تعدل بجلسته و بخباثه : يعني اذا البنت مو هنا عادي

اخذت المخده شوق و رمتها عليه : قوم بدل

بعد المخده و هو يضحك : طيب

وقف و توجه للدولاب و ناظرت ظهره و عرض اكتافه عضت شفتها و التفتت لوتين و بعدت يدها عن عيونها و نطقت وتين : دودي باد بوي

شوق : صح باد و نوتي بعد

ضحك عوض و التفت لهم و هو يلبس لبس قميص حفر ابيض : كذا كويس صرت قود بوي

رمت عليه المخده الثانيه : روح غط جسمك و تستر

اخذ المخده و هو يضحك : متستر

تقدم يمشي للسرير و نطقت : و عضلاتك الل..... ما كملت كلامها و عضت شفتها من ناظرته يناظرها وهو مبتسم: كملي

تأففت و تقدمت تنسدح و انسدحت معها وتين على يسارها و نطق : توته تعالي نامي بالجهه الثانيه

شوق و هي تلعب بشعر وتين اللي نامت بحضنها : خلها هنا و انت تعال حط راسك على كتفي الثاني

جلس على السرير : و حضني ما تبيني

شوق : انت نام بحضني تعال تعبت اليوم كثير

ابتسم و تقدم ينسدح و يحط راسه على كتفها: عاد راس حبيبك ثقيل تحملي

حطت يدها على شعره و بدات تلعب فيه : ما عليك

ناظرت وتين شوق : قولي لنا قصه

عوض حضنها : اي قولي لنا قصه

ابتسم : طيب خلوني افكر بقصه

وتين : قصه سنوايت و الاقزام السبعه

شوق : يالله اقول لكم

ناظرها عوض : اي قولي

ضربته بخفه على راسه : ابتلشت في بزر كبير اسكت اذا بقول ، بقول علشانها

عوض ضحك بخفه : طيب اعتبريني صدق بزر و قولي علشاني

تأففت : عوض خلاص خلني اقول القصه

وتين ناظرت عوض : دودي خلاص اسكت ازعجتنا خلها تقول القصه

عوض : بنت عمك وش اسكت

صرخت شوق : بس انت وياها و خلوني اقول القصه

غمض عيونه : يالله قولي

↚

كانت منسدحه و حاط راسه على كتفها و حاضنها و هي تلعب بشعره و بالطرف الثاني حاضنه وتين و محاوطه كتفها و بدات تقول : كان يا مكان في قديم العصر و الزمان

بدات تقول لهم القصه و بعد مده خلصت القصه و ناظرت وتين اللي نامت و ناظرت عوض اللي كان يمثل النوم غطته عدل بالبطانيه و بهمس : قال ايش قال حر معرف وين الحر و يدينك بارده

غطته و غمضت عيونها و كان سامعها ابتسم بخفه وبعد فتره سمع صوت انفاسها تعدل و بعد راسه عن كتفها و همس : راح تصحين و كتفك مخلوع اذا نمت و حاط راسي على كتفك

تعدل و قربها منه لحضنه و بدا يلعب بشعرها و هو مبتسم و بهمس : ما اعرف انام و انتي مو بحضني اصلا

التفت للأبجوره و طفاها و غمض عيونه ينام بعد يوم شاق و متعب مليان بالاحداث الحلوه

عند سيفنا المجروح صحى الفجر اخذ جواله و ناظر الساعه جلس و بدا يصحصح غير لبسه اخذ مفتاح سيارته و تقدم يطلع من البيت شغل السياره و بدا يسوق و هو يغني :

يوم انا اتمنى وصاله صد عني

يوم جافيته ولهتي يا دموعه

بدا يسوق و يدندن على ساعات الفجر الاخيره و قريب ظهور الشمس ناظر الكافيه المفتوح : الحمدلله لقيته مفتوح

وقف سيارته و فتح الباب ينزل دخل الكافيه و تقدم يطلب : ابي واحد v 60 بارد لو سمحت

الموظف : حاضر

بدا الموظف يسوي له القهوه و كان يتمشى و هو مكتف يدينه ورا ظهره و يناظر خطواته و يفكر و خاطره مكسور و بداخله : حتى عشاء امس و ريحته ما اشتهيته وانا اللي كنت اكل ٢٤ ساعه صرت ما اشتهى شي بعد ما خطبك غيري يا غلاي

التفت للموظف اللي قدم له قهوته اخذ القهوه و طلع ركب سيارته و حرك للبيت و طول الطريق يهوجس بحاله و حال قلبه : بتروحين لغيري قدامي وصار الجرح بي جرحين يا غلاي والله جرحين

اخذ القهوه يشرب منها كان طعمها مر بس جرحه و خبر خطبتها كان امر منها نزل القهوه و تنهد :

لا صرت اشرب الماء

ولا اكل مع الناس قوت مثل قبل

من يوم ما سمعت الخبر وانا كوني مظلم

ع العموم عسى الله يتمم عليك و يهنيك

قلبي يدعي لك بالفرح ولا هو بأناني

بدا يسوق و بعد مده وصل البيت وصل و هو حاله مهدود بعد ما كان يفكر طول الطريق دخل البيت و فتح الباب لقاه مسكر عقد حواجبه و توجه لباب المطبخ يدخل منه و بيده قهوته و هو يغني بضيق :

مثلي وقفت

تلمس جروحي وحيرتي

بعيد وقفت و انا بعيد بلهفتي

فتح باب المطبخ و ناظرها جالسه على الكرسي و ضامه رجولها و منزله راسها رفعت راسها من سمعت صوت فتح الباب و غنائه ناظرته و ناظرها و صد بدا يلعب بمفتاحه حط قهوته على طاوله دولاب المطبخ و فتح الثلاجه و هو يدندن:

ياسعد خبر ظريف الطول عني

كان وده لي بعمر الحياه

من لحظني بس اهوجس به و أون

ما تركني هاجسي لو بالصلاه

اخذ علبه المويه و فتحها و بدا يشرب سمع صوت شهقتها نزل المويه و بدا صدره ينزل و يصعد و تلخبطت اموره ناظرت ظهره و ببكي : سيف

بلع ريقه من سمع اسمه من منطوقها و واضح على صوتها البكي ما رد عليها من كسره و هي كانت تنطر رده : سيف رد علي

التفت لها سيف و ناظرها و ببكي نطقت: اكلمك انا

سيف : كلمتك كذا مره و كنتي تصدين

غلا ببكي : سيف اسمعني

سيف اخذ قهوته و بضيق : ما سمعتيني من قبل المهم ان نسيت ابارك لك ، مبروك و الله يتمم لك على خير و يسعدك هتان مافي مثله رجال و النعم فيه

تقدم بيطلع و نطقت و هي تبكي : ما ابيه سيف ما ابيه

التفت لها و كملت و هي تهز راسها بالنفي : ما ابيه اسمعني سيف ....،،،

التفت لها و كملت و هي تهز راسها بالنفي : ما ابيه

اسمعني سيف

ناظرها و رفع اكتافه : طيب و انا وش دخلني

بكت زياده غلا : سيف

عطاها ظهره و قلبه من داخل يتقطع على صده لها ما تعود يصد عنها و هو اللي كان رغم صدها و نظراتها له كان يناظرها و يحاول معها كان يسمع صوت بكائها اللي حرق روحه ما عرف كيف قدر وقتها قلبه يقسى عليها مسك يده الباب و سمعها تقول ببكي : انا مو غبيه و لا مفهيه ما استوعب كلامك ولا استوعب نظراتك لي سيف

التفت لها : دامك عارفه ليش كنتي تصدين

↚

غلا مسحت دموعها : اسمعني سيف لا تصد اسمعني للاخر

تنهد ما قدر يكمل صده لها و هي غلا روحه سحب الكرسي اللي قدامها و تقدم يجلس و تكتف ناظرته و بدات دموعها تنزل و تقول له كل اللي صار : اول ما داومنا اخذت ماده عامه بعيده عن تخصصي عند الدكتور عمر

ناظرته كان يناظر قهوته و كملت : وقتها تعرفت على هتان

بكت زياده و التفت لها من نطقت بأسمه و سمع بكيها كملت : حطنا عمر مع بعض في مجموعه علشان البرزنتيشن و كان معنا طلاب ثانين و بدا شوي شوي يتقرب لي

غطت وجهها بيدها و بدا تبكي زياده اخذ المنديل و عطاها : كملي لا تبكين كملي وش صار بعدين

اخذت المنديل: بعدين صرنا عادي نضحك و عادي علاقتنا سطحيه زملاء و بنفس الوقت ذا كنت العب كود تعرفت وقتها على وحده

