حين لـآ يكون من نصيبنآ {شيء آخترنآه} ! و بكل صدق أحببنآه ~ فإنه سيكون من نصيبنآ {شيء أجمل} ~ شيء آختآره آلله لنآ و طبع حبه في قلوبنا . . !

»«

«»

»«

»«

«»

وقفت السياره قريب من باب القاعه أخذت نفس وهي تحس بالخوف وقلبها يدق طبول اول مره تدخل هذي الاماكن

مسكت يدها سعدية تشجعها : لا تخافين !

من حقك تحضرين وتفرحين ببنات اخوك !

واتبعت كلامها بغمزه : يمكن تلاقي عريس لقطه

وبتحريص : انتبهي احجزي لي اخوه !

زفرت ساره بعدم الارتياح بداخلها ندم لأنها طاوعت سعديه

لوحت سعديه بيدها امام وجه ساره : وين سرحت يا ابو الشباب !

يلا انزلي بسرعه ساعه ونرجع لك

وبضحكه : انتبهي لا تتأخرين بعد 12 اخاف يزول أثر سحري ويعرفونك لما ترجعين لحقيقتك الشينه !

تدرين افكر اكنسل زياره خالتي وانزل أشبك واحد من هالمعازيم !

ناظرت ساره ام سعديه وهي تؤشر بيدينها تستعجلهم وابتسمت بدون نفس : الحمد لله انه امك ما تسمع ولا تتكلم كان انجنت لو تسمع سوالفك البايخه !

سعديه فتحت عيونها باستنكار : انا سوالفي بايخه !

والا انت المعقده وما تعرفين تتصرفين

صار لنا ساعه بالسياره خلصيني انقلعي بسرعه ...

فتحت لها الباب ودفتها : انزلي

وقفت ساره برا السياره وهي تشوف سياره الاجره تتحرك

وسعديه تطلع نفسها من الشباك بطريقه محرجه وتلوح بيدها وبصوت عالي : حظ سعيد يا ساندريلا

التفتت حولها ساره باحراج من تصرفها كان بعض الحريم داخلات

أخذت نفس عميق تحاول تهدي دقات قلبها ......

متردده بالدخول طرت لها فكره تجلس برا

تنتظر وما تدخل !

لكن بداخلها شيء يدفعها تروح وتبارك للبنات

وتشاركهن فرحتهن !

طالعت القاعه وهي تردد بنفسها اروح ما اروح

وبالاخير حسمت امرها وقررت تتوجه للقاعه

**

**

**

**

عزام

اليوم كان حوسه بمناسبة الزواج وخاصه انه المعاريس من اقارب ابوي

ولازم نكون موجودين

وقفت قريب من قاعه الحريم انتظر

جدتي ام راكان طالبيتني بالاسم !

ورافقني مناف الملقوف للي ذبحه الفضول

يعرف السالفه

مناف بتفكير : اذا السالفه ما فيها عروس اقص رقبتي !

تنرفزت : تدري اذا السالفه كذا صدق ناقصات عقل !

طلعوني من عند الرجال علشان ذي السالفه !!

مناف باستغراب : شوف ذيك الحرمه للي داخله

بدون ما اناظر : عيب عليك تناظر

قاطعني بتبرير : لا بس مشيتها ملفته للانتباه !

دفعني الفضول وناظرت وبدهشه ساره وش جابها !!

اعرف مشيتها ما احد يمشي بذي الطريقه غيرها !

معقول خالي نادر جاء ؟!

تركت مناف وتقدمت منها وناديتها بصوت متوجس : ساره !

ناظرتني وكانت متغطيه مو باين منها شيء ما ردت ولا بكلمه !

سألتها : وين خالي نادر ؟!

مع مين جايه !

حسيت بالاحراج وانا اشوفها تاركيتني ومتوجه للقاعه !

مو ساره !

سبحان الله نفس طريقه المشي ونفس الطول !

وحتى العبايه نفسها !

وش هالصدفه !

دف كتفي مناف بخفه : قلت لك ناظرها مو تروح تكلمها !

ناظرته وانا للحين مشوش انا متأكد إنها ساره !

**

**

**

**

داخل قاعة الحريم

اسيل تركت الرقص وتوجهت لخوله علشان تنزل ترقص معها !

تقدمت من خوله وهي تعدل فستانها القصير وبدلع : خوله تعالي نرقص !

حركت خوله شفتها تتكلم وعيونها على البنت

للي من اول ما دخلت لفتت انتباه الحاضرين : اسيل شوفي هالقمر !

اسيل فتحت فمها باندهاش : هذي ملاك !!

خوله صرفت نظرها عن البنت : قفلي حلقك فضحتينا مفهيه ترى حلقك وصل للارض !

اسيل غمضت عيونها بحالميه : لو اصير بجمالها واناقتها !

خوله بتخمين : اذا ما خاب ظني امي وجدتي ام راكان يحومن حولها لعزام !

شفت جدتي سلمت عليها وكلمتها وبعدها طلعت

اسيل بتنكيس : معقول هالملاك تقبل بعزام !،

دفتها خوله بغرور : يا بختها يوافق عليها!

اسيل وهي تتأملها: احس اني اعرفها من قبل !

خوله بتفكير : فيها شبه من .....

***

***

***

***

دخلت القاعه بعد ما خلعت العبايه وما خطر لها تعدل نفسها على المرايه قبل ما تدخل

قلبها مو قابل يوقف طبول طبول تحس بالاحراج اول ما دخلت وكل الانظار عليها !

ما تدري اعجاب او شيء ثاني !

ناظرت الحريم وهي تشوفهن متكشخات

شجعت نفسها انها مثلهم ويمكن احلى بالمكياج

ما تدري ليه اليوم كان عندها ثقه انها حلوه

!!

لفت جهة اليسار شافت خوله واسيل يناظرونها وبعدها بلحظات توجهت اسيل وخلفها خلود متوجهات لها بعبوس !!!-

**

**

**

اسيل وهي تتأملها: احس اني اعرفها من قبل !

خوله بتفكير : فيها شبه من بنات نايف !

اسيل انفجعت وهي تناظر للي دخلت القاعه اشرت لخوله وكأنه الصدمه ألجمتها!

خوله انصدمت وهي تشوف ساره تدخل بمشيتها المعتاده

ولابسه جلابيه اقرب وصف لها مقرفه ومحتضنه تحت إبطها العبايه

وبسرعه توجهت اسيل وخلفها خوله

والاحراج خيم عليهن

وبدون اي كلام مسكت اسيل يدها وسحبتها خارج القاعه بهدوء وتوجهت لغرفه فاضيه

دخلت وخلفها خوله للي قفلت الباب وتقدمت منهن !

اسيل بحده اول مره تكون كذا مع ساره : انت وش عامله بنفسك !!!

خوله بنفس الاندفاع : تبغين تفشلينا ؟!

وش هالملابس المقرفه !!

ساره انربط لسانها من هذا الهجوم !

اسيل تابعتك كلامها : وش هالخرابيط للي بوجهك ؟!

مين للي للعب بوجهك كذا !

خوله سحبت ساره ووقفتها قدام المرايه : شوفي وجهك !

رفعت عيونها باستحياء وناظرت نفسها

وكانت الفاجعه ملامحها شبه معدومه

الكحل واصل قريب من اذنها

وفوق عيونها الشدو باللون الاسود الغامق

غير الشفايف للي باللون الاحمر القاتم

ومكبره لها شفايفها حتى وصلت لانفها

وخدودها بنفس لون الشفايف

وشعرها منفوش مع الجلابيه القديمه كانت اشبه بالمجنونه او المتسوله على الطرقات !!

كان نفسها تمسك سعديه وتصكها كفوف على هذي المسخره !

تخاطب نفسها بألم :ناقصني بشاعه علشان تزيدها علي سعديه !

خوله بتحقيق : مين للي حط لك هالقرف !

نزلت راسها ساره كالعاده بسلبيه ما تقدر تدافع عن نفسها !

اسيل رفعت راس ساره : مين جابك هنا ؟!

بلعت ساره ريقها وما قدرت تجاوب !

خوله استدارت باتجاه الباب : اناالحين رايحه لجدتي ام محمد واخبرها بوجودك !

اسيل لما شافت ملامح ساره المرعوبه : انتظري

وناظرت ساره باستفسار : خالي نادر جاء !

اكتفت ساره بالسكوت

رن جوال خوله ردت وهي تناظر ساره

كملت المكالمه وبعدها قفلت الجوال : امي تسأل عني وعنك يا اسيل !

اسيل اشرت على ساره : وساره ؟!

لو معي ملابس كان لبستها وعدلتها بس ما في وقت !

خوله بقهر من تصرفات ساره وقمة الغباء للي عايشيته : جهزنا لك ملابس للحفله ليه ما رجعتي مع جدتي ؟!

ما ادري متعمده تفشلينا والا وش قصتك ؟!

وبأمر : اجلسي بذي الغرفه ولا تطلعين منها الا لما نجيك انا واسيل فاهمه !،

هزت ساره راسها بضعف

ناظرت اسيل وخوله وهم طالعين

وجلست على الارض باستسلام ما كانت تبغى تحضر بهذي الطريقه !

تحمد ربها انها اسيل شافتها قبل ما تصير مسخره للحريم !

زاد التحطيم للي بداخلها والثقه للي زرعتها بداخلها بصعوبه طارت اول ما شافت نفسها بالمرايه ...

صدق المثل الشين شين

كل البنات يحطون مكياج ويزيدهم جمال

الا هي يزيدها بشاعه فوق بشاعتها !

ما تبغى تعترض على خلقة ربنا بس شيء بداخلها يوجعها !

فجأة وقفت على حيلها وهي تتذكر خالتها لو عرفت بوجودها

رح تطلع جنازتها اليوم !

وعزام لو يدري انها جاءت مع ناس غريبه ما رح يرحمها !

ونادر تخاف يفقدها ويروح لبيت سعديه وما يلاقيها !

تحس حطت نفسها بورطه ما تدري كيف تتصرف

وبسرعه طلعت من الغرفه بدون تفكير

لبست العباية ولفت الشاله مثل النقاب علشان تقدر تشوف الطريق وطلعت بعجله

ناظرت حولها ما تدري اي باب يطلعها ما تبغى تدخل وتمر من قاعه الحريم

اكيد في باب ثاني

قررت تتحرك تخاف بأي لحظه ترجع اسيل

صارت تمشي بعشوائيه

واخيرا شافت باب مفتوح للخارج

ركضت باتجاه الباب وهي طايره من الفرحه

وكأنها تاهت بالصحراء ولقت المنفذ

طلعت من الباب وهي تقفز وتصرخ بأعلى صوتها من الفرح : وأخييييييرا

عم المكان صوت تكسير وتحطيم

نهضت نفسها عن الارض بعد ما تعثرت بسبب عبايتها

ناظرت القزاز المتكسر باستغراب من وين جاء ؟!

إلتفتت على اليمين وانفجعت وهي تشوف واحد عالارض والثاني يسند فيه بصمت ....

وقف بصعوبه وبقع الدم على ثوبه انجرح من الزجاج

بصراخ بدون لا يناظرها : انت عميه ما تشوفين !!

ساره باحراج ناظرتهم كانوا بعمر المراهقه صغار ما قدرت تتكلم :ءءء

ناظروها لثواني وصرخوا بصوت عالي : اعوذ بالله من الشيطان الرجيم

جنيه جنيه

وبسرعه اختفوا من امامها !!

ناظرت حولها باستغراب وين الجنيه ؟!

سمعت صوت رجال قريبين وبسرعه رجعت من المكان للي دخلته وصارت تركض تبغى تهرب

تخاف يغرمونها حق للي اتكسر بسببها !!

**

**

**

**

*

داخل القاعه اسيل بهمس قالت لامها عن ساره والموقف للي صار !

ام عزام باستنكار : بس ساره عند نادر !

خوله بتأكيد : اقولك ساره وخليناها بالغرفه

ام عزام بضيق :الله يسامحك يمه ما ادري وش تبغى بهذي البنت !

المهم نعرف مين للي وصلها لهنا !

يا خوفي البنت تسرح وتمرح وامي ما تدري عنها!

اسيل ابتسمت بثقه : ما اتوقع ساره من هذا النوع

اكيد خالي نادر جاء

ام عزام هزت راسها : خلاص انا اعرف بطريقتي اذا نادر حضر او لا !

بس خلي هالزواج ينتهي على خير !

::

::

::

وقفت بالشارع تلتفت يمين يسار وهي تلتقط انفاسها

بصعوبه حصلت الباب ...

الحين

كيف توصل لسعديه وما معها جوال ما تدري كم مر من الوقت بالضبط

عضت على شفتها بتوتر والخوف دب بقلبها

تخاف تخلص الحفله وسعديه بعدها ما شرفت

وش يخلصها من خلف وعزام !!

تعبت من الوقفه جلست على الرصيف وعيونها على الطريق

وهي تحس نفسها متسوله هذا اقرب وصف توصف فيه نفسها !

وقفت على حيلها وهي تحس بطوق النجاه لما شافت سياره

اجره توقف قريب من القاعه وبسرعه ركضت وهي تمسك بطرف عبايتها بشكل ملفت للانتباه !

