بعد الغداء

الجد : اي يافهد متى قررتوا الزواج

ناظر فهد جوري الخجلانه ابتسم : بعد أربع شهور ان شاءالله

ابو مشاري : ان شاءالله

اشر الجد على عبدالرحمن:  وانت مو مقرر تتزوج

عبدالرحمن : يرحم والديك اعفيني من الموضوع ذا

ام وليد : شفيكم على الزواج ذا سنه الحياه كل ما قلنا لاحد قال لا

سيف : أنا ابي أتزوج

ناظره ابو مشاري ضحك : انت خلص دراستك ولاحق خير

ناظرت شوق عبدالرحمن : حمني

ناظرها عبدالرحمن و عرف انها بتطلب منه طلب : عيوني لك امريني

ناظرت البنات و لفت تناظره : ابي المول أنا و البنات نجهز للجامعه

عبدالرحمن اشر على عيونه : بس تم ، على المغرب نمشي

ناظرت شوق البنات : يس قلتلكم ما راح يرفض لي طلب

ناظرها الجد : وانت في احد يقدر يرفض لك طلب

ابتسم شوق و تقدمت لها وتين : شوشو عادي تلعبي معي بالمجلس واشرت على المجلس

شوق: حاظر عيوني لك

وقفت شوق تمسك يد وتين المبسوطه و راحت معها للمجلس و جلست

شوق : وين اخوانك

وتين وهي جالسه تلعب تركب الليقو: برا

شوق مسحت على راسها : وانت ليش ما تلعبين معهم

وتين : لولوه تهاوشني

ابتسمت شوق : طيب ، يالله أساعدك بالتركيب

هزت راسها وتين و بعد مده تأففت : مره صعبه

هزت راسها شوق : يالله الحين نخلص

وقفت وتين : أنا بروح انادي دودي و ركضت

↚

دخلت وتين المجلس وتقدمت لعوض : عمو عادي تساعدي بالليقو انت تعرف

نزل عوض بياله الشاي و وقف يمسك يدها و يمشي للمجلس اللي كانت جالسه فيه شوق على الأرض تحاول تركب الليقو نطقت وتين : شوشو قلت لعمو دودي يجي يساعدنا

رفعت راسها و ناظرت عوض و ضحكت بصوت عالي : دودي ، و اشرت عليه : ذا دودي

ناظرها عوض حك جبهته و ابتسم يجلس

ناظرته وتين : شوشو حاولت بس شوف مره صعب

ضحكت شوق : شوشو و دودي ، يا حلوك تعالي عطيني بوسه

وقفت وتين تقدمت تعطي شوق بوسه ناظرها عوض و ابتسم و مد يده : عطيني ورقه التعليمات

مدت له شوق الورقه اخذها و بدأ يساعدهم ناظرها جالسه تركب : اسف مو قصدي اللي صار امس

شوق و هي جالسه تركب و منزله راسها : مايهمني اسفك أصلاً

عوض ناظرها : كيف مايهمك جرحتك ما كان قصدي

التفتت شوق لوتين وتجاهلته : شاطره توته سويتيها صح عطيني كف

مدت وتين كفها الصغير لكف شوق ناظرها عوض و كمل يركب الليقو

بعد مده خلصوا من التركيب وقف وتين بحماس تنط : اخيراً سويتها ، شكرا مرههههه ابي أنادي بابا يشوفها

راحت وتين تركض لوليد ابوها

ناظرتها شوق كيف مبسوطه انها بتعلم ابوها نزلت راسها ليدها و فركتهم ببعض حست بغيره او شعور غريب ليش أنا ماعندي أب زين ليش أنا ابوي يعاملني بالطريقه ذي ليش و ليش و ليش و مليون ليش في بالها و كلهم مالهم جواب صريح

تنهدت تنهيده واضحه التفت لها عوض : شفيك

هزت راسها بالنفي

دخل وليد مع وتين اللي كانت ماسكه يده ابتسمت شوق بضيق

وتين اشرت : شوف بابا سويناه أنا وعمه شوشو و عمو دودي

ناظر وليد عوض و اشر عليه : الحين ذا بطوله و عضلاته دودي

ضحكت شوق

عوض رفع أكتافه بقل حيله : الشكوى لله

ضحك وليد و جلس معهم : شوشو طيب لايق ناظرته شوق و اكتفت بأنها تبتسم و كمل : بس انت اشر عليه من فوق لتحت و ضحك

وتين : بابا ليش تضحك شوف الليقو

التفت وليد لوتين : شفته مره حلو  ، ساعدتيهم

وتين : اكيد

اشر لها وليد على حضنه و تقدمت تجلس وتين بحضن ابوها قبل خدها : كفو بنتي شاطره

ناظرت شوق وليد و وتين و كيف يعامل بنته بحنيه و كيف يحبها حزت بخاطرها وقفت بتمشي : أنا بروح داخل عند البنات

تقدمت شوق تطلع برا المجلس للحديقه

ناظر عوض وليد : وليد خفف الحركات ذي قدام شوق

عقد وليد حواجبه بعد فهم : اي حركه

عوض : لا تجلس تعامل عيالك كذا قدامها وانت عارف ابوها وش

وليد بعد وتين عن حضنه : نسيتها أصلاً مو بالقصد

وقف عوض و ربت على كتف وليد : عارف وليد بس انتبه الله يخليك

وليد : خلاص ولا يهمك

تقدم عوض يطلع برا المجلس و يدخل المجلس الكبير اللي كانوا جالسين فيه التفت يناظرها و ماشافها موجوده طلع برا المجلس للحوش و بدأ يمشي ويدور عليها لين وصل للحديقه و شافها جالسه على الكرسي اللي يتمرجح و حاطه السماعه بأذنها و سرحانه تناظر الأرض تقدم لها : عادي اجلس

انتبهت له شوق و رفعت راسها و وقفت: ابي ادخل اجهز علشان اروح المول

هز راسه عوض و مشت تتقدم تدخل للبيت

دخلت غرفتها و بدت تجهز تحاول تنسى دخلت عليها جوري : أنا خلصت

ناظرتها شوق : غلا خلصت

هزت راسها بالنفي : انت ِ خلصتي

شوق اللي كانت ماسكه الروج : آخر اللمسات بس و البس

ابتسمت جوري لها : تجننين أنا راح انزل أنتظركم تحت

شوق : حبيبتي انتي جوجو ، طيب يالله البس و انزل لك

تقدمت جوري تطلع و تقدمت شوق تطلع عبايتها البنفسجيه تلبسها و حطت الطرحه على كتفها و طلعت شعرها و حطت آخر لمساتها العطر و تقدمت تنزل للمجلس

دخلت المجلس : السلام عليكم

عبدالرحمن وقف : يالله طولتي

شوق : طيب جيت

مشوا جوري و غلا و شوق يخرجون من البيت ركبوا السياره و كانت السياره ممتلئ بصوت انغام و البنات يغنون :

لو اختار ما بين نفسي و مابينك هعترف

بإن انت أغلى و أولى وكمان اولاً

بحبك سنين في السر ومحدش عرف

وانا ادفع سنين تانيين و احبك في العلن

وقف الاغنيه عبدالرحمن: اي كيف الاستعداد و الحماس للجامعه

شوق بحماس : مليوننن و الله مليون

غلا : كذا شعور غريب اني اجهز للجامعه المكان اللي كنت احلم فيه تنهدت : اخيرا راح أصير فيه

جوري : صدقني محد قادر يوصف شعورنا

عبدالرحمن: الحمدلله

↚

بعد فتره وصلوا المول و بدوا يتسوقون و يجهزون للجامعه التفتت شوق لجوري وغلا : بنات أنا خلصت اخذت الشنطه ابي اروح اخذ حلويات من هذاك و اشرت على المحل الصغير

جوري : طيب حنا نخلص و نجيك

تقدمت شوق تشتري حلويات بحماس وفرحه و كأنها طفله ٥ سنوات بعدها دخلت للمحل اللي كانوا فيه البنات : ما خلصتوا

