عم الصمت بينهم ومن بين الصمت نطقت بِ بحة : قَوس ؟

رفع انظاره لها وقال : عُيوني ؟

فركت روح يدينها ببعض وقالت بِ تردد : قَوس انا ما ابيك تكون مثل ابوي ، انا واختي عانينا معاه واكيد هي بتقول لاخوك نفس الكلام ! مو جالسة اقول لك ذا الكلام عشان تشفقون علينا انا وهي لا ولله ، انتَ قلت لي مرة انك تحبني طيب ؟

انا دارية بّ حُبك ومتقبلته ترا وابك تبقى زي قبل سالفة ذا الي سويت لي مشكلة بسببه !

تجرئت وحاوطت بطنه بّ يدينها الصغار وحطت راسها على صدره وقالت بّ اعتراف : قَوس انا تعودت عليك وحسيت معاك بالامان طيب ؟

رمش لِ عدة مرات وهو يحاول يستوعب او الانثى الي محاوطة بطنه منجد تجرئت ونطقت بّ ذا الكلام وحاوطته ولا بسبب حُبه الزايد لها صار يتخيلها لِ ذي الدرجة !

حط يده الضخمة على شعرها ومسح عليه بِ هدوء !

نزل انظاره لها ونطق بِ صوت اشبه للهمس : روح ؟

رفعت انظارها له وقالت : لو حُبك لي قلّ قول لي ، ولو ما ابي اكمل حياتك مع …

حط يده على شفايفها وقال : انتظر الكلام ذا من اول مرة شفتك فيها ، وقتها حتى زواج ما كنا متزوجين !

تبيني اتركك الحين بعد كلامك ذا ؟

بلعت ريقها بِ صعوبة ، كلامه يزرع البساتين فّ قلبها ويحسسها بِ احساس غريب عمرها ما حست فيه !

نطقت بِ هدوء : يعني حُبك ما قلّ ؟

ابتسم بِ توسع وقال : ولا ممكن يقلّ صديقيني !

بادلته الابتسامة وتمت صامتة !

شتت انظارها عنه وقالت بِ محاولة لِ كسر البرود الي فيها اتجاهه وعدم المبادرة : ما جعت انتَ ؟ انا بديت اجوع !

قربها منه والابتسامة للحين مرسومة على وجهه وقال : خسى الجوع !

ثم قام عن المقعد ومسك يدها وقال : تعالي بسوي لك اكلها عمرك ما ذقتي زيها !

ما تنكر ان ردت فعله الهادئة قدرت تنسيها الماضي وهدوئه هو الي خلاها ترتاح اكثر !

كانت خايفة من انّ ردت فعله تكون قوية ويحسسها انّ اعترافها بّ مشاعرها اكبر غلط لكن تبخر خوفها بعدما شافت هدوئه !

مشت معاه بّ صمت وبِ اتجاه البيت !

- وتر -

بعدما فضفضت لِ زينب وحاولت زينب بّ كُل ما فيها بّ انها تهديها ناظرت بالساعة وقالت : هيا انا لازم ارجع ، توصليني ولا اطلب تكسي ؟

على كلامهم دخل حسام البيت وقال : زينب ؟

نطقت زينب بسرعة : حسام لا تدخل وتر هنا !

حسام : طيب !

لفت زينب على وتر وقالت : حسام جى تروحين معاه ولا اوصلك انا ؟

وتر : اي كان الي يريحك ولو ما تقدرين ولله اطلب تكسي عادي ترا !

زينب : كلي تراب بس !

ثم قامت لِ حسام وقالت : بتوصل وتر لِ بيتها تمام ؟

هز حسام راسه وقال : يلا اجل انتظرها فالسيارة !

دخلت زينب الصالة وقالت : حسام ينتظرك فالسيارة !

قامت وتر وهي تسحب عبايتها وطرحتها !

نطقت بِ بحة : زينب ، مرة مشكورة على الي سويتيه !

ضربتها زينب على كتفها وقالت : شدعوةة ، من متى بيننا شكر هاا ؟

ابتسمت وتر وودعتها ثم طلعت بِ اتجاه سيارة حسام !

فتحت باب السيارة وقالت : السلام عليكم !

حسام : وعليكم السلام اخبارك يّ وتر ؟

وتر بِ ابتسامة : الحمدلله طيبة ، انتَ اخبارك ؟

حسام : والله الحمدلله نشكر الله ، فينك ما عاد شفناك ؟

تنهدت وتر بّ عمق وقالت : اشغال الحياة مع الاسف !

