ناظرتهم شوق و كان شكلهم مرعب بالظلمه و بس انوار الكشافات الموجوده و بدات تبكي زياده ضرب عوض سيف على كتفه : زين كذا بكت

قرب منهم و البنات يحاولون يبعدونه و نطقت جوري : بعد بعد عننا

زاد بكائها و نزلت راسها بين كفوفها تبكي قرب منها عوض و صار مقابلها: ناظريني شوق

↚

بكت زياده و نزل شماغه : ناظريني مقلب والله مقلب انا عوض

ناظرته و بكت تقدم يحضنها : اسف والله اسف ما كان قصدي ابكيك

ناظرت العنود سيف : انت اساس البلا عارفه

نزل سيف شماغه و ضحك : نمزح

غلا اخذت المخده و رمتها عليه : تستهبل فوق راسي انت ذا مقلب

ناظرت عوض غلا: وانت العاقل كيف تمشي وراه ذا خبل

اشر سيف على نفسه : انا خبل

العنود : سيف اسكت و لا الله صدق انا اللي راح ابيع اعضائك

كان يمسح على شعرها : شوق بس والله مقلب والله

شوق ببكي : مو حلو مقلبك مو حلو خوفتني

عوض قبل راسها : اسم الله عليك اسف

التفتوا من سمعوا صوت ابو وليد : وش تسون هنا

اشرت العنود على سيف و عوض : الحيوان ذا و الحيوان الثاني مطفين علينا الانوار و مخوفينا

سيف : مالي دخل

ابو وليد : داخل خلصني انت وياه داخل

ناظرها عوض و بدا يمسح دموعها : ناظريني

ناظرته و كمل : يلا البسي عباتك و امشي معي

هزت راسها بالنفي و نزلته مسك دقنها و رفع راسها : لا تنزلين راسك و ناظريني

ناظرته و نطق : اشتقت لك ما اشتقتي لي

كانوا البنات يناظرونهم و هم مبتسمين و نطق ابو وليد و هو ابتسم : يلا عوض اطلع

ناظر ابوه و رجع انظاره لها : يلا انتظرك برا

هزت راسها بالموافقه و مسحت دموعها وقف عوض ومشى يطلع و طلع سيف للمجلس جلس جنبها ابو وليد : شوق

ضحكت شوق ناظروها البنات و نطقت العنود: شفيك

ضحكت ناظرها خالها : بسم الله عليك توك تبكين

ضحكت : مقلبته

لجين : زين ما تسوين فيه ذا

غلا : احتاج عصفر على الخرعه ذي عمي ما اوصيك

ابو وليد ضحك : ولا يهمك شغلهم عندي

التفت لشوق و كمل : كيف عرفتي لا يكون معهم انتي بعد

ضحكت : لا لا بس اعرف عوض يعني مو لدرجه ذي ما اعرفه

ابتسم ابو وليد : حتى وهو متلثم تعرفينه

هزت راسها بالموافقه : حتى و هو متلثم

وقفت : انا بروح له

تقدمت تمشي تلبس عبايتها ناظر البنات ابو وليد : الفكر ذي فكره سيف واضح

ليان : عمي عطه اللازم

وقف ابو وليد : ابشري والله ارجع له الحركه

صفقوا البنات و نطقت جوري : كفو بابا كفو

مشى لقسم الرجال و لا لقى سيف دخل داخل و ناظره يمثل النوم و نطق : مثل حسابي معك بكرا

غطى وجهه سيف و ضحك اخذ جواله و ارسل لعوض : حرمتك طلعت مسويه فيك مقلب ما كانت تبكي سمعتها تقول لهم انها عرفتك و مقلبتك

ناظر عوض رساله سيف و ابتسم : اي الحساب صار حسابين

طلعت شوق ناظرها : مقلب اجل

مشت معه : وحده بوحده

عوض و هو يمشي : اي بس كيف عرفتيني

شوق : اعرفك لو شنو لبست اعرفك

فتح باب الشاليه و هو مبتسم : اي بس شكلك ما تعرفين شخصيتي الثانيه

دخلت معه و طنشته : ترى ما نسيت صدك

مارد عليها سبقها بالمشي و دخل الغرفه تأففت و دخلت بعده ناظرته منسدح على السرير نزلت اغراضها : اخخ تعبت اليوم من الرقص احتاج انام صدق

عوض و عينه على جواله : و من قال انك راح تنامين

فصخت عبايتها : انا قلت

تعدل عوض : حبيبتي ما راح تنامين

ناظرته و تخصرت: على كيفك

عوض : انتي عندتي و لبستي الفستان و انا وش قلت لك قلت اذا لبستي راح ترقصين لي يلا ارقصي

↚

ناظرته بصدمه : نعم تستهبل صح

هز راسه بالنفي : لا مثل ما ترقصين للبنات راح ترقصين لي

طنشته و اخذت جوالها و تقدمت تفتح شنطتها تأخذ اغراضها و دخلت الحمام و همست : يمه ذا بدمه الوصاخه ولا وش بالضبط

رجع انسدح عوض و غيرت بجامه جوري و لبست فستان بجامه حرير لونه وردي حفر و قصير ناظرت شكلها بالمنظره و عدلت شعرها رشت من العطر و طلعت ناظرته حاط يده ورا راسه و منسدح و عينه على جواله لمحت شماغه طايح على الارض اخذته و فتحت جوالها حطته على التسريحة و اخذت شماغه ربطته على خصرها و شغلت الاغنيه و تقدمت : يلا قوم

بدات ترقص و تحرك خصرها و اكتافها على اغنيه هيفاء وهبي :

رجب حش صحبك عني
رجب صحبك جنني
رجب قرب طمني
رجب وقلو يسيب قلبي

رمى جواله جنبه و تعدل بجلسته و ناظرها بصدمه كيف ترقص و ترفع شعرها ناظرت نظراته لها و ابتسمت و كملت رقص قربت منه و حطت خشمها على خشمه و حركت اكتافها كان يناظرها و هو مصدوم يحس نفسه بحلم قال الكلمه بدون قصد عارف انها مستحيل تسويها و ما توقع انها تسويها بعدت عنه و كملت تحرك خصرها ناظر شماغه اللي على خصرها و بحركه سريعه سحبها من الشماغ اللي على خصرها و جلسها بحضنه نزل انظاره و مسك شماغه : شماغي

رفع انظاره لها ناظرها مبتسمه : وش سويتي فيني برقصك ذا و شماغي على خصرك هبلتي فيني يا بنت

رفعت اكتافها و هي مبتسمه: مالي ذنب مو انت تبيني ارقص لك وانا ما عند.....قاطعها و تقدم يقبل شفتها حطت يدينها خلف رقبته و بادلته القبله بهدوء لكن عوض كان يقبلها بقوه بطريقه حس فيها ان انفاسه راح تتقطع و كأن اخر قبله له بالحياه ما كان ينسمع غير اصوات قبلاتهم بعد عنها من حس انه يحتاج يتنفس ناظر عيونها : ما خليتي فيني شي صاحي

عضت شفتها و ابتسمت و هي حاطه يدينها خلف رقبته ناظر شفتها : في ناس تسكر من الوسكي وانا سكاري على الشفه

بعد يدينها اللي عند رقبته وحط يده تحت ركبتها و يده الثانيه خلف ظهرها شالها و رمها على السرير و اعتلاها بدا صدرها ينزل و يصعد من ناظرته فوقها ناظر توترها ابتسم: ابي الوصل الليله

زاد توترها و زادت نبضات قلبها رقصها له بس علشان تسكته ما توقعت يطلب منها الطلب ذا بلعت ريقها ابتسم من سمع سكوتها :السكوت علامه الرضى

تقدم يقبل شفتها و ....❤️‍🔥‼️

الصباح صحوا البنات و نطقت العنود بصوت فيه النوم :تبون نسبح الحين

تمغطت لجين :اي يلا وش رايكم

جوري وقفت : اي اي قبل لا يصحون العيال و البزران

وقفوا البنات و بدوا يجهزون و يطلعون ملابسهم و قبعاتهم و صحوا معهم جود و رزان و توجهوا للمطبخ و بدوا يجهزون نطقت العنود : بنات وحده تقطع لنا البطيخ

جود : عندي

جوري التفتت لرزان : روري تسوين الموهيتو

رزان : اي

طلعوا البنات الاغراض و بدوا يجهزون و نطقت غلا : صدق اتصلوا على شوق

ليان و هي تحط الايسكريمات داخل البوكس : اتصلت عليها ما ترد علي

لجين : يمه بنات مقلبهم امس

ليان : اسكتي شربت عصفر لين ما قلت بس

ضحكت جود : وش صاير

بدوا يقولون لها البنات و ضحكت : كله من الاهبل سيف

لجين و هي تناظر غلا : اي والله اهبل الله يعين اللي راح تاخذه

وقفت غلا : بنات الطفاحيات وين

ضحكوا ليان و لجين و نطقت رزان : عمه داخل خبيتهم عن البزران بالغرفه الثانيه

طلعت غلا و همست ليان للجين: ماقلتي لي وش صار مع الدكتور

لجين بهمس و هي ترتب الاغراض : شفته واقف عند الدباب و شفته مره ثانيه و انا اخذ طلبات المطعم

صرخت بخفه ليان: احلفي وش قال لك

لجين : ولا شي بس قالي لا تطلعين انتي خلي اخوانك يطلعون للمطعم

غمزت ليان : غار عليك

ضحكت لجين : تكفين يجنن و صوته و هو يغني يموت و اخخخخ شكله و هو واقف عند الدباب ياخذ القلب

ضحكت ليان : لا صدق اخذ قلبك

لجين : ليان عمر كذا معرف كيف شكله و طريقه لبسه و كلامه نفس اللي كنت احلم فيه

ليان : اساعدك و احطك معه بشباك الحب

تنهدت لجين : اذا احتجت مساعدتك قلتلك

↚

ناظرتهم العنود : وش تتهامسون فيه خلصوني حطو الاغراض برا

اخذت ليان بوكس الايسكريمات و معها لجين و طلعوا و طلعوا البنات بعدهم و بدوا يجهزون لقعدتهم عند المسبح و لبسوا ملابس السباحه دخلت غلا المسبح : يجنن بارد

دخلت العنود و هي حاطه قبعتها و لابسه نظاراتها : الله صدق عطوني ايسكريم

عطتها ليان و دخلت و دخلوا البنات ناظرت جود رزان: يلا روري لجين :تعالي يلا

جوري و هي تسبح :يلا تعالي مو غميق

هزت رزان راسها بالنفي و نطقت جود :يلا روري افصخي التنوره و تعالي لا تستحين

رزان بخجل:افصخها ......

