رواية غجرية الشعر احتلت قلب الصقر الفصل الاول 1 بقلم مجهول
رواية غجرية الشعر احتلت قلب الصقر pdf الفصل الاول 1 هى رواية من اجمل الروايات الرومانسية السعودية رواية غجرية الشعر احتلت قلب الصقر pdf الفصل الاول 1 صدر لاول مرة على موقع التواصل الاجتماعى فيسبوك رواية غجرية الشعر احتلت قلب الصقر الفصل الاول 1 حقق تفاعل كبير على الفيسبوك لذلك سنعرض لكم رواية رواية غجرية الشعر احتلت قلب الصقر الفصل الاول 1
رواية غجرية الشعر احتلت قلب الصقر الفصل الاول 1 بقلم مجهول
في الرياض جالسين في صالة المعيشه يأتي اتصال لـ بتال يشوفه المُتصل ابوه " جسار " تبسم يناظر طلا : اكيد يبي يتأكد اننا حـ نروح الديره
طلا : والله لهم وحشه اكيد حـ نجي
يجاوب على الاتصال : سلام عليكم يُبه
جسار : وعليكم السلام جايين في هالاجازه صح ما تسون مثل الاجازه اللي راحت !!
بتال : لا معليك يُبه حـ نجي
تقترب طلا لـ جانب بتال : أفتح السبيكر
فتح السبيكر غمز لها بـ تسائل : شتبي؟
طلا : ياعم ترى كِنا ناوين نجي في الاجازه اللي راحت لكن صقر ما رضي الله يهداه ما غير يقعد في طريقنا لما نُذكر اسم الديره
جسار : يازينها الديره شبلاه هالولد تعالوا والله ما استحي على الشنب اللي بـ وجهه حـ اطقه بـ الخيزرانه
ضحكت طلا : ياعم غروره يختفي قدامك كنه مو صقر
ابتسم جسار : اسحب كلامي ما اقدر اطقه هذا أحب حفيد لي
بتال : ترى انا ولِدك مب صقر !
جسار : طيب ياولدي انا احبه من محبتي لك لو مب ابنك ما كان نظرت له
بـ غيره : وانا ياعم!
ضحك بتال : يُبه تسوي تغار وهيا دلوعة أهلها
جسار : يلا ياولدي ما أطول عليكم بروح لـ الصاله
ابتسم بتال : قبل تُحس منيفه بـ غيابك
جسار : قفل قفل الاتصال
بـ نبرة تهديد : بس يا بتال لو ما اشوفكم بكرا عند باب بيتي صدقوني حـ تلقوني عند بابكم
بتال : إذا كذا التهديدات انا ابيها حياك يُبه البيت بيتك
بـ حِده : بتال!
بتال : معليك يُبه ان شاء الله ما تجي الساعه تسعه الصباح الا وحنا عندكم
ابتسم جسار : كويس الله يوصلكم بالسلامه
بتال : الله يسلمك يُبه
قفل بتال الاتصال تجلس رجل على رجل : لو سمعكم صقر ما حـ تشوفون بسمته ابد في هالموضوع
بتال : والله يرضى بالواقع ابوي شويا ويدخل يطقني وانا ما لي سِبه في هالموضوع يكفي الاسبوع اللي فات
تنهدت بـ مللّ تسند ظهرها : والله انا طفشت من هالموضوع وعمي هو يبي صقر يعني لازم يجي ما يصير نتركه
ضحك بتال :والله لو دخلنا بدون صقر يمكن ما يرحب فينا
طلا : اي بالله الله لنا
كانوا واقفين يرعون الغنم سرحانه بـ شخص أمامها: رهيفه تكفين شوفي اللي قدامي
تناظر بعدم اهتمام لـ معرفة من الشخص : ياربي ما طفشتِ تراقبينه روحي اعترفي له طفشتيني ترى في يوم حـ ابيعك واناديه عيونك حـ تنحول وانتِ باقي تراقبينه !
وصايف : طيب حلو شسوي شايفه كيف طويل طوله ذوبني في مكاني شسوي طحت ومحد سمى عليا من زمان !
مشيت ترعى الغنم : من يوم ما ولدتي وانتِ طايحه ياقلبي متى نلحق نسمي عليك
تتبع أُختها : مستوعبه اني طحت من يوم اتولدت وللحين ما اشوف غيره
رهيفه : لو امي تسمعك والله تذبحك وما تخليكِ تتعدين الباب
بـ تذمر لـ حالتها اللي ما تقدر تصارحه بـ مشاعرها إتجاهه بسبب امها : ياربي انا ليه اتولدت في هالعيله متى ينتهي هالبلا طفشت !!
لفتت انظار اللي حولها تناظره بـ توتر وهو يناظرها بلعت ريقها تتبع اختها
_
بيت رماح في غرفة البنات
تقدمت نحوها بـ فستانين : شرايك وش الأفضل
تناظر الفستانين لوهله ترجع تناظر جوالها : مدري كلهم مب حلوين
تناظرها بـ حِده ترمي الفستان عليها : هذا انتِ شريتيه على فكره والحين تقولين مب حلو واضح انك تسلكين لي !
تقوم من السرير زامّه شفتيها بعدم إهتمام : اقول روحي بس مدري شدخلني بـ فساتينها كل شوي تقول شرايك بـ شيء
تنطق بـ تهديد : الريم وربي ما يحصلك خير !!
بعدم مُبالاه : اقول روحي بس قال ما يحصل لي خير
عضت على شفايفها من شِدة الغضب تتقدم نحو الريم مسكت شعرها ترجعها لـ السرير تصارخ الريم بـ غضب : شتسوين انتِ شبلاك ناويه على شنو !!
الجادل : انتِ ناويه تمـ ـوتين على يدي والله قلة أدبك ذي ما تمشي معايا حركات الشوارع خليها في مكان ثاني مب عندي!!
رفعت حاجبها بـ إستخفاف : عندك وعند غيرك ياقلبي ما تفرق ليه احرمك من قلة أدبي وانتِ اختي ياعمري انتِ ؟
تعصب الجادل بـ شِده لدرجه تسارع أنفاسها تعطيها كف : هالكف بس تهيئه قلي ادبك معايا مرا ثانيه وشوفي وش حـ يصير فيك بنت شارع وش اتوقع من راعية نياقنا
قامت الريم من السرير وعروق جبينها برزت ضحكت الجادل بـ سُخريه : مسويا معصبه الحين تراكِ انتِ الغلطانه لاتدوري لـ نفسك الذل عشان ما يُقرب منك وبعدين تشتكي من اللي يصيبك يا الريم !!
رفعت إصبعها بـ تهديد : احمدي ربك مليون مرا انوا ابوي في البيت ولا والله كان صار فيك اللي ما يعجبك محد مسوي نفسه معصب الا انتِ جايه كل شويا شرايك يا الريم انا شدخلني ضاق صدري منك مب شايفتني محبوسه في هالبيت وكأنك تقهريني بـ سؤالك عن رأيي يكفي ما عاد اتحمل !
