بعدت العنود شعرها اللي فتنه سواده و لبسها شبكتها الذهب و سكرها نزلت شعرها و مدت يدها و لبسها الاسواره خلص و لبسها زغرطوا الامهات قربت البنت و ابتسمت : مبروك عبدالله

صد عبدالله و نزل انظاره ناظرتها العنود : خير

وجدان ابتسم : ولد عمي و خطيبي سابقاً ابارك له

العنود : حبيبتي روحي تستري و قلتيها سابقاً و حاليا

مسكت يد عبدالله و رفعتها : زوجي

وجدان : اي عادي اخذتي فضلتي

ضحكت العنود : ليش هي كانت لك من الاساس

آم عبدالله: وجدان روحي البسي عباتك

ناظرتها وجدان و تكتفت : ليش ما تقولين لها ان عبدالله المفروض لي

ام وليد : عبدالله وليدي تعال معي نطلع

مشى عبدالله مع ام وليد لعند الباب و نطق : عمه والله مافي شي من اللي قالته و انا اصلا ابي العنود

ابتسمت ام وليد : ولا يهمك روح عند الرجال انت

قبل راسها و نطقت : بحفظ الله

طلع عبدالله و دخلت ام وليد و ناظرت البنات جالسين بهدوء جلست جنب عبير : وش صار

عبير : سكتتها العنود

وقفت رنا : يلا خلونا نرقص

شغلت رنا الاغاني و بدوا البنات يرقصون :

قفوا باب المشاريه ياللي تشرهون

لاحدٍ يشره علينا ولا نشره عليه

كانت لجين ترقص و تكش على وجدان ناظرتها العنود اللي كانت جالسه و حبست ضحكتها اشرت فاطمه لشوق اللي كانت جالسه : شوفي لجين

ناظرتها شوق و ضحكت : برده حرتنا كلنا

وقفت جود و مسكت يد رزان : قومي نرقص

وقفت معها رزان و بدات ترقص معها و العنود كانت سرحانه تفكر بالموقف جلست جنبها ام عبدالله ابتسمت لها العنود ابتسامه خفيفه و همست : لا كانت خطيبته ولا شي ولا هو يبيها و لا هي تبيه

العنود : ولا يهمك خاله عارفه

ام عبدالله: قلت يمكن تتضايقين

العنود و هي مبتسمه : لا والله ليش اضيق خلقي علشان وحده نفسها

وقفت ام عبدالله: يلا قومي

ناظرت البنات ام عبدالله: حطوا لنا شيله نخلي عنودنا ترقص

حطوا لها البنات شيله و بدات العنود ترقص و ام عبدالله كانت تصفق لها و تعزز و فارت نيران وجدان

ناظرتها العنود و كملت ترقص و هي مبتسمه بعد مده بدوا يحطون العشاء و نطقت لجين للبنات : العقربه ذي حسابها معي انتظروا على العشاء وش راح اسوي فيها

جوري : بنت اقول اعقلي عاد

لجين : محتره منها

غلا : طنشوها تعلموا من العنود شوفوا كيف مطنشتها و هي نيران جالسه تطلع من عيونها

حطوا العشاء و بدوا ياكلون فتحت وجدان البيبسي و طشر عليها ضحكت لجين بخفه التفتوا عليها البنات عرفوا ان من تدبيرها الموضوع و حبسوا ضحكاتهم وقفت وجدان و اتجهت للمغاسل قامت العنود ناظرتها ام عبدالله: كملي

العنود : الحمدلله شبعت بالعافيه عليكم.....

توجهت العنود عند وجدان غسلت يدها : تخيلي كنتي راح تتزوجين واحد مغصوب عليك ولا يحبك

ضحكت وجدان : يعني انتي اللي يحبك

العنود ابتسمت : يحبني و لو ما يحبني كان ما تزوجني

وجدان : يلعب عليك ياخذ حاجته و يتركك

ضحكت العنود : لا ذولي اللي انتي تعرفينهم مو عبدالله

وجدان : تدرين ان عمي ما جاء و رافض زواج عبدالله منك يبيني انا لعبدالله

نشفت العنود يدها و ابتسمت لها : اي و ليش ما صرتي لعبدالله دامك تبينه

وجدان : مالك دخل

ضحكت العنود : الولد لايعه كبده منك

مشت العنود و هي تغني :

الى عبدالله الغالي اعز احبابي و ناسي

رساله احاسيسي لصافي الود بحساسك

رمت وجدان المنديل بقوه : حيوانه

دخلت العنود المجلس الصغير و اخذت جوالها و ناظرت رسايله :

والله ان فستانك الاحمر شتات شتت الحساد و زود قهرها

قرات رسالته الثانيه :

انتظرك برا عند الباب الخلفي اخذت الاذن من اخوك

جاي بالشاص لا تجين بفستانك

ضحكت بخفه العنود و وقفت تصعد لغرفتها بدلت لبسها و لبست مخور و فوقه العبايه و حطت طرحتها على راسها و نزلت ناظرتها امها : تعالي

مشت لها العنود : هلا

ام وليد : وين

العنود : اي بروح مع عبدالله نتمشي شوي بالسياره و نجي

ام وليد همست : تراه شاريك ما عليك من الخبله ذيك

هز راسها بالموافقه : عارفه تبين شي

ام وليد : انتبهي لنفسك

مشت العنود طلعت للحوش الخلفي و طلعت من الباب ناظرته قاعد بالشاص و لاف شماغه على راسه و همست : يالبيه جوي

فتحت الباب و ركبت ناظرها عبدالله : حيك

سكرت العنود الباب : الله يحيك

حرك عبدالله و نطق : جبت عده الشاي تبين نكشت

ناظرته : الحين

عبدالله: اي نروح نولع النار و نتعرف على بعض اكثر و نسوي شاينا و نرجع ما راح نتأخر وش قلتي

العنود : كيفك اللي يريحك

عبدالله: ماعليك مني تبين او لا

العنود ناظرت اظافرها : اي عادي

عبدالله عطاها جواله : حطي لنا شي نسمعه

العنود اخذت جواله : ما اتوقع ذوقي يعجبك

عبدالله : ليش وش تسمعين

العنود : البريكي ، بن فصلا.....قاطعها : حطي على الموعد اللي بيننا

العنود و هي تكتب اسم الشيله : تسمع له

عبدالله: اسمع

↚

نزلت جواله و بدات الاغنيه و دندن عبدالله مع الاغنيه :

على الموعد اللي بيننا جيتلك ملهوف

اسابق عقارب ساعتك قبل موعدها

و انا داري ان قلبك على شوفتي مشغوف

لو انه يجور الوقت فينا و يتعبنا

اخذ يدها اللي كانت حاطتها على رجلها و حطها تحت يده على القير حركه و اسرع ناظرته العنود و ابتسمت و بدات تغني معه :

و ذا الله كتب لك عمر باذن الولي بتشوف

و تدري بوفاي ابوقت عيا لا يسعدها

ناظرها و ابتسم يغني :

احبك لو انك في ديار الخطر و الخوف

كملوا يغنون مع بعض و يدها بيده بعد مده وصلوا للبر و نزل عبدالله و نزلت و بدا يجهز الجلسه و حط الفرشه و شغل النار و بدا يحط الماي بالابريق : بخليك تجربين الشاي حقي

العنود اكتفت بهز راسها ناظرته يحط هيل مع الشاي : تحط هيل

عبدالله : اي خلطه سريه يعطيه طعم خطير

العنود : نجرب

حط عبدالله الابريق على النار و تقدم يجلس جنبها : العنود اللي صار اليوم

رفعت اكتافها : مايهمني واضح بزر ولا فاهمه شي

عبدالله تنهد : تهاوشت مع ابوي اليوم

فلاش باك قبل كم ساعه كان عبدالله يكلم ابوه : يبه عطينا الرجال كلمه يا يبه عيب

آبو عبدالله: العيب انك تترك بنت عمك و تاخذ من الغرب

تقدمت لهم ام عبدالله : لا مو عيب ما يبيها ولدك

ابو عبدالله شرب من الشاي : كيفك ما راح اخطب لك غيرها

عبدالله: يبه عطينا الرجال كلمه يبه

ابو عبدالله: انت عطيت مو انا

ام عبدالله تكتفت : عادي نروح نخطب بدونك

ابو عبدالله: روحوا و خلوني اشوف كيف راح يتم كل شي

ام عبدالله: راح يتم و غير العنود ما راح ياخذ ، عبدالله يمه روح حلق علشان يمدينا نروح للجماعه قبل المغرب

ناظر ابوه عبدالله و تنهد وقف و قبل راس امه و مشى ناظرته ام عبدالله: ولدك ذا ولدك مو عدوك ليش كذا

ابو عبدالله: وش تبيني اسوي له قلت من قبل ماله الا بنت عمه و ذي ما راح يتزوجها

ضحكت ام عبدالله: اي نشوف يا انا يا انت يا راشد

مشت آم عبدالله و تركته

نرجع للواقع قال لها عبدالله و نطق : و ذا اللي صار

ناظرته : ابوك راح يزعل منك

عبدالله تنهد : ما عمري حسيته ابوي

العنود : بس يبقى ابوك و طاعته واجبه ليش ما اخذت وجدان

كشر عبدالله من سيرتها و ناظرها : بس انا ابي الغاليه بنت الغالين ابي العنود اللي غيرها الكل يضمى تعرفين الامير سعود بن عبدالله وش قصد بأسمك

