رواية وكأنها بالهجر اخطأت وقسى الزمن لقلبها الرقيق الفصل الرابع 4 بقلم سهي
رواية وكأنها بالهجر اخطأت وقسى الزمن لقلبها الرقيق pdf الفصل الرابع 4 هى رواية من اجمل الروايات الرومانسية السعودية رواية وكأنها بالهجر اخطأت وقسى الزمن لقلبها الرقيق pdf الفصل الرابع 4 صدرلاول مرة على موقع التواصل الاجتماعى فيسبوك رواية وكأنها بالهجر اخطأت وقسى الزمن لقلبها الرقيق الفصل الرابع 4 حقق تفاعل كبير على الفيسبوك لذلك سنعرض لكم رواية وكأنها بالهجر اخطأت وقسى الزمن لقلبها الرقيق الفصل الرابع 4
رواية وكأنها بالهجر اخطأت وقسى الزمن لقلبها الرقيق الفصل الرابع 4 بقلم سهي
في الكافي عند الياس
هتاف وهي مستحيه : السلام عليكم
الياس : وعليكم السلام تفضلي
هتاف جلست وهو تكلم
الياس : كيفك وكيف اهلك
هتاف : الحمدلله كلنا بخير
الياس : كيف ابوك
هتاف : الحمدلله بس هو بالمستشفى
الياس : عسى ماشر وش فيه
هتاف : جاه شلل
الياس بصدمه : يوه ليه وش صار
هتاف قالت له كل قصتها وايش صار معاهم
الياس حز خاطره عليهم قال
الياس : الله يعين والحين كيف وضعه
هتاف بحزن : وضعه مستقر بس مارح يقدر يتحرك لازم احد يساعده
الياس : ماعليه لاتضايقين كل شي بينحل بإذن الله
هتاف : ان شاء الله
الياس : وش تشربين
هتاف : كوبتشينو
جاب لهم كل واحد طلبه وجاب لهم كمان حلا
الياس : انا بقابل ابوك بس مو الحين لما يطلع من المتسشفى
هتاف انصدمت ماتوقعت يتقبلها بعد كل اللي قالته له
هتاف : تمام ان شاء الله يلا انا لازم ارجع
الياس : السواق حقي موجود خل نرجعك الوقت تأخر وانتِ لحالك
هتاف : تمام
قامت هتاف مع الياس وركبو السياره ورجعها هو لان خاف اذا طلبت اوبر يسوي فيها شي عشان الوقت تأخر شوي
الياس : هتاف بكرا جيبي الملف معاك عشان اشوفه
هتاف : ان شاء الله استاذ
قالت لهم هتاف وين البيت ووصلوها نزلت والياس رجع الفيله عند امه وهو مبسوط وقرر يغير حياة هتاف بعد اللي سمعه منها
السواق : تامر بشي استاذ الياس
الياس : لا صف السياره وروح ارتاح
السواق : ان شاء الله
في قصر ابو سلطان
امطرت الدنيا والجو كان يجنن وبرد والعنود كانت بالقن قامت خرجت تحت المطر وكانت فاتحه يدها من كثر ما تحب المطر
العنود بفرح : الله مطر
صارت تجري تحت المطر وتلعب وهي مبسوطه كان سلطان بالغرفه جالس يقلب في الجوال فجأة راح عند الشباك يشوف المطر وشاف العنود تحت المطر خارجه من القن
سلطان : والله حسابها معاي
نزل سلطان تحت وراح عندها وهو معصب مرا وكانت هي تجري ومانتبهت ان سلطان يطالع فيها
سلطان بعصبيه وصراخ : ي عنود تعالي بسرعه
سمعت العنود صراخ سلطان خافت وجات عنده
سلطان : ليه طلعتي تحت المطر وخرجتي من القن
العنود : احب المطر ولا برضه ممنوع
سلطان بعصبيه مسك يدها وقال
سلطان : ليه تخرجين من القن بدون اذن مني
العنود بوجع : اترك يدي عورتني
سلطان : انقلعي داخل بدلي ملابسك عشان ماتمرضين وحسابك معاي
العنود دخلت بدلت ملابسها وبعد ماخلصت جا لها وهو متنرفز منها بسبب اللي سوته
سلطان : برجعك ثاني القن بس
العنود بقهر : وليه ترجعني خلاص عاد
سلطان بعناد : ايه برجعك وعقابك تسوين لي مساج
العنود : مارح اسوي شي
سلطان : تسمعين كلامي ولا اسوي شي مايعجبك
العنود بعناد : مارح اسمع الكلام
سلطان قام معصب واعطاها كف وهي دمعت وقالت
العنود : انقلع الله ياخذك
سلطان : سوي لي مساج يلا
استسلمت له العنود وراحت سوت له مساج وبعد ماخلصت رجعها القن عقاب لها وهي تنرفزت لمتى بتكون كذا حياتها
في فيلة ابو ريماس
كانت ريماس بالغرفه واتصلت على صاحبتها الهنوف عشان تفضفض لها اللي صار معاها
بعد مده ردت عليها
ريماس : السلام عليكم
الهنوف : وعليكم السلام
ريماس ببكاء : تعالي عندي
الهنوف بخوف : وش فيك تبكين
ريماس : تعالي عندي احتاجك
الهنوف : يلا الحين جايه
قفلو من بعض وريماس قعدت تنتظرها وبعد مده جات لها
ام ريماس : السلام عليكم
الهنوف : وعليكم السلام وين ريماس
ام ريماس : فوق بغرفتها
الهنوف : تمام
طلعت فوق الهنوف وراحت غرفة ريماس ودقت الباب
ريماس : تفضل
دخلت الهنوف وقامت لها ريماس تحضنها وتبكي
الهنوف بخوف : بسم الله عليك وش صاير معاك
ريماس بضيقه : ما ابيه ما احبه
الهنوف : مين وش صاير قولي لي
الهنوف اخذت ريماس وجلستها على السرير وقالت
الهنوف : تكلمي انا جيت عشانك
ريماس : انا متزوجه لؤي ابن عمي ولي فتره طويله من بعد زواجنا ماحملت
الهنوف : ايه
ريماس : وامه تقولي متى بتحملين وهو كمان متى بتحملين ولازم نروح المستشفى
الهنوف : انت مو بيدك شي اذا ربي مو كاتب لك الحين تحملين
ريماس : قلت له كذا عصب علي وخلاني انام برا بالصاله وبعدها ضربني وامه عصبت علي
الهنوف : مجنون ذا يمد يده عليك وامه معليش يعني شفيها المفروض تفهم ان كل شي في ارادة رب العالمين
ريماس بكت من قهرها جات الهنوف وحضنتها وتحاول تهديها ومو عارف كيف لان ريماس تبكي وتشهق انقهرت منهم حيل
الهنوف بحنيه : رموستي لاتبكين خلاص مع نفسه لاتضايقين عمرك
ريماس بشهاق : هو مايحبني لو يحبني يصبر علي مو يضايقني
الهنوف : خلاص ي عيوني انا هنا عشانك قومي غسلي وجهك وتعالي
قامت ريماس ودخلت الحمام ( الله يكرمكم ) وغسلت وجهها وقبل تخرج جات ام ريماس دقت الباب
الهنوف : تفضل
ام ريماس : كيف ريماس الحين
الهنوف : كانت تبكي ي خاله وخليتها تغسل وجهها
ام ريماس : زين الله يسعدك حاولي تغيرين نفسيتها
الهنوف : ان شاء الله
خرجت ريماس وشافت امها قالت
ريماس : يمه تبين شي
ام ريماس : لا جيت اشوف تبون شي
ريماس : اي يمه باجيب اشياء اضيف الهنوف
ام ريماس : تمام
خرجت ام ريماس وريماس فتحت الجوال وطلبت اشياء لهم وجلست تغير جو شوي مع الهنوف
في شقة ابو راكان
رجع راكان من برا ودق الباب فتحت له ريم ودخل
راكان : السلام عليكم
ريم : وعليكم السلام
راكان : وين امي
ريم : جو بغرفتها تقراء قران
راكان : زين
دخل راكان وراح غرفت امه ودق الباب
ام راكان : تفضل
راكان : السلام عليكم
ام راكان : وعليكم السلام
