بلعت شوق ريقها بخوف و رفعت اكتافها : اخاف اطلع صدق عقيمه اخاف اقوله و توقعاتنا تخيب

مسكت عبير يدها و نطقت : شوقي ماما نروح نتأكد و اذا طلع كذب قولي له اننا رحنا و اذا طلع صدق خلاص لا تقولين

شوق : بس خايفه

وقفت عبير : شوقي اسمعيني نروح نتأكد و قولي له انك بتطلعين معي نتقهوى

وقفت شوق و مسكت يد عبير بخوف : ماما تتوقعين اذا طلع صح وش راح يصير

مسكت عبير وجهها : لا شوقي لا ما راح يصير الا كل خير و اكيد في علاج

ابتسمت و كملت : عوض يحبك شوق و اكيد ما راح يخليك كذا

هزت راسها بالموافقه : راح اقوله انك تبين تحتفلين فيني بكافيه

بعدت عبير يدها و نطقت : يالله انا بروح البس عبايتي

تقدمت عبير تخرج من الشقه و التفتت شوق لجوالها و ناظرت اسمه تنهدت و همست : اول مره اكذب عليك بشي اسفه عوضي اخاف اقولك و تخيب توقعاتك

دورت رقمه و اتصلت عليه

عند عوض اللي ناظر جواله و ابتسم نطق عبدالرحمن: روح كلمها روح لا تعضك

عقد عوض حواجبه وقف و اخذ جواله و رد عليها و بدا يمشي بالحوش : هلا بحبيبه قلبي

ابتسمت شوق : عوض

عوض : امريني اسمعك

شوق : بروح مع ماما نتقهوى

ابتسم عوض : روحي من غير لا تقولين لي و عليكم بالعافيه

شوق : الله يعافيك

التفتت شوق لعبير اللي فتحت الباب و هي لابسه عبايتها و نطق عوض : شوق وين رحتي

هزت شوق راسها بالنفي : لا بس ماما جت

عوض : انتبهي لنفسك

شوق : ان شاء الله تأمرني على شي

كانت عبير تناظرها كيف تكلمه و نطق عوض : ابي اسمعها مره ثانيه

ضحك شوق و التفتت تناظر عبير و خجلت : بعدين عوض

عوض : افا بعدين يعني الطلعه اهم مني

ابتسمت و تقدمت تدخل الغرفه و تسكر الباب عضت شفتها و نطقت : حبيبي

عض عوض شفته و حط يده الثانيه على قلبه و بدا يمشي بطريقه مضحكه ناظروه العيال و نطق عبدالرحمن: ناظروا الخبل

عمر : طالعوا كيف يضحك و حاط يده على قلبه

ضحك عبدالله و التفتت للعيال : لا حظتوا اللي بيده ولا بس انا

ضحك عمر : مو بس انت كلنا حتى عمي ابو وليد كان يناظر يده بصدمه

عبدالرحمن: يحمد ربه ابوي ما شافه

ناظر عمر عوض اللي رمى شماغه على الارض و هو مبتسم : عيدي بعد

ضحكت شوق : عوض راح اتأخر على ماما

تقدم يأخذ شماغه و حطه على كتفه : اخر مره

شوق : احبكككك ، ارتحت

حط يده على قلبه و تسند على الجدار : مرتاح

شوق ضحكت بخفه : طيب بروح البس باي

عوض تعدل : لحظه

شوق : هلا

عوض : لا تكثرين مكياج ولا عطر ولا ت.... قاطعته شوق : احبك وانت تغار

نط عوض و صرخ بخفه : اموت من الغيره بعد حافظه التعليمات ولا اعطيك

ضحكت بخفه : حافظه حافظه باي

سكرت و حضن عوض الجوال ناظروه العيال و بدوا يضحكون سمع اصوات ضحكاتهم و تحمم : احممم

بدا يمشي لهم و جلس و نزل شماغه و نطق عبدالرحمن: لا تطير شوي شوي

اخذ عوض الشماغ و رماه على عبدالرحمن ضحك عبدالرحمن و نطق : روح اضبط نفسك و امسح يدك لا يشوفك ابوك مره ثانيه و ساعتها تودع نفسك

عقد حواجبه عوض : يدي

ضحك عمر : يدك

↚

ناظر عوض يده اليسار و نطق عبدالله و هو يضحك : لا اليمين

ناظر يده اليمين و عض شفته و ابتسم كانت طبعات روجها لازالت موجوده ناظرهم و ضبط نفسه : ادخلوا داخل اهلي بيطلعون الحين

ضحك عبدالرحمن و وقف : مشكله اهلك كلهم عارفين اسمها

وقفوا العيال و نطق عوض : حسابك معي بعدين

تقدموا العيال وقفوا قدام المغاسل و بدا عوض يغسل يده و نطق : صدق انتبهوا لها كلهم

عمر ضحك بخفه: لا بس اللي بالمجلس انتبهوا

بدا يمسح يده و يحط صابون و نطق عبدالرحمن: عادي كذا ولا كذا مفضوح

عوض : مفضوح بس مو كذا

اخذ عبدالله جواله : يا عيال تعالوا نصور

عوض اخذ المنديل ينشف يده و بداخله ( حسافه اني مسحت طبعات روجك من يدي بس لولا العيب و الحياء كان خليتهم حتى على شفتي) ناظرهم و نطق : انتظروا البس شماغي

اخذ شماغه و بدا يلبسه و يضبطه و وقف جنبهم و بدا عبدالله يصور قدام المنظره كانت الصوره ناقصه ، ناقصه السيف المكسور التفتتوا لمتعب اللي كان خارج من المجلس و نطق عبدالرحمن: ها يا ولد العم ماشي

متعب : اي والله وراي دوام

ناظر عوض و كمل : بتكلم معك شوي

عقد عوض حواجبه و تقدم يمشي مع متعب و وقفوا بعيد عنهم و نطق متعب : كيفها الحين تحس بألم

عوض : لا الحمدلله احسن و ماقصرت معنا

متعب : الحمدلله يلا انا ماشي

تقدم يمشي و عقد عوض حواجبه من اهتمامه الزايد و تقدم للعيال و نطق عبدالله :وش فيك

عوض : معرف احسه مهتم زياده عن اللزوم

حاوط عبدالرحمن كتف عوض : خايف و لا تغار

هبده عوض على راسه و بعد يده : اثنينتهم ما يصير يعني و بعدين خلصوني تعالوا المجلس

دخلوا العيال المجلس و بدوا يسولفون و يتقهون مع الرجال

طلعت شوق مع عبير من باب البيت و ناظرت عبير متعب اللي كان بيطلع و صدت و نطق و هم بالحوش : كيفك الحين

التفتت عليه شوق و تذكرته : الحمدالله

تقدمت عبير تفتح باب البيت الثاني و التفتت لشوق : يلا شوق

تقدمت شوق تمشي و تنهد متعب و بداخله :

تزوجتي و بنتك كبرت و تزوجت و كل السنين تشهد اني الى الان احبك و ما خنتك

تقدم يطلع و ناظرها راكبه سيارتها و مشت تقدم يركب سيارته و يتجه لدوامه وقفت عبير عن كافيه و اخذت لها و لشوق قهوه و نطقت شوق : ماما

عبير اللي كانت تسوق : هلا يا ماما

شوق و هي تناظر القهوه اللي بيدها : ليش صديتي لما سألني ، وش كان اسمه الدكتور هذاك اللي يصير ولد عمكم

بلعت عبير ريقها و نزلت قهوتها بهذاك المكان اللي بالسياره و نطقت : مافي شي بس يعني ليش اناظره

رفعت شوق اكتافها : بس هو كان يناظرك بنظرات

تنهدت عبير و قاطعتها: معرف

ناظرت شوق الشباك : وش كان اسمه

اخذت عبير قهوتها : متعب

هزت راسها و نطقت عبير و هي تناظرها سرحانه : وش فيك

هزت راسها بالنفي : ولا شي بس افكر لو طلع كلام الدكتوره صدق وش راح يصير

وقفت عبير سيارتها : يالله الحين ننزل و نتأكد

تقدمت شوق تنزل و تدخل المستشفى مع امها و دخلت قسم " النساء و الولاده " القسم اللي طلعت منه قبل فتره هي و عوضها مكسورين ، تقدمت تجلس تنتظر دورها و كانت عبير ماسكه يد شوق تحاول تهديها و بعد مره جاء دورهم و تقدمت شوق تدخل مع عبير ناظرتهم الدكتوره منى و نطقت : عبير

ابتسمت عبير و تقدمت تسلم عليها : كيفك

بعدت منى عنها : الحمدالله انتي كيفك شو اخبارك من زمان عنك

ابتسمت عبير : الحمدلله

ناظرت منى شوق اللي كانت شابكه يدينها ببعض و ابتسم : ماشاءالله مين الصبيه الحلوه

ناظرت عبير شوق : ذي بنتي

اشرت منى بيدها و هي مبتسمه : اتفضلوا اقعدوا

تقدمت شوق تجلس و جلست عبير و نطقت منى : اي كيف بقدر اخدمكم

ناظرت عبير شوق و التفتت لمنى : قبل فتره جاها الم قوي من الدوره و راحت مع زوجها عند دكتوره و قالت لها ان معها عقم

ناظرت منى شوق : ماشاءالله تجوزتي

هزت شوق راسها و نطقت عبير : ف حبينا نتأكد اذا صدق معها ولا لا و اذا معها كيف نعالجه

منى : شوفي بالاول بدي افحصها و شوف اذا معها ولا لا بس شو قالت لك الدكتوره بالتحديد

فركت يدينها شوق ببعض و حست انها تحتاجه بالحظه ذي تبيه هو يفهمها يفهم كل شي هي ما تقدر تقوله ، ناظرت الدكتوره و نطقت بهدوء : قالت لي معي تكيسات و التهابات مسببه لي عقم

↚

منى : طيب تقدري تجلسي على السرير و اتأكد

وقفت شوق و فصخت عبايتها و حطتها على الكرسي و تقدمت تنسدح على السرير و وقفت الدكتوره و اخذت الجل و نطقت : ممكن ترفعي لبسك

رفعت شوق تيشيرتها و حطت الدكتوره الجل البارد غمضت عيونها من برودته و تذكرته تذكرت لما جابها المره اللي طافت و وقف جنبها و مسك يدها ، بدات الدكتوره تحرك الجهاز على بطنها و تناظر الشاشه و شوق خايفه ، خايفه صدق يطلع كلام الدكتوره الاولى و تطلع صدق عقيمه بعد مده خلصت الدكتوره و ابتعدت عن الجهاز فتحت عيونها شوق و اخذت من الممرضه المنديل و بدات تمسح بطنها و نطقت عبير : ها دكتورا بشري ...........

