عند ليان و سُلطانها توجهوا للمطبخ اللي كان بطابق البنات دخلت و كان وراها و تقدمت تمشي للطاوله اخذت البن و حطته بالميزان و تقدم لها سلطان من ورا يحضنها فتحت عيونها بصدمه و ابتسم : سُلطان

سلطان : عيوني

ليان : ممكن تبعد شوي بس اصير حلالك سوي اللي تبيه و انا راضيه

تقدم يقبلها على خدها بهدوء و بعد : ان شاءالله قريب

ابتسمت و هزت راسها : ان شاءالله

سلطان : لازم تعلميني كيف اسوي القهوه

بعدت و نطقت : تعال اعلمك

اخذ البن و كمل يحطه بالميزان و نطقت : حط ٣٠ قرام بن

بدا يحط سلطان البن و نطقت : حطه بالطاحونة و اطحنه على ما اسخن المويه

اخذ البن و بدا يحطه بالطاحونة و يحركها و بدات ليان تحط المويه بالغاليه و نطق : وش ذي الطاحونه انكسرت يدي

تقدمت له ليان و وقفت جنبه : علشان تعرف يا حبيبي شكثر اتعب و تقدر تعبي بصنعها و تشربها

ضحك بخفه : يا زين حبيبي من ثغرك كثريلي منها لياني

عضت شفتها و ابتسمت : حلاو هي

ناظرها و ابتسم و نزل الطاحونه و بعد شعرها الكيرلي ورا اذنها : احلا من الحلا و لو بيدي كان بست الثغر اللي نطق و قال حبيبي

فتحت عيونها بصدمه و ضحكت : سُلطان عيب

سلطان بهيام : عيوني والله محد جايب اخرتي غيرك

ضربته بخفه : اسم الله عليك لا تقول كذا

ضحك بخفه : حاضر ، خلصت البُن

تقدمت تفتح الفريزر و تطلع الثلج و حطت السيرفر على الميزان و حطت القمع و الفلتر و نطقت : يالله رطب الفلتر بالاول

اخذ الغلايه و بدا يرطب الفلتر و بعدها حطت الثلج بالسيرفر و حطت البن بالقمع و التفتت له : الحين ركز معي

تسند على الطاوله : مركز والله مركز بكل شي بكل حرف و بكل همس

ضحكت بخفه : سُلطان

سلطان : عيوني

ليان : اسمعني

سلطان : سامعك

ضحكت بخفه : طيب ، راح تكون الصبات على ثلاث دفعات

هز سلطان راسه و بدات تعلمه و كان يناظرها بهيام و كأن هالكون هي و بس كان يناظرها و كأنها اعظم انتصاراته و الانسانه الاكثر اهميه بالحياه نظراته لها كانت مليانه حب و هيام ناظرته و ابتسمت : سُلطان ركز لان اذا تزوجنا راح استقيل من الشي ذا

ابتسم : قريب ان شاءالله

ضحكت بخفه : طيب ركز معي

ناظر عيونها و ابتسم : مركز مركز

ليان : سُلطان مو انا القهوه

سلطان : وانتي منظر عيونك و شعرك احلا من القهوه و احلا من كل المناظر الطبيعيه

غطت وجهها و ضحكت : ياربي يا سُلطان والله انك ابرك مصاديف عمري و حياتي

ابتسم سلطان : يا حظي دام اني ابرك مصاديف حياتك

ليان بعدت شعرها بغرور : اكيد محظوظ مو كافي اني حبيبتك و بصير زوجتك

سلطان : حبيبتي و حياتي و عيوني و زوجتي و دي الحين كذا ابوسك و احضنك على كلامك الحلو ذا بس قريب انتظري

ضحكت بخفه : طيب يالله كمل

بدا سلطان يصب المويه و بعد مده خلص و صب القهوه بالاكواب اخذت كوبها و شربتها و نزلت : همم

سلطان : تقيمك

↚

جلست تفكر و ابتسمت : مليون بالميه لانك سويتها معي

ابتسم و شرب القهوه و قلدنا : مليون بالميه لانك سويتيها معي

ضحكت بخفه و ناظر ساعته : ودي اجلس معك اكثر بس دوامي

هزت راسها بالموافقه : بالتوفيق

سلطان تقدم بيطلع و التفت لها : قريب راح اودعك قبل لا اروح الدوام بأحضان

ضحك بخفه : طيب طيب روح لا تتأخر

سلطان : افا ما تبيني

ليان : ابيك بس ما ابيك تتأخر على دوامك

ابتسم سلطان : وانا ابيك زوجه لي

فتحت عيونها و ابتسمت و تقدم سلطان يخرج من المطبخ و خرجت وراه و توجهت لغرفتها جلست على السرير و بدات تشوف مسلسلها

