هزت راسها بالموافقه : و انت بعد انتبه لنفسك

ابتسم : ان شاء الله

شوق : اي صح بعد المحاضرات راح نجتمع حنا المرشحين العشر و راح يتكلمون عن المسابقه اكثر

عوض ابتسم : ولا يهمك روحي و انا انتظرك

شوق : باي

تقدمت تمشي للجوهرة و نطق : بحفظ الله

حضنت يد الجوهره : اي وينك اشتقت لك

ابتسم الجوهره : وانا بعد حدي مشتاقه لج اي قوليلي شنو الاخبار الجديد

ضحكت شوق : تخيلي تسممنا تسمم جماعي حنا البنات

ضحك الجوهره و كملت لها شوق السوالف بحماس و هم يمشون نطق الجوهره: اي صح قريباتي هني تعالي نراجع معاهم و نسولف

ابتسمت شوق : طيب

اخذت جوالها الجوهره و بدات تدور قريباتها و ناظرت شوق : قاعدين عند الدرج امشي

مشت معها شوق لعند الدرج و ناظرت قريبات الجوهره ابتسمت بخفه و سلمت عليهم مع الجوهره و جلسوا و بدوا يسولفون ( ما راح نذكر اسم قريباتها لان مو مهمين ) كانت تسمع لسوالفهم اللي كانت كلها عن قرايبهم و نطقت الجوهره : اي اعرفها تجنن البنت مزيونه

↚

حست بضيق شوق ما عرفت سببه بس حست انها شخص زايد بينهم وقفت و ناظرها الجوهره : وين رايحه

ابتسمت شوق بضيق : بروح اراجع مابقى شي على الاختبار

مشت شوق و وقفت تمشي وراها الجوهره : شوق شفيج

ناظرتها شوق : بس شوي متوتره من الاختبار

ابتسمت الجوهره : و لان عوض مو معاج بعد صح

رفعت اكتافها شوق : بروح اراجع

هزت راسها الجوهره بالموافقه : تمام اللي يريحج

ابتسمت لها شوق و صدت تمشي ماعرفت سبب ضيقها بس حست نفسها زايده بينهم كلهم يتكلمون بمواضيع هم يعرفونها و هي لا ، تحس كأنها على قولتهم اطرش بالزفه تعرف ان مو بقصدهم بس حست بضيق جاهله سببه ناظرت سيف اللي دخل الحمام و ناظرها كيف صدت و مشت لمحت غلا ابتسمت و لوحت لها من بعيد ناظرتها غلا و ابتسمت تمشي لها و نطقت شوق : وش جايبك عندنا

غلا : ماخذه ماده اختياريه هنا

هزت شوق راسها بالموافقه و هي مبتسمه : تعالي نشرب قهوه اذا عندك وقت

مشت غلا معها : اي عندي بريك محاضرتي الجايه بعد ساعه الا وين عوض و سيف

شوق : عوض عنده محاضره سيف معرف

هزت غلا راسه بالموافقه و مشوا لحد ما وصلوا للكافيه و بدات تطلب شوق لها و لغلا اخذوا طلباتهم و جلسوا و نطقت شوق : اي وش مسويه

رفعت غلا اكتافها و هي تشرب قهوتها : ولا شي بس الدكتور عمر ذا غثيث شوي

ضحك شوق : صديق عوض و العيال

غلا : اي ادري قالي سيف

ابتسمت شوق : سيف والله كنت حاسه

ابتسمت غلا : معرف احس وضعنا مو عارفه وش هو

فتحت ايبادها شوق : وضعكم يقول قريب بيحط الدبله بيدك ، عندي اختبار براجع له ....

فتحت غلا ايبادها بعد : وانا بعد عند عمر ذا

ضحكت شوق : وش مسوي لك كل الكره ذا

قالت لها غلا وش صار معها و ضحكت شوق و كملوا يراجعون

بالبيت بعد ما خلص مشاري من الفطور وقف و حس بتعب جلس على الكنب ناظرته امه : بسم الله عليك فيك شي

مشاري رجع راسه لورا : لا بس صداع و دوخه

وقفت جود بخوف و بيدها كاس المويه و عطته : اشرب مويه

اخذ الكاس و شرب و رجع راسه لورا جلست جنبه امه و بدات تقرا عليه : اسم الله عليك

عبير : تحس بدوخه تبيني اجيب لك شي تاكله

مشاري بتعب : لا لا

ناظر رزان و لولوه اللي كانوا واقفين و خايفين عليه ناظرتهم جود و مثلت الابتسامه : بابا شوي تعبان شرايكم اخذكم انا للمدرسه