ضحكت العنود : يلا عادي كلنا لابسين مايوهات يلا بلا خجل

فصخت التنوره اللي كانت لابستها فوق المايوه و مدت جود لها يدها : يلا تعالي

نزلت رزان شوي شوي و نطقت العنود : الازرق نار ناقصك تان رزان

ابتسمت رزان بخجل و نطقت لجين : ياربي لا تستحين عادي

حاوطت كتفها جود : خلوها براحتها

جلست غلا على طرف المسبح: من يبي ايسكريم

اعطت البنات و بعد مده طلعوا من المسبح و بدوا يسوون تان و انسدحوا و نطقت جوري : ناقصنا شوشو

ليان : صدق والله

ناظرتهم لمار اللي كانت لابسه و تبي تجلس معهم و كيف ما ذكروا اسمها تضايقت ودخلت داخل وقفت العنود : احس كافي خلونا ندخل

وقفت جود : اي لا تجينا ضربه شمس

ناظرت رزان و كملت: كيف التان و السباحه

ابتسمت رزان : حلو

بدوا البنات يدخلون و كل وحده دخلت لها حمام ( الله يكرمكم ) تتسبح بعد مده صحوا الامهات و بدوا يجهزون للفطور و فتح ابو وليد الباب اللي يفصل بينهم و تجمعوا كلهم على الفطور ناظر عبدالرحمن البنات : وش ذا التان اللي منتهي صلاحيته

الجد و هو يشرب الشاي : وش تانه انت الثاني

قبلت العنود راس جدها : تسمير جدي

ناظرهم الجد : مو عارف وش هو بس والله تهبلون جميلات ما عليكم منه ذا

ناظر مشاري رزان و ابتسم : معهم

هزت رزان راسها بالموافقه و هي مبتسمه : سوينا كلنا مره يونس

ناظر مشاري جود و ابتسم بخفه مو عارف كيف يشكرها على كل شي سوته مع بناته و يخاف يروح منه العمر و هو ماقدر يوفيها حقها تنهد و كمل اكل و نطقت عبير : الا الفار وينه

ضحكو من فهمو مقصدها و نطق ابو وليد و هو ياكل : الفار امس مسوي مصيبه

ابو مشاري : تونا امس نمدحه وش مهبب

عبدالرحمن: ذا مو كفو مدح والله

ابو وليد : داخلين على البنات هو و الفار الثاني اللي معه و مطفين الليتات عليهم و مخوفينهم

ليان : شنو تخويفه يمه كل ما اتذكر احس جسمي يتقشعر

اخذ جواله سلطان و ارسل لها : اسم الله على قلبك من الخرعه

ناظرت رساله و ناظرته و ابتسمت له و ضحك الجد : سيف ذا حركاته تضحكني

ام مشاري : تعبني والله يا عم احط لي اكل بالمطبخ اقول شوي اجي اكمل الطبخه اجي القاه ماسح لي الصحن

ام وليد ضحك : يا حليله يضحكنا الصراحه

ابو وليد : شوفو هو كفو و يعجبكم تراه

فهد و هو ياكل : بس ذبحنا بالاكل و امس حسيتك يبه شوي و تقوم عليه

الجد : امس انا اللي صدق شوي و اقوم عليه

ضحكت عبير : وش مسوي

فهد : لا سلامتك ولا شي بس اكل البرتقال كله

ضحكوا و ناظر الجد احفاده و عياله و ضحكاتهم و لمتهم و انتبه ان عوض و شوق مو هنا : الا شواقتي وين هي و عوض

تحمحم ابو وليد و نطقت عبير و هي مبتسمه : اي شواقه عوض اخذ لهم الشاليه اللي جنبنا و اتصلت عليها ماردت اكيد نايمه

ابتسم الجد : اي نوم العافيه

دخل وليد : سلام عليكم

ردوا عليه السلام و تقدم يجلس و ناظر وتين اللي توها صاحيه تمشي له : بابا متى تعلمي اسبح

ضحك وليد : توك صاحيه صحصحي و افطري و اعلمك انتي و لولو و حصوص

مشت له لولوه بفرحه: صدق

هز وليد راسه بالموافقه و التفت لمشاري : اعلمها

ناظر مشاري لولوه و ابتسم و هو تعبان : علمها عمها انت بدون استأذان حتى

وليد : يلا تفطرو علشان اعلمكم

دخل سيف مع خالد ناظره ابو وليد : جاهز للعقاب

ابو رنا ناظر سيف : انا اقول اعفو عنه

سيف سحب الكرسي و جلس : اي اعفو عني و خلوني اكل

ابو مشاري : شرايك خالد نعفي عنه بعد الموضوع اللي سمعنا عنه امس

ابو وليد رفع حاجبه ناظره سيف نزل الخبز سيف و بلع ريقه و نطق ابو وليد : تعتذر للبنات بالاول

صفقوا البنات و كانت لمار جالسه معهم بهدوء مستغريبه الكل و نطق سيف : لازم

ابو مشاري : انت غلطت على خواتك و خوفتهم ولازم تعتذر ولا العقال ينتظرك

ناظر سيف البنات اللي كانوا مبتسمات و ناظر غلا قلبه و ابتسم بخفه : طيب ، اعتذر لكم

العنود : لا قول اسف و لا راح يتكرر الموضوع

تأفف سيف و نطق ابو وليد : يلا قول

سيف و هو ياكل : اسف ولا راح يتكرر

ناظرت ريم خالد اللي واقف : تعال تفطر ماما

ناظر خالد رزان اللي تتفطر ولا معطيته اهتمام و تقدم يجلس و هو جاهل ولا عارف مشاعره لها كان يحس انه فعلاً فقدها و فقد لعبه معها بس خالد ما عاد خالد الصغير كبر خلاص و رزان قررت انها ما تهتم و حست انها تنبسط مع البنات اكثر منه كملوا يتفطون و يسولفون

↚

صحت شوق و التفتت يسارها ناظرته نايمه و شعره نازل على وجهه ابتسمت و جلست تمغطت و ناظرته قربت يدها له و بدت تمسح على وجهه و شعره و تقدمت تقبل خده ابتعدت عنه كانت بتنزل بس حاوط خصرها و سحبها له بسرعه حطت يدها على صدره ناظرها و هو توه صاحي و تقدم يقرب لها زياده و يطبع قبلاته على ثغرها بخفه ابتعد و نطق و هو مبتسم : صباح الخير يا صبح عمري

ابتسمت بخجل و شتت انظارها ضحك بخفه و حطت راسها على صدره بخجل و انسدحت و بدا يمسح على شعرها: وش بس انتي اللي تعطني بوسه الصباح و انا ما اعطيك

عضت شفتها و اكتفت بالسكوت و نطق و هو يضحك: القطو اكل لسانك

غطت وجهها بكفوفها : عوض خلاص

قبل راسها و هو يضحك : طيب طيب

بعدت يدينها عن وجهها و كمل يمسح على شعرها : اجل و الطقعه ها

ضحكت بخفه : ما كان قصدي اقول كذا بس انت استفزيتني

اخذ يدها اللي كانت على صدره و قبلها و مسكها: حسيت بلهيب داخلي لما شفت فستانك و لا شي يسترك

شوق : وش اللي ولا شي يسترني لابسه بعدين كلنا بنات عادي

عوض : ما احب احد يشوف شي خاص فيني حتى انتي لو بيدي عزلتك عن العالم احس ودي اخبيك بقلبي و محد يحبك و يشوفك غيري

ضحكت بخفه : لدرجه ذي

عوض : و اكثر بعد ما تعرفين اني اغار على اشيائي و انتي كل اشيائي الثمينه

ابتسمت و مسحت على يده : يا حظي دام اني اثمن اشيائك

ابتسم : طيب و انا وش بالنسبه لك

ناظرته و صدت بخجل من تذكر ليله امس و هي مبتسمه بدات تعد على اصابعها : حبيبي و زوجي و حياتي و سندي و عوض عمري و باقي سنيني

ابتسم و اخذ يديها يقبلها : يا شوق قلبي و شوقي للحياه

ظلوا جلسين لفتره و هم ساكتين هي ماسكه يده و حاطه راسها على صدره و هو يمسح على شعرها التفت لجواله و ناظر الساعه : يلا تجلسين علشان نروح نتفطر

تعدلت بجلستها و ناظرت شماغه اللي طايح على الارض عضت شفتها ناظرها تناظر الشماغ : لا تشتتين انظارك ناظريني

وقفت بسرعه و فتحت شنطتها اخذ اغراضها و دخلت الحمام ضحك بخفه عوض و وقف ياخذ اغراضه و يبدل سكرت باب الحمام و حطت يدها على قلبها و همست : وش صار امس

تأففت : بس شوق انسي خلاص

اخذت لها شاور و لبست و طلعت ناظرته جالس و لابس تيشيرت ابيض مع شورت سباحه ناظرها من طلعت كانت لابسه قميص وردي مع بنطرون جينز : تأخرت

ناظر عوض الساعه : لا عادي بس استعجلي شوي علشان نلحق الفطور لا يخلصه سيف

ضحك و جلست على كرسي التسريحه : عاد خالي امس متوعد فيه على حركته و شكله متوعد فيك انت

نزلت المنشفه من شعرها و بدات ترطب يدها ناظرها : عاد افزعي لي

شوق و هي ترطب يدها : افكر

عوض : افا عوضك يطلب منك الفزعه و كذا ردك

ناظرت انعكاسه بالمنظر و ابتسمت قلدته: افا يا ذا العلم دودي يطلب مني الفزعه و ارده مستحيل

ضحك : دودي

شوق وهي تنشف شعرها بالمنشفه: دودي

انسدح و حط يدينه خلف راسه : اي وش شعورك و بعد كم يوم راجعه للجامعه

شوق بحماس : متحمسه الصراحه بس بنف... التفتت لجوالها من جاها اشعار :

تم ترشيح شوق لمسابقه كليه الطب .......

