رواية اقدار شاهين وساره الفصل السادس 6 بقلم ضاقت انفاسي
رواية اقدار شاهين وساره pdf الفصل السادس 6 هى رواية من اجمل الروايات الرومانسية السعودية رواية اقدار شاهين وساره pdf الفصل السادس 6 صدر لاول مرة على موقع التواصل الاجتماعى فيسبوك رواية رواية اقدار شاهين وساره الفصل السادس 6 حقق تفاعل كبير على الفيسبوك لذلك سنعرض لكم رواية اقدار شاهين وساره الفصل السادس 6
رواية اقدار شاهين وساره الفصل السادس 6 بقلم ضاقت انفاسي
سكتت الحرمه لما شافت رجال دخل الغرفه : اشوفكم على خير !
مع السلامه !
عقد حواجبه باستغراب وسأل بعد ما طلعت : مين هذي !
ام محمد بقهر : خطابه جايه تخطب هذي المحترمه !
.اشرت على ساره للي صار وجهها طماطم من الخجل !
ابتسم عزام على شكل ساره و براءتها وبعدها حول ملامحه للجديه : كنسلي الموضوع !
البنت بعدها صغيره !
ام محمد : والله ما ادري عن الموضوع ما شفت ساره الا جايبه الحرمه علي وداخله !
واخذت رقم خلف علشان يحددون موعد !
وتقول ابنها يشتغل استاذ رياضيات ومسجل بنادي السله !
هذي هي عندك من وين استدلت الحرمه عليها !،
عزام ناظر ساره وبهدوء : من وين تعرفتي عليها ؟!
هزت ساره رأسها بالنفي : ما أعرفها
ام محمد قاطعتها وهي تبث سمومها : تبغين تقنعيني من الباب للطاق جاءت تخطبك كذا !
والا في شيء داسيته عننا،؟!
وش عرفه ولدها فيك؟!
تقول الحرمه ابنها طاير يبغى يخطبك !
ناظرتها ساره بصدمه من وين تجيب هالكلام ؟!
الحرمه ما قالت هالكلام ؟!
بلعت ريقها وهي تناظر الارض ما عندها القوه تناظر عزام !
ما صدقت عزام نسي السالفه الاولى والحين وش يخلصها ؟!!!
تكلم بهدوء :ما فيها شيء يمكن شافها وهي تمشي بالممر !
رفعت ساره رأسها بدهشه وناظرت عزام ما توقعت رده يكون كذا !!
_ كثير شباب يخطبون بنات بذي الطريقه يشوفونها بمكان عام وتعجبهم ويخطبونها
ما عجبها كلام عزام ما كان هذا إلي تبغاه ردت بمقاطعه : تبغى تقنعي إنه شافها وعجبته !
بعدها أمالت شفتها بسخريه : ما ادري وش لي عجبه فيها ؟!
ساره بشبح ابتسامه محبطه لازم التحطيم !!
لذي الدرجه بشعه ؟!!!
تنهدت بيأس حتى لو كانت شينه مالها حق تتزوج وتفرح مثل باقي البنات ؟!
رفعت نظرها لعزام بروح ميته وهو يتكلم : مو قلتي انه مسجل بنادي كره السله ؟!
اكيد انه طويل ويبغى وحده طويله
قاطعته ام محمد بتنكيس لساره : وش فائده الطول وهي قد البقره !
للي يبغون طويله يكون شرطهم تكون نحيفه !
ورمقت ساره بقرف : مو مثل هذي ؟!!!
اصابها الاحباط بعد كلام خالتها وابتسمت وكتمت ضيقها وهي تناظر عزام يبتسم لها ويؤشر لها تطنش كلام جدته !
اخذت نفس عميق ليه تكدر نفسها لأمور المستقبل ؟!
نصيبها رح تأخذه غصب عن الراضي والزعلان !!
قبل ما يطلعون عزام بحرص : عدلي الشاله فيه كم شعره من غرتك نازله !
ام محمد وهي تجلس على الكرسي : ليه هامها يطلع شعرها ؟!
دوم اقولها انتبهي لشعرك تقول عادي
تبغى تعمل شعرها ...
عدلت ساره الشاله وهي تدخل غرتها
وهي تسمع الكذبات للي تنشر فيها خالتها !
ما رح تتركها اليوم الا لما تحصل تهزيئه محترمه من عزام !
عزام للي بان الضجر من كلام جدته : بعدين نتكلم بذي السوالف !
تنهدت براحه بعد رده وطلعوا من الغرفه
***
***
***
جالسه تفطر وفكرها مشغول هذا اليوم الثاني وما احد اتصل او جاء يخطبها !
معقول خلف رفض ؟!
رفعت عيونها على دخوله وهو يلقي التحيه : أخبارك خلف ؟!
ابتسمت ساره له : هلا سلمان !
جالسه على الكنبه وبيدها المسبحه : حرام عليك تشبه ولدي خلف فيها ؟!
ناظرتها ساره وبنفسها انا للي ابغى انتحر لما يشبهوني بخلف !
سلمان وهو يجلس جنب جدته ويناظر ساره بابتسامه : يكفيك اكل انا متأكد لو نفتح بطنك الا نلقى 4 معدات
واتبع كلامه بضحكه رنانه !
ام محمد : هذي ما تقبل من احد نصيحه الكل يقول لها خففي اكل
علشان تلاقين احد يناظر وجهك !
لمتى رح تبقين علة على قلبي ؟؟!
نزلت رأسها ساره وهي تتابع اكل
وتبتسم وتتكلم بداخلها بسخريه عامله نفسها تبغى مصلحتي !
من لما اخذتني وهي تحشي بمعدتي حتى صارت معدتي كبيره وما يشبعها لا وجبه ولا وجبتين !
وتغير حالي من بنت نحيفه لبقره بكل جداره !
_ وين سرحتي اكلمك انا ؟!
ناظرت سلمان وابتسمت بفهاوه
ام محمد بكره : يمكن سرحانه بعريس الغفله !
ناظرتها ساره باهتمام لما سمعت طاري العريس لعلها تسمع أي شيء عنه!
سلمان ابتسم لساره : سمعت انه يلعب بكرة السله علشان كذا خطبك !
ناقصهم لاعب بالفريق !
وضحك بصوت عالي
ام محمد وهي تمسك جوالها : متأكده انه هالعريس اعم
وقطعت كلامها وهي تحط الجوال على أذنها
ناظر سلمان جدته وهي تكلم بالجوال
وبعدها التفت على الباب وهو يشوف مناف يدخل البيت لا احم ولا دستور
ناظر ساره للي لابسه جلابيه واسعه والشال على رأسها
دوم لابسه كذا !!
يستغرب لما يشوف اخته نسرين عكس ساره مع انهم بنفس العمر
نسرين تحسها مهتمه بنفسها وعلى الموضه
عكس ساره للي يشوفها يظنها من العصر الحجري وخاصه بذي الملابس !
ما يلومها عاشت طول وقتها بالقريه وحسب كلام جدته تقلد ابنة الجيران بكل شيء !
وهذي النتيجه !
ابتسم لعمه مناف وقام وجلس جنب ساره للي بعدها تأكل : حشى كل هذا فطور !
ناظرته بطرف عينها وابتسمت
واختفت ابتسامتها وهي تشوف نظرات خالتها المتوعده وهي تتكلم بالجوال
ومناف يناظرها ويبتسم : وش تبغى فيها خلها تفطر براحتها !!
سلمان وهو يمط خدود ساره : شوف يا عمي كل خد مثل كيس المغذي !
ابعدت ساره يده عن خدها وهي تضحك بهدوء !
ام محمد قفلت الجوال وبصراخ : جعلك بالسم للي يهري معدتك
لك سنه تفطرين !
مناف باستغراب : علامكم على البنت خلها تفطر !
ام محمد : شوف كيف صايره قد البقره !
وبأمر ناظرت ساره : قومي شيلي الفطور !
وقفت ساره وهي تشيل الفطور : ان شاء الله !
سلمان وهو يشيل معها ودخل معها المطبخ وهو يبتسم بخبث : اسمعي انا وماجد قررنا نساعدك !
رفعت حاجب بعدم فهم : كيف ؟!
سلمان : شوفي انا وماجد اشترينا لك كريم تحطينه على وجهك تصيرين مثل القمر من اول مره !
ابتسمت ساره بسعاده واخيرا رح تصير مثل القمر وبلهفه : وينه الكريم !
سلمان ابتسم وهو يحك رأسه : ماجد الحين ييجي ويعطيك !
وبابتسامه عريضة وهو يسمع صوت ماجد بالصاله : هذا ماجد وصل
وسكت وهو يشوفها طلعت من المطبخ تركض !
هز كتوفه بتعجب: صدق ناقصات !
ركضت بحماس وهي تشوف ماجد داخل وقفت قدامه بابتسامه : هلا ماجد !
ام محمد بغضب : ترى الارضيه ابغاها ما معي فلوس ارممها
تراكضين عليها وكآنك بحلبه ثيران !
ابتسمت ساره على ضحكة الثلاثي «مناف وسلمان وماجد »
مناف كتم ضحكته وناظر خالته : ما معك فلوس يا خالتي ؟!
وغمز لها : كثري منها يا خالتي !
سلمان : انت يا جده دوم تنكرين انه معك فلوس علشان خالي خلف ما يسرقهم منك
قاطعه خلف وهو يدخل : صدق انك وقح وابوك ما رباك يا قليل الحيا
تقول عني هالكلام !!
وبحده لمناف : سامع ولد اخوك وش يقول عني !
مناف صد وجهه شوي وبسخريه : كل العالم تقول عنك نصاب وقفت على سلمان !
ولعت عيون خلف بغضب : سامعه يمه ولد اختك وش يقول !
ام محمد تهدي فيه : اجلس يمه
وش عليك من العذال !!
مناف بضحكه عاليه واتبعها باستنكار : عذال ؟!!!
ام محمد تغير الموضوع ما تبغى تكبر السالفه : وش صار على الجماعه للي تقدموا لساره !
تحول وجه ساره للاحمر من الاحراج بعد ما تحولت النظرات لها !
خلف وهو يعدل جلسته ويرمي الشماغ جنبه بإهمال طالع ساره : قومي اعملي لي كوب شاهي اعدل مزاجي من هالوجوه للي تجيب الغم!
تحركت ساره بسرعه للمطبخ وعقلها وقلبها معهم تبغى تسمع سوالفهم
**
**
**
*•
خلف وهو يناظر امه : اتصلوا فيني
ام محمد بلقافه : وش صار ؟!!
خلف بملل : خليني اول اشرب شاهي اعدل مزاجي وبعدها نتكلم !
مناف رفع حاجب : وش سالفه الجماعه؟!
ام محمد : في ناس يبغون يخطبون ساره !
مناف وهو يناظر خالته : بس
خلف ناظره بحده :خلاص تكلمت مع الرجال واتفقت معه !
وباكر الشوفه ويمكن نملك اليوم للي بعده اذا
قاطعه مناف بحده : مو على كيفك تزوجها كذا ؟!
انا مو موافق على هذي المسخره !
خلف ناظره بتصغير : ومين حضرتك علشان تعترض !
مناف بحده : ولد عمها !
ومستحيل يتم الزواج كذا !
ليه هي بضاعه بيوم وليله تزوجها ؟!
طول عمره الزواج تشاور واستخاره وتمهل !
مو بذي السرعه !
مو اتصلوا معك قلت لهم تعالوا ؟!
سألت عن الرجال ولد مين ؟!
وش اخلاقه ؟!
سألت البنت عن رأيها ؟!
شاورت ابوي
قاطعه خلف وهو يوقف وبغضب من تدخلهم: ابوك وش دخله ؟!
انا اخوها وأزوجها للي ابغى !
ما احد له عندي شيء !
مناف بتحدي : من هالشارب اذا تم الزواج !
ماجد : انا سمعت جدي ابو راكان يقول لجدتي انه رافض هالعريس !
خلف ولعت معه : وش دخله ؟!
وليه يرفضه ؟!
ماجد هز اكتافه انه ما له دخل : يقول يعرف اخوه مدمن وصايع !
خلف بغضب أكبر : هذا انت قلتها اخوه !
الرجال وش دخله ؟!
مناف وقف قبل ما يغادر : قول كم دفع لك مهر علشان تبيع اختك ؟!
يا حسافه الواحد يبيع ضميره علشان فلوس وسخ الدنيا !!
خلف بكره : انت اخر واحد يتكلم !
واختي وانا حر ازوجها اذبحها اموتها ما احد له عندي شيء!
ناظره مناف بقرف وتكبر وقبل ما يطلع ناظر ساره : نصيحه لك لو مشيت معه رح يضيعك ويضيع مستقبلك !
خلف بصراخ : عساك تضيع وما يلاقونك !
ما رد عليه مناف وطلع بهدوء من البيت مثل ما دخل !
جلس خلف والدخان يتصاعد من انفه مثل الثور الهائج !
ام محمد ناظرت ساره واقفه وبيدها الصينيه : حسبي الله عليك كله بسببك !
وقف خلف وطلع من البيت وهو مطنش نداء امه عليه !
جلست ساره وحطت الصينيه وناظرت سلمان وماجد وابتسمت بتوتر !
طلعت ام محمد خلف ولدها ما تبغى يتشابك مع عمه ابو راكان
سلمان وهو مطنش السالفه للي صارت : تبغين الكريم ؟!
ساره بحماس : ايه
ماجد ناظر سلمان وغمز له : خذي ،
ومد لها العلبه
انتبهي حطيها صبح ومساء على وجهك !
ساره ناظرت العلبه وابتسمت بامتنان: شكرا !
سلمان بحماس : حطيها على وجهك ابغى اشوف فاعليتها !
ماجد متحمس وهو كاتم ضحكته : سلمان حطه انت لها !
سلمان جازت له الفكره اخذ منها العلبه : الحين اعلمك كيف تحطينه على وجهك !
بدأ يدهن وجهها وبعد ما كمل وقف ومسك يد ماجد : بعد ساعتين غسليه !
ناظرتهم وهزت رأسها بطاعه !
واستغربت خروجهم بسرعه !
هزت كتوفها وعدلت جلستها على الكنبة
وغمضت عيونها بحالميه وهي تتخيل شكلها بعد ما تغسله !
معقول رح تنافس ملكات الجمال !
ياه تختفي الحبوب وتصير بشرتها ناعمه بيضاء
قاطعها صوت عزام الحازم وهو يدخل : ساره !
وقفت وناظرته بخوف تخاف من لهجته هذي : نعم !
اقترب منها وشد أذنها من فوق الشال : لمتى تبقين غبيه وعبيطه ؟!
ناظرت بدهشه من هذا الهجوم ما عملت شيء
تابع شد اذنها وهو مقهور من هالهبل وصورة سلمان وماجد منسدحين على الارض ويضحكون وبعد التحقيق لسبب الضحك انفجع : يا غبيه وش حاطه بوجهك !
وما ترك لها فرصه ترد : هذا رمل ابيض !
لمتى تبقين مضحكه للعالم !
انت ما عندك عقل يميز الكريم الحقيقي !
ردت باحباط : رمل !!!
ترك اذنها وهو يغادر :غسلي وجهك
وابعدي عن سلمان وماجد تفهمين !
زفرت بإحباط بعد ما طلع شتمت نفسها من شدة الغباء للي فيها
كيف ما انتبهت انه رمال ؟!!!
مشكلتها قلبها طيب وتفكر كل الناس تتعامل بحسن نيه !
جلست على الكنبة وبدأت تضحك على نفسها
وهي تتحسس خليط الرمال بوجهها !!
••
••
••
••
في بيت قريب منهم كان الصراخ يعم المكان
صراخ خلف المنفعل من رفض عمه للعريس : مو على كيفكم ؟!،
ابو راكان جالس ببرود : زوجها يا خلف مثل ما تبغى بس انت الخسران !
قبض كف يده بقهر من عمه للي ماسكه من يده للي توجعه !
كيف يتصرف ؟!
لمتى يضطر يسمع كلام عمه والسبب
عض على شفته !
ناظرهم قبل ما يطلع : وقسم بالله الا اخليكم تندمون !
وخاصه انت !
واشر على عمه !
ابو عزام بانفعال :احترم نفسك ما اسمح لك تكلم ابوي كذا !
ام محمد مسكت يد خلف : خلاص يمه عمرها ان شاء الله ما اعرست !
لا تضايق نفسك وتتشاجر مع عمك علشان وحده ما تسو
قاطعها ابو عزام : خالتي وبعدين ؟!
انقهرت ام محمد من تعلق وحب بيت ابو راكان لساره
نفسها تكون منبوذه من العالم كله
بس كيف ؟!
ما تدري !
هزت راسها بتوعد !
بعقلها افكار كثير بس ما تدري متى تنفذ هالخطط ؟!
جميع الموجودين قلبهم مع ساره للي يبغى اخوها يبيعها علشان الفلوس بنظرهم الا وحده جالسه
تهز رجلها بعصبيه من موقف زوجها لما سمع انها ساره رح تتزوج !
نار دبت بقلبها ! مستعده تحلف 100 يمين انه زوجها حاط عينه على ساره !
يوم بعد يوم يزيد كره ساره بقلبها !
متى تتزوج ساره وترتاح من هالعذاب !
ناظرت زوجها كيف ارتاح بعد ما خبرهم ابو راكان انه خلف ما يقدر يزوجها بدون موافقته !
وبدون سابق انذار تكلمت بطريقه حاده : وليه ترفضونه يمكن البنت تبغاه ؟!
الرأي الاول والاخير لساره !
مناف : غلطانه البنت بعدها صغيره وما تعرف مصلحتها !
ناظرت سلفها مناف بعد كلامه وهي تحدث نفسها «ابصم بالعشره اذا ما كان الثاني حاط عينه عليها
رامي زوجته عند اهلها وجاي هنا »
ارتفع ضغطها لما ناظرت زوجها يتكلم: صادق مناف !
وبعدين اخوه مو مضبوط
ام تالا بحده : وش دخل ساره بأخو العريس ؟!
وبنغزه : ترى ساره مناسبه له اخوها
اكبر نصاب بالديره !
واخوها الثاني اكبر
قاطعها ابو تالا بحده : انت وش دخلك بالموضوع !
مطت شفتها بقهر : دخلني اني ما احب اشوف العوج قدامي وما اتدخل !
العريس متعلم وفهمان وعمره 24 مناسب لها
احسن ما تتزوج واحد عمره 40
او 33
واعطت نظره لزوجها ولمناف وصدت بوجهها !
ابو راكان بانتقاد : ليه ذكرتي هالاعمار بالذات ؟!
حمر وجهها : ما اقصد شيء مجرد مثال !
اعطاها ابو تالا نظرات توعد وهو متأكد قصدته بالعمر 40 ومناف 33
ام راكان ساكته من البدايه تتابع الوضع بصمت حبت تغير مجرى الكلام حتى ما تكبر السالفة : ما قلت لكم نوره موافقه !
ابو راكان بهدوء ناظر ابو عزام : ولدك وش رده ؟!
ام عزام بحماس : قلنا لكم موافق !
ابو راكان طنشها وناظر ولده : متأكد انه عزام موافق ؟!
ابو عزام هز راسه بتأكيد : موافق وينتظر ردهم علشان الفحص
ابو راكان بهدوء : على بركة الله !
الله يوفقهم !
دخلت ساره وهي تبتسم وبداخلها ضيق لانه عمها ابو راكان رفض العريس لانه بنظرها اذا طار العريس ما تضمن ييجي واحد ثاني !
ام راكان ابتسمت لها : هلا ساره !
ابو راكان بحنيه : تعالي اجلسي يا ابنتي !
جلست جنبه وعيونه تدور ماجد وسلمان
ابو راكان مسح على رأسها : تراك غاليه عندي مثل ام عمار !
ابتسمت ساره له واستغربت نظرات ام تالا لها وكأنها ماكله حلالها !
مناف بضحكه : مين قدك غاليه عند ابوي !
ام عزام ابتسمت لها : اسيل كانت تسأل عنك !
وقفت ساره بتذكر وهي تشهق : نسيت أمر عندها !
ام راكان : وش عندها اسيلوووو
ساره متحمسه : تبغى تطلع للسوق وتحط البنت عندي
ام عزام ما يعجبها : ترى اسيل تزودها !
تمسك عيالها
ساره بدفاع : عادي انا احب الصغار !
وتوجهت للباب : سلاااام !
وقفت وهي تشوف عزام بوجهها: بسم الله !
انت ما تجلسين بمكان واحد !
دايره من بيت لبيت !
ضحكت ساره على تعليقه وطلعت
دخل وهو يسمع جدته تتكلم : ما يصير كذا يا ام عزام !
بناتك زودوها وكانها ساره مربيه لعيالهن !
حتى الحمام لما تكون ساره هي للي توديهم !
ام عزام : وش اعمل اقول لها ما تردي على احد وكل واحد يهتم بعياله
تقول حرام اساعدهن !
عزام بابتسامه : هذي البنت حب الشغل يسري بدمها !
ابو راكان ناظر عزام : جهز نفسك هاليومين رح نملك !
ابتسم عزام وبداخله طاير من الفرح : ان شاء الله !
**
**
**
**
**
دخلت البيت بعد العصر واستغربت وجود ناس بالبيت ردت السلام وهي تناظر الرجال والحرمه
تقدمت وسلمت على الحرمه وهي تناظر خالتها باستغراب!!!
ابو وليد وهو يناظر ساره : هذي ابنة زوجك !
ام محمد عفست ملامحها : ابشرك يا اخوي !
ساره باندماج تناظرهم : هذا اخوك ؟!
ام محمد بدون نفس : هذا اخوي ابو وليد !
ابتسمت ساره له اول مره تشوفه لما كان يزور خالتها دائما تكون تلعب ا في بيت ام عمار او ام عزام وبترحيب : هلا عمي ! كيفك ؟!
عساك طيب !
استغرب بشاشتها وبجمود رد عليها : الله يسلمك!
والتفتت على ام وليد : كيف حالك يا خاله ؟!
ام وليد ناظرتها بفوقيه تهتم بالمظاهر كثير : الله يسلمك
ام محمد تناظر اخوها : والله فرحت كثير لما سمعت بموافقة نوره !
ابو وليد ابتسم بثقل : ما رح نلقى احسن من عزام !
عسى ربنا يوفقهم
ساره بلقافه ومتحمسه : نوره خالة ماجد !
طالعتهاام وليد بنفس النظره
ام محمد بنهر : اكيد خالته يا غبيه !
ام ماجد بنت اخوي !
ساره ابتسمت وما اهتمت لطريقة خالتها بالكلام معها قدامهم لانها خلاص تعودت : انا ما اعرف ام ماجد ولا مره شفتها !
بس اعرف ماجد
وانهت كلامها بابتسامه خجوله مكانها غلط
فتحت مجال لوضع علامه استفهام حول علاقتها بماجد !!
ام محمد نهرتها : اقول قومي جيبي الضيافه بلا كلام فاضي !
