بعدت عنه و بدا يمسح دموعها و اشرت على المراجيح ابتسم و هز راسه بالموافقه و ناظر الناس اللي حوالينه و رجع ناظرها : ذولي يناظرونا لا يكون صدق قلتي لهم اني خاطف قلبك

ضربته على يده بخفه : اكيد راح يناظرون و انت حاضني قدامهم

مسك يدها و ابتسم : حلالي

ناظرته و صدت تبتسم : لا تسوين نفسك زعلانه اعرف انك جالسه تبتسمين

بدوا يمشون و توجهوا للعبه المراجيح و وقفوا بالاين و نطق : اسف

ناظرت اظافرها و بدلع : قبلت اعتذارك بس ما تسويها مره ثانيه

ضحك بخفه و تقدم يحاوط كتفها : حاضر سيدي

شوق : لا تسوي كذا مره ثانيه صدق ازعل منك

تقدم يقبل راسها : والله امزح بس حاضر باللي تأمرين فيه

تقدموا يدخلون و يجلسون على المراجيح و كل واحد كان جالس بمرجيحه و كانت بالمرجيحه اللي جنبه و عوض من داخله خايف يدها بعيده عنه ولا يقدر يمسكها و بدا نبض قلبه يزيد من الخوف تعوذ من الشيطان و بدات اللعبه ترتفع و عوض خاف زياده و شوق كانت متحمسه و بدات اللعبه تتحرك و عوض كان مغمض عيونه بخوف و ساكت و شوق كانت فرحانه و فاتحه يدينها و شعارها البني جالس يتحرك مع حركه اللعبه و الهواء حاول عوض يفتح عيونه و سكرها على طول من ناظر الارتفاع و يحاول ينسى نفسه و يقول من داخله : علشانها عوض علشانها تحمل بس شوي و تخلص اللعبه اذا تحبها تحمل يالله غمض عيونه و تمسك بحديده المرجيحه بقوه و بعد مده نزلت اللعبه و فتح عيونه وحس كأنه رجعت له الحياه بعد الموت و التفت لها و ناظرها مبتسمه و نزلوا من اللعبه حاول يتناسى الخوف و نطق: تعالي نروح الستور

هزت راسها و تقدمت تمشي معه و تدخل ستور دزني لاند و بدات تناظر الاغراض و ناظرت الاطواق و ابتسمت : تعال نصور و حنا لابسين الاطواق

هز راسه و تقدم يمشي معها و جلست تختار الاطواق ابتسمت و اخذ طوق ميكي ماوس و التفتت له : انزل شوي البسه لك

نزل عوض و ناظرها وهي تلبسه الطول و ابتسم و تعدل في وقفته : ميكي ماوس

اخذت طول ميني ماوس و لبسته : اي و انا ميني ماوس

فتحت كاميرا جوالها الاماميه : يالله تعال بس كذا صور عفويه عرفت

هز راسه و وقف وراها و نزل نفسه و بدات تتدلع و تسوي حركات تضحك و عوض كان معها التفتت له : مد شفايفك

مد عوض شفايفه و مدت شفايفها و بدات تصور و تقدم عوض يطبع قبلاته على خدها وهي ماده شفايفها و مغمضه عيونها ، فتحت عيونها و التفتت له : ما توفر

ضحك و هز راسه بالنفي : لا طبعا

بدوا يلبسون الاطواق و يصورون خلصت و بدات تشوف معه الصور و يضحكون و نطقت : نطلع

عوض : و الاطواق

شوق : مو لازم

مسكها عوض من يدها و اخذ طوقين لميكي ماوس و ميني ماوس : امشي نحاسب ............