هز عوض راسه و تقدمت وتين تخرج و هي تركض ضحكت شوق بخفه على ركضها و تقدم عوض لها و حاوط خصرها بسرعه ضربته بخفه على كتفه : عوض

أبتسم عوض : عيوني و حياتي و حبيبه قلبه

تقدم يقبلها على طرف مبسمها غمضت عيونها و هي مبتسمه بخفه ابتعد عنها : خلينا ننزل لهم لان اذا جلسنا زياده راح ننزل بكرا

صدت بخجل و ضحكت بخفه و بعد عنها و تقدم يمسك يدها و ينزل معها دخلوا المجلس و ناظروهم جالسين و بدوا ياكلون و نطق ابو وليد: تأخرتوا

التفت الجد لسيف : قم من مكانك

سيف و هو ياكل : لا جدي ما شبعت

ضربه ابو مشاري على ظهره بخفه : قم غير مكانك

تأفف اخذ صحنه و غير مكانه و تقدم عوض و يده بيدها يجلسون جنب بعض ناظرهم سيف : تخليت عن مكاني اللي احبه و عن اخوي و عطيتهم لك علشان تعرفين يا حرم اخوي ان ضحيت علشانكم

ضحكت بقوه و ضحكوا و نطقت : ماتقصر يا اخوي

التفت لها عوض و هو يضحك : احط لك سلطه

هزت راسها بالنفي : انا احط

↚

تقدم يحط لها بصحنها ابتسمت له و نطقت لمار : شفيكم ترا كلها مكان

ناظرتها شوق و تذكرت كلمه عوض لها قبل شوي و نطقت و هي مبتسمه : مكان عن مكان يفرق و في فرق بين انك تقعدين بين اشخاص عادين و تشاركينهم وجبتك و اكلك و بين خالك و زوجك اللي هم عزوتك و سند

ابتسم عوض و همس لها : وفي فرق بين اني اقعد اكل جنب سيف اللي يلوع كبدي بطريقه اكله المشفوحه و بين اني اقعد جنبك و اشوف طريقه اكلك الهاديه

ناظرت سيف و كيف ياكل و ضحكت بقوه و نطق فهد : شوي شوي يا ولد الاكل ما راح يطير والله

فهد و الاكل بحلقه : جوعااااااننننن

ضحكوا على سيف و اخذ عوض بيده الدجاج و التفت لشوق و تقدم يأكلها فتحت شوق فمها و اكلت من الدجاج و نست نفسها انها بينهم و همست لمار للبنات : ذولي شفيهم شوي و يدخلونا معهم غرفه النوم

ليان عقدت حواجبها : خير لمار كيفهم مالك دخل

جوري : ما اتوقع انهم سوا اي شي غلط ترا

لمار : تستهبلون يأكلها كذا قدامنا و …… قاطعها وقوف شوق ناظرها عوض : كملي اكلك

هزت راسها بالنفي و ناظرت لمار : ما اتوقع سوينا شي غلط اذا بينا حبنا لبعض يا اخت لمار سكت لك كثير لكن اذا مو عاجبك شي خلاص محد طلب رايك ولا احد طلب منك تناظرين

تقدمت تخرج من المجلس ضحكت لمار بخفه : وش سويت

وقف عوض و نطق : ما سويتي ولا شي بس ضايقتيها بكلامك

التفت عبدالرحمن للبنات : شايفكم من اليوم و سامع كل شي ان انعاد الشي ذا والله ما يحصل طيب

ضحكت لمار : شفيكم عليها كأنكم ما تشوفون غيرها

عوض بحده : اي ما نشوف غيرها و انا خصوصاً ما اشوف بحياتها الا هي تعرفين ليش لانها تسواكم كلكم و حبي لها بقعد اظهره قدام الكل لاخر يوم بحياتي و لو ابي اموت بموت على يدها وبين حضنها وانا راضي و قفي كلامك ذا اللي من باب المزح و هو مزح ثقيل سكت لك اول مره يوم قلتي انتم شمال و جنوب بس الحين وش تبين بالضبط ارحمي البنت خلاص عاد مو حاله ذي و اذا تبين تعرفين ب وش تفرق عنكم و ليش احبها تعالي اخذي عيوني و شوفي كيف اشوفها و الله اني احبها احبها خلاص عاد مو حاله ذي اخلص من واحد يطلع لي ثاني

تقدم يخرج و هو معصب و نطق الجد بحده : بس عاد يالله ولا صوت كملوا اكلكم

عند شوق اللي تقدمت تدخل الشقه رمت جوالها على الكنب : حيوانه صدق يععع افف مو حاله ذي و لا الثاني يقول لها قبل شوي حبيبتي خرا عليك و عليها

التفتت له من سمعت صوت الباب دخل و ناظرها واقفه تقدم لها و نطق : لا يضايقك كلامها

شوق : عوض بعد عني لا افجر فيك انت الثاني

عوض : طيب هدي اعصابك لا تعصبين و يرتفع ضغطك

ناظرته و تكتفت : محد يرفع ضغطي غيرك

عوض : افا هذا و انا عوضك

عقدت حواجبها و نطقت : تحسب اني نسيتها لك يوم قلت لها حبيبتي

اشر عوض على نفسه : انا متى قلت لها

صدت عنه و هي متكتفه : قبل شوي

ناظر الباب اللي كان يطق تقدم عوض يفتحه و التفت لها : نتفاهم شوي

فتح الباب و كانت العنود : جيت و معي اغراضي علشان الموضوع

هز عوض راسه و بعد عن الباب ناظرت شوق العنود و ابتسمت : تعالي نودي

تقدمت العنود تجلس و جلست شوق و تقدم لهم عوض و نطقت العنود : عطيني كل شي و ليش تبين ترفعين القضيه علشان اقدر اساعدك