راكان : يمه فاضيه بتكلم بموضوع
ام راكان : ايه
راكان : كنت مع صاحبي عبد العزيز
ام راكان : ايه وبعدين
راكان : قالي افتح مشروع
ام راكان : وش بيكون المشروع
راكان بحماس : بفتح مشروع بانكيك وذي الاشياء
ام راكان : من فين راس المال
راكان : عبدالعزيز بيساعدني بكل شي لين يكبر مشروعي
ام راكان : الله يوفقك يارب ويكتب لك كل خير
جات لهم ريم ودقت الباب
ام راكان : تفضل
راكان سوا نفسه مايشوفها عشان يعلمها انها غلطانه
ريم : ممكن اتكلم معاك ي راكان
راكان مارد عليها ولف وجهه عنها مايبي يشوفها
ريم بدموع : ممكن تسمعني
راكان : نعم وش تبين
ريم : انا اسفه على اللي صار وانا غلطانه المفروض ما اطلع للي اعلا مني
راكان : ماعليه انتِ اختي وانا احبك اعتذري من امي مو مني
ريم : يمه اسفه
ام راكان : الله يسامحك
راكان : انجحي من اول متوسط وانا بجيبه لك اللي تبينه بس الافضل ي ريم نقول الحمدلله على قضاء ربنا عشان اللي معانا مايروح منا كمان
ريم بفرح : ان شاء الله
خرجت ريم من عندهم وانبسط راكان انها جات وعتذرت وحست بالذنب
راكان : يلا باروح ارتاح يمه
ام راكان : تمام
في فيلة ابو لؤي
كان جالس لؤي بالغرفه ومقهور من كل اللي صار ولي سوته ريماس قرر ينزل عند امه ويتكلم معاها بخصوص الزواج من وحده ثانيه
نزل تحت وراح عند امه
لؤي : يمه وينك
ام لؤي : هنا بالصاله تعال
راح لها وجبس عندها وقال
لؤي : يمه شصار معاك بخصوص زواجي من الثانيه
ام لؤي : جالسه ادور لك
لؤي : ياريت يمه تستعجلين ابي اتزوج
ام لؤي بفرح : ابشر باشوف لك وحده اذا عجبتني قلت لك عنها
لؤي : تمام ان شاء الله
ام لؤي : صار شي بخصوص ريماس
لؤي : خل تنقلع عمي متصل علي وانا مارديت
ام لؤي : رد عليه شوف وش يبي
لؤي : وش يبي يعني اكيد بيتكلم بخصوص ريماس
ام لؤي : ان شاء الله ابوك مايعصب
لؤي : على وش يعصب وريماس غلطانه
ام لؤي : ما اكلت صح تركتك ريماس بدون اكل
لؤي بجوع : ايه يمه ميت جوع
قامت ام لؤي وحطت لولدها اكل وتتحسب على ريماس عشان تركت ولدها من غير اكل بعد مده جات وجابت له الاكل
لؤي : يمه ما ابي احد يدري غير يوم الزواج
ام لؤي : اللي تبيه
جلس ياكل وبخطط مع امه عشان اللي بيتزوجها ولا كأنهم مزعلين ريماس ومضايقينها
بعد ماخلص اكل قام وطلع الشقه حقته وجلس يتابع على الجوال جاته رساله من ابو ريماس مكتوب فيها
ابو. ريماس : اتمنى انك تتصل علي لان جوالك كل شوي يعطيني مغلق
بعد مده قرر يتصال يشوف عمه وش يبي
لؤي : السلام عليكم
ابو ريماس : وعليكم السلام
لؤي : امر عمي
ابو ريماس بقهر : لازم نتقابل في موضوع ضروري بتكلم معاك فيه
لؤي : ان شاء الله بكرا الحين مشغول
ابو ريماس : تمام
لؤي : تبي شي عمي
ابو ريماس : لا سلامتك
قفل لؤي المكالمه ماله خلق يتكلم مع عمه لان عارف لو طول بتصير مشكله
لؤي : بكرا اروح له اشوف وش يبي فاضي له انا الحين
جلس يقلب بالجوال من برنامج لبرنامج وماكلم ريماس ابدا ولا فكر يراضيها
في فيلة ابو الياس
بعد مارجع الياس من برا راح عند امه وجلس معاها قرر يكلمها بخصوص هتاف
الياس : السلام عليكم
ام الياس : وعليكم السلام
الياس : يمه بتكلم معك بخصوص هتاف
ام الياس : تكلم
الياس : يمه لاتكلمينهم الحين انتظري
ام الياس بصدمه : ليه ماعاد تبيها
الياس : الا ابيها بس ابوها ذي الفتره بالمستشفى احس الافضل ننتظر لين يخرج
ام الياس : تمام اللي تشوفه ي ولدي
الياس : الله يخليك لي يارب
قام الياس وراح غرفته ورسل لهتاف
الياس : ماقلتي لي موافقه علي
بعد مده ردت وقالت
هتاف : لسه جالسه افكر
الياس : زين الله يكتب اللي فيه الخير
هتاف : امين يارب
الياس : لما يخرج ابوك من المستشفى بلغيني
هتاف : ان شاء الله
خلص منها وبعد كذا اتصل على سمير وكلمه
الياس : السلام عليكم
سمير : وعليكم السلام
الياس : بطلب منك طلب
سمير : امرني استاذ
الياس : ابي منك تدبر لي ممرض
سمير بخوف : ليه فيك شي استاذ
الياس : لا انا بخير ابيه لواحد اعرفه تعبان ويحتاج ممرض
سمير : ان شاء الله اذا شفت احد رضي باكلمك
الياس : ان شاء الله تسلم
قفلو من بعض وقرر الياس يجيب لابو هتاف ممرض يساعده لان حس صعب وهو مشلول اهله يتاعملون معاه لازم ممرض وبيدفع له ايش ماكان وبيحاول يسعد هتاف قد مايقدر ويتمنى توافق لان يحس في اعجاب وحب لها
في فيلة ابو ريماس
بعد مارجع ابو ريماس من برا دخل وبدل ملابسه وراح عند ام ريماس
ابو ريماس : ي عاليه
ام ريماس : هلا
ابو ريماس : انا بكرا بقابل لؤي وافهم الموضوع الي صار كله واحاسبه عشان ضرب بنتي
ام ريماس : زين واصلا مو من حقه يضربها
ابو ريماس بقهر : كلمته قلت له ابيك بموضوع يقول بكرا مسوي فيها يعنني مشغول
ام ريماس : ماعليه لاتقهر نفسك
ابو ريماس : كيف ريماس
ام ريماس : شوي احسن جات لها صحبتها تغير لها نفسيتها
ابو ريماس : كويس الله يسعدها
ام ريماس : والله لو يصير شي في ببنتي بسببه وربي اوريه
ابو ريماس : ماعليك حسابه بكرا معي اهم شي بنتك الحين ماتتعب ويصير فيها شي
ام ريماس : ان شاء الله
كانت ريماس بالغرفه وتضحك من قلبها مع صحبتها قدرت صحبتها تغير لها مودها سمعت صوت ابوها خرجت له وراحت غرفته ودقت الباب
ابو ريماس : تفضل
ريماس : يبه
ابو ريماس بحب : عيون ابوك
ريماس : ممكن طلب
ابو ريماس : امريني
ريماس : نبي نطلب عشا
ام ريماس : اطلبو ولا الزفت مو معطيك مصروفك
ريماس بحزن : عساس اليوم اخذ مصروفي منه وشفتي اللي صار يمه
ابو ريماس بحنيه : روحي اطلبي الي تبونه وصرفتي كلها تحت امرك
ريماس بفرح : الله يخليكم لي يارب
كلهم بصوت واحد : امين يارب
ابو ريماس : يلا روحي لصحبتك لاتخلينها لحالها
طلعت ريماس وهي مبسوطه وراحت عند الهنوف وطلبو عشا وتحس ريماس نفسيتها عند اهلها وصحبتها احسن من عند لؤي
ريماس : هنوفي
الهنوف بحب : عيوني
ريماس : الله يخليك لقلبي
الهنوف : امين يارب
طلبو الاكل وبعد ساعه جاهم وبدو ياكلون وريماس تحس بسعاده كبيره رغم اللي صار معاها وتحمد ربها على الهنوف عشان اللي تسويه معاها
