وقفت قدام المرايه الصغيره ما تدري وش الحل

حتى تتخلص من معاناتها

مسكت شعرها مجدل طوله لنصف ظهرها

ناعم وش الفائده من جماله

وتعبت جدتها فيها

ما عندها الا تتخلص منه ما تبغى شعر

حتى البنات ما يتمسخرون عليها !!

والابله ما تضربها وتعاقبها !!

وام سعود تخليها تلعب مع عيشه !

وتريح جدتها من غسله وتمشيطه !

مسكت المقص وبدأت تقص بشكل عشوائي

تبغى تتخلص منه وترتاح

كانت تسقط خصلات شعرها على الارض بعشوائيه

بعد وقت كملت وناظرت نفسها بالمرايه

ونزلت نظرها للارض

شعرها منثور على الارض

نزلت على الارض تبغى تلمه وترجعه لشعرها

ما تدري كيف قصته كذا ؟!

لفت وجهها بخوف لما سمعت صوت جدتها على الباب :،ساره !

وش هذا ؟!

وش عملت بشعرك يا مجنونه؟!

اقتربت منها والشرار يطلع من عيونها

وقفها كلام ساره بنبره باكيه منكسره : ما عملت شيء ؟!

خلاص راح شعري

وطالعت جدتها والدموع على خدودها: خلاص الابله ما رح تضربني !!

وتخليني اجلس عند الزبالة !،

وما رح تتعبين لما تغسلي شعري وتمشطيه

وابتسمت بألم : كذا افضل

طالعتها وهي حاضنه شعرها وشكلها يكسر الخاطر

تقدمت وجلست على الارض : :وش اسم هذي الابلة ؟!

ساره وهي تمسح دموعها وصوت محبوح : ابله هدى

وقفت الجده بغضب وسحبت ساره من يدها : غبيه وهبله طول حياتك كذا !!

متى تستخدمين عقلك هذا ؟!

ما اقول الا الله يعيني عليك قومي معي اشوف

صرفه لشعرك هذا !

**

**

**

**

ناظرت أم سعيد : اكثر من كذا ما ينفع

معي

هزت ام سعيد راسها وهي تناظر ساره وشعرها طوله 1سم اقصر من شعر العيال : الله يعطيك العافية

ناظرت ساره نفسها بالمرايه وصارت تبكي

ام سعيد وقفت بغضب: تستاهلين

شوفي كيف خربتي شعرك ؟!

امشي قدامي اشوف امشي

طلعوا وساره تمسح دموعها : يمه متى يرجع شعري ؟!

ام سعيد بجمود : يبغى له وقت !

ساره بخيبه : كذا اصير مو حلوه !

والبنات يضحكن علي !

ام سعيد تتكلم بدون ما تناظرها :،انت حلوه بكل حالاتك

ابتسمت بطفوله : يعني انا الحين حلوه مثل عيشه ؟!

ام سعيد وقفت ونزلت لمستواها : انت احلى بنت بالعالم كله

توسعت ابتسامتها ساره بفرح ونسيت موضوع شعرها وطبعت قبله على خد جدتها : شكرا يا احلى ام بالدنيا

همست الجده بحزن والدموع بعيونها : الله يرحمك يا مها

وتابعت طريقها للبيت وقلبها يتمزق من الحزن على ابنتها للي فقدتها بيوم وليله

**

**

**

عائشه فتحت الباب وعقدت حواجبها باستغراب : مين انت ؟! وش تبغى ؟!

ساره ضحكت بطفوله : انا ساره يا دبه ما عرفتيني ؟!

عائشه فتحت عيونها بصدمه : ساره ؟!

ليه قصيت شعرك ؟!

دخلت ساره بابتسامة : على الموضه !

عائشه رفعت حاجب باستنكار : غبيه !

ساره هزت رأسها بضحكه طفوليه : جدتي قالت لي حلوه !

عائشه : الا قولي بشعه جوكر تقرفين وغبيه

وبغضب : ليه تقصينه ؟!

أكيد جدتك البخيله قصته حتى توفر مويه وشامبو

قاطعتها ساره وهي تهز راسها بالنفي : لا مو جدتي انا قصيته بنفسي

عائشة بتحقيق : وش قالت جدتك ؟!

أكيد ضربتك صح ؟!

ساره ابتسمت وهي تناظر نهى تطالعها باستغراب : لا ما ضربتني ما ادري وش صاير بالدنيا ؟!

واشرت لنهى بيدها : نهى

تقدمت نهى باستغراب : وين شعرك ؟!

عائشه عفست ملامحها وهي تناظر نهى : يعني وين شعرها اكيد قصته !

وش هالاسئله الغبيه ؟!

وبعدين وش دخلك فيها ؟!

نهى ضربت عائشة على رأسها : انت اخرسي

ما كلمتك !

عائشه هجمت عليها وضربتها بظهرها : الله يأخذك

بعدوا عن بعض لما سمعوا صراخ ابو سعود : نهى ،عائشه

تقدم منهم بنهر : صغار بعدكن ؟!

عائشه تخصرت : هي للي بدأت !

نهى : انت

قاطعهن : خلاص ولا كلمه

عائشه تتريق : كلمه ولا حرف

ابو سعود خزها بعيونه :عائشه

وسلط نظره على ساره : وانت يالمخبوله وين شعرك ؟!

ساره ضحكت بطفوله : راح

عائشه :،بابا ابغى اقص شعري مثلها

ابو سعود مط شفته : نعم ؟!

عائشه تعيد : اقص شعري مثلها علشان نصير مثل بعض

نهى : والله لأقول لماما عنك !

عائشه بنظرات ناريه لنهى : قولي لجد جد جد ابوي ما رح اخاف

ابو سعود : ما تخافين مني ؟!!

عائشه ابتسمت وناظرت ساره : قولي لبابا وش دائما اقول عنه بالمدرسه !

ساره هزت رأسها وناظرت ابو سعود : حرام دائما تقول تخاف انك تضربها لانك حمار وغبي

وتضرب مثل المتوحش

وبخيل و

ابو سعود مسك عائشه من اذنها :انا لازم اقص لسانك انا حمار ؟!

عائشه رفعت يدينها تشرح : لا مو قصدي انك حمار

قصدي انك تضربنا قبل ما تفهم السالفه مثل الحمار

وقلت غبي لانك حتى لو فهمناك السالفه ما تفهم

شد اذنها اكثر وبعدها تركها ما يدري وش يقول لها عقلها ضارب وما تعرف تتكلم مثل الناس

كم مره نبه عليها توازن كلامها بس ما في فائده

رح يستخدم اسلوب ثاني : اوكي يا عائشه

لانك ما تحترميني

ما رح اخذك معي الحين للالعاب

وخليك منطقه هنا

عائشه ببراءه : كذاب انا سمعتك الحين قلت رايح عند صديقك

حمر وجهه منها هذي البنت مستحيل تطلع معها بنتيجة : انا كذاب ؟!،

تعالي معي يا ساره رح اخذك معي للالعاب لوحدك

ساره ابتسمت بفرح : صدق ؟!

رفع حاجب بعدين نازلات تكذيب فيه : ايه صدق يلا تعالي

ساره بفرح : بس اقول لجدتي اول

ابو سعود وهو يشوف نظرات عائشه بين مصدق ومكذب طلع باتجاه الباب : يلا تعالي الحين نقول لها وبعدها نروح

هزت راسها وطلعت معه بفرح مو مصدقه نفسها واخيرا رح تروح للالعاب

ناظرت ابو سعود بعيون تلمع من الفرح تتمنى لو ابوها عايش وتروح معه

شعور جميل متأكده بقرار نفسها أبو سعود يبغى يعوضها عن ذيك المره

وصلوا باب بيتهم ناظرته بابتسامه : انادي جدتي علشان اقول لها

نزل خلفها وقبل ما تدخل مسك يدها : لا تكوني صدقتي يالخبله ؟!

تراني مو فاضي للبزران ادخلي عند جدتك

واذا سألتك عائشه عن الالعاب بتقولين لها انك رحتي معي

ويا ويلك اذا ما قلتي لها كذا

ما رح اخليك تلعبين معها فاهمه ؟!

ناظرته بخيبه بعد ما كسر احلامها : تكذب علي ؟!

ابو سعود ضحك باستخفاف : اه كذبت عليك يالمثاليه انت وصديقتك الخبله

وضحك ضحكه قصيره وتوجه للسيارة وغادر

المكان

واقفه تناظر السياره بصدمه ليه ضحك عليها ؟!

وش ينقصه لو اخذها معه ؟!

فتحت الباب وهي تحس الغصه بحلقها

دخلت البيت وجلست عند جدتها بهدوء

ام سعود ناظرتها بطرف عينها وللحين مقهوره على شعرها : علامك رجعت ؟!

هزت رأسها وبصوت خنقته العبره : مليت !

طالعتها بعدم تصديق تعرفها لو يطلع بيدها تنام عند عيشه ما قالت لا والحين تقول ملت !!

متأكده انه ام سعود طردتها كالعاده : بما انك ملانه قومي اعملي شيء اشربه

وقفت بطاعه وتوجهت للمطبخ بهدوء

جهزت الشاهي وتوجهت لجدتها حطته قدامها ورجعت جلست بهدوء

تناظر التلفاز مع جدتها اخذت نفس وسألت : يمه

ناظرتها ام سعود : نعم ؟!

ساره مو عارفه تصيغ السؤال : ابوي مثل عمي سعود

يعني

وسكتت مو عارفه توصل سؤالها

ام سعيد عفست ملامحها بقرف : ابوك العايب وش جابه على بالك ؟!

مطت شفتها ما تدري ليه لما تسألها عنه تقول نفس الكلام وما تجاوب ردت بصوت كله حنين لابوها : نفسي اشوفه

ام سعيد :،وش تبغين بالشوفه ؟!

الله لا يجيب ذيك الساعه للي وافقت على زواج مها منه

ساره مو فاهمه شيء : طيب كيف شكله ؟!

ام سعيد تقفل على الموضوع : قلت لك ما اتذكر شكله وانتهينا ؟!

قومي حلي واجباتك احسن لك من القرقره

وقفت بدون اعتراض ومن داخلها ضيق

ليه مو من حقها تعرف ابوها ؟!

عالاقل تشوف صوره له !

حتى امها ما تعرف شكلها !

بس وصفتها جدتها لها !

تتمنى تسأل جدتها عن اهل ابوها بس تخاف

من رد فعلها !

تحس نفسها تعيش بغموض ما تعرف شيء

**

**

**

**

في اليوم الثاني

ام سعيد والشرار يطلع من عيونها : ما رح اسكت

ما لها صلاحيه تضرب البنت وتحطها عند الزباله

المديره : خلينا نحل الموضوع بتفاهم

ام سعيد بغضب : ما في تفاهم !

شوفي البنت كيف عملت بنفسها حتى ما تضربها المعلمه !

صارت تكره تروح للمدرسه والسبب حضرتها

واشرت على الابله هدى

المديره اعطت هدى نظرات قويه وبعدها ناظرت

ام سعيد : حقك علينا وان شاء الله ما يتكرر

قاطعتها ام سعيد : انا الحين طالعه للوزاره ورح اشتكي عليها وهي تعرف انه الضرب ممنوع بالمدرسه

هدى وجهها احمر : بس ساره راسها

قاطعتها المديره : خلاص يا ابله هدى

وناظرت ام سعيد: خلاص امسحيها بوجهي

وبإذن الله ما رح يتكرر

ام سعيد : بشرط انها تعتذر لساره قدام البنات

عن طريقة تعاملها

المديره هزت رأسها بهدوء : وهذا للي راح يصير

بدون ما تقولين

المفروض يا ابله هدى تتصرفين تصرف ثاني

بدون اهانه الطالبات

ابتسمت ام سعيد بنصر مع انه بداخلها نفسها

تمسح فيها الارض

**

**

**

عائشه بابتسامة : كفو جدتك والله

مع اني ما احبها بس عجبتني

ساره بفرح : واخيرا ارتحت من هالشبح

صارت تبتسم لي كلما تشوفني

عائشه بتذكر : انقلعي يا دبه

البارحه رحتي للالعاب وتركتيني !

وبرطمت شفتها بزعل

ساره ناظرتها بخيبه : اي ألعاب ؟!

ابوك البخيل طلع كذاب !

عائشه بدهشه: قولي والله ؟!

ساره بقهر : وهددني اذا قلت لك يمنعني ألعب معك

عائشه بقهر : ويهدد بعد ؟!

تخيلي لما رجع يقول لي انك انبسطتي بالالعاب

وكل يوم رح يأخذك معه !!

ساره بطفوله : ابوووووك يالكذب

واليوم قلت لجدتي وضربتني تقول وش مطلعك

معه لوحدك !

عائشه رفعت حاجب : خايفه يخطفك ؟!

اصلا بابا قرفان شيء اسمه بنات

دوم يقول لو يطلع بيدي كان بعتكن وخلصت من ازعاجكن

ابتسمت ساره وما علقت

عائشه كملت بحماس : وش رأيك تتغدين عندنا ؟!

ابتسمت ساره للفكره وهزت راسها بالموافقة

**

**

**

**

دخلت عائشه البيت ومتحمسه :ماما ماما

دخلت الصاله وناظرت ابوها : ماما ماما

ابو سعود حط الجريده : وش فيه ؟!

عائشه طنشته وهي متحمسه : ماما ماما

طلعت ام سعود من المطبخ وتنشف يدينها : وش فيك ؟!

عائشه تتكلم بسرعه : وش طبختي ماما ؟!

رفعت ام سعود حاجب باستغراب : ليه تسألين ؟!

عائشه مستعجله : بسرعه احكي يا ماما

ام سعود : ما طبخت اليوم

قاطعتها عائشه بصرخه : لااااااااا

بسرعه ماما اطبخي عندنا ضيوف واعملي كبسه

بسرعه بسرعه

ام سعود باستغراب : مين الضيوف ؟!

ابو سعود وقف باهتمام : مين جاي ؟!

ام سعود تلبكت : والله ما بعرف

وضربت على جبهتها : حتى المجلس اليوم ما رتبته

وناظرت عائشه باهتمام : مين الضيوف ؟!

عائشه بفرح : عزمت ساره على الغداء

قطعت كلامها لما شافت نعال امها موجه لها وتفادت الضربه

ام سعود بغضب : قسم بالله ازنخ منك ما شفت

انقلعي انت وساره برا اشوف

ابو سعود: جايه تركضين ضيوف ضيوف ضيوف

وبالاخير

طلعت ام القمل ؟!

عائشه انحرجت واشرت لابوها بصوت منخفض : وطي صوتك بابا ساره برا الحين تسمعك !

ابو سعود بسخريه : لا ما اقدر خايفه على مشاعر

سوير الوسخه !

ليه من متى عندها احساس وكرامه؟!

تطردها من الباب تطلع لك من الشباك !

اقول انقلعي على غرفتك وقولي للقرده للي برا

تنقلع لجدتها

هذا الناقص والله !!

و رجع انسدح على الكنبة

ام سعود واقفه تناظر عائشه : تعالي خذي ساندويشه لها

عائشه بقهر واحراج من تصرف اهلها : ما ابغى

تفكرينها شحاده على بابك ؟!!

وتركتهم وطلعت لبرا

ناظرت الحوش ما شافت ساره انقهرت اكيد سمعت كلام ابوها

دخلت للبيت وبعصبيه : راحت بسببكم

ابو سعود بلامبالاه : بقلعتها

**

**

**

**

كانت واقفه تسمع عائشة وهي تقول لاهلها

عندهم ضيوف والبسمه على محياها

تنتظر عائشه تقول لها تتفضل

ابتسمت بطفوله وهي تتخيل ام سعود تطلع

وترحب فيها

وابو سعود يقول لها كل يوم تعالي تغدي عندنا

فتحت عيونها بصدمه من رد فعلهم !!

تذكرت جدتها ما استأذنت منها

طلعت من بيتهم وتحس بحلقها غصه

وتقنع عقلها الصغير يمكن ما معهم فلوس يعملوا غداء وانحرجوا منها !!

دخلت بيتهم وهي تحس بداخلها ضيقه!!

اخذت نفس قبل ما تتدخل على جدتها وتحس خاطرها مكسور

ام سعيد وهي تحط الغداء : علامك تأخرتي ؟!

يلا بسرعه غسلي وتعالي تغدي عملت لك كبسه

تقربت من جدتها وفتحت عيونها بصدمه : كبسه ؟!!

وركضت باتجاه المطبخ تغسل ونسيت سالفة

ابو سعود

جلست تتغدى وهي مو مصدقه دوم تسمع عائشة تقول امها طبخت كبسه

اول مره تذوقها مستغربه كيف جدتها عرفت تطبخها ؟!