كمل :

العنود و غيرها الكل يضمى

‏بنتٍ لابوها تاخذه من عماسه

‏لا شافها ماكن فالليل ظلمى

‏اليا اقبلت يصحى الفجر من نعاسه

‏و يُولد صباح الخير من ليلٍ أعمى

‏للعز بين الناس ربعه و ناسّه

‏طلـت عنـود و ضاعت وجيه وسم

↚

كانت تناظره و هو يقصد انتبه للشاي و وقف كان راح يمسكه بدون البيز ( قطعه قماش ) فزت العنود : انتبه يدك

بعد يده عبدالله قبل لا يمسك الابريق و تقدم ياخذ البيز و جلست العنود بدا يصب الشاي بالبيالات و قدمه لها : عطيني رايك

اخذته و جلس جنبها عبدالله فتحت جوالها : قرب بيالتك

قرب عبدالله و صورت العنود و نزلت جوالها و انتظرت الشاي يبرد شوي و ناظرت الجو : دافي الجو الليله

عبدالله : اي

العنود : تعرف ما توقعتك تسوق شاص و تسمع شيلات و تحب جلسه البر ما يبين عليك

شرب عبدالله من الشاي : شكلك ما تدرين ان عندي نياق و صقر

التفتت عليه : صقر

هز راسه بالموافقه : اسمه وضاح اجيبه لك مره ثانيه اذا تبين

اخفت انبهارها و فرحتها : كيفك

فتح جواله : تعالي اوريك ياه

قربت منه و شمت ريحه العود ناظر رموش عيونها الكثيفه و وراها صورته مع الصقر و نطقت : كم عمره

عبدالله: ١٠ سنوات

اكتفت بهز راسها و نطق : و ذي نياق خوالي و عندي ٣ نياق

العنود ناظرت الصوره : ماشاءالله

سكر جواله عبدالله: المره الجايه نروح عندهم و نشوف وضاح

اكتفت بهز راسها و شربت من الشاي : عطاه نكهه

شرب عبدالله: اي

كملوا يسولفون و تعرفت العنود عليه اكثر لكن هي ما كسرت حاجز الثقل خلص اليوم من دون اي احداث تذكر

الصباح صحت شوق بدري و بدات تتجهز لليوم اليوم مسابقتها حطت اغراضها و كل الاشياء اللي تحتاجهم في بوكس صحى عوض و لا حصلها جنبه تعدل بجلسته و ناظر الساعه و نطق : شوق

ماحصل اي رد وقف و توجه للمكتب و ناظرها جالسه تحرك رجولها و تراجع من الاوراق : شوق

شوق : عوض بعد لا توترني

قرب الكرسي و جلس قدامها و مسك يدها : واثق فيك راح تفوزين بإذن الله لا تتوترين و خلك واثقه حتى لو خسرتي

شوق هزت راسها : ان شاءالله

تقدم يحضنها و مسح على ظهرها و وقف : ابدل و اجيك

شوق وقفت : انا تحت

دخل عوض الغرفه و بدل اخذت شوق اغراضها و نزلت ناظرتهم بدوا يحطون الفطور و نطق الجد : صباح الخير

نزلت اغراضها شوق و تقدمت تجلس جنبه على الكنب : صباح النور

عبير و هي تحط الفطور : اي كيف استعدادك للمسابقه

شوق هزت راسها : زين

دخل عبدالرحمن : ها دكتورتنا المخترعه كيف الاستعداد

رفعت ابهامها شوق 👍🏻 و نطق عبدالرحمن : مو كأنه بدري

شوق : اي على ما اجهز اغراضي و كذا و بعد ما ابي اتوتر

ابو وليد : لا اليوم ما نبي توتر روقي و هدي

اكتفت بهز راسها و دخل عوض و جلس و نطقت عبير : متى تبدا المسابقه

شوق : ٩

عبير : روحي مع عوض و نجيك شوي انا و عبدالرحمن

ناظرت جدها : ما راح تجي

الجد : لا والله تعرفيني اتعب من الاماكن ذي و الزحمه

قبلت راسه : سلامتك من التعب راح اخلي عبدالرحمن يتصل فيديو تشوفني و انا افوز بالجائزه

ابتسم الجد : بإذن راح تفوزين

ام وليد حطت الشاي : يلا تعالوا تفطروا......

تجمعت كل العائله و بدات تفطر بهدوء بس داخل كل شخص افكار و هواجيس ، مشاري خايف يفقد اللحظه ذي و اللمه ذي و خايف يقول لهم و ينجرحون و يحزنون عليه ، جود تفكر بحال مشاري و تناظر التعب على وجهه ، سيف ناظر فهد اللي اخذ اخر حبه من الجبن المثلث و بداخله ما اخذ الا اخر حبه من الجبن اللي احبه ، غلا تناظر سيف و بداخلها اوافق عليه و لا لا ادري بتصرفاته و احسه يشبهني ، لجين و هي تاكل تفكر راح تشوف ولد الكويت و السعوديه مره ثانيه ولا لا ، عبدالرحمن صاحبه القرنين شاغله باله و يفكر متى يقول لها ان هو نفسه اللي كل ما شافها يتصنم ، العنود كانت مرتاحه من ناحيه عبدالله و عرفت فعلا انه حابها ، شوق كانت متوتره و تفكر بالمسابقه راح تفوز ولا لا ، اما عند عوض ف كان باله هادي ، و عبير من بعد ما فتحت باب متعب و باب حبه و هي تهوجس و تفكر فيه ، قاطع تفكيرهم كلهم عوض اللي وقف : الحمدلله

ناظرت شوق عبير : دعواتك

وقفت ناظرها عوض : كملي

هزت راسها بالنفي : شبعت

عبير : هدي لا تتوترين

اخذت شوق اغراضها : ان شاءالله

وليد طلع مفتاح سياره عوض : مفتاحك

فتح عوض يده ورماه له وليد و نطق : شكراً

وليد و هو ياكل : عفوا

طلع عوض من المجلس و ناظرها قدامه : عطيني اغراضك

عطته : شوي شوي والله اذا صار لهم شي دفنتك اليوم

عوض : تدفنين حبيبك

↚

شوق و هي تلبس شوزها : لا تفاول اسم الله عليك

وقفت و نطق : انتي قلتي تدفنيني

مشت معه : خيال عادي يعني ممكن ادفنك بالمخده بالبطانيه كذا

عوض ضحك : اي

فتح السياره و ركبت و حط اغراضها ورا و ركب و نطقت : سوق شوي شوي لا تسرع

لبس عوض حزامه : ليش من متى انا اسرع

شوق : طيب اسمع بقول شي

حرك عوض السياره : اسمعك

شوق : الحين تتوقع افوز ولا لا

عوض تنهد و اخذ يدها يهديها : شوق هدي ابوي انتي والله راح تفوزين والله و تذكري كلامي لك

شوق : طيب اسمع خلك موجود علشان تخفف توتري

ابتسم عوض و قبل يدها : موجود معك بس التفتتي و راح تلقيني دايم موجود

ابتسمت و بعد مده وصلوا للجامعه و بدا يساعدها بالبوث حقها و يرتب الاغراض معها خلصوا و نطق : اقري اذكارك بروح لمحاضرتي و هدي شوق لا تتوترين

شوق : ان شاء الله

عوض : راح اكون معك بس تبدأ

اكتفت بهز راسها و جلست تحاول تهدي توترها

بالجامعه عند لجين دخلت محاضرتها و جلست و بعد مده دخل الدكتور ناظرته بصدمه حط عمر اغراضه على الطاوله و نطق بصوت عالي: معكم الدكتور عمر بن سعود راح اكمل معكم بدال الدكتور عيسى

ناظر الطلاب و لمحها بينهم و نطق : افتحوا الكتاب على صفحه ٨٩

بدوا الطلاب يقلبون بصفحات الكتاب و نطق : شرايكم تسمعوني حسكم و تقرون الفقره

اعترضوا الطلاب و حط يده عمر على الطاوله : هدوء بس وين قاعدين راح اخذ الكشف و ابدا انادي الطلاب و اللي يسمع اسمه يقرا و منها ناخذ الحضور

جلس عمر على الكرسي و بدا يقول اسماء الطلاب و الطلاب يقرون وصل لعند اسمها: لجين بنت خالد

لجين بدأت تقرأ باللغه الانقليزيه بطريقه ماهره ابهرته تكتف و ناظرها و هي تتكلم و بعد ما خلصت نطق : برافوا

ناظرته لجين و ابتسمت ابتسامه خفيفه شتت انظاره عمر وقف و بدا يشرح لهم بعد ما خلص المحاضره : درجات الاختبارات تعالوا شوفوها بالمكتب مكتبي جنب مكتب الدكتور عيسى بالدور الثالث

طلع عمر و طلعوا الطلاب اخذت جوالها لجين و ارسلت لليان: تخيلي عمر يدرسنا

ارسلت لها ليان : عمر عمر ولد الكويت و السعوديه

ليان ابتسمت و ارسلت لها : اي نعم شكله صيده صار قريب

سكرت جوالها لجين و وقفت و توجهت لمكتبه و كانوا كل الطلاب موجودين و نطقت : دكتور انا بشوف درجتي

ناظرها عمر : فل مارك

ناظرته لجين: بشوف ورقتي

عمر : الاوراق مو عندي الحين تعالوا وقت ثاني

طلعت لجين و همست : انا مزفته بالاختبار كيف فل مارك همممم شكله مخربط اجيه بكرا منها نكحل العين و منها نشوف الورقه

