هزت راسها رزان و هي مبتسمه اما تحت ف كان المكان خالي من وجود سيف و عوض دخلت شوق و ناظرها الجد و ابتسم : تعالي

مشت تجلس جنبه و نطق : سمي بالله و اكلي صبوا لها شاي

اخذت من الخبز : لا ما ابي

مدت لها ام وليد : عصير

اخذته و فتحته و ناظرت امها كيف صاده نزلت انظارها للعصير و نطق عبدالرحمن: اوصلك للجامعه

شوق : لا راسي مصدع مالي خلق الدوام

لجين و هي تاكل : وش عندك انتي و غلوي اليوم بتغيبون و مالكم خلق

بلعت غلا ريقها و هي اصلا ما قدرت تنام من بعد اعتراف هتان و بالها مشغول و الخوف اكلها هزت راسها شوق بالنفي : راسي مصدع و راح يصدع زياده اذا حضرت

ابو وليد : لا دام كذا غيبي و اخذي لك بندول و ارتاحي

اكتفت شوق بهز راسها و كملوا يتفطرون تذكرت اخر فطور لها معه و كيف قبل يدها قبل لا يطلع التفتت لوتين اللي نطقت : ما جاء دودي

الكل : لا

↚

مشت لعند شوق و جلست جنبها : متى يجي

رفعت شوق اكتافها بعدم المعرفه : معرف

وتين : طول صح

هزت شوق راسها بالموافقه و نطق ابو وليد: اليوم يمكن يجي

وتين : يعني اجي من الروضه هو موجود

ابو وليد: نقول ان شاء الله

العنود وقفت : ان شاء الله اليوم يجي

طلعت العنود و سرحت شوق بالاكل همس لها الجد : شواقه

ناظرته شوق : هلا جدي

الجد : فيك شي

هزت راسها بالنفي و وقفت : لا الحمدلله شبعت

ناظرت عبدالرحمن: اذا خلصت تعال لي فوق الشقه ابيك تقيس لي السكر

وقف عبدالرحمن و نفض يده : جاي معك

مشى معها و حاوط كتفها : ليش الحزن

هزت راسها بالنفي تحس اذا تكلمت زياده راح نتفجر و تبكي فتحت باب الشقه و دخل معها جلس على الكنب و توجهت للغرفه تجيب الجهاز و طلعت له ناظرها و نطق : نمتي

اكتفت بهز راسها و جلست نطق عبدالرحمن : شفيك في شي يعورك

هزت راسها بالنفي و عطته الجهاز و نطق : شوق شفيك قولي لي لا تكتمين و تحبسينها بقلبك

نزلت دمعتها و مسحتها : قيس لي

حط راسها على صدره عبدالرحمن: شوق

بكت شوق زياده على صدره : احس روحي تعبانه عبدالرحمن

عبدالرحمن مسح على شعرها و كملت تبكي : اشتقت له كثير

ابتسم عبدالرحمن و كملت : ليش محد يفهم مشاعري و حبي له ليش دام يحسسوني اني احبه بزيادة و الشي ذا غلط

عبدالرحمن و هو مبتسم: بالعكس مو غلط اعرف تحبينه و تحبينه كثير بعد و اعرف انه معوضك عن كل شي شفت حبه لك شوق و حبك له و الكل شافه

شوق ببكي : طيب اذا فضلته عليك تزعل

عبدالرحمن : ليش ازعل شوق دامك تحبينه فضليه علي

شوق : ماما زعلت لما فضلته عليها

عبدالرحمن: بس انا غير عن امك شوق ذي امك و مهما صار لازم تحبينها

شوق : بس عوض غير عبدالرحمن غير محد راح يفهم مشاعري له حتى انت مو فاهمها

بعدها عنه : مسحي دموعك عوض بخير الحمدالله و مو مهم الناس الثانيه تفهم مشاعرك له اهم شي هو فاهمها

اخذ الجهاز : عطيني اصبعك

مدت له اصبعها و تأوهت بألم و قاس لها السكر : ١٧٠ زين ولا

هزت راسها بالموافقه : زين

عبدالرحمن : اذا طلع اليوم وش لي

شوق بتعب : معرف عبدالرحمن راسي مصدع تكفى ابي اجلس بروحي

وقف عبدالرحمن: حاضر ارتاحي و هدي اعصابك

طلع عبدالرحمن و انسدحت شوق و مسحت دموعها و هي تعبانه تبي تنام و ترتاح صار لها يوم مواصله ولا قدرت تنام مرت الساعات و كانت العنود تتفاهم مع الشرطي : طيب متى تطلع مر يوم

