كانت خايفه منه بعد اللي صار امس ما كانت عارف ايش صار و حست الموقف كأنه حلم اول مره تكون قريبه من رجال غير جدها و خوالها و تحضنه حست بشعور غريب ما عرفت وصفه بس انبسطت كيف خباها عن الرجال و قال لها انتي بوجهي

قال ابو مشاري : خلاص انا حطو معاي الاكل و الاغراض

ركب الكل السيارات و عند سياره عوض اللي كانت مقسمه كالاتي جوري بجنب عوض و شوق ورا عوض و غلا بالنص و لما ورا جوري و قالت وهي ماسكه الجوال جوري : تبون احط لكم اغاني

غلا : اي ايي حطي لنا

جوري التفتت لهم : وش تبوني احط

شوق : عادي اي شي ، ولا تدري كيف حطي لنا هيوفه او انغام 

جوري : لا تكفين اي شي غير ذول

عوض بضحك قال : هيوفه

شوق شمقت له و كتفت يدها

لمار: حطي انغام و خلاص

غلا : اي حطي انغام

جوري : هاا شوق احط انغام

شوق وهي تناظر الشباك: اي عادي حطي

جوري : بحط و نفضل نرقص

البنات : ايي ايي مره حلوه

عوض : يالله يا جوكم

شوق انفجرت وقالت: يعني انت اللي جوك واو اسكت بس

عوض بعصبيه قال: تراك قاعده بسيارتي احترمي نفسك لا انزلك

لمار: بس خلاص انت وياها رايحين ننبسط مو رايحين نتهاوش

بكت شوق و سكتت و قالت جوري : يالله يا شوق لا تبكين علشانه خليه ماعليك منه

غلا تقدمت تحضنها و تمسح على شعرها: خلاص شوفي ما عليك منه هو كذا يحب يحارشك لا تبكين حارشه نفس ما يحارشك

ناظرها عوض من المنظره و شافها تبكي وقال : خلاص اسف ما كان قصدي و انتي حطي لها اللي تبيه لا تبكي علينا

جوري : وش تبين احط لك تبين هيفاء

شوق تمسح دموعها وقالت : لا مابي شي خلاص عادي حطو اي شي

غلا : اذا فيك شي او ضايقك قولي

شوق : لا خلاص ما في شي

عوض قال : بوديك البقاله علشان نسكتك

لمار صفقت وقالت : ماشاءالله تزعلها على كيفك و تراضيها على كيفك

عوض وقف عن البقاله وقال : يعني اذا ممكن بدون زعل غطوا شعركم

تأففت شوق و بدأت تغطي شعرها و الحال مثله عند البنات ، نزلوا للبقاله و كانت شوق مبسوطه كان عرف عوض كيف يراضيها من يوم ما كانت صغيره و هو يعرف لها كان لها الملجأ كل ما تهاوشت مع البزران بس هي ما تذكر ذا الشي

عند شوق اللي التفتت للبنات : بنات مين يبغى ايسكريم

غلا هزت راسها بالنفي وقالت لمار : روحي انتِ جيبي انا ما ابغى

جوري : حتى انا

راحت شوق تأخذ من الايسكريم وكان شعرها مبين من ورا الطرحه و كان في رجال واقف عند الرف اللي قريب من الاسكريمات وقال : اموت على البني انا ماعطت له اي اهتمام وقال :سنابك يا حل...وطاح الرجال على الارض شهقت شوق وشافت عوض جالس يضرب بالرجل وقالت: عوض بس خله عندك

رد له الضربه الرجال لعوض على خشمه و شهقت شوق وبدأت تصيح و تبكي سمعوا البنات صوتها و جو لعندها و انصدموا من عوض اللي جالس يضرب الرجال وقالت جوري بصراخ : عوض بس خلاص قوم عن الرجال

وقف عوض وقال : ان شفتك مره ثانيه والله محد يسلمك مني وانتوا خلصوني سنه علشان البقاله

التفت وناظر شوق اللي كانت جالسه تبكي وقالت بصوت باكي : عوض خشمك دم

عوض حط يده على خشمه وقال بعصبيه : مافي شي خلاص خلصوني روحوا السياره ادفع و اجيكم

تقدمت جوري تحضن يد شوق وقالت : امشي معنا السياره امشي

في السيارة

↚

غلا تقدمت تمسح على راسها : شوشو بس بكي تكفين الله يخليك

لمار : ليش عوض كان جالس يضرب الرجال

زادت بكي شوق وقالت جوري : بس خلاص انتي وياها

دخل عوض السياره و سمع شهقاتها وقال : خلاص ما صار شي عادي ليش تبكين الغلط عليه مو عليك هزت شوق راسها بالنفي والتفت لما عوض وقال : طيب ليش البكي قلت خلاص حصل خير ومافي شي حتى شوفي وقف الدم و دخل يده داخل جيبه وطلع ايسكريم التوت وعطاها وقال : جبتلك ياه اعرف انك تحبينه بس بكي عاد

اخذته شوق وقالت بصوت مبحوح: شكرا

ضحكوا البنات عليها وكيف عوض قدر انه يسكتها

عوض هز راسه وقال : يالله بس طولنا عليهم خلونا نمشي

عند سلطان كان هادي ولا يتكلم مافي غير صوت جود و العنود و لجين وليان كانت ساكته طول الطريق بعد وقف السياره عند كوفي وقال : تبون قهوه

لجين بحماس : اييي ، ابي امريكانو

جود : انا ابي سبانش لاتيه

العنود : وانا مثل جودي

التفت لي ليان اللي كانت ساكته وقال : تبين شي

توتر ليان و تذكرت لما شافته امس بالمجلس و قالت بصوت هادي : اي

سلطان بنفس النبره : وش تبين

ليان : ابي v60 او بلاك كوفي اذا في

هز راسه بتمام سلطان وبدا يطلب و ناظروا البنات ليان و كيف مستحيه و ضحكوا عليها والتفتت سلطان يشوفهم يضحكون وضحك معهم و حط عينه بعينها و شتت انظارها عنه التفت سلطان من وصلت الطلبات وبدا يمد لهم و مد قهوه ليان لها ولامست ايديهم بعض و ناظرها منزله راسها وتشتت انظارها و ابتسم و كمل يسوق

وبعد طريق ما كان فيه اي احداث وصلو للمخيم وبدأوا بالترتيب وقال الجد : ياا عوض جهز القهوه وانا ابوك

عوض : حاضر يا جد و راح عوض وبدا يشعل النار ويجهز القهوه

الجد اشر : بيت الشعر ناموا فيه يا البنات و الخيمه الثانيه حنا نام فيها

ام وليد : حاضر ياعم

ام رنا : يالله يا بنات دخلوا الاغراض

قعدو يرتبون المكان و يدخلون الاغراض وبعد مده جلس الجد بالجلسات الخارجيه و جلس ينادي الجد و يقول : يالله القهوه جهزت و ينكم يا بنات

عبير : هلا يبه جايين

ام وليد : يالله يبنات حطو طرحكم على راسكم و اطلعوا و جيبوا الحلا معكم

العنود: يالله ان شاء الله

لمار : بنات احس اني مره تعبانه و بطني تعورني

ريم : خلاص ماعليك انتي تدفي عدل وحنا نقول لجدي انك تعبانه تبين تنامين

جود: بنات تدرون وش احلا شي بالكشته

لمار ضحكت وقالت : زوجه مشاري مو هنا

البنات : صح عليك

شوق : يالله يبنات قاعد تنادينا خاله انتم روحو انا بجيب الحلا حقي و اجي

جوري : تبين اجي معك اساعدك

شوق هزت راسها بنفي راحوا البنات و راحت شوق للمطبخ تطلع الحلا من الثلاجه و شافت عوض اللي كان رافع ثوبه الاسود و لاف شماغه على راسه و كان قاعد يسوي V60 و دخلت شوق اللي كانت لابسه هودي رصاصي و بنطرون ابيض ودخلت بدون صوت وطلعت الحلا وقال عوض : مين مسويه