ام سعيد هزتها من كتفها : ارفعي جسمك وكلي شوي شوي حنا مو بسباق

ساره هزت رأسها ورجعت تكمل أكل بنفس الطريقه

تخاف الاكل يختفي بأي وقت

**

**

**

ابو عزام طالع اسيل : انتبهي على اخوانك

اسيل تأففت: ليه ما اخذتهم امي عند جدتي؟!

ابو عزام كمل بدون ما يهتم لضجرها : قولي لعزام يرجع امك لاني مشغول

وطلع وتركها تتأفف

قاطعه رنين الجوال رد بهدوء :وعليكم السلام ......الحمد لله بخير ....والله يمكن اسبوع ما شفت خلف !! اكيد بالبر جواله مقفل .....والله ماادري هالانسان كيف يفكر ؟!! .......ان شاء الله مع السلامه

قفل الخط وهو مستغرب إلحاحه انه يكلم خلف

ما يدري وش سالفتهم ؟!!!

**

**

**

**

جالس قدام الحلال ويفكر كيف يجمع اكبر قدر من الفلوس

طلع جواله حتى يتصل وهو يفكر يبيع كم رأس من الغنم

عقد حواجبه لما شافه مقفل ؟!

شغله واول ما شغل رن جواله عقد حواجبه ورد بصوت خشن : هلا ......الحمد لله ...جوالي مقفل .....ايه طيب وش فيك ؟.......انا عند الحلال.........اليوم او باكر يمكن ارجع ما ادري ليه

.........نعم ؟!

اسمع مو فاضي لذي الخرابيط .........ما ابغى اسمع .....متى ما ماتت جدتها نروح نجيبها

وغير كذا ما عندي !...... بلا خلف بلا بطيخ .......روح انت انا بالنسبه لي ساحب يدي عن الموضوع .....ولا مستعد ارسل فلس واحد ما معي ......هذا انت قلت عرضنا على جدتها ورفضت خلاص بكيفها ........لا تقهرني بكلامك ..... يصير خير ......خلاص قلت لك افكر وارد عليك ....سلام

قفل الخط بغضب هذا للي ناقصه

وعلى طول اتصل يكمل شغله بالحلال

احسن له ....

تنظف بالحوش قاطعها طرق على الباب

تركت للي بيدها وبسرعه توجهت فتحت الباب وهي تبتسم كعادتها

عفس ملامحه باستغراب ولد لابس فستان تكلم مطنش المنظر : وين ام سعيد ؟!

ساره بابتسامة ناظرته : الحين اناديها لك

قاطعها بقرف : انت ؟!

ساره بطفوله توسعت ابتسامتها :-ايه انا ما عرفتني لاني قصيت شعري؟!

جدتي تقول لي شعري كذا حلو

وقالت اني احلى من عيشه

عفس ملامحه بانقراف : والمستأجرين للي برأسك وش صار فيهم ؟!

ساره فتحت عيونها بدهشه: كيف عرفت انه شعري فيه قمل؟!

تكلم بسخرية : يا حظي عن بعد الف كيلو تنشاف من كثرها مدرعمات

ناظرته ورفعت حاجب :بس

قاطعها بنرفزه : اشوف اعطيتك وجه !

انقلعي بسرعه نادي ام سعيد بسرعه

ساره ابتسمت بطاعة : ان شاء الله

دخلت ساره والتفت للخلف لما سمع صوت : هيه انت ؟!

قصدي لو سمحت

طالعها باستغراب: وش تبغين ؟!

عائشه مدت له الورقه : خذها وقعت منك ؟!

عقد حواجبه: مين قال انها وقعت مني ؟!!

عائشه ببراءه : نهى قالت لي

أخذها وفتحها وهو رافع حاجب

مرسوم قلب حب وسهمين مكتوب

نهى والسهم الثاني علامة استفهام

قرأ تحت القلب كلام حب وخرابيط

انصعق بنت بالعمر هذا تراسل ؟!

وهو يفكرها بريئه وصغيره على هالسوالف هذي

؟!

طلعت كل حركاتها مقصوده !!

يحس أصابه صداع مو قادر يستوعب !

رفع نظره وشافها واقفه تناظره وتبتسم

تقدم منها وقف عندها وهمس بحده : هذي رح أوصلها لأبوك يا قليلة الأدب !

فتحت عيونها بصدمه وخوف من رد فعله

وقبل ما تتكلم رمى الورقه بوجهها وبتوعد : لو تنعاد هالحركه

وقبل ما يكمل اخذت الورقه وهربت لداخل بيتهم

رجع وهو مقهور من حركتها

فعلا بنات ناقصات عقل !

وين أهلها عنها ؟!

عائشه رفعت حاجب : ليه رجعت الورقه ؟!

رفع حاجب بقرف كره هالحاره بزياده بعد حركه نهى فعلا بنات فقر رد بغضب : إنت أي ورقه تلاقينها تقولين انها لي ؟!

وش هالناس المتخلفه هذي ؟!

استغربت عائشه عصبيته

ضرب برجله باب البيت بعصبيه : خلصيني يا زفته !!

طلعت ساره وابتسمت وهي تحك راسها باحراج : نسيت أقول لك جدتي مو هنا

وابتسمت بغباء

ولع من حركتها مسك نفسه ما يخنقها ويطلعها جنازه هذا للي ناقصه ! ناس متخلفه ما تفهم !!

ناظرها بنظرات قاتله وغادر الحاره بسرعه

وهو حالف ما يرجع لهذي الحاره

**

**

**

**

دخلت البيت بسرعه لغرفتها وقطعت الورقه وقلبها يدق بخوف وهي تتخيل انه أعطاها لأبوها

صارت دموعها تنزل من الخوف

وقفت اسماء فوق راسها تناظرها : تخيلي لو أعطاها لأبوي !

قاطعتها نهى بقهر : انقلعي كله بسببك ورطتيني

أنا غبيه رديت عليك

وصارت تقضم اظافرها بخوف: أخاف يرجع يقول لأبوي !

أسماء باستبعاد: لا لا

وبعدين الورقه معك لا تخافين

نهى وقلبها للحين خايف : الله يأخذه ما يستحق

**

**

**

**

عزام بغضب : والله لو أموت ما أروح أجيب شيء !

ابو عزام وبيده فنجان القهوة : وش صاير ؟!

عزام بقهر : واقف ساعه وبالاخير طلعت مو بالبيت

تبغى تشتري روح إنت أنا مليت من هالحاره

وتركهم وطلع لغرفته

ام عزام : بعينك الله روح جيبهم إنت

ما ادري عنك لو تجيب من عند خلف أخوي

قاطعها : ما أبغى شغل العمال

شغل هالحرمه عاجبني وطيب وانت بنفسك قلت نفس كلامي

ام عزام هزت رأسها بالموافقه : صحيح والله

شغلها مرتب

ابو عزام : خلاص بأي فرصه أمر عليهم

**

**

**

تلعب طوف مع عائشه باستمتاع

عائشة باعتراض : غش غش اسماء غشاشه

انقلعي

اسماء وهي تضحك : لا لا

ساره تبتسم على ضحك أسماء : حرام خلها تلعب

عائشه ضربت ساره بخفه على كتفها : يا غبيه تراها غشاشه

ودفت أسماء عن الطوف : انقلعي

أسماء جلست عند نهى : أعوذ بالله منك

أمه داعيه عليه للي رح يتزوجك

عائشه رفعت حاجب بغرور : لما اتزوج ما رح اخليك تقربين من الكوشه

بس ساره تيجي عندي

وحتى ساره لما تتزوج ما رح تخليكم تقربون من الكوشه

صح يا ساره ؟!-

قبل ما ترد ساره ضحكت نهى بسخريه : مين رح يتزوجها ورجعت تضحك

اسماء وهي تضحك: تخيلي شكلها جالسه على الكوشه والقمل طالع نازل من شعرها !!!

نهى ووجهها احمر من الضحك : تخيلي ههههه

تخيلي ينزل القمل يرقص ههههههه

اسماء وهي تمسح دموعها من الضحك

ساره ابتسمت ببراءه : عادي اقصه قبل العرس

نهى وهي تضحك اكثر: تخيلي شكلها عروس صلعه هههههه

ساره : طيب وش اعمل ؟!

وناظرت عائشه

مسكتها عائشه من ثوبها وهزت بقهر : يتمسخرن عليك يا غبيه !

ساره ببراءه : كيف يعني ؟!

نهى وقفت وعلامات الضحك اثارها موجوده: ما ادري كيف يا عائشه تتحملين الغباء للي جالسه عندك

ساره تناظر حولها: ما في احد جالس عند عيشه ؟!

اسماء وهي تتوجه للداخل مع نهى ضحكت : تدور على الغباء

صدق انها غبيه

عائشه بغضب : لا تتكلمي مع نهى واسماء

ساره بإحراج : كيف إذا كلموني استحي اقول لهن ما أبغى اكلمهن

عائشه وهي تتابع اللعب : غبيه غبيه طول عمرك

**

**

**

**

في اليوم الثاني جالسه بالصاله بملل

استغربت طرقات للي على الباب جدتها طلعت

وقالت لها تبقى بالبيت وما تطلع لوقت رجوعها

توجهت لباب الحوش وفتحته

وسرعان ما شافت نهى واسماء داخلات : جدتك هنا ؟!

ساره باستغراب : لا

وبسرعه دخلت نهى البيت وخلفها اسماء مستعجلات

قفلت الباب ودخلت خلفهن باستغراب

نهى وهي تحاول تشغل التلفاز : افف كيف يشتغل

بسرعه بسرعه

اسماء سحبت ساره : بسرعه شغليه اشوف

شغلت ساره التلفاز وسحبت منها نهى الريموت تبحث عن القناه وصرخت بفرح : هذي هي القناه

جلست نهى وجنبها أسماء على الارض وفاتحات عيونهم عالاخير

خايفات تروح عليهن لقطه

ساره جلست على الكنبه وسألت : وش تحضرون ؟!

نهى بدون ما تناظرها : قفلي حلقك خليني اتابع هذي الحلقه الاخيره

هربنا من بابا علشان نحضرها تطلعين لنا انت ؟!

سكتت ساره وهي تناظر معهم وحاسه بالملل

بعد مرور وقت انتهى المسلسل

نهى بخيبه : خلاص انتهى المسلسل

اسماء ناظرت ساره بتهديد : يا ويلك اذا قلتي لعائشه انا جينا نحضر المسلسل فاهمه

نهى بنفس النظره رفعت يدها بتوعد : يا ويلك

والحين انقلعي اعملي لنا عصير

أسماء بقرف :،يع نشرب من هنا

ساره ببراءه : والله اغسل الكأسه كويس

قاطعهم دخول ام سعيد ناظرتهن بشك وش جايبهم هنا : وش جايبك هنا انت واختك ؟!

نهى تكلمت بسرعه : ساره خايفه تجلس لوحدها

ونادتنا نجلس عندها لوقت رجوعك

والحين خلاص جيتي

وناظرت اسماء واشرت لها بعيونها : يلا بسرعه

اسماء هزت راسها : يلا

وطلعوا من البيت ركض قبل ما تكشفهم ام سعيد

وتخبر امهم

ام سعيد بعد ما طلعوا : صحيح كلامها ؟!

ساره هزت كتوفها : ما ناديتهم

ام سعيد جلست بتعب : خلاص انسي

ساره بابتسامة : اروح ألعب ؟!

ام سعيد كانت تبغى تعترض بس تراجعت : روحي بس لا تتأخرين

ركضت بفرح خارج البيت

**

**

**

**

عائشه باندماج تتكلم : لو شفتي بالتلفاز البنت ما احلاها

لابسه فستان زهري و شعرها مربوط ذيل

وواقفه عند الاشاره وتبيع ورد

ساره بتحسف : يا ليت شفتها

عائشه بتفكير : وش رايك نعمل مثلها ونبيع ورد ؟!

ساره ناظرتها بتردد

عائشة تقنع فيها :، مو انت بحاجه فلوس وتشتري كل شيء تتمنيه ؟!

ورح تشتري فستان حلو مثل فساتيني وش قلتي ؟!

وقبل ما تتكلم تابعت عائشه : واذا جمعنا كثير

اعطي جدتك تشتري لكم اكل

ساره عقدت حواجبها : من وين نجيب الورد ؟!

عائشه بتفكير : امممم لقيتها

وابتسمت

عند امي في سله ورد جديده اشترتها البارحه

رح اجيبها ونروح نبيع عند الاشاره

وش قلتي ؟!

ساره هزت رأسها بالموافقه

عائشة وقفت : انتظري برا الحين اجيبها ونروح بسرعه

ابتسمت ساره وطلعت برا تنتظره

**

**

**

عند الاشاره ساره ابتسمت بخجل : استحي

عائشة مندفعه : لا تستحي اللحين لما تصير الاشاره حمراء نبيع

هزت رأسها ساره وناظرت الاشاره صارت حمراء

اقتربت عائشه من سياره ودقت على الشباك وطبقت نفس حركات البنت للي بالتلفاز

نزل صاحب السياره القزاز وعافس ملامحه : نعم

عائشه ابتسمت ومدت له ورده أخذها وناظر الورده بقرف

ورماها بوجهها

عائشه عصبت من حركته: اشتري الورده

ابتعدت لما شافت الاشاره فتحت وصارت حمراء

عائشه ناظرت ساره : الله يأخذه

وقح

ساره ابتسمت : اجرب انا الحين ؟!

هزت رأسها عائشه بالموافقه ولما صارت الاشاره حمراء

اقتربت ساره من سياره وطقت على الشباك وراسمه ابتسامه جميله

ناظرها صاحب السياره وابتسم لها واخذ الورده :،شكرا

وصد وجهه

استحت ساره تطلب منه فلوس

عائشه دفتها بخفه وناظرت صاحب السياره: هات الفلوس حق الورده هذي !

رفع حاجب : ذي بفلوس ؟!

عائشه وهي تتخصر : ايه بفلوس حسبالك نوزع مجانا ؟!،

رماها عليها : اغليها واشربي مويتها

وحرك السياره بعد ما فتحت الاشاره

عائشه ضربت الارض بقهر : بخيلين ؟!

ساره ابتسمت : وش رح نعمل ؟!

عائشه بغضب : غصب عنهم رح يشتروا منا

رح نحاول مره ثانيه

وبعد محاولات عائشه تقفز من الفرح باتجاه ساره : بعت ورده

ساره بسعاده : انا بعت وردتين

عائشه بفرح : اعطيني اروح اشتري فيهم من البقاله

ساره بتردد : ابغى اجمعهم واعطيهم لجدتي

عائشة سحبت منها الفلوس : غبيه لا تحرمي نفسك

والحين اشتري اشياء تجنن

انتظريني هنا ما رح أتأخر

ساره هزت رأسها بابتسامه ورجعت تبيع للسيارات

وراسمه احلى ابتسامه على محياها

باعت ورده ناظرت حولها ما شافت عائشه وبسرعه اخفت الفلوس بثيابها

تبغى تعطيه لجدتها ..... حاسه بفرح داخلها

متشوقه ترجع للبيت وتفرح جدتها بالفلوس

قاطع فرحتها شخص يمسك يدها والثاني

تكلم

بس ما فهمت وش قال من الخوف والرعبه

تبغى تصرخ بأعلى صوتها لما سحبوها للسياره بس حست صوتها

خذلها

حاولت تفلت منهم تبغى جدتها !

تصرخ بداخلها يمممممممه

بس ما في صوت لها

تتمنى

ترجع لجدتها بسرعه وتحضنها!!!

بس فقدت الامل

لما تحركت السياره

**

**

**

عائشه طلعت من البقاله وتجمدت لما شافتهم اخذوا ساره معهم

ركضت توقفهم وهي تصرخ : ساره ساره ساره

وتلوم نفسها هي السبب !

لو ما فكرت كان ما راحت ساره !!

رمت الاغراض على الارض وهي تنحب

ما تدري وش تعمل ؟!

كيف ترجع بدون ساره ؟!-

وش تقول لام سعيد ؟!

وبسرعه ركضت للبيت وهي خايفه ....

دخل البيت وهو يضحك بصوت عالي

ناظرته ام سعود وهي رافعه حاجب : اشوفك مبسوط ؟!!

ابو سعود وهو يحاول يوقف الضحك رمى نفسه

على الكنبه ودخل بنوبة ضحك ثانيه وهو ضاغط

على بطنه : مو ههههه قادر ههههه

ابتسمت ام سعود على ضحكة زوجها وأصابها الفضول تعرف سبب الضحك

بعد دقائق أخذ نفس والإبتسامة مرسومة على محياه : اسكتي عملت بساره مقلب من الآخر

أم سعود بإستغراب :،ساره حفيده ام سعيد ؟!