ناظرت منى شوق : تعالي اجلسي شوق

نزلت شوق تيشيرتها و تقدمت تجلس قدام الدكتوره و نطقت الدكتوره : كم صار لك مجوزه

بلعت ريقها شوق بخوف و ناظرت عبير : توني

ناظرت منى الاوراق ونطقت : ما صار بينك و بين جوزك شي

هزت شوق راسها بخجل و ابتسمت منى و نطقت : طيب ، اللي مبين انو الحمدالله الحمدالله ما فيك اي شي و سليمه

ناظرتها شوق بعد التصديق : يعني كيف يعني اقدر احمل

ناظرت امها و نطقت و هي تضحك : ماما يعني اقدر احمل صح ماما يعني اقدر اجيب بنت او ولد من عوض

ابتسمت عبير بفرحه : الحمدلله يعني ما فيها شي

منى : اي والله ما فيها الا العافيه و سليمه الحمدلله و كل شي عندها سليم و حتى اذا حملتي حملك راح يكون سليم بأذن الله

حطت يدها على فمها بفرحه و و قفت و وقفت بعد عبير و تقدمت تحضنها بكت شوق بحضن عبير : ماما ربي جالس يعوضني ماما ، ماما راح اقدر احمل

ابتسمت عبير بفرحه : الحمدلله يارب الحمدالله

بعدت عبير عن شوق و ناظرتها تبكي و تضحك بنفس الوقت و بدات عبير تمسح دموع شوق و هي مبتسمه : يالله شدي لها الهمه وجيبي لنا بنوته

ضحك شوق بخجل و نطقت منى : مره تانيه تعالي لعندي افحص لك ازا صار لك اي اشي

اخذت عبايتها تلبسها بفرحه : ان شاء الله

نطقت عبير : شكرا منى

وقفت منى تسلم عليها : نحنا اخوات يا عبير ما بينا شكر

حطت طرحتها على كتفها و تقدمت تطلع مع امها نطقت عبير و هي تناظر فرحتها : الحمدلله تأكدنا

التفتت لها شوق اللي كانت فرحانه بشكل كبيره و مبسوطه تحس بأن روحها تعافت اليوم و اطمئنت ، الليله انتصرت و الليله اكتشفت انها تقدر تجيب ثمره حبهم ابتسمت و نطقت : الحمدلله

ناظرت عبير متعب اللي كان يمشي و ناظرها صدت و همست : ياربي وش الصدف ذي

التفتت شوق لعبير و عقدت حواجبها و ناظرت متعب اللي تقدم لهم و نطق : فيكم شي

هزت شوق راسها بالنفي : لا ما فينا شي

متعب : معدتك تعورك او يدك

شوق حرك يدينها بالنفي : لا لا والله مافينا شي

التفت لعبير اللي كانت متكتفه و صاده : فيك شي يعورك

ناظرته و التفتت تناظر شوق و هزت راسها بالنفي ، تنهد براحه متعب : الحمدلله

ناظر شوق و كمل : يصير اكلمها شوي

فتحت عبير عيونها بصدمه و ناظرت شوق عبير و رجعت انظارها لمتعب : اي

التفتت لعبير : ماما انا بروح اشتري لي مويه و اجيك

عبير : لحظ.... تقدمت شوق تمشي و نطق متعب : تعالي اجلسي

عبير : متعب وش تبي بعد السنين ذي

متعب اشر على الكرسي : اجلسي عبير اجلسي

تأففت عبير و تقدمت تجلس و جلس جنبها متعب و كانت صاده و نطق : كيفك

التفتت له : ذا الشي اللي تبي تكلمني فيه

ناظرها و و نزل انظاره و نطق :

↚

راحت عشرين سنه حل و ترحال

راحت عشرين كلها مدلهمه

قضيتها بالحب و الشوق رحال

شوقٍ تحدى كل ياسه و همه

و عقب العشرين اللي تعبها برى الحال

جاب الزمان الكارثه و المطمه

جتني بنتك تتألم و بعيونها البكي

و من بكاء عيونها ذكرت انا عيونك

و ركضت لها خايف عليها من الالم

و من كثر شوقي و حبي لك خفت عليها

سمعت كلامه و كل حرف نطقه و بدات نبضات قلبها تزيد و نزلت راسها بين كفوفها ناظرها و نطق : ما نسيتك عبير

كانت حاطه راسها بين كفوفها و تبكي بصمت و داخلها ندم الدنيا على عنادها التفتت له و ناظر عيونها الباكيه من النقاب عيونها اللي كانت تشبه عيون شوق تبادلوا النظرات و نطقت بصوت باكي : ليش رجعت بعد السنين ذي ليش رجعت و ذكرتني بالماضي

رجع راسه لورا : طلبني ابوي قبل لا يتوفى اجي و ما قدرت ارد له طلب جيت للديار و رجعت لها قبل سنه و كنت بأي تجمع اتهرب و اجي الدوام اخاف اشوفك من جديد اخاف اسمع عنك خبر جديد يكسرني و انجرح و انا لحد الحين ما نسيتك

تنهد و كمل كلامه : مو عارف اذا الغلط علي ولا عليك عبير

مسحت دموعها و وقفت : مو غلطتك غلطتي انا و عنادي انا و محد تحمل الغلطه غير شوق

ناظرها و نطق : سميتيها نفس ما اتفقنا نسمي بنتنا

رفعت اكتافها و نطقت : تمنيتها منك انت ، اسفه اذا جرحتك

تقدمت تمشي و ناظرها هو مبتسم و وقف و بداخله : الماضي نقدر نعوضه صح ما يتغير بس يتجدد

تقدم يتوجه لمكتبه و ناظرت عبير شوق اللي كانت جالسه و تشرب مويه و نطقت : يالله شوقي

ناظرتها شوق و ناظرت عيونها عقدت حواجبها و وقفت : فيك شي ماما

عبير و هي تمشي : لا

سبقتها عبير بخطواتها و همست شوق : فيك شي واضح

تأفتت و ركبت السياره و طول الوقت كانت عبير ساكته و بنص الطريق نطقت شوق و هي تناظر الشباك : وش قالك علشان تبكين

التفتت لها عبير و بلعت ريقها : ولا شي بعدين اقولك

التفتت لها شوق : يعني في شي

عبير : شوق بعدين راسي مصدع الحين

رجعت شوق راسها لورا : طيب

بعد مده وصلوا البيت و بدوا يحطون العشاء و بمجلس الرجال بعد ما حطوا العشاء نطق الجد بصوت جمهوري : عشاء الليله نذر و نذرناه اذا ربي كتب و ربحنا القضيه و الحمدلله ربحنا

طلال : ما تقصر يا عمي ما تقصر و مبروك

عبدالله : كثر الله خيرك يا جدي

ابو وليد : يالله حياكم تفضلوا

وقفوا الرجال و توجهوا للمغاسل و نطق فهد و هو يضحك : وين سيف بالعاده اول واحد على السفره

مشاري اللي كان يغسل التفتت للعيال : صدق وينه مو عاجبني وضعه اليوم

عوض اللي كان يلعب بمسباحه و متسند على الحيط: نايم

ضحك وليد : سيف و ذبيحه و نايم وش صاير له

عمر : لا تخاف الحين يشم الريحه و ينزل ركض

ضحك عبدالرحمن: صدق الحين تلقونه يجي

التفتت عمر يدور منديل و لقاه مخلص : منديل

اشر عبدالرحمن على المطبخ اللي كان قريب من المغاسل : ادخل هنا و اخذ لك

عمر مشى و التفت لهم : ادخل

ضحك وليد : ادخل ادخل محد عندك كلهم جالسين ياكلون

تقدم عمر يدخل و نطق عوض : حطوا عشاء الحريم

وليد : بتروح تاكل معهم بعد

عوض اخذ جواله و اتصل على امه و ناظر وليد و نطق: لو مافي حريم كان رحت و اكلت معها في احد يخسر الفرصه ذي ياكل مع محبوبته

ردت ام وليد اللي كانت تاكل : هلا عوض

ابتعد عوض عن العيال و نطق : يمه شوق عندك

ناظرت ام وليد شوق و ابتسمت : عندي جالسه تاكل

حك جبهته و نطق : يمه

ام وليد و هي جالسه تاكل : خلصني عوض وش تبي

عوض بسرعه : يمه قطعي لها من اللحم ما تعرف

ضحك ام وليد بخفه و نطقت: لحظه

اخذت جوالها و حطته سبيكر و نطقت : وش قلت

عوض بصوت عالي : يمههه اقولككك قطعييي لشوققق من اللحم

عدل صوته و نطق : ما راح تعرف تقطع وانا مو عندها اقطع لها

نزلت الملعقه شوق و غطت و جهها بخجل و ضحكوا البنات سمع ضحكات البنات و ضحك بخفه : يمه مو كذا تفضحيني قدامهم

ضحكت عبير اللي كانت تقطع حق شوق اللحم : لا تخاف عوض كلنا نقطع لها

ناظرت عبير شوق و كملت و هي مبتسمه : بس شكلها تبيك انت تقطع لها ولا

شوق بخجل : ماما مو كذا بعدين ماني بزر اعرف اقطع لنفسي

نطق عوض : يمه عطيها الجوال بكلمها

جوري ضحك و ناظرت ملامح شوق الخجلانه : قاعدين ناكل عوض بعدين

عوض : لا يمه الحين

العنود : عوض البنت دقيقه و راح تقلب طماطم من خجلها بس عاد بعدين

سكرت السبيكر ام وليد و نطق : يا جعل محد يخجل غيرها

ام وليد : يا ولد استح بس

↚

عوض اللي كان حاط يده على قلبه : يمه قولي لها احبها

صرخ : احبكك احبكك

ضحكت ام وليد و ناظرت شوق : سكرت السبيكر روح تعشى مع الرجال و قول لها الكلام ذا بعدين

ضرب عوض رجله على الارض بحركه طفوليه : افف طيب كان خليتيها تسمع

ام وليد : عوض سكر خلصني

سكر عوض و التفتت للعيال اللي كانوا ينتظرونه و يضحكون و نطق وليد : وين الشديد

تحمحم و تقدم يمشي : موجود

فهد اللي حط يده على بطنه و يضحك : و اللي قبل شوي

قلده عبدالرحمن: يمه قولي لها احبها

قلده مشاري و هو يضحك و صرخ : احبككك احبككك

عبدالله: ترا شفنا اكثر من كذا

ضحك سلطان : يالله ما اتخيل شكلك .... قاطعه عوض : ولا كلمه و خلصوني تعالوا تعشوا

تقدموا العيال يدخلون المجلس يتعشون ...........