عند ابطالنا صحى عوض و التفت لها ناظرها نايمه و معطيته ظهرها على حالها امس ناظر جواله و التفت لها : قومي لا نتأخر

ماردت عليه و تمتمت بكلمات و رجع مره ثانيه يصحيها : قومي لا تروح علينا الطياره

شوق بنوم : بس شوي

جلس على طرف السرير و عطاها ظهره و نطق : قومي بعدين نامي ورانا طياره

فتحت عيونها و التفتت يمينها ناظرته جالس و معطيها ظهره و نطق : بتسبح على ما اخلص خلصي شنطتك

ناظرته اخذ منشفته و دخل الحمام ( الله يكرمكم) من غير لا يلتفت لها جلست و ناظرت مكان نومه ما نامت بحضنه ليله امس ولا صحت وهي بحضنه و هو يضحك و يبتسم و يسولف لها ما صحت و هي تناظر عيونه حتى لما صحاها ما نطق بأسمها ولا عطاها حضن و من داخلها : حتى اسمي مستختر تقوله ليش وانت كنت اكثر شخص فاهمني وش صار وش حصل علشان يصير كذا كيف افهمك اني صدق اخاف و ان مو قادره انسى ولا ليله تح*وش فيها فيني ليش مو راضي تفهم اني احبك بس ما احب الشي ذا تنهدت بضيق و تقدمت ترتب شنطتها ناظرت احد الاكياس اللي كان فيه قميصين لونهم ابيض ابتسمت بضيق : كنت ابي البسه معك لما نرجع لهم

اخذته و حطته على الكنب و ارسلت له واتس ما كانت تبي تتخاطب معه ولا تكلمه بعد صده : اتمنى ما تردني و تلبس القميص معي

ابتسمت و نزلت جوالها و تقدمت تاخذ لبسها و منشفتها و التفتت له من خرج من الحمام و لابس روب الحمام و جالس ينشف شعره صدت و اخذت لبسها و تعدته و دخلت الحمام تنهد بضيق و تقدم ياخذ جواله و ناظر رسالتها و نطق : صار الكلام بيننا بالمرسال

سكر جواله و ناظر القميص اللي كانت مرتبته و حاطته على الكنب و همس : البسه لعيونك والله البسه معك

تقدم يلبس القميص و بعد ما دخلت الحمام ( الله يكرمكم ) تسندت على الباب و حطت ظهرها عليه و همست : حيوان صدق طالع حلو و هو طالع من الشاور

عضت شفتها و هي مبتسمه و تقدمت تفتح المويه تأخذ شور

خلص عوض لبسه و بدا يرتب اكمام القميص و يرفعهم على فوق و يفتح ازرار القميص طلعت وهي لابسه نفس قميصه الابيض اللي كان من بولو شتت انظاره و اخذ دخانه و تقدم يطلع : لا طولين بسرعه

هزت راسها بضيق صح انبسطت انه لبس نفس القميص بس تضايقت من صده و هي ما تعودت عليه ما تعود عليه يعطيها ظهرها و يصد كان يعطيها ظهرها تتخبى فيه و تحتمي فيه من عبدالرحمن و الحين يعطيها ظهره بضيق و يصد

نزلت راسها بضيق و تقدمت تجلس على التسريحه تنشف شعرها و تخلص امورها

تسند على حافه البلكونه و حط السجاره بحلقه و شغلها و بدا ينفثها و يهوجس بحاله و حالها و بداخله : والله ما ابي اصدك و اعطيك ظهري والله اني اشتقت لحضنك اشتقت اناديك بس ابيك انتي اللي تجيني ابي اشوفك تراضيني ابي اشوف قدري عندك و والله من حقي ك رجال الشي ذا وش اسوي فيك كيف انسيك الماضي