ما اهتمت يشوفها احد او ينتقدها المهم تركب السياره وتغادر المكان

اول ما ركبت بصوت مرعوب نطقت : حرك بسرعه

اخذت نفس بعمق وناظرت السياره وتجمدت العروق بجسدها صرخت بخوف : وقف وقف

وقف سائق الاجره باستغراب وما تركت له فرصه يستفسر عن سبب صراخها

وبسرعه نزلت من السياره مثل المجنونه وصارت تركض

ناظرها السائق وهو يقسم بداخله انها هاربه من مستشفى المجانين

ركضت باتجاه القاعه وهي تشتم نفسها

غبيه طول عمرها رح تبقى غبيه كيف ما انتبهت اذا سعديه موجوده او لا !

مثل الخبله ركبت على طول السياره !

وقفت وهي تلتقط انفاسها ناظرت حولها وهي قريبه من قاعه الافراح !

جلست على جنب الطريق وهي تحس كل قوتها تبخرت بعد هذا الموقف

غمضت عيونها كله بسبب سعديه

وش الحل الحين !

تخاف تنساها سعديه !

غمضت عيونها لثواني وهي تدعي ربنا !

مر وقت قصير ولمحت سياره اجره توقف قريب من القاعه

توجهت لها بتوجس وهي حاطه يدها على قلبها

اعطاها صاحب السياره هرن حتى تستعجل

وصلت السياره ولصقت وجهها على القزاز حتى تتأكد من وجود سعديه

دفت سعديه الباب وبصراخ : يا حماره اخرتينا !

وش قاعده تناظرين ؟!

لاصقه وجهك بالقزاز وعيونك مثل الغول تجحين فينا !

ركبت ساره السياره وناظرت سعديه بنظرات ناريه : الله يأخذك يا حيوانه !!

سعديه فتحت عيونها وقبل ما ترد على ساره ناظرت السائق : خلاص حرك !

وبعدها ناظرت ساره : وش فيك تنافخين ؟!

ساره انفجرت فيها : كله بسببك خليتيني مسخره للعالم !

سعديه تكتم ضحكاتها ببراعه : هذي جزاتي ؟!

انكسر ظهري وانا أزينك !

ساره بغبن : ليت ظهرك انكسر ولا زينتيني!

فتحت سعدية عيونها باستنكار من الدعوه : حيوانه تدعين علي !

ساره بتبرير: انا ما دعيت انا قصدي

قاطعتها سعدية : خلاص فهمت

طيب ليه مو عاجبك المكياج ؟!

كشفي اشوف تعبي !

نزلت ساره بملل وسرعان ما فتحت عيونها باستنكار

وهي تشوف سعديه تضحك وتتكلم : احمدي ربك انه الحريم ما هربوا من القاعه

وهم يصرخون جنيه !

رفعت حاجب باستغراب وهي تردد : جنية ؟!

وبسرعه عضت على شفتها بإحراج وهي تتذكر كلام العيال !

كانوا يقصدونها بالجنيه ؟!

لهذي الدرجه كانت بشعه ؟!!

وبدون تردد خلعت الحذاء واستقر على راس سعديه : كله منك

سعديه وهي تفرك مكان الضربه : انا وش دخلني ؟!

ردت ساره بقهر من حركات سعديه وهي تقلدها : اروى انبهرت بمهارتي !

وبتذكر ناظرت سعديه : اصلا انت ما تكلمين اروى كيف رحت تتعلمين عندها !

دقت سعديه رأس ساره بإصبعها : قولي هذا الحكي لنفسك يا ذكيه !

ما بقى الا انا اروح عند ذيك ال.... واتعلم منها ؟!

تخسى لو ما بقى غيرها بالعالم ما تنازلت وناظرتها ؟!

وش اعمل لعقلك المصدي يصدق كل شيء

!!

كذبت عليك وانت صدقتي على طول !

ساره بخوف وهي تطنش سالفه اروى : اسيل وخوله شافوني وزفوني اكيد رح يخبرون خالتي وعزام وخلف وع

قاطعتها سعدية بعصبيه : لمتى رح تبقين غبيه الف واحد يتدخل فيك ؟!

عزام هذا وش دخله ؟!

خالتك هذي ما لها كلمه عليك تراها زوجة ابوك الشايب مو امك !

عمك ابو راكان وش دخله !

عيشي حياتك بنفسك مو الكل يتدخل بطلعاتك !

ساره هزت راسها بضعف: ترى الكلام مو مثل الفعل !

وبألم كملت كلامها : انا ما لي ابو ولا ام

يتيمه !

المجتمع يفرض علي انه الكل يتدخل فيني

غصب عني اسمع الكلام وأسكت !،

قاطعتها سعديه : لانك سمحتي لهم يتدخلون بحياتك !

قاطعهم سائق التاكسي بعصبيه : خلاص

مخ انا طار منكم

ساره بهدوء : خلاص اسكتي بلاش يعمل فينا حادث وحنا السبب

خيمت اجواء السياره بالصمت كل وحده ناظرت جهة الشباك

وساره تفكر بكلام سعديه لمتى الكل يتدخل بحياتها

الشاطر يفرض رأيه عليها

كم مره توقف بحيره على مين ترد ؟!

خلاص لازم تنهي هذي المشكله ولا تسمح لاحد يفرض رأيه عليها !

ورح تعيش فراري على كيفها !

حزمت امرها وسرعان ما راودها التردد وهي تتذكر نادر

لازم تسمع كلامه لانها تعيش عنده !

خلاص حزمت امرها ما رح تسمع الا كلام نادر والباقي ما له دخل بحياتها أبدا ....

وقف التاكسي وتكلم بدون نفس : يلا انزلوا

ناظرت سعديه ساره وهي تنزل والهدوء خيم عليها

وبضحكه حتى تغير جو ساره نادت عليها بعد ما نزلت وهي تلوح بحذاء ساره : ساندريلا جزمتك !

وصوبتها اتجاه ساره للي تفاجأت فيها اول ما إلتفتت للخلف وما قدرت تتفادى الضربه

ركضت سعديه بفجعه لها ما توقعت تصيبها

تقدمت لها : اسفه مو قصدي تصيبك !

ساره وهي تكتم غيضها : سعديه حلي عني !

سعدية بتمثيل تحط كفها على فمها بشهقه : عسى ما طبعت نمرة الحذاء بوجهك !

ساره وعقلها يفكر بطلعتها : يا خوفي اسيل تخبر خالتي !

سعدية ضربت على صدرها بثقه : لا تخافين

وبعدين مها معها خبر ورح تغطي على غيابك

واذا سألوك انكري لا من شاف ولا من درى !!

وبعدين لا تخافي اكيد فكروك جنيه بعد ما هربتي

وهنا انكري و انتهت السالفه !

زفرت ساره بضيق : يا برودك بهذي السهوله انهيتي السالفه ؟!

سعديه وهي تحك راسها : على فكره

احم نمرة 40 على وجهك معلمه

وبسرعه هربت لما شافت ملامح ساره الغاضبه !

**

**

**

**

**

بعد انتهاء الحفله

اسيل بتأكيد : انا شفتها وجلستها بالغرفه متأكده !

ام عزام : بس وينها صار لنا ساعه ندورها ؟!

عزام وجهه احمر متأكد البنت إلي شافها ساره بس ليه تنكرت له وما كلمته ومع مين جاءت ؟!

ام محمد بحقد دفين : دوم اقولكم تراها حية من تحت التبن بس ما احد يصدقني !

ما ادري وش تخطط له هالبنت !

دامها تبغى تحضر ليه ما رجعت معي ؟!

ومين الكلب للي طالعه معه ؟!

حس عزام بالاختناق عند هذا السؤال مين الكلب للي طالعه معه ؟!

شد على قبضة يده بقهر وهو يتخيل انها دايره على راسها مع واحد غريب !

هذي بسن المراهقه وما تعرف مصلحتها !

اي واحد يقدر يضحك عليها جلستها مع جدته اكبر غلط !

بس وين العقول للي تفهم وتستوعب هالكلام ؟! ابو عزام قفل الخط بعصبيه : الكلب اقول له اختك مختفيه يقول مو فاضي لكم دورها مع عيالك وقفل الخط !

عزام بغضب : وقسم بالله رجال من القله !

وحنا مو مجبورين فيها خلي إخوانها يدورون عنها او يبلغون الشرطه

وبحزم يلا على السياره

ام عزام بضيق : والبنت ؟!

عزام بصراخ : بجهنم هي واخوانها !

ام محمد احترت من كلمته : لا تغلط على عيالي

وش دخلهم اذا طلعت اختهم هايته وصايعه

قاطعها ابو عزام وهو على وشك الانفجار : حتى لو كانت اكبر صايعه بالبلد أمسكها وأخليها تمشي على الصراط المستقيم !

بس عيالك مو قد المسؤوليه !

يلا عالسياره اشوف !

**

**

**

**

**

**

**

نايمه بفراشها بعد ما غسلت وجهها من الخرابيط

واحداث اليوم تمر عليها

تحس بالندم وخوف بداخلها

ما رسمت او خطر ببالها رح يصير كذا !

رسمت ببالها تدخل القاعه وتبهر الجميع بجمالها

تخيلت نفسها ساندريلا

بعد ما اقنعتها سعديه انه الجلابيه للي اخذتها منها مستحيل تلاقي احد لابس مثلها ورح تكون مميزه فيها !

تخيلت وقتها نفسها ملكة جمال العالم

تدخل القاعه وترقص والكل يؤشر عليها

والحريم تتسابق لخطبتها

تحطمت لما شافت نفسها بالمرايه

كتمت القهر للي بداخلها تحس الوجع للي بداخلها يزيد

نفسها تكون مثل البنات مميزه وجميله

متأكده رح تبقى امنيه تناظرها مثل النجوم البعيده وما تقدر تطولها !

لو انها ...

قطعت افكارها وهي تسمع الصراخ بالصاله

شدت اللحاف وهي تسمع صوته يرعد وخالتها صوتها طالع !!

تحس قلبها رح يطلع من مكانه من قوة الدق

خارت قوتها وغطت نفسها باللحاف وكأنها تمنع احد يهاجمها !!!!

جالسه بفراشها تقرأ سوره الملك قبل ما تنام

فزت على حيلها وهي تسمع صوت بكاء بالصالة

وبسرعه توجهت للصالة وهي عارفه صاحبة الصوت

دخلت الصاله وناظرت نهى جالسه على الارض وتتكلم وهي تبكي : خلاص انا ما ابغى اكمل معه !

دخل ابو سعود البيت بعد ما كلم زوج نهى برا

ام سعود وقلبها يتوجع على نهى وهي تشوف أثار الضرب واضحه وبعصبيه : :-جعل يده للكسر !

شوف كيف ضاربها ؟!

ما رح نسكت له !

ابو سعود بأمر : خذي ابنتك وانزلي زوجك ينتظرك !

ام سعود باستنكار: ترجعها بذي السهوله بعد ما ضربها !

ابو سعود بهدوء يتخلله الحزم : لولا ابنتك ما طولت لسانها على رجلها كان ما مد يده !

الحرمه للي تحترم زوجها وتحافظ على بيتها وزوجها وأسراره رجلها يحطها على رأسه

بس ابنتك مو كفو !

وبحزم : انزلي بسرعه لزوجك

وقفت نهى وهي تلملم شتاتها والدموع مستمره بالنزول مثل الشلال

تحس عائشه بداخله وجع لازم ما تسكت...المفروض تتكلم

هذي اختها لمتى حالها كذا ؟!

لو ابوها وضع حد لزوج نهى ما كان هذا حالها

واكيد رح يحسب حساب لأهلها !

بس مشكلة ابوها مستحيل يستقبل اي بنت وهي زعلانه !!

حتى لو نهى غلطانه المفروض ما يكون الضرب هو الحل الاول !!

اخذت نفس تستجمع قوتها وتكلمت قبل ما تطلع نهى : بس يبه هذا مو الحل ؟!

ناظرها ابوها بنظرات ما ارتاحت لها بس شجعت نفسها تكمل دام انه ساكت : مو كل مره تيجي مضروبه وتسكت وترجعها معه بنفس اللحظه ؟!

قاطعها ابو سعود بقلة حيله : وش اقول اذا اختك ما تحترم زوجها !

قاطعته عائشه : حتى لو غلطت المفروض ما يكون الضرب هو الحل

لازم توضح له انه الدين وضع حلول ثانيه قبل الضرب

اول شيء الموعظه الهجران واخر شيء الضرب

بس مو بهذا الشكل !!

قاطعها وهو ينهي الحديث ويؤشر لنهى تلحق زوجها : نهى وانا اعرفها اكثر واحد

ما تيجي للطريق الا بالطق !

وقبل ما يتوجه لغرفته: ثاني مره لا تتدخلين بشيء ما يخصك

خليك بأمورك وانتبهي لدراستك وبس !

وتركها ودخل غرفته

ناظرت امها للي جالسه وحاطه يدها تحت خدها وكل هموم الدنيا فوق راسها وتتكلم بضيق : هم البنات للممات !

اذا نهى مو ماشيه مع زوجها مثل ما يبغى

الله يعيني عليك !

عز الله رح ترجعين مطلقه من اول يوم !

عنيده ورأسك يابس ولسانك طويل !!

