-------------------

توسعت عينيّه بـ فرح : وليه توك تقولين!!!!

نطقت مُتلعثمه : مدري ما جاء ببالي اقول لك

ناظرها بـ عجز يبي يضمها! يبي يُقبلها! يبي يسوي أيّ شيء يفرغ بِـه سعادته!! شعور غريب !! ابتسم يناظرها، وهذا اقصى شيء يُقدمـهُ لها : صدقيني اكثر شيء اسعدني في هالحياه هالخبر

إبتسمت بـ خجل مُنزله رأسها بـ بُطئ تقدم حاتم نحوها مُمسكََا يدها : امشي يلا قبل تظلم

نظرت لـ يدهُـ ومن ثُـم نظرت إليه خطت خطواتها والحياء مُسيطر عليها

-------------------

عقدت طلا حاجبيّها بـ تساؤل : الريم ما طلعت من الغرفه؟

صِبا : ايه ما طلعت

طلا : ليه؟ شسالفه منو قال لها تقعد في غرفتها؟

رفعت صِبا كتفيّها بعدم معرفه : مدري

نطقت طلا بـ عدم إعجاب لـ فِعلت الريم : روحي لها خليها تطلع العشاء شوي ويجهز

صِبا : سمي يُمه

توجهت صِبا نحو غُرفة صقر طرقت الباب ومن ثُـم دخلت ناظرت الريم وهيا متسدحه على السرير اقفلت الباب مُتقدمه نحوها جلست بـ جانبها تناظرها وهيا نايمه عقدت حاجبها بـ قلق حِين رأت دمعة الريم امسكت صِبا خد الريم مسحت دمعتها بـ حنان نطقت بـ صوت دافي : ريومه... ريومه

فتحت الريم عينيّها مُنزعجه : وش

صِبا بـ إبتسامه : قومي ياعيوني العشاء جاهز

نهضت من على سريرها وهيا تفرك عينيّها جالسه بجانب صِبا : ما ابي عافيه عليكم

زمّت شفتيّها وهيا عاقده حاجبيّها : ليه ياعيوني؟ علميني شفيكِ؟

نظرت الريم لـ صِبا : صوتك غريب

إبتسمت صِبا : ليه شفيه؟

الريم : لطيف زياده عن اللزوم

مسحت صِبا على ظهر الريم دون أن تقول لها الدمعه اللي شافتها : اللطيف ما يطلع الا لـ اللطيفه

ناظرت الريم لـ صِبا بـ عُيون دامعه : بـ تخليني ابكي ترى!!

نطقت صِبا مُنتهزه الفُرصه : ليه علامك على شنو تبكين يا بعد حييّ؟؟

-------------------

خرجت صِبا بعد ان غفت الريم مُمسكه جوالها بـ غضب نظرت إليها طلا بـ رفعة حاجب : ليه ما خرجتو تاكلون؟؟

صِبا بـ إبتسامه : الريم شوي مستحيه مننا ما حبيت اضغط عليها يوم تصحى ناكل انا وياها يُمه معليكِ

طلا بـ تفهم : عوافي تصير انا وابوكِ بنرقد انتبهِ لكِ وكُلي انتِ وياها لا تقعدون على لحم بطنكم

صِبا : سميّ يُمه تصبحين على خير

طلا مُتقدمه نحو صِبا قبلّتها على وجنتيّها : الخير وجودكِ وعافيتكِ

صِبا بـ إبتسامه خجوله : العافيه انتِ يُمه

آسر بـ رفعة حاجب ينطق بـ غِيره : ماشاء الله ماشاء الله شهالقعده الرومانسيه بدوني!

غسان سُخريه : انت تبي كُل شيء لك ان كان صقر او صِبا حتى ابوي ما سِلم منك

آسر بـ عُبوس : طيب احترموا مشاعري انا غيور!

تقدمت طلا نحو آسر ضامته لأجل يصمت وآسر ملامحه توحيّ إلى الاستغراب : يلا انا برقد تصبحون على خير

ذهبت طلا تنطق صِبا بـ ضيقه : شوي وجايه

عقد غسان حاجبيّه من نبرتها المكتومه : شفيكِ؟

زمّت شفتيّها : ابي اكلم صقر

آسر بـ تساؤل : ليه شسبب ؟

صِبا بـ ضيقه : بس كذا ابي اشوف متى نروح طفشت مِن الدِيره↚

غسان بـ قلق : تحسين بشيء؟.

