في فيلة ابو لؤي

صحي لؤي كالعاده دخل تروش على السريع عشان يروح الدوام لان عنده اجتماع اخذ شور انصدم ان تالين لسه نايمه واغراضها مو جاهزه انقهر وعصب

لؤي بعصبيه : تالين

تالين صحيت مفجوعه قالت

تالين بخوف : بسم الله وش فيه

لؤي : ليه ماصحيتي قبلي جهزتي اغراضي

تالين : كل ذا معصب عشان اغراضك

لؤي حب ينرفزها قال

لؤي : لو ريماس كان صحيت قبلي جهزت لي كل شي وجهزت فطوري

تالين بقهر : الله ياخذ ريماس يارب

لؤي : حسابك معي بس ارجع من الدوام مستعجل الحين عندي اجتماع

تالين : روحه بلا رده ان شاء الله

رجعت تالين كملت نوم ولا اهتمت لكلامه كانت سهرانا ونامت متأخر وهو مقهور من حياته من يوم بعدت عنه ريماس وصارت له مشاكل واشياء كثير وصار يتخيلها بكل مكان يروح له

ام لؤي : لؤي

لؤي : هلا يمه

ام لؤي : في شي صاير

لؤي : لا مافي شي باروح مستعجل عندي اجتماع

ام لؤي : تمام الله يحفظك

طلع وراح للشركه وام لؤي راحت تجهز القهوه لزوجها

ابو لؤي بتفكير : كأن سمعت صوت صراخ

ام لؤي : اي بس كلمت لؤي يقول مافي شي

ابو لؤي : الولد من يوم تزوج الثانيه وكل شي متغير فيه مو لؤي الاول

ام لؤي : مدري شفيه كل شوي معصب على تالين

ابو لؤي بقهر : طبيعي بيعصب واضح ماهي فاهمه له ولا تحضر له شي

ام لؤي : متزوجين جديد طبيعي ذا الشي

ابو لؤي بنرفزه : وش اللي متزوجين جديد وهم لهم كم شهر المفروض تتعلم حتى لو متزوجين جديد

ام لؤي عصبت : وانا شدخلني الحين معصب علي

ابو لؤي : تكلمي بأحترام لاترفعين صوتك ولدك لو مازنيتي عليه ماتزوج

ام لؤي : انا باروح اخلص اشغالي افضل من الكلام اللي ماله داعي

في الديره عند العنود

صحيت العنود وهي ماتعرف شي ومستغربه مين ذول اخر شي تتذكره ان الرجال اللي اخذها عنده قال لها ان ابوها وماتفتكر شي غيره راحت الحمام (الله يكرمكم)

غسلت وجهها وصلت اللي فاتها وطلعت تبي تروح المطبخ تشرب مويه

ام روان : صباح الخير

العنود : صباح النور

ام روان : تبين شي

العنود : ابي اشرب مويه واسوي لي فطور

ام روان : تمام تلاقين في اشياء بالثلاجه

راحت ام روان عند زوجها عشان تكلمه بخصوص العنود

ام روان : الحين سؤال ي ابو روان

ابو روان : وش

ام روان : الحين هي مالها اسم وش نسميها

ابو روان : ايوه جيبي اسم هي ماتعرف اسمها

ام روان : امم نسميها المها

ابو روان : تمام واي شي تحتاجينه خليها هي تسوي لك بنخليها تشتغل وترتب لنا كل شي

ام روان : تمام

خرجت ام روان تجهز الفطور لهم وراحت العنود وقالت لها

ام روان : تعالي

العنود : هلا

ام روان : انت اسمك المها وراح تساعديني من يوم وراح بكل شي اطلبه منك

العنود : تمام

ام روان : الحين حضري الفطور عشان زوجي وبنتي وبعدها رتبي البيت

العنود : تمام

صحيت روان ودخلت الحمام (الله يكرمكم ) وبس خلصت راحت عند امها

روان : صباح الخير يمه

ام روان : صباح النور

روان : امي ذي مالها اسم ولا وش

ام روان : انا وابوك سميناها المها واي شي تبينه هي بتسوي لك

روان : تمام

خلصت لهم الفطور وبدت ترتب البيت وطلب منها ابو روان ترتب لهم المكان اللي فيه الابل انهد حيلها بس خلصت راحت قالت لهم

المها : ابي ملابس ماعندي

ام روان : باخذك اليوم نجيب لك ملابس الحين خذي اي شي من روان

المها : تمام

في فيلة ابو الياس

صحي الياس وكانت هتاف عنده خايفه عليه خافت يسوي شي بنسفه بسبب الاشياء اللي تصير معاه

امه بالمستشفى تعبانه حيل واخته رجعت ضعت ومايدري شي عنها حتى الحراس يومين لهم يدورون ومالقو لها اثر جهزو الفطور وهتاف غصبت الياس بالقوة ياكل لان مو راضي ماله نفس اكل وبس خلص قال

الياس : انا باروح عند امي التطمن عليها

هتاف بخوف : خلي الحارس الشخصي يوصلك للمستشفى

الياس : انا باسوق مايحتاج

هتاف : لا بنروح مع السواق انا وانت

الياس استسلم لها وقال

الياس : تمام يلا بس خليهم يرتبون المكان

هتاف راحت قالت لهم يرتبون الفيلا لبست العبايه وخرجت معاه ومسكته عشان لايطيح ركبو السياره

وتوجهو للمستشفى وهم بالطريق فالت هتاف

هتاف بحب : لازم تكون قوي عشان امك ماينفع تضعف

الياس نزلت دمعته : انا انكسر قلبي كل مرا تصير لي مشاكل

مسكت يده هتاف بحب وتحاول تقويه وتقوله ان انا معك مارح اخليك

السواق : استاذ الياس وصلنا

نزلو وراحو يتطمنو على ام الياس دخلو وراحو للدكتور يكلمونه عن وضعها

الياس : كيف امي ي دكتور

الدكتور : امك لسه للحين ماصحيت ادعي لها

الياس بدموع : اقدر اشوفها لو شوي ي دكتور

الدكتور كان مانع الزياره لان ام الياس مناعتها ضعفت شوي بس رحم حال الياس بعد ماشاف دموعه وقرر يدخله عندها شوي

الدكتور : تمام نص ساعه مو اكثر واتمنى تدخل بهدوء وعقم يدك

الياس : تمام ابشر

راح الياس مع ممرضه تعقم له يده زي ماقال لها الدكتور ودخل عند امه شاف شكلها ماتحمل صار يبكي ويحاول مايطلع صوت عشان الدكتور مايخليه يطلع

الياس عند راس امه : يمه قومي اشتقنا لك ماتبين تفرحين وتشوفيني معرس وعيالي يمشون حولك يقولون جده

قرا شوي من القران بعدين خرج وراح عند هتاف عشان يرجعون الفيله ويرتاح شوي الياس

في فيلة ابو ريماس

صحيت ريماس وكان اليوم موعد حفلة تحديد نوع الجنين جهزو لها اهلها الشاليه اللي بتسوي فيه الحفله وعزمو اللي يعرفونهم وام ريماس كانت تكلم الهنوف عشان يرتبون كل شي لان الوحيده اللي تعرف وش نوع الجنين

ام ريماس : كيفك ي الهنوف

الهنوف : الحمدلله انت كيفك ي خاله

ام ريماس : الحمدلله جهزتي كل شي

الهنوف : اي جهزت الكيك من بدري وكل شي سويته باقي بس نوديهم الشاليه ونرتب كل 

↚

شي

ام ريماس : انا باجي لك ونروح سوا نرتب كل شي وبعدين نجيب ريماس

الهنوف : تمام

قفلو من بعض وراحت ام ريماس تكلم السواق عشان يجهز السياره واخذت اللي تبيه وفي اشياء طلبتها وبتوصل لهم

كلمت ام ريماس ام لؤي وعزمتها مهما كان قالت نبقى معارف بس ريماس ماتدري عن شي خلصو وجهزو كل شي ولبست ريماس وردي تحس انها بنت ووصلت الشاليه ماتدري ان لؤي جاي ومجهز لها هديه فخمه مرا

(في الشاليه )

بعد ماوصلو الناس وكانت الهنوف بكل شي جمب ريماس عشان لاتتعب بالصدفه جو اهل لؤي وكانت معاهم تالين

ماهتمت قالت بنفسها انا بنبسط ماعلي من احد

الهنوف : فيك شي رموس

ريماس : لا يارب تكون بنت تدرين كان دايما يقول ودي ببنت بس اكيد مارح يجي ويحتفل معي اخذت قلبه تالين

وقتها كان لؤي يقولهم يجيبون السياره لين المكان اللي فيه ريماس وحطها برا جاب لها سيارة احلامها وكتبها في اسمها كان بخاطرها تجيب سيارة جي كلاس وبذا اليوم حقق لها لؤي السي اللي تتمناه

كلم امه ان بيدخل عشان اللي موجودين يتغطون قالت لهم وتغطو ودخل وراح عندها

لؤي بحب : تتوقعين بيوم ذا بخليك لوحدك ومانعرف مع بعض وش نوع الجانين

انسحبت شوي الهنوف وخلتهم مع بعض

في قصر ابو سلطان

كانت اسيل جالسه بغرفتها تفكر في راكان رغم انها كانت تتكبر عليه ماتدري انه يفكر ينتقم منها بسبب تكبرها

اسيل : يع ليه افكر فيه الفقير ذا خل اقوم اسوي اشياء احبها افضل

قامت اسيل ونزلت تحت سوت لها بانكيك وفشار وقهوه وقالت للخادمه توديهم لها فوق وهي بتروح تاخذ شور وتسوي لها جو بالغرفه بعد ماخلصت ولبست ملابسها اللي تحبهم شغلت شموع وفتحت الايباد وحطت على مسلسلها تتفرج وهي تتفرج من غير ماتحس طاحت الشمعه وصار في حريق بالغرفه صارت تصرخ