وقفت و صرخت بقوه تعدل بجلسته و قرب لها : وش فيك

عطته الجوال و هي مبتسمه و حاطه يدها على فمها قرا الرساله عوض و صرخ : يس

تقدم يحضنها بقوه و هو يضحك : قلتلك لما سجلت لك راح يرشحونك و راح تفوزين

ابتعد عنها و تقدم يقبل خدها : مبروك حبيبه قلبي و ان شاءالله اشوفك ضمن الثلاثه الفايزين

حضنته : الله يبارك فيك

ابتعدت عنه و ناظرت عيونه اللي تحاول تشتت انظارها عنها طول اليوم و ابتسمت : اوعدك اني راح اكون من ضمن الثلاثه و ارفع راسك

تقدم يقبل راسها : فخور فيك سواء فزتي ولا لا كافي ان اسمك ترشح

ناظرته و ابتسمت : امش نقول لهم

عوض : خلصتي

هزت راسها بالموافقه : خلصت نشفت شعري و حطيت ميك اب خفيف

اخذت عبايتها ولبستها مد يده لها و تقدموا يطلعون من الشاليه و يمشون للشاليه الثاني دخلوا الشاليه ناظرو وليد اللي كان بعلم وتين و لولوه و حصه السباحه ابتسمت شوق و ضحك عوض : ها توته كيف السباحه

وتين : مره حلوه

شوق اشرت على وتين : ناظرها كيف تحرك يدها

ضحك عوض : تعالي نتفطر

دخل و يدها بيده كانوا جالسين يتقهون ناظر خواته : وش ذا التان

شوق : يجنن طالع عليكم

جوري : وينك من اليوم نتصل عليك

فصخت عباتها و تقدمت تجلس على الطاوله و جلس عوض نطقت شوق : نايمين

عبدالرحمن و هو يشرب مويه : كل ذا نوم

بلعت شوق ريقها و نطق عوض : كيفنا

طلع جهاز السكر من جيبه ناظرته : نسيت اجيبه

عوض ابتسم: ما عليك انا اتذكر عطيني اصبعك

مدت له اصبعها و ناظر وتين من الشباك القزاز الكبير : ناظري توته كيف تسبح

ناظرتها شوق و غز الابره بأصبعها وضحكت: ياحلوها

ريم و تشرب القهوه:جننتني من امس الا تسبح

ابو وليد : كيفها خلوها على راحتها عاد ذي حفيدتي الغاليه شبيهه الغاليه بنت اختي ولا عوض

ماسمع ابوه و اخذ الجهاز و قاس السكر : ٧٠ تفطري و يصير احسن

جوري : عوض ابوي يكلمك

ناظر ابوه : هلا يبه

ابو وليد : اقول وتين ذي شبيه الغاليه شوق سبحان الله كأنها هي بالاسلوب و الحركات كل شي

ناظرها عوض و ابتسم : شوق مالها شبيه ولا لها بديل بعيوني

كل اللي كانوا موجودين ابتسمو و ناظروا نظراته لها و كيف تبتسم له و نطق الجد : اي والله شواقه مافي مثلها

ناظرت جدها و ابتسمت و تقدم يمسك يدها و نطقت عبير و هي تحط لها الكورن فلكس: اي والله هي وحده و اخذت قلوبنا كلنا شلون لو في عشره غيرها

قدمت عبير لشوق صحن الكورن فلكس و هي مبتسمه: تبين كرواسون

هزت راسها بالنفي و نطق عبدالرحمن: شعليك اليوم ماسكينك مدح

بعدت شعرها بغرور : استاهل

ابو وليد : اي والله تستاهلين اكثر من المدح ذا

اخذ عوض الحليب و صب لها : كافي

هزت راسها بالموافقه و بدات تحرك الكورن فلكس و همس لها : اعشقك غرورك اللي علم الطاؤوس نفش الريش

ابتسمت له و نطقت لجين : تبون نعبي بالونات المويه

شوق التفتت لهم : اي بس اخلص اكل

بدات تاكل و كان عوض ياكل : اي ما قلنا لكم البشاره

لجين التفتت لهم و بحماس: لا يكون شوشو حامل

غصت شوق بالاكل وقف عوض و هو يضحك و بيده كاس المويه : اشربي

شربها من المويه و بدا يضرب على ظهرها نزل الكاس و حطت يدها على صدرها تتنفس جلس عوض و ناظرته امه : صدق حامل

خجلت شوق و هزت راسها بالنفي ضحك عوض : لا لا

الجد : وش البشاره

ناظرها كيف خجلت ابتسم و نطق : اي البشاره ان شوق ترشحت بمسابقه بالجامعه

عبير بفرحه : صدق

ناظرتها شوق و ابتسمت : اي

الجد بفرحه : ماشاءالله ماشاءالله مبروك يا بنتي تستاهلين كل خير

ابو وليد : اي والله تستاهلين

بداو يباركون لها و الكل فرحان لها و نيران الغيره بقلب لمار تشتعل دخلت وتين : دودي

ناظرها عوض و تقدمت له مسكت يده : تعال علمني بابا يقول تعب

دخل وليد اللي كان لابس تيشيرت و شورت و كله مويه : عوض تكفى روح معها ما شبعت

وقف عوض و نفض يدينه ناظرته شوق : ما كملت

عوض : لا بس شبعت

ناظر سيف اللي كان ياكل من الحلا : امش معنا

وقف سيف : يلا انتظرك من زمان علشان نسبح

ترك يد وتين و تقدم يفصخ تيشيرته ناظرته شوق بصدمه و التفتت للبنات و ناظرتهم يناظرونه بدات نيران الغيره تشتلع في قلبها نزلت انظارها و بداخلها : حيوان بس شاطر يتشيحط و يطلع عضلاته وش اسوي فيك اذبحك ولا افجر فيك

كملت تاكل حط تيشيرته على الكرسي و ناظرها تمثل الانشغال ابتسم و تقدم يشيل وتين اللي نطقت : الله دودي عضلاتك نفس سوبر مان

شالها بيد وحده وبرز عضلات يده ( سوا الحركه ذي بأختصار 💪🏼) مسكت عضلاته وتين : بابا دودي سوبر مان

ضحكوا و نطق وليد : و بابا

وتين اشرت على وليد : انت ما عندك عضلات نفس دودي

ضحكت لجين : جحدتك

وليد: اشوفها

↚

سيف قلد حركه عوض : وسيف

وتين: انت اصلا مره نحيف ما عندك عضلات

ضحك عوض و عضت شفتها و بدت تحرك الكورن فلكس بقوه و تاكل و التفت عوض للبنات : عندكم تان

ابو وليد : اقول تستر

عوض : متستر شوف مغطي عورتي

شوق بهمس و ناظرته بحده : و اللي فوق كله طالع و تقول مغطي

وقفت لجين : انتظر اجيب لك

الجد : وش ذا التان مافهمت عليهم

وقفت شوق و تقدمت تجلس جنب جدها : جدي ذا كذا كريم تحطه على جسمك و تجلس تحت الشمس و تصير اسمر بس انت ما يحتاج لونك تان من الله وههه ياحلوك

تقدمت تقبل خد جدها و ضحك الجد : يعني انا مع الموضه

شوق : معها معها انت الموضه بكبرها

الجد : حلو ما احتاج اتفصخ و اجلس تحت الشمس

ناظرته و تكتفت: ما يحتاج تتفصخ جدي و لا تتعب نفسك و تتشيحط بعضلاتك

ضحك ابو وليد من فهم مقصدها : اي والله ياكثر اللي يتشيحطون بعضلاتهم

ضحك عوض بخفه و تقدمت لجين بالتان اخذه عوض و طلع و هو شايل وتين و معه سيف ناظرتهم و نطقت ليان : تبون نلعب برشاشات المويه و البالونات الحين

شوق بحده و هي متكتفه و تناظره من الشباك القزاز: لا بعدين

طلعت العنود : يلا بابا جهزت

التفتت للبنات : رايحه احل قضيه سريعه و اجي لا تخلصون الفعاليات

وليد وقف : تحتاجيني

العنود: اكيد البس و تعال و انا راح اخلي استاذ عبدالله يرسل لك لوكيشن البيت

وليد : ام خلودي جيبي لي بدلتي

وقفت ريم و دخلت داخل تجيب لوليد بدلته و طلع ابو وليد مع العنود ناظرت العنود عوض و وتين يسبحون و سيف جالس على الكرسي ضحكت تقدمت و تركب السياره مع ابوها علشان يتوجهون للبيت تاخذ سيارتها و تروح للمكتب خرج بعدهم وليد و ناظرهم و ضحك : ها توته

وتين و هي تسبح : بابا شوف تعلمت حركه جديده

عوض : يلا كيف علمتك

بدات تسبح و صفق وليد : ماشاءالله ماشاءالله انتبه لها عوض

عوض و هو ماسك وتين يعلمها السباحه : ولا يهمك

قرب منهم وليد و مسح على شواربه: اقول

ناظره عوض : سم

وليد : خفف تفصخ قدام البنات مرتك داخل جالسه تحترق بمكانها

ضحك عوض : لا تخاف اطفي نيرانها بعدين

وليد : اي انتبه من الرماد عاد

تقدم يطلع ناظرته شوق من الشباك كيف يبعد شعره من على وجهه وقفت و هي تشتعل من الغيره ناظرها الجد : اجلسي ما شبعت من سوالفك

شوق ابتسمت له: شوي و اجيك

تقدمت تدخل احد الغرف وبدات تدور على منشفه اخذ منشفتين و تقدمت تطلع من الغرفه ناظرته من الشباك واقف و يصفق و كل اللي جالسين داخل يناظرونه : ايوا توته ايوا

مشت بقوه و تقدمت تسكر الستاير و التفتت لهم : لحد يطلع

تقدمت تفتح الباب و تطلع ضحك عبدالرحمن و ناظر عبير : لا بنتك شكلها ما قدرت تحبس نيران الغيره

ضحك ابو مشاري : كنت منتظرها تقوم له

عبير و هي تاكل من الحلا : زوجها اكيد تغار عليه

ناظرت ام وليد و كملت: و لا

ام وليد : اي والله اجل تخليه كذا متفصخ قدام البنات زين ما تسوي فيه

الجد ناظر عبدالرحمن : لا والله خلها كيفها زوجها و تغار عليه من حبها له

سمع عبدالرحمن صوتها و ضحك : شكله ما يبي يطلع

ناظرته يسبح مع وتين و سيف جالس على الكرسي بالسروال و الفنيله و تقدمت له و بيدها المناشف : خلص اطلع ......

