ضحكت شوق وهزت راسها : وش اللي يعرفني ما اشوف عدل و استعجلت وقتها من الحماس ولا لبست

غطت وجهها بيدها : يالله الموقف يفشل لو عبدالرحمن موجود صدق طقطق علي

ضحك عوض و كمل : ما عليك ولا واحد من عمامي يتذكر شي الحين ، إلا كيف استعدادات الجامعه

تنهدت شوق و ابتسمت : الحمدلله مبسوطه مره احس جالسه أعيش حلم كنت احلم فيه من زمان بس شوي خايفه

عوض عقد حواجبه : وش اللي يخوفك

رفعت شوق أكتافها : معرف كل شي بالمستقبل يخوفني اخاف يجي و يخرب علي فرحتي أنا اعرفه عوض ذا لازم يخرب أيامي السعيده كلامه اليوم لي جرحني كثير ولا قادره أتخطاه ابداً بكت مره ثانيه و كملت بصوت باكي : ليش قال ذا الكلام ليش يبي يجرحني وانا مالي ذنب في ولا شي كنت ابيه يحبني و يدلعني و يتباهى فيني قدام الكل أغار و أموت من داخلي تصير نيران إذا شفت صديقاتي مع أبائهم و كيف يعاملونهم و أنا كيف يعاملني كان المفروض يكون لي بطل يمسك يدي و يخليني أواجه الحياه معه بس كل اللي سواه هو انه دمر طفولتي كلها ولا صرت أتذكر منها اي شي غير تحر*شه فيني تنهدت و كملت : طفوله كلها ضرب و عنف و ت*حرش و طلاق و ظلم و كره للحياه و شعور بالنقص و حتى مراهقتي كانت كلها تعب و بكي يومي و نغزات و محاولات ان*تحار فاشله مشاكل معه محاكم و ذل و صداقات مزيفه بذلت جهدي و طاقتي و تفكير كثير و هواجيس بالمستقبل تعبت كثير والله ولا صرت أتحمل اي شي الكلمه تخليني ابكي و أتضايق يوم كامل تنهد

كان يسمعها و يسمع معاناتها و كل الأشياء اللي مرت فيها و نطق : دام مستقبلك معي ما عليك خوف

ناظرته شوق و بلعت ريقها و كمل : اتركي الماضي و عيشي اليوم اعرف و حاس فيك والله بس قلتيها طفوله و مراهقه شي من الماضي لا تخلينها تأثر فيك بالعكس تذكري المواقف و كيف صبرتي و الله يحب الصابرين ما تدرين وش نهايه صبرك ذا و الان*تحار ذا اخر شي ابيك تفكرين فيه انتي مؤمنه و كل شي يصير بحياه الانسانه خيره وله حكمه و ماتدرين وش نهايه الحكمه ذي ربي الوحيد اللي يعرف سلمي امرك لله و مثل ما قلتلك ما يطولك وانتي معي

↚

ابتسمت بخفه و ناظرته : شكرا عوض

ابتسم عوض من سمع اسمه من منطوقها : عفوا

التفتت لجواله و نطق : بقى على الشروق ربع ساعه تبين نجلس للشروق ولا نمشي

ابتسمت و هزت راسها بالنفي : ابي اشوف الشروق

هز راسه بالموافقه و فرك يدينه من الهواء البارد التفتت عليه : أعطيك الفروه

هز راسه بالنفي : خليها عليك مو بردان

تقدمت تحط الفروه عليه و عليها : كذا عدل بيني و بينك علشان لا تقول شوق شريره

ضحك و هز راسه و التفتت لها : في شي بقلبك ولا طلعته كله

تنهدت و ابتسمت : طلعته كله احس قلبي فارغ الحين

ضحك عوض بعلوا صوته و ناظرت ضحكته و عضت شفتها السفليه و ضربته على صدره : ما يضحك عوض

عوض ضحك : طيب طيب بس الشرح متعوب عليه

صدت شوق و مثلت الزعل و نطق :خلاص أوديك البقاله و ترضين

التفتت عليه : شايفني بزر

رفع عوض أكتافه و ضحك : يمكن

عقدت حواجبها و ناظرت قدام : الحين تشرق الشمس ناظر و اشرت له

هز راسه و بدوا يشوفون اول شروق شمس لهم مع بعض و بدأت تطلع الشمس شوي شوي تدفي الجو و تبعد البرد و تشع بالسماء لين ارتفعت و شرقت الشمس التفتت عليها و كانت تتثاوب : مشينا

هزت راسها بالموافقه بعد عوض الفروه عنه و نزل من الدبه و التفتت لها : انتظري لا تطيحين

هزت راسها و تقدم يشيلها ينزلها من فوق الدبه و يعدل الفروه : كيف المكان

التفتت للمكان و كان الهواء يضرب و يحرك شعرها : يجنن

ناظرها عوض تحاول تبعد شعرها تقدم يمسك شعرها و يرجعه ورا أذنها ناظرته و بلعت ريقه بتوتر بعد و نطق : يالله اركبي علشان نحرك

هزت راسها شوق بالموافقه و تقدم تركب السياره ناظر عوض شكلها و فروته الكبيره عليها ابتسم بخفه و تقدم يدخل السياره و يحرك و بنص الطريق حس بهدوء و أصوات انفاس التفتت و حصلها نايمه ابتسم و كمل طريقه يسوق بعد مده وصل البيت و التفت لها و شافها نايمه ابتسم على طريقه نومها و بهدوء : شوق يالله وصلنا

تمتمت شوق بكلمات وهي نايمه: خلاص بعدين

ضحك عوض بخفه و نزل راسه : يالله وصلنا البيت

شوق وهي نايمه : عوض خلاص

ضحك عوض وتقدم يمسح على راسها : شوق يالله يا شوق وصلنا البيت

فتحت شوق عيونها بخفه و شافته قبالها : طيب

بعد عنها و تقدم ينزل : يالله قومي نامي داخل

هزت راسها شوق و تقدمت تفتح الباب و دخلت معه للبيت كانت بتصعد و التفتت له : جوعانه مو جوعان

حط يده عوض على بطنه : أكذب إذا قلت اي

ضحكت شوق بخفه على حركته : طيب بسوي لي فطور تبي معي

ابتسم عوض : بس انتي نعسانه

هزت راسها شوق بالموافقه : نعسانه صح بس الجوع غلبني

تقدمت تصعد الدرج والتفتت عليه و نطقت: بسوي شوفان تبي

ابتسم عوض : اكيد ، ابدل ملابسي و أجيك

شوق : طيب بس بالمطبخ اللي فوق

هز عوض راسه و تقدم يصعد من الدرج اللي يودي لطابق العيال دخل غرفته و حط يده على قلبه : ياويل حالي صدق رحت فيها

ناظر دبلته و تقدم يقبلها : اخخ يا شوقي وش سويتي بقلبي

تنهد و تقدم يطلع له تيشيرت اسود و بنطرون ازرق كاروهات و تقدم يلبس

عند شوق اللي صعدت غرفتها و تقدمت تدخل رمت نفسها على السرير و دفنت وجهها بالمخده وصرخت ابتعدت عن المخده و انسدحت على ظهرها و اخذت المخده تحضنها : اخخ حضنه يجنن يجننن وش سويت فيني عضت شفتها من تذكرت حضنه و كلامه و حطت يدها على قلبها : اخخ يا عوض ماتوقعت كذا ابداً توقعت اللي بينا محارش و هواش كيف كذا قدرت تعصف بقلبي و تلعب بأعداداته حيوان صدق ضحكت و التفتت لجوالها و ردت عليه : وينك أجيك فوق

