نطقت بِ همس : سَهم !

ما وصلها أي رد منه !

قربت منه اكثر وقالت : سَهم ولد بنتأخر على التدريب !

برضوا ما وصلها أي رد !

مدت يدها لَ كتفه بِ تردد وهزته وماهي الا بّ ثواني مسك يدها بسرعة وسحبها له الين صارت منسدحة على السرير وهو فوقها !

بلعت ريقها بِ خوف وتوتر من ردت فعلها وقالت بِ صوت اشبه للهمس : ءاا ابعد عني !

سَهم بّ حدة : وش كنتي تسوين ؟

حور بخوف : ءاا قلت لك ابعد عني !

ردد كلامه وهو ينتظرها فَنطقت : كنت ابي اصحيك على التدريب عشان لا تتاخر وشكله ما ينفع معك المعروف !

صمت لِ مدة وهو يناظر لِ ملامح وجهها الانثوية بِ تأمل لكن صحى على حركتها وهي تحاول تبعد عنه !

رمى يدها وقال بحدة : تبي تصحيني مرة ثانية سوي أي شي بس لا تلمسين كتفي فهمتي !

بلعت ريقها وقالت : ططيب !

ابتعد عنها وقامت بسرعة !

حس على توترها وخوفها من قربه لكن ما اعطى الموضوع اهمية !

بدل ملابسه وطلع وراها لِ مكان التدريب !

- في مكان أخر -

كانت جالسة جنب قبر امها تسلم عليها وتقراء على قبرها الفاتحة ، حست على صوت البكاء القريب منها !

شتت انظارها حَولها وشافت احد من جنس ادام معطيها ظهره ، اتاكدت ان صوت البكاء من عنده فَ تمت جالسها مكانها الين حست ان صوت البكاء بداء يخف او بالاحرى اختفى !

شافته من قام واتجهت له بسرعة وقالت : هيي انت !

لف عليها وناظرها بدون ما ينطق بِ أي حرف !

روح بِ هدوء : مين الي ميت لك ؟

ما رد عليها وكان بيمشي لكن وقفه كلامها وهي تقول : انتظر شوي ، اسمع بقول لك على شي بسرعة قبل لا يجي ابوي !

تلفتت حولها وهي تتاكد ان للحين مافي أي اثر لَ ابوها وقالت : ما ادري مين الي ميت لك بس ماشاءالله عليك رجال طول بّ عرض تبكي على ميت ؟ شوف انا انثى وأمي ماتت وانا طفل صغيرة وما بكيت ، كلنا على ذا الطريق فَ لا تبكي لان بكائك ذا ما راح يرجعها مدري يرجعه فّ لو تدعي للميت ذا افضل لك ترا !

حست على صوت ابوها وهو يقول بّ صوت عالي لكن بعيد : روح ، يَ روح !

روح بسرعة : فكر فالي قلت لك عليه وصدقني البكاء ما راح يفيدك ، بيفرغ الي فّ قلبك لكن ما راح يرجع ذا الميت ، ثم ابتعدت عنه واتجهت لَ ابوها !

اما قَوس فَ تم واقف مكانه وهو يراقبها تجري بِ اتجاه ابوها !

زيدان بّ نرفزة : فين كنتي ؟

روح بتوتر : ءاا عند قبر أمي !

زيدان : اطلع فالسيارة هيا تاخرنا !

هزت راسها بالايجاب وطلعت فالسيارة وحرك زيدان للبيت !

- المعسكر -

بعدما خلصوا تدريباتهم اتجهوا جميعهم لِ غرفهم الا حور الي راحت مع عبدالرحمن وأوس !

جلست معاهم لِ مدة تعتبر طويلة بِ نية انها ترجع الغرفة ويكون سَهم نايم ثم رجعت لَ غرفتها !

شافته جالس مع عيال من المعسكر ويلعبون ورق !

بلعت ريقها بِ خوف وكانت بترجع لَ عبدالرحمن وأوس لكن وقفها صوت سَهم الي قال : فين رايح ؟

حور بتردد : ءاا لَ عبدالرحمن وأوس ليه ؟

سَهم وهو يرمي اخر ورقة بّ يده وقال : ادخل الغرفة !

هزت راسها بالنفي وكانت بتطلع لكن وقفها صوته وهو يقول : فزت عليكم هيا كملوا اللعبة بّ غرفكم !

زفرت بِ راحة ودخلت الغرفة بعدما شافت العيال يلملمون اغراضهم ثم طلعوا من الغرفة !

سَهم بِ تسال : انت من متى قريب من عبدالرحمن وأوس ؟

جلست على سريرها وقالت : من يوم جينا المعسكر وهم اصدقائي !