ابو وليد بعد ما طلعت ساره : بشويش على البنت !
و سكت وسرح بخياله
قطعت ساره عليه سرحانه : تفضل عمي !
رفع نظره لها وهي تبتسم له وتقدم بالضيافه : تسلم يدك !
ناظرها وهي توزع الضيافه وكلام اخوه يتردد بإذنه .......
↚
يوم ملكة عزام وقفت بتردد قدام خالتها وتفرك يدينها بتوتر : ءءءء خالتي
ام محمد وهي تناظرها بطرف عينها: خير !!
ساره بتردد : وش ألبس للملكه ؟!
ام محمد ناظرتها بتقييم : يعني لو تلبسين اغلى الماركات غير تبقين شينه !
وبلامبالاه : إلبسي اي شيء !
وبعدين انتبهت على كلامها : اصلا مين قال لك رح تحضرين ؟!
ساره باستنكار : كيف ؟!
عمي عزام بيزعل وعمي ابو راكان
قاطعتها بقرف : تراك ماخذه بنفسك مقلب !
انا طالعه الحين وما تخافي ما احد رح يسأل عنك!
وباستبعاد : اذا احد سأل عنك انا ادبرها
والحين ابغى ارجع واشوف المطبخ يلمع لمع فاهمه !
واقفه تناظرها وهي طالعه بتأمل
قفلت الباب خلفها حست قلبها يختنق وهي تقفل الباب بالمفتاح
نزلت دموعها تبكي مثل الاطفال
جسد امراءه بعقل وقلب طفولي،!
من لما كانت صغيره وتسمع عزام انه رح يخطب وهي متحمسه لذاك اليوم !
كل حماسها طار !
ليه خالتها قاسيه كذا !
تبحث عن الاشياء للي تحبها وتحرمها منها بكل برود !
مسحت دموعها وهي تواسي نفسها
مو ضروري تحضر !
مجرد ملكه ومصيرها تشوف خطيبته وتجلس معها بس مجرد وقت !
لازم تكون اقوى وما تبين قهرها وضيقها قدام خالتها !
لانه هذا للي تبغاه !
صديقتها الابتسامه مستحيل تتركها
حاولت تبتسم بصعوبه وخذلتها دموعها للي نزلت بغزاره !
تكورت على نفسها ودخلت بنوبة بكاء
لعل الدموع تغسل بعض الضيق للي استقر بصدرها
رددت بهمس «لا إله الا انت سبحانك إني كنت من الظالمين »
****
****
****
****
في بيت ابو وليد للي اتفقوا تكون الملكه عائليه
ويعملوها بالبيت !
بمجلس واسع الكل منشغل بإجراءات الخطوبه !
جالس يناظرهم بحقد وهم مبسوطين
مستحيل يفوت فرصه الانتقام ورح يقهرهم مثل ما قهروه !
وخاصه وهو يشوف نظرات عيال عمه
وعيال خاله ابو وليد يناظرونه باستصغار وكأنه حشره قدامهم !
حتى ولده عمار سحبوه منه وسفره ابو راكان يكمل دراسته برا
وبناته زوجهم على كيفهم !
وهذي ساره على الطريق يتحكم بزواجها !
بس ما يكون خلف اذا ما كسر خشومهم !
بالاول رح يبدأ بعمه ابو عزام وعياله وبعدها يتفرغ لابو وليد وعياله !
لازم يقهرهم مثل ما قهروه
ينتظر على نار بعد ما كملوا الاجراءت وتمت الملكه وانهالت المباركات على عزام للي الفرح تشع من عيونه !
وقف بكل ثقه بصوته الجهور : بإسمي واسم اخواني أبارك لولد اختي عزام !
صوته الجهور وهيكله الضخم اجبر الموجودين يناظرونه
اغلب عيال عمه ناظروه وكآنهم يقولون ما يشرفنا وجودك ولا مباركتك
خلف بشبح ابتسامه وهو يشوف نظراتهم وبداخله يتوعد انتظروا شوي وتابع كلامه بخبث متقن : بما انه حنا في مناسبه الله يكثر الافراح علينا وعليكم
أبغى أبلغكم وافرحكم معي !
الكل ناظروه باستغراب وعدم راحه لكلامه ؟!!!
تابع كلامه وهو يشوف نظراتهم : ولد عمي ابو راكان قبل يومين خطب اختي على سنه الله ورسوله
وانا وافقت واتفقنا نعلن الخبر بهذي المناسبه !
وترى يا اخوان كل الموجودين معزومين في بيت عمي ابو راكان باكر بعد المغرب على الملكة !
صمت خيم على الحاضرين وكل الانظار على عيال ابو راكان !
↚
رحلنا رحلنا نعم يا حبيب .. بقلب جريح ودمع سكيب
تُرى يا حبيبي سيبقى الوداد .. ويبقى التآخي كغصن رطيب
أم الدهر يأتي بما لا نريد .. تنادي طويلاً ولا من مجيب
وأدعوك حيناً ولا لن أراك .. فيزداد شوقي كشوق الغريب
أخي سوف أُبدي لكم ما أُطيق .. فهل سوف تبدي لأجلي النحيب
لكم يا رفاقي بنفسي احترام .. كذا في فؤادي رؤىً لا تغيب......
""
"""
"""
في بيت ابو وليد للي اتفقوا تكون الملكه عائليه
ويعملوها بالبيت !
بمجلس واسع الكل منشغل بإجراءات الخطوبه !
جالس يناظرهم بحقد وهم مبسوطين
مستحيل يفوت فرصه الانتقام ورح يقهرهم مثل ما قهروه !
وخاصه وهو يشوف نظرات عيال عمه
وعيال خاله ابو وليد يناظرونه باستصغار وكأنه حشره قدامهم !
حتى ولده عمار سحبوه منه وسفره ابو راكان يكمل دراسته برا
وبناته زوجهم على كيفهم !
وهذي ساره على الطريق يتحكم بزواجها !
بس ما يكون خلف اذا ما كسر خشومهم !
بالاول رح يبدأ بعمه ابو عزام وعياله وبعدها يتفرغ لابو وليد وعياله !
لازم يقهرهم مثل ما قهروه
ينتظر على نار بعد ما كملوا الاجراءت وتمت الملكه وانهالت المباركات على عزام للي الفرحه تشع من عيونه !
وقف بكل ثقه بصوته الجهوري: بإسمي واسم إخواني أبارك لولد أختي عزام !
صوته الجهور وهيكله الضخم اجبر الموجودين يناظرونه
اغلب عيال عمه ناظروه وكأنهم يقولون ما يشرفنا وجودك ولا مباركتك
خلف بشبح ابتسامه وهو يشوف نظراتهم وبداخله يتوعد انتظروا شوي وتابع كلامه بخبث متقن : بما انه حنا في مناسبه الله يكثر الافراح علينا وعليكم
أبغى أبلغكم وافرحكم معي !
الكل ناظروه باستغراب وعدم راحه لكلامه ؟!!!
تابع كلامه وهو يشوف نظراتهم : ولد عمي ابو راكان قبل يومين خطب اختي على سنه الله ورسوله
وانا وافقت واتفقنا نعلن الخبر بهذي المناسبه !
وترى يا اخوان كل الموجودين معزومين في بيت عمي ابو راكان باكر بعد المغرب على الملكة !
صمت خيم على الحاضرين وكل الانظار على عيال ابو راكان !
ابو راكان ناظر عياله باستنكار مين فيهم للي يتصرف على كيفه بدون ما يشاوره !
وكأنه رجل طاوله !!
الشخص للي استبعده من عياله ابو عزام لانه زوج اختها وما يحل لها !!
موقف لا يحسد عليه قدام الناس عاجز عن النطق او على الاقل يفركش الموضوع !
تبقى ساره ابنة اخوه واي شيء يمس سمعتها يمسه !
اصابه العجز انه ينطق ويرفض هالمسخره !
كل للي قدر عليه سلط نظراته على خلف بتوعد !
ابتسم خلف وهو يشوف نظرات عمه ووجهه للي قلب اسود
حرك شفتيه وهو يناظر عيال عمه ابو راكان
*ابو عزام
*ابو ماجد
*ابو تالا
*مناف
*عبدالله
قبل ما يتكلم قاطعه خاله ابو الوليد للي ما عجبه الموضوع وبنبره إلتمس فيها خلف السخريه: مبارك !
بس ما قلت لنا مين من عيال عمك ؟!
خلف بابتسامه نرفزت ابو راكان : ولد عمي الصيدلاني !
كل الانظار تسلطت على عبدالله باستغراب
طول وقته بالسفر ونادرا ما ييجي هنا !
دوبه وصل قبل ربع ساعه و بدون ما يعطي احد خبر كانت مفاجأه !
كيف ومتى شاف خلف واتفق معه ؟!
وقف بهدوء معروف فيه وببرود وتكلم وهو يوزع نظراته للحاضرين يؤكد كلام خلف : تراني خطبتها من ولد عمي خلف واتفقنا على الشوفة الشرعيه الليله !
لانه من حق البنت تفكر وتعطينا رأيها
وإذا تمت الموافقه من الطرفين تراكم اول المعزومين !
شاف نظرات ابوه الناريه واختتم كلامه : الله يوفق الجميع !
وجلس وهو يناظر خلف للي صار وجهه بالالوان !
طنش همسات مناف وتحقيقه وهمس بهدوء : بعدين !
ابو راكان نار مشتعله بداخله بعد كلام عبدالله !
وينتظر هالمراسم تنتهي بسرعه حتى يشوف وش هالمسخره !
**
**
**
**
**
طول الطريق بعد انتهاء الملكه وهو ساكت
واول ما دخلوا البيت ناظر عياله وبعدها استقر نظره على عبدالله وبصراخ : ليه ؟!!
اشر على نفسه بقهر : ليه تخليني مثل الاطرش بالزفه !
تخطب وتتفق مع ولد عمك وانا اخر من يعلم !
ما لقيت الا هالنصاب تتزوج اخته ؟!
انت وين عقلك ؟!
ما تعلمت انه من اسس الزواج التوافق !
انت وين وساره وين ؟!
تراها مو من مستواك العلمي !
انت واحد دارس ومثقف تتزوج وحده اميه ما معها شهاده متوسط ؟!
انت ما عندك عقل ؟!
ابو عزام مسك يد ابوه : ارتاح يبه !
الحين يرتفع معك الضغط !
ابو راكان وهو يجلس: كيف ما يرتفع واخوك هذا رح يجلطني !
ابو تالا ناظر عبدالله بقهر : من متى إنت وخلف بينكم تواصل ؟!
ومتى خطبتها منه ؟!
عبدالله وهو يناظرهم باستغراب من هذا الهجوم
ابو عزام نفسه يخنق هالخلف : والحين ما بقى على الشوفه وقت !
روح ...
قاطعتهم ام راكان للي كانت تسمع وهي ساكته : يشوفها ؟!
واذا عجبته ؟!
ماجد بسخريه قاطعها : ساره الجوكر تعجبه !
وضحك بصوت عالي وسرعان ما كتمها لما شاف نظرات عمه ابو عزام الغاضبه !
تابعت ام راكان كلامها : انا ما اخرب على ساره بس في فرق كبير بالمستوى التعليمي !
قاطعها ابو راكان وهو مخنوق ويناظر عبدالله : خلاص مو انت للي خطبت من غير شورنا !
روح شوفها ....الله يوفقك
عبدالله ببرود : تعالي يمه معي وانت يبه
قاطعه ابو راكان بغضب : هذا الناقص اروح للمتخلف واخطب منه !
ابو عزام قاطع ابوه : خلاص ما له داعي احد يروح معك خذ امي وشوف البنت وانتهينا !
ابو ماجد بغرور : انتم من عقلكم تروحون تخطبون اخت خلف ؟!!
ماجد بلقافه يناظر عبدالله : اجي معك يا عمي !
ابو تالا بغضب : انت انطق هنا !
وشهوله تروح معهم
سلمان حرك حواجبه يغيض ماجد : انا رايح تراها خالتي !
ماجد انقهر : الحين اعترفت انها خالتك ؟!
ام راكان بعدم اقتناع : امشي اشوف نهايه هالمهزله !!
وناظرت سلمان: انت انطق هنا !
ابتسم ماجد بشماته على سلمان للي تفشل من جدته !
***
***
***
***
كملت تنظيف المطبخ وجلست على الكنبه بالصاله بضجر وهي تتخيل وتتوقع وش يعملون الحين بالملكه !
تفاجأت بدخول خالتها وهي متجهمه والغضب باين بعيونها
ومن خلفها اخوها خلف ملامحه متوتره
وقفت على حيلها لما صرخت خالتها : قومي عساك للهلاك !
ساره بخوف : وش فيه ؟!
خلف وهو يتوجه للمجلس : اسمعي
عبدالله ولد عمي خطبك وجاي الحين يشوفك بسرعه
تجهزي !
ام محمد بغضب : مو داخله رآسي عبدالله الصيدلاني يخطب هذي ؟!
اصلا من وين يعرفها ؟!
خلف بضجر من امه : وبعدين ؟!
وقسم بالله لو تخربين الموضوع الا
قاطعته ام محمد بقرف : لا تخاف مناي تنقلع من وجهي!
ساره تناظرهم بعدم تصديق،!
عريس ؟!
ولد عمها ابو راكان ؟!
الصيدلاني ؟!
ولا مره شافته يمكن سمعت عنه بالصدفه !
كانت ام راكان تتكلم قدامها وهي تدور له عروس !
كانت تقول تبغاها سنعه مؤدبه وبنت ناس وعالم ومتعلمه وحلوه!
متأكده انها ما كانت تقصدها !
بس كيف خطبها وهو ما يعرفها !
معقول ام راكان اقترحت عليه يخطبها !
او ابو راكان ؟!
كل هالاسئله تدور برأسها ما وقفها
الا لما سحبتها ام محمد بقرف : تعالي معي نجهز الضيافه !
**
**
**
**
**
في بيت ام محمد
ام راكان تهمس لاختها : والله عقلي مو مستوعب هالسخافه !
ام محمد بقهر : ابنك مو صاحي !
الف وحده تتمناه !
ما لقى الا ساره !
دخلت ساره بالضيافه وجلست ووجهها احمر من الاحراج والخجل
وكأنها اول مره تشوف ام راكان !
ام راكان تنهدت وهي تناظرها : اسمعي يا ساره الحين يدخل عبدالله علشان يشوفك !
اذا سألك اي سؤال جاوبي عليه ولا تستحين !
ام محمد بذم : هذي ما تعرف شيء اسمه حياء !
قاطعهم صوت خلف الجهور : يالله !
ام محمد كشرت وبدون نفس ردت : ادخل ادخل
دخل وخلفه عبدالله للي ترتسم ملامحه بالهدوء
رد السلام وجلس !
ام محمد : اخبارك يا عبدالله ؟!
وينك ما نشوفك ؟!
عبدالله بصوته الهادي : الله يسلمك يا خالتي !
تعرفي مشاغل الحياه !
ام محمد : وش تبغى بالغربه خلاص تعال استقر هنا !
عبدالله : ان شاء الله قريب!
ام راكان بجمود تبغى تخلص من هالسالفه : هذي العروس !
وناظرت ساره للي شوي ويوصل وجهها الارض وهي منزليته : ارفعي رأسك خله يشوفك !
ام محمد وهي تناظر عبدالله واثرثر بسرعه : هذي هي ساره !
يمكن اول مره تشوفها !
عمرها 16 سنه !
ادري انك رح تستغرب !
ما يغرك حجمها الكبير وضحكت على تعليقها !
ابتسم مجامله لخالته للي رجعت تكمل كلامها : تراها تركت الدراسه
وما معها الا شهاده المتوسط !
وناظرت ساره وهي تمثل البراءه : تعرفين تكتبين يا ساره ؟!
خلف ولع من كلام امه للي جالسه تخرب بالموضوع تكلم بسرعه : اصلا عبدالله ما تهمه هذي الامور !
عبدالله ناظره وابتسم بغموض : ايه صحيح !
امالت ام راكان شفتها دليل على عدم الرضى !
وقف عبدالله ناوي يطلع
خلف باستغراب من خروجه السريع : وين مستعجل ؟!
عبدالله بابتسامه : اليوم وصلت من السفر تعبان ابغى ارتاح !،
خلف بعجله : وش ردك ؟!
عبدالله طالعه بانتقاد لسؤاله : تعال نطلع برا واعطيك الجواب !
طلعوا ولحقتهم ام راكان وام محمد !
تنفست ساره بارتياح بعد خروجهم !
ما زال قلبها يدق بقوه !
وتحس وجهها مولع نار
تلمست خدودها
وعقلها بصراع معقول يوافق او يرفض ؟!
لما تناظر نفسها تجزم انه رح يرفضها ؟!
بس يبقى عندها امل اهله يقنعوه فيها !
والشكل مو ضروري اهم شيء الاخلاق !
**
**
**
وقف خلف بتوتر وهو يناظر عبدالله للي يتكلم بطريقه بارده تثير اعصابه
: شوف يا خلف انا ما يهمني المستوى التعليمي كثير واقدر اتغاضى عنه!
واقدر اتغاضى إنك أخوها !
واقدر اتغاضى عن صغر سنها !
لكن الجمال !
ما اقدر اتغاضى عن هذي النقطه !
بصراحه البنت ما عجبتني !
والله يوفقها مع للي يسعدها !
واختتم كلامه بابتسامه خبيثه وغادر متجه لبيته !
تنفست براحه ام راكان واسرعت الخطى خلف عبدالله !،
عصب خلف من رد عبدالله ومن ابتسامة امه الشامته : هالكلب !
ويتدلل ؟!
ام محمد : ايه يتدلل يطلع له !
والا انت من عقلك تبغى تلبسه بساره ؟!
خلف رفع حاجب باستنكار : وش عرفك ؟!
ام محمد : تبغى تقنعي انه عبدالله طلب يد ساره وهو ما يعرفها ؟!،
اكيد هذي من خططك !
وقبل ما تدخل كملت : تراك أخطأت الاختيار !
غلطان اذا ظنيت انه عبدالله مسكين وهادي !
لا يغرك الهدوء للي يحاوطه تراه اذكى منك بكثير يا روح امك !
روح شوف لك صيده ثانيه احسن لك !
انقهر من كلام أمه وغادر مثل البركان !!
ما توقع عبدالله بهذا الخبث ويطلع نفسه من الموضوع بذي السهولة !
**
**
**
**
جالسين بالصاله بعد ما رجع عبدالله من الشوفه
ابو راكان تفاجئ : يعني انت ما خطبتها من خلف ؟!
عبدالله هز راسه بالنفي : لا ما خطبتها
تراني تفاجأت بالموضوع مثلكم !
كيف اخطب البنت وانا ما أعرفها ؟!
ابو ماجد ابتسم : وكملت معه التمثيلية !
مناف :وخالتي وش قالت بعد ما رفضت ساره ؟!
ام راكان براحه انه انتهى الموضوع : عادي !
ابو تالا : وساره تدري انك رفضتها ؟!
عبدالله وقف بلامبالاه : اكيد عرفت
انا مو اول واحد ولا اخر واحد يرفض العروس !
عادي شيء متداول !
الله يوفقها !
ام راكان بصراحه تتكلم : شوف يا عبدالله بغض النظر انه خلف اخوها !
لكن الشهاده لله البنت مثل العسل
سنعه ومؤدبه وطيبه وبشوشه !
لو انها متعلمه الا اخطبها لك بنفسي !
بس البنت ما تناسبك حتى المظهر والعادات وافكارها تختلف
سلمان كمل عن جدته باختصار : تراها خبله وغبيه وعبيطه بس حلو
قاطعه مناف بعصبيه : سلمان!
انت ما تستحي على وجهك تتكلم على خالتك بهذي الطريقه !
عبدالله ابتسم على انفعال اخوه : خلاص فكونا من السيره فخ وتخلصنا منه !
وان شاء الله ربنا يوفقها !
وباستغراب : عزام بعده ما رجع ؟!
ابو ماجد : بعده عند خطيبته !
هذا الثقيل!
ابو راكان براحه وبداخله يتوعد خلف الا يرد له هالحركه : الله يوفقه !
***
***
***
•••
في اليوم الثاني شعورها بعد الرفض لا يوصف
تحس خاطرها مكسور والضيق بداخلها عكس ظاهرها !
وزاد عليها كلام خالتها والتشفي بعيونها وكلامها !
محبطه لدرجه لا توصف !
اذا كان عندها امل 2% تتزوج بعد الشوفه صار زيروووو
كملت تنظيف البيت وما طلعت من الاحراج !
كيف تطلع ويناظرونها انها مرفوضه!
لو كان الموضوع بالسر كان اخف عليها !
لكن للي وجع قلبها كل الناس تدري انه عبدالله رفضها بعد الشوفه !
حطها بموقف لا تحسد عليه !
ماسكه دموعها بالغصب !
اخذت نفس عميق لعل الضيق يرحل !
زاد احراجها وهي تشوف ماجد وسلمان داخلين : سلاام!
وقفت ساره تبغى تخرج من المكان حتى ما تعلق بلسانهم ردت باختصار مع ابتسامه مزيفه : هلا
ماجد وهو يجلس : علامك واقفه ؟!
اجلسي !
ساره بهدوء : عندي شغل !
سلمان بابتسامه باطنها السخريه : الحين طلع عندك الشغل لما دخلنا !
صحيح ما قلت لنا وش صار بالشوفه ؟!
ماجد بصراحه وصلت للوقاحه : شوفي لو دخلت عليه بذي الملابس معاه حق يرفضك !
ولازم ما تزعلين !
سلمان يكمل عنه : كويس ما هج عمي لما شافك !
ساره وهي تحاول تسيطر على نفسها ووجهها تحسه بالالوان : هههه سخيف !
ماجد متفاجئ : وطلع لك لسان !
ساره بقهر منهم : ليه قالوا لك ما عندي لسان !
ومدت له لسانها
سلمان ضحك على تصرفها ما علق على الموقف وبسرعه انتقل لسؤال يبغى يعرف اجابته حتى يشبع فضوله : وش شعورك لما وصلك خبر الرفض ؟!
ساره ببرود ظاهري : عادي
اصلا لو وافق انا مو موافقه !
ماجد يصفق بقوه : احلى !
بصراحه معك حق ترفضين !
معك شهاده برفسور هالقد !
واخوانك مناصب عاليه !
وجمالك ذباح !
ضحك سلمان بصوت عالي : وقسم بالله انك نكته !
طالعتهم وما ردت عليهم وطلعت من البيت وهي تسمعهم ينادون : تعالي ضيفينا !
طنشتهم وطلعت وهي تحس
الضيق زاد على صدرها من سوالفهم !
ما تدري وين تروح ؟!
بيت عمها ابو راكان ما رح تطبه اكيد عريس الغفله موجود !
ترددت تروح لبيت ابو عزام !
تخاف يفتحون السيره وما تقدر تمسك نفسها وتبكي !