ما اعطت الموضوع اهتمام كبير و فرحت عموما ان عطاها فل مارك رغم انها جايبه العيد

عند شوق بدات تشرح للمعيد اختراعها و قدرت انها تتغلب على حاجز الخوف و تجمعوا الكل حوالينها و من بينهم متعب و عوض و سيف كان يناظرها عوض و هو مبتسم يحس بالفخر و مفتخر فيها اخذ جواله و بدا يصورها سيف ناظرها و ابتسم بخفه حس بالفخر و هو يشوف اخته و مدح الدكاتره لها اما متعب فكان مبسوط منها و من ثقتها و قوتها اللي كسبتها من عوض نطق المعيد : ماشاءالله اهنيك على هذا الابداع و فالك الفوز

ابتسمت شوق ابتسامه خفيفه : شكرا

مشوا الدكاتره و المعيد و جت لها عبير و عبدالرحمن يوقفون قدامها و كان متعب واقف ناظرته عبير و شتت انظارها و نطق عبدالرحمن: دكتوره شوق ممكن تتكلمين لنا عن اختراعاتك

ناظرتهم شوق منتظرينها تتكلم : اي اكيد

اشرت على اختراعها : هذا اول اختراعاتي و هو جهاز و عن طريقه نقدر نطلع الوريد اللي باليد و و نغز الابره

رفع عبدالرحمن كم ثوبه و نطق : بجرب

حطت له شوق الجهاز : مثل ما تشوفون هذا هو الوريد و الحين بكل سهوله نقدر نغز الابره بدون لا نتعب

ابتسمت لها عبير : عجبني اختراعك

سمع صوتها متعب و نزل راسه ناظرتها شوق و ابتسمت و نطق سيف : و اختراعك الثاني

رفعته : اختراعي الثاني من خلاله نقدر نقيس نسبه الكحول و المخدرات عن طريق اللعاب و تكون بدقايق و بسرعه

سيف : بجرب

شوق : اكيد

بدات شوق تعلمه على اختراعها و كيف يستخدمه و بعد مده نطقت : نقدر نشوف ان نسبه المخدرات و الكحول صفر

متعب : الاختراع ذا جميل راح يفيدنا حنا ك اطباء و راح يفيد المجتمع

شوق : اكيد طبعاً

عوض : دكتوره شوق

ناظرته شوق و ناظرت عيونه و ابتسامه الفخر على ثغره و نطقت : اهلاً

عوض : اول شي اهنيك على اختراعاتك ذي اختراعات جداً جميله و مفيده للمجتمع و الفرد و فخور جداً بك و بأبداعك

ابتسمت له و جت احد الطالبات و بدات شوق اشرح لها ابتدعوا عبدالرحمن و عبير و سيف و عوض و متعب ناظر عبدالرحمن متعب : تعال اخذني جوله بالجامعه

سيف : ذا مصدق نفسه

عبدالرحمن: اسكت لا صدق امحطك قدام الناس

عبير : بس هواش محنا بالبيت

↚

متعب حط يده على صدره و ضحك بخفه : السموحه بس مشغول

مشى متعب و سحب عبدالرحمن سيف : امش معي اخذني جوله بجامعتكم

مشى معه سيف و نطق عوض و هو يضحك : ناظري كيف يسحبه

ضحكت عبير بخفه : تعال نجلس

جلس معها و نطقت : جهزتها

عوض : اي من زمان حتى لو خسرت بعطيها

عبير : كنت افكر فيها من زمان الصراحه

عوض رجع راسه لورا : شكرا لانك ساعدتيني فيها

عبير ابتسمت : لا تشكر امك

وقف عوض : عندي محاضره الحين و على وقت اللي راح يطلعون فيه الفائزين اجيكم

اكتفت عبير بهز راسها و مشى عوض ناظر متعب عبير جالسه بروحها مشى لها ناظرته عبير مقبل لها نزلت انظارها ليدها قرب منها و نطق : ابيك تفتحين لي صفحه جديده ابي نبدأ من جديد و نمحي اللي صار ابي خطوطنا تلتقي مع بعض من جديد

ناظرته عبير و تنهدت : بس كل واحد خطه صار بطريق

متعب : نرجع نرسمها و نخليها مع بعض

عبير : ارسمها مع غيري ما عدت عبير الصغيره ذيك الزمن كسرني و عشت سنين من عمري تايها و لا اعرف نفسي فيها

متعب ناظر شوق من بعيد : لو ابي ارسمها كان رسمتها من قبل ٢٠ سنه مع غيرك

وقفت عبير : ليش ما جيت قبل ال ٢٠ سنه و رسمتها معي و مع شوق

متعب تنهد و نزل راسه : لان مستقبلي هو مستقبلكم راح يكون كنت ابي اتوظف بوظيفه اقدر البي فيها احتياجك و احتياج عيالنا بالمستقبل

عبير : و لقيت الوظيفه و خسرتني

مشت عبير و تركته تنهد و همس : يالله يا عبير

كانت شوق تناظرهم تركت شغلها و مشت له ناظرها و وقفت قدامه : تراها ما نستك و محتفظه برسايلك و كل شي ارسلته لها

متعب : تعرفين .....

رفعت اكتافها : اعرف و اعرف ان ماما لحد الحين تبيك و تحبك لحد الحين كل ما جابوا سيرتك ينقلب حالها و تصير ملهوفه بس علشان تعرف اخبارك ارجع و سو الشي اللي المفروض كنت مسويه من ٢٠ سنه

متعب : وانتي

شوق : شفيني انا

متعب : راضيه اتزوج امك

ابتسمت شوق بخفه : راضيه لانك راح تكون لها العوض بعد كل الاشياء اللي شافتها و عاشتها

ماما تحبك لحد الحين بس تكابر قدامك

اكتفى متعب بهز راسه و مشت شوق ، بعد مده كل الطلاب المشاركين و الاهالي توجهوا للمسرح و كانت واقفه على جنب مع الطلاب و التوتر بياكلها و بدوا يرحبون و بعد فتره نطق احد الدكاتره : الفائزه بالمركز الاول الطالبه المبدعه الخلوقه اللتي ابهرتنا بذكائها و اختراعاتها و قوتها بالكلام

عرف عوض انها هي كان جالس بالصف الاول وقف منتظر يقول اسمها و نطق الدكتور : شوق بنت صقر

ابتسمت شوق بفرحه و من الفرحه حست رجولها مو شايلتها مشت و تقدمت تاخذ الجائزه ناظرته واقف بالصف الاول و يصفق لها و سيف يشجعها و يصرخ : عااشت شوق

و امها و عبدالرحمن يصفقون لها بفرحه و متعب ايضاً وقفت على جنب بعد ما اخذت الجائزه و بدوا يقولون اسماء الفائزين الثانين كانت تناظره يصورها و هو مبتسم و فخور فيها بعد مده نزلوا الطلاب و خلص الحفل ركضت شوق لهم و هي مبتسمه و حضنت عبير ابتسمت عبير : مبروك تستاهلينها والله

قبلت عبير خد شوق و ابتعدت كانت تحاول تشتت انظارها عنه لان اذا ناظرته راح تحضنه على طول و خجلانه انها تحضنه قدامهم نطق عبدالرحمن: مبروك مبروك عاد يا ان امك و ع....... حط عوض يده على فم عبدالرحمن ناظرها و ابتسم: مبروك كنت واثق انك راح تفوزين

ابتسمت له شوق : الله يبارك فيك

ضحكت و كملت : اختنق ذا

بعد عوض يده عن عبدالرحمن اللي بدا يلهث : خلاص ما راح اقول شي

سيف : مبروك يا اختي

شوق : الله يبارك فيك

اخذ عوض بوكيه الورد و عطاها ابتسمت و اخذته قرب منها و حاوط خصرها من على جنب و نطق عوض : عمه صورينا

فتحت عبير جوالها : يلا

تعدل عوض و رفعت شوق الجائزه صورتهم عبير و هم مبتسمين و ورتهم الصوره نطق عبدالرحمن: تعالوا نصور كلنا

اشر عبدالرحمن لمتعب من بعيد تقدم لهم متعب : مبروك مبروك تستاهلينها

شوق : الله يبارك فيك

عبدالرحمن اخذ جوال عبير و عطاه لمتعب : صورنا

وقفوا جنب بعض و ابتعد متعب يصورهم : واحد .... اثنين ..... ثلاثه

صورهم متعب و عطى عبير الجوال و نطق : يلا انا استإذن

عبدالرحمن: تعال تغدا عندنا

متعب : لا تسلم وراي دوام

مشى متعب و نطق سيف : نرجع البيت لاني جوعان

عبير : اي يلا

شوق : بس اخذ اغراضي

مشوا عبدالرحمن و سيف و عبير ناظرته شوق : كأن في يد يبي لها عضه

ضحك عوض : ليش

شوق : صاحي انت ماسكني كذا قدامهم بعدها

عوض شدها : صاحي و بكامل قواي العقليه

↚

شوق : اي كيف عرفت اني راح افوز و جبت الورد

عوض : احساس المحب

ابتعدت شوق من جنبه و تقدمت تحضنه : عوض مره مبسوطه اني فزت احس اني فراشه

ابتسم عوض و بادلها الحضن : فخور فيك بطريقه ما تتخيلينها فخور بكل انجاز صغير تسوينه

