نطقت الدكتورة بِ ابتسامة : نبي منك يَ استاذ تاخذ بالك من حرمتك ، تراها حامل وربي سبحانه بيطعمكم ذرية صالحة !

ثم اكملت وهي تقول : تقدر تتوجه للرسبشن وتوقع على الاوراق وتاخذ حرمتك ، انتبه لِ اكلها وخلها تتغذى كويس !

ثم طلعت الدكتورة من الغرفة والابتسامة مرسومة على وجهها وتاركة وراها اثنين صدمتهم لا اقل عن صدمة بعض !

رمش قَوس لِ عدة مرات ولف على روح وقال : سمعتيها ولا من كثر حُبي لك صرت اهوجس بالولد منك ؟

بادلت روح النظر وتمت ساكتة وهي تحاول تستوعب الي سمعته !

نطق قَوس وهو يعدل جلسته ويحط يده على بطن روح ويقول : يعني بصير اي وبتصيرين ام لولدي ؟

بعت ريقها روح بِ صعوبة ونزلت انظارها لِ يد قَوس الموجودة على بطنها !

ابتسمت ابتسامة جانبية ونست العالم ومن عليه من سمعت كلام الدكتور !

حطت يدها على يد قَوس وقالت وهي تحاول على اول سؤال وجهه لها بعدما طلعت الدكتورة : وانا سمعتها ، قالت انتبه عليّ واني انا حامل … ابوي قال لنا ان امي حامل وقت جابت حور اختي يعني الحين انا راح اجيب طفل مدري طفلة مثل امي …

ثم صمتت لِ مدة وقالت : بس … لا لا مابي ، قَوس مابي الحمل مابيهه !

عقد حواجبه قَوس ورفع انظاره لها وقال : وشو ؟

تجمعت الدموع بِ عيونها وقالت : تخيل لو حصل لي مثل ما خلص لِ امي ، امي ماتت بعدما ولدت اختي تخيل اموت بعدما اولد !

حط يده على فمها بسرعة وقال : استهدي بالله يّ بنت الحلال ، وش الخرابيط ذي !

هزت راسها بالنفي وقالت : مابي خلاص مابي !

نطق بِ هدوء : انا ما قلت لك قبل شوي تثقين فيني وانّ ما راح يصير عليكِ شي طول ما انا معاك ، الحين بقول لك انّ ربي اكرم مني ومنك وانتِ قلتي لي فّ اول مرة التقينا انّ كلنا على ذا الطريق ، تفائلي بالخير ومابي اسمع منك ذا الكلام مرة ثانية طيب ؟

بلعت ريقها وناظرت بِ صمت وهي تهز راسها بالايجاب !

نطق بِ هدوء : خلينا نرجع البيت ونعلم امي واختك وش رايك ؟

مسحت طرف عينها وقالت : طيب !

ثم قام قَوس عن السرير وتقدم منها وهو يساعدها بِ انها تقوم معاه !

اتجهوا ثنينهم للرسبشن ، وقع قَوس على اوراق الخروج واتجهوا للسيارة !

ثم حرك بِ اتجاه البيت !

- شمس -

كانت جالسة فالمطبخ تشرف على العاملات الي يحضرون العشاء !

نطقت بِ ابتسامة : امم ماشاءالله المرة ذي ضبطتيها يَ سهاد !

ابتسمت سهاد وقالت : نحضر الطاولة ؟

هزت راسها شمس بالايجاب وقالت : ايه حضروها !

ثم طلعت من المطبخ وهي تتجه لِ جناح شوق وعيالها تعلمهم بِ ان العشاء جاهز وتبي الكُل يتعشى معاها !

ثم نزلت للطابق السفلي وهي تجلس على الطاولة وتنتظر حضورهم !

بعد مدة بداو يجتمعون جميعهم على الطاولة وقبل لا يبدون فالاكل قاطعهم صوت الباب !

نطقت بِ تسأل : مواعدين احد ؟

رمّاوي : لا ، اكيد ذا قَوس ومثل عوايده مضيع مفتاحه او معاه لكن حابب يزعجنا !

نطقت شمس بِ ضحكة : سهاد شوفي الباب !

اتجهت سهاد للباب وهي تفتحه !

دخلوا قَوس وروح من الباب ونطق قَوس : السلام عليكم !

لفت عليه شمس وهي تقول : وعليكم السلام ، تعالو يمه جيتم فالوقت المناسب باقي ما بدينا اكل !

