في قصر ابو سلطان

كانت اسيل بغرفتها طفشانه قررت تكلم صحبتها ريم عشان تروح عندها ويجلسون سوا وتغير جو معاها

بعد الاتصال الثاني ردت ريم على اسيل

اسيل : السلان عليكم

ريم : وعليكم السلام

اسيل بطفش : وش تسوين

ريم : ولا شي جالسه احس بطفش

اسيل : وش رايك نتقابل

ريم بتفكير : ايه تعالي عندي

اسيل : تمام مارح اجي مع السواق باجي مع اوبر ويارب يكون اللي قابلناه بسوق

ريم : شكلك مارح تخلين الموضوع يعدي كذا

اسيل : انا بنت ابوي مارح اخلي شي يعدي بالساهل

ريم بضحك : ههههه الله يستر وش بتسوين يلا خل نجهز

قفلو من بعض وراحت اسيل عند امها عشان تقولها انها بتطلع عند ريم

اسيل : يمه

ام سلطان : هلا

اسيل : طفشانه بطلع عند ريم

ام سلطان : تمام روحي مع السواق

اسيل : لا بطلب اوبر

ام سلطان : تمام

راحت اسيل تجهز وطلبت اوبر قبل طلبها واحد وكان مكتوب ١٠دقايق فجأة كنسل الطلب

اسيل : شفيه يكنسل الطلب

طلبت ثاني وقبل الطلب وكان راكان اللي بيجي لها بعد ٦دقايق وصل ونزلت وركبت وسكرت الباب بقوة

راكان ماتكلم ولا عصب بعد ما وصلها الموقع اللي هي تبيه وهي نازله رجعت سكرت الباب بقوة وسوت خربشه على الباب ودخلت عند صحبتها وهي تضحك

دقت الباب والخادمه طلعتهز لغرفة ريم

ريم : شفيك تضحكين

اسيل بضحك : هههههه مو قادره سكرت له الباب مرتبن بقوة واخر وحده خربشت السياره كمان

ريم : والله انك داهيه

اسيل : يستاهل احد قال له يفشلني بالسوق

ريم : ههههه شخصنتي الموضوع للحين

اسيل : احد قال له يلعب معي

جلسو وشغلو لهم فلم على نت فلكس وجلسو يتابعون ومبسوطين وياكلون ويضحكون لان كان الفلم يضحك

في فيلة ابو لؤي

كان يجهزون نفسهم عشان يروحون عند اهل البنت اللي بيخطبونها وكانو مجهزين الهدايه اللي جايبينها لهم

ام لؤي راحت تشوف الخادمه جهزت اللي قالته لها شافتها مجهزه كل شي راحت تشوف لؤي وبعدها ترجع تكمل كشختها طلعت فوق ودقت الباب

لؤي : تفضل

دخلت وراحت عنده تشوف اذا محتاج شي

ام لؤي : لؤي

لؤي . هلا يمه

ام لؤي : محتاج شي

لؤي : ايه خلي الخادمه تكوي الثوب على ما اتروش

ام لؤي : تمام

راح لؤي ودخل الحمام (الله يكرمكم) وام لؤي نادت على الخادمه تكوي ثوب لؤي وترتب الغرفه على مايخلص

نزلت تحت ام لؤي وراحت غرفتها تكمل كشختها وتشوف ابو لؤي اذا محتاج شي بعد ماخلصو راح ابو لؤي يشوف لؤي دخل عنده وراح الغرفه

ابو لؤي : خلصت

لؤي : ايه

ابو لؤي عدل الشماغ للؤي ونزلو تحت وطلعو وركبو السياره يتجهون لاهل البنت بعد ماوصلو نزلو

( عند الحريم )

دخلت ام لؤي وسلمت على ام تالين ودخلتها المجلس وجلسو يسولفون

ام لؤي : كيفك ي ام تالين وكيف بنتك

ام تالين بابستامه : الحمدلله بخير انت كيفك

ام لؤي بابتسامه : الحمدلله

ام تالين قامت وضيفت ام لؤي قهوه وحلا وجلسو

ام تالين : وش يشتغل لؤي

ام لؤي : بشركة مع والده

ام تالين : حلو الله يحفظه لك

ام لؤي : بس انا باقول شي وبعدها لكم القرار توافقون او لا

ام تالين باستغراب : تفضلي وش

ام لؤي : ترا لؤي متزوج واحنا بنزوجه الثانيه نبي نشوف عياله لان زوجته الاولى ماتحمل

ام تالين : الله يقدم اللي فيه الخير

جات لهم تالين وسلمت وجلست تشوفها ام لؤي وانعجبت فيها وبجمالها وجلست تدعي يكون بينهم نصيب

عند خاطف هتاف

فراس كان جالس بالمكتب ويسولف عن شغله ويقول لهم وش بيسوي عشان الياس وهتاف وعشان يقدر يطلع سالم من السجن

كانت هتاف بالغرفه جالسه ومتكوره على نفسها من التعب وفيها حراره وتهوجس في اسم الياس من التعب

هتاف بتعب :الياس يحبني مارح يتخلا عني

وكل شوي تنادي في اسم الياس بسبب التعب كان فراس رايح لها الغرفه يشوفها لقها متكوره على نفسها وشكلها كان يقطع القلب قرب لها لقا حرارتها مرا عاليه كلم المساعدين يجيبون لها دكتور ويجي لهم مايبي ياخذها المستشفى عشان ماتصير له مشاكل

هتاف : الياس انت جيت بتحميني صح

فراس سمعها تقول الياس عصب قال

فراس : انسي الياس انت بتصيرين لي

بعد مده جا الدكتور وشاف حالة هتاف وقاس حرارتها لقها فوق 40 وقال

الدكتور : لازم توديها المستشفى

فراس : شوف شغلك هنا

شاف شغله الدكتور وحاول قد مايقدر يخفف لها الحراره مع ان هي تحتاج مغذي عشان تنزل الحرارة

فراس : خلصت

الدكتور : يدها فيها كدمات شكلها متعرضه لضرب

فراس : شوف شغلك ومالك دخل ولا اعرف ان احد درا بشي

الدكتور : تمام ذي الادويه جيبها لها ولازم تاخذ شور يخفف الحراره

سمعها الدكتور تقول الياس وتعيد نفس الاسم من التعب حس ان فراس وراه شي وخرج من عندهم

فراس قال لهم يجيبون الادويه المطلوبه وراح عندها معصب

فراس بعصبيه : بتفضحينا انطمي لاعاد تقولين الياس

نزلت دمعت هتاف من عصبيت فراس وهو تركها ولا اهتم لها قال عسها تموت يارب

جابو لها الادويه واعطوها لها اخذتهم وجلست تبكي وغفت وهي تبكي

فراس : اخذت الادويه

المساعد : ايه ونامت

فراس : احسن عشان لا ارتكب فيها جريمه

راح عندها الغرفه وانعجب بشكلها كان بيقرب منها بس كانت دعوات امها تحميها وماكان يقدر يقرب عليها