الشرطي : هي من يوم اي يومين انتظري

العنود تأففت : وين العقيد وليد بن خالد

مشى قدامها الشرطي و ناظرت وليد ناظرها وليد : وش جابك

العنود : بفتش سياره عوض

وليد : العنود انتظري التحاليل

العنود : وليد يا تعطيني حق بأني افتش السياره يا اروح افتشها بروحي

وليد : روحي لان من الاساس فتشناها ولا حصلنا شي

العنود : بفتش و بلقى

ضحك بخفه : هدي شفيك

العنود : وليد عوض بريئ و هتان يبي يورطه علشان الماضي

عقد حواجبه وليد : قال لك عوض عن الماضي

العنود : ابوي قال لي و قال لعبدالله

وليد : اي صح كأنك طولتي عليه بردك وش رايك فيه موافقه ؟

العنود هزت راسها بالموافقه : استخرت و مرتاحه

ابتسم وليد : يعني نقول للرجال انك موافقه

العنود رفعت اكتافها : قول له

مشت ضحك وليد بخفه و دخل عند عوض و سيف ناظرهم : صاحين

سيف : جوعان صدق جوعان صار لي اكثر من يوم ما اكلت شي

ضحك وليد بخفه : في عدس تبي

سيف : لا ابقى جوعان ولا اكل عدس

ناظر وليد عوض اللي كان سرحان : ولد

التفت له عوض : هلا

وليد ابتسم : امي تقول انها واثقه فيك

ابتسم عوض عرف مقصدك وليد و نطق سيف : قول لأمي بس اطلع ابي ذبيحه

وليد : مو وقت سوالف الاكل الحين تطمنت عليكم انكم بخير يلا انا ماشي

مشى وليد و ناظر سيف عوض : ما نمت

تنهد عوض : ما قدرت انام سيف

جلس جنبه سيف و حاوط كتفه : سوايا الشوق ولا تهوجس

عوض : الاثنين

سيف : دام كذا خلني اغير جوك شوي

بدا سيف يغني و يحرك اكتافه :

وي الشيب اللي براسي

عمي احمد عليه ربي تشك ثوبك

اذا فد يوم اشوفك شيب اللي بقلبي

قلبي الماهويته برقبتك كل خطته

وتقول ما اريده

↚

حط عوض يده على راسه و اكتفى بالسكوت ناظره سيف : قوم ارقص

ناظره عوض : صاحي انت في احد يرقص بالتوقيف و متهمينه بالمخدرات

سيف : قلت متهمينه يعني مو صدق

تأفف عوض : سيف اتركني بروحي

وقف سيف : براحتك

انسدح عوض و غطى وجهه بالابكوت ، جلس سيف و يفكر بغلاه وش صار لها مع هتان زياده.........

عند العنود كانت تسوق سيارتها و وصلتها رساله من عبدالله :

و انا قبلت فيك من زمان و مابغيتك بالحرام

و مابغيتك بالظلام مابغيتك غير بالعز الشريف المهتدي مابغيتك بالتلاعب ما بغيتك بالكلام

ما بغيت الا اخوك يكون خال ولدي ❤️

ناظرت الرساله و ابتسمت ارسلت له و هي تسوق :

بفتش سياره عوض تعال ساعدني علشان ننجز بسرعه

سكرت جوالها و كمل تسوق و تدندن مع سلطان البريكي :

اقطع مبادي و اترك القانون

لجل العيون اللي انت خافيها

عندي وجودك اغلى م فالكون

تروي عطش روحي و ضاميها

وصلت بعد مده البيت و ناظرت عبدالله اللي كان واقف جنب سيارته صفطت سيارتها اخذت جوالها و شنطتها و نزلت ناظرها و تعدل بوقفه و نطق : طلعت نتايج التحليل

العنود : لا

حطت شنطتها على كبوت السياره و فتحت باب سياره عوض اللي كسروه الشرطه قرب عبدالله : لحظه

طلع قفازات من جيبه و عطاها : علشان البصمات

مد لها اخذتهم و بدات تلبس لبس عبدالله و دخلت و بدات تفتش العنود و عبدالله يفتش ورا : فتشوا الشرطه