تقدم قَوس من الطاولة ومعاه روح ، سحب لها الكرسي وجلست جنب حور اختها وجلس قَوس امام روح وجنب سَهم ونطق بِ ضحكة : لا اليوم شكلك يا ام رمّاوي داعيه مو قلبك !

ضحكت شمس وقالت : يا ظالم اليوم بس ؟

بِ اثناء كلام شمس وقَوس مع بعض نطق سَهم بِ صوت همس وهو يقرب من رمّاوي : كلمت الرجال انا وزيدان تحت المراقبة !

لف عليه رمّاوي وقال : يكثر خيرك ، الي بينتظرك ما بيوصل لِ مراده الا لبعد كم … زيدان صار فالسجن بِ تهمة محاولة قتل بنته !

توسعت عيون سَهم وكان بينطق لكن سكت بعدما سمع قَوس يقول وهو يرد على شمس : اليوم وكُل يوم ، والحين مو ناوين تاكلون يعين ؟

نطق رمّاوي بِ ضحكة وهو يمسك بِ يد وتر ويناظر فالموجودين : الا اكيد ناوين بس نبي نقول لكم على شي انا وزوجتي عشان تنفتح شهيتكم على الاكل اكثر لان الي منقوله راح يفرحكم مثل ما فرحنا ؟

نطقت شوق بِ فضول : ادخل فالكلام طيب هيا !

نطق بِ ضحكة : ابشري ، ثم ناظر بِ وتر الي مستحية من الي بقوله لكن فالنهاية ذول اخوانه وامه ومن حقهم يعرفون !

اكمل بِ ابتسامة : قريباً باذن الله بيجينا اول حفيد للعيلة !

اتسعت ابتسامة جميع الموجودين واعتلت اصواتهم وهم يسألون ويباركون بِ نفس الوقت !

نطق قَوس بِ صوت عالي : لحظة يّ جماعة لحظة !

بدات اصواتهم تخف الين ما صمت الجميع بِ استغراب من مقاطعة قَوس لِ فرحتهم !

اكمل قَوس وهو يقول : مو حفيد واحد الي بيجيكم ترا !حفيدين اثنين لو سمحتوا ، ترا حتى انا كمان بصير اب !

توسعت عيون الجميع وتمحورت الانظار على روح الي جالسة توزع ابتسامة بِ توتر !

باركوا لهم جميعهم والابتسامة ما فارقت وجه احد فيهم !

اكملوا عشاهم وهم يسولفون عن الاحفاد الي بطريقهم للحياة !

وبعد مدة انتهوا من الاكل واتجهوا للصالة يتقهوون !

كانت حور متقيدة حركتها بسبب البنطلون الي كانت لابسته تحت عبايتها فَ اعتذرت من الموجودين وطلعت لِ جناحها تبدل بنطلونها !

لاحظ سَهم على ملامح وجهها انّ في شي مدايقه ، ما تردد ولا ثانية ولحقها فوراً !

دخل الجناح وراها وتقدم من الغرفة وهو يشوفها معطيته ظهرها وواقفة امام الدولاب تختار ملابسها !

تقدم من وراها بِ هدوء وحاوط خصرها من الخلق وقال : وش فيها حبيبت قلبي ؟

لفت وجهها حور لليمين وقالت : سَهم ، ءاا ابد مافيني شي بس جيت ابدل !

مرر يده على بطنها وقال : خلاص دامك جيتي بدلي وتعالي نرتاح !

هزت راسها بالنفي وقالت بسرعة : لاا اكيد ، يبنتظروننا عشان نتقهوى !

لفها له الين ما صار وجهها وجسدها مقابل له !

رجعت للخلف الين ما ارتطمت بِ باب الدولاب وقالت : سَهم حبيبي انتَ نظراتك ذي انا دارية بِ معناها ، اجل كُل شي لبعدين ترا ينتظرونا ولله !

رفع حواجبه وقرب منها وهو يسند كفوف يدينه على باب الدولاب ويحاوطها بين يدينه ويقول بِ ضحكة : خلص انتِ ما عليك انّ صار وسألوك لا تكذبين عادي ، قولي لهم زوجي غار من اخوانه وقرر يحس بِ احساس الاب زيهم !

توسعت عيونها من كلامه لكن ما قدرت عليه ولا قدرت تغير له قراره !

استسلمت الامر الواقع وتركت نفسها له !