بلعت وتر ريقها ولا ناظرته عشان لا ينتبه لِ دموعها ولا تدري انه هو صحى على انينها الي قدر يسمعه !

جلس على الكنب وقال : ليه تبكين ؟

مسحت وتر طرف عينها ورفعت انظاره له وقالت بِ سخرية ونبرة مبحوحة : ليه يهمك مثلاً ؟

ناظر فّ ملامحها بّ صمت وسمح لِ عيونه تتاملها !

تأمل عيونها اللمعة بسبب الدموع وانفها وشفايفها الحمراء بسبب البكاء !

حك طرف شفته وقال بّ هدوء : اكيد يهمني !

رفعت حواجبها وضحكت بّ صوت عالي وقالت : ولله يهمك ؟ عشان كذا كُل شي ما يريحني ولا ابيه تسوي عكسه صح ؟

وزع انظاره عليها وهو متجاهل كلامها !

رغم انها تكلمت وصوتها كان عالي الا انه ما سمع شي وهو تايه بّ تفاصيلها !

اول مرة يدقق بّ ملامحها لِ ذي الدرجة !

توترت من نظراته الي فصفصتها تفصفص !

قامت عن الكنبة وقبل لا تمشي مسك معصمها وجلسها مكانها مرة ثانية !

ابعدت يدها عن يده وقالت بّ صوت عالي : لا تلمسني ! لا تفكر او تتجرأ تلمسني مرة ثانية !

نزل انظاره لِ ملابسها بّ صمت !

دب الخوف فيها فَ سحبت الغطاء الي جنبها وحطته على نفسها وهي تحاول تغطي نفسها !

كانت بتقوم مرة ثانية لكن ذي المرة صوته وكلامه هو الي وقفها !

نطق بّ جمود : ابيك فّ مهمة وحده ، بعدها بطلقك !

لفت عليه وناظرته بّ صمت !

رمّاوي بّ فصول : وش قلتي ؟

تمت ساكتة وهي تفكر بّ كلامه !

نطقت بّ تسال : ليه انا ؟ ليه مو سوسن ؟

وقف رمّاوي امامها وقال : لان الكُل درى انها طليقتي !

ناظرته لِ مدة ثم قالت : بتطلقني وتتركني بّ حالي ؟

هز راسه وقال : ايوه !

تخصرت وتر وقالت : وش هي المهمة ؟

- سَهم -

صحى من نومه على رنة جواله !

سحبه عن الطالة الموجودة جنب سريره وفتح الخط بسرعة !

نطق بّ هدوء : هلا ؟

المتصل : هلا فيك ، سَهم ؟

سَهم : ايوه سَهم ، مين معي ؟

المتصل : انا يوسف ولد ابو يوسف ، ابوي درى بّ زواجك وحلّفني اتصل عليك واعزمك انتَ وحرمك !

سَهم : ان شاءالله ، وكيفه ابوك يّ يوسف ؟

يوسف بّ كذب : الحمدلله بخير لكن من فترة حصل له حادث الله يبعده عنك والحين جالس ما يقدر يمشي !

ناظر سَهم بّ حور الي نايمة جنبه وعدلت جلسته وهو يبعد عنها بّ هدوء وقال : له له ، بسم الله عليه وليه محد علمني ؟

يوسف : ما حد درى بالموضوع ، تدري عاد ابوي ما يحب السوالف وتكبير الموضوع !

سَهم : طيب يّ يوسف ، اجل جايينكم انا وحرمتي منها نطمن على الوالد ومنها نلبي زيارتكم !

يوسف : اهلاً ومية سهلاً ، تشرفونا !

ثم قفل المكالمة ولف على حور الي للحين نايمة !

تأفأف بّ ضيق من الي سمعه عن ابو يوسف ثم قام عن السرير وبدل ملابسه وطلع من الغرفة !

اتجه لِ احدى العاملات وطلبها تروح لِ رمّاوي وتصحيه وبالفعل راحت العاملة لِ جناح رمّاوي !