ابو سعود : ايه في غيرها ؟!

ام سعود : لا ما في المهم وش المقلب ؟!

ابو سعود ابتسم : كنت مع ربعي بالسياره

وشفتها تلف على السيارات تبيع ورد

ام سعود بدهشه :،ام سعيد اكيد ما تدري !

أبو سعود : اكيد ما تدري

علشان كذا قلت لمحمد وخالد يجيبوها للسياره

اخخخخ لو شفتي وجهها

ورجع ضحك من جديد

ام سعود باستغراب : ما عرفتك ساره ؟!

ابو سعود :،تلثمت بالشماغ ما عرفتني !

واستلمها خالد بصوته الثخين يهدد فيها

اذا رجعت تبيع مره ثانيه

وقعد يقول لها يبغى يذبحها ويقطعها ويرميها للكلاب

تصدقين ما نزلت من السياره الا عملتها على نفسها

أم سعود ناظرته بقهر :حرام عليكم تعملون فيها كذا !

هذي طفله !

ابو سعود بتبرير : والله موقصدنا شيء بس علشان ما تكرر الفعل

هذي طفله لو سمح الله حد خطفها طلوعها غلط

ام سعود بغضب: مو بالطريقه هذي !،

ما لقيت غير خالد؟!!

انا الكبيره لو يقول لي مرحبا ارتعب من صوته

كيف طفله ؟!

قطعت كلامها لما شافتها دخلت البيت

**

**

دخلت البيت وجهها أصفر لو تعصرها ما تلاقي

فيها نقطه دم

أبو سعود استغرب حالها : وش فيك ؟!

عائشه وكأنه أبوها ضغط على الزر بدأت تبكي بصوت عالي

أم سعود وقفت على حيلها : وش فيه ؟!

ابو سعود اقترب منها وجلس ركبه ونص : وش صار ؟!

حد ضربك ؟!

عائشه تكلمت بس ما أحد فهم عليها من البكاء

أم سعود جلست جنب ابو سعود ومسكت يدها بحنيه : وش فيك يا ماما ؟!

عائشه بصوت متقطع : خ ط فو ها

ابو سعود رفع حاجب بعدم استيعاب : وش تقولين ؟!

عائشه ناظرت أمها وأبوها : ساره خطفوها

ام سعود حست قلبها وقع وصار يدق طبول : مين للي خطفها ؟!

عائشه : سياره وقفت وأخذتها

انا ما لي دخل ؟!

ابو سعود خاف انه بعد ما نزلها حد خطفها ناظر زوجته : جيبي لها كأس مويه خلينا نفهم السالفه !

ام سعود ناظرته مو وقته يتأمر عليها

راحت وبسرعه رجعت جابت كأس المويه

ابو سعود غسل وجه عائشه بعد ما شربها

وناظرها بعد لحظات : مسحي دموعك وقولي لي وش صار بالضبط ؟ !

عائشه وصوتها يهتز : تركت ساره عند الاشاره

قاطعها : وش تقولين ؟!

الاشاره ؟!

ام سعود : وش تعملين عند الاشاره ؟!

عائشه رجعت تبكي من اول وجديد وهي تتذكر ساره

ابو سعود بنرفزه : رجعنا للبكاء ؟!

عائشه : انا

ودفنت وجهها بكفيها بطفوله وهي تبكي بصوت عالي

ونهى واسماء واقفات يناظرن بهدوء

ام سعود بنفاذ صبر : تكلمي

تراك حرقتي قلبي !

ابو سعود وكأنه فهم الموضوع : إنت كنت مع ساره عند الاشاره ؟!

عائشه هزت راسها بطفوله وهي تمسح دموعها : تركتها ورحت عند البقاله اشتري

ام سعود : من وين الفلوس ؟!

عائشه بصوتها الباكي : من الورد للي بعته مع ساره !،

ام سعود حطت يدها على صدرها بشهقه : كنت مع ساره تبيعين ورد ؟!

أبو سعود ناظر زوجته: شفتي قليله الحياء ؟!

وبغضب : وفكرة مين هذي ؟!

عائشه مدت بوزها بطفوله وهي تشوف نظرات ابوها وبطفش: انا الحين اقول لك ساره انخطفت

وانت تقول فكره مين ؟!

ناظرها بحده : جاوبي ؟!

عائشه زفرت بضيق : انا للي فكرت علشان يصير معنا فلوس كثير

فتحت عيونها ام سعود من هالبنت : من وين جبت الورد ؟!

عائشه بلامبالاه : باقة الورد للي اشترتيها البارحه

ام سعود بغضب قاطعتها : وش تقولين ؟!

حسبي الله البارحه اشتريتها

ابو سعود بشماته : تستاهلين دفعتيني مبلغ علشان هالباقه !!

ام سعود بغضب تناظر عائشة : انا لو اطحنك تحت اسناني ما احد يلومني

عائشه مدت بوزها : كل هذا علشان الباقه ؟!!

ضحك ابو سعود بصوت عالي على شكل زوجته

وبعدها بلحظات تذكر الموضوع الرئيسي

وناظر عائشه يبغى يربيها :،هذي ساره انخطفت وانت السبب

والحين رح تيجي الشرطه ورح نقول لهم انت السبب

وخلهم يحطونك بالسجن !

والحين رح اتصل فيهم !

مسك الجوال وبسرعه مسكت عائشه يده وهي تبكي بخوف : والله ما اعيدها !

لا تتصل بالشرطه والله والله ما اعيدها

ابو سعود يلعب بأعصابها : الحين رح تيجي ام سعيد وتسأل عن ساره

رح نقول لها انت ضيعتيها

قاطعتها بصوت مبحوح من البكاء : توبه توبه

والله ما اعيدها

ام سعود وللحين مقهوره من عائشه وقفت ومعها الجوال : الحين رح اتصل فيهم علشان مره ثانيه

تمدين يدك على الاغراض

قاطعتها عائشه وهي تبوس يدينها : توبه والله ما اعيدها

ابو سعود وهو ماسك الجوال: انا للي رح اتصل فيهم

ركضت باتجاه ابوها تترجاه

ام سعود : انا للي رح اتصل

عائشه ودموعها تنزل بغزاره توجهت لامها برجاء .....

**

**

**

بعد ما نزلوها من السياره باب بيتها

وجهها اصفر من الخوف

دخلت البيت ترجف قفلت الباب خلفها

ناظرت نفسها كيف تدخل وهي مبلله نفسها

وش رح تقول لها جدتها لما تشوفها عملتها على نفسها

رجعت دموعها تنزل من جديد مشت بخطوات بطيئه حذره وتوجهت للغرفة بسرعه حتى ما تشوفها جدتها

**

**

**

**

باليوم الثاني

تناست ساره السالفه ورجعت لابتسامتها

وركضت للباب لما سمعت طرقات عليه

ابتسمت لابو عزام

ابو عزام بنبره هاديه : قولي لام سعيد ابغى الطلبيه

ساره بابتسامة وهي تناظر الولد للي معه :ان شاء الله

ابو عزام ناظر ولده للي يكلمه : هذا ولد ؟!

قبل ما يرد ابو عزام تكلمت ساره بابتسامة : انا بنت !

ناظرها وهو عافس ملامحه :،شعرها مثل الأولاد!

ساره حكت رأسها بابتسامة غبيه : انا قصيته بنفسي !

حلو صح ؟!

رد بجعرفه:،يقرف مثل القرده

ابو عزام ناظرها وهي تبتسم لهم توقع عقلها ضارب يشتمها وتبتسم له : خلاص يا سلمان عيب

تتكلم مع البنت كذا

وبعدها ناظر ساره للي تناظرهم وتبتسم متأكد بقرار نفسه انها خبله : عجلي بالطلبيه

هزت رأسها بطاعه وتوجهت للداخل

سلمان ناظر ابوه : شوف بيتهم !

ابو عزام : اسكت يا سلمان عيب !

حاس سلمان بوزه وتوجه للسيارة ينتظر ابوه فيه

طلعت ام سعيد بخطوات بطيئه وتعب : السلام عليكم

ابو عزام : وعليكم السلام ...ابغى الطلبيه

ام سعيد بجديه : من البارحه تركنا هالشغله

ابو عزام عقد حواجبه : يعني ما في عندك جبنه

ام سعيد وهي تستدير للداخل : ما عندنا

ابو عزام : طيب متى تجهزين

ام سعيد بنفاذ صبر : قلت لك ما نبيع خلاص توكل

ينقهر من اسلوبها الجاف بالكلام

ساره منحرجه من اسلوب جدتها تكلمت مع ابو عزام : اذا تبغى في عند ام

سكتت لما شافته تركها وتوجه لسيارته

حست بضيق كيف طلع زعلان

ما تحب تشوف احد زعلان

ركضت للسياره حتى تعتذر منه بس حرك السياره وغادر

ما تحركت وهي تناظر للبعيد

نقزت لما حست ضربه على كتفها: يا دبه وين كنت ؟!

لفت ساره وتفاجأت بعائشه تحضنها بقوه وتبكي: وينك ؟!

ساره ابتسمت لما تركتها عائشه : انت وين رحتي ؟!

عائشه وهي تمسح دموعها : ظنيت انك انخطفتي؟!!

ساره عفست ملامحها لما تذكرت البارحه : طلعوني بالسياره ورجعوني للبيت

وهددوني اذا رجعت ابيع الا يقتلوني

عائشه عقدت حواجبها : الله يأخذهم

احسن شيء إنك رجعت

ساره ردت بابتسامة بدون اي كلمه

عائشه بتساؤل :وش تعملين هنا ؟!

ساره عفست ملامحها بطفوله : ابو عزام الظاهر زعل وراح

لانه جدتي تكلمت معه بإسلوب مو حلو !!

عائشه : وليه كلمته كذا ؟!

ساره هزت كتوفها : يبغى جبنه وجدتي قالت له ما نبيع

عائشه باستغراب : ليه تركتم البيع ؟!

ساره مدت بوزها : جدتي تقول مرزوق الخبيث

اتفق مع حرمه ثانيه بسعر اقل

عائشه تأثرت : لئيم !

من وين تجيبون الفلوس ؟!!

ساره بحزن : جدتي من البارحه تعبانه

ما ادري كيف نجيب فلوس ؟!!

**

**

**

**

طالعت جدتها وسألتها بخوف : تعبانه ؟!

ام سعيد يا دوب تتكلم : شوي الحين يروح التعب

وسكتت ام سعيد وبالها مشغول على هالطفله

ساره بطفوله : باكر عيشه رح تروح بيت عمها

! قالت لي اروح معها !

بس قلت لها لا !

وناظرت جدتها بتوجس : عادي لو رحت معهم ؟!

ام سعيد وهي تأخذ النفس بصعوبه : عيب

وكملت حديثها :،باكر رح نروح

قاطعتها ساره بفرح وهي تقفز : باكر طالعين

يا سلااام

وين رح نروح ؟!

ام سعيد وهي تمسح وجهها بتعب : باكر تعرفين !

حاست بوزها وكلها شغف تعرف المكان

لانها ما تعودت تطلع من البيت الا للمدرسه او تلعب مع عائشه

ما رح تعرف تنام اليوم وهي تفكر بمكان الطلعه !!

**

**

**

**

عائشه جلست بالسياره وعفست ملامحها : ابغى اشوف ساره قبل ما اروح !!

ابو سعود وهو يحرك السياره : اقول انطقي مكانك

للي يسمعك يقول مسافرين ؟!

عائشه شوي وتبكي : اكيد قاعده تستنى علشان اودعها !

ام سعود ضحكت : تودعك ؟!

ليه وين رايحه ؟!

عائشه مدت بوزها وناظرت الشباك : رايحه على الزفته

نهى بفتنه : مين قصدك بالزفته ؟!

اسماء : اكيد قصدها عمي

عائشه ناظرتهن وهي مولعه اشرت على اخواتها : انت زفته واختك الثاني زفته

ابو سعود بضحكه قصيره : الحجه عائشه تشتم الناس ؟!

غريبه والله ؟!!!

وقلدها بسخريه «بابا حرام تشتم الناس »

ام سعود بابتسامة : جننتوها هالبنت خلاص اتركوها

أسماء بغيره : ماما انت تحبين عائشة اكثر وحده

نهى بتأييد : ايه صادقه أسماء تحبيها اكثر

ام سعود بابتسامة : كلكم واحد

بس لأنها صغيره

عائشه باعتراض : انا مو صغيره

اكبر منك ومن بابا !!

ضحك ابو سعود : كيف اكبر مني ومن أمك ؟!

عائشه بكشره تكتفت : انا لقيتكم بالطريق وكنتم صغار

وتبكون

واخذتكم للبيت لأنكم كسرتم خاطري

ضحك ابو سعود بضحكه عاليه

ام سعود : الحمد لله كسرنا خاطرك ؟!

عائشه ناظرت نهى : إسألي ماما انا حضرت عرسهم وجلست على الكوشه

ضربتها نهى على راسها : غبيه

عائشه عصبت وردت لها الضربه : ماما ضربتني

ورجعت نهى ضربتها وتشابكن بالأيدي

تركن بعض بعد صرخة ابو سعود : خلاص

صحيت بنشاط غير طبيعي وهي متشوقه للطلعه

غسلت وجهها ولبست بسرعه قبل ما تغير جدتها

رأيها !!

توجهت للمطبخ بابتسامة ورفعت حاجب باستغراب جدتها مو موجوده بالمطبخ!!

وبسرعه ركضت لغرفة جدتها وهي راسمه البسمه على محياها

طرقت الباب ودخلت وسرعان ما عفست ملامحها

وهي تشوفها نايمه!!

تقدمت منها وجلست عند فراشها وابتسمت وهي تهزها على الخفيف : يمه يمه

زفرت بضجر : يمه الحين رح نتأخر على الطلعه!

رجعت هزتها بأقوى : يمه يمه

استغربت ليه ما ترد عليها

مدت بوزها بطفوله ضحكت عليها الجده وما تبغى تأخذها للطلعه

حاست بوزها اكيد عيشه صارت طالعه!!

رجعت ناظرت جدتها نائمه بسلام : يمه يمه

تأخرنا !!

مسكت يدها الباردة ودب الرعب بقلبها : يمه ردي علي !!

زعلانه علي ؟!

خلاص توبه ما رح اقول لك اروح مع عيشه !!

بس قومي!

هزت يدها بقوه والدموع تلمع بعيونها : يمه وش فيك نايمه ؟!

طلعت من الغرفه باتجاه الباب ما تدري وش تعمل؟!

قررت تطلع للشارع تقول لعائشة

طلعت للشارع وشافت جارتهم بالشارع تبغى تطلع بالسياره ساره بصوت مخنوق : خالتي !

طالعتها الجاره قبل ما تركب : نعم ؟!

ساره بصوت مخنوق : جدتي ما ترد علي نائمه

مو قابله تصحى !!

ناظرت زوجها بشك :-اشوفها وما رح أتأخر،؟

هز رأسه بالموافقة بعد ما ناظر ساعته

**

**

**

ساره بعد ما دخلت الحرمه اشرت لجدتها : شوفيها ما ترد ؟!

اقتربت الجاره بخوف وقلبها يدق بقوه مسكت يد ام سعيد

وتركتها بسرعه وناظرت ساره بعيون دامعه

ساره ناظرت جارتهم : قولي لها تقوم

وعدتني نطلع اليوم ؟!

الجاره بصوت مخنوق : تعالي معي يا ساره !!

**

**

**

**

جالس مع أخوه مستانس ويتكلم عن الطلاب ونهفاتهم

قاطعه رنين جواله طالع رقم جارهم واستغرب هالاتصال رد بهدوء : السلام عليكم .....الحمد لله بخير.....لا والله مو بالبيت !! ........انا لله وانا إليه راجعون .....متى ......اليوم الصبح ......الله يرحمها .....وساره وين الحين ؟...... خلاص إن شاء الله رح اتصل فيه وأخبره .....مع السلامه ...

**

**

**

**

عائشه طول الطريق تعيد نفس السؤال : كيف ماتت يعني ؟!

ام سعود بضيق : خلاص يا عائشه ترى رفعتي ضغطي !

عائشه : يعني خلاص ما ترجع ؟!

نهى بضجر: وبعدين معك قلنا لك ما ترجع يحطونها بالقبر وما ترجع خلاص !

عائشه بحزن : ويدخل التراب بعيونها ؟!