غلا : يالله خلصت

مشوا يكملون باقي تجهيزات الجامعه و كانت الفرحه مو سايعتهم بعد مده خلصوا مشتريات و رجعوا البيت دخلوا البيت و توجهوا للمجلس اللي كان الكل يجتمع فيه ، دخل عبدالرحمن : سلام

الكل : وعليكم السلام

الجد : خلصوا تجهيزات الجامعه

هز عبدالرحمن راسه : تجهيزات زواج مو جامعه

ناظرته شوق : شي طبيعي اول فصل لي ابي أكون احلا وحده

ضحك ابو وليد : ما عليك احلا وحده انتِ محد يغطي على جمالك

ابتسمت له شوق و ناظرت الكيس و طلعت منه اللابكوت و تقدمت لعبير : ماما شوفي

ابتسمت عبير : ياعمري على البركه بالتوفيق ، البسي يالله

هزت راسها شوق و بدت تفصخ العبايه تحت أنظار عوض اللي كان مبسوط لفرحتها و لبست اللابكوت : كيفه علي جدي

الجد بفرح : ماشاءالله ماشاءلله على البركه دكتورتنا

تقدمت شوق تحضنه و قال ابو وليد : ناقصه شي

ناظرت شوق لبسها : وش

عوض وقف : عرفت وش خليك لابسه اللابكوت لا تفصخينه اجيب الناقص و أجيك

هزت راسها شوق و تقدم عوض يصعد لغرفته يجيب السماعه و لمح نظراته على المكتب ابتسم و أخذهم و نزل تحت يركض و دخل : يالله جبتهم

ناظرته شوق و تقدم يحط السماعه على رقبتها و يرفع شعرها البني و فاحت منه ريحه عطرها اللي اسرته ناظر عيونها ابتسم و حط و النظاره على عيونها : كذا صدق دكتوره

ضحكوا و قال ابو مشاري : ماشاءالله لايق عليك صدق تكونين دكتوره

بعدت شوق شعرها و ابتسمت : اكيد لأني بنت عبير و جدي سعد

ضحكوا على طريقه حركتها و ضحك عليها عوض وقال: بالتوفيق إذا احتجتي شي لا يردك لسانك

هزت راسها شوق : ما تقصر

جود ضحكت : كأنه العلاقه متحسنه

العنود : اي صح اليوم ما تحارشوا

لجين : صح غريبه صايرين هادين

عبدالرحمن ضحك : مهدده

التفتت عليه جوري تضحك: امانه انت بعد لان ابوي بعد جلس يهدده

عوض ناظر شوق : ما بقى احد ما هددني و قلت اسكت و اكبر عقلي

سيف وقف قدامهم و حرك يده بأرقام : واحد ، اثنين ، ثلاث ، اكشن الان سوف يعرض فلم عوض و شوق فلم مليئ بالمحارش و المناقر و الزعل جهزوا الفشار و القهوه و الشاي

ضحكوا و ضربه عوض على راسه : مسوي تكنت

ضحك سيف و مسك راسه ناظرته شوق : أنا اللي راح اكبر عقلي و اصعد غرفتي احسن لي

مشت شوق تتقدم لغرفتها و دخلت فصخت النظاره و السماعه ناظرتهم و ضحكت وقالت : بكرا أرجعهم له

تقدمت تبدل ملابسها لبجامه و تمسح مكياجها و تجمع شعرها و تقدمت تنزل تتعشى دخلت المجلس و جلست جنب عبير : انتظريني لا تاكلين اجيب ادويتك و اجي

اكتفت بهز راسي وقفت عبير تجيب أدويه شوق ، بعد فتره جت عبير بالأدويه و جهاز السكر : سكر اول عطيني إصبعك

قدمت اصبعها شوق لعبير و جلس يناظرها عوض كيف تألمت من غزت الابره بأصبعها و ابتسم بخفه كيف من ابره صغيره تتألم اجل كيف الاشياء الكبير؟  و تقدمت عبير تعطيها الحبوب و بعدها بدأت تاكل

كان العشى هادي و مليء بالسوالف العاديه

بعد العشى تقدمت شوق تطلع للحوش تمشي و حاطه سماعاتها بأذنها و تفكر بكل شي حرفياً كل شي من بدايه حياتها لي اليوم اللي هي فيه الحين و تتسأل على كل شي ليش صار كذا ليش و ليش و العديد من الاسأله اللي كانت تفكر فيها من عمر ولا لقت لها إجابه ، كانت بس تبي تحس ولو لمره بحياتها بوجود شخص يلاحق تفاصيلها الصغيره ، يسمع معها الأغاني اللي تحبها يشوف معها الأفلام اللي تحبها ، يلاحظ تعليقاتها البسيطه و لما تزعل يطلب شوفتها ،شخص يتباهى فيها أمام الناس يسمع سوالفها بكل حب شخص يعوضها عن كل ما مضى ،مع ان عبير كانت لها الأم و الأب و الأخت و الصديقه و الجد سعد ماقصر معها بكل شي بس كانت محتاج شخص اخر غيرهم و جلست تفكر بالموقف اللي صار مع وتين و وليد و ابتسمت بخفه و دعت ربها يجبر خاطرها و يعوضها عنه مع ان الأب مستحيل احد يعوض مكانه يبقى الأب هو الأب و مستحيل يجي شخص يعوض مكانه ، يعوض وجوده ، الشخص اللي المفروض يكون لها بطل حياتها و يحميها من كل الأضرار هي جالسه تحمي نفسها من ضرره ، الشخص اللي مفروض يعوضها عن كل شي سيئ هي حالياً تبي شخص اخر يعوضها و جوده ، صقر كان مثال لعباره ( مو كل اب يستحق انه يكون اب ) كان يت*حرش فيها وهي طفله ، يعنفها ، يضربها ، يضرب امها قدامها ، يعاملها بقسوه و هي طفله ، طفله لم تتجاوز حتى العشر سنوات ،و كانت خايفه تتزوج ويجيها شخص نفس ابوها تخاف طفلها او طفلتها بالمستقبل يجرب شي هي جرّبته يعيش شي هي عايشته كانت تكره الفكره هذي و تخاف منها من يوم ما كنت صغيره تخاف احد يجرب و يشوف الأشياء اللي عاشتها ، عاشت صدمات طفوله و مراهقه من جميع الانواع و تحملت أشياء اي إنسان ثاني كان ممكن انهى حياته بعد ما عاشهم صحيح هي حاولت تنهي حياتها لكن وجود عبير و الجد سعد بحياتها خلاها تتحمل و تصبر لأنها متأكده ان بعد الصبر هذا كله ربي راح يعوضها بالعوض اللي يرضي قلبها و يخليها تعيش سعيده و مبسوطه ، العوض مو شرط يكون شخص يحبها يمكن وظيفه ، عائله حنونه داعمه لكل أحلامها ، صديقات يشجعونها ، زوج يعوضها عن الأيام السيئه

تنهدت بعد التفكير رجعت للبيت تصعد غرفتها تدخل الحمام ( الله يكرمكم ) تفرش أسنانها و تدخل لسريرها و تفصخ اكسسوارتها وتحطهم على الطاوله و تعلن نهايه يومها بنومه عميقه مليانه تفكير .....