فراس : خل اطلع افضل واروح من هنا اف جميله ماينلام الياس فيها

في شقة ابو راكان

وصل راكان الشقه لان يحس نفسه تعب اليوم وقال بيشوف امه كمان لو تحتاج شي

نزل من السياره وقفلها لمح في شي صاير بسياره وان الباب صار فيه شي

راكان بصدمه : غريبه ما صار حادث ولا خبطت في احد

جلس يفتكر وش صار اخر مرا تذكر اسيل وعصب

راكان بعصبيه : حسبي الله ونعم الوكيل فيها خربت السياره ومرتين سكرت الباب بقوه

دخل وهو معصب شافته امه

ام راكان باستغراب : وش فيك معصب

راكان : مافي شي يمه

ام راكان : قول صاير معك شي

راكان : البنت اللي وصلتها بيت صحبتها مخربه السياره وتصليح السياره شوي غالي

ام راكان : مسوي لها شي

راكان : لا والله يمه بس ذي يمه مرا شايفه نفسها عشانها غنيه

ام راكان : ماعليه لاتعصب

راكان : وين البنات

ام راكان : جالسين بالغرفه يشوفون دراستهم قربت الاختبارات

راكان : الله يوفقهم

ام راكان : تبي اكل

راكان : ايه

ام راكان : ريف

ريف جات لهم وقالت

ريف : هلا يمه

ام راكان : حطي لاخوك اكل

ريف : حاضر

راكان : بس تخلصي روحي اجهزي انتِ وريم باخذكم السوبرماركت تجيبون اغراض لكم دام قربت اختباراتكم

ريف : تمام

حطت ريف الاكل له وبعد ماخلصت اعطته وراحت عند ريم

ريف : ريم قومي البسي

ريم : ليه

ريف : راكان يبي ياخذن نجيب اشياء نيبها عشان الاختبارات قربت

ريم : يفهمني لسه باقوم اشوفه جا واقول له

جهزو وهو خلص اكل وقام طلع وشاف امه وش تبي ومحتاجه وراح اخذهم عشان يسعدهم قبل الاختبارات عشان نفسيتهم تكون حلوه ويقدرون يذاكرون

في قصر ابو سلطان

كانت العنود جالسه بالحديقه وتسمع اغنيه وتبكي عشان صحبتها هتاف ماتدري هي بخير او لا وكانو ندى وعمر يلعبون كوره وعمر يشوط الكوره خبطت في العنود

ماهتمت العنود ورجعو ثاني رمو الكوره وجات على العنود

هنا العنود ماتحملت وقامت عصبت عليهم

العنود بعصبيه : مين الحيوان اللي شاط الكوره علي

ندى وعمر خافو من عصبيتها

العنود : جالسه اتكلم ردو علي

ندى بخوف : بالغلط جالسين نلعب

العنود : ومالقيتو تلعبون غير عندي

عمر بعناد : اي هذا بيتنا نلعب زي ما نبي مو بيتك

العنود رغم انه صغير بس انجرحت من كلمته

العنود : الله ياخذكم انقلعو من هنا

المربيه جات عندها وقالت

المربيه : وش فيه

العنود : شيليهم عني

المربيه : جالسين يلعبو خليهم

العنود بعصبيه : انا جالسه اتكلم حل ينقلعون يلعبون بمكان ثاني

لحظتها دخل سلطان وسمع صوا صراخ راح لهم شاف ندى خايفع وترجف

سلطان : وش فيها ندى

عمر : هذي الهبله عصبت علينا واحنا نلعب عشان جات عليها الكوره بالغلط

سلطان : خير ليه تعصبين عليهم

العنود بصراخ : انقلعو عني

سلطان : يبي لك مين يريبك عشان ماتصرخين

المربيه : انا باروح اهدي ندى واخذهم بعيد عشان لايخافون↚

سلطان : تمام

عصب سلطان وقرر يعذب العنود مكسها من يدها وشذ عليها بقوة ودخلها مكان كله حشرات وهي خافت وصارت تصرخ

سلطان : انطمي وذا عقاب لك

عند سلطان والعنود

بعد مادخلها مكان كله حشرات صارت تصرخ زياده وتخبط على الباب

العنود بخوف : افتح الباب ي حيوان

سلطان : قلت انطمي على ما اعتقد

العنود : طلعني من هنا المكان يخوف

سلطان راح من عنده وكان عمر عنده لعبه على شكل ثعبان راح يجيبها منه عشان يخوف العنود

بعد ماجابها راح عندها وفتح الباب والعنود قالت

العنود : بتخرجني من هنا صح

سلطان : افكر بس عندي لك مفاجأة

العنود : وش

طلع من جيبه الثعبان ورماه عليها وهي من الخوف صرخت وصارت تضربه

سلطان : تمدين يدك علي

العنود وهي ترجف قالت

العنود : حيوان عندي فوبيه منهم الله ياخذك

سلطان اخذ الحيه ورمها ثاني عليها وهي صارت تبكي

سلطان بضحك : ههههه شكلك يضحك تراها لعبه جبتها من عند عمر

العنود : ابعد عني وطلعني من هنا

سلطان طلع وسكر عليها الباب وهي ترجف من الخوف ماتدري كيف تخرج من هنا جلست تبكي مو عارفه ليه كذا حياتها ماتتعدل

العنود : يارب خذ روحي وريحني من سلطان

راح سلطان غرفته وهو ميت ضحك على شكل العنود عشانها كانت خايفه وراح ياخذ شور على السريع وعشان يرتاح بعد مشوار اليوم كمان

بعد ما اخذ شور وخلص لبس ملابسه وجلس على السرير يقلب على الجوال وبعدين قام يصلي له ركعتين يدعي فيها ربه لان حس نفسه اشتاق لحبيبته

في قصر ابو سلطان

العنود بالمكان اللي كانت محبوسه فيه وخايفه من الحشرات ويطلع لها حشرات اشكال واللون من خوف اغمى عليها وقلبها وقف ماتتحرك وماحد كان يدري عنها

صحي سلطان كالعاده ونزل تحت بالعاده يسمع صوت العنود استغرب ان مالها حس قرر يروح يفتح الباب ويشوفها

سلطان يحسبها نايمه صحاها ماصحيت قاس نبضها وانصدم

سلطان بصدمه : يمه ذي لايكون ماتت

حملها وركبها السياره وطار فيها للمستشفى وكان من خوفه يقطع الاشارات زي المجنون وصل المستشفى

وصار يصرخ عشان احد يجي له

سلطان بصراخ : احد يجي بتموت

جات الممرضه واخذتها ونادو الدكتور عشان نبضها متوقف وسلطان برا خايف حيل عليها يدعي ربه مايصير لها شي

حاول الدكتور ينغش النبض اكثر من مرا لين استجاب القلب بس قال لهم لازم تدخل العنايه ويراقبون القلب كل ساعه

طلع الدكتور والممرضات راحو يسون اللي قاله الدكتور

سلطان جا لعند الدكتور وقال

سلطان بخوف : كيفها ي دكتور لاتقول توفت

الدكتور : بالقوة استجاب القلب لازم تجلس بالعنايه والله واعلم متى تصحى

سلطان : اقدر اشوفها

الدكتور : حاليا ممنوع الزياره بس يصير مسموح بنقول لك

سلطان : تمام مشكور ي دكتور

راح الدكتور لمكتبه وسلطان جلس على الكرسي وحس بذنب عشان اللي صار مع العنود وانه ماسمع كلامها لما قالت طلعني من المكان اللي حبسها فيه

شاف ممرضه مسؤله عن حالت العنود اعطها الرقم حقه وقال لها اي شي تكلمه

خرج ورجع القصر وهو حزين ومتضايق عشان اللي صار مع العنود يحس كره نفسه عشان اللي صار