اسيل بصراخ : الحقوني بموت

ماكان احد يسمعها بالصدفه كانت ندى جايه عندها شافت الغرفه تحترق راحت جري عند سلطان تخبره

سلطان : بسم الله شفيك تجرين كذا

ندى بخوف : غرفة اسيل تحترق

ساطان من الصدمه قام جري وشاف وسمع اخته تصرخ دخل حاول ينقظها طلعها واتصل على الاطفاء وجو طفو الحريق

واخذ اسيل للمستشفى يحطون لها اكسجين لان مو قادره تتنفس

الدكتور : اكيد شمت شي خلاها ماتقدر تتنفس

سلطان : صار حريق بغرفتها ي دكتور عشان كذا

الدكتور : تمام اعطناها اكسجين وبإذن الله مو صاير لها شي بس لازم تهتم لصحتها

سلطان : ان شاء الله

بعد ماخلصت اخذها واخذ الورقه حق الدواء وجابه لها وقال

سلطان : كيف انحرقت الغرفه

اسيل : كنت مشغله شموع ومسويه جو فجأة انحرقت الغرفه

سلطان : واضح انها طاحت منك بالغلط

اسيل : شكله الحمدلله جات سليمه

سلطان : لو مو ندى جات وخبرتني ولا ماحد درا عندك

اسيل : الحمدلله انها قالت لك ماحد سمعني وانا اصرخ

سلطان : زين الحين تروحين ترتاحين بس مو بغرفتك عشان الريحه وعشان يرتبونها لك

وصلو القصر ونزلت اسيل وراحت تنام بغرفه ثانيه وامر سلطان وحده من الخدم ترتب غرفة اسيل وتفتح الشباك عشان ريحة الغرفه

في الشاليه

ريماس : توقعت مارح تيجي ومو هامك

لؤي بفرح : لا انا متحمس لذا اليوم بس كنت مشغول اجهز هديتك

ريماس بفرح شدت على يده وهو الستانس وكانت في عيون تراقبهم ومقهوره

تكلمت ريماس وقالت

ريماس : اللي يحس بنت يلبس بيده وردي ولي يحس ولد يلبس بيده ازرق

لبسو كل واحد اللي يحس فيه ولؤي وريماس لبسو وردي بيدهم

وجات لهم الهنوف واعطتهم البالون اللي فيه اللون وكلهم صارو يصرخون ١،٢،٣

فقعوها مع بعض وكان لون وردي وطلعت بنت زي مايتمنا لؤي وشغلو له اغنية والبنت حصة بيا من فرحته مهتم للموجودين راح حضن ريماس بقوه وقطعو الكيك والكل كان فرحان لهم قال لها

لؤي : البسي عبايتك بوريك هديتك

ريماس : تمام بكلم الهنوف تجيبها لي احس مو قادره مرا اتحرك

لؤي : تمام

ريماس : هنوف جيبي العبايه

الهنوف : ليه فيك شي

ريماس : لا بس لؤي قال لي بيعطيني الهديه ولازم البس العبايه

جابتها لها وراحت معاه وشافت الهديه واستانست مرا لان كانت تتمناها من زمان

دخلت ريماس داخل وهو راح عشان الحريم ياخذون راحتهم جات تالين وهي مقهوره عند ريماس وقالت

تالين بعصبيه : انقلعي عن لؤي احسن لك

ريماس بدلع : هدي شفيك معصبه كل ذا عشان جاب لي هديه

تالين : انطمي ولؤي لي انا مو لك

ريماس ماهتمت وراحت تكمل فرحتها وفجأة وهي تمشي حطت رجالها تالين وخلت ريماس تطيح وتعورت وصارت تصرخ

جات عندها امها وخافت عليها حيل لانها حامل

ام ريماس بعصبيه : وربي ي تالين لو يصير شي لبنتي ولي ببطنها مايصير لك خير

الهنوف هنا ماتحملت وراحت ضربت تالين كف

الهنوف : خذا الكف عشان لاتتمادين ثاني مع ريماس

الهنوف مسكت جوال ريماس لقته اقرب شي ودقت على لؤي وقالت له يرجع بسرعه عشان ريماس وهو رجع زي المجنون واخذها للمستشفى

ام ريماس : ي ام لؤي شيلي حرمة ولدك من هنا احسن لها جاين نستانس ولا نسوي مشاكل ومارح اسامحكم لو صار لبنتي شي

ام لؤي : الله ياخذك ي تالين فشلتيني

وقتها اتصلت ام ريماس على زوجها وقالت له عشان ياخذها عند بنتها تطمن عليها وبعدين تحاسب تالين على اللي سوته طبعا مايدري لؤي ان تالين هي السبب يحسبها طاحت من نفسها

في شقة ابو راكان

كان جالس راكان بالغرفه وقاعد يفكر في كثير اشياء لان عليهم اجار الشقه ومايدري من وين بدبره فجأة يدق باب الشقه فتحت له ام راكان

ام راكان : مين

الرجال : انا صاحب العماره نبي الاجار

ام راكان : تمام ثواني بنادي لك ولدي

راحت غرفت ابنها ودقت الباب

راكان : تفضل

ام راكان : قوم تفاهم مع صاحب العماره يبي الاجار

راكان بضيقه : ياربي

راح له وسلم عليه وقال

راكان : تقدر تصبر علينا

الرجال : دايما اصبر عليكم معاكم اسبوعين وبعدها سامحني

راكان : تمام

دخل راكان وسكر الباب وراح غرفته ولبس ملابسه وخرج بيروح لعبد العزيز يتكلم معاه عشان يبدون بالمشروع اللي تفقو عليه يكون الصباح يشتغل في اوبر وفي الليل شغل ثاني

راكان : السلام عليكم

عبد العزيز : وعليكم السلام

راكان : انا بفتح مشروع من بكرا

عبد العزيز : تمام بس وش هو

راكان ؛ بفتح اكل ابيع وكذا محتاج دخل زياده لان صاحب العماره يبي الاجار وانت تدري ابوي تعبان

عبد العزيز : تمام انا بوقف معاك

راكان : تسلم الله يسعدك

عبد العزيز : شوف وين بتفتحها عشان نبدا نعلن عن كل شي

راكان : تمام خل بس اكلم امي عشان تقترح علي من وين الاكل وكذا

عبد العزيز : الله يوفقك يارب وييسر لك كل شي

راكان : امين تتوقع اقدر اجمع المبلغ خلال اسبوعين

عبد العزيز : اي وانا بساعدك بشتغل معاك وبسوي لك اعلانات عند مشاهير

راكان : ونعم الاخ والله اجل نتوكل على الله ومن بكرا نبدا كل شي

رجع راكان البيت وقال لامه عن كل شي وقالت له ايش يسوي وايش ممكن الناس تحب وهو يحس ان ربي راح يساعده ويوقف معاهدوراح اشترا كل شي يحتاجه وقالت له امه عليه وقال بيجرب بالبدايه يفتح الصباح ويشوف الوضع كيف

في شقة ابو هتاف

كانت ام هتاف بالغرفه جالسه مع زوجها وتسولف معاه ويتذكرون ايام قبل كيف كانو مع بعض قبل يجيبون هتاف

وكيف كانت حياتهم سعيده

ام هتاف : تفتكر كيف كنت تنقهر من اخواني لما يجلسون معانا وانت تبي تشوفني

ابو هتاف : اي كان لك اخ بس ينشب لنا كأن كنت بسوي فيك شي وقتها

ام هتاف بضحك : ههههه للحين مو قادر تنساه

ابو هتاف : مو كذا بس يعني ابغى اخذ راحتي شوي مع خطيبتي

ام هتاف : الحمدلله صرنا لبعض

ابو هتاف : الحمدلله

ام هتاف : جيعان اجيب لك اكل

ابو هتاف : اي بس وين هتاف

ام هتاف : عند الياس قالت لي انه يحتاجها مدري وش صاير معاه

ابو هتاف : كلميها ماتطول خل ترجع

ام هتاف : تمام

راحت ام هتاف المطبخ سوت اكل لزوجها واتصلت على هتاف عشان تقولها اللي قاله ابوها

ردت عليها بعد مده

ام هتاف : السلام عليكم

هتاف بشوق : وعليكم السلام وحشتوني

ام هتاف بحب : اكثر ي قلبي متى بترجعين

هتاف : ليه بابا قال شي

ام هتاف : اي ابوك قال اكلمك اقول لك خلاص ارجعي

هتاف : تمام حاضر

راحت ام هتاف تحط لهم الاكل وراحت عند زوجها تاكل هي وهو سوا وقالت له ان هتاف بترجع ان شاء الله وجلسو ياكلون ويسولفون وبعد ماخلصو شالت ام هتاف الاشياء وغسلتهم ورجعت عند زوجها الغرفه بدلت ملابسها وراحت توضت عشان تصلي ركعتين لربها تدعي اللي بقلبها لان تحس نفسها كل مشكت لربها ترتاح

عند شخص اول مرا راح نتكلم عنه

من كان عمره ٩سنوات في ناس عايشين بالديره مو سعودين تقريبا كانو هندين كان هو وقتها يلعب بالشارع كوره مع اصحابه وهم صدفه كانو يجون بالمنطقه اللي هو فيها وكانو يخطفون اطفال وقتها خطفوه وماكان احد يدري عنهم وحتى اهل الطفل للحين مايدرون عنه شي لين صار عمره تقريبا وهو عندهم ٢٠سنه