شوق : انا

سكت عوض وراحت تطلع ملاعق و صحون واخذت الحلا كانت بتطلع وقال : اسألي البنات والعيال معاك اذا يبون قهوه او لا

شوق هزت راسها بنعم و راحت تودي الحلا و قالت : جبت الحلا بس بنات عوض يسأل في احد يبي v60

البنات : لا

جود: لا بنشرب عربيه

شوق : تمام يا عيال في احد يبي

سيف : اي انا

الباقي كان ردهم مثل البنات و راحت للمطبخ تاخذ المعالق و الصحون وقالت له : بس سو اثنين انا بودي هذولي و اجي اشيل معك

راحت عطتهم الصحون وقال الجد : وين رايحه تعالي اجلسي قصي لنا من حلاك

شوق : جدي بروح اجيب مع عوض القهوه و اجي اقص لك بس دقايق

ابو وليد ضحك وقال : يالله ترا ناطرينك ماراح ناكل الا وانتي معنا

راحت شوق تاخذ القهوه من عوض وقالت : ما خلصت

عوض : خلصت بس مين اللي يبي علشان اعطيه

شوق : انا وسيف

عوض قدم لها القهوه وقال:  خوذي مالك وانا راح اعطي سيف

طلعت شوق و وراها عوض و راحت تجلس جمب جوري وقالت : يالله الحين اقص لكم

ابو مشاري : ماشاءالله واضح انو لذيذ

عبير : تسلم يدك يا حلوتي

شوق ابتسم وقالت : بالعافيه الله يسلمك

الكل اكل من حلا شوق و عجبهم وقالت ام مشاري : ما شاءالله عليك والله انك فنانه

شوق : تسلميلي يا خاله

عوض اللي كان مره عاجبه الحلا وقال : مره لذيذ تسلم يدك

شوق بأبتسامه : بالعافيه

جوري ناظر عوض اللي كان جالس ياكل وكان منظره ملفت مع ثوبه الاسود و شماغه وقالت: عوض ناظر فيني بصورك

عوض اللي كان ياكل قعد يتعدل ويضحك وقال: يالله خليني اتضبط وصوريني

عوض اللي كان ياكل قعد يتعدل ويضحك وقال: يالله خليني اتضبط وصوريني

جوري قعدت تصور عوض وقالت بعفويه وضحك: ويي ماشاءالله ما اصدق انك اخوي

الكل ضحك على جوري و طريقه كلامها لعوض و قال الجد : لمار فين ماشفتها ؟

شوق : تقول تعبانه وراحت تنام

ام مشاري : ياعمري انا بروح اشوفها

ابو مشاري : شوفيها وبلغيني عليها

ام مشاري : حاضر

راحت ام مشاري عند لمار و الجد جلس يناظر البنات وقال: اي يبنات متى يطلع قبول الجامعه

شوق : بعد العيد

عوض عقد حواجبه وقال: مين قالك بعد العيد

شوق : الكل يقول بعد العيد

عوض : متأكده

جوري : اي بعد العيد

غلا : اي صح الكل بتويتر يقول بعد العيد

عوض : مالك دخل بالكلام اللي بتويتر بتأكد و اقولكم

قعد عوض يتأكد من الموقع وقال : يا حليلكم يا خواتي نتايج القبول اليوم

شوق قامت وقالت : ايشششش تستهبل صح لا تكفى مو اليوم

راحت عنده وقربت منه تشوف وشم عطرها اللي اهلكه من اول يوم شتت نظره وقال : شوفي كاتبين نتائج القبول الليله الساعه الخامسه مساءً

شوق : لا اففف مره خاييفه ماما

عبير : تعالي تعالي ولا يهمك تعالي

راحت شوق تجلس جنب امها وقالت : ماما خايفه اخاف ما انقبل

الجد : بسم الله عليك بتنقبلين ان شاءالله

جوري : الحين يعني القبول اليوم

عوض : اي

غلا : افف مره يوتر كيف يقولون بعد العيد

عوض : في احد يصدق الكلام اللي ينقال بتويتر

ابو وليد : خلاص ان شاءالله بإذن الله راح تنقبلون

ابو رنا : والله عندي احساس انكم راح تنقبلون كلكم

غلا : امين يا بابا امينن ننقبل

الجد وقف وقال : يالله انت وياها صلاه الظهر و ادعوا لخواتكم و بناتكم

ابو مشاري : ان شاءالله

ام رنا : يالله حنا نستإذن بنروح نصلي داخل في الخيمه

ابو رنا : اي اخذو راحتكم

الجد : يالله انت وياه قوم توضى

دخلو البنات يصلون و الرجال يصلون برا و شوق اللي كانت تدعي بصلاتها ان ربي مايضيع تعبها و تنقبل بالتخصص اللي تبينه خلصوا صلاة و رجعوا يجلسون وقالت ام وليد: وش تبغون غداء

الجد : كبسه لحم

ام وليد :ان شاء الله ، يالله يابنات تعالوا ساعدننا

شوق : خاله والله مره ما اقدر اساعد اسف والله

ام وليد : لا ياقلبي عادي ولا يهمك البنات موجودات

عبير : خلاص خليك هنا عند جدك و خوالك و انا راح احط علاجاتك هنا نص ساعه و اكليها

شوق اكتفت بهز راسها

راحوا الامهات والبنات يجهزون الغداء و جلست شوق وقال الجد : تعالي اقعدي جنبي تعالي

بعد عوض لها اللي كان جالس جنب الجد وقال : يالله بعدت لك تعالي

جلست شوق جنب الجد و يمينها كان عوض و بينهم تكيه وقال : شفيك من عرفتي ان اليوم القبول انتي مو بخير ليش حبيبتي والله عادي اذا ما انقبلتي

شوق بدت دموعها تنزل وقالت : بس يا جدي انا تعبت حيل والله راح اتضايق اذا ما انقبلت

ابو وليد : امسحي دموعك يابنتي وان شاءالله راح تنقبلين لا تقعدين تفكرين كذا

شوق : ان شاءالله

مد لها عوض الكلينكس و مسحت دموعها وقال ابو مشاري : امشوا خلونا نتمشى شوي

الجد : يالله امشي معنا

سيف : اي يالله امشي معنا خلنا نتسابق

عوض : بزر انت وياها

ابو وليد : يالله قوم انت وياه معانا

سلطان : يالله ان شاءالله

قاموا يتمشون و بنص الطريق قال سيف لشوق : تسابقين

شوق : اكييددد يالله بس لين وين و مين يتسابق معنا

خالد ( ولد وليد ) : انا يا عمه بتسابق معكم

سلطان: معاكم

عوض : مستحيل لا ماني بزر

شوق : يالله انا وياك و سلطان و خالد

الجد : ديرو بالكم حنا بروح نتمشى بهذيك الارض

فهد : جاي معكم

وليد : ماعليك يا جدي انا معاهم

راح الجد يتمشون و قعدو شوق و سيف وسلطان يحددون لي وين يتسابقون وقالت : خلاص لين هذيك الشجره