جات له اسيل تبي تكلمه شافته يبكي قالت

اسيل باستغراب : سلطان ليه تبكي

سلطان بضيقه : اطلعي برا مالي خلق احد

اسيل : تكلم وش صاير معاك

سلطان : العنود

اسيل بنرفزه : اف وش سوت الحيوانه بعد

سلطان : اسيل انطمي البنت بالعنايه

اسيل بصدمه : وش تقول وش صار لها

سلطان حكا لها كل اللي صار لين كيف دخلت العنايه

اسيل : ان شاء الله بتصحى مالنا غير ندعي لها

سلطان : ممكن ابقى لوحدي

هنا لحظتها جات في باله حبيبته اللي خسرها وحس ماوده يخسر العنود بعد لان تعود على وجوده

دخل سلطان (الله يكرمكم) الحمام وتوضى وراح يصلي ركعتين يدعي فيها للعنود وصار يبكي لان مو قادر يصدق بسبب مقلب سخيف صار معاها كذا ويحس ان كل الذنب ذنبه

بعد ماخلص راح يقرا قران عشان يريح نفسه ومايفكر اكثر

في فيلة ابو ريماس

كان وقتها المغرب وريماس ماتدري ان لؤي جالس يملك وبيتزوج بنفس اليوم كانت بالغرفه جالسه مقهوره انه للحين ما اهتم لها ولا سأل عنها جات بتقوم للحمام (الله يكرمكم) حست بدوخه مو قادره تتحرك حاولت تتحرك عشان توصل وحات بتمسك الباب طاحت واغمى عليها من التعب

امها جات بتشوفها فتحت الباب انصدمت من اللي شافته

راحت لها صارت تحاول تصحيها لين صحيت قامت ساعدتها تلبس عشان تاخذها المستشفى

ام ريماس : بسم الله شفيك

ريماس بتعب : تعبانه

ام ريماس : اجل بنروح المستشفى

لبست ريماس وام ريماس وخلصو وكلمو السواق وتجهو للمستشفى

نزلو وراحو عند الدكتوره دخلو وتكلمت معاهم

الدكتوره : وش تحسي فيه ي ريماس

ريماس : جيت باقوم من السرير للحمام (الله يكرمكم) حسيت بدوخه ولما وصلت بمسك الباب طحت بعدها ما ادري وش صار

ام ريماس : دخلت عليها لقيتها مغمى عليها

الدكتوره : متزوجه ولا لا

ريماس : ايه متزوجه

الدكتوره : تمام بنسوي تحليل ومن ضمن التحليل بنسوي تحليل حمل ونشوف وش سبب التعب

ام ريماس : تمام

خرجو وراحت ريماس سوت التحاليل المطلوبه وقالو لها تنتظر شوي على ماتطلع النتيجه بعد مده طلعت النتيجه واخذت الاوراق وراحت للدكتوره ثاني

دخلتهم الممرضه واعطو الدكتوره الاوراق

ام ريماس : طمنيني على بنتي

الدكتوره : كل شي سليم بس عندي خبر

ريماس بخوف : وش لاتخوفيني

الدكتوره بفرح : مبروك انتِ حامل كل ذا التعب طبيعي لانك حامل اي وحده تحمل يصير معاها كذا

ام ريماس من الفرحه حضنت بنتها وتبارك لها

الدكتوره : لازم تنتبهين لصحتك وتاكلين اشياء مفيده

ريماس بفرح : ان شاء الله الحمدلله يارب

خرجو ورجعو البيت وهم مستانسين عشان ريماس حملت

في شقة ابو هتاف

كانت ام هتاف بالغرفه قررت تطلع وتروح المستشفى تشوف زوجها رغم اللي هي تمر فيه

خرجت من الغرفه وراحت المطبخ تاكل لها شي تقوي نفسها فيه دامها بتروح للمستشفى عند ابو هتاف

سوت لها شي خفيف اكلت وخلصت وراحت تلبس

بعد ماخلصت طلبت لها اوبر وكان يبي له عشان يوصل 9 دقايق جلست تنتظر وبس وصل ودق عليها خرجت وركبت وقالت له عن المستشفى بعد كم ساعه وصلت

حاسبت وراحت عند زوجها دخلت

ام هتاف : السلام عليكم

ابو هتاف : وعليكم السلام

ام هتاف : كيف صحتك اليوم

ابو هتاف : الحمدلله

استغرب ابو هتاف ان هتاف مش موجوده قال

ابو هتاف باستغراب : وين هتاف

سكتت ام هتاف ماعرفت وش تقول حس ابو هتاف ان صاير شي ومخبيه عليه وبان من وجهها لان باين عليه التعب

ابو هتاف : صاير معاكم شي تكلمي ووجهك ليه تعبان

ام هتاف بتوتر : مافي شي نايمه هتاف لان تعبت من الشغل وانا تعبانه شوي مصدعه

ابو هتاف : تمام سلامتكم

ام هتاف : الله يسلمكم

جا الدكتور وقال لهم ان يقدرون يخرجون عبدالرحمن ذي اليومين بس يبي له احد يساعده عشان دخول الحمام (الله يكرمكم) خرج الدكتور وام هتاف قالت

ام هتاف بفرح : الحمدلله بتخرج من المستشفى بترجع لنا البيت

ابو هتاف : الحمدلله

ام هتاف بينها وبين نفسها : يوه لو ما شاف هتاف بالبيت بيسوي سالفه ما اقدر اقول له مخطوفه وهو بذي الحاله

وقتها ام هتاف قررت ترسل لـ الياس وتقوله عشان ماهي عارفه تتصرف وعشان يرجع لها بنتها

في فيلة ابو الياس

وصلت رسال لـ الياس من ام هتاف وكان مكتوب فيها

ام هتاف : السلام عليكم كيف حالك ي الياس اليوم الدكتور قال لنا نقدر نخرج ابو هتاف من المستشفى ذي اليومين ومني عارفه وش اسوي عشان هتاف مخطوفه

بعد ما قرا الرساله رد عليها وقال

الياس : وعليكم السلام الحمدلله الشرطه جالسه تقوم بالموضوع وانا اليوم باشوفهم وافهم منهم بخصوص هتاف

قرر يتصل على الشرطي اللي عنده رقمه ولي ماسك له الموضوع اتصل عليه بعد مده رد

الياس : السلام عليكم

الشرطي : وعليكم السلام

الياس : وش صار بخصوص موضوع هتاف

الشرطي : لازم تيجي المقر عندنا عشان نتكلم بالموضوع لان قدرنا نعرف وين مكان هتاف عن طريق رقمها

الياس : تمام باجي لكم عشان نتفاهم

قفل الياس وقام غرفته بدال ملابسه وبعد ما خلص ركب السياره وقال لسواق يوديه مقر الشرطه بعد ماوصل نزل ودخل مكتب الشرطي

الشرطي : كويس جيت

الياس : وش عرفتو

الشرطي : قدرنا نعرف مكانها ومين اللي خاطفها ومين اللي مرسله يخطفها

الياس : اي

الشرطي : اللي خاطفها مرسول من سالم اللي مسكناه يوم الحادث انا كلمتهم يشددون عليه المراقبه وهو بالسجن واليوم بنخرج عشان نروح مكان هتاف ونرجعها لكم

الياس : وانا باجي معاكم

الشرطي : امم صعبه بس بوافق عشان البنت تطمن لو شافتك

الياس : تمام

الشرطي قام وبلغهم يحهزون نفسهم عشان في عمليه بتقوم الحين ولازم يداهمون الفيله اللي فيها فراس وينقذون هتاف