شوق : اي يالله تعال المطبخ

سكر عوض و تقدم شوق توقف نزلت فروته من عليها و حطتها على الكنب و ابتسمت : شكلي بسرقها ضحكت و تقدمت تعدل شعرها بالمنظره اخذت مرطب الشفايف و بدت تحطه على شفايفها توردهم و اخذت عطرها و تعطرت ناظرت شكلها و ابتسمت و بعدها تقدمت تخرج من غرفتها و شافته صاعد : يالله تعال المطبخ بس شوي شوي لا يصحون البنات

هز عوض راسه و تقدم يدخل وراها المطبخ التفتت عليه : سكر الباب لا يصحون البنات

رجع عوض يسكر الباب و نطق : اي وش المكونات

فتحت شوق الثلاجه : المكونات يا طويل العمر و السلامه و بدأت تشرح له شوق المكونات و طلعتهم و حطتهم على الطاوله و التفتت عليه : خلنا نتفق من الحين

ابتسم عوض و تكتفت : اسمعك

شوق : أنا اسوي الشوفان و انت تقطع الفواكه

هز راسه عوض بالموافقه و تقدم يأخذ الفواكه و بدأ يقطعهم و اخذت شوق القدر و حطت الحليب و الشوفان و الكاكاو و بدأت تخلطهم التفتت عليه : بليز يعني قص عدل

ضحك عوض : ابشري

تقدمت شوق تناظره و هو يقص و نطق : كيف

هزت راسها بالموافقه و وناظرت يده و تقدمت تمسكها : تعورك

ناظرها عوض كيف ماسكه يده و ابتسم : لا

تركت يده و تقدمت تطلع عده الإسعافات الاوليه و تقدمت له ناظرها و نطقت : اعرف متأخر المفروض من زمان مطهرينها بس نسيت

هز عوض راسه و ناظر اهتمامها فيه و نطق : عادي مو لازم

مسكت يده :كيف مو لازم

بدأت تطلع اللفاف الطبي و المطهر و القطن اخذت القطن و حطت من المطهر فيه و بدأت تطبطب على يده اللي ما سكتها بيدها ناظرها عوض و ابتسم من اهتمامها و قربها و خوفها و ابتسم من شم ريحه عطرها الاسيره اخذت اللفاف الطبي و بدأت تلف يده و انتهت و تركت يده : خلصنا

ناظر عوض يده و ابتسم : شكرا

هزت شوق راسها و تقدمت تشوف الشوفان بعد مده قصيره خلص عوض من تقطيع الفواكه و التفت لها كانت معطيته ظهرها و جالسه تخلط الشوفان و حاطه السماعات بأذنها و جالسه تحرك راسها مع كلمات الاغنيه ابتسم و فتح جواله يصورها و بعدها نزله و تسند على الطاوله يشوفها و هو مبتسم ، تقدمت شوق تحط الشوفان بالصحون و التفتت عليه شافته ساند نفسه وسرحان عقدت حواجبها : عوض وين سرحان

التفتت عليها عوض و هز راسه بالنفي : ولا شي

تقدم يحط الفواكه فوق الشوفان : كيف التقطيع بالله

سوت شوق 👌🏼كذا بيدها : فنان متطور

ضحك عوض و تقدمت شوق تاخذ صحنها و التفتت عليه و بتردد نطقت : بشوف فلم تبي تجلس معي ولا تروح غرفتك

هز عوض راسه بالنفي و تقدم يأخذ صحنه : معك

صدت شوق و ابتسمت بخفه و تقدمت تمشي للمجلس و خلفها عوض حطت الصحن على الطاوله و التفتت عليه : مويه ولا عصير

تقدم عوض يحط صحنه و جلس : مويه ، اختار الفلم وانتي تختارين

شوق : عادي اي شي بس خفض على الصوت لان البنات نايمين

هز عوض راسه بالموافقه و تقدمت شوق تطلع من المجلس و تتجه للمطبخ حطت يدها على قلبها و همست : يمه وش صار فيني لي كذا

بعدت يدها و تنهدت و فتحت الثلاجه و اخذت المويه و تقدمت تخرج من المطبخ

عند عوض اللي بعد ما خرجت من المجلس ابتسم و دخل تويتر ينشر كلامه اللي عاجز يقوله لها فيه و يحاول يفضفض و يطلع كل اللي بقلبه لها فيه و نشر تغريدتين :

↚

والله اني اخاف عليها من اي وجع او شعور سيء..

احس لو بيدي مااخليها تحس باي شي ممكن يعكر مزاجها

او يوجعها او بس يخليها تتضايق اهوجس فيها كثير

واخاف عليها من نسمه الهواء ودي اخبيها بحضني عن العالم كله

نشر التغريدة و بدأ يكتب تغريدته الثانيه :

ياليتك تدرين انك كل شي مهم بحياتي و انك حياتي و اللي عليها

نشر التغريدتين بأبتسامه تنهد و رجع راسه لورا و كل ذا كان تحت أنظارها تنهدت بضيق وتقدمت تدخل المجلس : اخترت الفلم

التفتت عليها عوض و عدل جلسته : اي يالله ناطرك

هزت راسها شوق و قدمت له المويه و تقدمت تجلس جنبه اخذ عوض جهاز التحكم وشغل الفلم و بدأ الفلم كانوا جالسين يأكلون و كل واحد بفكره شي عوض كان بين فتره و فتره سرق النظرات لها و يبتسم من تذكر حضنها له و كيف كانت تشد عليه اما عند شوق كانت تفكر بأيش مبتسم و تذكرت تغريداته و تضايقت من الشي ذا ما كانت عارفه ليش كل الضيقه ذي بس حست بشعور غريب

بدوا يأكلون و يشوفون الفلم و مرت الثواني و الدقايق بهدوء و صمت و مرت لقطه بالفلم للبطل كان فاصخ تيشيرته و جالس يمشي بطريقه مغريه ابتسمت شوق من ناظرت البطل و التفتت لها عوض و ناظرها تبتسم اخذ جهاز التحكم و سكر التلفزيون التفتت عليه شوق و عقدت حواجبها : ليش حلو الفلم

هز عوض راسه بالنفي : يالله بس خلصنا اكل و الفلم سخيف

ناظرته بصدمه: تستهبل عوض يجنن الفلم

ناظرها عوض و سكر نص عيونه : الفلم اللي يجنن ولا البطل

ضحكت شوق و رفعت أكتافها بعد المعرفه ناظر ضحكتها و غمازاتها و نطق : يالله نوم

تأففت شوق و تكتفت و اشرت على الشوفان و نطقت : أنا سويته

ناظرها عوض و ناظر طريقه جلستها و ابتسم : طيب و المطلوب

شوق : ولا شي بس تغسل الصحون

وقف عوض و حط يده على صدره : بس تم ازهليني

ابتسمت شوق و تقدم عوض يأخذ الصحون و يتجه للمطبخ يغسلهم و جلست شوق تطقطق على جوالها و تضحك كل ما تتذكر كيف سكر التلفزيون التفتت لصوت جواله و كانت الرساله من عبدالله:

خلاص يالحبيب بس تغريدات و حب لها عرفنا انك تحبها 🤣

عقدت شوق حواجبها و نزلت الجوال من حست بقدومه وقفت : أنا بنام تبي شي

هز عوض راسه بالنفي : اقري أذكارك

هزت راسها بالموافقه و تقدمت تخرج من المجلس تدخل غرفتها اخذ عوض جواله و تقدم يصعد لغرفته و يلعن استسلامه و ينام و هو مبتسم بعد يوم مليء بأحضان حبيبه قلبه

عند شوق بغرفتها بدلت لبسها و توجهت لسريرها انسدحت و جوالها بيدها تقرا تغريدات عوض و جاهله الشخص اللي يكتبهم له تأففت : افف مين ذي

التفتت على ظهرها و جهها صار مقابل السقف و تفكر تأففت و ضربت يدها على سريرها سكرت جوالها و غمضت عيونها بعد يوم مرهق و طويل و متعب مليان بأحداث بس تحس قلبها فارغ من الكتمان لأول مره ابتسمت من تذكرت حضنه تنهدت : اخخ حضنه دافي بشكل عقدت حواجبها و كشرت من تذكرت تغريداته و غمضت عيونها تنام و بعد مده نامت

العصر كانوا البنات مجتمعين بالمجلس و يسولفون و أصوات تتعالى دخلت رزان تبكي التفتت عليها جود و تقدمت : رزان فيك شي اختك فيها شي

هزت راسها رزان بالنفي و ببكي نطقت : راح أموت

عقدت حواجبها جود و التفتت للبنات و رجعت التفتت لها و همست : وش صاير رزان

رزان ببكي و صوت هامس : دم

عقدت جود حواجبها و تذكرت عمر رزان ابتسمت : بس بكي تعالي معي

تقدمت جود تطلع مع رزان التفتت عليها العنود : وين

جود : جايه كملوا السالفه على ما اجي

تقدمت تصعد جود و هي حاطه يدها على كتف رزان اللي تبكي دخلت غرفتها و ناظرتها : نتفق على شي أنا و انتي

ناظرتها رزان بعيون باكيه و كملت : مافي شي يبكي عادي روري ناظرني

رزان ببكي : بس دم في دم

ابتسم جود و تقدمت تعلم رزان الأمور ذي اللي كانت مفروض امها تعلمها عليها لكن بسبب إهمال مها كانت رزان جاهله الأمور ذي خلصت علمتها جود و ابتسمت لها : خلاص و بكذا صرتي كبيره

ضحك رزان و كملت جود : يالله تعالي معي لازم من الحين تجلسي معنا

ابتسمت رزان و تقدمت مع جود : شكرا جودي

ابتسمت لها جود : عفوا حبيبتي يالله

تقدموا ينزلون للمجلس و دخلت جود و يدها على كتف رزان و نطقت بصوت عالي : بنااتتتت

التفتوا عليها البنات و نطقت العنود : الله يستر منك

جود : طيب اسمعوني

غلا : انطقي

التفتت جود لرزان و ابتسمت و رجعت أنظارها للبنات : نرحب بعضوا جديد معنا

عقدوا البنات حواجبهم بعد الفهم و كملت : روري صارت وحده مننا و كبرت

فهموها البنات و بداوا يصفقون و يصرخون

جوري ابتسمت : الله الله والله و كبرنا

لمار : يالله أتذكرك بزر كيف كذا بسرعه

لجين بحماس : حماس عضو جديد راح ينضم معنا لازم نعطيك التعليمات

ضحك رزان بخجل و ناظرتها جود : يالله تعالي اجلسي معنا نسولف

بدوا البنات يسولفون و نطقت ليان : شوشو وين ما شفتها

العنود التفتت لهم : ولا عوض شفته اليوم

جوري بحماس : اكيد سهرانين مع بعض

هزت راسها غلا بالنفي : بنات ما أتوقع لان امس جلست اسمع صياح

جود و هي جالسه تشرب القهوه : صح صح سمعت أنا بعد

العنود : الله يستر لا يكون ...... قاطعتها ليان : بس بنات لا تجيبون سيرته تكفون

بدوا البنات يسولفون و دخلت معاهم رزان

↚

بعد مده صحت شوق و اخذت جوالها ناظرت الساعه و جلست حست بخمول بعد النومه تقدمت تلبس السليبر ( عزكم الله ) و توجهت تنزل نزلت و وقفت عند باب المجلس ناظرت عبير و عبدالرحمن جالسين يتقهون ابتسمت و تمغطت ناظرتها عبير و ابتسمت : مساء الخير

نزلت شوق يدينها و بصوت تو صاحي ضحكت : مساء النور

تقدمت تدخل المجلس و انسدحت على رجل عبير ناظرها عبدالرحمن: كل ذا نوم

غمضت عيونها شوق و هزت راسها : سهرت امس لي الصباح و نمت متأخر

بدأت عبير تلعب بشعر شوق اللي بحضنها و نطقت : اي كيف الاستعدادات لبكرا

ابتسمت شوق و فتحت عيونها : احس بطير من الحماس

ضحك عبدالرحمن و ناظرته شوق و عقدت حواجبها و غمضت عيونها : احس بخمول جدي وين و خوالي و الناس الباقيه وين

ضحكت عبير : جدك و خوالك رايحين يتقهون عند الجيران و خالاتك كل وحده عندها شغل و البنات بالمجلس ضحكت و كملت : و الناس الثانيه توها ما صحت

عقدت شوق حواجبها و غمضت عيونها و تمتمت : ابي انام بس شويه

هزت عبير راسها و بدأت تشرب من القهوه و تلعب بشعر شوق ما يمدي سكرت عيونها إلا دخل عوض : السلام عليكم

شافها نايمه بحضن عبير و ابتسم على طريقه نومها و وجهها اللي غطته و عند شوق اللي اول ما سمعت صوته غطت وجهها بيدها تقدم عوض يجلس معهم على الأرض وضحك: شفيها غطت وجهها

ضحكت عبير و ناظرتها و نطق عبدالرحمن و عيونه على شوق : شكلها ما تبيك تشوف وجهها وهي توها صاحيه من النوم حتى ما غسلته ولا فرشت أسنانها

مدت شوق رجها تحاول تضرب عبدالرحمن و دفنت وجهها بحضن عبير : مالك دخل ، عوض شوفه يحارشني

ضحك عوض : شايفه شايفه بس انتي ما اشوفك

تأففت شوق و نطق عبدالرحمن: عارفك و عارف شكلك ليش جالسه تخبين وجهك و التفتت لعوض : الله يعينك بكرا تصبح على وجهها و شعرها الكشه

ضحك عوض و نزل الفنجال من يده ناظرها و نطق : طيب طول الوقت اشوفك وانتي توك صاحيه و كشتك

جلست شوق من حضن عبير : خير انت الثاني كشه احترم نفسك محد طلب منك تشوفني وانا توني صاحيه