طرقت الباب عدة مرات وفتحت عيونها وتر بِ انزعاج !

لفت وتر على الجهة الثانية وهي تتاكد من وجود رمّاوي !

زفرت بِ راحة من شافته مو موجود ثم قامت من السرير بّ تعب !

طلعت من الغرفة بّ اتجاه باب الجناح !

جت عينها على الي نايم على الكنب بّ طريقة غير مريحة للجسد !

تجاهلته وتجاهلت نومته الغلط ثم اتجهت لِ باب الجناح !

فتحت وشافت احدى العاملات !

نطقت بّ تسال : هلا ؟

طلع من الحمام وهو لابس بنطلونه وعاري البطن !

شافها على جلستها ما تحركت !

تجاهل وجودها وهو داي بّ التفكير الي يدور فّ راسها وانه متمحور حوله هو وحول كلامه !

تقدم من الدولاب وسحب له بلوزة ثم طلع من الغرفة واتجه للطابق السفلي !

تقدم من احدى العاملات وقال : فين سَهم ؟

العاملة : فالصالة الحين دخلها !

هز راسه بالايجاب ثم دخل رمّاوي للصالة وهو يقول : عسى ما شر ؟ طلبت من العاملة تعلمني انك تبيني !

كان جالس سَهم على الكنب ، رفع انظاره للي دخل الصالة وصوته ملء المكان !

نطق بّ هدوء : ابو يوسف عرفته ؟

رمّاوي : ايوه ؟

سَهم : ولده كلمني اليوم ، قال انه مسوي حادث وطلبني اروح له انا وحرمتي !

جلس رمّاوي على الكنب وقال : طيب ، والمطلوب ؟

هز راسه سَهم بالنفي وقال : ابد ولله بس احس اني مو مطمن !

حك رمّاوي دقنه وقال : اجل لا تروح !

سَهم : الرجال أصر عليّ !

رمّاوي : اجل روح !

تأفأف سَهم وقال : انقلع بس ، مو الحق عليك الحق على الي جى ياخذ رايك !

رمّاوي : تاخذ رايي فّ شنو بالضبط ما فهمت !

سَهم : قلت لك مو مطمن !

قرب رمّاوي من سَهم وحط يدينه على كتوفه وقال : ارسل لي موقع البيت الي بتروحون عليه وروح وانت مطمن هيا !

هز راسه سَهم بالايجاب ثم سحب جواله من جيبة بنطلونه وهو يرسل موقع المكان لِ رمّاوي !

طلع رمّاوي من الصالة بِ اتجاه باب البيت !

لا يكون اعطيتهم فلوس مثلاً ؟

ناظرها من فوق لِ تحت وقرب منها وهو يمسك معصمها ويمشي فيها للطابق العلوي !

نطقت وتر بّ صوت شبه عالي : ابعد يدك جعلها بالكسر ان شاءالله !

ما رد عليها وكمل طريقه !

حطت يدها على يده وهي تحاول تضربه بّ قوة الين ما ابعد يده عنها !

ابتعدت لورا وهي تناظر فيه وتقول : شتبي ؟ معتوه انتَ !

قرب منها وفّ كُل خطوة يقرب فيها للامام ارجع وتر خطوة للخلف !

لصقت وتر فّ سور الدرج وحط رمّاوي يدينه حَول السور وهو يحاوط وتر !

نطق بّ همس وهو ينزل لِ مستوى اذنها : ليه سويتي كذا ؟

نطقت بّ تمثيل لِ عدم الفهم : وش سويت ؟

ثبت وجهه اما وجها وقال : وش سويتي ؟ السؤال ذا انتِ اكثر احد لازم يعرف يجاوب عليه !

شتت افكارها صوت سوسن يقرب منهم اكثر واكثر !

رفعت راسها للاعلى وهي تسمع صوتها وتشوف يدها الي تزحف على سور الدرج !

ابتسمت ابتسامة جانبية وحطت يدينها على صدر رمّاوي وقالت بّ دلع : كنت ابي اعرف اكثر عن شغلك وانتَ ما رضيت تعلمني !