التفت و ناظرها من البلكونه جالسه تلبس جزمتها طفى الدخان و تقدم يدخل و يشيك اذا ناسين شي ولا لا و اخذ الشناط و حطهم عند الباب اخذت التوت باق و لبستها بضيق و طلعوا من الفندق و ناظرت شوارع باريس لأخر مره جت لها و هي سعادتها قد الدنيا و راح تغادرها و الضيق ساكن قلبها دخلت السياره و بدات تحرك و كان عوض جالس على جواله يحاول يشغل نفسه ناظرته و شتت انظارها تناظر برج ايفل و تودعه بحزن رجعت راسها لورا و بدات تناظر الطريق و بعد مده وصلوا المطار و دخلوا سووا التشيك و دخلوا الطياره و كانت جالسه جنب الشباك و هو جنبها ولا تكلم معها ولا نطق بحرف من الصباح ناظرته لبس الحزام ولا لبسها حزامها تنهدت و اخذت الحزام و بدات تربطه و بعد مده اقلعت الطياره وشبكت يدينها ببعض و تضغط عليهم من سرعه الطياره و بعد مده استقرت الطياره بالجو و فتحت حزامها و ناظرته جالس يختار فلم و كان يحاول يشغل نفسه شوي و وده بس لو يمسك يدها و يسولف معها بس يبي يعاتبها عتاب المحبين يبي يفهمها ان ذا من حقه و الماضي ماضي لو مهما صار يبقى ماضي ولا يأثر على الحاضر كان عارف انها تحتج بعقمها زياده فوق حجتها بالت*حرش

فتحت جوالها و بدات تشوف تصوير البنات و تجهيزاتهم لقدومهم و كان عوض يناظر الفلم و باله مو عند الفلم عند شوقه و محبوبته ......

بالبيت بدوا يجهزون لجيتهم و الخالات بالمطبخ يجهزون الحلويات و القهوه دخل سيف : جوعان

ضحكوا الامهات و نطقت ام مشاري : توك متغدي

تقدم يناظر الاكل : بس قطعه كيك

ام مشاري : لا مافي يالله انتظر عوض و شوق يجون

سيف : طيب قطعه صغيره يمه صغيره

ضحكوا و نطقت عبير : صدقيني ولد فيه دوده

تنهد سيف و همس : دوده الحب و التفت لهم : مطول عوض

ام وليد : كلها كم ساعه و يجون

تأفف و تقدم يخرج و نطقت ام وليد : لا حالت ولدك تعدت المنطق

ضحكت ام مشاري: تدرون انه ارحم من قبل

ام رنا ضحك : يا حلوه يضحكني

عبير : الصراحه احب روحه مرحه و مزوح و يضحكنا

ام مشاري : بذي صدقتي

طلع سيف من المطبخ و ناظر البنات جالسين يرتبون المجلس و يبخرونه دخل و نطق : والله لو عرس مو كذا

ضحكت لمار اللي كانت جالسه و حاطه رجل على رجل: اي والله وانت صادق غلطانين شكلهم

ناظرتها العنود و رفعت حاجبها: مالك دخل وانت الثاني عندك كلمه سنعه انطقها ما عندك عطينا عرض اكتافك

تقدم يجلس و ضحك : امزح شفيك علي قلبتي محاميه فوق راسي

ناظرت جوري لمار : شرايك تجيبين الفحم بدل الجلسه ذي

ضحكت بخفه : انا لمار اولع الفحم و اجيبه علشان شوق

جود عقدت حواجبها : وش فيها شوق علشان ما تجيبين لها

لجين : وش اللي غيرك

وقفت : ولا شي هذي انا ما تغيرت انتم اللي كل انظاركم حوالين شوق

تقدمت تخرج لمار و ناظرها سيف بصدمه : ذي وش بلاها

العنود اللي كانت ترتب الطاوله: مقروصه

ضحك سيف : لا والله صدق وش اللي قلب حالها

لجين رفعت اكتافها : الله اعلم

ليان : تبين حقيقتها قريب كل ما هذا شوق و شوق

التفتت لهم جود و بهمس : لا يكون تحب عوض

العنود هزت راسها بالنفي : لا لو تحبه كان عرفت بس تصرفاتها غيره

التفتت جوري لسيف : وانت وش جابك

حط يده على بطنه جوعان ضحكت العنود : مو شي جديد

دخلت غلا و معها ملابس و تعدل سيف بجلسته و رتب شعره ما انتبهت له و نطقت : بنوتات الوردي ولا الموف مع بنطرون ابيض

سيف : الوردي

التفتت عليه و التفتوا عليه البنات و بلع ريقه و نطقت : مالك دخل

صدت و التفتت للبنات : يالله بنات اي واحد شوفو البنك حلو و كذا البس معه طوق نفس اللون يجنن و الموف حلو مع طوق ابيض