ناظرت عوض و نطق : ما عليك قولي لها سرك بأمان

التفتت لها العنود : قولي شوشو اذا تثقين بعوض ثقي فيني

هزت شوق راسها : اوعديني اللي تسمعينه ما يطلع لأي احد

العنود : وعد بس اذا طلبني القاضي او عبدالله راح اقول

هزت شوق راسها : غيرهم لا نودي

هزت العنود راسها و بدات شوق تسرد لها كل شي كانت تعاني منه في طفولتها حطت العنود يدها على فمها بصدمه : تستهبلون و لحد الحين كذا حر ولا انمسك

تقدمت تمسك يد شوق و هي مبتسمه و نطقت : راح نكسب القضيه اوعدك وعد والله

ابتسمت لها شوق : واثقه فيك

وقف عوض : انا بالغرفه اخذوا راحتكم

تقدم يدخل الغرفه و التفتت العنود على شوق و

نطقت هي مبتسمه : تعرفين وش صار تحت لما خرجتي

هزت راسها بالنفي و ابتسمت العنود و بدات تقول لها وش صار ابتسمت شوق و انطقت العنود : تعرفين عوض تغير كثير شوق كثيييرررررررر يعني قبل ما كان كذا ابدا حتى ما كان ياكل معنا ولا شي و نفسيته شينه و ابدا ماله خلق اي شي و دايم يا نايم يا بالجامعه جينا هنا و شافك و حبك و جددتي شوقه للحياه و حبه لها صرت اشوف ابتسامته الحقيقيه

ابتسمت شوق و وقفت العنود : يالله انا رايحه بس لا تخافين القضيه محلوله بأذن الله

وقفت شوق و تقدمت توصلها للباب : ان شاء الله واثقه فيك مثل ثقتي بعوض

ابتسمت لها العنود : تكفين لا تخفون حبكم لبعض اظهروه زياده والله انكم تجننون

شوق بأبتسامه : ان شاء الله

طلعت العنود و سكرت شوق الباب و نطقت بصوت شبه عالي : عوضضضضض

سمع صوتها عوض و تقدم مسرع يخرج من الغرفه و ناظرها واقفه : فيك شي

ابتسمت و هزت راسها بالنفي و تقدمت تحضنه ابتسم و بادلها الحضن و نطقت : صدق تحبني و قلت لهم انك تحبني

ضحك بخفه : قالت لك

اخذ نفس و كمل : اي والله اني احبك و اغليك و اهيمك و اعشقك للحد اللي ماله حد بس انتي تحبيني

بدا صدرها ينزل و يصعد من التوتر و زادت نبضات قلبها من اعترافه لها و من سؤاله بعدت عن حضنه و نطقت: عوض يالله تعال ننام ورانا قعده الصباح

تقدمت تدخل الغرفه و ضحك بخفه : راح يجي يوم و اخليك تقولينها بالغصب

تقدم يدخل الغرفه وراها و ناظرها تطلع بجامتها و تقدم ينسدح على السرير : اذا خلصتي طفي النور

شوق : طيب

تقدمت تدخل الحمام ( الله يكرمكم ) تلبس بجامتها كانت بجامه فوشيه و على اطراف الاكمام ريش خفيف طلعت من الحمام و توجهت للتسريحه و بدات ترفع شعرها ناظر خروجها من الحمام و لبسها و تعدل في جلسته و ناظرها كيف جالسه تعدل شعرها و ترطب يدينها و تحط من باودر على يدها ناظر حركات يدها و هي تفتح شعرها البني القصير و عض شفته بخفه ناظرت شكلها بالمنظره و ابتسمت و التفتت ناظرته جالس يناظرها بلعت ريقها و تقدمت للسرير تجلس سحبها عوض لحضنه ضربته بخفه : عوض وش قلنا شوي شوي

ابتسم عوض و شد عليها و غمض عيونه يشم ريحه عطرها الاسيره و نطق و هو مغمض عيونه : ريحه عطرك اخخخ يا ريحه عطرك و ريحتك ما تدرين قد ايش احبهم

عضت شفتها بخجل و نطق بهيام: احبك

بعدت شوق عن حضنه بخجل و حطت راسها على المخده و هي مبتسمه : ابي انام

ضحك عوض بخفه : و حضني

شوق : البسس عندك ينامون فيه

ضحك عوض و تقدم يحط راسه على المخده : صدقيني حضنك في نعيم الدنيا كلها و احلا من اي حضن ثاني

غطت وجهها بالبطانيه و ابتسمت بخجل و بداخلها : و حضنك احبه بشكل مو طبيعي و احبك بس كبريائي و خجلي يطغي علي

غمضت عيونها و حست بقربه منها و نطق : ما اعرف انام و انتي مو قريبه مني

ابتسمت شوق و التفتت عليه و تقدمت تقرب من حضنه و شد عليها و نطق : نومه هنيه ثانيه يالبيه

ابتسمت بخفه و غمضت عيونها تنام

↚

عند ليان سوت لها قهوه و اخذ السجاده و فرشتها بالحوش الخلفي و حطت ايبادها و كتبها و بدات تدرس و تشرب قهوه كانت تدرس بصوت شبه عالي و مسموع تقدم لها سلطان ناظرته و نزلت راسها و هي مبتسمه تكمل دراسه و نطق : يصير اجلس

هزت راسها و تقدم يجلس جنبها ناظر القهوه و تقدم يشرب منها ناظرته و نطقت : قهوتي

رفع اكتافه و ابتسم : عادي

نزل كوب القهوه و كمل : سكرت حسابي بالانستا

ناظرته و كمل : احبك و احب غيرتك علي و استلذها يجيني شعور بداخلي لما تغارين كذا ابي ابوسك ابي احضنك و لقياك بالحلال قريب ان شاء الله و راح اسويهم لك و يا حظي فيك اي والله يوم اخترتك خليله لقلبي و اسف اذا زعلت بتأخيري بالدوام او بموضوع الحساب بس والله مو قصدي اني ازعلك ولا اضايقك و ودي اشوفك و اشوف كيرلياتك كل ثانيه و كل دقيقه بس والله اني مضغوط بالدوام ضغط مو طبيعي