نزلت وجهها و هي تبكي من جديد كان يناظرها و هو متكتف ولا نطق اي حرف يحاول يبين عدم الاهتمام بس من داخله مهتم و كثير مهتم لها رفعت راسها و ناظرته بعيونها الباكيه ما عرفت وقتها هي وش سوت فيه لما ناظرته بعيونها و نظرتها ذي بلع ريقه و تنهد : كملي

هزت راسها و هي تبكي من تذكرت اللي صار

و بدات تقوله وش صار معها ، فلاش باك لقبل فتره كانت غلا حاطه سماعاتها و جنبها عصيرها و جوكلت و جالسه على الكرسي و قدامها الشاشه و تلعب كود : يمين فنشيه بسرعه ( ما عرف وش معني الكلمه بس اللي فهمته انه حركه بالعبه 😭)

نطقت احد اللاعبات و هي تضحك : كاندي شادين حيلهم ذولي

ضحكت غلا : مره ما عليك ازهليني

عدلت جلستها و بدات تلعب مع اللاعبه الثانيه اللي كانت مجهوله الهويه خلصوا القيم و نطقت اللاعبه : كفو كاندي

تفاخرت غلا : كفوك الطيب عجبتيني كيف ذبحت*يه

ضحكت اللاعبه : اعجبك ، عجبتيني الصراحه و عجبني اسلوبك

ضحكت غلا : تسلمين

اللاعبه : تسوين ستريك

غلا بحماس : بس تم يلا

عطت غلا سنابها للاعبه المجهوله و من يومها كانوا يسوون ستريك مع بعض و يسولفون لساعات طويله و تقربوا من بعض و كانت اللاعبه دايماً تطلب شوفه غلا تبي تشوف صورتها و بعد فتره عطتها غلا صورها و ما كانت تعرف باللي راح يصير لها بالمستقبل كملت كلامها لسيف و هي تبكي : و قبل فتره كلمني هتان و بيدنا نتكلم مع بعض ولا كان بيني وبينه شي و عرفت ان البنت اللي ضفتها بسناب هي نفسها ......ما كملت كلامها و بدات تبكي و نزلت راسها : نفسها هتان و بدا يهددني ان اذا ما كلمته بينشر الصور و صوري كلها و انا لبسي مو ساتر و لما شفتنا ذاك اليوم بعد ما رحت هددني ان ينشر صوري اذا تكلمت معك او قلت لك اي شي او قلت لأي احد

ناظرها و نطق : كيف عرفتي ان هو نفسه البنت

رفعت راسها و ببكي : دز لي صوره دزيتها له بسناب و قالي ذي انتي

شهقت و مسحت دموعها : و لما سألته من وين جبتها قالي ان انا دزيتها له بسناب

حطت يدنها على فمها و بدات تبكي زياده غمض عيونه و نزل راسه : كم صوره

غلا ببكي : اربعه و فيديو ما اعرف كيف جابه

سيف : تبين تتزوجينه علشان لا ينشر صورك

هزت راسها : ما ابيه اصلا ما ابيه سيف قال لي اذا ما وافقتي انشر صورك و انا ما ابيه والله ما ابيه و تو هددني سيف

هز راسه بالموافقه : وريني

اخذت جوالها و فتحته بعيون باكيه : شوف ذا كلامه و ذا الفيديو

شغلت الفيديو غلا و صد سيف على طول كان فيديو لها و هي ترقص : انتي دازه له الفيديو

غلا ببكي : والله مو انا والله و يبيني بعد.... ما كملت كلامها و بدات تبكي اخذ سيف الجوال و بدا يقرا كلامه القذر و تهديداته و نار الغضب بدات تشتعل داخله نزل جوالها و قف بقوه و تقدم يطلع من المطبخ و يسكر الباب بقوه

ناظرت خروجه و نزلت راسها تبكي : ليتني ما قلت لك

اخذت جوالها : كيف جاب الفيديو كيف و كيف ما عرفت انه ولد كيف وثقت فيه ثقه عميه

نزلت راسها و حطته على الطاوله و هي تبكي بتعب

صعد سيف غرفته و غضب الكون كله بداخله سكر الباب بقوه و صرخ : والله ما اخليك والله

تقدم يأخذ لابتوبه و فتح باب الغرفه و نزل من الدرج و هو يركض فتح باب المطبخ بقوه ارتعبت و بعدت راسها عن الطاوله و سكر الباب تقدم يجلس قدامها بالكرسي فتح اللابتوب : قولي له ارسل لك بس لا احد يشوف

هزت راسها بالنفي وهي تبكي: لا لا وش ارسل تستهبل سيف فضفضت لك و اخر شي انت تقول لي الكلام ذا

بدا يطقطق بالابتوب : تعرفين وش كانوا يسموني العيال قبل

غلا : لا

ناظرها : الهكر

ناظرته بعيون باكيه: هكر

هز راسه بالموافقه : اسأليه في احد عنده الصور ولا بس هو

حطت اصابعها بفمها : خايفه لا سيف

ناظرها و بحده : غلا كلمتين و راح تسوينهم واحد ترسلين للحمار ذا الكلام اللي قلته لك ثاني شي تروحين تقولين لأبوك اللي صار

فتحت عيونها بصدمه : تستهبل سيف علشان يذبحني

تنهد : غلا عمي محمد اكثر شخص متفهم بالدنيا ذي كلها بعدين يسمعها منك و لا يسمعها و يشوفها من غيرك روحي قولي له اللي صار وانا راح اهكر جواله بحيث ما يقدر ينشر الصور و راح ترفعين بلاغ عليه سامعتني

غلا بصدمه : ناوي تفضحني انت

تكتف : افضحك بالطريقه ذي يعني عاجبك اللي يبي يسويه

هزت راسها بالنفي : مو عاجبني

بدا يطقطق بالابتوب : تعرفين من صورك

غلا اللي كانت تكتب لهتان : معرف معرف ، ارسلت له و قلت له راح ارسل لك رابط في كل صوري بس لا تنشرهم لأحد و سألته اذا في احد عنده الصور ذي ولا بس هو

سيف و هو يناظر اللابتوب : طيب خلينا منه الحين العشاء من كان موجود عندكم

غلا : جيرانا و صديقه شوق

عقد حواجبه و التفت لها : من عطيني ياهم بالاسم

غلا تكتفت و بغيره : طيب الجوهره صديقه شوق تعرفها اكيد معكم

ناظرها و ابتسم بخفه : اي الجوهره و من بعد

غلا بدات تقول و تعد له اسماء الاشخاص اللي جو للعشاء : و اي في بعد ام تركي ذي العجوز الغثيثه

ضحك سيف : ليش

رفعت اكتافها : كانت تبي تخطب ليلي لحفيدها بس طلع يشرب و يتعالج من الشي ذا

عقد سيف حواجبه : وش قلتي لي اسمها

غلا التفتت لجوالها : ام تركي ، ارسل لي سيف

اخذ منها الجوال : بس يصحى ابوك تقولين له فاهمه كل شي

غلا : خايفه

نزل جوالها : معاك لا تخافين

بلعت ريقها بتوتر و زادت نبضات قلبها و نطق : المشكله الفيديو يقولك ان عنده نسخه ثانيه بجوال اللي ارسلت له معرف كيف راح نحذفه

تنهد و عطاها جوالها : راح ارسل لك رابط ارسليه له

اخذت جوالها : طيب

و بدا يفكر في العجوز اللي تكلمت عنها و التفت لها : لحظه قلتيلي اسمها ام تركي

هزت راسها بالموافقه و نطق : هتان هتان وش اسم ابوه

رفعت اكتافها بعدم المعرفه و بسرعه نطق : دوري لي بسرعه غلوي بسرعه في شي براسي اذا طلع صح الله يستر منه

نزل أنظاره للابتوب و ناظرته ابتسمت بخفه و عضت شفتها من دلعها اخذت جوالها و بدات تبحث و طلعت له صوره : شوف ذي قائمه الاسماء اللي معي بكلاس عمر

اخذ منها الجوال و ناظر الاسم و رجع انظاره لها : ارسلي له الرابط بسرعه

عطاها الجوال و ارسلت لهتان الرابط و كتبت له :

بالرابط ذا تلقى كل صوري

بدات تعض اظافرها بتوتر : طيب و الفيديو سيف

سيف سكر اللابتوب : الفيديو في احد مصوره من اهله

غلا : اهل هتان

هز راسه بالموافقه : اسم ابو هتان هو نفسه جارنا اللي امه كانت تبي تخطب اختك لحفيدها ............