ابتعدت و هي مبتسمه تناظره و نطقت : خلينا نروح ناخذ اغراضي

اكتفى بهز راسه و مشى معها بعد مده وصلوا البيت دخلت شوق لعند جدها تركض و هي مبتسمه : جبتها

ابتسم لها الجد و فتح يدينه لها : مبروك مبروك كنت حاس انك راح تفوزين

تقدمت تحضنه و قبلت راسه و نطقت ام وليد : عاد بسوي لك كيكه ليمون نحتفل فيك شوي

ابتسمت شوق : عساني ما انحرم منك

ام وليد : ولا منك

ابو وليد ابتسم : شفتي هديتك

عوض قاطعه : لا يبه مو الحين

عبير : الله يهداك خالد

ناظرتهم شوق : اي هديه

حك عوض راسه : اي في شي اشتركنا فيه انا و امي عبير و جدي كذا هديه تعجبك

ابتسمت : وش

عوض : ها شوي تشوفينها

شوق : طيب عطوني تغشيش يعني كبيره صغيره حلوه شينه

عبير : ليش في مره جبنا هديه شينه

شوق : مو قصدي كذا يعني غششوني

عبدالرحمن ناظر عوض : اغششها

عوض ناظرها : حلوه راح تعجبك و تبينها من زمان

جلست تفكر و هي جالسه جنب جدها : كل شي ابيه عندي اف طيب متى اشوفها

وقف عوض : انتظري شوي

طلع عوض و همست شوق لجدها : غششني

الجد همس : سر

تأففت شوق : طيب هي حلوه

عبدالرحمن: حلوه حلوه

ابو وليد ابتسم : عاد صارلهم يخططون لها من فتره

ناظرتهم شوق : متى خططتوا لها

رفعت عبير اكتافها ناظرت شوق سيف : الحين مو انت تقول عني انا اختك قول لي وش هي لا تخبي عن اختك

حط سيف يده على فمه تأففت شوق : طيب

ابو مشاري ضحك : راح تعرفينا ليش مافيك صبر

شوق : ما عندي صبر

بعد مده دخل عوض : تعالي

وقفت و ناظرت جدها : جدي الجائزه بأمانتك بروح اشوف وش ذي الهديه السريه

ابتسم الجد : روحي

وقف عبدالرحمن: انتظروا اجي معكم

ناظره ابو وليد : اجلس اجلس

ناظرته شوق : الهديه لي انت داخل عرض ليش

عبدالرحمن : بشوف رده فعلك ولا تعرفين كيف عارف كيف راح تكون رده فعلك

تكتفت شوق و ناظرته حضن عبدالرحمن سيف و قلد صوت شوق و صرخ بخفه : الله حلوه الهديه عوضي

قلد سيف صوت عوض و بادل عبدالرحمن الحضن و صرخ بخفه : حبيبه قلبي تستاهلين اكثر

اخذ عوض علبه المنديل و رماها عليهم و مسك يدها و طلعها معه ناظرهم الجد وضحك : والله تستاهلون اكثر من علبه المنديل

بعد عبدالرحمن عن سيف : نمزح

ابو مشاري : ذا مزح

سيف : يبه ذا اسمه تقليد نقلدهم علشان نضحك

ابو رنا و هو يضحك : ضحكتني الصراحه

ابتسم سيف بتفاخر و جلس حط رجل على رجل ناظره عبدالرحمن من فوق لتحت و ضحك و نطق الجد : اخر مره اشوفكم مقلدينهم

قلد عبدالرحمن صوت شوق و ميل شفايفه : ليش جدو

سيف قلد صوت عوض : جدي انا محد يقدر يجبرني ما احب حبيبه قلبي و شوقي للحياه

حط عبدالرحمن راسه على كتف سيف : ولا انا يا عوضي

نزل ابو مشاري عقاله و انحاشوا سيف و عبدالرحمن ضحكوا كل اللي جالسين و نطق ابو وليد : تتوقعون تعجبها

هزت عبير راسها : مليون بالميه كانت تبيها من زمان اصلا

وصلوا شوق و عوض عند الباب اللي يطلعهم للحوش الخلفي و ترك يدها : غمضي عيونك

شوق : طيب كيف راح امشي

عوض : انا امشك ولا شرايك اشيلك

شوق : لا لا راح اغمض و عطني يدك

غمضت عيونها و مسكت يده و طلعوا حطت يدها الثانيه تمنع قوه اشعه الشمس اللي حتى و هي مغمضه مأذيه عيونها و نطقت : ليش حاطها بالحوش

عوض : الحين تعرفين

شوق : افتح

عوض : لا انتظري

↚

وقفت شوق و ترك يدها عوض و صار وراها و حط يده على عيونها و همس : واحد .. اثنين .. ثلاثه

بعد يده و فتحت عيونها و ناظرت السياره و عليها بوكيه ورد ناظرته و ابتسمت : سيارتك الجديده

طلع المفتاح من جيبه و هي مبتسم: سيارتك انتي

حطت يدها على فمها بعدم التصديق و هي مبتسمه : تمزح صح مأجرها قولي انك مأجرها

ضحك بخفه : ملك لك

بدات تنط بحماس و تقدمت تحضنه بقوه و تضحك ضحك عوض : كل ذي الفرحه علشان السياره

ابتعدت عنه و هي مبسوطه و فرحانه : جي كلاس مو اي سياره ذي سياره احلامي

ابتسم عوض : ناظري اللوحه

ناظرت لوحه السياره و قرات : عين واو ضاد

ابتسمت و ناظرته : عوض

هز راسه بالموافقه ضحكت بخفه : نرجسيه حتى بسيارتي حاط اسمك

ضحك عوض : اي نرجسي

شوق : مشكلتي اني احب النرجسي اللي حط اسمه على لوحه سيارتي

عوض عطاها قبله بالهواء : اعشقك

ناظرته و هي فرحانه : تعرف كل احلامي قاعد تحققها

عوض بعد شعرها خلف اذنها : و راح اكمل احققها

كمل : تعالي ناخذ جوله فيها

شوق : انتظرني هنا ........

دخلت شوق للبيت تركض و تصرخ بفرحه : ماما

ضحكت عبير : شافتها

دخلت المجلس و ناظرت امها و تقدمت تحضنها بقوه و هي مبتسمه : احبك ماما

بادلتها عبير الحضن : عليك بالعافيه

بعدت عنها : الله يعافيك

ناظرت جدها و ابتسمت و تقدمت تحضنه : شكرا على الهديه

مسح على شعرها الجد : تستاهلينها

ابو وليد : اي والله تستاهلها

ابو مشاري : منتظرين تحلينا حلاوه السياره

ناظرتهم : بس تم خاله نوره الكيكه علي انا اسويها

ام وليد : تم

شوق : وين عبدالرحمن

الجد : فوق يمكن

وقفت و قبلت خد جدها و مشت لعند عبير تقبل خدها بفرحه و طلعت تركض لعند عبدالرحمن: عبدالرحمن

مشت مسرعه بالدرج و طلع من غرفته عبدالرحمن على حسها و تكتف و هو مبتسم : شفتيها

تقدمت تحضنه بفرحه : شفتها

عبدالرحمن ابتسم : الله يرزقك خيرها و يكفيك شرها

ابتعدت عنه و هي مبتسمه : امين

عبدالرحمن ضحك : روحي لزوجك اكلته الشموس

شوق ابتعدت : صح عوض نسيته تحت باي

نزلت و هي تركض ناظرها عبدالرحمن و ابتسم دخل غرفته نزلت شوق مسرعه و اخذت جوالها و طلعت له تركض حس فيها و ظل معطيها ظهره حضنته من ورا بقوه : احبك حيل و احس الحيل بعد ما تكفي

مسك يدها اللي على بطنه : و انا احيا و اموت فيك ، تعالي ناخذ جوله فيها

ابتعدت من وراه : انتظر بصورها

صورت السياره و كان يناظرها و ناظر وش كتبت كانت كاتبه الى الصوره ( لاحرمني الله من غلاكم و منكم 🤍 ) ابتسم و نزلتها ستوري و سكرت جوالها التفتت له و هي مبتسمه : يلا

اخذت الورد اللي كان على كبوت السياره و تقدم يفتح لها باب السياره : حياك في سيارتك

ركبت و هي مبتسمه ركض عوض و ركب سكر الباب ناظرها : ما تبين تجربينها انتي بالاول

هزت راسها بالنفي : ابيك انت

تقدم لها و صار وجهه مقابل لها ناظرته : عوض بعد يشوفونا

اخذ الحزام و لبسها : الحزام وين راح تفكيرك

عضت شفتها وصدت ضحك بخفه و لبس حزامه : حطي لنا شي نسمعه

اخذت جوالها و حرك و نطقت : انغام

ابتسم عوض : انغام

شغلت شوق الاغنيه و مسك يدها و بدوا يغنون مع الاغنيه :

