فاطمه وصفت لها وين و طلعت لمار متجهه للمطبخ و جوالها بيدها و اصطدمت غمضت عيونها و مسكت راسها : احح

التفت لها طلال : ما تشوفين

لمار فتحت عيونها و ناظرت شكله و هيئته اللي كانت عريضه مقارنه بحجمها الصغير : انا ما اشوف ولا انت اللي واقف هنا بنص الطريق بعد عني

بعد عنها طلال و دخلت المطبخ و دخل وراها و فتحت الدواليب تدور كاس و ما لقت ناظرته : وين الكاسات

تقدم طلال وفتح لها دولاب الكاسات اخذت كاس و بدأت تصب مويه ناظرها طلال اللي ما ينكر بأنه انعجب فيها و بجمالها : كيف راسك

تقدمت لمار تطلع بهدوء من المطبخ و ضحك طلال على تصرفها و بصوت خافت: اي حسابي معاك بعدين

تقدمت لمار للمجلس تعطي شوق المويه بعد ما هدت شوي : شوشو اشربي مويه

تقدمت شوق تأخذ الكاس و تشرب

ناظرتها جوري حاطه شماغ على كتفها : حق مين ليش حاطته

عضت شفتها و ابتسمت بخفته : عوض عطاني قالي خليه على راسك احسن

ابتسمت فاطمه و غمزت لها : مين عوض يالله اعترفي

ضحكت غلا : لا يروح مخك لبعيد ذا اخو جوري و كل دقيقه متهاوشه معه ف مستحيل يجتمعون شمال و جنوب

ضحكت فاطمه و حست بشعور غريب شوق من سمعت كلام غلا ( مستحيل يجتمعون )

لمار : حبيبتي اللي راح تعترف لنا ذي و اشرت على ليان اللي كانت هاديه و تعض اظافرها و عينها كل شوي على جوالها ناظرتها ليان : انا

جوري هزت راسها : يالله كبي العشاء قبل لا تجي عنود و تعرف كيف تكبه لك

ليان بهدوء : ما سويت شي

تقدمت جوري تحضن لمار وقلدت صوت ليان : اذا خلصت يصير اتكلم معك

بدأت شوق تنسى الموضوع و تضحك معهم

وقلدت لمار صوت سلطان : يصير ليش ما يصير

ضحكوا البنات وصدت ليان تضحك و تقدمت فاطمه تجلس جنبها : يالله قولي وش صاير معكم و مين ذا سلطان

ابتسمت و نزلت راسها و بدات تفرك يدينها ببعض : بنات خلاص ما في شي اكيد

شوق ضحكت : كل ذا و مافي

جوري حطت يدها على صدرها : عندي انا اعرف اخوي اقل من شهر و راح نشوف الدبله على يدك

غطت ليان وجهها بخجل : بنات بس

ضحكوا عليها و بدأت تغني شوق :

مقدر على فرقاك

ودخلوا البنات معها يغنون و يناظرون ليان الخجلانه  :

رحمتك ربي

قولولي وين القان

وقفت شوق : لحظه

التفتوا لها البنات وقالت : سُلطان قلبي

ضحكوا البنات من عرفوا انها تقلد طريقه كلام ليان و ناظرتها ليان و رمت عليها المخده : سُلطان قلبي انا مو قلبك انتي

ضحكت شوق : طيب طيب ، بنات وليد الشامي وش يقول

البنات : وش يقول

بدأت تغني وتتقدم لليان تحضنها :

الغيره عذروب خلي

محلى عذروبه

لو شاف قدره

يا غير يرد متباهي

↚

تقدمت شوق تبوسها مع خدها : الغيره بتاكلك

ضحكت ليان وحاولت تبعدها : بس بنات

بعدت شوق ترجع لمكانها تجلس : اخخ بنات من الضحك احس مو قادره اوقف

ضحكت غلا : صدقيني كلنا

التفتت فاطمه لجوري : اي جوجو شخبارك مع حبيب طفولتك

ابتسمت جوري : الحمدالله

لمار  : لا تخافين عليها ٢٤ ساعه يا توزع ابتسامات له او تكلمه

ضحكوا البنات على نظرات جوري لمار و كملوا يسولفون سوالفهم المعتاده

بالبيت دخل الجد و شهت عبير تشوف صقر و بصوت متقطع : شوق شوق وين

تقدم لها عوض يمشي معها لداخل البيت : عند ام طلال ما عليها شر لا تخافين

بكت عبير و هزت راسها بالنفي : تكفى عوض لا صير لها شي

جلسها عوض : ولا يهمك مو صاير لها شي

تقدمت لها ام وليد بالمويه : سمي يا عبير و اشربي

مسكت الكاس عبير و شربت

عوض : خليكم عندها انا راح اشوف جدي وش راح يسوي مع النذل ذا

ام مشاري : ولا يهمك معنا

عوض : عمه لا تروحين بيت ام طلال و تشوفك كذا ما صدقنا هدت شوي

ام مشاري : قلتلك ماعليك ما نخليها تطلع

بكت عبير و تقدمت تجلس جنبها ام رنا : استهدي بالله يا عبير قالك هدت

عبير نزلت راسها و هزته بالنفي : انا اعرف صقر مستحيل يخليها خايفه عليها خايفه

ام وليد  : يا عبير العيال كلهم هنا ما يجيها ولا يطولها والله

تقدمت ام وليد تحضن عبير اللي كانت تبكي خوفاً على بنتها

عند الرجال بالحوش

اشر الجد على صقر : ذا وش جابه

عبدالرحمن : نذل و واطي وش ناطر منه

ابو وليد : البنات وين

سلطان : لا تخاف عمي خذيتهم عند ام طلال جارتنا يجلسون عندهم شوي و بلغني طلال ابلغه اذا جيتم

ابو رنا : بلغه يجي و يخلي البنات في بيتهم لا يجيبهم

هز راسه سلطان و تقدم يكلم طلال خرج عوض من البيت : جدي من الحين اقولك النذل ذا ميت ميت

ضحك صقر: ههههه انت الفرخ بتقتلني

تقدم له عوض بعصبيه و قفه ابو وليد و بعصبيه : عوض بس

عوض بعصبيه : ليش بسسس قوليييي ليشش بس راضي باللي قاعد يسوي

ابو مشاري : عوض محد راضي و هذا هو مثل النذل شوفه

عوض : لاني اشوفه مو جالس اشوف اي اهانه له و تقدم لجده : انت راضي عليه قولي جدي قولييي

ابو وليد بعصبيه: يمين بالله يا عوض ان ما سكت اتوطى في بطنك

عوض بعد عن جده : طيب راح ابعد لكن لا تجون بعدين و تقولون يا ليتنا سمعنا كلامك

عبدالرحمن : عوض بس اسكت بس

ابو رنا : وش صار قول عبدالرحمن

عبدالرحمن قال لهم وش صار و دخل طلال و بصوته الجمهوري: السلام عليكم

الكل : وعليكم السلام

طلال : وش مخططين تسون بالنذل ذا

الجد رفع اكتافه بقل حيله : ولا شي

التفت عوض لجده بصدمه من سمع كلامه و بعصبيه صرخ : وشش ولا شي انت مستوعب اللي سواه لحفيدتك جديي ذا مكانه السجن

ابو وليد : عوض اكفي شرك

عوض : اي شر يبه اي شر كان راح يذبح بنت اختك و انت تقول اكفي شرك

ابو وليد : سيف خذه داخل

تقدم سيف يمسك يد عوض : امش عوض امش معي داخل

نفض عوض يده وناظر سيف : يقولك راح يخليه يروح ما راح يسوي شي وانت تقول ادخل

تقدم فهد مع سيف يدخلون عوض داخل : اذا انت بتسكت انا ما راح اسكت وانت والله لا خليك تاكل تراب و قول عوض ما قال

ضحك صقر و ناظر عبدالرحمن ابوه اللي كان حاط رجله على ظهر صقر : يبه الله يهداك خلنا نسلمه للشرطه

مشاري : معاك حق و فوق هذا معاه سلاح غير مصرح هذي بكبرها جريمه

طلال : ترا موضوع محاوله القتل بعد مو سهل حاول يقتل بنتكم هذي بروحها حكمها فوق ٥ سنوات

الجد : قفلوا على الموضوع و عطوه سلاحه خلوه يذلف عننا ما ادخل في مشاكل مع انذال نفسه