ابتسمت بتلقائيه لما شافت عزام
طالع من بيتهم
ركضت له بسرعه
هز راسه بأسف ما يدري متى تعقل؟!
دوم يقولها لا تركضين ما عدت البنت الصغيره !
تتأسف وبعدها ترجع لنفس العاده !
اقتربت وهي تلقط انفاسها وبابتسامه عريضه: مبارك الخطوبه !
مدت يدها وسلمت بحراره !
وتكلمت باعتذار : اسفه ما قدرت احضر الخطوبه !
ابتسم عزام وهو اصلا ما انتبه اذا حضرت او لا كل تفكيره كان عند خطيبته : وش للي منعك ؟!
ضحكت ساره وهي تحك راسها ما تدري وش تقول
عزام ابتسم لها وهو مستغرب من ضحكاتها وابتساماتها !
كل يوم يجزم إنها بدون احساس او مشاعر او كرامه !
البارحه انرفضت واليوم تضحك
حسب معلوماته البنات يتحسسن من سالفة الرفض !
هز كتوفه وهو يقنع نفسه بعدها صغيره وما تفهم بهذي الامور !
ساره بحماس : اليوم تبغى تروح لخطيبتك خذني معك علشان ابارك لها !
عزام ميل شفته : عشتو
هذا الناقص !
متى تتركين طبع اللقافه ؟!
وبتحذير : لا تروحين لبيت جدي ابو راكان !
ترى عبدالله هناك !
مو حلوه تروحين وهو البارح رافضك !
بلاه يفكر انك تتميلحين عنده !
الناس كلامها ما يرحم !
صار وجهها ألوان لما جاب سيره عبدالله !
ليه يحسسونها انها لذي الدرجه ما تفهم ؟!
مستحيل تتدخل بيت عمها وعبدالله موجود !
متأكده انه عزام يبغى مصلحتها بس ما تدري ليه تضايقت من هالكلام
وحتى تنهي الموضوع : ان شاء الله !
مسك يدها وهو يشوفها تبغى تروح لبيت اهله : ولا تروحين لبيتنا !
ترى عمي عبدالله معزوم على الغداء عندنا !!
خلاص ارجعي للبيت !
وبنرفزه : انت ما تعرفين تجلسين بالبيت !
فكت يدها منه بهدوء وبصوت هادي : ان شاء الله
تحركت باتجاه بيتها والعبره خانقيتها
!
وقفت قدام البيت وتذكرت وجود سلمان وماجد
مو ناقصه مسخرتهم !
وبسرعه تابعت خطواتها لبيت اخوها خلف !
صحيح انه عبدالله أخو ام عمار
بس متأكده مستحيل ام عمار تحرجها !
طرقت الباب بهدوء
وبعدها دخلت وهي تسمع الاذن لها بالدخول .....
***
•••
***
•••
مرت ايام حاولت ساره تلتزم البيت
وما دخلت بيت ابو راكان
الا اليوم وصى لها ابو راكان تزوره
دخلت والاحراج مخيم عليها
سلمت عليهم وعيونها بالارض
ابو راكان بحنان : تعالي يا ابوي اجلسي عندي !
قامت بإحراج وجلست جنبه !
وبدأ يمسح على رأسها : وينك قطعتينا ؟!
رفعت نظرها بتردد واحراج وما ردت !
ام راكان ابتسمت لها : وش رأيك تتغدين معنا ؟!
ساره ابتسمت لها مجامله : ما اقدر اتفقت مع خالتي اجهز لها الغداء قبل ما ترجع من زيارتها!
ابو راكان بانتقاد وهو يناظر زوجته: اختك هذي ما تعرف تجلس في بيتها؟!
ساره بدفاع : راحت عند اختي اميره تسلم عليها راجعه من السفر !
ام راكان بانتقاد : ليه ما تيجي اميره وتسلم على امها ؟!
كان عندها ام ما تدري عنها !
طول وقتها بالسفر !
ابو راكان : زوجها ومضطره تمشي معه !
وكل واحد يركض خلف مصلحته !
شوفي عيالك ما نشوفهم الا بالمناسبات
وكأنه ما عندي عيال الا ابو تالا وابو عزام !
ام راكان : عيالك يدورون باب رزقهم !
دخل ابو تالا وهو يكلم بالجوال : خلاص ان شاء الله .....طول روحك شوي ..بالتفاهم كل شيء ينحل !
....يصير خير .....مع السلامه
جلس وهو يزفر بضيق
ام راكان : مين هذا ؟!
ابو تالا : مناف !
ابو راكان : صاير شيء ؟!
ابو تالا بانكار : لا ما في شيء مشكله بسيطه بالشغل !
وقفت ساره بابتسامه : اروح اعمل شاهي !
ابو راكان بابتسامه : يا ليت والله !
هزت رأسها وتوجهت للمطبخ
ام راكان : كنت خايفه يحز بخاطرها سالفه الشوفه !
حتى توقعت انها ما تدخل بيتنا !
ابو راكان ؛ ساره طيبه وما تعرف الحقد !
بس عبدالله ما يناسبها !
ابو تالا : بس البنت ما يعيبها شيء !
وبصراحه اكبر تابع كلامه : يبه انا ابغى الولد !
هذا عمري صك 40 وما عندي ولد يحمل اسمي !
ام راكان باستنكار : تبغى تتزوج على زوجتك !
ابو راكان بتفكير : وام تالا تدري ؟!
ابو تالا بلا مبالاه : اكيدرح تعرف !
وش رأيك يبه بساره ؟!
ابنة عمي وانا اولى من الغريب !
واحفظها واصونها عن اخوها خلف !!!
ومو مهم عندي المستوى التعليمي
ام راكان هزت راسها بالرفض : الفرق بالعمر كبير بينكم !
حرام البنت صغيره
ابو تالا : فرق العمر بالزواج بنظري مو مهم !
اهم شيء التفاهم !
وأنا بإذن الله مارح اظلمها !
هزت ام راكان راسها بخفيف بعد ما عرفت سبب النظرات الناريه من ام تالا لساره!
الحرمه شاكه بالموضوع !
ناظرابو تالاابوه يستحثه على الكلام:وش قلت يبه ؟!
ابوراكان بتفكير : اس
سكت وهو يشوف ساره داخله ومبتسمه لهم!
اشر لولده بعدين يتكلموا بالموضوع !
وزعت الشاهي ساره وجلست
ناظرتها ام راكان وابتسمت مجامله وهي تفكر لازم تحاول تخفف من زيارات ساره لهم بعد كلام ابو تالا
كانت مغفله وما انتبهت الايام الماضيه لنظرات ولدها !
على بالها ناظرها مثل ابنته او اخته !
صدق من قال هالزمان ينخاف من الرجال !
وخاصه لما يقولون مثل اختي!
↚
دخلت البيت وهي مستغربه لما سحبها خلف من يدها بقوه : انا من الصبح ادورك ؟!
وين طسيتي ؟!
وقبل ما تجاوب سحبها : تعالي بسرعه إلبسي عباتك بسرعه !
ما كان عندها الجرأة تسأل ليه
وبسرعه توجهت لغرفتها ولبست عبايتها !
خالتها مو موجوده عند اميره بعدها ما رجعت !
معقول صار على خالتها حادث ؟!
وجه خلف مخطوف وكأنه فيه مصيبه !!
طلعت بسرعه وهي تسمعه يستعجلها !
ناظرت ساعتها كانت 10.30 !
زاد خوفها وهو يحرك بسرعه كبيره !
ويلتفت حوله مثل المجنون !!
زاد رعبها لما وقف عند موقف السيارات
تأكدت انه خالتها صايبها شيء لما شافت المبنى للي وقف عنده ؟!
المستشفى !!
التفتت عليه برعب وهو يكلمها بحزم : اسمعي الحين تنزلين تعملين فحص الزواج !
انزلي بسرعه
علشان نلحق على المحكمه ونملك !
ناظرته بعدم استيعاب !!
فحوصات !
وملكه !
كله بسرعه بسرعه وهي مثل الخروف يسحبها خلفه
بدون اعتراض !
بس عليها تنفذ الكلام !
كمل الاجراءات بالمستشفى
والحين واقفه باب المحكمه وكل خليه فيها ترجف !
كيف تتزوج بذي السرعه !
زواج بدون شوفة شرعيه !
كيف صارت هذي ؟!
ومين العريس للي قبل فيها بدون ما يشوفها ؟!
وخالتها وين موقعها بهذا الزواج ؟!!
بلعت ريقها برعب وهي تتقدم ...
الحين رح تلتقي بزوج المستقبل ؟!!
↚
التفتت عليه برعب وهو يكلمها بحزم : اسمعي الحين تنزلين تعملين فحص الزواج !
انزلي بسرعه علشان نلحق على المحكمه ونملك !
ناظرته بعدم استيعاب !!
فحوصات !
وملكه !
كله بسرعه بسرعه وهي مثل الخروف يسحبها خلفه
بدون اعتراض !
بس عليها تنفذ الكلام !
كمل الاجراءات بالمستشفى
والحين واقفه باب المحكمه وكل خليه فيها ترجف !
كيف تتزوج بذي السرعه !
زواج بدون شوفة شرعيه !
كيف صارت هذي ؟!
ومين العريس للي قبل فيها بدون ما يشوفها ؟!
وخالتها وين موقعها بهذا الزواج ؟!!
بلعت ريقها برعب وهي تتقدم ...
الحين رح تلتقي بزوج المستقبل !!
كيف شكله وكم عمره ؟!
هل يا ترى مطلق والا ارمل والا شايب !!
بالمستشفى ما كان عندها القدره ترفع رأسها وتشوفه !
او تلمحه بطرف عينها !!
زفرت بضيق وهي تشعر بالغصه بحلقها !
هذا للي كانت تتمناه!!
انها تتزوج وتبدأ حياه جديده ؟!
بس ليه ما تحس بالفرحه والخوف ساكن بداخلها ؟!
يمكن وساوس الشيطان !
او الخوف من مواجهة عريس المستقبل لأنه بنظرها مجهول!
رفعت رأسها لخلف لما نغزها بخصرها
ناظرت باستغراب
وسرعان ما فهمت لما سألها القاضي عن موافقتها !!
متى دخلت عند القاضي ؟؟؟
تحس نفسها كانت بعالم اخر !
بلعت ريقها لما راودتها افكار برفض هالزواج لانه رح يغضب عمها ابو راكان وعزام !
ما تبغى يزعلون منها !
كنسلت افكارها لما تذكرت وش رح يكون مصيرها وهي بين يدين خلف لوحدها !
وبصوت مرتجف ردت : موافقه !
اخذت نفس لما اعطوها توقع رفعت نظرها لاسم للي رح ينكتب اسمها معه !
اصابها الاحباط اول مره تسمع بهذا الاسم !
هاني محمد .....
للحظه تمنت يكون عبدالله ولد عمها !
او ماجد !
نفضت الافكار من راسها باحتقار لنفسها !
هي وين وهم وين ؟!
لازم تناظر على قد مستواها !
يمكن ما يناسبها الا هزاع !
وقعت بسرعه لما تذكرت هزاع حتى تهرب منه ويدها ترتجف بعد صوت خلف المتنرفز منها !
تمت الاجراءات على خير !
وصارت رسميا زوجة هاني !
رفعت نظرها بتلقائيه للعريس لما طلب منها خلف تسلم عليه !
حست نفسها رح توصل للسقف حتى تشوف رأسه !!!
بالرغم من انها تعتبر طويله الا انها حست بفارق الطول بينهم !
استغربت الملامح اول مره تشوفه !
وزاداستغرابها انه شاب صغير بالعمر مو مثل ما رسمت بعقلها !
رجعت ووضعت احتمال انه مطلق او ارمل !
عقلها مو قادر يستوعب شاب مثله يتزوجها ليه؟!
استغربت لما مشى ويدها بيده صرخت بداخلها هي يا ابو الشباب الظاهرنسيت يدي معك!
بس اضطرت تجاريه وتمشي معه وهو ماسك يدها خايف تطير!
حست بنشوة فرح اول مره تحس احد يمسكها بذي الطريقه حتى ما تبعد عنه !
واستغربت خلف للي تركهم وتوجه لسيارته !
قلبها دق بقوه معقول اليوم الزواج وهي ما تدري !
وبسرعه دفت يده والخوف ارتسم بملامحها !
وبسرعه ركضت باتجاه سياره خلف !
**
*•
**
**
نزلت من سياره خلف وقلبها مو مرتاح !
وناظرته تشوفه ينزل او لا !!
مقهوره للحين من حركته ما يبغى يوصلها !
يبغاها ترجع مع هاني لوحدها !
شافته يكلم بالجوال لدقائق وبعدها قفل وبسرعه حرك وغادر المكان ولا كأنه عمل شيء...
الحين فهمت حركته لما أخذها وسرعته الزايده خايف احد يدري ويفركش الموضوع !
بلعت ريقها بخوف وهي تسمع صوت خالتها تردح لها : يا قليله الحياءرايحه تتزوجين بدون ما تخبرينا !
التفتت ساره برعب من نظرات خالتها !
تقدمت بتوتر وهي ما تدري كيف تخلص نفسها !
رماها خلف وهرب !
وتركها بمواجهة هذا البركان !
_ ادخلي وقسم بالله الا اطلع هالحركه من عيونك !
انا قلبي ناغزني من يوم ما دخلتي معي المستشفى !
طلعتي مو قليله !
عرفتي كيف تشبكينه حتى تهربي من عندي !!!
عقدت ساره حواجبها باستغراب مو فاهمه شيء !
مستشفى ؟!
وش دخل هذي بسالفتها !
تقدمت ساره للداخل باستسلام ما في مفر من المواجهة
**
••
**
***
ابو راكان والغضب يسري بدمه من خلف !
رمى كلامه بعرض الحائط ولا عبره !
كيف زوجها وما اهتم لتهديداته !
كلمها بغضب لاول مره : انت غبيه !
كيف توافقين وتملكين بذي الطريقه ؟!
ام عمار بدفاع عن ساره : تبغى ساره توقف بوجه خلف وانت اعرف بعقله!
ابو راكان بعدم اقتناع : الصبح كانت عندي !
ولا طرفت للموضوع !
بس اكيد انها فاتحه حلقها لذي السوالف !
لو خبرتني الصبح كان تصرفت !
ام محمد تشعر بسعاده وهي تشوف هجوم ابو راكان على ساره :انا نفسي افهم ليه هالرجال مصمم عليها !
وحنا رفضناه بالبداية !!
ليه رجع خطبها مره ثانيه !
سلمان ينكت وهو يبتسم : قلنا لك يا جده ناقصهم بفريق السله لاعب
بلع اخر كلمه وهو يشوف نظرات جده مو وقت سخافته !
ام راكان بهدوء : خلاص يا ابو راكان البنت ملكت وانتهى الموضوع يمكن خير!
ام تالا بفرح هم وانزاح عنها : الله يوفقها !
وناظرت زوجها للي وجهه فيه الغبن والقهر !
ابو عزام : الرجال ما يعيبه شيء نصيبها معه ،!
ابو راكان وللحين ما خمدت النار للي بقلبه : مو انا للي يستغفلني !
خلف
سكت وهو يشوف خلف داخل وملامحه متجهمه كالعاده !
كمل عن عمه : خلف للي جاء لك واعطاك اخته لعيالك بس انتم رفضوتها !
ولدك رفضها ما عجبته الظاهر يبغاها ملكة جمال !
رفضوتها ما لكم حق توقفون نصيبها !
رجال صائم ومصلي ومتعلم وعنده خير !
ليه ارفضه ؟!
البنت جالسه بالبيت وش تنتظر ؟!
اذا عيال عمها ما يبغونها ليه تبغى توقف نصيبها !
جاوبني !،
ابو راكان بعصبيه : البنت بعدها صغيره!
خلف بسخريه اشر على ساره :،صارت طول الباب وانت تقول صغيره !
يا عمي خليني ساكت وما ابغى اتكلم !
ابو عزام بهدوء : طيب ليه ما شاورت اخوتك على الاقل !
خلف بحده : والله إخواني رموها عندي وما لهم حق يتدخلون !
ام محمد بقهر : اتوقع انا للي ربيتها على الاقل شاورتني !
مو تزوجها بدون علمي !
ولا تنسى انا ادرى بمصلحتها !
ضحك خلف بسخريه : مصلحتها !
لو تعرفين مصلحتها كان ما جبتي هزاع الداشر لا،شغل ولا مشغله وتبغين تزوجينها له !
على الاقل هذا استاذ وله سمعته الطيبه !
ويكون بعلمك الخميس الحفله رح ييجون اهل هاني ويعملون حفله صغيره لهم بمناسبه الخطوبه !
ابو تالا بقهر : اهم شيء عندك قبضت المهر !!
طالعه خلف وهو رافع حاجب : وانت وش دخلك !
وباستفزاز : ايه قبضت !
مهر ولا وبالاحلام !
وطالعهم وهو يشوف القهر بعيونهم : اشوفكم الخميس !
وطلع ببرود ولا كأنه عمل شيء،!
عزام جالس يطالعهم بهدوء
استقر نظره على ساره وهي واقفه وكأنها مذنبه ومنزله عيونها !
حس بالشفقه عليها هي ضعيفه وما تقدر تدافع عن نفسها
كيف توقف بوجه خلف!
تذكر لما تخرجت جدته من المستشفى استغرب نظرات رجال عليهم !
الحين فهم اكيد هو نفس العريس للي خطبها !
مستغرب من اصراره وتصميمه على زواجه من ساره !
ناظر جده وهو ينهر ساره : روحي لغرفتك وقسم مو طايق اشوف احد فيكم !
وبسرعه استقرت عيونه على ساره وهي تغادر بدون اي اعتراض !!
رحمها وطالع جده وبلوم : يا جدي تراك قسيت على ساره !
ابو راكان : من قهري عليها !
ترى اخو هاني مو مضبوط وسمعته بالارض وساره صغيره اخاف عليها منه
قاطعه عزام : يا جدي ما في بهذا الوقت احد صغير !
الطفل ابو سنتين يفكر احسن مني !
ام راكان تهدي الوضع : خلاص يا جماعه كلامكم ما في فائده منه !
صلوا على النبي واستهدو ا بالرحمن !
**
**
**
**
قفلت الباب وسمحت لدموعها بالنزول ....ليه مكتوب عليها الشقاء،!
رفعت نظرها للسقف وهمست بالاستغفار !
ما تقصد الاعتراض على القدر !
حتى فرحة الخطوبه قلبوها نكد عليها !
تتمنى مثل باقي البنات الكل يبارك لها ويفرح لها !
حتى كلمة مبروك محرومه منها !
ولا احد اطرب مسامعها بهذي الكلمه !
تلقت بديل للتباريك الصراخ واللوم ؟!
تكورت على نفسها وبداخلها وجع !
وين امها وابوها بمثل هذي اللحظه يوقفون معها ....يباركون لها .....
بهذي اللحظات تشعر بطعم اليتم !
وحيده وش يطلع بيدها !
ما عندها الجرأة توقف بوجه احد او ترد عليه !
تحس لسانها ينعقد وما تقدر تدافع عن نفسها لو بحرف !
متضايقه من نفسها لمتى رح تبقى بهذذا الضعف ؟!
متى يكون لها شخصية قويه وتآخذ حقها بيدها ؟!!
خايفه من حياتها مع هاني...وللي يزيد خوفها اصراره عليها ....ما تشوف في نفسها شيء يخليه يتعلق فيها ويصمم على الزواج منها !!
«الانتقام »
قلبها قارصه يكون بينه وبين خلف مشاكل !
ويبغى ينتقم عن طريقها !
ما تدري وش تكون رد فعلها لو كان حدسها صحيح !
••
**
**
**
**
في اليوم الثاني
دخلت بيت ام عزام تبغى تعرف اذا عمها ابو راكان زعلان عليها !
شافت نسرين جالسه لوحدها توجهت لها وجلست عندها بهدوء !
نسرين رفعت حاجب بحسد : مبروك الخطوبه !
ساره ابتسمت مجامله : الله يبارك فيك !
عقبالك قريب !
نسرين بقهر : ما ظنيت يكون قريب !
ساره بضحكه قصيره : اكيد بعد ماتكملين دراسه وتتخرجين تحتاجين 6 سنوات !
نسرين بضيق مثل اي بنت بهذا العمر تحب تتزوج بس للي رابطها الدراسه وبغرور تكلمت : هذا اذا درست تخصص عادي لو طب او هندسه احتاج أكثر !
مو مثلك ما وصلتي للثانوي !
ابتسمت ساره على كلامها : يا اختي انتم بيت عباقره مو مثلنا !
تنهدت ساره وهي تناظر نسرين بإعجاب شعرها لمنتصف ظهرها
حنطيه ملامحها ناعمه نحيفه ودائما مرتبه ومهتمه بعمرها عكسها !
فهي مثال للشرشحه !
ابتسمت وهي تشوف نسرين تمسك كتاب للمطالعه وتفتحته ......متفوقه بدراستها بالرغم انه اهلها بالنسبة لهم غبيه لان معدلها 93 !
اهم اولويات بيت عمها ابو راكان الدراسه !
عكس اخوها خلف صارت مشكله كبيره على دراسة عمار وبالغصب سحبه ابو راكان للخارج يكمل دراسه حتى يضمن ما يتعرض له خلف !
دخل عبدالرحمن وجلس وهو يوزع ابتسامات : هلا بالعروس !
توردت خدود ساره من الاحراج : هلا
عبدالرحمن : وش شعورك بعد الملكه !
قاطعته نسرين بتذكر وهي تناظر ساره : جهزتي نفسك للحفلة !
ساره بتفكير : عندي ج
قاطعتها نسرين بقرف : لا تقولين من ملابسك الخايسه !
يا غبيه تراها حفله لازم تشترين فستان وتحجزين عند كوافيره حتى تكونين متميزه !
عبدالرحمن ضحك : ما اتخيل شكل ساره بفستان !
وبعدين تحتاجون تفصيل حتى تلاقون فستان على طولها !
طالعته ساره بدون كلام متأكده انه يبالغ بمسألة طولها !
كل هذا غيره لأنها اطول منه دوم يحاول ينكسها !
ابتسمت نسرين وهي تمسك يد ساره : طنشيه تراه يغار لانك اطول منه !
عبدالرحمن فتح عيونه باستنكار : اغار !
ليه قالوا لك بنت حتى اغار !
وبكشره : وين امي ؟!
نسرين : في بيت جدي ابو راكان !
عبدالرحمن بتذكر طالع ساره وهو ناوي يطلع : ترى جدي متحلف فيك !
ولا يبغى يشوف رقعة وجهك !
نسرين همست لها : تراه كذاب !
جدي ما قال شيء والبارحه بابا قال انه جدي رضي وسكت وناوي يجيب لك هديه
ابتسمت ساره لطاري الهديه !
وانصتت لكلام نسرين وهي تشرح لها وش لازم تعمل يوم الحفلة !
***
***
***
***
جالس بالمحاضره بضجر قرب رأسه من سلمان وهمس : يا ثقل دم هالدكتور !