الساعه ٨ الصباح صحت ليان و تقدمت تنزل بهدوء و بيدها الايباد دخلت المطبخ و شغلت ذكرى كان صوت ذكرى يطرب بالمطبخ و هي تقول :

يا ليت عمري انتهى عندك

وانا بدفى حضنك

ولا عشت بزمن

به كل هذا كان

↚

قعدت تغني معها و تطلع أدوات القهوه دخل الجد : سلام عليك

التفتت له ليان و قفت الاغنيه و ابتسمت له : وعليكم السلام ، امرني بغيت شي

ضحك الجد : سمعت صوتك اخيراً

ابتسمت ليان بخجل و نزلت راسها

الجد : تسوين لي فطور ، ما ودي اصحي عمتك

ليان : اكيدددد جدي اسويلك

تقدم الجد يقبل راسها : ما انحرم منك يا بنت الغالي ، أنا بمجلس الرجال

ابتسمت له ليان و هزت راسها و طلع الجد من الطبخ

تقدمت ليان تطلع البيض و الجبن و الفول و الحليب و الخبز و بدأت تكسر البيض و تخلطه داخل الصحن شغلت النار و بدت تسوي فطور لجدها على انغام ذكرى و صوت العصافير و نسمات البرد اللي كانت تدخل من شباك المطبخ خلصت البيض و حطته بالصحن و تقدمت تحط الفول ،دخل عليها سلطان بهدوء و شافها جالسه تحط الفول على القدر و شعرها الكيرلي تحاول تبعده عن وجهها ولابسه بجامه سوداء بأكمام طويله و حاطه شال احمر على أكتافها و جالسه تغني و تهز خصرها و أكتافها بخفه و هي جالسه تحرك الفول و تتمايل مع كلمات أغنيه ذكرى اللي كان صوتها يصدي بالمطبخ :

أجيلك شوق و تجيني ذوق

اجي كلي و تجي بعضك

وبعضك ياحبيبي انباق من بوق

هنا و هناك و أنا وياك

معي وإلا معاه يللي حنانك

يالحنون و رقتك ما أقساك

كملت تغني و لفت تدور و ناظرت سلطان اللي كان ساند نفسه على الباب و مكتف يده و جالس يبتسم صرخت من ناظرته ، تقدم لها يضحك : شفيك

حطت يدها على قلبها : خرعتني يا حيوان و ضربته على يده

ناظر يدها : كل ما زانت الجلسه تضربين انتي و تسبين

ناظرته ليان بحده و لفت تسكر النار : بعد طيب

بعد سلطان و جلس يناظرها تحط الفول بالصحن و تغني مع الاغنيه بشفايفها فقط ابتسم : عادي اكل معك

ناظرته ليان : لا طبعاً بعدين ذا لجدي مو لك

هز راسه سلطان و تقدمت ليان لجدها بالمجلس

ليان بأبتسامه : خلص الفطور لأحلا جد بالعالم

نزل جهاز تحكم التلفزيون من يده : تسلم يدك ليونه

تقدمت تحط الصينه : بالعافيه ، أنا بالمطبخ إذا تبي شي

الجد : ما تقصرين

طلعت ليان من المجلس و تقدمت تدخل المطبخ و تشوف ظهر سلطان العريض جالس يطقطق بالأيباد : وش جالس تسوي

سلطان و هو يدور الاغنيه :جالس أدور أغنيه

تأفف ليان و مدت أيدها للأيباد : عطني ، قولي اسمها

ناظرته ليان و استوعبت ونزلت الايباد : لحظه لحظه قبل لا تقول اسمها ، انت وش جالس تسوي هنا

اشر على نفسه سلطان : أنا

هزت راسها ليان و كمل : ابي معك

ليان ضحكت : تعرف وش بسوي

هز راسه سلطان بالنفي و كملت : بسوي v60 ما تعجبك خلك على السبانش لاتيه و الشاي افضل و الشاي بعد افضل لأنك تحبه السبانش مو مره يعجبك

ناظرها و ابتسم كيف عرفت وش احب و وش ما احب و ناظر شعرها الكيرلي : رجعتي شعرك

هزت راسها ليان وهي واقفه تطقطق بالأيباد : مو انت قلتلي رجعي و أنا رجعته علشانك

انصدم سلطان منها كيف عرفت المشروب اللي يحبه و رجعت شعرها كيرلي علشانه ابتسم و بانت غمازته ، استوعبت ليان اللي قالته رفعت راسها و عضت شفتها السفليه بخجل ناظرها سلطان و ضحك

ناظرت ضحكته و توها تكتشف غمازته اللي مغطيها شعر دقنه صحت على نفسها : طيب يالله وش هي الاغنيه

سلطان : تصدق ولا احلف

ناظرته ليان بصدمه : تعرفها

هز سلطان راسه وابتسم : اكثر أغنيه احبها

ليان بأبتسامه : حتى أنا تعرف

ناظرها بصدمه : صدق

اكتفت بهز راسها و كملت : قبل لا اشغل الاغنيه و اسوي القهوه لازم نتفق

ابتسم سلطان و كملت : انت عليك طحن البن

سلطان : موافق

تقدمت ليان تشغل الاغنيه و صدى صوت طلال مداح بالمطبخ و هو يقول :

في دنيا غير دنيتهم

جديده و جنه عدتهم

في حب و حنان ، لقا و آمان

يأحلى ما نظر إنسان

وتبغى زياده في حبك

اجيبلك قلب ثاني مني

↚

تقدمت ليان ترطب الفلتر و كان سلطان يطحن البن التفت لها : خلصت طحن

بتعدت ليان ترجع غلايه القهوه : حطه داخل القمع

تقدم سلطان يحط البن داخل سيرفر القهوه و التفتت ليان تتقدم له : ليش ما حطيت البن

رفع سلطان القمع و ناظرت ليان ان حط البن داخل السيرفر : تستهبل معي صح

سلطان : لا والله ما استهبل

ليان بعصبيه : سُلطان يا حيوان مو كذا حط البن داخل القمع ذا

ابتسم سلطان من طريقه نطقها لأسمه سُلطان اول مره يسمع اسمه من ثغرها و تمنى لو يسمعه سنينه الباقيه كلها بالنطق ذا سُلطان و كأنه سُلطان لقلبها سُلطان حبها و مالكها

سلطان : وش قلتي

ليان و هي ترجع البن للقمع : يا حيوان مو كذا شوف لازم تحطه بالقمع بعدين ينزل تحت بالسيرفر

هز راسه سلطان : لا لا اللي قبل حيوان وش

ناظرته ليان : سُلطان

ابتسم سلطان وقال بهيام : قلب و حياه و دنيا و عقل سُلطانك انتِ

ناظرته له ليان و ابتسمت تنزل راسها بخجل تعض شفتها السفله ناظرها سلطان : ناظريني لا تصدين و تحرمين عيوني من شوفتك و ارحمي شفايفك

ابتسمت ليان ناظرته وضحكت : طيب خلاص خلني اكمل

ضحك من ضحكتها و مشت تجيب الغلايه كان يتبع خطواتها و مشيها بنظراته يشوف شعرها الكيرلي و الشال الأحمر اللي حاطته و أظافرها العنابية تقدمت بالغلايه تصب المويه ناظرته : طلع لنا أكواب

ابتسم سلطان و ابتعد يفتح الدولاب يطلع الأكواب : حبيت جمعتيني معك < لنا >

ابتسم ليان و هي جالسه تصب المويه : طيب خلص طلع الأكواب

تقدم سلطان بالأكواب و حطهم على طاوله الدولاب و تسند على الدولاب يناظرها كيف تصب المويه و تبعد شعرها بيدها الثانيه و تغني بصوت خفيف مع الأغاني ابتسم لنا و هنا اكتشف سُلطان بأنه فعلاً ليان أسرت قلبه و ملكته

تقدمت ليان تصب القهوه بالأكواب و مدت له كوبه : ان شاءالله تعجبك

و تقدمت تطلع للحوش : تقدم سلطان وراها و ناظرته : على وين

سلطان : معك

ليان وهي تمشي : ابي أتمشى

هز سلطان راسه : وانا بتمشى معك

ابتسمت ليان بخفه و بدت تمشي معه ماسكه الكوب بأيد تطليها المناكير العنابيه و تشرب من القهوه و تطبع قبلاتها على الكوب التفتت لسلطان اللي كان جالس يناظرها طول الوقت : شربت منها

هز راسه سلطان بالنفي و قدم الكوب لشفته يشرب و عقد حواجبه و وجه من حس بمراره القهوه و كأنها مراره الحب

نزل الكوب و ناظرها جالسه تضحك : اضحكي اضحكي ، علشانها من يدك شربت

ابتسمت ليان و بدأت تتقدم تمشي معه بهدوء بعد فتره كسر الحاجز سلطان : اي قوليلي عنك