صِبا بـ نفيّ : لا بس ابي ألحق على دروسي وجامعتي بـ يجيني حِرمان من وراكم

نطق آسر بـ تفهم : صادقه

صِبا بـ تهرب : يلا بروح

دخلت غُرفتها تتصل على صقر

-------------------

جالسين في الصاله يسولفون غيث وصقر بعد ان اكملوا ترتيب الغُرفه وتنسيقها على اكمل وجه يسمع رنين جواله التقطهُ ألآ وهيا صِبا لوهله شعر بـ توتر من انه اصابها شيء وعاد لها شيء،، كان لايزال هُنالك خوف ولم يتيقنوا على أتم وجه أجاب عليها بـ نبره قلِـقه : لبيه

نطقت صِبا بـ قهر : شاللي بـ ظهر الريم ما بيجي كذا من الله؟؟

عقد حاجبيّه بعدم فهم في نظرهُـ انها هي من ألمّتهُ وليس هو نظر لـ غيث لوهله ينهض من مكانه : وش فيها؟

صِبا بـ سُخريه : لا ياشيخ مسوي مب عارف ولا شنو؟؟

صقر بـ قلق بعد ان تذكر انها سقطت لكنه ما كان قاصد على أذيتها ولا واحد بالميه!! : شفيها يا صِبا شسالفه لا تقروشيني؟؟

-------------------

كان نديم مُتجاهل كلمات غيث مُناظرََا وصايف وهيا مُلقيا على الارض لاحظ السـ.ـكين المُلقى على الارض عقد حاجبه : وليه في الشارع ليه مب بـ البيت

ضاق صدره لـ درجة انه اُستصعب عليه التنفس بسهوله صرخ غيث بـ قهر لعدم إنصاته : يا نديم ناظرني تكفى ما عليك من هالامور هالحين اعرفك قد صارت واغمى عليك ما ابي ينعاد نفس الموضوع تكفى ناظرني

ركضت نحوهـُ باكيّـه بعد ان اتاها حاتم لأجل يُـخبرها بـ ان نديم بـ حاجه إليها اكثر من ايّ وقت مضى : شسالفه

ناظرت نديم بـ قلق : نديم انت بخير

ناظرت نحو نظرات نديم الآ وهيا فتاة مُلقاة على الارض ناظرت نديم مرتََا أخرى طرحت سؤالها بـ تردد : ذي وصايف؟

اومأ برأسه بـ ملامح شديدة البروده وكأنها ليست اخته ولا تمدهُـ بـ أي صله

نطق غيث بـ قلق : حاولي تسولفين معه لأجل مايغمى عليه

نطقت بـ ضيق : نديم انت بخير انطق!

لم ينطق نديم بـ ايّ حرف لكن ميلا واصلت الحديث معه إلى أن وصل الإسعاف نقلوها لـ السياره دخل نديم مع وصايف تاركََا ميلا تناظره دون أن يُطمئنها انه بخير وانه يقدر يروح لوحده دون مُرافقتها لهُ

-------------------

دخلت الريم غُرفة صِبا بعد ان طرقت الباب استقبلتها صِبا بـ إبتسامه على مُحياها لكن الريم كانت عكسها استقبلت صِبا بـ عُيون عابسه وملامح غاتمه نطقت صِبا بـ تساؤل : شفيها القمر؟

الريم : عادي ارقد عندك؟

نطقت صِبا بـ إبتسامه : ايه عادي ليه مب عادي جعل كُل غرفتي فداكِ

-------------------

كان غسان حِينها في غرفته يفكر بـ الدم اللي كان يتساقط من يديّ وصايف ما طرى على باله ايّ تفسير مِما جعله يحتار اكثر وما عنده غير جواب واحد : هي جارحه نفسها!

لكن ليه! وليه طلعت برا بيتها إذ جرحت نفسها! وليه ما مسحت الدم!

-------------------

في الصاله عند بتال وطلا وبـ صُحبتهم آسر نطق بتال بعد ان أطال التفكير : طلا شرايك نخلي هُمام و زوجته يجوون عندنا يا كُبر البيت عندنا واخته عندنا يعني ما بيرفض في سبب يخليه يجي

إبتسمت طلا : حياهم البيت بيتهم

------------------

وصل الاسعاف لـ المستشفى اخرجو وصايف من السياره مُسرعين نحو الطوارئ لـ خطورة حالتها ترك كُل الاطباء اشغالهم واضعين جُل تركيزهم على وصايف أمِليّن من الله انها تعيش رُغم صعوبه الأمر