جوري : الموف احلا

↚

لجين : اي صح يجنن اكثر و مريح

ليان : الوردي حلو بس مبالغ فيه يعني الموف كذا نص بالنص

هزت راسها و تقدمت تخرج و التفتت العنود لسيف و رفعت حاجبها : وضعك مو عاجبني

وقف سيف و ضحك : مو لازم

تقدم يخرج و ضحكوا و بدوا يرتبون

عند ابطالنا بالطياره غفى عوض و هو جالس يناظر الفلم و كانت شوق تطقطق بجوالها حست بهدوء و التفتت له و ناظرته نايم و منزل راسه ولابس السماعه مدت يدها و فصخت السماعه و تقدمت تحط راسه على كتفها و تغطيه عدل حس فيها و ابتسم بخفه و من داخله : حتى و حنا متزاعلين ولا نكلم بعض تحطين راسي على كتفك و تغطيني و لا تنسيني يا كبر حظي يوم صرتي حبيبه لقلبي

غفى و هو حاط راسه على كتفها و كانت تطقطق بجوالها و تناظر السماء تنهدت و رجعت راسها لورا و بعد مده صحى عوض و هي كانت صاحيه بعد راسه عن كتفها بهدوء و بدون اي صوت و بعد مده وصلوا و بدوا ينزلون من الطياره و خلصوا من اجراءات المطار و طلعوا ناظرته جالس يمشي قدامها و هي وراه ولا مسك يدها ولا حضنت يده تأففت و تقدمت تسرع بخطواتها و تمشي جنبه و توجهوا للسياره و ركبوا و كان الطريق هادي و بعد مده وصلوا البيت و كان راح ينزل من السياره و نطقت بحده : كلمتين و بعدها انزل

سكر الباب و نطقت بحده : اللي داخل مالهم دخل يدخلون بعلاقتي معك بالغرفه تسمعني ولا لهم دخل يشوفونا و حنا متزاعلين و صدك لي من اليوم احاول اسوي نفسي ما اشوف بس مو حاله ذي تصد عني حتى اسمي ما نطقته اليوم كله تعاملني كأني جماد راح تمسك يدي و تعاملني نفس ما كنت تعاملني قبل و بس نروح شقتنا نتفاهم عدل

تقدمت تنزل من السياره و سكرت الباب بقوه تنهد و تقدم يخرج و وقفوا قدام باب البيت و مد لها يده : يدك

عطته يدها و صد يبتسم بخفه و طق باب البيت و وصله صوت سيف : جايك جايك

فتح سيف الباب و هو فرحان و تقدم يحضن عوض ضحك عوض بخفه و بعد سيف عن حضنه و ناظر شوق : حي الله زوجه زوجي الاولى

ناظرته و قلبت عيونها ضحك بخفه سيف : خلاص بسكت خلاص

تقدموا يدخلون البيت و نطق سيف : تأخرتوا مسوين كيكه ليمون لذيذ

شمت شوق الريحه و التفتت له و هي مبتسمه : كيكتي المفضله

ناظر غمازاتها و ابتسامتها و هز راسه و تقدمت تدخل معه للمجلس ويده بيدها و بدوا يسلمون عليهم و يسألونهم عن حالهم و نطقت العنود : الله مطقمين بولو و حركات

ضحكت بخفه شوق اللي كانت جالسه و يمينها عوض اللي كان يشرب قهوه : اي عوض قال نطقم و كذا قلت قدام

ضحك عبدالرحمن: طقم فناجيل

مدت لسانها له : اننن ، محتر ما عندك احد تطقم معه

حاوط عبدالرحمن كتف سيف : عندي ابو سلطان نطقم بالثوب

ضحكت بخفه و اشرت عليه : شوفه عوض

نزل عوض فنجاله : ما عليك منه يغار معروف الشي ذا

ابتسمت لهم ام وليد : يا حلوكم كيف فرنسا و الاجواء

ابتسم عوض : اذا بتسألين عن فرنسا و الاجواء اسأليها هي لان انا الصراحه ما افضلها كثير بس قلت ما اخليها بخاطرها

ناظرته و كانت مشبكه يدها بيده و ابتسمت و رجعت انظارها لخالتها و نطقت : تجنن حلم صدق كل شي فيها حلو