انسدح سَهم على السرير وقال : ليه اشوفك تخاف من الكُل ومنهم ما تخاف ؟ ماسكين عليك شي ؟

توترت من سؤاله وشكت ان عبدالرحمن وأوس يدرون انها بنت فَ قالت بخوف : ليه قالوا لك شي ؟

سَهم : لا بس انا كذا شايف !

زفرت بِ راحة وقالت : ايه قلت لك لاني تعودت عليهم وكذا !

ثم قامت للحمام وبدات ملابسها وانسدحت فّ سريرها وهي تنام !

- فّ مكان جديد -

دخل للمستودعات وهو ينطق بِ صوت عالي : رمّاوي !

طلع رمّاوي من المستودع وهو يقول : هلا ؟

قَوس : في وحدة اعرف اسمها بس وابي اعرف عنها كُل شي ، مهمتك !

دخل رمّاوي ورا اخوه وقال : وش اسمها ؟

قَوس : روح !

هز راسه رمّاوي بالايجاب وسحب لابتوبه وهو يدخل برامج ويطلع من برامج وبعد مدة حط اللابتوب امامه وقال : ذول كُل الروح موجودين قدامك لاقيها !

بداء قَوس يقلب بالاسماء لِ عدة دقائق الين وصل لَ البنت الي جالس يبحث عنها !

دخل على الاسم وهو يقراء الملف حقها بِ كُل هدوء وتمعن ثم دخل على ملف ابوها وانتقل لَ ملف زوجة ابوها !

عرف ان زوجة ابوها تزور المستشفى كُل فترة بسبب عدم انجابها للأطفال فَ سحب ورقة وكتب عليها اسم روح بالكامل وموقع بيتها واسم المستشفى الي تروح له زوجة ابوها وطلع من البرنامج وقال : لابتوبك لا تنساه !

اخذ رمّاوي اللابتوب وقال : لقيتها ؟

هز راسه قَوس بالايجاب ثم طلع من الغرفة الي هو فيها !

اتجه لِ احدى الرجال الي يشتغلون عنده وقال : شايف ذا المستشفى ؟ ابيك تروح للدكتورة المسؤولة عن حرمة اسمها سعدة وتقول لها تستدعيها لأي شي ولو صار وعاندت الدكتورة هددها بالقتل فهمت !

هز راسه الرجال وطلع من المكان ينفذ الي طلبه قَوس !

- فّ مكان جديد -

زينب : صدقيني راح تندمين يَ وتر ، ابعدي عن الشر وانتِ ادرى ان امك قبل لا تموت قالت لك ذاك الحقير ما يبي زوجته تشتغل !

وتر بِ عناد : ذاك الحقير من يوم الي ملك علي وهو مختفي ، لا وكُل شهر يرسل لي فلوس وكاني بحاجة فلوسه !

زينب : الحق على امك لو زوجتك لأي احد ثاني كان افضل لها على الاقل كان زواج حقيقي مو مسيار !

وتر بغصة : وانا شذنبي اذا ما كنت افهم لَ كُل ذي الاشياء ؟ ما كنت ادري وش الفرق بين الزواج الحقيقي ولا المسيار ! المهم الحين انا جربت الشغل وصرت اعرف كُل شي لكن احس بّ توتر لان الحين ببدأ اشتغل شغل مو تجربة !

زينب بِ هدوء : مدري ولله بس احس ماله داعي التوتر دامك مجربة الشغل وعلى خير وانتِ الحين روحي نامي عشان الخرابيط الي بتسويها بكرا !

توسعت ابتسامة وتر من تذكرت ان بكرا اول يوم شغل لها ثم قفلت واتجهت لِ سريرها !

تلحفت وغمضت عيونها وما حست على شي الا لَ بعد عدة ساعات !

رن المنبه وقامت على صوته ، ناظرت الساعة واتجهت للحمام ، توضت وصلت ثم لبست ملابسها واتجهت للشغل بِ مساعدة المواصلات !

بعد مدة وقفت امام المقهى وهي تناظهر بِ ابتسامة ثم سمت بالله ودخلت مباشرةً لِ غرفة التبديل !

اتجهت الدولاب وبدلت ملابسها من عباية الى ملابس الشغل ، عدلت طرحتها وحطت الكرت الصغير الي مكتوب عليه اسمها بالكامل على صدرها وطلعت للمقهى وبدات تتوجه لكُل طاولة ، تاخذ الطلب وتعطيه للعمال الي داخل المطبخ يجهزونه !

ما كانت ملاحظة الطاولة الموجودة في زاوية المقهى عكس الي لاحظها !

كانت الوحيدة المُحجبة والانثى فّ ذا المقهى ، جذبه ثقتها الي ظاهرة عليها بسبب حركاتها !

رفع يده رمّاوي وجى احدى العُمال !