ليان رفعت أكتافها : ايش اقول

سلطان تقدم معها للحديقه : تعال نجلس بالكرسي و قوليلي اي شي عنك

تقدمت ليان تجلس معه بالكرسي و التفت بجسمه لناحيتها : اي قوليلي

ليان : طيب ايش اقول ما اعرف

سلطان : اي شي عنك ابي اعرف

ليان : كل شي تعرفه

هز راسه بالنفي سلطان : انت تعرفين اني ما اشرب و احب غير الشاي و إذا ابي اشرب قهوه اشرب سبانش لكن أنا ما اعرف اي شي

ليان ناظرته : ليش تبي تعرف

سلطان رفع أكتافه : يمكن مهتم

ناظرته ليان و رجعت نظرها للكوب : طيب ، ادرس طب أسنان مثلك

ابتسم سلطان و هز راسه و كملت : احب القهوه السوده و رفعت الكوب و احب اللون الأصفر مرهه مو شويه

ابتسم سلطان من تذكر فستانها بالعيد و كملت : احب اسمع ذكرى ، طلال مداح ، خالد عبدالرحمن ، انغام

و احب اشوف مسلسلات تركيه و ايش بعد جلست تفكر و رفعت أكتافها : و بس

ضحك سلطان بخفه : وانا دكتور أسنان اسمي سلطان مو سُلطان احب اشرب الشاي و اسمع طلال مداح مثلك اما الباقي عكسك احب اشوف المسلسلات الامريكيه

ضحكت ليان من قلد طريقه نطقها لأسمه : طيب اسمك كذا سُلطان و هذا النطق الصحيح

سلطان : ذا بدرس لغتي تقولينه يا لُيان

ضحكت بقوه ليان : طيب يا سُلطان

ضحكوا و بعدها عم الهدوء مره ثانيه و كسره سلطان : بعد بكرا ان شاءالله راح أبدا دوامي بعد اجازه العيد و تنهد

هزت راسها ليان : دوامي بعد أسبوعين

سلطان رجع راسه لورا : داومي يبدأ عشر الصباح و يخلص ٦ المغرب

ليان بعفويه و بدون وعي: أوف كل ذا يعني ما راح اشوفك كثير

ضحك سلطان و عدل جلسته : ليش تبين تشوفيني كثير

استوعبت ليان كلامها ووقفت : ابي اروح اشوف جدي إذا خلص فطور علشان اغسل المواعين

تقدمت ليان تمشي مسرعه للمطبخ و ضحك سلطان عليها

بالمطبخ وقفت ليان خلف الباب : غبيه يا ليان غبيه لازم تخربينها و تكبين العشى

تقدمت تأخذ أيبادها و تصعد للمجلس اللي بطابق البنات جلست فيه و شغلت لها مسلسل و بدأ تشوفه و تشرب من قهوتها

بعد فتره صحت شوق بصداع بعد الأفكار اللي كانت تفكر فيها امس تقدمت للحمام ( الله يكرمكم ) تأخذ لها شور تصحصح فيه بعد الشور تقدمت تجلس قدام التسريحه تنشف شعرها و ترطب جسمها و تعتني ببشرتها بعد ما خلصت طلعت من الغرفه تتقدم للمجلس و ناظرت ليان : صباح الخير

ليان انتبهت لها ابتسمت : هلا صباح النور

شوق : جالسه من بدري ولا سهرانه

ليان : لا ما اسهر جالسه بدري

شوق : تفطرتي ، تبين فطور معي

هزت راسها ليان و ناظرت الايباد: لا تسلمين جالسه اشرب قهوه

تقدمت شوق تنزل تحت و سمعت صوت بالمجلس تقدمت تمشي له و شافت جدها و ابو وليد و عوض

الجد : حياك تعالي و فتح لها جدها يده

تقدمت تجلس جنبه و يد الجد على كتفها

ابو وليد : الله يا دنيا ما قلتي خالي حبيبي اجي اسلم عليه

ضحكت شوق : عادي تمون ولا

ضحك ابو وليد و هز راسه ناظرها الجد : توك صاحيه ، تفطرتي

شوق : توني صاحيه اي بس تفطرت لا الحين بروح أتفطر

ابو وليد ناظرها : ناقصك شي للجامعه

هزت راسها بالنفي : ما تقصر

ابو وليد : اكيد قوليلي ترا انتي بنتي

ابتسمت له شوق و ناظر عوض ابتسامتها و عرف انها مزيفه : لا والله ما تقصر

ابو وليد : طيب سجلتي موادك

رفعت أكتافها : لا ما اعرف متى

عوض : كيف ما تعرفين ، تسجيل المواد مفتوح الحين سجلي قبل لا تروح عليك المواد

هزت راسها شوق : ما اعرف

عوض : مو مشكله عادي أنا اعلمك بس لا تقعدين ساكته كذا

شوق نزلت راسها و شبكت يدينها ببعض: ما سكت بس استحيت

ابو وليد : من وش تستحين يا بنتي هذا انتِ مناقر و هواش معاه دايم ضحك وكمل : مافيها شي إذا سألتي اخوك

هزت راسها شوق ووقفت: ابي اروح أتفطر بعدها اجيب أيبادي تعلمني كيف اسجل

عوض : طيب انتظرك بالمجلس الثاني على ما اسجل موادي أنا

تقدمت شوق تطلع من المجلس للمطبخ و لمحت عبير : صباح الخير ماما

و تقدمت تحضنها وبادلتها عبير الحضن : صباح الخير ، تبين فطور

شوق : اي تكفين مره جوعانه

ضحكت عبير و قدمت لها صحن ساندوش الجبن : عارفه ان هذا وقت صحيتك ف سويتك

تقدمت شوق تقبل خد امي و تحضنها : احبك يا أطلق ام بالعالم

عبير ابتسمت : وانا بعد ، بس لا تنسين ابره السكري اول بعدين الفطور

هزت راسها شوق : ما عليك انتي كملي فطور و أنا اسويها

تقدمت شوق و معها الصحن للمجلس اللي كان جالس فيه عوض و حطت الصحن على الأرض : بروح اجيب الايباد و اجيك لا تاكل أكلي

ضحك عوض : طيب

تقدمت شوق تركض تجيب أيبادها و بعدها نزلت فيه و بجهاز السكري بيدها الثانيه ، تقدمت تدخل المجلس و رمت الايباد جنب عوض اللي كان جالس بالقعدات الارضيه يسوي جدوله : افتح الايباد و ادخل على الموقع على ما أقيس السكر

وقفت تطلع الجهاز و تمد اصبعها ناظرها عوض : وش تسوين

التفتت شوق : وش تشوف

وقف عوض و ضحك تقدم لها اخذ الجهاز من يدها : إذا تبين إصبعك يعورك قيسي نفس ما سويتي قبل شوي

تخصرت له شوق : مالك دخل عطني

عوض ناظر وقفتها و ابتسم : اول شي اوقفي عدل ثاني شي مدي لي إصبعك خلصي

تأفف شوق ومدت له اصبعها و ناظرته بتهديد: راح أعطيك إصبعي لكن والله يا عوض ان عورتني يا ويلك مني

ضحك عوض وبدا يقيس السكر و غز الابره وهي جالسه تناظره وتهدده : خلصت عطيني الجهاز

ناظرت يدها بصدمه : ما حسيت

عوض : قلتلك لكن راسك ذا يابس ما يسمع الكلام

ضحكت شوق بخفه : اول مره ما اتألم شكرا

عوض بتفاخر : اكيد الدكتور عوض بن خالد جالس يقيس لك سكرك اكيد بقيسه بخفه و مهاره مو دفاشه واحط حيلي كله فيه

ناظرت فيه : بس بس درينا انك وقلدته : دكتور عوض بن خالد بن سعد

صفق عوض : و النعمممم

تخصرت له : خلصت قست السكر خلاص خلصني خلني اسوي الجدول

تقدمت تجلس و ضحك عوض على طريقه و قفتها و بعدها تقدم يجلس جنبها : ادخلي موقع الجامعه