-----------------↚

غيم : تعدتني بـ مراحل كبيره

تقدم نحوها رافعََا حاجبيّه : بس انا ما اشوف غيرك لطيفه

لمّت شعرها مُبتعده من جانبه تنطق بـ ثقه : تعرف وش بـ يصير لو ناظرت هالعيون غيري

قربها منـهُ : ليه بعدتـيّ؟

بلعت ريقها زامّه شفتيّها : مدري حبيت ابعد

قبلّ وجنتها ينطق بـ همس : مكانك بـ قُـربـي يابنت قلبي

راوغته بـ حركاتها تبتعد عنه : ورانا شغل

هُمام بـ مـلـلّ مُتهربََـا : انا بطلع وانتِ يوم تخلصين رقمي عندكِ

رفعت حاجبها بـ سُخريه : ها ها ها ها ضحكتني ياحبيبي بـ تدخل قبلي اخلص قدامي!!

تلبس هُمام الحِده كـ حل اخير لديه مُتاملََا ان تنطليّ على غيم: يا بنت الناس ما لي في هالامور انا رجال ربي ما خلقني لـ هالامور وانتِ شفايدتكِ ؟ يلا خلصي شغلك وجايك كُثر الحكي ما له لزوم

رفعت حاجبها تنطق بـ نصف إبتسامه : عيد شقلت؟ ما سمعت زين؟

عدّل هُمام شماغه ينطق : كلام الرجال ما ينعاد طال عمركِ

غيم بـ حِده : بـ ترتب معي ولا لا؟

هُمام : ما لك داعي ماغير ترمي الأوامر على ولد رماح

إبتسمت بـ برائه : شدعوه، بتجي ولا؟

تنهد هُمام بعدم وجود حيله : جاي

-------------------

دخـلت الدكتوره لكـي تُعـايّـن وصايف ابتعد الجميع من جانب وصايف لأجل يُفـسحُون الطريق لـ الدكتوره نظرت لـ وصايف بـ إبتسامه تناظر أهلها : عادي تخرجون شوي؟

حصه بـ قلق : في شيء؟

إبتسمت الدكتوره تُـطمئن حصه : معليكِ وصايف ما فيها الا كل خير لكن ابيها بـ كلام مب اللي على بالكِ

إرتخت ملامح حصه بـ اطمئنان : الحمدلله طالعين يابنتي

نطقت الدكتوره بـ احترام : من بعد اذنكم

رهيفه : عادي اقعد؟

نظرت الدكتوره لـ وصايف : عادي تقعد؟

اومأت وصايف برأسها : ايه

إبتسمت رهيفه يخرجون البقيّـه امسكت يد وصايف تجلس بجانبها نطقت الدكتوره بـ حِنيه : عادي تعلميني ليه سويتِ كذا؟ زي ما تعرفين ماهي بـ اول مره تسوينها ذي الثانيه وانا كـ دكتورتك لازم انقلك على دكتوره نفسيه تعرفين؟

في شيء حابه تقولينه؟ اسمع لكِ لا تخافي من شيء انا معكِ

نطقت رهيفه : وانا معكِ

وصايف بـ قهر : مب انا اللي سويته ليه كلكم تحسبوني انا سويته شلون اسوي بنفسي كذا!! تحسبوني مجنونه!!

توسعت عينيّ رهيفه نطقت بـ غضب : شلون مافهمت ممكن تعيـّدي كلامك!!!

الدكتوره بـ هدوء ناظرت رهيفه اغمضت عينيّها لأجل تجلس رهيفه وما تخليّ وصايف ترتبك وتضيع حروفها!

-------------------

نطقت من بيّن شهقاتها : آسر ما ابي غير اسمع صوتك تكفى لا تسكت لا تسألني عن شيء تكفى

تجاهل اسألته ينطق : صلِ على النبي بسم الله عليك يروحي عسى ربي يحمي قلبكِ اللي احبه عسى الضيقه والهموم وكل بلا يزول من حياتك انا معك لا تخافين و لا تزعلي كل شيء بـ يمّـر وخلاص ما بقيّ شيء وتجي عندي صدقيني ما اسمح لـ دموعك تلقى سِبه لجل تنزل من عينك

كان آسر يحاول يتكلم وما يسكت و يتجاهل شهقات رهيفه لجل ما يسألها او تغلبه العاطفه وما يسوي اللي طلبته منه نطق بـ حُرقة : تبي اجيك ؟