الجادل : ربط المواضيع عندك يودي الإنسان في داهيه وين كنا ووين صرنا كل مشكله تسويها تخلين السبب انك قاعده في البيت
الريم : مضغوووطه شسوي تعبت من الاربع الجدران اربعه وعشرين ساعه !!!
الجادل : اقول روحي بس بزره
الريم : حسبي الله ربي يحسسك نفس ما احس كله عشانك تخرجين ما ألومك
الجادل : انتِ اخترتِ مُستقبلك بنفسك محد جبرك على شيء؛ ماتحبي الدراسه هذي مشكلتك وش تبي غير انك تشتغلين او تدرسي وش تبي تخرجين من البيت!!
تسكت الجادل بـكلامها ؛ الريم تناظرها تشمق عليها فتحت باب الغرفه : مسويا العاقله
الجادل : عاقله ياقلبي ما اسوي
تقفل الباب بقوه : اقول أص بس
الجادل : قوليها قدامي إذا فيكِ الجرائه
تجلس في الصاله قالبه وجهها متكيه بـ يدها يناظرها حاتم ينطق : شبلاكم كل يوم نفس السالفه ما تطفشون؟
الريم : شوف اختك بعدين تفلسف
ينطق بـ عصبيه : الريم تكلمي مع اخوك بـ ادب يكفي قلة الأدب اللي سويتيها مع اختك يابنت!
الريم : يُبه هيا الغلطانه انا شدخلني!!
رماح : سمعت كل كلامكم انتِ الغلطانه وانتِ اللي كنتِ تغلطين عليها مب هيا
الريم : يُبه طيب انا مب صادقه!
زمّ شفتيه ماحب كلام الريم من جهه ومن جهه أخرى كان يحمد ربه انها ما درست وكان قرارها الشخصي بسبب انوا الريم شخصيه مشكلجيه بشكل ما يتصوره العقل
دخل البيت بعد دوام مُهلك لـ جسده وعقله يطلع يغير ملابسه وياخذ شور سريع ينزل بسرعه لـ الصاله عند أهله يقعد بجانب امه : ايوا شخباركم عساها زينه
مسكت طلا ضحكتها يتحدث بتال: والله اخبارنا اننا حـ نمشي بعد صلاة الفجر لـ الديره
يعدل جلسته : ابوي تكفى لا تقولها يا ابوي والله ملل في الديره كل اسبووع ما تطفشون ليه ما نخليها كل اجازه ترم في المدرسه يكون أفضل واريح لـ قلبي !!
بتال : ابوي كان شويا و يخرج من الجوال يهاوشنا بسبب اننا ما جينا الاسبوع اللي فات وبعدين كلها ساعتين وحنا عندهم لو مرا ما تبي سلم عليهم و ارجع محد مسكك اهم شيء ابوي يشوفك
تمتمت بـ غِيره : مرا يشوفه وانا والله ما درى عني
صقر : شتقولين؟
زمّت شفتيها تقوم من مقعدها : ولا شيء انسى
يشوفها تطلع لـ فوق يعقد حاجبه بـ إستغراب : شفيها؟
تتنهد بـ ملل : والله مدري انا تعبت وانا أداري خواطر الكل خليها شويا وترضى من نفسها منفسه من يوم رجعت من الجامعه
صقر : يمكن في احد مضايقها او ضايقها بـ شيء!
طلا : خليها الحين بعدين اشوفها معليك لا تشيل هم
يقوم من مقعده : الهم زارني وما حـ يفكني ليّن اعرف شسالفتها يلا استأذنكم
طلع راكضاً نحوها يدق الباب ثم يدخل الغرفه يشوفها قاعده تقرأ كتاب يتقدم نحوها يقعد بجانبها : شسالفتك فيكِ شيء؟
صبا : لا معليك
يلتقط الكتاب من يدها : قولي شفيك
َصبا : والله ياولد ولا شيء بس مضغوطه من الجامعه تعبت وانا في بدايتي
صقر : صدق هذا اللي مضايقك مافي شيء ثاني؟
صبا : والله هذا بس لا تشيل هم وش اللي حـ يخليني اضايق؛ ارتاح
صقر : حـ نروح الديره قرف وربي
صبا : شرايك ؟
صقر : شنو.؟
صبا : تروح بـ سيارتك ونسلم عليهم وبعدين نمشي حنا ؟؟ ما ابييي اقضي اجازتي في الديره ياخي تعبت منها شويا وانفجر!
صقر : تمام عيوني لكِ
تنط من الفرح : يالبيه شكرااا
في الديره في بيت راشد
دخلت رهيفه ومن بعدها وصايف تقعد وصايف في الأرض من تعبها : اف ياربي افف بسببك كان يناظرني نظرات غريبه!!
رهيفه : صوتك ترانا في البيت
قامت تتقدم نحو رهيفه : وربي تعبت تعتبتتتت صدقيني حـ اعترف واللي ما يعجبه في نهر جنب بيتنا يروح يغرق فيه !!
تسكت لوهله تبتسم : النهر كيف ما جاتني هالفكره
حماسسس!
رهيفه : الله واعلم وش خطر في بال هالمجنونه
نديم : شسالفه وش خطر على بالها؟؟
رفعت حاجبها بـ إشمئزاز :جاء الغثيث وراحت الحلوه
↚
في الديره في الشارع
سعود : ياعيال شرايكم نروح النهر ونعلم نديم درس بس انا خارج الموضوع انا بس حـ اخطط واليد العامله هيا انتم مو فايق ابوي وجدي يطقوني !!
حمد : قول شعندك وحنا نسوي دامنا حـ نضحك حـ نسوي اي شيء
سعود : يالبيه تمام اسمعوني زين
ميثون: سمّ يا غالي
سعود : طبعا حـ نسوي هالاشياء بكرا في الليل ولازم تجون بسرعه ما اشوفكم في الحاره تتمشون وناسين ام السالفه
يضرب صدره : معليك حـ نجي بسرعه
ابتسم سعود يقول لهم مافي الأمر يقاطعه ميثون : بس ما يجي اخوك ويسوي فيها أخ هالديره كلها
سعود :لا لا معليك عنده شغل ما درى عنكم
_
في الرياض بيت هُمام
قاعد في مكتبه حايس في قضيه عيّا يتخطاها او يحلها تدخل عنده وبيدها قهوه لـ هُمام تتقدم نحوه تضع القهوه على الطاوله : باقي ما خلصت؟
هُمام : ياليت اقول اي بس مع الأسف عيّت اقلقها
غيم : اخ ياربي تعبت معاك وانا ما لي شغل في السالفه
ترك الأوراق يقوم من مقعده يتقدم نحوها بـ إبتسامه مسك يدها : تعالي نقعد شويا ابي ارتاح تعبت لدرجه مب قادر استوعب وش قدامي
زمّت شفتيها تتقدم نحو الكنبه قعدت ينام فوق رجلها تمسح على شعره : للحين مب مستوعبه ليه اخترت هالوظيفه وهالتخصص رغم انه في حاجات ثانيه افضل
هُمام : يمكن عشان اقدر اخرج اخوي من المشاكل؟
يمكن هو اللي حكم عليّا ادرس قانون واصير محامي وانا طبعاً اطمح اكون نائب عشان اكون أقوى لكن باقي ما وصلت لـ هالمرحله
زمّت شفتيها بعدم إعجاب : لمتى حـ تقعد ورا اخوك ركز على حياتك ما تحس انه هد حيلك!
