في شقة ابو راكان

بعد ماطلبو اكل واكلو وخلصو قالت لهم ريف وهي مقهوره عشان اختها

ريف بحزن : اقدر اطلبكم طلب

كلهم مع بعض : عيونا لك

ريف : مين ياخذني البقاله بسوي شي

راكان : قومي البسي انا باخذك

ريف : تمام

راحت لبست واشترت كرتون مويه صدقه لاختها عشان تتشافه وحطتها بمكان وكانت مجهزه ورقه مكتوب فيها

كل شخص يشرب من المويه يدعي لاختي تطلع من العنايه

راكان شد على يد اخته وهي شدت عليه

ريف : الله يجزاك الخير

راكان : واياك

ريف : الله يرجعها لنا بالسلامه يارب

راكان : امين تبين شي ثاني

ريف : لا مشكور ي اخوي

قرر يمشيها شوي بالسياره قبل يرجع البيت لعلى نفسيتها تتحسن شوي بعد كم ساعه رجعو البيت وهي راحت غرفتها توضت وصلت ركعتين لربها تدعي لاختها وتبكي خايفه تفقد اختها

ريف بدموع : يارب الا اختي لا تروح مني رجعها لي بالسلامه

بعد ماخلصت قرت لها شوي من القران وبعدها قررت تنام ترتاح

رائد راح عند امه يشوفها لقها تصلي وتدعي ربها عشان بنتها

دخل وراح باس راسها بس شافها خلصت وقال

رائد : محتاجه شي يمه

ام راكان بحزن : ابي بنتي

رائد : ان شاء الله بترجع لنا وبننبسط كلنا ان شاء الله

ام راكان : كيف ريف

رائد : راحت مع راكان مدري وش تبي ورجعو وشكلها الحين نامت

ام راكان : زين باقوم اتطمن عليها وانت خلك جنب راكان

رائد : ابشري يمه

راحت ام راكان غرفة بنتها لقتها نايمه ودموعها بعيونها باست راسها حست عليها وقالت ريف

ريف : يمه خليك عندي بنام بحضنك

ام راكان : تعالي يروح امك بس لاتبكين امسحي دموعك

مرة الايام عليهم بحزن مايدرون يلاقونها من ايش ولا ايش مايلحقون يفرحون الا يصير معاهم شي يخرب عليهم فرحتهم

عند شخص زمان عنه

كان سالم بسريره وفي شخص يغني وجالسين شباب مع بعض ومسوين جو لانهم طفشو وهم بالسجن قام منزعج منهم وعصب عليهم

سالم بعصب : خلاص عاد انطمو ماتخلون احد ينام

واحد من شباب : وش تبي انت

سالم : اقول انطمو احسن لكم

الرجال : مارح نسكت

ورجع الولد يغني وهنا عصب سالم وراح ضربه بكس على وجهه وحاولو يبعدونه عن الولد بس هو من العصبيه ماحس على نفسه الا اخذ سكينه وطعنه فيها

هنا انجنو وخافو كلهم وصارو يصرخون عشان يجي لهم احد من الشرطه

جا واحد من الشرطه وشاف اللي صار وانصدم ولقى السكين مع سالم

الشرطي بصراخ : مجنون انت تسوي برا مشاكل وهنا بعد

اخذه وحطه بزنزانه لحاله عشان يشوفون شغلهم معاه بعدين اتصلو على الاسعاف وجو واخذو الولد وقبل يوصلون توفى الولد بسبب انه نزف دم كثير وواحد من الشرطه اتصل على رئيسهم وقال له وهنا وصل الخبر لاهل الولد وقالو مارح يتنازلون لان ولدهم كان بيخرج من السجن لان الحكم انتها عليه بس قدر الله انه يتوفى

الشرطي : اللي تبونه راح يصير وراح يلقى جذاته

ابو الولد : مارح ارتاح لين تعدمونه

الشرطي : بنشوف المحكمه وش راح تقرر وبعدها مايصير الا اللي تبونه

راح ابو الولد وشرطي راح عند سالم وضربه على اللي سواه وقال لهم

الشرطي : خلوه هنا ولاحد يجيب له اكل ولا شي لانه مجرم

سالم : تكفى لاتخلونهم يعدموني

الشرطي : انت جنيت على نفسك ماكفاك الاشياء اللي تسويها قمت قتلت الولد

سالم : هو حيوان مارضي يسكت

الشرطي : انت لازم تاخذ جزاتك والاهل ماهم متنازلين

هنا سالم ضاقة الدنيا عليه ماعرف وش يقول سكت ورجعوه الزنزانه وسكرو عليه واصحاب الولد وصلهم الخبر ان صاحبهم توفى وصلو عليه صلاة مية الغائب

في المستشفى عند سلطان

بعد ما كان يهلوس في العنود صحي والحراره راحت منه جات له اسيل وقالت

اسيل : كيفك الحين

سلطان : الحمدلله اف طفشت بخرج من هنا

اسيل : انت تعبان ماينفع

سلطان بعناد : اقول كلمي الدكتور يسوي لي خروج

اسيل : اف عنيد باشوف الدكتور

راحت اسيل عند الدكتور وقال لها

الدكتور : خل اشوفه اول وبعدها نقرر

اسيل : تمام

رجعت اسيل عنده وقالت له

اسيل : الدكتور يقول بيجي يشيك عليك وبعدها بيقرر اذا يسوي خروج

سلطان : اف

اسيل ضحكت : طلعت تحب العنود

سلطان : ما احب احد

اسيل حبت تنرفزه قالت

اسيل : الا امس من التعب ماتبي احد غير العنود

سلطان : قلت لك ما احب احد بعدين انا ما ادري شي عنها

اسيل : حتى الدكتور يقول انك تحب من كثر ماتقول العنود

حس سلطان انه تفشل وجلست اسيل تضحك عليه وهو عصب

سلطان بعصبيه : خلاص عاد ي مستفزه

اسيل بضحك : هههههه شكلك يضحك وربي

جا لهم الدكتور وقال لهم يقدرون يسون خروج لانه صار احسن وراحت الحراره منه وسو خروج ورجعو للقصر وكل شوي اسيل تنرفز سلطان بنفس الموضوع

.

.

عند ريم بالمستشفى

ريم وهي بالعنايه وحولها الاجهزها وكل شوي ممرضه رايحه وممرضه جايه يتطمنون عليها عشان قلبها مايوقف

فجأة قلبها وقف والجهاز صار يطلع صوت

الممرضات صارو يجرون ولي تدور على الدكتور وماحصلوه انجنو

وحده من الممرضات قالت : وين راح الدكتور

الممرضه الثانيه : مدري

حاولو يسون اللي يقدرون عليه عشان يرجع القلب يشتغل مافاد معاهم حسو لحظتها ممكن يخسرون ريم

صارت وحده من الممرضات تركض وفجأة خبطت في احد

الدكتور : اشبك

الممرضه : واخيرا جيت الحق البنت اللي بالعنيه توقف قلبها حاولنا نسوي اللي نقدر عليه بس ما قدرنا

هنا الدكتور من كلامها صار يركض يلحق البنت عشان ينقذها

الدكتور : بسرعه جهاز ضربات القلب

جابوه له وحاول مره اثنين ثلاثه اربعه وبرضه مافي نتيجه

الدكتور : يارب كون معانا وساعدنا

الممرضه : ي دكتور لسه القلب متوقف

الدكتور : خلو جهاز الضربات اعلا شي

سو زي ماقال ورجع يجرب هنا الدكتور حس بينجن مايبي يكسر اهلها بخبر مو كويس فوق ما هم مكسورين

لحظتها وهو يرجع يسوي ….

في قصر ابو سلطان

بعد مارجعو قررت اسيل تروح غرفتها تاخذ شور خفيف وبعدها تكلم خويتها ريم يخرجون مع بعض للبحر

دخلت اسيل للحمام( الله يكرمكم) تروشت وبعد ماخلصت خرجت وهي تنشف شعرها رسلت لخويتها

اسيل : ريم فاضيه ابي نطلع سوا للبحر

بعد نص ساعه ردت ريم وقالت

ريم : اي كنت باقول لك لان طفشانه

اسيل : يلا نجهز وبعدي عليك انا مع السواق

ريم : تمام

راحت اسيل تجهز وبس خلصت راحت عند سلطان ودقت الباب

سلطان : تفضل

اسيل بضحك : حبيب العنود انا بطلع مع السواق للبحر

سلطان بنرفزه : اف منك روحي وفكيني منك

اسيل : باقول شي عادي

سلطان : اطلعي اطلعي اعرف وش بتقولين

طلعت اسيل وهي ميته ضحك وكلمت السواق يجهز السياره وبس جهزها ركبت وقالت له يروح بيت صحبتها وبس وصلت كلمتها

اسيل : انزلي انا تحت ريومي

نزلت ريم وراحو للبحر وهم هناك كان راكان يتمشى هناك ووجهه تعبان ومخنوق حتى عبد العزيز ما قاله يجي معاه يحس وده يصرخ اول مره يحس بضعف

اسيل : تدرين مسكت طقطقه على سلطان

ريم : وش قولي خل اضحك

اسيل : كان تبعان وبالمستشفى كل شوي يقول العنود وانا مسكته طقطقه حبيب العنود وحبيب العنود

ريم بضحك : ههههههه مسكين رحمته

كانو يمشون بالصدفه خبط راكان بـريم من غير قصد

راكان بضيق : اسف والله ما اقصد صار لك شي

ريم : لا حصل خير

اسيل بصدمه : انت

.

.

في فيلة ابو لؤي

كان قاعد لؤي على السرير ماله خلق يروح الدوام كان يقلب بالتيك والبرامج شاف اسوره حلوه قرر يشوف وين موجوده ويخرج يجيبها لريماس يمكن كذا تحن عليه

لؤي : باقوم اخذ شور واحلق وارتب نفسي واروح لريماس

جات تالين شافته يجهز بدله حلوه هي هنا انقهرت وحست انه بيروح لريماس قالت

تالين بقهر : وين بتروح

لؤي : مالك دخل ويلا كوي لي القميص مستعجل

تالين : مارح اسوي شي لين تعلمني وين بتروح

لؤي : سوي اللي اقولك عليه من غير اسأله

مارضيت تالين تسوي له شي ناده وحده من العاملات تسوي له اللي يبي وهو دخل الحمام (الله يكرمكم) يحلق ويتروش وكلم صاحب المحل يجهز له كل شي على مايخلص

لؤي : بسوي المستحيل عشان تسامحيني

خلص وخرج وراح نشف شعره ولبس ملابسه وتعطر واخذ ساعته لبسها ونزل

وهو نازل شافه ابوه قال له

ابو لؤي : الله متكشخ وين بتروح

لؤي : باروح لريماس بحاول اخليها ترجع

ابو لؤي : بتوفيق

رسل لها وقال انه بيجي ويبي يشوفها وان مايبي احد يكون معاهم

راح للمحل واخذ الهديه حساب عليها وخرج وتوجه لعندها

في المستفشى عند ريم

كان الدكتور يحاول لين فقد الامل وقال لهم الدكتور وهو متضايق

الدكتور بضيقه : خلاص توفت القلب مو راضي يستجيب

الممرضه مافقدت الامل وراحت من نفسها تجرب وهي مو مهتما لكلام الدكتور

راحت تحرب وقام الجهاز التشغل والقلب رجع ينبض

هنا الممرضه فرحت وقالت

الممرضه بفرح : دكتور اشتغل القلب الجهاز رجع زي ماكان

الدكتور بصدمه : وش صار

الممرضه : جربت واشتغل الحمدلله

الدكتور : بسرعه خل نعدل لها الاجهزه عشان مايرجع يوقف

الممرضه بأحراج : اعتذر منك دكتور عشان اللي سويته

الدكتور بفرح : انا اللي اشكرك فقدنا الامل وبفضل الله ثم انت تحرك القلب

الممرضه : الحمدلله واجبنا يادكتور

بعد ماخلصو وطلعو الدكتور صار يتكلم عن الممرضه ذي وايش سوت عشان تنقذ حياة مريضه من الموت مع ان ولا عمره احد كان يقدر يسوي شي اذا قال الدكتور ان المريض توفى

ووصل للاداره الخبر حقون المستشفى وقررو يسون لها مكافأة لان قليل اللي مثلها يسوي كذا بالعاده الممرضات فقط يمشون على كلام اي دكتور

نزلو لها مكافأة فوق راتبها وكرموها قدام الكل

الممرضه : ولو انا سويت واجبي وعشان اهل المريضه

راحو وهي صارت اللي تدخل وتروح عند ريم تطمن عليها ماحبت احد ثاني يدخل عندها

الممرضه : اتمنى ماحد يدخل عندها انا مسؤله عنها

الدكتور : اي ياريت فقط الممرضه نوره هي اللي تهتم فيها ولي تقوله لكم سوه

.