سلمان بنفس الضجر : قسم بالله اسلوبه ينعس ويملل الواحد !
ماجد بنفس الهمس : تتوقع جدي يترك خطوبه ساره كذا !
سلمان رفع حاجب : ما اتوقع خلاص كتبوا الكتاب وانتهينا !
ماجد : يمكن يروح للقاضي ويعترض بحكم انه البنت صغيره !
سلمان : اسكت بلا صغيره اكيد لما شافها ظنها ام العريس
كتم ماجد ضحكته وحط يده على فمه
سرعان ما نقز لما صرخ الدكتور فوق رأسه : تراك زودتها !
وش قلة الحياء هذي ؟!
ما عندك احترام لهذي العلوم ؟!
ماجد وهو يحك رأسه : والله اني احترم الرياضيات
لا عفوا أقصد العلوم !
ضرب الدكتور على مقعده بقوه : بس !
صدقني يا ماجد اذا استمريت على هذا الحال رح تخسر !
ماجد عقد حواجبه بسخريه : اخسر ؟!
ليه انا داخل بصفقه ماليه ؟!!
احتقن وجه الدكتور بغضب : بسرعه غادر القاعه !
وقف وكأنه ينتظر هالشيء من زمان : ان شاء الله دكتور
ومسك يد سلمان : تعال معي الدعوه مفتوحه !
نقز ماجد على صرخه الدكتور : برا لوحدك !
بسرعه توجه للباب وقبل ما يقفل الباب ناظر برأسه باستفزاز :لا تنسى تحط لي حضور
ولعب بحواجبه وبسرعه طلع لما شاف نظرات الدكتور !،.
**
**
**
**
**
جالسه مع امها بالصالة تستمع من شكاوي نهى للي ما تخلص
تنهدت عائشه ؛ يا يمه نهى تراها عنيده !
لو تطيع زوجها ما صار معها كذا !
ام سعود تنهدت بقلة حيله : متى تعقل هالبنت وتترك عنها سوالفها البايخه !
اي رجال ما يطيق حرمته تتكلم على اهله !
ودوم اقولها احترام اهل زوجك احترام لزوجك نفسه !
بس المشكله عقلها مو مساعدها !
يا خوفي الحين زوجها يشتكي لابوك عن لسانها الطويل !
عائشه : هو
سكتت وهي تشوف ابوها يدخل وعابس الوجه !
رد السلام وجلس بهدوء
ام سعود بتوجس خايفه يكون زوج نهى اتصل فيه : عسى ما شر يا ابو سعود !
ابو سعود بغضب : مين غيره ولد الكلب !
عفست ملامحها عائشه ما تحب تشوف ابوها يشتم الناس ولا كأنه دكتور !
تابع ابو سعود بغضب : وقسم بالله قرفت التدريس لاجله !
وش هالاشكال ؟!
رافع خشومه بالسماء وكأنه ما احد يدرس طب غيره !
ومستهتر وداشر ،وقليل ادب !
ام سعود هزت راسها هذا حال زوجها دائما يشكي من هالطالب : متى ينتهي هالفصل وترتاح من وجه لا تنسى انه يدرس عندك ماده حره
يعني يخلص الفصل ولا رح تشوف وجهه بعدها !
ابو سعود وهو ينافخ : متى يخلص هالفصل ؟!
يا ثقل دمه !
مو عارف كيف اتصرف معه ؟!!
وناظر عائشه : قومي حطي الأكل شيء يسد النفس !
عقدت حواجبها ووقفت بسرعه !
يبغى الاكل ونفسه مسدوده !!
**
**
**
**
**
طلعت من بيت ابو عزام وتوجهت لبيتها وعقلها سارح بعريس الغفله !
كيف رح تتأقلم مع الوضع الجديد !
استغربت وهي تشوف رجال عند باب البيت
وقفت وقلبها يطق طبول !
ابتسم وهو يشوفها وهو يكلم بالجوال
وبعد دقائق قفل وهو يسمع صوت عزام من الداخل يطلب منه الدخول !
هاني اشر لها : تفضلي !
ابتسمت ساره باحراج وتقدمت للداخل
وهي تشوف نظرات عزام للي يظهر عليها عدم الرضى !
ونظرات خالتها المتوعده !
طيب هي وش دخلها حتى تناظرها كذا ؟!
وكأنها هي للي قالت له تعال !!!
عزام بأمر اشرلها بعيونه تطلع
وبسرعه وبدون تردد طلعت
وهي تتحسس قلبها للي يدق من الخوف !
جلست بالصاله وهي تفكر بسبب الزياره !
معقول يبغى يفسخ الخطوبه ؟!
خايفه خالتها تتشاجر معه وتمسح فيه الارض !
وتخرب الموضوع !
وقفت على حيلها لما شافت عزام بعصبيه مكتومه اقترب منها : وش تعملين هنا ؟!!
ساره بارتباك هزت راسها ما تدري وش تقول !
عزام يكتم غضبه من الغباء للي هي فيه : وين الضيافه ؟!
من اول ما دخل الرجال اشرت لك تروحي تجيبينها !
بعدين مع عقلك هذا ؟!
حالفه يمين ما تستخدمين عقلك !
تحركي بسرعه !
هزت راسها وبعد كم خطوه وقفها : غيري ملابسك وإلبسي شيء مثل الخلق ولا تتأخرين !
بسرعه !
انقهر من الغباء للي فيها بس شاطره تهز راسها مثل البغبغاء !
تفاجئ لما دخلت عليهم ومسك نفسه لا يلطم !
هذي ملابس تلبسها قدام خطيبها للقاء الاول !
وقف بسرعه عزام واخذ منها الضيافه خاف تفشلهم بعد لبسها للي يفشل !
ام محمد تناظر هاني بجعرفه : ومن اي جامعه تخرجت ؟!
عزام ناظر جدته وانتقد اسلوبها وحتى يغير جو : ليه يا جده تبغين تدرسين بنفس الجامعه ؟!
ضحكت ساره بشويش على كلام عزام !
انقهرت ام محمد وحست بالفشيله
وبعدها وقفت وبإسلوب فيه حده : حياك الله يا هاني !
بس اعتذر منك ما عندنا البنات يجلسون مع الخطيب !
سمحت لك كم دقيقه لو يدري إخوانها وأعمامها كان صارت سالفه !
وأشرت لساره : قومي !
انحرج عزام من طريقه جدته وخاصه لما شاف وجه هاني بالالوان !
**
**
**
**
**
تحس بالفرحه وهي تشوف جودي وليان عندها !
جودي باعتراض: لا هذا الفستان احلى !
ليان دفتها :،-لا القصير احلى !
طيري من هنا !
ساره هزت راسها : ما ابغى قصير !
جودي دفت ليان بنصر : شفتي ما تبغاه !
الفستان للي جبته لها احلى !
ساره بحرج: ولا رح ألبس هذا !
الظهر والصدر رح يبان منه ما ابغى !
جودي شدتها من إذنها : يا متخلفه ما فيها شيء !
ساره هزت رأسها بالرفض
ليان حكت بسخريه ؛ احلى يالعنيده ! من متى هالعناد ؟!
خطوه جديده !
جودي وهي تجلس على السرير :-طيب وش رح تلبسين ؟!
ساره بتردد :ءءألبس العبايه افضل
وبسرعه غطت وجهها لما صوبت جودي عليها الخداديه !
ليان وهي تمسك فستانها : اشق الثوب واطلع منه !
ساره تراها حفله خطوبتك وانت العروسه مو من المعازيم !!
تحسسيني انك بالعصر الحجري!
دخلت ام محمد بكشره : بعدك للحين ما جهزتي !
جودي : شوفيها يا جدتي !
ما تبغى تلبس الفستان تقول عاري !
ام محمد بنظرات تقييميه لساره : و هي صادقه بلاه الناس يشوفون كراعينها ويهجون !
وضربت الباب بقوه وطلعت !
تنهدت ساره بإحباط !
اكيد اذا لبست قصير الكل رح يتمسخر عليها !!
وحتى نفسها ما تستسيغ لبس القصير !
جودي مسكت يدها : لا تهتمين لكلام جدتي !
بس هي متوتره شوي الظاهر !
يلا قومي جربي الفستان !
ليان بتشجيع : قومي وحنا نحكم اذا حلو او لا ؟!
ساره بتردد : بشرط ألبسه على سروال وعندي واحد نفس هذا اللون
سكتت لما صرخت عليها جودي : سااااره
اكيد انهبلتي او جالسه تتريقين !
ليان سحبت الشاله من رأسها : قومي جربي الفستان !
وشهقت وهي تشوف شعرها : انت ما تروشتي للحين ؟!
فتحت ساره فمها بفهاوه :هاه
ضروري ؟!
جرتها جودي من يدها : ضره تشاركك بزوجك يالبعيد !
وش الضروري ؟!
قسم بالله ما تخلص الحفله الا وانا مجلوطه !!
••
••
••
خلف جالس بالمجلس ينتظر اهل العريس ومبسوط وهو يشوف نظرات ابو راكان الغاضبه !
ومستغرب من نظرات او تالا وكأنه ماكل حلاله !
خلف يستظرف : علامك تناظرني كذا ؟!
وكأنك اول مره تشوفني !
ابو تالا بكره : تعجز قواميس العالم وصفك ولو بكلمه !
ابو راكان بهمس حازم وهو يشوف ابو وليد داخل عليهم : خلاص انتهينا !
انقهر خلف وهو يشوف خاله ابو الوليد يطنشه وما سلم عليه !
حلف بنفسه الا يقهرهم ويكسر الخشوم للي رافعينها للسماء بس يحتاج وقت للتفكير ....
كل يوم يضيف عدو جديد للقائمه !
اول ضربه وجهها لابو راكان بزواج ساره بدون إذنه او علمه وما رح يكتفي رح يستغل كل شيء ويقهره
قطع افكاره صوت جواله تناوله ورد برواق لاول مره
وعيون عمه وعيال عمه وخاله لو كانت تذبح كان ذبحته !!!!!
↚
ام عمار وهي بعجله : بسرعه مشطي شعرك يا ساره ما بقى وقت !!
وبعدك ما لبستي !
وش تعملين من الصبح !
وانا ارسلت لك هالخبلتين من الصبح يساعدونك !
جودي وهي تتخصر : يا سلام تزوجت وبعدك تقولين عني خبله !
ام عمار طنشتها : بسرعه عجلوا اشوف !
قاطعتهم ام محمد وهي تدخل بعيون فيها شماته وألقت كلامها مثل الصاعقه
وطلعت ببرود وما اهتمت لللجسد للي خر على الارض من قوة الصدمه !!!!!
تمر الايام واحسها بنفس اللون والطعم
من بعد تلك الصدمه احس فقدت روحي ..ما اشوف شيء جميل بالحياه ....
اتظاهر بالابتسامه وبداخلي حزن قطع قلبي !
مرت الايام بسرعه والحين انا بالايام الاخيره من العده !
العده نعم!!!
الحين انا ساره أرمله الاستاذ هاني !
شعور فقده لا يوصف بالرغم ما عشت معه وما شفته الا للحظات !
بس انكسار فرحتي هذا للي اوجعني !
وكلام الناس ذبحني !
اصبحت نقطة للتشائم !
وكأني أول وحده يموت زوجها بليلة الحفله !
أخذت نفس عميق ....
وذاكرتها ترجع لذاك اليوم !
فرح انقلب لعزاء بلحظه !
طلبت من عمي ابو راكان أقضي العده في بيت اخوي نادر
حتى اهرب من نظرات الشفقه والحزن من حولي !
والاهم حتى اهرب من خالتي وكلامها للي يسم البدن !
أصرت خالتي تروح لنادر وكأنها حالفه يمين ما تتركني لوحدي !
_ ساره يا ساره
زفرت بضيق وانا اسمع صوتها من بعد وفاة هاني وانا ما اطيق اسمع صوتها
مع ذلك مجبوره اكتم ضيقي وما ابين شيء !
طلعت اشوف وش تبغى !
ناظرتها جالسه مع ام هزاع وبهدوء : نعم خالتي !
ام محمد بفوقيه : جددي القهوه !
ام هزاع تناظر ساره بتدقيق : عجلي فيها !
ما رديت عليها ودخلت بس وقفت قريب وانا اسمع كلامهم !
_ وش قلت يا ام هزاع ما بقى شيء على العده وتخلص !
اذا تبغينها لهزا
_ قاطعتها ام هزاع وكأنها ملسوعه : لا لا هذي فالها مو كويس !
اخاف على ولدي يخطبها من هنا ويموت من هنا !
فكينا منها اعوذ بالله من هالطاري !
_ صادقه ما ظنيت احد يتقدم لها بعد هالسالفه !
الناس تخاف !
اخذت نفس عميق والدموع تلمع بعيونها !
خانتني دمعه على خدي نزلت مسحتها !
امسح دموعي لعلها تغسل الوجع للي بداخلي
دخلت 16 من شهر ولقبي بالمجتمع أرمله !
بدأت أجهز القهوه والعبره خانقيتني !
متى تنسى الناس هالسالفه ؟!
والا رح تبقى ملتزقه فيني طول حياتي ؟!
ما ادري وش قلة عقول الناس ؟!
وين الايمان بالقدر ؟!
ربنا كتب له يموت بذاك اليوم ....انا وش دخلني يحطوني السبب بموته !
احس نفسي ضايعه لا مستقبل ولا ماضي !
***
***
•••
•••
حطيت القهوه وانا اراقب خالتي تتكلم بالجوال !
كملت مكالمتها وقفلت الجوال وبفرح تكلمت : نوره حامل !
ابتسمت بألم وانا اهمس : الله يبارك لها فيه !
للحين مجروحه من عزام ...تزوج وما انتظر انتهي من العده !
كان نفسي اشوفه عريس واحضر زواجه !
طلبت منه ينتظرني بس رمى طلبي بعرض الحائط !
بحجة ما يقدر يؤجل الزواج اكثر من كذا !
من لما جيت هنا ما شفت احد منهم ولا احد زارني !
بحجة ما يدخلون بيت نادر !
_ علامك انطرمتي ؟!
ناظرتها وابتسمت مجامله : نعم خالتي !
_ ام هزاع تكلمك !
ناظرتها وانا ماسكه نفسي واتظاهر بالبرود : نعم !
ام هزاع : وش ناويه لما تخلص العده تعملين ؟!
طالعتها وش هالحرمه الملقوفه وبحده : ناوي احفر قبرك وارتاح منك !
ام هزاع بفزع : اعوذ بالله منك يا وجه النحس !
ما استبعد عنك بعد ما دفنتي الرجال وهو بعز شبابه،!
بس وش نقول بحظك النحس،!
ساره طلعت عن سكوتها للحظات : جعل النحس يصيبك انت وعيالك
ام محمد بنظرتها المرعبه : سويييير تكلمي عدل !
استغفرت بداخلي ما لي مزاج اسمع سخافة حديثهن قررت المغادرة
بس جلست وانا اشوف مها داخله !
يا حبي لها !
يمكن للي خفف علي الايام الماضيه الشجار بين خالتي ومها
والردح للي ما ينتهي وكأنك تشوف مسلسل
ونادر ضايع بينهم !!!
مها برفعه حاجب وهي تناظر ام هزاع :ولدك الزفت وش عنده مرابط عند باب بيتنا طول اليوم !
ام هزاع بقهر من ولدها للي متعلق بساره : والله واقف بالشارع !
متى ما سجلوا الشارع بإسمك تعالي اعترضي !
مها بغضب : وقسم بالله لو اشوفه مقرب من البيت الا امسح فيه الارض !
قاطعتها ام محمد : لك داخل الباب اما برا وش دخلك ؟!
مها ترفع اصبعها وبتهديد مباشر : وقسم بالله لو اشوفه مقرب من ساره ما يحصل له خير !
قولي له يترك البنت بحالها وخليه يروح يشوف له شغله احسن له !
ام هزاع تؤشر على ساره بانقراف : ما بقى الا وجه النحس حتى يخطبها ولدي !
اصلا ولدي الف وحده تتمناه !
مو ييجي يراكض خلف الارامل !
وبعدين ولدي انا اتصلت فيه ييجي يوصلني للبيت !
مها وهي تحط شنطتها وبسخريه : اوووه يوصلك !
عاد نسيت انه بيتك بعيد عننا 100 كيلو
وبحده : ترى تطلعين رجلك من الباب تلاقيني الرجل الثانيه على باب بيتكم !
ام هزاع بانسحاب : اعوذ بالله من هاللسان !
ما اقول الا يكون بعونك يا ام محمد !
ناظرت مها وهي تجلس وترمي الشاله بعد ما طلعت ام هزاع وهي تتأفف: اوف حرررر
ابتسمت وانا اشوف خالتي تتمتم بكلام
الظاهر
اختصرت حتى ما تعلق بلسان مها !
**
**
**
**
ام عزام بفرح : الحمد لله
متى تعدي ايام الحمل واشوف حفيدي !
اسيل بغيره : يعني عيالنا مو عاجبينك ؟!
ابو عزام : عيال الولد يختلفون !
غلاتهم ومعزتهم غير !
اسيل بقهر : يا سلاااام !
حرك عزام حواجبه يغيضها !
اسيل كشت عليه : مالت عليك وعلى زوجتك !
نوره بنعومه ضحكت : انا وش دخلني !
ام عزام ابتسمت : كل عيالكم غاليين بس لا تزعلين يا ساره
اوه قصدي اسيل !
اسيل : من وين جبتي ساره !
والله هالدبه مشتاق لها زمان ما شفتها !
سلمان : وش رأيك اخذك لها ؟!
اسيل قرصته بعيونها : يالكذاب !
وبعدين زوجي رافض فكره اني اروح لها !
ام عزام : امي تقول كم يوم وراجعين !
الله يسامحك يا ابو عزام لو تركتني اروح لها !
ابو عزام ونبره صوته فيها غضب : دامه متبري من اهله ولا كأنه يعرفنا !
وحنا بعد ما نعرفه ولا يشرفنا ندخل بيته !
دامك تكلمينها بالجوال انتهينا !
سلمان : سمعت عمتي ام عمار تقول لجدي انه خلف شفط كل الورثة للي طلعت لساره من هاني !
خلاها تعطيه وكاله عامه بكل شيء !
ابو عزام انقهر : هذا مال يتيمه رح ينسأل عنه !
اسيل : أنا سمعت انه ساره سامحه له يؤخذ للي يبغى
سلمان بانفعال : اففف من الغباء للي عايشه فيه !
نوره باستغراب : ما عمري شفتها ساره !!
تشبه عيال عمتي ام محمد ؟!
سلمان ضحك : تعرفين خلف ؟!
فوله وانقسمت نصفين !
رفعت حاجب وبعدها ناظرت اسيل للي تتكلم : لا تردين عليه تراه كذاب !
والله البنت عسل بس ما ادري ليه حظها مايل كذا ؟!
***
***
***
***
جهزت اغراضي وجلست مع سعديه
اليوم راجع بما انها انتهت العده !
سعديه باندماج بنقل الاخبار : ايه انا سمعته يقول لصديقه ما بقى الا هالارمله اتزوجها ؟!
ابتسمت واخفيت معالم الألم وانا اردد بداخلي
صدق المثل «رضينا بالهم والهم ما رضي فينا »
الحين هزاع العطال البطال رافضني ؟!
لأي حد وصلت ؟!
إلي ما يسوى وجالس على اهله عله يرفضني !
اخخخخ من حظي !
متى تبتسم لي الحياه ؟!
لو وافق عبدالله علي كان حالي مو كذا !
حتى ماجد يقولون خطب !
بعده صغير اتوقع عمره 21 !
ويدرس ما ادري كيف خطب ؟!
اتمنى اشوفها للي خطبها ؟!
وش فيها مميز حتى يختارها حسب كلام خالتي ويطلب من اهله يخطوبنها !
حتى زوجة عزام اتمنى اشوفها !
ابغى اشوف للي سلبت عقل عزام وخالتي تقول عنه مجنون نوره !
_ صدق انك ممله
وضربتني على رأسي!
اخخخخ يا مجرمه وش بغيتي،؟
_ طول وقتك سرحانه !
مين اخذ عقلك؟؟؟
العريس وتسهل لقبره !
لا تقولين قاعده بترسمين على الثاني !
ترى انحرك انا بعدني ما شفت ولا خاطب وانت تمسكين الثاني !
ابتسمت مجامله وما رديت لانه كلامها يضيق الخلق !
تابعت ثرثرتها : ما قلت لك !
هزيت راسي بالنفي : لا ما قلتي لي ؟!
_ فرح للي كانت بالشعبه ب يقولون زوجها طلقها ؟!
مسكينه بعدها صغيره ومطلقه !
مثلك بالضبط صغيره وارمله !
بس هي وضعها احسن شوي منك !
على الاقل الناس تخطبها اما انت الناس تنفر منك تخاف على عيالها !
هذا هو طبع سعديه صريحه لحد الوقاحه
تجرحك بالكلام بدون مبالاه كل شيء على لسانها تتكلم فيه بدون ما توزن كلامها !
رديت عليها بجلافه : والله هذا نصيب وربنا قدر موته بذيك اللحظه !
ضربتني على كتفي بمزح : علامك زعلتي ؟ !
انا وش دخلني هذا كلام الناس !
هزيت راسي وانا متأكده ما في بيت بالقريه الا نشرت قصتي عنده ام هزاع وخالتي !
قاطعتنا خالتي وهي تناظر سعدية بقرف : يلا قومي هذا خلف وصل !
***
***
•••
***
في السياره
ما ادري هذا خلف والا استبدلوه خلال فتره العده !
للي يسمع كلامه ما يصدق !
ناظرت خالتي للي تعرض قضيتي وين ما راحت وكأنها حامليتني على ظهرها !!!
_ والحين هذي اختك طاحت بكبدنا،!
ما رح احد يقرب منها !
_ ليه وش ناقصها ؟!
ألف واحد يتمناها !
لا تسمعي كلام هالمريضين لانه كل شيء قضاء وقدر !
ما تدري وين الخير لها !
عسى ان تكرهوا شيئا وهو خير لكم !
ربنا كتب لها الخير بموته !
انا ما أصدق انه للي يتكلم خلف !!
من وين نازله عليه الحكمه !
طالعني بالمرايه : أي شيء تحتاجينه لا يردك لسانك !
انا تحت الخدمه !
لحظه معقول اذني ضاربه وما عدت اسمع واميز الكلام !
ام محمد بهمس غاضب : بعد ما شفطت فلوسها وسرقتهم
قاطع امه بغضب من كلامها وطالعني : ساره انا سرقت فلوسك ؟!
بلعت ريقي من غضبه نظراته تخوف ورديت وانا أشوف نظراته تحثني على الاجابه : لا
انا مسامحك خذ للي تبغى !
نقزت لما إلتفتت علي خالتي بغضب : ايا قليله الاصل انا للي اصرف عليك وتحملتك طول هالسنين وبالاخير تتبرعين بفلوسك لهذا الطماع !