تأففت وطلعت من المجلس ناظر خروجها عوض و ضحك و ابتسمت عبير : أخلاقها ماش توها صاحيه من النوم

هز عوض راسه وهو يشرب القهوه ضحك و نطق: ما اعرفها انا اعرفها عدل

ربت عبدالرحمن على كتف عوض : كان الله بعونك تربي مين ولا مين

ضحك عوض و نزل راسه و التفتت لعبير : عمه بخصوص موضوع امس

عبير : عوض أنا معك وقلتها خلاص والله ما صرت أتحمل أشوفها كذا

هز عوض راسه : خوي عبدالله محامي و رجال و النعم فيه والله قول وفعل كان يقولي خلها ترفع قضيه و أنا امسكها و ماراح يقصر راح يطلع بنتيجه ترضيها و ترضيك

تنهدت عبير بضيقه : ان شاءالله

حط عبدالرحمن يده على كتف عبير : ليش الضيقه ذا عبدالله ما تعرفيه ياخذ حقك و حق بنتك و فوقهم حبه مسك بعد

ابتسمت عبير بخفه و ناظرت عوض : لا يحرمها منك

ابتسم لها عوض : ولا منك ، بس اجلوا الموضوع شوي هي نست الحين بعد الزواج نتفاهم عدل ما ابي اشغلها بشي الحين و بكرا اول يوم دوام لها

هزت عبير راسها و تقدم عوض يخرج و تقدم يدخل مجلس الرجال و التفتت عليه سيف : صح النوم يقولون أشرقت شمسك اليوم مع حبيبه قلبك

تقدم عوض يجلس و ابتسم تنهد : اي والله أشرقت

ضحك سيف : اي و كيف الاستعداد لبكرا

رفع عوض أكتافه بعد المعرفه : عادي بس شعور غريب

ضحك سيف و ربت على كتفه اخذ عوض جواله و دخل ملجأه و نشر تغريده :

تمنيت اشوفك بكل أيامي و كل صباحاتي اول ما اصحى

تمنيت التفتت و القاك نايمه قبالي

والله انك تفرقين عن غيرهم حتى و انتي توك صاحيه من النوم

حابك وش سويتي بقلبي

سكر جواله و التفتت لسيف و بدوا يسولفون و مرت الساعات من غير اي احداث تذكر و على اخر الليل بدأت شوق تجهز أغراضها ليومها الجامعي بكرا و الحماس كان طاغي عندها بدأت تبخر لبسها و ابتسمت برضى تقدمت للتسريحه و بدأت تعدل شعرها و تجهزه علشان بكره تكون جاهز ناظرت انعكاس دبلتها نزلت الجهاز و تقدمت تاخذ جوالها من على الطاوله دخلت على واتس عوض :

يصير نتكلم شوي بموضوع

عند عوض اللي كان جالس على الكنب بغرفته و جالس يشرب قهوه و يطقطق بجواله و صله إشعار منها و كتب :

يصير امريني

ناظرت شوق رسالته و كتبت :

عوض الدبله بالجامعه مره لا ما اقدر البسها ماابي ولا وحده من صديقاتي تعرف بالموضوع ذا

عقد عوض حواجبه و كتب :

بس ذا مو غلط

ردت عليه شوق :

عارفه عوض عارفه بس صديقاتي وانا اعرفهم ماابي يعرفون بشي خاص فيني بالفتره ذي لين كل شي يتم و بعد الزواج عادي

ابتسمت عوض من قرا ( شي خاص فيني ) و تنهد بعدها بضيقه من تذكر علاقتهم و رد عليها :

إذا يريحك الشي ذا أنا راضي

اكتفت شوق بأنها تبتسم سكرت جوالها و بدأت تكمل شعرها عند عوض اللي رجع راسه لورا و غمض عيونه و نطق : شي خاص فيك وانتي تبينه صديق اخ يا شوقي يا ويل حالي وقلبي على اللي يحبك صدق حالي مقلوب فوق و تحت فتح عيونه و اخذ جواله يدخل تويتر ونشر تغريده :

قالتها بمزح و ضحك و بعدم وعي

وانا تمنيتها حقيقه تمنيتني صدق كذا لها

تمنيت تعرف بقدرها بقلبي و حبي لها

و انها حبيبتي و كل اشيائي

↚

تنهد و تقدم يدخل لسريره ينام و يلعن نهايه يومه ، عند شوق اللي بعد ما خلصت من شعرها بعدته ورا أذنها و ابتسمت برضى تقدمت لسريرها انسدحت و جوالها بيدها و بدأت تطقطق فيه و دخلت تويتر و قرات تغريدات عوض تأففت بضيق : يع كل ذا يحبها افف يقهر حيوان يمين بالله لي بعد زواجنا إذا بقى يحبها راح اذبحه

هزت راسها بالنفي و ضحكت : تذبحيه ، وش عليك منه انتي بحالك و هو بحاله خلاص شوق خلاص

طلعت من تويتر و انسدحت على ظهرها فتحت الدرج و طلعت صورته اللي كانت مخبيتها ناظرته و غمضت نص عيونها : همممم وش اسوي فيك قولي

بدأت تضرب الصوره و نطقت : غثيث و نشبه بس رغم ذا يااخي احس لي مشاعر لك

غطت وجهها بيدينها و ابتسمت و هزت راسها بالنفي : لا شوق لا ذا نشبه

تأففت مو عارفه مشاعرها هي وش تحسها متضاربه ببعض تنهدت و اخذت الكتاب اللي جنب راسها و حطت الصوره داخلها ناظرت الصوره و سكرت الكتاب و التفتت تنام بابتسامة بعد ما تذكرت ان بكرا اول يوم لها بتخصص أحلامها و بعد فتره نامت

في الصباح صحت شوق على صوت المنبه التفتت لجوالها و أخذته شافت الساعه و تقدمت تصحى دخلت الحمام ( الله يكرمكم ) غسلت وجهها و تقدمت تطلع للغرفه ناظرت لبسها و ابتسمت و تقدمت تلبس و بعد ما خلصت توجهت للتسريحه تجلس و تحط مكياج بدأت تتمكيج و نزلت دبلتها و رتبت شعرها و بعدها وقفت ابتسمت برضى على شكلها و اخذت عطرها تتعطر و بعدها تقدمت تاخذ جوالها و بدأت تصور و تلعن انها اخيراً بعد العديد من العثرات هي الآن بتخصص أحلامها التخصص اللي كانت تحلم فيه من سنين هي اليوم اول يوم دوام لها فيه خلصت تصوير اخذت شنطتها و تقدمت تاخذ كتابها من على الطاوله و حطته داخل الشنطه اخذت شوزها بيدها و تقدمت تنزل من الدرج نزلت و شافتهم جالسين يفطرون ناظرها عبدالرحمن و بدأ يصفق : الدكتور شوق تتقدم اليوم لنا في اول يوم لها بتخصص أحلامها

ضحكت شوق و نزلت راسها بخجل و بدأوا يصفقون لها بعدت شعرها ورا أذنها و دارت : كيف بالله