هُمام : حلاله هو اخوي وانا اخوه والأخ لـ الأخ عادي عندي بالعكس استانس يوم اسوي شيء لـ أهلي
غيم : وليّ طيب!
هُمام : انتِ غير انتِ مُنقذتي دايم تنقذي نفسيتي وهالشيء هو اللي مخليني واقف للحين لولا الله ثم غيم انا ما قدرت اكمل حياتي
إبتسمت بخجل تلعب بـ شعره : حـ تروح الديره
هُمام : اي عندي كم شغله هناك وكمان عشان جدي ما يقول شيء ابعد عن الشر وغني له
↚
يجهزون اغراضهم لجل يمشون لـ الديره بعد الفجر : مافي مجال ما اروح معاكم؟
طلا : صقر لا تسولف كمل وساعدني
صقر : يارب نص صبر أيوب بس النص
دخل آسر الغرفه وهو رافع يده : والنص الثاني لي يارب
طلا : ليه؟
آسر : كل خميس اشوف تدارين صقر عشان يروح الديره وهو راضي طفشت من دلعك له تراه رجل مب بنت عندك بنت وحده واللي هيا صبا يا امي
طلا : وهذا يغار
بعدم مُبالاه ينطق بـ ثقه : لا بالله ما اغار ابد تتهنون
تمتم" اهم شيء اللي بـ قلبي"
تنهد : اما انتِ فقدة الشغف بـ انك تحبينا بـ التساوي تفضلين صقر بـ كل شيء
طلا : كلكم عيالي ياولدي شدعوه
بـ تسليك : اي اي واضح
قام صقر : يكِـفي عِتاب يلا بدون تأخير انا بنام استأذنكم دايخ بالحيل
يتقدم نحو طلا يضمها لصدره : اهخخ وانا بعد حنام استأذنك يا امي
طلا : يابني ليه كذا تحضن شويا وتطيحني!
بعد عنها وتعابير وجهه تعبر عن العتب اللي بداخله : اي خلك على هذا النظام صقر ياقلبي و ياعمري وتضميه لكن عندي
يقلد صوتها بـ عِتاب : ليه كذا تحضن شويا وتطيحني
ماسكه ضحكتها بـ صعوبه تناظر آسر وهو مبين عليه الزعل وفي نفس الوقت كانت متعوده على كلامه : روح نام
رفع حاجبه بـ عِتاب يُزمّ شفاه بـ زعل : معليك انا اتخطى بسرعه لا تشيلي هم زعلي
ضحك صقر : ياغبي امشي قدامي تقول لك نام ما قالت اسفه امشي
يناظر طلا : يلا يا امي تصبحي على خير
بـ إبتسامه : وانتِ من اهل الخير يا بعد قلبي
بـ غِيره : وبعد تقولين يابعد قلبي وانا شنو !
يمشي آسر : امشي امشي قدامي لـو دخلت الغرفه ما ابي احد يقعد داخل خارج في الغرفه ابي انام ورايا سفر صد رد
تسمعه طلا تقوم من بين الشنط تتقدم نحوهم : يعني حـ تسلم عليهم وترجع؟
صقر : اي وصبا حـ تكون معي
طلا : كويس يكون أحد معاك ربي ييسر لك
رفع يده : يلا والله حقيقي البطاريه حقتي طفيت
يناظر آسر يمسك رقبته يمشيه قدامه : امشي معاي سريع
آسر : يا ليل
نام الكل؛ تطلع الشمس يقومون يتجهزون لـجل السفر قبل ما يهبدهم جسار بـ تأخيرهم
في الديره بيت جسار؛
يمشي بـ عكازه نحو الباب لجل يفتح الباب بسبب سماعه بـ طرق باب يفتح الباب يناظر الطارق يشوفها الريم يرحب بها : يا هلا بـ الريم كيفك يابنتي؟
تحب يده وراسه: كويسه ياجدي وانت كيفك طمني عليك !
جسار : زي ما تشوفيني بكامل قوتي الحمدلله
إبتسمت تمسك يده : الحمدلله يارب دوم قوي وبصحه
جسار : انا بخير دام عيالي واحفادي حولي
الريم : انا حولك مايكفي كل يوم ازورك !
يحب على رأسها يضحك : تكفين تكفين وزياده بعد
الريم : لبى قلبك ياجدي جيت اخذ ناقتكم اليوم عليا
جسار : ما تحسين انوا هالشغله ما تناسبك ليه ما تتركينها وتخلي الرجال تسويها ؟
الريم :وانا شفيني ياجدي افا عليك!
ينفي يسند العكاز بجانب الباب يمسكها من كتفها : ما قصدي كذا لكن هشيء ما يناسبك
الريم : يعني تفرق بين البنت والرجال ياجدي!.
جسار : ما افرق لكن ذي مب شغلتك
تضرب بـ صدرها : انا لها ياجدي لا تشيل هم لو قعدت في البيت حـ يضيق صدري بالحيل خلني ارعى افضل لي تغمز : ولكم بعد تفتكون من طيشي
جسار : طياشتك عندي أفضل من انك ترعين مدري تمتم "كيف ابوك سمح لك"
يناظرها يرفع يده يودعها : الله معك انتبهي لنفسك
من عيون الرجاجيل
إبتسمت الريم تنطق بثقه : كلهم لو جاؤوا ما يسوون نص قوتي لا تخاف عليا ياجدي
جسار : امشي امشي يابنتي الله يهداك
ضحكت الريم تمشي بـ النياق : يهدي الجميع ياجدي
في الرياض
غسان : يلا يلا قسم بالله اطلق شيء بعد كرف الجامعه نروح الديره
ناطره بـ إشمئزاز : الله يقرفك حب مكان ترتاح فيه مب تقعد طفشان
ناظره بـ إبتسامه : مين قال اني اقعد طفشان ياخوي بالعكس سعادتي هناك ما تفهم انت الديره سر السعاده !
صقر : الله يعلي مقدارك
آسر : فاهم الحياه غلط ذا معليك منه ياغسان واركبوا السياره بسرعه قبل ابوي يطقكم من اول واقفين تسولفون
رفع يده يودعهم: يلا انا وراكم بسيارتي
غسان :يلا مع السلامه اجواء سيارة ابوي افضل
بـ حسره : والله عارف بس لازم اشيل سيارتي عشان ارجع فيها
غسان : انت الخسران يا ابو صقر
_
خرجوا من البيت وهيا تهدد اختها لجل ما تعيد سالفة امس : شوفي يا وصايف لو ناظرتي ذاك لو نظره وحده وقسم بالله ما تشوفين خير فاهمه عيونك طويله استحي شويا وش هالجُرئه اللي فيك انا اعرف انوا العيال هم اللي عيونهم طويله مب البنت !!