سلطان: يالله طيب

سيف : يالله تجهزوا و عوض عد لي ٣

عوض : يالله وااحددد اثنيييننننن ثاااااا ثلاااثه انطلقو

قعدو يتسابقون و وصل سيف اول واحد وقال : بسسسسس فزتتت

قرب عوض منهم يركض وقال : سيف فاز

شوق زعلت وقالت: غش والله مايصير

خالد : اي صح غش

عوض : كيف غش و هو يركض معكم

شوق تكتفت وقالت : مالي دخل غش

تقدم عوض وقال : بس خلاص خلصت اللعبه بلا زعل

سيف بتفاخر : اهم شي اني فزت

شوق قعدت تقلد طريقه كلامه وقالت : ااااااا  اهم شي اني فزت يع واضح قاعد تغش

عوض ضحك على طريقتها وقال : بس خلاص

وليد : خلصتو سباقكم

سلطان : اي و سيف فاز

وليد ضحك وقال : افا يا خالد ما فزت

خالد: بابا هو يركض بسرعه و غش صح شوق

شوق هزت راسها وقالت : صح صح

عوض : الحين كيف تبون نرجع للمخيم و لا نمشي

شوق بحماس : لا لا ابي امشي ماابي ارجع اذا رجعت راح افكر بالقبول

سيف : دام كذا يالله امشي

سلطان : برجع المخيم تعبت

وليد : معاكم ماني راجع وانتم

خالد : معاك بابا

↚

رجعوا للمخيم

وقال عوض : يالله امشوا

سيف : اي وش جايبين فعاليات

شوق اللي كانت بالنص و يمينها عوض و وليد و خالد و يسارها سيف قالت: جايبين العاب بنقعد نلعب شوي بالليل

سيف : يالله حمااسسس

عوض : عاد لا تنسون اخوانكم

شوق شمقت له وقالت : نعرف ماراح ننساكم

عوض : تعالوا خلونا نجلس هنا

وليد : يالله

سيف : ايي سولفوا قولوا شي

شوق : تكلم انت

عوض : اي بسألك دزلك هذاك ( يقصد ابوها ) مره ثانيه شي ولا لا

شوق تنهدت وقالت: لا ما دز لي شي بس الصراحه خايفه مره يسوي شي هذا مجنون

وليد طق صدره وقال: افا عليك يا بنت العمه تخافين و حنا موجودين لا يهمك مايسوي لك شي

عوض : اي اي ماعليك حنا مثل اخوانك و مايقدر يسوي شي بس خليه يجرب و يشوف وش راح نسوي له

سيف : كلنا معك و مثل اخوانك ولا يهمك

شوق مره انبسطت بكلامهم وحست انهم سند لها و مثل اخوانها و قالت وهي مبتسمه : مشكورين ماتقصرون

عند الجد و عياله و فهد :

ابو مشاري : يبه بس نرجع ان شاءالله بخطب حق فهد

الجد فرح وقال: ماشاءالله ماشاءالله

ابو وليد : الله يهنيك

ابو رنا : ماشاءالله و بنت مين بتخطب له

ابو وليد : اي صح مين

ابو مشاري ناظر فهد وقال : قول لهم مين

فهد : والله ياعم خالد انا يشرفني اطلب يد بنت جوري

ابو وليد فرح وقال : هذي الساعه المباركه يا ولدي

الجد : خير ما اخترت يا وليدي

فهد : بس ياعم طالبك طلب ما تقول حق اي احد من البنت اني بخطبها انا عارف ان هي مستحيل تردني

ابو وليد : افا ليش

فهد : بس كذا بفاجئهم بس اذا بتقول حق عمتي نوره عادي

ابو رنا ضحك وقال: الله مفاجأت و حركات الله يهنيكم

ضحك الكل وقال الجد : يالله امشوا نرجع للمخيم

رجعوا الجد وعياله وفهد للمخيم و كانوا مره مبسوطين و رجعوا بعدهم عوض و شوق و الباقي طلعت عبير من المطبخ وقالت : شوقي يالله اخذي علاجاتك و لا تنسين ابره السكري جيبيها اسويها لك

شوق وهي تمشي قالت: ان شاءالله  ، يالله انا بروح اخذ الابره واجيك جدي

الجد : روحي الله معاك

عوض انصدم وقال: اما فيها سكري مره ما يبين

ابو وليد : علشان كذا لا تقعد تطقطق عليها و تتهاوش لان والله اللي فيها مكفيها

عوض عقد حواجبه وقال: ليش وش فيها

الجد : مافيها شي ، بس خلصوني اجلسوا عندي لكم خبر

سيف : الله يستر

سلطان : قول يا جد نسمعك

الجد بفرحه قال: ان شاءالله بس نرجع للبيت نخطب حق فهد

عوض كان مره مبسوط و كان عارف ان فهد بيخطب اخته و كان بعد عارف ان جوري تحبه بس ما قال لها ضحك وقال : مبرووك مبرووك بس منو الحلوه اللي راح تاخذها

ابو وليد بعصبيه: قليل ادب

عوض رفع اكتافه وقال: اختي ما يصير امدحها

ابو رنا : و مين قال اختك

عوض ضحك وقال : هو قايل لي

سيف بضحك قال : اما صرت قريب منه و صار صديقك

عوض تقدم يحضن سيف: زوجتي الغيوره شفيها

ضحك الكل و كمل عوض وقال : اي لان راح يصير زوج اختي لازم اكون قريب منه واعرف وش يسوي

ضحك سلطان وقال : الله يهنيكم يارب

ابو وليد : بس يعيال لحد يدري ان بيخطب جوري

وليد : ليش والله مره راح تنبسط

فهد : بس كذا بفاجئهم فيها

عوض ضحك و غمز و قال : تفاجئها هي ولا هم

الجد : بس اسكتوا جت شوق

عوض ضحك وقال : ان شاءالله

شوق : تبون الغدا الحين

سيف : اي اي مره جوعانين

شوق : طيب

راحت شوق تبلغ امها وخالتها يحطون الغداء و بعدها تغدو و بعد الغداء على العصر ام مشاري قالت : تبون نجلس نتقوى ونشرب شاي داخل ولا برا

عبير : لا برا احسن الجو حلو و علشان العيال يجون يتقهون معنا

ام مشاري : اي يالله دام كذا يا بنات روحوا جهزوا القهوه

ريم : ان شاءالله

جوري : عليك القهوه اليوم ريم

ريم : اي ماعليك

شوق : بنات مره خايفه باقي ساعه على القبول

غلا عطتها وقالت : اشربي عصفر خذي

شوق : ياعمري جد كنت محتاجه اهدى شوي

غلا التفتت للمار وشافتها نايمه : ياعمري عليها واضح تعبانه مره من الدوره شوفوا كيف نايمه

ليان : اي بس بنات خلونا نطلع حرام نزعجها

لجين : يالله بنات امشوا نجهز الجلسه

طلعوا البنات يجهزون الجلسه وبعد ماخلصوا قالت شوق : بروح انادي ماما وخالاتي و الباقي واجي

راحت شوق نادت امها وخالاتها وقالت لهم أنهم خلصوا و لما طلعت صادفت عوض بطريقها و قال لها : كيف استعدادات للقبول

شوق : تكفى عوض لا تذكرني مره خايفه مره ناظر حتى قاعده اشرب عصفر

ضحك عوض وقال : عادي عادي بتنقبلين ان شاءالله

شوق : ان شاءالله ناد خوالي و جدي على القهوه

عوض : حاضر

راحت شوق تجلس مع البنات و جاء الجد والعيال و الكل اجتمع بالجلسه الخارجيه وقال وليد : تبون اولع نار

عبير : اي واللي يعافيك

وليد : حاضر ، عوض قوم جيب الفحم

قام عوض يجيب فحم و رفع ثوبه الكحلي و هو جاي قالت جوري لشوق : عطيني جوالك بسرعه جوالي طافي