العنود و هي تفتش : عارفه بس ذا ما يمنع اني افتش من جديد

فتشوا و بعد مده تنهدت و رجعت راسها لورا و حطت يدها على الدركسون : مافي شي

عبدالله: ولا هنا في شي

ناظرت صوره شوق اللي عوض حاطها على المنظره قربت تشوف الصوره و لمحت كاميره السياره اللي كان حاطها عوض خلف المنظره و صغيره ما تبين التفتت لعبدالله: خلك هنا لا تطلع من السياره

نزلت من السياره مسرعه للبيت دخلت و ناظرتها امها : فيك شي

العنود : شوق وين

وقفت ام وليد : طلع عوض

العنود ابتسمت : لا بس قريب راح يطلع جهزي كيكه الليمون

ناظرت عمتها : وين شوق

رفعت اكتافها عبير بعدم المعرفه و ركضت العنود تصعد الدرج و نطقت ام وليد : شوي شوي امشي لا تركضين

ما سمعت العنود و ركضت طقت باب الشقه و سمعت صوت شوق : تعالي

دخلت العنود و ناظرت شوق اللي كانت منسدحه على الكنب : جوال عوض عندك

تعدلت بجلستها شوق : عندي ليش

العنود : ابيه شوي احتاجه

وقفت شوق و دخلت الغرفه جابت لها الجوال و فتحته اخذته العنود و ابتسمت : كحلي عيونك و امسحي البكي الليله راح يطلع

اكتفت شوق بهز راسها بقل حيله و طلعت العنود و عينها على الجوال و دخلت البرنامج اللي يربط الكاميرا بالجوال و ناظرت انها سجلت هتان و هو يحط المخدرات بالسياره ابتسمت بأنتصار و طلعت ناظرها عبدالله مقبله ابتسم بخفه و ركبت السياره و نطقت : عندي دليل برائتهم

شغلت الفيديو قرب عبدالله لها و بدا يشوف و ابتسم بأنتصار : امشي نطلعهم

هزت راسها بالموافقه و نزلت اخذت شنطتها و ركبت سيارتها و توجهت للقسم و الحال نفسه عند عبدالله

سمعت شوق صوت طق الباب مره ثانيه : تعالي العنود

دخل عبدالرحمن: انا يصير نتكلم

نزلت جوالها و جلس جنبها على الكنب : شوق عبير قالت لي اللي صار

تنهدت شوق : عبدالرحمن لا تضغطني انت الثاني

عبدالرحمن: شوق اسمعيني للاخر كلامك ضايق امك كثير عارف تحبين عوض بس مو كذا شوق اصحي امك ذي وش الكلام اللي قايلته لها الحين علشان عوض دافع عنك صرتي تحبيه اكثر منها و تضايقنها بالكلام

شوق بحده : اي

تنهد عبدالرحمن: شوق لا تتعلقين بعوض زياده علشان نفسك شوفي حالك من امس ما نمتي و هو بخير ليش تعذبين نفسك علشانه شوق الحب مو عذاب ولا عمره كان كذا و من تعلق بشيء عذب به ما اقولك لا تحبينه حبيه زوجك ذا و ماقصر في ولا شي بس مو بالطريقه ذي مو بالطريقه انك تفضليه على امك عبير زعلانه من كلامك لها و هي عمرها ما قصرت كانت توقف بوجه لما يجي و تطرده و كانت لك الام و الاب و الاخت و كل شي ليش نسيتي كل ذا ، انا عارف انك تعلقتي بعوض علشان قدم لك الشي اللي كنتي تحتاجيه بس مو كذا شوق مو كذا اصحي تكفين صح عوض مافي مثله بس لا تتعلقين و لا تخلين امك تزعل منك شوق رضى امك اهم من عوض و شوقك له امك خايفه عليك ولا تبيك تبكين و سوت اللي تقدر عليه علشان تعيشين معززه مكرمه والله انها ماقصرت بشي كلامك ضايقها كانت تبكي شوق

شوق مسحت دمعتها : بس ضايقتني بكلامها

عبدالرحمن مسك يدها : امك شوق ذي امك روحي راضيها حتى لو ضايقتك قبل لا يفوتك العمر

هزت راسها بالموافقه و نزلت انظارها ليدها : يمكن قسيت بكلامي عليها بس كنت فعلاً مشتاقه له و قلته بلحظه غضب

ناظرها عبدالرحمن: شوق قلت لك الحب مو تعلق و امك مالها دخل تقولين لها الكلام ذا و هي اللي فيها مكفيها حبي عوض بس مو لدرجه التعلق