فتحت عيونها باستنكار ليه قلبت عليها الحين ؟؟

**

**

**

**

**

**

دخل البيت خلف جدته وبداخله غضب ما يدري كيف يخمده قرر يوصل جدته ويتأكد بنفسه

ولو طلع للي باله صحيح ما رح يرحمها !

طلعت مها واستقبلتهم والنعاس يداعب اجفانها

ام محمد تكلمت قبل مها وهي معصبه : وينها قليلة الحياء ؟!!

مها فتحت عيونها وردت بضجر : الله يطولك يا روح !

جايه تالي هالليل ومزعجيتنا وفوق هذا تصارخين ؟!!

عزام بحده : وين ساره ؟!

مها ما عجبها اسلوبه تكتفت وببرود : انت وش دخلك بالبنت حتى تسأل عنها ؟!

عزام بنفس الطريقه وهو يرص على اسنانه : تراها ابنة عم ابوي !

ومن

قاطعته باستخفاف : اوووه سمعت انها خالتك !

أم محمد بعصبيه : مو فاضيين لهذرتك الفاضيه ؟!

ابعدي عن طريقي خليني اربيها الحيوانه !

وقفت مها بطريقهم وبعصبيه : وقفي عندك !

وش تبغين بالبنت ؟!

مو تركتيها عندنا وشهوله جايه الحين تسألين عنها !

عزام انفجر بوجهها : للاسف ما كنتم قد المسؤوليه البنت تسرح وتمرح وإنت ما عندك علم !

ساره اليوم جاءت لحفلة الزواج

وبصراخ ممكن افهم مع مين جاءت ؟!

جاوبيني !

مها بهدوء : خساره فيك السنين للي درستها الزبال للي مو متعلم عنده اسلوب بالكلام افضل منك !!

ام محمد بردح : تركنا الاسلوب لك يا محترمه دوبك كم يوم طارديتني من بيت ولدي والحين جالسه تتكلمين عن الاسلوب

عزام تكلم قبل مها للي رفعت يدينها للردح : مو وقت مشاكلكم الحين !

وناظر مها وشوي ويخنقها :وين ساره ؟!

مها اخذت نفس : ساره بفراشها نايمه !

ام محمد بتحقيق : متى رجعت من الحفله ومين للي رجعها ؟!

مها بتمثيل فتحت فمها باستنكار : حفله ؟!

ترى الطريق اثر على عقلكم !

اقولك ساره نايمه بفراشها تعبانه

وبعد المغرب راح نادر وجاب لها علاج من الصيدليه !

ام محمد بعدم تصديق :وش يوجعها هالعوبا ؟!

نادر دخل الصاله وهو يعدل ثوبه ومغمض عين ومفتح الثانيه : وبعدين مع صوتكم ما تخلون الواحد ينام ؟!

ام محمد بهجوم : مو ذابحك غير النوم تعال شوف اختك وين هايته وانت مثل الحيط بالدار !

اختك جايه على الزواج والله اعلم مع مين طالعه !

عقد حواجبه وقبل ما يرد دخل وهو يرعد بصوته الجهوري: وينها وينها بنت الكلبه والله لأذبحها !

ام محمد خافت من ملامح خلف والشرار يطلع من عيونه !

في اللحظة التي تشعر فيها أن كل شيء يعاكس رغباتك تذكر قوله تعالى: {لَعَلَّ اللَّهَ يُحْدِثُ بَعْدَ ذَلِكَ أَمْرًا»:::

:::

:::

:::

دخل البيت خلف جدته وبداخله غضب ما يدري كيف يخمده قرر يوصل جدته ويتأكد بنفسه

ولو طلع للي باله صحيح ما رح يرحمها !

طلعت مها واستقبلتهم والنعاس يداعب اجفانها

ام محمد تكلمت قبل مها وهي معصبه : وينها قليلة الحياء ؟!!

مها فتحت عيونها وردت بضجر : الله يطولك يا روح !

جايه تالي هالليل ومزعجيتنا وفوق هذا تصارخين ؟!!

عزام بحده : وين ساره ؟!

مها ما عجبها اسلوبه تكتفت وببرود : انت وش دخلك بالبنت حتى تسأل عنها ؟!

عزام بنفس الطريقه وهو يرص على اسنانه : تراها ابنة عم ابوي !

ومن

قاطعته باستخفاف : اوووه سمعت انها خالتك !

أم محمد بعصبيه : مو فاضيين لهذرتك الفاضيه ؟!

ابعدي عن طريقي خليني اربيها الحيوانه !

وقفت مها بطريقهم وبعصبيه : وقفي عندك !

وش تبغين بالبنت ؟!

مو تركتيها عندنا وشهوله جايه الحين تسألين عنها !

عزام انفجر بوجهها : للاسف ما كنتم قد المسؤوليه البنت تسرح وتمرح وإنت ما عندك علم !

ساره اليوم جاءت لحفلة الزواج

وبصراخ ممكن افهم مع مين جاءت ؟!

جاوبيني !

مها بهدوء : خساره فيك السنين للي درستها الزبال للي مو متعلم عنده اسلوب بالكلام افضل منك !!

ام محمد بردح : تركنا الاسلوب لك يا محترمه دوبك كم يوم طارديتني من بيت ولدي والحين جالسه تتكلمين عن الاسلوب

عزام تكلم قبل مها للي رفعت يدينها للردح : مو وقت مشاكلكم الحين !

وناظر مها وشوي ويخنقها :وين ساره ؟!

مها اخذت نفس : ساره بفراشها نايمه !

ام محمد بتحقيق : متى رجعت من الحفله ومين للي رجعها ؟!

مها بتمثيل فتحت فمها باستنكار : حفله ؟!

ترى الطريق اثر على عقلكم !

اقولك ساره نايمه بفراشها تعبانه

وبعد المغرب راح نادر وجاب لها علاج من الصيدليه !

ام محمد بعدم تصديق :وش يوجعها هالعوبا ؟!

نادر دخل الصاله وهو يعدل ثوبه ومغمض عين ومفتح الثانيه : وبعدين مع صوتكم ما تخلون الواحد ينام ؟!

ام محمد بهجوم : مو ذابحك غير النوم تعال شوف اختك وين هايته وانت مثل الحيط بالدار !

اختك جايه على الزواج والله اعلم مع مين طالعه !

عقد حواجبه وقبل ما يرد دخل وهو يرعد بصوته الجهوري: وينها وينها بنت الكلبه والله لأذبحها !

ام محمد خافت من ملامح خلف والشرار يطلع من عيونه !

نادر بغضب : وش فيكم اليوم ؟!

خلف بنفس نبره الغضب : وينك عنها لما طلعت من البيت ؟!

اذا ما طلعت جنازه على يدي الليله ما اكون خلف !

ما بقى الا ابو عزام يملي اوامره علي وينتقدني !

عزام قاطعه بحده : ما اسمح لك بكلمه على ابوي !

خلف ناظره ما انتبه له الا الحين و زاد غضبه بشوفته ينقهر منهم ومن النفس للي حاملينها دائما هم الفاهمين والعاقلين وإلي يتصرفوا صح والباقي غلط ويتكلمون معهم بفوقيه ...وبكل كره رفع اصبعه والغضب يشع من عيونه : انت وش دخلك جاي لهنا !

ابوك ارسلك علشان تصور الحدث وترسله التقارير وتنشرون هالفضايح !

يكون بعلمك انت وابوك وجدك ما لكم دخل فينا !

حياتنا ورح نعيشها على كيفنا !

ام محمد تهدي الوضع وهي تشوف وجه عزام صار احمر : هذي جزاته جاي

قاطعها خلف بصياح : ايه هذي جزاته

لا تلفقون حكي من عندك انت وابوك

ترى ساره انا جبتها للحفله بنفسي !

عندك اعتراض !

وش هالناس للي تحشر نفسها بكل شيء !

عزام ناظره باشمئزاز ما في اي تعبير يوصف مدى مشاعر الكره والقرف للي يحملها بداخله لخاله خلف !

عمره ما اعترف فيه قدام احد لانه اسمه يجلب العاروالاحراج

فكيف لما يكون لك اسم بالمجتمع !

ألقى نظره أخيره قبل خروجه !

ام محمد بلوم : كذا الاسلوب هبيت فيه كذا !

خلف ما اهتم لكلامها وناظر نادر بتحقيق : وينك عن أختك تطلع وتدخل وانت ما عندك علم !

نادر شوي ويلطم : بعدين معكم ؟!

اشق ثوبي!

اقولكم ساره طول اليوم مريضه ما طلعت من غرفتها!

وانا بنفسي بعد المغرب جبت لها الدواء !!

خلف بعدم تصديق : شفتها بعيونك بغرفتها !

سكت نادر هو ما شافها وما يدري اذاموجوده او لا !

بس مها كانت تنقل أخبارها وطلبت منه ما يدخل علشان ما يحرجها بسبب تعبها !

ام محمد وتحس مها حابكيتها ناظرته بقهر : جاوب على سؤال اخوك !

مها بنرفزه : يعني حنا كذابين ؟!

ام محمد رفعت حاجب بتكذيب: من لما جينا وانت رافضه ندخل نشوفها !

لانها مو بالبيت !

مها بحده : اقول لك البنت مريضه

خلف بغضب : انا ما همني مريضه تعبانه عايشه

ابغى اعرف

ليه تسمح للي ما يسوون يتكلمون علينا !

نادر تنرفز منه : هذا للي هامك !

خلف بحده : إيه هذا للي هامني !

بسببها راحت علي صفقه !

يكفي هالزواج التافه للي انغصبت احضره

ولو رحت لاشغالي ابرك لي من القعده مع عمك ابو راكان !

ام محمد دون قصد رجعت ولعت الحطب مره ثانيه : هذا للي هامك !

اختك ما ندري مع مين طالعه وتلعب من ور

قاطعها خلف بغضب وكأنه تم شحنه من جديد وبصوته للي يرعد بخشونه : وينها ؟!

وقسم بالله لاخليها تندم انا لمتى اشيل همها !

والله لازوجهاوارتاح من همها !

وتوجه للداخل يبحث عن مكانها !

دخل اول غرفه وشافها متغطيه باللحاف ما يبان منها شيء

رفع اللحاف وهو ناوي يطلع قهره من ابو راكان وعياله فيها !

اول ما رفع اللحاف شافها تغط بالنوم ووجهها ذابل وحول عيونها سواد وحبات العرق على جبهتها !

نادر من خلفه مسك يده : شفت بعينك !

قلنا لك البنت مريضه ما صدقت !

اول ما اتصل فيك ابو عزام صدقت على طول !

خلف وهو يناظر ساره : انا ما ابغى ابو عزام واخوانه

نادر بهدوء قاطعه : ما لهم دخل بالموضوع

وساره انا واثق فيها !.

خلف قبل ما يغادر : انتبه عليها

انا ما رح اطول رح اجيب لها عريس وارجع !

مها فتحت عيونها باستنكار للي يسمعه يقول رايح لمطعم يجيب وجبه وراجع !

وش هالعائله ؟!

يبغى يجيب لاخته عريس ويرجع ؟!

ناظرت ساره وابتسمت وهي تشوف شكلها للي يوحي انها فعلا مريضه

واثار المكياج حول عيونها ساعد على التمثيليه

**

**

**

**

بعد ما تأكدت انه ما احد حولها والكل طلع

من الغرفه

تنفست براحه وهي تمسح جبهتها من حبات العرق بسبب الحر

تحسست قلبها للي يدق للحين من الخوف

ربها ستر والا كان تحطمت تحت يدين خلف !

بس في شيء بداخلها بعث السعاده

بعد كلام خلف راح يجيب لها عريس !

عقلها طفولي وكأنها تنتظر الحلوى !

اهم شيء عندها انها

خلاص رح تودع العزوبيه !!

وتودع خالتها !

وتودع هالقريه !

وسرعان ما حل مكان السعاده الاحباط

وهي تردد بداخلها كلام خالتها : مين للي رح يرضى بوحده مثلك !!

رمت راسها على المخده بيأس وكل الفرحه انمحت وحل مكانها التوتر والخوف من المستقبل !!!

***

***

**

***

**

**

في اليوم الثاني

جالسه بالصالة وبيدها كأسه الشاهي ومندمجه بالسوالف مع ام هزاع دخلت مها وهي لابسه ومتجهزه عندها مشوار ناظرت ام هزاع بكشره قبل ما تطلع ما تطيقها من اول ما دخلت هالحاره ولا قدرت تتقبلها !

ام محمد رافعه حاجب وهي تناظر مها وبتحقيق: ام هزاع تقول ولدها هزاع شاف ساره

قاطعتها مها وهي تناظر ام هزاع بنظرات ناريه : انت متى الناس ترتاح من لسانك وعيونك إلي مثل البومه !

حاطينك برج مراقبه بالحاره !

ام هزاع توترت من عصبيتها وبترقيع : انا ما قلت ولدي إلي شافها !

مها رفعت اصبعها بتهديد : وقسم بالله اذا ما انقلع ولدك عن ساره الا انا اتصرف معه !

وش دخله طلعت دخلت وشعندكم ؟!

ام هزاع بنبره ضعيفه : حنا ما لنا دخل مجر

سكتت وهي تشوف مها تناظرها بقرف وطلعت

ام هزاع مطت شفتها بعد ما طلعت ما عجبها نظراتها : علامها زوجة ولدك تناظرني كذا ؟!