↚

في الشركه عند الياس

دخل بعد فتره طويله وكان سمير ماسك عنه كل شي وكان يدير الشركه عشان ماتخسر وكان الذراع اليمين لـ الياس ويوثق فيه مره

سمير : اهلين استاذ الياس نورة الشركه

الياس : بوجودك تعال معي المكتب

سمير : تمام بس ثواني اقول لهم يسون قهوتك

الياس : اي والله احتاج

راح سمير وقال لهم وراح للمكتب عند الياس ودخل

الياس : ادري تركت الحمل كله عليك وتعبتك معي

سمير : بالعكس تعبك راحه وكل شي بشركه زي ماتبي واكثر

الياس : الله يسعدك

سمير : صح مادريت

الياس : وش صاير شي

سمير : سمعت من واحد اعرفه بالشرطه بعيدمون سالم

الياس بصدمه : اما ليه

سمير : يقولون طعن واحد قرب خروجه من السجن واهل الولد مو متنازلين

الياس : الله يعين

سمير : شفيك تضايقة

الياس : لا هذا اصلا مجرم يخوف

سمير : اي يقولون كذا طلع مسوي اشياء كثير قبل يجي يشتغل عندنا

الياس : المهم الحين انت لازم تاخذ اجازه

سمير : مايحتاج

الياس : الا وبسفكر على حسابي

سمير بخجل : اممم الصراحه ما اقدر اسافر لي يومين مكلمين اهلي ناس يخطبون لي

الياس : مبروك الله يتمم لك ولي تبيه انا حاضر فيه

في فيلة ابو ريماس

بعد ماوصلها خبر ريماس ان لؤي جاي قامت جهزت احلا فستان عندها ودخلت الحمام (الله يكرمكم) وبس خلصت خرجت وبدت تحط الكريمات وتنشف شعرها فجأة دق الباب

ريماس : مين

ام ريماس : انا يمه

ريماس : دقايق يمه افتح لك الباب

فتحت لها الباب ودخلت

ام ريماس : اشبك مسكره الباب

ريماس : كنت اتروش

ام ريماس لمحت الفستان واستغربت وقالت

ام ريماس : في احد جاي

ريماس : اي كنت باجي اقولك ان لؤي بيجي مدري وش عنده

ام ريماس : تمام باقول لابوك

خرجت ام ريماس وخلت بنتها تاخذ راحتها وريماس رجعت تكمل الكشخه حقها

ريماس : بسم الله ماشاء الله علي

حصنت نفسها وبس خلصت نزلت تحت وقالت لهم يجهزون القهوه وصل ودخل وبعد السلام اعطها الهديه وقال

لؤي : انا اسف على كل شي بدر مني وانا حاسبت تالين عشانك

ريماس : تمام بس انا بفكر متى ارجع اخاف على بنتي منها

لؤي بغيره : حذفتي الفيد

ريماس ……..

.

.

في الديره

مر اسبوع على قعدت العنود بالمستشفى و تحس انها طفشت ودها تخرج من المستشفى

العنود بطفش : مارح يسون لي خروج طفشت

روان : مدري الدكتور يقول لسه

العنود : خل يسون وربي طفشت

روان : تمام باشوف الوضع خل ناكل

بدو ياكلون وبس خلصو شالت روان كل شي وقررت تخرج تجيب لها وللعنود قهوه وبالصدفه سيف كان بالمستشفى يشوف الضغط لان كان يحس بدوخه لمح ان روان خرجت من غرفة العنود دخل

العنود بخوف : مين

سيف : انا ماعرفتيني

العنود بتوتر : الا وش تبي لاحد يشوفنا

سيف بخوف : انت بخير

العنود : اي الحمدلله

سيف : محتاجه شي تبين شي ضربك صح

العنود بحزن : اي ضربني لان شافني معاك

سيف : اخ ماعليه لاتضايقين

فجأة رجعت روان ودخلت الا تشوف ومن الصدمه …..

في البحر عند راكان واسيل

اسيل بصدمه : انت

راكان : انت بكل مكان تطلعين لي

اسيل : ريم شوي واجيك روحي الكوفي شوفي لنا طاوله

ريم بأستغراب : تمام بس لا تتأخرين

اسيل : واضح انك تعبان

راكان بتعب : لا مافي شي انا باروح

اسيل : شفيك تتهرب مني

راكان : ما اتهرب بس انا في موضوع شاغل بالي

اسيل : اها تمام

راكان : تبين شي

اسيل : لا تسلم

راكان : تمام انتبهي لنفسك

اسيل : تمام وانت بعد

توترت اسيل وراحت عند صحبتها لان حست بفشله

ريم : شفيك

اسيل بفشله : احس بفشله قالي انتبهي لنفسك وقلت انت بعد

ريم بضحك : هههه قولي يمكن ربي رد لك اللي تسويه بسلطان اخوك

اسيل : مع نفسك والله لايفشل مسلم وقومي اطلبي لنا قهوه

ريم : تمام

قامت ريم تطلب لهم قهوه وحلا واسيل تسب نفسها عشان اللي سوته وبنفس الوقت تحس ان راكان صاير شي معاه مره كبير

ريم : وين صفنتي

اسيل : ولا شي اي

ريم : اي واضح انك معي اقول خذي القهوه

جلسو يسولفون ومبسوطين بعد ماخصلو رجعو يتشمون بالبحر وبعد كم ساعه قررو يرجعون كل وحده لبيتها واسيل مو قادره تنسى الموقف اللي صار

ريم : تدرين الولد اللي خبط فيني حلو

اسيل بقهر : لا معفن يع

ريم : اشبك

اسيل : ولا شي

وصلت ريم لبيتها وبعدها رجعت اسيل القصر

.

↚

في فيلة ابو ريماس

لؤي بغيره : حذفتي الفيد

ريماس : لا ماحذفت شي ولا بحذفه

لؤي : ريماس احذفي الفيد الحين قدامي

ريماس : مابحذف شي

هنا لؤي ماتحمل وعصب ورفع صوته عليها

لؤي بصراخ : اقول كلمتي تسمعينها وتحذفينه

ريماس ببكاء : انت عاد تتزوج وعادي تسوي اللي تبيه ولي تحبه بس انا لا لازم اتحمل ولا كأن عندي مشاعر

هنا لحظتها جا ابو ريماس على صراخهم شاف بنته وانصدم

ابو ريماس : شفيك ي ريماس وش سويت لها

لؤي : عمي زوج وزوجته يتفاهمون ماحد له دخل

ابو ريماس بعصبيه : بنتي خط احمر تفهم وقسم بالله ماتشوف خير

ريماس من القهر حست نفسها تعبت قامت طاحت على الكنب

ابو ريماس : فيك شي

ريماس : خل يطلع من هنا تعبانه انا

ابو ريماس : تمام بنادي لك امك

راح ناده لها امها وجات اخذتها وودتها غرفتها ترتاح وماهتمت للهديه خلتها تحت عنده

في شقة ابو راكان

كانت ام راكان جالسه تفكر في بنتها وودها تروح تطمن عليها قامت من عند بنتها وخرجت تدور علو راكان بس ماحصلته شافت رائد راحت عنده

ام راكان : مساء الخير يمه

رائد : مساء الحب امريني

ام راكان : وين راكان

رائد : خرج محتاجه شي

ام راكان : السياره معاه صح

رائد : اي

ام راكان : كلمه ابي اروح التطمن على ريم

رائد : ابشري الحين اقوله

راح رائد واتصل على راكان وبعد مده رد

رائد : السلام عليكم

راكان بخوف : وعليكم السلام فيكم شي

رائد : لا بخير بس امي تبي تروح تطمن على ريم وانت معك السياره

راكان : الحين اجي لكم خل اللي يبي يروح يجهز

رائد : تمام

قفلو من بعض وراح يخبر امه

رائد : يمه راكان يقول اللي يبي يروح يجهز على مايجي هو

ام راكان : تمام

سمعتهم ريف وقالت

ريف : انا باروح

ام راكان : تمان يلا اجهزي

راحو كلهم يجهزون وبعد ساعه وصل راكان واتجهو للمستشفى عشان يتطمنون على ريم

نزلو وراحو يسألون عنها وسمعو اللي صار وراحت ام راكان تتشكر الممرضه نوره علو اللي سوته

ام راكان : مشكوره تدرين بعملتك ذي رديتي روحي

الممرضه : ولو واجبنا ياخاله

ام راكان : الله يسعدك يارب

.

.

في الشركه عند الياس

وهو يتكلم مع سمير ويتفاهمون عشان زواج سمير

سمير : مشكور مره ي استاذ

الياس : ولو هذا على قد تعبك معي

سمير : اقدر اخذ اذن بكره غياب

الياس : في شي

سمير : الوالد يبيني عشان امور زواجي

الياس : مو مشكله واذا ناقصك شي كلمني اعتبرني زي اخوك

سمير : ان شاء الله

خرج سمير وراح الياس يشوف امور الشغل ويتفقد الموظفين اللي عنده وكلم حق الرواتب يزيد راتب سمير عشان زواجه

الموظف : امرك استاذ

الياس : اليوم في اجتماع بس احنا الموظفين ابيك تكون موجود

وصل الخبر للكل وكل شخص جهز نفسه للاجتماع عشان يشوفون وش الموضوع

دخلو كلهم ووقف الياس يتكلم معاهم

الياس بفرح : اول شي مشكورين كلكم على وقفتكم بالشركة بغيابي وكيف ماخليتوها تضيع

كلهم مع بعض : ولو واجبنا

الياس : انا جمعتكم عشان اتشكركم واقولكم ان في مفاجأة لكل واحد بالشركة

واحد من الموظفين : وش هي

الياس : بزيد راتبكم ذا الشهر

كلهم فرحو ومبسوطين وحسو ان اللي سوه بغياب الياس شي كبير

سمير : الله يسعدك ي استاذ

الياس : وهذا اقل شي اقدمه لكم وبكره بعطيكم اجازه لان انا باكون مشغول وسمير بعد بيكون مشغول

كلهم مع بعض : الله

فرحو كلهم والياس يحمد ربه على موظفينه لان ماخلو الشركة تطيح ويخسر كل شي

في الديره

بعد مادخلت وانصدمت من اللي شافته انكبت القهوه من يدها وكانت بتنحرق بس الله ستر

روان بصدمه : ذا وش يسوي هنا

العنود بخوف : روان تكفين لاحد يدري

روان : علميني مين ذا ي المها

سيف بينه وبين نفسه : وطلع اسمك المها الله يجنن

العنود : اسمعيني وافهميني ولا تعلمين احد

سيف : اي اسمعينا وافهمينا

روان : تمام تكلمو

سيف : انا معجب بالمها وانا اللي انقذتها يوم رجلها كان فيها جرح وتذف كثير دم وابوكم فهم غلط

روان : وليه جيت الحين هنا

سيف : ماقدرت جيت التطمن عليها

العنود بصدمه بسبب كلامه

العنود : والله مابينا شي غلط انا مثلك يوم جا انصدمت وتو ادري انه معجب فيني

روان : تمام بس ممكن تطلع لان ابوي كم ساعه ويجي

سيف : تمام بس قبل اطلع امانه ماحد يدري

روان : تمام

سيف حس انه مو متطمن قام قال

سيف : اكيد

روان : اي بس بالله اطلع عشان ابوي مره عصبي

خرج سيف وهو يدعي مايصير شي للمها

وروان راحت عند المها وقالت

روان بحنيه : شوفي الصراحه مارح اعلم لان انا ماودي يصير لك شي زياده

العنود براحه : الله يسعدك يارب

روان : بس الحين حركات عندك معجب

العنود بخجل : انا مثلي مثلك مصدومه

جو اهلهم وسكرو الموضوع عشان لاحد منهم يسمع

روان بأذن العنود قالت

روان : خل يروحون وبعدين نكمل حديثنا

ضحكت العنود وجات لها ام روان

ام روان : كيفك اليوم

العنود : الحمدلله بخير

ام روان : عسى دوم

العنود : يبه

ابو روان : نعم

العنود : يبه اسمعني ممكن

ابو روان : مابسمع شي

روان : يبه الا بستمع المها ماغلطت بشي رجلها كانت مجروحه والولد انقذها وماصار شي بينهم

ابو روان : تكلمي زين مع ابوك

روان بشجاعه : انا بتكلم ما ارضى الظلم لاحد يبه يكفي اللي تسونه انت وامي تخيل انا مكانها وصار لي مثلها ولي اخذني عنده ضربني وتنت ماتدري

ابو روان بخوف : لا بسم الله عليك

العنود بحزن : اذا ماتبوني خلوني وانا اروح

روان شدت على يدها وقالت

روان : انا مارح اخليك ببقى معك وجمبك

ام روان تكلمت وقالت

ام روان بضيقه : لا نبيك ونحبك

ابو روان بضيقه ….

رايكم وتوقعاتكم وش راح يصير بالبارتات الجايه وهل بتتغير معاملة ابو روان مع العنود

عند اهل راكان بالمستشفى

كانت الممرضه نوره تطالع بشكل رائد عاجبها وهو استغرب من نظراتها له مهتم وجو بيروحون قامت قالت نوره

نوره : لاتشيلون هم ان شاء الله بتصحى بس الضربه اللي جات مأثره عليها فالدكتور يقول يبي لهم ايام عشان تصحى

طالع راكان في نوره وهو مستغرب كيف تناظر رائد بس مهتم قال بعدين بيتكلم مع رائد

ام راكان : تمام ان شاء الله تقوم لنا بالسلامه

راحو ورائد طاح منه شي ونزل بيجيبه لقاها تحت بتجيبه له والتقت عيونهم ببعض

نوره : اتفضل

رائد : مشكوره

خرجو ورجعو البيت ودخلو وراح رائد غرفته وهو مستغرب ليه كذا تناظره ويكلم نفسه ويقول

رائد بينه وبين نفسه : اف والله انها حلوه عيونها حلوين

فجأة دق الباب وقال رائد

رائد : تفضل

راكان : بتكلم معاك

رائد : تفضل

راكان : عندي سؤال مستغرب منه

رائد بتوتر : وش

راكان : الممرضه ليه كذا تطالع فيك

رائد بإحراج : مدري يمكن مشبه علي

راكان : متأكد

رائد : انت تعرف ما عمري شفتها شفيك

راكان بضحك : شكلها معجبه فيك واضح من نظراتها راح تاكلك

رائد بضحك : اقول اطلع برا بلا اعجاب بلا خرابيط

خرج راكان وراح رائد على السرير وهو مو قادر يتخطى عيونها وجلس يقلب بالجوال مايبي يفكر فيها كثير

.

.