و عند عمر اللي دخل المطبخ و بدا يدور على منديل و يفتح الادراج دخلت لجين بهدوء و بدون صوت اللي كانت لابسه فستان اسود حفر و قصير ناظرت عرض اكتاف اللي كان جالس يدور بالادراج و تأفتت : يالله يا عوض وش جالس تسوي

بلع ريقه عمر بخوف و توتر و التفت و ناظرها هي نفسها اختهم ام الشعر القرمزي هي اللي كانت تغني ذيك المره هي اللي طيرت عقلي ناظرته لجين و فتحت عيونها بصدمه : من انت اطلع برا وش تسوي في بيتنا داخل

عمر صد عنها : ابي منديل

اخذت لجين علبه المنديل و رمتها عليه : اطلع اطلع من قالك تدخل يا قليل الخاتمه

نزل يأخذ المنديل و نطق و هو صاد : اسف مو قصدي بس وليد قالي ادخل اخذ و ان مافي احد

تقدم يبي يطلع و سمع صوت عوض القريب و هو يصرخ : يا عمر وينك

فتحت عيونها بصدمه لجين : عوض لا لايجي اطلع بسرعه

حس عمر بخطوات عوض و بدون تفكير تقدم يسحب يدها و يتخبى معها تحت الطاوله ناظرته بصدمه : وش تسوي

فتح عوض الباب و حط عمر يده على فم لجين : اشش

فتحت عيونها بصدمه و تقدم عوض يفتح الثلاجه و هزت راسها بالنفي و هي خايفه منه و همس لها عمر بأذنها : ما راح اسوي لك شي هدي

عقدت حواجبها ناظرت عيونه و بادلها النظرات و بدا صدرها ينزل و يصعد من التوتر بلعت ريقها و اشرت على يده اللي حاطها على فمه استوعب عمر و بعد يده و جلس يناظرها و يناظر عيونها و شعرها القرمزي اللي قلب حاله و غرتها بادلته النظرات و يدينها و جسمها يرجفون من الخوف و تحس بتوتر و خوف مو طبيعي تبادلوا النظرات لفتره و تناسوا عوض و وجوده و تقدم يهمس لها بأذنها و شم ريحه عطرها و بدات نبضات قلبه تزيد و عقدت حواجبها و همست : وش بعد

همس لها : ذا شكله مطول

سمعوا غناء عوض :

قالت احبك يا راشد قلت من قدي

الكلمه هذي تموتني و تحيني

سحب كرسي الطاوله و التفتت لجين عمر و هزت راسها بالنفي و حطت يدها على جبهتها و ناظرته اخذ عمر يدها الثانيه يطبطب عليها و غمض عيونه بمعنى ولا يهمك

جلس عوض على الكرسي و نطق : ذا وين راح

تأفف و بدا يدور على رقمه و اتصل عليه و لا جاه اي رد وقف : استغفرالله وين اختفى

بدا يدور بالمطبخ و يتصل عليه و همست لعمر لجين : خايفه

حط اصبعه على فمه و بهمس : اشش لا يسمعنا

بدات لجين تاكل اظافرها من التوتر و التفت لها عمر و ضحك بخفه ناظرته و كشرت بوجهه و كانت طول ماهي جالسه تحاول تنزل فستانها و تغطي رجولها نزل عمر شماغه و عطاها و همس : تغطي لا تخافين ما شفت شي

ناظرته و بلعت ريقها اخذت منه الشماغ و غطت رجولها و همست : طول ذا

همس لها عمر : خايفه

ناظرته و جت عينها بعينه و صدت و كان عوض جالس يصب المويه بالكاس و يطقطق بجواله و كل ما قرب او تحرك كانت لجين تخاف و تغمض عيونها ترك عوض كاس المويه على طاوله دولاب المطبخ و تقدم يطلع من المطبخ حطت يدينها على قلبها لجين و تنهدت براحه : افف الحمدلله

التفتت لعمر اللي كان يناظرها : ثاني مره لا تدخل بيوت الناس بدون لا تستأذن يا اخ وش كان اسمك

ابتسم عمر : عمر

لجين : مايهمني وش اسمك ولا تهمني اخلص اطلع

تقدمت لجين بتطلع من تحت الطاوله و كان راح يطلع معها عمر و صدم راسها براسه تأوهت بألم و حطت يدها على راسها : شوي شوي

بعد عمر : اطلعي اول

تقدمت تطلع و طلع بعدها عمر مدت له شماغه و نطقت : شكرا

اكتفى عمر بهز راسه و نطقت : انا بروح

تقدمت تمشي و ناظرها و تشجع و نطق : وش اسمك

التفتت و ناظرته و ابتسمت ابتسامه خفيفه : لجين

عمر حط يده على صدره : وانا عمر

ناظرته لجين و ناظرت عرض اكتافه عضت شفتها و تقدمت تطلع مسرعه ضحك عمر بخفه و همس : ياربي وش الصدفه ذي بس والله انها صدفه تسوى عمري و عطايا زماني

تقدم يطلع من المطبخ و توجه للمغاسل و بدا يلبس شماغه و تقدم يدخل المجلس : السموحه تأخرت عليكم

ابو وليد : يالله حياك تفضل

تقدم يجلس و نطق عوض : وينك

عمر اللي كان يفتح البيبسي التفت لعوض : ها

عبدالله اللي كان ياكل : يقولك وين كنت

عمر شتت انظاره : بالحمام ( الله يكرمكم )

بدوا الرجال ياكلون و نطق ابو مشاري : القطو وين ما شفته

ابو رنا : اي والله وينه الليله

عوض اللي كان ياكل : تعبان راح ينام

ابو مشاري : ما كان فيه شي قبل شوي

رفع عوض اكتافه : يقول نعسان

الجد ضحك : مو بالعاده اكل و مايجي

ضحك طلال : عاد ذبيحه و ما يبي هو على الاكل العادي يهجم قبل الكل

ضحكوا و بدوا ياكلون و عند الحريم بعد ما خلصوا العشاء بدوا يسولفون و ناظرت ليان لجين و نطقت : وراك بلا

ناظرتها لجين و ضحكت بخفه : بعدين اقولك

ليان : يعني في شي

هزت لجين راسها بالموافقه و ناظروا غلا و نطقت لجين : وضع اختك مو عاجبني

تكتفت ليان : ولا انا حالها مو طبيعي

لجين ميلت شفايفها بحزن : تخيلي سمعت عمه ام مشاري تقول ان سيف نايم تخيلي نام و هو كان ناطر العشاء

↚

ليان : يا عمري عليه يكسر الخاطر اول مره اشوفه كذا بالعاده اول واحد بالسفره و ياكل

ناظرت لجين غلا : و غلوي اليوم سرحانه و حالها مقلوب

ناظرت ليان غلا : و كل شوي عيونها على جوالها

كملت ليان و هي تناظر شوق : و شوقي اليوم وحده جديده مبسوطه و الغمازات بارزه و الاسنان ماشاءالله

لجين و هي تشرب شاي : مو بس هي حتى عوض سمعته يغني و مبسوط

تنهدت ليان و هي مبسوطه : الله يهنيهم

ناظرت لجين لمار و نطقت : و لمار ما شالت عيونها من على شوق و وضعها الفتره الاخيره بعد مشكوك فيه و جود بعد وضعها غريب ساعات مبسوطه و ساعات حزينه

ليان : لمار ذي وراها بلا كم يوم و يطلع كل شي و جود بعد تجيها تقلبات

نطقت فاطمه و هي تناظر ليان و لجين يتهامسون: تحليل

ضحكوا و نطقت ام وليد : لجين و ليان بعد لازم يحللون كل شي

نطقت عبير و هي تضحك : توصلتوا لشي

الجوهره : حبيت التحليل قاعدين و تحللون شنو تحلليلكم لي

ضحكوا ليان و لجين و نطقت لجين : تونا ما وصلنا لك

رنا ضحك : لا لا صدق وش التحليلات عجبني الوضع

حطت ليان رجل على رجل : شوفي حنا نحلل و نصيد طيور الحب و نحطهم داخل شباك الحب

ضحكوا و نطقت ام رنا : وش طيور الحب و شباكه

جود : ماما قصدها تدور المحبين و تقربهم من بعض

رنا ضحك : اي و توصلتوا لطيور الحب

لجين : توصلنا و لقينا طيور جديده راح نحطها بالشباك

ناظرتهم لمار بتقزز و نطقت شوق و هي تضحك : الحمدالله اني داخل الشبك ذا لو انا مو داخله كان طلبت مساعدتكم

ناظرها لمار من فوق لتحت و شمقت لها و نطقت : درينا انك تحبين

ناظرتها شوق و صدت و همست الجوهره لشوق : شفيها هذي من اليوم تطالعج من فوق لتحت

شوق ناظرت لمار و همست للجوهره : خليها مو بعقلها

بدوا يسولفون سوالفهم المعتاده و مرت الساعات من غير اي احداث تذكر بعد ما راح الكل لبيته دخلوا العيال و الخوال مع الجد للبيت و اول مادخل المجلس ناظرها واقفه معطيته ظهرها و تضحك مع ريم : يا عمري الله يعينك الصراحه

ريم : تكفين اخذيهم الليله خليهم ينامون شوي

شوق : بس تم

التفتت شوق من سمعت جدها يتحمحم: احممم

ناظرته و ابتسمت و تقدمت تحضنه : ما شفتك الليله

ربت الجد على ظهرها : مبروك يا بنتي مبروك

ابتعدت عنه و تقدمت تقبل راسه : الله يبارك فيك

عبير اللي كانت جايه و بيدها صينيه الشاي : يالله تعالوا اشربوا شاي

مسك الجد يد شوق و هو مبتسم : يالله تعالي قوليلي وش صار

ناظرها عوض تمشي معه و همس لسلطان : اوفف يعني انا جاي بشوفها و ابيها تجلس جنبي و راح اخذها

ضحك سلطان بخفه و وليد سمعه : بس يا ولد عيب

تأفف و تقدم يجلس و كانت جالسه جنب جدها و محاوط كتفها بيده و نطق : مرتاحه

ناظرت عوض كيف يناظرها و ابتسمت بخفه : الحمدلله

اشر الجد بعصاته على عوض : يعني الخروف ذا مو جالس يضايقك

فتح عيونه بصدمه : افا يجدي انا خروف قول شجاع قول اسد ، نمر مو خروف

الجد : اي والله انك شجاع و كفو ذا الشبل من ذاك الاسد ........