ابو سعود بصوت متأثر : لا حول ولا قوة الا بالله

عائشه تكلم نفسها : وساره تعيش لوحدها ؟!

وناظرت امها بحماس : ماما خلاص انا رح اروح اعيش مع ساره مع بعضنا

قاطعها ابو سعود ما له نفس يسمع حرف : تقدرين يا عائشه تسكتين شوي ؟!

عائشه هزت رأسها وناظرت من الشباك تفكر بساره

وش تعمل الحين ؟!

**

**

**

**

ساره طالعت عائشة وابتسمت بحزن : قالوا لي ان شاء جدتي راحت الجنه !

وقالوا لي ما ابكي لأنها تزعل مني !!

وبغصه تابعت : بس انا ابغى جدتي ما اعرف اعيش بدونها !

عائشه بحماس: أحسن راحت علشان اجي اعيش عندك

واصير أمك

ساره عفست ملامحها : بس أمك قالت لي رح اروح مع

عائشه ناظرت حقيبه كبيره : ليه هذي الحقيبه؟!

قاطعهم ابو سعود وهو يدخل ويحمل الحقيبه :،يلا يا ساره

عائشه وكأنها مقروصه : وين رايحه ؟!

ابو سعود : عند اهلها !

عجلي يا ساره

هزت رأسها بطاعه ومشت بخطوه وقفت

لما حضنتها عائشة وهي تبكي : لا تروحين!

رح اصير امك انا واعطيك فلوس !

ابو سعود بضجر من عائشه :الحين وقت افلامك ؟!

يلا يا ساره !!

عائشه تركتها وهي تمسح دموعها : أحبك يا حياتي !

ابو سعود بدهشه : يا حبيبي !!

ساره ابتسمت والدموع بعيونها : رح ازورك

كل يوم

ابو سعود بسخريه : الظاهر كل يوم رح تبلط عندنا !

وبضجر يلا يا ساره !!

هزت رأسها وركضت باتجاه ابو سعود

عائشه بقهر من ابوها : كل شيء تتحكم فيه !!

هي حره ما تبغى تروح ؟!

ابو سعود طنشها وطلع مع ساره

وتوجه للسيارة للي تنتظرهم

وقفت ساره لما شافت رجال نزل من السياره

وسلم على ابو سعود

بعد ما حط الحقيبه بالسياره أشر لساره تيجي

تقدمت بابتسامه خجوله

ابو سعود بهدوء: سلمي

ساره بنفس النظرات الخجوله مدت يدها وسلمت

بهدوء

ناظرها وهو قرفان حاله بس سلم مجامله لابو سعود

**

**

**

من اول ما طلعت ما كلمها ولا كلمه ملامحه عابسه

قلبها انقبض منه وزادت دقات قلبها

لما صار يصرخ بالجوال : لاااا اعتبرني منسحب وما رح ابيع !

مثل ما اتفقت معك 10 رؤوس من الغنم ....

ناظرته وهو معصب ويصرخ بلعت ريقها

قفل الخط وبدأ يشتم ومعصب وحالته حاله

نزلت عيونها للارض بسرعه لما سمعت صرخته : علامك تناظرين ؟!

وما انتظر منها إجابه طلع جواله يكمل اتصالاته

تحس رأسها صار يوجعها من صراخه

لفت وجهها للشباك تناظر بصمت ...

**

**

**

ام عزام وهي تناظر أسيل : راح خالك خلف يجيبها !

اسيل ابتسمت : اليوم اتصلت بخوله تبغى تيجي وتشوفها !

ام عزام : الله يستر وما تصير مشاكل !!

اسيل : هي تدري عن وجودها يعني مو فجأة عرفت بوجودها !

قولي الحمد لله يومين ورح تسافر عند خالي محمد

ام عزام بقلة حيلة : الله يجيب للي فيه خير !

وابتسمت بتذكر : حتى عزام اليوم يبغى يطنش كم محاضره ويرجع بكير ويشوفها !

بس انا حلفت عليه ما يطنش محاضراته !

اسيل بملامح هاديه: الكل متشوق يشوفها

بابا وش قال عنها؟!

ام عزام : مو مهتم للموضوع كله !!

متنكد من البارحه بسبب الحرمه للي تبيعه جبنه

اسيل ابتسمت وما علقت

**

**

**

**

وقف باب البيت ونزل من السياره ونزل الحقيبه

واشر لها : ادخلي من هنا

ورجع للسياره وحرك وغادر المكان

ناظرته وهو طالع باستغراب كيف تركها لوحدها

بمكان ما تعرفه !!

تركت الحقيبه وتوجهت مكان ما اشر لها

وقفت عند الباب مدت رأسها بطفوله وناظرت للداخل

رجعلت للخلف خطوه وتذكرت كلام جدتها لازم تستأذن قبل ما تدخل اي مكان

طرقت على الباب بخفه وعقدت حواجبها باستغراب ما احد يرد عليها !

رجعت للخلف وهي تسمع صوت لعب بالبيت للي جنبه وبدون تفكير

توجهت له بسرعه

وقفت لما شافت حرمتين جالسات وحولهم بزران يلعبون

رسمت ابتسامه خجوله كالعاده : السلام عليكم

تسلطت النظرات كلها عليها

انحرجت من النظرات ونزلت نظرها للارض لثواني

رفعت نظرها على الحرمه للي ردت السلام : وعليكم السلام

وسألت الحرمه للي جالسه معها : معك فلوس نعطيها ؟!

هزت الحرمه رأسها بالرفض : مو حامله معي

قاطعتهم ساره بابتسامة : انا نزلني واحد هنا

وقال لي ادخل لذاك البيت بس ما فيه احد !!،

وقفت على حيلها بقهر : انت ساره ؟!

توسعت ابتسامتها ساره : ايه انا ساره !!

تقربت منها الحرمه الصغيره بتحقيق : وين خلف ؟!

ناظرتها ساره باستغراب ما تعرف احد بهذا الاسم ؟!

عدلت سؤالها : قصدي للي نزلك هنا ؟!

ساره : نزلني وراح !!

وبابتسامه :وين ألقى اهل البيت هذاك ؟!

وقفت الحرمه الكبيره بغضب وغادرت المكان !!

ساره ناظرت الحرمه الثانيه بضيق : اسفه ما قصدت ازعلها !!

ابتسمت الحرمه الثانيه ما عليك رح ترضى بعدين !هذي للي دخلت زوجة ابوك

فتحت ساره عيونها بصدمه هذي زوجة ابوها ؟!!!

ما تقدر توصفها !!

وبسؤال طفولي ما قدرت تكتمه : هذي عجوز كيف زوجة ابوي ؟!

ابتسمت الحرمه : لا تسمعك الحين !!

اعرفك بنفسي انا زوجة اخوك خلف للي وصلك الحين !

ساره همست بدهشه : اخوي !

ناظرت الاطفال للي حولها كانت تتخيل اخوانها بنفس عمرها او اكبر شوي !!

مو مقتنعه انه خلف أخوها ؟!!،

ناظرت زوجة خلف وهي تبتسم بسخريه للصغار وتنادي عليهم : تعالوا سلموا على عمتكم !!

عمار اقترب وناظرها بتقييم : تخسى تكون عمتي انا اكبر منها !!

ساره ابتسمت ببراءة : خلاص انت عمي لأنك اكبر!

جودي ناظرت ساره : انت غبيه ؟!

كيف يعني عمار يصير اخو بابا وانت اختنا ؟!

ليان ضحكت : شكلها غبيه

ام عمار ناظرت ساره : إلعبي مع العيال

وتركتهم وتوجهت للبيت

ساره بابتسامة خجوله : انا اسمي ساره !

عمار بكشره : وش نعمل لك؟!

نرقص ؟!

ساره بطفوله : لا لا ترقص علشاني

ليان : مو مصدق هذي عمتنا !

حنا اكبر منها !!

جودي بتحقيق: اي صف انت ؟!

ساره : بالصف الثاني

عمار : روحي إلعبي لوحدك ما نلعب مع بزران !

ليان : خليها تلعب معنا حرام

جودي بحماس : يلا نكمل لعب

وساره رح تكون الخدامه

عمار هز راسه : ايه يناسبها الدور

ابتسمت ساره بسعاده انهم سمحوا لها تلعب معهم !!

**

**

**

**

دخل البيت متحمس ينادي على امه : يمه يمه

طلعت ام عزام باستغراب: وش فيه ؟!

عزام : رحتي عند خالي خلف ؟!

ام عزام ابتسمت : لا والله

انتظر اختك خولة تيجي ونروح مع بعض

عزام بحماس : جدتي وش قالت لما شافتها ؟!

ام عزام ابتسمت : تقول ام عمار انها تركت المكان وهي معصبه !!

عزام ابتسم : تذكرت خيانة زوجها ههههه

خزته أم عزام : عيب استحي على وجهك

ابتسم وتوجه لغرفته

**

**

**

**

جالسه على الكنبه وماده البوز

جلس جنبها ابو سعود بعد ما قرص خدها : وش فيها الملسونه ساكته اليوم !!

نهى وهي تتمسخر على عائشه : كل هذا علشان سوسو ام القمل !

عائشه ناظرتها بنظرات معصبه : انت لا تتدخلين !!

ابو سعود ابتسم : لا الأمور متأزمه !!

عائشه بقهر من ابوها : ليه تخليهم يأخذونها ؟!

ابو سعود يسايرها : طيب لو خليتها وين تعيش ؟!

عائشه بتفكير طفولي : نجلس في بيتهم

وانا أصير أمها !

ابو سعود بابتسامة : من وين تجيبين فلوس ؟!!

عائشه : نشتغل انا وساره !

واعمل جبنه ولبنه وابيع حليب ويصير معي فلوس كثير

واشتري لساره فساتين وأكل كثير !!

نهى قرصتها : اصحي يا هبله تراك مجنونه

ابو سعود تمدد على الكنبه : اخخخخ الله يعيني عليك يا عش عش

عائشه وقفت بزعل : الله يعيني عليك شغل دخان

ركضت لما سمعت صرخته : بنت!!

**

**

**

عمار بفوقيه جالس على الكرسي: يا بطيخه يا بطيخه

ساره بابتسامه تقدمت منه : نعم سيدي!

عمار : انقلعي بسرعه جيبي لي قهوه !

ساره ببراءة : عيب الصغار يشربوا قهوه!

عمار بعصبيه : انقلعي بسرعه بلا قرقره

ليان وهي تحط رجل فوق رجل :انا ابغى عصير برتقال

جودي : انا ابغى نسكافيه وشوفي العيال اذا نايمين !

ليان تناظر ساره : وشوفي ولدي وش يعمل!!

بسرعه تحركي !

ساره بابتسامة : حاضر

ليان باعتراض:- لا بتقولي حاضر سيدتي

ساره بنفس الابتسامه : حاضر سيدتي

وبعدت كم خطوه وهي تمثل انها تجهز

بعدها توجهت لهم وهي تمد يدها وكأنها حامله صينيه : تفضلوا

سرعان ما قفزوا وهم يركضون باتجاه البيت

ناظرتهم ساره باستغراب ليه يركضون كذا ؟!

وش فيه؟!

ركضت خلفهم ولما وصلوا باب البيت

قبل ما يدخلون قاطعتهم صرخه مرعبه : تعالوا هنا ؟!

ناظروا خلفهم برعب وجههم مخطوف

تقدم بملامح معصبه : ليه ركضتم ؟ !

عمار بصوت يرتجف : ماما نادتنا !

رفع حاجب بعدم تصديق بس سلك له وبتذكر تقدم من جودي ومسكها من اذنها : كسرتي اليوم صحن !

رفعت رأسها تتدافع عن نفسها بس سرعان ما سكتت لما استقر كف ابوها على خدها وبصوت مرعب : وقسم بالله اكسر راسك المره الجايه !!

وبصوت عالي : انقلعوا للداخل اشوف

وخلال ثواني اختفوا من امامه

دخلوا غرفه جودي وليان لانها الاقرب

وتنهدوا براحه

وفجأه انسدح عمار وليان على الارض من الضحك

وساره واقفه تناظرهم باستغراب

جودي انقهرت منهم : تضحكوا بلا اسنان !

عمار وهو يضحك : لو شفتي شكلك تحفه ههههه

جودي جلست على السرير بقهر والدموع بعيونها : ترى البارحه طقك يا ليانووووو

وانت يا غبي الاسبوع الماضي طقك طق

سكتوا فجأة وناظروا ساره واقفه تناظر فيهم

عمار بعصبيه : جايه تتشمتين يا حيوانه !

ساره ابتسمت ببراءة : شفتكم تركضون وركضت معكم !!

جودي والدموع تنزل : انقلعوا براااا

ليان رمت نفسها على السرير : هذي غرفتي

مو طالعه

عمار تربع عالارض : وهذا بيت ابوي أجلس وين ما أبغى

جودي بقهر : جلس قرد على رأسك يا زفته

حرك حواجبه وهو يجاكرها .....

دخلت ام عمار الغرفه وناظرتهم : الحين يسمعكم ابوكم ويرجع يطقكم مره ثانيه

جودي مدت بوزها بزعل : شوفيهم يجاكرون فيني لانه بابا طقني !

ام عمار تكتفت : انا حذرتكم !

وبعدها ناظرت ساره : تعالي انزلي علشان تسلمين على أم عزام

ساره بطاعه : إن شاء الله

ليان مطت شفتها بسخريه : يقال إنها مهمه !!

جودي فكت شعرها الطويل تربطه من جديد : قال

وصرخت بوجع لما عمار شد شعرها : ماما شفيه !!!

أم عمار خزته: متى تترك حركاتك هذي ؟!

عمار بدون مبالاه : كيفي !!

جودي ناظرته بغيض : حيوان

ام عمار طلعت من الغرفه وهي تتكلم :،يلا يا ساره !

ابتسمت ساره وركضت خلفها ...

**

**

**

أم عزام ابتسمت على شكل خلف : نفسي اشوفك مروق ومبسوط !!

خلف وهو ينفث من الدخان : ما في شيء يخليك

مروق !

وهذي العله للي نشبت بحلقي !

أم عزام بعتاب: ما يصير تتكلم كذا ! هذي اختك !!

خلف اعتدل بجلسته : أبوي راح يجدد شبابه

هذا للي استفدنا منه !

وإلا رجال كبير وش يبغى بالزواج !!

وسبحان الله كانت القاضيه ما جلس شهرين إلا فارق الحياه ...

ام عزام ما عجبها كلامه : استحي على وجهك

هذا أبوك !!

خلف بقرف :،يا اختي قولي لي شيء واحد استفدته من زواج ابوي !!

إلا قولي مصروف زايد !

ووريثه تقاسم على الورثه !

غير منظرها للي يسد النفس!

وأشر على ساره وهي داخله

ابتسمت ساره بطفوله للموجودين واعتلت وجنتيها حمره : السلام عليكم

خلف باستهزاء : شرفت الأخت المنتظره !!

أم عزام ناظرت ساره بتأمل بشعر قصير كثير

وجهها نحيف يميل للبياض ملامحها حلوه

اول ما تناظرها تظنها ولد بسبب شعرها

لابسه فستان على طولها ما تعرف لونه الحقيقي

باهت من كثر الغسيل !!

ساره تقدمت منها بابتسامه بريئه ومدت يدها تسلم : كيفك خالتي !

للحين ام عزام مصدومه مدت يدها لها

ساره قربت وقبلت رأسها

وابتسمت لأم عزام : أنا ساره !

خلف وهو حاط يده تحت خده بسخريه : الحمد لله للي عرفتينا على اسمك !!

وحنا طول هالسنين وحنا نحاول نعرف اسمك

ساره ناظرته بابتسامتها البريئه : ليه ما سألتني كان خبرتك انه اسمي ساره !

ضحكت اسيل بصوت عالي على أسلوب خلف وعلى جواب ساره !

أم عزام أعطتها نظره لأنها تعرف أخوها ما يحب الضحك كذا

بلعت اسيل ضحكتها وهي تشوف نظرات خلف الناريه

ساره تقدمت من اسيل ومدت يدها : كيف حالك

سلمت اسيل برؤوس اصابعها قربت ساره تبوسها

بس منعتها يد اسيل : دخيلك كله ولا هالبوسه !

خلاص سلامك وصل !!

ساره ابتسمت لها وتوجهت لخلود وسلمت عليها

وقبلت رأسها

خلود وهي تناظرها بفوقيه كلمت خالها : من وين جبتوها هذي ؟!

خلف بدون نفس : جايه تسأليني كان سألتي ابوي

من اي مزبله لقاهم !

ساره ابتسمت لهم بهدوء وحبت تجلس جنب اسيل

وقبل ما تجلس قاطعتها اسيل : لا لا لا

روحي اجلسي بعيد عني !!