كل واحد اخذ سلاحه وركبو السيارات وتجهو للموقع اللي مطلوب منهم والياس وراهم عشان يتطمن على هتاف

في شقة ابو راكان

كان راكان جالس بالغرفه ويفكر بالي جالس يصير معاه بسبب اسيل وكيف بيقدر يصلح الخدش اللي صار بالسياره لانه شوي تصليح السياره اللي معاه غالي

راكان بقهر : حسبي الله ونعم الوكيل فيك ي اسيل المشكله انا اقبل ما اعرف مين اللي يطلب جعلها ماتتهنا بحياتها

سمعته ريف يتكلم بقهر راحت ودقت الباب مارد عليها ورجعت دقت الباب ثاني رد وقال

راكان : تفضل

ريم : راكان فيك شي

راكان باستغراب : لا ليه

ريم : اسفه بس سمعتك وانا معديه وانت تتحسب واضح مقهور من شي

راكان : اخ ي ريم مقهور وبس ودي اذبحها

ريم مسكت يد اخوها وقالت

ريم بحب : تكلم ي روح اختك

راكان : في وحده حيوانه خربت السياره والتصليح حق السياره غالي

ريم بصدمه : حسبي الله ونعم الوكيل فيها

راكان : ماعليك بحاول احل الموضوع انا الحين بطلع مع عبدالعزيز يبي يقابلني

ريم : تمام

خرجت ريم وراح راكان دخل الحمام (الله يكرمكم) اخذ له شور على السريع وخرج ولبس ملابسه وجفف شعره وطلع ركب السياره وراح الكافي اللي متعودين هو وعبد العزيز يتقابلون فيه

راكان : هلا والله بالخوي الغالي

عبدالعزيز بابتسامه : هلا فيك

راكان : تخيل امس ركبت معي الحيوانه وخربشت السياره

عبدالعزيز : ذي وبعدين معاها ماتتوب لازم كل مرا مشاكل

راكان بنرفزه : يع كريها غنيه وتشوف نفسها على الناس

عبدالعزيز : واذا غنيه وعندهم فلوس وخير مو كذا تتعامل مع الناس

راكان : انا بخليها هي تصلح السياره وبخلي امي تخطبها لي واكسر غرورها انا

عبدالعزيز : ما اتوقع يوافقون اكيد يبون لها واحد غني زيهم

راكان بقهر : بخليها توافق غصب عنها ذي اليومين بفاتح امي بالموضوع ي انا ي هي

عبدالعزيز : الله يستر منك

راكان : هههه خل عشان تتعلم ما تتكبر وتسوي يعنني غنيه ماحد كبير غير ربي هي زيها زينا

عبد العزيز : نسينا نطلب بسبب الغبيه

قامو وطلبو وراكان مصمم يكسر راسها ويوريها وبباله اشياء اذا صارت عنده يوريها فيها ويكسر غرورها

في فيلة فراس

كان جالس بالمكتب وهتاف بالغرفه تعبانه بسبب سوء التغذيه ماتاكل كويس ولا قادره تتحرك رجعت لها الحراره ثاني وماحد مهتم لها

قام فراس راح عندها فتح الباب شافها حسبها نايمه مهتم خرج لحظتها داهمت الشرطه المكان وراح فراس بسرعه عند هتاف ومسكها يبي يهرب معاها عشان ماحد ياخذها ويقدر يسوي اللي يبيه ويطلع سالم من السجن

وهو بيهرب شافه واحد من الشرطين وهو حط السكين على رقبت هتاف هنا لحظتها هتاف خافت وصارت تصرخ

هتاف بصراخ وتعب : ساعدوني بيذبحني

الياس سمعها جن جنونه وخرج من الفيله وشافها ماعرف وش يسوي لحظتها الياس قال

↚

الياس بصراخ : اتركها ي حيوان

الشرطي : استهدي بالله ي الياس احنا بنتصرف

الياس : بيذبحها تكفى ساعدها

الشرطي راح عند الياس وقال له

الشرطي : اسمع روح امشي وماتحسسهم انك بتسوي شي وخذ ذا المسدس ومن وراه وقول نزل اللي بيدك

راح الياس سوا اللي قاله عليه وهنا فراس ماعرف وش يسوي غير انه يرمي السكين على الارض وجو الشرطه مسكت فراس وكل اللي معاه

وراح الياس جري عندها وحضنها بكل قوته من الشوق وخوفه عليها وهي بادلته نفس الشعور

الياس : الحمدلله قدرت انقذنك

فجأة يغمى على هتاف وهي بحضنه وهو انجن قام ركبها السياره وطار فيها للمستشفى

بعد ماوصلو صار يصرخ

الياس بصراخ : احد يجي بتموت بين يدي

جابو السرير واخذوها ودخلوها الغرفه وشافها الدكتور وعرف ان اغمى عليها من الحراره وقلت الاكل سوا كل شي يقدر عليه وقال لهم انقلوها غرفه خاصه عشان بتبقى عندنا كم يوم لين تنزل الحراره وتصحى

طلع الدكتور وشافه الياس راح عنده

الياس بخوف : طمني عليها دكتور

الدكتور : تحتاج راحه واضح ماتاكل زين والحراره تروح وتيجي منها بتبقى عندنا كم يوم

الياس بقهر : الله ياخذك ي فراس مشكور ي دكتور

رسل الياس رساله لام هتاف وقال لها انقذنا بنتك بس هي الحين بالمستشفى عشانها تعبانه وبتبقى عندهم كم يوم

بعد ساعتين جات ام هتاف المستشفى تشوف بنتها شافت الياس وقالت له

ام هتاف بحزن وشوق : تكفى وينها باشوفها

الياس : باشوف الدكتور بيسمح او لا

راح الياس وقال له ان امها تبي تشوفها قال تمام عشان الياس حاول معاه عشان امها زعلانا عليها حيل

دخلت عندها وشافت شكلها صارت تدعي وتتحسب على اللي خطفها وراحت عندها باست راسها وصارت تدعي لها وخرجت لان قالو لها ممنوع تطول عندها لان الحين ممنوع الزيارات

رجعها الياس البيت وهو راح يحاول يرتاح لان له ايام ماينام عشان باله عند هتاف

في شقة ابو هتاف

رجعت ام هتاف البيت وهي زعلانا عشان بنتها دخلت المستشفى وتعبانه حيل مايدرون متى بتصحى بسبب الحراره

دخلت الغرفه بدلة ملابسها وخرجت للمطبخ سوت لها شي تاكله خفيف وبعد ماخلصت رجعت للغرفه

وهي جالسه على السرير قالت

ام هتاف بفرح : الحمدلله يارب انك رجعت لي بنتي يارب اشفيها لي وعافيها وابعد عنها المصايب والمشاكل يارب

قامت ام هتاف وراحت غرفت بنتها ترتبها لها بخرتها وعطرتها وترتب سرير بنتها عشان لما تطلع من المستشفى تكون مرتاحه بغرفتها