تقدمت عبير بالشاي لعوض و نطقت : يبه ترا ما اسمح لك تقول له خروف

ابتسمت عبير لعوض و تقدمت تجلس جنبه و كملت : خلاص صار ولدي

قبل عوض راسها و هو مبتسم و فتحت عيونها بصدمه شوق : ماما و انا بعتيني على طول

ضحكت العنود : خلاص بدلتك بعوض شكله

تكتفت شوق و عقدت حواجبها : والله صدق بدلتني ولا جالسه جنبه بعد ماما لا يكون صدق تبينه ولدك بدالي ترا ما ارضى عوض بس حقي انا

ضحكوا و استوعبت كلمتها و صدت بخجل و هي عاضه شفتها ناظرها كيف خجلانه و ضحك بخفه : لا تخافين محد يشاركني فيك اخاف يجي احد و تعضيني و تفجرين فيني

ضحك عبدالرحمن: شكلها مسيطره و مشيتك سيده

رفع اكتافه و هو يشرب الشاي : خلها كيفها

ناظره ابو وليد و ابتسم : كنت شديد ما يهزمك شي وش صار

ابتسمت ام وليد : مو بس شديد كان انسان ثاني عكس اللي قاعده اشوفه الحين

جوري : و كان نفسيه و كله ماله خلق ولا نشوفه كثير و الحين كل وقته معنا

عقدت شوق حواجبها من كلامهم و دخلت وتين و معها القطاوه ابتعدت شوق عن حضن جدها و تقدمت تجلس على الارض و اخذت القطاوه و نطقت وتين : شوفي حطيت لهم فيونكه

اخذت وحده من القطاوه و قبلتها : وههه طالعين كيوت

وقف الجد و نطق : ان شاء الله بكرا بعد صلاه الظهر حنا ماشين

ابو مشاري: ان شاء الله

تقدم الجد يطلع و بدات شوق تلعب بالقطاوه و نطقت وتين : صدق راح تاخذينهم عندك اليوم

هزت شوق راسها : اي

نطقت ام وليد : تبون بكرا كيكه ليمون

التفتت لها شوق : اي خاله سوي لنا حقتك تجنن

ام وليد: بس تم ابشري

↚

شوق ابتسمت : تبشرين بالجنه

نطق ابو رنا : الا ليان و لجين وين

ضحكوا البنات و نطقت جود : يبه قاعدين يحللون

ضحك فهد : يحللون وش

جوري : الله يسلمك يحللون و يصيدون المحبين

ضحكوا و نطق عبدالرحمن: حبيت شكلي بدخل معهم

سلطان ضحك : اي علشان تروح تفضح الكل

اشر على نفسه : انا فضيحه

ناظر عوض و كمل : عوض انا فضيحه

كان يناظرها و يناظر حركاتها كيف تلعب مع القطاوه مع وتين و هو مبتسم و لا يسمع حوالينه و كل تركيزه كان عليها و كأن مافي احد بالمجلس غيرها ، صرخ عبدالرحمن: عوض

التفت عليه عوض و نطقت شوق بحده : فجرت طبلتي يسمعك تراه مو اصمخ

ناظرها و رجع انظاره لعبدالرحمن: صادقه مو اصمخ اسمعك وش تبي

عبدالرحمن: انا فضيحه

شرب عوض من الشاي و التفت لعبير و همس و هو يضحك بخفه : يسأل بعد

عبير بنفس الهمس : عبدالرحمن شي جديد ما اقول غير كان الله بعون اللي راح تأخذه

ناظرتهم شوق و تكتفت : اي ليش تتساسرون ان شاءالله

حاوط عوض كتف عبير : امي ما يصير

مدت لسانها : اننن ما تهمني زين روح

ضحك ابو وليد : افا مو ذا عوضك

ناظرت عوض و رفعت اكتافها : اي بس مجنني ولدك خالي مطلع لي قرون

ضحكوا و نطق ابو وليد و هو يضحك : افا وش مسوي قوليلي بس و انا اقطع العقال على راسه

ناظرت عوض يضحك و صدت : لا ما يحتاج عضتين و تنضبط اموره

ضحكوا و نطق عبدالرحمن: لا صدق قطوه

تقدم عوض يجلس جنبها على الارض و اخذ وحده من القطاوه : لو مو قطوه كان ما حبيتها

فتحت عيونها بصدمه و التفتت عليه و زادت نبضات قلبها و همست : حسابي معك بعدين

ضحك بخفه و ناظرت وتين عوض : دودي

التفت لها عوض : عيوني و قلبي

قرصته شوق بخفه برجله و تأوه بألم و اشر على شوق : شفتي تقرصني

وتين : عادي هي تحبك علشان كذا تقرصك

ناظر عوض شوق اللي كانت تمثل الانشغال و تلعب مع القطاوه ابتسم : صدق

هزت وتين راسها بالموافقه و نطقت : الحين صدق سلطان و ليلي راح يتزوجون نفسكم

وقف سلطان و تقدم يجلس جنب عوض و اخذ قطوه يمسح عليها : اي ليش

ميلت شفايفها وتين : يعني كلكم راح تتزوجون وانا متى اتزوج ابي اتزوج

ضحكوا و نطق وليد : يولي بس يا بنت عيب

كشرت وتين : بابا ابي اتزوج

ريم : بس عيب وتين لما تكبرين تتزوجون

وقفت وتين و تقدمت لعند ابو وليد و بكت : جدو متى اتزوج كلهم راح يتزوجون و انا لا

ضحك ابو وليد و تقدم يشيلها يجلسها بحضنه : طيب منو تبين تتزوجون

اشرت على عوض و هي تبكي : دودي بس اخذته مني شوشو

فتحت عيونها بصدمه شوق و هي تضحك و ضحك عوض بقوه و نطق لوليد : ما يصير

صرخت وتين : ما ابي ، ابي اتزوج دودي

حضنت شوق يد عوض : ما يصير انا اخذته

اشرت وتين على شوق : جدو شوفها

ضحك عوض و همس لها : شكلها بتكون زوجتي الثالثه

التفتت له شوق و همست : جرب و السالفه ذي نتحاسب فيها بعدين

التفتت شوق لوتين و اشرت على عوض : ذا زوجي انا

مدت لها يدها : شوفي حتى ذي دبلتي و يحبني كثير روحي شوفي لك غيره

ضحكوا و همس سلطان لعوض : شخصنتها

ضحك عوض و بنفس الهمس : جعل محد يشخصنها غيرها

بكت وتين بحضن ابو وليد اللي نطق: خلاص نزوجك ولد عوض وش رايك

عضت شوق شفتها و ابتسمت بخفه و تذكرت كلام الدكتوره و تنهد عوض بضيق و نطق : اي وش رايك ازوجك ولدي

بعدت وتين عن حضن ابو وليد : يعني شوشو حامل

هزت شوق راسها بالنفي : لا بس بعدين اجيب لك ولد و تتزوجينه

تقدمت تحضن شوق و ابتسمت : اذا يشبه دودي ابي اتزوجه

التفتت وتين لوليد : بابا عادي صح

ضحكت ريم و التفتت لوليد : بنتك تبي الزواج من الحين

حط يده على راسه وليد : رقص و زواج الله يستر من الجاي

تقدمت تجلس و تين و مسحت دموعها : خلاص سامحتك اذا راح تزوجيني ولدك

ضحك شوق بقوه و نطقت عبير : ولا يهمك سنه بالكثير و ولدها بين يدينك

نزل عوض راسه بضيق و بدا يمسح على القطوه و نطقت لمار : مو باقي غير تدخلنا بجهازها التناسلي

رفعت شوق حاجبها و نطقت العنود : هي انتي وش الكلام ذا

ابو مشاري : وش الكلام ذا لمار عيب

تأففت لمار و وقفت تخرج و نطق عبدالرحمن: شفيها متغيره

جوري حطت رجل على رجل و ناظرت غلا : مو بس هي متغيره ناس كثير متغيره وقفت عليها هي

تقدمت تدخل رنا : سلام عليكم

عبدالرحمن: رنو تعالي مشتاق لك

ناظرت عبدالرحمن شوق : عشتوا

تقدمت رنا تجلس جنب عبدالرحمن و نطق : عندك زوجك لا تجلسين تسوي نفسك غيوره فوق راسنا

ابو رنا : وين كنتي

رنا : كنت انوم العيال طلعوا عيوني ، عروستنا الثانيه وين

ناظرت سلطان : وين عروستك

وقف سلطان وضحك : عندها جلسه تحليل و صيد المحبين و وضعهم داخل شباك الحب

تقدم يطلع : سلام

اخذت المكسرات تاكل منها رنا : اختي متطوره و صايره كفو

ناظرت ابوها و كملت : يبه وش صار على اللي خطب غلا

ناظرت شوق ابو رنا : اي صدق خالي قالولي البنات ان معنا بالجامعه

عقد حواجبه عوض : معنا

هز ابو رنا راسه : اي ينقال له هتان

عوض حس ان اسمه مو غريب بس ما عطى اهتمام في مليون هتان غير هتان اللي يعرفه و نطق : الله يكتب لكم اللي فيه الخير

التفت ابو رنا لوليد : طلعت لنا علومه

هز وليد راسه : ملفه ابيض مافيه شي

التفت لوتين و كمل : يالله توته نروح ننام

وتين : ابي العب مع شوشو و دودي

↚

ريم وقفت : يالله يا ماما اخوانك ناموا يالله بكرا كملي

تأففت وتين و وقفت تقدمت تحضن شوق و بعدت عنها تحضن عوض : بكرا نلعب

هزت شوق راسها و نطق عوض : يالله روحي نامي

تقدمت وتين تطلع مع وليد و ريم اللي كانت تعبانه من الحمل و اخذت شوق الكوره و بدات تلعب مع ساشا ناظرت عيون القطوه الثانيه و اخذتها و التفتت لعبدالرحمن: شوف ما تشبه عيوني

شرق عبدالرحمن بالشاي و ضحك بقوه صدت شوق : تعرف انا الغبيه اللي سألتك

ناظرها عوض و همس : عيونك احلا

ابتسمت له و نطق عبدالرحمن: استغفرالله بدا المسلسل التركي

رنا : خلهم والله يجننون

التفتت شوق لرنا و عطتها قبله بالهواء : قلبي رنوي ذا ميت لانه ما عنده احد عادي تعودت عليه

ضحك عبدالرحمن و نطق ابو وليد و هو واقف : يالله لا تطولون و انتم سهرانين

تقدم يطلع من المجلس و شوي شوي ما بقى غير البنات و العيال و نطقت العنود : عاد اليومين الجايين مانبي نشوف عرض اكتافكم بالشاليه

عبدالرحمن: ميت على شوفتك عاد

جوري : الكلام مو لك الكلام لك يا جاره

ناظر عوض جوري : ذي تقصدنا ..........