ناظرتها ساره باستغراب : والله قصيت شعري ما فيه قمل شوفي راح !!

اسيل عفست ملامحها بقرف : وقمل كمان !

يا حبيبي !!

يستر على عرضك ابعدي عني !!

خلود اشرت لها : اجلسي هناك

هزت رأسها بطاعه وجلست بهدوء وهي تناظرهم وتوزع ابتسامات

ام عزام تضايقت من تصرف بناتها وناظرت ام عمار : ترى عزام جاي !

ام عمار بابتسامه : البيت بيته يدخل

خلف ماسك جواله يطقطق عليه ومتحمس لشغله

بعد لحظات استأذن عزام ودخل وكله فضول يشوف الكائن للي دخل هالعائله بقوه !

دخل بابتسامه وسلم على خاله خلف

وقفت ساره بسعاده وهي تشوف عزام

تقدمت منه : كيف حالك ؟!

ناظرها وكأنه مو مستوعب فرك عيونه

ورجع ناظرها : انت ؟!

ابتسمت له : ايه انا ساره !

نسيتني ؟!

عزام بقرف : من وين انسى هالقمر المخسوف !

ابتسمت على كلامه بدون فهم المغزى : جدتي دوم كانت تقول لي اني احلى من القمر !

ام عزام باستغراب : من وين تعرفها ؟!

عزام وهو عافس ملامحه : تتذكرين لما كان ابوي يرسلني اشتري جبنه و لبن !

جدتها كانت تبيع

ام عزام عفست ملامحها بقرف : حسبي الله

وابو عزام يقول لي انهم ناس نظيفين !!

عزام ابتسم بشماته : كنت ابغى اقول لك بس خفت ابوي يزعل !

اسيل عفست ملامحها بقرف : حسبي الله عليك

ما لقيت الا ذول تشترون منهم !

كان قلت لي بالسر وانا مثل المشفوحه نازله اكل فيها

خوله ابتسمت : الحمد لله ما أكلت

خلف بشماته : خلي ابو عزام ينفعك !

حضرته مو عاجبه شغلنا !

ويروح يشتري من هالزباله

واشر بعيونه على ساره

ناظرتهم بهدوء وهم يتكلمون: جدتي الكل يحب شغلها كثير

وابتسمت بتذكر ما سلمت على عزام مدت يدها : نسيت أسلم عليك

دفها من طريقه وجلس : ترى مو ناقصني قرف

حلي عني

ام عزام ما عجبها تصرف عزام : تعالي يا ساره اجلسي عندي !!

ساره بفرح انها عبرتها وجلست جنبها

دخل سلمان وهو يركض : ماما ماما

ام عزام ابتسمت له : وش فيك ؟!

سلمان قبل ما يتكلم وقع نظره على ساره عفس ملامحه بغيره وهو يشوفها جالسه جنب امه : انت هنا ؟!

ام عزام : وش بغيت ؟!

سلمان رجع ناظر امه : ابغى اروح مع صديقي لل

قاطعه عزام بحزم : اذا عدت رجلك البوابه اكسرها !

اقعد وانطق مكانك احسن لك !!

سلمان بتمرد : كيفي !

وقف عزام على حيله وهو ناوي عليه

سرعان ما هرب سلمان للخارج وهو يتذمر ....

ام عزام ناظرت ساره : روحي إلعبي مع البنات

ساره بطاعه : ان شاء الله خالتي

طلعت ساره وهي تركض وتشعر بالسعاده

ام عزام : أمي بعدها معصبه ؟!

خلف بأسلوبه الجاف : وش دخلني انا ؟!

تزعل على ابوي الله يرحمه !

عزام : بعين الله

ام عمار : هذي اختك ولازم تتحملها !

خلف بضجر : حسستوني وكأني اخوها الوحيد !

لو انها اختك كان تغير كلامك !

ام عزام : الحمد لله انها مو اختي كان رميتها علي !! وبعدين ما في احد موجود هنا غيرك !

خلف بتفكير : افكر ارسلها لاميره!

ام عمار : اميره زوجت عيالها علشان تصفي راسها

مو ناقصها بزران !

خلف ابتسم بمكر : ما عليك انا أرتب الامور

وما رح اسكت مو اختي لوحدي !

اسيل باقتراح: طيب سفرها عند خالي محمد !

خلف بقهر: محمد تارك كل شيء فوق رأسي ومريح رأسه !

وقف عزام بخيبه كان متشوق يشوف البنت الجديده بس خاب ظنه لما شاف ساره: انا استأذن !

ام عمار : اجلس

عزام : عندي دراسه لفوق رأسي مره ثانيه

استأذن وطلع ...

**

**

**

**

ساره بفرح :نلعب مدرسه ؟!

سلمان اشر على نفسه : انا المدير !

عمار : انا السكرتير!

جودي :انا المعلمه!

ليان ابتسمت : انا المرشده !

ساره ابتسمت : انا

قاطعها سلمان بفوقيه : انت الفراشه تنظفين المدرسه !

ساره باعتراض : بس

عمار : مو عاجبك انقلعي

ساره ابتسمت حتى ما يطردوها : خلاص موافقه

سلمان وهو يجلس على الكرسي : غصب عنك

ويلا بسرعه اعملي شاهي للمعلمين !

ساره هزت رأسها : ان شاء الله

واقف بعيد شوي يناظرهم وهم يلعبون

وكيف يلعبون معها بفوقيه

وهي غبيه تلعب وتضحك معهم ومبسوطه !

عفس ملامحه بقرف وتوجه للبيت يكمل دراسه !!

**

**

**

في اليوم الثاني عائشه عامله اضراب: مو رايحه !

ام سعود وهي ماسكه نفسها : اقولك بسرعه ما بقى وقت الحين تتأخرين على المدرسه!

عائشه برفض : ما ابغى

كيف اروح للمدرسه وما اشوف ساره هناك !

ام سعود : كل يوم تطلعين حجه علشان تعطلين واليوم طالعه بسالفه ساره !

عائشه : ما رح اروح اذا ما داومت ساره

ام سعود عصبت ومسكتها من شعرها : خلصيني ترى الحين بالعصا !

عائشه وهي تبعد امها : خلاص خلاص توبه

تركتها ام سعود وهي تناظرها بعصبيه: بسرعه اشوف!

عائشه بضجر : خلاص رح انقلع للزفته !

الله يقطع الدوام والمعلمات والمعلمين كلهم !

ام سعود ابتسمت بداخلها : تدعين على ابوك !

عائشه بعصبية: ماما !!

**

**

**

**

ام عمار وهي تفكر : اخوك خلف طلع للبر من الفجر

وما رح يرجع من اسبوع !

ساره بهدوء : كيف اروح للمدرسه !!

ام عمار عقدت حواجبها : وش اسم مدرستك قلتي لي ؟!

ساره : مدرسه .....

ام عمار هزت راسها : خلاص تعالي افطري

وانا ادبرك !

نزلت ساره معها وشافت عيال اخوها متجمعين عند الطاوله تقدمت منهم بابتسامه وسحبت كرسي

ووقفت لما سمعت صرخة عمار : لا انقلعي اقعدي بعيد عني !

جود وليان بصوت واحد : اقعدي هناك

ناظرتهم بهدوء وابتسمت لهم بالرغم انها حزت بخاطرها

جلست بالجهة المقابله

دخلت ام عمار وجلست بهدوء تتناول الفطور

ساره ناظرت الفطور بفرح : اول مره اجلس على

فطور كذا

ام عمار رفعت حاجب : وش تفطرين؟!

ساره بضحكه قصيره : دائما جبنه او لبنه !

جودي رفعت حاجب : مو عاجبك جبنه ؟!!

ليان ناظرتها بإستصغار : غبيه يا ليت كل يوم

افطر جبنه

وغمضت عيونها : اموت عليها الجبنة

ساره بابتسامة بارده : لو كل يوم رح تكرهينه

عمار بصوت مرتفع يثبت وجوده : اقول انطمي انت وإياها بلا قرقره !

جودي : وش دخلك ؟!

ام عمار بتهديد : وقسم بالله الحين اتصل بأبوكم وخله يتفاهم معكم !

ومسكت الجوال بتهديد

جودي مطت شفتها : خلاص

نزلت نظرها للاكل وبدأت تأكل مثل المشفوحه

وكأنها من سنين ما أكلت !

كالعاده تخاف يطير الاكل او يختفي وهي ما شبعت منه !

ناظروها بانتقاد بس ام عمار اشرت بعيونها يطنشوها .....

**

**

**

**

واقف ينتظر ويهز رجله بعصبيه هذا للي ينقصه تركب ساره بسيارته!

لولا عمته ام عمار والا لو تموت ما ركبت سيارته

زفر بعصبيه مستعجل وينها ما طلعت للحين !!

صار يضرب هرن بشكل متواصل حتى تطلع بسرعه

شافها تركض له مستعجله فتحت الباب الامامي : اسف

قاطعها بصرخه : انقلعي للخلفي واركبي!

ابتسمت باحراج وقفلت الباب بهدوء

ورجعت ركبت من الخلفي بهدوء اخذت نفس وابتسمت وهي تناظره : اسفه على التأخير !

حرك السياره : ترى رأسي مصدع انكتمي !

ساره بابتسامة : ان شاء الله

ناظرته معصب والتفتت تناظر من الشباك

وتلوم نفسها تأخرت عليه وزعل

ما كان قصدها تتأخر !!

كيف تنزل وهو وزعلان عليها رجعت ناظرته بندم وأسف : والله ما كان قصدي أتأخر عليك !

عزام بقرف : بالله تسكتين ترى واصله هنا

واشر على انفه

وقف السياره والتفت عليها : هذي مدرستك !

ناظرت من الشباك وابتسمت بغباء : ايه

وبسرعه فتحت الباب وهي تنادي لما شافت عائشه عند باب المدرسه: عيشه عيشه

وتوجهت للمدرسه بدون ما تقفل الباب

ولع من حركتها ونزل من السياره : وقسم بالله لتندمين يا زفته

**

**

**

عائشة وهي ماسكه بيد ساره وتتكلم بطفوله : ماما غصب عني ارسلتني من المدرسه

قلت لها كيف اروح للمدرسه وساره مو موجوده

بس ماما ما تفهم !!

ساره بابتسامة : عيب تقولين عنها كذا ؟!،

عائشة فتحت عيونها بفرح للفكره للي خطرت ببالها !!

ضجر وهو ينتظر مسك الجوال واتصل واول ما انفتح الخط تكلم بنفاذ صبر: ما في احد !!،

ام عمار بقلق : تأكد يمكن تنتظرك وانت ما شفتها !!

عزام وهو ماسك نفسه : يا عمتي صار لي قريب نص ساعه والمدرسه تقريبا فاضيه !!

ام عمار بخوف : وين طست هالبنت ؟!

عزام بغضب : انا فاضي لها ؟!

والا سواق عندها !

ام عمار تهديه : يا عزام طول بالك بعدها صغيره

ارجع دور مره ثانية الله يوفقك !

عزام بدون نفس : ان شاء الله

قفل الخط وهو يفكر وين طست !!

ناظر ساعته ما عنده وقت ما بقى وقت عن المحاضره وتبدأ !

وما استفاد من البريك لا اكل ولا شرب وهو يدور على صنوايت

زفر بضجر يبغى يفقع وين رح يلاقيها

/؟!!،

**

**

**

نزلت ساره وهي ماسكه يد عائشه : أخاف أمك تزعل !

عائشة هزت رأسها بالرفض : لا تخافين ما رح تقول شيء !

وبعدين انت ضيفه !

وختمت كلامها بابتسامة

مدت يدها تفتح الباب استغربت انه مقفل

ساره عقدت حواجبها : أمك مو بالبيت ؟!

عائشه ضربت جبهتها : نسيت قالت لي الصبح إذا ما لقيتها اروح لبيت صبحيه وأشرت على بيت صبحيه

تعالي نروح !

ساره هزت رأسها بالرفض : لا ما أبغى ننتظرها هنا !!

عائشه بموافقة : خلاص تعالي نلعب طوف هنا !

تلعب مندمجه باللعب ومبسوطه على سوالف عائشه

قاطعهم مرور السياره ووقفت قريب منهم

عائشه بغضب : ما في غير ذي الطريق !،

قطع علينا اللعب !

نزل من السياره وهو مفول من العصبيه مثل ما توقع رايحه مع هالزفته

عائشة فتحت عيونها : شوفي من جاء ؟!

عزام أشر لساره بغضب : تعالي !

وقفت عائشه بالنص و هي تتخصر بطفوله : لا والله !

ساره ما رح تروح معك !

وناظرت ساره تشجعها : قولي له إني صرت أمك !

علشان يروح !،

عزام واصله معه العصبيه : انقلعي من وجهي اشوف !

وانت تعالي خلصيني !

ساره منحرجه من عائشه كيف تتركها تكلمت بهدوء مع عزام : بس عيشه عزمتني على الغداء !

ناظرها بسخريه وهو رافع حاجب : والله !!

صايره مهمه يا ام القمل ؟!

عائشه رفعت أصبعها بتهديد : لا تغلط عليها !

ساره ناظرت عائشه تدافع عن عزام : ما يدري إنه القمل راح

وناظرت عزام وابتسمت : رأسي ما فيه شوف !

قاطعها وهو يسحبها بقوه نحو السياره

فتح الباب الخلفي ورماها وقفل الباب بعصبيه ونفض يدينه بقرف

وقبل ما يركب وقفته يد صغيره : رجعها يا

قبل ما تكمل دفها بقوه على الارض

وركب السياره وحركها بسرعه

ناظرت من الشباك عائشه على الارض

لامت نفسها كله بسببها

حطت يدها على جنبها لما دفها بالسياره

تحس تبغى تبكي من الالم

تحاملت على نفسها وناظرته والدموع تلمع بعيونها وصوت مخنوق : اضربني بس لا تضرب

عيشه حرام

رميتها على الارض!

زمت شفايفها تمنع تساقط الدموع : اخاف انكسرت يدها !

امها مو بالبيت !،

حرام!

وبصوت مبحوح : اضربني بس لا تضربها

وقف السياره والتفت لها : لا تستعجلي على رزقك !،

نزلت نظرها وبصوت مخنوق : آسفه

نزل من السياره مطنشها وحاس بالندم لأنه دف عائشه خاف يكون صار لها شيء !

دخل المحل وهو يجول بنظره على شيء مناسب

**

**

**

بعد ما نزل من السياره شدت مكان الالم

ونزلت دموعها غصب عنها

خافت ييجي بأي لحظه ويشوفها تبكي ويظنها بزر بعدها تبكي

صارت تمسح دموعها

شافت علبة مويه اخذتها وغسلت وجهها

ونشفته بمريولها بسرعه

اخذت نفس وهي تحس بوخز مكان الضربه

شافته جاء ومعه كيس

ركب السياره وحرك بهدوء ورجع من نفس الطريق

وقف باب بيت عائشه وشافها جالسه باب بيتهم

ناظر ساره بحزم: اذا نزلتي اكسر رجلك فاهمه !

هزت راسها بطاعه بدون اي كلمه

أخذ الكيس ونزل من السياره

جالسه باب بيتهم وكأنها متسوله وتكلم نفسها وتتوعد وتهدد!!

لما شافت السياره وقفت بغضب وهي تناظر عزام : وين ساره يا حرامي !

تقدم منها وابتسم : أنا آسف ما كان قصدي ادفعك بس كنت معصب !،

عائشه بعصبية وهي تشبر بيدينها : بسببك ما اقدر اقوم واجلس

ابتسم وهو يشوفها واقفه : كيف وقفتي لما شفتيني يا الكذابه ؟!،

عائشه تغير الموضوع : وين ساره ؟!

عزام ابتسم لأنه السياره مظلله ما تشوفها : رجعتها للبيت

ومره ثانيه ما تتكرر هذي الحركه !،

أهلها قلقوا عليها وهم يدورون عليها !،

كنا رح نبلغ الشرطه !

بلعت عائشة ريقها بخوف

ابتسم على ملامحها الخايفه : أنا آسف وهذي

هديه اعتذار

أخذت الهديه وفتحتها بسرعه

وابتسمت بفرح لما شافت لعبه كبيره !

وبعدها تحولت ملامحها للكشره : ما ابغاها !

تركها بدون اي كلمه وتوجه للسيارة ..

**

**

**

تناظرهم من الشباك وهو يكلم عائشه

كانت خايفه يضرب عائشة مره ثانيه

بس ابتسمت بألم لما شافت اللعبه للي أعطاها لعائشه !

ليه ما جاب لها مثلها !!