غلا بعدم استيعاب : يعني العجوز ذيك كانت بتخطب ليلي لهتان يعني اللي كان يتعالج من ادمان شرب الخم*ر هو هتان

سيف : عليك نور

غلا : طيب ليش يسوي كذا وش سويت له

تنهد سيف : مالك دخل موضوع قديم بيني و بين عوض و بينه

كمل كلامه : ما علينا اذا جاك و كلمك من جديد مشي معه الموضوع و سوي نفسك جاهله كل شي و بس يصحى ابوك تقولين له و انا راح اكلم عبدالله

ناظرته بخوف ابتسم بخفه : معك لا تخافين

ضمت رجولها : طيب بس انت تقول له عن هتان و كل شي تعرفه عنه بعدين ليش ما قلت له من قبل

رجع ظهره لورا : قلتلك هتان خبيث و ملفه عند الشرطه ماسحه و ابيض اخاف اقول و يحسبون شي ثاني و محد يصدق

غلا : شي ثاني مثل وش

وقف سيف و توجهه للثلاجه و غير الموضوع: جوعان من امس مو ماكل شي الله يسامحك

غلا و قفت توجهت للدولاب و بدات تطلع الصحون : تبي كورن فلكس معي

اخذ الحليب من الثلاجه : يلا مع اني احتاج تعويض ذبيحه عن عشاء امس بس يمشي حاله الكورن فلكس

اخذت غلا الكورن فلكس : يلا اعوضك بعرسنا لم.... كاملت كلامها و ابتسمت بخفه و نزلت راسها ناظرها بصدمه و حط الحليب على الطاوله و جلس و نطقت و هي صاده : تبي سكر مع الكورن فلكس

كان جالس بصدمه التفتت له غلا : سيف تبي سكر مع الكورن فلكس

التفت لها و ناظرها : ها

صدت : تبي سكر مع الكورن فلكس

سيف : اي اي عادي

ابتسم براحه و بدات تحط غلا و اخذت الصحون و الملاعق و حطتهم على الطاوله : حط حليب

جلست على الكرسي و ناظرها اخذ الحليب و بدا يصب بالصحون اخذت صحنها و بدات تخلط الكورن فلكس و اخذ سيف صحنه و بدا ياكل ضحكت على طريقه اكله و هو كان مندمج بالاكل و بتمثيل للحده : صح نسيت شي

نزلت الملعقه : وش

سيف بتهديد: كود ذي اخر مره تلعبينها

تنهدت : من بدايه الموضوع و انا ما العب اصلا

بدا ياكل : اي بس يعني تقدرين تلعبينها معي

اخذت المنديل و حذفته عليه : ما ابي العب معك

مسك المنديل و ضحك : ليش

غلا : بس كذا اكل خلصني

نزل راسه للصحن : يلا بكرا نتزوج و تجين تقولين لي قلد طريقه كلامها : سيف ابي العب معك

غلا بغرور : من قال بتزوجك

نزل ملعقته : بس يخلص موضوع هتان خاطبك يعني خاطبك و رجلك فوق راسك

غلا : على كيفك ما ابيك ابي واحد حلو

بعد سيف شعره من على وجهه بغرور : كل الزين ذا و مو حلو

ضحكت و هي تاكل : شين

سيف : اي تزوجيني علشان تحليني

غلا : اكيد بحليك حبيبي مو انا اغلا البنات بقلبك

نفس ما اسمعك تقول لهم

استوعبت كلمتها و حطت يدها على جبهتها و بداخلها : فضحتي نفسك على طول

ضحك : اغلاهم والله اغلاهم

ابتسمت ناظر ابتسامتها و ضحك و نطقت : شفيك

هز راسه بالنفي و اخذ المويه يشرب منها : معرف بس ما توقعت انك تعرفين

ابتسم و بدات تقلب الاكل بالملعقه : ماني جاهله تصرفاتك و كلامك و عارفه كل كلمه تقولها و غنائك بالمطبخ و نظراتك لي وقتها عرفت صدق انا وش بقلبك

ابتسم و وقف و اخذ صحنه حطه على المغسله : بس يصحى عمي قولي لي انا بروح فوق

وقفت و حطت صحنها على المغسله اخذ سيف لابتوبه و جواله و مفتاح سيارته و بدا يغني :

ما يميل قلبي لأي بشر

بس انت تستاهل سهر

انت الي نورس حلو و انا الك مثل النهر

ناظرته و ضحكت بخفه وهمست : جوي اغانيك الهابطه ذي

توجه سيف لغرفته و رمى نفسه على السرير و هو مبتسم : اثرك يا غلاي تعرفين بغلاتك بقلبي

تعدل و ناظر السقف : هتان يا هتان شكله القرصه الاولى ما نفعت ما كفاك عوض تبي تجدول على البيت كله

جلس : اي سو اللي تبي انا وياك و الزمن طويل

التفت لجواله و ناظرها مرسله له : تلعب كود

فتح الجوال و ارسل لها فويس : يلا انتظريني اشغل البي سي

وقف و شغل البي سي و بدا يلعب معها بدون صد و بكل راحه كانت تحس فيه طول ذي الفتره بس تكابر ، و تتكابر عليه و سالفه هتان و تهديده زادها تكبر و صد زياده ما كانت حابه تصد كثير بس ما قدرت اللي صار خلاها تصد

صحى عوض و ناظرها نايمه و حاطه راسها على صدره و جنبها وتين التفت لجواله و ناظر رساله وليد له اللي كانت قبل نص ساعه : قاعد

فتح جواله و رد عليه : قاعد امرني

سكر جواله و حاول يبعدها شوي شوي و تقدم للدولاب يطلع له ملابس و التفت لجواله من سمع صوت الرسالة و كان وليد : انا عند شقتكم جيب لي توته

نزل جواله و مشى لعند وتين بعد عنها البطانيه و شالها و كانت شوق نايمه مو حاسه بشي فتح باب الشقه و ناظر وليد نطق عوض : توته

اخذها وليد : تعبتكم

ضحك عوض بخفه : اي تعب يا اخوي بالعكس انبسطنا معها

ناظرها وليد بحضنه: لا واضح انبسطتوا كثير شوف كيف نايمه

عوض ضحك : لعبت مع القطاوه بعدها رقصت و سمعت لها قصه و نامت

وليد ناظر ضحكه عوض و ابتسامته ابتسم له : لو عرفت ان الجيه هنا بتغيرك كان جبتك من زمان

نزل عوض راسه و رفعه : ليتني جيت من زمان هنا ليتني ما طلعت من الديره

ابتسم وليد : يلا عوض ماضيك و ماضيها بالحاضر

كمل وليد كلامه : انا بوديها سريرها و بروح الدوام تأمر على شي

عوض : صدق وش فيه ولدك طمنا

وليد : مافيه الا العافيه يحب يستعبط شوي

ضحك عوض و مشى وليد لشقتهم و هو شايل وتين سكر الباب و تسند عليه من تذكر الماضي الاليم اللي عاشه تنهد و دخل الغرفه اخذ ملابسه و دخل الحمام ( الله يكرمكم ) يتسبح

بدوا يصحون العايله شوي شوي و يتجهزون للشاليه كان ابو رنا جالس بالجلسات الخارجيه بروحه و يشرب شاي و يطقطق بجواله ناظرته غلا من بعيد و معها سيف : يلا غلا

ناظرته بخوف : خايفه سيف خايفه

↚

تأفف و سحبها من يدها و فتحت عيونها بصدمه مشى معها لعند عمه و نطق : عمي في موضوع ضروري لازم نتكلم فيه

ناظرهم و ناظر يدينهم: وش صاير

ترك يدها و ناظرته و رجعت انظارها لأبوها و بلعت ريقها بخوف : بقولك شي

فتح لها يده : تعالي قولي

تقدمت تجلس و جلس سيف و نطق ابو رنا : اي وش صاير شفيكم

غلا بدات دموعها تنزل : ما ابي هتان

ناظرها و عقد حواجبه : بس هتان

وقف سيف و قاطعه : هتان يعمي وراه ماضي ، ماضي محد يعرفه غيري انا و عوض

ابو رنا : ماضي

غلا ببكي : بابا

ابو رنا : ليش تبكين يا بابا ليش البكي ما تبينه خلاص نقول له ما نبيك ولا بكيك

غطت عيونها و هي تبكي : مو كذا بابا مو كذا

جلس سيف و بدا يهز رجوله : عمي ابيك تسمع الكلام اللي راح اقوله و ابيك تتفهم كل شي

ابو رنا : قول اسمعك قول وش صاير

بدا سيف يقول له كل شي و ناظر ابو رنا غلا اللي كانت تبكي بشهقات : والله معرف بابا والله و معرف كيف جاب الفيديو والله