خلف مستانس من اجابتي : الدم ما يصير مي !
وانا اخوها وانت الغريبه !
فأكيد رح تعطيني انا
صدت بوجهها بزعل لجهة الشباك وبقهر تكلمت: الحيه ما تعض بطنها !
لكن يصير خير
الله يكون بعوني عليها دوم خلف يحطني بوجهها وينسحب !
حطيت يدي على قلبي وانا اشوفها تلتفت لي وكأنها بركان : من اليوم ورايح فلس واحد ما اصرف عليك !
وخلي اخوك الحنون يصرف عليك !
وش هالورطه !
ما رح تسكت اليوم ولا رح تتركني بحالي !
استغرب من حالها سمعت انها تملك فلوس كثيره بالبنك والحين حاطه عينها على فلوسي !
صدق بني ادم ما يملي عينه الا التراب !!!
***
***
***
***
***
من البارحه وصلت هنا وانا مرتاحه بشوفة عمي ابو راكان
اذا غبت عنه احس بالحنين يمكن اتخيله مكان ابوي !
علشان كذا أحن له !
او معاملته الحلوه لي هي السبب!
الحين جالسه في بيت عمي ابو راكان بانتظار عزام وزوجته نوره
متشوقه اشوفها !
وقفت وانا اشوف عزام داخل وماسك بيدها !
شوقي لعمي عزام دفعني اتقدم خطوات بلهفه وأسلم عليه بشوق وكأني ما شفته من سنين !
ابتسم لي : اخبارك يا دبه ؟!
ابتسمت من قلب وكأن الروح ردت لي برجوعي هنا : الحمد لله !
ومديت يدي أسلم على نوره وانا فاتح عيوني بصدمه من نعومتها وحلاتها
مدت يدها وسلمت علي ببرود !
حسيتها من النظره الاولى مغروره ومتكبره !
ما ادري يمكن شكلها يوحي كذا ؟!
جلسنا ورجعت عادتي بتوزيع الابتسامات !
ابو راكان بهدوء،: مين للي رجعكم ؟!
رديت بابتسامه : خلف !
ام راكان : علامها ام محمد ما جاءت تسلم !
ابو عزام : المفروض يمه انت تروحين لها !
رديت بهدوء وعيوني تتسارق لنوره : خالتي تعبت البارحه من الطريق والحين نايمه !
جاءت عيني بعين نوره ابتسمت لها بتلقائيه بس تفاجأت لما صدت للجهة الثانيه ؟!
همست لي نسرين : لا تهتمين تراها تغار على عزام من الهواء !
الظاهر انها غارت لاني سلمت على زوجها !
دخل سلمان بعد ما استأذن وعلى طول توجه لي وسلم بس قهرني وهو يقول : هلا بخلف !
لو ماجد هنا كان استانس بشوفتك !
طالعت حولي باستغراب ابحث بعيوني عن ماجد : وين ماجد ؟!
سلمان ضحك بشماته : مسكين بعد الخطوبه سحبه عمي ابو ماجد للبيت !
وحلف عليه ما يدخل بيت جدي الا بعد التخرج !
جلس جنبي سلمان سألته : ليه ؟!
سلمان : بعدين سالفه طويله !
وطالع جده : عمي عبدالله اتصل فيني يقول جوالك مغلق !
احس صار وجهي بالالوان متأكد الحين يناظروني لانه رفضني !
احسها بصمه عار !
حاولت الانشغال واطرقع اصابعي بدون ما ارفع نظري وهم يتكلمون عنه !
للحين متعقده من هذي السالفه !
يا كثر عقدي !
رفعت نظري ولفت انتباهي ابو تالا يناظرني !
احس نفسي ملخبطه وبسرعه استأذنت وطلعت !
**
**
**
**
دخلت البيت وزفرت بضيق وانا اسمع صوت خلف وام عمار صوتهم طالع !
احسهم مثال للاسره الفاشله !
خلف عنيد وعصبي وام عمار عنيده وما تسكت له !
يمكن السبب حسب ما شفته ام عمار !!
لا تظنون اني واقف بصف اخوي !
بس ام عمار دوم بكلامها تحسسه انه اقل منها !
وتهينه بالكلام وتفتخر بأهلها !
اكيد هذا الكلام يهدم ويقطع اوصال الموده والمحبه !
وقفت وانا اشوف ام عمار تردح : بتشوف اذا ما خليت ابوي يربيك !
ويعرفك قدرك !
خلف بكره : انقلعي من وجهي قبل ما ابتلش فيك !
ترى مو رايق لك !
بسرعه انقلعي للبيت جهزي الاكل !
ام عمار : جعلك بالسم للي يهري معدتك ويريحني منك !
وناظرتني : يا حظك ترملتي ؟!
متى ييجي دوري و اترمل ؟!
وطلعت بعد ما ضربت الباب بقوه !
ضايقني كلامها !
مهما كان خلف سيء ببقى أخوي وما احد يطيب له بأهله !
ما أدري هل تضايقت على حال خلف
او لانها ذكرتني بأني ارمله ؟!
جلست وانا اشوف خلف يؤشر لي بالجلوس : تعالي يا ساره ابغاك بسالفه !
جلست وانا اردد بقلبي الله يستر !
بدأ كلامه بمقدمه : شوفي يا ساره ابغى اقولك موضوع بس توعديني يبقى سر بيننا لوقت معين !
هزيت راسي وعقلي يفكر وش هالموضوع : وعد
اخذ نفس عميق وناظرني : الدنيا ما توقف عند نقطه وحده !
لا تفكري انه خلاص بعد وفاه هاني وقفت الحياه !
انت غلطانه !
بعدك صغيره بأول الحياه !
لازم تعيدي التجربه وتخوضي الحياه من جديد !
انا بصراحه خطبك مني واحد
قاطعته بتلقائيه : ما ابغى اتزوج
ناظرني بحده خلتني ابلع لساني وللحظات رجع لكلامه بهدوء : لو هاني كان مكانك وانت للي ربنا اخذ امانتك !
تقنعيني انه ما رح يتزوج من بعدك ؟!
ساره ردي علي انت وضعك الحين صعب !
مو بالسهل احد يخطبك لانك تعرفين عقول الناس المريضه !
تراها فرصه وما تتعوض !
تابع كلامه لما شافني ساكته : انا زوجتك البارحة !
فتحت عيوني باستنكار دوبني البارحه طالعه من العده والحين يزوجني !
تنرفز من نظرتي : لا تناظري كذا !
شوفي هذا الزواج لمصلحتك !
وانت الربحانه من كل الجهات !
اسمعي ونفذي كلامي بدقه
ناظرته بصدمه وانا مو مستوعبه الموضوع !
أكيد عقله ضارب يزوجني بهذي السرعه
**
**
**
مر على خطوبتي أكثر من 3 أشهر
وانا مو مرتاحه !
كيف ابوي يرضى انخطب بذي الطريقه ؟!
كان حلمي اجلس معه ونتفاهم مع بعض قبل الملكه حتى اعرف مدى توافق عقولنا مع بعض !
اما أملك بدون ما اشوف العريس !
بس ملكه والزواج بعد ما اكمل دراسه ؟!
يعني بعد 8 سنوات !
ابوي مو صاحي وش هالشرط ؟!
أي خطوبه تمتد 8 سنوات !
طالعت امي وهي تكلمني !
_ وش فيك يمه سرحانه ؟!
رديت بضيق : مو مرتاحه لموضوع هالخطوبه !!
_ ما تدري وين الخير ؟!
اسماء مستلقيه على الكنبه وتقلب بالجوال : انا سمعت ابوي يبغى يؤجل علشان بأي فرصه يطلقك منه !
عفست ملامحي : يا سلام !
انا شفته علشان اتطلق منه !!
اسماء : يا بختك ابوه عميد الجامعه !!
وبلقافه : للحين يمه ما تبغين تقولين لنا كيف ابوي زوج عائشه وهو رافض فكره زواجها !
مطت امي شفتها بضيق: خلي عنك اللقافه يا اسماء !
يعني كيف زوجها ؟!
وش هالاسئله البايخه ؟!
بصراحه مو داخله راسي هالسالفه كذا فجأة أبوي يقولي ترى اليوم ملكنا بالمحكمه !
اسماء نهضت نفسها وتربعت : الحين ولد العميد يخطب هذي ؟!
وش عرفهم فيها !
و كيف ابوي يقبل يزوج دلوعته لأكره مخلوق على قلبه !
ترى طول الفصل وابوي يشتكي من ماجد !
وما يطيقه !
وفجأه يزوجه ابنته!
ام سعود : يا حظهم بعائشه عاقله ومثقفه وأخلاق وجمال !
اسماء : يا يمه وش عرفهم فيها !
لا تقولين يعرفون ابوي !
خلينا صريحين ترى للي يتعامل معه ويشوف اخلاقه مستحيل يناسبه !
ام سعود بحده : ما تستحين تتكلمين على ابوك كذا ؟ !
وش فيها اخلاق ابوك ؟!
اسماء مطت شفتها : عصبي ويتكلم من رؤوس خشومه !
وبعدين ليه اهل العريس ما شفناهم
ولا احد منهم جاء ؟!
ام سعود بضجر من لقافة اسماء : قلت لك ابوك قال لهم انه عائشه ما تدري وبعدها صغيره وما يبغى يخبرها الحين !
بعد الثانوي يفرجها ربك !
خلاص قفلي الموضوع !
ابتسمت بإحباط على شكل اسماء وهي تتحلطم
كل الطرق للوصول لهذا العريس مقفله بوجهي !
للحين ابوي يظن اني ما ادري !
للصدفه سمعت امي تخبر اخواتي
والا كنت مثل غايب طوشه !
ما ادري عن شيء !
**
**
**
••
بعد يومين
كالعاده ابو راكان بغضب : ولدك هذا متى يترك البنت بحالها ؟!!
كيف يزوجها وحنا ما ندري ؟!
ام محمد ببرود ظاهري وبداخلها تغلي من القهر : علمي علمك ما عرفت الا الحين !
ام راكان : خلاص اترك عيال اخوك بحالهم !
زوجها وش عليك منهم !
ابو راكان قارب على الانفجار : انت متخيله الوضع !
سكت بقهر وطلع من بيت ام محمد
يتمنى يشوف خلف ويفرغ كل قهره فيه !
وقفه ابو تالا : وش صار يبه !
ابو راكان بغضب : تزوجت وراحت مع زوجها !
اخخخخ من هالخلف لمتى يحرك هالبنت مثل الدميه بيده يزوجها على كيفه !
وبغضب اكبر تعرف مين للي تزوجها ؟!
ابو زيد !
ابو تالا بهتت ملامحه من الصدمه وما تكلم !!!
↚
واقفه وصوتها مهزوز بس تتظاهر بالفرح : ما اقدر اتركه !
هذا زوجي !
عزام بغضب ماسك قبضة يده ما يضربها : انت غبيه ؟!
كيف توافقين على هالزواج !
هزت كتوفها وش ترد وش تقول او تعترض وخلف مزوجها بدون علمها وكل شيء منتهي !
عزام وهو ماسك اعصابه : امشي معي وباكر تتطلقين منه فاهمه !
اوجعني قلبي ارمله ومطلقه بنفس السنه !
اخذت نفس اجمع قوتي قدام عزام : ما اقدر اتركه مريض يحتاج من يرعاه !
هزها بقوه : ليه هو متزوج ممرضه متنقله !
نزلت عيونها ما عندها القوه تواجه عزام !
وتهديدات خلف قدام عيونها !
وبنبره رجاء لعزام : اتركني عنده ما اقدر اتركه حرام مريض!
طالعها بقهر وبتوعد : مستحيل تبقين على ذمته ولو على جنازتني !
وتركها وغادر المستشفى !
نعم انا بالمستشفى الحين !
مرافقه مع زوجي الجديد !
اخذني خلف له هنا !
عمركم شفتم عروس كذا !
دخلت غرفته وناظرته وزفرت بضيق من ضعف شخصيتي !
أتمنى يكون عندي القوه وما اسكت لخلف !
كيف يزوجني لشايب !
ويحضرني للمستشفى أرافق معه !
ما ادري كم دفع هالشايب مهر لخلف !
اتمنى ألاقي مكان فاضي وافرغ كل الكبت للي بداخلي !
ما ادري عن اقداري وش مكتوب لي !
صديت بوجهي لجهة الباب لما شفته فتح عيونه بضعف !
حاله يبكي الصخر الله يعافينا ويكفينا شر الجلطات !
يا رب ادم علينا نعمة الصحه !
ناظرته وهو يتكلم بضعف : ابغى مويه !
ناولته بهدوء وانا اشوف يدينه ترتجف من الضعف !
دخل الدكتور المشرف على حالته!
وطمنه انه في تحسن !
وباكر رح يخرجونه
بعدها طلع ورجعت وجلست مكاني بملل اندب حظي !
للحين مقهوره من خلف !
تبغون الصراحه ام عمار وقليله عليه !
قهرني كيف يزوجني ويرميني كذا !
وانا كنت حاسه كلامه بالسياره مو لله !
اكيد الحين خالتي فرحانه وتشمت فيني على هالزواج !
بس للي متأكد منه عمي ابو راكان ما رح يسكت لخلف ورح يخلصني من هالورطه !
**
**
**
مسك يد سلمان وبابتسامه ماكره : تعال ابغى أسلم على عمي !
سلمان بقرف : يا اخي فكني !
ما اصدقت اكمل الماده حتى اخلص من وجهه !
تبغاني اروح له برجليني !
يا اخي هالدكتور غثيث !
ماجد : تعال خليني انغص عليه تعرف انه ما يطيقني هههه
مشى خلفه سلمان على مضض
طرق الباب بهدوء وهو يبتسم : يقال اني مؤدب !
دخل لما سمعه يقول : تفضل !
نزل ابو سعود نظارته وعفس ملامحه وهو يشوف ماجد : نعم !
ماجد يستخف دمه : اشتقتلك يا دكتور
قصدي يا عمي !
وبوقاحه جلس على الكنبه!
أبو سعود بغيض : وش تبغى بسرعه تراني مشغول !
ماجد وهو يريح على الكنبة ويؤشر لسلمان : تعال اجلس
وناظر ابو سعود : امممم ابغى قهوه !
ضرب ابو سعود المكتب بيده وبغضب : انت وش تبغى مني ؟!
متى تجوز عن حركاتك الوقحه !
احترم منصب ابوك هنا على الاقل !
فتح عيونه ماجد وهو يمثل الصدمه : علامك عصبت يا عمي !
هذا وانا تارك محاضراتي وجاي اسأل عن خطيبتي !
ارتفع الضغط عند ابو سعود واشر على الباب : اطلع لا بارك الله فيك !
وبتوعد : لو على جثتي ما تزوجتها ولا لمحت لها خيال !
والحين انقلع ولا ابغى اشوف رقعه وجهك يالداشر !
دفه خارج المكتب بغضب وقفل الباب !
طالعه سلمان بشماته : عجبك الحين !
ماجد بكل وقاحة : اهم شيء نكدت عليه !
ولعب حواجبه بانتصار !
سلمان هز راسه باسف : الظاهر انك استخفيت !
وللحين عمي عامل عليك حصار !
ماجد بضيق : شيء يقهر !
وقسم بالله السالفه ما تستاهل !
والله اني مشتاق لجدي ولجدتي !
سلمان بلقافه : ما خبرتك ساره تزوجت! .
ماجد كش عليه : يا سخفك !
سلمان وهو يكتم ضحكته : والله تزوجت بعد ما طلعت من العده
فتح ماجد عيونه بصدمه : صدق ؟؟؟؟
سلمان سحبه : تعال نجلس واعطيك التفاصيل !!
***
***
***
**
**
**
اليوم كتبوا له خروج
مشيت بالممرات وانا اجر العربايه ما أدري وين عياله ؟!
ما أحد زاره من اهله ؟!
تذكرت الاجر بمساعدة هالشايب وربي رح ييسر من يساعدني لما اصير بعمره
ابتسمت لفعل الخير وانا اردد ربي يكتب لي الاجر
وقفت العربايه على جنب وبهدوء : كلمته وابتسمت له وانا أشوف ملامح الحزن بوجهه : دقيقه اصرف الدواء !
اقتربت من الصيدليه
ومديت الوصفه بهدوء وانا عيوني على زوجي وابتسم له وبداخلي ابغى ابكي على حالي وحاله !
صديت برعب لما سمعت الصوت الساخر : عيونك لا يطيروا على الشايب !
احمر وجهي بفشيله وحرج وما رديت مسكت العلاج وقبل ما اغادر رجع تكلم بسخريه جرحتني : الله يرحمه مقدما !
سحبت الدواء وتوجهت للعربايه ودفيتها وانا ماسكه دموعي !
هذا ولد عمي الصيدلاني !
كيف ما انتبهت انه يشتغل هنا !
خبري فيه مسافر !
متى استقر هنا ؟!
وش يبغى يسخر مني !
مو رفضني وانتهى الموضوع !
وقفت عند البوابه الخارجيه والعبره بحلقي ما ادري مين للي رح يرجعنا ؟!
تكلم هالشايب وكأنه فهم سبب وقوفي : انا اتصلت بالسواق يرجعنا
طلعت للمواقف للحظه تمنيت تضربني سياره واموت وارتاح من هالدنيا !
الحين اكيد هزاع وأمه يتشمتون فيني !
مقهوره ابغى اموت وارتاح من الحياه !
**
**
**
**
مر اسبوع على زواجي للي فهمت انه مقاطع عياله وحلف يمين الا يقهرهم ويتزوج ويسجل كل الورث بإسمي !
لا تستغربوا من وين جبت هالمعلومات !
اكيد من الخدم !
للحين وضعه مستقر !
جلست بالصاله متربعه وعيوني على التي في !
استغربت من دخوله المفاجئ وبصراخ؛ وين ابوي ؟!
وصوت من خلفه : عملها وتزوج !
وقسم بالله ليندم ونذبحها قدام عيونه !
وناظروني بغضب: وين زوجته ؟!
انا من الخوف اشرت فوق
وبسرعه توجهوا يبحثون عن زوجته !
متأكده ظنوا اني من الخدم !
نظراتهم تقول كذا ؟!
شفتم فائده اللبس البسيط !
قاعده اهذر وحياتي بخطر !
باين انهم مو ناويين على خير !
وبسرعه توجهت لغرفتي لبست عباتي وطلعت من البيت والرعب تملكني !
لو استفردوا فيني ما اتوقع ابقى على قيد الحياه !
يا روح ما بعدك روح !
وقفت على الشارع وابتعدت ووقفت سيارة اجره !
وقلبي للحين يدق بقوه،!
ناظرت السائق يسألني وين يروح ؟!
حاولت اتذكر الطريق
حسيت كل عقلي طار مو مجمعه حرف !
ولمح بذهني المستشفى للي كان داخل فيه زوجي ويشتغل عزام فيه !!
***
***
•••
***
لي ساعه جالسه بالانتظار انتظر عزام عنده عمليه !
احس بالتوتر وقلبي يدق بقوه مو راضي ينتظم !
معقول ناويين يقتلوني !
حسبي الله كله بسبب خلف رماني وشفط الفلوس !
وانا
سكتت
للحظات لما شفت واحد واقف قدامي !
تجمدت للحظه من الخوف لما صور لي عقلي انهم عيال ابو زيد
و بتلقائية رفعت عيوني بخوف
وبسرعه نزلت نظري !
وانا أسمع كلامه الساخر : الظاهر انه الشايب تعبان !
ما رديت ما ادري وش يحس لما يسخر مني !
يا ليتني ما شفته ولا عرفته !
صادق خلف عيالي عمي الغرور يمشي بعروقهم !
الظاهر مل وقبل ما يروح تكلم بجديه : اذا بغيتي شيء انا موجود !
تنفست براحه بعد ما راح !
وقررت اتوجه اتجول بالمستشفى الظاهر عزام مطول !
وصلت للطوارئ ووقفت على جنب وانا اناظر الناس !
حمدت ربي على نعمة الصحه وانا اشوف المرضى !
فجأة فز قلبي برعب
وانا اشوفهم
والله
نفسهم نفسهم عيال ابو زيد !
ابتعدت عن المكان بسرعه وانا اشوفهم
طلبوا نقاله !
متأكده انه ابو زيد !
وش صار بعد ما طلعت !
لما دخلوا البيت اشكالهم ما كانت تبشر بخير !
فركت يديني برعب وقررت اراقب الوضع من بعيد !
***
***
***
ام محمد حاسه بفقد ساره بالبيت
وقررت تجيب شغاله تسد عن ساره
لانها ما تقدر لشغل البيت والطبخ !
نفسها تعرف كل التفاصيل !
كيف تزوجت ومتى كتبت الكتاب ؟!
اخخخ لو تشوف خلف للي صار ملح وذاب !
لو تعرف وين ساكن زوجها إلا تروح وتمسح فيها الارض !
كيف تستغفلها ؟!
دخلت ام عمار عليها تتفقدها بما انها لوحدها الحين !
وبدأت ام محمد تحقيق : ما سمعت شيء عن ساره ؟!
ام عمار ما حبت تتكلم بهذا الموضوع : الله يوفقها
ام محمد بقهر : عاجبك شغل زوجك بدون علمي !
ام عمار ببرود : والله لما اشتكي منه توقفين معه وتدافعين عنه !
وحطي في بالك ترى ابوي واخواني متحلفين فيه بعد سواد وجهه !
ام محمد ما طاب لها بولدها : تتكلمين وكأنه مو زوجك !
ام عمار بتشفي: خله يلاقي جزاء اعماله !
كيف قلبه طاوعه يزوج اخته الصغيره لواحد شايب مرمي بالمستشفى !
الله يأخذ الفلوس للي بتعمي العيون !
ام محمد بدفاع : هذي جزاء ولدي دبر لها عريس !
انت تعرفين الناس ما رح تقربها !
قاطعتها ام عمار بقهر : ساره مو اول وحده ولا اخر وحده !
ترى سعاد إذا تذكرينها توفى خطيبها والعرسان على بابها ما وقفوا والحين متزوجه ومبسوطه مع زوجها !
ام محمد عفست ملامحها : الحين جايه تغثيني بكلامك !
**
**
**
**
دخل ابو زيد العنايه الحثيثه !
ناظرته من خلف القزاز بحزن على حاله
قررت تشوف عزام اكيد كمل عملياته
خلاص رح ترجع لبيت خالتها مستحيل تجلس دقيقه تخاف يذبحونها عياله !
بعد ما التفتت بلعت ريقها بصدمه وهي تشوف عياله يناظرونها
والشر يطلع من عيونهم : هلا والله !
زيد بحده : خلينا نتفاهم على بلاطه !
قررت اهرب منهم اسلم لي
بس فزعت لما مسك يدي : مو بالسرعه هذي !
اذا ما تبغين نذبحك بدم بارد !
تعالي نتفاهم !
هزيت راسي بالرفض بخوف ما اضمن وين رح يأخذوني !