الجد ضحك على حركتها : يالله دكتورتنا تعالي تفطري

عبير ابتسمت لها : تعالي ماما يالله

هزت راسها شوق بالموافقه و تقدمت تنزل شنطتها و تقدمت تجلس تاكل معهم و التفت عليها ابو وليد : إذا عوض سوا لك شي مني مناك قوليلي عارف الطريق طويل و ذا ما يسكت لازم يتحارش و يتناقر مع اي احد

ضحك شوق وهي جالسه تاكل و هزت راسها بالنفي : ما عليك لو نطق بحرف قلتلك

ضحكوا و التفتت علها جوري : دبلت وين

ناظرت شوق يدها و هي جالسه تاكل : نزلتها كذا احسن لي و ألبسها إذا وصلت هنا

جود : لو أنا منك البسها و أحطها بعيون العذال

ضحكت شوق و هزت راسها بالنفي : كذا احسن لي من عيون العذال

التفتت تدوره و نطقت : عوض وينه راح نتأخر

دخل عوض و هو لابس لابكوته الازرق الغامق و بيده مق القهوه و ايباده و نطق : جيت

ناظرته شوق و ما تنكر ان شكله كان مغري ابتسمت بخفه و التفتت عليه جوري : لازم نصوركم مع بعض

لجين : ما شاء الله ماشاءالله، صدق ما ألومك إذا نزلتي دبلتك و خفتي

ابتسمت لها شوق و تقدم عوض يجلس و نطق : اول كلاس لاب كيف استعدادك

التفتت عليه سيف : مأخذين لاب مع بعض

هزت شوق راسها : مالقيت إلا عند الدكتور اللي مأخذ عنده عوض و الدكتور الثاني يقول شين

العنود : بالعكس احسن علشان وقتكم مع بعض و تدرسون مع بعض و كذا

هزت شوق راسها بالموافقه و تقدم عوض يوقف : يالله

هزت شوق راسها بالموافقه ووقفت توجهت عند جدها تقبل راسه و بعدها توجهت لعبير و قبلت خدها : دعواتكم

عبير : بالتوفيق

ام وليد : الله يوفقكم و يسر لكم خطاكم

التفتت لجين لهم : انتظروا لا تمشون قبل لا أصوركم

ناظرها عوض : لازم توثيق يعني

هزت راسها لجين و تقدمت لهم : يالله وقفوا جنب بعض و امسك يدها

ناظر عوض لجين و رجع أنظاره لشوق و ناظر يدها و تقدم يشبك يده بيدها ضحكت لجين : وي كيوتي

ضحكوا و التفتت عبير لشوق : حصني نفسك و اخذتي جهاز السكري

خلصت لجين تصور و بعد يده عوض عن شوق و التفتت شوق لعبير : معي بالشنطه

عبدالرحمن : يالله دوامكم انتي وياه ولا تزعجونا

عقدت حواجبها شوق : لو ما عندي دوام كان خليت عوض يعرف حسابه معك

ضحكوا و التفتت لها عوض : امسكي أغراضي نسيت شي

هزت راسها شوق بالموافقه و تقدم عوض يصعد الدرج ونطقت : لا تتأخر خلصني

تقدم عوض يصعد و تقدم مشاري مع رزان و لولوه يدخلون المجلس التفتت له ام مشاري : كيفك يمه الحين

هز مشاري راسه بالموافقه و ناظرت جود شعر لولو اللي تقدمت تجلس جنبها : ليش شعرك كذا

اشرت لولوه على مشاري ناظرته جود و رجعت أنظارها لولوه : اعدله لك انتظريني هنا اجيب مشط و اجي

تقدمت جود تصعد لغرفتها و اخذت المشط تذكرت رزان و تقدم للدولاب و اخذت اللي تحتاجه و حطته بجيبها و بعدها نزلت و دخلت المجلس جلست على الكنب : يالله تعالي

تقدمت لولوه عند جود و بدأت جود ترتب شعرها و ناظرتها بعد ما خلصت و ابتسمت و تقدمت تطبع قبلاتها على خدها : كذا تمام

التفتت لولوه لمشاري : شفت بابا جودي تعرف تسوي شعري احسن منك

التفتت مشاري لها و هز راسه بالموافقه دخل عوض و نطق : يالله جيتك تأخرت شوي

ناظرته شوق اللي كانت جالسه على الكنب تنتظره : رايح اورانوس و جاي انت كل ذا تأخير

تقدمت توقف قدامه و حط يده بجيبها التفتت عليه : وش تسوي

هز عوض راسه بالنفي و بعد يده حطت يدها بجيبها شوق و كان كله حلويات : صاحي انت

ضحك عوض و هز راسه بالموافقه: علشان السكر

ناظرته بصدمه : طيب مو كل ذا

رفع عوض أكتافه و تقدم ياخذ قهوته و ايباده : علشان إذا نزل و أنا بعيد عندك تعرفين تتصرفين مو تقعدين تصيحين

ناظرته شوق و ضربته على يده و التفتت لخالها ابو وليد : خالي شوف ولدك ذا

ضحك ابو وليد : عوض

رفع عوض أكتافه : وانا عند ربي صادق يالله بس لا نتأخر

تقدمت تطلع معه وقفت عند باب البيت و مدت له أغراضها : امسكهم لي على ما البس شوزي

هز عوض راسه و اخذ أغراضها و تقدم يطلع : أنا بالسياره

تقدمت شوق تجلس تلبس شوزها و دخل عوض السياره و حط شنطتها بالمقعد اللي جنبه : كل ذا شنطه خلعت يدي كيف كتفها

و تقدم يناظر أغراضها و ابتسم : حاطه البيت كله ذي

و بدأ يشوف أغراضها ناظر كتاب و رفع حاجبه : و قارئه بعد و قرا إسم الكتاب ( في قلبي أنثى عبريه ) عقد حواجبه من إسم الكتاب و بدأ يتصفحه و طاحت من الكتاب صوره عقد حواجبه و تقدم ياخذها اخذ الصوره و ناظرها و كانت صورته وهو صغير حط يده على جبهته : وش جابها هنا ذي لا لا مستحيل

ابتسم و رجع الصوره مكانها و رجع الكتاب داخل الشنطه و ابتسامته ما فارقته دخلت شوق السياره : تأخرت شوي بس رفعت مق القهوه و كملت : ليلي سوت قهوه و جابت لي معها

عوض كان مبتسم و هز راسها بالموافقه ناظرته شوق و عقدت حواجبها و بدأ عوض يسوق و كان الطريق مليان بصوت شوق و هي تغني و عوض اللي كان مبتسم مو عارف ليش مبتسم يمكن لأنه لقى صورته بكتابها ولا مبتسم ان اول مره يداوم معها ولا مبتسم علشان صوتها و طريقه غنائها اللي كانت معبره و تضحك

بالبيت بدوا شوي شوي يطلعون و يتجهون لدواماتهم خلص مشاري فطور و تقدم يغسل يده ناظرت جود رزان و بهمس : شنطت وين

اشرت رزان على شنطتها :راح احط لك فيها اللي علمتك عليه و مثل ما قلت لك كل ساعتين غيري طيب

هزت راسها بالموافقه و تقدمت جود و يدها بجيبها و بحركه سريعه حطت الغرض بشنطته رزان ناظرها مشاري اللي كان داخل المجلس و تقدم لها و عقد حواجبه : وش تسوين بشنطه البنت