التفت لسيف و عقد حواجبه و بعصبيه : كمل سيف كمل وش مسوي الكلب بعد كمل

كمل سيف اللي صار و نطق : بلغ عليه عمي

ناظرها ابو رنا : صدق الكلام ذا غلا جاوبيني

غلا ببكي : صدق بابا صدق

ابو رنا : و انت وش عرفك فيه و وش عرفك بالموضوع اللي صار

ناظرها سيف و رجع انظاره لعمه : عمي المختصر هتان اعرفه و عوض يعرفه تقدر تروح تسأل عوض عنه

و كيف عرفت بالموضوع

كمل كلامه بكذب : سمعتها تكلمه و قالت لي كل شي

غلا ببكي : بابا والله انا مو كذا والله هو كان يهددني اذا ما كلمته والله

تقدم ابو رنا يحضنها من على جنب كانت تتوقع منه يضربها يهاوشها او يسوي اي شي سيئ ناظر سيف : ليش ما قلت لي

ناظرها سيف كيف تبكي بصدر ابوها : قلت لها و اقولك ياها ملف هتان ماسحه و ماضيه ماسحه اخاف اقول و مافي اي دليل يثبت صحه كلامي و تحسب اني م... قاطعه ابو رنا : يا سيف يعني بروح اصدق الغريب بدل لا اصدقك

رفع اكتافه سيف : ذا اللي صار

بعدها عن حضنه و بدا يمسح دموعها : افا يا غلوي كل ذا صار ولا قلتي لي مو انا بابا حبيبك ليش

غلا ببكي : خفت

رجعها لحضنه : تخافين و انا عندك انتي اغلا عناقيد البنات اللي ما تخاف ولا تهاب شي وش صار .........

ناظرهم و ابتسم بخفه : الوكاد عمي ذا اللي صار

حط يده على صدره : و بنتك اختي و اعز والله ولا رضيت لها الاذيه كلمت خويي عبدالله يرفع بلاغ عليه هو محامي و يفهم بالامور ذي و انا من ناحيتي ما قصرت بعد هكرت جواله اللي فيه الصور بس الفيديو ما قدرنا

ناظره ابو رنا و ابتسم : ما تقصر

وقف سيف : ما سويت الا الواجب

تقدم يمشي يدخل داخل البيت و نطق ابو رنا : في احد يعرف بالموضوع ولا بس سيف

غلا : بس سيف

ابو رنا بعدها عن حضنه : يصير اقولك شي انتي اخر العنقود السكر المعقود و اخاف عليك

هزت راسها بالموافقه و كمل : يا بابا مو اي احد نعطيه الثقه خلي اللي صار لك درس بالحياه تستفيدين منه ما اقولك لا والله لا تثقين بالكل لا في اشخاص معينين ثقي فيهم شوفي مثلاً سيف عطيتيه الثقه و قلتي له كل شي صار و جاء و طلب منك تقولين لي ولا راح و نشر السالفه للكل انتبهي لنفسك و لا تسلمين ثقتك للكل طيب

هزت راسها بالموافقه و تقدمت تحضنه : يا حظي دامك ابوي

بعدت عنه : اوعدك غلطتي ما تتكرر

تقدم يقبل راسها : راح اكلم ابوه و اقول له ما اعطي بناتي لأغراب و عاد كيفه هتان يسوي اللي يبيه واثق فيك الحمدلله و انتي اعترفتي بغلطت و وعدتيني ما تتكرر و كذا ولا كذا سيف راح يبلغ عليه ف ماله عندنا شي

هزت راسها بالموافقه : ابي اروح اجهز مع البنات

وقفت و تقدمت تدخل اخذ الشاي و بدا يشرب نزله و تنهد بخوف على بناته مالهم سند رجال غيره بالدنيا ذي و الموضوع اللي صار خوفه زياده نزل راسه و تعوذ من الشيطان و همس : والله عجبتني يا سيف و الله انك كفو و ينشد فيك الظهر

صحت شوق و التفتت حوالينها ما لقت في احد سمعت صوت المويه بالحمام ( الله يكرمكم ) جلست و تمغطت و هي مبتسمه سمعت صوت فتح باب الحمام و وقفت مشت له و ناظرته يمسح البخار من على المنظره و حاط المنشفه على خصره و المنشفه الثانيه ورا رقبته التفت لها ناظر شعرها و وجهها اللي تو صاحي ابتسم : صحت الدنيا ، صبحك الله بالخير

ناظرته و كيف شكله كان مغري و ما تنكر ان جاب اجلها بشكله ذا و ابتسمت : صبحك الله بالنور

اخذ المنشفه و بدا ينشف شعره عضت شفتها و بداخلها : كل ذا من الصباح شوي شوي على قلبي

التفت لها و ناظرها سرحانه : اطلع تبين الحمام

استوعبت : لا لا وش تسوي

اخذ مكينه الحلاقه و بدا يشغلها : مو انتي قلتي لي طالع لك دقن كثير

رفع المكينه : و انا بخفف و بخلي لك الشنب مثل ما تحبين

حط يده على شنبه و بدا يمسح عليه و يناظر شكله بالمنظره و هي متكتفه و مبتسمه : يصير احلق لك

التفت لها : تحلقين لي

هزت راسها بالموافقه و هي مبتسمه : بجرب

ضحك عوض : فار تجارب

دخلت الحمام و مسكت يده و ميلت شفايفها: تكفى عوض بجرب

ابتسم : لا تقولين تكفى انتي تأمرين امر بس تم اخذي

اخذت المكينه و ناظر شكله بالمنظره و بدا يشرح لها : شوفي بس خففي و اذا وصلتي عند الزلوف قوليلي انا اكمل الباقي

وقفت وراه : يالله لف

لف لها و عطى ظهره المنظره : سلمتك امري

ضحك : لا تخاف ما راح اجيب فيك العيد كم رقم المكينه

عوض : واحد

ناظرته و ناظرت شنبه : و شنبك احسه طويل ولا

التفت للمنظره و غيرت الرقم بسرعه بدون لا يحس مسح على شنبه : لا زين

التفت لها و ابتسم بخبث : ولا تبيني اخففه علشان اذا جيت ابوسك ما يأذيك

ضربته على صدره و نست انه مو لابس ضحك بخفه و حاوط خصرها فتحت عيونها : بعد

قبل خدها و بعد عنها : يلا حلقي لي

اشرت له : برج خليفه نزل نفسك ما اقدر اوصل لك كذا و احلق عدل

نزل عوض نفسه و هو يضحك : يلا

شغلت المكينه : بسم الله

بدات تحلق له و هو كان يناظرها و يناظر عيونها و سرح فيها و لا انتبه انها كانت حاطه المكينه على الصفر كانت مركزه و هي تحلق له دقنه خلصت و بدات تمسح على وجهه و ناظرت شكله و ابتسمت و تقدمت تقبل خده : وهه طالع تجنن

عوض ابتسم و قلد طريقه كلامها : وههه خليني اشوف يلا

لف للمنظره و ناظر شكله و ضحكت : والله يجنن والله

ناظرها : وين راح الدقن

اشرت على الارض ناظر شعره و رفع انظاره لها : عاجبك شكلي كذا يعني

هزت راسها بالموافقه و هي تضحك : مرهههه طالع تجنن كأنك مكسيكي

تقدم يمسكها من خصرها و يسحبها له : مكسيكي قلتي لي

هزت راسها بالموافقه و هي مبتسمه : اصلا شكلك كذا احلا اوفف الحين البنات كلهم راح يناظرون لك اكثر من قبل غرت

ضحك و تقدم يحضنها : يا حبي لك

بعد و نطقت شوق بخجل : طيب روح البس

ناظر جسمه : ليش مو حلو كذا

ضربته بخفه على كتفه : لا مو حلو بعد عني و روح البس و تعال الصاله نتفاهم بموضوع امس اللي نسيته

بعد يدينه عنها و ضحك : طيب

تقدمت تطلع من الحمام ( الله يكرمكم) : باتمان انتظرك بالصاله لا تطول راح اسوي شوفان و قهوه

↚

ضحك : حاضر كات ( كات هي الشخصيه اللي تكون حبيبه باتمان بالفلم)

تقدمت تطلع من الغرفه و ناظر شكله بالمنظره و ابتسم : دام عاجبك راضي فيه

بدا يلعب بشعره : اي والله مكسيكي و مع عضلاتي و اسوي بعد تان يا لبيه ما راح تقاومني

طلع و بدا يلبس ثوبه و يحط من عطره و يمشط شعره طلع من الغرفه و ناظرها جالسه بالصاله ببجامتها و حاطه القهوه و الشوفان على الطاوله التفتت له : تعال