في شقة ابو هتاف
كانت هتاف بالغرفه تكلم الياس بعد ماخلصت قامت وخرجت من الغرفه وراحت عند امها
هتاف :ماما
ام هتاف : عيوني
هتاف بتوتر : بدي احكي معك بموضوع
ام هتاف : احكي
هتاف : الياس قلت له عن وضعي ووضع بابا
ام هتاف : اه ايش قال
هتاف : قال مش راح يجو هلاء لين بابا يطلع من المستشفى وقالي راح اقابل ابوكي
ام هتاف : الله يكتب اللي فيه الخير انتِ موافقه
هتاف استحت ماقدرت تتكلم قالن ام هتاف
ام هتاف : فديت اللي استحت قولي موافقه ولا
هتاف بحياء : موافقه
↚
صارت ام هتاف تزغرط من الوناسه عشان بنتها وافقت وصارت تدعي لها
هتاف : بابا ايمتى راح يطلع من المستشفى
ام هتاف : مابعرف بس لازم اذا طلع نشوف له ممرض
هتاف : ان شاء الله بنسأل بالمستشفى الدكتور ونفهم منو كل شي
ام هتاف : ان شاء الله
هتاف : يلا انا باقوم اصلي ركعتين ادعي ربي
راحت هتاف الحمام (الله يكرمكم) وتوضت ودخلت غرفتها وسكرت الباب ولبست شرشف الصلاة وفرشت السجاده وبلشت تصلي وتدعي ربها ان تكون حياتها حلوه مع الياس
بعد ماخلصت قامت ورسلت للعنود
هتاف : عنوده موجوده
بعد مده ردت عليها
العنود : هلا
هتاف : انا وافقت على اللي بيتقدم لي
العنود بفرح : الله يكتب لك اللي فيه الخير يارب
هتاف : بس مارح يجي الحين عشان ابوي لسه بالمستشفى
العنود : ماعليه ان شاء الله ابوكي يطلع بالسلامه ونفرح فيك
هتاف بفرح : ان شاء الله
قفلت منها وراحت تتفرج مسلسلها لان نزلت منه حلقه وبعد ماخلصت قررت تنام تريح نفسها لان تحس نفسها تعبانه لها فتره مو مرتاحه
في قصر ابو سلطان
كالعاده صحي سلطان دخل الحمام ( الله يكرمكم ) بعد ماخلص خرج ولبس ملابسه وساعته ورش من عطره المفضل اللي كانت حبيبة الطفوله تحبه
سلطان بحزن : اخ كانت تحب تشمه علي الله يرحمها
نزل تحت وطلع الحديقه وراح عند العنود
سلطان : هي انتِ قومي
العنود بتعب : وش تبي
سلطان : اطلعي سوي لي فطور
العنود : انا تعبانه خلي غيري يسوي لك
سلطان بعصبيه : تبين اضربك واضح جلدك يحكك
العنود بدوخه : تعبانه مالي خلق شي
سلطان مسك عنود بالغصب رغم انها تعبانه واخذها للمطبخ وقال خلال نص ساعه ويكون الفطور ولا بيصير شي مايعجبها
استسلمت العنود له ودخلت تسوي له الفطور وعشان تعبانه طولت مرا واخذت وقت اكثر من نص ساعه لان دايخه
سلطان بعصبيه : وين الفطور
العنود مو مركزه بالصوت من التعب جا سلطان معصب ومتنرفز انها تأخرت عليه
سلطان بصراخ : قلت الفطور يجهز بنص ساعه
العنود ماردت عليه قام هو خرج الحديقه وجاب عصا وضرب فيها العنود ومن قوت الضرب والتعب طاحت على الارض مرميه وخرج ولا اهتم لها والخادمات خافو من ضرب سلطان للعنود وصارو يحاولون يصحونها بالقوة قامت شالوها ودخلوها الغرفه حقتها وهي صارت تبكي بسبب الضرب ومن التعب نامت
راحو الخادمات حقون القصر ودو لسلطان الفطور وجلس يفطر وجو اخوانه يفطرون معاه
نادا سلطان وحده من الشغالات وقال
سلطان : وين العنود
الخادمه : بغرفتها
سلطان بعصبيه : مين سمح لها تروح الغرفه
الخادمه : تعبت اغمى عليها ووديناها الغرفه
سلطان : بس ارجع حسابها معاي
خرج سلطان وراح الشغل والعنود مقهوره من اللي صار معاها
في فيلة ابو لؤي
صحي كالعاده لؤي رش من عطره المفضل ولبس ساعته ونزل تحت عند امه
لؤي : صباح الخير يمه
ام لؤي : صباح النور
لؤي : لقيتي وحده
ام لؤي : ايه بس بكلم اهلها عشان نحدد يوم نروح لهم
لؤي : ياريت تستعجلين يمه
ام لؤي : ابشر اجلس افطر
لؤي : بفطر وبعدها باروح الشغل اشوف كم حاجه وبطلع لعمي
ام لؤي : ليه كلمك ثاني
لؤي : لا بس باروح اشوفه امس مكلمني ان يبيني بموضوع
ام لؤي : تمام بس عندي سؤال
لؤي : تفضلي
ام لؤي : وش بتسوي بخصوص ريماس
لؤي : باشوف عمي وبعدها اخذها معي حتى لو غصب
ام لؤي : تمام الله ييسر امورك يارب
لؤي : يارب ولاتنسين تكلمين اهل البنت
ام لؤي بفرح : تمام اليوم العصر اشوفهم
جلسو يفطرون ويكملون سوالف بخصوص اللي بيتقدم لها وايش تقول لهم وكذا بعد ماخلص قام جاته رساله من عمه مكتوب فيها
ابو ريماس : لاتنسى تيجي عندي بعد المغرب ابيك بموضوع
لؤي شاف الرساله وسكر الجوال وركب السياره وراح لشغله وهو بطريق قال
لؤي : شفيه ذا مستعجل قلنا بنيجي له
وصل الشركة ونزل وخلا حارس الشركة يوقفون له السياره وراح دخل المكتب عند ابوه دق الباب
ابو لؤي : تفضل
لؤي : السلام عليكم
ابو لؤي : وعليكم السلام
لؤي : قلت تبيني بخصوص ملف
ابو لؤي : ايه ذا الملف شوفه ودققه احس فيه شي غلط
لؤي : ابشر يبه
ابو لؤي بتفكير : كلمت عمك
لؤي بنرفزه : اف شيبي ذا قلت له باجي كلمني امس ورسل رساله اليوم
ابو لؤي : عيب ي ولدي مهما كان ذا عمك
لؤي : ابشر يبه بكلمه واشوف وش يبي بعد المغرب باروح له
ابو لؤي : الله يرضى عليك
راح لؤي مكتبه واخذ الملف وجلس يدققه وهو مقهور من عمه ليش يكلم ابوه
في الشركة عند الياس
كان عندهم اجتماع وجلسو يتناقشون بالموضوع وعجبتهم الشركة الثانيه الفكره ووقعو العقد معاهم
مدير الشركة : ان شاء الله المشروع ينجح
الياس : ان شاء الله
خرجو من الشركة والياس راح مكتبه وكل واحد راح يشوف الشغل اللي عليه هتاف كانت في مكتبه ومستحيه كيف بتقابل الياس وهو عارض عليها الزواج
دق تلفون المكتب حق هتاف وقال الياس
الياس : تعالي المكتب ابيك
هتاف : ابشر
قامت هتاف وخرجت من مكتبها وراحت عند مكتب الياس ودقت الباب
الياس : تفضلي
هتاف : امر استاذ
الياس بحب : لاتقولين استاذ قولي الياس
هتاف استحت وتحس بتوتر
الياس : شفيك متوتره
هتاف بتوتر : مافيني شي
الياس : تعالي اجلسي
راحت هتاف وجلست على الكرسي ويتناقشون بخصوص ملف وبعد ماخلصو كانت بتقوم جا لعندها الياس وهي توترت مرا
الياس كان بجيبه خاتم مخبيه نزل على الارض وقال لها
الياس بفرح وحب : هل تقبلين الزواج بي
ضحكت هتاف على حركته لان مسوي زي الاجانب استحت وتوترت وتحس بدوخه من اللي صار
الياس : اشبك ساكته
هتاف بحب : نعم اقبل
لبسها الخاتم وقال لها