ثم قربت منه اكثر وهي تقلب الاماكن !

صار رمّاوي متكئ على سور الدرج ووتر قريبة منه وحاطة يدينها على صدره وتسولف !

فهم مقصد حركتها وان سوسن هي السبب لكن ما اظهر لها ابداً !

مرر يدينه حول خصرها وهو يحاوط خصرها بّ هدوء ويناظر بّ ملامحها الي توترت من يده الي انوضعت على خصرها !

اخفت توترها وراء الابتسامة الي تصنعتها ونطقت بّ هدوء : ما قلت لي للحين وش هو شغلك بالضبط !

زفرت بّ ملل وقالت : ايه !

مرر يده اليمين على شعرها وهو يتابع المسلسل الموجود على التلفزيون معاها !

كان الصمت سيد المكان !

بعد مدة من الصمت كسره وهو يقول : روح ؟

رفعت انظارها له وهي مازالت بّ حضنه ونطقت : نعم ؟

قَوس : ما تبي تزورين اهلك ؟

صمت روح لِ مدة وهي تفكر بّ سؤاله !

نطق بّ هدوء : لو ما تبي تزوريهم ترا عاد قولي لي !

عدلت جلستها وقالت : الا ابي بس ما ابي !

عقد حواجبه وقال : وشو ؟

روح : ابي ازورهم ومرة بس خايفة من ابوية !

حط يده على يدها وقال : ليه تخافين منه مثلاً ؟ ترا محد بيقرب منك ولا بيأذيك طول ما هالروح موجودة !

رفعت كتوفها وقالت : مدري !

صمت قَوس لِ مدة ثم قال : يعني تبين تروحين لهم ؟

هزت راسها بالايجاب وبدون لا تناظره !

نطق بّ هدوء : طيب باخذك لهم بكرا وش قلتي ؟

رفعت انظارها له وقالت بسرعة : طيب ولو سوا لنا شي ؟

احتدت ملامحه وقال : وش بيسوي لنا مثلاً ؟ ترا الي معاك رجال ويعرف يتصرف ولو اضطر الامر ما نقصر معاه بّ رفع اليد !

شهقت بّ صدمة وقالت بسرعة : يعني راح تضربه ؟

قَوس : لو اضطر الوضع ما اقول لا صراحتاً !

رمشت لِ عدة مرات ثم قالت : ما عاد ابي اروح خلاص !

قَوس بّ ضحكة : الحين زعلتي ولا خفتي ولا وش السالفة ؟

ما ردت روح عليه !

قرب وجهه من وجهها وقال بّ خشونة : انتظر جواب حرمتي ترا !

ثبتت انظارها بّ عيونه وقالت : انتَ منجدك بتمد يدك على ابوي ؟

قَوس : قلت لك لو اضطر الامر !

قامت روح عن الكنب وهي تقول : لو غيرت اقولك علمني !

اتجهت للغرفة بّ صمت وهي تتجاهل وجوده !

اما قَوس فّ كان ساكت وما نطق بّ ولا حرف !

حس بّ لحظة ادراك بعد كلامها !

هو منجد من صغره يتعامل مع كُل شي بّ عنف !

مو بس هو انما اخوانه معاه !

تأفأف بّ ملل ثم رجع ظهره للخلف ورفع يدينه لِ عيونه وهو يفركهم بّ صمت ويفكر بّ كلامها !

- سَهم -

دخل الغرفة وقال : هاا جاهزة ؟

حور بّ عجلة وهي تحط الروج على شفايفها : مدري سَهم تحس ملابسي زينة لِ عزومة زي ذي ؟

لفت على التسريحة وهي تحط الروج عليها ثم لفت على سَهم وهي تفتح سحاب العباية وتوريه !

كان لبسها بسيط لكن جذاب بسبب بساطته !

كان عبارة عن بنطلون جينز فاتح مع بلوزة باللون الاحمر الداكن بدون اكمام وضيقة على الجسد !