كبر وهو يناديهم امه وابوه يحسبهم اهله

الطفال ببكاء : ابي امي مين انتو

الام : اسكت راح ناخذك نجيب العاب واشياء تحبها

الطفل بصراخ : رجعوني انتو خطفتوني

الاب : احنا امك وابوك

الطفل من التعب والصراخ والبكاء نام وهم ارتاحو عشان ماحد يحس عليهم وتجهو لديره درسوه فقط لين الثانوي وقالو مو لازم يدرس الجامعه بنخليه يتعلم زينا يخطف لنا الاطفال نستفيد من وراهم فلوس وكانو اي طفل يخطفونه يبيعونه لعصابه وياخذون منهم مبلغ عالي جدا الا ذا الولد ماقدرو يبيعونه ربوه وكبروه لين صار عمره ٢٠ سنه صار يقول لهم ماما وبابا وتعود عليهم وهم تعودو عليه ما درس جامعه بحكم ان ماكانو يقدرون يدرسونه عشان لاحد يكشف موضوعهم لان ماكان في جامعات بالديره اللي هم ساكنين فيها كان بالمناطق الثانيه

طلبو منه يروح البقاله يجيب لهم اغراض وبالصدفه كانت العنود بعد رايح البقاله شافو بعض صدفه وهي مصدومه من جماله اخذت الاغراض ورجعت البيت وهو بعد اخذ الاغراض ومستغرب ليه كذا تطالع فيه يحس وضعها غريب بس ماهتم ورجع وراح ياكل مع اهله

بعد ماخلص راح غرفته يفكر فيها وان ليه تطالع فيه اكيد في شي او ممكن اول مرا تشوف واحد جميل جلس على جواله يقلب وماهتم وبدا يتابع باليوتيوب ويتفرج اشياء يحبها لين غفى ونام

في المستشفى عند ريماس

بعد ماوصلو وكان لؤي يسوق بجنون خايف على ريماس وبنته يصير لهم شي وريماس تبكي من الالم وهو يحاول يهديها وصلو ونزلو حمله

لؤي بصراخ : الحقوني معي حرمه حامل

جو لهم وكان معاهم الدكتوره تكلمت الدكتوره وقال

الدكتوره : وش صاير

لؤي : كنا بحفلة تحديد جنس المولود واتصلو علي يقولون طاحت تكفى طمنيني عليهم

الدكتوره : ان شاء الله مافيهم شي بس انتظر الحين وانا بخبرك

مرت ساعه وهو ينتظر ومتوتر الدكتوره كانت تطمن على ريماس والي في بطنها والحمدلله ماصار لهم شي بس اعطتها مغذي وابره معينه عشان يهدا الالم وخرجت

لؤي بخوف : صار لهم شي

الدكتوره وهي تطمنه انهم بخير قالت

الدكتوره : الحمدلله هم بخير بس اعطيناها ابره عشان يهدا الالم والحمدلله الجنين بخير

لؤي بفرح : الحمدلله اقدر اشوفهم

الدكتوره : اي والحمدلله على سلامتها

راح لؤي عندها وهو خايف عليها وتكلم وقال

لؤي بحنيه : بسم الله عليكم وش صار كيف طحتي

ريماس ماحبت تصير مشاكل قالت

ريماس : كان في مويه في الارض وطحت بسببها

لؤي حس الموضوع مو كذا قال بعدين بيفهم من امه وقال

لؤي : الحمدلله انكم بخير

خلص المغذي وشالوه لها ومسكه يساعدها عشان ماتتعب زياده ركبو السياره جاب لها عصير تغذي نفسها فيه تكلمت وقالت

ريماس : برجع عند اهلي

لؤي : لا مارح ترجعين بترجعين معي

هنا ريماس خافت ترجع تسوي لها شي تالين قالت

ريماس : خل بس اليوم اجهز اغراضي وبعدها ارجع

لؤي : تمام وانا باشوف عشان بيصير لك غرفه ولها غرفه

ريماس بعدم اهتمام : طيب ابغى ارتاح رجعني البيت

رجعها الفيله عند اهلها وهو راح عند امه بعد مارجع الكل بيته دخل وهو معصب

لؤي بعصبيه : ودي افهم اللي صار مع ريماس عمدا ولا تخطيط منك ومن تالين

ام لؤي بصدمه : وش قاعد تقول وش اللي تخطيط

لؤي : ترا اتكلم وانتو فاهمين كلامي ريماس طاحت وهي تقول بسبب مويه

تالين بخوف : اي طاحت بسبب المويه

لؤي : اشبك تتكلمي بخوف شكلك ورا الموضوع

جا ابو لؤي على صراخهم وقال

ابو لؤي : وش قلة الادب ذي ماتحترمون اني موجود

لؤي راح وباس راس ابوه وقال

لؤي : لك كل الاحترام يبه بس في موضوع مابسكت عنه

ابو لؤي : وش صاير

لؤي : امي وتالين واضح متفقين يطيحون ريماس عشان تسقط

ابو لؤي بصدمه : وش اللي سمعته منجدكم بتحرمونا من حفيدنا

في شقة ابو هتاف

بعد مارجعت هتاف من عند الياس راحت غرفتها طلعت لها ملابس عشان تتروش دخلت الحمام (الله يكرمكم)

تروشت وخلصت وبدت تحط من العطور والكريمات وبس خلصت لبست ملابسها وخرجت تشوف اهلها

هتاف : وحشتيني ماما

ام هتاف بحب : اكثر ي روح امك

هتاف : شو في اكل

ام هتاف : سوينا مجدره

هتاف : اوك انا باروح اكل بس بابا صاحي

ام هتاف : اه

راحت هتاف المطبخ حطت لها اكل وبدت تاكل وهي بالها عند الياس عشان اللي صار معاه

هتاف بحزن : ي روحي عليه كل شوي يصير له مشكله الله يبعد عنه كل المشاكل يارب ونرتاح ونصير مع بعض بنفس البيت

بعد ماخلصت غسلت الاشياء وشربت مويه وراحت جري للغرفه عشان تشوف ابوها مشتاقه له تشوف ابوها كل شي بنسبه لها وماودها تفقده بيوم

هتاف متعلقه بأبوها وتحبه اكثر من امها تعشق ابوها لان كل ماتقول خاطري بشي يقولها سمي ويجيب لها

هتاف بحب : اشتقت لك ي روح بنتك

ابو هتاف بفرح : اجت حبيبة ابوها

هتاف فرحت من كلمة ابوها وحضنته وجلست عنده

ام هتاف بغيره : كل الحب للبنت وابوها وانا مالي شي

هتاف : انت كل حب ماما من دونك احنا بنضيع

ابو هتاف : اكلتي

هتاف : اه اكلت الحمدلله انت اكلت

ابو هتاف : الحمدلله اكلت

هتاف : بابا بدك شي خاطرك بشي

ابو هتاف : تسلمي الله يرضى عليكي

هتاف : بابا بشغلك اغنيه اهداء

فتحت لابوها اغنية بنت ابوي وبدا يسمع ونزلت دمعه منه وحضنت ابوها ومسحت دمعته

هتاف بدموع : اخ ي بابا ياريتك بتمشي ونروح كل مكان سوا

ابو هتاف بحنيه : لاتبكي ربك اراد هيك والحمدلله على كل حال لازم نكون راضين بقضاء ربي

هتاف : الحمدلله

ابو هتاف : جيبيلي مي

هتاف : حاضر

راحت هتاف وجابت لابوها مويه وجات وجلست تكمل سوالف وتضحك مع ابوها تحس هتاف اذا جلست مع ابوها الدنيا تكون بخير

في الشغل عند راكان

فتح المشروع اللي وده يفتح وكانت الناس مرا كثير عنده حي الدنيا بدت تضحك له كل الناس اللي تاكل عنده تمدح الاكل ونظافة المكان وكان معاه عبد العزيز ماتركه وكل شخص يجي عنده يطلع مبتسم ويقولون له بنرجع لك مرا ثانيه

راكان بفرح : الحمدلله كله من دعوات امي لي

عبد العزيز : الحمدلله

راكان : كل الناس تمدح المكان والاكل ونظافة المكان

عبد العزيز : تدري الناس قالو لي حبو فكرة ان نحنا مسوين جلسات

راكان : الحمدلله شكرا لك

عبد العزيز : احنا اخوان ولازم نوقف جمب بعض

بدو يكملون وبس خلصو وقبل يقفلون جا لهم واحد مايدرون انه مشهور طلب من عندهم وجلس وجرب الاكل وحب الحركه حقت العصير

تكلم المشهور وقال : ماتدرون مين انا

راكان : لا والله بس وجهك مو غريب علي

المشهور : انا ناصر و جيت على مدح صاحبي وعجبني الاكل وبنزل لك عندي بسنابي عشان تستفيد اكثر

راكان : اي عرفت الله يسعدك يارب ماتقصر

ناصر : انا مصور وبقيم بالسناب عندي بس باقي فيديو وانتو تتكلمون

صورهم فيديو وتكلمو وساعدهم ايش يقولون ونزل عندهم وقالو له الموقع ومن متى لمتى ونشر عنده

بعد ماراح قفلو وكل واحد رجع بيته يرتاحون شوي

وبعد ماوصل راكان جلس يحسب كم طلع لهم مبلغ عشان يحسب اللي بيدفعه حق الاجار للمكان ووش بيكون له ووش الاغراض اللي بيجيبها