قامت تخرج من البيت بدون ما تهتم بـ كلمه وحده من اللي قالتها رهيفه : اف ياربي يوم جديد يارب يكون حلو
تقدمت لعندها والعصبيه وغيرتها على اختها تعدت الحدود : لو يحبك كان دق الباب مب تتبادلون النظرات؟؟؟
وصايف : تعرفين امي ماشاءالله ما تركت احد ما خلته عدو لها ولو قربتي منه تصير مشاكل بين العيلتين
سمعت كلام وصايف وهيا صادقه امها ما تركت احد في الديره الا وخلته عدو لها : حتى ولو لو يحبك حـ يسوي المستحيل
وصايف : ابيه يعرف اني احبه عشان لو كان يبادلني يسوي المستحيل اللي تتكلمين عنه
رهيفه : الوقت المناسب حـ اقول لكِ تعترفين له
إبتسمت وصايف تضم رهيفه : شكرا حبيبي
تعجبت من فعل اختها تبعدها عنها : شغل شغل بسرعه قدامي
يضرب خويه بيده : شُف شُف منو جاء
ناظر حوله يشوفها تمشي مع اختها يتنهد : اه المزيونه شرفت
يشوف حركاتها الغريبه يعقد حاجبه بإستغراب يضيق صدره بلع ريقه : ماتشوف فيها حركات غريبه؟؟
ثامر : مدري زي شنو ؟
نايف : كأنها تتفادى تناظر لي حتى حولي ما ناظرت شسالفه!!
بـ سُخريه : زعلانه منك
بـ جديه : من شنو ما سويت شيء غلط !!
ثامر : ياعمي هدي هو انت اصلا قد قلت لها حرف واحد عشان تزعل
نايف : يمكن سويت حركه ضايقتها!
ثامر : والله عاد هذي مشكلتك انت وياها شدخلني
في حِين كان ثامر ونايف يسولـفون كانت وصايف تخطط كيف توصل له ما خططت له بـ الأمس قامت تُتمتم : تحسبين حـ اكنسل كل اللي خططت له في الليل تخسين والله كل اللي خططت له حـ يصير حرف حرف
وصايف : رهوف
التفت رهيفه نحوها : سمّي
وصايف : روحي انتِ وانا شويات واجي حـ اقعد شويا تعبت
زمّت شفتيها بعدم راحه على حركات اختها لكن وافقت تروح بعيداً تتفقد وصايف ان رهيفه بعدت عنهم تُخرح ورقه من جيبها تخطي خطوه نحوه تزداد دقات قلبها كُلما خطت خطوه نحو نايف تتلاقى أعينهم ببعض زمّت شفتيها تُكمل خطواتها نحوه تصل لهُ؛ يفتح عيونه ثامر بـ دهشه يصفر ينطق : حـ اترككم لوحدكم عشان ما اكون اللي ينقال عنه النشبه او طرف ثالث
يقرب نحو نايف همس له : جات هيا بدال ما انت اللي تجي قلت لك بادر
ضرب نايف بُكس بـ بطنه بـ خِفه : روح
يتظاهر بـ التألم : هين هين من الحين بعتني
ابتسم نايف : ماش
يناظر وصايف بـ عيناه العسليه وهو مصغرها كانت تلمع حِين نظرت له وصايف عدلت نقابها من توترها الشديد : آمري شبغيتي يا بنت حصه
نطقت بـ تأتأه تتلفت حولها ان كان أحد لاحظها او يناظرها تُمد له الورقه : اقرأها واتمنى تنفذ اللي موجود تمام؟
ابتسم : وش فيها هالورقه؟
بـ توتر : تعرف لما تقراها انا حـ اروح طولت
مشيت وكانت على وشك تتعثر من شِدة توترها : هوب هوب انتبهي يابنت حصه
نظرت إليه بـ ضيق : عندي اسم ترى
نايف : عارف لكن بنت حصه افضل
وصايف : اسمي وصايف امي سمتني مو عشان ينادوني الخلق يابنت حصه
يُـحس نايف انه جاب العيد من اول كلام بينهم زمّ شفتيه يشوفها وهيا تروح يعاتب نفسه : عارف اني حـ اجيب فكذا ما بادرت
_
كانت الريم ترعى النياق يتعرض لها احد الماره : اوهوو حفيدة جسار باقي ترعى النياق وهيا صارت شابه شكلك ولد اصلا مشكوك في امرك حركاتك وشخصيتك كلامك حتى عيونك ونظراتها كأنك بويا حرفياًاااا مشكوك في امرك
خرجت من جيب عباتها حجره ترميه على رأسه يصارخ بـ ألم يتحسس رأسه هل صابه شيء يشوف الدم بيده تناظر يده تبتسم والسُخريه بدت على ملامحها : عشان صدق اكون بويا زي ما نطق لسانك الوصخ
يهتف بـ عصبيه : غبيه انتِ حـ تدخلين عيلتك بـ مصايب بـ حركاتك ذي انتبهي لنفسك يا شبيهة الرجال !!
الريم : على الاقل انا شبيهة الرجال في جنس انتمي له اما انت من الجنسين ما يتشرفون بك تكون منهم
يناظرها نظرات حاده و انفاسه كل ما لها تزداد تبتسم بـ استخفاف : ماش
وصلوا عائلة بتال لـ الديره
يخرج بتال من السياره يُحدث طلا : انتو روحوا بيتنا وانا بروح اسلم على ابوي مع صقر واطمنه
غسان : وحنا ليه ما نروح معاك
بتال : تجون لما ابوي يعزمنا معليكم
آسر : انا حـ اتمشى في الديره
بتال : سووا اللي بغيتوه انا رايح
يتوجه نحو صقر : يلا قدامي
صقر : معليك الصقر متعود على الطقوس نروح على اساس نسلم على جدي ويخلينا عنده غصب علينا وهو مب غصب عليك طبعا بس اتكلم عن نفسي المهم لكن انت تبين انوا غصب عليك يعزم البقيه ويجوون ونقعد عنده طول اليوم وبكذا شنو يصير "تضيع اجازه الصقر اللي صار يكرهها "
ضحك بتال يخرجه صقر من السياره يضحك صقر : والله حقيقي يعني لمتى
بتال : امشي امشي؛ لين اخر عمرك
ضحك صقر وهمه زاد فوق الهم اللي كان في قلبه : لصق أمريكي
يدق بتال باب بيت جسار : لصق الديره اصلي اكثر
صقر : ماشاء الله تفوقتوا على الامريكان
بتال : وبجداره
فتحت منيفه الباب تبتسم بفرح شديد : ياهلا ياهلا والله من جانا حياكم تفضلوا ياهلا والله نورتونا
يدخل بتال يسلم على امه يحب رأسها ومن ثم يدها : منور فيكِ يابعدي
تقدم صقر و إبتسامته لم تفارق مبسمه يسلم على منيفه ترحب بِـه بكل حب : ياهلا بـ نظر عيني وفؤادي
صقر : ياهلا فيش يا جده حقيقي لكم وحشه
رفع بتال حاجبيه يضحك بـ سُخريه بدون صوت لكن صقر شاف ضحكت ابوه المكتومه عض شفتيه يبتسم بـ توهق من انه ابوه ينطق بـ كلام ينفي كلامه اللي قاله لـ جدته منيفه : ادخلوا ادخلوا وش تنتظرون نوروا بيتي
منيفه : ادخلوا ادخلوا وش تنتظرون نوروا بيتي
جالس جسار في الصاله : منيفه منو دق الباب من اول واقفه جنب الباب اقفليه!