سلطان : بس جدي العيا...... قاطعه ابو وليد بعصبيه : اسكت بس خلاص انت الثاني ما خلصت من اخوك تجيني انت اللي قاله ابوي يتنفذ وخلاص

تنهد عبدالرحمن بقل حيله مو قادر يسوي شي و هو يشوف اخته و بنتها قاعدين يتأذون من صقر و بعد رجله عن ظهره و وقف صقر و مد يده لعبدالرحمن : سلاحي

اعطاه عبدالرحمن سلاحه و تقدم صقر يخرج و هو جالس يضحك و التفت ابو مشاري للجد : يبه اللي سويناه غلط و انت يا خالد اكثر واحد عارف بالشي ذا

الجد : وش تبيني اسوي معاه تبيني اشوف بنتي و بنتها ينذلون بالمحاكم نفس قبل قولي يرضيك اختك تنذل

ابو رنا : يبه ما يرضينا بس مو تسكت عليه يقولك كان راح يذبحها صوب السلاح عليها

عصب الجد و تقدم يدخل للبيت : الموضوع ذا تقفلونه من الدقيقه ذي فاهمين

عبدالرحمن : ان شاء الله

دخل الجد داخل البيت و تنهد ابو وليد بقل حيله : والله مو راضي والله بس ابوي و رفع اكتافه بقل حيله

سلطان : البنت كانت تبكي و الله حالها يكسر القلب

عبدالرحمن بعصبيه : ليتني ما تركته و ضرب رجله بالارض

ابو رنا : امش داخل و هدي خلاص انتهى الموضوع يجرب يجي و يشوف وش يصير فيه

ابو مشاري : من الحين اقول لكم المجلس ما راح ادخل ولا راح اشوف اختي و بنتها بالشكل ذا

سلطان : ولا انا

مشاري : والله هذي جريمه يا ناس

رفع اكتافه ابو وليد : كل شي يهون علشان ما اشوف اختي و بنتها ينذلون مع النذل

ابو وليد حط يده على راسه : سلطان روح شوف اخوك

↚

تقدم سلطان للمجلس و تقدم طلال يخرج لبيتهم

دخل سلطان شاف عوض المعصب : سيف بعد عني بعد يقولك تركه ترك الواطي كان راح يذبحها يا سيف يذبحها تفهمون انتم ولا وش و كلهم ساكتين

سلطان تقدم لأخوه و بحده: عوض محد ساكت والله محد ساكت حتى ابوي مو عاجبه بس جدي خايف عليهم ما يبيهم ينذلون بالمحاكم نفس ما سوى قبل

فهد : تعوذ من الشيطان يا عوض محد راح يسكت اذا جاء

عوض : تستهبلون معي انتم ناطرينه بعد يجي و يسوي شي اكبر

دخل مشاري و عبدالرحمن و التفتوا لعوض وقال مشاري : عندي عوض والله عندي يجرب يسوي شي وانا راح انهي حياته والله بس انت تعوذ من الشيطان

عبدالرحمن : عوض البنت ما راح تتحمل اكثر من كذا ولا تزيدها و خلاص والله ما عليها شر و حنا حوالينها و توني مكلم جوري تقولي قاعده تضحك و نست الموضوع تعوذ من الشيطان انت و امش ندخل داخل

عوض : راح اسكت المره ذي لكن والله و بالله مره ثانيه ما راح اسكت

حط مشاري كفه على صدره : عندي والله عندي بس انت هدي

مشى عوض و التفتت له سلطان ضحك : طيب انت الحين ٢٤ ساعه تحارشها و تتهاوش معها شصار وتغيرت

ضحك عبدالرحمن و رفع اكتافه :  عوض بعد مو شي جديد

ضحك سيف و ربت على كتف عوض المعصب و همس له: هدي درينا انك خايفه عليها و تحبها

عوض بحده : سيف

حط يده سيف فمه وضحك

دخلوا البيت و اتجهوا للمجلس يجلسون التفتت عبير لعوض : عوض وين شوق

عوض : رايح اجيبهم الحين ، لا تشوفك كذا

اكتفت عبير بهز راسها وطلع عوض يتجه لبيت ام طلال طق الباب و طلع له طلال : حياك

تقدم عوض يدخل بهدوء و يجلس مع طلال بالمجلس : هدي يعوض مو صاير الا كل خير

اكتفى عوض بهز راسه : قول حق اختك تناديهم

وقف طلال يدخل للبيت يبلغ فاطمه والتفتت فاطمه تدخل عند البنات : بنات اخوكم جاء

غلا التفتت لها : مين

رفعت اكتافها فاطمه بعد المعرفه و تقدموا البنات يلبسون عباياتهم و حطت شوق شماغ عوض على راسها ناظرتها فاطمه : اجيب لك عبايه من عندي

ابتسم شوق و هزت راسها بالنفي و تقدمت فاطمه تحضنها : لا تتضايقين ما احب اشوفك كذا

اكتفت شوق بهز راسها و التفتت جوري لها : ولا يهمك معنا نعرف كيف نغير جوها و هزت جوري اكتافها

ضحك شوق و تقدموا البنات يطلعون و سمعت صوت عوض : ما تقصر ابو طلي

طلال : ولو جيران من عمر حنا

اكتفى عوض بهز راسه و ناظر البنات : يالله

ناظرها لابسه شماغه و متغير مودها و اكتفى بأنه يبتسم بخفه و تقدموا يطلعون و كان طلال جالس يناظر لمار و التفتت ينادي : فطومممم

طلعت له فاطمه : خير

طلال : بسألك عن وحده

ضربته فاطمه على يده : يا وصخ شفت البنات

طلال بحده : لا تضربين بسأل سؤال و جاوبي بنت مين

تأفف فاطمه : قليل ادب صدق بس خلصني ابي انام

طلال : مين اللي كانت لابسه تيشيرت ابيض

قعدت فاطمه تتذكر البنات و تذكر : اي هذي لمار

ابتسم طلال و هز راسها و كملت فاطمه : ليش وش تبي

هز راسه بالنفي طلال و تقدم يمشي : بروح انام صحيني لا تنسين

فاطمه : وصخ صدق تناظر البنات و تتشرط بعد

ضحك طلال و تقدم يدخل غرفته

بدوا يمشون يتجهون للبيت و كانت تناظر خطواتها التفت عليها عوض : انتبي لا تطيحين

هزت راسها و من قربوا للبيت بدت تمشي ببطء و البنات سبقوها بالمشي التفت لها عوض : فيك شي

ابتسمت و هزت راسها بالنفي : بس احس كأنه حلم اللي صار و نجيت منه بأعجوبه شكرا عوض

ناظرها عوض : اختي انتي و اللي يضرك يضرني

ابتسمت و تقدمت تمشي قدام مع البنات ناظرها عوض و ناظر عوض شماغه و ابتسم  و بعد مده وصلوا البيت ودخلوا

جوري بضحكه : امانه قالت لك كذا

شوق بضحكه : اي توها أرسلت لي و تخيلي تقول اول ما طلعنا جاء سألها

لمار : بنات بس

ليان بضحكه : لقيتوا احد تمسكونه غيري و تجبرونه يكب العشاء

ضحكوا البنات

شوق وهي تصعد الدرج : نجلس بالمجلس اللي فوق احس صح

غلا : اي اي غرفتك ما راح تكفينا

شوق : طيب ابدل و اجيكم

تقدموا البنات كل وحده تدخل غرفتها تبدل ملابسها للبس مريح دخلت شوق غرفتها وغمضت عيونها و تسندت على الباب تنهدت و تقدمت تمشي تجلس على طرف السرير نزلت الشماغ و ابتسمت : اكرهك بس والله انك كفو

قدمت الشماغ من خشمها تشم ريحه عطره ابتسم و سمعت صوت طق الباب و حط الشماغ تحت مخدتها بسرعه : تعالي

لمار : ما بدلتي يالله

شوق : يالله جايه شلغوا الفلم و اجي

هزت راسها و تقدمت تطلع و راحت شوق تطلع لها بجامه مريحه تلبسها و بعدها ناظرت شكلها بالمنظره و ناظرت شعرها تنهدت و طلعت للبنات

عند عوض اللي اول ما دخل البيت اتجه للمجلس ناظرته عبير : كيفها

سمع ضحكاتها عوض لما كانت تتكلم مع البنات : هذي ضحكاتها ما عليها شر لا تخافين

تنهدت براحه عبير : الحمدالله

التفت عوض لجده : جدي ما كان قصدي اصرخ عليك ولا اعصب بس اني اشوفك ساكت له ما اتحمل