حرك حسام وكمل كلامه : لا من التنهيدة ظاهر ان وتر صارت مسؤلة وعندها حياة زيها زي الكبار !

ضحكت وتر على كلامه رغم مزاجها الي معدوم وقالت : الله يهديك وش الي كبرت ؟ تراني كبيرة من زمان ومسؤلية عن نفسي بس انتَ الي ما كنت تشوف !

حسام بّ ضحكة : ايهه صادقة صادقة !

كملت السوالف بينهم الين ما وصلوا البيت !

صفط السيارة اما باب البيت ونزلت وتر !

نزل وراها حسام وقال : هاا يّ وتر اشوفك ماشاءالله منتقلة لّ بيت ، شكلك منجد كبرانة !

وتر بّ ضحكة : اعطيك الصدمة ؟ تراه بيت زوجي !

عقد حواجبه حسام وقال بصدمة : وشو ؟

وتر بّ ضحكة : ايه ولله !

حسام بّ نكر : لا عاد مستحيل اتخيلك متزوجة !

عبست ملامحها وقالت : ليه وش ناقصني عشان ما تتخيلني متزوجة ؟

حسام بسرعة : لا مو كذا بس احسك مو خرج ، يعني ما اتخيل في احد يفرض راسه على وتر والزوج اكيد بيفرض راسه على زوجته !

وتر بّ ضحكة : ايهه لا ما عليك منها ذي !

ثم قربت منه وقالت بِ صوت هامس مدموج بّ ضحكة : لو قال لي سوي كذا اسوي العكس !

اعتلى صوت ضحكة حسام فالمكان وقال : ايوه ذي وتر الي اعرفها انا !

نزل من السيارة بعدما كان يراقب تحركاتهم بّ بدون علمهم والفضول قاتله !

قرب من وراه وتر وقال : السلام عليكم !

اختفت الابتسامة عن وجه وتر من شافته !

رد حسام السلام وكان وده يسئل الرجال مين هو لكن سبقته وتر ونطقت : هيا يّ حسام ، توصي على شي ؟

حسام بّ ابتسامة : سلامتك يّ رب !

اعطته ظهرها ومشت ومشى وراها رمّاوي !

عرف حسام ان الي سلم عليهم زوجها فَ تجاهل الموضوع وطلع فالسيارة وحرك من المكان !

اما وتر فَ اتجهت لِ باب البيت وطرقته !

فتح رمّاوي باب البيت بّ مفتاحه ودخلت وتر البيت ودخل رمّاوي وراها !

كانت رايحه للمطبخ لكن عكس اتجاهها الي مسك ذراعها ومشاها معاه بِ اتجاه الجناح !

رصت على اسنانها وقلت من بين اسنانها : رمّاوي اكسر يدك احسن لك !

ما رد عليها وكمل طريقه !

فتح باب الجناح ودخلها ثم دخل وراها !

رماها على الارض بّ قوة ثم لف على الباب وهو يقفله !

صرخت بّ الم بسبب رميه لها وقالت وهي تحاول تقوم : زوجي ما اختلفنا بس تمد يدك علي ؟ جعلها بالكسر يَ رب !

قرب منها ونزل لِ مستواها ومسك فكها بّ يده الضخمة قبل لا تقوم وقال : فين كنتي ؟

وتر : بّ جهنم !

رص على اسنانه وشد على فكها اكثر وكرر كلامه وهو يقول : سئلتك سؤال ، جاوبيني فين كنتي ؟

حطت يدها على يده وهي تحاول تبعده عنها لكن كان ماسك فكها بّ احكام ولا قدرت !

حست بّ الم فّ فكها فَ قالت بّ صوت عالي اشبه بالصراخ : توجعني ترا ! ابعد يدك !

رمى فكها من يده وقال : اسئلك للمرة الثالثة واخر مرة ، فين كنتي ؟

تنهدت وتر وحطت يدها على فمها وهي تتحسسه ثم قامت عن الارض وقالت بّ برود : عند زينب !

اعتلى صوت ضحكته فالمكان وقال : وزينب ذي ولد ؟

عقدت حواجبها بعدم فهم لِ كلامه !

احتدت ملامحه وقال : لا تكذبين ، قولي الصراحة فين كنتي ؟

وتر بّ صراخ : قلت لك عند زينب !

حط يدينه على عيونه وقال : ومين ذا الي كان معاك ؟ زينب ولا ؟

رفعت حواجبها وقالت : لا ، اخوها !

عض طرف شفته السفلية وقال : اخوها ، حلو !