طلع اوراق من مخبأته : حتى تضمنين سلامتك نبغى تنازل منك على كل حقوقك من ابوي !
ويا دار ما دخلك شر !
وناولني القلم : بسرعه وقعي !
ما املك القوه حتى اوقف بوجههم وما اتنازل عن حقي !
وش ابغى بالفلوس اذا رح يطاردوني طول حياتي !
مسكت القلم بيد ترتجف بس وقفني صوت قوي : وش فيه،؟!
↚
دخل ابو زيد العنايه الحثيثه !
ناظرته من خلف القزاز بحزن على حاله
قررت تشوف عزام اكيد كمل عملياته
خلاص رح ترجع لبيت خالتها مستحيل تجلس دقيقه تخاف يذبحونها عياله !
بعد ما التفتت بلعت ريقها بصدمه وهي تشوف عياله يناظرونها
والشر يطلع من عيونهم : هلا والله !
زيد بحده : خلينا نتفاهم على بلاطه !
قررت اهرب منهم اسلم لي
بس فزعت لما مسك يدي : مو بالسرعه هذي !
اذا ما تبغين نذبحك بدم بارد !
تعالي نتفاهم !
هزيت راسي بالرفض بخوف ما اضمن وين رح يأخذوني !
طلع اوراق من مخبأته : حتى تضمنين سلامتك نبغى تنازل منك على كل حقوقك من ابوي !
ويا دار ما دخلك شر !
وناولني القلم : بسرعه وقعي !
ما املك القوه حتى اوقف بوجههم وما اتنازل عن حقي !
وش ابغى بالفلوس اذا رح يطاردوني طول حياتي !
مسكت القلم بيد ترتجف بس وقفني صوت قوي : وش فيه،؟!
التفتت وانا اشوف طوق النجاة
وبسرعه توجهت خلف عزام احتمي فيه منهم !
تقدم زيد والشرار يطلع من عيونه : تعالي وقعي أحسن
قاطعه عزام بحده : نعم ؟!
الظاهر انك مخربط !
زيد وهو يبغى الشر : لا مو مخربط !
تعالي وقعي !
ويا دار ما دخلك شر !
إلتفت لي عزام يبغى يعرف السالفه
خفت يضرون عزام رديت بصوت يرتجف : ما في شيء !
وبسرعه سحبت الورقه ابغى اوقع واخلص من هالسالفه ما ابغى فلوس و لا مشاكل !
سرعان ما انسحبت الورقه من يدي واستقرت بيد
عزام !
تصفحها للحظات وبعدها ناظرنا
ببرود
وخلال ثواني
كانت الاوراق بوجه زيد
ارتدت على الارض !
ناظرت الورق وبعدها ناظرت عيال ابو زيد اشوف رد فعلهم!
طالع عزام عيال ابو زيد بقوة عين: خلي ابوك يرسل ورقة طلاقها وقتها رح نتنازل عن كل شيء !
عزام مسك يدي واعطاهم نظره تحدي !
وهم بالمغادره !
تناول زيد الاوراق من الارض وبوعيد : كلامي ما يتكرر !
ابعدت يد عزام بسرعه وتوجهت
لزيد سحبت الاوراق وهي ترتجف : وين اوقع !
قاطعها صرخه من عزام : ساره !
وقف بطريقه ولد ابو زيد
واستغل الفرصه زيد وبسرعه اشر لها مكان التوقيع
ما إلتفتت له لانها متأكده رح تضعف
اذا ناظرته
وخلال ثواني وقعت على الاوراق
بلعت ريقها لما حرر نفسه عزام و مسكها من يدها بقوه : غبيه !
زيد بابتسامة نصر : كذا شاطره !
والحين تقدرين تجلسين عند البابا وتهتمين فيه !
واعطاها نظره احتقار!
وغادروا بكل برود !
مسك عزام يده لاخر لحظه ما يضربها !
ما تعرف تتصرف ورح تبقى غبيه طول عمرها !
تكلم وهو يشد على أسنانه :-قدامي على البيت !
غمضت عيونها لعلها تستجمع قوتها
لمتى رح تبقى بهذي السلبيه؟!
لازم تعبر عن رأيها
قاطعها عزام بنفاذ صبر : امشي قدامي !
تبخرت قوتها قدام عزام !
ثلاث أشخاص ما تقدر تعارضهم بشيء
_ خلف
_ عزام
_ خالتها
لما شافها واقفه مثل الصنم سحبها بقوه معه !
فتح المصعد واول ما دخلوا صرخ بقوه : وقسم بالله احش رجولك لو أشوفك معتبه باب غرفته !
نزلت نظري ما عندي القوه ارد عليه !
طالعني بقهر من تصرفاتي : نفسي اعرف ليه وقعتي ؟!
ها حقك ليه تتنازلين عنه ؟!
ليه تقبلين الزواج فيه اصلا ؟!
اعطيني بس جواب !
انفتح المصعد وطلعت خلفه وقلبها ما وقف من قوة الدق
توجهت معه للمواقف واشر لها تركب السياره من الخلف
دخلت بخوف وقلبها مقبوض !
خلف لو يدري عنها وش رح يعمل !
عمها ابو راكان أكيد زعلان الحين عليها !
والهم الأكبر خالتها !
كيف تواجهها ؟!
قطع تخوفاتها صوته : اكلمك ليه ما تردين ؟
انخطف لونها لما شافت عبدالله جالس من الامام !
ما حست بوجوده
_ الظاهر تفكرين بحالة زوجك بصراحه يكسر الخاطر !
حست نبره السخريه بكلامه
وكالعاده ابتسمت بإحراج وتوتر شتمت نفسها ما له داعي لهذي الابتسامه
وش تعمل بنفسها غبيه وعبيطه !
دخل عزام معصب وحرك وهو ينافخ
وقلبها يتراقص من الخوف !
عم الصمت في السياره طول الطريق!
**
**
**
**
نزلت من السياره وغمضت عيونها وهي تسمع عزام يتوعد فيها : وقسم بالله اذا سمعت إنك رايحه للزفت
ناظرته ساره وهي تهز راسه بطاعه وتبتسم بتوتر خايفه خالتها تسمع صوته وتشوفها !
وحركت بسرعه باتجاه بيت خلف تهرب من خالتهابس وقفها عزام : وين رايحه؟!
ناظرت بيت خالتها وحطت اصبع الشاهد على فمها وبنظره توسل انه يسكت !
ضحك عبدالله على طريقتها وبلعانه تكلم : تراها خالتي متحلفه فيك !
عزام حزن عليها اشر لها : خلاص روحي !
وبسرعه ركضت بإتجاه بيت خلف
انحرج عزام من ركضها وناظر عمه : ما ادري متى تعقل هالبنت ؟!
تفكر نفسها بزر تركض !
زفر بضيق وتابع كلامه : تدري اني أحزن على حالها !
ضحية طمع وجشع خلف !
قلبها طيب وتفكر كل الناس كذا !
ما تدري إنه الخبث يسري بدم الكثير !
ترضى بالقليل حتى تكمل هالحياه !
ابتسم عزام وهو يشوف عمه متأثر
: الظاهر انك تأثرت!
اكتفى عبدالله بشبح ابتسامه بدون كلام !
**
**
**
من وقت ما دخلت ومسكتها جودي تحقيق
ساره بتأفف : وبعدين !
جودي مقهورة : كيف طاوعتي خلف وتزوجتي هالشايب!
وبعدين ليه هو بالمستشفى ؟!
ساره بضحكه تخفي آلامها وحزنها : انصدم من جمالي واصابته سكته قلبيه !
يقول معقول في احد بهذا الجمال !
ضربتها جودي على فخذها : بدون زناخه!
ليه داخل المستشفى؟!
ساره مطت شفتها بطريقه مضحكه : يا اختي انا وش عرفني ؟!
الظاهر ابوك خربط بدل ما يأخذني لفندق اخذني للمستشفى !
جودي بلقافه: طيب زوجته وين ؟!
ساره بضحك : اتوقع إنها حاجزه بالغرفه للي جنبه !
وضحكت بصوت عالي و هي تقول : تخيلي شكلهم كل واحد بغرفه بالمستشفى
جودي ما اخذت منها لا حق ولا باطل : يعني الحين زوجته بالمستشفى ؟!
هزت ساره كتوفها وهي تضحك : ما ادري عنها !
يمكن عايشه ويمكن ميته !
قرصتها جودي : سخيفه وانا صدقت انها بالمستشفى !
طيب عياله وين ؟!
وش رد فعلهم على هذا الزواج !
تربعت ساره وهي تشبر بيدينها : لو شفتيهم يراكضون خلفي بالمستشفى
وينادوني ماما ماما !
تأثرت جودي : يا حرام يمكن امهم ميته !
وفتحت عيونها باستنكار لما شافت ساره ارتمت على الارض من الضحك !
قاطعتهم ام محمد وهي تردح : ايا قليله الحياء تضحكين بعد سواد وجهك !
ما تستحين صوت ضحكاتك للشارع واصله !
اذا ما ربيتك اليوم واخليك تمشين على الصراط المستقيم !
وقفت ساره بسرعه وهي تعدل ملامح وجهها الضاحكه وبداخلها تردد
اللهم سكنهم مساكنهم !
من وين طلعت لي هالعجوز !
لا وبعد معها عصا !
وبسرعه نقزت فوق الكنبه لما شفتها متوجه لي وناويه تضربني !
ابتسمت براحه لما وقفتها ام عمار يا حبي لها !
ام عمار كانت واقفه قريب وتسمع سوالف ساره
تحسها تمزح وتضحك مع جودي وليان !
اما قدام الكبار تكون هاديه وعاقله !
اضطرت توقف خالتها لما شافتها ناويه تضرب ساره وبقهر من خالتها تكلمت : يا خالتي تراها مو صغيره تضربينها !
ام محمد بصراخ: بعد سواد وجهها تبغيني اسكت !
طالعت خالتي وانا رافع حاجب حسسوني وكأني خاطفه وراجعه !
تابعت ام محمد كلامها : اذا اخوانها تاركينها على راسها تشرد !
انا ما رح اسكت ابدا !
اشرت لها ام عمار تسكت شوي لما رن جوالها
ردت بهدوء وهي تناظر خالتها
لثواني قفلت الخط وناظرت خالتها : ابوي عند الباب يبغى يدخل !
زفرت بقهر ام محمد ما طلعت حرتها للحين : ان شاء الله
بلعت ساره ريقها بإحراج من عمها كيف تكلمه وتناظره بعد هالسالفه !
دخل ابو راكان وخلفه ام راكان !
نزلت ساره عن الكنبه وبتردد اقتربت وسلمت عليهم !
حست عمها سلم عليها بجفاء !
جلست لما اشر لها تجلس وهي خايفه من القادم !
ما تدري وش يبغى منها ؟!
بس اكيد يبغاها تطلب الطلاق !
انتظرته يتكلم وبعد لحظات بدأ يتكلم بكل برود : شوفي يا ساره انا كثير نبهتك ما تمشين وراء خلف لانك انت الخسرانه !
هو يبلع الفلوس وانت الخسرانه !
دوبك دخلت 16 وصرتي ارمله للمره الثانيه !
رفعت نظرها بصدمه وبهتت ملامحها وتردد بداخلها ارمله للمره الثانيه !!
ابو زيد مااااااات !!
**
**
**
**
جالسه بالصاله تناظر من حولها بصمت
ما تنكر ولا دمعه نزلت من عيونها !
لانها متوقعه موت ابو زيد بأي لحظه !
بلعت غصتها وهي تمثل لامبالاه من كلام خالتها وام راكان !!
_ والله سمعت يقولون عمره بالخمسينات مو مريض وصحته مثل الحصان !
صارت مشكله بينه وبين زوجته !
طبعا عياله وقفوا مع امهم ضد أبوهم !
ويقولون حلف الا يقهرهم ويتزوج على امهم !
ام محمد تكمل عن ام راكان : ايه سمعت حتى يقولون مو باين عليه العمر !
ولما خطب هالمنحوسه _ واشرت على ساره _ يقولون ثاني يوم من العقد اصابته جلطه وصار مثل الجثة بالمستشفى !
والله ما ظنيت احد يقربها بعد هالسالفه !
قبرت اثنين !
ما ادري وش النحس عليها !
من يومها منحوسه !
ام راكان ناظرت ساره بحزن على حالها صغيره ومترمله مرتين وبصوت هادي : ان شاء الله ربنا يعوضك
قاطعتها ام محمد : مين هذي المجنونه للي رح تستغني عن ولدها وتزوجه لهذي النحسه!
ام عمار : يا خالتي كل شيء اقدار ربنا كتبها !
كل واحد مكتوب له عمر رح يعيشه !
اميره جالسه من البدايه تناظر ما اعجبها كلام امها واول مره تحس نفسها تبغى تبكي على اختها الصغيره
دوبها ورده فتحت وتترمل مرتين !
واكثر شيء يخليها تبغى تبكي وهي تشوف ساره تناظرهم بلا مبالاه
ولا كأنه الامر يهمها !
متأكده انه ساره مثلها ما تظهر مشاعرها
تكون من الداخل منفجره وفوق هذا تبتسم ولا كأنه صاير شيء وبصوت فيه نبره حنان : وش رأيك يا ساره تيجي عندي
قاطعتها بفزع وغضب ام محمد : لا
وين تأخذينها ؟!
بعدين زوجك مو محرم لها !
ما تخافين تسرق منك زوجك !
وبعدين العده رح تقضيها بالقريه عند نادر !
واليوم العصر نازلين للقريه !
حسمت خالتها امرها وما في مجال للنقاش !
المره الأولى لما توفى هاني كانت تبغى تبعد عن هذا المكان وما تشوف نظرات الشفقه !
اما اليوم ما تبغى تطلع من هنا !
خلاص ملت من حياه التشتت !!
حست قلبها وقف لما شافته دخل والشرار يطلع من عيونه !
متوجه لها وكأنه بركان
بأي لحظه رح ينفجر فيها !
غمضت عيونها ورفعت يدها تغطي وجهها لانه ملامحه تؤكد لها انه ضاربها ضاربها !
وصدق حدسها لما انهال عليها بالضرب ويصرخ بأعلى صوته بالشتائم !
تقدمت ام راكان بفزع وهي تصرخ عليه تحاول تبعده عن ساره
وخلف مستمر بالطق
والكل يجهل سبب ثوران خلف على ساره !
فلتت شيلتها وشدها من شعرها وهو يرفعها لفوق وبصراخ : ليه تنازلتي عن حقوقك لعيال الكلب !
هزها بقوه : ليه يا كلبه !
وقسم بالله لطلع الفلوس من عيونك !
صرخت عليه ام راكان بقهر وهي تشوف ساره تحاول تخلص شعرها من قبضته وعيونها تلمع من الالم: إنت ما تخاف ربك !
ما تفرد عضلاتك الا على هاليتيمه !
اتركها جعل يدينك للكسر !!
وبصرخها من اعماقها: اتركهاااااااااا
خلف للي ما طلع حرته بساره وجكر بخالته زاد العيار ونزل يطق فيها من جديد !
ما فكها منه الا عيال ام عزام خلصوها من هالوحش للي انقض عليه بدون ذنب اقترفته !
ابتعدت خطوات عن خلف لما بعدوه عنها !
وبسرعه عدلت شيلتها وهي تشوف عيال عمها ابو راكان داخلين !
وزادت شياطين خلف لما شافهم !
ولعانه فيهم فك نفسه و رجع هجم على ساره وضربها وطالعهم وهو يصرخ بوجههم: أختي وما احد له دخل !
اذبحها اموتها ما احد له دخل !
ابعد يد عزام عنه بقوه وناظر ساره بتوعد : حسابك بعدين يا حيوانه !
وطلع وهو يناظر عيال عمه بقرف !
تحس بالاحراج الكل يطالعها ويناظرها
اكيد بشفقه
وقع نظرها على خالتها جالسه على الكنبه ومبتسمه وكأنه عاجبه للي صار !
نزلت نظرها من الاحراج وصارت تتأكد انه شعرها مغطى !
وقفت وناظرت جودي وليان يبكون عليها !
اقتربت جودي وهي تتفقد فيها !
ابتسمت ساره وبضحكه : علامك تتفقديني !
تراني ما زلت على قيد الحياه !
وغمزت لها بابتسامه حزينه !
ليان بتأثر : يوجعك شيء !
ساره بمكابره : اصلا ما يوجع !
وقلب وجهها بالالوان وهي تشوف عيال عمها مسلطين نظرهم عليها !
خيم الصمت بالصاله والانظار عليها فقط !
زفر بضيق وسأل وهو يناظر جدته : ليه ضربها ؟!
ام راكان وجعها قلبها من هالموقف : حسبي الله عليه هالطماع !
ضربها لأنها متنازله عن حقوقها لعيال ابو زيد !
هز راسه وطالع اعمامه : ما له داعي وقفتنا هنا !
وخلال ثواني انسحبوا من المكان !
جلست ساره جنب جودي وضحكت على شكل جودي ساحت الكحله : ههههههه
جودي ابتسمت على ضحكتها : تضحكين على شكلي يا دبه !
كله بسببك !
قاطعتها أم محمد : انت ما عندك احساس !
دوبك ماكله طق وجالسه تضحكين !
على الاقل احترمي هالحريم للي جالسات يعزونك !
والا نسيتي اذكرك !
تراه عزاء زوجك الثاني يا عديمة الاحساس !
شوي احترام لزوجك للي دوبهم دفنوه !
ساره طالعتها وابتسمت بتمرد لاول مره : إلي مات الله يرحمه !
ام محمد اكره ما عليها تشوف هالابتسامه امنيتها تشوفها مكسوره مذلوله والابتسامه ما تعرف طريقها وبحقد ردت : والله الواحد صار يخاف يجلس معك من نحاستك !
يا وجه البوم
قاطعتها نوره للي كانت جالسه من البدايه مستمعه : استغفري ربك يا عمتي !
وش هالكلام ؟!
كتمت عبرتها ووقفت وعيونها تنذر بالدموع !
اول مره تشوف احد يضرب اخته بهذي الوحشيه !
ما تلوم ابوها واخوها لما يتعاملون مع خلف باحتقار !
لانه فعلا احقر انسان شافته على الارض !
ام محمد مطت شفتها بسخريه : علامها راحت !
ما كنت ادري انه اخوي عنده بنت حساسه لهذي الدرجه !
ام راكان بضيق : خلاص اسكتي والله وجعني قلبي على هاليتيمه !
يا ليتها بقت عند اهل امها ولا جاءت هنا وضاقت المر بحياتها مع عيالك الفاشلين !
حرام عليكم تراها يتيمه !
شوفي ووجهها كيف انتفخ من ابنك الثور !
بعدها بعمر الزهور دفنتوها وهي عايشه !
بس ما اقول الا حسبي الله
حركت ام محمد شفتها ترد
بس قاطعتها اميره بقهر : خلاص يمه لا ترقعي للزفته خلف !
وقسم بالله اني اخجل من افعاله !
ام محمد بهجوم : انت اخر وحده تتكلمين !
على الاقل خلف اشوفه كل فتره
اما انت يالعاقه
بالشهور ما اشوفك 24 ساعه مسافره!
حتى عيالك ما اذكر ملامحهم !
من سنين ما شفتهم !
هزت اميره رأسها بفقدان امل من امها !
مستحيل تعترف بغلطها !
ام عمار ما تبغى تصير مشكله ثانيه : خلاص قفلوا الموضوع !
وفكونا من المشاكل !
***
***
***
***
***
بعد العصر
راكبه جنب خالتها وتناظر من الشباك
والعبره خانقيتها
احداث اليوم كانت صعبه عليها
وزاد عليها خلف لما طقها !
تتمنى تستفرد بنفسها وتفرغ كل الكمت للي بداخلها !
امنيه بسيطه صعب تحقيقها طول ما خالتها مرافقيتها مثل ظلها !
مسكت دموعها حتى ما تنزل كيف تتحمل كلام خالتها وام هزاع !
ما رح تقدر تتحمل !
تخاف تنهار ويتشمتون فيها !
غمضت عيونها لازم تتغير
ويصير لها شخصيه توقف خلف عند حده !
كافي لهنا !
قلبها طق من اعماله !.
صارت مثل السلعه يتاجر فيها !
حنت لجدتها ام سعيد تتمنى ترجع وتعيش معها
وقابله بعيشه الفقر !
وش فائده الاكل ومحرومه أشياء كثيره !
بس للي محيرها كلام ام راكان « يا ليتها بقت عند اهل امها »
اهل امها ؟!
مين اهل امها ؟!
هي ما تعرف الا جدتها ام سعيد !
معقول ام راكان خربطت ؟!
لازم تسأل عن اهل امها !
بس كيف ومين تسأل؟،
***
***
***
***
ابو راكان بصراخ يكلم بالجوال بعد ما فقد صوابه : وقسم بالله يا خلف لو اسمع انك مقرب من ساره ما يحصل لك طيب .......ايه اعتبره تهديد وإنت تدري اقدر ادمرك ......ايه رح اذلك لاخر يوم .....الخلاصه تترك ساره بحالها ......وقسم بالله لو اسمع انك مزوجها الا ادفنك بيديني ....صدق انك احقر ما شفت بحياتي
وقفل الخط بغضب : اوقح من كذا ما شفت !
ابو عزام بهدوء : وش قالك؟
ابو راكان جلس على الكنبه بغضب : يبغى فلوس علشان ما يقرب من ساره !
شفت احقر من كذا ؟!
ابو ماجد بهدوء : انا اقول ليه ما تزوجها عن طريقك يبه يمكن ترتاح
قاطعه ابو راكان بفقدان امل : مين يقبل يتزوج وحده مترمله مرتين !!
خلينا واقعين لو عندك ولد تزوجه لها ؟!
ابو ماجد بغرور : اكيد لا !
يكفي ماجد الزفت للي خطبت له من ذيك العائله !
ابو راكان : والله عائله ابو سعود ما عليها كلام !
ناس سمعتهم طيبه ومتعلمين !
مو مثل عيال اخوي للي يفشلون !
ابو ماجد بترفع : بس انا كنت راسم له نسرين !
ما رح الاقي احسن من ابنة اخوي ابو عزام !!
ابو عزام : كل شيء نصيب !
مناف رفع اصابعه وهو يؤشر باتجاه اخوه : تراه ولدك مو صاحي ؟!
ويبغاله تربيه من اول وجديد!
ابو ماجد بقهر : هذا للي قهرني والا واحد صاحي ينشر هالاشاعه قدام الدكاتره حتى يقهر دكتوره !
لا والحين طالع لي بسالفه يبغى يشوف خطيبته ويزورها !
لكن حامض على بوزه !
ابو تالا ببرود: طيب افسخ الخطبه
ابو ماجد بحده وحزم : وقسم بالله ما تنفسخ
انا متأكد انه ندمان على خباله بهذي السالفه !
بس خله يتحمل نتائج خباله!
والبنت بعدها صغيره متى ما تخرج
وقتها يصير خير !