رزان بفرحه : اي

لولوه نطت : اي اي تكفين

التفتت لمشاري : اخذهم

هز راسه بالموافقه: اخذيهم احس بصداع ما اقدر اسوق

ناظرت البنات : البس عباتي و اجيكم

تقدمت جود تطلع و نطق ابو مشاري : اخذك للمستشفى

مشاري تعدل بجلسته: لا لا مافي داعي صداع بس لاني مو نايم عدل

عبير : الله يهداك انتبه لنفسك الليله عريس انت ما شفت كيف بناتك خايفين عليك

مشاري : ان شاء الله

دخلت جود غرفتها تحاول تحبس غصتها و دمعتها لبست عبايتها و عدلت طرحتها و طلعت تنزل لهم و هي تمثل الابتسامه : يلا

مد يده مشاري : مفتاح سيارتي

اخذته جود و ناظرت اثار الابر اللي على يده بسبب الكيماوي و ناظرت البنات و هي تحاول تحبس ضيقتها و بكيها : يلا

ابو رنا : انتبهي

جود : ان شاء الله لا تحاتي

طلعت جود مع البنات و ابتسمت ام مشاري : يا عمري ماتقصر

وقف مشاري : بروح انام قعديني العصر يمه علشان اجهز

صعد مشاري لشقته بتعب و انسدح على السرير و نام ركبت جود السياره مع رزان و لولوه ناظرتهم : حزامكم

لبست رزان حزامها و حطت جود الحزام لولوه : اي وش حابين نسمع اغاني

رزان بحماس : كيفك

حطت لهم جود اغنيه و بدات تغني معهم و تحاول تتناسى الموضوع بعد ما خلصت الاغنيه نطقت لولوه : صدق اليوم راح نشوفك عروسه

ابتسمت جود و هي تسوق : صدق

رزان و هي مبتسمه : يعني راح تعيشين معنا بالشقه

هزت راسها جود بالموافقه : اي

لولوه : تعرفي فستاني ابيض نفس فساتك

ابتسمت جود : صدق

رزان : اي حتى انا نفسها كلنا نصير ماتشي ماتشي

ابتسمت جود و وقفت سيارتها : يلا روري انزلي

فتحت حزامها رزان و نطقت جود : تعالي عطيني بوسه قبل لا تنزلين

ابتسمت رزان و تقدمت تبوس جود من خدها و تنزل انتظرتها جود لحد ما دخلت المدرسه و حركت لروضه لولوه وصلت و نزلت من السياره و فتحت الباب للولوه و مسكت شنطتها و نزلتها و مسكت لولوه يد جود و دخلت معها الروضه ناظرت لولوه صديقتها و ركضت لها و اشرت على جود : ذي ماما شفتي حتى انا عندي ام مو بس انتي

ابتسمت جود بصدمه من نطق لولوه لها ما توقعت تقول لها كذا تقدمت لها و انحت تحضنها و قبلت خدها و نطقت صديقه لولوه : صدق انتي امها

ابتسمت جود و هزت راسها بالموافقه : اي

اعطتها شنطتها : يلا ادخلي

↚

مسكت لولوه شنطتها و دخلت لفصلها طلعت جود و ركبت السياره حطت وجهها بين كفوفها و بكت تعبت تشوف مشاري بالطريقه ذي ما تعودت تشوفه كذا تعبان و هلكان و نطقت ببكي: ليش صار كذا ليش والله قلبي يتقطع كل ما اشوفه تعبان

نزلت راسها على الدركسون : ياربي لا تختبر صبري فيه يارب

رفعت راسها و نزلت المنظره و بدات تمسح دموعها و ابتسمت من تذكرت كلمه لولوه و همست : ماما يا عمري هي

سكرت المنظره و حركت السياره ترجع للبيت

عند شوق و غلا وقفت شوق : باقي عشر دقايق على اختباري دعواتك

وقفت غلا و حضنتها : بالتوفيق

تقدمت شوق تطلع و ناظرت سيف اللي دخل و كملت تمشي لقاعه الاختبار ناظر سيف غلاه و ابتسم تقدم يطلب اخذ طلبه و جلس قدامها ناظرته و كملت تراجع شرب من قهوته : وش تراجعين