الجد : ولا انا راضي اسكت له بس ما يهون علي اشوف بنتي و بنتها ينذلون بالمحاكم من تحت راسه

عوض اكتفى عوض بهز راسه و دخل وليد مع ريم بأبتسامه : السلام عليكم

الكل رد : وعليكم السلام

دخلوا يجلسون و نطق وليد : شفيكم

هز راسه ابو وليد بالنفي : ولا شي شفيك انت داخل و الابتسامه شاقه و جهك

ابتسم وليد و ناظر ريم و التفت يناظر ابوه : ان شاء بعد ٨ شهور راح يجيك حفيد

التفتت ام وليد لوليد : تحلفون بالله

وليد : اي والله و هذي رجعتنا من المستشفى

تقدمت ام وليد تحضن ولدها و ريم : الله يتمم عليك يارب

ابتسمت عبير : عرفنا الحين ليش كنتي مشتهيه الزعتر

ابتسمت ريم و قالت العنود : يالله نونو جديد يارب بنت يارب

لجين رفعت ايدها : ان شاءالله يارب

وليد : عاد عندي احساس انه ولد

ضحك عوض و تقدم يبارك له : دام احساسك معناها ولد على البركه و التفت لسيف اللي كان ياكل : خلص اكلك و تعال الحديقه

هز راسه سيف و ناظره ابو مشاري وضحك : ما تشبع اكل

سيف و بحلقه الكيكه : يبه ما تهنيت فيها كنت مشتهيها و جاء النذل ولا قدرت اكل

ضحكت ام مشاري : كمل كمل بالعافيه محد مبتلش فيك غيري وين يروح الاكل ما اعرف

ضحكوا و التفت وليد لعبير اللي واضح على ملامحها انها زعلانه : جاء صقر

ابو رنا : جاء النذل جاء

وليد : وينه مسكتوه

مشاري هز راسه بالنفي : ما مسكناه و كان معه سلاح بعد

وليد : ليش ما مسكتوه

ابو وليد : وليد قفل على الموضوع

وليد : كيف يا يبه اقفل و هو جاي و معه سلاح ذي جريمه بكبرها و اني اسكت جريمه ثانيه

عبدالرحمن : عارفين انها جريمه عارفين بس خلاص سكر على الموضوع ما صدقنا البنت هدت لا تجي و تسمع

هز راسه وليد و عند سلطان اللي التفت لجواله من جته رساله من ليان : سلطان عادي اشوفك ورا بالحوش الخلفي

سكر جواله و وقف : يالله انا استأذنكم

وطلع للحوش الخلفي و شافها جالسه تمشي ابتسم و تقدم : سُلطانك جاك

تقدمت ليان مسرعه تحضنه : سُلطان و بدأت تبكي

انصدم سلطان من تقدمت له تحضنه و ابتسم بادلها الحضن بعد عنها : ليش البكي ناظريني

ليان ببكي : سلطان مو قادره انسى الموقف مو قادره خفت كثير خفت على شوق و عليك و علينا كلنا خف لما شفت السلاح

ابتسم سلطان و جلس يلعب بشعرها : افا تخافين وانا عندك

هزت راسها بالنفي ليان : ما اخاف عليك اخاف ما اشوف و زاد بكاها

ابتسم سلطان و حضنها بقوه : ليش مو قلتلي انك تقدرين ما تشوفيني

هزت راسها بالنفي : كذابه ما اقدر اخاف ما اشوفك مره ثانيه و انا في قلبي كلام لك اخاف سلطان

ابتسم و بعدها  عن حضنه و مسك يدها و بدا يمسح دموعها : ولا انا اقدر على بعدك و انا بعد عندي كلام كثير لك بقلبي بس لا تبكين خلاص راح تشوفيني كل يوم اوعدك

ناظرته ليان : صدق

تقدم سلطان يحضنها على جنب : اكيد صدق ، بس لا تبكين ما ابي اشوفك كذا

هزت راسها ليان وبدات تمسح دموعها : طيب انا ابي اروح عند البنات قاعدين يشوفون فلم و اكيد ينتظروني ، تقدمت تبعد عن حضنه و تمشي ناظرها سلطان : طيب و الكلام اللي بقلبك

التفتت له ليان و ابتسم تتقدم له بلمشي لحد ما وصلت قدامه : ما اعرف اعبر بالكلام بس اعرف بالافعال و تقدمت تطبع قبلاتها على خده انخلم سلطان من حركتها و وقف ثابت ما استوعب و الحركه ضحكت عليه ليان و تقدمت تدخل داخل البيت و انتبه سلطان و ابتسم و حط يده على خده و الثانيه على قلبه و همس : اخخ يا بنت محمد وش سويتي فيني

ابتسم من تذكر حضنها له و تقدم يدخل داخل البيت لغرفه ينام لانه عنده دوام بكره

عند عوض بالحديقه كان جالس يمشي و يدينه بالخلف تقدم له سيف : شفيك

التفتت له عوض و تنهد جلس بالكرسي و جلس جنبه سيف : خايف عليها

ابتسم سيف : ما عليك ما يجيها شر والله

عوض : بس انا بعد بكرا مسافر مع عبدالله و خايف يا سيف اخاف يسوي لها شي

حط سيف يده على كتف عوض : روح انت استانس قبل لا تداوم مع عبدالله خويك و عندي ما يجيها شر

تنهد عوض و رفع اكتافه : اكيد سيف

سيف حط يده على صدره : افا عليك عوض عندي والله ما يجيها شر

عوض : ما اتوقع اني راح اطول اكثر من ٤ ايام

غمز له سيف : ليش راح تشتاق لها

هبده عوض على راسه : سيف داخل خلصني

ضحك سيف و مسك راسه : طيب طيب و وقف بيمشي

ناظره عوض : ماتقصر سيف

سيف : اخوي انت ولازم احارب معك بحبك

ضحك عوض بخفه و تقدم سيف يطلع من الحديقه و جلس عوض يفكر فيها و كيف حضنته و شدت عليه و بعد تفكير تنهد و وقف بيطلع من الحديقه و سمع صوت من الحوش الخلفي وتقدم له ...............

مها اللي كانت تكلم بالجوال: خلاص صقوري ولا يهمك عندي أنا ارجع لك حقك

عقد حواجبه عوض و فتح جواله يسجل الكلام

صقر : والله ما راح اخليهم

ابتسمت مها وجلست تلعب بشعرها : صقوري خلاص أنسى الموضوع و البنت عندي أنا اعرف كيف أربيها

صقر : ما انحرم منك

ضحكت مها بضحكه استفزت عوض : ولا منك ، طيب اشتقت لك متى أشوفك

صقر : بكرا تعالي الشقه

مها : خلاص بكرا أنا عندك ، أنا بسكر لا يجي احد و يسمعنا

صقر : طيب لا تنسين شغلك مع شوق

مها : أفا أنا أنسى قلتلك عندي

عقد حواجبه ما سمع عدل كلامها بس سمع قليل وفهم خيانه مها لمشاري سكر التسجيل و تقدم للبيت و بداخله يقول لا تخرب بيت اخوك يا عوض نسى الموضوع ودخل المجلس شافها قاعده مع البنات و تضحك ابتسم و تقدم يدخل و دخلت وراه ام وليد : خلص العشاء احط لكم

الجد : لا لا حطي لنا جميع نتعشى هنا

هزت راسها ام وليد و تقدمت تطلع من المجلس و التفتت ليان تدور سلطان بعيونها و ناظرتها العنود ابتسمت : سلطانك نام وراه دوام بكرا

التفتت لها ليان ابتسمت و هزت راسها و تقدموا الامهات بالعشاء و بدوا ياكلون و كان العشى هادي و دخلت وتين تبكي وتقدمت عند شوق : شفيك

تقدمت تجلس وتين جنب شوق وببكي : ماما تقول راح يجي بيبي جديد ما ابي

ضحكت شوق و تقدمت تحضنها و ناظرت ريم :الغيره بتاكل بنتك من الحين

رفعت اكتافها ريم : من قلت لها و هي تبكي

ضحك وليد : ما عليك منها هي كذا شوي و تنسى الموضوع

التفتت وتين لوليد و ببكي و عصبيه طفوليه : ما احبكم

ضحكوا و نطق الجد : افا أمك و ابوك ذولي

اشرت وتين على وليد و ريم : ما أبيهم راح يجي لهم بيبي جديد و أنا ابي ماما و بابا جديدين

