…

ضرب الجد على يده ونطق:احفادك وولدك مايريحون هيا لغرفتنا

مشت معه الجده بـ احراج وتوجهو للغرفه

-

تقدمت من سلطان وجلست قدامه ونطقت:بعضك تكفى

ابعد عنها بصدمه ونطق:

ابعد عنها بصدمه ونطق:وش تعضيني كلب انتي؟

نزلت دموعها ونطقت:سلطان تكفى ابي اعضك حتى اشوف الدم طلبتك

خرج بسرعه وهمس :مسعوره ذي النحشه

بكت بقلة حيله تبي تشوف يده معضوضه هي تبيها الحين

-

ناظرتها ريماس ونطقت:وش رايك نطلب من ماك؟

ايلاف بـ استغراب:ماينفع اتوقع نحنا في الديره!

ريماس بجديه:قلتيها انتي بالديره نقول له يوصل الطلب للبقاله واول مايوصل نركض نجيبه ترا مو بعيد

ايلاف بخوف:فكيني ريماس عليك مصايب قومي انقلعي عني

ريماس بعصبيه:ليه خوافه يعنييييي؟ماسوينا شي طلب وبس

مدت المفرش وغطت جسدها بالكامل ونطقت:البنات نامو وانا بنام الحين اقعدي

لاتتهورين!

خرجت للحوش بضيق وشافت سعود داخل مع الباب تقدم منها ونطق:ليه جالسه هينا؟

رفعت نظرها له ونطقت:تجيب لي من ماك؟

سعود:الـ٣٠٠٠ الي امس مانسيتها والله لأوريك نجوم الظهر بس اصبري

غمضت عيونها بقهر المفروض ماقالت له وجابت لنفسها وسكتت

رفعت نظرها له ونطقت:اعلى مافي خيلك اركبه سمعت؟والحين بتجيب لي من ماك ولا؟

هز راسه بالنفي

ونطقت :شكراً تركي جاء انقلع

انتفض جسده بالكامل ومد يده يسحبها من عبايتها ونطق:جربي حظك والله لادفنك وانتي هينا

انقلعي ادخلي انا اجيب لك

ضحكت بـ انتصار ونطقت:انتظرك

-

توق بصراخ :لا بموت

الدكتوره :عمليه ماينفع ياتوق

هزت راسها بالنفي ونطقت بصراخ :رعددد انا بموت

بالصعوبه ولدت وانتفض جسد طفلها بين يدين الممرضين هو اختنق وقت ولادته ومات

هزت راسها بالنفي وصرخت بـ اه وغمضت عيونها لوهله

قربت منها الدكتوره وضربتها على وجهها بالخفيف ونطقت:قومي قومي مافي نوم قومي

لكن توق ماتت هي وطفلها ماتو

طفلها مات اختناق وهي ماتت من الخوف او من الالم

صحى من نومه ووجهه معرق مد يده لوجهه استغفر ربه من الحلم البشع وقام للحمام يكرم القاري غسّل وجهه ونزلت دموعه بضعف خوف من انه يفقدها هو لقى فيها الحب والحنان والاحتواء والاهل هي كل شي بالنسبه له يحلف بالله ان هي سبب عيشه لحد الوقت ذا ممكن يكون انجن او صار له شي لكن من بعد الله ثم هي هو بخير

لبس ثوبه بـ اهمال ووجهه غرقان وشعره ازارير ثوبه مفتوحه ركب سيارته بتعب اخذ نفس وشّغل سيارته لازم يشوفها والحين بعد!

-

بيت ابو سلمان

تقدم بسرعه وقفل باب المطبخ قبل ما تطلع منه

ناظرته بذهول ونطقت:مو منجدك صقر اتركني افتح الباب سرعه!

.…

هز راسه بالنفي ونطق:لا هيا معي انا ابيك لـ متى افهمي!

هزت راسها بالنفي ومدت يدها لخصرها ونطقت:لا ياحبيبي توني جايه تعبانه بنام ابعد من هنا

هز راسه بالنفي واخذ نفس يهدي صدره الي يعلى ويهبط نطق بتمتمه:بتروحين؟

هزت راسها بالنفي ونطقت:صقر مو منجدك ابعد من هنا بخرج

ارتجف جسدها من سمعت صوت الجد الي يكبر بيصلي الوتر ونطقت:ابعد ابعد الحين يفهمون غلط اخرج بسرعه!

هز راسه بالنفي ونطق:والله ماطلع من هنا الا اذا رحتي معي !