ناظرته شوق : كيف تبيني احب و ما اتعلق فيه

عبدالرحمن: شوق عوض غاب يوم و شوقك له يثبت انك متعلقه فيه بزياده ركزي على حياتك اكثر تكفين ركزي على الجامعه و حبيه بنفس الوقت

اكتفت بهز راسها وقف عبدالرحمن : راضيها لا تخلينها تنام ليله ثانيه زعلانه منك

طلع عبدالرحمن تنهدت شوق : والله قلتها بلحظه غضب و ضيق

رجعت راسها لورا : معرف اذا تعلقت فيك زياده ولا لا

وقفت لبست السليبر و طلعت و توجهت لغرفه امها طقت الباب و وصلها صوت عبير : تعال

دخلت شوق و ناظرتها جالسه على الكنب و قدامها القهوه و حاط بخور نزلت انظارها لجوالها لعبير و سكرت شوق الباب و جلست جنبها : مو بقصدي اقول الكلام ذاك يمكن جرحتك بس الحقيقه انك ما قصرتي في ولا شي كل شي كنت احتاجه قدمتي لي

نزلت عبير فنجال القهوه على الطاوله: نسيت اقدم لك الامان

هزت شوق راسها بالنفي: قدمتي و انتي اول وحده عطتني الامان و لا فضلتك على عوض كل شخص منكم له مكانه بقلبي اسفه اذا كلامي ضايقك

ناظرتها عبير : ما عمري زعلت منك انتي بنتي و قطعه من روحي لو تغلطين مليون غلط قلبي ما يقسى عليك بس شوق انا ضحيت كثير والله ضحيت و كلامك لي حسسني اني قصرت بحقك و ما اقولك ان عوض قصر بالعكس عوض ولدي مثل ما انتي بنتي و احبه و اعزه و عوضك عن اشياء كثير و قدرت اشوفك مبسوطه من كل قلبك معه

تقدمت شوق تحضنها : كلامي جرحك عارفه و الاسف ما يفيد

بادلتها عبير الحضن : ما ابي الاسف منك والله ما ازعل صح تضايقت شوي بس مستحيل يطول زعلي

بعدت عنها شوق و مسحت عبير على شعرها: لانك انتي دلوعتي و وحيدتي و اختي و اكثر والله مو بس بنتي

ابتسمت شوق و صبت لها عبير من القهوه اخذت شوق الفنجال و نطقت عبير : تعرفين العنود طلعت دليل و رايحه تطلعه

ابتسمت شوق بخفه و بدا صدرها ينزل و يصعد نزلت الفنجال على الطاوله وقفت : ابي اروح فوق

ابتسمت عبير : روحي اكشخي له

طلعت شوق و توجهت للشقه تركض سكرت الباب و تسندت عليه و حطت يدها على قلبها و ابتسمت دخلت الغرفه و ناظرت شكلها بالمنظره و تيشيرته اللي لابسته عضت شفتها : راح استقبلك استقبال المحبين

اخذت جوالها و بدات تطلب الاشياء اللي ناقصتها و تأخذ لها شور و تتضبط لجيت عوضها

↚

عند العنود و عبدالله دخلوا مكتب وليد عطته العنود الجوال : دليل براءه سيف و عوض

التفتوا من دخل احد الضباط و اعطى وليد الاوراق و ناظر نسبه المخدرات و الكحول تنهد براحه : و نسبه المخدرات صفر

العنود : وصلتني اخبار ان هتان في بيت جدته اللي هم جيرانه ما راح تمسكونه

وقف وليد و حط المسدس بجيبه و اخذ الجوال : اكيد راح نمسكه خليكم هنا لا تطلعون

طلع وليد جلست العنود و دخل عزام ( تذكرونه كان يساعد وليد على ايام قضيه صقر ) : عندك دليل غير اللي خذاه العقيد وليد علشان نثبته بالاوراق و السجلات

العنود : اي معي بجوالي

طلعت جوالها من شنطتها و مدته لعزام اخذ عبدالله الجوال و مده لعزام حبست ابتسامتها العنود و نطق عزام بعد ما شاف الفيديو : خلاص بأذن الله طالعين الليله و بس يوصل العقيد وليد يرسل لي الفيديو حابين تشربون شي

مد الجوال للعنود اخذه عبدالله واعطاه العنود اللي نطقت : قهوه لو سمحت

ناظر عزام عبدالله اللي كانت متكتف : قهوه ولا اجيب لك شاي

ناظره عبدالله : قهوه......