ناظرته ليان و هي مبتسمه : اهم شي انك تطمني عليك اذا تأخرت و انبسطت من كلامك سُلطان كلامك دايم يسعدني

سلطان : ان شاء الله اطمنك بس اقدر اروح انام

ضحكت ليان : نام نام واضح انك منكرف اليوم

وقف سلطان: اخخ اي والله

تقدم يقبل راسها : انتبهي لنفسك ولا تطولين برا كثير عن البرد

هزت ليان راسها و تقدم سلطان يدخل ناظرت مكان جلوسه و كوب القهوه و تقدمت تشرب مكان شربه و همست : غير مباشره بس قريب المباشره

عضت شفتها و بدات تكمل دراسه

صحت شوق الفجر و تحس بألم في بطنها ناظرت عوض اللي كانت نايمه بحضنه و ابتسمت و بداخلها يقول :

معقوله عوض ربي حلو لدرجه ذي ؟ معقوله جاني الشخص اللي كنت اتمناه و ادعي ربي يرزقني ياه ؟ شخص ما يملي قلبي تساؤلات ولا حيره ولا قهر شخص ما يخون ، ما يهون عليه زعلي ، فكره وجوده بحياتي بحالها امان و راحه ، معقوله هو ملاك مسخر علشان يجبر قلبي و يعوضني عن اشياء سيئه كثيره

ابتسمت و هي تناظره كيف نام و اول مره تناظره كذا حست بالالم زاد حاولت تبتعد بس عوض شادها لحضنه و نطقت : عوض بعد

تمتم عوض بكلمات غير مفهومه و نطقت : عوض

صحى عوض و نطقت : عوض بعد يدك

شدها عوض : لا خلك لا تروحين

شوق بألم : عوض ابي الحمام بعد

بعد عوض عنها و تقدمت شوق للحمام ( الله يكرمكم)

تعدل عوض بجلسته و تمغط و نطق : شوق في شي يعورك

طلعت شوق و حاطه يدها على بطنها : لا بس تعبانه شوي

عقد حواجبه : وش يعورك

تقدمت تجلس على السرير : ولا شي انام و تصير زينه

عوض : كيف ولا شي شكلك تعبان تعالي نروح المستشفى

هزت راسها بالنفي : ما يحتاج والله

عوض : كيف ما يحتاج انتي تعبانه

تقدمت شوق تنسدح : عوض تعب طبيعي كل شهر يجي

غمضت عيونها تحاول تنام و تنسى الالم عقد عوض حواجبه من كلمتها و لا فهم شي اخذ جواله و بدا يبحث و شبه فهم و بدا يبحث عن اشياء تخفف لها الالم ناظرها نايمه و حاطه يدها على بطنها و تقدم يخرج من الغرفه بهدوء للمطبخ و نطق : من وين اجيب الاعشاب الحين

تذكر امه و ناظر الساعه : اكيد جالسه تصلي الفجر

تقدم يخرج من الشقه و توجه عند امه طق الباب و دخل شافها بجلال الصلاه و ابوه خارج من الحمام و نطقت ام وليد : فيك شي

هز راسه بالنفي : لا بس بكلمك شوي

ابو وليد : مزعل البنت

عوض و هو مبتسم : كيف ازعل حبيبه قلبي

ضحك ابو وليد بخفه و تقدم يصلي و تقدمت له امه و نطق : ابي اعشاب تعبانه

عقدت ام وليد حواجبها وش فيها

بلع ريقه عوض و شتت انظاره : تقول تعب شهري

ضحكت بخفه : ان شاءالله الحين اعطيك

تقدمت ام وليد تعطيه من الاعشاب اخذهم و نطقت : عطها مسكن و سو لها كمادات ماي حاره و خلها تتدفى عدل

هز عوض راسه و تقدم يخرج و توجه لشقتهم و شغل الغلايه و بدا يحط البابونج بالكوب و طلع الكمادات و حط فيهم مويه حاره و اخذ المسكن و تقدم يدخل الغرفه شافها تتأوه بألم حط الاغراض على الطاوله اللي جنب السرير و جلس على طرف السرير و بدا يصحيها : شوق

تأوهت بألم و نطق : اصحي شوق

صحت شوق و جلست و نطق : جبتلك كمادات و شي حاره تشربينه و مسكن

هزت راسها بتعب و تقدم يحط لها الكمادات على بطنها و اخذ الكوب : اشربي اجيب لك شرابات و لبس دافي و اجيك و اذا حسيتي بشيء بلغيني

تقدم عوض يطلع لها الشرابات و اللبس و تقدم لها بالبس : غيري لبسك انا برا اذا خلصتي ناديني

نزلت شوق الكوب على الطاوله و بدات تلبس و خلصت و تقدمت تجلس مكانها و همست بقل حيله : يا حظي فيك والله

نطقت بصوت تعبان : عوض خلصت

تقدم عوض يدخل و نطق : تحسين بألم

هزت راسها و تقدم يجلس على طرف السرير و بدا يطلع رجولها ناظرته و نطقت: عطني انا البسهم

هز راسه بالنفي : اشربي مشروبك و خليها علي

بدا يلبسها شراباتها و انتهى و نطق : لازم تتدفين عدل

غمضت عيونها بألم ناظرها و قرب منها : وش يعورك

شوق بألم : بطني عوض احس بموت

مسك يدها : اسم الله عليك عدوينك ان شاء الله اعطيك مسكن الحين لحظه

اخذت المسكن و عطاها و نطقت : احس ابي انام

عوض : تحسين بألم

↚

هزت راسها : اي هو كذا يجي و يروح

تقدم يقبل راسها : انا جنبك اذا حسيتي بشي بس قوليلي

تقدمت تنسدح و الكمادات على بطنها و تقدم عوض يجلس بالطرف الثاني و بعد مده ناموا و صحت شوق مره ثانيه و تحس الالم اقوى و نطقت : عوض