نطقت رهيفه بـ لهفه وكأنها كانت مُنتظره هذا السؤال : ايه تكفى ايه

توجه آسر نحو الدرج لجل يخرج له كم لـبّس : سمّي مسافة الطريق واكون عندكم

إبتسمت رهيفه بـ إرتياح تقوم من الأرض وكأنها كّسبت طاقه تحّس انها تقدر تتنفس وتواجه باقي الأمور : تمام انتبه لك لا تسّرع انتظرك

ابتسم آسر حِين سمّع صوتها تحّسن نطق : الله يحفظك يا رهيفتي، بـ اقفل لجل اتجهز وامشي

رهيفه : تمام انتبه لك تكفى

آسر : سمّي

اقلق آسر يجهز أغراضه بـ اسرع ما عنده يُنزل لـ تحت ما يشوف احد في الصاله خرج من البيت بدون ان يعلم احد، نطق بـ ضحكه : صدقني يا آسر بـ تنطرد من شغلك

------------------↚

بيت رماح ؛

دخل حاتم لـ غرفته بعد ان تطمن على صحة وصايف و حصه قالت له يروح بيته، يشوف سعود سادح على سريره

تنهد سعود بـ ملـلّ : اف اشتقت لها

نطق حاتم بـ تساؤل وهو يجلس : لمنو؟

سعود : لـ ريومهه لها وحشه صدق ملعونه

تنهد حاتم حِين تذكر صِبا : ايه بالله وانا بعد اشتقت

دخلت الجادل غرفتهم جلست على سرير حاتم : يخوان طفشت

زمّ سعود شفتيّه : جات النفسيه

نطقت الجادل بـ حِـده : سعود بـ اقوم اصفقك

سعود بـ خوف ينطق لـ تفاديّ غلطته : ترى قصدي الدكتوره النفسيه بس مافيني اقول كل هالجمله الشوق مدمرنـيّ ما هقيت يوم اشتاق ولـ ام شعر منكوش بعد الصدمه الكُبرى

ضحك حاتم من رد سعود : لـ هالحد تخوفك؟

سعود بـ قهر : يبوي ذي تلعب بـ عقل ابوي بـ كلمتين تخليه يوافقها الرأيي ويلا يا سعود ألقم

إبتسمت رافعه حاجبيّها : العب بـ النفسيه شيفهمك

سعود بـ قهر : وريني مقفاك بس

ناظرت حاتم تشوف وجهه شاحب : شفيك انت ؟

ناظرها حاتم تلعثم بـ الجواب : وشو ولا شيء بس فيني النوم يلا روحو من غرفتي ابي ارقد ورايّ شغل

الجادل بعدم تصديق : ليه تتهرب؟

تضايق حاتم من اسألتها وما يبي يقول لهم لجل يرقدون وما ياخذهم الفكر : يالجادل روحي أرقدي فكيني من نظراتكِ حتى لو فهمتيني سويّ نفسك غبيه طلبتك لا تسألي

-------------------

دخل صقر مُبتسمََا : الله يبقيكِ يابعد عمري

نظر صقر لـ الريم تتلاشى إبتسامته ناظر صِبا بـ تساؤل : مب الريم تخاف منك شجابها؟

إبتسمت صِبا : كنا نسولف على هالطاري تعال اقعد

الريم بـ قهر : صِبا!!! انا هاربه منه شلون تدخلينه!!

صِبا : خليه شدعوه ومنها تتصالحون!

نطقوا بـ نفس الوقت

الريم : يخسى

صقر : تخسى

فتحت صِبا فمها بـ ذهول : مو منجدكم روقوا احترموا وجودي على الاقل

توجهت صِبا نحو الثلاجه الخاصه بِـها : شتبي ياصقر؟

صقر : معروف

صِبا : وانتِ يا ريومه؟

نطقت الريم بـ ذهول : ثلاجةةةة في غرفة !!! شلون!!!

صقر بـ سُخريه : ليه تحسبيها بدويه مثلكِ؟

الريم بـ قهر رافعه حاجبيّها : كمية شدخل في الموضوع!

صقر بـ سُخريه : ألجمتيني كيف تعرفين تردين كذا وانتِ حدك راعيه ؟

كانت الريم بـ تنطق لكن صِبا قاطعتها : ايه بدويه يا صقر روق

صقر : تخسين وانا اخوك

صِبا : صقر!! ترانا بدو لمتى بقعد اعلم فيك! والريم بنت عمك شلون منت بدوي؟؟

صقر : المهم جيبي الموكا

الريم بـ إبتسامه ساخره : انحشر وصرفك بـ الموكا

صقر بـ ضحكه : تعرفي وشهي الموكا؟

الريم بـ قهر تناظر صِبا : صِبا لو اخوك ما طلع انا بـطلع!!