منيفه : هالحين جايه؛ يلا ادخلوا وش تنتظرون!
يدخلون لـ الصاله يناظر جسار بتال يقوم من مقعده : ياهلا والله طولتوا كنت شويا واجهز سيارتي أداهمكم !!
يدخل صقر بـ إبتسامه : جينا ياجدي ما يحتاج المرا الثانيه حـ اخليهم يقعدون عشان تنورنا
يرفع عكازه امام صقر : تراني ناوي عليك انتبه لنفسك
صقر : شسويت!
جسار: ابليس
يضحك صقر يتقدم نحو جسار يحب على رأسه : شسويت ياجدي الله يهداك
جسار : ولا شيء انت مسكين انا الغلطان اعذرني
ينطق بـ مزاح : تمام خلاص عذرتك
يضرب صقر بـ خِفه : اقول انتبه لنفسك
صقر : ينخاف منك بسم الله
يتقدم بتال نحو جسار يضمه : كيفك يُبه
جسار : بخير ياولدي وانت كيفك
بتال : بخير دامكم بخير الحمدلله
يعقد حاجبه بـ إستغراب : وين البقيه
ابتسم صقر يتمتم "واو بدأ السناريو ينعاد حق كل أسبوع"
تسمعه منيفه تضرب بـ ظهره بـ خِفه وهيا تضحك
بتال : والله راحوا البيت يرتاحون
جسار :الله يهداك كان جبتهم يرتاحون هنا ليه هذا مب بيتهم!
بـ توهق يقوم يمسك رقبته : لا حاشا لكن يعني
جسار : ناديهم بدون كلمه غلط تخليهم كذا كأنك تطردهم من بيتنا ما اسمح بـ هالشيء
تمتم صقر" يبدأ دوري بسم الله"
صقر : انا بروح اتمشى في الديره واسلم على الشباب
ينطق صقر مع جسار : نادي اهلك قبل تروح مكان
ضحك بتال : صدق انك وصخ روح روح
صقر : عشان اوضح لك شسبب "التكرار مشكله"
عند آسر
يمشي حولين الديره محاول إيجادها يناظر كِل مكان زمّ شفتيه بـ ضيق : وينك يا نظر عيني
تأتي بيد تغطي وجهه من خلفه ابتسم بـ فرح : رهيفتي
يلتفت نحوها بـ إبتسامه يتنهد : وينك من اول ادور عليك!
رهيفه : موجوده لكن انت ما شفتني من اول اشوفك وانت كل شويا تناظر مكان شفتك من يوم نزلت من السياره!
يرفع حاجبه بصدمه : وانتِ من اول تتسلين فيني وانتِ تطالعين!
بـ خجل : يعني نقول اني ابي اشوف تعبك وانت تدور عليا
آسر : اهخ لو قعدت طول اليوم ادور عليك ما حـ اقدر اكمل يومي الا لو شفتك!
إبتسمت بـ خجل مسكت يده : عارفه فكذا خليتك بس تتعب شويا قلبي بعدها ما طاعني
آسر : تونا جينا واكيد الحين صقر حـ يُلف الديره ويشوفنا
يأتي صوت من خلفه : ماشاء الله تبارك الله آسر
زمّ شفته يلتفت يشوفه صقر : هلا
غمز له : جدي يبيك
آسر : تمام اصلا كنت حـ امشي الحين
وصايف : رهيفه يلا تعالي وين اختفيتِ من اول ادور عليكِ!!!
تمتمت بـ إنزعاج: واحد من هنا و وحده من هنا اف ياربي ساعه وحده بس ساعه في الأسبوع !!!
صقر : يلا امشي قدامي
آسر : تمام مشينا
↚
يجي الليل بـ حيث تخطيط سعود وتخطيط وصايف اجتمعوا بـ نفس المكان !
تخرج وصايف من البيت بـدون إصدار صوت تتجه نحو النهر
ومن مكان آخر كان أخ وصايف "نديم" جالس امام النهر هيا عاده عنده يستكن قدام النهر لـ ساعه او اكثر على حسب مزاجه
تتجه نحو النهر تناظر نايف تبتسم تركض نحوه امسك بيدها الراجفه تبادله الابتسامه تمسك يده بقوه يبتسم وينطق بـ جملته : ياهلا فيكِ كانت الورقه كلمتين "احبك؛ تعال النهر الساعه 9"
لكنها بردت قلبي لدرجه ما تتوقعينها يا وصايفي!
إبتسمت تدمع عينها : شكراً شكرا انك تبادلني نفس مشاعري
نايف :تكفين على شنو الشكر انا اللي اشكرك على شجاعتك سويتِ اللي ما قدرت انا اسويه
وصايف : عادي مب مهم اهم شيء النهايه حلوه
_في الطرف الآخر كانت شلة سعود يتضاربون مع نديم بـ أوامر من سعود
_ ومن ناحيه أُخرى كان سعود يناظر وصايف ونايف وهما مقربين من بعض ويتهامسون في العتمه!!
تخطر في عقله فكره يبتسم بـ خُبث يروح مكان نديم ويسوي نفسه انه مُنقذ لـ نديم : هوب هوب شفيكم جنيتوا كيف تتجرأون روحوا من هنا قبل ما تشوفون شيء ما يعجبكم !!!
ناظروه بـ إستغراب يغمز لهم يفهمون ان الخطه فيها بعض من التغيرات يبعدون من المكان بـسرعه يتفقد نديم :فيك شيء يا ابن العمه!!
يبعد يد سعود بـ عصبيه :مافيني شيء بعد يدك حسبي الله ونعم الوكيل عليهم
سعود : بـ اقول لك شيء ما حـ يعجبك ابد يا نديم
نديم : شفيه!!!
سعود : شفت اختك مع نايف في الطرف الثاني من النهر
بـ عصبيه يفتح عيونه : شتقول انت؟!!