صحى عوض بسرعه و التفت لها : فيك شي

بكت شوق : مو قادره اتحمل عوض احس بطني تتقطع

بدا عوض يسمي عليها و وقف : نروح المستشفى اجيب لك عباتك يالله

تقدم عوض يجيب لها عبايتها و جلس على طرف السرير و بدا يمسح على شعرها : بس حبيبه قلبي انتي يالله علشان نروح

هزت راسها و وقفت : عبايتي

تقدم عوض يلبسها العبايه و يحط طرحتها على شعرها و مسك يدها : يالله

مشت معه و يده بيدها و ركبوا السياره التفت لها : اذا حسيتي بألم بس اضغطي على يدي

هزت راسها و كانت تضغط على يده بقوه كل ما حست بالالم و عوض كل ما حس بقوه ضغطتها زاد سرعته و بعد مده و صلوا المستشفى و توجهوا لعياده النساء و الولاده و كان المستشفى هادي بحكم الوقت المتأخر جلست شوق على الكرسي و يدها بيد عوض و حاطه راسها على كتفه و نطق : دقايق و ندخل ان شاء الله

بعد مده دخلوا على الدكتوره و نطقت الدكتوره : اهلا و سهلا استاذه شوق

تقدمت شوق تجلس و عوض كان واقف جنبها و نطقت الدكتوره و هي مبتسمه : تعانين من اعراض

هزت شوق راسها : الم في بطني

الدكتوره: زوجك صح

ناظرت عوض و التفتت للدكتوره : اي

وقفت الدكتوره : طيب اجلسي على الكرسي افحص لك ..............

رفعت شوق تيشيرتها و بدات تحط لها الدكتوره الجل و كان بارد و الالم زاد و نطقت : عوض بطني تعورني

تقدم لها عوض من الطرف الثاني و مسك يدها : اضغطي على يدي شوق

بدات الدكتوره تحط الجهاز و تحركه على بطنها وناظر الجهاز عوض و عقد حواجبه من نظرات الدكتوره للشاشه و هي تكلم السستر ولا فهم شي عوض و قفت الدكتوره : خلصنا

تعدلت شوق واخذ عوض من السستر المنديل و بدا يمسح بطنها ولا انتبهت شوق لحركته من المها وتقدمت تنزل من السرير و نطقت الدكتوره :اجلسي

جلست شوق و بدات الدكتوره تسألها : الدوره دايم تعورك كذا

هزت شوق راسها : اي بس المره ذي بزياده

الدكتوره ناظرت الاوراق : صار شي بينك و بين زوجك

ناظرت عوض اللي كان يناظرها و بلعت ريقها و هزت راسها بالنفي : لا

الدكتوره : طيب كنتي متزوجه من قبل او احد مثلا لا سمح الله تحرش فيك

هزت راسها بتوتر و خوف و نطق عوض بخوف : دكتوره فيها شي

نزلت الدكتوره الاوراق و نطقت : شوفي انسه شوق ذا شي طبيعي كثير من النساء تعاني من المشاكل ذي

عوض بحده : دكتوره يرحم والدينك لا توتريني قوليلي وش فيها

نطقت الدكتوره : تعانين من التهاب

قاطعتها شوق : كيف يعني اكيد له علاج و ليش اصلا الالتهاب يألمني كذا كثير

الدكتوره : من الاصل سبب الالم هو انك تعانين من تكيسات و ذا شي شبه طبيعي بس في شي ثاني ظهر لنا اللي هو الالتهاب ما اظمن لك انه شي عادي

عقد حواجبه عوض : كيف يعني

بدات الدكتوره تشرح لهم و نطقت : يعني مسبب لك عقم و احتمال انك تحملين ذا شي مستحيل

التفتت شوق لعوض : ابي اروح البيت

ناظر عوض الدكتوره : متأكده دكتوره

هزت الدكتوره راسها : الم التكيسات تقدري تخفيفها بأنك تأخذي مسكن و ما اقدر اعطيك ادويه غير المسكن

وقفت و نطقت بقل حيله : يالله عوض

تقدم عوض يخرج معها و هو مو عارف وش يسوي كان يتمنى يجيه طفل منها يكون يشبه نفس هيبته و شدته او طفله تشبها تاخذ منها صفاتها و دلعها و حركاتها و هي صغيره تقدم يمسك يدها و يتجهون السياره و كانت طول الطريق تفكر بكلام الدكتوره صح كانت كارهه الفكره هذي لكن ما في بنت ما تتمنى تصير ام بيوم من الايام كانت تبي عيالها يشوفون حب امهم و ابوهم و يعيشون مع بعض بحب رغم خوفها من فكره الانجاب و الفكره كلها الا انها كانت تتمنى

كان الطريق مليان هدوء و حست بألم و تقدمت تمسك يده تضغط عليها ناظرها و نطق: اضغطي و ابكي و احزني لا تكبتين و تعبين نفسك

هزت شوق راسها و بعد مده وصلوا البيت و توجهوا لشقتهم و تقدمت شوق تفصخ عبايتها و تجلس على طرف السرير تاخذ مسكن تحس بصداع و بألم مو طبيعي و نطقت : عوض اذا كنت صاحي شوي صحيني

هز عوض راسه : ارتاحي انا اصحيك

سكر النور عوض و تقدم يجلس على الكنب و عيونه على جواله و فكره توديه و فكره تجيبه كان جالس عندها لان عارف انها راح تبكي بس انصدم من هدوئها و عدم بكيها تنهد و تقدم يخرج من الغرفه و جلس بالصاله و بدا يفكر بكلام الدكتوره و بداخله : والله ما اخليها لو وش ماصار متأكد راح يجي يوم و ربي يرزقني بولد لو وش ما كان فيها عارف ان ربي الرزاق و انا والله راح اصبر لأخر يوم بعمري