شوق مدت لها الجوال وقالت: خذي

جوري : عوض ناظر فيني بصورك

ابو وليد بعصبيه مصنعه: بس تصورين اخوك ٢٤ ساعه

جوري ضحكت وقالت: بابا عادي شفيك و نزلت راسها من حست بنظرات فهد لها ورجعت جوري الجوال لشوق وقالت بهمس: دزيهم لي

هزت راسها شوق بنعم و شب وليد النار و الكل جلس يسولف و قال الجد : صدق ما بشرناكم

عبير : وش يبه

الجد ضرب ظهر فهد وقال: بنخطب لفهد ان شاءالله

جوري سمعت الخبر و كان مثل الصاقعه بالنسبه لها و مره تضايقت كيف الشخص اللي تحبه راح يتزوج ،الشخص اللي حبته من طفولتها وكتمت حبه و ما خبرت اي احد عن حبها له غير شوق ، الشخص اللي كانت تبني معاه احلامها و مستقبلها راح يتزوج وحده غيرها راح يضحك و ينبسط مع وحده غيرها راح يجونه عيال من وحده غيرها ، لاحظت شوق جوري وهمست لها : جوري لا تبينين لا تبينين انسي تكفين الله يخليك نتكلم بعدين بس مو الحين لا تبينين انك متضايقه ابتسمي

جوري بهمس لها : عطيني يدك ، مسكت جوري يد شوق و بدت تضغط عليها و من داخلها شي انكسر

عبير بفرحه : ماشاءالله و مين بتخطب له يا اخوي

ابو مشاري : والله ماني عارف

ام وليد : كيف ماتعرفون

فهد : ياعمه ان شاءالله بس تجي يوم الخطبه تعرفونها

عبير : ليش يا ولدي

فهد بفرحه : كذا بس حاب ان افاجأكم

ام مشاري: الله يهنيك و يكتبلك الخير

عبير ضحكت وقالت : ياعمري والله فرحت لك من قلبي تستاهل كل خير

عوض ناظر الساعه بجواله وقال: الساعه خمسه

شوق بتوتر : لا عوض تكفى لا تقول لا ماما خايفه

عبير : يالله ادخلوا الموقع شوفو يالله

شوق بتوتر قالت : ماما خايفه لا ماابي خايفه شوفي كيف ايدي ترجف

جوري : يالله شوق ماراح افتح الا بعدك

غلا : حتى انا يالله شوق يالله

عوض : يالله شوق يالله قولي بسم الله وافتحي يالله

شوق كانت متوتر وقالت : طيب يالله

الجد : لو شنو ما كانت النتيجه تذكري انه خيره يابنتي

شوق : ان شاءالله ، بس تكفون لحد يوترني بكتب الرقم مو قادره يدي ترجف

عوض قال: عطيني ياه بسرعه عطيني احطه لك

مدت شوق الجوال بيد ترجف ولاحظ عوض رجفتها اخذ عوض جوالها و حط الرقم ومد لها الجوال وقال لها : قبل كل شي قولي بسم الله و حطي موافق و ان شاءالله تنقبلين بالتخصص اللي تبينه

شوق : يالله عطني بسم الله موافق

شوق : اااااااااااااااااااااااااااااااااااااااااااا ماااماااا انقبلت طببب ماما

قعدت شوق تصيح وتحضن امها والكل كان مبسوط وقال عوض بفرحه: يس كنت متوقع و حضن سيف

سيف ضحك وقال بهمس : شفيك مره متحمس شكلك تبي تحضنها

عوض بعد عنه وضربه مع كتفه وقال لشوق : مبروك قلتلك راح تنقبلين

شوق بعدت عن حضن عبير وقالت ببكي : الله يبارك فيك

الجد تقدم يحضنها وقال : مبروك يابنتي والله يكتب له الخيره مبروك يا نظر عيني ، بنيتي الصغيره كبرت و جلس يحضنها و بادلته شوق الحضن

وجلس الكل يبارك لها من فرحتها كانت تحس انها بتطير و كأن الدنيا مو سايعه فرحتها اخيراً تحقق حلمها و انقبلت بتخصص احلامها التخصص اللي كانت تحلم فيه من سنين و عبير و الجد سعد كانوا الداعم لها في هذا الحلم

تقدمت شوق تبوس راس جدها وقالت : انا لولا وجودك ياجدي ماوصلت لهذا التخصص الله يخليك لي و حضنته و راحت عند امها و حضنتها مره ثانيه وحضنت جوري و غلا والبنات و عند عوض اللي كان مره مبسوط لها و مبسوط بفرحتها قال : اي جامعه انقبلتي ؟

شوق بفرحه : جامعه ***************

ابو وليد بفرحه : ماشاءالله ماشاءالله ، الحمدالله مع عوض

عبير بتنهيده : الحمدالله يارب كذا ارتحت زياده

الجد : الحمدالله يارب ، يالله يا بنات دوركم

جوري : يالله بسم الله

جوري بكت وقالت بصوت خافت: انقبلت قانون

فرح لها فهد وكيف ما يفرح بقبول حبيبه الاولى و حب الطفوله

غلا بفرحه : انا علوم سياسيه

الكل يقعد يبارك للبنات و الفرحه كانت على شفاه الكل الا جوري اللي حست ان في شي ناقص بفرحتها

ام مشاري : يالله انا بقوم اجهز لكم كيكه ليمون يحبها قلبكم

شوق بفرحه: ماتقصري ياخاله

ام مشاري : تستاهلون وتستاهل دكتورتنا

مره انبسطت شوق من الكلمه و ضحكت ونزلت راسها

جت ريم مع بناتها و قالت : هاا بشروني طافني شكله كثير وين انقبلتوا ؟

عوض وقف و قال : احمم راح يصير عندنا دكتوره واشر على شوق اللي لازلت الضحكه على وجهها و اشر على على جوري اللي كانت فرحانه بس فرحتها ناقصه في شي ناقص وقال : راح يصير عندنا محاميه و واشر على غلا اللي تتفاخر وتبعد شعرها عن كتفها وسفيره ان شاءالله

↚

ضحك سيف على حركه غلا و تفاخرها ناظرت له و ما اعطته اي اهتمام

ريم تقدمت تحضنهم : ياعمري مبروك يا بنات مبروك شوقي حققتي مرادك

شوق تقدمت تبادلها الحضن وقالت : الله يبارك

شوق ناظرت وتين وقالت: شفيها وتيني منفسه

ريم ضحك : صحيناها من النوم

شوق قربت تبوسها وطبع روجها على خدها وقالت : ياعمري

تقدم عوض وقال : انا افهم لها راح اخذها

ضحكت ريم وتقدمت وتين تمسك يد عوض و راحت شوق لجوري وقالت لها بهمس تجي ورا الخيمه

راحت جوري ورا الخيمه وقالت جوري بصوت فيه البكيه : تكفين احس قلبي راح ابي ابكي شوق

شوق تقدمت تحضنتها وقالت : ابكي ماعليك

جوري : تكفين شوق مره احبه مره مره و ابيه يكون سعيد بس فكره انه يكون سعيد مع غيري تضايق

جلست تمسح على راسها شوق وقالت لها : اذا هو خير لك بيكون لك واذا لا بيكون لغيرك خلاص ياقلبي خيره ماتدرين وش يصير

جوري مسحت دموعها وقالت : بس يضايق والله يضايق

شوق : خلاص انسي و تذكري القبول تذكري التخصص اللي راح تدرسينه

جوري بضيقه قالت: كيف انسى كيف وانا احبه من زمان قوليلي كيف

شوق : خلاص امسحي دموعك وامشي معي خلاص لانختفي زياده و يحسبون انه في شي يالله امشي

راحت جوري مع شوق و جلسوا مع العايله وجهزت ام مشاري كيكه قبول البنات و الكل كان مبسوط الا جوري اللي من داخلها كان مكسور و لاحظ عوض كيف جوري متضايقه وزعلانه وعرف قد ايش تحبه ............