جات له امه وقالت

ام راكان : كيف الشغل اليوم

راكان : الحمدلله بداية خير جا مشهور واعلن لنا مجانا

ام راكان : الحمدلله هذا فضل من ربي

↚

راكان : باروح اتروش يمه واجي اجلس معك

ام راكان : تمام

راح راكان ودخل الحمام (الله يكرمكم ) وتروش وخلص وخرج عند امه وناده خواته

راكان : الحمدلله انا اليوم اشتغلت وطلع مبلغ حلو شلت منه شوي من مبلغ الاجار

ام راكان : اي

راكان : بعطي ريف وريم كل واحد ١٠٠يفرحون ويجيبون اللي ودهم وبرفع كمان مبلغ اجار البيت والله يسهلها يارب

ريف بفرح : الله يسعدك يارب

اعطاهم وهو جلس يشوف الي عليه عشان يقدر يدبر اجار الشقه اللي هم فيها وبعدها دخل الغرفه يرتاح له شوي قبل يخرج

ريم : ريف وش بتسوين بالفلوس

ريف : ما ادري لسه

ريم : انا بخاطري اجيب سماعه من نون

ريف : كم سعرها

ريم : ما ادري باشوف بس مارح اكلم راكان الحين خليه يخلص اللي عليه وبعدها نكلمه ايش نبي

ريف : اي افضل كذا

في فيلة ابو لؤي

ام لؤي ماتحملت الاتهامات اللي تتوجه لها قالت

ام لؤي : انا مالي دخل شوف تالين بعد مارجعت ريماس من برا عشان نكمل الحفل حطت رجلها خلتها تطيح

هنا عصب لؤي وجا بيضربها ابوه مسكه وقال

ابو لؤي : اهدا لاتمد يدك ماربيتك تمد يدك على بنات الناس وهي حسابها بعدين اهم شي ريماس بخير

لؤي : يكون بعلمكم ريماس بترجع عندي ولي يقرب لها يومه مارح يعدي على خير

تالين بعصبيه : خير ترجعها مارح ترجع

لؤي : انطمي ي تالين وبترجع ولي تقوله ريماس يتنفذ

تالين : من زينها

لؤي : انقلعي غرفتك ي تالين احسن لك

راحت تالين الغرفه وهي مقهوره عشان ام لؤي علمت عليها وعرف لؤي الحقيقه

ابو لؤي : الحين عشان الغرفه ي لؤي وش بتسوي

لؤي : حاليا يبه افكر اخليها بالغرفه اللي تحت عشان الدكتوره قالت ماينفع تطلع وتنزل بالدرج

ابو لؤي : زين كلم الخدم يرتبونها لها

لؤي : اي بكلمهم وباشوف وش تحتاج وبجيب لها

ابو لؤي : حول لها 2000 ريال وقول لها عمك يقولك اشتري اللي بخاطرك انت والبيبي

لؤي : ابشر يبه

ابو لؤي : لما تيجي ريماس اتمنى تعاملونها زين عشان اللي ببطنها

ام لؤي : تمام

لؤي بفرح : يبه بتجيني بنت

ابو لؤي : الله يقومهم لك بالسلامه يارب وتتربه بعزكم انت وامها

لؤي : الحين انا بجهز كل شي من اليوم عشان ما انسى شي

ابو لؤي : تمام الله ييسر لك ولا تنسى تحول

راح لؤي وكلم الخدم يرتبون الغرفه وحول لها الفلوس وكتب لها بالواتس

لؤي : رموس حولت لك 2000 عمك يقولك هذي هديه واشتري اللي بخاطرك انت والبيبي

بعد مده ردت وقالت

ريماس : قول لعمي مشكور وماقصر الله يسعده يارب

راحو هو يكمل الاشياء اللي بيسويها وجاب الاشياء الي تنفع ريماس تاكلهم وهي حامل والتصل عليها وهو بالسوبرماركت ردت عليه

لؤي بحب : حبيبي تبين شي من السوبرماركت

ريماس : خاطري بفراوله دورت عليها مالقيت

لؤي : ابشري حتى لو مالقيتها بالمكان اللي انا فيه بروح مكان ثاني

ريماس : تمام انا بقفل باروح لابوي يناديني

لؤي : تمام وقولي له باجي له اليوم

ريماس : تمام

قفلو من بعض وهو راح يشوف لها الفرواله لقى وجاب لها ٤ علب وراح يحاسب وبس خلص رجع الفيله

في قصر ابو سلطان

كانت اسيل جالسه مع ندى وعمر في حديقة القصر وتلعب معاهم لان كانت طفشانه لوحدها جاه لهم سلطان وقال

سلطان : ايش رايكم نطلع

اسيل : اي طفشانين

سلطان : اجل يلا روحو اجهزو

راحو كلهم جري يجهزون وبس خلصو نزلو وركبو السياره مع سلطان

سلطان : وين تبون نروح

ندى : نروح نلعب

اسيل : اي نبي نلعب نطلع الطفش في الالعاب

سلطان : تمام

راحو عند الالعاب وشحن لهم ب 1000 عشان ينبسطون ويلعبون على راحتهم وبدو يلعبون وهم مستمتعين

راح سلطان عند اسيل وقال لها

سلطان : اسيل انا باروح اجلس هناك وانتو خذو راحتكم وبس تخلصون دقي علي وانتبهي لهم

اسيل : تمام ابشر

اخذتهم وبدو وكملو لعب ومبسوطين وحسو الطاقه كلها راحت وبعد ساعتين خلصو وحسو انهم جعانين اتصلت على سلطان عشان يجي لهم

اسيل : سلطان انت فين

سلطان : خلصتو

اسيل : جيعانين نبي ناكل

سلطان : تمام جايكم

جا لهم واخذهم المطعم اللي بالملاهي وكل واحد طلب له اللي يبيه

سلطان : خلصت البطاقه

اسيل : باشوف كم باقي فيها

سلطان : هاتي اشوف لكم لاتتحركون من هنا

اسيل : تمام

جاب لهم الطلب وراح يشوف كم باقي لقى قليل دفع لهم زياده يلعبون كم لعبه وبعدها يرجعون

سلطان : كان فيها لعبه لشخص واحد دفعت زياده العبو كم لعبه وعشان نمشي

خلصو اكل وراحو يلعبون وبس خلصو رجعو عنده وبيمشون

سلطان : انبسطو

كلهم مع بعض : اي

ندى : نبي ايسكريم

سلطان : تمام هنا مافي على طريق نجيب

خرجو وركبو السياره وجاب لهم الايسكريم اللي يبونها وبعدها رجعهم القصر وهم مستانسين

عمر : شكرا سلطان

اسيل : اي والله شكرا استانست مرا

سلطان : حبايبي انتو اذا ما اسعدتكم بسعد مين

رجعو القصر وكل واحد راح غرفته يرتاح بعد الطاقه اللي طلعو في الملاهي

في فيلة ابو ريماس

بعد ماقفلت من لؤي راحت عند ابوها تشوف وش يبي منها

ريماس : هلا يبه ناديتني

ابو ريماس : اي ي بنتي تعالي اجلسي ارتاحي

ريماس : تمام

جلست ريماس جمب ابوها وقال لها

ابو ريماس : بترجعي مع زوجك

ريماس : يبه انا ما ودي ارجع بسهوله كذا

ابو ريماس : وش بخاطرك

ريماس : يبه للحين مو قادره اتخطى انه تزوج علي رغم انه يحبني

ابو ريماس : قولي وش تبين وانا باقول له

ريماس : يبه انا ابيه يندم انه تزوج علي

ابو ريماس : وش بتسوين يعني

ريماس : ما ادري جالسه افكر وهو يقول يبي يجي يكلمك اليوم

ابو ريماس : تمام

ام ريماس : انا مابكست لتالين على اللي سوته

ابو ريماس : اي ذا الموضوع انا مو ناسيه

ريماس : اوك تزوج علي بس مو يخلوني اخسر بنتي

ابو ريماس : انا باخذ حقك بذا الموضوع

ريماس : وانا بطريقتي بخليه يندم

ابو ريماس : تمام الي تبينه انا معك اهم شي انتي تكوني مرتاحه

قامت ريماس من عند ابوها وراحت الغرفه واتصلت على الهنوف بعد مده ردت عليها

ريماس : السلام عليكم

الهنوف : وعليكم السلام

ريماس : تخيلي لؤي يبيني اجي معاه بكرا الفيله عنده

الهنوف : اي ووش قلتي

ريماس : تو اتكلم مع ابوي بذا الموضوع احس ودي اخليه يندم

الهنوف : اممم لازم نفكر بشي يخليه يندم

ريماس : انا بفكر بعدين واقولك

الهنوف : تمام زين وش قالت لك الدكتوره

ريماس : الحمدلله لحقنا ولا كان بيصير شي للبيبي

الهنوف : الحمدلله انا بقفل امي تبيني

ريماس : تمام

قفلو من بعض وجلست ريماس تقلب بتيك وتفكر وش راح تسوي عشان يندم لؤي بعد ماتزوج عليها

نروح عند رائد

بعد كل شي صار معاه وتكلم له خالد مع المعارف اللي يعرفهم في ايطاليا اتصل عليه

رائد : السلام عليكم

خالد : وعليكم السلام

رائد : وش صار معاك

خالد : قررو يخلونك ترجع بلدك

رائد بفرح : واخيرا باشوف اهلي متى اقدر اسافر

خالد : ذي الايام تقدر

رائد : احجز لي شوف متى في تذاكر

خالد : تمام

راح خالد يشوف له ولقى في تذاكر اليوم بس الوقت متأخر شوي قرر يتصل عليه يشوف

خالد : لقيت اليوم

رائد : الساعه كم

خالد : الساعه ١٢

رائد : احجز لي اهم شي ارجع لاهلي

خالد : تمام

راح رائد يجهز كل اموره الي بياخذه معاه ويحتاجها وكان في ناس يدورون على فيله سمع عرضها عليهم وطلب منهم مبلغ ودفعو له وقال لهم انه بيمشي الساعه ١٢عشان يجون يستلمونها