وهبت فيني وما احترمت اني في بيتها !

ام محمد بلامبالاه : فكينا منها هالحيوانه !

هذي ما تحترم احد !

خليني أكمل لك السالفه

ام هزاع باندماج : ايه كملي !

ام محمد : اقولك يقولون طلعت لهم جنيه

وبسرعه هربوا

وخبروا الرجال ولما راحوا للمكان ما شافوا شيء

غير الزجاج للي تكسر !

ام هزاع ما خشت السالفه رأسها : ما عمري سمعت احد طلعت له جنيه غريبه والله هالسالفه !!

قاطعتهم ساره وهي تتدخل وتبتسم وهي تسمع سوالفهن لو يدرون هي الجنيه وش رح يكون رد فعلهم !

ام هزاع كشت عليها بعبوس : انت دوم فاتحه فمك وتتبسمين !

وناظرت ام محمد بجديه : نفسي اشوفها تبكي او خاطرها متكدر !

فتحت ساره عيونها باستنكار حتى البسمه حاسديتها عليها !!

ام محمد مطت شفتها مو عاجبها : هذي لانها بدون احساس !

اتذكر وهي صغيره لما كان يطقها خلف او عزام او البزران تلاقينها تضحك !

انا اعرف البزران يبكون وهذي عديمة احساس !!

ام هزاع : الله لا يبلانا !

انا اذا احد صرخ بوجهي اتحسس ودموعي تنزل على طول !

توسعت ابتسامة ساره : دوبها خالتي مها صرخت بوجهك بس ما اشوفك تبكين !

نزلت عيونها ام هزاع باحراج

ام محمد خزت ساره بتوعد : وصار عندك لسان اشوف بغيبتي!

بلعت ساره ريقها بخوف من نظرات خالتها

نسيت وجودها إلي يسبب لها الرعب لما تغلط !

ام هزاع تمثل الزعل : اشوف اني انهان يا ام محمد في بيتك وانت ساكته !

اذا وجودي مو مرحب فيه ألزم بيتي ويا دار ما دخلك شر !!

ام محمد مسكت يدها : لك صدر البيت تراك صديقه عزيزه على قلبي !

تدرين اني اترك بيتي واجي علشان اجلس معك !

ترى الجلسه معك توسع الصدر !

ناظرت ساره على جنب ومطت شفتها من هالمديح !

ما تدري وين للي جلستها توسع الصدر !

كلها غيبه ونميمه وكذب !

ام هزاع وكبر راسها من هالمديح : تسلمين يا ام محمد

وانت بعد غاليه عندي !

واقتربت من ام محمد وهمست : صرفي ساره ابغاك بموضوع سري !،

**

**

**

يحس راسه انفجر نفس السالفه تنعاد محتار

خطوه جريئه يخاف يندم عليها !

ام عزام وهي تقنع فيه : والله ما تندم إسأل اخواتك شافونها قمر نازل من السماء تجنن !

عزام بتردد : واذا ما عجبني شكلها !!

اسيل كشت عليه : اخاف تنشب لنا تملك عليها اول ما تشوفها !

بس تبغى الصراحه انا مو مصدقه انها اخت زوجه عمي ابو ماجد !

خوله باستغراب : اول مره اشوفها !

ام راكان : عيال اخوي عاشوا برا حتى العيد ينزل لوحده !

وهذي البنت ما شاء الله تخرجت من كلية الطب بامتياز !

وفوق هذا جمال واخلاق !

عزام بحيره : بصراحه متردد لانه عمرها قريب من عمري ما في بيننا الا سنه !

ام عزام : تقارب السن مو شيء

كثير ناس يتزوجون من نفس العمر

بالله لا تخربها على سالفة العمر

وفرحني فيك !

نسرين حبت تعطي رايها : على فكره لما تناظرها تحس انها تشبه ساره !

عزام عفس ملامحه وبصرخه : نعم !

بعدها وقف : كنسلي الموضوع !

ام راكان مسكت يده وخلته يجلس بالغصب وناظرت نسرين بعصبيه : انقلعي على غرفتك

ما تعرفين تتكلمين !،

وبعدين مين طلب رأيك !!!

اسيل ناظرت أختها: بدل ما تكحليها عمتيها !

ام عزام : والله ما تشبه لساره !

وبعدين ساره ما شاء الله عليها يا بخت إلي رح يأخذها !

ام راكان هزت راسها بتأييد : ساره سنعه

قاطعها عزام بضجر : اتركوني من ساره الحين

وخلينا بالعروس !

اسيل خزته : على حساب ما تبغى

عزام تنهد وناظر امه : خلاص خذي منهم موعد

ويصير خير !

اسيل ابتسمت بفرح : واخيرا !

وبتذكر : لو تدري جدتي عنك الا تزفك تخطب بدون ما تدري !

دخل ابو عزام وجلس جنب امه بعد ما رد السلام وبتساؤل : خلاص وافق !

ام راكان بفرح : الحمد لله

بس اكيد ام محمد رح تزعل !

ابو عزام عبس من ذكراهم : فكينا يمه منهم ترى وقسم بالله يرتفع الضغط عندي وخاصه بعد سالفه البارحه !

عزام : تدرين انه مها الاسبوع للي طاف طارده جدتي!

ام راكان بدهشه : طردتها !

وأنا اقول علامها راجعه مو من عادتها !

ام عزام بضيق : الله يسامحها امي وش عاجبها بالجلسه هناك !

وفوق هذا مطروده ورجعت مره ثانيه !

عزام بشبح ابتسامه : تقول تبغى تجلس على قلبها !

ما توقعت زوجة خالي قويه كذا !

اسيل بعفويه : ما ادري كيف للحين متحمله جدتي !

قاطعتها ام راكان وام عزام بصوت واحد : اسيل !

وقفت اسيل وهي تضحك : بسم الله علي !

اروح اتفقد عيالي احسن لي !

***

***

***

***

فتحت لها الباب واشرت لها بالتحيه ابتسمت لها واشرت لها بالدخول

دخلت وهي مبسوطه شافت سعديه عند المرايه الصغيره بحجم اليد ومكسر اطرافها ومندمجه : سلامووووووو

سعديه بدون ما تناظرها : هلا

ساره جلست على الارض وتربعت : انا اليوم فرحانه كثير!

نزلت سعديه المرايه وناظرتها وهي عابسه : وش للي

قاطعتها صرخه من ساره : يا حيوانه مي وين تعلمت تحطين فوق عيونك !

سعديه دفتها بيدها : وعمى !

أذني ابغاها يا زفته !

ساره بقهر : ليه ما حطيت لي البارحة نفس هذا !

سعديه مطت شفتها : يخلف على ام جابتك !

يا متخلفه تراني حطيت لك نفسه !

بس وش اعمل لك يا متخلفه كل شوي تفركين عيونك !

وانا نبهتك عليك ما تفركين عيونك !

ساره بإحباط : يعني انا السبب الحين !

وبعدين طلباتك صعبه كيف ما افرك عيوني

تبغين ابقى مثل الصنم !

سعدية بملل : المهم اخلصي علينا !

وش للي مفرحك اشوفك داخله وشاقه الابتسامه حلقك !

ساره غمضت عيونها وضمت كفيها ببعض وبحالميه : جاني عريس

تفاجأت وهي تشوف نفسها على الارض وسعديه فوقها ومتعلقه برقبتها وبرجاء : دخيلك احجزيني لاخوه امانة أمانه امانه أمانه

دفتها ساره عنها : جعلك بالقرد للي يتعلق برقبتك !

سعدية بهجوم كلامي سريع : انت انانيه وخاينه للصداقه بيننا !

مين للي زينك وداك الحفله !

مين للي

قاطعتها ساره وهي تحط يدها على فم سعديه : بس اسكتي فضحتينا !

سعدية بابتسامه بلهاء : يعني وافقتي تاخذيني لاخوه !

ساره بدأت تسرد بالاحداث : خلف اخوي قال انه رح يرجع ويجيب معه عريس لي !

سعديه باحباط : واةا على بالي ملكتي !

ساره بحماس : خليني اعرفه بالاول وبعده يصير خير !

سعدية بحسد : ذول الاخوه والا بلاش !

بس يا خوفي يجيبلك شايب او مطلق

فتحت ساره فمها بفهاوه : شايب !

سعديه تضرب على راسها : اصحي يا ماما

الحين الشباب يبغون البنت معها شهاده ووظيفه وجمال ونعومه ورقه !

قولي لي بالله وين هالصفات متجمعه فيك !

ساره باحباط : نعومه ورقه !

سعدية بتاكيد : ايه يا حبيبه امك يبغونها ناعمه رقيقه

تدرين انه خطواتك وانت تمشي يسمعونها كل الحاره وكانه فيل يركض او ناقه هاجه من صاحبها !

يعني اذا جاب لك مطلق يا بختك احمدي ربك وبوسي يدك وجه وقفى !

ساره رفعت حاجب وبانتقاد بين طياته السخريه : للي يسمعك تتكلمين يقول

هذي ملكة الاناقه والجمال مو كأنه ريحتك الخايسه يشمونها من اول الحاره !

سعديه باحراج : انا !

وحولت نظراتها للهجوم : صدق انك ما تستحين على وجهك !

اخخخخ لو تشوفك ام محمد قدامها لسانك مقطوع

وعندي يصير لسانك مترين !

إلهي يجيب لك خلف الدب عريس اسنانه طايحات

ويمشي على عصا !

ساره تكمل عنها: الهي يكون له اخو مشلول شايب وازوجك إياه !

للحظات ناظروا بعض وسرعان ما انفجروا من الضحك

سعدية بتذكر : مريم الإسبوع الجاي زواجها !

ساره بعفويه : شايب !

سعديه : شايب لاشكالك خطبها ابن خالها !

ساره بتفكير : طيب مريم ما معها وظيفه ولا. شهاده وتزوجت شاب كيف صارت !

سعديه بتفكير تحل اللغز : امممممم ايه ايه مريم محيره لابن خالها من صغرها علشان كذا تزوجت واحد صغير !

انت محيره لاحد !

ساره بعبوس : لا

سعديه بضحكه قصيره : مبروك عليك الشايب !

وبنغزه : ترى لايق عليك الشايب امك تزوجت شايب

وانت مثلها

واكيد ابنتك رح تأخذ لقب بنت الشايب بجداره

سكتت ساره للحظات وحست كأنه سهم اخترق قلبها وأوجعها من هذي الكلمه !

بنت الشايب !

تكره هاللقب للي إلتصق فيها غصب عنها !

تحس بالاحراج من ذكر ابوها الشايب من بعد ما شافت صورته بصغرها ما عادت تفكر فيه ومسحت كلمة اب من قاموس حياتها

بالرغم من بعض الاحداث للي شافتها تتمنى ابوها يكون معها ويمسك بيدها !

بس وش الفائده من الاماني !

رح تبقى يتيمه من المهد لطول حياتها !

يغلبها احيانا الحنين للجو الاسري المكون من الام والاب والاخوه والاخوات !

لكن تقنع نفسها مو دائما وجود الاب يكون سعاده وهي تناظر حال بيت أخوها خلف ابعد ما يكون جو أسري بالرغم من وجود الاب

الا انه شكل لهم رعب من ذكره وانقطاع اوصال الترابط بينهم !

ما عليها الا تحمد ربها للي اختار لها افضل حال لها

تنهدت وناظرت سعديه للي ما زالت تثرثر فوق راسها

لو كل واحد وزن كلامه قبل البوح ما احد انجرح من الكلام

سعدية : علامك سرحتي !

ابتسمت ساره ولا كأنه صار شيء : انتظرك تكملين ثرثره !

سعديه تنهدت وتكلمت بجديه : ان شاء الله ربنا ييسر لك الخير !

اذا جاء العريس المنتظر انتبهي توافقي على طول استخيري وخذي وقتك بالتفكير !

واذا ما ارتحتي للموضوع ارفضي

وغمزت لها : وارسليه لي !

ضحكت ساره على شكل سعديه المتحمسه للزواج : بعدك صغيره على الزواج !

سعدية وهي تردح : صغيره بعينك تراك كبري قريب

رح ندخل 16

وبتوعد وقسم بالله اذا ما خطبتي لي اخوه الا اذبحك !

وقفت ساره : خله ييجي وبعدها يصير خير

سعدية: متى راجعه لبيتكم !

ساره بخوف : ان شاء الله خالتي تجوز لها القعده هنا !،

ما ابغى الحين اشوف احد منهم بعد اخر موقف

اخاف عزام يضربني

او عمي راكان يزعل علي !

سعدية هزت راسها بفقدان امل منها : ما تطلعين قوتك ولسانك الا علي

وقدامهم وحده هبله غبيه !

وش دخلهم فيك !

ليه تسمحين للكل

قاطعتها ساره : ما اقدر انا احترمهم واحبهم

بشكل ما تتصورينه !

صحيح عزام شديد معي بس هو يبغى مصلحتي

سعديه ترفع يدينها للسماء وهي متربعه وكأنها عجوز : إلهي لما ترجعون يكسر راسك هالعزام !

واشوف حبك لهم وش ينفعك !!