شوق اللي كانت جالسه جنبه على الكنب و حوالينها القطاوه و يده بيدها : صح مو تقصدنا تقصدك انت

ناظرها و ميل شفايفه : ماتبيني يعني

عبدالرحمن: ما تبيك ما تبيك أصلًا

غلا و قفت بضيق: بنوتات بروح انام

تقدمت تطلع و نطق عبدالرحمن: بنوتات و حنا وش جامعتنا معكم

ضحكوا و كان عوض يلعب بيدها و اصابعها و نطقت جوري : لا عاد صدق بكرا و اللي بعده نبي ناخذ راحتها

فهد : بس تم دامك بتاخذين راحتك موافق

عبدالرحمن: انا كذا ولا كذا ما ابي شوفتكم

العنود : محد ميت عليك بعد انت

عبدالرحمن: جرحتيني

رنا ضحكت : مو صاير لك شي ، وانت عوض صدق نبي نكون بروحنا بنات بس

تأفف عوض : بفكر

ناظرها و نطق و هو يلعب بأصابعها : تبين تكونين بروحك مع البنات

هزت راسها بالموافقه و هي مبتسمه و حط راسه على كتفها : اففف ما يصير وش ذا ما عجبني

تعدل و نطق و هو يناظرها : اذا هي تبي موافق

صفقوا البنات و نطقت جوري : تعالي شوشو نخطط

وقفت شوق و تقدمت تجلس جنب البنات و نطق عوض : افف يارب صبرك ما يصير تخططون و هي عندي

العنود : لا

وقف عوض : انا فوق اذا خلصتي تعالي بس لا تطولين

تقدم بيطلع و نطق : لان اشتاق لك

اخذ المخده عبدالرحمن و رماها على عوض : اذلف برا قال ايش قال اشتاق

عوض : كيفي اي اشتاق لها حتى و هي معي

ابتسمت بخجل و توردت خدودها و رفرف قلبها من كلامه قدامهم و تقدم يطلع و اتجه للشقه و بدوا البنات يخططون و عبدالرحمن كان طول الجلسه معترض و فهد عكسه طول الجلسه كان مستمع و يبتسم لجوري و يوافق على كل شي

عند ليان و لجين دخلوا غرفه لجين و جلسوا على الكنب و نطقت ليان : يالله انطقي وش فيك

لجين تأففت : طيب ، تذكرين اللي شفته و حسبته عوض

هزت راسها ليان و هي متحمسه : اي وش فيه

مسكت لجين يد ليان : شفته اليوم

صرخت ليان بخفه : قولي والله وش صار و متى

بدات لجين تقول لها كل شي و صفقت ليان : انتم طيور الحب الجايين وش اسمه خلينا نحلل

عضت لجين شفتها : عمر ليان يجنن يجنن شعره كذا حلوه و عضلاته تموت

رجعت راسها لورا و كملت : اخخخ يموت و تخيلي ريحه عطره فخمه

ضحك ليان : لا طحتي على وجهك

لجين : طحت طحت

تعدلت بجلستها : تعالي نبحث عنه هو نفسه دكتور شوق

اخذت لجين لابتوبها و بدات تبحث عنه و طلعت لها صورته و معلومات عنه : ذا هو

حطت ليان يدها على فمها : لجين وش الصاروخ ذا بس صاروخ سُلطاني احلا

ضربتها لجين بخفه : خلينا من سُلطانك الحين شوفي ذا

عضت شفتها لجين : ليلي يجنن يمه ما اتخيل اني اتزوج واحد مثل كذا

ضحكت ليان بخفه : وش صار بعد

رفعت لجين اكتافها و ابتسمت : بس اللي قلتلك عليه و سألني عن اسمي

حطت ليان يدها على فمها و صرخت : لجين يمكن يخطبك تخيلي

حطت يدنها لجين على فمها : يمه ما اتخيل

غمزت لها ليان : عمر لجين

صرخت ليان بخفه : حبييتتتتت

بدات لجين تناظر صوره و عضت شفتها : عيونه حلوه الحيوان تخيلي لما كان يناظرني حسيت قلبي بيطلع من مكانه

ضحكت ليان بخفه : حبيت من البدايه غرقانين و تتبادلون النظرات

لجين ناظرت صورته بالابتوب و عضت شفتها : غرقني بعيونه

ضحكت ليان : البسي طفاحيه و انتبهي

لجين ضحكت : ليان

ليان رفعت اكتافها : والله شكله الدور الجاي عليك

سكرت اللابتوب لجين : خلينا مني شوي غلا اليوم مو عاجبتني

ليان : ولا انا وراها شي البنت ذي و لا راح اخليها تاخذ هتان ذا

لجين : طيب وش نسوي

جلست ليان تفكر و رفعت اكتافها بعدم المعرفه و نطقت : اي صح سألتي وليد

هزت راسها بالموافقه : يقول ان ملفه ابيض

تأففت ليان : مو مرتاحه له

وقفت و نطقت : المهم بروح احلل زياده و اذا لقيت شي قلتلك

لجين : ارتاحي من التحليل بكرا ملكتك

حطت ليان على قلبها : اخخ كيف راح انام معرف

ضحكت لجين : سهله غمضي عيونك و نامي

ضحكت ليان : طيب بجرب الطريقه ذي

تقدمت ليان تخرج من غرفه لجين و تقدمت لجين لسريرها تنام

اخر الليل كان عوض جالس بالكنب بشقتهم ولابس بجامته ينتظرها و انفتح الباب ابتسم و وقف يمشي لها و هو فاتح يدينه : تعالي

تقدمت تحضنه و شد عليها و دفن وجهه بنحرها: اخخخ تعبت اليوم

بدات تلعب بشعره و نطقت و هي مبتسمه : يعطيك العافيه حبيبي

عوض و هو مغمض عيونه : خليني بحضنك شوي

ابتسمت و نطقت : تعرف اشتقت لك و فقدتك على العشاء اليوم

بعد عنها و ناظرها و هو مبتسم : تعرفين اني احب خجلك بس ما تعرفين اني اعشق و اموت بجرئتك اتمنى اشوفها دايم

هزت راسها و هي مبتسمه : خجلي محيته من حياتي معاك و بدلته بالجرئه

رفع حاجبه :هممم نشوف مع الايام اذا صدق ولا لا

ضحكت بخفه : طيب بروح ابدل و اجيك

قبل خدها : يالله انتظرك

تقدم عوض يجلس و دخلت شوق الغرفه بدلت و لبست بجامه رتبت شعرها و تعطرت و طلعت له ناظرته جالس على جواله التفت لها و نزل جواله و فتح يده : تعالي

ابتسمت و تقدمت تجلس جنبه و حاوط كتفها و جلست و هي ضامه رجولها ناظرها و نطق : اي وش سويتي اليوم

شوق ناظرت اظافرها : رحنا شربنا قهوه

ابتسم : انبسطتي

هزت راسها بالموافقه و التفتت له : عوض

مد عوض يده و بدا يلعب بشعرها : قولي اسمعك احس في شي بخاطرك وش تبين

رجعت انظارها ليدينها : مافي شي بس بقولك شي

عوض : اسمعك

حطت راسها على كتفه و شبكت يدينها ببعض بلعت ريقها و نطقت : قبل فتره قلت حق ماما اللي صار لي مع الدكتوره ذيك

هز راسه بضيق : اي

بدات تلعب بأصابعها : قالتلي ان عندها صديقه دكتوره نروح نتأكد منها

عوض : طيب نروح لها

هزت راسها بالنفي : صارت الاحداث ولا قدرنا نروح بس اليوم قالت لي ماما تعالي نروح و رحت معها

↚

ناظرته و كملت كلامها : ما كنت ابي اقولك علشان لا تخيب توقعاتك

قبل راسها : عادي ولا يهمك وش قالت لك

ابتسمت بخفه و ابتعدت عن كتفه و تقدمت تمسك وجهه بين كفوفها : مافيني شي و سليمه و ان الدكتوره اللي قبل غلطت

ابتسم عوض بفرحه و ضحك : يعني مافيك شي

هزت راسها بالموافقه و هي ماسكه و جهه و مبتسمه ابتعد عوض عنها و بدا ينط بفرحه : قولي والله

ابتسمت : والله عوض حتى قالتلي ان اذا حملت حملي راح يكون سليم

تقدم يسجد بفرحه و يحمد الله و قف و التفت لها و تقدم يقبل خدودها بقوه : اخخ يعني صدق راح نقدر نجيب ولد نزوجه توته

ضحك بخفه : اي

تقدم يجلس و حاوط كتفها و قربها منه : الحمدلله

شوق : عوض اليوم مره حلو مره الليله وحده من اسعد ليالي حياتي

قبل راسها : الحمدلله

شوق : عوض الموضوع ذاك

قاطعها و هز راسه بالنفي : دام انك سليمه الحمدلله كل شي مقدور عليه

ابتسمت و حاولت تغير الموضوع : طيب نشوف فلم

عوض : نشوف ليش ما نشوف

وقفت و اشرت على نفسها : الفشار علي و انت سوي القهوه

عوض : خليني اسوي لك سموثي بالفرواله راح يعجبك

لان ورانا قعده الصبح

شوق : بس تم

تقدمت معه للمطبخ و بدوا يطلعون الاغراض و نطقت : اذا خلصنا نسوي شنطتنا

حط الخلاط على الطاوله و التفت لها : حجزت الشاليه اللي جنب شاليهم لنا

التفتت له : لنا

تقدم و حاوط خصرها : اي ما اقدر انام و انتي مو بحضني ولا اقدر ما اشوفك قبل لا انام و اكحل عيوني بشوفتك الصباح

ابتسمت و ناظرت عيونه و بدات تلعب بدقنه: طالع لك دقن كثير لازم تحلق بس لا تشيل شنبك

عضت شفتها و كملت : احبه عليك

شدها عوض زياده و نطق : و انا احب شعرك اللي قصيتيه و قلبي انكسر معه

ضربته بخفه على صدره : اسم الله على قلبك

تقدم يقبل خدها و ابتعد : بخليك تجربين السموثي حقي

شوق : ترا اذا عجبني راح تسوي لي منه كل شوي

ضحك بخفه : اذا ما سويت لك اسوي لمن

ابتعد عنها و وقف قدام طاوله الدولاب و حضنته من ورا ابتسم و مسك يدها و نطقت : اتعب و انا اقول محظوظه فيك

اخذ يدها و قبلها : وانا بعد محظوظ فيك

ابتعدت عنه و تقدمت تأخذ الفشار و تحطه بالمايكرويف و بدا عوض يقطع الفواكه ناظرت الفراوله و اخذت منها حبتين و حطتها بيدها و نطق : بالعافيه

شوق وهي تاكل : الله يعافيك

تقدمت تجلس على الطاوله و نطقت : اي وش المكونات غششني ......