عند شوق اللي ما تنكر انها كانت زعلانه انتظرت خروجه و بدات تبكي بهدوء و بداخلها: ليش ياربي ليش صح كنت كارهه الفكره بس يارب والله ان اتمنى قطعه مني و منه ، قطعه حبنا و ثمرتها تنهدت و غمضت عيونها ببكي بتعب تنام

صحت بعد مده و حاولت تتناسى كل شي و كأنه كابوس او حلم و تقدمت تلبس دخل عوض الغرفه : صحيتي

شوق : اي توني صحيت نودي صاحيه

هز عوض راسه : صاحيه البسي علشان ننزل

طلع من الغرفه و تقدمت شوق تطلع ملابسها و تلبس و تحط مكياجها اخذت شنطتها و طلعت و شافته جالس على جواله و نطقت : خلصت

ناظرها عوض و ابتسم اخذ يدها و مسكها و نزلوا تحت ناظر عوض العنود : يالله

الجد : ان شاءالله يارب تنجح القضيه

عبير : امين يارب اقري اذكارك شوق

شوق : ان شاء الله ماما

تقدمت شوق تخرج و يدها بيد عوض صورتهم العنود من ورا و هي مبتسمه و تقدموا يركبون السياره و يحركون و بعد مده و صلوا مكتب عبدالله و تقدموا يدخلون ناظر عوض العنود : كيف الحماس

↚

العنود : مره متحمسه

ابتسمت لها شوق : همتك بالقضيه

العنود : عندي ناجحه بإذن الله

دخلوا و نطقت السكرتاريه : اهلا كيف اخدمكم

نطق عوض : قولي للاستاذ عبدالله عوض موجود

اتصلت على عبدالله و قال لها تدخلهم كان عبدالله عيونه على الاوراق و لا انتبه للباب اللي فتحه عوض ناظر عبدالله عوض و وقف يسلم عليه : اهلا حياكم الله

تقدم عوض يسلم عليه و نطق عبدالله : اجلسوا

تقدم عبدالله يجلس و ناظرها هي هي اللي كانت لابسه الفستان الوردي و اللي كانت تكلم نفسها و تبتسم ابتسم بخفه : حياكم الله

عوض : الله يحيك اشر على العنود : ذي العنود اختي اللي قلتلك عليها

وقفت العنود و مدت يدها علشان تصافحه : اهلا استاذ عبدالله

قدم عبدالله يده و صافحها مسك يدها الناعمه و ناظر اظافرها و بعدت يدها و جلست و نطق عبدالله: شهادتك معك

تقدمت تطلع شهادتها من الشنطه : اي

اعطته الشهاده و بدا يناظرها و اخذ الجوال و نطق : جيبي لي اوراق التوظيف

سكر الجوال : اي متى حابين نرفع القضيه

عوض و يد شوق بيده : شوف الليله مسافرين و بعد اسبوع راجعين

عبدالله: خلاص ارفعها لك بعد كم يوم و تبدا المحاكمه بس توصلون بالسلامه

و كمل : اخت شوق عارف قدرك عن عوض و حبه لك من كثر ما يتحلطم لنا لا تخافين انتي اختي بعهد الله ولا ارضى لك الضرر و ان شاءالله القضيه كاسبينها

هزت شوق راسها و نطق عوض : ان شاء الله

تقدمت السكرتيره و معها الاوراق و نطقت : الاوراق استاذ عبدالله

آشر عبدالله على العنود : عطيهم الاستاذه العنود

اخذت العنود الاوراق و بدات تقراهم و نطق عوض : ها توقعين

هزت راسها و هي مبتسمه : اكيد اوقع

وقعت الاوراق و عطتهم لعبدالله اللي نطق : حياك الله بينا استاذه العنود

العنود : الله يحيك

وقف عوض و وقفت معه شوق : يالله دام كذا حنا نمشي و نترك الذبيحه لكم عاد لا اوصيكم ابيها لذيذه

ضحكت شوق : ذبيحه

هز راسه و هو يضحك و تقدم يخرج معها و نطق عبدالله للعنود : مكتبك على اليمين تقدرين تحطين اغراضك هناك و بعدها تعالي علشان نتكلم على القضيه هزت العنود راسها و تقدمت تخرج من مكتبه

ناظر يده اللي سلم عليها فيها و ابتسم و ناظر الباب اللي كان يطق و نطق : تفضل

دخلت العنود بعد ما فصخت عبايتها ببدلتها السوداء و هيبتها و ثقتها و صوت كعبها العالي و بيدها اللابتوب و اوراق ناظرها و بلع ريقه و نطق : حياك

تقدمت العنود تجلس و حطت الابتوب و بدات تفتحه و نطق : اشرحيلي اسباب رفع القضيه مع الادله

ناظرته العنود و بدات تشرح له و بطلاقه : اول شي موكلتي تعاني من مشاكل مع والدها منذ الصغر من ضرب و ت*حرش و تهديد و مو بس هي فقط بل ايضاً ولدتها و عاشت موكلتي طفوله سيئه من صغرها و هو يت*حرش فيها و عندي كل الادله و ايضاً عندي ادله لها و هي طفله الاشهر و هو يتحرش فيها و يضربها بعد ما صار عمر موكلتي ٧ سنوات انفصلوا امها و ابوها و عانت من الذل معه بالمحاكم و بعدها انتقلت تعيش مع جدها هي و والدتها و رجع يهددها بفتره مراهقتها و كان ايضا يجي للبيت و يهدد و من الامور ذي و قبل كم شهر مثل كل مره جاء البيت و هدد و موكلتي اتصلت على الشرطه و عطتهم الادله انه يتعاطى و انحبس ٤ شهور لكنه طلع بعدها و بدا يهدد من جديد و بطريقه اقوى لدرجه ان جاء البيت و وجه السلاح عليها و كان راح يقتلها ...............