الياس بفرح : ذي اليومين احنا بنيجي نتقدم وصدقيني طول ما انتي معايا بعوضك عن الايام اللي عشتيها
هتاف من التوتر خرجت من المكتب من غير ماترد عليه وراحت مكتبها وهي تلهث طلبت يجيبون لها مويه
جابو لها وشربت
هتاف بفرح : اخ والله من يوم ساعدني بموضوع ذيك الحيوانه وانا معجبه فيه ومايروح عن بالي
خلص دوامها شالة كل شي مكانه وراحت تطلب اوبر وقبل تتم الطلب جا لها واحد من حراس الشركة
الحارس : استاذه هتاف السيد الياس قال لنا نوصلك للبيت
فرحت هتاف عشان يخاف عليها وراحت مع الحارس ووصلها البيت وهي بقمة سعادتها
في قصر ابو سلطان
كلمت اسيل وحده من صحباتها واتفقو يتقابلون بالمول
لبست اسيل وخلصت ونزلت بتشوف السواق فين ماحصلته عصبت
اسيل بعصبيه : اف ذا كل ما ابيه ما احصله
سمعها ابوها وهو خارج وقال
ابو سلطان : شفيك معصبه
اسيل : كل ما احتاج السواق ما احصله
ابو سلطان : السواق مشغول يجيب اغراض لامك اطلبي اوبر
اسيل بنرفزه : طيب
ابو سلطان : تحتاجين شي
اسيل : ايه ابي فلوس
ابو سلطان : تمام حولت لك ٣الف
طلبت اسيل اوبر وبعد ٣دقايق جاها وقالت له عن المول اللي تبيه ووصلت ونزلت كلمت صحبتها وراحت عندها
اسيل : السلام عليكم
ريم : وعليكم السلام
اسيل : تعالي نتمشى
قامو يتمشون ويدخلون المحلات ويشوفون اللي يبونه
ريم : تعالي نروح عند المطاعم جعت
اسيل : وانا كمان
طلعو فوق وهم يمشون جهت المطاعم كانت اسيل عينها على جوالها تشوف شي وماهي منتبه للي قدامها
خبطت فيه وطاحت بالارض
اسيل بعصبيه : عمى يعمي عيونك ماتشوف
راكان بقهر : انتِ اللي ماتشوفين عيونك على الجوال
اسيل بصراخ : الحقوني يتحرش فيني
راكان بعصبيه : انطمي ي حيوانه لاتسوي مشاكل
اسيل من قهرها اعطته كف ومشيت عنه وراحت وجلست بكرسي
ريم : اشبك
اسيل بنرفزه : مستفز يع بكل مكان يطلع لي
ريم : مين ذا
اسيل : يع ذا يشتغل في اوبر بعدين احكيك سالفته
ريم : تمام بس انتِ الحين روقي
قامو وطلبو اكل وجلسو ياكلون واسيل مقهوره على اللي صار
في فيلة ابو ريماس
قال لهم جهزو القهوه عشان لؤي بيجي وبيجلس معاه وبيتفاهم معاه بخوص اللي صار بينه وبين ريماس
ابو ريماس : جهزتو القهوه
ام ريماس : ايه وصارت بالمجلس
ابو ريماس : يعطيك العافيه
ريماس جات عند ابوها وقالت
ريماس : يبه ما ابي ارجع معاه
ابو ريماس : اللي تشوفينه
راح ابو ريماس المجلس وبعد ساعه وصل لؤي ونزل ودخل عند ابو ريماس بعد السلام قال ابو ريماس
ابو ريماس : ودي افهم وش اللي صار
لؤي بغباء : وش صار ي عمي
ابو ريماس : لاتسوي نفسك غبي وش صار بينك وبين بنتي
لؤي : بنتك قليلة ادب ماتعرف تتكلم زين مع زوجها
ابو ريماس : تكلم زين الا بنتي
لؤي بعصبيه : بنتك مدري متى تحمل وقلت لها نروح المستشفى عصبت
ابو ريماس بقهر : هو الشي ذا بيدها بيد رب العالمين
كانت ريماس تمشي بالصدفه سمعت كلام لؤي انقهرت ودخلت وبعصبيه وصراخ قالت
ريماس : هو ذا الشي بيدي بيد رب العالمين انت وامك تسمعوني كلام محسبين اني انا مسويه شي عشان ما احمل الله ياخذك
لؤي بقهر وقام من مكانه ونسي ان ابو ريماس موجود كان بيضرب ريماس
ابو ريماس قام ومسك يده وقال
ابو ريماس بعصبيه : تمد يدك على بنتي قدامي
ريماس ببكاء : يلا تعال اضربني انت بس شاطر بضرب
خرجت ريماس وراحت غرفتها وهي تبكي ومقهوره منه
لؤي : انا ابغى ريماس ترجع معي البيت
ابو ريماس : مارح تاخذه معاك الحين خل تهدا وبعدين يصير خير
لؤي بقهر : تمام انا بخرج
خرج لؤي وهو مقهور ووده يذبح ريماس وانقهر من عمه
في قصر ابو سلطان
رجع سلطان من برا ودخل البيت وهو تعبان من الشغل
سلطان : السلام عليكم
ام سلطان : وعليكم السلام
سلطان : يمه جيعان خل احد يحط لي اكل
ام سلطان : تمام
قامت ام سلطان وقالت لهم يجهزون الاكل لسلطان
حطو له الاكل على الطاوله وقالو لها يجي عشان الاكل صار هناك
الخادمه : سلطان الاكل على طاولة الطعام
سلطان : تمام يلا جاي
قام سلطان وراح ياكل وهو ياكل تذكر العنود وانه كان معصب منها بعد ماخلص وغسل يده طلع فوق وراح غرفتها دق الباب
العنود : تفضل
سلطان : ممكن ترتبين غرفتي
العنود بتعب : تعبانه شوف وحده من الخدامات ترتبها لك
سلطان بعصبيه : قلت انتِ لو ابيهم كان قلت لهم ولا تبين تنضربين ثاني
العنود بنرفزه : تعبانه دايخه خلاص فكني
سلطان مسك يدها بقوه وقال
سلطان : روحي انقلعي سوي غرفتي وبعدها برجعك القن ثاني
راحت العنود تسوي الغرفه وكل شوي تحس نفسها بيغمى عليها من التعب طاحت على الارض من التعب وهو جا لها
يحاول يقومها قامت ورجعها الغرفه وقال بكرا ارجعها القن
في المول
بعد ماخلصو اسيل وريم اكل قامو وراحو يكملون يتمشون
كان راكان مقهور من حركة اسيل عشان ضربته قدام الناس وقالت انه يتحرش وده يشوفها لو صدفه ويفشلها
كان يشمون وبالصدفه كانو داخلين كلهم نفس المحل
راكان : عبد العزيز شايف اللي هناك
عبد العزيز : ايه ذي نفسها البنت
راكان بضحك : ببالي شس بسويه
عبد العزيز : سيبك منها مجنونه ذي
راكان : انا اجن منها
راح راكان من عندها وهو يمشي خبط فيها وطاحت وفي اشياء طاحت بسببها صار يطالع فيها ويضحك عليها
راكان بضحك : شكلك يموت مو قادر
اسيل بقهر : انقلع ي حيوان
جات حقت المحل وشافت منظر اسيل وعصبت عليها
حقت المحل بعصبيه : ليه كذا صار
اسيل بفشله : بلغلط
حقت المحل : لو في شي خرب بتدفعين حقه
اسيل بنرفزه : ترا انا اقدر اشتريك انتِ ومحلك
حقت المحل انقهرت وقالت لهم يجون يرتبون المكان ويشوفون لو في شي خرب او صار شي
اسيل : الله ياخذه فشلني
ريم بصدمه : بسم الله ذا كيف جا وعرف مكانا
اسيل بقهر : شكله يراقبنا
ريم : مستفز يع وخير يطيحك كذا ويفشلك
اسيل : خل نخرج من هنا
ريم : تمام
خرحو من المكان وهم مقهورين من حركة راكان اللي سوها ويدعون عليه
راكان : شفت شكلها كيف
عبدالعزيز : تضحك
راكان بضحك : ذا جزات اللي يلعب معي
عبد العزيز : كفو
راكان : تعال نشوف الفلم شكله بيبدا الحين
عبد العزيز : يلا
في شقة ابو هتاف
بعد يومين كلمات ام الياس ام هتاف انهم بذا اليوم جاين عندهم عشان يخطبون هتاف لا الياس
