نطقت بسرعة : مين الزفت الملابس ؟

اشر لها رمّاوي على مكان الاغراض !

اتجهت لهم واخذتهم ودخلت لِ عرفت رمّاوي !

فتحت الاكياس وسحبت منهم الفستان الاحمر ، فصخت ملابسها ولبسته بسرعة !

زفرت بِ راحة وجلست على السرير ، اخذت الكعب ولبسته وبذا الوقت فتح رمّاوي الباب !

رفعت نظرها له وهي تناظره بِ ثقة !

استغربت من قرب منها وحط ركبته على الارض !

اخذ منها الكعب وقال بِ سخرية : ما عمرك لبست كعب ؟ مو كذا يتلبس ترا !

حست بِ اهانة من كلامه لكن ما نطقت بِ حرف !

لبسها الكعب ثم ابتعد عنها وقال : حطي العباية والطرحة عليك وقدامي هيا !

سوت الي يبيه بِ هدوء عكس الي جواها ثم طلعت بالسيارة معاه !

اما رمّاوي فَ حرك بِ اتجاه بيت اهله !

كان الصمت سيد المكان ، قطع الصمت وهو يقول : ان سئلوك متى تزوجنا قولي من كم يوم فهمتي ؟

لفت عليه وقالت بِ سخرية : بس الي اعرفك انك متزوجني من مدري كم سنة ، اعذرني ما احب اكذب فَ بقول لهم انك جيتنا قبل كم سنة وقلت لامي ابي بتنك بزواج مسيارك ولك الي تبينه !

حست على السيارة الي وقفت بسرعة وبدون سابق انذار !

لفت عليه واول ما التقى وجهها بِ وجهه مسك فكها بقوة وقال بِ حدة : خليني اسمع ذا الكلام على لسانك قدامهم !

ان سئلوك مين انتِ بتقولين زوجة رمّاوي الجديدة وان سئلوك من متى متزوجين كُل الي عليك انك تقولين من كم يوم ، أي شي ثاني قولي لهم مدري فهمتي ولا اعيد !

حست بالخوف من حدته بالكلام وملامح وجهه ، نطقت بِ هدوء : ءءاا تمام !

ابعد يده عن فكها بِ عنف ثم حرك بِ اتجاه بيت اهله !

- زيدان -

صفط سيارته ونزل منها والشر يطلع من عيونه !

طرق الباب وفتحت له روح !

حست على الي مسكها من عنقها وقال بِ صراخ : تستقبلين عيال بغيابي ؟

روح بخوف : يبه تكفى ولله بس ساعدته ولله !

طلعت سعدة من المطبخ على الصرخ وقالت : زيدان !

دفها زيدان على الارض وضربها بِ قوة !

اما سعدة فَ كانت واقفة وتناظرهم بِ انتصار !

ابعد زيدان عن روح بعدما رن جواله !

تنهد بقوة وفتح الخط وهو يحطه على اذنه ويقول : هلا خلف !

خلف : هلا فيك يرجال وينك ووين اراضيك ؟

جلس زيدان على الكنب وقال : ولله ولا مكان ، عسى ما شر ؟

خلف : صقر ولدي قدم على العسكرية وبسبب اوراقه تاخر شويتين وقلت لي ان بنتك ذيك الي سجلتها ولد راحت للمعسكر فَ لو تبي شي صقر راح يكون فّ نفس المعسكر حق بنتك !

زيدان بسرعة : ايه ولله هاته بالله خلني اكلمه !

اعطى خلف الجوال لِ صقر ورد صقر وهو يسلم على زيدان !

نطق زيدان : هي قصيرة وملامحها طفولية واسمها ناصر بين الناس ، لو شفتها انتبه لي عليها وخلها تحت عيونك !

نطق صقر : ابشر يَ عم !

ثم قفلوا !

رمى جواله على الكنب وناظر فالصالة ، كان يبي يقوم يكمل على روح لكن وقفته سعدة وهي تساله : وش صاير !

جلس زيدان مع سعدة وسرد لها الي صار !

اما روح فَ دخلت غرفتها وقفلت الباب عليها بِ خوف من ان ابوها يرجع ويضربها !

رغم الضرب الي اكلته الا انها ما ندمت على مساعدتها للرجال الي جاهم فَ نص الليل !

- رمّاوي -

صفط سيارته امام بيت اهله ، نزل من السيارة ونزلت وراه بِ كُل هدوء !

اتجه للباب وطرقه !

فتحت لهم شوق الباب وعقدت حواجبها من البنت الي واقفة جنب رمّاوي !