تلعثمت جود بالكلام و بعدت يدها عن شنطه رزان : ولا شي

عقد مشاري حواجبه و بحده : كيف ولا شي وش اللي كان بجيبك و حطيتي بشنطه بنتي

ام مشاري : يا مشاري استهدي بالله وش بتحط البنت

ناظرها مشاري و رفع حواجبه : يمكن مخدرات يمكن شي و تبي تتهم بنتي

اشرت جود على نفسها بصدمه : أنا

هز راسه مشاري بالموافقه و نطق ابو مشاري : صاحي انت بعقلك

ناظرته جود و فتحت شنطه رزان و طلعت الغرض و نطقت بغصه : مو بعقله عمي مو بعقله

رمت الغرض عليه و نطقت : إذا انت صدق خايف على بنت خلني اقول لك يا اخ مشاري ان بنتك بلغت و صارت حرمه إذا ما تعرف بالشي ذا و أنا جيت احط لها الغرض لأنها مو فاهمه بالأمور ذي ولا شي

ناظرها مشاري و ناظر رزان اللي نزلت راسها بإحراج ناظرته جود و بكت : أنا بحط لها مخدرات ولا شي ليش وش شايفني

مشاري : مو بق... قاطعته جود تخرج من المجلس ببكي التفتت عليه الجد : ليش يا مشاري كذا

ام مشاري : حرام عليك يا مشاري وش سوت لك البنت ذي جزاتها جالسه تعلم البنات و لا قصرت معهم حتى أختك و اشرت على لمار : الهبله ذي ما جلست معهم و ساعدتهم مثل ما سوت

التفتت عليه لمار : بذي صادقه الصراحه البنت ماقصرت معهم و تسوي الشي ذا من قلبها حرام عليك

تأفف مشاري و التفتت للبنات : يالله السياره تأخرنا

وقفوا البنات يمشون مع مشاري بالسياره و حرك و نطق بنص الطريق : ليش ما قلتي لي

ناظرته رزان : اقول لك وش

مشاري : كل شي

شبكت يدينها رزان ببعض : يمكن احتجت بنت تفهمني وانت ما راح تفهم بالأمور ذي

هز مشاري راسه و كملت : بس بابا اللي سويته حرام جودي دايم تساعدنا و تحبنا حتى عمه لمار ما ساعدتنا مثلها هي و جده دايم يساعدونا ليش سويت كذا

ضرب الدركسون مشاري و نطقت لولوه : حتى عدلت شعري و صار حلو شوف انت ما تعرف تسوي لي حتى ماما ما كانت تعرف بس جودي تعرف

هز مشاري راسه و الطريق كان مليان هدوء و مشاري يهوجس بغلطته و كيف قدر انه ياخذ مها بعد ما كان يحب جود كيف قدر ياخذ عدوه حبيبته كيف قدرت مها تلعب بعقله و تسحره بكلامها و تاخذه تنهد و كمل يسوق

عند أبطالنا و صلوا الجامعه وبمواقف الجامعه وقف عوض سيارته و التفتت عليه : انت ولد خالي وانا بنت عمتك من الحين

تأفف عوض : طيب بس لعلمك دبلتي ما راح أشيلها

شوق بتهديد: كيفك بس يمين بالله يا عوض ان قلت إننا مالكين على بعض أذبحك بيدي

ضحك عوض و هز راسه بالموافقه و ناظرها : طيب قلتي اللي عندك صار دوري

تأففت شوق : خلص

ناظرها عوض : حجابك تلبسينه مثل العالم و الناس تحطينه كذا و شعرك طالع يمين و يسار ما تمشي معي

ناظرته شوق و رفعت حواجبها : وإذا ما لبسته نفس العالم على قولتك

رفع يدينه عوض : سهله اقول انك زوجتي

ناظرته شوق : لا لا البسه بس تسكت

هز عوض راسه و فتحت منظره السياره و بدأت تعدل حجابها و كل ذا تحت أنظار عوض اللي كان مبتسم و هو يشوفها تعدل شكلها و تمسح أطراف روجها عض شفته السفله من شافها تعدل روجها سكرت الروج و المنظره و ناظرته : كذا تمام

عوض كان فاهي و سرحان فيها و لا رد ناظرته : عوض

التفتت عليها عوض : اي يالله ننزل

هزت راسها و تقدموا ينزلون من السياره دخلوا الكليه و ناظرت شوق العباره الكبيره لاسم الكليه ( كليه الطب ) ابتسمت و تقدمت تمشي معه و التفتت عليها : شوي شوي لا تطيرين

ناظرته و عقدت حواجبها : عوض والله أذبحك قدام الكليه هنا ضحك عوض و تقدموا يدخلون داخل الكليه صعدوا الأصنصير و ضغط على زر الطابق و ناظرها : تعرفين كلاساتك الباقيه وين

↚

هزت راسها شوق بالنفي : لا بس صديقاتي معي بنفس اللاب ف راح نروح مع بعض و إذا ضيعت سهله ادق عليك

ناظرها عوض : قوقل ماب وانا مدري

ضحك شوق و لمح غمازاتها ابتسم و عض شفته السفله و التفتت للباب من انفتح : يالله باقي ١٠ دقايق و يبدا الكلاس

تقدمت شوق تخرج معه من الأصنصير و دخلوا الكلاس تقدمت شوق لصديقاتها اللي كانوا جالسين على اليمين و تقدم عوض يجلس على اليسار ، تقدمت شوق للبنات

خلونا نعرفكم على صديقات شوق :

ساره : إنسانه مصادقه شوق علشان الضحك و الوناسه و شوق ما تعرف الشي ذا

وعد : نفس ساره مصادقتها علشان درجاتها و اثنينتهم عارفين بالشي ذا و مصادقينها علشان مصلحه

الجوهره : طيبه و مره تحب شوق و تعرفها من المتوسط و تعتبر صداقتهم عاديه بس خاليه من المصلحه

تقدم شوق تحضنهم و نطقت ساره : شوشو منزمان عنك

ابتسمت شوق و جلست : وعنكم ، اي كيفكم

وعد : الحمدلله انتي كيفك

هزت شوق راسها و ناظرتها الجوهره : كيف الشعور بتخصص الأحلام

ابتسمت شوق : الحمدالله

ناظرت ساره عوض و عضت شفتها و نطقت : يمه بنات معنا واحد صا رو خخخخ

التفتت عليها وعد : وين وين

الجوهره التفتت لهم : بنات بس عيب

ناظرتهم شوق ولا اهتمت و اشرت ساره على عوض : ذاك يمه بنات أتكلم على العضلات و لا اللون اخخ يموت ابيه اللابكوت عليه يموتتت بنااتتت

عقدت شوق حواجبها و التفتت و ناظرت الشخص اللي بنات كانوا جالسين يناظرونه عقدت حواجبها و هي تشوفه جالس يسولف مع واحد من العيال و صدت و نطقت وعد: شوفي في دبله بيده

ساره : ما يهم حبيبتي

اخذت شوق جوالها بضيقه و بدأت تطقطق فيه و دخلت تويتر و قرات تغريدته الاخيره :

وانا احسب وحدي المغرم طلعنا اثنينا يمكن عشاق بس نكابر

تنهدت بضيقه و التفتت من دخل الدكتور و سكرت جوالها .....................