ام هتاف : رتبتي البيت ي هتاف
هتاف بتوتر : ايه يمه مادري
ام هتاف : ايه ولا
هتاف : ايه ايه
ام هتاف بحنيه : شفيك متوتره
هتاف : مدري خايفه ومتوتره
ام هتاف : ادخلي غرفتك اجهزي وانا بكمل الباقي
راحت هتاف غرفتها وكانت طالبه وحده تساعدهت بالمكياج والشعر وام هتاف راحت تكمل الباقي وبعد ماخلصت راحت عند بنتها تشوفها ودمعت عيونها
ام هتاف بدموع : ما شاء الله حصني نفسك ي قلبي
هتاف : يمه لاتبكين
ام هتاف بفرح : دموع الفرح الله يوفقك يارب
هتاف : كم باقي ويجون
ام هتاف : نص ساعه
بعد نص ساعه جو وراحت ام هتاف تستقبلهم وهتاف ضلت بالغرفه لين ينادونها
ام الياس : السلام عليكم
ام هتاف : وعليكم السلام
↚
ام الياس : كيفك وكيف بنتنا هتاف
ام هتاف بفرح : كلنا بخير
ام الياس بفرح : تدرين ليش احنا جينا عندكم
ام هتاف : ايه
ام الياس : نبي بنتكم هتاف لولدنا الياس
ام هتاف : ان شاء الله والبنت اصلا فكرت واستخارت وموافقه
رسل الياس لامه انه بيدخل عشان يلبسها دبلتها والهديه الذهب اللي جابها
ام الياس : انتظر بشوف البنت وبعدها تدخل
جات لهم هتاف وام الياس تسمي عليها من جمالها
ام الياس بمزح : ما الوم الياس يوم يختارك شريكه له
استحت هتاف وسلمت عليها وجلست وسولفو شوي وبعدها قالت لهم ان الياس بيدخل
دخل الياس وسلم على ام هتاف وجلس تكلمو معاه وسألت ام هتاف بعض الاسئله عن عمره وكذا
ام هتاف : الله يتمم لكم على خير
الياس بحب : امين يارب
لبسها الخاتم والهديه اللي جابها لها كانت اسوره ذهب
وكلهم زغرطو وحس الياس ان هتاف حزينه عشان ابوها
الياس : ان شاء الله المره الجايه عمي معانا ونفرح كلنا
ام هتاف : ان شاء الله يمكن بعد اسبوع يخرج
الياس : ي خاله لقيت لكم ممرض يقوم بكل شي يخص عمي
هتاف فرحت وحست بسعاده بقلبها تحس الياس راح يعوضها ويسوي لها كل شي تتمنا
في شقة ابو راكان
رجع راكان من برا وكان مستانس عشان غير جو مع صاحبه عبد العزيز
راكان : السلام عليكم
كلهم مع بعض : وعليكم السلام
ام راكان : راكان الدواء خلص ابي غيره
راكان : ابشري يمه بكرا اجيبه لك
ندى : راكان ممكن طلب
راكان بحنيه : عيوني
ندى : نبي نطلب عشا عادي
راكان : ايه شوفي انت وريم امي وش تبون واطلبو خذي ٢٠٠
ندى بحب : شكرا ي احلا اخ
راكان : العفو يلا باروح ابدل ملابسي
قام راكان غرفته ودخل اخذ شور واخواته طلبو اكل وجا لهم الاكل وكان باقي ٥٠ من الطلب راحت ريم عند غرفت راكان ودقت الباب
راكان : تفضل
ريم : باقي ٥٠
راكان : خذي ٥٠ كمان وحده لك ووحده لندى
ريم : الله
راحت ريم جري عند ندى واعطتها وفرحو وبدو ياكلون مع امهم ومستانسين
ريم : الله يخلي لنا راكان يارب
كلهم مع بعض : امين يارب
بعد ماخلصو كل وحده راحت غرفتها تكمل مذاكرتها وتخلص الواجبات اللي عليها
فجأة ام راكان وهي جايه تمشي طاحت على ركبتها وصارت تصرخ من الالم
جات لها ريم مصدومه وصارت تصرخ عشان تيجي لها ندى
ريم بصراخ : ندى الحقيني
جات ندى وشافت امها ورفعوها وجلسوها على الكنب وراحت وحده منهم تنادي راكان وجا شاف امه قال لهم مستشفى شالها ووداها عشان يعقمون لها الجرحفي المستشفى عند ابو هتاف
بعد الحفله جو له هتاف وامها عشان يتطمنون عليه ويشوفون متى بيطلع دخلو عنده وهم مبسوطين
ام هتاف : السلام عليكم
ابو هتاف : وعليكم السلام
ام هتاف : كيفك ي عبد الرحمن
ابو هتاف بفرح : الحمدلله مبسوط بشوفتكم
هتاف بسعاده : وحشتني بابا
ابو هتاف : اكثر ي قلبي
ام هتاف : مادريت ي عبد الرحمن
ابو هتاف : ايش
ام هتاف بسعاده : هتاف انخطبت امس
هتاف استحت ووجها صار احمر من الخجل
ابو هتاف بفرح : جد تتكلمين
ام هتاف : ايه بحكي بجد
هتاف قامت وورت ابوها الخاتم وهي مبسوطه وكانو فرحانين دق الباب
لبسو حجابهم ودخل الممرض
الممرض : موعد الاكل الحين جبنا لك الاكل
ابو هتاف : شكرا لكم
الممرض : يلا عشان نساعدك تاكل
ام هتاف : مشكور انا بساعده
الممرض تركهم على راحتهم وخلا ام هتاف هي توكل ابو هتاف
هتاف : بابا ايمته راح تطلع من المستشفى
ابو هتاف : والله مابعرف
خلص ابو هتاف الاكل وام هتاف قررت تطلع تشوف الدكتور وتتكلم معاه بخصوص عبدالرحمن
ام هتاف : انا باروح اشوف الدكتور
هتاف : تمام
طلعت ام هتاف وراحت عند الدكتور دقت الباب
الدكتور : تفضل
ام هتاف : السلام عليكم
الدكتور : وعليكم السلام
ام هتاف : متى بيطلع عبدالرحمن
الدكتور : بنشوف وضعه ونقول لكم متى بيطلع
ام هتاف : ليه صاير معاه شي
الدكتور : لا بس لازم احتياط نتأكد من كل شي وبعدها يخرج ولازم تشوفون له ممرض عشان وضعه
ام هتاف : ان شاء الله شكرا
خرجت ام هتاف ورجعت عندهم وقالت لهم اللي قاله الدكتور
في قصر ابو سلطان
صحي سلطان ودخل الحمام (الله يكرمك) غسل وجهه وخرج لبس ملابس عاديه حقت البيت ماله خلق اليوم يروح لدوام حس نفسه متضايق شوي
نزل تحت وراح يفطر مع اخواته
سلطان : صباح الخير
كلهم مع بعض : صباح النور
ام سلطان : اجلس افطر
جلس سلطان افطر وصبو له الشاهي وبعد ماخلص قام وخرج شوي للحديقه
وهو يتمشى بالحديقه تذكرت حبيبته تضايق وهو يتذكر كيف كانت ايامهم وهم صغار
سلطان بضيقه : ليتك موجوده وتشوفين حبيبك كيف تعبان من بعدك
قرر يروح المكتب حق القصر يجلس فيه ويبعد عنهم كلهم مايبي يشوف احد ولا يسمع صوت احد
كالعاده دخل التويتر وكتب
من يوم فارقت عيونها
لا الفرح يفرحني والحزن يحزني
بكت عيوني عليك مره لكن
قلبي بكى عليك الف مره
بعد ماخلص من التغريده ونشرها نزلت دموعه وصار يبكي ويشهق من شوقه لها
سلطان ببكاء : اخ ليتك هنا تمسحين دموعي وتقولين انا معك حسبي الله على من كان السبب في موتك
ندى بعد ماخلصت فطور كانت تدور على سلطان عشان تبي اشياء من البقاله تدور عليه ماحصلته وصارت تسأل عنه
ندى : يمه وين سلطان
ام سلطان : مدري شكله راح الدوام
راحت ام سلطان تبي تكلم الخدم يرتبون لها طاولة الطعام مرة من عند المكتب وسمعت احد يبكي
فتحت الباب ودخلت وشافت ولدها يبكي
ام سلطان بخوف : شفيك يمه ليه تبكي