ثم مشى بّ اتجاهها بّ بطء متعمد انه يوترها ويخوفها بّ تقدمه لها البطيء وهدوءه !

صارت ترجع لَ ورا بّ خطواتها مع كُل خطوة يخطيها رمّاوي للامام !

هزت راسها وقالت : خير ؟ شتبي ؟

ما رد عليها وتم يمشي بّ اتجاهها بّ صمت الين ما ارتطمت وتر بّ الجدار !

حطت يدينها على الجدار وقالت بّ خوف : شفيك ؟

قرب منها اكثر الين ما صار امامها بالضبط !

حط يدينه على الجدار وحاوطها بين يدينه وقال : قلتي لي اخوها ؟ وطلعتي بدون اذني ؟

وتر بّ كذب : انتَ ما كنت هنا عشان اعلمك !

كان بينطق لكن من حسن حظ وتر ولطف الله انطرق الباب !

لف رمّاوي على الباب ثم رجع انظاره على وتر وقال : والي خلقك حسابك عسير !

ما تنكر انها خافت لكن اظهرت له عكس الي تحس فيه من خوف وناظرته بّ نظرات وملامح بارده !

اتجه رمّاوي للباب وفتحه !

عقد حواجبه من وجود سوسن وقال : شتبي ؟

سوسن بّ دلع : ابد ولله ، خالتي تقول مسوية قهوة وتبينا نجلس معاها فَ قلت انادي على … شسمها كان ؟

سمعت وتر صوتها وعرفت انها هي !

هزت راسها بالايجاب وقربت من ورا رمّاوي !

وقفت جنبه وهي تقول بّ نبرة انوثية : اسمها وتر !

سوسن بِ ابتسامة : ايه وتر ، وش قلتي يّ وتر ؟

حست وتر على انظار رمّاوي الي ينتظر جوابها فَ لفت عليه وهي تبادله النظر وقالت : ايه ليه لا ، دام ان القهوة مع خالتي فَ ما راح ارفض !

ثم رفعت يدها لِ مستوى وجه رمّاوي وهي تمرر كفها على دقنه وتقول بّ ابتسامة : توصي على شي حبيبي ؟

كانت تنتظرهم سوسن بّ برود والود ودها ما تسمح للمهزلة ذي تصير لا قدامها ولا ورا ظهرها !

رص رمّاوي على اسنانه وكان بينطق لكن سبقته وهي تعطيه ظهرها وتطلع من الجناح بِ اتجاه الصالة مع سوسن !

ابتسامة الانتصار مرسومة على وجهها ، قدرت تهرب منه وفّ نفس الوقت قدرت تغيظ سوسن الي هي طليقته !

نزلت مع الدرج ودخلت الصالة وهي تتجاهل وجود سوسن !

جلست على الكنب وهي ترمي السلام على شمس وشوق وحور !

ردوا عليها السلام ونطقت شمس من شافتها للحين بّ عبايتها : فين كنتي يّ وتر ؟

ناظرتها وتر وقالت : عند خويتي !

هزت راسها بالايجاب وقالت : وعساك انبسطتي ؟

وتر : ايه الحمدلله مره انبسطت !

قامت شوق تصب قهوة لهم وجلسوا يسولفون !

بعد مدة من السوالف استاذنت حور وطلعت لِ جناحها وبعدها بّ عدة دقائق استاذنت سوسن من حست بّ السحب عليها ووجودها الي ماله أي رغبة !

بقت وتر وشمس وشوق فالصالة وثلاثتهم للحين يسولفون !

من سالفة لِ سالفة قالت شمس : وكيفه رمّاوي ان شاءالله تسلطه خف ؟

قلبت وتر عيونها وقالت : احياناً احس انه متزوجني عشان يأمرني اسوي الي يبيه مو اكثر !

اعتلى صوت ضحكة شمس وشوق فالمكان واكملت وتر : الحين ابي اسئلكم !

شمس بّ ضحكة : اسئلي يّ قلبي !

قامت وتر عن الكنبة الي كانت جالسة عليها وثبت من الكنبة الي شمس جالسة عليها وجلست جنبها !

نطقت بِ صوت اشبه بالهمس : الحين وش سالفتها ذي سوسن ؟

عقدت شوق حواجبها وقالت : ما علمك رمّاوي ؟

هزت راسها بالنفي وقالت : لا ما علمني ، قال لي انه مجرد شغل بس انا ادري انها طليقته صح ؟

شوق : ايوه طليقته !