نطقت بِ هدوء : رمّاوي ، ثم اشرت له بِ عيونها بِ معنى " مين ذي ؟ "

نطق رمّاوي بِ ابتسامة مصنعة : ذي وتر زوجتي !

شهقت شوق وقال : زوجتك ؟ و…

دخل رمّاوي البيت وقاطعة وهو يقول : فين امي ؟

نطق بِ صوت عالي : يمه ؟

طلعت شمس : عُيوني !

ثم طلعت من الصالة وهي تقول : نور البيت نور…

عقدت حواجبها واشرت له على وتر !

رمّاوي : زوجتي وتر !

قربت وتر من شمس وهي تسلم عليها !

توسعت ابتسامة شمس وقالت : ذا اختيار زي الناس مو ذاك !

دخلوا الصالة على اسئلة امه الي كان متوقعها !

جلس على الكنب وقال وهو يجاوب على سؤال امه : ما صار لنا كم يوم متزوجين !

شمس : وسوسن ؟

ناظر رمّاوي بِ وتر الي عقدت حواجبها من الاسم الي انذكر وتنتظر جوابه !

رمّاوي : شوق خذي وتر لَ جناحي و وريها ياه ، من اليوم اغلب وقتنا منعيشه هنا !

توسعت ابتسامة شوق وقالت بسرعة : ابشر من عُيوني ، ثم تقدمت من وتر وهي تقول : تعالي اوريك جناحه وباقي البيت !

قامت وتر من المكان بِ هدوء وصمت اما رمّاوي فَ رد على سؤال امه وقال بِ كذب : طلقتها !

شمس بتسال : ليه وش صار ؟

رمّاوي : ولا شي بس الي بيننا انتهى !

ثم قال : يمه لا تعلمون وتر عن سوسن وبعدين خلاص سوسن صارت من الماضي !

هزت راسها شمس بالايجاب وقالت : كلنا ندري بّ غيرة الحريم يَ ولدي اكيد ما راح اقول لها !

- وتر -

دخلت للجناح مع شوق ، كانت تسمع شوق تسولف وتشرح لها عن البيت لكن مو مستوعبة الي تقوله لان عقلها وتفكيرها الحين محاط حول اسم البنت الي انذكر !

نطقت بِ تردد : ءاا لو سمحتي ، اسمك شوق صح ؟

شوق بِ ابتسامة : ايوه شوق !

وتر : طيب يَ شوق عادي أسألك سؤال ؟

جلست شوق على الكنب وقالت : ايه اكيد !

وتر : مين سوسن ؟

شوق بِ ضحكة : سوسن ؟ ذي بنت غثيثة غثيثة لابعد درجة ، احمدي ربك ما شفتيها ودام انك زوجة رمّاوي الحين ما اتوقع تشوفينها !

وتر بِ فضول : ليه ؟

شوق : ما ادري بس ما اتوقع ان رمّاوي يخليك تلتقين بّ زوجته !

ثم قالت بِ تسال : لحظة ، الحين رمّاوي طلق ذيك الغثيثة ولا ؟

حست بِ قهر من كلامه شوق ، يعني متزوج وغير ذا مو معلمها وجايبها تتعرف على اهله بعد !

تجاهل وتر سؤال شوق وطلعت من الجناح بسرعة بِ اتجاه الصالة !

دخلت الصالة وقالت : مين سوسن ؟

رفع انظاره على الي دخلت وحس على ملامحها !

قام بِ اتجاهها ومسك معصمها ومشى بِ اتجاه جناحه متجاهل لِ اسئلة شوق الي دخلت الصالة !

اما شوق فَ جلست مع امها تقول لها عن الي حصل بّ جناح رمّاوي !

- جناح رمّاوي -

دخل الجناح ودخلها قبله !

رماها على الكنب وقال بِ حدة : وش ذا التصرف ؟

تجمعت الدموع بّ عيونها وقالت : الحين تصرفي هو الي يهمك ؟ سئلت مين سوسن بس ، وش فيها لو سئلتك ؟ مو على اساس اني زوجتك ومدري وش ؟

رمّاوي بحدة : مالك دخل مين هي وتصرفك ذا ان صار وعدتيه صدقيني ما راح يحصل لك خير !

ما قدرت تكتم دموعها اكثر !

نطقت بِ صعوبة والدموع تنزل على خدها : لي دخل وادري انها زوجتك ، دام ان عندك زوجة وش تبي فيني ؟ اتركني اعيش حياتي ، اتركني اكمل شغلي واجمع فلوس الجامعة !

نطق بِ حدة : قلت لك سيرة الشغل مابي اسمعها على لسانك ، وعشان الجامعة من بكرا اخذك واسجلك بِ افضل الجامعات وش تبين اكثر من كذا ؟

مسحت طرف عينها وقالت : ابي اتطلق !