سلطان ببكاء : مافي شي يمه
ام سلطان بستغراب : كل ذا البكاء ومافي شي
سلطان حضن امه وقال
سلطان : يمه اشتقت لها
ام سلطان : ماعليه ادعي لها روحي غرفتك ارتاح
خرج سلطان من المكتي وراح غرفته وهو ماله خلق شي
شافته ندى كانت بتناديه بس شافت وجهه تراجعة
وهو دخل الغرفه وسكر الباب وكسر عطر من عطوره من كثر الضيقه اللي فيه
في فيلة ابو ريماس
صحيت ريماس ودخلت الحمام (الله يكرمكم) غسلت وجهها وفرشت اسنانها وخرجت بدلت بجامتها ولبست لبس مريح ونزلت تحت عند اهلها
ريماس : صباح الخير ي احلا ام
ام ريماس بأبتسامه : صباح النور حلوتي
ريماس : يمه وش تسوين
ام ريماس : بجهز الفطور ابوك شوي وينزل
ريماس : ارتاحي يمه انا بجهز لكم كل شي
خرجت ام ريماس برا المطبخ وريماس بدت تجهز الفطور
شغلت الغاليه وجابت براد الشاهي وطلعت الكاسات
وقالت للخادمه تودي الفطور بعد ماجهزت الشاهي خرجت وراحت تفطر مع اهلها
ريماس : صباح الخير يبه
ابو ريماس : صباح النور كيف نفسيتك اليوم
ريماس : شوي احسن
بدو يفطرون وهم يفطرون تكلم ابو ريماس وقال
ابو ريماس بحب : تبون شي قبل اخرج
كلهم مع بعض : تسلم مانبي غير سلامتك
خرج وقامت ام ريماس تنادي الخادمه تشيل الاكل مكانه وتربت لها المكان
ام ريماس : ميري
ميري : نعم مدام
ام ريماس : شيلي الاكل ورتبي المكان
ميري : حاضر
ام ريماس : بس تخلصي رتبي المجلس
ميري : ان شاء الله
راحت ميري تسوي كل شي قالته ام ريماس لها وام ريماس دخلت غرفته شوي ترتاح لين موعد الاغداء
بعد ماغسلت يدها ريماس طلعت لغرفتها وهي جالسه تقلب بالجوال دخلت التويتر وقررت تنزل تغريده وكتبت
وينك حبيبي 💔🥺
خرجت من التويتر وكانت تجيها تعليقات ولايكات كثير
دخلت برنامج الاغاني وشغلت المقطع اللي يقول زارني والشوق في عينه
وهي تسمع المقطع نزلت دمعه على خدها وتضايقت ليش كذا صار معاهم وتغير عليها
ريماس بقهر : كان يحبني ليه كذا صار يعاملني ولا هو كذاب مايحبني
صارت تبكي بشهاق ومقهوره من لؤي وامه لان الشي اللي صار معاها مو ببيدها ربي كتب انها ماتحمل الحين قامت
ومن كثر القهر طاحت على ركبتها وتعورت وصارت تمسك ركبتها من الالم ماتدري من وش تلقها
في فيلة ابو الياس
↚
صحي الياس وبدل ملابسه ولبس ملابس الدوام ونزل تحت عند امه
الياس بابتسامه : صباح الخير ي احلا ام بالدنيا
ام الياس : صباح النور
الياس : يمه قومي البسي اليوم بنفطر برا
ام الياس : ودوامك
الياس : عادي انا المدير مافيها شي لو تأخرت عشانك
ام الياس : اعطيني وقت ابدل ملابسي واجيك
خرجت الياس وقال لسواق يجهز لهم السياره ويخليها بارده عشان امه
بعد ما خلصت ام الياس ولسبت عبايتها خرجت وركبو السياره
الياس : وين تبين تفطرين يمه
ام الياس : اي مكان فيه فطور لذيذ
الياس كلم السواق وقال لهم يوديهم المطعم اللي يبونه
وصلو ونزلو والسواق وقف السياره على مايخلصون
دخلو المطعم واختارو الطاوله اللي يبونها وجلسو
جا نادل المطعم واعطاهم المنيو وبدو يشوفون وش يبون
ام الياس : شوف اللي تبيه جيبه
الياس بابتسامه : يمه اطلبي اللي تبينه فلوسي وانا تحت امرك
طلبو كل شي يبونه وبعد مده جاهم الاكل تكلمت ام الياس وقالت
ام الياس : الياس
الياس : امري يمه
ام الياس : كلم السواق خل يجي مسكين يفطر
الياس : حاضر
اتصل الياس على السواق وقال له يجي لهم يفطر معاهم وطلبو له شاهي وبعد ماخصلو حسابو وخرجو والياس اخذ امه محل اغراض المطبخ تشتري اللي تبيه بدال المواعين اللي خربت عندها وبعد ماخلصو خرجو ورجعت ام الياس البيت والياس اتجه لشركة
في فيلة ابو لؤي
صحي لؤي ودخل الحمام ( الله يكرمكم) اخذ شور على السريع وخرج وكان المكيف شغال لبس ملابسه حق الدوام ورش من عطره ولبس الساعه كالعاده
خرج من الغرفه وراح المطبخ يسوي له اي شي على السريع ياكله ونسي ينشف شعره عشان لايمرض من المكيف
بعد ماخلص اكل نزل تحت وكان الشقه حقته يبي لها تعديل وترتيب ومكان في احد يجي وينظف له
لؤي : صباح الخير
ام لؤي : صباح النور
لؤي : يمه خلي وحده من الخدم ترتب لي الشقه فوق الدنيا معفوسه
ام لؤي : كله من ريماس عشانها راحت عند اهلها مو مهتم لك
لؤي : يمه ماعلينا خل احد ينظف انا باروح الدوام
خرج لؤي الشركة حقته وام لؤي كلمت الخدم اثنين يطلعون ينظفون ويرتبون كل شي بشقة لؤي
انقهرت على ولدها كيف كذا تاركته ريماس ولا مهتما لشي
ام لؤي : من حقي ازوجه تاركته ولا تقول كيف جالس او محتاج شي
طلعت فوق وشافت منظر الشقه وانصدمت من اللي شافته وقالت لها يعقمون كل شي ومايخلون شي في الارض ويعقمون الحمام ( الله يكرمكم ) وبعد ماخصلو شالو اغراض التنظيف ونزلو تحت وهي راحت تبخر الشقه كلها عشان لما يرجع لؤي يكون مرتاح
جا ابو لؤي يدور عليهم يشوفهم وين لان لسه ساعه يدور على ملف ولا حصله ناده على وحده من الخدم وقال
ابو لؤي : وين ام لؤي
الخدامه : فوق شقة لؤي تبخرها
ابو لؤي : ناديها
راحت نادتهت ونزلت تحت تشوف وش يبي
ام لؤي : وش تبي
ابو لؤي : في ملف تركته بالغرفه وينه
ام لؤي : وانا ارتب الغرفه حطيته بدرج
ابو لؤي بعصبيه : مين قال لك تمسكينه لو صار فيه شي او ضاع
ام لؤي بقهر : مارح يضيع لان خبيته لك
ابو لؤي : تمام خلاص باروح اخذه واطلع لشركة
راح جاب الملف وراح للشركة عشان عندهم اجتماع وخاف ملف الاجتماع يكون ضاع
في الشركة عند الياس
دخل الياس الشركة وراح لمكتبه وبدا يشوف الملفات ويوقع الملفات اللي يبي لها توقيع دق على مكتب هتاف واستغربت ليه ماردت عليه بالعاده ترد عليه
اتصل على مكتب سمير يكلمه يسأله بعد مده رد عليه
الياس : السلام عليكم
سمير : وعليكم السلام
الياس : بسألك هتاف ماجات اليوم
سمير : لا والله لسه ماجات
الياس : تمام اجل كلم لي احد يسوي لي قهوه
سمير : تمام
كلمهم سمير يسون له قهوه والياس مستغرب ليش هتاف ماجات جابو له القهوه وكمل الملفات وبعد ساعه كان عنده اجتماع وكانت هتاف المفروض موجوده عشان الاجتماع وكان الاجتماع مرا مهم ومستغربين ليش هتاف تأخرت