ام راكان : يا ولدي إذا ما كان له خاطر بالبنت لا تجبره !
ما ألقى بال لكلام امه للي دوم بصف العيال !!
***
***
***
***
جودي وهي تمسح دموعها : نفسي احس اني مثل باقي البنات عندي اب !
ليه هو قاسي لذي الدرجه!
لهدرجه يكرهنا؟!
نفسي اشوفه يزورني علشان يتطمئن علي !
ليان بضيق : لما يسألني زوجي عنه ليه ما يزورنا ما ادري وش ارقع له!
ام عمار تنهدت : يا ماما يعني من لما تزوجته وعقله كذا ما تغير !
ولا رح ييجي يوم يتغير !
وش اقول للي دفنت نفسي معه ؟!
احمدوا ربكم ازواجكن متفاهمين ومتعلمين !
مو مثلي تزوجت هالهمجي !
انا احمل درجه الدكتوراه ومع ذلك تركتها
حتى ما انحرج اذا احد من زميلاتي عرفت إنه خلف زوجي !
الفرق بيننا كبير !
كان طموحي اتزوج شاب متعلم ومثقف مثلي !
نكمل الحياه بالتفاهم والحب والاحترام !
انهدمت كل احلامي بزواجي منه !
وش اقول لما
سكتت ام عمار وهي تمسح دموعها من جروح الماضي !
جودي بكت على حال امها اول مره تفضفض لهم !
تابعت ام عمار بألم : صرت اختصر التجمعات حتى ما تلتفت لي الانظار
زوجة النصاب!
وقسم بالله قرفت الحياه معه !
والله ما صبرني عليه غيركم !
جبرت نفسي اتحمله علشان اغلى 3 على قلبي
جودي
ليان
عمار
***
↚
حطت الكتاب بضجرمن الدراسه
وقررت تطلع تجلس مع نهى واسماء
طلعت من غرفتهاوابتسمت على كلام نهى للي داهمها : واخيرا طلعتي من معتكف هالدراسه !
اسماء بسخريه : تراك اولى ثانوي !
حسستيني انك ثالث ثانوي !
نهى تتمسخر : تخيلي بعد هالتعب عريس الغفله يمنعها من الدراسه !
جلست عائشه وبابتسامه : يطلع له يعمل للي يبغاه
وانا انفذ كلامه بكل طاعه !
وبنغزه مو مثل بعض ناس ما تيجي الا بالطق !
ولعبت بحواجبها !
اسماء تحرك كف يدها للامام والخلف : يمه يمه جيل بعبع !
على حساب طول وقتك نازله اشعارات
دراستي ودراستي والدكتوره عائشه
قاطعتها نهى بضحكه وهي تضرب فخذ اسماء : تخيلي ترسب
وضحكت بصوت عالي !
عائشه رفعت حاجب بثقه : الحمد لله عارفه نفسي !
اسماء بغيره : مين قدك زوجك يدرس طب !
ما بقى عليه كثير ويتخرج !
مو مثل حظي عامل حاله تاجر وهو من جنبها !
من خساره لخساره
وللي يقهر لما يقول اهم شيء نطلع رأس المال !!
حاشر نفسه بالتجارة بالغصب وهو ما يعرف يجمع رقمين على بعض !
نهى بغيره : على الاقل حظك احسن من حظي !
ما اقول الا مالت علي وعلى حظي متزوجه حمار لا يصد ولا يرد !
عائشه بانتقاد : عيب عليك تتكلمين على زوجك كذا !
لازم يكون فيه احترام بينكم !
نهى بجعرفه : لازم تقلبين وجهك عني !
تراك من صغرك تتفلسفين كثير !
ما احد حاس بمعاناتي !
الاقيها من زوجي الحمار
والا من امه الحربايه !
والا من اخواته الخبيثات !
يا اختي انا عمري ما شفت مثلهن !
قدامك عسل ينقط ومن خلفك
افاعي تنقط سم !
عائشه : حرام تظلمي الناس !
نهى مطت شفتها : اسكتي اسكتي إنت وش عرفك !
ما احد خبر زوجي اني اطلع عالسوق لما ازوركم بدون اذنه غيرهن !
تذكرين لما طلعنا وبالصدفه شفت اخواته بالسوق !
ما لحقت اطلع من السوق الا الزفته متصل يزف فيني ويتحلف !
ووقتها حصلت منه طراق
وعضت على شفتها بقهر كله منهن هال.....
اسماء : اعوذ بالله تعالي قولي لي !
مثل هالحربايه للي عندي ما فيه !
يا كرهي لامه !
على بالها ابوي مزوجني لهم شغاله !
تبغاني اخدمها !
وكتيبة البنات للي عندها وش فايدتهن !
بس انا اسماء !
ودقت على صدرها بفخر
وقفتها عند حدها !
على بالها بنات الناس شغالات عندها !
بس بنت ال ..... كل يوم تعملي مشكله مع زوجي !
منكده علي !
الله يأخذها ويريحني منها !
وقفت عائشه بضجر : اففف قسم بالله للي يجلس معكم يحصل ذنوب
كله شتم وحش بالناس ؟!
مسكت يدها اسماء : خلاص اجلسي
وقبل ما تجلس تكلمت نهى بحماس وهي تناظر اسماء : ما قلتلك ؟!
فوزيه وحماتي مولعه بينهم !
فوزيه عرفت انه حماتي تتكلم عليها !
وتروح لها للبيت وتمسح فيها الارض ! ياه فشت غلي فيها !
حتى بناتها مسحت فيهم الارض وطلعت القديم والجديد وهي تردح لهم !
وانا اناظر واضحك بداخلي !
اسماء بحماس : طيب وفوزيه وش عرفها ؟!
دقت بفخر على صدرها نهى : انا قلت لها حماتي وبناتها يتكلمون عنك كذا وكذا
مع شوي من البهارات من عندي !
هزت راسها عائشه بأسف على حالهن : غيبه، نميمه ،وكذب !
تذكري يا نهى لا يدخل الجنة قتات !
وقررت تتركهن وترجع لدراستها مو ناقصها ذنوب !
**
**
**
**
سعديه من اول ما دخلت مسكتها تحقيق وهي تناظر خدود ساره فيها انتفاخ : لا تقولين لطمتي خدودك علشان هالشايب !
ناظرتها ساره بنص عين : سخيفه !
سعديه بضحكه : لذي الدرجه عز عليك الشايب ولطمتي خدودك !
الله يصلحك ما تدرين انه لطم الخدود حرام !
وبتحقيق : خلف للي ضربك ؟!
ساره ابتسمت بسخريه : لا انا لطمت خدودي من حزني على فراق الشايب !
سعديه ضربتها على راسها : سخيفه !
عفست ملامحها اوجعتها الضربه راسها وشعرها للحين يوجعها من يدين خلف !
سعديه مطت شفتها : يالمجرمه تزوجتي اثنين وانا مو ملاقي احد يناظر خشتي !
لا وللي قاهرني هالهزاع بعده مصمم يخطبك !!
ناظرتها ساره وهي رافعه حاجب بتكذيب : مو قلتي لي انه رافضني ذيك المره !
حكت رأسها بضحكه وهي تفكر كيف ترقع كذبتها الاولى !!
ساره اشرت لها : لا تطلعين كذبه ثانيه !
ما يهمني لا هزاع ولا غيره !
اشبعي فيه !
ادري انك تحومين حوله !
مبارك عليك !
فتحت فمها بصدمه ما توقعت انه ساره كشفتها وبترقيع سريع : مين قالك اصلا !
ما بقى الا هزاع اناظره !
تدرين انه هزاع خطبني 3 مرات ورفضته !
ولما فقد الامل صار يراكض خلفك !
ما تشوفين كيف يناظرني بقهر لاني رفضته !
ساره بتسليك : صادقه !
شهادتك هالقد جالسه تتشرطين !
سعديه رفعت حاجب بحده : وش قصدك ؟!
ساره تنهدت : الحال من بعضه !
على قولتك لو ييجي شايب يخطبنا يا حظنا !
الكل الحين يبغى متعلمه وموظفه وحلوه !
واتوقع حنا نفتقد هالعلامات 3
سعديه تنفش ريشها :يا اختي كل وحده تتكلم عن نفسها !
وبنغزه: انا لو عندي عيال عم كان زمان تزوجت !
ساره انقهرت منها وكأنها تذكرها برفض عبدالله لها
كتمت قهرها وما حبت تجرحها بالكلام !
وقررت تسكت احسن لها !
مو ناقصه جروح للي فيها مكفيها !
تتذكر نظرات ام راكان وبنات خلف ونوره لما كانوا يطلعونها ويبكون!
وهي ما قدرت تبكي على نفسها !
لمتى تكابر وترسم ابتسامه مزيفه !
ذبحها الحنين للماضي !
مشتاقه لجدتها ام سعيد تبغى ترمي نفسها بحضنها وتشكي لها هالحال!
مشتاقه لعائشه صديقة الطفوله!
تمسك يدها وتخبرها بكل شيء اوجعها وجرحها !
تنهدت وهي تناظر سعديه تتكلم بموضوع ثاني ولا كأنه صار بينهم شيء قبل لحظات !
هذي عادتها من طفولتهم!
**
**
**
**
في اليوم الثاني
نادر وهو يمسح على راسها بحنيه وهي حاطه راسها على فخذه : لا تهتمين لكلام الناس !
عيشي حياتك مثل ما تبغين انت وارمي كلام الناس وراء ظهرك !
لأنه باختصار رضى الناس غايه لا تدرك !
ناظرته وابتسمت بألم ودموعها تنذر بالنزول ....نادر اخوها للي ما رح تلاقي احن وارقى منه !
الكل يتكلم عليه وينتقد طريقه حياته !
ومع ذلك طنش الكل وعاش مثل ما يبغى هو ....وما سمح لكلام الناس يتحكم فيه !!
بس هي ضعيفه ألف واحد يتدخل بشؤونها وبنبره ضعيفه : اي حياه تتكلم عنها ؟!
ناظر عيونها اللامعه بالدموع : لا تخلين حياتك تتوقف هنا !
بعدك صغيره وتقدرين تصنعين مستقبلك بيدك !
ردت بنبره متشائمه منكسره : خلف ما ترك لي مستقبل !
مسح بإصبعه دمعه اخذت مجراها على خدها : ليه الدموع يا ابوي !
دفنت وجهها على فخذته وكأنها الكلمه للي فجرت كل الكمت للي بداخلها وبصوتها الناحب : ليه انا ما لي اب مثل باقي البنات !
وين ابوي وين امي !
وين جدتي ام سعيد كلهم تركوتي لخلف وخالتي !
دمروا مستقبلي !
للي بعمري الحياه دوبها فتحت لهم الحياه !
وانا قفلت بوجهي !
يا ليت متت معهم لا عشت دقيقه عند احد !
الكل يتحكم فيني ويمشي حياتي على كيفه !
مسحوا شخصيتي ما اقدر أطالب بحقوقي !
حتى ما أقدر أدافع عن نفسي !
أبلع المر والقهر واسكت وابتسم !
حتى تمشي حياتي !
خلاص تعبت تعبت
ودخلت بنوبة بكاء قويه
مسح على رأسها وهو يسمع شهقاتها !
تتمنى يكون ابوها موجود !
وهو يتمنى طفل يناديه بابا !
كل واحد فيهم يتمنى شيء مستحيل !!!!!
ساره طفله
وعيت على الدنيا لا أب ولا أم !
يتيمه !
لكن خلف ما رحمها !
يتمنى يخفف من آلامها واحزانها !
تنهد الظاهر مكتوب عليها الشقى طول حياتها !
***
***
***
***
قريب المغرب
جالسه بالحوش وتناظر غروب الشمس وتتمنى ما تنتهي ايام العده !
تخاف من مفاجآت خلف !
قلبها مقبوض كل يوم يمر تتمنى انه ما ييجي اليوم للي بعده !
استغربت لما سمعت طرقات على الباب : مين ؟!
_ افتحي انا عمك سلمان !
فتحت الباب وناظرته بنص عين : عمي مره وحده !
سلمان وهو ينفش ريشه : مو عاجبك !
ابتسمت ساره : يقال اني خالتك !
عفس ملامحه بتكبر : تخسين ما بقى الا بزر تكون خالتي !!
ضحكت ساره على تعليقه !
ابتسم على ملامحها : اشوفك مبسوطه !
ودفها للداخل : مطوله وانت لاطعيتني عند الباب ؟!
ساره بفرح لشوفته : وين تحب تجلس؟!
سلمان بسخريه : للي يسمعك يقول من كبر البيت !
تراني اذا جلست هنا رجولي ألاقيهم عند الجيران !
ساره بابتسامة: كأنك تبالغ !
سلمان بلامبالاه جلس على الكرسي للي بالحوش : ما علينا!
المهم اخبارك ؟!
جلست ساره مقابل له : بخير !
طالع حوله باستغراب: وين جدتي وخالي!
_ خالتي عند الجيران ونادر بالبقاله ومها عند صديقتها !
كمل عنها : وانت محبوسه هنا !
وبابتسامه: وضعك ذكرني بماجد !
عمي عامل عليه حصار ممنوع يطلع
من البيت للجامعه ومن الجامعه للبيت !
ساره بتذكر : ما خبرتني كيف خطب ؟! ومتى ؟!
سلمان و هو يخز فيها بمزح : لا تقولين حاطه عينك عليه ؟!
اقولك من الحين ترى الرجال عنده طموح واحلام
وانا ما اقدر ابعد عنه وافقده و يموت !
حتى لو كان مزح جرحها كلامه وكالعاده وضعت قناع لامبالاه وابتسمت وهي تعلق : سخيف !
مين خطب ؟!
سلمان وهو يحك راسه : ابنة دكتور نزل عنده ماده !
وبتذكر : قال لي عزام انه ابوها كان جار لكم
ساره بلهفه : وش اسمه ؟!
وقبل ما يتكلم سألت : ابو سعود ؟!
سلمان عفس ملامحه لذكره : ايه
ساره بلهفه وفرح : اي وحده من بناته ؟!
سلمان عقد حواجبه : انا وش عرفني ؟!
ساره برجاء : بالله بالله اتصل بماجد وشوف وش اسم خطيبته ؟!
لما شاف سلمان لهفتها ما حب يكسر بخاطرها : انتظري اكلمه
طلع جواله واتصل عليه وبعد لحظات وصله صوته : هلا هلا بالمحبوس .....ههههههه ......والله انا بالقريه ........متى ما انتهى الحصار وقتها تعال اعتب علي !
اشرت له ساره يسأل بسرعه !
طيب طيب ماجد ابغى اسألك .....لا عاد بلا ثقل دم ......ايه خطيبتك وش اسمها ؟! ...... هههههه لا ما ابغى اخطبها .......لا انا اسألك ......ما تعرف اسم خطيبتك .....والله انك نكته ........ايه ايه فهمت اصغر وحده
قاطعته ساره بفجعه وهي تصرخ : عيشه عيشه عيشه
طالعها سلمان : وش فيك انجنيتي !
ساره بفرح واخيرا رح تلتقي عائشه : ماجد خاطب صديقتي !
رجع سلمان يتكلم وهو غاسل يده منها : غبيه فرحانه طلعت خطيبتك صديقتك .......ههههه معك حق تتركها دام ساره صديقتها .....تخيل تكون كوبي بيست عن ساره .......ههههه تراك حطيت نفسك بورطه بسبب خبالك ......طيب خلاص انقلع
قفل الخط
وارتفع ضغط سلمان من لقافة ساره
اول مره يشوفها بهذي السعاده ...
قاطعهم دخول مها ناظرته وهي رافعه حاجب !
انحرج سلمان وبسرعه وقف : اخبارك يا خالتي !
مها بهدوء : هلا حياك الله !
وش أخبارك واخبار اهلك !
سلمان : بخير الله يسلمك !
مها : خذ راحتك
واستأذنت ودخلت بهدوء !
رجع جلس سلمان وهو يلتفت حوله ما يبغى احد يسمعه : احسها زوجة خالي نكديه وشريره و
قاطعته ساره : بالعكس حبوبه وت
قطعت كلامها وهي تشوف خالتها داخله
ناظرت سلمان وابتسمت وبداخلها ما في نكديه وشريره غير جدتك !
سلمت ام محمد وبعصبيه ناظرت ساره قبل ما تجلس : قومي جيبي الضيافه !
جالسه وفاتحه حلقك للسوالف!
هذا للي فالحه فيه !
سلمان بهدوء ناظر ساره لما دخلت
وبعدها إلتفت على جدته : راعي مشاعرها
قاطعته بشراسه : خليك بنفسك ولا تتدخل بأمور ما تخصك !
وبعدين ليه جاي هنا ؟!
وما اعطيتني خبر !!!
وامك اليوم اتصلت فيها ما ترد !
قاطعها سلمان بمزح : بإسم الله اكلتيني بقشوري !
وش فيك هبيتي فيني!
ام محمد بصراخ : يا ساره يا زفته !
ساااااره !
طلعت ساره بسرعه : نعم خالتي !
ام محمد بغضب : جهزي اغراضي بسرعه !
ناظرتها ساره باستغراب
وسرعان ما تحركت لما صرخت عليها : تحركي
سلمان عقد حواجبه : وش فيه ؟!!
ام محمد بغضب : ام هزاع الكلبه انا اروايها !
قوم رجعني لبيتي !
تحرم علي هالقريه بعد اليوم !
قوم تحرك خلصني !!
حطت ساره الاغراض لها وعلى رأسها علامة تعجب بس ما قدرت تسآلها لما شافت ملامحها الغاضبه !
وقفت ام محمد وبحزم : من يوم ورايح لا اعرفك ولا تعرفيني !
اخوانك وعمك اولى فيك !
خلاص انا رفعت يدي منك !
وبيتي يتعذرك !
وناظرت سلمان بأمر : قوم بسرعه وصلني !
سلمان انصاع لامرها وهو مو فاهم شيء !
ناظرت ساره زول خالتها وهي طالعه تتحلطم !
مو مصدقه عيونها !
تحس انها سمعت الكلام غلط !
اكيد هي بحلم !
مو قادره تصدق !!!
واخيرا حصلت على الحريه ؟!!!
تبغى تصرخ بأعلى صوتها وتعبر عن مدى فرحتها !
بس الغريب وش صار خلاها تنقلب بهذا الشكل ؟!!!
قفزت بفرح وتوجهت للداخل تناقز من الفرحة وتنادي على مها تخبرها
احلى خبر كانت تنتظره من زمان !
**
**
**
**
خلال دقائق كان الخبر منتشر في بيت ابو راكان !
ما قدر سلمان يسكت حتى يوصل ويذيع هالخبر !
نشر هالخبر على الواتس !
ام عزام مو مصدقه : معقول امي بعد هالسنين تتركها ؟!
طيب وش صار ؟!
ام راكان : ما خبركم سلمان عن السبب !!
نسرين : بس كتب كذا وقال التفاصيل بعدين !
ام راكان براحه : احسن شيء عملته !
فكت هاليتيمه من شرها !
ابو ماجد ولا مره إلتقى بساره عقد حواجبه : الحين هي عند نادر ؟!
عزام بهدوء : ايه عند خالي!
زم شفته بفوقيه : والله لولا اختي ام عمار والا زمان كان طيرتهم من هالمكان !
ونرتاح من خلف وإخوانه !
هالقرابه ما نبغاها ولا يشرفونا !
ام راكان باستخفاف لكلام ولدها : يا ولدي البيت والارض بإسمهم ما يطلعلك تطيرهم !
وبلوم : احترم ام عزام تراهم إخوانها !
ابو ماجد بقرف : لو مكانك زمان تبريت منهم وخاصه هالخلف !
ابو تالا : اذا انت ما تطيقهم تراهم اخوانها !
وش عليك منهم ؟!
ام تالا ناظرته بحده : ما احد طلب منك تكون محامي دفاع عنهم !!
ابو تالا بغضب من نظراتها : وش رأيك أحطك محاسب على كلماتي استأذنك قبل ما اتكلم !
تر
قاطعه عزام : يا عمي اذكر الله !
وفكونا من المشاكل ؟!!
لفت ام تالا وجهها بزعل وهي تعيش حياه رعب من بعد ما مات زوج ساره !
كل ما تقول خلصت منها تطلع لها من جديد !
ما تدري متى تنتهي من هالكابوس ؟!!
**
**
**
**
**
مرت ايام العده وهي تحس براحه كبيره
رحيل خالتها اكبر هم انزاح من حياتها !
وكأن الحياه ابتسمت لها من جديد !
اهم شيء تنام وتصحى بدون ما تسمع صوتها النشاز او كلماتها الجارحه !
بس متخوفه تكون لفتره وبعدها ترجعها !
انتهت العده وهي متحيره وش تعمل ؟!
مرتاحه بالعيشه عند نادر بعيد عن خلف وخالتها !
قررت تطلع اليوم وتمشي بالشارع زمان ما طلعت !
كل يوم كانت سعديه بوجهها تسليها
صحيح تغثها احيانا بكلامها ...بس تسلك لها ما عندها غيرها ....من ذاك اليوم ما شفت أم هزاع
سمعت انها ثاني يوم جاءت لهم للبيت بس مه تكفلت وطردتها ومن يومها
ما رجعت !
نفسها تعرف وش للي صار بين خالتها وام هزاع ؟!!
فتحت باب الحوش وناظرت حولها وهي تحس نفسها مشتاقه تطلع وتركض !
عدلت شيلتها وهي ناويه تلف بالحاره وبعدها تمر على نادر بالبقاله !
تناظر حولها ومبتسمه تحس نفسها خلاص نسيت الماضي وبدأت حياه جديدة !
عبست ملامحها لما وقفها صوته : زمان القمر ما بان !
مطت شفتها ما تطيقه وما تدري وش للي معلقه فيها ؟!
حسب كلام سعديه تقول انه يرسم على ورثتي!
الاخ يفكر انها غنيه ما يدري انها ما تملك فلس واحد !
تكلم وهو يجاريها بالمشي : الظاهر انك طلعتي من العده ؟!
عاد ما قلتي لنا مين الميت الجاي ؟!
انقهرت منه ما احد رح ينسى وبكل كره نطقت : انت الجاي !
ابتسم هزاع بفرحه : يعني موافقه علي !
خلاص باكر نيجي نخطبك رسمي
ونملك و
قاطعهم تصفيق من خلفهم : ما شاء الله !!!
طالعت خلفها وانخطف لونها وهي تناظر .....
↚
تناظر حولها ومبتسمه تحس نفسها خلاص نسيت الماضي وبدأت حياه جديدة !
عبست ملامحها لما وقفها صوته : زمان القمر ما بان !
مطت شفتها ما تطيقه وما تدري وش للي معلقه فيها ؟!
حسب كلام سعديه تقول انه يرسم على ورثتي!
الاخ يفكر انها غنيه ما يدري انها ما تملك فلس واحد !
تكلم وهو يجاريها بالمشي : الظاهر انك طلعتي من العده ؟!
عاد ما قلتي لنا مين الميت القادم ؟!