ام هتاف : عشان لما تخرج تكون مرتاحه بغرفتها

راحت ترتب البيت وتنظف كل شي بعد ماخلصت راحت تاخذ لها شور خفيف

بعد ماخصلت لبست ملابسها وجففت شعرها

وراحت تصلي الوتر وتدعي ربها ان ربي يبعد عنها وعن بنتها وزوجها الشر ضلت تدعي من قلبها ومن كثر ماتحس انها تعبت من اللي يصير معاهم جلست تبكي وهي تدعي ربها بعد ماخلصت قامت راحت شربت مويه ورجعت الغرفه قرت شوي من سورة البقرة وبعد ماخلصت كتبت رساله الياس

ام هتاف : شكرا لانك رجعت لي بنتي الله يسعدك ي ولدي ويفرح قلبك زي مافرحتني وعقبال ما نزفكم ونشوف عيالكم يارب وتطلع لنا هتاف بخير

رسلت الرساله على الواتس وجلست شوي على السرير قررت تبحث تشوف وين ممكن تلاقي احد يقدر يساعدهم عشان زوجها عبدالرحمن كانت كل ماتلاقي تتصل ويطلع شوي السعر غالي بسبب ظروفهم كانت ماتقدر تقبل اي احد بأسعارهم وكانت تحاول معاهم يخففون السعر ماكانو يرضون

قررت تتصل على اخر مستشفى وتشوف وش بيقولون لها

ردو عليها

ام هتاف : السلام عليكم

حقت الاستقبال : وعليكم السلام

ام هتاف : ابغى ممرض يصير يجي عندنا البيت

حقت الاستقبال : ليه عندكم احد مريض

ام هتاف : ايه زوجي

شرحت لها ام هتاف وضع زوجها وكل شي وانو لازم ممرض يقوم بذا كله قالت حقت الاستقبال

حقت الاستقبال : ايه عندنا لكن احنا عندنا عشان بيطر يطلع من دوامه عشرة الف

ام هتاف بصدمه : مافي اقل

حقت الاستقبال : لا والله مافي اقل

ام هتاف : تمام مشكوره

قفلت منها ودعت ربها

ام هتاف : يارب سخر لنا احد من عبادك الصالحين يساعدنا بالي نبيه

قررت ام هتاف تنام تريح جسمها لها عدة ايام بس تفكز ببنتها وزوجها وحياتهم كيف تحس اول مرا بتنام مرتاح دام بنتها رجعت من عند الخاطف

في قصر ابو سلطان

قام سلطان من السرير يحس نفسه مخنوق مايدري ليش نزل تحت للحديقه وراح جلس بمكان بعيد مافيه احد مسك جواله ودخل التويتر وكتب

الله لاجت ذكرياته😢

خرج ومتابعينه يحسبون عن حبيبته المتوفيه مايدرون عشان العنود لان كل مايروح مكان بالقصر يجي له طيفها

وصوتها وصراخها وكل شي كانت تسويه

من كثر الضيقه قام وخرج وراح اقرب بقاله جمبهم وجاب كرتون مويه وتصدق فيه لها عشان ربي يرجعها لهم وهو بالطريق قرر يروح المستشفى يتطمن عليها

بعد ماوصل نزل ودخل وراح عند الدكتور طلب منه ان يدخل عندها وافق قال له الدكتور

الدكتور : يمكن لاحست بأحد تصحى ادخل عندها بس من غير ازعاج

سلطان بضيقه : تمام

لبسوه البس اللي لازم يدخل فيه العنياة دخل وراح عندها كانت الغرفه بارده وهي الاحهزه كلها عليها والاكسجين وكل شي

راح عند راسها وصار يتكلم

سلطان بحزن : قومي والله ما اقصد القصر من غيرك ماله طعم اشتقنا لك

ماكانت العنود تستجيب ولا شي كانت تسمع بس مو قادره تتحرك وقلبها لازم فتره يكون تحت الاجهزه عشان اللي صار معاها

سلطان بقهر : لاتخليني زي ماحبيبتي راحت وخلتني

هنا وقتها سلطان ماتحمل ونزلت دمعته وقرر يقرا لها شوي من القران بعد ماخلص خرج لان ممنوع يطول كثير

وصاهم عليها وان لو في شي او اي خبر يخبرونه

الدكتور : لاتحزن ان شاء الله بتقوم بس يبي لها فتره عشان قلبها كان متوقف بالقوة قدرنا نخليها ينتعش

سلطان : ان شاء الله اقدر بين فتره وفتره اجي لها اقرا قران

الدكتور : ايه الله يكون بعونك

سلطان : امين يارب

خرج سلطان وجلس شوي بسياره مو قادر يتحرك يحس لو تحرك الحين ممكن يصير له حادث بعد ساعتين لما هدي تحرك وتجه للقصر ودخل وخلا السواق يوقف له سيارته وهو راح للغرفه رما نفسه على السرير ومن التعب نام نومه عميقه من غير ما يحس على نفسه

في فيلة ابو ريماس

بعد مارجعو من المستشفى قررت ريماس تلبس احلا فستان عندها وترتب شعرها وتحط مكياج وقالت لامها انا رايحه عند خالتي ابشرها بحملي كلمت السواق وراحت المكان الي هم فيه ونزلت من السيارة وقالت لسواق انتظرني هنا لاتروح

دخلت بكل قوتها نزلت العباية وراحت عند خالتها ام لؤي

ام لؤي باستغراب : ذي وش جابها هنا

ريماس بفرح : خاله عندي خبر حلو باقوله لك

ام لؤي : وش الخبر

ريماس بابتسامه : انا حامل شوفي

ام لؤي : مبروك وانا عندي خبر لك

ريماس : وش هو

ام لؤي : لؤي تزوج

ريماس بصدمه : وش تقولين

ام لؤي : ايه تزوج

طلعت ريماس من عندها وراحت له وهي معاها الاوراق تبشره انها حامل

دخلت عندهم وهي مصدومه من لؤي قوة قلبها وقالت

ريماس : لؤي

لؤي لف عليها وهو مصدوم

لؤي : متى جيتي

ريماس : جيت اقولك انا حامل شوف

اعطته الاوراق وانصدم

لؤي : منجدك

ريماس : ايه وابغاك تطلقني

لؤي : طلاق ماني مطلق

ريماس : الا بتطلقني

لؤي بتهديد : بطلق بس انا باخذ منك

في قصر ابو سلطان

صحي سلطان وكان باين عليه التعب كان نايم نومه عميقه مايدري الوقت كم الحين مسك الجوال شاف الساعه لقها ١الظهر استغرب بالعاده يصحى ٩الصباح عشان دوامه

قرر ياخذ شور يخليه يصحصح جهز ملابسه ودخل الحمام (الله يكرمكم) وبعد ما خلص لبس ملابسه وقرر ياخذ بريك شوي من الشغل نزل تحت ياكل له شي

سلطان : مساء الخير

ام سلطان بابتسامه : صباح النور

سلطان : ابي اكل

ام سلطان : تمام بس ليه وجهك تعبان

سلطان : مافيني شي يمكن مو نايم عدل

ام سلطان : غريبه وين العنود ليه كم يوم ما اسمع لها حس

سلطان بتوتر : الصراحه العنود بالمستشفى دخلت العنايه

لف وجهه سلطان عن امه لان حس نفسه تضايق بعد ما قال لها الخبر

ام سلطان بصدمه : ايش تقول وليه دخلت العنايه

سلطان : سالفه طويله بعدين اقولها لك الحين تعبان

ام سلطان : تمام الحين يجي لك الاكل

حطت ام سلطان لولدها الاكل وصبت له عصير ليمون وقال للخادمه تودي له الاكل

الخادمه : تفضل استاذ سلطان

سلطان : شكرا

اخذ سلطان الاكل منها وبدا ياكل وبعد ما خلص قام وطلع الحديقه جا له اتصال ورد

سلطان : السلام عليكم

السكرتير : وعليكم السلام مارح تيجي الشغل

سلطان بتعب : لا تعبان باخذ فتره بريك من الشغل

السكرتير : تمام

سلطان شاعر وماسك الشركه حقت ابوه وبسبب اللي صار معاه والتعب اللي جاه اخذ بريك من كل شي ووده يروح لها يعتذر عن كل شي وتسامحه وماعاد يسوي لها شي