تقدمت منه بعصبيه وكّبت الماء الي بيدها عليه

رفع نظره لها وهو يرمقها بنظرات حاده رفع يده يرجّع شعره على الوراء

ارتبكت من نظراته وحست بتوتر فضيع وخوف

رجعت للوراء حتى لصق جسدها بالجدار

قّرب منها ووجهه مايبشر بالخير رفع يده وحطها من وراء رقبتها والثانيه شدها على ظهرها وقربها منها حتى صار صدرها ملاصق لصدره

نزل لمستواها وبدا يفرغ طاقته في ثغرها تاوهت بـ الم لانها تحس بحراره ثغرها

نزلت دموعها بـ الم وهمست:اترك وجعتني

وكأنها بكلمتها ذي تشجعه بـأنه يكمل لكنه ماتركها الا بعد ماحس انه لو يزودها بيخرج الدم من ثغرها على اثر افعاله فيها

-

وقّف سيارته قّبال باب باب بيتهم ونزل منها بصعوبه يحس برجوله ماتشيله وجسمه مهلوك رفع جواله ودق عليها

—•

عقدت حواجبها من سمعت صوت جوالها

ورفعته بـ استغراب كون ان الوقت تأخر ومن الي يتصل فيها

فّزت بخوف من شافته رعد فتحت الخط وجاها صوته المخنوق

—•

همس بخفوت ينادي فيه اسمها

توق بخوف:صاير لك شي؟انت بخير صح

هز راسه بالنفي ونطق:انا تعبان

لأول مره يفصح عن تعبه عندها لكن لازم يكون بينهم مشاركه في النهايه هو انسان واكيد له طاقه تحمل وبعدها ينفجر

ارتجف قلبها من كلمته ونطقت:وينك؟

سند نفسه على سيارته ونطق:قدام بيت جدك

—•

قامت بسرعه كانت بتطيح لكنها تمالكت نفسها لبست عبايتها بخوف وخرجت له

—•

واقف وكأن روحه خارجه من جسده يدينه في جيبه واكمامه مبعثره وازارير ثوبه من الاعلى نفس حركه اكمامه مفتوحه بـ اهمال كل الي يبيه يشوفها الحين ويرتاح لو تروح من بين يدينه

من يبقى له؟

—•

فتحت الباب وخارت كل قواها من شافت شكله وشعره ووجهه كيف ينصب من العرق بسهوله!

قربت منه وشافته كيف عاقد حواجبه ومانتبه لها

وقفت قدامه ومدت يدينها لوجهه من عند حاجبه تمسح عليه

ارتجف داخله يحس انه في حلم ممكن يكون حلم

لكن همسها وعّاه انها حقيقه

ناظرها بعيونه الي مبين فيها نظرات الخوف

ونطقت :احضنك؟

ارخى راسه للحظات ورجع يرفع نظره لها بعدم تصديق خايف وبقوه انها تتركه ويجلس لوحده عُقب مالقى..

…

ارخى راسه للحظات ورجع يرفع نظره لها بعدم تصديق خايف وبقوه انها تتركه ويجلس لوحده عُقب مالقى لنفسه الاهل او بالاصح الشخص الي يهتم له والانسانه الي حبها

تمتم بكلمات غير مفهومه لكنها ماعطته مجال سحبته معها وتوجهت لبيتهم تاخذ راحتها بغرفتها ماحد يمّها

—•

وقف سيارته واستغرب من وجود سياره رعد دخل الحوش

كانت واقفه على الشباك تنتظر وجوده

لبست عبايتها بـ استعجال وركضت له بعصبيه ونطقت:خير ليه تأخرت

عقد حواجبه ونطق:انقلعي عن وجهي والله لأخصمه من المهر بس طيب

سحبت البطاطس واكلتها من تحت نقابها ونطقت:اجل كل يوم بطلب منك لان لو تموت ماتزوجتك

لف عليها ونطق بجديه اول مره تسمعها في صوته :وش ناقصني ؟

حست بالبطاطس توقف بحلقها من جديته بالكلام ونطقت:ماله دخل بس انا مابيك

نزلت وجبتها على الارض وكانت بتمشي لكن صوت سعود الي استوقفها ونطق بحده : خذي وجبتك مخليتني ساعه ادور وانتظر وفي النهايه تخلينه تعالي اكليه لأوكلك انا بنفسي

ارتعبت من نبرته ولمست فيها الجديه وبسرعه منها سحبت اكلها وهربت للبنات

-

نزلت عبايتها ورمتها على الارض بـ اهمال كان واقف يناظر فيها يلاحظ في نفسه انه اذا ارتعب او انصدم يصنم مكانه ومايتحرك للحين ماهو مستوعب انه وصل لها كان ملهوف انه يضمها لصدره يدفنها بين ضلوعه لكن كل كلامه تبخر اول ماشافها مايدري وش يسوي

وقفت قدامه ورفعت رجولها حتى تصل لمستوى طوله ورفعت يدها توصل لرقبته وبالفعل ارخى راسه لها وكأنه راضي انها تسوي فيه الي تبي