رمّاوي : ابي ذيك البنت هي الي تاخذ طلبنا !

هز راسه العامل واتجه لَ وتر وهو يقول : وتر ، روحي خذي طلب ذيك الطاولة !

هزت راسها بالايجاب واتجهت لطاولة وبيدها دفتر صغير وقلم !

نطقت بِ ابتسامة مدموجة بِ ثقة : كيف اقدر اساعدكم ؟

ناظر رمّاوي لِ ملامحها ونزل انظاره على الكرت الصغير الموجود عند صدرها ، قراء اسمها بالكامل !

ناظر حوله بِ توتر وقال بسرعة : باقي ما اخترنا روحي الحين !

عقدت حواجبها وتر من اسلوبه لكن ما اعطته اهمية ورجعت تكمل طلبات الموجودين !

تم يراقبها الين شافها وقفت على جنب بعدما اخذت طلبات الجميع !

استأذن من الموجودين واتجه لها بسرعة وسحبها من معصمها بِ هدوء وهو يحاول ما يلفت نظر أي احد !

اتجه للحمام وسحب العلامة الصفرة الي تشرح انه يتم تعديلات فالحمام ثم دخل للحمام ودفها على الجدار بقوة وقال : انتِ وتر بنت تومان؟

وتر بنرفزة : هيي وش الي سويته انت ؟ ووش دخلك بّ مين انا !

رمّاوي بِ حدة : جاوبي على سؤالي احسن لك !

تخصرت وتر وقالت بتحدي : ماني بّ قايلة لك وورني وش بتسوي !

قرب منها وحاوط رقبتها بّ يده الضخمة وقال : اقتل ولا يرف لي جفن !

احمر وجهها بسبب شده على رقبتها وبدات تحس بأن الاكسجين قل عندها !

حاولت تبعد يده عنها لكن ما قدرت !

رمّاوي : انتِ وتر بنت تومان ؟

أشرت له بّ عيونها بِ معنى " ايه انا "

هز راسه وابتعد عنها سحب شماغه وتلثم فيه ثم مسك معصمها وحط يدها ورا ظهرها عشان لا تفلت منه ثم حط يده على فمها ومشى بسرعة وهو يتفقد كُل شي حوله !

طلع من المقهى بِ هدوء وبدن ما يلفت نظر أي احد فيهم !

اتجه لِ سيارته وابعد يده عن فهمها ، بدأت صرخاتها تنتشر فالمكان لكن دخلها السيارة بسرعة وقفل الباب ثم طلع مكانه وحرك من المكان !

وتر بِ صراخ : وش تسوي انت !

مدت يدها لِ مسكت الباب لكن سبقها وقفل الابواب من عنده !

صرخت بّ نرفزة : شتبي انت شتبي !

ما رد عليها وكمل سواقة وهو متجاهل وجودها رغم صراخها وتساؤلاتها الي ما وقفت !

بدات وتر تحس بالخوف ، هو الحين خطفها يعني ؟

تجمعت الدموع بّ عيونها وهي ما معاها ولا وسيلة تكلم زينب الوحيدة الي ممكن تساعدها !

صارت تبكي لِ مجرد ما خطرت فّ بالها فكرة انها انخطفت !

بعد مدة صفط رمّاوي السيارة قدام احدى البيوت !

نزل من السيارة وتوجه لها ، فتح الباب وسحبها بِ عنف !

دخل للبيت وقفل الباب ، رماها على الارض وقال بِ صوت اشبه للصراخ : وش تسوين انتِ ؟

بلعت ريقها بِ خوف وقالت : ءاا وش سويت ؟

رمّاوي بصراخ اعلى : مو كُل شهر يوصلك مبلغ كويس ؟ ليه تشتغلين لا واسمك بالكامل حاطيته وسام على صدرك !

بداء التوتر ينتشر بّ كامل جسدها ، من كلامه الي قاله تاكدت انه زوجة الي ماخذها مسيار !

نطقت بتسال وخوف : ءءاا انت الي جيتنا قبل كم سنة ؟

نزل لَ مستواها ومسك فكها بِ عنف وقال : كويس متذكرة ، ما قالت لك امك ان الشغل تنسيه ؟ لا ويا ليتك تشتغلين فّ مكان زي الناس !

بعدت يده عن وجهها وقالت : وانت شدخلك فالمكان الي اشتغله ؟ ووش دخلك فّ شغلي ؟

رفع حواجبه وقال : مو توك قلتي وبلسانك انت الي جيتنا قبل كم سنة ؟ وش صار قبل كم سنة ؟ الي صار هو الي يثبت ان لي شغل فّ كُل شي تسويه !

وتر ببكاء : بس الزواج مسيار !