سلطان بندم : وربي احس بندم ما اتوقع لو اعتذرت لها تسامحني صح كنت قاسي معاها بس مدري ليه احس القصر بدونها مو حلو لايكون قلبي انعجب فيها

سلطان هنا مايدري وش يسوي يحس قلبه انعجب فيها وبنفس اللحظه عقله يقوله ابوها قتل حبيبتك مايدري يسمع لمين احتار وقام رجع الغرفه

في فيلة ابو الياس

صحي الياس كالعاده ولبس ملابس الدوام وتعطر من عطره وخرج من الغرفه

نزل تحت راح باس راس امه وجلس يفطر معاها

الياس بابتسامه : صباح الخير يمه

ام الياس : صباح النور

الياس : لقينا هتاف يمه

ام الياس بفرح : جد ي ولدي

الياس : ايه يمه بس دخلت المستشفى المسكينه

ام الياس بحزن : يوه ليه وش صار معاها

الياس : الي خطفها ماهتم لها لما جاتها حراره الدكتور يقول فيها حراره جالسه تروح وترجع لان ماحد اهتم لها

ام الياس : باروح الزورها

الياس : تمام الحين نفطر وانا بمر الشركه اشوف الاوضاع والعصر اخذك لها

ام الياس : تمام الله يقويك يارب

الياس : تبين شي يمه انا بمشي

ام الياس : ايه نسيت الدواء بالغرفه حق الضغط جيبه لي

الياس : حاضر

راح الياس غرفة امه دخل وهو يجيب الدواء من الدولاب طاحت ورقه بالبدايه ما اهتم جا بيفتح الورقه بس قال بعدين لانه مستعجل اخذ الدواء ونزل عند امه اعطها الدواء وخرج وراح للشركه

اخذت ام الياس الدواء وخلت الخادمه تشيل كل شي وترتب الطاوله وراحت غرفتها

رجعت الدواء مكانه وحست ان الورقه متغير مكانها خافت يكون الياس شاف الورقه وعرف سر ماحد يعرفه غير هي وابو الياس قبل لايموت

ام الياس : يارب مايكون شاف الورقه والكلام المكتوب او انتبه لصوره يوه يارب مايسألني بس يرجع عن اي شي مالي خلق افتح معاه الموضوع

طبعا ام الياس نسيت الموضوع اللي كان بينها وبين ابو الياس من بعد ماتوفى ابو الياس لان تعبو وهم يدورون عليها وماكانو يلاقونها

في شقة ابو هتاف

خرج ابو هتاف من المستشفى ورجع البيت وكان في ممرض وفره لهم الياس يجي لهم لين موعد نوم ابو هتاف

ام هتاف راحت وجلست عند ابو هتاف وتسولف معاه

ام هتاف : وش راح نسوي مع وضعنا وظروفنا

ابو هتاف : مش هتاف بتشتغل

↚

ام هتاف : اه بتشتغل بس راح تتزوج مين راح يساعدنا بالإيجار والاشياء اللي نحتاجها

ابو هتاف بحزن : مابعرف انتِ شايفه وضعي

ام هتاف : الله يعين

ابو هتاف : وين هتاف

ام هتاف : الصراحه هتاف بالمستشفى تعبانه من الحراره

ابو هتاف بصدمه : ليه ماقلتولي

ام هتاف : خفنا عليك

قامت ام هتاف ودخلت المطبخ وسوت لهم اكل على قدهم وخطرت ببالها فكره وقررت بس تخلص الطبخ تقولها لابو هتاف بعد مده خلصت وحطت لهم اكل وراحت الغرفه

ام هتاف : الاكل صار جاهز

ابو هتاف : تعالي عندي ناكل

راحت عنده وبدو ياكلون قالت ام هتاف

ام هتاف : ايش رايك افتح مشروع على الانستا

ابو هتاف : مشروع وش

ام هتاف : ابيع اكل وحلا

ابو هتاف بتفكير : تمام موافق الله يكتب لنا الرزق يارب

ام هتاف : امين يارب

بعد ماخلصو شالت ام هتاف الاشياء وبدت تغسل المواعين وترتب البيت وبعد ماخلصت فتحت حساب وقررت من بكرا تبلش تسوي اشياء وتصور وتنزل عشان يبدو الناس يشوفون الحساب ويطلبون منها

ام هتاف : الله يكتب لنا الرزق والله اللي صار مع ابو هتاف كسرنا كلنا

قامت وراحت تشوف ابو هتاف اذا يبي الحمام(الله يكرمكم) وخلت الممرض يساعدها وتحس ودها تغيره تخليها ممرضه عشان تاخذ راحتها بالبيت احسن من انه يكون ممرض ورجال

في فيلة ابو تالين

كانت ريماس عند لؤي وهي تخبره انها حامل وهو جالس يهدده عشان طلبت الطلاق بولدها

لؤي : تبين اطلق

ريماس بقوة : اي وماتهمني

لؤي : بس انا باخذ منك الولد اذا تبين اطلقك

ريماس من قهرها من كلامه عطته كف قدام زوجته الجديده وقالت

ريماس : تخسي تاخذ مني الولد

تالين تطالع فيهم مصدومه من اللي صار حست ان ريماس بتخرب فرحتها قامت وراحت عند لؤي عشان تقهر ريماس مسكت يد لؤي وقالت

تالين بصوت ناعم : حبيبي لاتضايق نفسك خل تولي اليوم فرحتنا

لؤي تخرفن وشد على يدها عشان يقهر ريماس قال

لؤي بحب : عيون حبيبك يلا عشان نروح الفندق

من سمعت كلامه لها حست بقهر وضيقه ونزلت دموعها خسرت حبيب عمرها والحين بتخسر ولدها ماتدري وش بتسوي وهي طالعه طاحت على الارض تبكي بحرقه من اللي جالس يصير معاه قوت نفسها وركبت السياره وقالت لسواق يرجعها

لؤي : تلوني يلا عشان نمشي

تالين بدلع : يلا بس خليني اودع اهلي

لؤي : تمام

جو اهلهم كلهم يسلمون عليهم ويودعونهم وام لؤي قالت

ام لؤي : لؤي تعال ابيك بشي

لؤي : هلا يمه

ام لؤي : صار شي مع ريماس

لؤي : بعدين يمه اقولك كل شي الحين باروح الفندق نرتاح وبكرا اجي لك نتفاهم

ام لؤي : تمام الله يسعدكم يارب

مسك لؤي يد تالين وخرجو لين السياره فتح لها الباب ودخلت وهو راح وتجهو للفندق وهم مستانسين بس تالين قالت بينها وبين نفسها