في الشركه عند الياس

بعد ما خلص من الاجتماع رجع المكتب وقال لسمير يجي عنده

سمير : امر استاذ الياس

الياس بضيقه : تدري للحين مو قادر الاقي اختي

سمير : وش صار

الياس : مدري مدري كيف رجعت اختفت

سمير : ان شاء الله بتلقاها

الياس : يارب وماودي اتزوج وهي مو موجوده

سمير : دورت عليها

الياس : دورت ماخليت مكان مدري وين اختفت ليكون احد مره ثانيه خطفها

سمير : ممكن

الياس : اف كل ما اقول اموري انحلت يجي شي ويخرب علي

سمير : ماعليه الحمدلله على كل حال انت خل املك بالله كبير وان شاء الله تلقاها

الياس بضيق : انا برجع عند امي ذي الفتره مو قادر اخليها لوحدها جالسه تتعب عشان اختي

سمير : الله يبعد عنها كل تعب ويخليها لكم وترد لكم اختك يارب

الياس : يارب الله يسمع منك

خرج الياس وراح عند امه مايقدر يخليها لحالها لان من تفكر ببنتها تتعب

في فيلة ابو ريماس

بعد ماخرجت ريماس لغرفتها بمساعدة امها لان كانت تعبانه جلس ابو ريماس مع لؤي وهو مقهور على بنته ووضعه كذا

ابو ريماس : وبعدين ي لؤي لمتى كذا وضع بنتي كل ماتيجي عندها تتعب

لؤي : انا ابيها ترجع معي عاد بنتك مصختها وتلومني لاتزوجة عليها

ابو ريماس : تكلم زين على بنتي اتركها فتره خليها ترتاح

لؤي بقهر : معاها اسبوع وبعدها باخذها غصب عندي

ابو ريماس : يصير خير

لؤي : انا بمشي

خرج لؤي وهو مقهور وابو ريماس متنرفز منه ومن كلامه راح عند زوجته

ابو ريماس : عاليه وينك

ام ريماس : هنا

ابو ريماس : تعالي

ام ريماس : جيت

ابو ريماس : كيفها ريماس

ام ريماس : بالقوة نامت وكانت متضايقه وتبكي

ابو ريماس : بس تصحى كلميها قولي لها ابوك يقولك ان تجهز نفسها اي وقت هي تبي بطلع معاها اغير نفسيتها

ام ريماس : اي احسها محتاجه لك اطلع معاها لوحدكم يمكن ترتاح

ابو ريماس : اي ان شاء الله بس اهم شي هي ماتتعب عشان اللي في بطنها

راحت ام ريماس تشوف بنتها تطمن عليها لقتها نايمه باست راسها وجرت بعد كم ساعه قامت ريماس تحس متضايقه ونفسيتها مو حلوه

ريماس : يع وش ذا ليه احس بضيقه

خرجت من الغرفه تدور امها

ريماس بضيقه : يمه

ام ريماس : وش فيك ليه صحيتي

ريماس : ابي ابوي وينه احس بضيقه

ام ريماس : ابوك يقولك شوفي متى ودك تخرجي معاه وكلميه عشان بيطلع معك

ريماس : وينه

راحت لغرفة ابوها ودقت الباب

ابو ريماس : تفضل

ريماس : يبه ممكن شوي

ابو ريماس : عيون ابوك

ريماس بدموع : تعبانه يبه ودي اخرج معك اغير جو

ابو ريماس ماتحمل دموع بنته وراح حضنها

ابو ريماس : امسحي دموعك لاتبكين بنطلع ونسوي كل شي مع بعض تبن متى

ريماس : ودي الصباح افطر واشتري اشياء بخاطري

ابو ريماس : خلاص ابشري بخلص كم شغله للشغل وبعدها بنام والصباح نطلع

خرجت وراحت غرفتها تصلي لها ركعتين تدعي فيهم لعلها ترتاح

في الديره

ام روان تكلمت وقالت

ام روان بضيقه : لا نبيك ونحبك

ابو روان بضيقه : سامحيني ي بنتي

العنود : ماعليه حصل خير

ام روان : الله يديمنا

كلهم مع بعض : امين

ابو روان : وش قال لكم الدكتور متى بتخرج

روان : مدري يقول لسه

ام روان : شكلها مطوله

العنود بطفش : بس انا طفشت

ابو اروان : ماعليه بنشوف الدكتور انا وامك

خرجو يشوفون الدكتور وبعدها بيشمون ورجعت روان تكلم كلامها مع العنود

روان : تحبينه

العنود : احب مين

روان : الولد

العنود : بالله كيف احبه وانا ما اعرف شي عنه غير ساعدني

روان بأعجاب : اقول واضح انه مز

العنود : الصراحه اي ياحظ اللي بتتزوجه

روان : اي والله

طلبو اكل لان العنود جيعانه وانتظرو يجي لهم وبعد ساعه وصل لهم الاكل وبدو ياكلون ويسولفون

فجأة العنود سرحت تفكر بـ سيف وماهي حول روان

روان : وين سرحتي

العنود : ولا شي اي كملي

روان بضحك : ههههههه واضح انك معي

العنود : معك معك

ضحكت روان عليها وقالت شكلها تفكر بالولد

العنود : تعالي نلعب طفش

روان : وش

في لعبه نحملها بالجوال وهي اسأله نسأل بعض وهي جراءة وصراحه

روان : اي يلا تحمست

بدو يلعبون ويسألون بعض وجا سؤال ماعجب العنود قالت

العنود : تكفين غيري السؤال

روان : ماني مغيره شي

العنود : وانا مارح اجاوب شي

روان : بالله بتجاوبين

العنود : طيب يلا

روان : لو قالو لك مين الشخص المعجبه فيه وش بتجاوبين

العنود بأحراج : الولد اللي كان هنا

روان بغمزه : وطلعتي انت بعد معجبه فيه

العنود : انطمي اقولك غيري ماتبين

روان : لا حبيبي بنجاوب

العنود : اوك لاتموتين

كانت العنود فرحانه بعلاقتها مع روان وكيف تدافع عنها وتغير لها جوها بعد كل شي صار معاها وقررت العنرد تنام شوي لان تحس بتعب شوي

وروان راحت تتفرج المسلسل الكوري حقها لان نزلت منه حلقه بعد ما تأكدت ان العنود نايمه

في شقة ابو هتاف

كانت هتاف جالسه بالغرفه بالتويتر تبي تنزل تغريدات ومن ضمن التغريدات نزلت عباره مكتوب فيها

‏أبي مليون قلب أحبّ فيهم أبوي

‏حسافة قلبي الواحد بس يحبه❤️

هنا هتاف من حبها خلت العالم يدرون هي كيف تحبه لابوها

بعد ماخلصت خرجت وجاتها اشعارات من الناس يدعون لابوها استانست

كانت هتاف من وهي صغيره تحب ابوها متعلق فيه واذا احد قال لها تحبين مين بكل حب تقول احب ابوي

هتاف : الله يطول بعمر ابوي يارب

خرجت من غرفتها وراحت عنده لابوها ودقت الباب

ابو هتاف : تفضل

هتاف : كيفه حبيب بنته

ابو هتاف : جات حبيبة ابوها

راحت جري عند ابوها وحضنته ما تنسى كيف ابوها كان مايخلي شي بخاطرها وهي صغيره وكيف الحين مايقدر يمشي

ابو هتاف حس عليها وقال

ابو هتاف : شفيها حبيبتي

هتاف : لا ولا شي

ابو هتاف : متضايقه عشاني صح

هتاف بضيقه : اي شوي

ابو هتاف : ماعليه ربي ارد كذا والحمدلله على كل حال

هتاف : تبي شي محتاج شي يبه

ابو هتاف : اي جيعان

هتاف : الحين احلا اكل

راحت هتاف للمطبخ وكانت امها بالمطبخ شافتها

ام هتاف : وش تسوين

هتاف بحب : بسوي لابوي حبيبي اكل

ام هتاف : زين وانا باروح ابدل ملابسه

هتاف : تمام

راحت ام هتاف وكانت هتاف جالسه تسوي الاكل وبس خلصت بالغلط طاح منهت كوب جات لها امها

ام هتاف بعصبيه : وبعدين معاك وانت تكسرين المواعين

هتاف بحزن : بلغلط

ام هتاف بصراخ : كل مره بلغلط

هتاف بدموع : انا باروح اعلم ابوي

راحت هتاف عند ابوها واستغرب انها تبكي

ابو هتاف : مين زعلك

هتاف : بابا شوف ماما عصبت علي عشان كاسه انكسرت

ابو هتاف : امسحي دموعك انا بتفاهم معك

↚

جات لهم ام هتاف وقالت

ام هتاف : بتدافع عنها وهي بس تكسر مواعيني

ابو هتاف : فداها نجيب غيره بس لاتعصبين عليها

حضنت هتاف ابوها ومسحت دموعها وقال لها

ابو هتاف : وين الاكل

هتاف بحب : الحين بحطهم واجيبهم

راحت وجابت كل شي وجلست تاكل مع ابوها ومقهوره كل ماحاولت تحسن علاقتها مع امها تخرب بسبب اي شي وان امها بس تعصب عليها

وبس خلصو شالت كل شي هتاف وغسلتهم وراحت غرفتها

ابو هتاف تكلم وقال

ابو هتاف : خفي شوي على البنت

ام هتاف : اي بس تدافع عنها

ابو هتاف : اي واذا انكسر ترا مو اخر الدنيا

ام هتاف بعصبيه : اي عادي ينكسر ونجيب غيره ماتتعلم تحافظ

ابو هتاف : تعصبين علي ليه اتكلمي في ادب واتركي بنتك

ام هتاف انقهرت وراحت تخلص اللي تسويه وهو مستنرفز من اسلوبها معاه

في قصر ابو سلطان

كان جالس سلطان بالحديقه وكان مدفي نفسه لان جو البارد ومعاه كوب شاهي وجالس يتأمل السماء

جات على باله العنود تكلم وقال

سلطان بينه وبين نفسه : ذي وين اختفت ليكون احد خاطفها اف

فجأة جا له عمر وهو يبكي وراح جري لحضن سلطان

سلطان : شفيك

عمر : ولاشي

سلطان : مين مزعلك

جات المربيه وشافته عند سلطان كانت بتروح بس قال سلطان

سلطان : تعالي

المربيه : وش

سلطان : شفيه ليه يبكي

المربيه : مدري يبكي يقول ابي سلطان

سلطان : اجل خلاص خليه معي

المربيه : تمام

عمر : سلطان

سلطان : عيون سلطان

عمر : ابي العب معاك كوره

سلطان رغم انه ماله خلق بس ماحب يكسر خاطر عمر قام لعب معاه ويضحكون يحس شوي سلطان نفسيته تغيرت بس لسه مشغول باله على العنود

لعبو ساعتين وبعدها عمر قال

عمر : خلاص تعبت

سلطان : وانا بعد

عمر : ابي البقاله

سلطان : روح البس وانا بجيب المفتاح

عمر بفرح : الله شكرا

سلطان : قول لندى اذا تبي شي

راح عمر عند المربيه تلبسه وبس خلص نزل وراح عند سلطان وراحو البقاله

جلس سلطان يتخيل ان اللي جنبه العنود وحامله ولدهم وراحو البقاله يجيبون اشياء لولدهم لانه يبكي ويبي البقاله

سلطان بضيقه : اخ وينك ي العنود ارجعي لي

وصلو نزلو وجابو كل شي يبونه ولي طلبته ندى وحساب سلطان ورجعو القصر وراح عمر عند ندى وسلطان دخلت غرفته متضايق وده لو يسمع عنها خبر واحد وقرر يوم يشوف فيه الياس ويكلمه عشان العنود

جلس على السرير يقلب في التيك وفجأة تطلع له اغنيه فيها اسم العنود تضايق وغيرها وهو ماله خلق شي

في فيلة ابو ريماس

صارت الساعه ٨الصباح راحت ريماس غرفتها اخذت لها شور دافي وبس خلصت لبست وحطت مكياج خفيف وراحت تشوف امها

ريماس : يمه

ام ريماس : هلا

ريماس : وين ابوي

ام ريماس : ابوك بالحمام (الله يكرمكم)

ريماس : زين انا جاهزه

ام ريماس : الحين اشوفه انت اجلسي ارتاحي

راحت ام ريماس غرفتها ودخلت وشافت زوجها قالت له

ام ريماس : ترا ريماس جاهزه

ابو ريماس : تمام بس ٥ دقايق واكون جاهز

ام ريماس : تمام

خرجت ام ريماس وخلته على راحته وراحت المطبخ تكلم العاملات وش يسون لها ويرتبون وبعد ٥دقايق نزل ابو ريماس وخرج هو وريماس وركبو السياره

ريماس بحب : صباح الخير يبه

ابو ريماس : صباح الورد لاحلا بنت بالعالم

ريماس : كان اخذنا امي معانا

ابو ريماس : ماعليه نعوضه المره الجايه انا قايل لها بطلع معك

تحركو وراح ابوها اول شي اخذها مطعم يسون فيه فطور ذا الوقت ونزلو ودخلو وبدو يطلبون

ابو ريماس : ممكن نتكلم

ريماس : امر يبه

ابو ريماس : لي فتره اشوفك متضايقه

ريماس بتنهيده : اي يبه تعبانه

ابو ريماس : ي جعل التعب بعدوينك

ريماس : يبه تعبت من لؤي ومشاكله

ابو ريماس شد على يد بنته وخلاها تكمل

ريماس بدموع : يبه ليه يتزوج علي عشان ما كنت اقدر احمل كثير ناس ماتحمل وبعد سنين يحملون

ابو ريماس ماتحمل دموع بنته وانقهر عليها قال لها

ابو ريماس بحنيه : امسحي دموعك يبه ولاتعكرين مزاجك يلا افطري عشان صحتك وبعدها نشوف وين نروح

ريماس : يبه اقدر اطلب طلب

ابو ريماس : تدللي ي عين ابوك

ريماس بحب : بخاطري اروح محل اشتري منه حاجه

ابو ريماس : ابشري

خلصو اكل وحاسبو وراحو يتمشون شوي بالسياره وبعدها ابوها اخذها المحل اللي هي تبيه وكان خاطرها

تروح تشتري سماعه بلوتوث نزلت جديد

ريماس : يبه خاطري بذي السماعه

ابو ريماس : تعالي نسأل عنها

واحو وسألو وجابها لها وقال لهم انه في ضمان وابوها عشان يفرحها زياده جاب لها ايفون ١٥الجديد لان هي كان عندها ١٢

ريماس بفرح : يبه احبك مره

ابو ريماس بحب : وانا بعد وبنتي مايكون بخاطرها شي وكا اجيبها له ويخسي اي احد يزعل حبيبة ابوها

ريماس : الله يخليك لي يبه مشتهيه ايسكريم

راح ابوها وجاب لها لان ماينفع الحامل تشتهي شي وماتاكله وبس خلصو رجعو البيت وكانت ريماس مبسوطه وحست انها غيرت جو مع ابوها