ابتسم بِ سخرية وقال : حلم ابليس بالجنة !

قامت بِ اتجاهه وقالت : مابي منك شي مابي لا فلوس ولا جامعات ولا شي ، اتركني ابعد عني خلني اعيش حياتي مثل ما كنت عايشتها من قبل !

قربت منه اكثر وصارت تضرب صدره بِ ضربات عشوائية وقالت بِ انهيار : عندك زوجة شتبي فيني ؟ ليه ماخذني اذا متزوج ليه ؟

مسك يدينها وقيدهم بّ يدينه وقال بِ همس : اهدي ، ولا حرف !

صمتت لكن صوت شهقاتها ما اختفى !

رفعت نظرها له ونطقت بِ هدوء وصوت باكي : ليه اخذتني دام انك متزوج ؟

نطق بنفس الهدوء : لاني طلقتها !

هدئت ملامحها لِ وهلة ثم قالت بِ هدوء : قول لي كُل شي ، اشرح لي كل شي وفهمني وش موقعي من الخرابيط الي تسويها !

ابتعد عنه وجلست على الكنب وهي تنتظره يشرح لها !

مو من عوايده يبرر لكن ردت فعلها اجبرت يجلس جنبها ويبرر لها !

نطق بِ هدوء : سوسن ذيك هي مجرد بنت تزوجتها مسيار مثلك ، قبل كم سنة اضطريت اتزوج عشان شغلي وطلعت لي امك وعرضتك لي وبعدما ملك عليك وراح الشيخ اكتشفت ان عمرك فّ ذاك الوقت ما تخطى ال ١٥ سنة وانا كنت محتاج لَ وحدة على الاقل ١٨ سنة !

تركت البيت وحلفت ما ارجع بعدما غدرت امك فيني واخوي دبر لي وحدة وتزوجتها عشان الشغل مو اكثر وذيك الوحدة هي سوسن ومن فترة صار بيننا مشاكل وطلقتها وصدفتك فالمقهى وجبتك عشان تاخذين مكان سوسن !

ضحكت بِ صوت عالي وبسخرية وقالت : ايوه يعني انتم تتزوجون بنات الناس مسيار عشان شغلكم ؟

كيف تبي البنات تشتغل معاك وكُل ما قلت لك ابي اشتغل قلت لي لا اسمع كلامك ذا مرة ثانية ؟ وش ذا التناقض ؟

رمّاوي بحدة : شغل عن شغل يفرق !

قامت عن الكنب وقالت بِ ملل : طلقني مثل ما طلقت سوسن !

مسك يدها وسحبها بِ عنف وقال : للحين محافظ على هدوئي ، مابي اوريك الي عمرك ما شفتيه فهمتي !

سحبت يدها بِ قوة وقالت بِ عصبية : اكسر يدك ولا تفكر تلمسني بّ أي طريقة فهمت !

غمض عيونه بِ شدة وقال بِ هدوء : خلينا نتفق اتفاق صغير ، كذا انتِ تكسبين الي تبينه وانا اكسب الي ابيه !

ما ردت عليه وتمت تناظره بِ صمت !

رمّاوي : تبي تكملين جامعتك صح ؟ طيب انا بسجلك بّ احسن الجامعات وبخليك تاخذين راتب بالمبلغ الي انتِ تبينه وبعدما اخلص من ذا الشغل بطلقك وكل شي بيننا ينتهي وش قلتي ؟

وتر بِ عناد : مابي !

رمّاوي : صدقيني الافضل لك انك توافقين لانك على ذمتي واقدر اخليك تجلسين بين اربع حيطان بدون لا طلعة ولا فوتة !

صمتت وتر لِ مدة وهي تفكر بالي قاله ثم قالت : ومتى بتطلقني ؟

رمّاوي : اول ما اخلص شغلي !

وتر : ومتى يخلص شغلك ؟

رمّاوي : ما اضرب بالمندل ولا اعرف بالغيب !

رمشت وتر لِ عدة مرات ثم قالت : موافقة !

ابتسم بِ انتصار واعطاها ظهره ودخل الغرفة اما وتر فَ فصخت عبايتها وجلست على الكنب وهي تفكر بّ كلامه وموافقتها على الشغل معاه !

- سَهم -

كان جالس مع الموجودين وعيونه تراقب الانثى الجالسة مع عبدالرحمن واوس !

رفع الجميع انظاره لَ سيف الي قال : ابي اعرفكم على صقر ، توه وصل وتاخر بسبب اوراقه !

علموه انتم على المعسكر !

ثم اكمل وهو يقول : عبدالرحمن ، صقر من اليوم بيشاركك الغرفة !