عبدالرحمن: اي تكلمتي فرنسي ولا جلستي تطقطقين

بالكلام

بعدت شعرها بغرور : اكيد تكلمت حتى عوض صورني كملت و نطقت بتفاعل و حماس: رحنا بعد دزني لاند امس كانت تجنن كل شي فيها حلو من الالعاب لي كل شي و خصوصا قطار الموت يجنن يجننن

العنود بصدمه : قطار الموت

هزت شوق راسها وهي تاكل من الكيكه و نطقت جوري : عوض معك

لجين : ركبت عوض

سلطان بصدمه : تكفى وش صار لك

عقدت حواجبها : وش فيكم اي ركب معي و بعد ركبنا المراجيح اللي تدور و العاب كثير تجنن

ضحكت العنود بخفه : ما خفت

هز راسه بالنفي و نطقت شوق : ليش يخاف

جوري : عنده فوبيا من الالعاب الخطره

نزلت الشوكه و التفتت له بصدمه كان جالس يشرب قهوه : قول والله

هز راسه و هو مبتسم و كملت وهي مصدومه: ما كنت اعرف

ضحك سيف : يا عيال تذكرون سفره امريكا لما ركبنا القطار و قرر يركب معنا و يجازف و طلع من اللعبه وجه مصفوق

ضحك فهد : اتذكر اتذكر

ضحك عبدالرحمن: ما بكيت

عوض عقد حواجبه : وش شايفني علشان ابكي تراها فوبيا عادي بس خوف

التفتت له : يعني خفت

ناظرها و بلع ريقه و هز راسه بالنفي سكرت نص عيونها و بتهديد : اعترف خفت ولا لا ما راح اطقطق عليك بس قولي خفت ولا لا

ضحك عوض : لا ليش اخاف

لفت بجلستها عليه : و الفوبيا اللي عندك ليش ما قلت لي

ضربته بخفه على صدره و تعدلت بجلستها و تكتفت ضحك بخفه و نطق الجد : اهم شي انبسطتوا

شوق وهي جالسه تاكل من الكيك: مرههه المره جايه نأخذك معنا و كذا البسك بدله و اخليك تتكلم فرنسي يمكن تتزوج وحده فرنسيه

ضحكوا و نطق ابو وليد : شكلك ناويتها له

شوق : جدي شباب يحق له

ضحك الجد : لا والله بعد فاطمه الله يرحمها ولا وحده تجي حياتي بعدها

نطق الكل : الله يرحمها

شوق : بس الصراحه ما شبعت منها اشتقت لها من الحين

ضحكت عبير : شفت عوض قلتلك بنتي و اعرفها لا تدللها و تدلعها زياده

شوق :ماما

رفعت عبير اكتافها :و انا عند ربي صادقه

↚

ابتسم عوض و ناظرها :يحق لها الدلع و الدلال اصلا و تستاهل والله الدلع و انا حاضر لها و للي تبيه و تطلبه و عاجبني دلعها اصلا

ابتسمت عبير :الله الله

ابتسمت شوق و عضت شفتها و التفتتوا لدخول مشاري : السلام عليكم

ناظروه و ناظرته جود محلق شعره حطت يدها على فمها و تقدمت تطلع ناظرها و تقدم يجلس و نطق وليد : ها مقرع

ضحك بخفه مشاري : تغير

عوض : شكلي بقلدك ...........

ناظروه و ناظرته جود محلق شعره حطت يدها على فمها و تقدمت تطلع ناظرها و تقدم يجلس و نطق وليد : ها مقرع

ضحك بخفه مشاري : تغير

عوض : شكلي بقلدك

التفتت له شوق اللي نست موضوع زعلهم و بتهديد : افجر فيك والله جرب بس و شوف وش يصير قال ايش قال يقرع مو مستعده اصحى و القى كوره بولنق جنب راسي

ضحك عوض بقوه : حلوه ذي كره بولنق

عبدالرحمن: صايره تنكتين

ناظرته من فوق لتحت : شكلك مشتاق لخناقي معك

عبدالرحمن: اي والله مره

صدت شوق و طنشته و دخلت وتين و معها البسس و خلفها لولوه و نزلت البسس و تقدمت تحضن شوق : اشتقت له شوشو

اخذتها شوق تجلسها على حضنها و تحضنها : وانا بعد اشتقت لك كثير تعرفين اني جبت لك هديه لك و لولوه