ناظرها و ابتسم : وش اللي اطلع تونا داخلين

وتين : اي شوشو ما شبعنا

شوق بحده : خلص اطلع

جلس سيف : شفيك تصرخين

ناظرته : مالك دخل انت الثاني بعدين في احد يتشمس و هو لابس سروال و فنيله

التفتت لعوض اللي كان يضحك و كملت : فقمه البحر خلص اطلع

ضحكو عوض و سيف و نطق عوض : افا كل ذا و فقمه

شوق : خلص اطلع

وتين : لا شوشو بنسبح

تخصرت شوق : روحي العبي مع القطاوه داخل عند لولو

ناظرها كيف واقفه : وقفي عدل

تكتفت : اطلع خلصني

ضحك عوض : طيب طيب هدي

ناظر عوض وتين : يلا نروح نلعب مع القطاوه

هزت وتين راسها بالموافقه و طلعها عوض من المسبح ناظرتها شوق : بسرعه ادخلي لا تمرضين

دخلت وتين و تركت الباب مفتوح و ظل عوض بالمسبح و بحده: خلص اطلع بسرعه لا تجنني

ضحك سيف : خلي الفقه ذا مكانها

ناظرت سيف : سيف اسكت مو ناقصتك

حط يده على فمه سيف و ضحك و ضحك عوض ناظرته كيف يضحك : فقمه البحر خلص اطلع ولا والله افجر فيك خلص اطلع

كانوا يسمعونها و ضحكوا و ضحك عبدالرحمن: فقمه

جوري : تعجبني مسيطره

الجد : كفو اخوكم ذا ما يمشي الا كذا

↚

ام وليد : اسم الله عليها كيف قادره عليه معرف انا امه ماقدرت عليه

ضحكت عبير : شوق ذي مو اي احد

ام مشاري: و هو ماشاءالله عليه يحبها و يسمع لها

عبدالرحمن: عاد اول ما جاء ما كانت العلاقه كذا معرف وش صار

غلا : صح كانو يتخانقون و موطايقين بعض بس الحين ماشاءالله عليهم

الجد : مابعد العدواه الا وش

الكل : الا المحبه

طلع عوض من المسبح و اخذت المنشفه و حطتها عليه : امش معي خلص

مشت قدامه و نطق: وين

دخلت قسم الرجال و اشرت على الكرسي : اجلس اروح اجيب لك استشوار و لبس و اجيك

تقدم يجلس و دخلت داخل ناظرت البنات : ابي استشوار

لجين : شوفي داخل شنطتي

تقدمت بتدخل و ناظرت سلطان و بخجل نطقت : سلطان

ناظرها سلطان : امريني اختي

ابتسمت بخفه كانت علاقتها مع العيال الباقين سطحيه بس تحسهم فعلا انهم اخوانها ، رمت عليه المفتاح :ما يأمر عليك عدو ذا مفتاح شاليها جيب للخبل ملابس لا يمرض شنطته البيضاء

وقف سلطان و هو يضحك : ان شاء الله

دخلت احد الغرف و اخذ الاستشوار و طلعت ناظرت البنات : انشف شعره و نسوي البالونات و نلعب

طلعت و دخل مشاري بعد ما اخذ جرعه الكيماوي ناظرته امه : بسم الله فيك شي

جلس مشاري بتعب : لا بس راسي مصدع شوي

ناظرته جود كيف تعبان و تعبه المره ذي كان قوي و قدمت له عبير القهوه : اشرب قهوه تصحصح

مشاري : لا لا بس بدخل انام داخل شوفوا لي مكان

ناظرت ام مشاري جود : جودي

جود اللي كانت تشرب قهوه: هلا عمه

ام مشاري : اخذيه لغرفتك انتي و بناته يرتاح شوي

وقفت و وقف معها يمشي فتحت باب الغرفه : تبي شي

مشاري : بكلمك

جود : مشاري ادخل ارتاح و بس تصحى نتكلم

هز راسه بقل حيله و تقدم يدخل ينسدح ناظرته و مشت تغطيه : تغطى عدل

غطته و سكرت الانوار و طلعت ناظرها ابو مشاري : قال لك شي

تقدمت تجلس و هزت راسها بنكران : بس يقول تعبان

ام مشاري: قلبي مو متطمن

عبير : استهدي بالله مو صاير الا كل خير

عبدالرحمن: صدق يمكن مصدع

ام وليد : خليه ينام شوي يرتاح و صدقيني يصحى مافيه الا العافيه

دخل سيف ناظروه و نطق عبدالرحمن : تان بسروال و فنيله

سيف : اتفصخ نفس الفقمه هذاك يعني

ضحكوا و نطق ابو مشاري : كفو ولدي اي خلك كذا لا تطلع عورتك

سيف فتح الثلاجه : يعني لو عندي عضلات نفسه صدق تفصخت بس وين

فهد : غريب رغم انك تاكل اكثر من عشر وجبات باليوم الا انك هذا انت بطنك لاصق بظهرك

اخذ المويه و شرب سيف ناظرته امه : روح غير لبسك

نزل المويه و جلس على طاوله المطبخ التحضيري: شوق تنشف شعر عوض هناك بس تخلص اروح

عند شوق و عوض كانوا جالسين بالجلسات الخارجيه و تنشف شعره بالمنشفه و هو مبتسم و نطقت : ان شفتك مره ثانيه تتسبح قدام البنات كذا فجرت فيك سامع

ضحك عوض ناظرته و بحده : ما يضحك سد حلقك

ضحك عوض بقوه : تغارين

نزلت المنشفه و بحده: عارفني اغار و احترق ليش تسوي كذا و تعبني

رفع اكتافه و هو مبتسم : لاني احب اشوف غيرتك اسوي كذا

تقدم لهم سلطان و ناظر عوض اللي بس لابس شورت و متغطي بالمنشفه و شوق جنبه و حاطه المنشفه الثانيه بحضنها و نطق : ملابسك

شوق : حطهم على الكرسي مع المفتاح

حطهم سلطان و تقدم يبي يطلع ناظرته و نست تشكره : سلطان

التفت لهم و نطقت : شكرا

↚

سلطان : ولو انتي اختي ما طلبتي شي

تقدم يطلع و ناظرت عوض اللي كان يناظرها : عطيتيه يجيب لي لبس

اخذت المنشفه و كملت تنشف شعره : اي

وقفت و شبكت الاستشوار و بدات تنشف شعره و نزل المنشفه اللي على جسمه سكرت الاستشوار : قسم بالله بتموتني ناقصه عمر حط المنشفه على جسمك

هز راسه بالنفي و هو مبتسم و قفت و بحده : انا ضغطي ارتفع منك و من حركاتك خلص نشف شعرك و بدل و تعال داخل

تقدمت تدخل بقوه و ضحك كمل ينشف شعره اخذ لبسه و دخل الحمام ( الله يكرمكم) يبدل دخلت داخل البيت تنهدت و جلست ناظرها عبدالرحمن: جايه من المعركه

شوق : ماما قولي حق اللي جنبك يسكت مو ناقصه له اخلص من ذاك يجي هو

نزل سيف من الطاوله و تقدم يطلع من البيت و نطقت لجين : يلا نسوي البالونات

شوق : انتظري شوي اخوكم رفع ضغطي

الجد : هدي مو صاير شي

ام وليد : اشربي مويه

قدمت لها عبير المويه : هدي اعصابك

اخذت من المويه و بدات تشرب و نزلت الكاس حست انها هدت شوي ناظرت البنات : يلا خلونا نجهز

وقفوا البنات و وقفت معهم ناظرتها عبير : متأكده ما فيك شي

هزت راسها بالموافقه و تقدمت للمطبخ اللي كان مفتوح على الصاله و بدوا يعبون البالونات مويه و الرشاشات

دخل ابو وليد : سلام عليكم

ردوا عليه السلام و تقدم يجلس و ناظر وتين اللي تلعب مع القطاوه : ها تسبحتي

هزت وتين راسها بالموافقه : اي بس شوشو طلعتنا

ضحك ابو وليد : افا ليش

عضت شوق شفتها بخجل رفعت اكتافها وتين بعدم المعرفه دخل عوض و سيف و نطق عوض: اخخخ احس اني تعبان

التفتت تناظره و رجعت انظاره للبالونات: بس كافي اربطيها

اخذت رزان البالونه و ربطتها انسدح عوض على رجل امه : اخخ يمه تعبان شوفي

بدا يكح و عرفت شوق انه يمثل و طنشته و كمل : راسي يعورني و احس فيني حراره و هنا يعورني

مسحت على شعره امه : اسم الله عليك وين يعورك

اخذ يد امه و حطها على قلبه : يمه جيبي لي دكتوره جروح الغرام تعالجني تعبان

ضربته امه على راسه : قوم خلصني قوم و انا احسب انك مريض صدق

جلس عوض و ضحك ناظرته عبير : كنت بقول لشوق ليش ما جيتي له و شفتيه بس طلعت كذاب

شوق و هي تربط البالونه : كذاب ما يحتاج يبين من شكله

رجع راسه لورا : لا بس صدق راسي يعورني و احس فيني حراره

حطت البالونه داخل البوكس الفلين : تستاهل راح صوتي و انا اقول لك اطلع ما تسمع الكلام

عوض : اخخ صدق والله احس راسي يعورني و احس راح امرض قريب

ناظرتهم يناظرونها تأففت و تقدمت تفتح الثلاجه اخذت البنادول و ناظرت ريم : عندك جهاز حراره

وقفت ريم : اي يلا الحين اجيبه لك

ابتسم عوض و بدا يتأوه و يكح اخذت مويه و جابت لها ريم الجهاز و مشت تجلس جنبه : عطني يدك

عطاها يده حطت الحبه بيده بقوه و نزلت الكاس على الطاوله رفعت الجهاز و بدات تقيس حرارته و ناظرت الجهاز و رجعت انظارها له و هي رافعه حاجبها و رمت عليه الجهاز و وقفت: عارفه انك كذاب بس علشان لا يقولون اني ما اهتم لك اخذ الحبه و ما فيك الا العافيه

ام وليد : كم حرارته

ناظرته يبتسم : لا تخافين خاله طبيعيه ٣٧

ضربته امه على كتفه : خبل انت

ضحك عوض : نمزح

لجين : حرام عليك توه ضغطها مرتفع منك

ناظرها : صدق

طنشته و نطقت عبير: اي والله

حك شعره و ناظره ابوه : بطل حركاتك ذي ها

تقدمت تطلع مع البنات و نطق ابو وليد : صاحي انت وش حركات البزران ذي

الجد : عارف انك تمزح معها بس مو كذا حرام عليك

تنهد عوض : طيب سكرو الموضوع

سيف : جوعان

عبير : تبي قهوه

حط يده على بطنه : عمه عصافير بطني تصوصو اسمعي....