كان يناظرها فهد و يناظر قد ايش متضايقه و ما كان يعرف باللي كانت تحس فيه

وقف الجد وقال الجد : أنا رايح مع عيالي أوصي على ذبيحه سنعه أبيها بكرا غداء علشان قبول بناتي

ام وليد بأبتسامه : حاضر يا عمي

ابتسمت شوق له وقالت : ما انحرم منك ياجدي

وقف الجد يمشي مع عياله وقال بأبتسامه : ولا منك

سيف : ايي صار الليل وش عندكم فعاليات ؟

شوق ناظرت البنات و قالت : تبون نسوي هوت جوكليت

جود : ايي ايي يالله امشوا بنات نجهز الاغراض

سيف : الحين هذي فعاليه

تخصره غلا وقالت : ليش مو عاجبتك مو تبغى فعاليه هذي فعاليتنا ما عندنا غيرها

ضحك على وقفتها سيف وهز راسه ب تمام وقال : احسبونا معاكم

شوق : طيب بنجي نسوي هنا عند النار احلا كذا مع الأجواء و نصور

دخلوا البنات و بدوا يجهزون الاغراض وقالت العنود : ابي نسوي ترند الذره هذاك

ليان : اي اي مره لذيذ خلونا نسوي

لمار دخلت وقالت : مبروككككك

العنود ضحكت : اخبار السودان

تقدمت تحضن البنات وتبارك لهم وقالت لمار : ايش تسوون ؟

لجين : بنسوي ذره و هوت جوكلت

لمار تسندت على دولاب المطبخ وقالت بتنهيده : اي تكفون احتاج هوت شوكليت

الكل كان مستغرب من هدوء جوري اللي كانت هاديه و بالها مشغول التفت لها العنود وقالت : جوجو فيك شي

جوري بهدوء : لا بس احس اني مصدعه شوي بروح ارتاح داخل

لمار: شفيها ، احسها مو مبسوطه بالقبول

رفعت أكتافها شوق بعد المعرفه رغم معرفتها بكل شي

طلعوا البنات وبدوا يحطون الاغراض وقالت جود : تبغون الهوت شوكليت اول ولا الذره ؟

ريم : خلونا نشرب هوت شوكلت بعدين الذره احسن

هزت راسها شوق بتمام و وقفت وقالت : أنا بسخن الحليب على النار و انتو كملوا الباقي على ما اخلص …………

راحت شوق عند شبه النار اللي كان جالس عندها عوض و سيف تقدمت وقالت : عادي اسخن الحليب هنا

عوض هز راسه بنعم وجلس يناظرها و هي تحط الحليب بالإبريق و تقدمت تبي تحطه على النار وقال لها : عنك أنا أحطه لا تحرقك النار

ابتسم سيف و هو جالس يشوف اهتمام عوض لشوق وقال عوض : تعالي اجلسي على ما يخلص

تقدمت تجلس جنبهم وقال سيف : الحين صدق ما عندكم غير ذي الفعاليه

هزت راسها بنعم وضحكت

ضحك عوض من ضحكتها وقال : ايي كيف الشعور بعد القبول و كيف الاستعدادات

شوق بتنهيده : اخخ الشعور ما ينوصف محد قادره يحس فيه غيري قاطعها عوض وضحك وقال : حاس فيك أنا كنت كذا

هزت راسها شوق وقالت : بس الاستعداد صفر كان المفروض أتعلم السواقه علشان الطريق بس باقي أسبوعين و تخلص الاجازه وانا ما سويت شي ولا تجهزت ولا تعلمت

سيف : ما عليك من موضوع السواقه يدبره الله و إذا على الاستعداد يمديك

هزت راسها بتمام

عوض : إذا تبين شي بلغيني كلنا بنفس الجامعه

شوق : طيب ، حتى انت اشرت على سيف

سيف هز راسه بالنفي

ارتعبت و صرخت من فار الحليب على النار قال عوض : مافي شي بس الحليب عادي يالله وين جالسين علشان أجيبه لك

اشرت له شوق على المكان وتقدم يأخذ الحليب و حرق أصابعه من حراره الإبريق وسكت وتقدمت شوق قدامه و قال لها : ديري بالك تراه حار خليني أصب أنا

لجين : كان سويناه عند النار احسن

عوض : خلوكم هنا احسن بعيد عن النار ، يالله خلصوني علشان اصب لكم

تقدم عوض يصب الحليب بالأكواب و ناظرت لجين أصابع عوض وقالت : عوض أصابعك فيها احمر

عوض نزل الإبريق بعد ما خلص و دخل يده داخل جيبه وقال : مافيها شي بس إذا خلصتوا جيبوا لنا أنا وسيف

هزت راسها شوق

ومشى عوض عند سيف يجلس وقال : حرقت يدي

ضحك سيف وقال : من بدايتها كذا الله يستر

صفقه عوض على راسه وقال له : بس خلاص صدعت راسي ، مابيني و بينها شي ولا احبها

سيف ضحك وقال : طيب طيب انكر بس راح يجي يوم و راح تنكشف فيه سكت سيف من ناظر شوق تتقدم لهم تقدمت شوق لعوض و سيف معاها الأكواب وقالت : خلص هاكم

تقدم عوض بيده اليسار ياخذه و نزله وقالت شوق : يدك توجعك

التفت عليها عوض بصدمه و جلس يناظرها و شتت أنظارها و طلعت من جيب الهودي مرهم للحروق وقالت : اردلك جميلك على إصبعي و قطته على حضنه و راحت عند البنات

عوض اللي جلس يناظر مكان وقوفها و ناظر المرهم اللي بحظنه

ضحك سيف وقال عوض : اسكت لا احرق وجهك الحين

حط يده على فمه سيف و كتم ضحكته

عند جوري

دخلت داخل بيت الشعر و جلست تبكي بحرقه تبكي على كل شي على أحلامها اللي بنتها مع شخص طلع مايحبها ولا يناظر فيها حتى و جلست تبكي و تلوم نفسها على كل الأحلام اللي بنتها و لا تحققت

عند البنات

ليان مدت جوالها وقالت: بنات بليز وحده تصورني مع الكوب

لجين أخذته وقالت : يالله ليلي أنا أصورك

ليان اللي كانت لابسه هودي اسود و مسويه شعرها كيرلي كان شعرها مخليها جميله بشكل محد يقدر يقاومه مر سلطان و شافها جالسه تدلع و تحرك شعرها و بيدها الكوب بطريقه عفويه خلت سلطان يبتسم  لها التتفتت ليان تناظر الشخص اللي واقف و توترت لما ناظرت عيونه و ضحكته عليها مدت يدها للجوال وقالت بتوتر : خلاص لجين كافي بس

ضحكت لجين و التفتت لسلطان و لقته يضحك عليها و مدت لها الجوال وقالت : سلطان تعال في هوت شوكلت

سلطان و هو جالس يمشي : جاي

تقدم سلطان يأخذ الهوت شوكلت و ناظرها جالسه على الجوال تشتت أنظارها عنه ماعرف ليش ضحك لما شافها بس حس قد ايش هي لطيفه و ما حس بوجودها ولا لطفها و عفويتها من قبل و اكتشف انها كانت دايم هاديه و مايسمع صوتها حس ان شخصيته مشابه لشخصيتها