تقدم يجلس و ناظرت شكله و عضت شفتها ناظر شفتها اللي عاضتها و ابتسم : لهدرجه حلو

رفعت اكتافها و هي مبتسمه : يمكن

ضحك و اعطته كوب القهوه و التفتت عليه : يلا قولي

شرب من القهوه و نزلها : وش اقولك

اخذت صحن الشوفان و حطته بحضنها : عوض امس لما كلمتك بالموضوع سرحت و جرحت اصبعك قولي وش قصدهم كنت شديد ابي اعرف

نزل كوب القهوه على الطاوله و كملت : عوض ابي اعرفك اكثر

بلع ريقه و رجع راسه لورا و ناظرها: احبك شوق بس ما ابيك تهتمين للماضي

ناظرته : عوض كل لحظه بحياتك تهمني لو مهما كان الماضي متقبلته عادي كلنا عندنا ماضي و جالسين نعوضه بالحاضر

تعدل بجلسته : طيب خلك هنا شوي بجيب شي و اجيك

وقف يمشي : انتظرك

تقدم يدخل الغرفه و يفتح الكبت طلع اللي يحتاجه و طلع من الغرفه ناظرته يمشي لها و هي تاكل و نطق : جيت

نزلت الصحن على الطاوله جلس جنبها : راح افتح لك قلبي مع اني ما عمري فتحته لغير سيف

هزت راسها و هي مبتسمه : اسمعك

طلع صوره و مدها لها : تعرفين من ذا

اخذت الصوره و عقدت حواجبها من ناظرت الشخص اللي بالصوره كان وجهه شاحب و تحت عيونه هالات و نحيف مره لدرجه ان عضام وجهه كانت بارزه و شعره مبهدل هزت راسها بالنفي : من ذا

نزل راسه بضيق : عوضك

ناظرت الصوره و رجعت انظاره لها و اشرت عليه بصدمه : انت

هز راسه بالموافقه : الشي اللي راح اقوله لك شوق محد يعرف عنه غير ابوي و وليد و سيف و ابيك تعرفينه شوق ابيك تعرفين عوضك وش كان و وش صار

ابتسمت بخفه : اسمعك

حط راسه على كتفها : ما اقدر اناظرك و انا اقولك الشي ذا بس تأكدي ان الشي اللي صار قبل من الماضي و مستحيل ارجع له

مسك يده و هي مبتسمه : واثقه فيك قولي يلا

عوض بدا يلعب بأصابعها : كنت بأول سنه لي بالجامعه و كنت طايش شوي كنت ادخن و من الامور ذي امور عاديه يعني ، وقتها تعرفت انا و سيف على شخص اسمه هتان و هتان ذا كان عنده شله تعرفنا على بعض و عجبني جوهم كلهم يدخنون و سيف كان معنا بس مو دايم ما كانت تعجبه الامور ذي ولا يحب التدخين المهم ان كنا بالحمام ندخن عطاني واحد منهم زقاره و قالي جربها تعيش فوق الغيم بعدها اخذتها و شغلتها و بديت ادخنها و عجبتني كان طعمها مثل الحلاو اللي ياكله الطفل الصغير و ادمنت على الزقاره ذي صار ما يعدي يومي بدونها

كانت تسمعه و تمسح على يدينه و كمل كلامه : مره عطوني بودره كنت جاهل ذي وش و وش تسوي قالي اخذها شمها بعدها تعيش سعيد كنت جاهل ان البودره ذي ممكن تكون

سمعت كلامه بصدمه و فهمت وش قصده و قاطعته: مخدرات .......

هز راسه بالموافقه : بدوا شوي شوي يسحبوني لهم كانوا اصدقاء سوء و بديت اتعاطى تعاطيت كل شي و جربت كل شي كانت امي جاهله سبب تصرفي اللي صار عدواني و كان يجيني خفقان كنت انام كثير انسى كثير كانت امي تقول لي جيب الاغراض من البقاله اقول لها ان شاء الله بعدها انسى و اهملت نفسي و دروسي

كان الكلام لها مثل الصدمه ما توقعت ولا واحد بالميه الشي ذا تنهدت و تذكرت وعدها له و ان بالاخير ذا شي من الماضي : و سيف

عوض : سيف تركته الفتره ذيك و كنت بعيد عنه و عن عبدالله و عمر كان كل وقتي معهم

كمل كلامه : بديت شرب بعد

فتحت عيونها بصدمه : شرب

هز راسه بالموافقه : شربت و تعاطيت ابر و حبوب و دخنت حشيش

قاطعته : و خالي ما حس محد حس

عوض تذكر الموقف اللي صار و اخر مره تعاطى و شرب فيها و بدا يقول لها ، فلاش باك لقبل خمس سنوات دخل عوض بيت احد العيال اللي بشله هتان اتصل على سيف : يا سيف وينك تعال والله فالينها فل

سيف اللي كان يسوق : بودي اختي بعدين عوض و بعدين ورانا اختبارات تعال ندرس

عوض و بيده الكاس و يشرب : يا رجال بعدين لاحقين على الاختبارات يلا تعال لا تطوفك الاجواء

سيف : لا بجلس ادرس مالي خلق

تأفف عوض : كيفك

سكر جواله و نطق هتان : جبت البودر

احد الاشخاص طلع من جيبه اكياس صغيره : جبتها

رماها على عوض و اخذها عوض حطها داخل جيبه و هو مبتسم: ذي لزوم السهره

بدوا يشربون و يتعاطون بعد مده توجهه عوض للبيت كان بيتهم بنفس الحي اللي فيه بيت الرجال اللي راح له كان يسوق و هو مو بوعيه و قدر انه يوصل البيت بسلام دخل البيت و كانوا البنات خواته بالمطبخ يجهزون لسهرتهم معهم ريم يغنون :

شفتك و ضاع الكلام ضيعت حتى الغزل

اعذرني والله جمالك ما خلى فيني عقل

صرخ عوض : العنود

التفتت العنود للبنات : بروح اشوفه و اجي حركيه لا يحترق

طلعت من المطبخ و توجه له و شافته كيف مرهق: هلا عوض فيك شي تعبان

رفع يده عوض و ضربها طراق على خدها بكل قوته صدى صوت ضربته بكل البيت حطت العنود يدها على خدها و بصدمه سمعوا الصوت البنات و جت ام وليد : شفيكم

ضحك عوض ضحكه غريبه و التفتت ام وليد للعنود : شفيك

العنود بصدمه : ضربني

عوض : اضربك و اكسر راسك بعد اذا مو عاجبك

ام وليد : عوض وش سوت لك

عوض : كذا

تقدمت العنود تصعد الدرج لغرفتها و هي مصدومه اخوها القريب منها فجأه تغير و انقلب حاله نطقت ام وليد بتهديد : والله لقول لأبوك والله يا عوض وش سوت لك البنت

عوض : كيفي

مشت لهم جوري : صدق عوض وش سوت لك

آشر عليها : اسكتي لا يجيك الدور

فتحت عيونها بصدمه و نطقت ام وليد : جاي ابوك الحين هو يعرف يتفاهم معك

ضحك و مشى يصعد الدرج : اي ما تخوفيني لا انتي ولا هو

ناظروه البنات و امه بصدمه لجين : ماما ذا عوض

ريم : بسم الله وش صاير

ام وليد : كملوا شغلكم بس يجي خالد هو يعرف له

دخل عوض الغرفه و حط البودره على الطاوله و بدا يتعاطى جاء ابو وليد البيت و كان يتقهوى مع البنات و عياله و نطق: الا العنود وين

لجين : فوق بغرفتها

ابو وليد : خلوها تجي

اخذت جوالها لجين و ارسلت للعنود و نطق وليد : و الصايع وينه

تنهدت ام وليد و التفت لها ابو وليد: صاير شي

نزلت العنود : هلا بابا

ابو وليد: تعالي تقهوى معنا

قربت و ناظر خدها : وش فيه خدك

ناظرت امها و البنات و رجعت انظارها على ابوها : ولا شي

جوري : كذابه بابا عوض جاء و ضربها طراق

جلست العنود و التفت لها ابو وليد بصدمه : طراق

العنود : والله ما سويت شي جاء و ناداني و فجأه عطاني طراق

وليد نزل فنجال القهوه : حتى لو مسويه يستهبل ذا على اي اساس يسوي كذا

وقف ابو وليد : وينه

ام وليد : فوق بغرفته

التفت ابو وليد لوليد : امش معي

وقف وليد و توجهوا لغرفه عوض و نطق وليد : يبه مو متأكد بس وضعه الفتره الاخيره مشكوك فيه