ضحكوا على تصرف وتين الطفولي و التفتت لشوق : شوشو عادي تصيرين ماما

ضحكت شوق و التفتت لريم اللي نطقت : تكفين قولي اي بس تسكت شوي

ضحكت شوق و هزت راسها و اشرت على عوض : و دودي يصير بابا

التفتت شوق عوض اللي كان يبتسم و يناظرها و شرقت بالأكل تقدمت لها جوري اللي تضحك بالمويه : اشربي

اخذت الكاس و بدأت تشرب شوق و التفتت لوتين : خلاص

كملت شوق : خلاص ما ابغى أصير لك ماما

عقدت حواجبها و وقفت تتجه لعوض و تبكي ناظرها عوض : تعالي تعالي افا مين مزعل توته

اشرت وتين على شوق اللي اشرت على نفسها : أنا

التفتت لها لجين : ما عليك منها هي كذا إذا ما مر يوم و ما بكت ما ترتاح لازم على اي شي تبكي

ابتسمت عبير من تذكرت طفوله شوق و ضحك عبدالرحمن بقوه ناظرته شوق : جتك الحاله

هز عبدالرحمن راسه بالنفي : لا بس تذكرت وحده لازم تبكي كل يوم ولا ما ترتاح

عند عوض كان حاط وتين بحظنه و جالسه تبكي ناظر شوق اللي كانت عاقده حواجبها ابتسم و نزل راسه

شوق : أنا كذا

عبدالرحمن هز راسه : اي

لفت راسها شوق دليل على الزعل : الحين زعلت صدق

ضحكوا و قال ابو وليد : كملوا عشاكم و خلوا الضحك عنكم

التفتت وتين : جدوا شوفهم يضحكون على شوشو

العنود : صدق مالك صاحب

الجد ضحك : بس كملوا عشاكم بهدوء

الكل : هز راسه ، ان شاءالله، حاضر

التفتت لهم الجد و جلس يشوف عياله و احفاده قد ايش مبسوطين مع بعض و نطق : قررت

سيف حط يده على راسه : الله يستر

مشاري : جدك يا ماني بقايل استح على وجهك

سيف و الاكل بحلقه : قررات جدي تخوفني

ابو مشاري : ولد اسكت و كمل أكلك ولا تتكلم و الاكل بحلقك

هز راسه سيف و نطق عوض : سيف بعد لازم يشغل حلقه بالسوالف و الاكل بوقت واحد ولا ما يرتاح

ضحكوا و كمل الجد : طيب اسمعوا قراري الحين

ابو وليد : سم يبه قول

الجد : قررت ان نجتمع كل يوم على كل وجبه مع بعض

جود : لا جدي لا

↚

غلا : قول غير كذا جدي

الجد : ليش مو عاجبكم

جود : جدي مو كذا بس ما نرتاح

الجد : شوفوا كيف مجتمعين و جالسين ناكل و نضحك مع بعض

ابو وليد : اللي تأمر فيه يبه

عبير : خلاص فطور بكرا جميع بعد إن شاءالله

ام وليد : خلاص مثل ما تأمر عمي

ام رنا : يا حلو الاكل جميع

غلا : لا ماما لا

ام مشاري : بس عاد كملوا أكلكم و مثل ما قال عمي يصير

تأففوا البنات و شوق كانت ساكته تاكل بهدوء التفتت لها عبير : شوشو ما عطيتينا رأيك بالعاده اول المعترضين

التفتت لها شوق و رفعت اكتافها : عادي جالسين نشوف بعض و نجلس مع بعض ما راح توقف على الغداء ولا العشاء

هزت راسها عبير و بدأوا ياكلون و تذكر عوض و نطق : اي ان شاءالله بعد بكرا مسافر

ابو وليد هز راسه : وين ؟ مع من ؟

عوض : وين لندن مع من عبداللة خويي

اكتفى ابو وليد بهز راسه و نطقت ام وليد : بحفظ الله انتبه لنفسك

عوض : ان شاءالله

التفتت له شوق من نطق انه بيسافر ناظرته بضيق و نطقت تحاول تنسى ضيقتها اللي حاولت أيام تكبتها و ضحكت : افف الحمدالله راح ارتاح بدون هواش

ضحك عوض و نزل راسه و التفت لها : أربع أيام و راجع لك الهواش

تأففت شوق ناظرتها عبير و ضحكت و التفتت عبير لعوض : عاد لا تنسانا من الهدايا

حط يده على صدره عوض : افا عليك أنا أنساكم

التفتت له جوري : أرسلك الأشياء اللي نبيها واتساب

اكتفى عوض بهز راسه ونطق الجد : ما يحتاج أوصيك

اكتفى عوض بهز راسه و ناظرته وتين اللي جالسه بحضنه : ابي ألعاب

ضحك عوض : حاضر من عيوني

تقدمت شوق توقف : الحمدلله، أنا بنام و التفتت للبنات كملوا الفيلم بروحكم

لمار : طيب

جود : اجلسي شوي نكمله

شوق : لا تكفين تعبانه و ضحكت بضيق و بضحكه مزيفه و كملت : اليوم بروحه فيلم يالله سلام

ناظرها عوض و عرف انها لا زالت متضايقه و ان ابتسامتها مزيفه و التفت من نطقت عبير : الحمدلله، ما توقعتها تكون كذا بعد اللي صار

عبدالرحمن : قلتلك مو صاير عليها شي ، ان شاءالله

ليان : أنا لحد الحين بس شفت الموقف ولا قادره أتخطى

العنود : شفتي

هزت راسها ليان : احس فيلم والله

جوري : يا عمري شوشو

ابو وليد : سكروا على الموضوع و كملوا عشاكم

كملوا العشاء بهدوء و كان فكر عوض كله عندها و لا عارف وش يسوي تمنى بس لو ما ترك صقر لو بس ذبحه ولا يشوفها متضايقه و تبكي بعد وتين عن حضنه و وقف ينهي آكله

عبدالرحمن : قلتلك مو صاير عليها شي ، ان شاءالله

ليان : أنا لحد الحين بس شفت الموقف ولا قادره أتخطى

العنود : شفتي

هزت راسها ليان : احس فيلم والله

جوري : يا عمري شوشو

ابو وليد : سكروا على الموضوع و كملوا عشاكم

كملوا العشاء بهدوء و كان فكر عوض كله عندها و لا عارف وش يسوي تمنى بس لو ما ترك صقر لو بس ذبحه ولا يشوفها متضايقه و تبكي بعد وتين عن حضنه و وقف ينهي آكله

↚

عند شوق بغرفتها دخلت الغرفه و تقدمت تجلس على طرف سريرها و يدها على قلبها و تتنفس بهدوء تنهدت و تقدمت تدخل الحمام ( الله يكرمكم) و تتسبح فتحت المويه و جلست تحتها تبكي بحرقه تبكي على الموقف اللي صار تبكي على حياتها تبكي على الجرح الكبير اللي فتحه لها صقر من جديد جلست تبكي و بعد فتره تقدمت تخرج من تحت المويه ناظرت شكلها بمنظره الحمام و مسكت شعرها تناظره تنهدت و لبست روبها و خرجت للغرفه توجهت للدولاب تطلع لها بجامه و تغير و بعدها توجهت للتسريحه و نزلت المنشفه من على شعرها و خلته مفتوح وبدات ترطب جسمها و تعتني في بشرتها خلصت و ناظرت شعرها فتحت الدرج و طلعت المقص أخذته و ناظرته و بدأت تبكي رفعت المقص و بدأت تقص شعرها و هي تبكي بحرقه و لا جالسه تشوف اي شي قدامها من دموعها مسحت دموعها و كملت تقص شعرها اللي كان لي نص ظهرها قصته لي عند رقبتها ناظرت شعرها اللي بيدها و بكت بحرقه رمته على الارض و تقدمت لسريرها تنسدح و تغطي نفسها بالبطانيه و تبكي تبكي بشهقات تذكرت مواقف صقر معها طول السنين ذي ما كان يتركها ولا مره كان دايم يأذيها و يجرحها بالكلام و بالأفعال و بالإهمال و بكل شي تذكرت ت*حرشه لها و كيف سوا الشي ذا لها و هي بنته و كانت طفله كيف قدر يسوي الشي ذا كيف ما قدر يمسك نفسه و غريزته القذره قدام بنته الطفله و بعد فتره نامت بعد ما بكت و أتعبت نفسها بالبكي و ارهقت نفسها