ام وليد استغرب عدم وجود جوري وقالت : جوري وين

العنود : ماما جوجو تقول مصدعه بتجلس داخل

شوق : أنا بدخل أشوفها

تقدم عوض وسيف عند قعدتهم وقال لها : أجلسي أنا بروح لها

تقدم سيف يجلس بين عماته و سلطان وقالت عبير: اي سيف كيف الدوام و انت سلطان

سيف : الحمدلله تعرفين آخر سنه تعب شوي لكن تهون

عبير هزت راسها وقالت : الحمدالله

سلطان : أنا ما خذ اجازه و بس يخلص العيد راجع للدوام و الكرف

عبير : بالتوفيق يارب ، سيف بسألك انت مع عوض و شوق

هز راسه سيف بالنفي

جلسوا يسولفون و شوق كانت مشغول بالها بجوري

عند جوري

دخل عوض و شافها تبكي وقال : جوري تبكين

رفعت جوري راسها و مسحت دموعها بعشوائيه وهزت راسها بالنفي و قالت : لا

عوض : كيف لا ما تشوفين شكلك

تقدم عوض لها يحضنها و حط راسها على صدره وبدا يمسح على شعرها وقال : تحبينه ؟

رفعت راسها جوري بصدمه وقالت تحاول تبعد الشكوك : مين

ضحك عوض لان عرف انها تحاول تنكر و رجع راسها لصدره وقال: كلهم عارفين إلا انتِ

جوري مافهمت من كلامه شي وقالت : وش تخربط انت

عوض باس راسها وقال : امسحي دموعك و تعالي جالسين يسوون فعاليات برا دموعك ذي بعد يومين راح تفرحك

وقف عوض و مشي يطلع و مافهمت من كلامه شي جوري ، تقدمت تعدل شكلها بالمنظرة و مسحت دموعها وطلعت و شافتهم جالسين كلهم بالجلسه وقالت : ما جاء جدي

عبير هزت راسها بالنفي

تقدمت شوق بصحن الذره وقالت : خليته لك

ضحكت لها جوري و حضنت يدها و بدت تمشي تجلس معاها ، عند فهد اللي كان يناظرها و كان مبين من شكلها انها كانت جالسه تبكي

قالت ام وليد : كيفك الحين

هزت راسها جوري : كنت مصدعه بس أخذت بنادول و صرت احسن

وصل الجد و عياله وقال بصوته العالي : السلام عليكم

الكل رد وعليكم السلام

عبير تقدمت لأبوها وقالت : حياك يبه بصدر المجلس

جلس الجد و بدأت السوالف تأخذهم و التفت لعوض وقال له : عندي لك طلب و ان شاء الله ماتردني خايب

عوض : افا عليك انا اردك ، امرني بس

الجد : كانت النيه اني اعلم شوق السواقه و اشتري لها سياره لكن ربي ما كتب أدربها و اعلمها و أنا ابيك تأخذها معك ان شاءالله و تجيبها معك إذا داومت ما بقى غير أسبوعين و أنا رجال كبير ولا اقدر أسوق الطرق ذي ولا اخاف عليها من السواق بالطريق بروحها

عوض اشر على خشمه وقال : تم على ذا الخشم

الجد ابتسم وقال : عليه الشحم

شوق تأفف وقالت : جدي ابيك انت توديني ذا و اشرت على عوض راح يجلس يحارشني طول الطريق ولا راح أتحمله

ضحك ابو وليد وقال : ما عليك منه ان قال لك كلمه تعالي قوليلي و حسابه عندي ، اجلده لك إذا تبين

عوض التفت على أبوه بصدمه : يبه أنا ولدك مو هي

اشر على المكان اللي بجنبه وقال لشوق : تعالي اجلسي جنبي

تقدمت شوق تجلس جنب خالها و حط يده ورا رقبتها على كتفها و دفنها بحظنه مدت لسانها لعوض وقالت : حره ااا يحبني اكثر منك

ضحك الكل على حركه شوق الطفوليه وقال الجد : والله الود ودي أوديك وأعلمك السواقه بس والله يابنتي رجولي ما تشيلني

شوق هزت راسها بالنفي: عارفه يجدي ولا يهمك راح أتحمل محارش ذا واشرت على عوض علشانك بس

التفت ابو وليد لجوري اللي كانت تضحك و مالها نفس وقال : شفيها وردتي ذبلانه و زعلانه 

↚

هزت راسها بالنفي وقالت : راسي شوي مصدع

ابو وليد : تعالي اجلسي عندي وانت قم

عوض قامت وقال : قايم قايم ، عندي إسم من اليوم تناديني ذي اشر لشوق ب ذا وانت بعد

ضحكت شوق عليه و تقدمت جوري تجلس جنب ابوها وحط ايده على كتفها و بدأ يدفن البنات بحضنه و يضحك معاهم شوق كانت جالسه تضحك و تحر عوض اما عن جوري اللي حطت راسها على صدر ابوها و بدت تبكي التفت لها ابو وليد وشافها تبكي و كأنها كاتمه كومه أشياء داخل قلبها والكل جلس يناظرها بأستغراب كانت شوق عارفه ايش فيها ، بعد يده عن شوق و تقدم يمسك خدودها وقال لها : شفيك مين اللي مبكيك

هزت راسها وبصوت باكي قالت : راسي يوجعني حيل مو قادره أتحمل

تقدمت شوق لها وكانت تعرف ان اللي يوجعها قلبها مو راسها و حضنتها و بادلتها جوري الحضن و بدأت تبكي بحضنها وقالت شوق : أنا بأخذها داخل

وقفت ام وليد : جايه معك

هزت جوري راسها وقالت : لا بس ابي شوق

الجد استغرب وقال : شفيها

جود : معرف من قبل شوي و هي كذا

لجين : هي كذا ما تتحمل الألم اكيد راسها يعورها

وقف عوض وقال : أنا راح أشوفها

ابو مشاري : طمنا عنها

هز راسه عوض لهم وراح لبيت الشعر ووقف يسمعهم من برا

عند شوق و جوري

جوري اللي كانت تبكي و شوق حاضنتها و تهديها قالت : بس جوري بس قطعتي قلبي والله ما يستاهلك والله

جوري بصوت باكي: بس احبه والله احبه بنيت كل شي معاه كنت احلم ان حياتي كلها معاه شوق حبي لفهد كبير والله كبير و محد راح يفهمه و فكره ان يتزوج وحده غيري تكسر قلبي

دخل عوض عليهم وقال : بس بكي جوري بس

جوري لعوض : راسي يعورني عوض حيل يعورني مو قادره أتحمل

تقدم عوض يجلس جنبها وقال: مو راسك اللي يعورك أنا عارف

قامت من حضن شوق وقالت : عارف ايش

عوض مسك يدها وقال : قلتلك كل شي مبين وكلنا عارفين إلا انتي

تقدم يحضنها وقال : شوفي أنا حلفت ما اقول لك بس راح اقول

جلس يلعب بشعرها و كانت شوق تناظر حنيه عوض لجوري و ابتسمت وقال : يقولون ان بعد بكرا راح تبدّا أحلامك مع حبيب طفولتك