↚

ابو وليد : ضربها بدون سبب و تصرفاته متغيره و تقول لي مو متأكد

فتح ابو وليد باب الغرفه و ناظره بصدمه كان يتعاطى دخل عليه مع وليد و سكر الباب بقوه تقدم له و مسكه من ثوبه بقوه و صرخ : وش تسوي

ترك يده و ضربه طراق على خده : ذي علشان العنود اللي ضربتها بدون سبب

ضربه مره ثانيه : و ذي علشان العفن اللي تتعاطاه

رفع اصبعه بتهديد : والله يا عوض والله لا اربيك من جديد والله

ضحك عوض و تقدم ابو وليد كان راح يضربه بالعقال بس مسكه وليد : لا يبه مو كذا

ناظر ابو وليد عوض : من الليله مالك لا طلعه من البيت تجلس بالبيت و انا بنفسي راح اعالجك من الزفت ذا و بكرا رايحين نحلل نسبه الزفت اللي بجسمك و غرفتك ذي مالك قعده فيها سامعني

التفت لوليد : قول لسلطان يأخذ اغراضه المهمه من غرفته

طلع وليد من الغرفه و ناظر حال ولده دعى له بالهدايه : ليش كذا وش الشعور الحلو اللي عطتك ياه

ناظره عوض بعيون تعبانه : شعور محد يفهمه

تعوذ من الشيطان ابو وليد : من ذولي

انسدح عوض على السرير : مالك دخل

صرخ ابو وليد : احترم نفسك ولا والله ذبحتك

ضحك عوض و دخل وليد : قلت له

ابو وليد : من ذولي خلصني

وليد : عوض صدق من ذولي اللي علموك على التعاطي

عوض : مالكم دخل

وليد بعصبيه : تستهبل انت وش اللي مالكم دخل انا اعرف كيف امسكهم

ابو وليد : قوم خلصني

تعدل عوض بجلسته وقف بعدم اعتدال نطق ابو وليد: امسكه لا يطيح

مسك وليد عوض من يده و طلعوا من غرفته توجهوا لغرفه سلطان دخلوا الغرفه و نطق ابو وليد : شوف اذا معه شي ولا لا و سكر عليه باب الغرفه من برا

طلع ابو وليد و بدا وليد يفتشه و يعاتبه : ليش يا عوض ليش كذا وش الشعور الحلو اللي عطتك ياه

اخذ اللي بجيبه وليد : مو حرام ترمى نفسك بالتهلكة

وش راح يصير في امي اذا عرفت انك تتعاطى قولي خواتي وش راح تكون نظرتهم لك خالد ولدي اللي ماخذك قدوه وش شعوره و هو يشوف عمه يتعاطى

ناظر سكوته وليد وكمل : سيف معك

مارد عليه عوض و نطق وليد مره ثانيه : اسألك عوض سيف معك ولا لا جاوبني

انسدح و غمض عيونه : لا

تنهد وليد و تقدم يطلع يسكر الباب عليه و توجهه لأبوه اللي كان بالمجلس و نطق وليد: اخذت اللي عنده

تنهد ابو وليد بقل حيله : اسأل سيف عنهم اكيد يعرفهم و تأكد بعد منه اذا تعاطى ولا لا

جلس وليد : قالي عوض ان سيف مو معهم

نزل راسه ابو وليد : اخخخ

وليد : يا يبه استهدي بالله

ابو وليد : شفته بعيني يا وليد يتعاطى مو ذا عوض القديم

وليد : يبه صدقني فتره و يرجع عوض القديم و ذولي اللي سحبوه للتعاطي عندي حسابي معهم

ابو وليد : بس اخوك تعاطى معهم بعد

وليد : عارف يا يبه ولا يهمك ناخذه بكرا و نحلل له و عندي صديقي دكتور يقدر يغطي علينا الموضوع و اذا ما نفع معه و رجع للتعاطي ساعتها يبه ما نقدر نسوي شي غير نسلمه

تنهد ابو وليد و وقف : امك و خوات لا يعرفون بالموضوع وليد

وليد : ان شاء الله

اليوم اللي بعده راح عوض يحلل مع ابوه و وليد و طلعت نسبه المخدرات عاليه عنده و قال وليد لأمه و خواته ان عوض تعبان و نفسيته تعبانه الفتره ذي و عرف وليد عن هتان و شلته و مسكهم و هم يتعاطون و انصدم سيف من عوض و طلب وليد من سيف انه يساعده بعد و يساعد عوض يتشافى من التعاطي و وافق على طول سيف عوض اخ و مستحيل يتركه بفتره مثل ذي

نرجع للواقع كان يكلمها و منزل راسه و كانت تسمع الكلام بصدمه و كمل : و بدا ابوي يساعدني بالتشافي بالاول ما عجبني الوضع كنت ابي النشوه اللي كنت احس فيها كنت اشتاق لها

ناظرت يده اللي بيدها : كيف ساعدك

بدا يقول لها اللي صار نرجع مره ثانيه للماضي بعد التحليل دخل ابو وليد لغرفه سلطان اللي صار ينام فيها عوض : قوم خلصني

جلس عوض و رمى عليه ابو وليد لبس و الشوز: البس و انا تحت بالحوش انتظرك

طلع و ناظر اللبس عوض تأفف : كنت مبسوط معهم لازم تخربون سعادتي يعني .........

وقف عوض و بدا يلبس لبس شورت رمادي مع تيشيرت كحلي لبس الشوز و طلع من الغرفه ناظرته العنود اللي كانت تبي تدخل غرفتها مو ذا عوض القديم عوض اللي تعرفه العنود عوض اللي كان قريب منها صدت و دخلت غرفتها و ما عطاها اي اهتمام نزل للحوش و ناظر ابوه كان لابس بدله رياضيه و معهم سيف تقدم سيف يحضن عوض و يربت على ظهره بعده عوض عنه ما استغرب سيف تصرف عوض و تقبله و نطق ابو وليد : يلا حمي

عوض : احمي وش

ابو وليد بدا يسوي الحركات : قلدني و خلص

بدا عوض يقلده بالاحماء و سيف معهم خلصوا الاحماء و نطق ابو وليد و هو يصفق : يلا اركض

ضحك عوض : وش اللي اركض

سحبه ابو وليد على جنب و اشر لسيف يجي جاء سيف و نطق ابو وليد : تبي تتشافى ولا لا

عوض : لا

سيف : عوض تستهبل وش اللي لا

ابو وليد : راح تتشافى غصبن عنك ولا والله مالك مكان عندي بالبيت مكانك انت خابره وين سامعني

سيف : عوض يعني تبي تكون معهم عاجبك حالك حتى الجامعه ماتدوام

ابو وليد : راح توقف الفصل ذا و بس الزفت يروح من جسمك ترجع لها من جديد للجامعه يلا اركض

عوض تنهد : طيب

بدا عوض يركض و كان سيف يركض معه يشجعه و ابو وليد يحسب لهم و بعدها بدوا يتمرنون و سيف كان جالس ياكل التفت له ابو وليد : جبتك عون صرت فرعون و تاكل

سيف و هو ياكل : عمي جوعان و حرقت كثير ، بعدين مطلعنا بالحوش بعز الشموس نتمرن

ناظره عوض : خلنا نكمل يبه

ابتسم ابو وليد : يلا

بدا يعوض يتمرن مع ابوه و حس بطاقه الطاقه اللي كان ياخذها من المخدرات لقاها بالرياضه و بدا كل صباح ابو وليد يصحي عوض علشان يتمرن و كان يشرف عليه و ساعات وليد و صار يتمرن بروحه و بدات تقل نسبه المخدرات بجسمه شوي شوي و حس بغلطته و كيف قدر يسوي كذا كيف و حس بتأنيب الضمير و ندم ندم عمره على الشي اللي سواه و بدا يتقرب من الله يحاول يصلح غلطته و من يوم ما عرف غلطته ما عاد عوض القديم عوض اللي قبل المخدرات اللي كان يضحك و يمزح و فلاوي و بعد التشافي و المخدرات صار كل وقته بغرفته يدرس و يتمرن و لا يتواصل مع اي احد و نادر ما يتكلم مع اهله و لا صاروا يشوفونه و يشوفون ضحكته طول وقته كان عاقد حواجبه و سيف و عمر و عبدالله كانوا الاشخاص الوحيدين اللي يتواصل معهم حتى تواصله معهم كان قليل حتى بتخرج العنود و سلطان مشاعره كانت بادره و لا شافوا ضحكته و فرحته كانت العنود تبي تشوف ضحكته من جديد تبي تشوف عوض القديم لكن كل اللي كانت تشوفه شخص صلب شديد مافي شي قادر يهزمه و كره الدنيا كلها ولا صار يثق بأي احد