مر الوقت وهو خلص كل شي يحتاجه وحطه بشنط وطلع للمطار انتظر لين نادو على الطياره وراح وطبعا الوقت ١٦او١٧ساعه وماكان احد من اهله يدري انه ممكن يرجع كانو فاقدين الامل مر الوقت بعد١٦ساعه وصل السعوديه

ونزل وخلص الاجرائات وبدا يسأل عن راكان وقالو له وين البيت اللي يعرفونه دق الباب عليهم واستغربت ريم مين جاي بذا الوقت

ريم بخوف : يمه مين ذا بكلم راكان

راحت وقالت لراكان وقال له ادخلي انا بفتح فتح واستغربت انه شب تكلم رائد وقال

رائد بشوق : راكان ما عرفتني

راكان : لا والله مين

رائد : انا رائد اخوك

راكان : اما متى رجعت

دخلو داخل وحضنه وبدو يتكلمون وجات ام راكان واستغربت وقالو لها وفرحت مرا

ام راكان : واخيرا ولدي رجع لي

رائد بدموع : اشتقت لك يمه حيل

ام راكان : اكثر ي ولدي

بدا يقول لهم كل شي صار معاه من يوم راح لين ذا اليوم

راكان : قلنا لك ماهم ناس كويسين بس ماكنت تسمع

رائد : الحمدلله عدة على خير

ام راكان : الحمدلله

رائد : اي بس قالو ممنوع ارجع هناك بعد اللي صار

راكان : اي لاترجع خلك هنا معانا

ريم وريف مايدرون مين ذا لان ريم رجعت نامت وبس يصحون بيعلمونهم

رائد : يمه ودي انام بحضنك

ام راكان بحنيه : تعال

حط رائد راسه بحضن امه وبدت تلعب بشعره لين غفى بحضنها

في فيلة ابو الياس

قام الياس ودخل الحمام (الله يكرمكم ) غسل وجهه ونزل تحت قال للخادمه تحط له اي شي موجود عشان يفطر قبل يطلع عند امه

جهزو له الفطور وجلس ياكل وبعد ماخلص قال للخادمه تشيل الاكل وتسوي له قهوه عشان يصحصح بعد ماخلصو وسو له القهوه خرج وركب السياره وتوجه للمستشفى يشوف امه ويشوف اذا صحيت

وصل ونزل وراح لدكتور يشوف وضع امه وقال له الدكتور

الدكتور : امك صحيت الحمدلله ونقلناها غرفه ثانيه

الياس : جد ي دكتور

الدكتور : اي وهي بخير

الياس : الحمدلله اقدر اخليها تخرج

الدكتور : اي تقدر تسوي لها خروج

راح الياس عند امه يشوفها وفرحان ان امه صحيت دخل عندها

الياس : الحمدلله على السلامه يمه

ام الياس : الله يسلمك

الياس : الدكتور سوا لك خروج يقول صرتي بخير

ام الياس : الحمدلله

الياس : باروح اسوي لك خروج

راح الياس يسوي لامه خروج وبس خلص اخذها وراحو لسياره وركبو وهو اتصل عليهم عشان يحهزون لها الغرفه قبل تيجي

الياس بفرح : تبين اجيب لك شي يمه

ام الياس : تسلم

وقف الياس عند محل عصير وجاب له ولامه عصير عشان امه تصحصح بعد ماكانت بالمستشفى

ام الياس : تسلم ي ولدي

الياس : الله يسلمك

وصلو الفيله ونزل ساعد امه عشان تنزل ودخلو وجلسه شوي على الكنب

ام الياس : خل يجيبون لي شي اكله

الياس : ابشري

كلمهم يجيبون اكل لامه وجلس يسولف معاها ومستانس ان امه رجعت له رسل رساله لهتاف وكتب

الياس : هتاف امي خرجت من المستشفى الحمدلله وهي الحين عندي وجالس معاها

بعد مده ردت عليه وقالت

هتاف : الحمدلله والف الحمدلله على سلامتها

ماكان منتبه ان هتاف ردت عليه من فرحته بأمه نسى امر الجوال بعد مارسل لها

بس كان ناقصهم وجود العنود بينهم وتكتمل فرحتهم

في الديره عند العنود

كانت العنود كل يوم تصحى وتنام وهي تشتغل عندهم اليوم استغربت بينها وبين نفسها انو ليش هي تشتغل وكأنها خدامه وهم بس جالسين ويتأمرون عليها راحت لهم العنود وقالت

العنود بحزن : ليه تخلوني اشتغل انا بس مو عساس انا بنتكم

ام روان : انت تسوين اللي نقول عليه وبس من غير ولا كلام

العنود : حرام عليكم

ام روان : روحي رتبي مكان اللي برا وشيلي منه الاوساخ

خرجت العنود وهي مكسوره ماتدري ليه كذا يعاملونها رغم انه ابو روان قال لها انه ابوها وهي ترتب المكان وتشيل الاوساخ طاحت ونجرحت وصار ينزل دم ماحد كان منتبه لها بالصدفه الولد شافها وشاف كيف الجرح عميق شالها واخذها اقرب مستشفى بالديره

شافوها وعقمو الجرح وكتبو لهم على المرهم الي لازم تستخدمه وبعد ماخلصو اخذها يبي يرجعها

بالصدفه خرجت روان تبي تشوفها مالقتها استغربت جلست تدور عليها ماحصلتها رجعت عند اهلها تخبرهم

روان : يبه مالقيت المها دورتها بكل مكان ماحصلتها

ابو روان : ليكون هربت

روان : مدري

طلع ابو روان يدور عليها ومالقاها فجأة شاف وحده جايه ومعاها واحد استغرب ومسكها اعطاها كف

الولد حاول يتفاهم معاه مو راضي مسك العنود وضربها ودخلها داخل

الولد بخوف : ياويلي ذا مجنون كيف يضرب البنت

راح الولد لان مو بيده يسوي شي والعنود جلست تبكي وتترجاه يبعد عنها ويفهم منها

ابو روان : وش تسوين معاها ي قليلة الادب

العنود : والله ماسويت شي كنا بالمستشفى

ابو روان : كذابه قولي الحقيقه

↚

ورجع ضربها بعد مده تركها وهي من التعب نامت من غير ماتحس

ابو روان : لاحد يتكلم معاها لين تعترف وين كانت

ام روان : تمام تستاهل اللي جاها عشان لاعاد تسوي شي من ورانا

روان حسيت ان العنود صادقه لان لمحت رجلها بس تعرف لاتكلمت ابوها بيقلب عليها الحين فقررت بس يهدا تعلمه

في قصر ابو سلطان

كانت اسيل بالغرفه وجالسه قالت لهم يسون لها قهوه اللي تحبها وبعد مده جابوها لها وكانت تقلب بالجوال بصدفه وهي تقلب دخلت على سناب المشهور ناصر واستغربت ان راكان موجود من ضمن السنابات اللي منزلهم اسيل بينها وبين نفسها قالت

اسيل : هذا كيف قدر يوصل للمشهور ذا بس واضح يعلن له عشان شغل

رجعت للسنابه ثاني وفجأة بس شافت راكان ابتسمت من غير ماتحس والابتسامه كانت شاقه وجهها الا فجأة يدق الباب قفلت جوالها عشان ماحد يحس وقالت

اسيل : ادخل

الخادمه : اسيل سلطان تعبان

اسيل : وش فيه

الخادمه : سلطان في طيح برا بالحديقه

انجنت اسيل وقامت مسرعه عنده تحت وهي تصرخ

اسيل بخوف : سلطان قوم سلطان

كان سلطان من شدت الحراره مو قادر يتحرك ويهلوس في اسم العنود

نادت واحد من الحراس يشيل سلطان عشان يروحون المستشفى يشوفون وش فيه

بعد ماوصلو نزلو وجو الممرضات اخذو سلطان بالسرير وشافه الدكتور لاحظ انه كل شوي يقول العنود بعد ماخلص طلع وراح

اسيل : دكتور وش فيه سلطان

الدكتور : حرارته مرتفعه واضح بسبب صدمه بس لاحظت كل شوي يقول العنود مين العنود شكله يحب والحب متعبه انتبهو له

اسيل توترت : ان شاء الله اقدر اشوفه

الدكتور : اي بس شوي لان قلت لهم ينقولونه غرفه ثانيه وبيجلس كم يوم عندنا

بعد مانقلو سلطان راحت عنده وهي خايفه عليه دخلت لقته برضه يقول العنود

حز بخاطرها ونزلت دمعتها لان ماتدري شي عن العنود واخوها له ايام تعبان ويفكر كثير بالعنود

باست راسه وجلست عنده لين يصحى لانه غفى وهو يردد اسم العنود

في فيلة ابو ريماس

جا عندهم لؤي عشان يتفاهم معاهم لان يبي يرجع ريماس

دخل المجلس واستقبله ابو ريماس سلمو على بعض وبعد مده من السوالف قال ابو ريماس

ابو ريماس : يرضيك اللي صار في بنتي

لؤي بخوف : وش صار

ابو ريماس : ماتدري عن شي انت

جات ام ريماس من القهر وقالت

ام ريماس : انت ماتدري ان زوجتك الحيوانه تالين كانت بتذبح ريماس وبنتك

لؤي بصدمه : انا ريماس قالت لي انها طاحت وكان في مويه

ام ريماس : لا تالين كبت المويه ومدت رجلها عشان تطيح ريماس

لؤي : اخ ي بنت الكلب بتحرميني من بنتي

ابو ريماس : اهدا ي لؤي وانت الحين عرفت السبب وانا مارح اخلي بنتي تروح ويصير لها شي ثاني