طلع عزام و وقفت العنود تجلس على كرسي وليد و ناظرت صور عياله اللي حاطهم و ابتسمت بدات تتحرك بالكرسي اخذت جوالها و انشغلت فيه ناظرها عبدالله و وقف و بدا يمشي و مكتف يدينه ورا دخل عزام حط القهوه على المكتب و طلع جلس عبدالله و اخذ قهوته و شربت العنود من قهوتها بعد مده خلصت و ناظر عبدالله طبعه روج احمر على فنجال القهوه اخذ من منديل و مسح الفنجال ناظرته العنود و لفت عطته ظهرها بالكرسي و ضحكت بدون صوت حط عبدالله المنديل بجيبه دخل وليد لفت العنود و وقفت : بشر

نادا وليد احد الضباط : دخله

دخل هتان و يدينه مكلبشات ابتسمت العنود و مشت وقفت قدامه و تكتف و رفعت حاجبها ناظر ثقتها و وقفتها عبدالله و ابتسم وليد من سمعها تتكلم بثقه و بدون خوف : ها قدرت تكمل خططك ولا مسكتك بنص الخطه تعرف اللي بالي بالك عطتني تصريحاتك و انت تقول بالحرف الواحد انك حطيتهم بالسياره و هي اللي علمتني انك في بيت جدتك

اكتفى هتان بالسكوت و دخل محامي هتان اللي كان نفسه اخوه : خير ليش ماسكينه بعد

ناظرته العنود : ليش ما تعرف وش مسوي

اخو هتان : عارفه بس مو مستاهل كل ذا لعب عيال نحله بيننا

ضحكت العنود و قربت منه و بحده : وش اللي لعب عيال حضرته مورط اخواني و فوق ذا جالس يبتز و يهدد بنات

صرخ عليها اخو هتان : لا تصرخين قليله ادب مو متعلمه التربيه

شمر اكمام ثوبه عبدالله و نزل شماغه : امسكي

وليد ناظر اخو هتان بحده و كان راح يتهجم عليه : انا اعلمك الترب..... ما كمل كلامه و ناظر عبدالله اللي ضربه على وجه و طاح الرجال و اعتلاه عبدالله و صرخ : صوتك ما ينرفع على بنت الاجواد سامع

استغربت العنود تصرفه اول مره تشوفه منفعل بالطريقه ذي بس ما تنكر ان كلامه عجبها وقف عبدالله و تفل عليه : اذلف نعلمك التربيه و نعلم عشره من طوايفك

وليد للضباط : اخذوه و طلعوا عوض و سيف

اخذ عزام هتان و طلع ناظر وليد اخو هتان اللي وقف و نطق : والله حسابي معكم يا بيت السعد

ضحكت العنود : بيت السعد تاج راسك

تكتفت وهي مبتسمه و كملت :

من خلقنا الله وحنا عزيزين النفوس

مانوطي شمخ الروس غير لربها

اخذ شماغه اللي كان طايح بالارض و طلع بعدت العنود شعرها ناظرها وليد ضحك و قلد طريقه كلامها : بيت السعد تاج راسك

كمل : صح لسانك

العنود ضحكت: صح بدنك

اخذ عبدالله شماغه منها و نطق وليد و هو مبتسم: ما تقصر ابو عبيد

عبدالله : لا ابد ما سويت الا الواجب

ناظرت يده العنود و تنهدت براحه و جلست و نطق وليد : تبون قهوه

جلس عبدالله و بدا يلبس شماغه : لا تسلم شربنا

العنود : وينهم طولوا

عند عوض و سيف فتحوا لهم الباب حضن سيف عوض : افرااااججججججج

طلعوا و ناظروا هتان اللي يناظرهم مد لسانه سيف : حره طلعنا

الضابط : سكوت

ضحك عوض بخفه و طلعوا دخلوا مكتب وليد وقفت العنود و حضنت عوض و بادلها عوض الحضن و ابتعدت حضن سيف عبدالله و بعد : جوعان كان جبتوا لي اكل

العنود ناظرت ساعتها : يلا نمشي عاد ابوي جايب ذبيحه على طلعتكم بعد ما عرف اني لقيت دليل