تالين : واضح مارح تخلينا نتهنا وبتخرب علينا لازم ما اسمح لها ترجعه لها ذا صار لي

تالين : حبيبي

لؤي : قلبي

تالين : نشغل اغاني فيها بلوتوث السياره

لؤي : اي

فتح لها البلوتوث وبدو يشغلون اغاني ويصورو وهم مستانسين ولا كان هامه شعور ريماس بعد ماشافته مع وحده غيرها

في المستشفى عند هتاف

صحيت هتاف والدكتور شافها وتطمن ان الحراره راحت منها خلاص قال للمرضه خلاص مايحتاج مغذي كمان بس لازم يجيبون لها اكل

جو الياس وامه عندها دخلو الغرفه راحت لها ام الياس تطمن عليها

ام الياس : الحمدلله على سلامتك

هتاف انصدمت ان ام الياس جات لها للمستشفى

هتاف بصدمه : الله يسلمك ي خاله

ام الياس : تحسين نفسك احسن

هتاف : اي الحمدلله انت كيفك ي خاله

ام الياس : بخير ي قلبي

الياس بحب : الحمدلله على سلامتك ماتشوفين شر

هتاف استحت من نظرات الياس لها قالت

هتاف : الله يسلمك

جات الممرضه ودخلت عندهم وجابت لهم الاكل وهتاف شافت الاكل ماعجبها

ام الياس : شفيك ي بنتي

هتاف : ماعجبني الاكل لي يومين ما اكل زين بسبب اكلهم

ام الياس : الياس شوف وش تبي وجيب لها لخطبتك

هتاف استانست من الكلمه توقعت بعد اللي صار يتغير عليها ويقول لها ما ابيك

الياس : وش تبين اجيب لك

هتاف : اي شي عادي

الياس : تمام

خرج الياس وراح يجيب لها شي يقويها وجاب لها بوكيه ورد وكتب لها عباره

اطلتُ النظر إليك فأدركتُ أن النعيم نظرةً

رجع عندهم ولحظتها جات ام هتاف تطمن عليها شافتهم وسلمت عليهم وجلست تشوف اذا اليوم بتخرج بنتها او لا

ام هتاف : ليه كلفت على نفسك

الياس : لا كلافه ولا شي تستاهل هتاف

اكلت هتاف وكتبو لها خروج اليوم وكانت ام هتاف مستانسه عشانهم كلهم صارو حولها وتدعي ربها ان مايبعدون عنها ثاني

في المستشفى عند العنود

سلطان كل يوم يوزر العنود ويتطمن عليها ويدعي لها ويتصدق لها مر على وجودها بالعنايه تقريبا اسبوع ويومين

قرر اليوم يروح لها يتطمن ويشوف اذا صحيت

وصل المستشفى ودخل وطلع العنايه استغرب ماهي موجوده كالعاده راح عند الممرضه

سلطان بصدمه : فينها ماهي موجوده صار لها شي

الممرضه : لا صحيت الحمدلله والدكتور شافها ونقلناها غرفه ثانيه

سلطان بفرح : جد

الممرضه : اي وهي تحت اسألهم ويقلون لك

راح وهو مستانس من الخبر و كان في محل ورد بالمستشفى راح له وجاب بوكيه ورد وراح لها بعد ماعرف غرفتها فين

سلطان : السلام عليكم

العنود : وعليكم السلام

سلطان بفرح : تفضلي هذا لك والحمدلله على سلامتك

العنود بدون نفس : شكرا الله يسلمك

سلطان : كيف تحسين نفسك تعبانه

العنود : الحمدلله على كل حال

كانت العنود مو طايقه تشوف سلطان بعد كل شي صار معاها ووصله تدخل المستشفى

سلطان بضيقه : فيك شي واضح مالك خلقي

العنود : زين عرفت ان مالي خلق لك وش تبي بعد كل اللي سويته لي

سلطان : انا اسف حقك علي

العنود بحزن : اسف حقك وترجع تضربني وتحبسني كل ذا عشان مالي اهل يدافعون عني

لحظتها وهي تقول الكلام بكيت وحست بغصه بقلبها تكلم سلطان وقال

سلطان : انا جاي اعتذر لك واصلح كل شي

العنود ببكاء : ممكن تخليني لحالي ولا عاد اشوفك اطلع برا

سلطان جا بيتكلم صرخت العنود وجو لها الممرضات والدكتور تكلم وقال

الدكتور : ممكن تطلع برا

خرج سلطان وهو مقهور من اللي صار يلوم نفسه على كل شي صار والدكتور قال لهم اعطوها ابره تهديها ونامت

راح سلطان عند الدكتور وقال

سلطان : شفيها ي دكتور

الدكتور : البنت قلبها تعبان ونفسيتها حيل متدمره اذا رجعت تعبت وصار شي للقلب ممكن نخسرها اتمنى اللي يزورها مايسبب لها شي ويخليها ترتاح

سلطان بحزن : تمام اللي تشوفه

الدكتور : ياريت لاخرجت من المستشفى تسون شي يفرحها وماتخلونها تتعرض لشي

سلطان : ان شاء الله متى موعد خروجها

الدكتور : خليها الحين عندنا والوقت اللي ينفع تخرج فيه بنبلغك الحين نامت اعطناها ابره عشان اللي صار معاها

سلطان : مشكور تعبناك معانا

الدكتور : ولو واجبي

راح الدكتور لمكتبه يشوف المرضه الباقين وسلطان خرج لسيارته يفكر مايدري ايش يسوي حس حاله حيل مقهور وتضايق من كلامها وده يحسن علاقته معاها بس مايدري كيف رجع للقصر وقال بكرا اشوف حل للي جالس يصير

في فيلة ابو ريماس

رجعت ريماس وطلعت جري لغرفته تبكي ومقهوره من اللي صار معاها ولا اهتم لغيرتها ولا لزعلها مالقت نفسها الا وهي تتصل على الهنوف ردت عليها الهنوف وسمعتها تبكي وتشهق وهي تبكي

الهنوف بصدمه : ريماس اشبك ليه تبكي

ريماس ماكانت ترد عليها الهنوف ماعرفت وش تسوط قامت قالت

الهنوف : قفلي انا جايتك

بعد نص ساعه جات الهنوف ودقت الباب فتحت لها الخادمه وطلعت فوق لغرفة ريماس انصدمت من منظر ريماس

الهنوف بصدمه : بسم الله شفيك ليه كذا شكلك

ريماس بحرقه : مايحبني شفته وهو معاها وماسك يدها يحبها مايحبني

الهنوف بحزن : اهدي ماينفع كذا انتِ حامل

ريماس : رايح ابشرهم اني حامل يقولون لي تزوج وطلبت الطلاق منه بياخذ مني الولد اذا بيطلقني

الهنوف حزنت مرا على صديقتها ضمتها تحاول تهديها

الهنوف : سألتك بالله اذا تحبيني وقفي بكاء

ريماس بصراخ : ليه تزوجني ليه ما ابيه ما ابيه ما احبه

جات لهم ام ريماس وانصدمت من حالت بنتها

ام ريماس بصدمه : بسم الله شفيها ريماس

الهنوف : تقول راحت تبشرهم انها حامل قالو لها تزوج

ام ريماس : حسبي الله ونعم الوكيل فيهم والله يقهرهم زي ماقهرو بنتي

فجأة من كثر القهر ريماس تغفى بحضن الهنوف

الهنوف : ياعمري عليها نامت من القهر

حطوها على السرير وغطوها

ام ريماس بحزن : خايفه على بنتي ي الهنوف

الهنوف : ان شاء الله مارح يصير لها شي

ام ريماس : ان شاء الله

جات بتقوم الهنوف وترجع بيتها وتخلي ريماس ترتاح فجأة ريماس تقول

ريماس : لا تروحي وتخليني

الهنوف : خاله عادي انام عندكم عشان ريماس

ام ريماس : اي ي بنتي البيت بيتك

ضلت الهنوف جنب ريماس ورسلت لامها انها بتبقى عندها لان ريماس تعبانه وتحتاجها

الهنوف : حسبي الله ونعم الوكيل فيه جعله مايتهنى قهرها الله يقهره وهي فرحانه انها قدرت تحمل