لؤي : عمي تكفى ماعاد فيني ابعد عنهم

ابو ريماس : والله انا قلت اللي عندي وانت كيفك

بعد مده تعمدت ريماس تكشخ اخر كشخه ونزلت عندهم

ريماس : السلام عليكم

كلهم مع بعض : وعليكم السلام

لحظتها فها لؤي من جمال ريماس ماعرف يتكلم

ريماس بدلع : يبه بخاطري اشتري وفل بنتي اشتهت

ابوها فهم عليها ان اللي تسويه عشان تشوف لؤي وش راح يسوي وقال

ابو ريماس : ابشري ي حبيبة ابوك وانا بطلع شوي واجي

خلاهم مع بعض وجلست ريماس وهو قام عندها وقال

لؤي : تكفين ارجعي

ريماس بدلع وتحرك شعرها : اممم بفكر يوه صح في ناس ينتظروني باروح لهم

لؤي بغيره : مين ذا اللي ينتظرك

ريماس : وانت وش تبي روح لتالين وانا باروح انبسط

جا ابوها وهي خرجت وخلت لؤي مقهور وقلبه نار من الغيره

في فيلة ابو الياس

بعد مارجع من الشركه وكان تعبان شوي مصدع من كثر التفكير محتار وين راح يحصل اخته قرر ياخذ شور بارد

بعد ماخلص ولبس راح عند امه يشوفها يتطمن عليها دق الباب

ام الياس : تفضل

الياس بحب : كيفها حلوة اللبن

ام الياس : الحمدلله انت كيفك

الياس : بخير يمه دامك حولي

ام الياس : عسى دوم

الياس : اكلتي

ام الياس : لا انتظرتك ودي ناكل سوا

الياس : تبين بالبيت ولا نخرج

ام الياس : عادي اللي ودك

الياس : وش رايك نسوي جلسه بالحوش ونسوي شوي يحبه قلبك

ام الياس : اي موافقه بس كيفها هتاف

الياس : الحمدلله بكلمها عشان تكلمينها

اتصل عليها بعد مده ردت

الياس : كيفك حبيبي

هتاف : الحمدلله انت كيفك قلبي

الياس : الحمدلله اعذريني على الازعاج بس امي تسأل عنك

هتاف بحب : اذا عشان خالتي ي حلوه من ازعاج

الياس : بعطيها تكلمك يمه خذي هتاف

هتاف بحب : كيفها امي الثانيه

ام الياس بفرح بسبب كلمتها قالت

ام الياس : بخير وحشتيني

هتاف : اكثر ي امي تبين اجي لك

ام الياس : اذا تقدري تعالي

هتاف : ابشري بكلم اهلي واجي لعيونك الحلوين

ام الياس بضحك : في واحد عندي غار لما قلت لك وحشتيني

هتاف ضحكت وكملت شوي سوالف معاها وبعدها قفلو وراح الياس يرتب كل شي وقالت له امه

رتب كل شي الياس زي مايبي مع الخدم وقال يجهزون له اللي يبيه

بعد ماخلص كلم واحد من الحراس يكلم هتاف عشان يجيبونها عندهم

.

في شقة ابو راكان

بعد ماصحيو ريم وريف ودخلو الحمام (الله يكرمكم) توضو وصلو اللي فاتهم وخرجو وهم خارجين استغربو ان في رجال غريب نايم بحضن امهم خافو ورجعو الغرفه

ريف باستغراب : مين ذا

ريم : مدري بس ذا شفته امس بالليل وراكان فتح له

ريف : غريبه ليه ماقالو لنا شي

ريم بضحك : ي هبله كيف يعلمونا ونحنا نايمين

ريف : اي صح

جا لهم راكان ودق الباب

ريف : تفضل

راكان : اذا خلصتو تعالو تحت بنتكلم بموضوع مهم

ريم : ابشر بس شوي ونيجي

بعد مده جو وهم مستغربين وش في نزلو وجلسو

ريم وريف مع بعض : السلام عليكم

كلهم : وعليكم السلام

راكان : ادري بتقولون مين ذا وكيف راكان مو معصب عشان مو مغطين عنه

ريف : اي والله

راكان : ذا اخوكم الثاني رائد

ريم بصدمه : تمزح صح كيف اخونا

راكان شرح لهم كل شي ووين كان ووش صار له لين جاهم

ريف بفرح : الله عندي اخين عشان لو واحد زعلني اعلم الثاني عليه

قروو يخروجون وبصدفه وهم يمشون جات سياره مسرعه …

في الديره عند العنود

كانت العنود على الارض مرميه بسبب الضرب وكمان لان رجلها توجعها جات لها روان شافت حررتها حستها حيل سخنه خافت عليها لان مره ترجف ماعرفت وش تسوي طلعت عند اهلها

روان بصراخ : يمه الحقي

ام روان بخوف : وش في

روان : يمه مدري وش فيها المها جالسه ترجف وحرارتها مرتفعه

هنا ام روان خافت يصير للعنود شي قامت عندها وشافتها وقالت لروان

ام روان : قولي لابوك يشغل السياره بسرعه وتعالي سعديني عشان نشيلها للسياره

قالت روان لابوها وساعدو العنود عشان تقوم وهي مو قادره تتحرك من رجلها والحراره دخلو السياره وراحو جري للمستشفى

بعد ماوصلو واخذوها ودخلوها الغرفه وشافها الدكتور قال لهم

كتور : لازم تجلس عندنا اسبوع

ابو روان : وش فيها

الدكتور : لازم نشوف رجلها لان جالسه تنزف وحرارتها مره مرتفعه وبنشوف الوضع بعدها نحدد متى تطلع

هنا ابو روان انصدم وحس انه تسرع قالت روان لابوها

روان : اي يبه ترا كانت هي بالمستشفى ماكانت تكذب بس انت الله يهديك

صدت عنه بزعل وهو راح يتطمن على العنود بس كانت نايمه لان اعطوها مسكن يخليها ترتاح

راحو كلهم وقررت روان هي اللي تجلس عندها تحس وراها قصه ماحد يدري عنها وانها مكسوره من شي

.

.

في فيلة ابو الياس

بعد ماجهزو كل شي وبدو يشون ومستمتعين وسوالف وضحك

ام الياس : تسلم يدك ي الياس

الياس : الله يسلمك يمه

حطو الاكل على الطاوله وهو مكلم الحراس يختفون شوي عشان هتاف تاخذ راحتها

هتاف بحب : امي مرتاحه

ام الياس بابتسامه : اي دامكم حولي وعقبال مااشوف عيالكم قبل اموت

الياس : الله يطول بعمرك وتشوفينهم ويلعبون حولك ويقولون لك جده

ام الياس : امين يارب

بدو ياكلون وهم ياكلون فجأة نزل مطر قامت هتاف تجري تحت المطر ولحقها الياس ويجرون مع بعض وضمها تحت المطر

هتاف بسعاده : الحمدلله عليك ي الياس

الياس بحب : وعليك ي قلبي

↚

ام الياس شافت كيف ولدها مبسوط مع هتاف و جلست تدعي لهم تحت الامطار

الياس : تعالي كملي اكل

هتاف : خليني مبسوطه

الياس يحس وده يسوي لها اكثر واكثر على الايام اللي مرة فيها بس اهم شي تكون هي مبسوطه

رجعو عند ام الياس وكملو اكل وضحك تحت المطر

ام الياس : بدخل داخل احس ببرد

كلم الياس وحده من العاملات تيجي تشوف امه وتساعدها وهو سوا جلسه بالارض وجلس مع هتاف وحضنها

في فيلة ابو ريماس

بعد ماخرجت ريماس من عندهم وهي مبسوطه عشان اللي سويته راحت وصورة كشختها ورسلتها للهنوف وغيرة اسم الهنوف متعمده تقهر لؤي اكثر

بعد مده لما ردت الهنوف عليها صورة ونزلت بالستوري وهو مسك الجوال يبي يكلمها يرسل الا يشوفها منزله الستوري انجلط وكتب لها

لؤي : مين ذا ؟

ريماس : حبيبي عندك شي

لؤي بغيره وقهر: وش اللي حبيبك تخونيني ي ريماس

ريماس بضحكه : هههههه انا ماسوت شي ولا اخون احد انت روح لتالين وانا بطلع انبسط

هو من القهر مارد عليها وقال لابو ريماس

لؤي : عمي انا بمشي

ابو ريماس : تمام

شافه معصب وحس بنته مسوي شي بس قال بخليها على راحتها عشان ماتتعب

قامت هي اتصلت على الهنوف وردة عليها بعد مده

ريماس : السلام عليكم

الهنوف : وعليكم السلام

ريماس بضحك : ههههه فاتك اللي صار

الهنوف : وش صار

ريماس : جننت لؤي لما جا عندنا

الهنوف : وش سويتي

ريماس علمت الهنوف كل شي والهنوف ضحكت وقالت

الهنوف : وربي خطيره يستاهل

ريماس : شفتي الكشخه اللي صورتها لك تعمدت اكشخها

الهنوف : والله منتي هينا انا بنت خقيت كيف هو

ريماس : هو لو تشوفين وجهه كيف فها ويترجاني

الهنوف : ههههه واضح طاح من جمالك

ريماس : شكله راح معصب

الهنوف : يلا اخليك امي تناديني

قفلت منها وجسلت ريماس تكمل خطتها لان تبي تقهر لؤي على اللي سواه معاها

.

.