تنهدت بضيقه و التفتت من دخل الدكتور و سكرت جوالها

الدكتور : سلام عليكم

نطق الكل و رد عليه السلامه و كمل كلامه : معكم الدكتور عمر بن سعود و ان شالله راح أدرسكم الماده ذي الماده حلوه و راح تستمتعون فيها كثير ، عارف فروق العمر بينكم في مستجدين و في مستمرين و في خريجين ايضاً كل اللي ابيه منكم الاحترام ثم الاحترام ثم الاحترام مايهمني انت منو ولا ولد منو تكون محترم أحطك على عيني و راسي و أعطيك حقك و زياده بعد

ابتسم عوض لعمر بحكم صداقتهم و التفتت يناظر شوق اللي كانت مكتفه يدينها و مكشره عقد حواجبه و التفتت للدكتور عمر من نطق : ما راح ناخذ كثير اليوم بس راح أتعرف عليكم فرد فرد بالبدايه و اعذروني إذا خربطت بينكم او نسيت اسمائكم

الطلاب : لا عادي ، ولا يهمك ، عادي

عمر : نبدأ بالعيال ولا بالبنات ناظرهم عمر و التفتت لكشف الأسماء : خلونا على كشف الأسماء بالترتيب احس

بدأ عمر ينادي على الطلاب و كل طالب يعرف عن نفسه وصل لعند عوض و ابتسم : عوض بن خالد

رد له الابتسامه عوض و نطق بصوت جمهوري : معكم الطالب عوض بن خالد خريج بأخر سمستر لي اعتبروني اخوكم و راح أساعدكم باللي تحتاجونه بس بحدود و احترام

هز عمر راسه و ابتسم له و بداوا الطلاب يعرفون عن نفسهم وصل لآخر أسم و نطق: وختامها مسك شوق

التفتت له شوق اللي كانت سرحانه و عقدت حواجبها من عدم نطقه لاسم ابوها طوفت الموضوع : معكم الطالبه شوق اول سمستر لي رفعت أكتافها و نطقت : مستجده يعني و حلمي أصير دكتور و بس

ابتسم لها عمر و عوض كان ملتفت لها و يسمعها بأنصات و كل تركيزه عليها و هو مبتسم من ثقتها و كيف قادره تتكلم بطلاقه

ناظرته شوق يناظرها و كشرت بوجه و تقززت ناظرها عوض باستغراب و التفتت قدام لعمر اللي بدأ يشرح جزء بسيط من الماده بعد المحاظره التفتت ساره للبنات : اخخخ يا بنات طلع اسمه عوض يا لبيه عضت شفتها السفليه و ناظرتها شوق بقهر و سكتت التفتت عليها وعد : هو من عمر ولا من عوض ولا من سعود ولا من غيث كل واحد يموت اكثر من الثاني

التفتت لهم الجوهره : بس بنات عيب

وقفت شوق : بروح أتمشى على ما تبدّا محاضرتي الجايه تجون

وقفوا البنات معها و طلعوا من الكلاس ناظر خروجها عوض و صدها تنهد و دخل تويتر :

ما ابي صدك ابي حضنك و حبك والله

سكر جواله و ناظر عمر و اشر له عمر بمعنى تعال تقدم عمر يطلع من الكلاس و بجنبه عوض و نطق : اي كيف الدنيا

تنهد عوض : الدنيا صاده عني اليوم

ضحك عمر و ربت على كتفه : افا لي كذا

رفع عوض أكتافه بعدم المعرفه و التفتت لعمر : نفس ما وصيتك صقر لا تجيب سيرته ورا اسمها

ابتسم عمر : ولا يهمك عندي إلا كيف العيال و الدنيا

عوض : مثل ما انت خابرها

تقدموا عوض و عمر يمشون و يسولفون و اتجه عمر لمكتبة و عوض لمحاضرته

↚

عند البنات كانوا يتمشون و شوق كانت هاديه تسمع مدح البنات لعوض و تحس ببراكين داخلها التفتت لهم ساره و نطقت : عوض ذا راح امشيه على يدي و تشوفون

ضحكت وعد : و زوجته

بعدت ساره شعرها بغرور : راح اخليه يطلقها و قولوا ساره ما قالت

ناظرتها شوق بصدمه و قهر و نطقت :محاضرتي بدأت سلام

تقدمت تمشي و التفتوا البنات لبعض : شفيها ذي

الجوهره : ما ألومها و هي جالسه تسمع القرف ذا

ساره : اسكتي قال ايش قال قرف محد المقرف غيرك خلينا نشوف بعدين يا أخت الجوهره مين راح تأخذين و أنا مين راح اخذ ، راح اخذ عوض بن خالد عضت شفتها و ابتسمت

ناظرتها الجوهره بقرف و تقدمت تمشي ضحكوا ساره و وعد عليها و تقدموا يمشون

عند شوق اللي كانت جالسه تدور كلاسها ضيعت ولا عرفت مكانه تنهدت و اخذ جوالها من جيب اللابكوت و اتصلت على عوض اللي لازال اسمه مجهول بجوالها و لا حتى سمته بأسمه ، عند عوض اللي كان جالس بالمحاضره و حاط يده على راسه و يطقطق بجواله و كل ما دخل احد التفت له دق جواله و قرا الاسم( شوق ) ابتسم و اخذ الجوال يحطه على أذنه و صله صوتها وهي معصبه : قوقل ماب ضيعت

ضحك عوض : طيب ادليك انتي بالطابق الثالث الحين

هزت راسها شوق : اي و احس اني ضايعه

عوض : وين موقعك بالضبط ناظرت شوق حوالينها و نطقت : جنب الحمامات الله يكرمك ( ويكرمكم )

هز عوض راسه و بدأ يوصف لها وين تمشي وصلت عند كلاسها و من غير نفس : شكرا قوقل ماب

ضحك عوض : عفوا ب...... ما كمل كلامه إلا وسكرت الجوال ناظرت الجوال و همست : يع يع مستفز أكرهك اففف

تأففت و مسكت مقبض الباب فتحته و رفع عوض أنظاره من دخلت و ناظرته و عقدت حواجبها تقدمت تجلس و أرسلت له : كلاسي خيرررر

ضحك عوض و التفتت له من ضحك و كتب : كلاسنا

عقدت حواجبها شوق و التفتت له ناظرته يبتسم و ناظرت نظرات البنات له تأففت و سكرت جوالها و كتفت يدينها و بعد مده ملت من الجلسه و الدكتور ما جاء وقف احد الطلاب و نطق : الكلاس ملغي لليوم

تأففت و همست: من أولها كذا

تقدم لها عوض وبصوت عالي : شوق بسرعه باور بانك جوالي بيطفي

التفتت له شوق اللي كانت جالسه تدخل أغراضها داخل الشنطه و التفتت للبنات اللي كانوا يناظرونها تأففت و اخذت الباور بانك من شنطتها و عطته بقوه : مره ثانيه شوي شوي ماله داعي كل الكلاس يسمعون