نزلت كل شي صورته مع ابوها وكتبت

لن يحبني احد مثل ابي ولن يدللني احد مثل ابي

في المستشفى عند ريم

شره رائد سياره جديده غير سيارة راكان عشان يقدر يروح ويجي فيها براحته وراح فيها للمستشفى بحجة يشوف ريم وهو يبي يشوف نوره

دخل المستشفى وسألهم عن الممرضه نوره

رائد : السلام عليكم

الممرضه : وعليكم السلام

رائد : وين الممرضه نوره

الممرضه : مشغوله شوي مع الدكتور

رائد : تمام بتطول

الممرضه : ما ادري بس محتاج شي

رائد : بسألها عن اختي لان هي ماسكه حالتها

الممرضه : تمام بنشوفها لك

الا فجأة جات نوره وشافته واستغربت انه جاي لوحده

الممرضه نوره : في شي

الممرضه : اي في واحد يسأل عنك يقول عشان اخته

الممرضه نوره : تمام شوفي شغلك

راحت عنده واستغربت بس قالت اكيد بيتطمن على اخته

نوره : اي قالو تسأل عني

رائد بتوتر : اي كيف صحت اختي

نوره : مالنا غير الدعاء لها

رائد : صار ءي جديد

نوره : لا حتى القلب مستقر بس ماندري متى ممكن تصحى

رائد كان يتعمد يقول اي شي لها عشان يسولف معاها لان هو مو بس جاي عشان اخته يبي يشوفها هي بعد

رائد : الحمدلله وان شاء الله تصحى قريب

نوره : ان شاء الله محتاج شي ثاني

رائد : مشكوره

نوره : انا باروح لان مشغوله شوي

رائد : تمام

ماعرف رائد وش يسوي غير انه خلاها على راحتها وصار يطالع فيها من بعيد لين اختفت عن انظاره

رائد : اف شفيني مو قادر اشيل عيوني عنها

خرج من المستشفى ومارجع للبيت راح يتمشى بالسياره

وصار يشغل اغاني وهو مبسوط ان شافها اليوم يحس قلبه يدق بقوة ومتوتر مايدري اشبه

رائد : اف شفيني احس بحر والمكيف بارد

اتصل عليه راكان يشوفه وين بعد مده قفل الاغاني ورد على راكان

رائد : السلام عليكم

راكان : وعليكم السلام

رائد : احد فيه شي

راكان : لا بس امي تسأل عنك

رائد : قول لها انه يتمشى بسياره الجديده وكنت التطمن على ريوم

راكان بفرح : ماشاء الله شريت سيارة

↚

رائد : اي بس ارجع اوريكم السياره

راكان : مبروك ي عضيدي

رائد : الله يبارك فيك وتطمن امي اني بخير

راكان : ابشر يلا خذ راحتك

قفلو من بعض ورجع رائد شغل الاغاني ويتمشى بالسياره وقف على محل قهوه نزل يجيب قهوه وبس اخذ الطلب رجع وركب السياره وقرر يرجع البيت ياخذ اخته ريف يغير لها جو

في الديره

كانت العنود بالمستشفى وكل مالها علاقتها مع روان تصير اقوى من قبل وتغيرت معاملة اهل روان معاها وصار اليوم اللي بتخرج فيه العنود من المستشفى

روان : ابوي راح يجي ياخذنا

العنود : بنرجع البيت

روان : اي

العنود بفرح : زين الحمدلله

روان : يلا انا بجهز الاشياء حقتنا

العنود : اي احس محتاجه شور دافي

روان : خل نرجع البيت وكلنا ناخذ شور

جا ابو روان وسو لهم خروج وساعدهم في الاشياء حط الاشياء بالسياره وراح عند الدكتور

ابو روان : دكتور

الدكتور : هلا

ابو روان : العنود صارت احسن

الدكتور : اي بس بنسبه عشانها فاقده ذاكره ممكن فتره وترجع لها

ابو روان : تمام

هنا توتر ابو روان وماعرف وش يقول لان اذا رجعت لها الذاكره بتعرف انه خطفها خرج وراح لسياره ورجعهم البيت وراح لزوجته

ابو روان بتوتر : ياويلي العنود ممكن فتره وترجع لها الذاكره

ام روان : شفيك متوتر

ابو روان : انت هبله لو رجعت الذاكره بتعرف ان نحنا مو اهلها

ام روان بخوف : ياويلي بعدين تسوي لنا مشاكل

ابو روان : اي الله يستر

العنود سمعتهم ونقبض على قلبها وتحس شوي راسها وجعها و كأن فهمت شي بس مو قادره تتذكر شي

راحت غرفة روان واخذ لها شور دافي وبعدها راحت عشان تاكل لان جيعانه

طلعت من الغرفة تدور على ام روان عشانها جيعانه

العنود : يمه

ام روان : جايتك يمه

جات لها وقالت

ام روان : تبين شي يمه

العنود : جيعانه

ام روان : تمام الحين اسوي لكم شي انت وروان

راحت ام روان المطبخ وبدت تجهز لهم اكل وبس خلصت نادتهم كلهم حتى ابو روان معاهم وبدو ياكلون

ابو روان : المها كيفك الحين

العنود : شوي احسن

ابو روان : الحمدلله

العنود : انا بس اخلص اكل عادي اطلع عند المعز

ابو روان : اي بس خذي معك روان

خلصو كل وشالو كل شي وغسلو يدهم وخرجو وصارت العنود تناظر اذا سيف موجود او عده من قدامهم

روان : شفيك تتلفتين

العنود : ولا شي

روان بضحك : تدورين على احد صح

العنود بتوتر : لا بس قادعه اتفرج لان كنت طفشانه بالمستشفى

فجأة شافهم سيف وقرر يروح لهم قبل يحس ابو روان عليهم

سيف : متى خرجتو من المستشفى

روان : اليوم الظهر

سيف : زين الحمدلله على سلامتك ي المها

العنود بأحراج : الله يسلمك

سيف : انا باروح قبل ابوك يجي

العنود : تمام

راح وخلاهم عشان ابو روان مايعصب عليهم

روان : انا بس افهم ميف جبتي راسه ذا كل البنات هنا خقو عليه ولا وحده قدرت

العنود بثقه : عشان تعرفين ان انا غير

روان : وش ذي الثقه اللي عندك

في قسم الشرطه

لؤي ضل ساكت ومقهور وتكلم الشرطي قال وش راح يصير لـ لؤي

الشرطي : اول شي اعطينا رقم ابوك بنتصل عليه

اعطاهم لؤي رقم ابوه واتصلو عليه

الشرطي : السلام عليكم وابوي لؤي

ابو لؤي باستغراب : وعليكم السلام اي ابوه

الشرطي : ممكن تجي عندنا بالقسم

ابو لؤي بقهر : تمام

قفلو من بعض وبعد ساعه جا لهم ابو لؤي وهو مقهور من ولده دخل عندهم وقال

ابو لؤي : وش مسوي ولدي

الشرطي : ضرب الرجال ذا وصدمه

ابو لؤي : ابي افهم ليه

لؤي : بدون قصد يبه وهو مستفز استفزني

ابو لؤي : انت الي مستفز انت ومشاكلك الي في البيت والحين مع الناس

لؤي بقهر : يبه وش ذا الكلام

انقهر ابو لؤي وضرب لؤي كف على وجهه وتكلم قال

ابوي لؤي بضيقه : اي وش الحين بيصير

الشرطي : مطرين نحبسه عندنا شهر لان موبس تطاول على رجال حتى علينا

ابوي لؤي جلس على الكرسي بتعب وقال الشرطي لهم يجيبون له مويه وبعد ماجابو شرب وحاول يهدي من نفسه ويعتذر للرجال

الرجال : انا عن عشان ابوه اقول خليه اسبوع مو شهر

الشرطي : ماعليه بس عشان ابوه لايصير له شي

لؤي نزل راسه بضيق ومتفشل انه دخل ابوه قسم الشرطه

ابو لؤي : مشكور

الرجال : العفو

ابو لؤي : بعطيك رقمي تجيني المكتب حقي ونتفاهم بخصوص السياره

طلع ابو لؤي بقهر مو قادر يمشي ولؤي اخذوه السجن

طاح عليهم ابو لؤي من الضيقه واتصلو على الاسعاف عشان ياخذونه المستشفى واتصلو هناك على زوجته وجات له تشوفه وتفهم منه وش صاير

في شقة ابو هتاف

كانت هتاف جالسه وتفكر في حياتها الجديده وكيف بتترك اهلها وبتخليهم لحالهم ماتحملت ونزلت دمعتها وقامت الحمام (الله يكرمكم) غسلت وجهها وراحت تشوف اهلها دقت غرفة ابوها

ابو هتاف : ادخلي ي روح ابوك

هتاف : كيفك يبه

ابو هتاف : الحمدلله

هتاف : اكلت يبه

ابو هتاف : لا انتظرك تجين

هتاف : يلا الحين ناكل سوا

راحت هتاف وحطت لهم الاكل شافتها امها وقالت

ام هتاف : بشويش عشان ماتكسرين مواعيني

هتاف بهدوء : طيب

بعد ماخلصت اخذت الاكل وراحت عند ابوها وبدت تاكل معاه وتسولف

هتاف : يبه ما اتخيل اني اتزوج واخليك

ابو هتاف بحب : هذي سنة الحياة

هتاف : يبه ممكن طلب

ابو هتاف : ✨تدللي يا ابنتي ما دمت حيا لا ادري ماذا سيفعل بك رجل ستحبينه✨

هتاف بفرح : الله لايحرمني منك بخاطري اروح جرير اشتري رواية

ابو هتاف : بس من عيوني خذي ٢٠٠ من هناك وروحي اشتري اللي بخاطرك

هتاف : احبك يبه

بعد ماخصلو شالت كل شي هتاف ورجعت تشوف ابوها ومسحت له يده وفهمه لان هو مايقدر يتحرك ويروح للحمام ( الله يكرمكم)

ام هتاف : هتاف تعالي ساعديني

هتاف : حاضر

راحت هتاف تساعد امها وبس خلصت تعبت وكان بتروح ترتاح

ام هتاف بعصبيه : وين رايحه ماخلصنا

هتاف بتعب : تعبت باروح ارتاح

ام هتاف : لما اقولك روحي تروحي يلا خلصي

هتاف كملت شغلها وصار ظهرها يوجعها مو قادره تتحرك بالقوة بس خلصت راحت غرفتها اخذت شور وتمددت على السرير ومقهوره من امها ليه كذا تعاملها رغم انها تحاول تسوي لها كل شي تبيه منها

في قصر ابو سلطان

كان سلطان بغرفته مقفل الباب وجالس بالسرير وحاولينه اوراق الشغل يحاول يخلص الي يقدر عليه

واسيل كانت بالغرفه جالسه وتكلم خويتها ريم وكل ىاحد فيهم مو حاسس وش صار تحت وحتى المربيه مو عندهم

كانو ندى وعمر يلعبون ويجرون ورا بعض وماحد عندهم تعبو وطاحو على الارض وقال عمر

عمر : جيعان

ندى : وين المربيه

عمر : مدري وين اختفت

ندى : وش رايك نسوي اكل احنا اجل

عمر : يلا

راحو المطبخ وبدو يطلعون الاشياء اللي يبونها وهم مايعرفون اصلا يشغلون الغاز ولا يعرفون مره يسون شي

بدو يحطون الاشياء على النار وجات بتشغل ندى الغاز ماهي عارفه وصار الغاز يطلع ريحه وانخنق عمر

بالصدفه نزلت المربيه تبي تشوفهم صارت تدور عليهم مالقتهم

المربيه بخوف : بسم الله ذول وين اختفو

رجعت تدور عليهم مره واثنين وثلاثه وماحصلتهم

جات لها عامله وتصرخ

العامله بصراخ : الحقي ندى وعمر بالمطبخ والغاز مفتوح

هنا المربيه انجنت وقالت

المربيه بخوف : بسرعه نادي سلطان

المربيه من التوتر ماعرفت وش تسوي وماقدرت تدخل جوا تطلعهم بسبب الريحه

سلطان نزل تحت يجري وطاح مو الخوف على اخوانه

سلطان بصراخ : وينكم عنهم

المربيه : كنت بالغرفه

سلطان بعصبيه : مو قلت لكم تبقون معاهم وين مايروحون

دخل سلطان وانصدم من اللي شافه

في المستشفى عند ابو لؤي

كان بالغرفه ودخلت زوجته عنده تطمن عليه وتعرف وش صار ووين لؤي للحين ما جا لهم

صحي بعد مده ابو لؤي ونادت ام لؤي الدكتور طبعا تالين ماجات معاها و ماتدري عن شي جالسه بغرفتها وماتبي تكلم احد

بعد ماشافه الدكتور قال لهم

الدكتور : يقدر يخرج بس لازم تنتبهون له قلبه كان بيوقف واضح تعرض لصدمه قويه

ام لؤي : تمام راح ننتبه له

خرج الدكتور والممرضه شالت الابرة لان خلص المحلول وراح ام لؤي تساعد زوجها وتسأله عن لؤي

ام لؤي باستغراب : وين لؤي

ابو لؤي بقهر : الله لايرده من ولد

ام لؤي بصدمه : وش في ليه كذا تدعي عليه

ابو لؤي : كله منك زوجتي الولد لوحده ما يبيها والحين سوا مشكله مع واحد ودخل اسجن مارح يطلع الا بعد اسبوع

ام لؤي بصدمه : وش تقول لا ولدي

ابو لؤي : اقول اسكتي مسويه خايفه على الولد هو كان مرتاح مع زوجته وانت خربتي حياته عشان ايش عشان ما جاه ولد ولا بنت

ام لؤي : انا بكلم ريماس عشان ترجع له

ابو لؤي : ما الومها اذا مارجعت يلا نرجع الفيله باروح ارتاح وبعدين يصير خير لكل شي

رجعو للفيله وراح ابو لؤي غرفته ينام له كم ساعه يرتاح وام لؤي راحت تتصل على ريماس تتكلم معاها وتدعي ربها اذا قالت لها شي توافق وترجع بيتها عشان لؤي يرتاح

ام لؤي بنرفزه : شفيها ماترد ذي ياربي برجع احاول لين ترد

وكانت ام لؤي تحاول مره واثنين وثلاثه ولقت مافي استجابه قالت بخيلها لين تشوف الجوال وهي تدق

.