في فيلة ابو لؤي

بعد مارجع وهو معصب وقلبه شاب نار من الغيره دخل البيت يدور تالين وهو معصب

لؤي بصراخ : تالين

طلعت امه من المطبخ مفجوعه وانصدمت من عصبيت لؤي

ام لؤي : وش فيك معصب

لؤي : لاحد يكلمني اخلصو وين تالين الحقيره

ام لؤي حست انه عرف شي او قالو له شي اهل ريماس جلست تدعي ان كل شي يعدي على خير

ام لؤي : اهدا هي بشقتكم

طلع لؤي عندها زي المجنون ودخل وهي فزت بخوف

لؤي بعصبيه : اللي سمعته صدق

تالين بخوف : وش سمعت

لؤي : سوي نفسك ماتدرين عن شي

تالين : ما ادري عن شي انا

لؤي : مين اللي كبت بالحفله مويه على الارض ومدت رجلها عشان تطيح ريماس

تالين من الخوف سكتت وماعرفت وش تقول

لؤي جا عندها ومسك يدها بقوه وقال

لؤي بصراخ : ارجع اسمع انك مقربه منها موتك على يدي انا بخليها ترجع واذا اشوفك تضايقينها بشي ياويلك مني

تالين بوجع : ابعد عني يدي تألمني ومارح اخليك ترجعها

لؤي : انقلعي من هنا احسن لك

راحت تالين مقهوره ولحظتها جات ام لؤي تشوف وش صار خافت يضرب تالين

ام لؤي : لايكون ضربتها

لؤي : ماضربتها بس المره الجايه اذبحهت مو بس اضربها

ام لؤي : واضح اليوم انك حيل معصب الله يستر منك بس

عند اهل راكان

وهم يشمون جاتهم سياره مسرعه وكانت شاحنه وحاول راكان يبعد عنها وهو يبعد صارت لهم اصابات خفيفه وسياره من قدام خبطت بالعمود جا لهم واحد شافهم

الرجال : صار لكم شي

راكان : لا الحمدلله بس الاهل واضح متعورين

الرجال : نتصل على الاسعاف افضل

راكان : تمام

راكان من التعب كان يختصر الكلام جو الاسعاف ونقلوهم المستشفى كلهم من الصدمه كانت بس ريم مغمى عليها

المسعف : بسرعه تعالو في وحده مغمى عليها هنا

جو وشالوها وراحو بسرعه للمستشفى شافهم كلهم الدكتور وشاف ريم قال

الدكتور : بنشوف حالتها وان شاء الله تقوم اذا ماقامت ممكن تدخل العنايه

ام راكان بدموع : لا بنتي واغمى عليها هي بعد

شالوها وودوها غرفه وحطو لها مغذي

راكان طاح على الارض يحس الدنيا ضاقت عليه راح له رائد ومسكه يحاول يقويه

رائد بحزن : لاتضعف ي راكان خليك قوي

شاف راكان ريف راح لها وحضنها ولحظة ماحضنها انفجرت تبكي

راكان : لاتبكين بيطلعون بالسلامه وريم قويه وبتقوم

ريف ببكاء : ريم مارح تخليني صح بترجع تتابع معي وتستهبل معي صح

راكان ماتحمل وشد عليها اكثر وحاول يقوي نفسه عشان يشوف امه

رائد : تعالي ي ريف ارتاحي هنا

ريف : باشوف امي

رائد : تمام بس خل نشوف الدكتور بيسمح لنا

ريف بضيقه : ريم مارح تخليني هي دايما تقولها لي مارح اخليك

رائد : ان شاء الله انت ادعيلها ولا تضايقين

راحو وسمح لهم الدكتور يشوفون امهم وهو راح يشوف وضع ريم لان ريم اكثر وحده تعورت

بعد مده خرج وقال لهم

الدكتور : مطرين ندخلها العنايه ونحتاج احد يتبرع بالدم

ريف : انا ي دكتور

راح الدكتور اخذها وشاف ان كل شي يتطابق اخذو منها دم وراح هو عند ريم عشان يعطونها بدال الدم اللي فقدته

.

.

في شقة ابو هتاف

كانو جالسين بالغرفه ويسولفون و فجأة دق جوال ابو هتاف وكان الياس

ابو هتاف : السلام عليكم

الياس : وعليكم السلام

ابو هتاف : كيفكم ي ولدي

الياس : بخير ي عمي شوف متى يناسبكم نيجي عشان نحدد امور الزواج لان احس كذا مره طولنه بالملكه

ابو هتاف : تمام انت شوف متى يناسبك عشان شغلك

الياس : الاسبوع الجاي تمام

ابو هتاف : تمام الاسبوع الجاي يوم الخميس

الياس : ابشر

ابو هتاف : كيف هتاف

الياس : الحمدلله غفت

ابو هتاف : تمام انتبه لها

الياس : ابشر ي عم بعيوني توصيني على قلبي

ابو هتاف : ربيي يسعدك

قفل منه وقال ابو هتاف لام هتاف واستانست مره

بالديره عند العنود بالمستشفى

صحيت العنود وتحس بصداع ومو قادره تحرك راسها قامت لها روان تشوفها وطلعت تنادي لها الدكتور عشان يشوفها

روان : سستر وين الدكتور

الممرضه : الحين اناديه

راحت الممرضه تنادي الدكتور وراح عند العنود يشوفها واعطاها ابره مسكن عشان الصداع وقال لهم

الدكتور : كلمو حقون الاكل يجيبون اكل عشان تاكل

الممرضه : ان شاء الله

طلعو وراحت روان عند العنود وقالت

روان : المها كيفك الحين

العنود بتعب : تعبانه

روان حزنت عليها : ماعليه كل شي بيهون

العنود بحزن : انتو ماتحبوني في اب يضرب بنته كذا

روان تضايقة عليها لان تدري ابوها غلطان المفروض يسمع منها قبل يضربها

روان : تكفين لاتضايقين

العنود : انت ليه هنا مو انا خادمه

روان : لا انت مو خادمه انت اختي

العنود وجعها قلبها وكل ماله الصداع يزيد ومن الالم العنود صارخت ورجعت روان نادت الدكتور وقرر يسوي لها اشعه يشوف وش فيها

بعد الاشعه اتضح لدكتور انها فاقده الذاكره عان كذا كل شوي تحس بصداع وبسبب الحراره بعد

الدكتور : وين ابوها

روان : لسه ماجا

الدكتور : كلموه قولو له ضروري يجي

روان : تمام

كلمت روان ابوها وبعد مده جا لهم وراح عند الدكتور

الدكتور : انت ابو المها

ابو روان : اي اشبها

الدكتور : اتضح لنا ان البنت فاقده الذاكره

ابو روان توتر خاف الدكتور يكشفه بس قال

ابو روان : بسم الله من وش

الدكتور : شكله من التعب او هي صاير معاها شي مخليها تفقد الذاكره

ابو روان بتوتر: مو صاير شي بس حراره ورجلها مجروحا

الدكتور حس ان ابو روان مو طبيعي وقرر يشوف الموضوع بعدين

الدكتور : بنخليها عندنا اسبوع زياده

ابو روان : مايحتاج

الدكتور : الا يحتاج

في فيلة ابو الياس

بعد ماغفت هتاف وهي بحضن الياس حاول يصحيها بشويش عشان ماتنفجع ولازم تقوم عشان لاتمرض

الياس : هتافي

هتاف بنوم : همم

الياس : قومي بدلي ملابسك بتمرضين

هتاف : امم طيب شوي واقوم

الياس : حبيبي يلا

قامت هتاف بصعوبه وكانت جايبه ملابس معاها احتياط عشان لو صار شي تبلد ملابسها

راحت الحمام (الله يكرمكم) وبعد ما اخذت شور دافي وخلصت خرجت وراحت تسوي لها قهوه تخليها تصحصح

هتاف : وين مدام

العامله : في الغرفه نايمه

هتاف : تمام

راحت هتاف تطمن على ام الياس ولقتها جالسه تصلي وتدعي بعد ماخلصت شافتها ام الياس وقالت

ام الياس : تعالي ي بنتي

هتاف : صباح الخير

ام الياس : صباح النور

هتاف : محتاجه شي ي امي

ام الياس : اي الياس منبه عليهم يجهزون الفطور الحين عشان علاجي وتأخرو

هتاف : ابشري الحين احلا فطور لعيونك

ام الياس : الله يسعدك وين الياس

هتاف : بالغرفه شوي ويجي

راحت هتاف وتسوي الفطور مع العاملات وتقول لهم وش يسون بعد ماخلصت قالت لهم يندون ام الياس وهي راحت تشوف الياس كان يكلم بالجوال

خلته وخرجت وهو جا وراها وقال

الياس : محتاجه شي

هتاف : ماكنت ادري انك تكلم بس الفطور جاهز

الياس : تمام

كان اسعد يوم بحياة هتاف بعد الليله اللي قضتها وبدو ياكلون وبعدها قررت بس تخلص ترجع عند اهلها

بالديره عند الولد

كان يمشي استغرب ان العنود مش موجوده كالعاده تنظف المكان اللي تنظفه كل يوم وحتى حس ان مافي صوت بالبيت خاف يكونون سو شي في العنود

الولد : لايكون ذا المجنون سوا شي بالبنت

صار يفكر فيها وهو رايح لدوامه وباله مشغول عليها ومن كثر مايفكر حس بصداع راح اقرب كافي يطلب منه قهوه يروق شوي

الولد بضيقه : اف شفيني افكر فيها كثير مدري ليه احس البنت غير عن بنات الديره ومرا جميله ليكون بديت احبها او ذا مجرد اعجاب

راح لدوامه وبعد ماخلص قرر يرجع من نفس الطريق لعله يشوفها او يلمحها صدفه ونفس الشي ماشافها ولا سمع لها صوت

الولد : كله مني لو ماتدخلت كان ماصار لها شي بس انا تدخلت عشانها ياربي

رجع البيت وراح يتغدا وهو لسه يفكر مو راضيه تطلع من باله وده يوصل لشي عنها قرر يطلع يتمشى ويقابل واحد من اصحابه كان يمشي برجله ماوده يركب السياره بالصدفه سمع ابو روان يقول