شوق و السندويتش بحلقها : لحظه شوي شوي

هز راسه عوض و بدأ يعلمها وين تدخل لحد ما وصلت عند صفحه تسجيل المواد : طيب الحين ركزي معي

لفت له جسمها و هي جالسه تاكل : يالله مركزه

ابتسم عوض بخفه و نزل راسه و لف لها : طيب في محاظرات يومياً في يومين بالأسبوع و في ثلاث حلو

هزت راسها شوق و هي جالسه تاكل

عوض : انتي شوفي وش يناسبك

رفعت أكتافها بعدم المعرفه

عوض : طيب ، اسوي جدولك نفس جدولي علشان أنا اللي راح أوديك و أجيبك معي ف افضل أننا نكون نفس الأوقات او ساعات متقاربه علشان لا انتي تنتظرين ولا أنا انتظر

حطت الساندويش بالصحن : طيب كذا مناسب

عوض : الحين نجي عند الدكاتره و المواد

تأفف شوق : افف اكثر شي خايفه منه الدكاتره

عوض : ماعليك كثير يعطونك حقك و زياده انتي بس التزمي معهم و هم يعطونك حقك

هزت راسها شوق و بدأ عوض يشرح لها نبذه عن المواد و أسلوب الدكاتره و تعاملهم : في الماده ذي أنا مأخذها الفصل الجاي و عند نفس الدكتور و الساعه تبين معي ولا اختار لك دكتور ثاني لان مافي غير الدكتور ذا و الدكتور الثاني شين

شوق : يعني مطره اشوفك هنا و بالجامعه يالله معاك الشكوى لله

ضحك عوض : حبيبتي مافي هروب وراك وراك

شوق ناظرته : حبيبتي

بلع ريقه عوض : لا يعني مو بالقصد ذا

ضحكت شوق : عارفه عارفه وش قصدك من تحت التريلات

ابتسم عوض و نزل راسه للايباد : يالله خلصت سويت لك جدولك

قدمت شوق أيدها تأخذ الايباد من عوض : شكرا ما تقصر

ضحك عوض : اول مره اسمع كلمه سنعه منك

ضربته شوق مع يده : حيوان صدق

عوض بعصبيه : بنت الفاظك انتبهي لها

شوق ناظرته بهدوء : طيب هدي لا تعصب و تصرخ علي

عوض : مو معصب ، المهم إذا احتجتي شي بالجامعه بلغيني لا تجلسين كذا مسكره حلقك مستحيه و رجعي لي نظاراتي و سماعاتي

هزت راسها شوق بالنفي : سماعاتك بالاحلام ارجعها لكن النظارات افكر يمكن اي يمكن لا لان الصراحه شكلي طالع فيهم حلو

عوض : ماشاءالله ، اقول خلصي رجعي النظرات و السماعات ما يهم اهم شي النظارات اخذتي فروتي و الحين نظراتي و سماعاتي وش باقي

اشرت على نفسها : أنا اخذت فروتك

هز عوض راسه : اي اللي كنتي لابستها بالبر

↚

شوق : ما راح أرجعها

عوض بحده : شوقق

شوق مدت لسانها : اااا كيفي اخذ اللي ابي

ضحك عوض و وقفت شوق تطلع برا المجلس ، عند عوض اللي بعد ما طلعت ابتسم من تذكر انها ماخذه فروته و نظاراته و سماعاته الطبيه و اكتشف انها مو بس اخذت اغراضه المهمه ذي بل اخذت اهم شيئين عنده قلبه و عقله الشيئين اللي مايقدر يعيش بدونهم احتلتهم و هنا اكتشف عوض بأنه فعلاً حابها و ان طول الفتره اللي طافت كان حابها و معجب بشخصيتها بس كان يتجاهل المشاعر ذي و كان يحب يحارشها و يتهاوش معها علشان بس يكلمها و يسمع صوتها اكتشف ان ذي الطريقه الوحيده اللي كان قادر يسويها علشان يعبر عن حبه لها امام الكل

عند شوق اللي بعد ما طلعت من المجلس توجهت للمطبخ تساعد امها و خالاتها

شوق : احس ودي اسوي سلطه زعتر شفتها بالتيك توك و احس اشتهيتها

ريم : اي تكفين الفتره ذي مشتهيه الزعتر بشكل مو طبيعي

التفتت لها عبير و بضحك قالت : لا يكون حامل

ضحكت ريم و هزت راسها بالنفي : لا والله

شوق : خلاص راح اسويها علشانك

تقدمت شوق تطلع المقادير من الثلاجه و بدأت تسوي السلطه و كان كل وحده من البنات لها مهمه ، دخل خالد : جده جدي سعد يقول متى يخلص الغداء

ضحكت ام مشاري : تونا ما حطينا الرز

ام وليد : قول له ربع ساعه و يخلص

خالد : يعني مطول

جوري : مافيهم صبر ذول

هزت ام وليد راسها : مطول ، اسأل جدك اذا يبي قهوه او لا

تقدم خالد يطلع برا المطبخ يسأل جده اذا يبي قهوه او لا و بعدها رجع للمطبخ : جده جدي يبي قهوه

ام وليد التفتت للبنات : منو فاضيه تسويها

التفتت لها ليان : انا عمه خلصت تقطيع الطماطم

تقدمت ليان تسوي القهوه و بعد مده خلصت و حطتها بالصينه مع الفناجيل و التمر و تقدمت تطلع برا المطبخ للمجلس ، دخلت المجلس و لمحت سلطان ابتسمت و تقدمت تنزل الصينيه و تأخذ الفناجيل تصب

وليد لسلطان : خلاص دام كذا سهالات ان شاءالله

ابو وليد : سهلات سهلات بس هو يحب يصعب الامور

سلطان ابتسم و ناظرها : مو تصعيب بس حسيت احسن و اجي هنا بالويكند

ابو رنا تقدم يأخذ الفنجال من ليان : ما تسوى الطريق اصلاً قصير و دوامك مهو يوم كامل

ابو مشاري : اي والله خلك هنا معنا و مع اعمامك اكلك امك تسوي و اغراضك جاهزه

الجد : انا ما صدقت اشوفكم مجتمعين من جديد وانت تبي تروح 

ابتسم سلطان من لمحها متقدمه له تصب له القهوه بيد راجفه : عشتي

ليان من غير نفس : عاشت ايامك

التفتت ليان لجدها : جدي الغداء يمكن شوي يطول عمتي تقول بس بتحاول تخلصه ابكر

الجد : ولا يهمك قولي لها عادي خليها تطبخه بهداوه بس اشر على سيف : التيس ذا هو اللي جوعان

سيف اشر على نفسه : انا

عوض : لا ابداً مو جوعان اصلا مايطلع سيف اذا ما جاع كل دقيقه

ضحكت ليان و ناظر ضحكتها سلطان و كيف بعدت شعرها الكيرلي اللي يحبه ورا اذنها و تقدمت تطلع و تقدم عوض وراها

طق عوض باب المطبخ

شوق اللي بعد ما خلصت سلطتها جلست على الطاوله : اعرف الطقه ذي والله عارفتها مافي غيره النشبه

ضحكوا و قالت عبير : تعال عوض

دخل عوض و اشرت شوق عليه : شفتوا قلتلكم ما كذبت

لجين : جاي تستكشف ولا تمتع نظرك

عوض : الاثنين ، بعدين انتي و اشر على شوق وش قصدك بالنشبه

شوق وهي جالسه تاكل الفراوله رفعت اكتافها : وانا عند ربي صادقه

تقدم عوض عند الطاوله اللي كانت جالسه عليها شوق و ناظر عوض سلطه شوق : مين مسوي السلطه

جوري التفتت لشوق : شوشو

عوض : الله يستر من التسمم

ام وليد بحده : عوض عندك كلمه سنعه قولها ما عندك اطلع ، بعدين شوق تهبل سلطتك واضح انها لذيذه ما عليك منه ذا