وتر بّ عدم فهم : طيب وش هو الشغل الي يسمح لِ طليقته تشتغل معاه فيه وليه طلقها دامه يبيها معاه فالشغل ؟

شمس بّ همس : الحين ليه تشتغل معاه مرة ثانية فَ ما حد يدري لكن قبل وقت كانت زوجته كانت تشتغل معاه وقبل لا يطلقها كانت استغفر الله تكلم غيره !

شهقت وتر بّ صدمة وقالت : تكلم غيره يعني تكلم رجال ثاني ؟

شوق : ايوه ، الحيوانة لو ما امي سمعتها اكثر من مرة ما كان احد درى عنها !

شمس : بعدما سمعتها اكثر من مرة رحت لِ ولدي وعلمته وذاك اليوم كان اسوء يوم ، ومن بعدها طلقها وجانا البيت وانتِ معاه وقال انك زوجته !

شوق بّ ضحكة : تردين عاد فالبداية حسبت انه متزوجك عشان يوصل الخبر لِ سوسن ويعلمها انّ انَ الله حق !

رمشت وتر من عدد الصدمات الي اخذتهم بعد كلام شمس وشوق !

كملوا سوالف وطول الجلسة وتر تحاول تسحب منهم كلام وتستفسر اكثر عن رمّاوي !

- قَوس -

دخل البيت ومعاه حور والاكياس بّ يده بعدما راحوا لِ السوبرماركات وشروا منه مقاضي الاكل !

ترك يدها وقال : ادخلي بدلي وتعالي ساعديني هيا !

هزت راسها بالايجاب ودخلت الغرفة ، بدلت ملابسها ثم راحت للمطبخ !

شافته وهو يطلع الاشياء من الاكياس !

تقدمت منه وقالت : وش راح نسوي ؟

رفع انظاره لها وميل راسه وهو يناظرها ويقول : كبسة ، تبيها لحم ولا دجاج ؟

رفعت روح اكتافها وقال : مدري ، الي تبيه انتَ !

هز راسها وقال : تحبين الدجاج ؟

روح : ايوه !

قَوس : اجل منسوي كبسة دجاج طيب ؟

هزت راسها بالايجاب وقربت روح من الاغراض وهي تساعده !

- وتر -

بعد الكثير من السوالف والوقت الي قضته معاهم ، استاذنت منهم وطلعت من الصالة بِ اتجاه الجناح !

دخلت الجناح وهي تدعي انه يكون نام !

حست بّ هدوء المكان لكن خوفها من انه يكون صاحي للحين موجود !

دخلت غرفة النوم ووزعت انظارها فالغرفة !

شافته وهو نايم على السرير ومن حظها ابوب السماء كانت مفتوحة واستجابت دعواتها !

زفرت بِ راحة واتجهت للدولاب بّ هدوء وصمت خوفاً من انه يصحى !

اخذت ملابسها وطلعت من الغرفة بسرعة !

بدات ملابسها فالصالة وجلست على الكنب وسحبت جوالها وهي تطقطق عليه !

كانت تحاول تلهي نفسها بّ اي شي عشان لا تفكر فالي صار معاها !

لكن ضغطها على نفسها هو الي سمح لِ افكارها تتمحور حول الي صار معاها !

رمت جوالها على الكنب ووجهت انظارها على الشباك الموجود فالصالة وتنهدت بّ عمق !

حست بّ قشعريرة من عمق التنهيده ، رفعت انظارها للسماء السوداء بسبب الظلام الدامس وقالت بّ غصة : يَ رب ، يَ رب ساعدني يَ رب !

حست ان ما بقى دموع فّ عيونها على كثر ما بكت اليوم لكن فّ كُل مرة تنصدم من الدموع او بالاحرى الشلال الي ينزل من عيونها فّ كُل مرة تتذكر الي صار معاها !

سحبت الوسادة ودفنت راسها فيها وهي تسمح لِ شهقاتها ودموعها بالانهيار !

ما كانت مقهورة من الي سواه رمّاوي فيها كثر ما انقهرت من انه سواه غصب عنها !

كانت خايفة تحمل منه وهي الي تبي الفكة منه !

حست على الي فتح باب الغرفة ولفت عليه بسرعة !

شافته وهو طالع من غرفة النوم فَ رفعت يدنها لِ عيونها ومسحت دموعها بسرعة !

رمش لِ عدة مرات وهو يناظرها !

كانت جالسة على الكنب ومتربعة والوسادة بّ حضنها وبيجامتها مثل العادة قصيرة !