↚

في قصر ابو سلطان

دخل سلطان المطبخ وانصدم من اللي شافه شاف ندى وعمر ماحد منهم يتحرك اتصل على الاسعاف وقال لهم بسرعه يجون جو واخذوهم ولحقهم سلطان وقتل بعدين بيحاسب كل واحد على اللي صار

وصلو المستشفى ودخلوهم داخل لانهم استنشقو غاز مره كثير سوا كل شي يقدر عليه الدكتور عشان يصحون والحمدلله صحيو وقال لهم ينقلونهم غرفه خاصه مع بعض ويحطون لهم اكسجين

خرج الدكتور وراح له سلطان

سلطان بخوف : اخواني بخير صح

الدكتور بحنيه : الحمدلله صحيو بس لازم يضلون لين بكره عشان يحتاجون اكسجين

سلطان : تمام مو مشكله

راح الدكتور ودخل سلطان عندهم يشوفهم

سلطان بجديه: ليه تلعبون بالغاز

نزلت ندى شوي حق البخار وقالت

ندى بخوف : دورنا على المربيه او عامله مالقينا احد وكنا جيعانين

سلطان بحنيه : رجعي الاكسجين وبكلم الدكتور عشان اذا ينفع اجيب لكم اكل وحسابهم معي اللي في القصر

خرج من عندهم وراح كلم الدكتور وقاله عادي وراح يجيب لهم اكل وجاب لكل شخص منهم شي يحبه عشان يفرحهم لان مره خايفين

في فيلة ابو ريماس

كانت ريماس تحت جالسه مع اهلها ومبسوطه لان ابوها جاب لها الجوال الجديد وجالسه تشغله وترتبه وتحط عليه الاشياء اللي تبيها

ام ريماس : مبروك ي روح امك

ريماس : الله يبارك فيك يمه

ابو ريماس : الله لايحرمنا سعادتنا يارب

كلهم مره وحده : امين

ريماس : احد جيعان يبي اكل

ابو ريماس بحب : الاكل بطريق وصيت لك من مطعم صيني تحبينه

ريماس قامت وحضنت ابوها وباست راسه ويده وقالت

ريماس : احبك يبه ماتخلي شي بخاطري

ابو ريماس : اذا ما اسعدتك بسعد مين

ريماس : استأذنكم باروح الغرفه شوي وارجع

راحت الغرفه ومسكت جوالها واستغربت كميت الاتصال من ام لؤي قررت تتصل عليها وتشوفها

بعد مده ردت ام لؤي

ريماس : السلام عليكم

ام لؤي : وعليكم السلام ابيك بموضوع ضروري

ريماس : امريني ي خاله

ام لؤي بحزن : ماتدرين وش صار

ريماس : وش صار

ام لؤي : لؤي بسجن وبعد اسبوع بيطلع ارجعي له لا صار ياكل زين ولا ينام زين

ريماس بعتب : مو انت تبين تزوجينه مو انتِ قلتي له ريماس متى تحمل ابي اشوف ضناك قبل اموت

ام لؤي بقهر : تكفين ارجعي خلي ولدي يرتاح

ريماس بضيقه : انا ارجع وعادي ولا كأن قهرني بزواجه لازم اكسر على قلبي عشانه صح

ام لؤي : ريماس شفيك مو انتِ تحبين لؤي ارجعي عشان بنتك وعشانه

ريماس بدموع : يستاهل هذا عشان وحع قلبي وتزوج غيري واخرته مش مرتاح معاها انا بقفل ابوي يبيني

ام لؤي بضيقه : تمام مع السلامه

انقهرت ريماس ونزلت دمعتها بس قالت

ريماس بصراخ : الله ياخذهم كلهم ماحد همه مشاعري كأني مو بشر

جات على صراخها امها خافت عليها دخلت وقالت

ام ريماس بخوف : اشبك ليه تصرخين

ريماس : تعبانه يمه حيل وجعو قلب بنتك

في الديره

كانت العنود جالسه مع روان ويسولفون وياكلون سناكات مع بعض بالغرفه قامت تكلمت العنود وقالت

العنود بتوتر : ودي اتكلم معك بموضوع بس يبقى بينا

روان : اوعدك يبقى بينا

العنود : احس اني بديت احب سيف

روان بصدمه : متأكده ولا مجرد اعجاب

العنود : مدري بس لما اشوفه يدق قلبي واول مره يدق قلبي لاحد

روان : تتوقعين هو يحبك بعد

العنود : ممكن واحس من اهتمامه فيني انه يحبني مو اعجاب

روان : والله والمها طلعت تحب حركات

العنود بأحراج : احرجتيني خلاص اسكتي

روان بضحك : ههههههه بسكت حركات جبتي راسه

العنود : ماجبت راس احد انا حلوه من يومي

روان : اي والله صادقه ملامحك حيل تجنن اذا انا بنت وخقيت كيف هو

العنود : قومي نسوي اكل جعت

روان : يلا

قامو المطبخ ويسون اكل ويرمون على بعض طحين ويضحكون كانت العنود تحسه اكثر من اخت ومبسوطه معاها

جات لهم ام روان وشافت اشاكلهم انصدمت

ام روان بصدمه : وش مسوين بالمطبخ

العنود بضحك : هههههههه والله اشكالنا تضحك

روان بتعب : اف تعبت

ام روان بجديه : خلصو وبعدها رتبو كل شي وتروشو

روان : تمام

اخذو الاكل وراحو ياكلون وبس خلصو رتبو كل المطبخ وطاحو الى الارض من التعب وكل وحده تضحك على شكل الثانيه وقامو ياخذون شور ويرتاحون

.

.

في المستشفى

بعد ماعرفت اسيل وش صار لاخونها قررت تروح تطمن عليهم وبصدفه كانت نفسها المستشفى اللي فيها ريم اخت راكان وكان برضه جاي يتطمن على اخته

راحت اسيل على الاستقبال عشان تسأل عن غرفة اخوانها وقالو لها وراحت تطمن عليهم

اسيل بخوف : وش صار لهم

سلطان : الحمير اللي في القصر تركوهم ومايدرون انهم بالمطبخ يستخدمون الغاز

اسيل : الله يقلعهم كيفهم الحين

سلطان : الحمدلله بس لازم يبقون لبكره

اسيل : تمام

اشتهت اسيل فجأة قهوه وراحت تجيب لها وبس جابتها وهي تمشي مو منتبه للي قدامها خبطت فيه وطاحت القهوه الحاره كلها عليه وهي خافت وانصدمت من الشخص اللي شافته

اسيل بصدمه : اسفه ما اقصد

……

في فيلة ابو ريماس

ريماس : تعبانه يمه حيل وجعو قلب بنتك

ام ريماس : تعالي ناكل وبعدها تقولين لي وش صار معك

ريماس : ان شاء الله اموت ويرتاح رائد

ام ريماس فهمت بس ماتدري وش الموضوع اخذت بنتها ونزلو ياكلون وقالت

ام ريماس : ي نواف وبعدين مع لؤي

ابو ريماس : وش سوا بعد

ريماس بتعب : يبه امه اتصلت علي تقول ارجعي دخل السجن ومدري ايش قلت لها اجل ليه تزوج دام وايقدر يعيش بدوني ماعجبها

ابو ريماس : وبعدين معاهم ذول مايدرون انك حامل مو زين لك الانفعال

ريماس بحزن : يبه عذبو قلب بنتك

ابو ريماس بحنيه : الله يعذب قلب كل من يعذبك

ريماس : يبه ليه مايفكرون فيني ليه ليه

ابو ريماس : وقسم بالله لا اكسر الدنيا فوق راسهم وانا باشوف اخوي واتفاهم معاه ماني ساكت لهم

ام ريماس : اي مو حاله كل شوي واحد منهم يسمع ريماس كلام

بدو ياكلون وريماس مقهوره من اللي جالس يصير ماتدري تلقها من مين ولا مين بس خلصت قامت غسلت يدها وراحت الغرفه اتصلت على الهنوف

ريماس بتنهيده : السلام عليكم

الهنوف بخوف : وعليكم السلام شفيك

ريماس : تعالي عندي

الهنوف بحب : ابشري بس فيك شي

ريماس : بس تجين اعلمك ماينفع على الجوال

الهنوف : تمام تعرفين المحل حق الحلاويات اللي عجبنا بجيب لك منه

ريماس بفرح: الله

قفلو من بعض وارتاحت ريماس شوي لان الهنوف بتيجي لها قامت ترتب شوي من شكلها وعلمت امها وقالت للعامله تسوي لها قهوه وحلا

في المستشفى

اسيل بصدمه : اسفه ما اقصد

رائد : ماعليه حصل خير

وقتها كان رائد منحرق ويتوجع لان القهوه انكبت عليه خافت مره اسيل

اسيل بخوف : والله ما اقصد مانتبهت تعورت مره

رائد بألم : تكفين ناديهم مره يوجع

اسيل : تمام

راحت تدور على ممرضه ماحصلت احد لين بصدفه شافت الممرضه نوره راحت لها جري وقالت

اسيل : تكفين بسرعه تعالي معي

نوره : وش في

اسيل بتنهيده : في واحد انحرق

راحت نوره معاها وتجري ووصلو انصدمت ان رائد هو اللي انحرق

نوره : تتألم

رائد بتعب : احس روحي بتطلع من الالم

تضايقة نوره عشانه وفجأة جا لهم راكان وانصدم

راكان بصدمه : وش فيه وش صار

نوره : جات ذي البنت تقول لي انه انحرق

راكان شافها وتفاجأة انها اسيل وقال

راكان بجديه : ماتشوفين عميه انتِ

اسيل بحده : اقول تكلم زين معي تعرف اقدر اصرخ

راكان بقهر : اقول انقلعي وثاني مره وانت تمشين البسي نظاره عشان تشوفين

راحت اسيل وهي مقهوره وراكان راح لاخوه عشان يتمطن عليه

رائد بوجع : اخ والله ي دكتور يألم

الدكتور : ماعليه شوي وبعدها ان شاء الله يخف

كتب له الدكتور المرهم اللي يستخدمه وانه بين فتره وفتره يجي يتأكدون على الحرق

رائد :مشكور ي دكتور

الدكتور : العفو

خرج وجا بيروح قالت له نوره

نوره بخوف : عسى ماتألمة مره

رائد فها بعيونها وقال

رائد : لا مو مره

نوره : زين انتبه لنفسك

راحت وخلته وهو رجع مع راكان للبيت وامه انصدمة من شكل يده وخافت وهو دخل الغرفه يرتاح من الالم

في شقة ابو هتاف

كانت هتاف جالسه بالغرفه وتتابع وتاكل سناكات حقتها ومبسوطه فجأة جاعات وقررت تروح المطبخ تسوي لها اكل

بدت تسوي الاكل واليوم مو بعادتها ماتروح عند ابوها تطمن عليه وتسوي لها اكل معاها وكانت امها بعد بالمطبخ تسوي اشياء

هتاف : يمه ابوي نايم

ام هتاف : اي

هتاف : تمام

خلصت هتاف من الاكل واخذتهم الغرفه ماحبت تروح تزعج ابوها

وام هتاف بينها وبين نفسها : اكيد لسه نايم لان لو يبي شي اكيد راح يناديني او ينادي هتاف

مرت ساعتين وابو هتاف ماله حس ولا له صوت استغربت ام هتاف وقالت باروح الغرفه اتطمن عليه

دخلت الغرفه استغربت ليه للحين نايم جات عنده تصحيه ماصحي صحته مره واثنين وثلاثه وماصحي لحظتها ام هتاف صرخت وقالت

ام هتاف بصراخ : لا عبد الرحمن

هتاف خافت من صراخ امها وجات الغرفه

هتاف بخوف : يمه ليه تصرخين

ام هتاف بحزن : ابوك ي هتاف

هتاف بصراخ : لا لا الا ابوي

طاحت هتاف على رجلها وحست روحها طلعت

هتاف بقهر : ابوي يضحك معانا صح

ام هتاف : اتصلي على الاسعاف

هتاف ماكتنت تقدر تسري شي راحت امها واتصلت

وجو اخذوه للمستشفى وراحو وهتاف دموعها ماوقفت

لحظتها اتصلت هتاف على …..