ناظرت عبدالله اللي كان منبهر من طلاقتها ولا تلعثمت بالكلام بالعكس كان كلامها مرتب و حروفها مرتبه و جرئتها بالحديث و كيف كلامها عذب و فصيح و ثقتها نطقت : كل الادله و الاحكام لو نجمعها ٢٠ سنه حبس و اعدام يعني صقر مكانه السجن من زمان و هو حالياً اصلا بالسجن ف استاذ عبدالله اطالبك تساعدني في هذه القضيه بما اني محاميه جديد وانت الاقدم و خبره اكثر

ناظرها عبدالله و نطق : اول شي اهنيك على كلامك الفصيح هذا و ثقتك ماشاءالله عليك و ان شاءالله اساعدك باللي تامريني فيه

تقدمت تجلس و نطقت : تسلم استاذ عبدالله بس نبدا بكتابه الملف من الان ولا كيف

عبدالله: اي خلاص نبدا فيه الحين اذا معك اللابتوب و نكمل بكرا

هزت العنود راسها و بدا يساعدها في كتابه ملف القضيه و نطق : طيب كتبنا الاتهامات و الاحكام باقي الادله

العنود : الادله مو كلها اقدر اعرضها لك بسبب حساسيتها بس اذا طلب مني القاضي اقدر اعطيه

عبدالله: خلاص حطيهم بملف واحد

هزت العنود راسها و وقفت : اقدر اخرج

عبدالله: اي تفضلي

تقدمت تخرج العنود و همس عبدالله: البنت ذي طلاقتها و ثقتها بنفسه عجيبه بشكل محد يتوقعه

عند ابطالنا اللي كانوا بالسياره و نطق عوض: كيف الحماس

شوق : مره متحمسة عوض تعرف ذي اول سفره لي

هز راسه : اعرف و راح تكون اجمل سفره لانها مع عوض

ضحكت بخفه و نطق : شوق

التفتت عليه و كمل : اللي صار خيره و ما تعرفين وش ربي قاسم لنا و هو الرزاق لو شنو ما صار اذا ربي كتب لنا بيجينا

شوق : عوض ما انكر لك ان الفكره ذي تخوفني سواء كانت الامومه او الشي اللي انت خابره بس لما قالت لي مستحيل تضايقت طبيعي بس خلاص اذا ربي كاتب بيرزقني و خلاص سكر الموضوع ولا تقول لأحد

تقدم يقبل يدها : سرك بأمان ناقصك شي للسفره

هزت راسها بالنفي : لا بس طيب غششني وين يعني اي قاره مثلا

عوض جلس يفكر : بس محاوله غش وحده

ضحكت بخفه : طيب

عوض : هي بأوروبا و دوله جميله و كذا لغتهم حلوه

رفعت حاجبها : عرفت ايطاليا

رفع اكتافه بعد المعرفه و تأففت ضحك بخفه : خليها مفاجأة احلا صدقيني

التفتت له : طيب ترقص معي على رابح

عوض و هو جالس يسوق : ارقص و ليش ما ارقص

اخذت الجوال و شغلت الاغنيه و بدوا يرقصون :

↚

ما وقف ليل الغرام الا على رمش المها

و الرموش سيوف عرضه

تحت بيرق من الرجال

كل شمس من صباح الخير

تشرق بسمها

قطعه من سحر بابل

زينها السحر الحلال

اخذ يدها و بدا يرقص معها و يغنون مع كلمات الاغنيه و نطق : اي والله ان زينك السحر الحلال

ناظرته و ابتسمت و بعد مده وصلوا البيت و كانوا مجتمعين بالحوش حاطين السجاد و قاعدين يتقهون ناظرتهم عبير و ابتسم : حياكم

ام وليد : تعالي شوقي في الكيكه اللي تحبينها

تقدمت شوق تمشي و يدها بيد عوض و جلسوا و بدات لجين تصب لهم القهوه و نطق ابو وليد : بشروني

اخذ عوض الفنجال : لا الحمدالله تركت العنود مع عبدالله يستلمون القضيه لا تحاتون دام عبدالله ماسكها نكسبها بأذن الله

ابو مشاري: ذا عبدالله ماشاءالله عليه لا واضح انه رجال كفو

عوض : اي والله انه كفو ولا يقصر بشي

جوري : الساعه كم تمشون

ناظر عوض ساعته : شوي اخر الليل

غلا : لان بنشبع من شوق

ضحكت بخفه و التفتوا لمشاري اللي خرج من البيت و نطقت ام مشاري: حياك يمه

تقدم مشاري لهم و التفت لجود : دوامي اليوم لاخر الليل اخلي البنات عندك

ناظرته و وقفت : اي وينهم

اشر لها مشاري : داخل

جود تقدمت تدخل : خلاص انت روح و انتبه لنفسك و البنات عندي

ابتسم مشاري من كلمتها و تقدم يخرج و نطقت ام مشاري : يا عمري جود والله قامت فيهم قومه امهم ما سوت كذا

عبير : اخخخ يا امهم عقربه و دخلت بيننا

ابو مشاري : الحمدالله ربي عوضهم فيها

عبير : اي والله و انتي صادقه

التفتت لجين لشوق : شوشو كيف الكيكه تراها مخصوصه لك

شوق و هي جالسه تاكل من الكيكه : تجنن الصدق تسلم يدك

جوري : اكيد نعرف كيف نجيب راس زوجه اخوي

عوض : سيف و العيال وين

ام مشاري : سيف تلقاه بجحره و الباقين بالدوامات وجدك عند الجيران يتقهوى

التفتوا لسيف اللي خرج : ناديتوني

ابو مشاري: لو طارين مليون

سيف تقدم يجلس جنب عوض : افا يا ابو مشاري انا المليون بحد ذاتها

ضحكو و و نطق ابو مشاري : جت زوجتك الثاني

ناظر عوض سيف و التفت لشوق و مسك يدها يقبلها :