يوم جديد صحت شوق بعد بكي امس و تحس بتعب توجهت للحمام ( الله يكرمكم ) و بدأت تغسل وجهها و ناظرت شعرها و تنهد بضيقه و توجهت للغرفه تغير ملابسها و تجلس قدام التسريحه تمشط شعرها ناظرت شعرها اللي قصته امس غمضت عيونها بضيقه و كملت تتجهز علشان تنزل تتفطر بعد ما خلصت ناظر شكلها و شعرها و حاولت تخفي اثار البكي بالكونسيلر ابتسمت بخفه و نزلت تحت للمجلس دخلت المجلس و ابتسمت : ان شاءالله ما فاتني الفطور

التفتوا لها و ناظروها و التفت لها عوض و شاف شعرها القصير و ملامح و جهها اللي كان واضح له انها كانت تبكي و ابتسامتها المزيفه تنهد بضيقه على حزنها و على شعرها اللي يحبه و كان عارف ليش قصته بعد ما سحبه صقر امس شد على يده و برزت عروقه ناظره سيف و همس له : شفيك

هز راسه عوض بالنفي و كمل يأكل فطوره

التفتت عبير لشوق و ابتسمت لها : لا ليش

تقدمت شوق تجلس جنب امها رفعت اكتافها و ضحكت : كذا تغير شوي

العنود : يجنن عليك

غلا : اي مره ما شاءالله كل شي ضابط عليك

لمار : تعرفي لو قصيتي غره بعد يطلع يجنن

لجين : اي صح مع شعرك البني دمااررر صدقيني

ابتسمت لهم شوق و ناظرها الجد : ليش يا بنتي حلو شعرك الطويل

رفعت اكتافها و ابتسمت بخفه : كذا اريح

عبدالرحمن: دام عاجبك محد يقدر يعترض شعرك بالأخير

التفت لها سيف و ضحك : تعرفين شوق

التفتت له شوق و ناظرته و ناظرت عوض اللي كان جالس جنبه و عاقد حواجبه و جالس يضغط على يده و عروقه بارزه : وش

ضحك سيف : تدرين تش...... و كمل يضحك بقوه

ابو مشاري : مهبول انت

سيف ضحك : مو قادره اكمل

عبدالرحمن : عوض اهبده على راسه خله يكمل كلامه مثل الناس

عوض كان سرحان  بأكله و معصب و ما أعطى اي ردت فعل ناظره عبدالرحمن : عوض

التفت له عوض ووقف : الحمدلله وانت اشر على سيف إذا خلصت ضحك و اكل تعال غرفتي ولا تطول

ضحك سيف و هز راسه و التفت له فهد : بزر خلص يا تكمل كلامك يا تسكر حلقك

هز راسه سيف : وكمل لما قالت لك لمار مع غره يطلع حلو حسيت انك دوره قدامي

ضحكت شوق بقوه و كانت ضحكتها من قلبها و ضحكوا على تشبيه سيف و نطق : قلتلكم تضحك حتى ما قدرت اكمل الكلام

وليد : ما تضحك بس نسلك لك علشان لا تتعقد

مشاري : بالضبططط

سيف : احح جرحتوني

لمار : ما فيك اللي العافيه كذاب

ضحك سيف و وقف : الحمدلله

ضحك سيف : احترم نفسك مو سيف اللي يزعل بس بروح اشوف عوض

تقدم سيف يطلع و دخلت وتين و ناظرت شوق : شوشو

التفتت لها شوق اللي كانت جالسه تاكل : عيوني

تقدمت وتين تمسك شعر شوق : قصيتي شعرك

ابتسمت لها شوق و هزت راسها و نطقت وتين : حلو مرهه

تقدمت شوق تبوسها : صدق

وتين : اي مرهه و ناظرت ريم و كملت : صح ماما

ابتسمت ريم: صح ماما ، كل شي على شوشو حلو

ابتسمت شوق و تقدم سلطان يدخل المجلس : السلام عليكم

رد الكل : و عليكم السلام

ام وليد : تعال يمه تفطر

تقدم سلطان يجلس يتفطر و ناظرته ليان بالابكوت و ابتسمت و نزلت راسها من ناظرها و ابتسم لأبتسامتها و التفتت من نطق ابو وليد : مو من عادتك تفطر معنا قبل الدوام

لجين ناظرت ليان و ابتسمت : اي صح غريب كنت تكره الفطور وش صار

العنود بهمس للبنات : واضح انه جاي يشوف حبيبه القلب مو الفطور

قرصتها ليان و صرخت العنود و التفتت عليهم عبدالرحمن: تتهامسون بوش

جوري : احممم لا ولا شي

التفتت جود لليان : عمي تعرف في ناس من كثر الحب يصيرون يحبون أشياء هم ما يحبونها

التفتت لها ليان و بهمس : والله ما أخليك

ضحك عبدالرحمن: قصدك على ذا و اشر على فهد ناظره فهد و رجع يناظر جوري و ابتسم

وكمل عبدالرحمن: ذا مفضوح من يوم انه بزر معروف الشي ذا

ضحكوا و كمل ابو مشاري : في صور و فيديوهات إذا حصلتها راح أوريكم ياها حصريه لفهد و جوري

ابتسمت جوري و التفتت للبنات تهمس : زين كذا

ناظرتهم شوق يهمسون و حركت شفايفها : وش في

غلا بنفس الحركه : بعدين

اكتفت بهز راسها شوق و تقدمت ليان تخرج من المجلس للمطبخ و وقف سلطان : الحمدلله يالله أنا استأذنكم وراي دوام

ام وليد : بحفظ الله

تقدم وليد يقبل راس أمه و أبوه و جده و يخرج للمطبخ

دخل سلطان المطبخ و ابتسم : قلتلك راح تشوفيني كل يوم

ليان اللي كانت تجهز أغراض القهوه التفتت له و اكتفت بأنها تبتسم و تهز راسها ناظرها سلطان : سويلي معك

ليان و هي جالسه تحط البن بالميزان : طيب

تقدم سلطان يناظرها و هي جالسه تسوي القهوه و بعد شعرها عن و جهها و ابتسم : يالله يا الكشه ذا محد جايب آخرتي إلا هو

ناظرته ليان و عقدت حواجبها ونزلت الغلايه و مسكت شعرها و ناظرته : تشوف ذا كشه

ضحك سلطان و تخصرت ليان : سُلطان ما يضحك

↚

سلطان : قلب سلطان اني عارف انه مو كشه بس كنت بشوف وش راح تسوين

وقفت بأعتدال و كملت تصب المويه و نطق سلطان اللي كان جالس يناظرها بهيام : وش قصدهم البنات قبل شوي

رفعت اكتافها ليان و كملت تصب المويه و بعد فتره خلصت و بدات تصبهم بالأكواب و قدمت له كوبه ولامس يدها عمداً ابتسمت بخفه ليان و اخذ الكوب يشرب منه سلطان : لذيذه بشكل مو طبيعي

ابتسم ليان و تقدمت تشرب من كوبها : بالعافيه

سلطان : بس كذا

ناظرته ليان : كيف بس كذا

سلطان هز راسه بالنفي و نزلت ليان أنظارها على كوبها و نطقت : ما اعرف اعبر بالكلام استحي سُلطان

ابتسم سلطان : ولا يهمك أنا اعبر لك مو كفايه

ابتسمت و هزت راسها و ناظرت ساعتها: سلطان راح تتأخر ناظر جواله سلطان و نطق : كله منك

اشرت على نفسها ليان : أنا

هز راسه سلطان تقدم يطلع من باب المطبخ و معه كوبه التفت لها : تأمرين على شي

هزت راسها بالنفي ليان : سلامتك

ابتسم سلطان : انتبهي لنفسك

هزت راسها : وانت بعد

ابتسم و تقدم يخرج من الباب يتجهه لدوامه و كانت ليان تحصنه من الداخل و دخلت عليها العنود : راح سُلطان قلبك

التفتت ليان بحده : نودييي

ضحكت العنود : طيب طيب خلاص راح اسكت

و تقدمت ليان تطلع مع العنود و يتجهون فوق لطابقهم كانوا البنات مجتمعين يسولفون و التفتت لجين لريم : اي ميمي مافي افكار لأسم البيبي