جلس سيف : سؤال كيف طلعتي الدليل

جلست العنود و حطت رجل على رجل : على بالك اختك هينه

عوض : صح كيف طلعتي الدليل

رفعت حواجبها : كاميره السياره

وقف وليد : يلا على البيت

طلعوا و طلع معهم عبدالله و همس وليد لعوض : اعزمه عندنا اختك وافقت عليه

ناظر عوض عبدالله: ابو عبيد تعال تعشى عندنا الليله

عبدالله: لا والله اعذروني

سيف حاوط كتف عبدالله: ما راح ناكلك انت لا تخاف بس يعني اذا سمعنا منا و مناك انك مسكت شعره من اختي ولا قلت لها كلمه تزعلها عاد صدق ناكلك

ضحك عبدالله: افا انا يطلع مني

هبد عوض سيف على راسه : ما عليك منه ذا انت ما يطلع منك الا الزين تعال تنورنا

عبدالله: ان شاء الله

ناظر عوض وليد : ابي مفتاح سيارتك

وليد : الحين

طلعت العنود مفتاحها : اخذها و انا اروح مع وليد

ابتسم عوض : شكرا ، وليد بكلمك شوي

مشى وليد معه : بغيت شي

عوض حك راسه : محفظتي مو معي ابي فلوس ارجعهم لك بس اوصل البيت

ضحك بخفه وليد : طيب

طلع محفظته وليد و عطاه فلوس مشى عوض و نطق سيف : العنود حللي وين تتوقعين يروح

تقدم لهم وليد اللي سمعهم و ناظر العنود : امشي و خليه يحلل هو بنفسه

مشت العنود مع وليد و ركبت السياره

↚

جهزت شوق القعده و حطت الورد و الشموع و بدات ترتب الصحون دخلت الغرفه و بدلت روبها و لبست قميص مع روب لونهم حمراء جلست على كرسي التسريحه و بدات تحط مكياج و تتعطر و ترتب شعرها خلصت و اخذت جوالها و طلعت تجلس بالصاله تنتظره و همست : كأني بالغت بالون

هزت راسها بالنفي : لا عادي

رجعت راسها لورا و ابتسمت

دخل عوض محل الورد : ابي بوكيه ورد

الموظف : كم مره وش حاب اللون

عوض : ابي ميه جوري احمر

بدا الموظف يجهز له البوكيه و بعد مده خلص اخذ الكرت عوض و كتب :

مافي كلمه قادره توصف شوقي لك

اشتقت لك

حط الكرت بالبوكيه دفع اخذه و طلع

بالبيت وصلوا سيف و عبدالله و العنود و وليد دخلت العنود داخل و توجهوا الرجال للمجلس و بدوا يسلمون و جلسوا و نطق فهد : روح امي مجهزه لك الاكل و حاطته بالمطبخ

سيف وقف : تحلف بالله

مشى يطلع مسرع و نطق ابو مشاري: ما عقل من الحبسه قلت الحين يرجع لي و عقله راجع بس عبث

الجد ضحك : الحمدلله طلعوا بالسلامه الا عوض وين

وليد و هو يشرب القهوه : ما جاء اخذ سياره العنود و قال عنده مشوار

ابو وليد نزل فنجال القهوه و ناظر عبدالله: متى ما جيت انت و اهلك نكتب الكتاب

عبدالله اخذ فنجال القهوه من فهد : انتم متى يناسبكم

ابو وليد : اللي يناسبك انت ، بكرا مناسب

عبدالله : خلاص ان شاءالله بكرا بعد صلاه المغرب

كملوا الرجال يسولفون طق سيف باب المطبخ و نطقت عبير : سيف واضحه التفتت لجود طرحتك

لبست جود طرحتها و نطقت عبير : تعال

دخل سيف و ناظر غلا بوجهه شتت انظاره ناظر امه : يمه جوعان تخيلي بيصير لي يومين ما اكلت

ام مشاري : تعال اجلس

جلس على الكرسي و حطت له امه اكل و بدا ياكل و نطق و هو ياكل : يمه ما اشتقتي لي

ام مشاري اللي كانت تقطع الخضروات: لا ليش بشتاق لك

سيف و هو ياكل : بس انا اشتقت لك كثير

ام مشاري : لا تتكلم و انت تاكل

همست لجين لليان : المقصد مو عمه

ضحكت ليان بخفه : خليك من سيف ناظريها كيف تغيرت و متوتره من اول ما دخل

ضحكت لجين و همست : اي حبيبتي الشوق و مايسوي

ليان : و انتي وش سوا فيك الشوق مع ولد الكويت

همست لجين : شفته كم مره و خذا عقلي و من زمان عنه الصراحه

نطقت ام وليد : وين عوض

سيف و هو ياكل : اخذ سياره العنود عنده مشوار

دخلت العنود و غص سيف : لو طاري مليون

طنشته العنود و تقدمت لأمها : جوالك في رقم يتصل

اخذت الجوال و حطته ام وليد على اذنها : هلا والله هلا ، والله بخير الحمدلله ، انتي كيفك ، ياعمري تنورونا والله ، خلاص ان شاء الله