هزت شوق راسها : لا خلاص عرفت اسلوبه كيف

عوض : و كيف اسلوبي

شوق : نشبه

عوض : نشبه ولا سراقه و سوا رقم ثلاثه بأصبعه دليل على الاشياء اللي سرقتهم

شوق بهدوء رفعت اكتافها و ميلت شفايفها : متى سرقت ما سرقت شي

عوض حط يده على خصره : لا والله و النظاره و السماعه ازيد ولا اسكت

شوق وهي جالسه تاكل الفرواله: انت عطيتني ياهم مالي دخل

ناظرها عوض و ابتسم : طيب الباقي خوذيهم بس النضاره لااااا احتاجها

شوق وهي جالسه تناظر اظافرها : افكر

ناظرها عوض : حبيبتي مافي تفكير راح ترجعينها

شوق :دام كذا  لا ياقلبي انت ماراح ارجعها

عوض : لا يا عمري ترجعينها و رجلك فوق راسك

شوق : لا ياحبي انت بالاحلام ترجع

عوض : شوققق

شوق : عوضض

ضحكوا عليهم و قالت ام وليد وهي تضحك : سؤال بس توم و جيري ذا متى يخلص

العنود : امي ذا ما يخلص

جوري : سؤال بس يعني الحين انتم جالسين تتغزلون ببعض ولا تسبون بعض

ناظرته شوق و تقرفت : يع انا اتغزل بذا و اشرت عليه من فوق لتحت

عوض : ااااا على اساس انا الميت فيك

شوق : حبيبتي جوجو ذا كلام من تحت التريلات ، يعني مثلا اقوله حبيبي و القصد حيوان كذا يعني

عوض هز راسه عوض : بالضبط طلعتي فاهمه الحمدالله

التفتت عبير لعوض : صدق عوض سويت لها الجدول

هز عوض راسه و ناظرها : اي سويته و ساعاتنا متقاربه من بعض و بعد عندنا كلاس مشترك

فرحت عبير : صدق الحمدالله

لمار : الله يعينهم راح يشوفون توم و جيري على ارض الواقع

ضحكوا ، وتقدم عوض ياكل من الفرواله اللي كانت ماكله منها شوق و ماسكتها بيدها ناظرت فيه شوق و ضربته على يده : حقتي ليش تاكلها

عوض : كذا مو انت اخذي اغراضي و انا اكل اكلك

شوق : ماشاءالله

↚

طق باب المطبخ

عبير : تعال

دخل عبدالرحمن : ما خلصتوا غدا ذبحنا سيف و بدا يقلده : جوعان جوعان

ضحكت ام مشاري : اي هو دايماً كذا

تقدم عبدالرحمن لعند شوق : الله ابي و اخذ صحن الفرواله من حضنها

شوق : عبدالرحمن رجعه لي

عبدالرحمن و بيده الصحن وجالس ياكل : ابي لا تصيرين بخيله

شوق : مو بخيله بس حقي رجعه عوض شوفه و اشرت على عبدالرحمن و كملت بصوت حزين و ميلت شفايفها: اخذ فرولتي

تقدم عوض لعبدالرحمن : عطني الصحن

بعد عبدالرحمن الصحن : بعد ماراح اعطي

عوض بحده : عبدالرحمن عطني

بعد عبدالرحمن الصحن و قدر عوض ياخذه و تقدم يرجعه لها ، ابتسمت شوق : شكراااا

عوض ابتسم لأبتسامتها : عفوااا

تقدم عبدالرحمن يحاول يأخذ الصحن و مدت لسانها شوق له : اااا تعرف بعد وش جدي جابهم لي و جاب لي كثير

تقدم عبدالرحمن يسحب شعرها و صرخت : شعري يا حيوان ، و مثلت صوت باكي : عوض شوفه سحب شعري و عورني و مسكت ثوبه من ورا تتخبى عن عبدالرحمن اللي كان يحاول يسحب شعرها زياده

تقدم عوض لعبدالرحمن بحده : عبدالرحمن بعد عنها

عبدالرحمن ضحك و بعد: اصلاً بكبر عقلي و ابعد

ضحكوا الامهات من تذكروا طفولتهم و قالت ام وليد : تدرين شوق

التفتت لها شوق و كملت : لما كنتي صغيره كنتي دايم تتهاوشين مع عبدالرحمن و تروحين عند عوض تتخبين وراه علشان يفزع لك

عبير : بالضبط نفس الموقف اللي صار الحين

جود ضحكت: امانه

ام رنا ضحكت: والله لان عبدالرحمن كان يغار ان عمي يحبها اكثر منه

جوري : يالله ما اتخيل اشكالكم

ابستم عوض من تذكر مواقفها معاه و ابتسمت شوق بخجل و نزلت راسها : اي قالي عبدالرحمن ولا انا ما اذكر

عبدالرحمن : انا بطلع من المطبخ احسن لي

عوض : كان من زمان احسن

لمار ضحكت: الحين انتم كل دقيقه تتهاوشون و يوم جاء عبدالرحمن رحت دافعت عنها

ابتسم عوض و ناظرها منزله راسها تضحك و تاكل من الفراوله ، التفتت جود تدور ليان : ليان وين

ام رنا : راحت تودي القهوه لجدك بالمجلس اكيد جالسه عنده

عوض : لا هي طلعت و بعدها انا طلعت وراها

عند ليان بالحوش الخلفي حطت يدها على قلبها و بيد راجفه ارسلت لسلطان : تعال الحوش الخلفي نتفاهم بسرعه

قرا سلطان الرساله و تقدم يطلع لها بالحوش الخلفي ناظرته بقل حيله : سُلطان

ابتسم سلطان من نطقت اسمه و بهيام قال : قلب و روح و حياه سُلطانك انتي

ليان بعصبيه : ايش اللي قاعد تقوله داخل

سلطان ابتسم سلطان بخفه و رفع اكتافه : كنت مقرر اخذ لي شقه قريبه من دوامي

ليان  : سُلطان ، قول لي انك تمزح وانا راح اسامحك عادي

سلطان ضحك : كنت مقرر كنت بس خلاص شلتها من بالي

ليان بعصبيه : بزر يا سُلطان بزر

ضحك سلطان : طيب ليش متوتره و معصبه هدي

ليان بعدم وعي : مو متوتره ولا شي بس شفت كلامك انت ، تجي بالويكند يومين و بعدها ترجع طيب وانا متى اقدر اشوفك عدل قولي

ضحك سلطان و كتفت ليان يدها و شتت أنظارها من استوعبت كلامها

تقدم سلطان مسك حنكها : ناظريني يا بنت لا تشتتين انظارك و تتعبين قلبي

ناظرته ليان و هو ماسك حنكها : سُلطان بعد عني

ابتعد سلطان و ابتسم من سمع اسمه من ثغرها: تحبيني

بلعت ريقها ليان و هزت راسها بالنفي و اشرت على نفسها : انا احبك انت

ابتسم سلطان و هز راسه : اي

ضحكت ليان : مين قالك اني احبك

سلطان : تصرفاتك و اسلوبك قالتلي

رفعت حاجبها ليان : سلطان بعد عني ابداً مو رايقه لك

تقدم سلطان يحاوط خصرها و حاولت تبعده ليان : بعد سلطان بعد لحد يجي و يشوفنا

حاولت تبعد لكن ما قدرت بحكم بنيه جسمه و وراها الجدار و قدامها صدره ، تقدم سلطان خطوه كان خايف منها بس تجرأ و تقدم يقبل ثغرها و يدها على صدره تضربه و تحاول تبعده و بعد سلطان بعد ما اعطى شفايفها حقهم و ابتسم لها ومسك شفايفه : حتى شفايفك قالتلي