بتكون معايا بنسى اسمي و مكاني

و بقول كفايه لحظه تعيشها عشاني

احساسي بيك بالعالم و اللي فيه

دى ليالي كنت بحلم بيك في خيالي

كانت تقصده بغنائها له و هو كذلك

↚

عند العنود دخلت المكتب و نطقت السكرتيره: استاذ عبدالله يبيك بالمكتب

العنود : ما قال لك وش يبي

رفعت اكتافها : اتوقع قضيه جديد

مشت العنود لمكتبها حطت اغراضها و طلعت طقت الباب و وصلها صوت عبدالله: حياك

دخلت العنود بثقتها المعتاده : بغيت شي استاذ عبدالله

عبدالله ضحك بخفه : وش قلنا عبدالله بدون استاذ

تقدمت تجلس العنود و حطت رجل على رجل : بس حنا في دوام رسمي

عبدالله وقف و توجه لكورنر القهوه : سكرك وسط ولا بدون

العنود : لا بدون

حط القهوه بالفناجيل عبدالله: اي لأنك انتي تحلينها

ضحكت بدون صوت و نزلت راسها و رفعته : في قضيه جديده

اخذ عبدالله فناجيل القهوه و قدم لها فنجالها و نطقت : تسلم

تقدم يجلس بمكانه : حبيت اشرب معك قهوه الصباح بالاول

اكتفت بهز راسها و شربت من القهوه نطق عبدالله : كيفك بعد ليله امس

ناظرته العنود : الحمدلله

فتح عبدالله احد الملفات : عندنا قضيه جديد

نزلت فنجالها العنود و ابتسمت بحماس : عن وش

ناظر ابتسامتها و نطق :

اللي لها مبسمٍ عذبي رعبوب و عيونها وساعي

مملوحه زادها ربي لفته ظبي يوم يرتاعي

ناظرته العنود : عن وش تتكلم القضيه استاذ عبدالله

مسح عبدالله على وجهه : اي القضيه

بدا عبدالله يقول لها عن القضيه و نطقت : خلاص نستلمها انا وياك

عبدالله: خلاص تم و عموماً هي بس تبي تتطلق و تاخذ حضانه عيالها

العنود وقت : خلاص عيالها عندها تبي شي ثاني

عبدالله: لا سلامتك

مشت العنود تطلع و همس عبدالله: والله ما بعد زينها زين

سكر الملف و كمل يشتغل

بالبيت كان سيف جالس على سريره و يلعب بشعره ارسل لها : وينك

تأففت غلا اللي كانت جالسه تاكل بالمطبخ و ارسلت: هجيت منك

تعدل سيف و ضحك بخفه و ارسل : صدق وينك

صورت له الاكل و كتب لها : عافيه بتكلم معك شوي وين اشوفك

ارسلت له فويس و هي تاكل : انتظر بس اخلص اكل تعال السطح الحوش البزران هنا

وقف سيف و ناظر شكله بالمنظره و بدا يمشط شعره و يرتب لبسه و سكر زرار ثوبه تعطر و طلع للسطح دخل و كتف يدينه ورا ظهره و بدا يمشي منتظرها و يناظر خطواته و هو يمشي بعد مده دخلت ناظرها و نطقت : يلا قول وش عندك

قربت منه و نطق : قال لك عمي

غلا : قال

ابتسم : اي و ردك

تكتفت : تعرف يعني مو حلوه اردك و انت ولد عمي فشله و ما قصرت معي بعد

تخصر سيف : اي مو ميت عليك ترا ارفضي سهله

غلا ناظرته بتقزز : يعني انا اللي اموت فيك شايف وجهك البريعصي احلا منه

سيف : على ساس وجهك اللي حلو طالعه تقل نمله

غلا تكتفت : يجنن وجهي بعدين لو مو عاجبك ليش شوي و تموت على ما تاخذني

سيف اشر على نفسه و ضحك : انا ميت عليك من قال بس قلت عيب اخذ من الغرب اخذ بنت عمي احسن لي

غلا : ليش ما اخذت من الغرب احسن صدقني

سيف : اي باخذ الجوهره دام كذا

ابتسمت غلا : اي و النعم فيها جوجو تهبل يا حلوها بس ما ضنتي تتحملك و تتحمل اكلك

سيف تخصر من جديد : اي علشان كذا باخذك انتي و رجلك فوق راسك تتحمليني

غلا صرخت : لا والله تعرف كيف ماني موافقه

ناظرها من فوق لتحت: عشتو ما تدرين انك ماخذه اجمل احفاد سعد

غلا بتقزز : يع مصدق نفسك ماني ماخذتك يعني ماني ماخذتك ابي اخذ لي واحد معضل و اسمر و عسكري و كذا هيبه و طويل يالبيه

شمق لها : روحي خوذيه كانك صادقه

غلا ناظرت اظافرها : باخذه تحسب باخذك انت اللي كنك بريعصي

ما تحمل سيف و ضحك بقوه : اخخ غلوي ما قدرت احبسها

ضحكت معه ناظرها من نطقت : اصلا انا موافقه من زمان

سيف صرخ : يعني موافقه

هزت راسها : اي موافقه

سيف : يعني راح نتزوج و نعيش مع بعض

غلا بسخريه : لا راح نعيش كل واحد بدوله

صرخ سيف : متأكده ما راح تغيرين رايك غلوي

غلا صرخت : اي افهم موافقه اتزوجك

ربط ثوبه على خصره : وش اسوي قول لي ارمي نفسي من فوق السطح و لا وش

صرخ و نطقت : روح ارمي نفسك يمكن تصدق

قرب سيف من حافه: ارمي نفسي والله ارمي نفسي

غلا : ارمي

رفع سيف رجله و حست انه فعلاً جدي : لا لا خلاص ماابي اتزوجك و انت مكسر

تعدل سيف : يعني تبيني ما تبين المعضل

ناظرته : اي وش ابي بالمعضل و عندي الكفو

ابتسم سيف : ما قلتها من قبل بس غلوي غلاي يا اغلا من قلبي

صرخ سيف : احبك احبك احبك

ناظرته غلا : ماني صمخه اسمعك

حط سيف يده على حنجرته: اخخ صوتي راح

مشت غلا : تستاهل محد قالك تصرخ تقل مجنون

طلعت غلا و ضحك سيف و صرخ و صار يركض بالسطح بطريقه مضحكه قدرت غلا تسمعه بحكم ان باب السطح مفتوح و مابعدت كثير ضحكت بخفه : خبل صدق و محد مجنني غير خبالك

كملت تنزل لعند امها اللي كانت جالسه بغرفتها فتحت الباب ناظرتها امها : تعالي غلوي

دخلت غلا و جمعت ام رنا سجادتها : شفيك

غلا : استخرت و احس اني مرتاحه

ابتسمت ام رنا : الله يكتب لك اللي فيه الخير يارب و يازينه سيف والله مافي مثله مزوح و روحه مرحه

اكتفت بهز راسها : بلغي بابا

ام رنا : ان شاءالله

تقدمت غلا تطلع و تتجه لغرفتها

↚

اما عند شوق عوض وقف عند الدرايف ثرو احد المطاعم : اي واحد ماتشا كوكنت ملك و واحد امريكانو

حرك سيارته و اخذ الطلبات حطهم بهذاك المكان اللي بالسياره و حرك اخذت مشروبها و فتحت المصاص و حطته و اخذت مصاص قهوه عوض و فتحتها و مدتها له قبل يدها الممدوده له و اخذ القهوه و بدا يشرب شربت شوق من الماتشا: لذيذه

قلدت طريقه كلامها : عليك بالعافيه

بعدت المصاص عن فمها : جربها مره يمي

عقد حواجبه و هو يشرب القهوه : جربتها مره تذكرين

ضحكت بخفه : اتذكر بأول الايام اللي جيتوا فيها بس ذي صدق الذ

نزل قهوته : تخليني اجرب

شوق : اكيد

قربت منه المشرب و بدا يشرب ناظرته : شرايك .......

عوض بعد : شوفي هي حلوه لسببين اول شي لانك شربتي منها قبلي و لانك ماسكتها

ضحكت بخفه : يعني علشان كذا

عوض : اي ولا الصدق ما تنشرب كلها سكر

شربت منها : بس لذيذه

عوض شرب من قهوته : بالعافيه على قلبك

التفت لها : مستعده تتعلمين السواقه

شوق بفرحه : اكيد

وقف السياره في مسافط احد المولات اللي كانت فاضيه و التفت لها : يلا انزلي

شوق : الحين

عوض : اي يلا

نزلت شوق و نزل و بدلوا اماكنهم لبست حزامها و عدلت الكرسي و بدا يعلمها : حطي رجلك على الفرامل

شوق : اي واحد

عوض : اليمين البانزين تحركين و البريك اللي على اليسار اذا تبين توقفين

عوض : و حطي القير على دي

اشرت على القير : ذا صح

ضحك : اي

حطت القير على دي و ناظرته : اصلا ماما علمتني قبل شويه حركات و اعرف ان ذا القير

عوض ضحك بخفه : طيب طيب يلا دام كذا بسم الله شوي شوي ادعسي على الفرامل

بدات تسوق و هي مبتسمه اخذ جواله و صورها و وثق اللحظه ذي و نزله بسرعه : لفي الدركسون