سكرت الجوال و ناظرت العنود : ذي ام عبدالله

لجين بحماس: وش تقول ماما

ابتسمت ام وليد : اي تقول بكرا المغرب يجونا شكله ابوك متفق مع ولدها بكرا الملكه

صرخوا ليان و لجين و التفتوا البعض ناظرهم سيف : نجح التحليل

عطت لجين ليان كف بيدها : نجح

صفقت عبير : يلا اتركوا الشغل و روحوا جهزوا

العنود : ماما بنروح المول

اكتفت ام وليد بهز راسها ناظرت العنود البنات : سرينا

جوري : شوفي شوق

العنود : عمه صاحيه

عبير اللي كانت تغسل يدها : شوفيها

لمار اخذت جوالها : خليك انا اتصل

حطت جوالها على اذنها و وصلها صوت شوق و نطقت : بنروح المول تجين

شوق : لا ابي انام

لمار : براحتك

غلا : تجي

سمع سيف صوتها و ابتسم و وقف : تسلم يدك يمه

تقدم يقبل راس امه و مر من عند غلا و نطقت لمار : تبي تنام

ام مشاري : خلاص روحوا انتم و جهزوا لبكرا

جود : ما راح اجي مشغوله بس جيبوا لي معكم قهوه و لرزان

طلعوا البنات و بدوا يتجهزون علشان يروحون المول .....

وصل عوض البيت نزل و ترك البوكيه بالسياره دخل المجلس و سلم بصوته الجمهوري : السلام عليكم

تقدم يقبل راس ابوه و جده و جلس جنب عبدالرحمن و همس له : وين سيف

عبدالرحمن: متبربص بالمطبخ تلقاه

اخذ عوض فنجال القهوه و شرب همس له عبدالرحمن: روح لحرمك

نزل عوض فنجاله بعد ما خلص و وقف : يلا انا استأذن بدخل ابدل و اجيكم

طلع عوض و ناظر سيف اللي كان يبتسم و هو يمشي : عبيت الكرشه

ناظره سيف : الكرشه و النظر

عوض : اي عاد عبي النظر بالحلال

تكتف سيف : يرضى تتوقع

عوض : من عمي محمد

قاطعه سيف : لا سلطان يرضى

رفع عوض اكتافه : تعدل و صير مثل العالم و الخلق و يرضى يزوجك

سيف : هممم شكلي بصير مثل الخلق و العالم و الناس اسبوع و بعدها اخطبها و بعدين..... قاطعه عوض و هو يضحك : ترجع حليمه لعادتها القديمه

سيف : بالضبط

رتبت على كتفه عوض : اي الله يكتب لك اللي فيه الخير بس عمي محمد شكله شاريك من ذاك الموضوع

ابتسم سيف : اي محلوله دام كذا

مشى عوض : روح قهوي الرجال خل عمي سلطان يصدق انك صرت خلق و عالم و ناس

ضحك سيف بخفه و ابتعد عوض حط سيف يده على شنبه و بدا يمسح عليه : يلا نروح نقهويهم و نبيض وجه

مشى سيف يدخل المجلس و قرب من عند فهد اللي كان جالس عند الدوه و يجدد القهوه : قوم بسويها

فهد : متأكد تراها مو V60

سيف : قوم و تشوف كيف اضبطها

وقف فهد و ابتعد و جلس سيف و بدا يحط القهوه داخل الدله خلص و وقف و بدا يصب للرجال اخذ فنجال ابوه اللي نطق: عاش عاش ولدي

صب له سيف من القهوه : سم

ابتعد و وقف جنب عمه ابو رنا اللي كان مبتسم : كيف الحبوس

سيف و هو يصب القهوه : الحبس للرجال و الصراحه انا كنت مظلوم و دافعت عن خويي

مد له القهوه : سم

ابو رنا : سم الله عدوك

اخذ فنجال جده : و انا الصراحه ما اخلي عوض معه بالشده و الرخاء

مده الفنجال لجده : كيف يا جد

شرب الجد من القهوه: لا طيبه

كمل سيف يصب للرجال و طق عوض باب المطبخ من سمع اصوات الامهات توقعها معهم دخل بعد ما نطقت عبير : تعال