عوض و هو يحط الموز بالخلاط : يالله بغششك ، فراوله و موز و عسل

التفت لها و ناظرها جالسه تاكل و تحرك رجولها و كمل : يا عسل انتي

ضحكت بخفه و هي تاكل : وش بعد

التفت عوض و حط الحليب : و حليب بس اذا كنت اتمرن احط معه بينت بتر بس لان عندك حساسية منه

التفت لها و كمل : ما راح احط

شوق : لحظه لحظه تعرف ان عندي حساسيه من البينت بتر

ابتسم لها عوض : اعرف كل شي

شوق : كيف عرفت ، ساعات اخاف منك

ضحك : ليش

عقدت حواجبها و هي تاكل الفراوله : لانك تعرف كل شي عني و اشياء كذا معرف كيف

التفت لها و هو مبتسم : لاني احبك اعرف عنك كل شي

ابتسمت له و التفت يقطع الفراوله و نطقت : يصير اسأل

عوض : اكيد حبيبه قلبي اسألي

شوق : وش قصدهم قبل شوي لما قالوا انك كنت شديد ما فهمت كلامهم

بلع عوض ريقه و بدون وعي عور نفسه بالسكين و تأوه بألم ناظرته شوق و نزلت من الطاوله مسرعه له : اشوف عوض يعورك

اخذت اصبعه و ناظرت الد*م تركت يده و بدات تدور على لاصق جروح بطريقه مليانه خوف ناظرها كيف خايفه و تدور بسرعه و تفتح الدولايب : شوق

شوق ببكي : تعورك صح انتظر لحظه الح...ما كملت كلامها و تقدم يسحبها من يدها لحضنه و حضنها : مافيني شي ليش البكي

شوق ببكي : عوض اصبعك انجرحت و فيه د*م اكيد يعورك

مسح على شعرها : والله ما في شي يعورني و يعور قلبي غير بكيك ليش البكي يا كلي انتي

شدت عليه و ببكي : عوض اخاف عليك والله اخاف عليك من اتفه اوجاعك

ابتسم : شوق ناظريني

ابتعدت عنه و ناظرته ناظر عيونها الباكيه و تقدم يمسح دموعها و هو مبتسم : لا تخافين عوضك ما يهاب شي

↚

ميلت شفايفها و ناظرته بعيون باكيه : انتبه لنفسك مره ثانيه

تقدم يقبل راسها : ليش كل الخوف ذا

شوق ناظرته : احبك عوض و اخاف عليك من خدش بسيط من نسمه الهواء اخاف

ابتسم : يا زين احبك من ثغرك

تقدم يحضنها على جنب : ناظري بسيط بس نحط له لاصق و كل شي تمام

شوق : ما لقيت

ابتعد عنها و تقدم يفتح الدرج و اخذ منه اللاصق : هذا هو

مدت يدها : عطني احط لك

ابتسم و عطاها : حطي لي

تقدمت تفتح اللاصق و تحطه على اصبعه و بدون وعي قبلت اصبعه : يالله الحين يطيب

عوض مثل الالم و حط يده على شفايفه : اخخخ شفايفي تعورني

ضربته بخفه على صدره و بحده : انتبه لنفسك مره ثانيه سامع

طق لها تحيه : حاضر سيدي

ضحك بخفه و تقدمت تجلس على الطاوله : صدق انتبه

عوض ناظر اصبعه و تقدم يقبل اصبعه مكان قبلتها ناظرته و عضت شفتها و همست : وصخ صدق ولا كأنه اصبعه مجروح

سمعها و سكر الخلاط و نطق : مشكلتي اني اسمع على بعد ميه متر

صدت صدت : اسمع و انتبه لنفسك

ضحك بخفه : منتبه

شوق : قال ايش قال شديد ، شديد و اخر شي حتى اصبعه ما ينتبه له

ضحك عوض :شديد و هيبه بعد

شوق :ما شفت لا شده و لا هيبه كلها كلام فاضي

عوض :شديد و هيبه قدام الرجال

حك جبهته :بس قدامك اصير قطو

ضحك شوق بقوه :قطو

عوض :اضحكي اضحكي

شوق و هي تضحك :تكفى بس ناقص تقول مياو

كملت كلامها و هي تضحك :قول مياو

فتح عيونه بصدمه : بنت

ميلت شفايفها : يالله دودي قول مياو

عوض : بنت اعقلي

هزت راسها بالنفي بحركه طفوليه و مدت بوزها : قولي مياو يالله دودي

عوض : تعقبين اقول مياو صاحيه انتي

مثلت الحزن :راح ازعل اذا ما قلت يالله دودي تكفى ،تكفى تهز الرجاجيل يالله قولي مياو

هز راسه بالنفي :مستحيل اي طلب غير الطلب ذا

شوق :خلاص ما راح ادلعك دودي مره ثانيه ولا راح احبك زين

تكتفت وصدت تمثل الحزن: حتى زعلت صدق و السموثي اشربه انت ما راح اشرب زعلت خلاص

حك جبهته و نزل راسه :وش قلتيلي اقول

ناظرته و نطقت :دودي يعني عدتها مليون مره قولي مياو يلا بس مره وحده

ابتسم و ناظرها : وش اسمي

حركت اكتافها و هي مبتسمه : دودي

عض شفته و نطق : مياو

عضت شفتها و هي مبتسمه : بعد بعد

نزل راسه و هو مبتسم و نطقت : يالله بيبي اخر مره

مثل العصبيه و آشر بيده : بس مره غيرها ما في

شوق بأبتسامه : طيب بس ابي اسمعها عدل يا ابو هيبه

رفع يده و آشر على نفسه : انا رجال لي هيبتي قدام الرجال و الناس بس عندك ينقلب حالي

ضحك بخفه : طيب يالله بيبي دودي قول مياو

عوض بحده : لحظه مو كلهم مره وحده بيبي و دودي ما يتحمل قلبي كذا اذوب والله

ضحكت : طيب قولي يلا

اخذ نفس و ناظرها و نطق : مياو

غطت وجهها بيدها : وههه كيوتي

فتح عيونه بصدمه : لا انتي مقرر ما تعدي الليله على خير

حطت يدها على شفايفها و هي تضحك: خلاص راح اسكت

تقدم يشغل الخلاط و مشى لها يحضنها و هي جالسه على الطاوله دفن وجهه بين حضنها :دلعيني دايم

بدات تلعب بشعره و هي مبتسمه : دودي ولا بيبي تبي

عوض :يويل حالي واحد منهم مو اثنينهم مره وحده بس عاد بس بيني و بينك مو قدامهم

ضحكت :لا تخاف ما وصلت المرحله ذي اقولك كذا قدامهم

بعد عنها و تحمحم: احمم اي علشان لا يروح قدر حبيبك بينهم

ضحكت :لا تخاف ما اسويها

ابتعد و سكر الخلاط :مستعده تذوقين اطلق سموثي بالحياه

نزلت من الطاوله :مستعده

فتحت المايكرويف و اخذت الفشار تحطه بالصحن و بدا عوض يصب السموثي بالكاسات و بعدها توجهوا للصاله و شغل عوض الفليم

زهقت شوق من الفيلم :يملل

↚

اخذ جهاز التحكم و طفى الفلم :احط لك ثاني

هزت راسها بالنفي و هي تشرب من السموثي :لا

نزلت الكاس و التفتت عليه بحماس: ماقلت لك وش صار

التفت عليها بنفس الحماس:وش صار

شوق:شفنا متعب

عوض:متعب

هزت راسها بالموافقه وقالت له وش شافت و نطقت:وضعها بعد ما رجعت موعاجبني ولما سألتها قالتلي بعدين

اخذ من الفشار اللي كان بينهم:ولا سيف وضعه عاجبني

شوق :وش صاير

قال لها عوض عن سيف و نطق:اقولك ذبيحه كل الديره شمتها و هو ما نزل تخيلي

شوق:همم وضع سيف غريب وضع ماما بعد غريب وش قالك بعد

عوض:يقول ان اللي يحبها جاء شخص وخطبها و انها هي غلا قلبه

ركزت شوق بكلامه و فتحت عيونها بصدمه وصرخت ناظرها ونطق : وش فيك

صفقت:عرفت اللي يحبها

تعدل بجلسته :منو

شوق :غلوي

هز راسه بالنفي:لا ما اتوقع

اكلت من الفشار: همم صدقني تحليلي صح قالك خطبت و انها غلا قلبه و غلوي خطبها واحد

عوض:لازم اتأكد منه بس مشكلته انه كتوم

رفعت شوق اكتافها :يمكن هو يفضل الكتمان

هز راسه بالنفي :لازم اعرف وش فيه

تأففت :اي مو لانه زوجتك الثانيه لازم تعرف اذا متضايق او لا خلاص مايبي يقولك كيفه بعدين عشتوا ليش مسوي نفسه زوجتك خير وش يبي

ضحك عوض:تغارين

شوق بحده :زين فهمتها تعبت و انا احاول اقولك ياحمار ياكلب ياسلوقي ياتراب اغار عليك و اموت من الغيره بعد حتى من سيف و حتى قبل شوي لما جلست مع ماما غرت و كل ما تجيب طاري ساره و وعد اموت من الغيره اغااارررر ما احب احد يقرب منك وانت لي وصل الكلام ولا لا

ناظرها و ضحك بقوه استوعبت كلامها و تقدمت تأخذ بيدها كميه كبير من الفشار و تحطها بفمه بقوه :سد حلقك لا تضحك فاهم حيوان لازم تخليني اقولك كذا علشان تفهم

ضحك و هو بفمه الفشار و مثل انه غص التفتت له بخوف: يويلي غصيت

مثل انه مختنق و قفت بعدت صحن الفشار و اخذت المنديل و قربت منه:قط بسرعه

بدا عوض يقط الفشار من فمه و يناظرها كيف قريبه منه حطت المنديل على الطاوله :لحظه اجيب لك مويه

كانت راح تقوم بس سحبها له و صارت فوقه ضربته على صدره:كنت حاسه انك كذاب بعد عني

شدها عوض:لا خليك كذا

بدا يلعب بشعرها:اي قلتيلي تغارين

شوق :بعد عني و روح لسيف

عوض ضحك بخفه:صاحيه انتي وش ابي بسيف انا و انتي عندي

شوق حاولت تبعد :طيب شوي بس ما راح انحاش ترا بس خلنا نتعدل بالجلسه

عوض:خليك كذا

تأففت و حطت راسها على صدره:طيب لي متى راح نجلس كذا

بدا يمسح على شعرها و غمض عيون:بس شوي

ضربته على صدره:تعرف اني احبك ليش تخليني اغار

ابتسم عوض:اعرف انك تحبي و بع..قاطعته:اموت فيك بعد

ضحك بخفه:من قدي والله الليله سمعت احبك منك كثير

شوق:لاني صدق احبك قلتها لك

ابتسم عوض الليله مليانه بأعترافاتها مليانه فرحه مليانه قبلات مليانه ضحكات و مليانه من النعم و مغموره بالسعاده اللي ما تنوصف....