عبير و هي تشرب القهوه : اسمعها روح افتح الثلاجه و اكل

ناظر امه سيف : يمه جوعان

ام مشاري : نفس ما قالت عمتك افتح الثلاجه و اكل

سمع سيف اصوات البنات و وقف: عوض امش نلعب معهم

جلسه فهد : صاحي انت اجلس البنات جالسين يلعبون بالمويه وش مطلعك لهم

عوض و هو يشرب القهوه : اجلس اجلس و خلهم ينبسطون

عند البنات بدوا يحذفون على بعض البالونات و يصرخون صرخت جوري : غلا

ضحكت غلا و كانت وتين و لولوه معهم ناظرتها شوق : ايوا توته

بدوا يحذفون على بعض و جمعت لمار كميه بالونات بيدها و بدات ترميها على شوق بقوه و تقرب منه ضحكت شوق : لا

قربت منها لمار و دفتها و طاحت ناظروها البنات و نطقت جوري : شفيك ليش دفيتيها

ناظرتها شوق و وقفت : شفيك

دفتها لمار مره ثانيه بس قدرت شوق انها توقف : صاحيه انتي

جود : بنات شفيكم

لمار تكتفت :مالك دخل انتي الثانيه و اي مجنونه عندك شي

ناظرتها شوق : الحمدلله و الشكر

تقدمت لمار تسحبها من شعرها و تتضارب معها و تضاربت معها شوق اخذت يدها و عضتها بقوه و صرخت لمار و حاولوا البنات يبعدونهم عن بعض بس ما قدروا طلعوا الكل على صوت صياحهم و صفق سيف : هوشه هوشه

ناظرها عوض : شوق

قرب منهم و ناظر لمار: بعدي عنها

صرخ عبدالرحمن: بس انتي وياها اتركوا بعض

تركتها شوق و نفضت يدينها و بدات ترتب شعرها و نطق عبدالرحمن: ليش تتهاوشون وش صاير

جوري اشرت على لمار : ذي المقروصه بدات تحذف عليها بالونات بقوه و دفتها

ناظر عبدالرحمن لمار : صح ذا الكلام

لمار بحده : اي صح دفيتها

ناظر عبدالرحمن شوق اللي كان يكلمها عوض و هي مطنشته و نطق : ليش كذا

تكتفت لمار : تستاهل

عوض بحده و قرب لها : وش تستاهل تستهبلين انتي دافتها و تقولين تستاهل

سيف قرب لعوض : مو كذا عوض

بعده عوض : بعد انت الثاني الا كذا دافتها و تتضارب معها و تقول تستاهل وش تبيني اسوي لها مثلا اصفق

↚

سيف : طيب يمكن هي غلطانه

عوض بحده : لا مو غلطانه ما شفت اختك كيف تضربها

سيف بنفس الحده : يعني هي صح و اختي غلط

عوض : اي اختك غلط

ابو وليد : بس انت وياه

لمار : انا مالي ذنب هي تستاهل ذا الشي و تستاهل الاقوى بعد

عوض بعصبيه : وش اللي تستاهل الاقوى

سيف : بعد عنها مو ناقص غير تضربها بعد

عبدالرحمن بصراخ : بس ولا كلمه لا انت ولا هو

ناظر عبدالرحمن لمار : وش سوت لك علشان تستاهل

ناظرت لمار شوق : سراقه وش منتظرني اسوي لها

ناظرتها بصدمه شوق و تقدمت توقف قدامها : سراقه انا وش سرقت منك

لمار تكتفت : لا والله و تسألين بعد سرقتي جدي مننا هذا اول شي و ما صار يشوف اي احد من احفاده غيرك و فوق ذا كله رحتي سرقتي ابوي و عمامي

ناظرت لمار البنات و كملت : سرقت ابائكم و واقفين معها

ناظرتها و كملت : و كل شي لازم شوق و شوق معرف على وش يحبونك متأكده لو يعرفون عنك اكثر كان ما حبوك الحب ذا

ضحكت شوق : الحين كل ذا علشانهم يحبوني

عبدالرحمن: بس خلاص انتهى الموضوع

لمار : لا عمي ما انتهى و بقول اللي بقلبي

كملت لمار : يا سراقه حتى اخوهم سرقتي منهم

ناظرت شوق عوض اللي نطق : ما سرقتني انا بنفسي جيتها و جيتها بكامل قواي العقليه

لمار ضحكت و كملت : حتى عبدالرحمن سرقتي و صار ما يشوف غيرك معرف وش راح تكون رده فعلهم اذا عرفوا ان ابوك كان يتحر*ش فيك و معْتص/بك

ناظرتها شوق بصدمه و نزلت دمعتها و نطق ابو مشاري : بس لمار بس ادخلي داخل

لمار بحده : ما راح ادخل لين ما تعرفون وش ماضي ذي اللي تحبونها

ناظرت شوق نظرات البنات لها و همس عوض لها : شوق امشي مالك دخل فيها

ناظرتها و مسحت دموعها : صح ابوي تحر/ش فيني و اعْتصب/ني و انا عمري اشهر حتى و صح كان يتعاطى و يضربني و انا بزر و صح ما جربت حنانه بس رغم كل ذا اللي عشته ما صرت بجيحه و لا طلبت من خوالي ولا جدي يسوون لي كل ذا هم كانو يسوونه بكيفهم سامعه

ناظرت البنات و كملت : سامعين ما سرقتهم احد

ناظرت لمار و كملت : و عوض ما سرقته هو جاني

عبدالرحمن وقف بينهم : بس يلا خلص الموضوع

لمار : لا ما خلص الموضوع تو يبدا

ابو مشاري بحده: وش اللي تو يبدا ادخلي داخل

ناظرت ابوها : ما راح ادخل

رجعت انظارها لشوق : مبسوطه الحين كلهم راح يقومون علي و يحطوني انا الغلطانه علشان حضره جنابك لا تزعلين

طنشتها شوق و تقدمت تمسك يد عوض : امش

مشى معها و ضحكت لمار : ما اوصيك روحي ابكي بحضنه

ناظرتها و تركت يد عوض و مشت لها: اي راح اروح ابكي بحضنه تعرفين ليش لان حضنه لي امان و وطن

نزلت دمعتها : وطن يحميني وطن ما يخون وطن يدافع عني و يحمي عرضي و مسكين اللي ما يلقى له وطن و يصير بلا وطن يبقى طول عمره ضايع بالدنيا ذي و سعاده الناس الثانيه تضايقه

ناظرتها لمار من فوق لتحت و ناظرت شوق نظراتها : حاسدتني على جدي و خوالي و عوض حاسدتني على كل ذي الاشياء و انا عشت ١٨ سنه ضايعه بالدنيا ذي حاسدتني لانهم دايم يتذكروني ليش وش سويت لك عمري ما حسدت ولا وحده فيكم و قلت انتم عندك اب وانا لا كنت انبسط لما اشوفكم مع خوالي

ناظرها و حس فعلاً انها استلهمت قوته جالس يشوف نفسه فيها بالحظه ذي ناظرها تناظره : و عوض لقيته بعد خساير بعد تعب حاسدتني على الشي ذا

تكتفت شوق و رفعت حاجبها : بس والله يا لمار والله بتموتين و تعيشين ما شفتي الخطأ مني ارقى على الهون و اخلاقي بعد ترقى و اذا كنت بسكت لك بسكت علشان خالي ولا النذل ما اسكت له

تقدمت تمشي و ناظرته يبتسم لها مد يده لها و شبكت يدها بيده و طلعت من الشاليه ناظر عبدالرحمن لمار : ارتحتي

ابو مشاري : ما تستحين وش سوت لك البنت

ام مشاري : لمار يا ماما لي كذا حرام عليك

عبدالرحمن: امشي معي

لمار : انا الغلط علي يعني ما تشوفون كلامها

تقدمت تدخل عبير حست بضيق من كلام لمار لشوق اخذ يدها عبدالرحمن و خلاها تمشي معه : امشي نتفاهم

دخلوا داخل و دخل احد الغرف و سكر الباب وراه تنهد الجد : صاير شي بينهم من قبل

لجين : بس كلام و لمار صدق كانت غلطانه

سيف تقدم يطلع : يعني الغلط على اختي الحين

ناظره ابو مشاري : استغفرالله اخلص من وحده يجيني الثاني

ابو وليد : ادخلوا داخل يلا شوي و تنحل الامور

تقدموا يدخلون و يجلسون بهدوء و كانوا البنات و العيال برا

عند العنود و عبدالله بعد ما اخذت سيارتها توجهت للمكتب و نزلت و كان جالس بمكتبه سمع صوت كعبها اخذ العطر و بدا يتعطر و تعدل بجلسته طقت الباب و نطق : تفضل

تقدمت تدخل بثقه: السلام عليكم

عبدالله: و عليكم السلام حياك

تقدمت تجلس : استاذ عبدالله وش صار على القضيه

عبدالله ناظرها : الصراحه ما نقدر نسوي شي قبل لا نتأكد

العنود : عارفه بس انا ما عندي غير عنوان بيتها سألتها اذا عندها ادله تثبت ان زوجها يشرب و يضربهم و قات/ل قالت لي لا ، ايضاً ما اقدر ارفعها و انا ما عندي ادله كافيه راح نخسر كذا

عبدالله و قف : معك عنوانها

وقفت العنود : اي معي

عبدالله: دامك لابسه عبايتك يلا قبل لا يضيع الوقت علينا

تقدمت تمشي معه و ركبوا الاصنصير : تعالي معي بسياره وحده

العنود : اي بس اكلم ابوي و ابلغه

طلعوا من الاصنصير و نطق : براحتك

ارسلت لابوها انها بتروح مع عبدالله و قال لها دام الموضوع في شغل مافي مانع ركبت معه السياره و ربطت الحزام : اتصل على وليد صح

عبدالله و هو يحرك : اي اتصلي عليه و عطيه العنوان

اخذت جوالها و ارسلت لوليد العنوان و اخذ عبدالله جواله و بدا يدور شي يسمعه و حط شيله و بدا يغني بخفه معها و يحرك اصابعه اللي على الدركسون:

وانا ادري انه بعيد ولاني بيمه

دونه تقاليد واقفه تحداني

لكن علي الحرام و ذمتي ذمه

ما تركك يابو عيون سود وحداني

↚

ناظرته بصدمه و رجعت انظارها على جوالها ما توقعته يسمع شيلات بعد مده وصلوا للبيت ناظر البيت : متأكده ذا خرابه مو بيت.....