صِبا بـ قهر : خلاص انطموا الله يوجع العدو ! هواشاتكم هابطه ما تسوى اكرموني بـسكوتكم!

ناظرت الريم : تبي حليب شوكولاته مثلي ؟

صقر : يمكن ما تعرف شمعنى حليب شوكولاته اوصفي لها

قامت الريم امام صقر بـ قهر نطق بـ ذهول : شفيها ذي قايمه لايكون بـ تطلع مضيعه طريق الباب بـ يمينك مب عندي

مسكّـت يدهُـ بـ إبتسامه : غمض عيونك بـ اوريك شيء حلو

صقر بـ عدم ائتمان : وخري بس

تغنجت الريم بـ نظراتها : يلا

صِبا بـ إبتسامه مُتقدمه نحوهم : ما لك داعي ياصقر غمض عيونك

زمّ شفتيّه ينطق بـ برود : عشان صِبا

الريم بعدم اهتمام : تمام يلا

اغمض عينيّه تُـعضـه بـ أقوى ما عندها ضحكت صِبا وهيا تناظرهم لكنه صنمّت حين فتح صقر عينيّه عندما شعر بـ أنياب الريم لم يُصدر أيّ صوت او حتى تحرك من مكّانه ابتعّدت منه مُستغربه من سُكونه مُبعده خُصلتها من بين عينيّها نظرت لـ يده لّـمحت د.م لكنه ابعّدها عنه : خلصتِ؟

بلعت ريقها تنطق والغصه واضحه على صوتها : تعورت؟

صقر بعدم مُبالاه : وخري مب ناقص الا البدويه تعّـورني

صِبا بـ ارتباك : خُذ الموكا

أخذ صقر الموكا من صِبا مُتقدمه نحو صِبا جلست بـ جانبها نطقت وهيا تناظر الريم : ايه ليه كنتِ تخافين مني؟

الريم : خرجت وقتها على صلاة العشاء لانوا صلاه فـ دخلوا بعضهم الحمامات لجل يتوضون وخرجني هو بـ نفسه كنت وقتها يادوب اتنفس ابي اخرج من هالظلام ما عاد ابي اقعد بـ ظلام صار كابوس بـ النسبه لي

نطق صقر بـ غضب : ذا يستهبل؟؟؟

اكملت الريم وكأنها ما سمعت شيء : وانا خرجت واستحيت اعلم احد انوا هالولد تعرض لـي وكملت لـ البيت يوم يومين والجادل اختي لاحظت عليّا اني ما ابي اقعد في الظلام رغم انه كان مُتعتي اقعد في الظلام لكني فقدت هالمتعه رحت المدرسه اشوف الكل وجوه غريبه ولا احد ولا بنت وجهها طبيعي كلهم وجوههم تخوف ما قدرت اناظر فيهم قعدت اناظر في الأرض وانا امشي لـ فصلي وصلت الفصل والابله مطفيّه النور لجل يرقدون البنات كان مافي درس وكان الحل الوحيد لـ الابله تشجعت ودخلت لـ مكاني رغم اني قلت لكِ وجوههم ما كانت طبيعيه ابد يا صِبا وكاني اشوف وحوش حطيّت راسي على الطاوله وكُلي يرجف منتظره تخلص الحصه منتظره يخلص الدوام بكبره جات الفُصحه طلعت وانا احسني مب بخير ودموعي على خدي من المناظر اللي اشوفها فجأه وانتِ بكرامه في وسط الساحه تحت الانظار الاغلبيه استفرغ شيء اسود مب استفراغ طبيعي ويُغمى عليا ما حسيت بـ نفسي الا وانا في بيتي صارخت يوم شفت أشكالهم زي ماهي تخوف رغم انهم اهلي! خلاص فقدت اعصابي وصرت اصحى ويُغمى عليا من الخوف وبين اغماءاتِ كنت احلم بـ واحد يقول لي سحـىـركِ اللي ما خليتيه يقرب صوبك والسحىر حول البيت واصحى وارجع يُغمى عليا ويجيني نفسه يقول لي نفس الكلام وبعد ثلاثه ايام من هالحاله صحيت وكان في شيخ فوق راسي يقرأ عليا قلت له قال نفس كلام احد سحىرني والسىحر في مكان حول البيت وفعلََا صاروا يدورن حول البيت وبعد يومين صرت كويسه وصرت اشوف الخلق على طبيعتها لكن ما قدرت انسى اللي عشته من خوف رجعت المدرسه وانقلب الدور صاروا هما يخافون منيّ مب انا واشوفهم يتكلمون عليا ما تحملت اسبوع وتركت المدرسه