في فيلة ابو الياس

كان الياس قاعد بالمكتب حقه اللي في الفيله وجالس يشتغل وقال للعامله تسوي له قهوه لان كان مصدع جابت له العامله القهوه وبدا يشرب ويحاول قد مايقدر يخلص الشغل عليه

الياس وهو يكلم نفسه

الياس : اف مصدع شكلي بكمل بعدين

قام بعد ماخلص القهوه رتب المكتب وقال للعامله تشيل الكوب وخرج راح عنده ودق الباب

ام الياس : تفضل

الياس بحب : كيفها جنتي

ام الياس : الحمدلله

فجأة اتصل جوال الياس وكانت هتاف رد عليها

هتاف بشهاق : ابوي راح راح ماعاد بيرجع

الياس بصدمه : وش تقولين

هتاف بضعف : راح سندي راح اماني ضهري انكسر بصير يتميه

وفجأة ماعاد صار لهتاف صوت واغمى عليها هنا الياس خاف عليها وركب السياره وصار يسوق زي المجنون لين وصل عندهم دخل المستشفى وصار يدورهم عليهم لين حصلهم

راح عند ام هتاف وقال لها

الياس : وش صار معاكم ووين هتاف

ام هتاف بتعب : زوجي جوا يشوفون حالته وهتاف اخذوها حطو لها مغذي عشان اغمى عليه ماعاد فيني حيل لشي

الياس بحنيه : ماعليه انا جمبكم بالي تبونه المهم الحين يارب يكون بخير عمي وانا باشوف هتاف

راح عندها ودخل وهي نايمه من التعب شاف دموعها على خدها ضاق صدره عليها بعد مده صحيت هتاف وقالت

هتاف بصراخ : ابي ابوي ودوني عنده

الياس بحنيه : اهدي مايصير كذا بتتعبين بس يطلع الدكتور نشوف اذا ينفع نشوفه

هتاف بدموع : ابي ابوي مارح يخليني ابوي يمزح معي اكيد مقلب

الياس بضيقه : ان شاء الله مافيه شي

هتاف رمت نفسها بحضن الياس وتشاهق وقالت

هتاف بحزن : تدري كان يقولي بفرح فيك واشوف عيالك ويقولون لي جدي واحبهم من حبي لك

الياس انعصر قلبه عليها مايدري وش يقول خلاها تتكلم لعل وعسى ترتاح

هتاف : كان مايخلي شي بخاطري كل شي يجيبه لي رغم ظروفه

فجأة هتاف من التعب والتفكير غفت بحضن الياس وشدة عليه وهو ضل عندها وجات لهم ام هتاف

ام هتاف بضيق : كيفها

الياس : اول ماصحيت جلست تصرخ

ام هتاف : اخ لهم ساعتين جوا

الياس : تكفين اجلسي ارتاحي لايصير لك شي

جلست ام هتاف وشافت شكل بنتها ودمعت ماتحملت حسو الدنيا كلها بذي اللحظه قاسيه

ام هتاف بتنهيده : اه الله يعدي اليوم ذا على خير

الياس : يارب الحين لازم نحاول قد مانقدر نهدي هتاف واضح اذا صحيت ممكن ترجع تعصب او تصرخ

ام هتاف : تكفى لاتخليها

الياس بحب : مارح اخليها باكون جمبها لين ترتاح

في فيلة ابو ريماس

جات عندها الهنوف وطلعت لها فوق الغرفه ودقت الباب

ريماس : تفضل

الهنوف : السلام عليكم

ريماس : وعليكم السلام

الهنوف : شوفي وش جبت لك

ريماس بفرح : الله تدرين مشتهيتها

الهنوف : وانا اخلي شي بخاطر اختي

ريماس : الله يسعدك

جلسو على السرير عشان ريماس حامل ماتقدر تجلس على الارض وتكلمت الهنوف وقالت

الهنوف : وش صاير معك اليوم انتِ

ريماس : اف لو اقولك بتنصدمين

الهنوف : قولي قولي

ريماس بقهر : تخيلي امه متصله علي تقولي ارجعي لبيتك ترا لؤي تعب وانه دخل سجن

الهنوف بصدمه : اما

ريماس : وربي قالت لي كذا

الهنوف : اي كملي

ريماس : اي وقلت لها اجل ليه تزوج دام مايقدر يعيش بدوني جلست تحاول فيني عشان ارجع وارجعي عشانه وعشان بنتك وكذا

الهنوف بأستغراب : من غير ما تزعلين مني بس امه غريبه

ريماس : من ناحية غريبه فهي غريبه

الهنوف : بالبدايه تتسرع عشان تبي ولد او بنت لولدها وزوجته رغم انه يحبك وبعدين تصير تقولك ارجعي ومدري ايش

ريماس : تبين الصراحه ماعاد صرت افهم لهم وابوي درا وقال بيكلم عمي لان مو عاجبه اللي يصير

الهنوف : زين

قامت ريماس تضيف الهنوف وكملو سوالفهم والهنوف كل مالها تستغرب من لؤي

الهنوف : تدرين انا احس ارجعي واكسري تالين

ريماس : مو منجدك شايفه وش سوا

الهنوف : عارفه بس انتِ لو ترجعين وتجننينه بكذا انتِ تكونين الكسبانه لان لو ضليتي عند اهلك الرجال حتى لو يحبك بيمل منك ويروح لها

ريماس بأستغراب : مدري احس يبي لي افكر

قامو شغلو فلم على الايباد وجلسو يتابعون وياكلون وهم مستمتعين وتحس ريماس ارتاحت بعد مافضفضت للهنوف ومستغربه من كلامها

ريماس : تدرين ودي اجيب اسم حلو لبنتي

الهنوف : مابتسمين على امه

ريماس : لا ما ابي احس ما ابي تكرار

الهنوف : خل افكر بعدين واذا لقيت اسم باقولك

جات عندهم ام ريماس تطمن على بنتها وشافتها مبسوطه خرجت وخلتهم ياخذون راحتهم وهي راحت عند زوجها

في قصر ابو سلطان

بعد مارجع سلطان من المستشفى هو ندى وعمر دخلو القصر وداهم غرفهم يرتحون ونزل تحت معصب عشان اللي صار

سلطان بعصبيه : تعالو هنا بسرعه

المربيه : وش فيك استاذ سلطان

سلطان بصراخ : كم مره قلت ندى وعمر ماينتركون لوحدهم

المربيه : انا كنت ارتب غرفتهم واشيائهم

سلطان : مو تبرير دام مشغوله ماتخلينهم ينزلون لوحدهم تحت

المربيه : انا اسفه

سلطان بقهر : انقلعي من هنا ومخصوم من راتبك

المربيه انقهرت وماقالت شي راحت من عنده تطمن على ندى وعمر وهو راح الغرفه ياخذ شور دافي

بعد ماخلص توضى وقرر يصلي ركعتين يدعي ربه صار يدعي من كل قلبه ويدعي ان العنود ترجع له ويعيشون مرتاحين سوا

بعد ماخلص قام وقراء شوي من سورة البقرة وبس خلص طلع يتطمن عليهم كلهم يشوف احد محتاج شي يحس ما يبي احد من اخوانه ناقصه شي

جات اسيل عند سلطان وقالت

اسيل : سلطان ممكن طلب

سلطان : امريني

اسيل : ابغى فلوس ابي اطلب حاجه من موقع

سلطان : كم

اسيل : هو بألف

سلطان : تمام خليني اشوف كم فيها البطاقه واحول لك

اسيل بحب : الله يخليك لي يارب

سلطان بحنيه : امين يارب

رجع غرفته وشاف كم فيها صرافته وحول لها ٣٠٠٠ عشان تنبسط وجلس يشوف امور شغله عن طريق الجوال ويبي يحاول كمان يشوف كيف بيحصل العنود مايبي يفقدها زي مافقدت حبيبته

في فيلة ابو لؤي

كانت جالسه ام لؤي مع زوجها تحت في الصاله فجأة نزلت لهم تالين معصبه من الوضع اللي هي في

تالين بعصبيه : وين لؤي

ابو لؤي بحده : تكلمي بأدب زوجك المصون بسجن

تالين بصدمه : اما

ابو لؤي : اي كله منك ومن امه

تالين : انا وش دخلني كل شي فوق راسي الله ياخذه

ابو تالين : انقلعي من هنا احسن لك

تالين بصراخ : انا احتاج اشياء مين يجيبها لي

ابو لؤي ماتحمل صراخ تالين وقام ضربها كف

تالين مسكت خدها وقالت

تالين ببكاء : انا باروح عند اهلي وبس يطلع لؤي من السجن يصير خير

ام لؤي بترجي : لاتروحين خليك عشان لؤي

تالين : لا باروح وبعدين نتفاهم كرامتي فوق كل شي

اتصلت تالين على ابوها وبعد ساعه اخذها وهي طلعت له بدموعها وام لؤي قالت

ام لؤي بصراخ : عاجبك حتى ذي راحت

ابو لؤي بعصبيه : انطمي كله منك خربتي حياة ولدك انتِ السبب انقلعي من وجهي احسن ما ارمي عليك اليمين

ام لؤي بقهر : بس معصب ماتبي تحل شي

ابو لؤي : لو بحل شي بحل ان ولدك يرجع لريماس ويكون مرتاح وياريت ماتدخلين بشي لان انت خربتي كل شي

ام لؤي : اوك بس بعدين لاتدخلوني بشي

ابو لؤي بتعب : خلاص روحي من هنا انا تعبان هليني ارتاح

راحت من عنده ام لؤي وهو جلس يفكر ايش بسوي قام اتصل على اخوه وبعد مده رد عليه

ابو لؤي بتعب : السلام عليكم

ابو ريماس : وعليكم السلام شفيه صوتك

ابو لؤي : تعبان ودي نتقابل نتكلم شوي بموضوع

ابو ريماس : تمام متى تبي

ابو لؤي : خليها في الليل اجي لك

ابو ريماس بحب : حياك في اي وقت

ابو لؤي : تمام بعد العشاء وانا عندك

قفلو من بعض واذن المغرب قام ابو لؤي يصلي ويدعي بكل قلبه ان موضوع ولده ينحل

في السجن عند لؤي

كان جالس على الكرسي وياكل جا له واحد حق مشاكل

الولد : قوم من هنا احسن لك

لؤي : واذا ماقمت وش بتسوي

الولد بعصبيه : جالس اقول قوم احسن لك

لؤي بصراخ : ماني قايم المكان مو لك

الولد بقهر : الكل هنا يخاف مني ليه انت مو خايف

لؤي بضحك : ههههههه اذا هم جبناء انا مو زيهم

الولد عصب وكان بيضرب لؤي بسكين هنا انجنو كلهم صارو يصرخون

جا الشرطي على الصراخهم وفتح الباب

الشرطي : وش في

هنا الولد رما السكين من يده وخاف

الشرطي بعصبيه : وش بيدك

الولد : ولا شي

لؤي بخوف : كان بيذحبني بسكين

الشرطي انصدم وقال

↚

الشرطي : خذوه للولد وحطوه بالمنفرده

لؤي : تستاهل

الشرطي : انت مسؤل عنهم هنا اي صوت وشي غلط تبلغنا لين تطلع من السجن

لؤي : تمام

هنا الكل انبسط عشان الولد راح منهم وصار لؤي مسؤل عليهم وكان يعامل الكل زي بعض مافي فرق بين احد

لؤي : هنا الكل زي بعض بس بنسمع الكلام عشان الشرطي مايسوي لنا شي

الكل مع بعض : تمام ولا تشيل هم

لؤي : الكل يروح يرتاح

جا له واحد وقال

الرجال : عادي اكل

لؤي : اي ليه تستأذن

الرجال : اللي قبلك ماكان يخليني اكل

لؤي : لا كل وسوي اللي تبيه حرام عليه كذا تتعب

الرجال : والله انك طيب

استانس لؤي بس حزت بخاطره لما تذكر ريماس ويدعي ربه ان ابوه يكون سوا شي له وهو بالسجن

في الديره

كانت العنود جالسه عند الشباك وتتفرج والاجواء كانت حلوه ومطر ومبسوطه لان هي تعشق المطر قامت وصارت تجري وطلعت برا تحت المطر

وكانت تغني وهي مبسوطه وجات لها روان وصارو يركضون سوا تحتت المطر ومبسوطين وفجأة شافهم سيف وجا لهم كان بيده ورده

سيف : المها ممكن شوي

العنود : هلا

سيف : تفضلي

العنود بأحراج : شكرا

سيف : بعترف لك بشي

العنود بتوتر : وش

سيف بتردد : انا احبك

العنود صار قلبها يدق ماعرفت وش تقول بس حست الدنيا كلها مو سايعتها اعتراف سيف ومطر وش تبي احلا من كذا

سيف : مابسمع جوابك الحين خليه بعدين وانتبهي لنفسك تتعبين

راحت العنود وهي منحرجه من سيف ودخلت جوا البيت وقلبها للحين يدق جات لها روان

روان : وش فيك

العنود : ولا شي

روان : تمام بس ليه وجهك احمر ومن مين ذي الورده

العنود : مافي شي خليني مبسوطه

شكت روان ان سيف يكون جابها لها وقال لها شي بس قالت بعدين هي اكيد بتيجي وتقول لي

العنرد : باخذ شور دافي وانت بدلي وتعالي بعلمك بشي

روان : تمام

راحو وبدلو ملابسهم وبعد ماخلصو جات روان عند العنود عشان تقول لها

روان بحماس : يلا علميني

العنود : سيف

روان : شفيه سيف

العنود : اعترف لي بحبه وهو اللي جاب الورد

روان : حركات

العنود : دق قلبي وماعرفت ارد عليه

روان : اكيد بيصير معك كذا

العنود : اقول خلاص علمتك وش فيني خليني

روان بضحك : هههه اي تفكرين فيه

العنود بأحراج : خلاص عاد

في شقة ابو راكان

كان رائد بغرفته جا له امه تشوف وش فيها يدها ولي كذا صار معاه دقت الباب وقال رائد

رائد : تفضل

ام راكان : السلام عليكم

رائد : وعليكم السلام

ام راكان : وش صار معك ليه يدك كذا

رائد : كنت بالمستشفى اتطمن على ريم فجأة وحده خبطتني وحرقتني بالقهوه اللي معاها

ام راكان بخوف : حماره ماتشوف

رائد : ماعليه يمه فتره وتخف يدي

ام راكان : انتبه ليدك تبي اكل

رائد : اي جيعان حيل يمه

ام راكان : الحين اكلمهم يسون لك شي

رائد : تمام

راحت ام راكان وهو حاول ياخذ شور من غير مايخلي يده توجعه وبس خلص خرج وطلع عشان ياكل

راكان بقهر : يع ذي البنت مطفوقه ماتشوف قدامها

رائد بغمزه : كأنك تعرفها

راكان : لا لا ما اعرف احد

رائد : اي واضح

راكان : اقول شكله التعب اثر على عقلك

رائد بضحك : هههههههه وش فيني بسم الله علي

راكان : يحمار لاتفضحني قدام امي عشان ما اعلم عليك

رائد : اوك خلاص كل واحد يكتم سر الثاني

راكان : كذا تمام يلا اخليكم باروح لعبد العزيز زمان عنه

طلع راكان وقرر يقابل عبد العزيز لان لهم فتره طويله مو شايفين بعض

راحو على الكوفي حق كل مره يتقابلون فيه لان مكانهم المفضل اللي يحبون يروحون له كل مره اذا اتقابلو

في الفيله عند ابو ريماس

بعد العشاء جا ابو لؤي عند اخوه وهو تعبان وباين مره على وجهه التعب دخله على المجلس وسلم وجلسو وبعد السلام قال ابو لؤي

ابو لؤي بضيق : طلبتك تساعدني

ابو ريماس : امريني

ابو لؤي : خل ريماس ترجع للؤي والحياة ترجع احسن من قبل حياة لؤي كلها خربت ودخل السجن

ابو ريماس : ولدك الي خرب حياته وش فيها لو انتظر ريماس لين تحمل وكان ماتزوج عليها

ابو لؤي بقهر : ادري انه خرب حياته بس طالبك ساعدني نصلح كل شي ما ابي اخسر ولدي اكثر