لولوه : صدق شوشو

هزت شوق راسها بالموافقه و نطق عوض : و انا ما اشتقتي لي

بعدت وتين عن حضن شوق و تقدمت تجلس بحضنه : اشتقت لك بس احب شوشو اكثر

عوض : لا انا كثير

وتين : لا انا اكثر حتى اكثر منك

عوض : لا والله انا اكثر مو بكيفك

شتت انظارها بخجل و نطقت وتين : انا احبها اكثر منك حتى حضنتها اول

هز عوض راسه : انا اكثر زوجتي ذي

وتين بحده : لا انا اكثر انت كذاب

عوض : مو كذاب احبها اكثر منك حبي لها كبير

وتين : انا اكثر

و نطق : مو اكثر مني

وتين بعناد : لا انا اكثر

ضحكوا عليهم و عضت شفتها بخجل من اعترافاته و صدت و نطق وتين : شوشو انا احبك اكثر منه

التفت لها عوض : لا انا احبك اكثر منها

فتحت عيونها بصدمه و وردت خدودها بالخجل و ناظر خجلها و ضحك بخفه و نطقت شوق : وين البسس الباقي

ضحك عبدالرحمن : جالسين يتخانقون من يحب اكثر و انتي تدورين البسس

وقفت و ناظرت البسس و التفتت : في بسه ناقصه

لولوه : جالسه تاكل

تقدمت تجلس على الارض : جيبيها لي لولو

تقدمت لولوه تخرج و ناظرت شوق البسس اللي تقدموا لحضنها و تقدمت تقبلهم : اشتقت لهم

نزلت وتين من حضن عوض : تحبينهم كثير

هزت راسها شوق و نطقت وتين : و انا احبك اكثر من ذا

اشرت على عوض و ضحكت شوق و نطق عوض : عمك ذا عمك

التفت لوليد : بنتك تجحد على طول

وليد : عمها تمون ولا ما كان سمتك دودي

ضحك بخفه و وقفت شوق و بيدها البسس و نطقت عبير وهي تضحك : يالله ان شاءالله نشوفك تشيلين عيالك بدل البسس

ابتسمت بضيق و ناظر ابتسامتها و تقدمت تجلس على الكنب و حطت البسس جنبها و بدات تمسح عليهم و هي فيها ضيقه و دخلت لولوه بالبسه و ناظرتها شوق بصدمه كانت البسه وجهها كله حليب اخذتها و نطقت وهي تضحك : ليش كذا

لولوه : عمه ذا ما يعرف ياكل

اخذت شوق منديل و حطت البسه بحضنها : شبيه سميه لازم يعفس الدنيا وقت الاكل

اشر على نفسه عوض بصدمه : انا

ام وليد ضحك : صح صح لازم توصخ نفسك و انت تاكل

عوض : يمه صرتي معها

ام وليد : مع الحق

العنود : صح لازم فمك يصير كله اكل و ملابسك تتوصخ من يوم ما كنت صغير

التفتت له شوق : شفت ما اكذب

التفتت للبسه و كملت تمسح و بعد ما خلصت بدات تمسح عليها و كانت مرتاحه و مبسوطه البسه و هي جالسه تمسح عليها و نطقت وتين : يصير ناخذ الباقين

هزت شوق راسها : بس خلوا ذي عجبها اني امسح عليها

اخذت وتين و لولوه البسس و نطق مشاري للولوه: وين رزان

لولوه : فوق

وقف مشاري يخرج و يدور جود و همس لها عوض : كيف اصير مكان سمي

بنفس الهمس : سهله تمنى تصير بسه و راح تصير

ضحك بخفه و ناظر سيف غلا جالسه تسولف مع البنات و لا تناظر فيه تنهد و نطق : متى نتعشى