كانت هتاف بطريق للشركه وهي بالطريق كان في واحد يلاحقها وهي خايفه يصير لها شي او تسوي حادث بسببه
هتاف بخوف : حاول تضيعه
الرجال : ان شاء الله
وصلو الشركة وحاسبت الرجال ونزلت وكان اللي يحلقها وراهم وقف السياره ونزل منها وهي مانتبهت له ومسكها
الرجال : ولا صوت امشي معايا
هتاف بخوف : وش تبي مني ابعد عني
الرجال بخرفنه : ابيك لي
هتاف خافت من نظراته وجات بتصرخ سكر فمها
شافهم واحد من الحراس وكان بيحاول يساعدها بس ماقدر ودخل الشركة زي المجنون يدور على الياس يخبره
الحارس بتوتر : وين استاذ الياس
واحد من اللي يشتغلون قال
الموظف : وش في
الحارس بصراخ : بسرعه نادوه
جا الياس على صراخه ومستغرب ليه يصرخون
الياس بعصبيه : ليه الصراخ وش فيه
الحارس : استاذ هتاف انخطفت
الياس بصدمه : وش تقول
الحارس : ايه حاولت اساعدها ماقدرت بسرعه حرك السياره
الياس بتوتر : وقفو الاجتماع وخلونا ندور عليها لايصير لها شي
نروح عند سالم بالسجن
قبل يخطفون هتاف
جات له زياره من شخص يعرفه يبي يتطمن عليه ويبي يتفق معاه على شي
الشرطي فتح الباب وقال
الشرطي : سالم في زياره لك
سالم بأستغراب : مين
الشرطي : تعال وتعرف
خرج سالم مع الشرطي وراح يشوف مين ذا اللي جا يزوره
سالم بصدمه : انت
فراس : ايه انا شفيك مصدوم
سالم : لا بس استغربت لنا فتره عن بعض
فراس : الحين انت كيفك
سالم بتعب : تعبان ودي اطلع من هنا
فراس : ماقالو متى بتخرج
سالم :سألت يقولون لسه
فراس : محتاج شي تبي شي
سالم بعد تفكير قال
سالم : اي ابغى اسوي شي في الياس
فراس : وش بتسوي
سالم : انا ما اعرف وش صار معاه لان انا هنا بس
فراس بضحكه : انا اقولك سمعت انه خطب اللي تشتغل عنده
سالم بتفكير : عندي فكره تعرف مكان الشركة هي بس تروح هناك تخطفها ونهدد الياس فيها
فراس بعد تفكير عميق قال
فراس : تمام بس وش نهدد فيه
سالم بخبث : راح تسوي انك معجب فيها ومن ذا الكلام وكذا نخرب بينهم
فراس بضحكة شر : هههه يستاهلون
جا لهم الشرطي : انتها وقت الزياره
فراس : انا بسوي كل شي وباجي لك بعدين اعلمك بكل شي
سالم : تمام يلا انا باروح
رجع سالم جوا وهو يضحك بخبث وقال
سالم : لا تفكر بخليك مرتاح ي الياس وانا بسجن
راح مكانه يتمدد وهو مبسوط انه بيخرب بينهم
في المستشفى عند ام راكان
كانو جالسين ريم وريف على الكرسي وخايفين مرا على امهم ومتوترين لان هي مريضة سكر لان مريض مايتحمل الجرح
ريم ببكاء : ماما راح تكون بخير صح مافيها شي
ريف حضنت اختها وقالت
ريف بحنيه : اي بتكون بخير اكيد جرح بسيط
بعد ما خلص راكان وامه من عند الدكتور راحو الصيدليه اللي في المستشفى عشان يجيبون كل الادويه الناقصه والمطلوبه عشان الجرح
راح راكان عند خواته وشاف ريم تبكي
راكان : شفيها ليه تبكي
ريف : خافت على ماما
راكان : يلا نروح السياره
وصلو السياره وساعدو امهم تركب وركبو
ريف : راكان
راكان : هلا
ريف : مانبي نرجع البيت
راكان : بس امي اكيد تعبانه
ام راكان : لا ماودي ارجع البيت ودي اغير نفسيتي
راكان بحب : تم على ذا الخشم وين تبون نروح
فكرو كلهم وقالت ام راكان
ام ركان : جيعانه خل ناكل في اي مطعم
راح راكان واخذهم لمطعم عشان ياكلون فيه وبعد ماخلصو راح راكان واخذهم كل واحد يشتري اللي يبيه من مكانه المفضل
ام راكان بحب : روح ياراكان ربي يفرح قلبك ويرزقك ويكتب لك كل شي تتمناه زي ماتفرحنا وتسعدنا رغم وضعنا المادي
استانس راكان على دعوة امه يحس قلبه فراشات بعد ماخلصو رجعهم البيت وهو راح لشغله يوصل الناس
في شقة ابو هتاف
ام هتاف استغربت هتاف ليه ما جات للحين بالعاده ياتيجي عشان الغداء او يكون مخلص دوامها العصر قررت تتصل عليها وتشوفها وين اتصلت اكثر من مرا
ماحد يرد رجعت اتصل حوالي 30مرا وماحد يرد عليها
ام هتاف بخوف : بنتي شكله صار لها شي عشان كذا ماترد وش اسوي كيف بعلم ابوها مارح يقدر يسوي شي
جلست تدعي وتسودع بنتها نزلت دمعتها اتصلت اخر مرا ورد عليها فراس
فراس : مين معي
ام هتاف : ذا مو جوال بنتي
فراس : مين انتِ تكلمي
ام هتاف : وين بنتي
فراس بخبث : بنتك مخطوفه
ام هتاف بصدمه : ايش تقول
فراس : تبين بنتك نفذي اللي اقوله لك
ام هتاف بتوتر : تكفى رجع لي بنتي
فراس بضحكه شريره : تحلمين تشوفين بنتك غير لما اسوي اللي في بالي
قفل فراس بوجهها وهي طاحت على الارض مو عارفه وش تسوي قررت تتصل على الياس
رد عليها وسمعها تبكي خاف عليها
الياس : شفيك ي خاله
ام هتاف بضيقه : بنتي ي الياس ابي بنتي
الياس : لاتبكين بنتك بترجع لك
ام هتاف بخوف : اتصلت على رقمها رد علي اللي خطفها يقول تحاىلمين تشوفين بنتك لين تسون اللي ابيه
الياس جن جنونه وقال
الياس بحنيه : برجع لك بنتك لاتخافين
قفلت منه وراحت تصلي لها ركعتين تدعي لبنتها وتسودعها عشان مايصير لها شي
وبعد ماخلصت قامت تشرب مويه تهدي على نفسها لين الياس يحل الموضوع
في فيلة ابو ريماس
قامت ريماس ونزلت تحت الحديقه وجابت دفتر الخاص فيها وبدت تطلع كل اللي فيها وتكتبه بدفتر نادت الخادمه عشان تسوي لها قهوه
الخادمه : هلا
ريماس : سوي لي قهوه
الخادمه : تمام
كملت ريماس تكتب وتطلع كل اللي بقلبها بدفتر وجابت لها الخادمه القهوه وكان الجو يجنن فيه بروده حلوه بعد ماخلصت شغلت اغنية ليه بنادي الناس في اسمك
جلست تسمعها وبعدها نزلت دموعها ومسحتها وقالت
ريماس بحزن : بمسح دموعي ليه ازعل عليه وهو مو مهتم ليه بكلم هنوفي اطلع معاها اغير جو
اتصلت على الهنوف وردة عليها بعد مده
ريماس : كيفك ي قلبي
الهنوف : بخير ي روحي انتِ كيفك
↚
ريماس : ضايق خلقي ابغى اطلع تجين معي نغير جو
الهنوف بحب : تدرين ي ريماس اني اعتبرك اكثر من اخت ومستعده اسوي اي شي عشانك
ريماس بابتسامه : تمام انا بكلم اهلي وانتِ تعالي عندي نطلع سوا
الهنوف : تمام يلا
هنا وقتها كانت الهنوف مخططه مع كافي تحتفل مع ريماس عشان صداقتهم مر عليها ٨سنين وكانت جايبه ومسويه كل سي وريماس ماتدري
راحت ريماس عند امها وقالت
ريماس : يمه
ام ريماس : هلا