مدت له جوالها : اي حتى ارسلت لي صورته من برا

ناظر اظافرها الحمر و بلع ريقه : اي يلا ننزل

نزلت و نزل و قفوا قدام البيت ناظرها كيف مو خايفه و واثقه ابتسم و تقدم يضغط الجرس تكتفت ولا لقوا اي استجابه ضغط مره ثانيه عبدالله و استغرب : مافي احد

عقدت حواجبها: كيف ذا البيت

عبدالله ابتعد : تعالي نسأل احد الجيران

مشت معه و ناظر شخص تقدم له يسلم : السلام عليكم

رد عليه الرجال السلام و كمل عبدالله و هو يأشر على البيت : تعرف اذا اصحاب البيت ذا وين راحوا

الرجال: ليش في ناس ساكنين بالبيت ذا

العنود : كيف يعني اي في

الرجال : والله توني ادري صار لي سنه عايش بالحي ذا ولا شفت احد منهم

عبدالله عقد حواجبه : تمام يعطيك العافيه

مشى و هي معه و نطقت: كيف

عبدالله: ما نقدر نسوي شي قبل لا تجي الشرطه انتظري تجي و يبين كل شي

تقدمت تجلس على درج البيت و شمت الريحه وقفت : عبدالله

ابتسم عبدالله: لبيه

العنود : في ريحه تعال شم

عقد حواجبه : وش ريحته

العنود : تعال قرب و شم

قرب عبدالله و شم ناظرها بصدمه : اعرف الريحه ذي

مسكت يده بدون وعي : لا تقول اللي في بالي

ناظر يدها اللي ماسكه يده و ناظرت يدها و بعدتها بسرعه و تكتفت و صدت حبس ابتسامته : وش اللي في بالك

العنود و هي متكتفه و تمشي : جث/ه

عبدالله جلس على الدرج : مو متأكد من الريحه بس اتوقع ، تعالي اجلسي على ما تجي الشرطه

ناظرته و تقدمت تجلس : يارب لا الحرمه طلبت مني مساعده يارب تكون منحاشه مع عيالها يارب

عبدالله ناظر سياره الشرطه و اشر : جت الشرطه

وقفت العنود و وقف عبدالله نزل وليد من السياره : وش صار

العنود : ضربنا الباب و الجرس محد رد

عبدالله: و سألنا احد الجيران بعد يقول ما سمع عنهم شي

وليد عقد حواجبه : العنود متأكده

العنود : اي وليد حتى في ريحه تعال شم

تقدم وليد يشم و التفتت للشرطين اللي معه : ريحه د*م

حاول يكسر الباب بس كان حديد ناظره عبدالله: انط و افتحه لكم

وليد : تقدر

رفع ثوبه عبدالله و نزل شماغه حطه على كبوت السياره : افا عليك انا اللي اقدر

تقدم عبدالله يتسلق الجدار و ينزل للبيت و شم الريحه : سكروا خشمكم قبل لا تدخلون

فتح لهم الباب و فاحت الريحه طلع عبدالله اخذ شماغه و ناظر العنود : امسكي حطيه على خشمك

العنود : لا لا م.... قاطعها : حطيه يلا الريحه قويه

اخذته العنود و حطته على خشمها و طلع وليد سلاحه هو و الشرطين اللي معه تفادي لأي شي ممكن يصير و فتحوا باب البيت الثاني و فعلا الريحه صارت اقوى من قبل دخلوا و بدوا يفتشون البيت كان البيت شكله غريب من داخل و برا و شكله كئيب ناظر عبدالله العنود : استاذه العنود تعالي معي الطابق الثاني

وليد و هو يفتش : فتشوا الطابق الثاني و حنا نفتش هنا و الحوش

طلعت معه العنود و هي حاطه شماغه على خشمها تكتم الريحه و بدوا يفتشون بالطابق الثاني فتحت العنود احد الغرف و كان عبدالله وراها ناظرت المنظر اللي قدامها كانت هي الام اللي جتها تشتكي من زوجها و ظلمه و تعنيفه لها و لعيالها كان الد*م منها يسيل و عيالها جنبها نفس حالها صدت و غمضت عيونها من بشاعت المنظر ، المنظر كان بشع بطريقه محد يتخيلها كان مقابلها : اطلعي اذا ما تقدرين تتحملين المنظر

فتحت عيونها و ناظرته واقف قدامها و قريب مره منها: جتني كانت تبيني انقذها منه عبدالله وانا طولت الموضوع جتني تبكي و خايفه وانا اخذت اجازه ولا اهتميت للموضوع انا السبب انا

عبدالله: العنود ذا اللي ربي كاتبه

العنود بدات تبكي : كانت تبيني اساعدها عبدالله انا السبب انا

حط راسها على صدره و فتحت عيونها بصدمه من حركته : ربي كتب يومهم مالك ذنب و اجازتك اخذتيها رسميه و ذا حقك و بالعكس لو مو مهتمه بالموضوع كان ما جيتي بنص اجازتك تكلميني بالموضوع

بعد يده عن راسها من سمع صوت وليد : لقيتوا شي

ابتعدت عنه العنود و بدات تمسح دموعها و تطلع برا الغرفه ناظرها كيف تبكي وليد : وش فيه

عبدالله: تعال وليد تعال

↚

دخل وليد و ناظر الصدمه و عرف انه اخته بكت بعد ما شافت المنظر اتصل احد الشرطين على القسم و بلغهم باللي صار و جت الاسعاف و بدوا يشيلون الجثث و يحللون مكان الجريمه و كانت العنود جالسه تحت قدم لها عبدالله المويه : مويه اشربي

رفعت راسها و اخذت المويه فتحتها و شربت : الزوج وينه

جلس عبدالله جنبها : ماله حس مختفي

العنود : عبدالله تكفى لا يضيع حقهم تكفى حقهم بالدنيا لا يضيع خلي ابوهم ياخذ عقابه

سمعوا اصوت طلق نار و وقفوا ناظرها كيف مو خايفه و هو من داخل خايف عليها نزل وليد من الدرج مسرع : الاب كان بالسطح و جالس يقاوم بالسلاح عبدالله اخذ العنود و طلعها برا بسرعهههه

بعدم وعي مسك عبدالله يدها : امشي بسرعه

مشت معه مسرعه و هي لابسه الكعب و لوت رجلها بالغلط تأوهت بألم التفت لها : فيك شي

هزت راسها بالنفي و مشت معه فتح السياره و ركبت و ركب ناظرها تناظر رجلها: افصخي كعبك

ناظرته حاط بس الطاقه على راسه : لا عادي

سمعوا طلق نار و بدات توتر و تخاف على اخوها ناظرها كيف خايفه : هدي لابس حمايه تحت لبسه

حطت راسها على الشباك : لو تحركت بسرعه بقضيتها ما صار اللي صار

عبدالله: العنود

ناظرته العنود و رجعت راسها للشباك و كمل : جثث عيالهم صار لها اربع ايام يعني من يوم ماجتك و شكت لك و الام صار لها ثلاث ايام متوفيه الله يرحمها يعني من يوم ما جيتي و قلتي لي عنها انتي سويتي اللي عليك

غمضت عيونها و هي حاطه راسها على الشباك و رجع راسه لورا عبدالله : شفت الابشع من كذا قوي قلبك لا يصير قلبك رهيف راح تتعبين كثير

العنود فتحت عيونها و رجعت راسها لورا : قلبي مو رهيف مع الظالم بالعكس قلبي مافي اقسى منه معه بس المنظر غريب و بشع محد يقدر يتحمله

ناظرها عبدالله: اقولك على شي يخليني انسى المواقف ذي

هزت راسها بالموافقه و كمل : اسوي اي نشاط رياضي او اركض اشغل تفكيري بأي شي الا اني اكون فاضي لان اذا كنت فاضي راح اتذكر الموقف

هزت راسها بالموافقه و اكتفت بالسكوت من تذكرت كيف حط راسها على صدره و قربها منه شبكت يدينها ببعض و ناظرت وليد اللي كان طالع و ماسك الشخص اللي حاط الكلبشات بيده تنهدت براحه : الحمدلله

فتحت باب السياره و طلعت ضغطت على رجلها بالغلط و تأوهت بألم شافها عبدالله و فصخ جزمته : البسي جزمتي

العنود : لا استاذ عبدالله ما.... قاطعها : البسي رجلك تعورك

فصخت كعبها و لبست جزمته تقدم لهم وليد و ناظرها : فيك شي

العنود : لابس لويت رجلي و ضغطت عليها

تقدم وليد يحضنها و مسح على ضهرها : مسكناه خلاص ارتاحي

كان عبدالله معطيهم ظهره و كمل وليد : مالك ذنب انتي سويتي اللي عليك و ربي كاتب ان ذا يومهم لا تلومين نفسك طيب

بعدت عنه و هزت راسها بالموافقه و نطق : اخذك المستشفى

العنود : لا عادي

وليد ناظر عبدالله اللي كان صاد : ابو عبيد

التفت له عبدالله: امرني

وليد : ما يأمر عليك عدو دوامي يخلص متأخر ولا اقدر اوديها اخذها للمستشفى و بعدها للشاليه عارف تعبتك معي

عبدالله: ولو اخوان حنا يا وليد ما من تعب ابشر على ذا الخشم

اشر عبدالله على خشمه و نطق وليد : عليه الشحم ما تقصر والله

ناظر العنود : يلا روحي معه ولا تقولين لأمي شي لا تخوفينها علينا

هزت راسها بالموافقه و انحت تاخذ كعبها من على الارض و تركب السياره و ركب عبدالله ....