هزت راسها بالنفي و ضحكت : تو الناس توني بدايه الثاني

دخلوا ليان و العنود و التفتت جود لليان : ودعتي سُلطان قلبك

ليان كشرت و تقدمت تجلس على الكنب و ناظرتهم : خلاص بنات بس استحي والله لا تضغطون علي و ابكي والله

جوري : لا لا تكفين مانبي بكي

و التفتت غلا على شوق السرحانه : شوشو شفيك

هزت راسها بالنفي شوق : مافيني شي

العنود جلست : طيب كملوا وش كنتوا تقولون

لمار : كنا نسأل ريم عن البيبي

العنود : اي صدق ريم كل ذا و ما حسيتي بأعراض الحمل

ريم ضحكت: الصراحه حسيت بس توقعت اني أتوهم

شوق التفتت لها و ابتسمت : ما تدرين قد ايش انبسطت لك احس حماس تخيلوا يجي بيبي و كلنا كذا موجودين

جوري : الللهههه

لمار : ريم صدقيني ما راح تتعبين

غلا : طيب وش توقعك للجنس

ريم : الصراحه ما عندي توقع لحد الحين بس وليد يقول ولد

شوق : و تتوقعين احساسه صح

جوري :  ما تعرفين وليد اي احساس يحسه يطلع صح

العنود ضحكت : لما كانت حامل بوتين كان يتوقع بنت و تهاوش مع الدكتوره هي تقول ولد و هو يقول بنت بالأخير طلعت الدكتوره غلطانه و طلعت صدق بنت

جود : اخوكم ذا يخوف احساسه

غلا : ريم اسألي خلينا نشوف وش نهايه ليان و سُلطانها

ناظرت ليان غلا بحده : غلاااا

سكرت حلقها غلا :خلاص خلاص راح اسكت

ضحكوا على نظرات ليان لغلا و كانت شوق تحاول تضحك و تنسى اللي صار

عند عوض اللي اتجه لغرفته و سكر الباب بقوه و التفت للجدار يضربه : والله ما أخليك يا صقر والله ما يكون اسمي عوض إذا سكت لك

تقدم يجلس على طرف السرير و حط يده على راسه و بصوت خافت : قصت شعرها قصته و ضرب رجله بالأرض شعرها اللي كنت احبه قصته والله لاخليك تندم يا صقر والله

فتح جواله و دخل توتر حاول يخفف من غضبه و نشر تغريده :

↚

يا سعود ما ينفع عتبنا مع اللوم

من يوم ضاع اللي مغطي ظهرها

قصت شعرها ودها بموضه اليوم

حسبي الله على عدوها ليه قصت شعرها

عسى حزنها يقصر معاه

سكر جواله و التفت من دخل سيف : شفيك يا ولد

وقف عوض و تقدم لسيف و بقل حيله : قصت شعرها

سيف : هدي يا عوض هدي

عوض بحده : كيف اهدي يا سيف كيف و شعرها اللي احبه راح يا سيف راح

حط يده على راسه وكمل : احس بصداع مو طبيعي ما قدرت انام عدل من امس طول الوقت و أنا أفكر فيها و خايف عليها تحاول تضحك و تبتسم و أنا عارف ان داخلها شي كبير و قاعده تكتم كثير خايف عليها والله

سيف : عوض ناظرني يا عوض تكلمنا امس بالموضوع خلاص قفله صار اللي صار و إذا جاء مره ثانيه وعدك مشاري ما راح يخليه والله محد يخليه بس انت هدي ولا تضغط على نفسك

اكتفى عوض بهز راسه : طيب يصير تطلع ابي انام

ابتسم سيف و ربت على كتفه : يا ذا الحب اللي أهلكك، ارتاح انت الحين ولا تشغل بالك وراك سفره طويله بكره

هز راسه عوض و تقدم سيف يخرج بره الغرفه و تقدم سيف لسريره ينسدح على ظهره و حط يده ورا راسه : اخخ يا شوقي اخخ وش سويتي فيني و فقلبي

ابتسم و التفت يحاول ينام بعد ما اشغله التفكير ليله امس

عند البنات بالمجلس

غلا تأففت : افف ملل

لمار : تبون نسوي قهوه

جود : لا تكفين شبعت من الفعاليه هذي

التفتت شوق للبنات ووقفت : بنات عندي لكم فعاليه راح تعجبكم

جوري التفتت لها : وش

شوق : قبل فتره تعلمت شي و لازم أعلمكم و نتسلى

العنود : شنو

شوق : انتظروا اروح اجيب الاغراض و اجي

تقدمت شوق تطلع لغرفتها تجيب الاغراض و رجعت عند البنات : تداااااا

التفتوا لها البنات و نطقت جود : تكفيننن صدق جبتيها

شوق بعدت شعرها : علشان تعرفون بس كنت ابي نسوي الفعاليه ذي منزمان

جوري وقفت : والله انك كفو

التفتت شوق للتلفزيون : اختياراتي

البنات : اختياراتي

العنود : يالله سلينا

شغلت شوق الاغنيه و بدأت تربط شوق اللي كانت لابسه لقينز و توب وردي الشال الأبيض على خصرها و تتمايل مع كلمات الاغنيه و تحرك يدها و خصرها و اكتفها و البنات يصفقون لها :

اختياراتي مدمرة حياتي حياتي اختياراتي مدمرة حياتي كده ليه

اختياراتي مدمرة حياتي حياتي اختياراتي مدمرة حياتي حياتي ليه

مغنطيس لناس غريبه ليه والقلب شاف حاجات عجيبة ليه

انا مغنطيس لناس غريبه ليه والقلب شاف حاجات عجيبة ليه

كل مرة تندهلي وترميني في حضن المصيبة المصيبه ليه

كملت شوق ترقص بحركات أبهرت البنات و بس خلصت جلست بتعبت و التفتت للبنات : كيف بس

بدوا البنات يصفقون لها

لجين : ما توقعت ولا واحد بالميه

ضحكت جوري : لازم تعلميني لازممم

لمار : صدق رقصك يجنن لازم تعلمينا

شوق : عندي خلاص راح أعلمكم

ريم : و أنا لازم لان مستحيل ما اعرف ارقص ابداً لو تجيبين وتين تعرف اكث...... دخلت وتين : ماما ناديتيني

ضحكوا البنات و نطقت العنود : هذي وتين علميها نشوف تعرف او لا

غلا : والله لو طارين مليون

تقدمت شوق تضحك لوتين و جلست تساوي طولها بطول وتين : ترقصين

ابتسم وتين و هزت راسها وقفت شوق و التفتت للبنات و صفقت : يالله أغنيه نعلم فيها وتين كيف تهز

جوري : عندي ما عليك

ريم : راح تخربونها

جود ضحكت : خليها دايم العمات و الخالات مخربات

ليان : صدق والله خليها تتعلم مافيها شي

شغلت جوري الاغنيه و فكت شوق الشال من خصرها و تقدمت تحطه على خصر وتين : شوفي توته اعلمك و انتي قلديني طيب

هزت و تين راسها و بدأت شوق تعلمها : ايوا كذا حركي خصرت و اشوف يدينك ايوا كذا فوق شوي شوي يالله حركي خصرك

وبدأت و تين ترقص مع شوق اللي كانت تعلمها الرقص و كأنها محترفه على كلمات الاغنيه :

انا اللي كان شاغلني و اللي كان آلمني

اديتهم كل حاجبه و هما استغنوا عني

↚

وساعتها هتعرفوني لما الأيام تبين

شوق صفقت لوتين : ايوا توته يالله كملي أكتافك ايوا ايوا و حركي خصرك لورا

بدأت وتين تقلد حركات شوق بسرعه و خلصت الاغنيه و بعد شوق شعرها : كيف بالله

صفقت ريم : أهنيك والله

ليان : كيف الرقص توته

نطت وتين : مره حلو مره ابي بعد

ضحكت جوري : ما شبعت تبون بعد

شوق التفتت لوتين : لا توته بس كافي نكمل بعدين شرايك و الحين نروح تحت المجلس عند جدو علشان نتغدا