ريماس : يمه بطلع مع الهنوف اغير جو احس جلست البيت جابت لي الضيقه
ام ريماس : تمام اطلعي
ريماس : وابوي
ام ريماس : انتِ عارفه ابوك يحبك مارح يقول شي
راحت ريماس غرفتها وبدت تلبس وتحط مكياج خفيف بعد مده جات لها الهنوف ونزلت تحت عندها وكلمت ريماس السواق عشان يوديهم المكان اللي يبونه
الهنوف : صار شي جديد بينكم
ريماس : لا ولا حتى فكر يتصل يشوف محتاجه شي او لا
الهنوف : ماعليه سيبك منه خل نستانس
شغلو اغنية ويصورون وهم مستانسين وتحس ريماس الله عوضها بهنوف
ريماس : الله لايحرمني منك صدق ربي عوضني فيك عن كل شي امر فيه
الهنوف بحب : امين
ريماس : وين نروح
الهنوف : خل كل شي علي انا محضره لك مفاجأة
ريماس : تمام
استانست ريماس وتحس قلبها فراشات وراحو للمكان اللي حجزته الهنوف ونزلو
في فيلة ابو لؤي
كان لؤي جالس مع امه ويتقهون ويتحلون ويسولفون وبسط السوالف حقتهم قال لؤي
لؤي : يمه
ام لؤي : هلا
لؤي : نروح بكرا نشوف البنت ونحدد كل شي مع اهلها عشان تتم الخطوبه
ام لؤي : تمام الحين اكلم ام البنت واقول لها
قامت ام لؤي وراحت تجيب الجوال عشان تتصل على ام البنت
اتصلت عليها وبعد مده ردت عليها
ام لؤي : السلام عليكم
ام تالين : وعليكم السلام
ام لؤي بفرح : حابه اقولك ان نحنا بكرا جاين عشان بنتك نخطبها للؤي
ام تالين بفرح : حياكم الله تشرفونا في اي وقت
ام لؤي : تسلمين ي قلبي يلا نشوفكم بكرا على خير
قفلت منها وراحت عند لؤي عصان تقول له
ام لؤي : لؤي انا كلمت ام البنت
لؤي : ايه
ام لؤي : خلاص بنروح بكرا لهم
لؤي : تمام وانا باقوم اجهز اموري من بدري عشان ما انسى شي
ام لؤي : ابيك تجيب شي ناخذه معنا بكرة
لؤي : تمام ابشري يمه
ام لؤي : صح وش صار مع ريماس
لؤي : عمي قال خليها عندنا ترتاح وبعدها يصير خير
ام لؤي : زين عشان نرتب امورنا وبعدها تشوف موضوعها
لؤي بقهر : وعمي ماعجبه كلامي اني قلت لها ابيها تروح المستشفى نشوف سبب التأخير
ام لؤي : ماعليه الحين تتزوج الثانيه وان شاء الله تجيب لك ولد يحمل اسمك
لؤي : ان شاء الله يارب يلا انا باروح اجيب ثوب جديد
خرج لؤي وراح يشتري له ثوب جديد واشياء يحتاجها وبعدها بيروح الحلاق يرتب شكله وام لؤي مستانسه حيل عشان راح يصير اللي هي تبيه وتشوف حفيد لها
ام لؤي : الحمدلله عقبال ما اشوف حفيدي يارب
قامت سمعت اذان المغرب وراحت تصلي وتدعي لولدها بالسعاده مع زوجته الجديده
عند فراس خاطف هتاف
كانت هتاف بالغرفه وجالسه وماتدري وش تسوي ودموعها تصب ودها تهرب بس مو عارفه كيف جا لها فراس فتح الباب وهي فزت
فراس : شفيك
هتاف بخوف : اطلع برا
فراس : نو ماتدرين مين اتصل
هتاف بلهفه : امي صح
فراس : ايوه امك
هتاف بترجي : تكفى خليني اكلمها
فراس : لا ي حلوه مافي
هتاف : وش تبي مني ومين انت
فراس بخبث : ليه انتِ حلوه كذا حتى وانت تبكين
هتاف خافت يسوي فيها شي بسبب نظراته لها
هتاف بخوف : شفيك كذا تناظر
فراس جا لعندها وصار يمسك خدها وهي تبعد يده وهو يرجع يمسك وهي تبعد قال وتعمد يخوفها
فراس بشر : جهزي نفسك في الليل
هتاف بصراخ: انقلع اطلع برا الي امي ابي الياس وينكم ساعدوني
طلع فراس من برا وسمعها تنادي اسم الياس ضحك بشر ويقول كذا بدت اللعبه اخذ لها صوره وهي مو منتبها وطلب من واحد يعرفه يحاول يجيب له رقم الياس عشان يرسل له صوره
فراس : لاحد يفتح الباب عندها وانتبهو تهرب والحين ودو لها اكل لاتموت علينا
قامت من مكانها تحاول تقوي نفسها ماقدرت طاحت على الارض وصارت تصرخ وتنادي بأسم الياس
هتاف بخنقه : ليه كذا ياربي كل ما تتحسن حياتي يجي شي يخرب علي اخ مالي حظ اني اكون سعيده وين الياس يجي يحميني منه
بكت هتاف بحرقه لين من البكاء غفت من غير ماتحس دخل عليها واحد من اللي يشتغلون عند فراس كان بيحط الاكل شافها نايمه خرج وتركها مرميه على الارض
فراس : ليه رجعت الاكل
البديقارد : لقيتها نايمه
فراس : تمام بس لاتنسى تجيب لي رقم الياس
البديقارد : تمام
تركوها نايمه على الارض ماحد جاب لها شي تدفي نفسها فيه رغم ان الجو برد وفراس قال شغلي بيبدا مع الياس في الليل اوريه كيف يخلي صديقي يدخل السجن
في قصر ابو سلطان
كانت العنود جالسه بالحديقه تتفرج في الجوال وقررت ترسل لهتاف لان اشتاقت لها رسلت لها وكتبت
العنود : كيفك هتاف اشتقت لك
ماردت ومرت ١٠ساعات وهتاف ماردت وكان الجوال مع فراس عشان هتاف ماتقدر تسوي شي من وراه شاف رسالتها للعنود من جوال هتاف فتح الجوال ورد بدال هتاف وقال
هتاف : انا مخطوفه ساعديني
العنود بصدمه : ايش تقولي مين اللي خاطفك
فراس هنا تعمد يقول الياس يبي يخرب بينه وبين هتاف
هتاف : الياس ارسل احد يخطفني
العنود : شفيه ذا مجنون
هنا العنود من الصدمه صرخت وكانت اسيل جالسه بالحديقه كمان سمعتها وعصبت جات لين عندها تقول
اسيل بعصبيه : ليه تصرخين ماكأن في احد بالقصر
العنود بكت : خويتي انخطفت
اسيل عشان تقهر العنود قالت
اسيل : احسن وانطمي
العنود من القهر اعطت اسيل كف على وجهها قامت اسيل ضربتها كف
كانت ندى تمشي وشافت شكلهم خافت وصرخت على صراخها جات المربيه تشوفها
المربيه : وش فيك بسم الله
ندى بخوف : شوفيهم
المربيه : ماعرفت وش تسوي راحت تنادي سلطان عشان يشوفهم
المربيه : استاذ سلطان العنود واسيل يتهاوشون بالحديقه
سلطان عصب ونزل تحت عندهم
سلطان بصراخ : خلاص اتركو بعض
تركو بعض وهم خايفين من سلطان
اسيل بكذب : هي اللي بدت كنت جالسه ادرس وهي جات تضربني من غير سبب
سلطان : صحيح ذا الكلام ي العنود
العنود خافن يصدق اسيل ويرجعها القن قالت
العنود : لا والله كنت جالسه اراسل خويتي وجاني انها مخطوفه وصرخت لان خفت عليها وهي عصبت بس من القهر ضربتها لان قالت احسن
سلطان : ويحتاج كل ذا الهواش عشان شي زي كذا
اسيل : مصدقه مو مصدقني
سلطان بتفكير : انتِ غلطانه ذي ردت فعلها عشان انصدمت من الخبر اكيد بتصرخ اي احد مكانها بيصرخ
اسيل : طيب انقلعو عني
العنود ببكاء : تكفى ساعد خويتي ما ابي يصير لها شي
سلطان : تمام تعالي وريني وش جاك