ابو ريماس : زوجتك اللي خربت كل شي بحياة ولدك وخليته يتزوج والحين تبون ريماس ترجع

ابو لؤي : تكفى خل ريماس تيجي نتفاهم كلنا

ابو ريماس : تمام بس بهدوء لانها حامل

راح ابو ريماس عند بنته وقال لها تيجي عند عمها وقال لزوجته تجهز الضيافه

جات ريماس بعد نص ساعه لما خلصت كشختها دخلت وسلمت على عمها وجلست

ريماس : ادري بتكلمني عشان لؤي وتبوني ارجع له

ابو لؤي : خل نصلح كل شي وترجعين واي شي تطلبينه بيحضر لك

ريماس : بس ولدك تعب قلبي

ابو لؤي : ارجعي له وانا عمك تبين غرفه جديده عشان تالين نامت بغرفتك ابشري تبين ذهب ابشري رس ماتبين يحضر لك

ريماس : اذا تبيني ارجع عندي شرط للؤي ي عمي وبرجع عشانك لان واضح يعمي انك حيل تعبان

ابو ريماس : بنتي ماترجع كذا

ابو لؤي : خل تقول اللي عندها

ريماس : خل ولدك يسفرني برا على لندن بيقول

ابو لؤي : ابشري مايصير خاطرك الا طيب

في المستشفى عند هتاف

صحيت هتاف وشالو لها المغذي لان خلص وهي لسه تبكي عشان ابوها

هتاف بضيق : ما قال شي الدكتور

ام هتاف : للحين ماقال شي لسه جوا عنده

هتاف : بيرجع صح

ام هتاف : اي ان شاء الله

الياس : الحين لازم نقوم نشوف الوضع وبعدها باخذكم تاكلون ماينفع كذا

هتاف بدون نفس : مالي نفس لشي

خرجو وراح الياس مستغرب ليش الدكتور للحين طول بعد نص ساعه خرج الدكتور وهو مرهق وتعبان مو عارف ايش بيقول لهم

هتاف بدموع : تكفى ي دكتور قول ابوي بخير

الدكتور سكت ماعرف يرد قال

الدكتور : ممكن شوي

اخذ الياس على جنب وتكلم معاه من غير مايدرون عن شي

الدكتور : حالته حرجه مره ما ندري بيتجاوزها ولا ممكن يتوفى لان الحراره اثرت عليه

الياس بصدمه : ياويلي وممكن يصحى

الدكتور بضيق : ماندري العلم عند ربي

الياس بحزن : الله يعين

الدكتور : لازم نقول لهم

الياس : تمام انت بلغهم

الدكتور : تمام

الياس : يلا الله يلطف فيهم

راح عندهم الدكتور وقال

الدكتور : الوالد مره تعبان وحالته مره صعبه

هتاف …….

في فيلة ابو ريماس

بعد ما قالت لهم ريماس وش تبي ووش طلبتها وان تبي بعد غرفه جديده قال ابو لؤي

ابو لؤي : اليوم لؤي بيطلع وبجلس اتكلم معاه وانتِ جهزي اغراضك وامورك عشان ترجعين

ريماس : بس ياريت تالين ماتقرب مني لان مالي خلق وجع راس

ابو ريماس : متى بيطلع من السجن

ابو لؤي : المفروض الحين

ابو ريماس : كلمه شوف خل يجي نتفاهم قدامه احسن

كلمه ابو لؤي وقال انه طلع وانه بيرجع قال له تعال عند عمك بنتفاهم عشان ريماس

جا لهم وكانت ريماس مصدومه من شكل لؤي بس شافته كيف وجهه تعبان ومو قادر بعد كثير يتكلم حزنت عليه بس ماهتمت

لؤي : السلام عليكم

كلهم مره وحده : وعليكم السلام الحمدلله على سلامتك

لؤي بتعب : اذا بتعصبون او تنفعلون خلوها بعدين انا تعبان

ابو لؤي : لا بس ريماس بترجع بشروط

لؤي نسي التعب وفرح وقال

لؤي بفرح : موافق على كل شروطها

ابو ريماس : بنتِ خاطرها تسافر لندن وتبي غرفه جديده ماتبي المكان اللي نامت لها فيه تالين وتبي عامله خاصه فيها لوحدها

لؤي بحب : تدلل رموس كل شي تبيه بيصير بس بنسبه لسفر انا عندي اقتراح

ريماس خافت يعترض قالت

ريماس بقهر : اي بتعترض لو تالين مارح تقول شي

لؤي : لا ي قلبي بس اما من راي عشانك حامل نخاف تتعبين وش رايك نأجل السفر لين تولدين ونتطمن عليكم وبعدها اسفرك مو شهر شهرين بعد اذا تبين

ريماس بتنهيده : اجل كذا تمام موافقه

لؤي : انا باروح اغير شكلي ومنظري واجهز كل طلباتك واجي اخذك

ريماس : تمام

ابو ريماس : بس اذا اسمع بنتي رجعت عندي وزعلت منك وربي ماعاد تشوفها

ريماس كانت مخططه تجنن تالين وتوريها كيف دامها جات ضره لها

لؤي : ممكن شوي ي ريماس باقول لك شي خاص بينا

ريماس : تمام

قامو وخرجو بره وقال

لؤي بتعب : واخيرا حنيتي على قلبي

ريماس : انت اللي خليتني قاسيه

لؤي : ماعاش اللي يزعلك مره ثانيه

ريماس : روح ارتاح وبعدها نتكلم

راح لؤي وابوه وهي راحت غرفتها تعلم الهنوف بكل شي وتاخذ رايها

عند اهل ابو هتاف في المستشفى

الدكتور : الوالد مره تعبان وحالته مره صعبه

هتاف طاحت على الارض تبكي وتضرب نفسها

الدكتور ماعرف وش يسوي غير انه قال

الدكتور : لازم نعطيها مهدأ

الياس بضيق : مابيفيد ي دكتور اعطوها واستمرت الحاله من صحيت برضه تبكي وتصرخ

الدكتور : انا اقول افضل شي تطلعونها من المستشفى وتاخذونها مكان هي تحبه يمكن ترتاح

الياس : ابشر ي دكتور بنسوي اللي تقول عليه

ام هتاف ماتحملت تلاقيها من زوجها اللي ماتدري بيصحى او لا وبنتها اللي منهاره

الياس نزل تحت لعند هتاف وقال

الياس بحنيه : حبيبي قومي ماينفع كذا قومي نروح البيت وبعدها نطلع البحر تشمين هوا

هتاف بقهر : لا ما ابي انتو تضحكون علي ابوي مات صح وماتبون تقولون

الياس : ي عيوني وقلبي ابوك ماتوفى بس هو في العناية خل نطلع ووعد اجيبك له كل يوم

هتاف ببكاء : ابي اروح البحر افضفض للبحر همي

الياس : ابش ي بنروح وتسوين كل اللي بخاطرك بس قومي معي

ام هتاف : اخ المصايب ورانا ورانا الحمدلله على كل حال

رجعهم الياس البيت وام هتاف راحت اخذ شور وقررت ترتاح تنام لها كم ساعه لين ترجع بنتها

ام هتاف بحزن : الياس تكفى هتاف لايصير لها شي

الياس : ماعليك باخذها البحر واخليها تتكلم اللي بخاطرها يمكن كذا ترتاح

بعد ماخلصت هتاف خرجت وقالت

هتاف بضيق : يلا نروح البحر

خرج الياس وراحو للبحر وقبل يروحون هناك عدا على كشك وجاب لهم شاهي بالنعناع عشان تروق شوي هتاف

وصلو البحر ونزلو وجلسو وهتاف من غير شعور قالت

هتاف بتعب : تدري ي بحر ابوي تعبان حيل وبالمستشفى وبيروح مني

الياس سكت وقرر. يسمعها لين تخلص وهي كملت وقالت

هتاف : ابوي كان يحبني مايرضى علي يمكن اصير يتيمه وماحد يتقبلني حتى الياس يمكن ينهي كل شي بيني وبينه

هنا الياس حس بضيقه بقلبه بسبب كلامها وماحب يقول شي بس شد على يدها

حست هتاف بيده وشدت عليه زياده وقرب منها وحضنها وقالت له

هتاف : ممكن سؤال

الياس : تفضلي

هتاف : راح تبعد عني صح وتخليني لحالي وتتزوج وحده عنده اب مابتصير يتميه

الياس بحنيه : ي عيوني ليش ذا التفكير انا اخترتك بقلبي قبل عقلي انا احبك وابي منك عيال انت مو من غيرك ويخسون بنات حواء قدامك

هتاف بفرح : الله يخليك لي

الياس بحب : امين يارب وش رايك نروح نتعشى

هتاف : اي جيعانه احس كمان دايخه احتاج اكل

الياس : قومي يلا

جات هتاف بتقوم قامت شلحت من رجلها الجزمه (الله يكرمكم) وراحت للبحر حطت رجلها شافها الياس وراح عندها وصارو يجرون وتحس هتاف شوي بساعده بسبب الياس

في الديره

كانت العنود كل مره تنعجب في سيف وتحبه وتحب حنيته عليها وكانت كل مره تشوفه بدس عشان اهل روان مايعصبون عليها

خرجت بره وكانت جالسه تتنشق هواء فجأة جات عليها كره وعورتها

العنود بعصبيه : حمار ماتشوف

الولد : انتِ الحماره قاعدين نلعب

العنود : مالقتو غير هنا

الولد : شارع ابوك

العنود بقهر ضربته كف وطيحته على الارض والولد انقهر ان اصحابه ماحد دافع عنه

الولد بصراخ : تتفرجون عليها ليه

العيال كلهم مره : اهبل تراها بنت

الولد قام وجا بيضربها الا سيف يمسك يده

سيف بصراخ : انقلعو كلكم من هنا

الولد : وش دخلك انت

سيف بصراخ : تبي ضربه كمان

الولد من الخوف هج وما قال شي ولف سيف على العنود

سيف بحنيه : تعورتي

العنود : شوي بس خفيفه

سيف : يع وش يبون منك

العنود : ضربني بالكوره ويقول شارع ابوك

سيف : ذول حمير دايما كذا مشاكل مع اي احد

العنود بقهر : كنت جالسه مبسوطه خربو علي

سيف بحب : ماعليه ي قلبي ادخلي عشان لايرجعون

راحت العنود داخل عشان لاحد يحس عليها واستانست ان سيف دافع عنها

وراحت جري عند روان عشان تعلمها اللي صار معاها وتمسك يدها من الالم

روان بخوف : شفيها يدك

العنود : يع جو اولاد يلعبون كوره وعوروني وانا جالسه برا

روان : يع عرفتهم ذول مايبطلون عادتهم اذا شافو بنت يتعمدون يسون كذا بذات واحد

↚

 معاهم

العنود بضحك : ههههههههه بس تخيلي ضربته

روان ماتحملت وجلست تضحك

العنود : وجا سيف شالهم من عندي وجيتك

روان : احسن يستاهلون اللي يصير لهم

جاعت العنود وراحت تسوي لها اكل وروان رجعت تكمل المسلسل والعنود كل ماتتذكر كيف ضربة الولد واصحابها يضحكون عليه تضحك من قلب

في فيلة ابو لؤي

بعد مارجعو وفرحت ام لؤي بشوفت ولدها حضنته وهو بادلها الحضن رغم انه زعلان منها

ام لؤي بفرح : الحمدلله على سلامتك

لؤي : الله يسلمك يمه

ام لؤي : تبي اكل

لؤي باستغراب : وين تالين ماستقبلتني

سكتو ام لؤي وابوه وبعدها تكلمت وقالت

ام لؤي : تالين راحت عند اهلها

لؤي بتعب : اف ذي ماتتوب لسه انا تعبان بعدين اشوف موضوعها

ابو لؤي : اجلسو شوي بتكلم بموضوع

لؤي : يبه حيل تعبان

ابو لؤي : بس شوي عشان نحل كل شي

جلس لؤي ويحاول يتحمل التعب وكان دايخ مو قادر يشوف زين

ابو لؤي بجديه : الحين ولدك وخرج وانا مقهور منه على تصرفته بس انا ما باجي عليه فوق ما الدنيا جايه عليه

ام لؤي : وش في صاير شي بعد

ابو لؤي : ابنك تعب وكثير وانا وهو كنا عند اخوي وتفاهمنا وريماس بترجع بشروطها

ام لؤي بقهر : ما بقي الا ذي تتشرط على ولدي

لؤي بقهر وتعب ماتحمل وصارخ

لؤي بصراخ : لين هنا وبس انا تحملت كثير ماحد له عاد دخل بتصرفاتي ماحد له دخل ببيتي اسوي لها اللي اسويه خلوني اعيش لو مره بس مرتاح معاه

ام لؤي بضيق : تصارخ على امك

لؤي بتعب : لك كل احترامك بس لين هنا وخلاص بتيجي ريماس وباجيب لها عامله خاصه فيها اذا مو عاجبك يمه اخذها واطلع من الفيله

ابو لؤي : خلاص ي حرمه خلي ولدك يرتاح مع زوجاته يتصرف زي مايشوف

مسك راسه وطاح على الكنب من التعب

ابو لؤي قال للعامله تجيب مسكن ومويه وتسوي له اكل

لؤي بحزن : تكفون ولو مره اوقفو معي انا احب ريماس يمه ريماس اللي تفهم لي يمه ريماس تعرف راحتي ريماس تفهمني قبل اتكلم

لف وجهه ونزلت دمعته ماحب احد يشوف دمعته ومسحها

في قصر ابو سلطان

كانت اسيل جالسه بالحديقه وصحبتها ريم عندها وجالسين مع بعض ومبسوطين ويسمعون اغاني والاجواء حلوه مره