ضحكوا و نطق ابو مشاري: تونا متقهوين انتظر

فهد : سيف يجوع بالدقيقه مليون مره

سيف : عوض قول انكم جوعانين يالله علشان ناكل

ضحك عوض و التفت لها ناظرها تلعب مع البسه و تبتسم : جوعانه

ناظرته و بعدت شعرها ورا اذنها : اي

التفت لسيف : احمد ربك انها جوعانه

↚

سيف: الحمدلله ، امش معي نشعل النار

عقد حواجبه : نار

وليد : بنشوي جبت اغراض الشوي و اللحم على جيتك

ابتسم عوض : ما تقصر يا عضيدي

وقف عوض : يالله امش نشعلها

التفت لشوق : تجين معنا

ضحك لمار بخفه و هزت شوق راسها بالنفي : لا بس احسبوا حساب البسس معكم

سيف : خلينا ناكل بالاول بعدين بسسك

ضربه عوض بخفه على راسه : ولا يهمك انا اشوي لهم

لجين : بسس مدلعه تتعشى لحم

اخذت البسه و قبلتها : اكيد

ضحكوا و نطقت لمار بهمس : ما نخلص منك يجونا بسسك

سمعتها جوري : يمين بالله ان ما سكرتي زبالتك ذي اذبحك

شمقت لها لمار و تقدموا عوض و سيف يخرجون ناظرت عبير شوق و نطق : شوق تعالي شوي معي

وقفت شوق و عطت عبدالرحمن البسه : انتبه له

اخذ عبدالرحمن البسه : ولدك هو علشان انتبه له بس لا تخافين تروحين و تجين تلقيني معلمه علوم المرجله

ضحكت بخفه و تقدمت تخرج مع عبير و توجهوا لغرفه عبير و دخلوا و سكرت عبير الباب و التفتت لها شوق : صاير شي ماما

عبير : تعالي اجلسي

تقدمت تجلس معها شوق و نطقت عبير : صار شي

فهمت شوق مقصدها و شتت انظارها و هزت راسها بالنفي

عبير : ليش

شوق : ما قدرت تذكرت كل شي ما قدرت

بكت و كملت : حاول بأول يوم زواج لنا بس ما قدرت والله و قبل فتره جتني الدوره و كنت أتألم بقوه رحنا عند الدكتوره و قالت اني عقيمه

عقدت حواجبها عبير : كيف عقيمه شوق وش تقولين

شوق ببكي : ماما اللي صار زمان سبب لي الشي ذا

تنهدت عبير و تقدمت تحضنها : و عوض

بكت شوق زياده وهي تحضنها : تزاعلنا امس ماما و لحد الحين متزاعلين علشان الموضوع ذا ما اقدر ماما ما اقدر اخليه يلمسني

ابتعدت عنها عبير و مسكت يدها : بس تدرين ان يجيك ذنب اذا ما خليته يلمسك حتى لو انتي عقيم

شوق : ذنب

هزت عبير راسها : ذنب ، شرايك اخذك عن صديقتي دكتوره و نفهم اكثر

شوق بقل حيله : بس ماما

عبير قاطعتها : ما تبين ولد او بنت منه ، انتي تحبينه ما تبين ثمره حبكم و نتيجه حبكم

رفع اكتافها بعدم المعرفه : معرف اخاف

عبير ابتسمت : اذا تحبينه راح تنسين كل الخوف و هو يحبك شوق و قالها قدامنا كلنا كذا مره بدون خوف ولا تردد قالها و كأنه يأكد للكل ان هو فعلاً يبيك و يحبك و عارفه انك تحبينه بس خجلك يطغى عليك

شوق ابتسمت و بدات تمسح دموعها : يحبني كثير و يفهمني كثير يعرف انا وش احب وش اكره حتى انه ركب معي القطار و الالعاب الخطره و هو عنده فوبيا بس علشان لا يتركني

عبير ابتسمت : شفتي ليش الخوف نروح بكرا لصديقتي و نشوف وش فيك بالضبط و نفهم منها اكثر

هزت شوق راسها و وقفت : بعدل مكياجي قبل لا انزل تحت

هزت عبير راسها و تقدمت تخرج شوق من الغرفه لغرفتها و خرجت وراها عبير و نزلت تحت للحوش و كانوا كلهم مجتمعين اللي واقف و اللي تصور و اللي يساعد و البعض جالسين على الارض و يشربون شاي و سيف يغني و هو جالس يشعل النار :

جمره غضى اضمها بكفي

اضمها حيل

ابي الدفا لو تحترق كفي

و ابي سفر الليل

قاطعه الجد : سكر حلقك قال ايش قال جمره غضى جيبوا لي شوق تغني بدل ذا

كمل سيف يغني :

يا نار شبي من ضلوعي حطابكي

صابر على نار الموده و ممنون

فهد اللي كان يفتح اكياس اللحم : سكروا حلقه بسرعه سكروه

عبدالرحمن: يا محلى صوت شوق عند صوتك

عوض اللي كان يساعد سيف بشبه النار : ما تقارن صوت شوق بصوته اكيد شوق احلا

ضحك سيف بخفه : شفيكم علي الليله

ابو مشاري اللي كان جالس يشرب شاي : احمد ربك ما جاك العقال

ضحك سيف بخفه : بعده عني

تقدمت عبير لهم و هي مبتسمه و التفت لها عوض : وين شوق

تقدمت تجلس : فوق الحين جايه

كانوا البنات بالحوش يحطون اللحم و الدجاج بالاسياخ و الامهات بالمطبخ و نطقت جوري و هي مبتسمه : اول ما شافها سألها عن شوق