سمعت كلامه كله ولا طوفت ولا حرف ما توقعت ان يكون كذا ولا واحد بالميه كمل كلامه : جيت هنا و شفتك و غيرتي حالي و حياتي صرت شخص ثاني و تأكدي اني مستحيل ارجع للطريق ذاك

شوق : عوض

بعد راسه عن كتفها و ناظرها صاده : شوق ماضي والله و تغيرت اصلا حتى شفتي الصور و ال... ما كمل كلامه و حضنته بقوه و هي مبتسمه : فخوره فيك عوض و واثقه انك مستحيل ترجع لهذاك الطريق

بعدت عنه و هي مبتسمه و بدات تمسح على وجهه: كلنا عندنا ماضي عوض و كلنا قاعدين نعوضه بالحاضر جيتني عوض عن الماضي و جيتك شوق للحياه

ابتسم و كملت : مره مبسوطه انك فتحت لي قلبك و صدقني كلامك اللي قلته راح يبقى سر احفظه بقلبي و ما راح اطلعه لأي احد

تقدم يحضنها بقوه بطريقه حست شوق ان روحها صارت بروحه و نطق : مكسبي بالدنيا ذي كلها اني اخترت انسانه حنونه تفهمني

بادلته الحضن و هي مبتسمه : و مكسبي بالدنيا ذي اني اخترت انسان ما يتعوض و نعمه ما تتعوض والله

عوض و هو حاضنها : قلت لك اللي صار علشاني ابيك ، ابيك بكل وقت بحياتي ابي حتى بالماضي تكونين موجوده و تعرفين وش صار بدونك

بعدها عن حضنه و التفتت لجوالها اللي يتصل و ضحكت بخفه : ماما

ردت على الجوال و هي مبتسمه : هلا ماما

وصلها صوت عبير : شوقي صاحين

ناظرت عوض : اي

↚

تقدم يقبل خدها و فتحت عيونها بصدمه و ضربته بخفه على كتفه و نطقت عبير : تعالوا تحت علشان شوي و نمشي

شوق : اي مام.... ما كملت كلامها وقبل شفتها بخفه و بعد حطت يدها على فمها بعدت الجوال صرخت : عوض

عوض بهيام : قلبي

بدات تضربه على صدره و صدت حطت الجوال على اذنها: ماما الحين ننزل

ضحكت عبير : طيب

سكرت الجوال و وقفت : خلص قوم ينتظرونا تحت

ضحك : ان شاء الله

اخذت المخده و رمتها عليه مسكها و ضحك : بنت اعقلي

مدت لسانها له : اننن كيفي اعقل انت بالاول بعدين انا اعقل

ضحك و تقدمت تدخل الغرفه تتجهز رجع راسه لورا وتنهد : كنت شايل هم زعلك اذا عرفتي الماضي ما توقعتك تفهميني يا شوقي وش سويتي فيني و قلبتي حالي وين كنت و وين صرت

اخذ جواله و دخل تويتر و نشر تغريده :

ياللي خذيـت القلب مني ومافـيـه

‏إرفـق بقلبي يا بعـد كل مــن لـــه

‏جيتك وأنا شوقي يسابق خطاويه

‏شوق الخليل اللي فقد شوف خله

صرخت شوق : عوض اترك تغريداتك و تعال نزل الشنط

ضحك : اخخ يا حبي لك

وقف و دخل الغرفه و ناظرها لابسه تنوره زرقاء طويله مع تيشيرت ابيض نص كم و كعب ناظرها و ابتسم : الله الله شوقي وش ذي الكشخه

ابتسمت و تقدمت تجلس على كرسي التسريحه : يلا نزل الشنط احط ميك اب بسرعه و انزل وراك

اخذ الشنط : حمالي صرت

شوق و هي تحط البلشر : مو حمالي زوجتك و طلبت منك تشيل شنطتها ترفض

سحب الشنطه : افا و من متى انا ارفض اشيل عنك الشنطه دايم اشيل شنطتك ، منتظرك تحت لا تتأخرين

ناظرته : ان شاء الله

نزل عوض و نزل الاغراض معه و ناظر الاغراض و الشنط حاطينهم بالمجلس الصغير حط اغراضها و توجهه لهم بالمجلس ناظره عبدالرحمن و بدا يضحك و ضحك معه سيف : اههه وين الدقن

حط يده مكان دقنه و ابتسم بخفه : راح الله يسامح اللي كان السبب

ضحكوا عبدالرحمن و سيف و جلس عوض : خل عنك الضحك وينك امس طافتك الذبيحه

العنود نزلت جوالها : صدق الحين ذبحتنا تبي ذبيحه اخر شي ما اكلت منها

حك شعره و ناظر غلا نظره سريعه : تعبان شوي

ضحكت عبير : مو عادتك يلا تاكلها بالجايات

نطق ابو رنا : يبه تذكر اللي خطب بنيتي

هز الجد راسه و هو يشرب الشاي : وش فيه

ناظر ابو رنا عوض و رجع انظاره لسيف : عرفت انه عليه حركات

وليد : ملفه ابيض عاد

ناظر ابو رنا عوض: كنت تعرف عنه

عوض : لا منو

سيف رفع حواجبه : هتان اللي خابرينه

عوض بصدمه: هتان ما غيره

ابو رنا : ليش ما قلتوا لي

رفع عوض اكتافه : والله معرف توني ادري انه هتان اللي خابرينه

وليد : لحظه ذا كيف ماسح كل شي و كيف ما انتبهت

ابو وليد : بالفلوس و الواسطه يطلع ملف جديد بأسمه و يمحي القديم

الجد : دام كذا لا حنا نبيه ولا هو يبينا بعده عننا محمد

فهد : وش قصته ذا بعد

تنهد عوض و نطق سيف : قليل اصل بينا و بينه عداوه

عبدالرحمن ناظر غلا : يجيك الاحسن منه ولا تزعلين بعدين شوفي اسمه هتان يع يعني مطر يبللك و يوصخك اخذي لك واحد اسمه شديد و هيبه

ضحكت غلا : مو زعلانه

ناظروها ليان و لجين اللي كانوا جالسين جنب بعض و نطقت ليان : تضحك ولا تبيه مو كانت تقول ابيه

لجين : مشكوك بوضعها ناظري سيف

ناظرت ليان سيف اللي تغير حاله و رجع السيف الضحوك القديم : رجع لوضعه

لجين : جاهزه نحطهم بشباك الحب

ليان ابتسمت : جاهزه

دخل سلطان و هو مبتسم : سلام عليكم

ردوا عليه السلام و جلس و نطقت ام وليد : خلصت التجهيزات

سلطان : اي توني جاي خلصوا العمال

ام وليد : يعطيك العافيه

ناظرها كيف تبتسم و تهمس للجين نزل راسه و ابتسم بخفه نطق الجد : الله يتمم لكم على خير

دخل مشاري مع لولوه و رزان و توجهت للولوه لجود : جودي لبست الفستان اللي شريتي لي

شالتها جود و جلستها جنبها : يجنن عليك

الجد : اي و مشاري متى مقرر ملكتك و الزواج

ناظرها مشاري و ناظرت عيونه التعبانه و التفت للجد : ان شاء الله بس نرجع من الشاليه ...........

قاطعته جود : نملك و نعرس بنفس الوقت هنا بالبيت

ام مشاري : ليش يا بنتي حقك نسوي لكم عرس كبير

و نفرح فيكم

هزت راسها بالنفي : كذا احسن لي و له و للبنات و البنات يحتاجوني ما اقدر اطول

الجد : اذا ذا اللي تبينه محد يقدر يعترض ولا

مشاري : لا اللي تبي فيه يصير و كلامها معه حق يا جدي

العنود : الصراحه اذا بالبيت ننبسط اكثر كذا ملموم يكون

عبدالرحمن : اي صح معك حق

ضحك عوض : قاط معهم

عبدالرحمن: مالك دخل سندريلا متى تنزل

عوض اخذ الشاي يشرب و حط رجل على رجل : كيفها

همست له عبير اللي كانت جالسه جنبه : قالت لك عن امس

هز راسه و هو مبتسم و بنفس الهمس : قالتلي الحمدلله

دخلت وتين كانت لابسه فستان و حاطه قبعه البحر و حضنت عوض : عمو

اخذها عوض و جلسها بحضنه و ناظرت ريم : ماما تعرفين امس مره انبسطت مع شوشو و دودي لعبنا مع القطاوه و رقصنا و قالت لنا شوشو قصه سنوايت