سعود : روح تفقد بنفسك
يروح نديم بـ تمايل من ضربات العيال يبتسم سعود : اكتمل يومي والله
يروح نديم بـ تمايل من ضربات العيال يبتسم سعود : اكتمل يومي والله
يروح نديم متوجه نحو ما أشار له سعود يناظر وصايف مع نايف اغمض عيناه يغبض على يده محاول إمساك عصبيّته يتمتم بـ عصبيه "نديم انت مب مثل ابوك أهدأ عادي حـ تِفهم اختك واختك راح تعقل"
تقدم نحوهم يُصدر صوت بـ حِذائِه مُتعمد تلتفت وصايف والتوتر تربع في قلبها يوم تشوفه اخوها تختبئ خلف نايف من شِدة فزعها تُمسك بـ يد نايف يُحس نايف بـ رجفتها بلع ريقه يُزمّ شفاه بـ توهق : اسمع
رفع يده نحو فمه بـ غضب يُقاطعه : ولا كلمه
يُمد بيده نحوها وهو يناظرها : تعالي معليكِ
يرمش بـ إبتسامه : المفروض ما تتخبين وراء الذئب تعالي عندي يلا وصايف
زمّت شفتيها تدمع عيناها تشهق من خوفها : اول مرا واخر مرا يانديم تكفى
قاطعها نديم يتقدم نحوها يمسك يدها : تعالي معليكِ ما يحتاج تبرري لي
عقدت حاجبيها بـ إستغراب تلخبطة مشاعرها وصار يجول بـ فِـكرها اسئله كثيره ما تعرف لها جواب !!
"كيف كذا يتعامل معي وهو شافني مع ولد "
"كيف كان كذا بارد اكيد حـ يُضربني في البيت"
"الولد يطلع لابوه انا والله رحت فيها "
يناظر نايف بـ حِده وكأنه يقول له "حسابك بعدين"
_
يدخل البيت يدخل غُرفتها والابتسامه تعلو مُحياه تناظره رافعه حاجبها بـ إستغراب : شسالفه؟
يناظر الجادل وهيا نايمه : تعالي اكلمك برا
الريم : ابوي وامي قاعدين في الصاله ما شفتهم !!
سعود : حـ نطلع السطح بسرعه لا تصعبيها وهيا سهله!
زمّت شفتيها تتأفف وهيا تقوم : والله لو كان شيء سخيف لا اصقعك بـ الجدار فاهم !!
ينطق سعود بـ تسليك : تمام يلا امشي
تصارخ الجادل بـ غضب : وبعدين متى تسكتون مب شايفين احد نايم !!!
الريم : اخرج اخرج ح تِسمع ابوي الحين
جالس في السطح وبيده قهوه والدله بجانبه يناظر السماء بـ نجومها يتنهد بمّلل : استغفرالله من هالطفش يناظر جواله يشوف الساعه يقوم من الأرض : هانت يا الصقر باقي شويا وترجع بيتك
يسمع أصوات وكل ما لها الأصوات ترتفع في سطح عمه المجاور لـ بيتهم :انت اصلا غبي كم مرا اقول لك بعد عنهم يكفي اللي فيهم وجاي قلك تبشرني!!!
انت مب صاحي قسم بالله لو صار في البنت شيء ما يحصل لك خير وحـ اقول لـ ابوي يكون بعلمك !!
سعود : يا بنت شفيك محسستني حـ يقتلـ ـها!!
الريم : انت ما تعرف وش اللي يصيـ..
يناظر بـ دافع الفضول : شصاير!
سعود : وش قولي !!!
تضربه بـ يدها زامّه شفاها : اص
ناظر سعود والريم يبلع ريقه يرمش اكثر من رمشه في الثانيه الواحده حين تلتقي انظاره مع الريم يُغض بصره يرجع مكانه يقعد يُحس بـ دقات قلبه : استغفرالله
يناظر حول انظار الريم : وش شفيك !!
بلعت ريقها تنزل من السطح متجاهله سعود ترجع لـ الغرفه تتذكر نظراته تحس بـ شيء غريب يصير داخلها تتسدح تغطي وجهها بـ لِحافها تنطق بـ إنزعاج : شفيه ذا كان يناظر ملقوف
الريم ما كانت مُهتمه فيه ولكنها نطقت هالكلمات من حست بـ فوضى في داخلها وما تعرف سبب هالشيء
_
دخل لـ غرفته تتبعه واسنان وصايف ترتجف مِما جعلها تحتحك بـ بعضها البعض وتصدر صوت يسمعه نديم يمسك كتفها محاول يُهدئها : وصايف تكفين اهدي لا تخافي لو كانت في ذرة عصبيه فيني حـ تكون عليه مب عليك تكفين لا اشوفك خايفه مني انا ما أخوف شدعوه يا وصايف قاعده تجرحيني بـ ردة فعلك شسويت لكِ عشان تخافي مني كذا !
نطقت بـ تأتأه : مدري مدري
بـ برود شديد يقعد في سريره : عشان ابوي زرع هالخوف في قلبنا صرنا ما نفرق بين اللي يحبنا واللي ما يحبنا صرنا كله نخليه في خانه وحده واللي هيا الكل ما يحبنا دام ابونا ما حبنا
قاطعته بـ بكائها وشهقاتها يقوم من السرير يتقدم نحوها
بلع ريقه بـ توهق : تعالي اقعدي لجل تهدأين ما حـ اتكلم معاك عن اللي صار بس اهدي
تبعد يده عنها : بروح غرفتي
_
_
بدأ يدندن صقر محاول نسيان شعرها الغجري وعيونها العسليه اللي خطفت قلبه : صحيح النظره ما تكفي من الآلام ما تشفي ولكن عُذرنا الحاضر نراعي الوقت والخاطر وما دام النظر مسموح اشوفك كل يوم واروح عسى النظره ترد الروح
يقوم من مكانه بـ إنزعاج : شجاب طاري هالاغنيه
حِين مشى شات الكوب بـ رجله بدون يحس يكسر الكوب يغمض عيونه ساند رأسه في الجدار : لاحول ولا قوة الا بالله
_
طلعت الشمس صحِيت صبا تشوف الساعه تقوم من السرير بـ سرعه : ياربي ماراح وسحب عليا
تخرج الصاله تناظر امها وابوها يفطرون : لاتقولون صقر راح وسحب عليا!
تنطق طلا بـ إستغراب : ما راح مكان وصحيتها لجل يروح قال ما يبي
رفعت حاجبها : يعني كيف صقر قال ما يبي تمزحين !!
طلا : لا بالله انه قال هالكلمه بـعظمه لسانه
تنطق بـ عتب : والاتفاق اللي بيننا بـ هالسهوله يتنسى !
طلا : والله مدري روحي شوفيه مدري علامه
توجهت نحو غرفة صقر فتحت الباب تشوفه منسدح في السرير وبيده الجوال تقدمت نحوه بـ عصبيه : خير مو انت قلت حـ نروح شسالفه !!
بـ برود ينطق وهو يلعب بـ شعره : مدري والله ما فخاطري اروح
رفعت حاجبها بـ سُخريه : انت صقر ما تبي تروح!
انصقعت امس براسك اصحى شسالفه !؟؟
صقر : كل اللي في الموضوع انوا ما فخاطري اروح بسيطه ليه تعقدينها
يصمت لوهله يردف قائلًا وهو يقوم من السرير : وكمان في عزومه اليوم عند جدي لو ما رحت بكون بلا اخلاق صح؟
صبا : ياشيخ والله منت بـ صاحي تتكلم عن العزومه اللي اكثر شيء تكرهه في الديره ولا انا غلطانه !