حز بخاطرها !!

هزت رأسها بالرفض أهم شيء عندها عائشه

مبسوطه بالهديه وما رح تقاطعها عائشه علشان عزام !

عفست ملامحها بألم وهي تحس بالوجع رجع مره ثانيه !!!

ركب السياره وحرك بدون اي كلمه !

غمضت عيونها لثواني من الالم واخذت نفس

ورفعت رأسها وناظرته بعيون لامعه وصوت مبحوح : أنا آسفه

لا تزعل مني !

عزام ناظرها من المرايه بعصبيه: انكتمي ولا تكلميني !

ساره ابتسمت بحزن ونزلت رأسها : ان شاء الله

ولفت وجهها من جهة الشباك وهي ماسكه نفسها لتنفجر من البكاء

ما تحب احد يصرخ عليها او يزعل منها وفوق هذا

جنبها يوجعها !!

**

**

**

**

ام عمار بقلق عزام ما رد لها خبر وتخاف تتصل فيه ويثور بوجهها تعرفه لما يعصب !

وما تبغى السالفه توصل لخلف لأنها تعرفه

مجنون وما رح يرحمها

وبنظرها ساره بعدها طفله صغيره بريئة !!،

سمعت صوت السياره بالكراج

طلعت بسرعه

وشافت عزام نزل ساره و الظاهر إنه معصب !

عزام مسك ساره من اذنها وبصراخ : والله لو تعيدين هالحركه إلا أكسر رأسك !

الدنيا سايبه عندك !

تقدمت أم عمار بضيق : اتركها !

عزام شد اقوى وهو يناظر ساره : انا وش قلت ؟!

رفعت ساره رأسها وابتسمت بألم وعيون منكسره: ما رح اكررها !،

أم عمار سحبتها من عزام بقهر : قطعت إذنها ؟!

عزام بغضب : تستاهل هالحيوانه !

بسببها راحت علي المحاضره !

ام عمار عفست ملامحها : اعوذ بالله القسوه عندكم وراثه!!

ومسكت يد ساره بحنيه : تعالي معي !!

دخلوا البيت ام عمار ناظرتها : وين كنت ؟!

ساره وهي تحس بالغصه : عزمتني عائشة صديقتي ورحت معها !

ام عمار بتفهم : هذي جارتكم ؟!

ساره هزت رأسها بدون كلام

ام عمار : ما يصير تروحين بدون ما تعطينا خبر !!

ساره بصوت مخنوق : آسفه ما رح اكررها !!

وابتسمت والدموع تلمع بعيونها !

ناظرتها أم عمار وقلبها تقطع عليها وهي تشوف إذنها حمراء : روحي بدلي ملابسك علشان الغداء !!

حمدت ربها ام عمار انه عيالها مو هنا لو عرفوا كان خبروا أبوهم

وهي تعرف خلف وعصبيته !!

**

**

**

**

دخل البيت معصب ومقهور من ساره وبدون نفس : السلام

ام عزام باستغراب لما شافته: وعليكم السلام .... غريبه راجع الحين !

عزام بنرفزه :يعني ارجع ؟!!

ام عزام ابتسمت :-لا مو قصدي بس انت عندك محاضره

قاطعها وهو يجلس وبغضب: بفضل ساره الزفته

راحت علي المحاضرة !

ابو عزام : وش دخل ساره ؟!

عزام بقهر : ابنة عمك المصون رايحه لبيت جيرانهم قال عازميتها جارتهم !!

ابتسمت ام عزام :يا حليلها صاحبة واجب

عزام بغضب : مبسوطة على حركتها ؟!!

ابو عزام : لازم إخوانها يشدون عليها وما يتركونها كذا ؟!

عزام بطفش : هالإخوان كل واحد بجهة هاج !

والشاطر يرميها على الثاني،!

ابو عزام : اذا مو قادرين على تربيتها أنا مستعد اربيها ونأخذ أجر هاليتيمه !!

قاطعه عزام: هذا الناقص تعيش عندنا!

ارجوك يبه خلي افكارك لوحدك انا اخواني قرفانهم !!

ابو عزام هز رأسه : الله يعيني عليك

!!

**

**

**

**

ماسكه اللعبه وتلعب فيها بعد ما خبرت أمها بالسالفه

بس ما جابت سيره ساره !!

اسماء لمست اللعبه صرخت عائشه وخبتها خلف ظهرها : انقلعي !!

اسماء بقهر : خايفه نأكلها ؟!!

نهى قلبها تقطع وهي تشوف اللعبه تجنن تبغى تحملها : من حلاتها هاللعبه ؟!

تقرف!!

وناظرت اسماء : اتركيها بابا رح يشتري لنا احلى منها !

عائشة بسخريه :بالمشمش يجيب لكم !

وبشماته : نسيت ذيك المره لما كنا بالسوق واشتريت انا لعبه وكنت تبغين وحده مثلها

وش قال لك بابا ؟!

وحركت حواجبها تقهرها !.

زمت نهى شفايفها بقهر وهي تتذكر كيف مسح فيها الارض إنها كبيره وتبغى لعبه !

اسماء بغيره: يا رب تخرب ! ،

**

**

**

**

كملت غداء وهي مبسوطه على الاكل أشكال وأنواع !!

ام عمار بأمر : يلا يا جودي نظفي الطاوله انت وليان !

وتركت المكان وتوجهت للمطبخ

لحقتها ساره بابتسامة : خالتي !

ام عمار ناظرتها : نعم !

ساره بابتسامة طفوليه : ممكن أساعدك ؟!

ام عمار ابتسمت : يا عمري !

تبغين تساعديني،!

هزت رأسها بحماس: كنت عند جدتي كل يوم أجلي وانظف المطبخ !

ام عمار ما حبت تكسر بخاطرها وهزت رأسها بموافقة

**

**

**

**

في اليوم الثاني كملت فطور بسرعه خايفه تتأخر عليه

وقبل ما تطلع من الباب لحقتها ام عمار بتنبيه: لا تروحين اي مكان فاهمه !

ابتسمت وهي تهز رأسها: إن شاء الله

وركضت باتجاه البوابة تنتظر عزام

متحمسه للمدرسه

توجهت لسياره عزام بابتسامة جميله فتحت الباب

ودخلت السياره بابتسامة: السلام عليكم

ناظرها بالمرايه وهو مكشر وحرك بدون اي كلمه!

سكتت وهي تشوف ملامحه من المرايه

نزلت رأسها بحزن ليه يعاملها كذا ؟!

أكيد زعلان منها !

بس هي ما كان قصدها تزعله !

بعد وقت وقف وبجلافه : انزلي بسرعه !

رفعت رأسها وابتسمت له : ان شاء الله

نزلت بهدوء وقفلت باب السياره وركضت باتجاه بوابة المدرسه .....

**

**

**

**

ليان كملت فطور وبرجاء: يا ماما خليني اعطل !

جودي تخصرت : اذا ليان بتعطل انا كمان ما رح اداوم !

عمار يثبت وجوده وكلمته تمشي : أقول كل وحده تنقلع قدامي أحسن ما اقوم بالعقال!

جودي رفعت اصبعها :انت ما لك دخل !

انا اكلم ماما !

ام عمار جالسه تطقطق بالجوال تكلمت : رح اعد للثلاثه واذا شفت رقعة واحد فيكم يا ويلكم

عمار بقهر كان ناوي يطلع اخواته ويعطل : وبعدين مع هالدوام للي ما يخلص !!

جودي سحبته من ثوبه باتجاه الباب : امشي لو تجلس فوق رأسها ألف سنه ما اقتنعت !

ليان بقهر : افففففف من الحياه!

وطلعت خلف إخوانها

سلمان واقف ينتظر عمار : ليه تأخرت ؟!

جودي تكلمت قبله : فكر يقنع ماما ونعطل !

سلمان عفس ملامحه بقهر : أمك مثل عزام ممنوع العطل !

يتحكمون بحياتنا !!

عمار بتوعد : إذا ما عطلت باكر ما اكون عمار!

ابتسم سلمان بسخريه : امشي امشي !

وناظر جودي وابتسم : أخوك بس حكي !

هزت رأسها : حكي ويفرض عضلاته علينا !!

**

**

**

**

توجهت لسياره عزام بعد ما انتهى الدوام فتحت الباب بابتسامة : السلام عليكم

حرك السياره بدون ما يرد تضايقت ما تحب

أحد يزعل منها

تذكرت عائشه ناظرته : عائشة تقول لك شكرا على اللعبه

عزام ابتسم وناظرها بالمرايه :عجبتها ؟!

ساره ابتسمت وعيونها تشكي الحرمان : عجبتها حيل !

جابتها اليوم على المدرسه والمعلمه هددتها اذا جابتها رح تأخذها منها !

وابتسمت بألم تكمل : بالفسحه قلت لها ألعب فيها بس

قاطعها : لا تقولين لعبتي فيها؟!

اكيد وسختيها بيدينك ؟!

رفعت يدينها الصغيره والغصه بحلقها : شوف يدي نظيفه !

وكملت وهي تتظاهر بالابتسامه وطلعت اللعبه من حقيبة المدرسه : أعطتني لعبتها القديمة !

وقالت أخذها لي !!

عزام وهو يناظرها حامله لعبة قديمه بحضنها :يعني ما لعبتي باللعبه الجديده ؟!

ردت بغصه : لا

وابتسمت بألم : حلوه هذي اللعبه ؟!

عزام بسخريه : تشبهك !!!

ساره ناظرته باستغراب : كيف تشبهني ولون عيونها ازرق ؟!

ضحك بصوت عالي : فعلا إنك خبله !!!

عزام وهو يناظرها حامله لعبة قديمه بحضنها :يعني ما لعبتي باللعبه الجديده ؟!

ردت بغصه : لا

وابتسمت بألم : حلوه هذي اللعبه ؟!

عزام بسخريه : تشبهك !!!

ساره ناظرته باستغراب : كيف تشبهني ولون عيونها ازرق ؟!

ضحك بصوت عالي : فعلا إنك خبله !!!

أقول انقلعي للداخل بسرعه !

طالعته وهي تمشي للداخل لوحت بيدها بابتسامتها المعتاده : مع السلامة

مط شفته بسخرية من تصرفاتها يحس عقلها ناقص !!

**

**

**

**

اجتمعو على الغداء عمار باعتراض : وش هالأكل؟!

جودي تكتفت : ما رح نتغدى من هذا الاكل !!

ناظرت ساره الأكل وبدأت تأكل بهدوء بدون اعتراض

أم عمار : شوفوا ساره تأكل عادي أشطر منكم !

ليان مطت شفتها بجعرفه : تسخين ؟!

ليه ما طبختي اليوم !!

أم عمار بلامبالاه وهي تتغدى: هذا الأكل موجود للي مو عاجبه يبلط البحر !!

هذا الموجود !

ساره ناظرتهم باستغراب ليه مو عاجبهم كانت تتمنى هالأكل عند جدتها !

بعد وقت رجع عمار وأخواته للأكل لما شافوا ما في فائده من اعتراضهم

جودي بقهر تهمس لإخوانها : مو فاضيه تطبخ 24 ساعة على الجوال !

رفعت حاجب ام عمار وهي تخزها : وش قلتي يا جودي ؟!

عمار بقهر : انا للي اقول من الصبح قرف المدرسه

ولما نرجع ما نلاقي أكل مثل العالم والناس ؟!

ساره ناظرته : لازم تقول الحمد لله

وصرخت من قوة الضربه على رأسها

وبصراخ وقف بعصبية : اخرسي !

لا تتدخلين فاهمه !

نزلت على الارض وهي ضاغطه على جبهتها من الألم

ام عمار جلست على مستواها بخوف : أشوف مكان الضربه !

ساره وهي كاتمه الألم والدمعه بعيونها رفعت يدها وهي تناظر الارض

ام عمار شافت مكان الملعقه حست فيه انتفاخ بسيط وجرح صغير : يوجعك ؟!

ساره هزت رأسها بالرفض

رفعت رأسها بمكابره وابتسمت رغم الوجع وصوت مخنوق : لا

ام عمار وقفت بعصبيه تدور على عمار بس ما شافته

هرب وبصوت عالي متوعد : والله إلا تتعاقب وتشوف !

جودي بفتنه : ماما قولي لبابا عنه علشان يضربه !

ليان : تبغين بابا يضربه علشان هذي ؟!

جودي : لا علشان نقهره لما يضربه بابا ونتمسخر

عليه !

ام عمار بنظره قويه : بسرعه رتبوا مكان الأكل

وبعصبيه

بسرعه !

ورجعت لساره ناظرتها : تعالي احط لك عليها ثلج

هزت رأسها بالرفض بس ام عمار ما خلت لها فرصه

أخذتها للمطبخ !!

**

**

**

**

ام سعود بضجر : خلاص يا عائشة اعطيني الجوال !!

عائشة وهي تناظر امها : يا ماما هذي اخر سالفه ا أقولها لبابا

ام سعود وهي تصك على اسنانها : اخر سالفه !

هزت رأسها وابتسمت : ما قلت لك يا بابا ؟!

أبو سعود بملل لها ساعه ماسكيته من سالفه لسالفه : لا ما قلتي ؟!

عائشة بفرح : ماما قالت تبغى تزوجني !!

ابو سعود بملل : والله ؟!

عائشه بفرح طفولي : ايه

علشان كذا اتصلت فيك علشان أعزمك للعرس

يا بابا !

ابو سعود : والله فيك خير عزمتيني !

عائشة ابتسمت: لازم تيجي علشان تسلم على العريس !

حرام يكون لحاله واقف !

ابو سعود : ان شاء الله بس متى العرس ؟!

عائشة سكتت لثواني تفكر : امممم

ما ادري !

خلاص يوم العرس اقول لك !

ومن الحين ابغى تشتري لي فستان أبيض كبير لي ولساره !

أبو سعود بضجر : خلاص اعطيني أمك !

صدعتي رأسي !

عائشة بقهر : انا ادري ما رح تشتري لي فستان !

والبنات يتمسخرون علي !

خلاص ما ابغى اتزوج !

ام سعود وصلت حدها منها سحبت الجوال بقوه: عمرك ما تزوجتي انقلعي من وجهي !

عائشة وهي تتخصر : والله لأتزوج غصب عنك وعن زوجك !

ضحك ابو سعود وهو يسمع كلامها !

ام سعود : ايه اضحك بدال ما تكسر رأسها على هالكلام !

ابو سعود : بعدها صغيره !!

**

**

**

**

ام عمار وهي ماسكه عمار ناظرت ساره : اضربيه بالملعقه مثل ما ضربك !

ساره ناظرت عمار بشفقه : لا حرام !

ام عمار بعصبيه : اقول لك اضربيه بسرعه !

ساره تقدمت بتردد ومسحت على يد عمار بالملعقه وناظرت ام عمار : خلاص حرام !

ام عمار انقهرت من هبلها: الحين ساحبه عمار وحالتي حاله ؟!

وهذا للي طلع معك !

عمار يتمسخر : اخخخخ وجعتني !!

ام عمار شدته من إذنه بقوه : انقلع يا ثقل دم !

عمار ركض باتجاه الباب وهو يضحك : اشوفك في بيت جدي !!

ام عمار : ناظرت جودي : جهزي حالك انت وليان !

وناظرت ساره بحيره وش تلبسها

وبعدها التفتت لجودي : اسمعي في خزانتك فستان صغير أعطيه لساره تلبسه وتعالي عند دار جدك فاهمه !

ساره بتساؤل : بيت جدي ؟!

جودي : لا يا غبيه !

ذول بيت جدي انا اما انت لا !

ام عمار : بيت عمك يا ساره

انت ابنة عمي !!

جودي بسخريه مثل ما تسمع من الاكبر منها : جدي خلفك على كبر !!

ام عمار : خذي ساره وإلحقيني على بيت جدك

بسرعه

جودي بفرح : ان شاء الله

ام عمار بتأكيد : لا تنسين ساره !

سحبت جودي معها ساره بسرعه وهي طايره من الفرح!

**

**

**

ام عزام بعد ما لبست عبايتها وصلت عند الباب وقفت لما دخل عزام : سلام !

ام عزام ابتسمت: وعليكم السلام....

عزام : وين ؟!

ام عزام تعدل بالشاله : وين يعني لبيت جدك !

اتفقت مع عمتك ام عمار نروح نجلس هناك !

عزام فتح لها الطريق : سلمي

ام عزام : تعال اجلس !

عزام : عندي بحث مو فاضي !

**

**

**

جالسه عند اهلها ومستانسه قاطعهم

دخول ساره وهي تبتسم بخجل : السلام عليكم

وقدمت على الجد ابو راكان وقبلت رأسه وسلمت عليه : كيف حالك يا عمي !