غلا تنهدت: اختباري شوي مع الدكتور عمر

هز سيف راسه بالموافقه : تلعبين كود

ناظرته : تستهبل اقولك اختباري بعد شوي وانت تبي العب كود

سيف : طيب في شي مو فاهمته اشرحه لك

هزت راسها بالنفي و ناظر سيف الشخص اللي دخل و همس : لا تلتفتين وراك

غلا : ليش في شي ور..... ماكملت كلامها و التفتت و ناظرت هتان اللي واقف و يطلب بلعت ريقها بخوف و نطق سيف : ناظريني و طنشي

ناظرته و نزلت انظارها للأيباد و همست : كيف طلع ذا

رجع سيف ظهره لورا : الله اعلم

ناظرته : خايفه يسوي شي

سيف : وش اللي يسوي شي شفيك صاحيه انتي وش بيسوي مثلا خليه يويلي بس ماعليك منه راجعي لأختبارك

نزلت انظارها و بدات تراجع ناظر هتان سيف و ابتسم له بخبث ما اعطى له سيف اي اهتمام و تكتف يناظره و طلع هتان من الكافيه رجع انظاره لها سيف : متى اختبارك

ناظرت غلا الساعه : بعد خمس دقايق

وقف سيف : وراي محاظره لا تعطينه اي اهتمام سامعه غلوي و حتى اذا كلمك لا تكلمينه

هزت راسها بالموافقه و طلع سيف لمحاظرته

عند شوق اخذت جوالها و اتصلت على عوض اللي كان بمحاضرته اخذ جواله و ناظر الدكتور : بس برد على اتصال

الدكتور : اخذ راحتك

كمل الدكتور يشرح و طلع عوض و رد عليها : هلا بدهر قلبي و رجعانه هلا بحبيبه قلبي

ابتسمت : هلا فيك بدخل اختباري الحين

عوض : بالتوفيق الله يوفقك يارب و يسهل عليك الاختبار لا تتوترين طيب هدي و كل الامور سهالات

شوق بتوتر : ان شاء الله بس عوض احس بمغص في بطني

ضحك بخفه : شوق وش قلنا هدي يا كلي انتي اخذي شهيق و زفير يلا

بدات تاخذ شهيق و زفير و نطق : واثق فيك واثق انك راح تجيبين ال A+ بالماده ذي و المواد الباقيه

شوق : تكفى ادعي لي

عوض اللي كان يمشي برا القاعه : شوق وش قلنا على تكفى و بدون لا تطلبيني ادعي لك انا ادعي و اجمعك معي بدعائي حتى ساعات انسى نفسي من الدعاء و ادعي لك لا تتوترين و هدي عادي

ابتسمت : ان شاء الله

عوض : يلا ادخلي القاعه و هدي شوق فيك سكر و ضغط تكفين هدي والله شايل همك يصير فيك شي

شوق : هديت شوي لما سمعت صوتك و كلامك لي

ابتسم : عفيه يلا بالتوفيق برجع لكلاسي

شوق : طيب

سكر جواله و دخل للمحاضره و دخلت شوق قاعه الاختبار و بعد مده جاء الدكتور و بدا يوزع الاوراق و من كثر توترها كانت تحرك رجولها ناظرت الاسأله و تنهدت براحه و بداخلها : ليش كل التوتر ذا بالاخير الاختبار اسألته سهله

اخذت قلمها و بدات تحل الاختبار و قدرت انها تحله بسرعه من سهولته اعطت الدكتور ورقتها و طلعت وهي مبتسمه اخذت جوالها و كانت راح تدق عليه و همست : لا عنده محاضره كل شوي مطلعته ما يصير

دخلت الواتس و ارسلت له : توني طالعه من الاختبار و كان يجنن حده سهل

ارسلت له الرساله و توجهت لمحاضرتها الثانيه و بدات تحضرها ناظر رسالتها بعد ما طلع من المحاضره و ارسل لها : الحمدلله ، كفو اي ذي حبيبتي اللي تخوف الاختبار ما تخاف منه

ناظرت رسالته و هي بنص المحاضره و ابتسمت

↚

بالبيت اتصل فهد على جوري و ردت عليه : هلا فهد

فهد اللي كان واقف بنص الحديقه : بالجامعه ولا بالبيت

جوري و هي تمسح مكياجها : لا فوق بالبيت توني جايه من الجامعه

فهد : تعالي الحديقه

وقفت جوري و لبست السليبر: يلا جايتك

طلعت من الغرفه و نزلت للحديقه ناظرته كان منحني حطت يدها على جبهتها تمنع الشمس عن عيونها : فهد