هزت راسها وتين : وعد و مدت اصبعها

ابتسمت شوق و نزلت لها تقبل خدها و تمد اصبعها لها : وعد

العنود : الصراحه فقره حلوه لازم نكررها

جوري : صدقيني لازممم ولازم تعلمينا شوشو

شوق : بس ازهلوني عندي أنا أعلمكم

ليان : لحظه كيف تعلمتي

شوق : أخذت حصص اونلاين و صديقتي كانت تعلمني بالمدرسه

ريم : كفوو عليك

شوق : بنات انتم انزلوا اروح ابدل و أجيكم تحت

تقدموا البنات ينزلون و حطت شوق الشال على الكنب و تقدمت شوق لغرفتها تغير ملابسها و بعدها نزلت للمجلس و دخلت تجلس عند البنات : ما خلص الغداء

هزت غلا راسها : ماما تقول راح يطول شوي

ليان : احس اني جوعانه

جود : صدقيني كلناااا

دخل عوض اللي كان على وجهه التعب و تقدم يجلس جنب سيف و ناظروا البنات ونطقت لجين : عوض فيك شي

هز عوض راسه بالنفي والتفت لسيف اللي نطق : ما نمت

هز عوض راسه بالنفي : لا مو قادره فكره توديني و فكره تجيبني

سيف ربت على كتفه : تعوذ من الشيطان و أنا اخوك مو صاير إلا كل خير

مسح عوض على شنبه و ناظرها جالسه تسولف مع البنات و تضحك : ان شاء الله

دخلت وتين المجلس و بيدها الشال : عمو شوف شوشو و اشرت على شوق علمتني كيف ارقص راح أوريك

التفت عوض لوتين و شاف الشال بيدها عقد حواجبه مافهم ذا وش و استوعب لما حطت وتين الشال على خصرها و ابتسم و التفتت لها شوق وهمست للبنات : يويلي يا بنات قالت له شوق علمتني فشله و غطت وجهها بيدينها و تقدمت وتين لها : شوشو شغليلي أغنيه

هزت راسها شوق بالنفي و ناظرت عوض اللي كان يبتسم عقدت وتين حواجبها و راحت عند ريم : ماما ابي ارقص مثل ما علمتني شوشو

ضحكت ريم : بعدين وتين بعدين

وتين بعناد : لا ما ابي ابي الحين يعني الحين

التفتت لهم الجد : شفيها توته

ابتسمت ريم و حكت جبينها : تبي ترقص

ابو وليد : اي خلوها ترقص رقصوها

جوري ضحكت : يبه انت شايف اللي على خصرها

ناظر ابو وليد الشال و ضحك بقوه : ذا وش من عطاك

اشرت وتين على شوق اللي مخبيه وجهها بيدينها و نطق عبدالرحمن : تعالي عندي أنا احط لك

ركضت وتين له : صدق يالله شوشو علمتني حركات كثير

وليد : الله يستر بس من اخرتها 

ضحك سيف : شكلها حرمك المستقبلي مو قليله

ابتسم عوض وضربه على راسه : ولد عيب

سيف : ابشر بس ناظرها كيف مخبيه و جهها و ضحك

التفت لها عوض و شافها جالسه تشتت أنظارها و تغطي و جهها وضحك و التفت لوتين من اشتغلت الاغنيه و بدأت ترقص ضحك عوض و نزل راسه و التفتت لشوق اللي مستحيه و مغطيه و جهها : بنات أنا بروح عند ماما احسن لي

لجين بضحكة: اجلسي اجلسي

هزت راسها بالنفي و تقدمت تطلع من المجلس و البنات كانوا يضحكون و يصفقون لوتين و نطق وليد : الله يستر بس

عوض يضحكه : والله بنتك طلعت مو قليله

ضحك وليد و رفع أكتافه و خلصت الاغنيه و تخصرت وتين : كيف رقصي

ضحك الجد : يجنن

ضحك ابو وليد : لا ما شاء الله عليك

ابو رنا : أسم الله عليها تهبل

ناداها عوض و تقدمت له شالها و حطها بحضنه و نطقت : كيف رقصي عمو

ضحك عوض و هز راسه : حلو بس نتفق على شي أنا و انتي

هزت راسها وتين و كمل : مايصير ترقصين كذا قدام رجال

وتين ميّلت شفايفها : بس شوشو رقصت

هز عوض راسه : بس ما رقصت عند الرجال صح

هزت وتين راسها : خلاص ما راح ارقص عند الرجال

تقدم يقبل خدها و نزلت من حضنه تفصخ الشال تعطيه ريم و طلعت تركض للحوش و دخلوا الامهات و نطقت ام مشاري : يقولون قالبينها رقص

لمار : طافتك يمه

ام وليد : حسافه ما شفتها

عبدالرحمن : صورتها

التفت عليه وليد و ضحك : دزها بالقروب تكفى

جلسوا يضحكون على وتين و دخلت عبير و خلفها شوق و نطقت ام رنا : لا تطوفك عبير تعالي شوفيها

حكت جبهتها شوق بأحراج و تقدمت تجلس جنب البنات و نطقت جود : وين انحشتي

شوق : بس بنات ولا كلمه متفشله

ضحكوا البنات على شوق و جلس عوض يناظرها كيف خجلانه و ابتسم لمح الجد ابتسامته لشوق و ابتسم له و غمض عيونه

وقفت عبير : تبون الغداء الحين

سيف : اي عمه تكفين جوعان آخر شي أكلته الريوق و ذا اشر على عوض و كمل : ما خلاني اكمل

عوض : عمه لو ما عليك امر حطوا الغداء خلونا نفتك من تحلطم ذا

مشاري : ما يسكت ذا عن الاكل

اتجهوا الامهات للمطبخ و التفتت عبير لشوق : شوقي لا تنسين السكر

هزت راسها شوق وطلعت من المجلس لغرفتها تجيب مقياس السكر و اتجهت للمجلس و قفت عند الباب و بصوت خافت : عوض

عوض اللي كان منتبه لها من اول ما جات ووقفت : امريني

رفعت جهاز السكر : تقدر تسوي لي

هز راسه عوض و اشر على المكان اللي جنبه وتقدمت شوق تجلس جنبه و التفت لهم الجد و ابتسم بخفه و بدأ عوض يطلع الجهاز و الإبره و مد يده لها و نطق : عطيني يدك

هزت راسها و حطت يدها البارده الصغيره على يد اللي كانت حاره و فرق الحجم كان واضح : يدك بارده

هزت راسها شوق و ناظرها تناظر اصبعها اللي تقدم يمسكه : شوق

التفتت له و ناظرته و غز الابره بسرعه : خلصت

ناظرت اصبعها و بدأ يضغط على اصبعها بشويش علشان يطلع الدم و اخذ الجهاز و حطه على اصبعها و بعد فتره اخذ الجهاز و ناظره : أكلتي شي

شوق هزت راسها : اي تفطرت قبل شوي

هز عوض راسه : سكرك منخفض شوي خليك جالسه لا تتحركين شوي و اجيك

هزت راسها شوق و تقدم عوض يخرج و التفتت لها عبدالرحمن : شفيك

شوق رجعت راسها لورا : سكري منخفض

التفتت لها ابو وليد : تحسين بدوخه

هزت راسها بالنفي و نطق الجد : أكلتي شي يا بنتي

شوق غمضت عيونها : بس الفطور

ابو رنا : الله يسامحك ما يصير كذا يا حبيبتي

شوق هزت راسها بالنفي وبقل حيله : مو اول مره عادي بس احس بدوخه

التفتت لها سيف : ارفعي راسك و...... دخل عوض يركض و معه عصير و تقدم لها يجلس جنبها : شوق

التفتت له شوق و بقل حيله بكت و قف الجد و تقدم لها و تقدموا لها البنات

لجين : شوق بسم الله عليك فيك شي

الجد جلس جنبها : تسمعيني

هزت راسها بالنفي و بصوت باكي : احس بدوخه معرف كيف

تنهد عوض و كان عارف ان بكيها مو علشان الدوخه و اخذ العصير يفتحه : اشربي عصير عادي علشان السكر بس منخفض

تقدمت تأخذ العصير من يد عوض ولا مست يده ناظر عوض يدها اللي لامسته و رجع أنظاره عليها : اشربي شوي شوي و عشر دقايق كذا ارجع أقيسه لك مره ثانيه

هزت راسها بالنفي و تقدمت جوري : عوض شوي بعد بنجلس جنبها

هز عوض راسه ووقف يغير مكانه مع سيف و صار جالس بالكنب اللي مقابلها و البنات حوالين شوق

العنود : شوشو كيفك الحين

غلا بخوف جلست جنبها وحطت راسها شوق على كتف غلا و بدأت تمسح شوق دموعها : احس اني احسن شوي