ابو راكان ناظرها وناظر ام عمار وهي متفشله من ساره : هذي ابنة اخوي ؟!

ام عزام ابتسمت :،ايه يا عمي هذي هي !!

ام راكان لوت بوزها : وش هالمخسره ؟!!

ساره تقدمت من ام راكان وسلمت عليها بنفس الطريقه : عساك طيبه يا

قاطعتها ام عمار : وين جودي ؟!

قبل ما ترد ساره دخلت جودي وهي ماده البوز

ام عمار بحده : مو قلت لك ساره تبدل ملابسها ؟!

جودي جلست بضجر : رفضت تلبسه تقول قصير

لو شافتها جدتها رح تزعل منها !

ساره بتبرير : جدتي تضربني وتزعل مني اذا لبست كذا ؟!

وقربت من ام عزام وسلمت عليها بنفس الطريقه : كيف حالك يا خالتي ؟!!

ام عزام ابتسمت لها: بخير الله يوفقك !

ام عمار ناظرت ساره : تعالي هنا اجلسي !

ابتسمت ساره لها وجلست جنبها

وناظرت الموجودين بابتسامة بريئه وبعدها همست لام عمار : ذول امك وابوك ؟!

ام عمار ابتسمت لها : ايه امي وابوي !

ساره ابتسمت بحزن : انا ما اعرف امي وابوي

ولا مره شفتهم !

مسحت ام عمار على رأسها بحزن طفله يتيمه

تبغى بس احد يحتويها !

زفرت ام عمار بضيق على حال هالطفله اليتيمه

لا أم لا أب وما أحد مهتم لها

ناظرت جودي :اطلعي إلعبي وخلي ساره تروح معك !

جودي وقفت بدون نفس : تعالي !

طلعت ساره تركض بفرح وهي حاضنه اللعبه للي حصلت عليها من عائشه !

ام راكان : وليه تستقبلينها ؟!

ليه ما تروح عند إخوانها او أخواتها !

مو ملزومه فيها !!

ام عمار : يا يمه مو مضايقه علي حالها من حال

عيالي!!

ام عزام : ابو عزام يفكر يربيها عندنا !

ام راكان بانفعال : خله يربيها ومن بعدها لا هو ولدي ولا اعرفه !

الجد ابو راكان : اقول لا تتدخلين بأمور ما تخصك !،

**

**

**

**

ساره حاضنه اللعبه وتبتسم تبغى تلعب معهم

فجأة انخطفت اللعبه من حضنها

ناظرت سلمان وهو حاملها ويضحك بصوت عالي

ركضت خلفه وبصوتها الرقيق : اعطيني سوزي !

سلمان وهو رافع اللعبه بيده : احلى واسمها سوزي !!

واشر لعمار وغمز له وبعدها طالع ساره ومد يده باللعبه : خذي

وقبل ما تمسكها رفعت نظرها وهي تشوفها بالهواء طايره

التفتت للخلف بسرعه شافت عمار ماسكها

ركضت له برجاء طفولي : اعطيني إياها !

عمار بسخريه : خذي

ورماها على سلمان !

ناظرت سلمان وركضت له : اعطيني إياها

ابتسم سلمان لما شاف ماجد اشر له وبسرعه

رماها باتجاه ماجد

ركضت خلف اللعبه وبصوت راجي : اعطيني لعبتي !

ماجد ناظر البنات واقفات يناظرن الموقف وبابتسامة مكر وهو يسأل البنات : اعطيها ؟!

ليان مبسوطه صرخت : لا لا لا

ناظرها بابتسامه: وش اعمل لك ؟!

ورماها على عمار

تحس بالتعب وهي تركض من جهة لجهة

وما حصلت اللعبه !

ليه يعملون فيها كذا ؟!

جلست على الارض بتعب وتلهث بصعوبه

كيف ترجع لعبتها ؟!

ماجد بسخريه : علامك تعبتي ؟!

ما تبغين اللعبه ؟!

ناظرته وهي ماسكه دموعها هزت رأسها بالموافقة

ماجد : خلاص تعالي خذيها حزنتيني !!

ساره ابتسمت بفرح رغم قهرها ووقفت بتعب

وتوجهت له بخطوات

سرعان ما تعثرت على الارض ووقعت لما شافته رجع يرميها !!

قبل ما يدخل عزام بيت جده شافهم وهم يرمون اللعبه

وهي مثل الغبيه تركض من جهة لجهة

مط شفته بسخريه على حالها ودخل بيت جده

عمار وهو يلوح بها بقوه : تعالي خذيها

سلمان : يلا روحي خذيها قومي !

رفعت رأسها وناظرتهم والدموع تلمع بعيونها

وقفت بهدوء ومشت بخطوات هاديه بعيد عنهم وجلست على الارض واعطتهم ظهرها

وتكورت على نفسها

بدأت دموعها تنزل غصب عنها قهروها !

لعبتها الوحيدة أخذوها منها !!

باكر إذا سألتها عائشه عن اللعبه وش تقول لها !

بعد وقت رفعت رأسها لما حست بيد على كتفها

ساره مسحت دموعها وابتسمت !

سألها باستغراب : وش فيك تبكين ؟!

ساره ابتسمت وبصوت مبحوح : ما أبكي !

ابو عزام باستغراب : وش تعملين وحدك هنا ؟!

كل البزران دخلوا داخل!

وقفت على حيلها وركضت لما شافت اللعبه

على الارض

والظاهر انهم هربوا لما شافوا ابو عزام

حملتها وهي تحس بالقهر بداخلها لما شافت اللعبة

معفوسه

ابو عزام من خلفها : وش فيك ؟!

كتمتها بقلبها وابتسمت له : ولا شيء !

ابو عزام مسك يدها : تعالي ندخل للداخل ؟!!

هزت راسها بالموافقة وابتسمت وهي تتخيل ابو عزام يكون ابوها !

***

**

**

**

دخلت وهي توزع ابتسامات يحسها فعلا خبله

هبله عديمه احساس

دوم تبتسم !

ساره أول ما شافته ركضت بفرح له : عزام !

عزام لوى بوزه بقرف وطنشها !

ام عمار لما شافت تصرفه نادت ساره : تعالي عندي يا ساره

هزت رأسها بطاعة و توجهت بهدوء جلست

شافت البزران يتهامسون ويضحكون عليها

ناظرت لعبتها وحضنتها بقوه

رفعت رأسها لما دخلت حرمه ومعها طفله عمرها بحدود 3 سنوات

ابتسمت ساره للطفله تحب الأطفال وتموت عليهم

ام عمار بصوت منخفض لساره : هذي زوجة اخوي ام تالا

ابتسمت ساره وتوجهت لها وسلمت عليها : كيف حالك ؟!

ابتسمت لها : هذي اخت خلف ؟!

ام عمار هزت رأسها : ايه اخت خلف !

ابو عزام هز رأسه بالخفيف وهو يناظر ساره بشفقه: الله يسامحك يا عمي !

الجد ابو راكان : كل شيء قسمه ونصيب !

ابو عزام : بس يبه

قاطعه الجد ابو راكان : خلاص يا ابو عزام

لا تفتح صفحات انطوت !!

ساره رجعت جلست عند ام عمار

للي طلبت منها تروح عند العيال تلعب

بس رفضت وجلست بهدوء

تقدمت تالا منها وحاولت تسحب اللعبة من ساره

شدت ساره على اللعبه

شغلت تالا صفارات الانذار : ماما

عزام بضجر : أعطيها اللعبة وفكينا من صوتها !

بطبيعتها المطيعه هزت رأسها وابتسمت بالغصب

ومدتها لتالا

وقلبها يتقطع على لعبتها الوحيده ما تبغى تفرط

فيها !

وعدت لعبتها سوزي اليوم تنام عندها !

عينها على تالا تراقبها تخاف على لعبتها

للي شبه خربت بسبب العيال !

وقفت على حيلها بسرعه وتوجهت لتالا تحاول تسحب اللعبه لما شافتها تحاول تقطعها

اخذتها منها بس وقفت لما بدت تالا تبكي على

اللعبه

ام تالا بانزعاج : يا الله وبعدين معك تالا عندك

ألعاب أحلى من هاللعبه المقرفه !

تالا تهز رأسها وتبكي : ماما ماما

ام تالا سحبت من ساره اللعبه : خلاص علشان تسكت

ولما ترجعين أعطيك إياها !

ساره منحرجه من ام تالا هذي لعبتها

ما تبغى تعطيها لأحد

عزام بحده : وبعدين معك حاطه رأسك برأس

هالطفله ؟!

أبو عزام : لعبتها وهي أحق فيها !

عزام بنرفزه : عاجبك صوت صياحها ؟!

وناظر ساره روحي اجلسي !

ام عمار : عادي يا ساره بعدها صغيره وما تفهم ! تكلمت بصوت مخنوق : عادي

وجلست والدموع تلمع بعيونها

ام عمار بحنيه : روحي إلعبي مع البنات !

هزت رأسها وراحت عند البنات

جودي وهي تتخصر : ليه جيتي ؟!

ما نبغى معنا صغار باللعبه !

اجلسي هنا وناظرينا فاهمه

هزت رأسها وجلست تناظرهم يلعبون

وعقلها عند اللعبة !

بعد وقت وقفت ام عمار : يلا يا جودي !

لينا !

وقفت ساره وبسرعه توجهت لتالا تبغى لعبتها

انصعقت لما شافتها مقطعه !!

بهتت ملامحها بحزن وجلست على الارض تلم

القطع !

لعبتها الوحيده خربت !

جمعت القطع وناظرت ام تالا بصوت مخنوق: قطعتها !!

ام تالا بعدم اهتمام : لعبتك خربانه من أول

ورجعت تكمل سالفتها

زمت شفتها تمنع نزول الدموع

ناظرت ابو عزام منشغل مع الجد بالسوالف

نزلت رأسها وطلعت خلف أم عمار وهي ماسكه دموعها ......

يوم الخميس

حاولت بكل جهدها تصلح اللعبة وترجعها مثل ما كانت

زفرت بضيق وهي متربعه على الارض وتكلم اللعبه بطفوله : انا اسفه

لاني ما حافظت عليك من تالا الشريره !

رح اخليك بالغرفه حتى ما أحد يأخذك غصب

عني !

أخاف عيشه تزعل مني إذا شافتك كذا ؟!

حضنت اللعبة بقوه : أنا أحبك يا سوزي !

مسحت على شعر اللعبه وبنبره حزينه : تتذكرين لما اشترتك

عيشه من السوق !

أول ما شفتك حبيتك وتمنيت تكونين عندي ! ورجعت لجدتي وطلبت منها تشتري لي لعبة تشبهك !

رفضت تشتري لي ما معها فلوس !

وبصوت خنقته العبره : مشتاقه لجدتي !

ابغى اشوفها !

راحت وتركتني هنا !

سوزي يقولون جدتي خلاص ما رح ترجع مثل ماما وبابا !

وقفت وهي تمسح دموعها

حطت اللعبه على الفراش وابتسمت والدموع تلمع بعيونها : ما رح أتأخر !

وتركت اللعبه وطلعت من الغرفه وتوجهت للخارج بهدوء

جلست بالحديقه و حطت يدها تحت خدها

شافت عمار دخل من البوابه وهو يركض لها

استغربت لما مد لها علبة البوظه : خذي!

ناظرته باستغراب وابتسمت مو مصدقة : لي انا ؟!

عمار ابتسم بمكر وتكلم بسرعه : هذا اعتذار عن ضربي لك بالملعقه

وعن اللعبه

وتركها وتوجه للداخل بسرعه !

ناظرته وهو داخل تحس بالسعاده عمار قلبه

طيب !

مو مثل ما توقعت !

ناظرت العلبه وبلعت ريقها دوم كانت تتمنى

هذي الاشياء !

رفعت نظرها للسياره الداخله ابتسمت

لما شافت أخوها خلف تقدمت منه بابتسامة لما نزل من السياره

مدت يدها تسلم وبيدها الثانيه العلبه : السلام عليكم

تفاجأت بالكف على خدها ناظرته بصدمه ما عملت شيء !!

ليه ضربها ؟!

خلف بعصبيه : كم مره قلت ممنوع البوظه بالبيت ؟!!

انتم ما تفهمون ؟!.

وسحب منها العلبه بقوه ورماها بالزباله : انا فاضي تمرضون وابتلش فيكم ؟!

وبتوعد :وقسم بالله إذا شفتك مشتريه هالزفت إلا اكسر رأسك !

وتركها وتوجه للداخل وهو عافس ملامحه

ناظرت زوله وهو داخل تبغى تصرخ بصوت عالي وتقول مو هي للي اشترت !

ما تدري عن شيء !

ليه يضربها لو قال لها بالطيب ما رح تعانده !

مسحت دمعه خانتها نزلت على خدها

وتوجهت للداخل بهدوء

**

**

**

دخل الغرفه وهو يلهث : فاتكم !!

جودي رفعت رأسها وهي جالسه على السرير : وش فيه ؟!

عمار وهو يأخذ نفس : اشتريت بوظه !

ليان رفعت حاجب : وليه ما اشتريت لنا ؟!

عمار اخذ نفس : اسكتي اقول !

طلعت من البقاله وأشوف سياره أبوي جايه من بعيد

وبسرعه ركضت للبيت ؟!

ليان حطت يدها على خدها : يمكن شافك ؟!

عمار بثقه : لا ما شافني !

وتابع كلامه بعد ضحكه قصيره: دخلت البيت وشفت ساره بوجهي وأعطيتها

العلبه!

وجيتكم ركض !

جودي كشت عليه: يا غبي لو جبتها هنا نآكلها بدون علم بابا !

عمار ضرب جبهته : صحيح لو جبتها هنا!

أنا تعمدت أعطيها علشان تحصل كم طراق يسنعها

جودي تحمست : معقول ضربها ؟!

ليان عفست ملامحها : صوت بابا تحت !

جودي وقفت بدون نفس : يلا ننزل نسلم قبل ما يعصب !

عمار تآفف ونزل مع اخواته !

**

**

**

**

جودي سلمت على خلف : كيف حالك بابا ؟!

خلف بجفاف : بخير

وسلمت عليه ليان بنفس الطريقه

اقترب عمار بابتسامة بعد ما لمح ساره واقفه تناظرهم

مد يده يسلم تفاجئ بالكف على خده : كم مره قلت لك لا تشتري الزفت ؟!

تفكرني غبي ما شفتك وانت تركض !

عمار حط يده على خده يبرر : انا ما

قاطعه وهو يشده من أذنه : ولا كلمه !

الحق على امكم للي ما معها خبركم !

وبصوت عالي : انت تعالي علي !

ساره بلعت ريقها وتقدمت بخطوات هاديه: نعم !

خلف بعصبيه وقفهم قدامهم الأربعة : إذا سمعت أحد منكم مشتري هالزفت إلا ادفنه مكانه فاهمين ؟!

هزوا رؤوسهم بخوف بدون اعتراض

ام عمار دخلت ومطت شفتها على جنب مو عاجبها تصرفاته

خلف ناظرها : تعالي شوفي تربيتك يا مدام ؟!

ام عمار تعرف كيف تصرفه : اخوي ابو عزام اتصل فيني ويبغاك ضروري

فتح فمه : متى هالكلام ؟!

ام عمار حاست بوزها : قبل دقائق!

ويقولك الرجال عنده وينتظر منك الخبر !!

مسك شماغه وطلع من البيت مستعجل

تنفس الجميع براحه !

ام عمار : تعال يا عمار خذ هالصحن لبيت خالك ابو عزام !

عمار بضجر : مالي دخل !

ييجي سلمان ويأخذه !

ساره بحماس : أروح انا ؟!

ام عمار هزت رأسها : تعالي بس لا تتأخرين!

**

**

**

متمدده على الكنبه بملل : اففففف ملل !

ام عزام : قومي اشغلي نفسك بشيء،مفيد !

أسيل وهي تثاوب: نعسانه!

عزام طالعها بطفش : قسم بالله تجيبين الإكتئاب!!

افكر اقابل كتبي أحسن من وجهك !

أسيل مطت شفتها : يا أخي على وش شايف حالك ؟!

قاطعهم دخول ساره تناظرهم وتبتسم : السلام عليكم !

عزام لوى بوزه : انت ؟!

اسيل جلست وناظرتها وابتسمت

ام عزام بابتسامة : يا هلا

ساره حطت الصحن قدامهم : هذا من خالتي ام عمار

عزام ناظرها بحده : كيف تدخلين بدون استئذان ؟!

ساره بتبرير : طقيت على الباب بس ما احد رد !