ابتعدت جوري عن صدر عوض وقالت : ايش جالس تقول انت ، من اليوم قاعد تقول الغاز

شهقت شوق من فهمت وضحكت وقال عوض : شوفي ذي فهمت وانتي لا

جوري : عوض راسي يعورني و تعبانه لا تجلس تطقطق و تلعب فوق راسي

تقدمت شوق تمسك يدين جوري وقالت : يا غبيه البنت اللي راح يملك عليها فهد هي انتي

شهقت جوري و جلست تهز راسها بالنفي : تستهبلون فوق راسي انتم صح

عوض لف وجهها له وقال : ناظريني ، أصلا هو جاء سألني بالأول إذا راح توافقي ولا لا

جوري بدت تبكي وقالت : قول والله عوض تكفى ما ابي احلم من جديد الله يخليك

عوض حضنها وقال : والله انه بيملك عليك و كان يبي يخليها مفاجأة لك رفع أكتافه و كمل بضحك : لكن أنا فضحتها ، كل شي إلا أشوف جوجو زعلانه

شوق بأنفعال : يستهبل ذا ايش المفاجأة ذي ، البنت تقطعت من البكي و ذا يبي يفاجئها

قامت شوق تطلع برا خيمه الشعر بعصبيه تنادي فهد عند عوض قال : كلنا كنا عارفين حبك له و حبه لك إلا انتم كنتم غافلين عن بعض

جوري بدت تمسح دموعها و تستوعب ان حبيب طفولتها راح يصير زوجها و غطت وجهها بيدها و دفنت نفسها بحضن عوض

عند شوق بعد ما جاء لها فهد بعصبيه قال : تستهبل فوق راسي انت ولا وش بالضبط البنت جالسه تبكي وانت جالس تضحك و تسوي مفاجأت على حساب زعلها

فهد : ايش سويت ؟

شوق بعصبيه تكتفت : روح داخل بيت الشعر و شوف وش مسوي

استغرب فهد من كلامها و دخل و شاف جوري بحضن عوض خبت راسها بحضنه من لمحت فهد وقال فهد : وش صاير

رفع يده عوض بعد المعرفه وقال : ما تحملت أشوفها تبكي و كبيت العشى

حط فهد يده على جبهته : لا ياعوض لا

شوق دخلت وقالت بعصبيه : ليش عاجبك بكيها و ضيقتها وهي عبالها انك بتتزوج وحده غيرها بعد ما كانت ترسم مستقبلها معك

جوري اللي كانت مخبيه راسها بحضن عوض قالت بصوت باكي وهادي : مفاجأتك ذي مره خايسه

ضحك فهد وقال : ما كان المقصد اسوي ذا كله بس كنت ابي أفاجئك واجيك و نملك فجأة كذا من غير اي مقدمات بس الله يسامح بعض الناس و ناظر عوض

شوق تخصرت وقالت : ليش مو عاجبك اللي سواه عوض كنت ناوي تبكيها زياده

هز راسه فهد بالنفي و ابتسم جالس يشوف جوري دافنه وجهها بحضن عوض علشان لا تناظره و ناظر عوض شوق اللي كانت متخصره و قال : بنت اوقفي عدل

مدت لسانها شوق وقالت : ااااا مالك دخل

فهد قبل لا يطلع قال لجوري : ما كان مقصدي أخليك تبكين و ما كنت ادري بقدري بقلبك بس قالي عوض و عرفته الحين ، اسف ، كان كل مقصدي افاجأك بالشي ذا حك خده و قال بس خربت كل شي ومشى يطلع

ناظر عوض جوري وضحك وقال لها : بس خلاص طلع اشوف وجهك

ناظرته جوري اللي وجهها كان احمر و خجلانه وضحك عوض و قال : كملي ابني أحلامك و مستقبلك معاه

خجلت جوري و نزلت راسها تقدمت لها شوق تجلس جنبها و قف عوض يطلع وقالت : شوق امسكي قلبي

حطت يدها شوق على قلب جوري وضحكت وقالت : وين البكي اللي مساع أشوف الضحكه شاقه وجهك

جوري بهيام : اخخ شوق احبه والله احبه كنت خايفه يروح لغيري ما كنت ادري ان اللي بيملك عليها فهد هي أنا جلس عوض يلمح لي وانا مافهمت شي

تقدمت شوق و تحضنها وقالت : يالله امسحي دموعك و خلينا نطلع لهم هزت راسها جوري

راحوا البنات عند الجلسه يجلسون

و شافها ابو وليد : كيفك الحين

مسكت جوري يد شوق اللي كانت جالسه تضحك و قالت : الحمدلله

فهد حك خده وناظر جوري وقال : خربت المفأجاة

ابو مشاري : لا لا تقولها

فهد ضحك و رفع أكتافه وقال: قلتها

ام مشاري عقدت حواجبها مو فاهمه شي قالت : اي مفاجأة، وش طابخين انت وياه

عوض ضحك وقال : لا ياعمه كلنا الرجال طابخينها

ضحك الكل على عوض وقال ابو مشاري : فهد خطب جوري من خالد اخوي و كان بيملك عليها و يسويها لها مفاجأه

ام مشاري انصدمت و ضحكت : تحلف بالله يا سلطان

ضحك ابو مشاري : اي والله

ام وليد تقدمت تحضن بنتها وقالت : مبروك حبيبه قلبي و ورده حياتي

خجلت جوري واكتفت بهز راسها تقدمت لها ام مشاري تحضنها وقالت : أموت أنا على زوجه ولدي الخجوله

ضحكت جوري و بادلتها الحضن

ابو وليد : مين خرب المفأجاة

اشرت شوق على عوض وقالت : ذا مخرب المفأجاة و مفرق الجماعات

ضحكوا وقال عوض : ما تحملت أشوفها تبكي ، ولا تقعدين تنكتين فوق راسي

مدت لسانها شوق له : اااا مالك دخل

الجد : بس انت وياها

الجد : ان شاءالله الملكه تكون بعد بكرا

ناظرت جوري فهد اللي كان يناظرها و يبتسم لها

ابو وليد : ان شاءالله

لجين التفت للبنات وقالت:  بنات امشوا نخطط ايش راح نسوي

مشوا البنات لبيت الشعر جلسوا بشكل دائره بالأرض وقالت العنود : اي جوجو وش الشعور

جوري ابتسمت وحطت يدها على قلبها وقالت : اخخ يجنن

شوق ضحكت وقالت : بس يا بنت خليك ثقيله

لمار : اي وش مخططين نسوي

تقدمت لجين : اول شي خلونا بس نرجع بكرا نروح المول و نشوف الفساتين

جود : راح اكلم حقين الضيافات

لمار : وانا بكلم حقين الورد ، بنفسجي صح

ضحكت جوري وقالت : صحح

ليان : إذا خلصتوا أنا بطلع

↚

شوق : خلصناً خلاص ، طلعت ليان

و دخلت حصه و قالت : عمه جوجو صدق راح تتزوجين

ريم : اي يا ماما ان شاءالله

حصه : الله ابي احط ميك أب مالي دخل

ضحكوا البنات وتقدمت جوري لها تحضنها : ماعليك أنا احط لك

بدوا البنات يطلعون للجلسه وقالت شوق : بعدل مكياجي و اجيكم

طلعوا البنات للجلسه اللي كانت مليانه ضحك و سوالف

عند شوق اللي كانت تعدل مكياجها دخل عوض وقالت : بسم الله شوي شوي

عوض بدلع : سوري نسيت انك تخترعين بسرعه يا دلوعه

مدت لسانها وقالت : ااااا كيفي

عوض بعصبيه : دخلي لسانك بس

شمقت له شوق و جلست تعدل مكياجها وقال لها وهو جالس يدور بين الاغراض: ابي بندول

شوق و هي جالسه : معرف دور عن... جتها رساله من جوالها و فيديو ( اهلاً يا بنتي الرخيصه ال ***** ايش راح يكون رأيك إذا وريت اهلك الفيديو ذا و يشوفون قد ايش انك رخيصه و تخلين ابوك يت*حرش فيك وانت ساكته هههههههه بايعه نفسك نفس أمك الرخيصه عايله رخيصه صدق كان يوم اسود يوم جيتك على الدنيا ذي و يوم اسود زياده يوم زواجي من الرخيصه أمك ،موتك و موت اهلك كلهم راح يكون على يدي ) نزلت شوق الجوال و بدى صدرها يهبط و ينزل و تتنفس بصوعبه التفت لها عوض وقال : دو... تقدم لها وجلس على ركبه قدامها وقال : شوق شفيك