حك طرف شفته وقال : لو مو متاخرين كان قلت لك ان الملابس زينة ولايقة عليك بس بطريقتي !

ثم اكم : هيا بكلي العباية وخلينا نمشي !

فهمت مقصد كلامك لكن سوت نفسها مو فاهمة شي !

بكلت سحاب العباية وطلعت من الغرفة قدام وهو مشى وراها بّ اتجاه السيارة !

- رمّاوي -

جلس على الكنب عكس الي للحين واقفة وتنتظر كلامه !

نطق بّ خبث : بتقنعيني ان الي تسويه مو غيرة ؟

عقدت حواجبها وتر وحاولت تشتت انظارها عنه وتقول : ءاا وشو ؟

ابتسم ابتسامة جانبية وقال : ليه تصرفاتك تتغير وقت تشوفين سوسن ؟

تخصرت وتر وقالت : وليه مهتم ؟

لعق شفيفه وقال : ابد ولله ، مُهتم بّ تصرفات زوجتي …

ثم غمز لها واكمل : حرم رمّاوي !

هزت راسها بالايجاب وقالت بّ انفعال : لا ما عليك بّ تصرفات زوجتك ، روح اهتم بّ تصرفات طليقتك !

عساها جلستنا معانا فّ نفس البيت جايزة لك ؟

عدل جلسته وهو يحط رجله اليمين على فخذه الشمال ويقول : ايه ولله جلستها معانا فّ نفس البيت جازت لي !

توسعت عيونها من كلامه وحست بالقهر !

نطقت بسرعة وانفعال : اجل شتبي فيني دامها موجودة ؟ ان شاءالله لو طلقتني تعبي لك مكان فراغي !

تنهد رمّاوي وقال : فراغك ؟

تمت تناظره لِ عدة ثواني وخلال ذي المدة خطر فّ بالها ان من البداية مالها مكان عشان تعبيه سوسن !

حست بّ غباء بسبب الكلام الي قالته فَ نطقت بِ انزعاج : رمّاوي بتعلمني وش شغلة ولا ؟

رمّاوي بِ اصرار : اول علميني ليه حركاتك تتغير اول ما تسمعين صوت سوسن او ينجاب طاريها ، قوليلي هي غيرة ولا شنو بالضب ؟ ترا الاعتراف ازين لك ولله لا تلفين وتدورين !

تقدمت للكنب وجلست جنبه !

مشت عيونه مع تحركات وتر الين ما جلست جنبه وثبتهم بين عيونها وشقيقها الي تنطق بِ نفس الاصرار : اول علمني وش شغلك بقول لك ليه اتغير كذا ، مين الي بداء فالسؤال اول ؟ انا ، يعني جاوب على سؤالي عشان اجاوب على سؤالك !

تنهد بّ ملل ثم قال : طيب ، بس حطي فّ بالك الي بقوله لك ولا أي انسان مسموح انه يدري عنه ، لا زينب ولا غيرها فهمتي ؟

رفعت حواجبها من تذكره لِ اسم صاحبتها امر تجاهلت الموضوع وقالت : طيب !!

لف كامل جسده عليها وقال : السالفة وما فيها يّ بنت الناس ان شغلنا انا واخواني سري ، ليه ؟ لاننا حنا الي نمسك الي يشتغلون فالممنوعات عن طريق اقرب الناس لهم مثل السكرتير والمحامي حقهم وما الى ذالك !

عقدت حواجبها وقالت : لا تكذب انت بّ نفسك ذاك اليوم قلت لي عن المخدرات !

فرك عيونه واكمل : كيف تبينا نمسكهم بدون شي يورطهم مثلاً ؟ فالعادة سوسن كانت تحاول تقرب من الرجال المطلوبة ويكون معاها احدى انواع المخدرات وتحطها فّ مكتبهم ولا فّ بيتهم او أي شي يقدر يوصلنا لِ راسهم وبعدين يجي الامن وياخذهم على ذا الاساس ومن هناك نبداء نحقق معاهم !

رمشت لِ عدة مرات وهي تحاول تستوعب الكم الهائل من المعلومات الي قالها رمّاوي !