دخل و تقدم يسلم على امه و يقبل راسها و نطقت ام وليد : الحمدلله على السلامه

عوض : الله يسلمك

سلم على عماته و تقدم يسلم على عبير و همست له : تراها ما نامت من امس تنتظرك

ابتعد عوض : الا وين خواتي

ام مشاري : بيروحون المول جالسين يتجهزون

دخلت وتين تركض ناظرها عوض و انحنى فتح يده ركضت حضنته و هي تضحك : دودي

شالها عوض و وقف: اشتقت لك

وتين : حتى انا اشتقت لك كثير و جدو قال انك مسافر وين سافرت

هز راسه : اي رحت هنا البحرين و جيت ما طولت

وتين : خذني و اخذ شوشو مره ثانيه

نزلها عوض : حاضر ان شاء الله

عوض : يلا انا استأذن بروح ارتاح

وتين لوحت له : باي

ابتسم عوض و طلع توجه للسياره ياخذ البوكيه و من داخله شوق لها

↚

كانت جالسه تنتظره بالصاله بعد ما ارسلت لها عبير انه جاء فركت يدينها ببعض : كأنه تأخر

ناظرت الساعه و تنهدت ، سكر عوض باب السياره و ناظر خالد اللي كان جالس بالجلسات الخارجيه و على جواله : ولد

ناطره خالد و رمى عوض مفتاح السياره : ذا مفتاح سياره عمتك وده لها

خالد : انت ليش ما توديه

ناظر عوض البوكيه : شايفني فاضي

خالد : حتى انا مو فاضي

عوض بحده : ولد احترم نفسك مراهقين اخر زمن صدق

مشى عوض و نطق خالد : و حبايب اخر زمن صدق ما خذ لها ورد احمر ليش ثور

فصخ عوض جزمته و كان راح يرميها لخالد لكن انحاش نزل الجزمه و ضحك بخفه : والله الجيل ذا

مشى للدرج الخلفي و صعد و همس : كأنه متغير و صاير نفس اسلوبي قبل لما كنت كبره

ضحك بخفه و كمل يمشي لحد ما وصل قدام باب الشقه و صار ما يفصل بينه و بين حبيبه قلبه غير باب عدل شعرها و تحمحم شم ريحه ملابسه و تعدل بوقفه فتح الباب و هو متشفق و ولهان و مشتاق لشوفتها كانت جالسه على الكنب بالصاله وقفت و بدا صدرها ينزل و يصعد و نبضات قلبها زادت من ناظرته و ناظرت البوكيه اللي بيده ناظرها و ناظر لبسها و الجلسه اللي مسويتها نزل راسه وحط يده على جبهته و هو مبتسم رفع راسه : احمر و انا توني طالع من السجن ترفقي بحالي

رفعت اكتافها و هي مبتسمه بخفه و شبكت يدينها ببعض نزل البوكيه على الارض و فتح يده : تعالي تعالي يا بعد حي و ميتي يا بعد خيي

زادت نبضات قلبها و مشت مسرعه له تحضنه : اسفه اني عاتب... قاطعها عوض و هو يشد عليها : اشش لا تتكلمين مو وقت الكلام الحين

شدت عليه شم ريحه عطرها و دفن راسه بنحرها: اشتقت لك

شوق ابتسمت و هي حاضنته : و انا بعد اشتقت لك كثير

ابتسم : لدرجه ذي

بعدت و بقت يده على خصرها و ميلت شفايفها و ناظرته: اشتقت لك غلط

هز راسه بالنفي و هو مبتسم: مو غلط

ناظرت عيونه اللي اشتاقت لهم و بدات تمسح على وجه : تعرف لما يمر يوم و ما اسمع فيه صوتك ولا اشوف زولك احس كأن قلبي راح يوقف

رجعها لحضنه : اسم الله على قلبك فقدتك كثير فقدت حست و صوتك حواليني اخر فراق ان شاء الله الله لا يفرقنا ولا يبعدنا عن بعض

ابتعد و ناظر شفايفها اللي كانت حاطه عليهم روج احمر: تعرفين اني ثور