ابتسم عوض : حاضر ، بما ان الكلاس ملغي لازم اسوي لك جوله

تأففت شوق و كانت بتمشي و نطقت احد البنات : تعرفينه

ناظرت شوق عوض و ابتسمت بقرف و نطقت : ولد خالي و اخوي

هزت البنت راسها : اهااا طيب

ناظرتها شوق و عقدت حواجبها من نظرات البنت و ابتسامتها لعوض كانت تتمنى بس لو هبدتها بالشنطه تأففت بقهر و اخذ شنطتها و التفتت له كان يسولف مع احد الطلاب و بصوت عالي نطقت: خلصني عوض يالله

التفتت لها عوض و تقدم لها يمشي معها يطلعون من الكلاس : صوتك لا يعلى

ناظرته شوق و كتفت يدينها وبدات تمشي معه : ليش ما قلت لي انك معي بالكلاس ذا بعد

ابتسم عوض و ناظرها و اشر برقم أربعه بيده دليل على انه معها في أربع مواد ناظرته شوق بصدمه : تستهبل صح

ضحك عوض و هز راسه بالنفي ضربته شوق على يده : يع نشبه صدق

ناظرها بضيق و نطق : تبين قهوه

ابتسمت بحماس و هزت راسها بالموافقه تقدموا يدخلون الأصنصير و ضغط عوض على الزر و التفتت لها : قستي السكر

هزت راسها بالنفي : لا بس اخذ القهوه أقيس

هز عوض راسه و تقدموا يطلعون و يتجهون يطلبون قهوه التفتت لها : اجلسي اطلب لك و أجيبه

ناظره شوق : ما راح تعرف وش احب

ابتسم بخفه و هز راسه : اعرف ، انتي اجلسي و أنا أجيبه لك

تقدم عوض يطلب و تقدمت شوق تجلس التفتت لشنطتها و طلعت شنطه جهاز السكري الصغيره عقدت حواجبها من خفتها فتحتها و شافتها فاضيه حطت يدها على جبهتها و همست : كيف نسيته افف غبيه يا شوق

تقدم عوض لها بالطلب و التفتت عليه و ابتسمت ناظر ابتسامتها و ابتسم : قلتلك اعرف وش تحبين

مدت يدها شوق تاخذ الماتشا ولا مست أطراف يده بلعت ريقها و اخذتها بسرعه و تقدم عوض يجلس جنبها وهو مبتسم : اي كيف اول يوم

رفعت أكتافها شوق : عادي

شرب عوض من القهوه و نطق : افا توقعتك تكونين مبسوطه اكثر من كذا

رفعت شوق أكتافها و نطقت من تذكرت : صح تخيل من ذكائي نسيت جهاز السكر و جبت بس الشنطه

ناظر طريقه كلامها عوض و ابتسم بخفه : عادي نروح العياده نقيس

هزت شوق راسها و شربت من الماتشا و نطقت: طيب الحين انت معي ب أربع مواد و كيف النظام

عقد عوض حواجبه : النظام نظام بعد كيف

هزت شوق راسها بالنفي : قصدي نظام الوقت

هز عوض راسه و ناظر ساعته : بعد ساعه عندنا كلاس و بعدها نرجع البيت بس

هزت شوق راسها و لمحتهم ساره و وعد من بعيد اشرت ساره على شوق لوعد : شوفي جالسه مع من

التفتت وعد بصدمه و نطقت ساره و هي مبتسمه : امشي لا تاخذه ذي

تقدمت ساره و وعد يمشون و وصلوا عند طاولتهم ناظرتهم شوق و نطقت ساره بدلع : هاي شوشو

عقدت شوق حواجبها و التفتت ساره لعوض مدت يدها تصافحه وقف عوض و نطق : يالله شوق عندنا محاضره

ناظرت شوق البنات و نطقت وعد لشوق بهمس : تعرفينه

وقفت شوق و التفتت لها عوض : شوق يالله المحاضره بدأت

تأففت شوق و تقدمت تمشي معه و داخلها يغلي و براكين أخذت الماتشا و رمتها بالزباله ( الله يكرمكم ) بقوه ناظرها عوض : شفيك

هزت راسها بالنفي : ولا شي بس يالله خلنا نروح العياده

عوض و هو جالس يمشي : رايحين لها

↚

عند وعد و ساره بعد ما مشت شوق ناظرتهم ساره و ضحكت و جلست تلعب بشعرها : حيوانه بتسرقه مني

وعد : ليش ما ردت لما قلت لها تعرفيه

تقززت ساره : يع رخيصه نفس امها

ناظرتها وعد : تعرفين امها

هزت راسها ساره : اي تخيلي ماما تقول لي ان عليها حركات حتى انها كانت حامل فيها قبل لا تتزوج

انصدمت وعد : يع تستهبلين صح و تبين بعد تكونين صديقتها

ضحكت ساره : نضحك عليها و على الهبله اللي معها شوي

ضحكوا ساره و وعد و تقدموا يمشون

عند عوض و شوق دخلوا العياده و نطق عوض : ابي أقيس ضغط و السكر

ناظرته شوق و عقدت حواجبها و نطقت الممرضه بأبتسامه لعوض : انت

هز عوض راسه و اشر على شوق ناظرتها و شمقت لها الممرضه عقدت حواجبها شوق من أسلوب الممرضه و نطقت الممرضه : اجلسي هنا

اشرت لها على المكان و تقدمت شوق تجلس و بدأت تقيس لها الضغط بالأول غمضت عيونها شوق من حست بقوه الضغط على زندها بحكم انها جالسه تقيس لها ابتسم عوض و حط يده على جبهته يفركها التفتت عليه الممرضه و فتحت شوق عيونها و نطقت : ضغطها مرتفع

ناظرته شوق بعصبيه : كله منك

ضحك عوض و اشر على نفسه : أنا وش دخلني

صدت شوق عنه و تقدمت الممرضه تقيس لها السكر و تأوهت بألم من غزت الممرضه الابره بقوه : اه عورتيني شوي شوي

ناظرتها الممرضه وهي جالسه تعلك بطريقه مستفزه و تقدمت بالجهاز تقيس لها السكر و بعد مده نطقت : سكرها زين بس الضغط مرتفع

تقدمت شوق توقف و اخذت شنطتها بقوه و مشت ناظرها عوض و ضحك و مشى وراها : شوي شوي

التفتت عليه : عوض اسكت ولا كلمه لا افجر فيك الحين

ضحك عوض : طيب طيب

تخصرت و نطقت : و الحين متى تبدّا المحاضره

ناظرها عوض بحده : بنت اوقفي عدل

تأففت شوق ووقفت عدل ونطق : عندي مكان سري احب اجلس فيه على ما تبدّا محاضراتي تعالي آخذك

تأففت شوق و تقدمت تمشي معه و وصلوا للمكان ناظرته : الحين ذا مكانك السري

هز عوض راسه و تقدمت شوق تجلس و جلس جنبها و نطق : مين ذولاك

التفتت عليه شوق و بأستغراب : مين

عوض : البنات اللي جوك قبل شوي

هز شوق راسها : ايي صديقاتي

عقد عوض حواجبه : متأكده

هزت راسها بالموافقه و كمل : ليش ما قلتي لهم اني زوجك إذا صديقاتك