التفت لها و ابتسم : تعالي

تقدمت تمشي له و ناظرت الورد الجوري بالاحواض اللي فاحت ريحته بالحديقه من كثر كميته ضحكت بخفه : وش ذا

رفع الحفار الصغيره اللي بيده : تعالي نزرعك بالحديقه

ابتسمت و رفعت اكمامها بحماس و انحت تجلس عطاها الحفار و بدات تحفر ناظرته : ليش ورد

ابتسم و هو يحفر و رفع اكتافه :

إزرعيني ورد جرديني سيف

إتركيني أسهر في عيونك طيف

علميني الصبح علميني الليل

فجري حبك في ضلوعي سيل

انا احبك حيل

كمل يحفر : اي والله احبك حيل

ابتسمت بخجل و ناظرته: تعرف المكان صار كله ريحه جوري

ناظرها : ريحتك ......

كمل يحفر : اي والله احبك حيل

ابتسمت بخجل و ناظرته: تعرف المكان صار كله ريحه جوري

ناظرها : ريحتك

ضحكت بخفه و كملت تحفر اخذ الورده و شالها من الحوض و حطها بالتراب و بدات تحط عليها التربه و تعدلها معه نفضت يدها : ابي اجرب اشيل الورد من الحوض

وقف فهد : تعالي

بدا يشرح لها و يقولها كيف تشيلها : اقلبيها و امسكيها بس

قلبت و طلعت الورده من الحوض و حطتها بالحفره اللي حفرتها و بدات تحط التربه حوالينها و هي متحمسه : يونس حبيت

كملوا يزرعون الورد و نطق فهد : تعالي نكمل الجهه الثانيه

وقفت و مشت معه للجهه الثانيه و بدات تحفر و تحط الورد معه و يزرعون ورود حبهم و يغرسونها بكل انحاء الحديقه وقفت و نفضت يدها بعد ما خلصت اخذ فهد مرش المويه و بدا يرش الورد ناظرها : تعالي رشي ورود حبنا معي

ابتسمت و تقدمت تحط يدها فوق يده بخجل و بدوا يسقون زهور حبهم مع بعض خلصوا و ناظرت الورود و ابتسمت نزل المرش و نفض يده فهد : خلينا ندخل الشمس تذبح

تقدمت تدخل معه و ناظرتهم عبير و ابتسمت : ها زرعتوا

هزت جوري راسها بالموافقه و نطق الجد : ما قصرت يافهد جملت الحديقه

وقف الجد : خلني اروح اشوف الورد

فهد ابتسم : ما سويت شي قلت يعني نزرع لنا كم جوريه زياده كذا

وقفت عبير : حمستني اروح اشوف

تقدمت جوري تصعد لغرفتنا تغير لبسها اللي صار كله طين و تربه و الحال نفسه عند فهد طلعوا الامهات و عبير و الجد و ناظروا الحديقه ابتسمت ام وليد : ماشاءالله ماشاءالله الورد معطي جماليه للمكان

عبير : اي حتى المكان كله ريحه جوري

ابتسم الجد و هو يناظر الحديقه : اي والله ماقصر ابو سلطان

تقدموا يدخلون البيت و بدوا يجون العمال و حقين الثيم و يرتبون البيت لعرس مشاري و جود

↚

عند غلا بعد ما خلصت اختبارها ناظرت هتان يمشي قدامها ما اعطت اي اهتمام و مشت تتعداه التفتت لجوالها من سمعت صوت رساله و قرتها :

حسابي معك طويل يا بنت محمد تحسبين انك تقدرين تبعديني عنك والفيديوهات و الصور عندي بجوالي الثاني حاولي بس تكلمين سيف ولا احد والله ما يمنعني عن نشر صورك شي

بدا صدرها ينزل و يصعد من التوتر دخلت الحمام ( الله يكرمكم) نزلت شنطتها و بدات تغسل وجهها بمويه بارده تحاول تصحى و بداخلها ندم كيف قدرت تثق بشخص عابر و تعطيه صورها و كيف قدر ان يحصل لها فيديو و هي ترقص مين اللي صورها و وش غايه هتان من ذا كله اخذت المنديل و بدات تمسح على وجهها رتبت شكلها و طلعت من الحمام ( الله يكرمكم) دخلت احد القاعات الفاضيه و ارسلت له : وش تبي بالضبط ما ابيك