ناظرت الريم لـ صِبا : فـ هشيء خسرنيّ اشياء كثيره بس برضوا ما انكر كسبت أشياء خسرت اني ما اقدر اقعد بـ ظلام، ما احب ذِكر اللي أعوذ بالله منهم، ما عاد صرت احب المدرسه ابد بس كسبت اني صرت قويه مب زي اول ضعيفه

زفر صقر بـ غضب قام من مكانه : وين الىواطي!؟؟؟

دمعت عينيّ الريم وهيا تلّم نفسها لـ حضنها : قلت عنه يقولون ما يعرفونه، سعود ما يعرفه ولا يفتكر انه اصلا يومتها لعب كوره

-------------------

خرجت من الحمام تشوف صقر رجع يرقد تقدمت نحوهُـ بـ غضب : قم قم!! الصلاه منو بـ يصليها!! قرينك؟؟

ناظرها صقر بـ إنزعاج : زين وخري شوي برقد بس

الريم بـ قهر : الفجر من اول اذن قم صلِ بعدها سوي اللي تبيه!!

صقر بِـ حِده : يابنت الناس وخري عني ما يخصك متى اصلي!

الريم : دامني زوجتك فـ يخصني وبتقوم غصبََا عليك!

قام صقر من السرير بـ إنزعاج ينطق : وخري من قدامي

الريم : يلا اخلص صل وارقد فكني منك

ضحك صقر بـ سُخريه : زين

-------------------

دخلت طلا لـ غرفة آسر لأجل تصحيّه لـ الصلاه لكنه مب موجود! ظنت انه قام من نفسه والحين هو في المسجد لم تُلقي لـ الأمر بال تتوجه لـ غرفة غسان لأجل تصحيه نفس الشيء ما حّصلته إبتسمت بـ إستبشار : ماشاء الله على عيالي

توجهت نحو غرفة صقر تذكرت انه تزوج تنهدت : زوجته تصحيه روحي يا طلا

دخلت غرفة صِبا تشوفه تصلي إبتسمت طلا : الله يسعدك يابنتي

خرجت من الغرفه متوجهها نحو غرفتها

-----------------↚

دخلوا لـ التوقيف يناظرون نايف وهو واضح عليه الإنزعاج تقدم نحوه نديم : قسم لـ تشوف اللي ما يعجبنك انت بس خلك هنا وبتنسى شيء اسمه شمس

نايف بـ قهر وعدم فهم وخوف ممزوج في نبرة صوته : شسويت من اول أسألكم !!!

ناظرهـ غسان بـ إنزعاج ما ارتاح له رغم انه متأكد مليون بالميه انه ماله دخل في السالفه كلها لكن في شيء فيه ما تقبله والقبول من الله.

شتت انظارهـ من على نايف يناظر نديم والبقيه وهم يتكلمون وما ينكر غسان انه كان منزعج من نديم لـ تجاهلهُ له رغم انه كان يكلمه بـكل جديّـه ومع ذلك نديم ما عطى للموضوع رُبع من الأهمية ناظره نديم : مالي شغل هنا تروح معي المستشفى؟

غسان : تمام يلا

-------------------

أذن الظهر والكل يذهب لـ الصلاه آسر وغسان ونديم

كتف بـ كتف وكل شخص يدعي لـ حبيبه بـ الحفظ والسلامه

توجهوا نحو المستشفى يسمع آسر رنين جواله يُخرج جواله من جيبه يشوفها امه : ادخلوا شوي وجاي

دخل غسان و نديم يُجيب آسر على امه : ياحيّ يا نظر عيني امريني يانظر عيني شبغيتِ وحشتك صح؟.

طلا بـ غصب رافعه صوتها : وينكم؟؟ لا انت ولا غسان؟ لـ الفجر ولا الحين؟؟

ابتسم آسر لـ تجاهلها من كلامه : تمام يا امي بعلمك بس روقي تمام؟

طلا بقلق : شسالفه علمن اخلص ؟

آسر : وصايف تعبت شوي بس الحين هي بخير وحبيت اكون مع نديم وغسان معي لا تخافين كل شيء كويس وعّال العّال