ضحك بخفه و تقدمت تمشي معه تخرج من الشقه التفت عليها و نطق : تعالي نمر عليهم نشوفهم قبل لا نطلع

ناظرته بنظرات فهم مقصدها و ابتسم و نطق : امشي وريهم انك اخذتي قوتي وريهم من كثر حبك لي صرتي تشبهيني بالقوه وريهم انك الليله راح تاخذين حق كل السنين اللي طافت يالله شوق يالله يا كلي انتي امشي معي

شوق بضيق : انا بس متضايقه منهم شوي عوض بس شوي كبت اشياء كثير منهم و انفجرت عليهم بوقت غلط

هز راسه و هو مبتسم : عادي طبيعي من الكبت تنفجرين عليهم بس شوق اوعديني

شوق : ب وش

ابتسم لها و هم واقفين بنص الدرج : مثل ما انا وعدتك اننا راح ننتصر اوعديني انك ما تخلين شي بقلبك و تقولين لي كل شي بخاطرك حتى لو كان شي بسيط كبر النمله لو كبر الذره تقولين لي ما ابي شي يبقى بقلبك و تكتمينه راح اسمعك دايم شوقي دايم و دايم راح اكون معك اوعدك وعد دين و انا اللي ما اخلف بوعدي شوق انا ابو وعد

حط يده على صدره : و ابو وعد ما يخلف بوعده

هزت راسها بالموافقه و هي مبتسمه و قلدته : و انا شوق عوض انا ما اخلف بوعدي لعوضي و بس تم راح اقول لك كل شي

عض شفته : يالبيه عوضي شكله حسابنا طويل الليله

قرب منها و همس : مع شفايفك

فتحت عيونها بصدمه و ضربته مع كتفه : يا وصخ صدق امش خلصني

تقدمت تمشي معه و يدها حاضنه يده و دخلوا المجلس و التفتوا عليهم كل الموجودين ناظرها الجد و ابتسم : كاسبينها ان شاء الله

ابو وليد و هو يشرب القهوه : بأذن الله حاط امالي بالعنود و عبدالله

التفتت بأنظارها تدور امها و نطقت ام وليد و هي مبتسمه : راحت مع عبدالرحمن بس سوت لك قهوه قبل لا تمشي

حست انها تبي تبكي و كانت عارفه ان عبير مالها اي دخل بكل شي بس عاتبتها و رفضت شوفتها من ضيقها لانها حست انها ما وقفت معها مثل ما وقف عوض بس كان العكس عبير وقفت معها و كانت دايم تطلب من ابوها يرفع قضيه على صقر و الجد كان رده دائما ( ما ابي حفيدتي و دلوعتي تنذل معه ) الجد كان عارف بخبث صقر و يعرف ان صقر خبيث يقدر يقلب الطاوله عليهم و عبير ما كانت قادره تسوي شي كل اللي كانت قادره عليه تواجه صقر لكن مواجهتها كانت ضعيفه بس حاولت على الاقل حاولت تنسيها جزء منه و قامت لها بدور الام و الاب و الاخت و الصديقه كانت ام مثاليه ام يضرب فيها المثل ما قصرت مع شوق في ولا شي ربتها و اهتمت فيها و ساعدتها في امور كثيره بحياتها وشوق نست كل الاشياء الحلوه اللي قدمتها عبير و تذكرت شي واحد واحد عبير بنفسها مو قادره عليه اللي هو صقر ........،،،،