ذي زوجتي الاولي و الاخيره

ابتسمت له شوق بخفه و نطق ابو مشاري و هو مبتسم : الله يخليها لك

ناظر سيف كيكه عوض و تقدم ياخذها و اكل منها هبده عوض على راسه : كيكتي يا ولد

سيف و الكيكه بحلقه : اخذ من كيكه زوجتك

عوض : اعقب يا ولد انا اخذ من لقمه البنت و احطها بحلقي و هي تحبها و تشتهيها لا والله جعلني ما كليت منها دام هي تبيها

التفتت عليه شوق : لا عوض عادي تعال اكل معي

هز راسه بالنفي : لا انتي تحبيها

هبد سيف و نطق : و ذا حسابه معي

لمار ضحكت : شفيكم كلها كيكه

ناظرتها شوق و تقدمت تقطع من الكيك و تقدم الشوكه لعوض : افتح فمك

عقد حواجبه عوض و ابتسم من حركتها : ما اردك والله

فتح حلقه و اكلته و همست لمار : مو ناقص غير يتبوسون قدامنا

سمعتها ليان و بنفس الهمس : انتي وش بلاك ها من امس وانتي ما عندك شغل غير شوق

رفعت حاجبها لمار و صدت و همس لها عوض : يالبيه يالغيوره

ناظرته شوق و صدت و همست : اسكت بس اسكت تحسب اني نسيت كلمتك لها امس

همس و اشر لنفسه : انا

التفتت عليه : اي ولا نسيت لما قلت لها و قلدت طريقه كلامه بهمس : حبيبتي ذي عضتها عضه بسه

ضحك بخفه و مسك يدها يقبلها : هبله و فاهيه ركزي بكلامي و تعرفين مين اقصد

عقدت حواجبها و صدت ناظرهم ابو وليد و كح : بس عاد

ضحك عوض بخفه و اشرت شوق عليه : انا مالي دخل خالي ولدك ذا حركاته قليله ادب

اشر على نفسه عوض بصدمه : انا

ابو وليد ضحك : صادقه والله بس ما عليك سوا اللي تبونه دامه حلال لكم

ابتسم لها عوض : شفتي حتى خالك اللي هو ابو وقف معي

ناظرته و مدت لسانها : انننن

ضحك و نطق : واضح انك ما عرفتي تردين

همست لمار لجوري : اخوك ذا شفيه الحمدالله و الشكر بس

ناظرتها جوري و رفعت حاجبها : مالك دخل زوجته و حر فيها

ام مشاري : الصراحه راح نشتاق لسوالفكم بالاسبوع ذا

عوض : ما عليك عمه اسبوع و وراجعين بالسوالف و الخناق

لمار ضحكت و بأستهزاء : لحد الحين تتخانقون

ناظرتها شوق و عقدت حواجبها من تصرفها و نطق عوض وهو مبتسم : طبعاً لا وانا اقدر اتخانق مع دلوعتي و حبيبه قلبي

ضحكت لمار بأستهزاء و رفعت حاجبها شوق و صدت عنها و نطق سيف : اسجل لك المحاظرات

شوق : اي سيف سجل لي انا بعد و بعد بقول حق جوجو تسجل لي

سيف : طيب

ناظرها عوض و نطق : يالله نجهز الشناط

هزت راسها و وقفت و تقدمت تقبل خد عبير : بروح اجهز اغراضي

همست لها عبير : ميت فيك و طايح على وجه

ابتسمت شوق و بنفس الهمس : وانا بعد بس خجلي يطغي علي

ابتسمت لها و بعدت و نطقت : تردون بالسلامه

جوري : عاد روحوا خالين و تعالوا لنا بولد

ضربتها ام وليد بعلبه المنديل: بس يا بنت عيب

ابتسمت و تنهدت بضيق و تقدمت تمشي معه يدخلون البيت و توجهوا لشقتهم دخلوا و تقدم عوض يحضنها و يدفن وجه بنحرها : اخخخ ريحته المسك حقك تذبحني

حطت يدينها على ظهره و بادلته الحضن : لا تسوي شي يطبع و اتوه…… ما كملت كلامها و تقدم عوض يقبل نحرها بقوه غمضت عيونها بألم و هي مبتسمه و بدا يقبل نحرها و يترك اثار عليها و يترك اثار حبه لها على نحرها بعد عن نحرها و حاوط خصرها و حطت يدها على كتفه و نطقت و هي مبتسمه: طيب خلنا نكمل نسوي شناطنا

عوض قربها منه زياده : خلينا كذا شويه

ضربته على كتفه : عوض خلص مافي وقت

ترك يده : طيب

تقدمت تمشي معه الغرفه و بداوا يرتبون شناطهم و كانت شوق متحمسه بشكل محد يتوقعه ................

عند جود دخلت المجلس و ناظرت البنات جالسين و رزان تلعب مع خالد بالسوني و ناظرت نظرات خالد لرزان و ابتسمت و نطقت : رزان حليتي واجباتك

ناظرتها رزان : اي جودي خلصت كل شي

ناظرت لولوه اللي كانت تلعب مع حصه و وتين بالبسس و تقدمت تجلس معهم : يصير العب معكم

عطتها حصه وحده من البسس : اي جودي

اخذت البسه و نطقت لولوه : تعرفين شوشو راح تترك بسسها و تسافر

جود : اي اسبوع و ترجع

حصه : اي عمه جود حنا اتفقنا ثنين عندي انا و وتين و خالد و ثنتين عند لولو و رزان

جود : انتبهوا لهم شوي شوي بعدين تزعل شوشو اذا صار فيهم شي

التفتت رزان لجود : جودي بسألك

جود : تعالي

تقدمت رزان تجلس جنب جود و معها خالد و نطقت : متى راح تتزوجون انتي و بابا

رفعت جود اكتافها بعد المعرفه : بعد ما يرجعون شوق و عوض يمكن

خالد : الحين صدق راح تصيرين زوجه عمي مشاري

هزت جود راسها و نطق : يعني في عرس و رقص يس حماااسسسسس

ضحكت جود : ذا اللي يهمك

خالد : اكيد علمني سيف كيف ارقص

همست جود : دام سيف علمك الله يستر من تعليمه

رزان : بابا يقول راح ننام عندك اليوم صدق

هزت جود راسها : اي علشان راح يتأخر بالدوام

عند شوق اللي بعد ما خلصت ترتيب شنطتها توجهت عند البنات اللي كانوا جالسين بالمجلس و يتقهون و يحلون دخلت و نطقت لجين : حييي والله حرم دودي