حطت قدامه كوب الشاهي : تفضل

ابو سعود ناظرها وابتسم بثقل : مشكوره !

ام سعود : وش صار على الاكل !

عائشه بابتسامه : نزلته !

ابو سعود بفخر : هذي البنت السنعه !

ام سعود فتحت عيونها : ترى انا للي طبخت بس قلت لها تشوف

قاطعها : تصدقين احس وكأنه ما عندي غير عائشه !

متى اشوفك اكبر دكتوره بالعالم !

ام سعود بنغزه : باكر اول واحد يطق الباب تزوجها مثل اخواتها !!

ابو سعود : عائشه غير !

ما رح ازوجها الا لما تطق 25 سنه

ناظرته عائشه وبداخلها ارحب الظاهر رح اعنس عند الوالد !

وبمجامله لابوها : انا ما ابغى اتزوج ابغى اكمل دراسه !

وبداخلها تصرخ وينه وينه عريس الغفله جيبوووووووه !

ام سعود ما تحب تأخر البنات عن الزواج ما عجبها كلامهم : كله كلام

لو ييجي واحد الا تفتحي فمك وتسبقينا للمحكمه تملكي عليه !

فتحت عائشه عيونها باستنكار : انا !

ابو سعود بحزم : ما ابغى اسمع سوالف الزواج البنت بعدها صغيره !

وخليها مركزه بدراستها !

ام سعود مو عاجبها : نشوف !

ابتسمت عائشه بنعومه على شكل امها !

ما تنكر بهذا السن اي فتاه تحب ترتبط وتبحث عن فارس احلامها !

تشوف البنات بسنها كيف اغلبهم شغلهم الشاغل الشباب!

هي بنفس عمرهم وعندها ميول لذي الأشياء مثل باقي البنات !

بس في شيء يمنعها تنجرف مثل بعض البنات مكالمات ولقاءات ومعاكسات !

دينها يمنعها

اخلاقها تمنعها

تحب دائما تكون مثل النجمه صعبة المنال !

متميزه بتفوقها واخلاقها ومستحيل تنزل نفسها لذي الاشياء !

جمعت المشاعر للي بداخلها وخبتها لزوج المستقبل هو الوحيد الذي يستحق !

رسمت مواصفات لزوج المستقبل وكأنه عندها !

وتنتظره بفارغ الصبر !

تبغى تلبس الفستان مثل باقي البنات !

بس المشكله عمرها تحس نفسها بعدها

صغيره على ذي الامور !

وعندها طموح تصير دكتوره !

وابوها مستحيل يزوجها بذا العمر مع انه نهى واسماء زوجهم بهذا السن !

رفعت نظرها لامها للي تطلب منها تفرغ الاكل وتجهز السفره

ابتسمت وتوجهت للمطبخ وهي تحس نفسها تقدر تضبط نفسها ما تتضايق من طلبات امها وابوها !

ويكون عندها سعه صدر لتحمل الناس !

****

*

**

**

**

***

كل الناس منشغله بأعمالها وهمومها وتراكض خلف هالدنيا

وهن على نفس الجلسه ما تحركن ما تركوا احد بحال سبيله من غيبه ونميمه

ام هزاع ضربت بصدرها : ما ذبحني غير هالهزاع ما يبغى غيرها !

ام محمد بتفكير: وليه معارضه؟!

دامه يبغاها خله يتزوجها !

ام هزاع ما عجبها الرد : ولدي جالس لاشغل ولا مشغله

ابغى وحده متوظفة تصرف عليه وعلينا !

ام محمد : تبغين الصراحه اناابغى ازوجها هزاع علشان تطلعين الاه من عيونها وبعدها بشهر هزاع يتزوج عليها علشان تحس بوجع الضره !

ام هزاع بتوعد : اخخخ لو تقع عندي إلا اخليها تمشي وهي ما تشوف الطريق !

بس تعرفين هالساره ما عندها وظيفه!

وانا ابغى موظفه!

ام محمد بتفكير خبيث: تقدري تخلينها موظفه عندك !

ام هزاع بعدم فهم : كيف !

ام محمد حركت يدينها تشرح وعلت ابتسامه شريره بثغرها : تراها هالساره سنعه تقدرين تستثمرين هالنقطه شغليها بالبيوت تنظف وتطبخ للناس !

ترى هالشغله تجيب لك فلوس كثيره !

وغمزت لها بخبث

ام هزاع بتفكير : ما خطرت لي هذي النقطه !

طيب الحين لو نخطبها من مين ؟!

ام محمد : خليها علي اقنع نادر لانه خلف ما رح يقبل بولدك حتى مهر ما معاه !

كانت واقفه برا الصاله وتسمع مخططاتهن تنهدت بضيق من هالاشكال ما في بقلبها ضمير !

لازم ترجع للبيت عند عمها ابو راكان وما ترجع هنا الا لما يجيب لها خلف العريس !

بس لازم تسمع كلام سعدية وتوقفهن عند حدهم وما تسمح لاحد يتدخل بحياتها !

ما بقى الا الصايع هزاع !

الحين رح تدخل وتمسح بأم هزاع الأرض

اخذت نفس عميق تستعيد قوتها

دخلت وقبل ما تتكلم هبت فيها ام محمد : انت وين دايره للحين !

مو قلت لك نص ساعه وترجعين !

تبخرت قوتها امام ام محمد ما تقدر عليها ضبعتها من صغرها وما تقدر توقف بوجهها وبسرعه ردت باعتذار : اسفه خالتي ما انتبهت !

ام هزاع بكره متعمق بداخلها لبنات الزوجة الثانيه : وجع يطب بأسنانك !

ترى لما اخطبك لولدي لو تعدي رجلك الباب اكسرها !

وبنت الطرمه لو شفتك تكلمينها اقص لسانك !

مطت شفتها ساره بقرف ونسيت وجود خالتها : اتزوج مجنون ولا اتزوج ولدك خريج السجون الحرامي !

ام هزاع : صدق انك قليلة حياء !

هذا جزاء ولدي للي حزن عليك وقرر يكسب فيك اجر ويتزوجك !

ساره وهي تتخصر بسخريه : يبغى يكسب اجر يروح يصلي بالاول بعدين يكسب فيني اجر !

ام محمد فتحت عيونها باستنكار: اشوف صار لك لسان !

كله من سعديه الزفت !

كل هالكلام من تحت رأسها !

شوفي كيف نفس حركاتها وطريقه كلامها !

تقلدها بكل شيء !

وبوعيد : ادخلي على غرفتك وبعدين حسابك !

هزت راسها ساره وبسرعه دخلت !

**

**

**

**

في اليوم الثاني

صحيت الصبح مذعوره من الصراخ وبسرعه فزت وتوجهت لمكان الصوت

الصاله

كانت واقفه وتكلم بالجوال وتصرخ بصوت عالي : ليه انا اخر من يعلم !

انا جدتك يا حمار !

وبعد خاطب ابنة اخوي وانا يا غافلين لكم الله !!

اسمع الحين تيجي وترجعني تفهم

مو راجعه مع السواق !

انت تيجي وتأخذني !،

ولا كلمه اسمع مني وقسم بالله لو ما احضر اليوم معكم لساني ما يناطق لسانك !

يلا انتظرك !

وقفلت الخط ونار دبت بقلبها

حبكتها ام عزام وام راكان وخطبوا بدونها !

لولا ام عمار خبرتها والا كانت مثل الاطرش بالزفة !

ما رح تسمح لهم يبعدونها ورح تروح معهم غصب عن الراضي والزعلان !

التفتت وشافت ساره واقفه بقميص النوم بأكمام طويله يصل لحد الكعب باللون اوف وايت

ما في احد تطلع حرتها الا فيها : وانت الثانيه الناس تسلم !

تقول صباح الخير !

ساره وقلبها يدق وتتصنع الابتسامه : صباح الخير !

ام محمد ردت بهجوم : من وين الخير وانت كل يوم اتصبح بوجهك !

هذا عزام رايح يخطب اليوم وانا ما معي خبر

والسبب انت !

اشرت على نفسها ببراءه : انا !

ام محمد : ايه انت !

لو ما رجعت بعد الحفلة كان عرفت بالموضوع !

وش اعمل بقلبي الرقيق للي ما طاوعني اتركك لوحدك هنا !

فتحت ساره عيونها بدهشه وتعجب !!

قلبها ما طاوعها !

من متى عندها قلب ؟!

ام محمد تابعت كلامها : إلبسي بسرعه وجهزي نفسك

رح يجينا عزام ونرجع معه !

بلعت ساره ريقها بخوف من عزام !

عزام رح يرجعهم !

اصلا ما تبغى ترجع علشان ما تشوفه ويفتح معها تحقيق !!!

صحيت من سرحانها على صراخ ام محمد : بسرعه تحركي !

تحركت ساره وللحين مو مستوعبه شيء !

عزام خطب !

مين للي خطبها ؟!

ما احدخبرها !

وهي طول الوقت تبحث له عن عروس تبغى تفرح فيه !

عزام بالنسبة لها بمثابة الاخ الكبير

تحس بخوفه عليها وحرصه مع انها أحيانا تستغرب بعض تصرفاته !

من لما كانت طفله ويشتري من جدتها ام سعيد

دخل قلبها !

تحس الفرحه تسلسلت لقلبها بمناسبة خطوبته ...

***

***

**

***

تسلسلت بخفه من البيت قبل وصول عزام وتوجهت لسعديه

واسرعت الخطى لما شافتها واقفه باب بيتهم : إلحقيني !

عزام جاي يأخذنا !

خايفه من تحقيقه !

سعديه وهي ترفع عن ساعديها ولا كأنها واقفه بالشارع : تراك زودتيها بخوفك هذا !

ما ادري ليه تحسبين حساب لذي الاشكال !

يا غبيه كوني طبيعية !

لو فتحوا الموضوع ولا كأنه يخصك وجاوبي ببرود !

كوني طبيعية

قاطعها من خلفها بترييقه : مو صناعيه !

التفتت له بقرف : يا شين اللقافه !

انا جالسه اكلم صديقتي وإنت وش علاقتك !

ابتسم هزاع وهو يعدل وقفته بثقه : خطيبتي !

رفعت نظرها ساره للسماء وهي تستغفر بصوت مسموع !

هزاع بأمر يوجه كلامه لساره : بنت الطرمه هذي ممنوع تكلمينها !

سعديه قاطعته بردح : خريج السجون الحرامي صاير له لسان !

انت من عقلك تظن اهلها رح يوافقون عليك !

ورمقته باشمئزاز!

رفع حاجب : نعم !

لا يكون مو عاجبك !

ترى كل بنات القريه يتمنون نظره مني !

بس انا تركتهم وخطبت ساره !

سعديه مطت شفتها بجعرفه : الحين تبغى تقنعي ما عجبك بالبنات الا هالشيفه ساره !

فتحت ساره عيونها من كلام سعديه «شيفه شيفه شيفه»

سعديه تابعت كلامها وهي تغمز لساره تمشي هالكلمه : قول انك طامع بحلالها !

بس احب ابشرك تراها مفلسه ولا تملك ريال

اخوانها شفطوا كل فلوسها !

وكم يوم رح

هزاع قاطعها بقهر من كلامها : انت وش دخلك !

كيفي !

والا حرانه لأني ما خطبتك !

سعديه حطت يدها على قلبها بتمثيل : لا لا قلبي الرهيف ما يتحمل خلاص ابغى انتحر لانك ما خطبتني !

وبجديه :اقول تلايط من هنا وشوف نفسك بالمرايه مثل الضفدع الاسود !

هزاع ظهرت علامات القهر بوجهه : روحي شوفي نفسك بالمرايه عيونك مثل الصراصير باللبن !

ساره واخيرا تكلمت : لا تتمسخر على خلقة ربنا

قاطعها وهو عافس ملامحه ورافع حاجب: انت لا تتفلسفي

روحي شوفي الحجار للي بوجهك مثل الوادي الوعر !

وإلا طولك مثل الناقه

ساره ضحكت على تعليقه علشان تقهره : محتر لاني اطول منك !

روح للسوق واشتري لك نعال بكعب علشان اقدر اشوفك

سعديه ضربت كفها بكف ساره : ههههه حلوه هذي !

تخيلي شكله يوم الزفه الناس تطالع الكوشه ويدورون العريس هههههه

عصب من كلامهم : انت يا قزمه تخرسين !

وانت يا ناقه حسابك بعد ما املك عليك !

وتركهم وراح !

سعديه رفعت حواجبها بتعجب : صدق قليل حياء !

وله عين يخطبك !

وفوق هذا يتكلم بأسلوب خايس !

ساره وهي تناظره بكره : ما رح ارجع هنا الا لما يجيب لي خلف عريس وارتاح

اخاف ارجع وخالتي تحبكها

_ ساره ساره يمالي الوجع !

سكتت ساره وهي تشوف خالتها تناديها ومعصبه وبسرعه تكلمت وهي تمشي : اشوفك بعدين ! سلااااااام

***

ام راكان بتوتر جالسه : يا خوفي عزام ما تعجبه البنت !!

وقتها اكيد اخوي رح يزعل !

ابو تالا : وليه يزعل كل شيء قسمه ونصيب !

ام عمار : ام ماجد تقول المفروض ولا احد يزعل من الطرفين اذا تم الرفض

لانه اختها خطبها كثير ورفضت !