عبدالرحمن ناظر بِ أوس وقال : بس انا وأوس فّ نفس الغرفة !

سيف : ادري ، كُل الغرف مكتملة وانا قررت انه يكون معاكم عندك اعتراض ؟

أوس : لا ما عنده !

سيف : امم ظني ، والحين كُل واحد يروح لِ غرفته ويريح شوي لان اليوم في تدريب ليلي !

بداء الكُل يرجع لِ غرفه الا حور الي مثل العادة راحت مع عبدالرحمن وأوس !

دخلوا الغرفة ودخل وراهم صقر !

نطق صقر بِ تسال : الحين حنا اربعة فّ نفس الغرفة ولا ثلاثة ؟

أوس : ثلاثة ، ناصر مو معانا بّ غرفة ثانية !

صقر وهو ياشر على حور : انت ناصر ؟

اكتفت حور بِ انها تناظره بدون ما تنطق بِ ولا حرف !

حك صقر طرف شفته وقال : تشرفنا فيك يَ ناصر !

حست بِ توتر من وجوده ، هي يادوب متعودة على عبدالرحمن وأوس!

نطقت بِ هدوء : اشوفكم فالليل !

ثم طلعت من الغرفة بسرعة بِ اتجاه غرفتها !

دخلت الغرفة وشافته منسدح على السرير !

تجاهلت وجوده واتجهت للدولاب ، اخذت ملابسها ودخلت الحمام بدلت وطلعت وهي تنسدح على السرير !

حست على صوته الي اعتلى وهو يقول : فين كنت ؟

حور : عند عبدالرحمن وأوس ، ليه ؟

سَهم : سؤال مو اكثر !

عم الصمت بينهم وغمضت حور عيونها وهي تحاول تنام اما سَهم فَ لف عليها وهو يناظرها ويعيد ويزيد بّ سؤاله ؛ وش قصتها - ليه متنكرة !

غمض عيونه ببطء وغط بِ نومة عميقة وما صحى الا على صوت الباب !

فتح عيونه بِ تعب واتجه للباب !

كان متوقع انه سيف لكن خابت توقعاته !

نطق سَهم بتسال : عسى ما شر ؟

صقر : التدريب بيبداء بعد شوي فين ناصر ؟

عقد حواجبه وقال : وانت شتبي بّ ناصر ؟

صقر : مابيه يتاخر على التدريب !

حط سَهم يديه على كتف صقر وربت عليه ثم قال : انا معاه ما بيتاخر هيا ورني مقفاك !

كان صقر يبي يرد لكن الجمه الي قفل الباب بّ وجهه !

ناظر سَهم فيها وقال بِ صوت عالي : ناصر !

صحت على قوة صوته وقالت : هلا ؟

سَهم : التدريب بيبداء هيا !

ثم دخل سَهم الحمام اما حور فَ ركضت للدولاب وحطت المشد ثم انتظرته الين طلع ودخلت الحمام وبدلت وطلعت معاه !

مشوا بِ اتجاه المكان الي بيتدربون فيه ووقفوا مع باقي الموجودين !

علمهم سيف على الي بيسوون وبداء الكُل فالتدريبات !

رغم ان التدريبات صعبة ويحتاج لها تركيز الا ان عيون سَهم مركزة على نفس الانثى الي عيونه ما تبعد عنها طول اوقات التدريب !

اما حور فَ كانت مستصعبة التدريبات لكن تحاول بِ قدر المستطاع !

بعد مدة انتهى الكُل من التدريب وبداء الكُل يتجه لِ غرفه بِ تعب وارهاق !

مشت بِ اتجاه غرفتها بِ هدوء ولحالها !

حست على اليد الي حاوطت خصرها من ورا !

رفعت راسها له وعقدت حواجبها من فعلته !

كانت بتنطق لكن تمت صامتة بسبب خوفها !

حاولت تبعد عنه لكن يده كانت شادة على خصرها !

نطق صقر بِ تسال : وش بتسوي الحين ؟

تقدم سَهم وهو يربت على كتف صقر ويقول : بينام !

مد يده لِ معصم حور ثم سحبها له وقال : ناصر ارجع للغرفة !

هزت راسها بالايجاب واتجهت للغرفة بسرعة وبدن ما تلتفت لهم !

اما سَهم فَ قال : شتبي فيه ؟

صقر : ابد ولله ابي اصير صديقه !

سهم : لاقيلك احد ثاني ناصر ماهو بحاجة اصدقاء !

ثم اتجه لِ غرفته متجاهل صقر ورده !

طرق الباب وسمع صوتها وهي تقول : مين ؟

سَهم : انا سَهم !