ام عزام ناظرته بلوم

اعطتهم ظهرها وهمت بالخروج

ام عزام : وين ؟!

ساره ناظرتها وابتسمت : اطق الباب مره ثانيه

ضحكت أسيل بصوت عالي

نهرها عزام بعصبية : عله ان شاء الله !

وش هالضحكه البايخة؟!!،

اسيل كتمت ضحكتها : متخلفة هالبنت ؟!!

ام عزام ما عجبها تصرف اسيل : وبعدين معك يا أسيل ؟!

وناظرت ساره : لا تهتمي لأحد

وقت للي تبغينه ادخلي بدون استئذان !

عزام لوى شفته بقرف : عشتو

دخل سلمان ولوى بوزه بقرف : انت ؟!

التفتت له ساره بابتسامة : ايه انا

جبت لكم صحن فيه ورق عنب

سلمان طلع لسانه بقرف : يع يع

ام عزام بحده: سلمان !

عفس ملامحه : وش فيك ؟!

ومر من جنب ساره ودفها عن طريقه بقرف

وجلس عند أسيل !

طنشت ساره تصرفه وابتسمت : تعال إلعب عندنا !

عزام رفع يده بضجر : خلاص الصحن وجبتيه

فارقي !!

طالعته بطريقه غبيه هز رأسه بأسف : انقلعي على البيت !،

تأففت ام عزام من اسلوب عيالها وبحنيه : اخوي خلف جاء ؟!

عفست ملامحها لما تذكرت الكف وبعدها ابتسمت بتطنيش : ايه جاء وطلع

أسيل بتذكر وقفت: صحيح تذكرت خوله أرسلت

ملابس بناتها ما تبغاهن !،

تعالي يا ساره خذيهن لك !

ساره بفرح : ملابس لي !

وسرعان ما انطفت فرحتها لما تذكرت جدتها

كانت تضربها إذا أخذت شيء من احد ردت بخيبه :،شكرا ما أبغى عندي ملابس !

لوحت يدها للمغادره ورسمت ابتسامة مزيفه : سلااااام

وطلعت تركض من البيت

بعد خطوات مشت بهدوء وخيم عليها الحزن

كان نفسها تشوف الملابس وتلبس مثل باقي البنات !

بس جدتها تزعل منها !

زفرت بضيق وكملت طريقها وهي تتخيل

الفساتين !!

**

**

**

**

ابو سعود تنرفز : خلاص ترى اقرفتيني بذي اللعبه !!

فتحت عيونها عائشه بصدمه : هذا للي طلع معك ؟!

ابو سعود اختنق منها : ايه هذا للي طلع معي !

اعوذ بالله من لسانك ما يسكت !!

نهى ابتسمت على شكل عائشه : بابا راجع من الدوام تعبان يبغى يرتاح !

عائشه بقهر : مقطع الهجر !!

وبترييقه : يبغى يرتاح !

انا الغبيه للي مضيعه وقتي معك !

وحملت لعبتها وهي عافسه ملامحها بزعل

وتركتهم

ابو سعود زفر براحه : انقلعي !

صجت رأسي دودودودودودودودودودودودو

ما تسكت !!

نهى تعمل لها مقعد عند ابوها : دوم نقول لها

لما ييجي بابا تسكت لانك تعبان !

اسماء تكمل : بس ما تسمع الكلام

تقول انك تمثل التعب !

خزهن بعيونه : اقول روحي شوفي الأكل انت واختك ترى ميت جوع !!

عائشه وقفت عند الباب تسمع كلامهم تخصرت : أستاذ تربيه إسلامية وتكذب ؟!

الميت ما يتحرك وما يتكلم وإنت ما سكتت من لما دخلت البيت !

ابو سعود بضجر : يا هالتخصص ذلتنا فيه !

وبعصبيه : انت مين مسلطك علي ؟!

اعوذ بالله !!

فعلا انك ترفعين الضغط وتجيبين السكر !

فتحت عيونها باستنكار : والله ما جبت السكر

انت اشتريته من البقاله الاسبوع الماضي!

ابو سعود حضن راسه بين يدينه : يا رب تعطيني الصبر !!

**

**

**

**

خلف بعصبيه : انا ناقصني مصاريف !!

ام عمار بقهر : تجمع بالفلوس ما ادري وش تبغى فيهن ؟!

خفضت صوتها لعله يلين : يعني البنت بحاجه لملابس !

خلف بلامبالاه : لما يرسل لي محمد فلوس وقتها تروح تشتري !

انا اخذتها تسكن عندي وشرطت ما ادفع فلس واحد !

انقهرت منه : حتى عيالك يبغون ملابس و

قاطعها بعصبية : وبعدين معك ؟!

وش رأيك اصرف الفلوس وأجلس أشحد

علشان حضرتك تتفشخرين !!

وبسخريه : خلي عمي ابو راكان يعطيك فلوس !

ام عمار بقهر : والله أبوي وش دخله يصرف على عيالك !

خلف طنشها وطلع وتكلم وهو طالع : لو أجلس دقيقه الا تفلسيني !!

يوم الخميس

حاولت بكل جهدها تصلح اللعبة وترجعها مثل ما كانت

زفرت بضيق وهي متربعه على الارض وتكلم اللعبه بطفوله : انا اسفه

لاني ما حافظت عليك من تالا الشريره !

رح اخليك بالغرفه حتى ما أحد يأخذك غصب

عني !

أخاف عيشه تزعل مني إذا شافتك كذا ؟!

حضنت اللعبة بقوه : أنا أحبك يا سوزي !

مسحت على شعر اللعبه وبنبره حزينه : تتذكرين لما اشترتك

عيشه من السوق !

أول ما شفتك حبيتك وتمنيت تكونين عندي ! ورجعت لجدتي وطلبت منها تشتري لي لعبة تشبهك !

رفضت تشتري لي ما معها فلوس !

وبصوت خنقته العبره : مشتاقه لجدتي !

ابغى اشوفها !

راحت وتركتني هنا !

سوزي يقولون جدتي خلاص ما رح ترجع مثل ماما وبابا !

وقفت وهي تمسح دموعها

حطت اللعبه على الفراش وابتسمت والدموع تلمع بعيونها : ما رح أتأخر !

وتركت اللعبه وطلعت من الغرفه وتوجهت للخارج بهدوء

جلست بالحديقه و حطت يدها تحت خدها

شافت عمار دخل من البوابه وهو يركض لها

استغربت لما مد لها علبة البوظه : خذي!

ناظرته باستغراب وابتسمت مو مصدقة : لي انا ؟!

عمار ابتسم بمكر وتكلم بسرعه : هذا اعتذار عن ضربي لك بالملعقه

وعن اللعبه

وتركها وتوجه للداخل بسرعه !

ناظرته وهو داخل تحس بالسعاده عمار قلبه

طيب !

مو مثل ما توقعت !

ناظرت العلبه وبلعت ريقها دوم كانت تتمنى

هذي الاشياء !

رفعت نظرها للسياره الداخله ابتسمت

لما شافت أخوها خلف تقدمت منه بابتسامة لما نزل من السياره

مدت يدها تسلم وبيدها الثانيه العلبه : السلام عليكم

تفاجأت بالكف على خدها ناظرته بصدمه ما عملت شيء !!

ليه ضربها ؟!

خلف بعصبيه : كم مره قلت ممنوع البوظه بالبيت ؟!!

انتم ما تفهمون ؟!.

وسحب منها العلبه بقوه ورماها بالزباله : انا فاضي تمرضون وابتلش فيكم ؟!

وبتوعد :وقسم بالله إذا شفتك مشتريه هالزفت إلا اكسر رأسك !

وتركها وتوجه للداخل وهو عافس ملامحه

ناظرت زوله وهو داخل تبغى تصرخ بصوت عالي وتقول مو هي للي اشترت !

ما تدري عن شيء !

ليه يضربها لو قال لها بالطيب ما رح تعانده !

مسحت دمعه خانتها نزلت على خدها

وتوجهت للداخل بهدوء

**

**

**

دخل الغرفه وهو يلهث : فاتكم !!

جودي رفعت رأسها وهي جالسه على السرير : وش فيه ؟!

عمار وهو يأخذ نفس : اشتريت بوظه !

ليان رفعت حاجب : وليه ما اشتريت لنا ؟!

عمار اخذ نفس : اسكتي اقول !

طلعت من البقاله وأشوف سياره أبوي جايه من بعيد

وبسرعه ركضت للبيت ؟!

ليان حطت يدها على خدها : يمكن شافك ؟!

عمار بثقه : لا ما شافني !

وتابع كلامه بعد ضحكه قصيره: دخلت البيت وشفت ساره بوجهي وأعطيتها

العلبه!

وجيتكم ركض !

جودي كشت عليه: يا غبي لو جبتها هنا نآكلها بدون علم بابا !

عمار ضرب جبهته : صحيح لو جبتها هنا!

أنا تعمدت أعطيها علشان تحصل كم طراق يسنعها

جودي تحمست : معقول ضربها ؟!

ليان عفست ملامحها : صوت بابا تحت !

جودي وقفت بدون نفس : يلا ننزل نسلم قبل ما يعصب !

عمار تآفف ونزل مع اخواته !

**

**

**

**

جودي سلمت على خلف : كيف حالك بابا ؟!

خلف بجفاف : بخير

وسلمت عليه ليان بنفس الطريقه

اقترب عمار بابتسامة بعد ما لمح ساره واقفه تناظرهم

مد يده يسلم تفاجئ بالكف على خده : كم مره قلت لك لا تشتري الزفت ؟!

تفكرني غبي ما شفتك وانت تركض !

عمار حط يده على خده يبرر : انا ما

قاطعه وهو يشده من أذنه : ولا كلمه !

الحق على امكم للي ما معها خبركم !

وبصوت عالي : انت تعالي علي !

ساره بلعت ريقها وتقدمت بخطوات هاديه: نعم !

خلف بعصبيه وقفهم قدامهم الأربعة : إذا سمعت أحد منكم مشتري هالزفت إلا ادفنه مكانه فاهمين ؟!

هزوا رؤوسهم بخوف بدون اعتراض

ام عمار دخلت ومطت شفتها على جنب مو عاجبها تصرفاته

خلف ناظرها : تعالي شوفي تربيتك يا مدام ؟!

ام عمار تعرف كيف تصرفه : اخوي ابو عزام اتصل فيني ويبغاك ضروري

فتح فمه : متى هالكلام ؟!

ام عمار حاست بوزها : قبل دقائق!

ويقولك الرجال عنده وينتظر منك الخبر !!

مسك شماغه وطلع من البيت مستعجل

تنفس الجميع براحه !

ام عمار : تعال يا عمار خذ هالصحن لبيت خالك ابو عزام !

عمار بضجر : مالي دخل !

ييجي سلمان ويأخذه !

ساره بحماس : أروح انا ؟!

ام عمار هزت رأسها : تعالي بس لا تتأخرين!

**

**

**

متمدده على الكنبه بملل : اففففف ملل !

ام عزام : قومي اشغلي نفسك بشيء،مفيد !

أسيل وهي تثاوب: نعسانه!

عزام طالعها بطفش : قسم بالله تجيبين الإكتئاب!!

افكر اقابل كتبي أحسن من وجهك !

أسيل مطت شفتها : يا أخي على وش شايف حالك ؟!

قاطعهم دخول ساره تناظرهم وتبتسم : السلام عليكم !

عزام لوى بوزه : انت ؟!

اسيل جلست وناظرتها وابتسمت

ام عزام بابتسامة : يا هلا

ساره حطت الصحن قدامهم : هذا من خالتي ام عمار

عزام ناظرها بحده : كيف تدخلين بدون استئذان ؟!

ساره بتبرير : طقيت على الباب بس ما احد رد !

ام عزام ناظرته بلوم

اعطتهم ظهرها وهمت بالخروج

ام عزام : وين ؟!

ساره ناظرتها وابتسمت : اطق الباب مره ثانيه

ضحكت أسيل بصوت عالي

نهرها عزام بعصبية : عله ان شاء الله !

وش هالضحكه البايخة؟!!،

اسيل كتمت ضحكتها : متخلفة هالبنت ؟!!

ام عزام ما عجبها تصرف اسيل : وبعدين معك يا أسيل ؟!

وناظرت ساره : لا تهتمي لأحد

وقت للي تبغينه ادخلي بدون استئذان !

عزام لوى شفته بقرف : عشتو

دخل سلمان ولوى بوزه بقرف : انت ؟!

التفتت له ساره بابتسامة : ايه انا

جبت لكم صحن فيه ورق عنب

سلمان طلع لسانه بقرف : يع يع

ام عزام بحده: سلمان !

عفس ملامحه : وش فيك ؟!

ومر من جنب ساره ودفها عن طريقه بقرف

وجلس عند أسيل !

طنشت ساره تصرفه وابتسمت : تعال إلعب عندنا !

عزام رفع يده بضجر : خلاص الصحن وجبتيه

فارقي !!

طالعته بطريقه غبيه هز رأسه بأسف : انقلعي على البيت !،

تأففت ام عزام من اسلوب عيالها وبحنيه : اخوي خلف جاء ؟!

عفست ملامحها لما تذكرت الكف وبعدها ابتسمت بتطنيش : ايه جاء وطلع

أسيل بتذكر وقفت: صحيح تذكرت خوله أرسلت

ملابس بناتها ما تبغاهن !،

تعالي يا ساره خذيهن لك !

ساره بفرح : ملابس لي !

وسرعان ما انطفت فرحتها لما تذكرت جدتها

كانت تضربها إذا أخذت شيء من احد ردت بخيبه :،شكرا ما أبغى عندي ملابس !

لوحت يدها للمغادره ورسمت ابتسامة مزيفه : سلااااام

وطلعت تركض من البيت

بعد خطوات مشت بهدوء وخيم عليها الحزن

كان نفسها تشوف الملابس وتلبس مثل باقي البنات !

بس جدتها تزعل منها !

زفرت بضيق وكملت طريقها وهي تتخيل

الفساتين !!

**

**

**

**

ابو سعود تنرفز : خلاص ترى اقرفتيني بذي اللعبه !!

فتحت عيونها عائشه بصدمه : هذا للي طلع معك ؟!

ابو سعود اختنق منها : ايه هذا للي طلع معي !

اعوذ بالله من لسانك ما يسكت !!

نهى ابتسمت على شكل عائشه : بابا راجع من الدوام تعبان يبغى يرتاح !

عائشه بقهر : مقطع الهجر !!

وبترييقه : يبغى يرتاح !

انا الغبيه للي مضيعه وقتي معك !

وحملت لعبتها وهي عافسه ملامحها بزعل

وتركتهم

ابو سعود زفر براحه : انقلعي !

صجت رأسي دودودودودودودودودودودودو

ما تسكت !!

نهى تعمل لها مقعد عند ابوها : دوم نقول لها

لما ييجي بابا تسكت لانك تعبان !

اسماء تكمل : بس ما تسمع الكلام

تقول انك تمثل التعب !

خزهن بعيونه : اقول روحي شوفي الأكل انت واختك ترى ميت جوع !!

عائشه وقفت عند الباب تسمع كلامهم تخصرت : أستاذ تربيه إسلامية وتكذب ؟!

الميت ما يتحرك وما يتكلم وإنت ما سكتت من لما دخلت البيت !

ابو سعود بضجر : يا هالتخصص ذلتنا فيه !

وبعصبيه : انت مين مسلطك علي ؟!

اعوذ بالله !!

فعلا انك ترفعين الضغط وتجيبين السكر !

فتحت عيونها باستنكار : والله ما جبت السكر

انت اشتريته من البقاله الاسبوع الماضي!

ابو سعود حضن راسه بين يدينه : يا رب تعطيني الصبر !!

**

**

**

**

خلف بعصبيه : انا ناقصني مصاريف !!

ام عمار بقهر : تجمع بالفلوس ما ادري وش تبغى فيهن ؟!

خفضت صوتها لعله يلين : يعني البنت بحاجه لملابس !

خلف بلامبالاه : لما يرسل لي محمد فلوس وقتها تروح تشتري !

انا اخذتها تسكن عندي وشرطت ما ادفع فلس واحد !

انقهرت منه : حتى عيالك يبغون ملابس و

قاطعها بعصبية : وبعدين معك ؟!

وش رأيك اصرف الفلوس وأجلس أشحد

علشان حضرتك تتفشخرين !!

وبسخريه : خلي عمي ابو راكان يعطيك فلوس !

ام عمار بقهر : والله أبوي وش دخله يصرف على عيالك !

خلف طنشها وطلع وتكلم وهو طالع : لو أجلس دقيقه الا تفلسيني !!