سندت وجهها على كتفه ويدها الاخرى تمررها على وجهه بهدوء تام

حس بصدره يوجعه ابعدها عنه وناظر فيها لثواني

عقدت حواجبها بـ استغراب من فعلته

قرب من جبينها وطبع عليه قُبله مُطوله شد بيدينه على وجهها بقوه

حست بوجهها بينقبض لوهله ورفعت يدينها تمسك يدينه

ارخى وجهه بالخفيف حتى صار مقابل لوجهها سند جبينه على جبينها واخذ نفس

ابعدت يدينها للحظات ومدتها لرقبته تحضنه لها لنفسها لصدرها تبيه يحس بشعور الامان هي امه وابوه واخته زي ماقال لها

ارتجف داخله من تخيل الموقف رفع يدينه وضمها بقوه ماكان يحس بدموعه اللي تنزل لكنه يكابر قد مايقدر حتى مايخوفها

——•

صباح يوم جديد

جالسين كلهم على السفره ناظرتهم مها بـ استغراب ونطقت:لين وينها؟

الجده:يمكن مع سلطان

جلست هناء بعد ماحطت اخر صحن ونطقت:اي شفتها مع سلطان افطرو بس

كانت تاكل بدون نفس ولحظات تهوجس تخيلت شكلها متزوجه هي ابداً مو مستوعبه ولاتعرف اي درب له

ضربتها ايلاف على يدها ونطقت:اكلي

ابعدت يدينها ونطقت:شبعت الحمدلله

-—•

ابعدت يدينها ونطقت:شبعت الحمدلله

قامت من عندهم توجهت للخارج

عقدت حواجبها بـبكاء ونطقت:انت ماتحبني

بقق عيونه بصدمه ونطق:يابنت الحلال الحين العرب يفطرون!خلينا نصبح ونفطر

هزت راسها بالنفي ونطقت:سلطان نقطه دم نقطه وحده مستخصرها علي؟

ابعد عنها وحك راسه بتوتر وبهمس بداخله:مسعوره بسم الله

تعالت صرخاتها ونطق بمحاوله تهدئتها:وش تبين بالضبط!

لين:ابي اذوق دمك وبعدها افطر مشتهيته مره

جلس على السرير بـ استسلام ونطق:تعالي اجلسي

مسحت دموعها بفرحه وتوجهت تجلس جنبه

قام من عندها وسحب له قطعة قزازه من الدرج وجلس جنبها

قطع جرح بسيط بكفه حتى خرج دم ومد يده لها وبالفعل ما ارتاحت إلا لمن ذاقت نقطة دمه وابتسمت له بحب

سلطان بجديه :ارتحتي؟

هزت راسها بـ ايه ونطقت:احبك سلطان

ضحك بخفه وحاوطها مع الجنب ونطق:جيعان طلعنا نفطر ونصبح عليهم

—-•

بيت ابو سلمان

ناظرت فيه هدى ونطقت :صقر مو معقوله فلوسك راحت كلها بالفنادق اسكن هنا

رفع نظره لها ونطق:وين بـأي حق اسكن هنا؟جدي؟

انا هنا اساسا بس زيادة عدد بينكم ولا انا مالي مكان بينكم

عصبت هدى من كلامه وضربته على فخذه ونطقت:انا امك سمعت واهلي اهلك تفهم والحين الغرفه الي هينا تصلحها انت وزوجتك براحتكم وتسكن فيها

هز راسه بالنفي ونطق:ماينفع ابد لازم مكان اسكن فيه انا بستأجر

عقدت حواجبها بـ استغراب من كلامه ورجعت لـ حنين بسرعه

—•

دق باب غرفتها واستغل الوقت يكون قريب الفجر ونطق:سحر اخرجي وانا عمك بنمشي

لبست عبايتها جاهله عن المصير ومشت مع سلمان وابوه

تقدمت ام سلمان بـ اندفاع وهي الي كانت خارجه من المطبخ

ضرب ابو سلمان بيده على راسه ونطق:ابتلشنا

قربت من سحر وكانت بتضربها لكن سلمان مد يده وهي رجعت للخلف بسرعه

نطقت امه من بين اسنانها :والله لو ماتخرجونها من بيتي ان ارتكب فيها جريمه سمعتو !!!!!

ابو سلمان :وانا ليه ماخذها برميها من البيت ماحنا ناقصين مشاكل

اشر لـ سلمان وخرجو

—•

وقفت قريب من باب السياره ونطقت:مايحتاج ترميني مو سلعه انا وبمشي الحين ماله داعي تخلوني عندكم اكثر

سلمان بهدوء :ماتروحين والحين اركبي سرعه

هزت راسها بالنفي ورجعت للوراء ونطقت بحده:انت غصبتني اجلس عندك!والحين بترمونني ابعدو عني مو محتاجه احد

كانت بتمشي لكنه لحقها بس اكثر شي يقهره كونه مايقدر يمسكها او بالاصح يمنعها من انها تروح لانها ماتحل له ،لذلك قرب منها بسرعه وحط سلاحه على بطنها ونطق من بين اسنانه :اركبي

ارتجف جسدها بالكامل وهي كانت مفكرته مصدر الامان لها

لذلك توجهت للسياره وركبت معه