صمت رمّاوي لِ مدة وهو ينتظر وتر تستوعب الصدمة الي هي فيها !

حطت يدينها على راسها وقالت : وانا اتصلت للامن وقلت لهم انك تتاجر فال …

بتر كلامها وهو يقول : وش تبيني اسوي فيك ، يلا المسامح كريم وانتِ زوجتي ما راح ابخل عليك بّ مسامحة !

ناظرت فيه وبصمت وهي تحاول تستجمع افكارها !

بعد مدة من الصمت ونظر العيون الى العيون نطقت بّ هدوء : انا موافقة !

عقد حواجبه وتجعدت جبهته وقال بعدم فهم : على ؟

وتر : اني اشتغل معاك فّ ذيك المهمة ومن بعدها كُل واحد فينا بّ طريق !

عدل جلسته وقال بدون ما يناظرها : يعني مُصرة على الطلاق ؟

تنهدت بّ ضيق : اكثر من ما تتصور !

عقد حواجبه وراوده الشك !

ما تردد بّ سؤال وقال بسرعة وهو يروي فضوله ويخفف من شكه : وليه ان شاءالله في احد فّ راسك مثلاً ؟

لفت عليه بّ عدم فهم وقالت : وشو ؟

لف عليها وقال : يعني في احد فّ راسك وتبين تكملين حياتك معاه بعد الطلاق ولا كيف ؟ لان اصرارك ذا غريب ويخلي الما يشك يشك !

كانت بتقول الصراحة لكن صمتت لِ مدة وهي تدورها فّ راسها ثم قالت : ايه ولله في واحد يبيني وابيه واحس حياتي بتكون معاه مثل ما انا رسمت وحلمت !

رمش لِ عدة مرات وهو يحاول يستوعب الي سمعه !

مد يده لِ اذنه وقال : وشو ؟ عيدي عيدي ما سمعت !

عادت كلامها بّ كُل ثقة رغم انها تكذب لكن حست من كلامه ان الموضوع ذا ممكن ينرفزه وخصوصاً انها للحين على ذمته وانها ممكن تهرب من سؤاله عن تغيّر تصرفاتها من اشوف سوسن !

قام عن الكنب وتقدم لها اكثر ، مد يده لِ عنقها وهو يشد عليه ويقول بّ حدة : وواثقة بعد !

اكمل وهو راص على اسنانه : ان سمعت الكلام ذا منك مرة ثانية ورب الكعبة ما يحصل لك خير ، تراك للحين على ذمتي ذي معلومة مُهمة خليها فّ راسك !

ثم ابتعد عنها ودخل الغرفة وهو يحس بّ حرارة فَ كامل جسده !

ما يدري لو سببها كلامه والي اثبت له انها غيرة ولا عصبيته الي هبت بسرعة !

وقف في منتصف الغرفة وفتح اول ازرار قميصه وهو يحاول يدخل الهواء ويتنفس !

تم ساكت لِ مدة وهو يستجمع افكاره ثم لف على باب الغرفة وطلع منه بسرعة !

وقف امامها وقال : مين الي فّ راسك ؟ ذاك الحقير صح ؟

عقدت حواجبها وتر وهي تناظره وتفكر فّ اسم أي رجالٍ كان !

تكتفت بِ هدوء وهي تناظره من فوق لِ تحت ثم قالت وهي تميل شفايفها : وانتَ شتبي ؟ منجدك تبيني اقول لك اسمه ؟ احم يّ عمري احلم !

رفع حواجبه ثم قال : اجل كذا !

هزت راسها بالايجاب ثم قالت : امم كذا !

جلس على الكنب وقال بِ حدة : بتخلصين معاي المهمة وبعدها لِ كُل حادث حديث !

هزت راسها بالايجاب وقالت : طيب !

وجه رمّاوي انظاره على وتر وسرد لها كُل المعلومات عن الشخص الي بيسلموه للامن وعلمها عن مهمتها ووش تسوي ووش تتخطى !