماخذ الادميه وتبيها تمون عليك

فيصل:.يويلي كان ودي ادق بالنعمة ضيوف جدك ماخلو شي الا كلوه شكله جايبهم من مجاعه

-

" الشقة "

جلست قدامه وهي بعيد عنه وتناظره حتى قرب يدينه وسحبها:.تعالي ياحبي لك

حور:.اسفه ماكان ودي اكسر يمكن هالاشياء غاليه عليك بس كنت معصبه

فارس:.ياويلي عنك مافيه شي ينافس غلاك!!،

ضحكت وهي تسند على كتفه:.تبي اسوي لك قهوة ولا شي تاكله؟.

ضحك وهو يناظرها:.على الاساس تعرفين تطبخين يالرفله

حور:.اعرف ان عندك كتاب طبخ ندور منه شي بعدين مب رفله انا

فارس:.تتذكرين يوم طلبنا بيتزا بوقتها كنا ناكل وجالسين مع بعض وصارت علوم

حور:.اي علوم

فارس:.يعني كنت اول مره قريب منك فيها ويوم سببتي ازعاج كنتي مشغله اغنية والصوت عالي وكانو الى قدامنا بيتشكون

حور:.يعني كنت احاول ارفه عن نفسي

فارس:.انتي دايم كذا؟

ناظرته بصمت طويل:.وش تقصد

فارس:.يعني ترفهين عن نفسك بهالمواضيع اغاني ورقص مدري وشو

ضحكت بخجل وهي تصرف:.في امور ثانيه اكيد مو بس كذا واصلا مودايم مادري

فارس:.ودي اعرف وش تفكرين فيه

حور:.افكر بالاكل قوم خل نسوي شي ناكله

فارس:.يالله اسبقيني

'

« الديـرة »

تنهد وهو يشوف رسالته"مافيني شي والله"

ضغط على زر الڤـويس:.عبدالرحمن بعد مرسل لك وانت ماترد والله خفنا عليك يوم درينا انك سافرت لحالك كلمه بعد الثاني يبي يدري شفيك

قفل جواله وهو يفتح الباب ويسترق النظر لداخل واستغرب من هالهدوء الى عم المكان فاجئته من التفتت وهي على السرير عدلت جلستها بربكه:.فيك شي وين كنت كل هالوقت؟،

فيصل:.خذتني السوالف مع ولد عمي هو برا اذا بغيت شي اكلمه ومنه عشان تاخذين راحتك

أبتسمت على هالموقف بينهم الى يدل انه شخص متفهم ويراعي مشاعرها كعروس:.طيب

فيصل:.أنا اذا ودك بنام بالصاله يعني هالامور اتفهمها لا تتوترين مني