عند ريم و وليد بشقتهم ناظرها وليد كيف تعبانه : ام خلود فيك شي

تقدمت تنسدح على السرير : لا لا بس الم طبيعي لاني شلت وتين

وليد : الله يهداك ارتاحي لا تشيلينها

انسدحت ريم : مرتاحه مرتاحه بس

ما كملت كلامها و صرخت بقوه : وليدددد

التفت لها وليد : بسم الله عليك وش يعورك

ريم تعدلت بجلستها و بصراخ : وليد بموت من الالم

ابتعد وليد عن السرير و وقف مشى للدولاب و اخذ عبايتها : اخذ المستشفى يلا

حطت يدها على بطنها : وليد العيال وليد لا تخليهم بروحهم

لبسها العبايه : مو بروحهم اخلي عماتهم يجونهم ولا يهمك انتي البسي طرحتك ما عرفت اسويها

اخذت طرحتها تلبسها و هي تتأوه بألم و مسك وليد يدها : تقدرين تمشين

هزت راسها بالموافقه و بدات تمشي بألم معه و طلعوا من البيت بالسياره تألمت ريم و نزلت دموعها : وليد الم وليد ماني قادره اتحمل تكفى اسرع وليد

صرخت بألم و اسرع وليد و عيونه على جواله اتصل على جوري و ردت و بصراخ : جوري شوفي البنات انا طالع ماخذ ريم للمستشفى لا تخلينهم بروحهم

رمى جواله على المقعد الخلفي بدون لا يسمع رد جوري و زاد سرعته : يالله قربنا قربنا

ريم ببكي : خايفه وليد خايفه

↚

اخذ يدها يمسكها : معك معك تعوذي من الشيطان و استغفري

صرخت ريم بقوه : بسرعه وليد

اسرع وليد و وصل المستشفى نزل من السياره و ترك الباب مفتوح و ركض يدور كرسي جاب لها الكرسي و فتح الباب : يالله تعالي

ريم مدت يدها له و ساعدها تجلس على الكرسي و سكر السياره و تقدم يدخل المستشفى و نطق للمرضه : زوجتي حامل و تتألم

اخذتها الممرضه و دخلت الغرفه و دخل معها وليد و نطقت الدكتوره : وش تحسين فيه

ريم بألم : الم دكتوره الم احس بموت

الدكتوره : تعالي اجلسي

التفتت لوليد : وليد ساعدني

مسك وليد يدها و جلسها على السرير و نطقت الدكتوره : بأي شهر انتي

ريم بألم غمضت عيونها و نطق وليد بخوف : الرابع الرابع دكتوره

بدات الدكتوره تفحصها و تحط السماعه على بطنها : هنا يعورك

ريم بألم : اي اي كل مكان الم احس بولد

ضحكت الدكتوره بخفه و وقفت : توك بالرابع وش تولدين

التفت وليد للدكتوره : دكتوره وش فيها ليش تتألم

جلست الدكتوره على مكتبها : مافي الا العافيه لا تخاف راح اوصف لها مغذي تأخذه و راح اعطيك ادويه تستمرين عليها بس وش ماكله

مسك يده و تعدلت بجلستها و عضت شفتها ناظرها و نطق : وش ماكله

ريم ضحكت بخفه : شاربه مرقه

صد وليد و هو يضحك و نطقت الدكتوره : انتبهي لأكلك تحتاجين تغذيه صحيه و ولدك يحتاج تغذيه

مدت الورقه الدكتوره لوليد اخذها وليد و نطقت : بس تأخذ المغذي اذا حست بعدها بألم تعالوا راجعوني

مسكت يده و نزلت من السرير و تقدم يجلسها على الكرسي و طلعوا من مكتب الدكتوره و ضحك و هو يدفها : مرقه اجل

اشرت على نفسها : انا مالي دخل ولدك ذا راح يطلع دلوع اذا من المرقه سوا فيني كذا

ضحك وليد : ذا راح يكون سمي عضيدي كيف دلوع الا نمر ما يهاب الموت

مسحت على بطنها : نمر بس يستعبط هدا الحين شفت

وقف عند الصيدله و عطاه الورقه : شكله بياخذ صفاته

مسحت على بطنها : جالس يرفس شكله مأيد كلامك

اخذ الادويه و عطاها الكيس و ضحك و نطق : خليك منه ذا الحين اتصلي على جوري شوفي كيف البنات

مدت يدها و عطاها جواله و اتصلت على جوري و وصلها انه مشغول عقدت حواجبها و حاولت تتصل فيها مره ثانيه و كانت جوري منسدحه تكلم فهد اللي صوته فيه النوم و نطقت هي مبتسمه : يالله صوتك وهو فيه النوم

ضحك فهد بخفه : وش فيه

عضت شفتها : حلو

فهد : يالله يا ورده حياتي تخيلي ان بعد كل الحب ذا راح نتزوج الحمدلله و نعيش مع بعض و اجلس اتأملك بدون لا يقاطعني عبدالرحمن او يناظروني عوض و وليد

ضحكت جوري و هي تلعب بشعر وتين : عوض و وليد اهون من عبدالرحمن

فهد تنهد : اخخ يا عبدالرحمن مخرب اللحظات ، اي وش جالسه تسوين

جوري : وتين حاطه راسها بحضني ريم و وليد راحوا المستشفى و انا ابتلشت فيها

وتين ناظرت جوري : ابي ماما

جوري بعدت الجوال : شوي تجي

رجعت الجوال لأذنها و نطق فهد : عاد تحملي علشان بالمستقبل و كذا ابي اجيب خمس بنات و خمس عيال

جوري : دجاجه انا دجاجه شايفتي علشان اجيب لك عشر عيال

فهد و بصوت نايم : ابي اجيب ثمار كثيره داله على حبي لك من الطفوله

ابتسم و بدات تلعب بشعر وتين : يا حب ملكني من يومي صغيره

فهد ابتسم و هو فيه النوم: يا اصدق حب

كمل كلامه و هو مبتسم و بعيونه النوم : بعد كم شهر عرسنا و قبل كم سنه لما كنا صغار كنا نلعب عروس و عريس و كنت انا العريس و انتي العروسه و الحين راح يصير الموضوع صدقي مو لعب

جوري : ما اتخيل فهد ولا اتخيل كيف كنت جاهله حبك لي طول ذي السنوات

فهد بصوت نايم : جوري قلتلك قبل احبك

كمل كلامه : لا احبك جوري

ابتسمت و نزلت راسها : وانا بعد فهد

ما سمعت منه رد عقدت حواجبها: فهد نمت

سمعت اصوات انفاسه و ضحكت بخفه و اخذت جوالها تسكره : نوم العافيه

ناظرت و تين : يلا نامي

تعدلت وتين بجلستها : ابي ماما او شوشو

تأففت جوري و وقف : يالله قومي اخذك عند شوشو

تقدمت تمشي معها

عند شوق و عوض كانوا يجهزون اغراض الشاليه و نطقت : تجي معي تحت لغرفتي

كان يطلع اغراضه من الدولاب : يلا

مشى لها : امشي

تقدمت تمشي معه و نزلوا تحت وقفت عند غرفتها و اخذت يده تمسكها فهم عليها و التفت لها : معك يلا

فتح الباب و ناظرت الغرفه و حست بضيقه تنهدت و تقدمت تدخل معه ناظرت كيس البن اللي كان على الطاوله و شماغه اللي على كرسي التسريحه تركت يده و مشت لهم و اخذت كيس البن و بصوت فيه الضيقه: تعرف كنت راح اراضيك و اسوي لك قهوه

نزلت الكيس و ابتسمت بضيقه و اخذت شماغه و التفتت عليه : حتى كنت لابسه شماغك و كنت راح البس الفروه بس حسيت حر كنت ابي اراضيك لان ما احب اشوفك زعلان

هز راسه بالنفي و تقدم صار وراها: مو زعلان والله

عطته ظهرها و نزلت راسها و نزلت منها دمعه حاره كأنها جمر حرقت خدها تذكرت الموقف و جتها ضيقه ما تقدر تنسى اللي صار لو مهما حصل يبقى اللي سواه صقر ابشع شي بالعالم ولا يقدر اي انسان ثاني يتحمل اللي تحملته ، تقدم يحضنها من ورا و ببكي نطقت: عوض لا تزعل مني

غمض عيونه و شد عليها : ما ازعل منك والله و كيف ازعل و انتي ضحكتك رضى عمري كله

شوق ببكي : كل ما اقول خلاص ارتحت ما راح ابكي ارجع من جديد ابكي

ابتعد من وراها و لفها لناحيته و حضنها حضنته بقوه كانت تبكي بحضنه بدون خوف بدون لا تتعب و تشرح له كل اللي يضايقها بدون احراج كان فاهمها و فاهم ضيقتها و اسبابها و حزنها و كانت دموعها تنزل بشكل لا نهائي من كثر البكي تحس نفسها متخدره و حضنه كان ملجأها الوحيده و المكان اللي يرتوي فيه قلبها كان يواسيها و يمسح على شعرها : شوق حبيبه قلبي انتي والله خلاص راح ما راح تشوفينه انتهى شوق انتهى دوره من حياتك و الله لا يسامحه جعله يشوفها بالاخره

و كان يداري ضيقتها : حبيبه قلبي عطيتك قوتي ابي اشوفها وريني قوه عوض اللي اخذتيها منه ابي اشوف قوتك لما وقفتي بوجهه و تبريتي منه ابي اشوف قوتك لما ناظرتيه بالمحكمه خلك قويه

و كان يخاف عليها من الحزن و هو يسمع بكيها : بس بكي يا قلبي بس بكي

شوق ببكي : عوض ما اقدر انسى ما اقدر

عوض : عيشي حاضرك و انا والله ببقى معك و بعوضك زياده و ما راح اخليك ولا يوم بعيده عني و بسمعك دايم ولا راح اخليك تعيشين اي شي سيئ من جديد بس تكفين لا تبكين

مسح على شعرها و كمل : كل شي يمر فيه الانسان بالحياه اختبار و تعدي الحياه ربي مايعطي الانسان شي فوق طاقته يعطينا الشي اللي نتحمله لا تتضايقين و الحمدلله ربي يسر لنا حياتنا انتصرنا و ربي قاعد يعوضك و يعوضني فيك و دموعك والله غاليه علي اغلا من روحي .........