رمّاوي : مسيار ولا غيره وش كان شرطي فّ ذاك الوقت ؟

قامت وتر عن الارض وهي تبعد عنه ، تجاهلت سؤاله واتجهت للباب !

كتف يدينه ولف عليها وهو ينتظر ردة فعلها !

لفت عليه وتر وقالت : افتح الباب !

تجاهلها رمّاوي ودخل الغرفة ، اتصل لاحدى الرجال الي كان جالس معاهم ووصله الرد ، اعتذر عن الحضور بّ احدى الكذبات ثم قفل الخط !

تاكد من كُل الشبابيك انها مقفلة ثم اتجه للفتاه الي جالسة فالصالة تنتظره يفتح لها الباب !

تقدم منها ومسكها من طرحتها وقرب وجهه من وجهها وقال بِ انتصار : انا تاكدت من الشبابيك والحين بطلع وبقفل الباب ان كان بّ مقدور تهربين لا تقصرين !

ثم ابتعد عنها وطلع !

اما وتر فَ ما تنكر ان قربه الزايد وترها لكن تبدل توترها بِ خوف من تذكرت انه منجد بيتركها فالبيت لحالها !

حاولت تهدي نفسها بّ أذكارها وترديدها للأدعية والايات القرآنية الي حافظتها !

- بيت زيدان -

كانوا جالسين فالحوش مثل العادة سعدة تسولف وزيدان يسمع لها اما روح فَ كانت فالمطبخ تحضر الاكل !

سمعت اتصال هاتف البيت فَ قالت سعدة بصراخ : يَ روح ردي على الهاتف !

مسحت روح يدينها من الموية وركضت بِ اتجاه الهاتف وهي ترد !

حطت روح يدها على سماعة الهاتف وقالت بّ صراخ : خالتي هذي الدكتورة تبي تكلمك !

شهقت سعدة وقامت بسرعة بِ اتجاه الهاتف وقام وراها زيدان !

اخذت الهاتف من روح ودت على الدكتور وبعد مدة من الحديث قالت : ابشري الحين نطلع عشان نوصل المستشفى الصباح من بدي ثم قفلت !

لفت على زيدان وقالت بسرعة : قال ان في فحوصات لازم نسويها ، هيا خلنا نلبس عشان نلحق !

زيدان بِ سرعة : ايه طيب !

لبسوا ملابسهم واخذوا كُل الي يحتاجونه وطلعوا ثنينهم من البيت مُتجهين للمدينة !

اما روح فَ كملت طبخ وبعدما خلصت غرفت لها صحن وجلست امام التلفزيون تستمتع بالوقت الي ابوها وزوجته مو موجودين فيه !

- أمام بيت زيدان -

كان يراقب كُل شي فالمكان ، شاف زيدان وزوجته طلعوا فالسيارة وابتعدوا عن المكان !

ابتسم بِ انتصار ورجع لَ نفس المكان الي صفط فيه سيارته وصفطها أمام بيت زيدان !

اخذ الشاش الي فيها مخدر ونزل من السيارة وقرب من الباب لكن تراجع بعدما سمع اصوات الطلقات الي انتشرت فالمكان بأكمله !

رجع للسيارة وهو يسحب مسدسه ووقف ورا احدى الاشجار !

حس ان اصوات الطلقات بدات تقرب منه فَ صوب المسدس بّ حيث يقدر يضرب على الي امامه !

شد على زناد المسدس وبداء يطلق بنية تخويف الي جالسين يطلقون لكن صوت طلقته خلى الطرف الاخر يزيدون فّ طلقاتهم !

كان يتنقل بين الشجر ويحاول يقرب منهم وينهي حياتهم وبالفعل قدر يصيب احدى الموجودين !

لكن الي خلاه يتراجع فقدانه للطلق !

صار يشتم حظه ولف ظهره وهو يرجع للسيارة !

بداءت اصوات الطلقات تهداء وبعد مدة بسيطة جداً عم الهدوء فالمكان ، التفت قَوس لَ الشي الي جاي عشانه !

اخذ الشاش مرة ثانية واتجه للباب لكن حس بالطلقة الي ضربت كتفه ثم اختفى الصوت !

حط يده على كتفه وهو يتحسس المكان وعيونه مغمضة بسبب الالم !

رمى الشاش بالارض وطرق الباب بِ صعوبة !

ما سمع أي رد ، طرق الباب مرة ومرتين وثلاثة الين قربت الفتاه الموجودة داخل البيت وميتة من الخوف بسبب الي صار !

سمع نفس الصوت لكن ذي المرة بِ نبرة خائفة : ممين !

قَوس بألم : انا !

روح بِ خوف : ممين انت ؟

قَوس : ساعدين !

↚

↚

↚

↚

↚

↚

↚

↚

↚