شوق بصوت باكي ومتقطع و يالله تتنفس : عووضض

ومدت له الجوال وهي جالسه تهز راسها بالنفي اخذ الجوال عوض وبدا يقرأ مضمون الرساله و مسح الفيديو من الجوال على طول وقال بصوت عالي :  حيواننن واططي

أغمى عليها من الصدمه كيف ممكن أب يسوي شي زي كذا

وراح عوض برا الخيمه ينادي عبير

جت عبير ركض وقالت : ايش ف... وشافت شوق جالسه مغمى عليها و هي جالسه

ركضت لها وقال الجد : شفيها عوض ايش سويت

عوض بعصبيه : مالي دخل الواطي ذا واشر على جوال شوق جالس يهدد و تهديده جالس يزيد عن حده

عبير ببكي : مو جالسه ترد علي

تقدم لها عوض وقال لها : عطيني ابره السكري و أدويتها بسرعه واللي يعافيك

ابو وليد : خلونا نأخذها المستشفى

سيف : عمي واللي يعافيك اي مستشفى قريب اقرب مشفى يبعد ساعه

عوض كان ساند راسها على يده و جالس على ركبته قدامها حط الكحول المطهره على منديل و بدأ يقرّبها من خشمها صحت شوق تتنفس بصعوبه و بدت تبكي قربت منها عبير تمسح على شعرها و تسمي عليها : بسم الله عليك ، قلتلك والله ما يطولك وانا موجوده

شوق ببكي وصوت متقطع : مو قادره أتنفس

عوض بصراخ : واللي يعافيكم كلكم برا بس عمه تجلس عندها ، خلصوني يالله

بدا الكل يطلع وقال ابو وليد : طمنونا عنها

اكتفى عوض بهز راسه ولف لعبير وقال : عطيني ابره السكري

اخذها عوض و مد يده ليدها الصغيره و بدأ يغز الابره و جلس يشوف السكري وقال : مره منخفض واكيد الضغط بعد جيبي لها شي تأكله على ما أقيس الضغط

وقفت عبير تطلع برا بيت الشعر

عند شوق اللي كانت تبكي و تتنفس بصعوبه ناظرها عوض وقال : ما يطولك وحنا حواليك ، والله لا اخليه يندم على كل شي

هزت راسها وقالت بصوت مقطع و باكي: عوض مقدر أتنفس احس اني مخنوقه

عوض مد لها يده وقال : عطيني يدك و تنفسي معي يالله شوق ، شهيق و زفير

مدت له يدها وبدت تضغط عليها و تتنفس معه بصعوبه ومن حس انها بدت تتحسن قال : مدي لي يدك أقيس الضغط

مدت له يدها وبدا يحط الجهاز على يدها و دخلت عبير وبيدها صحن معجنات و قالت : كيفها

عوض : ضغطها مره منخفض و السكر بعد خليها تاكل بعدين اجي أعطيها من الادويه

مدت لها عبير وبدت شوق تاكل و تبكي بنفس الوقت و عبير تمسح على راسها و تسمي عليها

خرج عوض و راح عند الجد بالخيمه الثانيه وقال : السكري عندها منخفض و الضغط و البنت يالله تتنفس ، الواطي ذا ما يذلف عن حياتها و يريحها و يريحنا مو حاله ذي

ابو وليد : هو كان بالسجن ايش اللي طلعه

وليد حركه يده بحركه الفلوس  : وقال بالفلوس

ابو رنا : بالفلوس تستهبل معي انت

وليد هز راسه بالنفي وقال : ذا الصدق

الجد تنهد وقال : والله العظيم تعبت من صقر ذا ، اغلط شي سويته بحياتي اني عطيته بنتي الوحيده

عوض : ما يفيد الندم يا جدي مايفيد ، والله الشي اللي قريته مو شويه يا ناس مو شويه كيف اب يسوي كذا في بنته و يهددها

ابو وليد بعصبيه : عوض بس خلاص ، سكر على الموضوع محد ساكت له خله بس يجرب يسوي شي و يشوف وش راح نسوي

عوض خرج معصب من الخيمه و راح لبيت الشعر

عوض : خلصت

هزت راسها عبير وقال : راح أعطيها أدويه مهدئه غير كذا مره مو زين بحالتها ذي

شوق بهمس و بدت تهز راسها بنفي : مو قادره أتنفس احس بخنقه ، خنقه ماما وبدت تبكي

ناظرت عبير عوض و مدت يدها لشوق و قال عوض : عمه بسرعه خليها تلبس شي خفيف و تقط الهودي ذا

صد عوض وجهه للباب وبدت عبير تقط هودي شوق وقالت : خلصت

شافها كانت تبكي و يالله تتنفس ولابسه بدي حفر ابيضّ وقال لعبير : مو القصد أناظر بس غطيها بشال من فوق او اي شي هزت راسها عبير وبدت تغطيها و مد يده لها و قال لها : شوق ناظريني يالله نفس قبل شوي عطيني يدك و تنفسي ببطء وهدوء

مدت يدها له و بدت تتنفس معاه وتضغط على يده ولاحظت عبير اهتمام عوض لشوق بس طنشت و حست ان هذا واجبه ك طالب طب في سنته الاخيره

وبدت يرجع تنفس شوق شوي شوي و فلتت يد عوض وقال : الحمدلله تحسين انك احسن

هزت راسها شوق ب اي

عوض : اخذي الادويه وإذا صار اي شي أنا برا

طلع عوض و رمت شوق نفسها بحضن عبير و بدت تبكي و عبير تهديها و تسمي عليها

عند البنات

جوري ناظرت عوض طالع وقالت : عوض طلع

لمار تقدمت : عوض شفيها شوق

عوض : مافيها شي

العنود : كيف مافيها شي وهي مغمى عليها

عوض بعصبيه : قلتيها مغمى عليها بس اسأله و لحد يدخل ولا اشوف احد يسألها فاهمين

البنات هزوا راسهم بتمام وتقدم يمشي بعيد عنهم

لجين : هذا شفيه

ام وليد : بس يبنات قال لكم ما بها شي

ام رنا : تعالوا اجلسوا وخلوا اللقافه

غلا : ماما مو لقافه بس خايفين عليها

ام رنا : خلاص تطمنتوا عليها ايش تبغون بعد

ام مشاري : يالله قوموا نسوي العشاء

لمار بتأفف: ماما اي عشاء ، بنتطمن عليها

ريم : بنات بس خلاص البنت بخير و طمنكم عليها قوّموا ساعدونا بالعشاء

جوري قامت وقالت :  يالله بنات

قاموا البنات و الامهات يسوون العشاء

عند عبير و شوق

شوق بصوت باكي : ماما ابي انام احس اني تعبانه

هزت راسها عبير و بعدتها عن حضنها وطلعت تتركها تنام

شوق غطت راسها بالبطانيه و بدت تبكي ، تبكي على كل شي صار بحياتي ، من طفولتها المدمره المليانه من ت*حرش ابوها و عمامها فيها و هي طفله ،من ضرب ابوها لها ولأمها عن أشياء كثير مالقت لهم جواب ابداً ،بدت تغفى شوي شوي و نامت بعد بكي و بعد تفكير طويل و بعد خوف