ناظرته : كيف الف

مد يده و ساعدها باللفه: بس كذا سهله

شوق : اعرف بس خليتك تساعدني شوي

ضحك : متأكده تعرفين تسوقين

ناظرته : اكيد اعرف

عوض : ناظري قدام شوق

كملت تسوق : بس يبي لي شويه تدريب كذا يومين و اموري تمام

عوض : يومين قلتي لي كملي كملي

كملت تسوق و قربت من المطبه نطق عوض : شوي شوي مطبه قدامك هدي

ناظرته : اشوفها لا..... حركت بقوه على المطب حط عوض يده على راسه : ادعسي بريك

دعست بريك بقوه و وقفت السياره ناظرها عوض و تكتف : يحتاج لك تدريب من الصفر

ناظرته : ما احتاج شفت اعرف اسوق

عوض : وين تعرفين بغينا نطير من المطبه

بدات تلف شعرها حوالين يدها : طيب علمني

ابتسم : اعلمك و انتي جالسه بحضني شرايك

شهت و ضربته بخفه على كتفه : ما تستحي انت ولد عيب وش ذا الكلام وصخ صدق

عوض : الوصخ ذا ميت عليك

ابتسمت : خلاص خلينا نرجع بعدين تعلمني تعبت

عوض : يلا

نزلوا و رجعوا لنفس اماكنهم و بعد مده وصلوا البيت

العصر دخلت شوق المطبخ بعد ما نام عوض و اخذ قيلوله العصر لبست المريله و حطت على شعرها شال مثلث تبعد شعرها عن وجهها و بدات تجهز اغراض الكيك و فاتحه الايباد على فيديو الوصفه طلعت الصحن و طلعت الاغراض و بدات تقيس الدقيق و السكر و الخ خلصت من الخلط و بدات تقص الليمون و تعصره و تحطه على الخليط شغلت اغنيه و بدات تغني و هي ماسكه الصحن و تخلط :

قولو له دا انا برضو ساعات في حالات

مره ازعل مره ادي له عيني

من فينا على حاله كل الاوقات

ده تاعبني اوي و مطلع عيني

خلصت خلط و طلعت القوالب و بدات تحط الخليط داخل القالب و دخلته الفرن و كملت تسوي صوص الكيكه و تقطع الليمون للتزين خلصت و قطعت لها ليمون و حطت عليه ملح و تقدمت تجلس على طاوله المطبخ و تاكل من الليمون و تطقطق بجوالها و تسولف مع البنات ارسلت فويز للبنات : اي جهزوا القهوه شويات و تجهز

اكلت من الليمون و كملت تسولف مع البنات و ارسلت ليان : يقولون غلا موافقه على سيف

ضحكت شوق و ارسلت : مو لازم يقولون واضح من زمان الا جوجو كيف تجهيزاتك لزواج بكرا

ارسلت لها جوري : بنات احس بمغص والله

ضحكت شوق و ارسلت فويس : حسيت فيه ما عليك بس تشوفينه تهدين بعدين ذا الفهد حبيب طفولتك خففي توتر

سكرت جوالها و نزلت من خلص وقت الكيكه طلعتها من الفرن فاحت ريحه الليمون بكل الشقه طلعت الكيك من القالب و حطته بصحن و بدات تحط الصوص صحى عوض على ريحه الليمون ابتسم و طلع من الغرفه بدون تيشيرت و شعره نازل على وجهه مشى لها و تمغط : وش ذي الريحه الحلوه

ناظرته و ابتسمت : صح النوم ما طولت

قرب منها و قبل خدها : اي بس شوي ارتاح احس جسمي كان متكسر

فصخت المريله و حطتها على الطاوله: سلامتك يلا روح بدل علشان ننزل تحت

اخذ من الليمون اللي بصحنها و اكل غمض عيونه من حموضته : ياو حامض و مالح حاطه عليه ملح

هزت راسها بالموافقه : اي لذيذ صح

عوض : علشان ضغطك يرتفع

تأففت و قربت له صارت مقابله بعدت شعره عن وجهه: بيبي شرايك تروح تبدل

قبل خدها بقوه : ابدل والله لا ابدل انتظريني اخخخ بيبي

تقدم يركض يدخل الغرفه ضحكت بخفه و صورت الكيكه للبنات و سكرتها بغطاء الصحن و طلع عوض و هو يلبس ثوبه و ترك ازراره مفتوحه : يلا

ناظرته و تأففت : افف يا عوض بزر

قربت منه و بدات تسكر زار ثوبه و تعدل لبسه : سكره و رتب شكلك

بدات ترتب شعره و هو مبتسم يناظرها اخذ يدها اللي على شعره و قبلها ابتعدت و اخذت الصحن و جوالها : يلا

نزلوا تحت و سمعوا اصوات و ضحكات العايله دخلوا حطت الكيكه على الطاوله و نطقت ام وليد: شكلها لذيذ

ابتسمت شوق : اقطع لكم

سيف : اي اي

دخلت عبير و معها السكينه و الشوك و الصحون : يلا جبت الصحون

ناظرهم عوض : جوري وين

العنود و هي تشرب قهوه : انعزلت

ضحكوا و بدات شوق تقطع من الكيكه و نطقت العنود : صدق شوشو مبروك السياره الجديده

شوق و هي تقطع و تبعد شعرها ورا اذنها : الله يبارك فيك

وليد : مبروك يا اختي الله يكفيك شرها

بدوا يباركون لها و قدمت الكيكه لجدها : عطني رايك

اخذها الجد : واضح من ريحتها لذيذه

سيف : صدق ريحتها فايحه بكل البيت شوق قطعي لي ثنتين عني و عن فهد

مشاري ضحك : ليش حامل علشان تاكل عن شخصين

ضحكوا و ضحكت شوق بخفه : ماتبي تاخذ عن جوري ولا اعطيها غلو

غلا : لا تسلمين وحده كافي لي

عطت خوالها و خالاتها و امها و تقدمت تعطي عوض اللي كان مبتسم اخذها و نطقت : بالعافيه

↚

عوض : الله يعافيك

بعد ما قطعت للكل اخذت لها و جلست جنب البنات و بدوا يسولفون كانت جلسه يقال عنها مافيها نفس ثقيله الكل كان يضحك و مبسوط و يسولف حتى مشاري اللي رغم تعبه الا كان يضحك نطق عبدالرحمن : الا سقتي سيارتك

هزت راسها و هي تاكل : سقتها اسأل عوض كيف سياقتي

عوض نزل فنجاله : لا ممتازه بس يحتاج لها تدريب شوي

شوق بعدت شعرها بغرور : شفت اعرف

عبدالرحمن اشر على يده : اقص يدي من هني اذا مو اول مشاور لك فيها راح تسوين حادث

رمى عوض عليه المخده و بحده : لا تفاول حمار انت

عبير : اسم الله عليها ربي حافظها وش ذا الكلام عبدالرحمن

بدات الاصوات تتعالى على عبدالرحمن و نطق: يمه اكلتوني امزح معكم

اخذ عوض فنجاله و شرب و بحده نطق : مو مزح ذا فرق بين الجد و المزح ما تدري ان القدر موكل بالنطق

عبدالرحمن ضحك : مو بقصدي هد مو صاير الا العافيه

عوض : ان شاءالله مو صاير الا العافيه

الجد : انتبه لكلامك و لا تجلس تفاول و تقول كلام مثل كذا و مو بس لشوق للكل

هز عبدالرحمن راسه : ان شاءالله

دخل سلطان : السلام عليكم

ردوا عليه السلام و جلس : سياره مين اللي برا عمر هنا

اشر عبدالرحمن على شوق : سياره الخبله ذي

ناظرته شوق من فوق لتحت : انا خبله ولا انت

قلد عبدالرحمن طريقه نطق شوق : انا خبله ولا انت

ابو وليد : بس عبدالرحمن بس

شوق : خالي شوفه وش يسوي

نزل ابو مشاري عقاله : عندي انا اادبه

شمر ابو وليد اكمامه : و عندي

تعدل ابو رنا : و عندي

وقف عوض : عندي انا ، انا اعلمه الشغل بس قولي لي وش سوا

وقف سيف جنب عوض : اي اختي وش سوا لك

مثلت البراءه و ميلت شفايفها : يقلد طريقه كلامي و يقول لي خبله

حبس عوض ضحكته : افا يقول كذا و اسكت

ناظرهم عبدالرحمن : كلكم صرتوا ضدي خلاص اسف اسف

حطت شوق رجل على رجل : ما اسمع

صرخ عبدالرحمن: اسف خلاص حقك علي

جلس عوض و جلس سيف و نطق عوض : اي علشان مره ثانيه تفكر قبل لا تقول لها اي كلمه

حط يده عبدالرحمن على فمه و سكت و كملوا يسولفون

مرت الساعات و الدقايق من غير اي احداث تذكر على اخر الليل ارسل سيف بالقروب : مباراه برشلونه وريال بعد ساعه

تعدلت شوق بجلستها اللي كانت جالسه بالمكتب تدرس و عوض ايضاً يدرس التفتت لعوض : مباره برشلونه و مدريد بعد ساعه....