شوق و هي حاضنته و دافنه وجهها بحضنه :احب مواساتك لي دايم تكون جبر و ضماد لجروحي في كل مره تواسيني فيها و توقف معي اتأكد بأنك فعلاً الشخص الصح اللي مستعده اضاهي فيه باقي سنيني بدون لا اخاف ، احب كيف تطمني دايم انك معي كلامك ذا يجيب بقلبي الراحه والله و تخليني انسى سبب زعلي و ضيقتي اصلا

ابتسم من سمع كلامها و بعدها عن حضنه و بدا يمسح دموعها :دايم راح اواسيك و اوقف معك لو الدنيا كلها ضدك

مسكت يده :تعال اختار معي فساتين

مشى معها : اختار ليش ما اختار بس ما ابي اشوف بكيك مره ثانيه

التفتت تناظره :بس انت قلت لي لا تكتمين

عوض: صح لا تكتمين و قولي كل اللي بقلبك بس تكفين بدون بكي الا عيونك ما ابي اشوفها و هي باكيه

حضنت يده و هي مبتسمه : صح انت وعدتني و اوفيت بوعدك و انا بعد راح اوعدك

ابتسم عوض :تقلديني يعني

شوق :انا وياك مو واحد

عوض :واحد والله واحد ، وش وعدك

اشرت له : تعال

انحنى لها و همست بأذنه :راح اصير قويه من الليله ذي راح اخذ قوتك صدق ولا راح اصير شوق اللي تبكي على كل شي

تعدل بوقفته :كفو ذي حبيبه قلبي و انا عندك متى ما حسيتي تبين تبكين تعالي لحضني

هزت راسها و هي مبتسمه و التفتت للباب اللي انطق :تعالي

دخلت جوري مع وتين: زين لقيتكم

عوض :شفيكم

تقدمت وتين تحضن شوق :شوشو ابي انام عندك

جوري :تكفون اخذوها عندكم ريم تعبت و اخذها وليد المستشفى و النتفه ذي مو راضيه تنام و العنود فوق عند حصه

وتين :ما ابي انام و بعدين ازعجتيني وانتي تكلمين فهودي بالجوال ابي انام عند شوشو

ضحك عوض :فهودي

عضت شفتها بخجل : بروح انام خلوها عندكم

ضحك عوض :روحي نامي

قلد طريقه نطق وتين :و كلمي فهودي

ضحكت شوق و طلعت جوري و ناظرت شوق وتين :تختارين معي فساتين

نطت وتين بحماس :اي

اشرت شوق على السرير :يالله اجلسوا و انا اطلع و قولو لي حلو ولا لا و اي واحد اختار

تقدموا وتين و عوض يجلسون على السرير و فتح شوق الدولاب و نطق عوض :ليش مو حاطتهم فوق بغرفتنا

بدات تدور شوق بالفساتين : لانهم كثار و مو كلهم البسهم بس اخذت المهمين و حطيتهم فوق

عوض : و شماغي مو مهم ليش ما اخذتي

اخذت الفستان و التفتت عليهم : مهم بس اذا عندي الاصل وش ابي بالخام

ابتسم :و الاصل لك مو لغيرك

رفعت الفستان و هي مبتسمه : طيب ، حلو ولا اخذ ذا

اخذت الفستان الثاني و نطقت وتين :مره حلوين شوشو بس الوردي احلا

ناظرت الفستان الوردي :صح مع تان يطلع يجنن

هز عوض راسه بالنفي :لا لا مفصخ و قصير غيري

اخذت الفستان و حطته على السرير و التفتت للدولاب: راح اخذه

عوض :يعني عناد

بدت تدور بين الفساتين: مو عناد

اخذت فستان و التفتت لهم و هي مبتسمه: وش رايكم

اشر على الفستان : ذا لك ولا لوتين

ضربت رجلها بالارض بحركه طفوليه : عوض وش لوتين لي اكيد

عوض : وين تكمله الفستان

تأففت شوق و التفتت لوتين : حلو

وتين : مره حلو عندي نفس لونه نلبس انا وياك نفس الشي

حطت الفستان على السرير : بس تم

التفتت لدولاب و نطق: لا انتي صدق مقرره تلبسين ذا

التفتت له و حطت فستان ثاني مع الفساتين الباقين على السرير : اي وش فيه

وقف : يا بنت وش اللي وش فيه يبين اللي فوق و اللي تحت

قربت و ضربته بخفه على صدره : يا وصخ

حط يده مكان الضربه : وانا عند ربي صادق ، غيري

هزت راسها بالنفي و مدت بوزها : توء ( اتمني فهمتوا الحركه 😭)

عوض بحده : شوق

شوق بأبتسامه : عوضها

ابتسم : بس المره ذي

قلبت عيونها و هي متكتفه : افكر

ضحك : طيب فكري عدل ، خلصتي ولا لا

اخذت الفساتين من السرير : خلصت يلا بس اودي الفساتين فوق بعدين بجي اخذ لي بعد كم غرض

ناظرت وتين :توته نروح فوق

مسكت وتين يد شوق و طلعت معها ناظر شماغه اللي على الكرسي و تقدم يمسكه و هو مبتسم : يا اول بدايات حكايتنا

اخذ جواله من جيب بنطرون بجامته و دخل تويتر و نشر تغريده :

المحبه واضحه لو كان مالمّح شمـاغي

‏في لقانا كل شي ماقـدر يكتم شعوره

‏ كان حبه في البدايه ماخذه يملى فراغي

‏ومتلا صدري حنين وهام في ثغره وحوره

سكر جواله و نزل شماغه على الكرسي ناظر تسريحتها و مكياجها تقدم يأخذ روج و يفتحه ابتسم و قرب للمنظره و كتب بالروج بخط كبير : احبك

و كتب بخط اصغر : عوضك

سكر الروج و حطه مكانه و طلع من الغرفه ناظرها مقبله له و نطقت : توته فوق خلك عندها

عوض : طيب لا طولين

وقفت عند باب الغرفه : مو مطوله

صعد الدرج يمشي متوجهه للشقه و دخلت شوق الغرفه و بدات تطلع اغراضها اللي تحتاجهم و طلعت التان و القبعات خلصت و كانت بتطلع ناظرت المنظره و ضحكت : رومانسيه الولد ذا 2010

اخذت الروج و فتحته و كتبت بنفس حجم خطه : و انا احبك بعد

اخذت جوالها و صورت المنظره و ارسلتها له و تقدمت تطلع من الغرفه و تسكر الانوار ناظر عوض الرساله و همس و هو مبتسم: يا شوقي و حبي و نجاتي للحياه

نطقت وتين و هي تلعب مع القطو : دودي

نزل جواله و التفت لها : عيوني

ضحك وتين : جالسه اكلم القطو

ضحك عوض : طيب

دخلت شوق الشقه و هي مبتسمه ناظرته جالس مع وتين و محاوط كتفها و يضحك مشت للغرفه و تخيلته بالمستقبل مع عيالهم و كيف راح يكونون محظوظين لان عندهم اب مثل عوض ابتسمت و بدات تحط اغراضها داخل الشنطه و بعد مده خلصت و طلعت لهم ناظرتهم جالسين على الارض و يلعبون مع القطاوه تأملتهم و هي متكتفه و ميله راسها و مبتسمه و وتين كانت تلعب بالكوره مع القطاوه و تضحك : ناظر وش يسوي

ضحك عوض و هو يمسح على القطوه اللي كانت جالسه بحضنه و مسترخيه تقدمت شوق لهم :ننام

ناظرتها وتين :بس شوي

شوق :يالله علشان نصحى الصباح و نروح الشاليه

وقفت وتين بحماس و اخذت شوق القطاوه حطتهم داخل بيتهم : يالله حتى القطاوه راح ينامون بعد

وقف عوض وبيده قطوه حطها داخل البيت و همس :

قالت احبك يا راشد قلت من قدي

قاطعته :صوتك خايس صوتي احلا

كملت تغني و هي تمشي للغرفه و ماسكه يد وتين :

‏هالكلمة هذه تموّتني وتحييني

‏قالت أحبّك وكانت سبحتي بْيدّي

‏من دون ما أشعُر بها طاحت من يْديني

دخلت الغرفه و ناظرها بصوت عالي :صوتك يغطي على راشد صدقيني

تقدم يركض للغرفه و فتح الباب ناظرها جالسه على كرسي التسريحه و بحضنها وتين ترطب يدينها ابتسم و تقدم يرمي نفسه على السرير ناظرته شوق و نطقت لوتين :ناظري وش يسوي عمك

ضحكت وتين تعدل عوض بجلسته :وقت فصلتها الحين

بدات وتين تضحك بقوه و ضحكت معها شوق و نطق عوض : شفتي قلت لك وقت فصلتها تجلس تضحك تضحك بعدين تنام

ضحكت شوق و ناظرت وتين اللي كانت تضحك بهستيريه :يويلي لا صدق فصلت بنت بس

كملت ضحك وتين و قبلت شوق خدها :وههه قلبي الضحكه

ناظرها عوض : وانا ما يطلع لي

التفتت له : اقول عطيتك اليوم لين ما قلت بس اسكت عاد لا تصير طماع

نزلت وتين من حضنها و وقفت و نطق :طماع في احد يحصل له بوسه منك و مايصير طماع

فتحت عيونها :عيب البنت اسكت

سكر حلقه و هو يضحك و جلست شوق على السرير و جلست معها وتين : ما ابي انام

عوض تربع وحط يده على خده :وش تبي نسوي

وقفت وتين على السرير بفرحه : نرقص

ضحكت شوق : الحين خلي بكرا نرقص انا وياك بملكه ليلي

جلست وتين و ميلت شفايفها بحزن : لا ابي الحين

وقف عوض و هو مبتسم : نرقص ليش ما نرقص

ناظرته شوق : ولد اقضب ارضك و خلي البنت تنام الساعه ٢ الفجر

هز راسه بالنفي و هو مبتسم اخذ جواله و بدا يدور على الاغنيه : راح احط لك محبوبتك علشان ترقصين معي

عقدت حواجبها : محبوبتي

رفع اكتافه : انغام

نزلت وتين من السرير : يالله دودي شغل الاغنيه

عوض و هو يدور الاغنيه : انتظري

ناظر شوق و ابتسم :ونفضل نرقص ، ترقصينها معي و مع وتين ......