ضحك هتان بخبث بعد ما قرى رسالتها : ابيك انتي منتظرك الليله ابي اشوف كشختك بعرس اختك

نزلت جوالها و حطت راسها بين كفوفها و بدات تبكي زياده خايفه تقول لسيف و يسوي لها شي هتان و خايفه تسكت و يتمادى اكثر و اكثر ماعرفت وش تسوي و تربطت يدينها تنهدت بضيق و مسحت دموعها وقفت ولا لها اي خلق تكمل محاضراتها الباقيه اتصلت على ابوها يجيها و كانت جالسه منتظرته يجيها و لمحت هتان من بعيد و صدت بخوف ناظرت جوالها و لقت ان ابوها مرسل لها انه وصل تقدمت تمشي مسرعه و تطلع من الجامعه ركبت السياره و حاولت تغير تعابير وجهها و تبتسم ناظرها ابوها : ليش ما كملتي محاضراتك

غلا : بجهز حق العرس و بشوف الترتيبات مع رنا

اكتفى ابو رنا بهز راسه و كانت طول الطريق تمثل الانشغال بجوالها و هي من داخل كلها هواجيس و خوف

عند شوق توجهت للقاعه اللي راح يشرحون فيها عن المسابقة اكثر فتحت الباب و دخلت و ناظرت الطلاب و تقدمت تجلس على احد الكراسي دخل العميد و سلم و بدا يشرح لهم : طبعاً المسابقه ذي على مستوى الجامعه يعني اختراعكم اللي راح تظهرونه راح يكون على مستوى الجامعه و راح نختار ثلاث فائزين بالاخير ، طبعاً اختياركم كان عشوائي عن طريق قرعه و ان شاءالله تكونون قد المسؤله ذي و تبدعون و تطورون اختراعكم لأجل الوطن و اعماره

و بدوا يشرحون اكثر وش راح تكون عن المسابقه و كانت مستمعه و تسجل كل شي عندنا بالنوت دخل متعب و سلم : السلام عليكم معكم الدكتور متعب بن عز درست في امريكا ست سنوات طب عام و كملت طب جراحه و اخذت فيه دكتوراه راح اساعدك باللي تحتاجونه من اسأله

ناظرها جالسه و تناظره كأنت مثل عبير بالملامح و الشكل حتى بالحجاب تشبها حيل ابتسم بخفه و رفعت ايدها و نطق : تفضلي

شوق : دكتور متعب الحين اقدر اخترع اختراعين يفيدونا بالطب

متعب : اي اكيد تقدرون سوا اللي تقدرون عليه و لا تضغطون على نفسكم

اكتفت بهز راسها و بدا ياخذ اسأله الطلاب طلعت جوالها و صورته بحركه سريعه و ارسلته لعبير : شوفي مين جاي يساعدنا بالمسابقه

سكرت جوالها و تكتفت تسمعه

بالبيت بدوا البنات يتجهزون على العصر و كانت جود بالغرفه و عندها البنات و ميك اب الارتست تحط لها المكياج و البنات يغنون و مبسوطين :

هات إيدك فوق كتافي ونلف الدنيا لف، لف

وتاخدلك حضن دافي هتلاقي قلقنا خف، خف

خوفك م الدنيا سيبه، سيبه، سيبه يا حبيبي و أنا أسيبه

دخلت لمار و بيدها الكتاب و وراها الامهات : يلا يا عروس و قعي

التفتت لها جود و هي مبتسمه اخذت القلم و حطت الكتاب بحضنها و البنات كانوا يصورونها و وقعت و بدوا الامهات زغرطون و كملوا البنات تجهيزات دخلت ام مشاري لشقه مشاري اللي كان يحاول يسند نفسه و يبين انه بخير ناظرته يعدل شماغه و زغرطت و بيدها البخور ابتسم من سمعها تقول و هي تبخره : مبروك يا وليدي مبروك زين من اخترت والله

قبل راسها و بدات تبخره و نطق : يمه ابي البنات

ام مشاري : مع لمار تحت تضبطهم

مشاري : ناديهم لي ابي اكلمهم

بعدت المخبر : ان شاء الله ، انزل تحت للصاله جت المصوره و عروستك مابقى شي و تجهز

↚

هز راسه بالموافقه : ان شاء الله

تقدمت تطلع ام مشاري و جلس مشاري على طرف السرير فتح درج الطاوله اللي جنب راسه و اخذ من حبوبه و شرب المويه و تنهد سمع اصوات خطوات بناته وقف و مثل انه طبيعي دخلوا عنده الغرفه البنات بكامل زينتهم ناظرهم و ابتسم : ماشاءالله وش الزين ذا