ام راكان بحيره : والله انا ما اعرفها هالبنت

يوم الزواج استغربت انه اخوي عنده بنت بذا الجمال !

اخبرها وهي صغيره !

ام تالا بغيره لانهم خطبوا اخت سلفتها ام ماجد : لا يغرك يمكن مكياج !

ابو تالا : المفروض تقولين لهم تطلع له بدون مكياج

قاطعته ام راكان : تبغى تفشلني !

وبعدين االزين زين !

عسى بس عزام ما يتأخر !

ابو تالا: وين عزام رايح ؟!

ردت بقهر : راح يجيب خالتك ام محمد !

والله مو وقتها اخاف نتآخر على الجماعه !

ابو تالا باهتمام : ليه ما خبرني كان رحت عنه وجبتها !

ساره معها !!!

خزته ام تالا بغيض : وليه هالسؤال !!

ابو تالا بترقيع : بس كذا !

لانها بالزواج ما رجعت معها !

ام راكان بمدح : والله هالساره تعجبني !

سنعه وخدومه وطيوبه وعندها طول بال للحين متحمله اختي ام محمد !

ام تالا بقهر : تحمد ربها انه ام محمد استقبلتها وربتها !

ام راكان : صحيح بس اختي اعرفها صحيح ما تضربها مثل زوجات الاب

بس هالكيتها بالشغل والطلبات

روحي وتعالي !

ام تالا : يعني تبغي ام محمد تخدمها وهي بذا العمر !

ابو تالا : الله يكون بعونها ساره

وان شاء الله ربنا يعوضها بالزوج للي يسعدها

واتبع كلامه بابتسامه عريضه !!

كتمت ام تالا غيضها نفسها تقوم تكسر راسه

تخاف يكون حاط عينه على ساره وخاصه انها ما جابت له ولد !

رح تكون له حجه قويه يتزوج يبغى الولد !

وابنة العم هو اولى فيها !

نفسها تخنق هالساره !

ناظرت السماء وهي تدعي تتزوج ساره بعيد عن زوجها !

ما رح يرتاح قلبها الا لما تتزوج ساره !

من لما كبرت هالساره وهي تحسها كابوس يلاحقها !!!!

***

***

***

***

***

من لما طلعوا بالسياره وام محمد ما سكتت

تردح وتصرخ على عزام !

زفر عزام بضيق وبتأفف : وبعدين !

ترى والله رأسي مصدع !

وليه مكبره السالفة ترى بعدني ما شفتها

يمكن ما يتم النصيب !

ردت ساره بسرعه: ان شاء الله يتم النصيب

بلعت اخر كلامها وهي تشوف نظراته لها من المرايه

بلعت ريقها وتذكرت كلام سعدية لما خبرتها انها راجعه مع عزام

قالت لها اكون طبيعية ولا كأنه شيء صار واذا احد فتح النقاش تنكر بقوه!

ام محمد التفتت لها وهي رافع حاجب بانتقاد : انت وش دخلك !

عزام مط شفته : مثل نسرين يتدخلون بأمور ما تعنيهم !

تظام محمد بتمني : متى ازوجها وانفك !

عزام بانتقاد : يا جده لا تتكلمي كذا قدامها بلاه تفتحي عيونها على هذي الامور بعدها صغيره !

ابتسمت ساره بداخلها وهي تهمس لنفسها : ما يدري انها مفتحه وجاهزه تنتظر الشيخ يكتب الكتاب !

ام محمد بكره : لا تخاف عيونها مفتحه دامها طول وقتها مع بنت الطرمه !

ساره بضيق من هاللقب بس ما قدرت تعترض

خالتها وعزام وخلف ذول الثلاثه ما تقدر تعترض قدامهم او تجادلهم تكتفي بالسكوت

عزام بعجز من هالحال : والله إنك محتاجه تأديب من اول وجديد !

انا بس نفسي اعرف مع مين جاءت للحفله !

وناظرها من المرايه حتى يشوف ملامحها للي رح يكتشف صدقها من كذبها

شتت نظراتها بعد كلامه وهي تردد بداخلها

كوني طبيعية طبيعيه طبيعية

بس القول مو نفس الفعل !

لاحظ عزام تغير ملامحها وقلب وجهها للاحمر وتشتت نظراتها

والتوتر باين عليها !

وللي يشوفها يحلف الف يمين انها عامله مصيبه

وبأقصى صوت عنده صرخ وهو يوقف السياره على جنب ويلتفت للخلف : مع مين طالعه !!!

ارتاعت ام محمد من صراخه وغضبه فكيف بقلب ساره الرقيق الصغير

ام محمد تهديه : هدي يا عزام ما له داعي كل هالصراخ !

ناظر جدته : ابغى اعرف مع مين طلعت ؟!

ام محمد هزت راسها بالنفي : والله ما ادري !

ونادر حلف علي يمين ما افاتحها بالموضوع !!

عزام بغضب : يعني

سكت وهو يسمع نبره صوتها الضعيفه وهي على وشك البكاء خلاص تبغى تعترف وإلي بيصير يصير خلاص ما تقدر تتحمل هالتحقيق والصراخ : انا

قطع كلامها رنين جوال عزام رد بدون نفس : نعم ........قريب نوصل ......لااااااا......طيب الحين جاي

قفل الخط وهو يحرك السياره بسرعه اكبر

ام محمد بخوف : فيه شيء ؟!!!

عزام وعيونه على الطريق : امي تقول على الساعه 5 موعدنا على الجماعه وانا على بالي بعد العشاء !

ام محمد ارتاحت : يمديك توصل !

ورجعت للسالفه نفسها تعرف مين للي وصل ساره تكلمت بتحقيق : نرجع للسالفه مع مين جاءت ؟!

ناظرت ساره خالتها ونفسها تصفقها كفوف على لقافتها !

عزام تذكر السالفه وسألها بهدوء : جاوبي يا ساره على السؤال !

ناظرته ساره بالمرايه وابتسمت بتوتر : اي سؤال ؟!

عزام وهو يأخذ نفس : هذي للي رح تجلطني من كمية الغباء للي فيها ؟!

ام محمد بكره : مين جابك للحفلة ؟!

ساره وتحاول تسيطر على نفسها وتكون طبيعيه : انا ما حضرت الحفله ؟!

عزام هز راسه وبخبث: خلاص فكونا من هالسالفه ؟!

سمعت انها البنت للي ابغى اخطبها كانت لابسه فستان ذهبي

اكيد شفتيها يا جده

وش رايك بالعروس حلوه؟!

تذكرت ساره البنت للي كانت قريب منها ولابسه فستان ذهبي طويل لمحتها وبدون وعي جاوبت : الله ما اجملها تجنن هالبنت

وسكتت وهي تحط يدها على فمها من الخطأ الفادح للي وقعت فيه !

عزام ناظرها بالمرايه بتوعد وبعدها التفت على جدته وهي تمدح بالبنت وما انتبهت على زلة لسان ساره !!

شتت نظراتها وهي تفرك يدينها بتوتر

تتمنى الطريق يكون اطول من كذا !

كيف ترقع هالسالفه ؟!!!!

عزام تذكر السالفه وسألها بهدوء : جاوبي يا ساره على السؤال !

ناظرته ساره بالمرايه وابتسمت بتوتر : اي سؤال ؟!

عزام وهو يأخذ نفس : هذي للي رح تجلطني من كمية الغباء للي فيها ؟!

ام محمد بكره : مين جابك للحفلة ؟!

ساره وتحاول تسيطر على نفسها وتكون طبيعيه : انا ما حضرت الحفله ؟!

عزام هز راسه وبخبث: خلاص فكونا من هالسالفه ؟!

سمعت انها البنت للي ابغى اخطبها كانت لابسه فستان ذهبي

اكيد شفتيها يا جده

وش رايك بالعروس حلوه؟!

تذكرت ساره البنت للي كانت قريب منها ولابسه فستان ذهبي طويل لمحتها وبدون وعي جاوبت : الله ما اجملها تجنن هالبنت

وسكتت وهي تحط يدها على فمها من الخطأ الفادح للي وقعت فيه !

عزام ناظرها بالمرايه بتوعد وبعدها التفت على جدته وهي تمدح بالبنت وما انتبهت على زلة لسان ساره !!

شتت نظراتها وهي تفرك يدينها بتوتر

تتمنى الطريق يكون اطول من كذا !

كيف ترقع هالسالفه ؟!!!!

عضت على شفتها بقهر من لسانها الطويل ولقافتها!

الحين من وين تطلع كذبه !!

معقول يخبر ابوه وجده ابو راكان ويكرهونها!

هزت رأسها بالرفض ما تبغى تفقد حبهم لها !

كله بسبب سعديه !

قاطعها صراخ خالتها :

_ لااااا انتبه

رفعت رأسها بألم بعد ما اصطدم بكرسي عزام !

وبخوف ناظرت خالتها تتطمئن عليها

نزل عزام من السياره وتوجه لباب جدته

فتحه رفع جدته للي طايحه لقدام

بدون اي حركه

حس الدنيا ضاقت بوجهه بالرغم إنه طبيب لكن الصدمه غيبت عقله ما يدري وش يعمل

وللي زاد عليه ساره من خلفه تسأل بإلحاح : وش فيها ؟!

وش فيها ؟!

ماتت ؟!

صرخ بوجهها : انقلعي عن وجهي !

وبسرعه اشتغل عقله

قفل الباب ورجع لمكانه وبسرعه البرق حرك السياره

وغادر المكان وهو يفكر كيف صار الحادث

ما كان منتبه عالطريق عقله وذهنه وعينه وقتها كانت تراقب ساره !

زفر بضيق من هالمصيبه يخاف يصيب جدته شيء!

ويكون هو السبب !

زادالسرعه وهو يطلع الجوال ويتصل على أبوه يخبره !! **

**

**

**

وقفت تناظر زول السياره بعدم تصديق تركها وراح !!!

كيف يتركها وحدها !

هبت رياح خفيفه لطفيه وهي تحرك اطراف العبايه وكأنها تراقصها !

نظرت للسماء ...

غيمت عيونها انذار بسقوط الدموع .....

حطت يدها على رأسها وهي تحس بالدوار

بسبب الاصطدام ...

جلست على الارض بتعب وهي تناظر الارض

بضياع !!

وين تروح ما تعرف الطريق حتى الشارع خالي من السيارات!

بلعت ريقها وهي تتخيل اسوأ الاحتمالات عن قطاع الطرق !

مر وقت قصير وهي نفس الجلسه بس سرعان ما وقفت على حيلها وهي تشوف سياره توقف قريب منها

وينزل السائق منها اول مره تشوفه وبابتسامه ما ارتاحت لها كلمها : تبغين مساعده !

ما تركت لنفسها مهله تفكر وبسرعه انطلقت وهي ترفع العبايه وتربطها على خصرها وتركض

وكأنها بسباق ضاحيه !

ما تدري وين تروح !

اهم شيء تبعد عن هالشخص للي نظراته ما تبشر بخير !!!

بذي اللحظه حست بطعم اليتم !

وحيده بمكان ما احد يدري عنها !

صرخت من اعماقها صرخة يتيمه مشتاقه لشيء فقدته من طفولتها!!

صرخت صرخة موجوعه خايفه وهي تحس انه خلاص انتهى مستقبلها!

صرخت لعل من فقدتهم يشعرون بها ويسمعون اوجاعها : يبهههههه يممممممه إلحقوني !!

زادت صراختها وهي تحس فيه خلفها يركض وينادي عليها علشان توقف !!!

***

***

***

***

***

تنهد براحه لما تطمئن على جدته رضوض بسيطه والظاهر من الرعبه فقدت وعيها !

ناظر ابوه بضيق : خبرت امي !

ابو عزام حرك رأسه بالنفي : لا ما خبرت الحريم

الحين تصير سالفه !

ولا تنسى موعدنا عند الجماعه ما بقى الا ثلث ساعه !

عزام هز راسه وللحين الضيق ملازمه : خالي خلف احد خبره !

ابو عزام بحده : انتبه احد يخبره !

لو يدري رح يدفعنا للي فوقنا وتحتنا !

مو حب بأمه !

والحين امشي نلحق على الجماعه امك حرقت جوالي وهي تتصل !

وبعدين نرجع لجدتك !

هز راسه بطاعه وهو عافس ملامحه مو مرتاح

وقلبه ناغزه ما يعرف وش السبب !!

***

***

***

***

***

جالسه ام راكان والسعاده تشع من وجهها

تتمنى يتم الامر على خير وتزوج حفيدها عزام من ابنة اخوها نوره !

ام ماجد ترحب بابتسامه : نور البيت !

ام عزام بابتسامه لسلفتها ام ماجد : منور بأهله !

دخلت ام وليد والابتسامه شاقه الحلق : يا هلا

سلمت على الحاضرين وجلست وتوزع ابتسامات !

ام راكان : وينها نوره ؟!

ام ماجد بابتسامه : الحين جايه !!

وابتسمت وهي تؤشر : هذي هي وصلت !

وقفت ام راكان وهي تناظر نوره لابسه فستان لنصف الساق ومرخيه شعرها على طوله : بسم الله ربنا يحفظك !