تعدلت شوق بجلستها اللي كانت جالسه بالمكتب تدرس و عوض ايضاً يدرس التفتت لعوض : مباره برشلونه و مدريد بعد ساعه

نزل قلمه و التفت لها : قولي والله

ابتسمت بحماس : والله

وقف و تقدم يقبل خدها بقوه و ابتعد : امشي نلبس

مشت معه و طلعوا برا المكتب : تعرف عندي لك مفاجأه

التفت لها و هو مبتسم : حركات

دخلت معه الغرفه و نطقت : اجلس على السرير و غمض عيونك

ابتسم و جلس على السرير و غمض عيونه فتحت الدولاب و طلعت التيشرتات و تقدمت له : مستعد

عوض و هو مغمض عيونه : صايره تقلديني

شوق : يلا فتح

فتح عوض و ورته التيشرتات : شوف ذا لي عليه اسمي من ورا

رفعت التيشيرت الثاني : و ذا لك عليه اسمك

تلاشت ابتسامته ناظرته : مو عاجبك

حك شعره من ورا : لا عاجبني بس انا مدريدي

ناظرته : توني اعرف

وقف و اخذ التيشيرت : تعرفين كيف من اليوم بصير برشلوني لعيونك

ابتسمت : مو مطر انك تصير برشلوني عل..... قاطعها : الا ابي اصير نفسك

ناظر اسمه و ابتسم : عجبني

تقدم يحضنها : مره حبيته شكرا شوقي

ابتعد عنها و نطقت : عفوا

تقدم يدخل الحمام ( الله يكرمكم ) بفرحه و يبدل و بدلت شوق و كان يغني بصوت عالي و يرقص بالحمام ( الله يكرمكم) :

حبيبي برشلوني يموت في برشلونه

و انا مدريدي لكن بغير لعيونه

معه امشي بدربه احب اللي يحبه

و لو لمتوني عادي كفايه يرضى قلبه

سمعته شوق و صرخت : لا تغني وانت بالحمام تطلع لك جنيه من المنظره

فتح عوض الباب و هو يضحك : اي مو بفلم رعب حنا

ابتسمت و لفت : شرايك

شاف اسمها المكتوب خلف التيشيرت قرب : شوق وش ذا مره حلو يجنن عليك اشوف ناظريني

لفت عليه : وش ذا الزين اخخ قلبي يحب برشلونه مو بس احب برشلونه اموت فيهم بعد

حضنت يده و اخذت جوالها : تعال نصور

و قف معها قدام المنظره و حطت راسها على كتفه و هي حاضنه يده و صورت الصوره نزلت جوالها و ابتعدت : نحط الوان وجه

عوض : نحط ليش لا

طلعت الالوان من الدرج : اجلس

جلس عوض على كرسي التسريحه و مسكت راسه و بدات تحط على خدوده خطين باللون الازرق و الاحمر كان يناظرها كيف مركزه لف يده حوالين خصرها و سحبها يجلسها بحضنه فتحت عيونها : عوض

عوض : قلبه

شوق سكرت الالوان : سويت اللي تبيه صح

ناظرها و ابتسم : وش اللي ابيه

حطت يدها خلف رقبته : اجلس بحضنك

عوض : يمكن

بعدت يده و قدمت الالوان له : حط لي

عوض شد عليها : لا راح تقومين اذا شلت يدي

شوق : ما راح اقوم

عوض بعد يده : اذا قمتي جلستك بحضني قدامهم كلهم

شوق : ما راح اقوم بس حط

اخذ الالوان و حط لها خطين نفس اللي حطتهم له و خلص و نطقت : طيب لي متى اجلس كذا

↚

عوض : خلاص سماح المره ذي راضي تكونين بحضني دقيقه بس مره ثانيه غير ساعه ما اقبل

ضحكت : طيب

وقفت و وقف حضن يدها و نطقت : امش خلينا نروح لهم

مشى معها : وينهم

شوق : وين مكانا المعتاد

عوض : السطح

هزت راسها بالموافقه و صعدوا للسطح كانوا البنات يجهزون البروجكتر و يرتبون الاكل و العيال يعدلون الجلسات تقدمت شوق تساعد البنات و ناظر سيف اللي كان لابس تيشيرت ريال مدريد عوض بصدمه و اشر عليه : يا عيال ناظروا الخاين

التفتوا عليه سلطان و وليد و خالد و عبدالرحمن و نطق خالد : عمي وش ذا لايكون مخربط

عطاهم عوض ظهره و اشر على اسمه اللي بالخلف و نطق عبدالرحمن : لا ذا مو مخربط

سلطان : وش اللي غيرك كنت مدريدي معنا

جلس عوض و بدا يغني و يحرك مسباحه :

علي يفرض ميوله و يتشرط بكيفو

شسوي حبه أقوى رقبتي رهن سيفو

معاه امشي بدربه احب اللي يحبه

و لو لمتوني عادي كفايه يرضى قلبه

ناظروه العيال و نطق عبدالرحمن: من عمر تكره برشلونه

مسك التيشيرت و قبل الشعار : و الحين احبه و اعشقه بعد

ناظر خالد تيشيرت شوق و اشر : ناظروا تيشيرت عمه شوق

ناظروا العيال التيشيرت و نطق وليد و هو مبتسم: اي يعمي طلع الحب مو من الله

همست العنود لشوق : كان مدريدي متعصب وش صار

رفعت اكتافها و هي مبتسمه و همست العنود : غناها لك ، شسوي حبه اقوى شكل حبك صدق قوي

ابتسمت شوق و همست لجين لليان : غير فريقه المفضل علشانها

ليان اللي كانت تناظر سلطان : تتوقعين لو قلت لسلطان يغير

همست لجين: همممم شوفي عوض اكثر واحد خفيف بعدها يمكن سلطان بس احس اقناعه صعب شوي و خصوصا عيالنا متعصبين لريال مدريد

ليان تكتفت : دامه يحبه كيفه كل واحد حر في رايه بالاخير بقول له و اذا وافق اوك ما وافق كيفه

لجين : تتوقعين عمر برشلوني مثلي

ليان : دامه صديق العيال اكيد مدريدي

العنود : يلا بدات

تقدمت تجلس جنبه و كانوا البرشلونيين بجهه و المدريديين بجه كانت جالسه على يمينه و على يساره العنود و باقي البنات و كانوا كل البنات برشلونيين و ياكلون فشار و شبسات و عصير و جوكلت نطق سيف و هو يفصفض : اي قول قو...... سكت بعد ما اخذ اللاعب الثاني الكوره ولا قدر فريقه يدخلها بالمرمى نطق عبدالرحمن: حارس برشلونه ذا حمار ما يعرف يلعب

ضحك عوض : تكفى انت اخر واحد يتكلم على حراس المرمى

خالد : صح عمي معه حق ما يعرف

عوض و هو يضحك : ذا اللي تأييده الكلام كنا نلعب انا و شوق و سلطان و فهد و سيف .....قاطعت كلامه : انا معكم

هز راسه بالموافقه : كنا نلعب كوره و هو حارس و لا يعرف يصد الكوره عدل يفتح لك رجله على حرف ٨ يعني بيصيد الكره كذا و هو لا يصيد ولا شي

ناظرته : لحظه انا كنت العب معكم

العنود و هي تاكل الجوكلت : تخيلي كنا نطردكم انتي و لمار وغلا و جوجو لاننا كبار و مانبيكم و انتي تملين من البنات و تروحين تلعبين معهم

ناظرت عوض و ضحكت : صدق

هز راسه بالموافقه و هو مبتسم و نطق وليد : و لا كانوا مخلينك دفاع

ضحكت شوق : دفاع

هز راسه بالموافقه : و نخليك تفوزين علشان لا يجي جدي و يهاوشنا

ضحكت شوق و التفتوا لصياح لجين : قول

صرخوا الكل و كل العيال كانوا معترضين تقدم يحضنها و يصرخ : قول اول قول من اول الدقايق

سيف : غش وش ذا

خالد بحده : صح صح وش ذا الغش

كانوا البنات فرحانين و العيال محبطين اما ابطالنا تناسوا وجود الكل حوالينها و بقو حاضنين بعض ناظرهم عبدالرحمن و وقف : الفلم التركي مو راضي توقف شوي

تحمحم عوض و بعد : السموحه

عضت شفتها و صدت تقدم لهم عبدالرحمن: زحوا لي

بعدهم عن بعض و جلس بينهم ناظر شوق : لا تفرحين كثير الحين تشوفين راح نجيب ٣ بدال الواحد

شوق : اي نشوف

حاوط عبدالرحمن كتفها و مسك شعرها : شعرك ذا حقيقي

وليد : عبدالرحمن عطينا سكوتك بنشوف المباراه

غلا : بنات عطوني الشبس *****

وقف سيف و اخذه قبل لا ياخذونه البنات فتحه و بدا ياكل ناظرته غلا من فوق لتحت و تقدمت تاخذ الشبس من حضنه و تجلس مكانها ضحك بخفه سيف و صرخت شوق بخفه : شعري شفيك انت

ناظر عوض عبدالرحمن: ملقوف انت ملقوف خل البنت بحالها

عبدالرحمن: طيب طيب

مسك يدها و ناظر اظافرها : اظافرك حقيقين

تأففت شوق : وش تشوف

بدا عبدالرحمن يلعب بيد شوق و سمعوا صوت قوي صرخت شوق بخفه و فتحت عيونها : اصابعي......