حطت راسها العنود على كتف غلا : اخخ حلوين ماشاءالله تكفون سمعتوا و هو يتهاوش مع وتين و يقول احبها

ليان : حبهم حلو بشكل مو طبيعي

لجين : حتى حبك انتي و سُلطانك يجنن

نطقت جوري : صدق جود وين .............

عند جود اللي بعد ما شافت شعر مشاري تقدمت تصعد غرفتها سكرت الباب و جلست على طرف السرير تبكي بحرقه كانت عارفه انه حلق شعره علشان اذا طاح بعدين محد يشك بمرضه كانت عارفه بكل شي و رغم ذا كان يطمنها انه بخير سمعت صوت دق الباب و بقل حيله مسحت دموعها : تعال

دخل مشاري و ناظرها جالسه على طرف السرير تبكي سكر الباب و تقدم يجلس جنبها : ليش البكي جودي

↚

جود ببكي : شعرك

رفع اكتافه بقل حيله : لازم جودي لازم ما ابي اي احد يشك بالمرض

جود ببكي : ليش مشاري ليش

مشاري مسك يدها : ما اقدر ما اقدر اقول لهم فيني سرطان والله ما اقدر

مسحت دموعها : وانا ليش قلت لي مشاري

مشاري : لاني ما ابي اخسرك مرتين اخاف جودي

جود ناظرته و ابتسمت و عيونها حمراء من البكي : ميشو ما يتركني ولا يخسرني لو مهما جرا و مهما طال مالي الا لك و مالك الا لي

ابتسم و هز راسه : و ميشو لك مو لغيرك والله و راح ابدا اخذ كيماوي قريب و اتشافى و نعيش مع بعض مع بناتنا

ابتسمت له : بناتنا

هز راسه و هو يبتسم و نطقت : طمني عليك دايم مشاري الله يخليك

مشاري : حاضر من عيوني ، انزلي يالله و انزل وراك وليد جايب شوي و حركات علشان عوض و شوق

مسحت دموعها : ان شاء الله

تقدمت تطلع من الغرفه و تنزل و نزل وراها و توجهوا للحوش ناظرتها لجين : جودي تعالي جهزي خبز البرجر

تقدمت جود تمشي و التفتت عليها ليان و غمزت : وش كنتي تسوين مع ميشو حقك

ضحك بخفه و هزت راسها بالنفي : ولا شي

ابتسمت ليان : واضح

نطق الجد : اي مشاري متى مقرر ملكتك

مشاري و بياله الشاي بيده : بعد ملكه سلطان ان شاء الله

ابو مشاري: يعني بعد بكرا

هز مشاري راسه بالموافقه و نطق ابو رنا : الله يكتب لكم اللي فيه الخير

صرخ عوض : لا يحترق الدجاج يا سيف

سيف اللي كان ياكل من الدجاج : ماعليك نعطيه لبسس حرمك

هبده على راسه : تخسي اعطي عيالي دجاج محترق

ضحك سيف : طيب طيب

عبدالرحمن تقدم لهم : سنه على ما تشوون و تولعون النار

تقدم فهد : ذي العرايس

ناظر سيف فهد : يمين بالله ان شفت دجاجه وحده ولا قطعه لحم ناقصه اشويك بدال اللحم

ضحكوا و تقدم سلطان لهم: انا اقول اشويه من الحين

ضحكوا و حط فهد العرايس على النار و نطق : فيك دوده سؤال مو حاله ذي

تقدمت ليان بالبرجر: برجر

التفت لها سلطان و نطق عبدالرحمن: حاطين الدجاج و العرايس شوي

مد يده سلطان و هو مبتسم : عطيني

قدمت له بوكس البرجر و ناظرت ابتسامته و التفتت للعيال اللي كانوا يناظرونهم و لفت تصد تمشي ضحك سلطان بخفه و التفتت للعيال و نطق عبدالرحمن: بسس والله

سلطان : محترمك و حاط بيني و بينك حدود لانك عمي ولا عرفت كيف ارد