وقفت و اخذت الطلبات و توجهت للبنات بهدوء تنهد عمر و همس :يا حلو الصدف اللي تجمعني فيك

توجهه لدبابه و لبس الخوذه و حرك و بدوا البنات ياكلون بطاوله المطبخ الثاني و يسولفون و نطقت جوري : ما سمعنا حس عوض الليله

ضحكت فاطمه :شكله مزعجكم

العنود و هي تاكل :يعني ولا شوق

ناظرتهم و ابتسمت :لا عادي

دخلت لمار و ناظرتهم ياكلون ناظرتها فاطمه : هاي لمار

صدت لمار و تقدمت تأخذ لها مويه و تطلع وقفت العنود : لا ذي شكله يبي لها تربيه

جلستها لجين : اجلسي خليها عنك المهبوله

ناظرت شوق جوالها و ما حصلت منه رساله فقدته الفتره القصيره ذي و نطقت جوري :ليلي ما جت

جود و هي تاكل :لا

التفتت لرزان :احط لك كاتشب

هزت رزان راسها بالموافقه و هي تاكل و نطقت غلا : يا ان اليوم في سهره قويه

فاطمه بحماس :صدق من زمان ما سهرت

لجين : شوق معنا ولا بتروحين مع عوض

كانت سرحانه تناظر الاكل و بداخلها : ارسل له ولا لا افف اشتقت له بس لا ما راح ارسل خليه يتعلم من حركاته الوصخ

صفقت جوري :وين وصلتي

ناظرتهم :ها

ضحكت لجين :لا واضح انك ما راح تسهرين معنا الليله

هزت راسها بالنفي :لا تعبانه اليوم ما اقدر اسهر

كان باب المطبخ الثاني له بابين باب من داخل و باب من برا سمع اصواتهم عبدالرحمن و دخل بقوه : خاينات مجتمعات بدوني و كاشخات بعد

ناظرته فاطمه و نزلت تحت الطاوله تتخبى على طول ناظرها و لمح شامتها اللي تحت مبسمها و عرفها هي نفسها و سرح يناظر مكان جلوسها ناظرته العنود : صد

رمت عليه لجين المنديل :ولد صد

استوعب عبدالرحمن و صد :السموحه ما كنت اعرف

طلع عبدالرحمن من المطبخ و همس: هي نفسها اللي شفتها ذيك المره

ابتسم و تقدم يدخل عند قسم الرجال ضحكت العنود : طلع اطلعي

طلعت فاطمه و عدلت شعرها : عصفر احتاج عصفر

ضحكوا البنات و كملوا ياكلون و يسولفون و كان بال شوق مشغول بعوض وتفكر وش راح يسوي لها و صدق راح يسوي شي ولا بس كلام و معقوله صدق زعل من كلمتها ولا جالس يتغلى عليها و يكابر و الحال مثله عند جود كان بالها مشغول و كل شوي تشوف جوالها تنتظره يخلص جرعه الكيماوي بسلام و خايفه عليه يصيبه شي و هو بروحه و العنود بالها كان مشغول بالقضيه و تفكر كيف تحلها و لجين بالها مشغول بولد الكويت و السعوديه اللي اخذ قلبها تفكر فيه و فاطمه كانت تفكر بصدفاتها مع عبدالرحمن و تحاول تهدي نفسها بعد الموقف و غلا الخوف ساكن قلبها من هتان رغم ان الشرطه مسكته الا انها خايفه و تفكر بحياتها القادمه وش راح يصير معها و جوري كانت تناظر جوالها و تشوف صور فهد و هي مبتسمه و رزان اللي جاهله كل شي يصير حوالينها و جاهله تصرف خالد اللي انقلب بيوم و ليله........