بعد ما طلعوا شوق و عوض من الشاليه مشوا لشاليهم طلع سيف و ناظر عوض : بس شطارتك على الحريم

التفت عوض له و تقدم له و بحده : سيف اقصر الشر اختك هي اللي غلطانه

سيف بحده : لا والله و انت ما غلطت لما صرخت على اختي

تأفف عوض : وش المطلوب الحين

سيف : تعتذر لأختي

عوض بحده : صاحي انت اذلف عن وجهي

تقدم سيف كان راح يضرب عوض و صرخت شوق : بعد عنه

تقدمت لهم ناظرها سيف و ناظر عوض : حرمه تدافع عنك و انت ساكت

ماتحمل عوض و تقدم يضربه بوكس على وجهه : تستهبل فوق راسي انت وش دخلنا حنا بالحريم

سمعوا اصواتهم و طلع لهم ابو وليد : صاحين انتم تتخانقون بالشارع

تقدم لهم و ناظر سيف : ليش ضربته عوض

كانت تحاول تهدي و ماسكه يده و نطق: الحيوان ذا غلط علي و على حرمتي و تبيني اسكت له

↚

وقف سيف و كان خشمه ينزف ناظرهم ابو وليد و بحده : بس خلاص داخل انت وياه

ناظرته : امش عوض

مسك يدها و تقدم يدخل معها لشاليهم ناظر ابو وليد سيف بعتاب: مو ذا خويك اللي كنت تقول عنه من كثر حبي له ودي اتخاوه معه بالحياه و التقى معه بالجنه وش صار و تضاربتوا و تهاوشتوا ليش دخلتم بسوالف الحريم اللي بينك و بين عوض اكبر من انك تتهاوشون علشان زوجته تهاوشت مع اختك و اختك الغلطانه

سيف : يعني الغلط على اختي الحين و علي

تقدم يمشي سيف و تنهد ابو وليد : لا حول ولا قوة الا بالله

دخل و ناظروه البنات ناظرته غلا كيف خشمه كله دم و بخوف : سيف فيك شي

سيف بحده : بعدي عني انتي الثانيه

ناظرته غلا بصدمه و حاوطت كتفها لجين : ما عليك شوي و يهدا

ناظر سلطان ليان و كيف طالع شكلها بالقميص الاصفر مع التان و شعرها الكيرلي اللي تحاول تبعده عن وجهها و همس لها : ورا البيت ابيك

ناظرته و هزت راسها بالموافقه و هي مبتسمه و نطقت جود : بنات خلونا ندخل

تقدموا البنات يدخلون و كل اللي داخل كانوا ساكتين و كان عبدالرحمن مع لمار بالغرفه جالسين ناظرها : ليش كذا لمار ليش

نزلت لمار راسها و كمل : انتي مستوعبه الاشياء الي مرت فيها شوق مستوعبه

لمار : تستاهل

عبدالرحمن: ليش تستاهل ليش

لمار ناظرته : انت ما تستوعب ان كل الانظار عليها و كلكم تفضلونها عليها

قاطعها عبدالرحمن: لا من قال كذا كل واحد له مكانه و معزه بقلبنا غير ، بس شوق مرت بأشياء كثيره اكثر من اللي تعرفينا و اقوى و نحاول نعوضها لمار نحاول ننسيها اللي عاشته والله عاشت شي اكبر من عمرها والله

لمار : بس مالنا ذنب تحبونها اكثر مننا

مسك يدها عبدالرحمن: كلنا نحبكم نفس الشي و الشخص الوحيد اللي يحبها اكثر مننا هو عوض ، لمار كلامك جرحها و انتي عارفه شوق عدل كيف تتضايق من اي كلمه و هي ما عمرها ضايقتك مستختره عليها الحب ذا

لمار بكت: والله مو بقصدي اقولها كلمه تضايقها بس انقهر اذا شفتكم تدلعونها و حنا لا

عبدالرحمن: بالعكس كلنا ندلعكم و نحبكم و بعدين ما دلعناها زياده عنكم و اللي جالس يدلعها زياده هو عوض عوضها اللي لقته بعد خساير لمار

مسحت دموعها لمار : مو بقصدي بس تضايقت حسيت كل الانظار عليها

عبدالرحمن: قصدك كل انظار عوض عليها

ناظرها و كمل : تحبينه

ناظرته بصدمه: من

عبدالرحمن: عوض تحبين عوض و ماتبيه يدلعها و يحبها

لمار بصدمه : لا والله لا و لا فكرت فيه و بحسبه سيف اصلا

عبدالرحمن: دامه بحسبه سيف ماله داعي تحسين اننا نحبها اكثر منك

لمار : والله احبها بس تضايقت و انا اشوفكم تحبونها و جلست اكتم و انفجرت عليها

عبدالرحمن وقف : لحظه غضب بس تجي اعتذري منها لانك غلطانه

كمل : ولاننا نحبك لازم تعرفين اغلاطك يلا اطلعي ولا كأن شي صار

هزت راسها بموافقه و التفت لها و كمل : صح كيف عرفتي

نزلت انظارها : سمعتها تتكلم مع عوض بالغلط

عبدالرحمن: دام بالغلط مو المفروض تحفظين السر

هزت راسها بالموافقه : معرف كيف طلعت مني

عبدالرحمن: خلص الموضوع و مايفيد الندم يلا خلينا نطلع

وقفت و تقدمت تطلع معه للصاله ناظروهم و ناظرت نظرات ابوها لها : ما كان قصدي اقول كذا اسفه

ابو مشاري : صح انك بنتي الوحيده و دلوعتي لكنك غلطانه و الشخص اللي المفروض تعتذرين منه هو شوق ذا واحد ، اثنين سيف تهاوش مع عوض علشانك مستوعبه سيف و عوض اللي ولا مره تخانقوا اليوم عوض ضربه بوكس و تهاوشوا

تنهد : ما كان قصدي اسوي كل ذا اعتذر

ناظرت عمتها : عمه عبير اسفه اذا كلامي ضايقك

لجين : اعتذري لشوق ابوك و عمتي مالهم دخل

لمار نزلت راسها : بعتذر لها بس تجي و عارفه اني غلطانه اسفه

تقدمت تدخل الغرفه و تسكر الباب و ما كان قصدها فعلاً انها تقول الكلمه ذي ولا تضايق شوق بس حست بنقص انهم يفضلونها عليها و عارفه انها غلطت

دخل عوض الشاليه و هي معه سكر الباب: ناظريني

التفتت له تناظره ابتسم و نطق: اشوف عوض قدامي

تقدم يحضنها و يمسح على ظهرها : اي خليك كذا قويه يا جبل ما يهزك ريح

ابتعد عنها و ناظرها تبتسم : و انا اخذت قوتك عوض

اخذ يدها و قبلها : توقعتك تتضايقين بس مو جالس اشوف اي ضيق و الشي ذا يفرحني لان ضيقك من ضيقي

رفعت اكتافها : صح تضايقت بالاول من كلامها بس خلاص الموضوع انتهى و الماضي اندفن و انا الحين جالسه اعيش الحاضر معك و لمار اعرفها عوض عارفه انها ما تقصد كلمتها صح جرحتي بس خلاص عادي ما يهمني صار الموضوع ذاك كل ما اتذكره و اتذكر كيف واجهته معك و انتهى كل شي انبسط اصلا لان ما تخيلت اني اقدر اواجهه و ارتاح منه و لمار معرف وش صار لها هي و سيف فحأه انقلبوا

عوض ابتسم: لو تبيني اواجهه العالم كله معك واجهته يلا خلينا منهم و تعالي نسبح

هزت راسها بالنفي و فصخ تيشيرته : يلا

ابتسمت : روح انت

عوض : يعني ما راح تغارين لاني طالع حلو وانا اسبح

ضحكت : لا لانك راح تسبح قدامي ليش اغار

↚

ضحك عوض : يلا معي امشي والله ننبسط

هزت راسها بالنفي تأفف و تقدم يركض يطب بالمسبح ناظرته و ضحكت تمشي له : فقمه البحر اشتاقت لموطنها الاصلي

طلع عوض من المسبح و جلس على طرف حافه المسبح و بعد شعرها عن وجهه بطريقه مغريه ناظرته كيف يبعد شعره و ناظرت جسمه بدا صدرها ينزل و يصعد من منظره عضت شفتها بخفه ناظرها : تعالي معي يلا

هزت راسها بالنفي : بسوي ماتشا و بجلس اشوف مسلسل

عوض : تعالي على الاقل اجلسي عندي

مشت بتدخل : حر ما ابي

عوض : براحتك

دخل داخل المسبح و كمل يسبح توجهت للمطبخ و طلعت الحليب و الثلج و بدات تحط الماتشا بالصحن و تخلطها صبت الحليب بالكوب مع الثلج و حطت فوقها الماتشا و بدات تشرب ناظرته يسبح اخذت جوالها من جيبها و صورته من خلف الشباك القزاز الكبير و كملت تشرب و هي تناظر ابتسمت و نزلت الكوب على الطاوله و تقدمت تمشي للغرفه فتحت شنطتها و ناظرت لبس السباحه : يلا خربانه خربانه هي

اخذت اللبس و لبسته ناظرت شكلها بالمنظره و غطت جسمها بيدينها : اروح ولا اجلس

عضت شفتها و تقدمت تحط واقي الشمس و التان و نظاراتها الشمسيه و الفرشه ( سجاده صغيره ) داخل شنطه صغيره و لبست القبعه و بدات تشجع نفسها : يلا شوق يلا عادي زوجك هو ليش تستحين

فتحت باب الغرفه و تقدمت تطلع ناظرته من الشباك و تقدمت تفتح الباب السحب و تسندت عليه و هي متكتفه ناظرها بصدمه و بدا يصفر و همس : يويل حالي يالوردي

تقدم يطلع من المسبح و جلس على حافه المسبح و بدا يناظرها من فوق لتحت عض شفته من منظرها ناظرت نظراته لها و تقدمت تمشي بهدوء و بدا يغني :

لا مشى يمشي على ضلوع صدري

ولاني طايل لا سما ولا ارض ربي عساه يوفقه

ناظرها و كمل يغني تربطت عنده الحروف و الاغاني من منظرها :

يمشي خجول دوم على طول و الكل يقول

وش هالعيون و النظره قلبي انشلع لما طلع

و بكل دلع يتباهى دوم بخصره ........