سلمت نوره بخجل وجلست جنب امها

ام عزام تدعي من قلبها يتم النصيب وهي تشوفها كيف خصرها منحوت بالفستان وبشرتها البيضاء : ربي يحفظك !

ام راكان مستعجله : خلي عزام يدخل ويشوف نوره !

ام وليد : مثل ما تبغون !

وقفت نوره مثل المفزوعه : لحظه ألبس عبايتي !

ام راكان : ل

ما تركت لها نوره فرصه للاعتراض وبسرعه طلعت من المكان !

ام وليد باحراج من تصرف نوره : البنت خجوله !

ام عزام بتعمد لانه عزام نبه عليها يبغى يشوف طولها : طيب خلي عزام يدخل بالاول

قبل ما ترجع نوره !

ام ماجد بدون معارضه: مثل ما تبغين !

وقفت وطلعت ....

**

***

***

***

***

كانت مستمره بالركض وزادت صرختها وهي تحس فيه يمسك يدها بقوه ويوقفها

اصطدمت فيه وجثت على ركبتيها وهي تحس انها خلاص انتهت فيها الحياه !

وقعت بيده اكيد ما رح يرحمها !

رفعت رأسها بخوف وهي تبلع ريقها وعيونها ابغى تناظر هالشخص

وسرعان ما شخصت عيونهاوهي تناظره

وبسرعه انقلبت على جنبها من الضحك !

تضحك بدون وعي كل الرعب للي حصلته وبالاخير طلع هو !!

عدلت جلستها لما طقها على رأسها : اخخخخخ

ليه تضرب ؟!

رد بعصبيه : حسبي الله عليك قطعتي نفسي وانا اركض خلفك !

ما تسمعين اقول لك وقفي وانت مثل الدابه تراكضين !

ضحكت بصوت عالي : انا على بالي واحد جاي يخطفني !

دق على صدره بحسره : يخطفك !

مين هذا المعمي على نظره للي يبغى يخطفك ؟!

ضحكت على تعليقه : غريبه ما سألتني وش اعمل هنا !!

سايرها سلمان بطول بال : وش تعملين هنا ؟!

ردت بابتسامه عريضه : اشحد ع!

وبسرعه عدلت كلامها كانت تبغى تقول تشحد عريس على بالها تكلم سعديه : اشحد فلوس !

ضربها على رأسها وهو يناظر السروال عباره عن مجمع ألوان : تشحدين فلوس وانت لابسه هالسروال !

حسبي الله عليك فشلتيني نزلي العباءة فضحتيني !

جدتي ما تلبس مثله !

انت من وين تشترين هالملابس الخايسه؟!

وقفت وهي تنزل العبايه وتبتسم : اممم ألف على عجائز القريه واشحد منهم ملابس !

وبتذكر تكلمت بسرعه : صحيح ما قلت لك صار علينا حادث !

وخالتي الظاهر ماتت !

واخوك تركني هنا !

قاطعها بتشفي : لا تخافين جدتي ما فيها شيء !

ورح تبقى قاعده على قلبك طول حياتك !

ناظرته وهي رافعه حاجب : لا تخاف خلف اخوي وعدني يرجع ومعه عريس لي !

سرعان ما تيبست لما سمعت صوت جاي من خلف سلمان : مبروك مبروك !

ذول الاخوه والا بلاش !

بس من وين رح يجيبه من سوق التنزيلات والا من باب المسجد !

كيف ما انتبهت على وجود احد !

تحس بالفشيله وهي مأخذه راحتها بالسوالف مع سلمان !!

هذا نفس الشخص للي نزل من السياره وخافت منه !

***

***

***

***

اول ما حركوا السياره بدأ التحقيق من ام راكان: ها يا عزام وش رأيك بنوره ؟!

ام عزام متحمسه : ما شاء الله كامله والكمال لله !

فوق جمالها خجوله ما رضيت تطلع قدامه الا بعبايه حتى المكياج غسلته !

ام راكان بتأييد : ما عندها تدليس!

والله بالطبيعه احلى من المكياج !

ها يا عزام وش رأيك ؟!

تنهد عزام وابتسم مجامله : اصلي صلاه استخاره !

ابو عزام بهدوء : صلي ركعتين استخاره وربنا يكتب لك الخير !

اهم شيء تكون مقتنع !

عزام رد بثقل وهو بداخله يصرخ جيب الشيخ علشان يملك عليها !

بس لازم يطلع قدامهم ثقيل : يصير خير !!

ام عزام بلقافه : طيب البنت عجبتك !

عزام بنفسه قولي مو عجبتني الا سحرتني : ما شاء الله عليها !

ام راكان انبطت من بروده: من زينك !

تراك فقعتني بردك !

ابو عزام : وبعدين ؟!

قال لكم يستخير ويرد لكم خبر !!

وبنبره امر لعزام : خذ طريق المستشفى

وسرعان ما ارتاع ابو عزام من الشهقات والتحقيق للي حصل له !!!

***

***

****

ناظرتها بالمرايه تفرك يدينها بتوتر ابتسمت وانا اناظرها بالمرايه : يا هلا والله بابنة العم !!

طالعتني لثواني ونزلت راسها بخجل

تكلم سلمان للي حسيته متفشل منها : ردي عليه

وبنغزه : للمعلومه تراه متزوج وعنده بنت !

يعني بين قوسين لا تحطينه في بالك !

زجرت سلمان : وش هالكلام ؟!

سلمان وهو يصد ناحيه الشباك : بلاك ما تعرف البنات اول ما يشوفون واحد بسرعه يحطونه في بالهن !

طالعت ساره سلمان بصدمه من كلامه بدون رد

حبيت اغير الجو : الا ما قلتي لي يا ساره كم جبت معدلك ؟!

رد سلمان النشبه وكأني أسأل فيه : معدلها ؟!

هذي إسألها عن الطبخه الفلانيه او الشطف والتنظيف تجاوبك !

نرفزني : انا ما سآلتك !

ورجعت ناظرتها بالمرايه : هاه كم معدلك ؟!

سلمان رجع للقافته ورد بدالها بسخريه : معدلها صفر على الشمال ههههه

تراها تركت الدراسه من المتوسط !

حاولت جدتي غصب عنها تخليها تكمل بس رفضت !

قالت لها جدتي بس على الاقل ادرسي للثانوي !

بس ما في فائده !!!

ناظرتها بدهشه معقول في ناس تترك الدراسه بهذا السن ؟!

العالم تطورت وبعصبيه كلمتها : انت من عقلك تركتي الدراسه ؟!

سلمان بترييقه : تقول انه البنت اخرها لبيت زوجها ليه تتعب نفسها وتغث حالها بالكتب !

كلمتها بغضب : ما خرب عقول هالبنت الا هالزواج

وبعد اسبوع من الزواج تلاقينها بالمحكمة تبغى الطلاق !!

ما خرب الدنيا الا هالخلف للي يبغى يجيب لك عريس !!

انا بحياتي ما شفت ناس فاشلين ومتخلفين مثل عيال عمي !

عقولكم مصديه !

ابتسمت ساره على كلمه مصديه !

انقهرت من ردها : انا اكلمك عن واقعكم المخزي

وانت توزعين ابتسامات !

سلمان طالعها وهو رافع حاجب بانتقاد وبجديه : بنت تأدبي!

ناظرته ساره وانغمرت بالضحك بصوت عالي

على طريقه كلام سلمان وكأنه عجوز يعطي اوامره !

حطت يدها على فمها تكتم ضحكتها مو حلو موقفها قدام مناف اكيد رح يأخذ فكره عنها مو كويسه !

سلمان ابتسم على ضحكها : طنشها هذي مجنونه كل حياتها ضحك !

ناظرتها وهي تحاول تكتم ضحكتها ابتسمت على شكلها ووجهها احمر : نفسي افهم ليه تضحكين !

ساره وهي تنفي بأصبعها : والله مو عليك اضحك !

سلمان : انا متأكد علي تضحكين !

اخخخخ لو عزام هنا ويكسر اسنانك على هالضحك

ما تحشمين احد !

ا كيد الحين عمي مناف رح يقول وش قلة الادب هذي !

سكتت على كلامه وباعتذار وما زالت اثار الضحك بملامحها : اسفه اسفه والله مو قصدي !

رديت بابتسامه : خذي راحتك!

تنهدت وناظرت من الشباك وهي تفكر بكذبات خالتها للي كل يوم تزيد !

ويا ويلها اذا كذبتها !

يكفي حرمتها من الدراسه وفوق هذا تحط اللوم عليها !

***

***

***

***

***

واقفه بالممر تنتظر ابوها يستفسر عن رقم الغرفه

اختها اسماء تعبانه بسبب الحمل ودخلوها تحت الملاحظه !

تحب تزور المريض وهي تتذكر الحديث « عَنْ ثَوْبَانَ عَنْ النَّبِيِّ صَلَّى اللَّهُ عَلَيْهِ وَسَلَّمَ قَالَ : إِنَّ الْمُسْلِمَ إِذَا عَادَ أَخَاهُ الْمُسْلِمَ لَمْ يَزَلْ فِي خُرْفَةِ الْجَنَّةِ حَتَّى يَرْجِعَ. »

زياره المريض اجر ما تحب تفرط فيه !

حريصه على فعل الخيرات ومساعدة الناس

هزت رأسها وهي تشوف ابوها يؤشر لها تلحقه

تحركت بخطوات هاديه رزينه ما فيها تمايل او دلع وغنج !

تمشي بأمان الله وتفاجأت بالجبل للي صدم فيها

وألقاها على الارض !!

شهقت ساره

باحراج وهي تشوف البنت على الارض

ما انتبهت عليها كانت شبه تركض علشان تلحق على سلمان ومناف !

وبسرعه مدت يدها تساعد البنت وهي تعتذر : اسفه اسفه والله مو قصدي !

وقفت عائشه بدون مساعده ساره وهي تكتم غيضها من هالموقف المحرج قدام الناس

وهي تكرر بنفسها «والكاظمين الغيظ »

اخذت نفس عميق وبصوتها الناعم الهادي ردت : حصل خير

وتركتها وراحت

ناظرت ساره البنت للي صدمتها متغطيه ولا باين منها شيء !

سلمان وقف قدامها : ربنا رحم البنت انك ما طحتي فوقها كان تكسرت تكسير البنت !

مناف وهو كاتم الضحكه على الموقف وهو يتذكر طريقه ساره بالمشي مضحكه !

ابتسمت باحراج على الموقف وبتبرير : والله ما شفتها !

مناف وهو ماسك ضحكته : من وين تشوفينها

وش جاب الفيل للنمله !

ضحكت على تعليقه وبداخلها ضيق من حالها !

حتى مناف للي ما عرفها الا من ساعات يقول عنها فيل !

تكره شيء اسمه طول !

تتمنى تكون قصيره حتى تخلص من تعليقات للي حولها!

اخذت نفس ودخلت غرفة خالتها وسرعان ما رجعت خطوه للخلف من البركان للي هب فيها : انت وينك !!

سلمان يستظرف : صار عليها حادث بطريقنا

وربنا ستر

وطالع ساره وغمز لها : صح ؟!

ابتسمت له وناظرت خالتها وهي تسلم عليها : الحمد الله على سلامتك !

ابو عزام باهتمام : عسى ما تعورتي من الحادث ؟!

ساره ابتسمت : لا الحمد الله بخير !

عزام جالس على كرسي وحاط رجل على رجل : لا تخاف يبه تراها مثل القطوه بسبع ارواح !!

ابو عزام بحده : مره ثانيه انتبه وانت تسوق

ترى معك ارواح !

سلمان وهو يجلس جنب عزام : انا للحين ما فهمت كيف صار هالحادث ؟!

هز كتافه عزام : والله ما ادري!

ام محمد : كان يسوق بأمان الله وفجأه اشوف قطوه بنص الطريق

قاطعها عزام بقهر : الحين صراخك علشان القطوه !

من صراخك وترتيني ما اعرفت وش اعمل عبالي شيء كايد وربنا ستر

قاطعه ابو عزام وهو مقهور من خالته وهو عارف اسلوبها بالتفزيع : الله يسامحك يا خاله !

فزعتي هالولد وربنا لطف فيه !

ساره بضحكه : تنفع خالتي تكون فزاعة !

و سرعان ما بلعت لسانها وهي تشوف نظرات ام محمد !

مناف ضحك على تعليق ساره : حلوه هذي فزاعه !!!

ام محمد بحده : عاجبك كلامها !

ما في شيء اسمه احترام !

انا الغلط علي للي تركتك تقضين وقتك مع ابنة الطرمه !

تحركت ساره بسرعه تقهوي الموجودين علشان تضيع السالفه !

وصلت عند عزام ومدت له بالفنجان

مناف وقف قريب منهم : يا بختك يا عزام عندك هالخاله !

والله انها نهفه !

ناظرت ساره مناف وابتسمت له بدون تعليق !

ام راكان ناظرت ساره وابتسمت لها : الحمد لله على سلامتك !

والله ما أدري انك بالحادث الا الحين !

وطالعت اختها بانتقاد : خلاص خفي طلعاتك

كل يوم طالعه وساحبيتها خلفك !

ترى الناس

قاطعتها ام محمد بحده : ما يهمني كلام احد !

والوقت للي ابغاه اروح عند ولدي وما احد له عندي !