ابو روان : كنت مشغول بنتي المها بالمستشفى وحالتنا حاله معليش سامحني على القصور

لما سمع كذا راح جري لسياره وراح للمستشفى اللي موجوده بالديره ودخل وسأل عن الدكتور اللي مسؤل عن حالة المها

الدكتور : وش تقرب لها

الولد : اخوها

الدكتور : البنت تعبانه رجلها مجروحه وتنزف ولها كم ساعه مصدعه وبنشوف وش سبب الصداع

الولد بخوف : حالتها خطيره

الدكتور : لا بس بنخليها تحت الملاحظه كم اسبوع

الولد : تمام مشكور عذبتك معاي

الدكتور : ولو واجبي ذا

خرج وكان وده يروح يشوفها بس يقول ماينفع عشانها مو محرم لها تعوذ بالله وراح يقابل صاحبه بالكافي ويحس وده يتكلم لاحد

في فيلة ابو لؤي

كان لؤي مو طايق يشوف تالين ولا يبي يكلم احد يحس وده يروح يجرم بالشخص اللي تكلمه ريماس وهو مايدري ان ذا كله تخطيط منها فقط وان مافي احد

جات تالين الغرفه وفتحت الباب بقوه وخبط قام معصب

لؤي بعصبيه : وش فيك تفكين كذا الباب

تالين : ابعد عني مالي خلق شي

لؤي : انقلعي من وجهي احسن لك

ماهتمت له تالين وراحت تطلع المنشفه ودخلت الحمام (الله يكرمكم)

بعد ماخلصت خرجت تنشف شعرها ولبست ملابس وراحت المطبخ تسوي لها شي تاكله جا لها لؤي وقال

لؤي : سوي لي معك شي اكله

تالين بدون اهتمام : كل واحد يسوي لنفسه

لؤي : سوي لي معك ولا مارح تشوفين خير

تالين : طيب خلاص صدعت في راسي

لؤي : كذا من اول اسمعي الكلام

تالين : خلاص روح الحين اجيب لك

كان يومهم عباره عن مشاكل وتالين وهي تسوي الاكل حطت له فلفل مرا كثير متعمده واعطته الاكل وهو ياكل ماتحمل وقام عندها ضربها كف قوي

↚

امه وابوه جو على صراخهم يشوفون وش في

ابو لؤي : لؤي ي كلب ابعد عنها

تالين ببكاء : عمي شوف جالس يضربني

ابو لؤي : من متى تمد يدك على بنات الناس

لؤي بقهر : ماحد له دخل انا بربيها

ام لؤي : تالين تعالي اطلعي من عنده انزلي تحت في اي غرفه

راحت تالين وام لؤي راحت وراها وابو لؤي تكلم وقال

ابو لؤي : وش فيك معصب وش صاير لك

لؤي : يبه تعبان ريماس مو راضيه تيجي وذي الحيوانه كانت متعمده تذبح بنتي وزوجتي

ابو لؤي بصدمه : وش تقول

لؤي : اللي سمعته يبه

ابو لؤي : ماعليه هدي ارتاح وان شاء الله نلقى حل

راح ابو لؤي وخلا ابنه يهدا ويجلس مع نفسه شوي

عند اهل راكان

بعد مارجعو البيت وبالهم عند ريم وامهم اللي شوي تعبانه عشان بنتهم وريف اللي راحت جري الغرفه وتبكي بسرير اختها تحس الدنيا ضاقة عليها لان اول مره ريم تبعد عنها تكلم راكان وقال

راكان بضيقه : وين ريف

رائد : بالغرفه مدري شفيها

راكان : الله يعين

رائد : لازم نكون اقوياء ي راكان عشان امي وريف لايضعفون

راكان : الله يقومهت بالسلامه يارب

رائد : انا باخذ شور وبعدها لازم نجيب اكل ياكلون ماينفع كذا

راكان : تمام

طلع راكان ودق الباب على ريف

ريف بدموع : ادخل

راكان : تعالي ي روح اخوك

راحت عنده وحضنته وهو شد عليها ويمسح على راسها بحنيه

راكان : ماينفع كذا قومي خذي شور وصلي ركعتين ادعي لها

ريف : طيب

راكان : بنجيب اكل من وين تبين

ريف : ما ابي شي

راكان : ماينفع كذا لازم عشان امي تكون قويه

ريف : جيب من ماك لاتنسى ريم تحبه حيل

هنا ريف قالت كلمتها ورجعت تبكي

راكان : مارح ننساها بس تخرج نسوي كل شي معاها وانت اهدي

ريف : راكان ممكن طلب

راكان : عيوني

ريف : ابي اجيب مويه صدقه لها يمكن ربي يقومهت لنا بالسلامه

راكان : تمام بس خلينا ناكل ونروح سوا تسوين اللي تبين

خرج خلا اخته تاخذ راحتها عشان تهدا وتتروش وهو بيطلب لهم الاكل ويحول يكون قوي عشانهم

في فيلة ابو ريماس

كانت ريماس جالسه بالغرفه طفشانه اتصلت على الهنوف

ريماس : السلام عليكم

الهنوف : وعليكم السلام

ريماس : فاضيه نطلع

الهنوف : فين نخرج

ريماس : اسمعي في مشهور احب اتابعه بيروح الكافي برسل لك وين تروحين نشوفه نصور معه

الهنوف : واضح انك لسه تبين تجننين لؤي

ريماس : بالله تكفين امشي معي بالي اسويه

الهنوف : تم يلا

ريماس : يلا نجهز وراح اجيك مع السواق

خلصت ريماس وقالت لاهلها وراحت مع السواق عند الهنوف اخذتها وقالت لسواق وين تبي تروح

الهنوف : والله انك داهيه

ريماس : لسه ماشفتي شي

وصلو وقالت لسواق يروح وبس يخلصون بتتصل عليها عشان يرجعهم

دخلو وكان باقي شوي ويجي المشهور اول مادخل تلمو عليه الناس وبحكم انها حامل انتظرت الزحمه تخف عنده وبعدها قامت له

راحت عنده وقالت

ريماس : السلام عليكم

سلطان : وعليكم السلام

ريماس : ممكن اتصور معاك

سلطان : اي عادي

تصورة معاه وبعدها فتح فيديو وتكلم صوت وقال لها كلام وهي استانست ومن فرحتها تعمدت تنزل الفيد والصوره الستوري بالسناب عشان لؤي يشوف وراحت لصحبتها

الهنوف : وش فيك

ريماس : شوفي الستوري حقي حق السناب

شافت الهنوف وضحكت وقالت

الهنوف : ههههه وربي خطيره يستاهل

ريماس : وش عباله بسكت له

الهنوف : خل نطلب قهوه وحلا ونستانس

ريماس : يلا

طلبو وخلصو وكان وقتها لؤي شايف السناب حق ريماس وراح ينفجر بس يقول بعد ماترجع اتفاهم معاها

ريماس فتحت تشوف مين شاف وشافة ان لؤي اول واحد شاف ضحكت وقالت بينها وبين نفسها

ريماس : احسن يستاهل

في شقة ابو هتاف

رجعت لهم هتاف بعد ماقضت ليله حلوه عند الياس وامه دقت الباب وفتحت لها امها

ام هتاف : السلام عليكم

هتاف : وعليكم السلام

ام هتاف : كيفك وكيف ام الياس

هتاف بحب : الحمدلله يمه تجنن تعاملني كأني بنتها

ام هتاف : زين ادخلي

هتاف : وين بابا

ام هتاف : بالغرفه

راحت هتاف جري عندها ابوها تشوفه وتطمن عليه

ابو هتاف بشوق : جات حبيبة ابوها

هتاف : جات يروح بنتك

ابو هتاف : كيفك يبه عسى مرتاحه

هتاف : الحمدلله مبسوطه يبه

ابو هتاف : الحمدلله اكلتي تبين نجيب لك اكل

هتاف : اي يبه افطرت مع ام الياس

ابو هتاف : بالعافيه

هتاف : شوي واجي

راحت هتاف غرفتها ولبست شي خفيف ورسلت رساله لـ الياس وكتبت

هتاف بحب : شكرا مره على امس ي الياس مره استانست

بعد مده شاف الرساله وكتب لها

الياس : طول ما انتي مبسوطه انا اكون مبسوط

قامت وجابت الايباد ومن فرحتها شغلت اغنيه واخيرا الايام رضيو عليها

هتاف تحس ان ربي على كل شي صار معاها عوضها في الياس اللي عنده اهم شي تكون هي سعيده

هتاف : اخ الحمدلله عليه الف مره والحمدلله على عوض ربي

كانت هتاف تحس ناقصه شي واحد بس وانها تقدر تدرس جامعه بس قالت الحمدلله ربي عوضني في الياس

رجعت عند ابوها تجلس تسولف معاه قام قال

ابو هتاف : الياس كلمني بيجون الاسبوع الجاي الخميس عشان نتفاهم انا وياه بموضوع الزواج

هتاف استحت : زين يبه اللي تشوفه

ام هتاف بضحك : بنتك استحت

ابو هتاف : يازينه المستحيه الله يسعدها واشوف عيالها يارب

هتاف : يارب يبه الله يخليكم لي يارب

ابو هتاف : امين يارب

ام هتاف : اي دايما كذا تنسوني

هتاف : لا يمه واحنا نقدر بدونك انتِ شمعة بيتنا

ام هتاف : الله يجبر بخاطرك ي بنتي

قامت وخلت امها وابوها على راحتهم وهي رجعت الغرفه تتابع لها شي على الايباد