ضحكت بخفه و تقدمت تجلس : الله يحيك

غلا : اي صح وين راح تسافرون

رفعت شوق اكتافها بعدم المعرفه و هي تشرب القهوه : معرف يقول مفاجأة

جوري : ذولي الله يستر من مفاجأتهم مفاجاه فهد لي بحد ذاتها صدمه

ناظرتها لمار و رفعت حاجبها : ليش مو عاجبك اخوي

ناظرتها جوري من فوق لتحت و صدت و نطقت ليان : جودي وين

غلا : تلقينها تحت مع البزران

دخلت العنود : هاي صبايا

ضحكوا البنات على كلمتها و تقدمت تجلس تتقوى : اليوم متعب بس يستحق

ليان : اشوف اللوك بليزر و حركات و التسريحه لا صدق محاميه

ابتسمت العنود: اي حبيبه سُلطان وش علومكم خبري متزاعلين على تأخيره بالدوام

ابتسمت بخجل : لا خلاص رضيت

لجين : الله الله يا بختنا والله بحريم اخواني

دخلت ريم : سلام

ضحكت شوق : توها جالسه تمدحنا و دخلتي

تقدمت تجلس جنب شوق و نطقت ريم : حريم اخوانك كل وحده اسنع من الثانيه

جوري : اي والله انا اشهد و كل وحده دلوعه

ضحكوا و نطقت شوق : يحق لنا ولا

ليان : اكيد حبيبتي

التفتت شوق لجوالها اللي كان يتصل و ردت :

هلا عوض

عوض : يالله حبيبه قلبي لا نتأخر على الطياره

ابتسمت شوق لما سمعت ( حبيبه قلبي ) : يالله جايتك

سكرت جوالها و وقفت : يالله بنات بروح البس علشان نروح

العنود تقدمت تسلم عليها : طمنينا و قولي لنا كيف الاجواء هناك

شوق : إن شاء الله

وقفوا البنات و بدوا يودعونها و يسلمون عليها و ناظرت انشغال لمار لجوالها و عقدت حواجبها و تجاهلتها و تقدمت تخرج من المجلس التفتت العنود للمار و نطقت : ليش ما ودعتيها

نزلت جوالها و رفعت اكتافها : عادي اسبوع و جايه

غلا : عارفين اسبوع و جايه بس مو حلوه كان و دعتيها على الاقل

تأففت لمار و وقفت : خلاص بس صدعتوا راسي كل شوي شوق و شوق خلاص عاد مو حاله ذي

رفعت حاجبها جوري : نعم خير ان شاء الله وش الكلام ذا

تأفتت لمار و خرجت من المجلس التفتت ليان للبنات : مقروصه ذي الحمدالله و الشكر

ريم : بس يا بنات تعوذوا من الشيطان و اتركوها

بدوا البنات يسولفون و يتقهون

↚

توجهت شوق لغرفتها و غيرت لبسها و دخل عوض : يالله نزلت الشنط تحت

هزت راسها و مد يده لها و تقدمت تحضن يده و تنزل معه و توجهوا للمجلس ناظرت جدها و ابتسمت و تقدمت تقبل راسه و نطق : انتبهى لنفسك

شوق : ان شاء الله

تقدمت عبير تحضنها و همست لها و هي مبتسمه : استمعتي بأول سفره مع عوضك

بعدت عنها و هزت راسها وهي مبتسمه و تقدم عبدالرحمن: يعني لا طولون و كذا تعرفين

ضحك شوق : اشتقت اتهاوش معك من زمان

ضحك و تقدم لها : الصراحه الود ودي بس

ناظر عوض اللي كان رافع حاجبه و نطق : جرب بس و تشوف

ضحك بخفه عبدالرحمن و تقدم يضربها بخفه على يدها تقدم عوض له : بعد يدك لا اكسرها لك

ضحكت و ضحك عبدالرحمن : شفتي هذا و انا عمه وش يسوي فيني

تقدم يمسك يدها و نطق : يالله تأخرنا

ابو وليد : انتبه لها

عوض : والله بعيوني و قلبي

تقدم يدخل سيف : بتسافر و ما تودعني

عوض : اخلص من واحد يجيني الثاني تعال خلص

فتح عوض يدينه و تقدم سيف يحضن عوض و مد لسانه لشوق : اننن

همس عبدالرحمن لشوق : شوفي جالس يحضن زوجك

ضربته على يده : بعد مالك دخل وانت الثاني خلص احضانك مع زوجتك و تعال برا انا انطرك بالحوش بشوف توته

بعد سيف عن حضن عوض و ضحك : شفيها زوجتك

هبده عوض على راسه : لا تخلص الاكل علينا و لا تنسى تسجل المحاظرات

تأفف سيف : طيب

تقدم عوض يخرج و ناظرها بالحوش وتين تحضنها : خلاص توته والله ماراح نطول

وتين ببكي : راح اشتاق لكم كثير انتي و دودي

تقدم عوض لهم : و حنا بعد راح نشتاق لك

ناظرته و نطقت : خلصت احضان مع زوجتك

ضحك عوض : لا ما شبعت من حضنها

شوق : روح كمل حضن

تقدم يحضنها و ضربته على كتفه بخفه : يا حيوان مو قدام البزران