دارت لولوه بفستانها الابيض : شرايك بابا

ابتسم مشاري : يجنن

ناظر رزان و تقدم يقبل راسها و يمسح على شعرها : الله يحفظكم

ابتسمت رزان و نطق : بتكلم معكم تعالوا اجلسوا جلسوا على طرف السرير و سحب مشاري كرسي التسريحه و جلس مقابلهم اخذ يدينهم و مسكها : ما راح اكون معكم الليله بس بكرا راح اجي

رزان : عادي بابا ننام عند جده ولا عمه

هز راسه بالموافقه ناظرهم و نطق : طيب جود صارت زوجتي يعني صارت ماما

لولوه ابتسمت : صدق صارت ماما يعني اقدر اقول لها ماما

هز راسه مشاري و هو مبتسم ناظرته رزان بفرحه : بابا صدق نقدر نناديها ماما

مشاري : اكيد و راح تنبسط كثير اذا ناديتوها ماما

وقف : يلا نروح نشوفها

رزان وقفت : ماشفتها بفساتنا

لولوه : اي حتى انا ابي اشوف ماما عروسه

مسك يدينهم و طلع : الحين نروح نشوفها

طلع معهم و توجهوا للمجلس الكبير و دخلوا ناظرتهم المصوره : انت المعرس

مشاري : اي نعم

المصوره : طيب

ناظرت رزان و لولوه : بناتك صح

هز راسه بالموافقه و كملت المصوره و هي مبتسمه : طيب تعرف الفرست لوك صح

عقد مشاري حواجبه : لا

رزان : اي بابا يعني تعطي جو.... اقصد ماما ظهرك و بعدين تلتفت لها و تعطي رده فعل شفته بتيك توك

المصوره : ايوا بالضبط و ابي رده فعل حلوه ، تبي بناتك معك بالفرست لوك ؟

ناظر البنات و ابتسم : اكيد

المصوره : طيب على ما تجهز العروسه شرايكم اصورك مع بناتك كم صوره

مشاري : تمام

بدات المصوره تصورهم مع بعض و كانت جود تلبس شبكتها ناظرتها ام مشاري : دبلتك يلبسك ياها تحت مارضى تلبسيها انتي

جود ابتسمت: طيب .....

ناظرت البنات اللي كل وحده كانت احلا من الثانيه و ناقصتهم شوق و نطقت : شوشو وين

عبير : بالجامعه شويات و تجي

جود بتوتر : شكلي زين

رنا قربت و عدلت مسكتها : كذا و ارفعي ظهرك

رفعت جود ظهرها و دخلت لمار و هي مبتسمه : زوجك و بناتك ينتظرون طلتك عليهم

ابتسمت جود ابتسامه عريضه : ان شاءالله

تقدمت تطلع من الغرفه و تنزل مع لمار اللي دخلت المجلس قبلها: يلا جود برا لفوا

مسك مشاري يدين البنات و لفوا و كانت المصوره تصورهم طلعت لمار و دخلت جود بفستانها الابيض و مسكتها اللي كانت من التوليب الابيض و طرحتها اللي مزخرف بورد صغير وقفت و نطقت المصوره : التفتوا

التفتوا مشاري و البنات ابتسم لها و تقدموا البنات يحضنونها و نطقت لولوه : ماما طالعه حلوه

رزان و هي حاضنه جود اللي بادلتهم الحضن : اي ماما تجننين

ماتحملت جود و بكت من سمعت الكلمه من ثغرهم حست بشعور الامومه من اللحظه ذي تقدم لها مشاري و قبل راسها : افا يا جودي تبكين

مسحت دموعها و ناظرت البنات و تقدم تقبل خدهم : صدق ماما طالعه حلوه

ابتسم مشاري و بعدت لولوه عن حضنها : اي ماما طالعه كأنك برنسس

بعدت رزان و ابتسمت لها : صدق و احلا من البرنسس بعد

ابتسمت جود و ناظرت مشاري اللي كان يناظرها و هو مبتسم و نطقت المصوره : يلا ناخذ الصور

بدات تاخذ لهم المصوره الصور و لبسها مشاري دبلتها و قبل يدها ناظروهم البنات و ابتسموا كانوا اول مره يشوفون الحب من ابوهم ما عمره قبل يد مها من قبل ولا ناظرها بالنظرات ذي