نزلت شنطتها و ابتسمت من سمعته يغني لها و فرشت فرشتها و تقدمت تجلس وقف و مشى لها جلس جنبها و بدات تطلع التان و اغراضها : وش ذا الزين

ابتسمت و فتحت واقي الشمس و بدات تحط منه على يدينها ناظرها : ناظريني

مثلت الانشغال ضحك و تقدم يمسك دقنها يلف وجهها له ناظرته : ها

عوض : وش ذا الزين و الحلاوه

اخذت التان و بدات تحط على جسمها ضحك عوض و نطقت : اكيد بكون حلوه و مزيونه لاني شوق

عوض : يالبيه يالغرور ، امشي نسبح مع بعض

هزت راسها بالنفي و هي تحط النظارات على عيونها : روح انت

عوض مسك يدها : يلا امشي

اخذت واقي الشمس السبراي و رشته على وجهه غمض عيونه و بدات تمسح على وجهه و نطق : وش ذا

شوق و هي تمسح : حمايه عن الشمس علشان ما يحترق وجهك

فتح عيونه و ابتسم: اخخ انا محترق من داخل

ضربته على كتفه : لا تقول كذا اسم الله عليك

نزلت قبعتها ناظرها و ناظر لون شعرها البني تحت الشمس وقف وصرخ : حلوه وش ذا ما اتحمل

ناظرته ضحكت : شفيك

جلس: اخخ حلوه تاخذين القلب

حركت اكتافها بغرور ناظرها بهيام : سرقتي قلبي شوق

رفعت اكتافها : مالي ذنب

تنهد : اخخ مالك ذنب اجل و من اللي سرق قلبي و عقلي و كلي و حياتي من اللي خلتني اطيح على وجهي من اللي حتى هيبتي قدامها اختفت

قرب وجهه لها و ابتسم : ترفقي بحالي و حال قلبي يا بنت

ناظرته و هي مبتسمه ما تحمل و تقدم يطبع قبلاته على ثغرها ابتسمت و بادلته القبله بعد عنها و فتح عيونه ناظرها : احبك

ابتسمت و بغرور : حتى انا احب نفسي

↚

ضحك عوض و وقف : يلا امشي

هزت راسها بالنفي : قلت لك ما ابي

مسح على شنبه : ما تبين طيب

و بحركه سريعه تقدم يشيلها و صرخت : لا عوض لا

وقف عند المسبح : واحد ....قاطعته : لا لا

كمل : اثنين ....ثلاثه

شوق : لا عوض ما اعرف اسبح لا

ماسمعها و رماها بالمسبح و هو يضحك بدات تتحرك تحاول انها ما تغرق ناظرها كيف مو عارفه تسبح و استوعب انها قالت له ما تعرف تسبح و طب بالمسبح مسكها حطت يدينها خلف رقبته و حاوطت خصره برجولها بدات تحاول تتنفس و تكح و بكت و ببكي نطقت: حسيت اني راح اختنق

تقدم يحضنها و مسح على شعرها : اسف يا كلي انتي اسف والله ما انتبهت لكلامك والله مو بقصدي

شوق

شوق ببكي : امسكني لا تتركني

ابتسم : ماسكك هدي خلاص ما صار شي ناظريني

هزت راسها بالنفي و هي ماسكته بخوف و نطق : والله مو غميق نزلي رجولك يلا و شوي شوي معي

شوق : خايفه

عوض : والله معك اذا صار شي امسكك يلا

شوق ضربته على كتفه و ناظرته : و قبل شوي رميتني

ضحك بخفه : والله ما كنت اعرف والله يلا معي اعلمك

هزت راسها بالنفي : طلعني

شد عليها : ما راح تطلعين عيشي مع فقمتك بموطنا الاصلي

شوق بحده : فقمتي كانت راح تخليني اموت

عوض : اسم الله عليك افا انا اخليك تموتين ماتدرين ان شوفتك تحيني

شوق : طلعني

هز راسه بالنفي : مافي انتي حرم عوض ولازم تتعلمين السباحه

شوق : وش دخل ذا بذا

عوض : معرف بس راح تتعلمين يلا شوق

تأففت : طيب بس تمسكني

عوض : ماسكك يلا نزلي رجولك

نزلت رجولها من على خصره و مسكت يدينه و نطق : ايوا يلا شوي شوي

قدرت انها تحط رجولها على قاع المسبح و نطق : ها غميق

هزت راسها بالنفي و كمل : يلا تخيلي انك تسوقين سيكل

ضربته على صدره : سيكل تستهبل اذا صار لي شي انت السبب

ضحك عوض : مو صاير لك شي و عادي يعني اذا غرقتي اعطيك قبله الحياه و تعيشين من جديد

مد بوزه و غمض عيونه ضحكت بخفه و تقدمت تطبع قبله خفيفه على شفته فتح عيونه : متأكده انك شوق مو انسانه ثانيه وين الخجل

شوق و هي ماسكه يده : مو عاجبتك شخصيتي الجديده

عوض ابتسم : اعشقها كل شي فيك احبه و جرأتك معي تقتلني

عضت شفتها : اي قلت يعني ما يصير زوجي و حبيبي حرام احرمك من جرأتي

ناظر شفتها و نطق بهيام :

عضت الشفه و خلتني اضيع

‏العنبو عضة شفايفها عذاب

‏لو تبوس الثلج يحتر ويميع

‏لو تحضن الشايب يعود شباب

ضحكت و نطق : خلينا من المغزل و خلينا نكمل تعليم لان اذا كملنا كذا راح يطير عقلي

شوق و هي تضحك : طيب

بدا يعلمها السباحه و هو ماسك يدها و قدرت انها تتعلم معه و تكسر حاجز خوفها

عند العنود و عبدالله بعد ما وصلوا المستشفى انسدحت على السرير و رفعت رجلها الممرضه : تحسين بألم قوي

العنود : اي اذا حركتها تعورني

كان واقف بعيد عنها و صاد يعطيها خصوصيتها دخل الدكتور بعد ما اخذ اشاعه على رجلها : الحمدلله مافي كسور بس التواء بسيط راح اوصف لك ادويه تخفف الالم و اذا حسيتي بأي الم قوي راجعينا من جديد

هزت راسها بالموافقه: طيب

حطت الممرضه الثلج على رجل العنود و ناظر الدكتور عبدالله: تقدر تتفضل تجلس على ما تخلص زوجتك

ابتسم عبدالله بخفه و هو صاد و نطقت العنود بألم و بحده : مو زوجي

الدكتور : اعتذر

ناظر الدكتور الممرضه : حطي لها الثلج عشر دقايق بعدها لفي رجلها

الممرضه : حاضر

طلع الدكتور و نطق عبدالله و هو صاد : انا راح اطلع برا اخذي راحتك

العنود : طيب ما تقصر

تقدم عبدالله يطلع و يجلس بالكرسي اللي برا و بعد مده لفت لها الممرضه رجلها و جلست العنود ناظرت جزمت عبدالله و استوعبت ان طول الفتره ذي كان حافي بدون جزمه و بس لابس شرابات وقفت و لبست جزمه وحده و تركت رجلها اللي التوت بدون جزمه و تقدمت تطلع و هي تمشي برجل وحده ناظرها عبدالله و وقف : اجيب لك كرسي

هزت راسها بالنفي : لا اقدر امشي

عبدالله: وين تقدرين اجلسي اجيب لك و اجي

العنود : لا مال... قاطعها و مشى تقدمت تجلس و ابتسمت : جنتل مان

ناظرته مقبل لها بالكرسي و قفت و جلست و بدا يدفها بشويش وصلوا للسياره فتح الباب لها و تقدمت تركب رجع الكرسي و ركب السياره شغلها و حرك حط بحضنها الكيس : ذي الادويه

العنود : مشكور

تنهد عبدالله و هو يسوق : العفو

اخذت جوالها العنود تحاول تنشغل فيه و طول الطريق عبدالله كان يهوجس بعد مده وصلوا للشاليه وقف السياره برا : اذا تحسين انك تعبانه لا تداومين بكرا ما عندنا شي مهم على العموم

العنود : ان شاء الله و شكرا مره ثانيه تعبتك معي

عبدالله نزل يده من الدركسون : لا ولو ما من تعب

تقدمت كانت بتفتح الباب و نطق : العنود

التفتت له : هلا استاذ عبدالله

بلع عبدالله ريقه : اذا تقدمت لك توافقين

زادت نبضات قلبها و ابتسمت بخفه ناظرته و بثقه : جرب ما راح تخسر شي

عبدالله: اخاف اخسر كثير

ابتسمت و هزت راسها بالنفي و هي تناظر عيونه : ما راح تخسر

فتحت الباب و طلعت ابتسم عبدالله و اخذ جواله يتصل على ابو وليد على طول مشت للباب و ضغطت الجرس فتحت لها الباب جوري و ناظرت رجلها : شفيك

العنود مدت يدها للجوري: لويتها و انا لابسه بالكعب

مسكت يدها الجوري : تعالي

مشت معها و ناظرت ابوها اللي كان يبتسم لها و يكلم بالجوال : خلاص تنورونا بأي وقت انت عزيز و غالي

عقدت حواجبها و تقدمت تدخل و حست ان الجو متكهرب ناظرتها امها و وقفت : شفيك

جلست العنود : بس لويت رجلي وانا لابسه الكعب

تنهدت براحه : الله يهداك كم مره قلت لك لا تلبسين كعب طويل

لجين : ماما ما تعرفين ان الكعب شي اساسي عند العنود

عبير ضحك : الصراحه اعرفها انها جايه و مقبله من طقت كعبها

جود : صوت طقت كعبها توصل قبلها

ابتسمت العنود و نطقت ريم : ماشاءالله عليك ما اتحمل البسه ما ارتاح

العنود اخذت فنجال القهوه و شربت : ما اعرف يدي تحكني لازم البس

ام وليد : اخذك وليد

العنود هزت راسها بالنفي : لا قالي مشغول اخذي استاذ عبدالله و تركت سيارتي بالمكتب

ناظرت ليان الشوز اللي لابسته العنود : و ذا شوز من

ناظرت العنود الشوز : اي عطاني ياه استاذ عبدالله

همست لجين لليان : استاذ عبدالله

ليان تكتفت و بنفس الهمس : شكله العبدالله ذا جنتل موديها المستشفى و مخليها تلبس شوزه

العنود : الوضع متكهرب صاير شي و وين جدي و عمامي و العيال و شوق و عوض

تنهدت عبير : ابوي و اخواني بمجلس الرجال مع العيال و شوق و عوض بشاليهم

ابتسمت العنود : اي الله يهنيهم

طق ابو وليد الباب و نطقت عبير بعد ما الامهات الباقيات لبسوا طرحهم : تعال ......