ام عزام : انداري يا يمه ليه راميه نفسك على نادر

وزوجته الاسبوع للي طاف طارديتك !

صار وجه ام محمد بالالوان واعطت ساره نظرات وعيد ما في احد يعرف بالموضوع الا ساره

ونسيت انه عزام كان موجود لما تشاجرت مع مها ردت بكشره : بيت ولدي متى ما بغيت ادخله غصب عنها !

بلعت ساره ريقها وهي ترسم ابتسامه صفراء وهي تشوف خالتها تناظرها بوعيد ما تدري ليه تناظرها بتوعد !

ابو عزام وقف : اسمحوا لنا !

وناظر زوجته : اجلسي عند امك

قاطعته ام محمد بسرعه : لا لا لا روحي يمه على بيتك وارتاحي !

هذي ساره عندي !

مناف باعتراض : لا ساره صغيره على المستشفيات !

ساره انا رح ارجعها عند ام عمار او عندنا لوقت خروجك من المستشفى!

عزام وقف وهو رافع حاجب بانتقاد : وليه ترجعها انت !

انا راجع البيت واخذها على طريقي

وناظرها بأمر : يلا يا ساره قدامي !

ام محمد بغضب : وبعدين معكم !

انتم وش دخلكم !

انا ابغى ساره عندي !

ما ارتاح الا لها !

ابو عزام : وش رايك نشوف ام عمار او اسيل

قاطعته ام محمد بحده : وش رأيك تعطيني مقفاك ؟!

اجلسي يا ساره !

ناظرتهم ساره وجلست بهدوء !

ناظروها بقهر من تسلطها !

اصلا ما له داعي دخولها بس صممت تدخل تبي تتطمئن على نفسها !

***

***

*** دخلت على غرفة اختها وكشفت وهي للحين متضايقه من الموقف للي صار !

منحرجه كيف للناس تطالعها لما وقعت على الارض !

اسماء مستلقيه على السرير وبيدها المغذي سألت باستغراب : علام وجهك احمر ؟!

وش مضايقك ؟!

عائشه جلست وبإسلوبها الهادي : صدمت وحده فيني !

ومن قوه الصدمه وقعت على الارض !

والرجال واقفين يناظرون !

وقسم حسيت نفسي بحجم النمله اخاف يبان شيء مني !

اسماء وهي تناظرها وابتسمت عائشه مختلفه عنها وعن نهى محافظه على نفسها تتغطى ما يبان شيء منها على قولتها تبغى تغطي جمالها لزوج المستقبل : طيب وإلي صدمتك وش صار عليها ؟!

عائشه زفرت بضيق : ما شاء الله البنت جثتها كبيره ربك ستر لو وقعت فوقي الا تكسرني !!

وفوق هذا بابا يقولي ليه ما تنتبهي قدامك !

وقسم بالله هي للي صدمتني !

اسماء هزت رأسها بتفهم : ابوي وينه ؟!

عائشه وهي تعدل جلستها : اتصل فيه صديقه ويبغاه ضروري !!

وقال بيمرني بعد ساعات ! يا بختك اليوم انا جالسه معك !!

اسماء بتسليك : كويس !

عائشه خزتها بعيونها : ادري بك مو عاجبك أجلس عندك !

اكيد تبغين نهى !،

سوالفها على هواك !!

ضحكت اسماء : صادقه لانه نهى متزوجه نشكي لبعض عن ازواجنا واهلهم !

اما انت عندك مثاليه زايده ما تخش مخي !

يعني في اشياء تخليك تطلعين من طورك !

الواقع للي بنعيشه مو مثل ما تتصورين !

باكر لما تتزوجين كل هالنظريات للي عندك ترمينها ورى ظهرك !!

عائشه بلامبالاه بكلامها : لانك انت ما تبغين تتطورين للافضل !

لازم يكون عندك صبر اكثر تتحملين الناس !

اسماء بقهر من زوج نهى : اذا تزوجتي واحد متخلف مثل زوج نهى ناديني اشوف صبرك !

تخيلي منعها تزورني بالمستشفى !

قال المستشفى مليان رجال !!

وش هالتخلف !

عائشه ابتسمت : الله يهديهم !

اسماء باستغراب : صحيح كيف ابوي وافق انك تيجين عندي !

ردت عائشه بهدوء: لما شاف ماما تعبانه وما تقدر تيجي عندك اضطر يوافق !

وسمعني الف كلمه بعد ما اتصل فيه صديقه !

خايف علي!

يقول كيف اخليك بالمستشفى ساعات

مطت اسماء شفتها بغيره : ترى ابوي اسم انه دكتور شريعه !

وين العدل بين الأولاد !

يميزك ويفضلك علينا !

وكأنك ملكه نازله من السماء !

تدرين احيانا اكرهك والسبب أبوي !

عائشه ابتسمت: تراك تبالغين !

مو لذي الدرجه !!

بس يمكن لأني مطيعه!

وحركت حواجبها تغيظها وهي تطلع لسانها!

طلعت من غرفة خالتها وصدرها ضايق طول الوقت تبهدل فيها !

وتتوعدها لما تطلع من المستشفى !

نفسها تصرخ بوجهها وتقول لها مين انت حتى تتوعدين فيني !!

لمتى لازم تتحمل كلامها وتبتسم ؟!

تجرحها بالكلام وممنوع الاعتراض !

ممنوع تتدافع عن نفسها !

كل شيء يصير تحطها السبب !

لو يموت واحد بالمريخ الا تقول ساره هي السبب !

تظنها بلا احساس وكرامه !

نفسها تكون مثل باقي البنات تهتم بنفسها وتكون متميزه بكل شيء !

بس خالتها دمرت كل شيء !!

وفوق هذا تتكلم على امها وتطعن بأخلاق امها وتسبها وتشتمها !

هي بشر ولها حد للصبر !

هذي امها لمتى تسمع اهانتها وتسكت ؟!!

اخذت نفس عميق ما تبغى تبكي ما عندها قدره على التحمل اكثر !.

مشكلتها ضعف شخصيتها !

كيف ..

قطعت افكارها وهي تشوف العيال !

**

***

*****

ماجد بضحكه وهو يؤشر بعيونه : خلف خلفك !

عبد الرحمن بتصديق : خالي خلف هنا

والتف يشوفه !

وسرعان ما ضحك : هلا والله !!.

ساره بابتسامه اقتربت منهم : كيفكم ؟!

ماجد بمزح: والله حنا بخير يا خلف !!

ابتسمت بدون نفس هذا من احد الالقاب ينادوها خلف !

يصيبها تحطيم لما ينادونها كذا !

لذي الدرجه شينه حتى يشبهوها بخلف ؟!

عبد الرحمن : روحي وقفي جنب ماجد وقسم بالله تحرجيني بنت واطول مني !

ساره ابتسمت مجامله : تراك تبالغ ما في بيني وبينك الا كم سانتي !.

ماجد : انت كم طولك ؟!

ساره : اممم تقريبا171سم !

ماجد زم شفته بتأمل : طولك عادي بس لانه اغلب البنات طولهم ما بين 150 _160_165

طيب كم وزنك ؟

ساره ترد وكأنه استاذ وتجاوب على أسئلته : وزني !

اخر مره توزنت كان

نطقت باحراج77

عبد الرحمن : واووووو

تدرين انا وزني 68

ماجد يتكلم وكأنه دكتور تغذيه : لازم تعملين رجيم حتى يصير وزنك

قاطعه صوت من خلفهم : وانا اقول لازم تقلب وجهك من هنا !

التفت ماجد وهو يبتسم لانه يعرف هالصوت : هلا عمي !

ابو تالا بحده : وش دخلك فيها تسألها عن طولها ووزنها !!

انت ما تستحي على وجهك !

وناظر عبد الرحمن بغيض : وانت ما عندك دم يسأل خالتك هالاسئله وانت واقف !

عبد الرحمن بابتسامه : والله للحين ما اعترفت انها خالتي !

رمقه ابو تالا بإحتقار

وبعدها ناظر ساره بتأنيب : وإنت مثل الهبله تجاوبي على أسئلته !

مره ثانيه اذا سألك اسئله بايخه مثل وجهه

بالنعال اضربيه بنص وجهه !

ناظرت ساره ماجد وعبدالرحمن بابتسامه شامته وحركت حواجبها تغيضهم : ان شاء الله عمي !

كشر ابو تالا بعد كلمتها وبأمر : والحين ادخلوا الغرفه اشوف

النية طالعين تزورون خالتي ام محمد

ماجد ابتسم باحراج : والله كنا داخلين بس اشغلتنا ساره !

الله يهديها !

طالعته ساره بدهشه بدون تعليق

غمز بعيونه وبسرعه دخل لما شاف عمه ابو تالا ناوي يطقه !

**

**

**

**

**

اليوم الثاني

ما صدقت ساره يطلع النهار ويكتبوا لخالتها خروج

ما نامت طول الليل كلما تغفى عينها تنادي عليها

حركي رجلي لذيك الجهة او اعطيني مويه

طول الليل طلبات !

تستنى بفارغ الصبر احد يطلعهم وقفت على باب الغرفه تناظر لعل احد ييجي بسرعه

استغربت الحرمه للي تقدمت منها وسلمت عليه : كيفك يا ابنتي ؟!

ساره ابتسمت باحراج حرمه اول مره تشوفها : هلا خالتي !

الحرمه تتأمل ساره : عسى ما شر من البارح شفتك بالمستشفى !

استحت ساره من نظرات الحرمه وسؤالها غريب مو بمكانه تسألها وهي ما تعرفها : خالتي تعبانه شوي ورافقت معها والحين ان شاء الله كاتبين لنا خروج !

الحرمه هزت راسها : خليني ادخل اسلم على خالتك !

دخلت الحرمه وساره من خلفها مستغربه الوضع !

سلمت على ام محمد وهي تسألها عن اخبارها !

وبلقافه اشرت على ساره : وش تصير لك هالبنت !!

ام محمد ردت بطيبه متقنه التمثيل : هذي ابنة زوجي !

واسمها ساره

اندهشت الحرمه : ابنة زوجك !

ام محمد تتابع بنفس الاسلوب : ماتت امها وهي صغيره وعاشت عند جدتها ولما ماتت جدتها

قلت لعيالي ما احد يربيها غيري !

هذي يتيمه واكسب فيها اجر !

طالعتها ساره وهي فاتحه عيونها عالاخير

الحرمه باعجاب : ما شاء الله الله يكثر من امثالك !

الا ما قلت لي ساره مخطوبه !؟!

ام محمد عفست ملامحها لو تدري انه عريس ما استقبلتها ومع ذلك اضطرت تتابع بنفس الاسلوب : لا والله مو مخطوبه !

بس سمعت في ناس ناويه تتقدم لها

طالعت ساره خالتها تبغى تخنقها تبغى تقطع نصيبها علشان هزاع الزفت !

الحرمه قاطعت ام محمد بسرعه : طيب اعطيني رقم ابوها علشان ابني

قاطعتها ام محمد . ابوها ميت من زمان !!

الحرمه عقدت حواجبها بحيره : من مين نخطبها ؟!

ام محمد : والله ما ادري عندها ثلاث اخوان !

وعم وعيال عمها !

اعطيني اسم ولدك ورقمكم نشاور اخوانها وعمها وعيال عمها وبعدها يصير خير !

الحرمه ما عجبها الكلام : اعطيني رقم واحد من اخوانها نتفاهم معه يكون افضل !

ام محمد ابتسمت : خلاص خذي رقم خلف اخوها !

اخذت الحرمه الرقم بفرح : الله يتمم على خير !

ام محمد بلقافه : ما قلتي ولدك وش يشتغل ؟!

الحرمه بابتسامه : ولدي استاذ رياضيات ومسجل بنادي السله

سكتت الحرمه لما شافت رجال دخل الغرفه : اشوفكم على خير !

مع السلامه !

عقد حواجبه باستغراب وسأل بعد ما طلعت : مين هذي !

ام محمد بقهر : خطابه جايه تخطب هذي المحترمه !

.اشرت على ساره للي صار وجهها طماطم من الخجل !

ابتسم عزام على شكل ساره و براءتها وبعدها حول ملامحه للجديه : كنسلي الموضوع !

البنت بعدها صغيره !

ام محمد : والله ما ادري عن الموضوع ما شفت ساره الا جايبه الحرمه علي وداخله !

واخذت رقم خلف علشان يحددون موعد !

وتقول ابنها يشتغل استاذ رياضيات ومسجل بنادي السله !

هذي هي عندك من وين استدلت الحرمه عليها !،

عزام ناظر ساره وبهدوء : من وين تعرفتي عليها ؟!

هزت ساره رأسها بالنفي : ما أعرفها

ام محمد قاطعتها وهي تبث سمومها : تبغين تقنعيني من الباب للطاق جاءت تخطبك كذا !

والا في شيء داسيته عننا،؟!

وش عرفه ولدها فيك؟!

تقول الحرمه ابنها طاير يبغى يخطبك !

ناظرتها ساره بصدمه من وين تجيب هالكلام ؟!

الحرمه ما قالت هالكلام ؟!

بلعت ريقها وهي تناظر الارض ما عندها القوه تناظر عزام !

ما صدقت عزام نسي السالفه الاولى والحين وش يخلصها ؟!!!