ناظرته ليان بعصبيه : بعد سلطان بعد عني

سلطان بعد عنها من حس انها معصبه : ما اقدر على بعدك علشان كذا ما رحت

ليان وهي جالسه تمشي : وانا اقدر

ضحك سلطان : متأكده و كلام الصباح

ليان ناظرته من بعيد و عقدت حواجبها

ضحك سلطان عليها و كملت تمشي وقالت بينها و بين نفسها : و لا انا اقدر و ابتسمت

داخل في المجلس بدوا يحطون الغداء و بدوا ياكلون و الحال نفسه عند مجلس الرجال

عبير : اي صح ام عبدالعزيز قريبتنا توفت

ام وليد : لا حوله ولا قوله الا بالله

ام رنا : يا عمري كانت صديقه خالتي

ام مشاري : اي والله الله يرحمها و الله كانت حرمه اصيله

عبير : اي الله يرحمها و العزا اليوم العصر تروحون

ام رنا : اكيد

التفتت ام وليد للبنات : تروحون

شوق : الله يرحمها بس بعدوني من الاماكن ذي

جوري : حتى انا ما احبها

غلا : وانا بعد

جود : جايه معكم

لجين : وانا بعد

العنود : اكيد هذا واجب

عبير : خلاص اكلم ابوي و ابلغه

↚

بعد الغداء اجتمعوا بالمجلس يشربون شاي

عبير : يبا ام عبدالعزيز توفت و العصر العزا ف قررنا نروح

الجد : اي بلغني ابو مطلق

ابو وليد : رايحين كلكم العزا

ام وليد : لا نص البنات ما راح يروحون

ابو مشاري : خلاص نروح حنا و يقعدون العيال معهم

الجد : اي مافي غير الحل ذا ، دام كذا قوموا تجهزو

وقفوا يروحون يتجهزون للعزا و التفتت ام وليد لوليد : يمه وليد شوف ريم تقول تعبانه و ما تغدت حتى

وقف وليد : يالله رايح اشوفها

بعد مده مابقى بالمجلس غير العيال و البنات

سيف : اي شرايكم نسوي فعاليات

عوض : اسكت بس كل ما زانت الجلسه تبي فعاليات

شوق : و هو صادق ما راح نقعد كذا

جوري : تبون نجلس بالحوش

فهد : تم تم تم

عوض قلده : تم تم تم و كمل : اسكت بس انت الثاني

فهد ابتسم لجوري : تراها زوجتي

عوض بعصبيه : درينا انها زوجتك و تحبها اسكت بس

لمار : بس هواش و قرروا وش تبون بالضبط

شوق التفتت للبنات : تبون نجلس بالحوش

غلا : اي اي الجو اليوم يجنن غيوم

عبدالرحمن : بس تم نفس هذيك المره انتم عليكم الاكل و حنا نعدل المكان

سيف : اي و جيبوا الالعاب نلعب

شوق : ما راح العب و ذا اشرت على عوض و كملت : موجود

عوض : على اساس انا اللي ميت العب معك يا السراقه

شوق عقدت حواجبها : ماني سراقه

رفع عوض اصابعه برقم ثلاثه : اذكرك و لا نسيتي

تأفف شوق : ما نسيت راح ارجعهم لك ذليتني عليهم

ليان : طيب الحين وش تبون نسوي اكل قرروا

شوق : قهوه اكيد ، مين يبي

عبدالرحمن : كلنا ما عدا سلطان ما يشربها

التفتت سلطان لهم اللي كان مشغول بجواله : مين قال ما ابي

جوري : ما تحبها

ابتسم سلطان و ناظر ليان اللي كانت تحاول تشتت انظارها عنه طول الجلسه : لا احبها

شوق : طيب خلاص القهوى علي انا و ليان

ليان : خلاص تم

جوري : تبون كوكيز

فهد : اذا من يدك ما نقول لا

ابتسمت جوري و اكتفت بهز راسها

غلا : احس بخاطري اسوي حلا الايسكريم

سيف : اي اي سوي تكفين

رمى عوض المخده على سيف : ما تشبع اكل

رفع سيف اكتافه وضحك: اكل و اقول لا

لمار : خلاص قهوه و كوكيز وحلا و الالعاب صح

الكل : صح

عند وليد و ريم في شقتهم فوق دخل وليد و شاف وتين جالسه بالصاله تتابع التلفزيون : امك وين

اشرت وتين على الغرفه و تقدم وليد يدخل الغرفه و شاف ريم جالسه على طرف السرير و حاطه ايدها على راسها تقدم لها : فيك شي

ناظرته ريم و مدت له جهاز الحمل ناظره ولقى خطين انصدم و فرح : تحلفين بالله

وقف ريم و هزت راسها تقدم وليد يحضنها بقوه و جلس يضحك : يالله

ريم : حسبتك بتزعل

بعد عنها وليد و عقد حواجبه : و ليش ازعل

شبكت يدينها ريم ببعض : معرف ان ما خططنا له و وتين بعدها صغيره

هز راسه بالنفي وليد و ابتسم : اللي يجي من الله حياه الله و خير

ابتسمت ريم و تقدمت تحضنه ناظرها و قال : نروح المستشفى نتأكد

هزت راسها ريم و بدات تلبس عبايتها و تقدمت بتطلع و شافت عيالها : تنزلون عند عماتكم تحت

حصه : ماما وين تبين تروحين

ريم : بطلع شوي ما راح اطول روحوا تحت عند عمه العنود

خالد : طيب

تقدموا وتين و حصه و خالد يطلعون من الشقه و بعدهم طلعوا وليد و ريم ونزلوا تحت نادا بصوت عالي وليد : العنود

تقدمت جوري تطلع من المطبخ بعد ما سمعت صوته : نودي مو هنا راحت مع ماما العزا

وليد : طيب اخلي العيال عندك بطلع مع ريم شوي و راجع

جوري : اي اي ولا يهمك خلهم معنا

ريم : تكفين جوجو انتبهي لهم

جوري : ولا يهمك معنا هم و راح احطهم بعيوني

تقدم وليد يطلع مع ريم للحوش و ناظر العيال اللي جالس و اللي واقف و شوق و ليان جالسين يسون قهوه : سلام عليكم

التفت له عوض : وعليكم السلام

و مشى وليد و ريم يركبون السياره

بالقعده جالسه شوق تصب المويه على القهوه و بالطرف الثاني ليان و جالس يناظرها ويبتسم سلطان التفت عليه عوض : غريب صاير تحب القهوه السوده ابو الشاي

اكتفى سلطان بهز راسه و ناظرت شوق نظرات سلطان لليان و ابتساماته لها : يصير اغني لكم اغنيه لمحمد عبده

سيف نزل جواله : اذا صوتك حلو ما نقول لا

فهد : سمعينا ما نقول لا لأبو نوره

عوض : لا تكفى ذي صوتها وهي تتكلم شين كيف اذا تغني لأبو نوره

عبدالرحمن رمى علبه الكلينكس على عوض اللي كان واقف و التفت لشوق : ما عليك منه غني

شوق نزلت الغلايه و بعدت شعرها عن اذنها : احمم و ناظرت ليان و سلطان اللي كانوا بعالم ثاني و جالسين يتبادلون النظرات وبدأت تغني بصوتها اللي اذهل عوض و ماتوقع ولا واحد بالميه صوتها كذا وهي جالسه تناظر سلطان و ليان و تبتسم :

↚

توصَّيني على الكتمان

وتبغى حبَّنا ما يبان .. وتنساني

تقول لي ودَّنا صافي

وتحسب حبَّنا خافي

و كملوا معها سيف و سلطان و هم يناظرون سلطان ويضحكون :

ترى راعي الهوى مفضوووووووححححححح

ضحك عبدالرحمن : مفضوحححح والله مفضووح

التفت لهم سلطان بعصبيه : بس انت وياها

ضحك عوض : والله مضوح صدق الحين

التفت سلطان لليان اللي كانت جالسه تضحك و مستحيه : زين كذا

عبدالرحمن : حب و غراميات قدام عيوني

التفتت ليان له و مثلت الصدمه : مين قال ، هم بس جالسين يغنون كذا يضحكون

ضحك عبدالرحمن و اكتفى بهز راسه

سيف : والله صوتك حلو

بعدت شوق شعرها : افا عليك اسأل عبدالرحمن عن صوتي

عوض : صراحه ما توقعت يعني توقعت شي شين بس طلع ممتاز

شمقت له شوق ووقفت : ابي اروح اشوف البنات واجي وانت ،اشرت على عوض وكملت : لا تصير ملقوف و تجي عند قهوتي