↚

دخلت لمار عند البنات تبكي ناظروها البنات و الامهات و نطقت رنا : شفيك صاير شي

هزت راسها بالنفي و مسحت دموعها : لا بس بنات مشاري

قاطعتها ام مشاري : شفيهم

بكت لمار : مافيهم شي بس نادوا جود ماما

حطت يدها على فمها ليان : ياعمري

ابتسمت ام مشاري : والله اللي سوته جود معهم امهم ماسوته

لجين و هي تلبس ساعتها : وش سوت جود

مسحت دموعها لمار و بدات تعدل مكياجها : بكت

عبير : ياعمري هي صدق والله ام لهم

التفتت عبير للبنات : وين العنقاء تجي تسوي لي الايلاينر احس الميك اب ارتست ماضبطته

سمعتها العنود و وقفت : جيتك

لجين ضحك : عرفت انها المقصوده

سمعوا صوت طقه كعبها و نطقت ام وليد : و رجلك مو ملتويه رايحه لابسه كعب

دخلت عليهم بفستانها الاسود و كعبها و كانت مسويه شعرها الاسود الكثيف ويفي : ماما تعرفيني اموت اذا مالبست كعب

ناظروها البنات و نطقت ريم و هي مبتسمه : ماشاءالله لا صدق عنقه مترفه

ابتسمت العنود : تسلمين لي يا ريمي

ناظرت عمتها : عطني انا اضبطك

عبير ناظرت المنظره : احس حقها ثقيل ولا

ناظرتها العنود : اي اي اضبطه ما عليك

بدات تضبط لها العنود الايلاينر و طلعت ليان بعد ما جتها رساله من سلطان :

بكحل عيوني بشوفتك قبل العرس انا بالمطبخ

طلعت و نزلت للمطبخ و فتحت الباب ناظرته يشرب مويه بثوبه و شماغه نزل الكاس و ناظر اللي كانت لابسه فستان اصفر ضيق و طويل و عاري الاكتاف و مسويه شعرها كيرلي و التان بارز لون الفستان اكثر سكرت الباب و نطق و هو مبتسم: تبارك الرحمن

ابتسمت و تقدمت له : تبي قهوه

سلطان : فيه

مشت للثلاجه : اكيد سُلطان حسبت حسابك معي بقهوه العصر و كنت بالدوام

طلعت القهوه و تقدمت تفتح دولاب الكاسات جاها سلطان من ورا و حضنها و قبل نحرها ابتسمت و نزلت راسها : تذكرت شي

بعد عنها سلطان وضحك : نفس اللي تذكره انا

التفتت له و صارت مقابله و خلفها طاوله الدولاب : وش تذكرت

حط يدينه على طاوله الدولاب : اول يوم و فستانك الاحمر و شعرك الكيرلي و العجوز اللي كنتي تتحلطمين لي عنها

ضحك و هزت راسها : نفس اللي تذكرته

بعد شعرها الكيرلي ورا اذنها : المطبخ ذا مكان لقاء المحبين شكله اكثر مكان التقينا فيه و بعده الحوش الخلفي

هزت راسها و هي مبتسمه و رفعت يدها اللي فيها الدبله : ساعدني نجمع كل المحبين بالمطبخ ذا و نخلي نهايتهم مثل نهايتها دبله

ابتسم و قرب منها يبي يطبع قبلاته على ثغرها دخلت لجين : ليلي م...بعد سُلطان نزل راسه و مسح على شنبه التفتت ليان و فتحت الدولاب طلعت الكوب و صبت له القهوه : تبين شي

ابتسمت لجين : اي كنت بسألك ما شفتي حصه

اعطته الكوب و شتت انظارها عن لجين : معرف شوفيها اكيد تلعب بالحوش

ناظرت القهوه : الله صبي لي

شرب سلطان من القهوه و طلع : تسلم يدك

اكتفت بهز راسها و اعطت ليان لجين اللي نطقت : خربت عليكم اللحظه

ليان تقدمت بتطلع : روحي شوفي حصوص

طلعت ليان من المطبخ و ناظرت رساله سلطان لها :