نظر إليها بـ إبتسامه : صبا روحي غسلي وجهك شكلك قمتِ من السرير على طول لعندي
زمّت شفتيها تبلع ريقها : ليه شفيه وجهي احلا من وجهك ياقلبي
صقر : ما اختلفنا لكن روحي شوفي في المرايا
فهمت قصدها تفرك عينها رفعت حاجبها بـ إنزعاج : شُف نفسك أول بعدين تعال تكلم على غيرك سخيف
↚
خرجت من البيت ترعى النياق يهتف أحدهم وهو يناظرها : جات شبيهة الرجال
في العاده الريم تسكت هالفئه بـ الحجار اللي تملكها في جيب عباتها لكنها ما سمعته الريم لجل تُرد عليهم كانت تمشي وعقلها مب معها وماهي بوعيها يناديها سعود : الريم
يعقد حاجبه بـ إستغراب حِين ما استجابت له : لا يكون زعلت مني
تقدم نحوها مسك مرفقها تشهق بـ خوف تنطق بـ إنزعاج : شفيه خير !!!
يبشرها سعود بـ إبتسامه : شفت وصايف مافيها شيء
بعدم إهتمام : تمام كويس
سعود :مين اللي امس سوت هواش وتركتني في السطح والحين ترد كذا!
ناظرت إليه تنطق بـ إنزعاج : سعود حبيبي تمام شكرا انك جيت تطمني هالحين اتركني لوحدي ابي اقعد شويا لوحدي لو سمحت
إستغرب سعود من ردة فِعلها وكيف انها كانت سارحه بفِكرها وكأنها كانت ما تبي احد يخرب عليها : تمام خذي راحتش
تغمض عيونها تتنهد بـ ضيق تنادي اخوها : سعود
يلتفت نحوها : سمّي
الريم : عادي اليوم انت ترعى النياق!
زمّ شفتيه بعدم إرتياح تقدم نحوها : اي عادي بس فيكِ شيء!
الريم : لا بالله مافيني شيء بس ما فحالي اليوم ارعى
سعود : تمام يالبى كم معايا الريم وحده
إبتسمت الريم : شكرا
يدور عليها بعيونه كالعاده لكن هالمرا كانت الابتسامه شاقه مبسمه يشوفها خارجه من بيتها يصفر بصوت عالي بحيث يلفت إنتباهها رفع يده يلوح لها بحيث انها تجي نحوه إبتسمت رهيفه تتجه نحوه تنطق بـ خجل : سمّ
يعيد كلامها مصغر عيونه : سمّ
ضحكت رهيفه تضع يدها على وجهها بخجل ينطق آسر : يالبيه
رهيفه : لبى قلبك
بعدم إرتياح تناظر حولها في كل ثانيه : آسر شتبي!
آسر : ابيك
تبلع ريقها بتوتر تناظره فاتحه عيونها تتسارع دقات قلبها : وش!
آسر : ابيك لساعه وحده بس
امسك بيدها : تعالي معي
زمّت شفتيها بتوتر تترك نفسها لـ آسر : دامه طلب من آسر مستحيل اضيعه
يناظرها بـ إبتسامه يخجل لدرجه اُذنه أحمرت ينطق بحيث ما يبين لـ رهيفه خجله : لبى قلبك ياقلبي يلا تعالي
غسان : هيه على وين؟
ناظر غسان مسكت يده لـ يدها يتأفف آسر : لو مرا خلونا لوحدنا !!
ضحك غسان بعدم تصديق لِما شافته عيونه : تمام رُح يا الرومنسي
ينطق آسر بـ تهديد : غسان يمين بالله بالنعال!
بـ خوف مُصطنع : لا لا خلاص خُفت
_
خرج من الغرفه يشوف امه قاعده لوحدها يعقد حاجبه بإستغراب : وين ابوي؟
طلا : راح عند ابوه
صقر : اها تمام يا امي انا رايح شويا اغير جو
طلا : شسالفتك ليه ما رحت وانت اللي كنت ما تبي تقعد ثانيه في الديره وش اللي غير رأيك؟.
صقر : والله مدري كذا ما لي خلق اروح ولو اني رحت وش اسوي لوحدي الأفضل اكون معاكم الا لو انكم ما تبوني معاكم هذا موضوع ثاني
طلا : شدعوه شوف وين وصلنا عشان يضيع السالفه اقول بس روح
ابتسم صقر يحب على رأس امه : يلا رايح
تربع في الجلسه يناظر خويه : فهد قبل شويا شفت شيء نار يخليك تطقطق عليه من اليوم لما نروح الرياض وانت باقي تطقطق
ناظر له بـ اهتمام : وش هو علمني يا ابو محمد
ضحك بعدم تصديق حِين تذكر : بسألك بالأول تتخيل آسر من النوع الرومنسي وكذا؟
ضحك فهد بصوت عالي بحيث يلفت نظر كل اللي في الجلسه بتوهق محاول يسكته : فضحتنا الله يفضح ابليسك اسكت يا رمه
محاول يسكت : اي كمل
غسان : انا سألتك تتخيله!
فهد : اتخيل الكل الا آسر احسه حـ يتوهق في هالمواضيع
بـ سُخريه : ما هقيت شفته ماسك ايده بيد رهيفه مدري وين رايحين ويوم ناديته نطق وهو مبين منزعج اني ناديته وقال ما حـ تتركونا لوحدنا
ضحك فهد مرا أُخرى يناظره غسان بـ حِده : صدقني ما عاد اسولف لك وبيننا احد
يتجاهل كلام غسان : آسر يسوي كذا للحين مب قادر اتخيل
غسان : بس احس شيء تعودت عليه
فهد : من أي ناحيه!
غسان : يعني آسر و رهيفه الكل يعرف بحبهم لبعض من صغرهم
فهد : كلنا عارفين انوا يحبون بعض الا آسر
غسان : يتخبى عشان محد يشوفه
فهد :والكل فاضحه لكن على الصامت
_
يمشي نحو النهر يشوف وحده قاعده بجانب النهر وشعرها مبين طرفه يتقدم نحوها يُصدر صوت بحيث تعرف ان احد جاي : لو سمحتي شعرك مبين
تناظره تقوم بتوتر : تمام شكرا
يعرفها من عيونها ينطق بدون إستيعاب : الغجرية!
عقدت حاجبها بـ إستغراب : انا الريم وش الغجرية!
بـ توهق يلخبط شعره : اي عارف بنت عمي
الريم : أنت الصقر كاره لـ الديره صح؟
ابتسم من نطقها لـ اسمه اللي ما زادته غير هيبه : صقر بدون الـ
ابتسم من نطقها لـ اسمه اللي ما زادته غير هيبه : صقر بدون الـ
تلعثمت بكلامها تعدل طرحتها : تمام اللي يكون مب مهم
ابتسم يميل فمه يناظر النهر واضع يده خلف ظهره : على شنو كنتِ انتِ وسعود تتهاوشون عليه البارح
الريم : شدخلك خلك بنفسك وكمان قصر عيونك ما تشوف بيوت الناس !
ابتسم بـ سُخريه : ياشيخه اجل لا تزعجون الناس في نص الليل
رفعت حاجبها بـ سُخريه : كِنا في بيتنا ما تخطينا بيتك يا الصقر اعرف كلامك لما تقوله ولا عاد اشوفك تجي عندي
رفعت يدها وكأنها كانت بنظر صقر تهدده : ما حـ يعجبك تعاملي معاك مروا كثير زيك في حياتي !