ضحك عوض و هز راسه و تقدمت شوق تمشي و فجأه سمعت صوت باب يفتح بقوه ناظرت خلفها و كان صقر ابوها تقدم لها صقر و مسكها من شعرها و حط المسدس على راسها و ركضت ليان تدخل داخل بخرعه و خوف

تقدم عوض لها مسرع : هي انت وش جابك يمين بالله ان ما تركتها والله ما يحصل طيب

شوق كانت تبكي ناظرها عوض : اتركها

صقر ضحك : ههههه بالاحلام قال ايش قال اتركها حلم ابليس بالجنه

عبدالرحمن بعصبيه : وش تبي بالضبط

صقر : ابي مقتل الرخيصه ذي

تقدم عوض يبي يتهاوش معه و مسكه سلطان وسيف و فهد

سيف : هدي ياعوض البنت بيده و معاه سلاح

فهد : مو كذا يعوض شوف البنت كيف تبكي لا تزيدها

عوض : والله ما يحصل طيب اذا ما تركتها والله يا صقر

ضحك صقر و صوب سلاحه للحيط و اطلق على الحيط و بهذي اللحضه استغل عوض الفرصه بأنه صقر لاف وجهه و قدر بأنه يلوي ذراعه اللي فيها سلاح بسرعه و يخلص شوق اللي كانت منهاره بكي ناظرها عبدالرحمن : ادخلي بسرعه ما عليك منه

هزت شوق راسها ودخلت داخل للمجلس تبكي و اخذ عوض السلاح من صقر و نزل عوض صقر على الارض وسدحه وصار وجهه مقابل الارض و لوى ذراعه و بعصبيه : الذراع اللي تنمد على شوق اكسرها فاهم اكسرها واللههههه

ضحك صقر : قصدك ال ****

عصب عوض و اخذ المسدس وحطه على راس صقر ناظره سيف : لا يا عوض لا لاتوصخ يدك فيه

عوض : ما شفته وش يقول

سلطان : عوض شفناه كلنا شفناه بس انت اترك المسدس عنه و روح شوف البنت ماراح نخليه

تقدم عوض يعطي السلاح عبدالرحمن : لا تخليه يا عبدالرحمن طالبك

هز عبدالرحمن راسه و تقدم يحط رجله على راس صقر و تفل عليه : تبقى نذل طول عمرك

تقدم عوض يدخل البيت و قفل الباب ناظر البنات اللي كانوا مجتمعين قدام الباب و ليان جالسه تبكي على الدرج : شوق وين

جوري بخوف و قلق: عوض وش صار

عوض : مو وقته ابداً مو وقته شوق وين

اشرت له لمار على المجلس و كمل : خمس دقايق و القاكم جاهزين علشان تروحون بيت ام طلال خمس دقايق فاهمين

هزوا البنات راسهم و تقدم عوض يدخل المجلس و ناظروا ليان اللي كانت جالسه على الدرج و حاطه يدها على اذنها و تبكي

غلا : ليان قومي البسي يالله

هزت ليان راسها بالنفي و بدأت تبكي

جوري : بنات نلبس و نجيب لها معنا تلبس اسرع يالله

لمار : اي يالله

تقدموا البنات يصعدون الدرج

تقدم عوض للمجلس و كان يسمع صياحها من برا دخل و ناظرها واقفه و جالسه تبكي بحرقه : شوق

التفتت له شوق و بدت تبكي زياده تقدم لها و صار مقابلها : ناظريني

ناظرته شوق بعيون باكيه : خايفه

عوض : خايفه من وش قوليلي مو قلتلك انه والله ما يطولك وانا موجود

هزت راسها شوق و حطت يدها على قلبها : قلبي يعورني و بدات تبكي ناظرها عوض و تمنى لو بس صوب السلاح على راس صقر : اسم الله على قلبك ناظري فيني شوق هدي و تنفسي شوي شوي

بدات شوق تتنفس شوي شوي و رجعت تبكي ما تحمل عوض و تقدم يحضنها و بادلته على طول شوق الحضن و جلست تحضنه بقوه و كأنها كانت محتاجه الحضن ذا من زمان حس عوض بيدها تحضنه بقوه و تبكي بصدره ابتسم بخفه و بدأ يمسح على شعرها و يسمي عليها : شوق

هزت راسها بالنفي و كمل : روحي مع البنات عند ام طلال جارتنا الحين و بس ترجعين نتفاهم

بعدت راسها عن صدره و ناظر عيونها الباكيه و بدا يمسح دموعها و يهديها : مو صاير الا العافيه هدي انتي و كل شي راح يكون تمام

بعدت عن حضنه و هزت راسها و هي جالسه تبكي و تقدم عوض يعطيها شماغه اللي كان لافه على راسه و يحطه على راسها ابتسم بقل حيله: خليه على راسك كذا احسن

اكتفت بهز راسها ببكي تقدمت جوري للمجلس وناظرت شوق: عوض خلصنا و راح ناخذ معنا عيال وليد بس ليان مو راضيه

هز راسه عوض وطلعت من الجلس جوري

تأفف عوض و ناظر شوق : نفس ما قلتلك و وصيتك

وتقدم يطلع و مسكت يده شوق و بصوت مبحوح و باكي : انتبه لنفسك

ابتسم عوض و هز راسه

تقدمت شوق تطلع عند البنات بالمجلس و عوض طلع برا و قعد يشوف كيف صقر منسدح على بطنه و قدم عبدالرحمن فوق راسه تقدم لهم و ناظره سيف : البنات وين

عوض : داخل بس ليان مو راضيه تروح جالسه تبكي

سمع اسمها سلطان : انا راح اوديهم لجيرانا و اشوفها

ابتسم عوض بخفه : نادي مشاري معاك نتفاهم على الزفت ذا

هز سلطان راسه و دخل البيت و شاف البنات جالسين بالمجلس و شوق جالسه تبكي و البنات يهدونها و لمح ليان جالسه على الدرج و حاطه يدينها على اذنها و تهز رجولها و تبكي تقدم لها يجلس على ركبته: ليان

هزت راسها بالنفي حاول يبعد سلطان يدها من اذانها : ناظري فيني ما صار شي عادي

بكت ليان و مسك حنكها سلطان يرفع راسها علشان تشوفه ناظرته و زاد بكاها ، سلطان : ما صار شي ليش البكي

هزت راسها بالنفي : خفت

ابتسم سلطان بخفه : طيب يالله علشان اوديكم بيت ام طلال

هزت راسها و وقفت و تقدمت تحضنه و تحط يدها خلف رقبته بادلها سلطان الحضن و هو مبتسم بعدت عنه : اذا خلصتوا يصير اتكلم معك

ابتسم سلطان : يصير ليش ما يصير

تقدمت معه للمجلس و شافت شوق اللي تبكي بحضن غلا : بنات يالله نروح عند ام طلال

تقدموا البنات يطلعون من باب المطبخ مع سلطان و من باب الحوش الخلفي طلعوا من البيت لبيت ام طلال وصلهم سلطان و طق الباب

طلال : مين

سلطان : سلطان و خواتي معي

فتح طلال الباب و شاف شوق اللي كانت جالسه تبكي و صد : حياكم

دخلوا البيت و ناظر طلال سلطان : عمي سعد صاير فيه شي

هز سلطان راسه بالنفي : ابوها جانا و كلهم برا البيت

طلال : وينه الحين

سلطان : عندنا بالبيت

طلال تقدم مع سلطان للبيت : يالله جاي معك النذل ذا شغله عندي

سلطان : ما سكتنا له بس بعد ماطلع من السجن زايده سوالفه

طلال : ماغلط عمي يوم لقبه بالنذل

ضحك سلطان و تتقدموا يدخلون البيت و دخل سلطان داخل البيت ينادي : مشاااري

طلع مشاري من شقته : نعمم

سلطان : انزل بسرعه الحين

مشاري و هو جالس ينزل من الدرج : وش صاير

سلطان: امش الحوش و تشوف