لما جيت قررت اشطح المحلله دخلت علينا

اكتفت بأنها تضحك بخفه و توجهت لعند البنات

دخلت الغرفه و ناظرت العنود اللي تضبط مكياج عبير : كذا صار زين

تعدلت عبير و اخذت للمنظره ابتسمت : تسلمين لي يالعنقاء

ابتسمت العنود و قبلتها من خدها : قلبي والله

التفتت للبنات : اتصلوا على شوشو تأخرت

فتحت عبير جوالها : اي الحين بشوفها

دخلت واتس شوق و ناظرت صوره متعب بدا صدرها ينزل و يصعد تنهدت و طلعت منه و التفتت لام وليد : ننزل اخاف المعازيم يجون و منها نتأكد على الاغراض و الشغل

وقفت عبير : اي يلا

ام مشاري التفتت للبنات: لا تنزلون كلكم مره وحده

ضحكت غلا : خايفه علينا من العين عمه

ام رنا : صادقه دفعه دفعه تعالوا و وحده تجلس مع جود

رنا : خلاص انا اجلس معها

طلعوا الامهات و ناظروا جود اللي جت مقبله لهم بفستانها و رزان و لولوه حوالينها بدوا يزغرطون ام مشاري : ماشاءالله ماشاءالله تحصنتي

جود : اي عمه تحصنت و حصنت البنات لا تحاتين

ام رنا ابتسمت و هي اشوف بنتها عروس : رنو راح تجلس عندك

اكتفت بهز راسها و دخلت الغرفه و ناظروها البنات و نطقت العنود : ها ام رزان صورتي

ابتسمت جود : صورنا

لولوه مشت لوتين اللي كانوا البسس بحضنها و جلست جود و جنبها رزان و كانوا البنات يحطون اخر لمساتهم و نطقت لجين : سمعت امي تكلم ام المحامي عبدالله صديق عوض تقول لها تعالي تنورينا

جوري ضحكت: شكلها بتشوفك العنود و بتعرف رايك بولدها

بعد العنود شعرها : طيب

ليان : مافي توتر

رفعت اكتافها العنود : لا ليش اتوتر

جود : موافقه عليه

سكرت الحمرا الحمره بعد ما حطتها و رجعتها مكانها : بعدين تعرفون

تقدمت تطلع و ناظرتهم لجين : تتوقعون توافق

ليان : لازم توافق مرا لايقين على بعض هي محاميه و هو محامي

رنا : ام كشه سكري حلقك مالك دخل كيفها

تكتفت ليان : الكشه ذي عاجبه سلطان اذا مو عاجبتك

ضحكوا البنات و نطقت ريم : طيب خلصوا بسرعه مابقى شي و يجون المعازيم

بدوا البنات يخلصون اخر تجهيزاتهم و يحطون اخر لمساتهم

↚

طلعت شوق من القاعه و نزلت بالاصنصير و كان عوض جالس على جواله ينتظرها و بحكم ان صار الوقت متأخر و مافي ناس كثير سمع صوت خطوات و عرف انها هي رفع راسه عن جواله و هو مبتسم ناظرها مقبله له وقف : حي شوفتك

ابتسمت له : حي نباك ، خلصت

عوض : كيف المحاضره حقت المسابقه

شوق : حلوه سجلت كل شي بالنوت

حط يده داخل جيب اللابكوت و طلع المصاصه اللي كانت على شكل قلب و عطاها ضحكت : وش ذا

رفع اكتافه : مكافأه

فتحتها : ذي احلا مكافأه لانها منك

حطتها بفمها و نطق و هو مبتسم : بالعافيه عاد ذي مكافأه صغيره كبر الذره انتظري الاكبر

هزت راسها بالنفي و بفمها المصاصه : بالعكس كل شي منك حلو

ابتسم و همس : خلينا نروح البيت و اعطيك حقك

نزلت المصاصه من فمها و عضت شفتها من فهمت مقصده حط يده بجيب السكراب يدور مفتاحه عقد حواجبه مالقى شي و حطه بجيبه الثاني ولا لقى شي ناظرته : شفيك

عوض : مفتاح سيارتي معك

شوق عقدت حواجبها: لا ليش بيكون معي

التفتت يدور بالمكان اللي جلس فيه ولا لقى : متأكد كان معي معرف وين راح

شوق : ضيعته

حك جبهته : شكلي اجلسي على ما اتصل على عبدالرحمن يجي

جلست شوق بالكرسي و اتصل عوض على عبدالرحمن و وصله صوت عبدالرحمن: وينك انت الرجال بدوا يجون خلص تعال

عوض : بالجامعه وين بكون ضيعت مفتاح سيارتي تعال اخذني ...