قامت الهنوف جابت بجامه لريماس وساعدتها تبدل ملابسها ومسحت لها المكياج عشان ترتاح وهي نايمه وضلت جنبها عشان ماتحس انها وحيده

في شقة ابو راكان

صحي راكان ودخل الحمام(الله يكرمكم) لبس ملابسه ورش من عطره وخرج نزل تحت

↚

وقتها كانت اختبارات ريم وريف النهائي جلس افطر وانتظرهم يخلصون جلس يسولف مع امه

راكان : كيفك يمه اليوم

ام راكان : بخير الحمدلله

راكان : يمه ابيك بموضوع اليوم

ام راكان : وش قول

راكان : ماينفع الحين لان الموضوع طويل خل اوصلهم عشان الاختبار والعصر او المغرب اجي اقولك

ام راكان : تمام

جو خواته لبسو العبايه وخرجو مستعجلين عشان ما يتأخرون على الاختبار وهو راح لشغله

وهو يوصل الناس جلس يفكر كيف بيسوي اللي براسه عشان يكسر غرور اسيل

راكان : غصب عنها بتوافق ولا بعلم اهلها عن اللي يصير معاي

دق عليه صاحبه ورد عليه

عبد العزيز : السلام عليكم

راكان : وعليكم السلام

عبد العزيز : انت فين

راكان : بشغلي

عبد العزيز : خلص وخل نتقابل طفشان

راكان : تمام

عبد العزيز : وش رايك نروح الملاهي نلعب ونفلها

الحرمه اللي مع راكان بالسياره ماعجبها ان راكان يسولف بالجوال عصبت

الحرمه بعصبيه : اف وبعدين سكر الجوال

راكان : عبد العزيز قفل بعدين اكلمك بشوف ذي ليه معصبه

قفلو من بعض وقال راكان

راكان : تكلمي من غير عصبيه شفيك بتموتين

الحرمه : المفروض ماتتكلم ومعاك ناس بالسياره ترا اشتكي عليك لشركه

راكان بقهر : تنافخ وتبغى تشتكي

الحرمه : اقول اسكت ووصلني المكان اللي ابيه

وصلها راكان وهو متنرفز منها يحس خلاص ماصار يتحمل الوظيفه ذي كل مرا يطلع اشكال معفنه وينافخون عليه

قرر يوقف شغله ويروح لعبد العزيز يغير جو معاه

في شقة ابو هتاف

رجعت هتاف للبيت وكانت مستانسه لان ابوها رجع البيت راحت جري للغرفه عنده وضمته لان مشتاق له

هتاف بفرح : اشتقتلك بابا

ابو هتاف بابتسمه : اكثر ي قلبي

هتاف : نور البيت

ابو هتاف : بنورك

ام هتاف بفرح : الله لايخلينا من بعض

كلهم مع بعض : امين يارب

هتاف : راح اروح اتروش واجي اقعد معك ي بابا

ابو هتاف : تمام نعيما مقدما

هتاف : الله ينعم عليك

راحت هتاف غرفتها وهي مستانسه ومبسوطه على الورد اللي جاها من الياس طلعت الملابس اللي تبيها ودخلت الحمام (الله يكرمكم) تروشت وخلصت وراحت تلبس بعد ماخلصت جففت شعرها ومشطته وراحت عند ابوها

ام هتاف : انا راح اسوي الاكل

هتاف : اي بابا كيفك اليوم

ابو هتاف : ردت روحي لما شفتك

هتاف بابتسامه : يارب دايما

جلست تسولف مع ابوها وتضحك ومبسوطين تحس اليوم ملكت الدنيا عشان ابوها خرج من المستشفى وحركت الياس وامه

ام هتاف نادت على هتاف عشان تكلمها بخصوص الممرض

ام هتاف : هتاف تعالي شوي

هتاف : طيب

راحت هتاف عند امها وقالت

هتاف : هلا ماما

ام هتاف : بدي نغير الممرض عشان احنا بنات وناخذ راحتنا بالبيت

هتاف : لازم نسأل اذا في ممرضه بتقبل تيجي بخصوص بابا

ام هتاف : اه انتِ شوفي وقوليلي

هتاف : حاضر

راحت هتاف تسأل كم مستشفى وكانو الاغلب يرفضون لان ماحد من الممرضات كانت توافق قالت بعدين بتشوف الموضوع

هتاف : ماما ماحدا رضي

ام هتاف : اف والحل

هتاف : ماعليه راح نلاقي حل بإذن الله

ام هتاف : ان شاء الله

راحت هتاف الغرفه وحطت الورد بالمويه واحتفظت بالرساله وهي حيل مستانسه وتدعي ربها ان ماعاد تصير لها مشاكل

عند عبد العزيز وراكان

بعد مارجع راكان اخواته من المدرسه خرج وراح لعبد العزيز

وصلو راكان وعبد العزيز على البوليفارد ودخلو اتصل راكان على عبد العزيز عشان يشوف وين مكانه رد عليه بعد مده

راكان : انت فين

عبد العزيز : عند شباك التذاكر حق الالعاب رحت الحق لان شوي زحمه

راكان : تمام انا جاي لك

عبد العزيز : تمام

وصل راكان عند عبد العزيز وساعه يتفاهمون من اللي يدفع

راكان : انا بدفع

عبد العزيز : لا انا

راكان : قلت انا

الرجال اللي وراهم قال لهم لان حسهم طولو

الرجال : لي احد يدفع طولتو نبي نخلص نلعب عيالنا

راح عبد العزيز وسبق راكان ودفع

راكان انقهر من الرجال وقال

راكان : كذا خليته يدفع اف

راح راكان مع عبد العزيز وبدو يلعبون وهم متحمسين ويضحكون من قلب

خطرت ببال راكان فكره وقال

راكان : عبد العزيز بتحداك تحدي

عبد العزيز : وش التحدي

راكان : تركب ذي اللعبه ولك اللي تبيه

عبد العزيز : مجنون انت تبيني اموت

راكان : ليه خايف

عبد العزيز : مو خايف بس خطيره اللعبه

راكان بضحك : هههه خواف

راح عبد العزيز وركب اللعبه وسو تحدي راكان وبعد ماخلص نزل

عبد العزيز : مرعبه وربي

راكان : شكلك يضحك

عبد العزيز : اقول يلا بس خل ناكل

راحو ياكلون وراكان شرط ان هو اللي يدفع دامه عبد العزيز دفع عند التذاكر اكلو وخلصو ورجعو يلعبون حقت التحديات يحاولون يفوزون بأي شي

راكان بفرح : يس فزت

عبد العزيز : تعال نجرب ذي

راكان : يلا

جرب عبد العزيز وحاول وفاز خلصو واستانسو وكل واحد رجع بيته وهم مستانسين وكان يومهم يجنن