ابتسم يتقدم نحوها يقف بجانبها ينطق : مضيعه طريق انوثتك يا اختي ومين قال اني جيت عندك ناسيه انو هنا بيت جدي ؟
صمت لوهله يردف قائلًا : وبعد انا ما مريت بحياتك لا تظنين اني زي اللي بعقلكِ يسوونكِ بس؛ لا عاد ترفعي اصبعكِ يا الغجرية انا اللي اقول ما حـ يعجبك تعاملي لاتخليني احطك في خانة اللي ما انبلعوا لي
بلعت ريقها بتوتر يمشي بطريق دربه تُلف تناظره قابضه يدها بـ قهر انربط لسانها حست بـ القهر الشديد والعجز لأول مرا احد يسكتها احد وما تقدر ترد عليه رُغم انها معرُوفه بـ لسانها الطويل اللي ما يسلم منه احد زفت بعصبيه : تافه
_
خرج من السياره تخرج رهيفه يتقدم نحوها : بعدنا من الديره محد حـ يقاطعنا
إبتسمت بـ شِده تُضمه من شِدة فرحها فتح عيونـه بـ صدمه: رهيفه ما يصير
تنطق بـ صوت مبحوح مليئ بـ الحُزن يُمر على مسامع آسر بـ حيث تدخل الضيقه في قلبه بدون مخرج :آسر خلني شويا
آسر : شفيك ابوكِ اذاكِ من جديد ؟؟
تنفي وهيا تبكي بـ حضنه : لا بس مأذي امي بالحيل يا آسر مخلي البيت رُعب مب بيتنا مب بيت يصير كل يوم فيه حرب بين ابوي وامي لدرجه نخاف يوم احد يخرج قا/تل الثاني
ابعدها آسر من حُضنه بـ قلق : بسم شدعوه تقولين كلام كذا ما يصير يا رهيفه ان شاء الله الامور حـ تزين
رهيفه : لي عشرين سنه اقول حـ تزين لكن أبت يا آسر مكتوب اني اعيش بعذاب ما له نهايه
آسر : انا حـ اخذك من هالعذاب لاتحاتين
إبتسمت بـ تسليك : تعرف انه ابوي ما حـ يوافق
ينطق بـ جديه : اجل حـ اخطفك
تنطق بـ جديه وهيا تناظره بخجل : موافقه
↚
توجه لـ الاسطبل وهو ثائر من كلماتها وكأنه يقول كيف وانا صقر تكلمني بـ هالاسلوب الشين !
يركب الخيل الخاص فيه بدون ان يُلبسه اي شيء لـ سلامته وسلامة خيله يخرج من الاسطبل بـ سُرعه كبيره لا تُضاهي احد من الماره يناظره غيث : صقر كيف تركبه بدون تسوي شيء
يتجاهله صقر يُمر من امامه بدون يناظر إليه : صقر!!!
_
جالس بجانب النهر كـ المُعتاد تناظره فتاة بعيده عنه واضح عليه السرحان تقدمت نحوه بدافع الفضول تنطق : علامك؟
نظر إليها رافعاً حاجبيّه يرجع يناظر النهر بدون يجاوب عليها جلست بجانبه على أطراف اصابعها : علامك دايم تقعد هنا لوحدك ما عندك اخويا تقعد معهم تتونسون وينسونك هواجيسك؟
نظر إليها والانزعاج بادي عليه : علامك انتِ شتبي جايه جمبي شايف انو النهر طول وعرض ما قعدتي غير جنبي ؟
مالت بـ شفايفها بعدم إعجاب : هذا مكاني متعوده اقعد هنا المفروض انت اللي تقوم من مكانك وتخليني اقعد براحه لانك مضايقني
نظر لها نظرات تعجب من كلامها اللي كله كذب لانه معروف ان هذا المكان يخُصه وحده ومحد يقعد فيه حتى لو انه مب موجود نظرت إليه رافعه حاجبيّها : باقي ما قمت؟
زفر بـ مللّ يقوم من مكانه : يابنت الناس خذي المكان اكرميني بسكوتك بس
زمّت بـ شفتيّها واضعه يدها في الأرض حتى ما تسقط تناظره وهو يروح مُستسلم : شفيه على طول قام ماش
عند وصايف
تمشي تدور على نديم في الانحاء تشوف نايف يناظر لها تشتت نظرها حِين زارها التوتر ترجع لـ البيت تسمع صوت صراخ امها في غرفتهم تحاول فتح الباب لكنه مُقفل تقعد في الصاله تتأفف من حالتها وعجزها تعض بـ اظافرها يخرج راشد من الغرفه تناظره تقوم من مقعدها متوجهها لـ امها يناظرها والتوتر بدا عليها ينطق بـ حِده : وصايف
وقفت مكانها بـ خوف تلتفت نحوه وكأنه مب عقله ولا يعيّ ما يفعله : سمّ يُبه
راشد : وش مسويا مصيبه تخليك تتوترين كذا؟
ناظرت الأرض ماسكه يدينها تنطق بـ تأتأه : ولا شيء يُبه
راشد : كيف ولا شيء وش يفسر حركاتك ذي؟
بلعت ريقها تناظر حولين الصاله محاوله تشتيت توترها تتراجع خطوتين لـ الوراء حِين راشد تقدم نحوها ميل بـ شفايفه بعدم تصديق : قولي وش وراك علميني وانا ابوك ؟
وصايف : يُبه تكفى مافي شيء!!
ضحك بـ سُخريه : شفيك خايفه جيبي لي شاهي وصايف : سمّ يُبه
دخلت المطبخ محاوله تلتقط أنظار لـ امها التي في الغرفه لكنها ما قدرت تطمن قلبها تسوي الشاهي بـ أسرع ما عندها وفي حِينها اتصلت على نديم محاوله
تستنجد له يجاوبها : هلا؟
تنطق بـ نبره فيها من الخوف : امي مب بخير كنت اسمع صوتها هيا وابوي هيا كانت تصارخ!!
زفر بـ غضب : تمام قفلي الحين جاي انتظري وين ابوي؟
وصايف : في الصاله
نديم : وانتِ وينكِ؟
وصايف : في المطبخ اسوي له شاهي
نديم : تمام لا تخرجين من المطبخ انتبهي! دقايق واجي
وصايف : ولو ناداني!!
نديم : ادخلي الحمام هالحين بسرعه
بـ تردد : بس نديم اخاف ابوي شارب تخيـ.. !
قاطعها نديم بـ غضب : الحمام بسرعه يا وصايف بسرعه!!
مشيت بـ أطراف أصباع رِجلهـا متوجهها لـ الحمام تُقفل على نفسها محاوله عدم إصدار اي صوت : دخلت
نديم : تمام لا تخرجين الحين جاي
بلعت ريقها تنطق والغصه واضحه على صوتها : تمام
نديم : لاتخافي ولا تزعلي الحين جاي لك