وقف الجد و تنهد : الحمدلله خوفتينا عليك

التفتت لها سيف : ما حسيتي بالأعراض شي

هزت راسها شوق بقل حيله : صداع بس

عوض ناظرها : عارفه ان فيك سكر و عارفه أعراضه لو سمح الله تأخرتي و ما قستي وش كان راح يصير

رفعت أكتافها شوق وبهدوء : توقعته صداع عادي

دخلت عبير و الامهات و التفتت للبنات وتقدمت لشوق : فيك شي

هزت راسها بالنفي و كانت بتنطق بس نطق عوض : سكرها منخفض شوي و تصير احسن

ام وليد وهي جالسه تحط الصحون : يا عمري تعالي تغدي

هزت راسها شوق و بدأت تتقدم تجلس مع عبير و بدأوا يجلسون يتغدون و بعد مده وقف عوض و ناظرها : تحسين بدوخه

التفتت له شوق و هزت راسها بالنفي و تقدم عوض يجلس بالكنب و اشر لها : تعالي أقيس لك

↚

وقفت شوق و التفتت لها عبير : كان قلتي لي ما تعرفين علشان اسوي لك

هزت راسها شوق بالنفي و تقدمت تجلس جنب عوض : اعرف بس يده خفيفه ما احس بألم الابره و انتي بعض المرات تعوريني

ضحكت عبير و هزت راسها و كملت اكل و نطق عوض : إصبعك

مدت شوق اصبعها لعوض : شوق ناظري وتين و اشر على وتين ، التفتت شوق لوتين و غرز الابره عوض و التفتت له شوق : جالسه تاكل

ابتسم عوض و هز راسه و ناظرت اصبعها و ابتسمت من فهمت مقصده بالحركه ذي و قاس لها السكر : خلاص كذا تمام إذا حسيتي بالأعراض مره ثانيه تكلمي لا تجلسين ساكته

التفتت لهم مها و ضحكت : ليش بزر ما تحس على نفسها و تفهم

ناظرها مشاري بحده و لا كان قادره ينطق شي و نطقت جود بعصبيه : مالك دخل

ضحكت ريم : صح نسيت انتي و اشرت على جود من فوق لتحت المحامي حقها

العنود : أنا المحامي حقها مو هي

الجد بعصبيه : بس انتي و ياها احترموا النعمه و بدون صوت خلصوا اكلكم

عند عوض بدأ يدخل الاغراض داخل الشنطه الصغيره : بس خلصنا

ابتسمت له : يعطيك العافيه ، بس يصير تعلمني كيف أسويه شوي شوي

عوض ابتسم بخفه : الله يعافيك ، اي عادي بس ارجع من السفر اعلمك

وقف عوض : يمه احس اني نعسان صحيني الساعه ٩

ام وليد : ان شاءالله

عند شوق اللي كانت جالسه و تفرك يدينها ببعض حست بشعور غريب لما قال انه بيسافر توقعت بس انها راح تفقد هواشها و محارشها معه و هي تعودت على الشي ذا يومياً تنهدت ووقفت تخرج لغرفتها

اتجهت لغرفتها و تقدمت تنسدح على السرير حطت راسها على المخده و التفتت لشماغ عوض اللي كان تحت مخدتها ابتسمت بخفه و غمضت عيونها من تذكرت حضنه لها تنهدت ووقفت تطفي النور و تتجه لسريرها تنسدح كانت حاسه بخمول و تعب بعد انخفاض السكر حاولت تنام لكن ما قدرت أخذت جوالها و بدأت تطقطق فيه و دخلت توتر و طلع لها حساب من المقترحات عقدت حواجبها من قرت الاسم ( عوض بن خالد ) ضحكت بخفه و دخلت على الحساب و بدأت تقرا تغريداته و طاحت عينها على آخر تغريده منزلها :

يا نجد انتبهي لمحبوبي تراه بوسطك

بين سكانك و شوارعك ماني مطول الغيبات

ما اقدر على بعده هو و روحي بين أراضيك

و أنا كيف راح اقدر و هو ساكن بعيوني و قلبي

عقدت حواجبها و بدأت تقرا باقي التغريدات :

قالت لي يا قلبي و ياحبي بمزح وانا من يومها حالي مقلوب

ضحكت بخفه و كملت تقرا التغريدات و وصلت لتغريده كان كاتبها اليوم :

يا سعود ما ينفع عتبنا مع اللوم

من يوم ضاع اللي مغطي ظهرها

قصت شعرها ودها بموضه اليوم

حسبي الله على عدوها ليه قصت شعرها

عسى حزنها يقصر معاه

عدت جلستها و مسكت شعرها و عقدت حواجبها و هزت راسها بالنفي و ضحكت بخفه : راح يخلي كل البنات و يكتب تغريده لك وانتي دايم خناق معه

تأفتت و رجعت تنسدح و تقفل جوالها و بعد فتره من التفكير نامت بعد ما اهلكت نفسها بالتفكيرفي ابوها و تغريدات عوض و حياتها الجايه و مستقبلها  ...............

الساعه ٨ اليل صحت شوق و تحس بتعب بعد النومه اللي نامتها و جوع وقفت و اتجهت للحمام ( الله يكرمكم )و بعدها طلعت و وقفت قدام التسريحه تشوف شكلها كانت لابسه بجابه ورديه بكأمام طويله و أزرار أخذت جوالها و طلعت من الغرفه نزلت و لمحتها عبير : شوقي تعالي تعشي معنا

تقدمت شوق للمجلس و شافت العشاء و هزت راسها بالنفي : لا ما ابي بسوي لي شي خفيف بالعافيه عليكم

التفتت تتجه للمطبخ دخلت و مسكت جوالها تشغل هيفاء وهبي محبوبتها :

عايزني أقولك إني دايبه من زمان في هواك

باين عليا شوقي ليك وإنت مش داري

طب مش هقولك إن روحي يا حبيبي معاك

قرب شويه من عينيه تحس بناري

يا حياة قلبي وكل منى

معاك عمري ما قلت الآه

ولا ليله هواك بنساه

أنا كلي كده ملك هواك

حطت جوالها على الطاوله و اتجهت تطلع مقادير الشوفان و تغني مع هيفاء :

‎يا حياة قلبي وكل منى

‎معاك عمري ما قلت الآه

‎ولا ليله هواك بنساه

‎أنا كلي كده ملك هواك

و بدت تحطه الشوفان مع الكاكاو و الحليب على قدر بالنار و تخلطهم و هي ماسكه الملعقه و تغني وبعد مده خلصت و أخذت الشوفان تحطه بالصحن و اتجهت للثلاجه تطلع فراوله و موز ، بدأت تقطعهم و تزين صحن الشوفان بالفواكه و المكسرات ابتسمت بعد ما خلصت و أخذت الصحن و الجوال و اتجهت تجلس بالطاوله ، شغلت لها قصه و بدأت تتابع و تاكل و تضحك دخل عليها عوض من باب المطبخ الخارجي التفتت له و ناظرها : وش تسوين

شوق و هي جالسه تاكل : اكل شوفان و اسمع قصه

تقدم لها و صار جنبها : عطيني شوي

تأففت شوق أخذت ملعقتها و التفتت له و مدت يدها و فتح عوض فمه و ناظرت عيونه و ناظر عيونها سرحت بعيونه وهي حاطه الملعقه بحلقه أكلته و ابتعدت بسرعه ابتسم و نطقت : نسيت ملعقتي عطيتك فيها

هز عوض راسه بالنفي و تقدم يفتح الثلاجه و رجعت شوق تكمل تاكل من نفس الملعقه و تكمل القصه

اخذ عوض المويه و التفتت لها شافها جالسه تاكل و مندمجه تتابع القصه و متفاعله معها من حركات و جهها ابتسم و تقدم لها و على صوته : شوق

التفتت له و نزلت السماعات : اسمع مو لازم تصرخ

ضحك عوض بخفه : طيب ، بسافر الحين

هزت راسها و رجعت تلبس سماعتها تكمل الفيديو ناظرها عوض و ناظر بجامتها و شعرها اللي صار لي كتفها و تعابير وجهها تنهد و تقدم يخرج برا المطبخ ، خرج و التفتت شوق للباب و ناظرته خرج تأففت و نزلت راسها للأكل و سرحت جالسه تقلبه بعد فتره تنهدت و كملت أكلها