انقهرت منه ما احد رح ينسى وبكل كره نطقت : انت الجاي !
ابتسم هزاع بفرحه : يعني موافقه علي !
خلاص باكر نيجي نخطبك رسمي
ونملك و
قاطعهم تصفيق من خلفهم : ما شاء الله !!!
طالعت خلفها وانخطف لونها وهي تناظرها الحين اكيد رح تفسر على كيفها
وخلال ثواني كان صوتها يلعلع : انت
ما تستحين على وجهك طالعه من العده وقاعده تشبكين خيوطك !
وبالشارع لا فيه خجل ولا حياء!
والا غاب القط إلعب يا فار !
شفتي خالتك تركتك وصرتي تلعبين بذيلك وتطلعين على حقيقتك !
والحين جايه ناويه تذبحين ولدي !
بس حامض على بوزك الحين اتصل بأهلك خلهم يمسكونك عن عيالنا !
وطلعت الجوال ناويه تتصل وبسرعه
تناوله هزاع بهلع : انت انجنيتي يمه ؟!
ام هزاع باصرار : خلهم يجون يشوفنها وهي تواعد الشباب !
هزاع : تبغينهم يذبحوني ؟!
ما احد واقف معها غيري !
رجعت لصوابها اكيد لو اتصلت رح يعرفون انه هزاع واكيد ما رح يرحموه !
وبحده ناظرت ساره : لولا ولدي والا كان خليتهم يشوفون ابنتهم وين داشره
سكتت فجأة لما شافت ساره مسكت حجر من طرف الشارع وبتهديد : وقسم بالله كلمه افلع راسك بالحجر !
ام هزاع تعرف انها ساره شخصيتها ضعيفه وما تقدر تؤذي نمله وبقوه تخصرت لها : إفلعي رأسي اشوف وش رح يطلع منك !!
مسكت وشدت عليه بقهر من نفسها
ضعيفه قلبها ما يطاوعها تؤذي احد
ومع ذلك حصلت الاذى من للي حولها
وبالاخص ام هزاع دوم حاطه ضدها
ما عملت لها شيء ليه تتبلى عليها بالكلام وهي عارفه ابنها مو تاركها بحالها
شدت على الحجر اكثر وغمضت عيونها بقهر ليه الناس ما عندهاضمير فرغت كل قهرها وهي ترم الحجر بعيد بقوه !
فتحت عيونها بخوف على صراخ ام هزاع وهي تشوف الدم ينزل بغزاره
كيف ما تدري !
رجعت للخلف خطوه بخوف لما صرخ عليها هزاع بحقد : والله لاشرب من دمك يا بنت...
وخلال ثواني ركضت هاربه من المكان
وقلبها يدق طبول من الخوف والرعب !
مستحيل تكون هي ؟!
كيف ضربها الحجر ما قصدت تصيبها
كانت تبغى ترميه بعيد !
بس كيف ضرب فيها !
تحس نفسها مفزوعه بعد ما شافت منظر الدم !
قلبها الرهيف ما تحمل هالصوره !
فز على حيله لما شافها بهذا المنظر
وجهها احمر وتبكي وكأنه مصيبه حلت فوق راسها وبخطوات سريعه اقترب منها وسألها برعب : وش فيه ؟!!!!
مها صار لها شيء ؟!!
هزت رأسها بالنفي وجلست بعد ما استنفذ الركض طاقتها !
ما يدري وش فيها !
وش صار حنى يصيبها كذا ؟!
معقول خلف جاء هنا يأخذها ويبغى يزوجها وهربت منه ؟!
وبسرعه سألها : خلف هنا ؟!
ورعب نظرت حولها تبحث عنه !
بالرغم من الموقف ضحك على شكلها المرعوب : انا اسألك خلف جاء ؟!
بلعت ريقها وهزت راسها بالنفي !
وقف نادر بهدوء وتوجه للثلاجه كلع علبة مويه واعطاها تشرب بعد ما فتحها لها : سمي واشربي حتى تهدي شوي !
بعد ما شربت ناظرها حتى تتكلم وتخبره وش صار ؟!
ساره بصوت يرتجف : خبيني !
ابغى اهرب !
قبل ما تيجي الشرطه وتأخذني !
بالله لا تسلمني للشرطه والله ما كان قصدي !
قلبه وقع وش تهذر شرطه وتهرب وبسرعه هزها : وقعتي قلبي وش صاير ؟!
وليه الشرطه تأخذك ؟!
فهميني السالفة ؟!
ساره بتوتر وخوف : مو قصدي بغيت ارمي الحجر بعيد ما ادري كيف وصل ام هزاع وفلع راسها
ورجعت تبكي من جديد !
ضحك نادر : هذي هي السالفه ؟!
وعامله مناحه علشان كذا ؟!
يا ليتك كسرتي رأسها وارتحنا منها !
ساره انقهرت من بروده: الحين ىح يشتكون علي !
يمكن تموت ؟!
والله ما كان قصدي
قاطعها نادر ببرود : يا بنت الحلال روقي قومي اشتري للي بنفسك
وانسي هالسالفه !
ساره اخذت نفس وهي تمسح دموعها براحه بعد كلامه : يعني ما رح يشتكون علي !
نادر بلامبالاه : خلهم يشتكون وقتها توقعين على تعهد وانتهت السالفه !
وابتسم وغمز لها !
ضحكت براحه ما عمرها شافت مثل نادر حتى ما كلف نفسه يسأل عن سبب المشكله !
فرق بينه وبين خلف لو كان خلف موجود كانت بعداد الموتى !
فتحت الثلاجه وطلعت علبه عصير نشف ريقها والسبب ام هزاع نكدت عليها
مع انها كانت رايقه ومبسوطه وتحس بسعاده بداخلها ما تدري عن سببها !!!
ناظرها وابتسم لما شاف ملامح الراحه اكتست وجهها تكلم بصوت حاني : كملي العصير علشان نرجع للبيت !
يمكن مها الحين تحاتيك !
هزت رأسها بطاعه وهي تشرب عصير مثل الاطفال خايفه تخلص العلبه !!
***
***
***
***
في بيت ابو راكان كان الوضع مختلف من شهور !
وقف بقهر من رفض أهله : يبه انا من شهور اقنعك بالموضوع وبإمكاني اتزوجها واحطكم بامر الواقع بس انا ابغى رضاكم
!
ابو راكان بجديه فيها حزم : دام تبغى رضاي ورضى امك شيل الموضوع من راسك !
ام راكان من شهور ودموعها ما تجف خوف على ولدها : اذا لي خاطر عندك يمه فكنا من هالموضوع !
رد بنرفزه : يمه ترانا متعلمين !
مو جهال !
وش هالتطير هذا ؟!
ربنا كتب انه يموت زوجها وش دخل هذا بهذا ؟!
وناظر الموجودين : علامكم يا جماعه كل هذا اقدار مو لذي الدرجه يوصل فينا الجهل !!
ابو راكان يعرف انه كله اقدار بس قلبه ناقز من هالفكره وبنفس الوقت رفضه لاسباب اخرى وهذي المسأله زادت الرفض عنده وبحكمه تكلم : يا ولدي انت متعلم والبنت مو متعلمه فرق بينكم ؟!
باكر عيالك مين يعلمهم ؟!
فكر بمستقبلهم ؟!
تأفف: يا يبه قلت لك انا مستعد اخليها تكمل دراسه تراها بعدها صغيره ورح تدخل جامعه وتتخرج ..
يعني العقبة هذي امسحها
ابو راكان بمعارضه : اقول لك ما تنفعنا
حياتها مختلفه عن حياتنا !
انا لي مكانه بالمجتمع وتصير مناسبات ويلزم حضور زوجات عيالي
تبغى تفشلني !
لو تشوفها لما تجلس على الاكل وكأنها طالعه من مجاعه !
والاكل يوصل للساعد وحول فمها كله اكل !
وحتى مشيتها ولباسها ابد ما يناسبنا !
البنت بريئه وعقلها طفولي ما تناسبك ابدا!
اخذ نفس بمحاوله اقناع اخيره : يبه خذها على بلاطه
انا غير ساره مو متزوج
ابو راكان بنرفزه؟: وش للي اعجبك فيها ؟!
مو رفضتها بالشوفه !!
وش للي تغير الحين !
عبدالله يتكلم بصراحه: انا لما رحت للشوفه وقتها ما ناظرتها ولا كنت ادري عن شكلها او اي شيء يتعلق فيها !
كنت وقتها عندي هدف اتخلص من الموقف للي حطني فيه خلف
وحتى أثبت له اني ما انغصب على شيء !
بعد الرفض شفتها اكثر من مره وقتها حسيت فعلا هي للي تناسبني
انا ما ابغى وحده كبيره
انا ابغاها صغيره امشيها على كيفي،! ابغاها ورده مغمضه وانا اعلمها الصح من الغلط !
وفوق هذا البنت حلوه طويله ونعومه
وبشوشه وهذا اهم شيء !
ما ابغى وحده نكديه تنكد حياتي !
قاطعه ابو تالا بسخريه مبطنه بقهر : طلع الاخ عاشق !
طنشه عبدالله وناظر ابوه : وش قلت يبه ؟!
تنهد ابو راكان : لا تظن يا عبدالله لما اعارض على ساره اني ما احبها ؟! بالعكس والله إنها غاليه علي واعتبرها مثل بناتي !
بس الزواج فيه اسس
قاطعه عبدالله وهو على اعصابه : وش قلت يبه ؟
اتركنا من الاسس !
وانا مستعد اغيرها واخليه
قاطعه ابو ماجد بتكبر : حتى لو تغاضينا عن الفروق بينك وبينها !
تبقى اكبر عقبها وما رح نوافق عليها !
اخوانها !
كيف تقبل يكون عيالك خالهم خلف !
والا ناسي المثل ثلثين الولد لخاله !
والا نادر للي
قاطعه بقهر : لا تنسى تراه متزوج اختنا هالخلف !
وابو عزام اخوال عياله خلف ونادر
قاطعه بتصميم: يختلف الوضع
عيال ابو عزام خلف مو خالهم من ام واب !
ترى للي يربط بينهم الرضاعه بس !
ولا تنس
قاطعه ابو راكان وهو يشوف عبدالله مصمم وما يبغى تكبر السالفه وتصير مشاكل بين عياله وبحزم تكلم : خلاص
مثل ما تبغى يا عبدالله اخطبها !
بس بعدين لا تندم وتتحسف على نسب خلف الي يشرف !
واعطاه نظره عدم رضى !
ام راكان بفجعه : حرام عليكم ولدي صغير ما اقدر فراقه !
مناف تنرفز من امه : وبعدين مع هالسالفه !
حسستوني انها ساره ملك الموت !
استغفر الله !
خله يموت واذا ما لقى احد يرجع !
وش هالتفكير ؟!
كل واحد حر بقراراته اتركوه بحاله !
يقولكم المواصفات للي يبغاها موجوده فيها !
يا عالم افهموا هو للي رح يتزوج مو انتم !
ابو ماجد رفع حاجب : وعلامك معصب !
وقف مناف نفض يدينه بقرف : كلامك يرفع الضغط !
وتركهم وطلع!
ابتسم عبدالله على موقف مناف فش غله فيهم
قهروه طول الفتره واقفين بوجهه !
انمحت ابتسامته وهو يشوف خالته ام محمد داخله و ملامحها تدل على وجود مصيبه !
ما خاب ظنه لما بدأت تشبر بيدينها وتصرخ : جالسين هنا !
وتاركين العالم خلفكم !
وقف أبو راكان ونشف الدم بعروقه من اسلوبها : وش فيه وش صاير ؟!!!!
ام محمد وهي تضرب راسها : يا فضيحتنا !
اقترب ابو عزام وهزها وقلبه يدق بقوه : وش صاير ؟!!!
ام محمد تكمل بنفس الاسلوب المفزع : هذي اخرتنا بناتنا يدخلون السجون !
يا فضيحتنا
قاطعها ابو راكان ما بقى فيه عقل : اقول جعل الثور ينطحك !
وش صاير !
جالسه تولولي مثل البومه !
ناظرته ام محمد بعد ما فشلها بكلامه وبشماته تكلمت : روح شوف ابنة اخوك !
قتلت حرمه من القريه والحين الشرطه تبحث عنها حتى يمسكونها
قاطعها ابو راكان بفزع : وش تقولين ؟!
ام محمد ابتسمت بشماته : هذا للي جاك !
ترى الشرطه مليانه بالقريه تدور عليها !
كل الانظار متسلطه على ام محمد بعد هالاخبار
والصدمه تعتلي ملامحهم !
مستحيل ساره تعملها !
ساره صاحبه القلب الرهيف والرقيق تقتل حرمه ؟!
ما تحب تجرح احد بالكلام كيف تقتل !
اكيد بالموضوع فيه غلط !
وصار إلتباس بالموضوع !
ابو عزام وجهه بهت : طيب ليه تقتلها ؟!
وش السبب ؟!
وكيف قتلتها ؟!
واصلا وين ساره الحين ؟!
ام محمد تبث سمها : يقولون هاربه مع و
قاطعها ابو راكان وهو يطلع من المكان مصدوم !
عقله مو قادر يستوعب انها ساره تقتل !!!!
***
***
***
***
دخلت البيت وابتسمت لما شافت مها واقفه تنتظرهم بالحوش
مها بتوتر : وش صاير ؟
جاء ولد ام هزاع يهدد !
نادر بلا مبالاه : جهزتي الاغراض ؟!
ناظرتهم ساره بضياع مو فاهمه شيء : اغراض ؟!
نادر : نسيت اقول لك انه اليوم رح ننقل من هنا !
مها تعدل كلامه : مو نسينا
بس تعمدنا ما نخبرك
علشان لسانك ما يزل قدام سعديه !
عقدت حواجبها بعدم فهم
طنشها نادر وهو مستعجل : يلا بسرعه خلينا نطلع من الباب الخلفي !
توجهت معهم تأخذ الاغراض وهي مثل الاطرش بالزفه !
مو فاهمه شيء ولا تدري عن شيء !
وين متوجهين ما تدري !!
***
***
***
هزاع بتهديد : والله ما نتنازل عن حقنا!
واذا ما رميتها بالسجن مثل الكلبه ما يكون اسمي هزاع !
طالعه ابو ماجد بفوقيه ولوى بوزه !
عبدالله رفع اصبعه بتهديد : كلمه وحده عن خطيبتي اقص لسانك !
تفهم !.
انقهر هزاع بعد كلام عبدالله
ما امداها تخطب !
وبنغزه لعبدالله : الله يرحمك مقدما !
تقدم عبدالله خطوه وهو ناوي عليه !
بس وقفته يد ابوه واشر له بعيونه يطنشه !
زفر بغضب وما تحرك إحترام لابوه !
عزام بهدوء : كل للي حصلت عليه امك ضربه بسيطه على راسها
وعامل لنا هالعرس وحالتك حاله !
ولا ومشتكي للشرطه !
هزاع بحده : تفكرنا خبل نتنازل عن حقنا !
ابو راكان بهدوء : تعال نجلس ونتفاهم !
هزاع خلال ثواني حسبها بعقله وهز راسه بالموافقه
***
***
***
جالس فوق راس امه ومبسوط : والله الظاهر ابغى ساره كل يوم تفلع راسك !
جحظت عيونها ام هزاع : يا قليل الحياء !
هزاع بفرح : حصلنا مبلغ حلو مقابل هالحجر !
هذي تجاره والا بلاش !
تكلمت بغضب : ليه قالوا لك راسي تجاره !
وافرض اني متت من الضربه !
بضحكه قصيره : وقتها نطلب الديه
ونعيش حياتنا وننبسط ونطلع من هالخرابه للي عايشين فيها !.
ضحك بصوت عالي لما شافت رد فعل امه ومسكت الكآس تبغى تضربه !
***
***
***
ماجد بسخريه : والله ما توقعتها هالساره كذا !
عبدالله ينفخ ريشه : حرم عبدالله قول وفعل !
سلمان بإحباط : يعني يا عمي ما حلي لك الا تتزوج« خلف »
عقد عبدالله حواجبه بعدم فهم !
ماجد بضحكه : قصده ساره !
بس حنا نناديها خلف !
عبدالله بحده لسلمان : تراها خالتك يا قليل الحياء
وناظر عزام للي مستلقي على الكنبه : عاجبك كلام اخوك !
عزام بابتسامه : تراه معه حق !
ضربه بالخداديه: سد حلقك !
قال خلف !
وش جاب الثرى للثريا !
اعتدل عزام بجلسته : ما لقيتوا العروس الضائعه !
عبدالله عفس ملامحه : ما لقيناها !
رحنا لبيت نادر وما احد رد علينا البيت فاضي !!
حتى سألنا عن البقاله بس مقفله !
ماجد بتفكير : وين راح ؟!
سلمان ابتسم : بسيطه هذي !
اتصل بخلف وخبره بموافقة جدي
وانا متأكد رح يطلعهم من تحت الارض !
ابتسم عبدالله لهذي الفكره : صدقت !
الحين اشوفه !
عزام إلتفت على ماجد،: وش صار بالحصار ؟!
ماجد بملل : بس اليوم سمح لي اطلع !
عزام مو مرتاح لخطبه ماجد وبتوجس،: انت تعرف خطيبتك ؟!
ماجد بقهر وحسره : من وين اشوفها ؟!
وابوها المعقد موجود !
وكمل بحماس وهو يعدل جلسته : نفسي ازورها علشان اقهره واطلع المر بحلقه !
عزام وهو يتذكر ايام نهى ما نسي ذاك الموقف مو عاجبه هالنسب : طيب سآلت عن اهل البنت او عالاقل سألت عن البنت ؟!
ماجد باستخفاف : ترى ابوها دكتور دراسات اسلاميه !
وش تتوقع بناته يكونون ؟!
عزام مط شفته وما حب يتكلم ويوقع الشك بقلب ماجد ويمكن البنت تغيرت !
وبتفكير سأل : اي وحده خطبت من البنات ؟!
ماجد رفع حاجب بانتقاد : ليه تسأل ؟!
واردف بالاجابه : الصغيره !
فتح عزام عيونه بفجعه : الصغيره ما غيرها !
و بتعزيه : الله يكون بعونك يا ولد العم !
ناظروه باستغراب : تعرفها !
عزام ابتسم على نظراتهم : اعرفها لما كانت صغيره اعوذ بالله قرده من القرود ولسانها اطول منها !
هز ماجد راسه بإحباط : ما ادري وش هالورطه للي ورطت نفسي فيها !
وبرجاء ناظر عزام : كلم ابوي يمكن يغير رأيه ونفسخ الخطبه !
عزام بشماته : من هالحال وازفت ان شاء الله !
طالعه بحقد : من يومك لئيم !
وسكت وهو يشوف عبدالله يكلم بالجوال ومعصب : مو على كيفك !.....والله .....قلت لك نفس الاتفاق وكل شروطك رح انفذها .... طيب كيف باكر وحنا ما ندري عن مكانهم ؟! ..... طيب طيب يصير خير .....مع السلامه
قفل الخط وتفل وكأنه خلف قدامه : الله يأخذك يا كلب !
يبى يذلني !
عزام بضحكه : كنسل الموضوع وانت الربحان !
رمقه عبدالله بقرف وجلس : تفكرني مثلك ومثل اعمامك وولد خالي !
ترى افكاركم هذي اخر اهتمامي !
جمال المراه لما تجلس بالبيت وتهتم بزوجها وعيالها مو طول وقتها دايره بشغلها !
عزام ابتسم : حرام تشبهنا بوليد !
عبدالله بسخريه : ولا رح اشوف مثله
يبغى يتزوج 4 حريم
وحده دكتوره والثانيه مهندسه والثالثه دكتوره بالجامعه والرابعه صيدلانيه !
عليه افكار غريبه !
عزام : يعني حنا وسط مو مثل طلبات وليد
ولا مثلك !
حنا نبغاها متعلمه فهم
قاطعه عبدالله بقرف : خلاص تراك غثيتني !
وانت بالجامعه واخوي يبغى زوجك
وطول هالسنين ما لقيت وحده تعجبك !
غير نوره !
مالت عليك وعليها
رافعه خشمها وشايفه حالها كا ادري على وش
قاطعه ماجد : تراك تتكلم على خالتي ما اسمح لك !
عزام اشر لماجد : اتركه هذا من غيرته
ما لقى دكتوره تناظره
وابتسم وهو يحرك حواجبه
ماجد بسخريه : وش يبغى بالدكتوره وساره معها شهاده المتوسط وضحك بصوت عالي !
ناظره عبدالله باستياء هذي الأمور ما تهمه !
اهم شيء يملك على ساره ما يدري ليه دخلت قلبه وما يبغى غيره !
***
***
***
في اليوم الثاني
دخل وهو رافع خشومه وبعجله تكلم: يا اخي انت كل يوم بخرابه !
نادر باستغراب : انت وش عرفك بمكاني !
خلف وهو يناظر ساعته : المهم وين ساره
ونادى بصوته الجهور: ساره يا ساره
يا زفت
قاطعه نادر : وش بغيت فيها ؟!
خلف ناظره باستخفاف من سؤاله : ابغى اسفرها تغير جو!
وبحده: يعني وش ابغى فيها ؟!
اليوم ملكتها !
وقف نادر بعصبيه : يا اخي انت ما تستحي على وجهك !
متى تترك هالبنت بحالها ؟!
ومين الزفت للي رح تزوجها إياه هالمرخ !
خلف ابتسم بخبث : لا تخاف هالمره صيده مرتبه !
عبدالله ولد عمي !
نادر بعدم تصديق : عبدالله !
وبنبره شك : عبدالله معه خبر والا تلبيس مثل ذيك المره !
خلف : لا تخاف هو للي ادوشني طول العده وهو ينبه علي ما ازوجها لانه يبغاها !
نادر مو مستوعب : معقول عبدالله !!
وعمي موافق !
خلف بضجر : وبعدين مع تحقيقك !
خلها تطلع مو قاضي عندي شغل !
نادر بحزم : ساره مو طالعه من هنا !
أول شيء نسألها عن رأيها
قاطعه بغضب: هذا الناقص !
ارمله وتتدلل اصلا تحمد ربها انه عبدالله ناظر وجهها !
نادر سكت ويحس كلامه صحيح فرصه لساره تأخذ عريس بهذي المواصفات وبهدوء تكلم : طيب قول لهم الملكه هنا
قاطعه بغضب : وبعدين مع عقلك!
خلها تلبس وتطلع رح نملك بالمحكمه!.
نادر بشك : وش يضمن لي انك تضحك علي وتزوجها واحد من اشكالك !
خلف : اشكالك !
على الاقل اما اشتغل بتعب مو مثلك عايش على الصدقه !
نادر طنش كلامه : انا رايح معك
قاطعه بعجله : تهال بس ما رح ارجعك ترجعون لوحدكم مو فاضي لكم !
ناظره بقهر من تصرفاته عمره ما رح يتغير !
↚
↚
↚
↚