ضحك سيف : اهم شي سنوايت

ضحك عوض و قبل راسها همست له عبير : يا حظ عيالكم

ابتسم لها : يا حظهم دام انتي راح تكونين جدتهم

وتين ناظرت عوض : راح ناخذ القطاوه معنا

هز عوض راسه : اي

نزلت من حضنه : بابا يقول في مسبح تعلمني كيف اتسبح

عوض : اكيد اعلمك

دخلت شوق و هي لابسه عبايتها و حاطه طرحتها على كتفها ناظرتهم كلهم لابسين و جاهزين اشر عليها عبدالرحمن: اخيراً شرفت سندريلا

ابو وليد ناظر شوق ابتسم : كيفها زوجه ولدي

حركت اكتافها بغرور : كيفي شفت ، بعدين ما طولت استعجلت حتى ما حطيت مناكير شوف اظافري

رفعت له يدها و تأففت لمار ناظروها البنات و طنشتها شوق ناظرها عوض و ابتسم و رجع انظاره لعبدالرحمن: محد طلب منك تنتظرها

وقف عبدالرحمن: اخرتنا يلا خالد عطنا التقسيمة

وقفوا و مشت و قفت جنبه وقف ابو وليد و فتح جواله على الملاحضات ضحكوا و نطق فهد : لا عمي شكله مجهز التقسيمه من زمان

ضحكوا و لبس ابو وليد نظاراته : يلا التقسيمه

بدا يقول التقسيمه : انا معي ابوي و خواتي و زوجتي

، وليد و عياله ، عبدالرحمن معه فهد و سلطان و خالد ، عوض معه زوجته و خواته

همس لها : يعني ما يصير نكون بروحنا شوي

قرصته و همست : ما يصير و بعدين ننبسط اكثر مع خواتك

تأفف و كمل ابو وليد : مشاري مع بناته

قاطعه مشاري : تعبان يا عمي ما اقدر اسوق راسي مصدع

ابو وليد : خلاص انت و بناتك مع العيال

ناظرته ام مشاري و كيف تعبان و لا عارفه سبب تعبه كمل ابو وليد : و اخواني معهم الاغراض و سيف معه باقي البنات ها وش قلتوا

ابو مشاري : ما بعد رايك راي يالعضيد

ابو رنا : يلا خلونا نتيسر

بدوا يحطون الاغراض في سياره ابو مشاري و ابو رنا كانت واقفه بالحوش مع جوري تسولف و ماسكه بوكس القطاوه كان بيدخل يشيل باقي الاغراض تقدم لها و مسك يدها و التفت لجوري : انا بالسياره اذا خلصوا البنات تعالوا

سحبها و مشت معه : عوض

وقف عند سيارته و فتح لها الباب : اركبي

ركبت السياره ناظرهم ابو وليد اللي كان يحط الاغراض بالسياره و ابتسم و همس : عساكم فرحانين دايم و تكونون عوض لبعض

كان يناظر عوض و كيف تغير و الابتسامه صارت ما تفارق وجهه سكر عوض بابها و فتح بابه ركب اخذ البوكس من حضنها و حطه ورا : يدك

شوق : يدي

عوض و هو مبتسم : مو قلتي انك استعجلتي ولا امداك تحطين مناكير

هزت راسها و هي مبتسمه كيف تذكر كلمه عابره قالتها : عطيني يدك و عطيني المناكير

ضحكت : ليش ، لا تقول بتحط لي

هز راسه و هو مبتسم : انتي حلقتي لي دقني و انا بحط لك مناكير

شوق : طيب بس لا تعفس الدنيا

عوض : لا لا ولا يهمك

فتحت شنطتها و طلعت المناكير و عطته ناظر اللون: المره ذي وردي مو احمر غريبه

شوق : اي ذا حلو يطلع مع لبسي و بعد مع فستان الملكه

اخذ يدها و قبلها : كل شي حلو عليك

شوق : عوض ترا يشوفونا اضبط نفسك

ضحك : ان شاء الله بس وش اسوي من اول ما شفتك وانتي قلبتي حالي

ابتسمت : مالي ذنب

فتح المناكير : ذنبك الوحيد انك قلبتي حالي بجمالك

ابتسمت و كمل : يلا بسم الله

شوق : لحظه لحظه

ناظرها و يدها بيده و نطقت : شوي شوي حط

ضحك : طيب امسكي بالاول

اخذت فرشه المناكير مسكتها و مسكت العلبه و فتح عوض الدرج اللي بالنص طلع نظارته و لبسها ابتسمت و عضت شفتها من ناظرت شكله بالنظارات و سرحت فيه كان يكلمها و هي مبتسمه تناظره : يلا عطيني

ماردت عليه ضحك بخفه و نزل راسه من لمح نظراتها له تسند على يده : بنقضيها نظرات شكلنا يلا عطيني يدك و المناكير قبل لا يجون الارانب

ضحكت و مدت له المناكير : ارانب

اخذ المناكير و ضحك : ابوي يسميهم الارانب

اخذ يدها و بدا يحط لها و نطقت : لا تطلع برا عوض و شوي شوي

بدا يحط لها و هو مركز : وش الاظافر ذي كأنها اظافر القطاوه

ضحكت : عوض ، لا تحسب ان انهم قليلات ترا القرصه فيهم اقوى من العضه

ضحك : طيب خلاص راح اسكت اخاف تجيني عضه ولا قرصه منك الحين

اخذت جوالها و بدات تصوره و هو يحط لها و هي مبتسمه حط لها يدها اليسار و خلص و بعد : وش رايك

بعدت يدها و بدات تشوفها ناظرته : مو قليل والله يجي منك يلا كمل يدي الثانيه

نزلت جوالها و عطته يدها اليمين و بدات تنفخ على يدها اليسار : تعرف وش احس فيه و انت تحط لي المناكير

عوض و هو مركز يحط لها : وش

ابتسمت : احس اني اميره من اميرات دزني

اخذ يدها و قبلها : وانتي اميره قلبي ، كيف ضابط ولا

ناظرت يدينها و ابتسمت : ضابط تسلم يدك

سكر المناكير : الله يسلمك بس عاد لا تنشرين الغسيل و تقولين اني حطيت لك او تنشرين الفيديو اللي صورتي اخاف يشوفونها ابوي و جدي و يصدقون صدق اني خروف يووههه عاد اذا شافها عبدالرحمن ما نسكت من لسانه خليه بيني و بينك

ضحك و ناظر ضحكتها و عض شفته و نطقت : ليش خايف يعرفون

عوض : اقولك شي بيني و بينك

هزت راسها بالموافقه و كمل : ابوي و العيال شافوا طبعه الروج اللي بيدي

ضحكت شوق : اههه يا مسكين راحت هيبتك

عوض قرب وجهه منها و بدا يغني و هو مبتسم :

حاربيني خسريني حسسيني بأنهزامي

الخساره منك فرحه مغترب عاد لمربه

ضحكت تنهد و كمل : راضي تروح معك بس عاد مو قدامهم يعني شوي كذا ارفقي بحالي

ميلت شفايفها: مالي دخل

عوض : كل الحلا و الزين ذا و تقولين

قلد طريقه كلامها و كمل : مالي دخل

ضحكت بقوه من طريقه تقليده بعد و رجع راسه لورا : شكلي بقلدك دايم علشان اسمع ضحكتك ذي

تعدل من شاف خواته مقبلات و التفت لها و تحمحم : احمم

ضحكت : ما عليك ارجعلك ياها انت بس اضبط نفسك قدامهم و ترجع

عوض : بحاول مو علشان شي بس علشان خالد لا يخليني انام بالسطح

ضحكت و دخلوا البنات نطق العنود : خربنا عليكم

التفتت لها شوق : لا اي خراب تعالوا يلا

اخذت شوق بوكس القطاوه : بحطه عند توته و اجيك قبل لا يمشون

فتحت باب السياره وطلعت و ابتسمت العنود : اي كيفكم بعد الانتصار

التفت لهم عوض : مبسوطين

لجين : لا واضح

غمزت له و كلمت : من الهديه

حطت راسها جوري على كتف لجين و قلدت طريقه نطق شوق : عساني ما اخلى من وجودك عوضي

ضحكوا البنات و نطقت العنود : نسيتي القلب الاحمر

كملوا يضحكون عقد حواجبه : وش تخربطون

جوري فتحت جوالها : عندك سناب شوشو

عوض : اي

ضحكت لجين : ماشفت وش منزله

اخذ جواله و فتح سناب : مو منزله

اعطته جوري جوالها و ناظر الصوره اللي كانت مصورتها له و معه الاكياس و ناظر الكلام ابتسم ابتسامه عريضه و ضحكت العنود : شكلها مسويه لك تخصيص

عطى عوض جوري جوالها و كان مبتسم : شكلها ، تجي و اتفاهم معها بس بسألكم بيني و بينكم ........