ناظر عوض عبدالرحمن: وش سويت

غلا : يمه كان في صوت لا يكون كسر

وقف عوض و جلس جنبها بالطرف الثاني : اشوف عطيني يدك

شوق بألم : يدي كلها تعورني ما احس بأصابعي

مسك يدها : امشي معي امشي

وقفت معه و مشوا ناظر وليد عبدالرحمن: مطفوق انت

العنود بصدمه : لحظه الحين انت وش سويت كيف كسرت اصبعها

لمار : بنات الصوت كان قوي

سلطان : الله يستر لا يصير شي

ضحك عبدالرحمن : اضحك مو بقصدي

وليد : عبدالرحمن كسرت اصبعها و تقول تضحك اي ضحك ذا فهمتي

تأفف عبدالرحمن و مشى يتركهم نطق خالد : خلونا نكمل

هبده سيف على راسه : البنت اصبعها انكسر و انت تبي تكمل

خالد : يعني اروح اصلح لها الكسر ولا ارجع بالزمن كم دقيقه و امنع عبدالرحمن من انه يكسره ولا وش بالضبط

ناظر سيف وليد : متأكد ذا خالد نفسه

وليد و هو يشرب شاي : لا ذا قرينه

العنود : تنزلون

سلطان : خلونا نكمل مو صاير الا كل خير ان شاءالله

كملوا يشوفون المباراه و لبس عوض شوق عبايتها و حط طرحتها على شعرها بدون لا يلفها : انتظري اجيب كمادات الثلج تخفف من الالم

هزت راسها بالموافقه و فتح عوض الفريزر و طلع الكمادات و مشى لها : يلا يا قلبي انتي

شوق نزلت دمعتها : احس اصابعي كلها تعورني

مسك يدها الثانيه : عارف ياقلبي والله عارف الحين اخذك للمستشفى

نزلت معه و ركبوا السياره و بعد مده و صلوا للمستشفى و جلسوا ينتظرون دورهم ناظرها تتألم بصمت : شوق اضغطي على يدي

ناظرته : عوض الم احس بموت منه

عوض : اسم الله عليك جعله بعدوينك ان شاء الله

طلع متعب من مكتبه و ناظرهم تقدم لهم : فيكم شي

↚

عوض : بسوي اشاعه لأصبعها و منتظر الدور

متعب : امشوا معي عند خويي

عوض : ماخذين دور

متعب : شكلها تتألم امش ادخلك

ناظرها عوض : امشي

وقفت معه و دخلوا لعند الدكتور نطق متعب : دكتور احمد

الدكتور : اهلا

متعب : قرايبي بس جالسه تتألم بنشوف وش فيها

الدكتور : وين الالم

عوض : اصابعها باخذ لها اشاعه

الدكتور : تعالي

مشت مع الدكتور و نطق : شيلي اكسسواراتك و حطي يدك

شالت اسوارتها و تقدم عوض ياخذها منها و نطق الدكتور : يالله حطي يدك و افتحيها

حطت يدها على الجهاز و نطق الدكتور : لا تحركينها

هزت راسها و شغل الدكتور الجهاز و بعد مده نطق لعوض : اخوها

عوض : زوجها

الدكتور : تعال شوي

قرب عوض من الشاشه و بدا يشرح الدكتور : شوف عندها كسر بأصبع السبابه و الوسطى

مسح على شنبه : نحط لها جبيره

كتب الدكتور على الورقه : اي نعم

قدم لعوض الورقه ناظرها عوض : خلاص شوق تعالي

تقدمت له : عوض تعورني احسها تحرق من الالم مسك يدها الثانيه : سلامتك يا قلبي انتي اضغطي على يدي اذا حسيتي بألم

مسكت يده و ضغطت عليها و طلعوا كان متعب جنبهم نطق عوض بعد ما سألته وش فيها : كسر بالوسطى السبابه

شوق : كسر

هز راسه و نطق متعب : الكسر قوي متهاوشه مع احد

عوض: الملقوف عبدالرحمن جلس يلعب بأصابعها و كسرهم

ابتسم متعب: مافي الا العافيه الحين نحط لها جبيره و كل الامور تمام تعالوا معي

مشوا معه و دخل متعب عن الدكتور و نطق الدكتور : اجلسي على الكرسي شوي و اجيك

جلست شوق و وقف جنبها عوض نطق متعب : انا اعتذر عندي مراجعين

عوض : لا والله ماقصرت يا متعب و تسلم انك مشيتنا بسرعه

متعب : لا ابد واجبي ذا

طلع متعب و جلس عوض جنبها تقدم الدكتور و جلس قدامها : الكسر عندك واضح قوي

اكتفت بهز راسها و كمل : ترا القانون ياخذ لك حقك اذ كنتي تعانين من اي مشاكل مع زوجك

ناظره عوض و نطقت : ماله دخل زوجي

عوض : ممكن تكمل شغلك و تترك القانون لأهل القانون

بدا الدكتور يحط لها الجبيرة على اصابعها ناظرها خايفه تناظر اصابعها : شوق

التفتت له و نطق : الحين تتوقعين نفوز

شوق : يمكن

كانت راح تلف و نطق : اسمعي تعالي افتحها مباشر نشوف

فتح عوض جواله على المباراه و نطقت : فزنا

ناظرها و هو مبتسم : فزنا

شوق : كم كم

عوض : ثلاثه صفر

ابتسمت بفرحه و ناظرت وجه و ضحكت بخفه : الالوان ما مسحتها

مسح عوض وجهه : نسيتهم

بعد مده من محاوله عوض تشتيت انتباه شوق وقف الدكتور : خلصنا

ناظرت يدها و نطق الدكتور : تحسين بألم

شوق :احط بضغط معرف كيف و يحرق

عطى الدكتور عوض وصفه الادويه : وصفت لك مخفف للألم ثلاث اسابيع و تعالي راجعينا من جديد و نشوف اذا تحتاج نشيلها و لا نزيد اسبوع زياده

وقفت و نطق عوض : يعطيك العافيه

مشت تطلع مع و هو حاضن يدها ناظرها : يا كلي انتي تجلسين شوي اجيب لك الادويه و اجي هنا

شوق : اي عادي

جلست شوق و مشى عوض همست و هي جالسه : اصبعين يا حيوان اصبعين

ناظرت متعب اللي طلع من مكتبه ناظرها متعب و مشى لها : كيفك حطوا لك الجبيره تعورك

رفعت يدها : شويه ضغط بس

اكتفى بهز راسه و ناظر اسوارتها اللي بيدها و اشر : ذي اسواره عبير او تشبها

ناظرت شوق الاسواره و ابتسمت : اسواره ماما و اغلا اسواره على قلبها

بلع متعب ريقه و تذكر قصيده و نطق :

يومها بين يديني و الغلا عادي

و يوم قفت تفجر حبها فيني

غلطتي كنت متراهي و متمادي

كنت احسب الزمن و الوقت يمديني

و اكثر من لاتغانم فرصته غادي

اه يافرصه ضاعت من سنيني

ناظرته : ما ضاعت و قلتها لك تعال من جديد تعال عوضها عن الماضي تعال رجع حبكم من جديد

متعب : اذا هي ما رفضتني عمي و خوالك راح يرفضوني

هزت راسها بالنفي : محد يقدر يجبرها ترفضك و هي تبيك و انا راضيه فيك تصير زوج امي تعبت اشوفها كذا ابي اشوفها مبسوطه متعب

عطته الاسواره : اخذها و ارجع عطها ياها من جديد مره ثانيه لما تتزوجون

اخذها متعب : راح اجي قريب و البسها الاسواره و الخاتم

اكتفت بهز راسها و هي مبتسمه و مشى متعب بعد فتره جاء عوض مشت معه للسياره و ركبوا بعد مده وصلوا البيت و انسدحت جنبه تحاول تنام لكن الالم كان اقوى من قبل و لاقدرت تنام ولا هو قدر يتركها تتألم و ينام كان جالس معها يحاول ينسيها الالم و يدينه متربطه مو عارف وش يسوي و بعد مده من معاناه الالم قدرت انها تنام بعد ما تعبت و نام وراها على طول

الصباح صحى سلطان و دخل المطبخ ناظرها جالسه تسوي قهوتها : صباح الخير

التفتت له و ابتسمت : جابك الله تعال اطحن لي البن

ضحك بخفه و مشى لها : طيب عندك طاحونه كهربائيه

عطته الطاحونه : ابي احسسك بشعور سوبر مان و ابيك تشاركني بصنعها

بدا يطحن : الله عاد صدق يجيني شعور و نشوه حلوه لما تقولين لي اطحن لي البن احس نفسي بطل خارق خاص فيك

ضحك و نزلت راسها و بدات ترطب الفلتر و نطق : اي ما راح تسوين نفس ما سوت صديقتك

ناظرته : اي صديقه وش سوت ؟

سلطان : شوق خلت عوض يشجع الفريق اللي تحبه

ناظرته و رفعت اكتافها : كيفهم بس بالنسبه لي انا راضيه على اختلافاتنا البسيطه ذي

اكتفى بهز راسه و هو يطحن و نطق : سهرانه و لا نمتي

ليان جلست على الطاوله : لا نمت مع اني كنت بشوف شوشو و كيف اصبعها

سلطان : ذا كيف كسر اصبعها

ضحكت ليان : عبدالرحمن بعد ملقوف بس الصوت كان قوي كأنه كسر كاس

سلطان فتح الطاحونه : اي

حط البن داخل القمع: بسويها

نزلت من الطاوله : تمام تبي جوكلت

سلطان و هو يصب المويه : دكتور اسنان و تسأليني اذا ابي جوكلت

طلعت الجوكلت : عادي و انا قريب اتخرج و اصير دكتوره اسنان بعد و اكل جوكلت

سلطان : براحتك بس يسبب تسوس بعدين تقولين

قلد كلامها : سُلطان ضرسي يعورني

ضحك بعلوا صوتها : طيب علشان كذا اكل علشان تسويهم انت ولا على شنو زوجي

عض شفته و ابتسم : دام كذا بالعافيه عليك

بعد مده خلص من القهوه و طلع معها للحوش و بدوا يتمشون ابتسم سلطان من تذكر اهميه الليله بالنسبه له : الليله راح ازف اصغر خواتي

ابتسمت ليان : يا عمري هي الله يهنيها يارب

ناظر سلطان كره السله : تلعبين سله

ليان : الحين

نزل سلطان قهوته على الارض : الحين .......