ريم : تدرين ي اسيل اني انبسط مره بس اكون معاك

اسيل : وانا بعد

ريم : الله يديمنا لبعض

اسيل : امين

ريم : تعالي نسوي ترند

اسيل : وش هو

ريم : في ترند انو نقول ١٢٣ ونجري

اسيل : يلا قدام

قامو وسو الترند وصورو وبس خلصو رجعو جلسو

اسيل : انا جيعانه تبين ناكل

ريم : اي

اسيل : تبين نطلب من برا ولا نقوم نسوي

ريم : تعالي ندخل المطبخ ونسوي اشياء ونصور

اسيل : يلا

دخلو المطبخ وبدو يسون اكل ويصورون ويضحكون ومبسوطين مره بس خلصو طلعو وكان في احد يطالع عليهم من بعيد

اسيل استغربت لان كلمت الحراس ماحد يجي لان بتجلس هي وصحبتها بالحديقه وفجأة يرمي احد شي وتروح تشوف مين الا يمسكها ويدخلها الغرفه

اسيل بصراخ : الحقوني

الحارس : ماحد يقدر يلحقك

اسيل : وش تبي مني

الحارس : اف ابي اشياء كثير

طبعا الحارس نسي ان في كمرات مراقبه

اسيل : انا اوريك

هنا ريم استغربت اختفاء اسيل جلست تدور عليها وماحصلتها وجلست تدور بكل القصر لين سمعت صوت بغرفه وحاولت تفتح الباب بس ماكانت تقدر قررت تشوف اذا سلطان موجود

راحت عند العامله وقالت

ريم بخوف : بسرعه نادي سلطان قولي لها اسيل بخطر

راحت العامله قالت له ونزل بسرعه يشوف وش في

ريم : بسرعه الحق اسيل بذي الغرفه

راح وكسر الباب وانصدم من الحارس وضربه كف

اسيل بخوف : والله ماسويت شي

سلطان : اطلعي بسرعه وروحي تستري

ريم : تعالي

اخذتها وراحت تعطيها شي تستر نفسها وسلطان ضرب الحارس من القهر وحبسه هنا وقال حسابه بعدين

في الكافي عند راكان وعبد العزيز

كانو جالسين ويسولفون كالعاده الا عبد العزيز لاحظ ان وجه راكان مره تعبان واضح شايل هموم كبيره قال له

عبد العزيز : انت لك فتره مختفي عني عسى مشر

راكان بتعب : خلها على ربك

عبد العزيز : صاير شي

راكان : اختي بالعنايه لها تقريبا اسبوعين ماندري عن وضعها شي من بعد الحادث اللي صار لنا

عبد العزيز بضيق : اوف كل ذا يصير معك وماتعلمني

راكان : ماكان عندي وقت اكلم احد يادوب مع اهلي لما صارت فرصه جيتك

عبد العزيز : الله يقومها لكم بالسلامه يارب

راكان : تدري احس خايف على رائد

عبد العزيز : ليه صاير معاه شي

راكان بتنهيد : مدري بس شكله يحب

عبد العزيز : هو تكلم ولا انت شفت شي

راكان : انا ملاحظ من نروح المستشفى ويشوف ممرضه اسمها نوره نظراتهم لبعض مدري كيف

عبد العزيز : لازم تتكلم معاه وتشوف اذا فعلا يحبها وتخليه يتقدم لها

راكان بقهر : ما نقدر الحين نروح نطلبه له حتى لو يحبها لان انت عارف وضع اختي

عبد العزيز : اجلس تكلم معاه وفهمه كل شي عشان هو اذا بيخطي خطوه لازم يعرف عشان عنده خوات

راكان : هو كذا اللي لازم يصير

بعد مده قامو راكان وعبد العزيز وراح راكان المستشفى يشوف وضع اخته وسمع احلا خبر من السعاده سجد سجود شكر لله

في قصر ابو سلطان

بعد ما حبس سلطان الحارس بالغرفه راح عند اسيل عشان يفهم وش صار وكيف صار كل ذا

دق الباب سلطان قالت اسيل

اسيل بخوف : تفضل

سلطان : ممكن اتكلم معاكم

ريم بخجل : تفضل

سلطان : وش صار عشان يصير كل كذا

اسيل بتوتر : كنا جيعانين وقمنا نسوي اكل بالمطبخ وطلعنا ثاني للحديقه عشان ناكل وانا مكلمه الحراس كلهم لاحد يجي

سلطان : اي وبعدين

اسيل : الا ذا الحيوان واضح كان يراقبنا من اول فجأة يرمي شي انا قلت اشوف مين ووش في الا فجأة يسحبني ويدخلني الغرفه وشفت انت اللي صار

ريم : اي وانا سمعتها تصرخ وجيت ادور عليك عشان تنقذها

اسيل ببكاء : بتضربني صح

سلطان راح عندها ومسح دموعها وقال لها

سلطان بحنيه : لا انت مو غلطانه هو حيوان دام في بنات ليه يجي الحديقه قومي وانبسطي مع خويتك وانا بتصرف

خرج سلطان من عندهم وراح للكميرات وشاف كل شي وانصدم ان من يوم كانو بالحديقه يراقبهم وكان يصور اسيل بذات هنا انجن سلطات وراح عنده وهو معصب

سلطان : حسبي الله ونعم الوكيل فيك انا شفت كل شي بالكمرات

الحارس بترجي : تكفى سامحني

سلطان : اسامحك وانت كنت بتدمر اختي زين اني لحقت عليك

الحارس : وربي ما اقصد بسوي لك اللي تبيه بس سامحني

سلطان من القهر ضربه كف واثنين وثلاثه واربعه وخمسه وقرر يودي التسجيل للشرطه ويسجنه

سلطان بغضب : حسابك بشرطه ي واطي

خرج وسكر الباب وعشان يسحب التسجيل وبعدها بيتصل على الشرطه عشان يجون له ياخذون الحارس

سلطان بقهر : اجل انا يترجاني اسامحه وهو كان بيدمر اختي الله ياخذه يارب

في البحر عند هتاف والياس

بعد ماخصلو وركبو السياره تكلمت هتاف وقالت

هتاف : ممكن تسمعني وماتقاطعني

الياس باستغراب : تفضلي

هتاف بتوتر : مدري كيف ابدا بس بتكلم

الياس : قولي لاتخافين

هتاف بتردد : انا ما ادري اذا ابوي بيعيش او لا لكن انا حسيت معاك بالامان وحبيتك واخترتك انا بعد بقلبي وشفتك رجال كفو تكفى لاتخذلني وتبعد عني لاي سبب حتى لو صرت يتيمه انا

الياس : وش ذا الكلام مين قال ببعد عنك شفيك تفكرين كذا

هتاف بتعب : خل اكمل كلامي انا ادري تعبتك معي كثير بمشاكلي وظروفي بس انا طاقتي تلاشت خلك جمبي قويني

الياس شد على يدها وقال

الياس بحب : انا معك من اليوم لين نشيب مع بعض ونزوج عيالنا انت الحين تعبانه عشان كذا تفكرين ذا التفكير لاتفكرين ريحي قلبك قلت لك انا بنات حواء ما ابيهم دامك بحياتي الشي الحلوه بدنيا ذي اني عرفتك

هتاف بدموع : ممكن طلب

الياس بحنيه : اطلبي وامري وتدللي وقولي بعد لدنيا كلها انك حبيبت الياس والياس حبيبك

هتاف : خبيني بحضنك حضنك امان لي

الياس : ابشري يبعد هالدنيا كلها لو تبين اسحب على الدنيا لجل عيونك ماطلبتي شي

هتاف : احبك

الياس : وانا اكثر يلا وين تبين ناكل

هتاف : امم ابي ماك عادي

الياس : اي اصلا كنت باخذك ادري تحبينه بس قلت اسأل يمكن خاطرك شي ثاني

هتاف : الله يسعدك

هتاف تحس الدنيا كلها شوي صارت حلوه بسبب كلام الياس لها

الياس : انا بكرا بعتذر من الدوام وبقضي يومي معك كله

هتاف : لا عادي داوم

الياس : نسيتي اني المدير

هتاف : اي صح

راحو المطعم ونزلو ياكلون وجابت لامها اكل ورجعو كل واحد لبيته ويحس الياس بسعاده عشان قدر يسعد هتاف

في فيلة ابو لؤي

بعد ما تكلم لؤي بالي فيه لاهله ونزلت دمعته تكلم ابو لؤي وقال

ابو لؤي : اللي بيصير ان كلهم بيرجعون هنا والحياة بتمشي زي مايقول لؤي وما نبي مشاكل

ام لؤي : كيفكم سو اللي تبونه

لؤي : يبه انا برتاح وبعدها نشوف وش بنسوي عشان طلبات ريماس

ابو لؤي : ماعليه انا بوقف معاك

لؤي : وتالين يبه

ابو لؤي : تالين عصب عنها بتسمع كلامك دامها زوجتك وهي اللي رضيت تيجي على راس المسكينه

لؤي بقهر : كله من امي كانت بتزعل مني لو ماتزوجت

ام لؤي بنرفزه : كل شي فوق راسي حطوه

راح لؤي وطلع شقته ودخل ياخذ شور دافي بعد يىم طويل ومتعب وبس خلص ولبس ملابسه توضى وصله ركعتين يدعي ربه فيها عشان يدله على الصح ويرشده لصواب لان يحس نفسه مو عارف يتصرف

بعد ماخلص كلم الخادمه تسوي له شي خفيف ياكله عشان يروح الصداع

وقرر يتصل يكلم ريماس ويشوفها بعد مده ردت عليه

لؤي : السلام عليكم

ريماس باستغراب : وعليكم السلام في شي

لؤي : وحشتيني

ريماس : تمام

لؤي بقهر : ليه تتكلمين ببرود

ريماس : مين قال اتكلم ببرود

وفجأة يمسك راسه ويقول

لؤي : اخ بموت من الصداع

ريماس بخوف : ما اكلت صح

لؤي : وليه مهتما

ريماس : روح سوي اي شي وكل

لؤي : الخادمه بتسوي لي

ريماس : غريبه وين تالين

لؤي : عند اهلها انا جاي اسولف معك وانت تتكلمين ببرود بقفل

قفل منها وهو مقهور حيل ومو عارف وش يسوي جابت له الخادمه الاكل وبدا ياكل ويحس شوي ارتاح وقرر يروح ينام يرتاح

في المستشفى عند رائد

بعد ماخرج من عند اهله قرر يروح يشوف نوره يحس اشتاق لها جلس يدور عليها ماحصلها وفجأة يلاقي واحد يعاكسها وهي متضايقه

راح عندها جري ومسك الرجال وشد على رقبته

رائد بصراخ : وش تبي منها ي حيوان

الرجال : وانت وش دخلك ابعد عني

رائد : انطم ي كلب

الرجال : ابعد عني خنقتني

رائد بقهر : عساك للموت يارب

نوره : رائد خلاص ابعد عنه

رائد بنرفزه : اي دافعي عنه

نوره بقهر : ما ادافع عن احد

مشيت من عنده وهي زعلانا من كلامه وتفكيره وهو ضرب الولد وفجأة جا راكان وشاف رائد وعصب

راكان : رائد ابعد عن الولد بتخليه يموت

رائد بعصبيه : يستاهل عشان يتعلم ماعد يقرب على ممتلكاتي

هرب الرجال من عندهم وراح بس عشان يضمدون له مكان الضربه

راكان : وش في

↚

رائد : ليه يقرب على نوره

راكان : كنت حاس انك خرجت عشانها

رائد : ماحد له دخل فيني

راكان : اهدا واسمعني ماينفع كذا عشانها وعشان انت عندك اخوان

رائد بصراخ : مالك دخل تفهم انا كبير

راكان بضيقه : اوك خلاص سو اللي تبيه ي كبير بس تذكر ان عندك خوات

رائد هدا نفسه وحس انه تسرع بكلامه وقال

رائد : اسف وربي اسف بس ماقدرت اشوف احد يقرب منها والله قصدي شريف ابيها زوجتي بس انت شايف ظروفنا كيف

راكان : ادري ي اخوي بس ابعد عنها لاتضايقها

رائد : زعلت مني ومن كلامي

راكان : ناديها نتفاهم معاها

جات عندهم وهي متضايقه والدمعه بعينها

رائد من شاف دمعتها حس بضيقه بقلبه وقال

رائد بندم : والله ما اقصد بي ماتحملت اشوف احد غيري يقرب منك ويمسك يدك

نوره باستغراب : وانت وش دخلك

راكان : رائد مايقصد ي نوره غيرته واضح خلته يسوي كل ذا لاتبكين وهو يبيك وشاريك بالحلال بس ظروفنا ذي الايام تمنعنا نتقدم

نوره : بس هو زعلني

رائد : لك اللي يرضيك بس قولي وش تبين

نوره : نتكلم بعدين لازم اروح اشوف المرضى

راحت وهو قرر يتصل عليها بعدين ويراضيها ورجعو عند ريم عشان بكرا بتخرج

في الديره عند العنود

كانت جالسه العنود تتابع مسلسلها المفضل وقررت تقوم عشان تسوي لها اكل عشانها جيعانه وكانت تحس انها دايخه

العنود بضيق : اف شفيه الصداع ماسكني بحاول اشوف حل

راحت للمطبخ وبدت تسوي اكل وشربت مويه وهي تسوي الاكل وفجأة تطيح ويخبط راسها ويغمى عليها وماكان احد منتبه لها

قامت روان واستغربت ان العنود مو بالغرفه قررت تروح تشوف وينها دورت عليها بكل مكان مالقتها قالت

روان باستغراب : ذي وين شكلها بالمطبخ

راحت المطبخ وانصدمت من منظر العنود

روان بخوف : المها قومي

مافي استجابه خافت وتوترت وراحت تشوف امها

روان بصراخ : يمه الحقي المها مو راضيه تصحى

جات ام روان بسرعه وشافت العنود وتحاول تصحيها رشت مويه مو راضيه تقوم

جا ابو روان واخذها المستشفى دخلوها الغرفه وشافو حالتها وقرر الدكتور يسوي اشعه للراس يتأكد ان الضربه مأثرت على راسها

ابو روان : شفيها ي دكتور

الدكتور : كل شي سليم بس شكلها كانت مصدعه عشان كذا صار معاها كذا

ابو روان بخوف : صحيت ي دكتور

الدكتور : اعطينها علاج شوي وتصحى بس هي فاقده شي الذاكره

ابو روان باستغراب : لا ليه

الدكتور : تقرير اللي معي كذا يقول

ابو روان : غريبه

الدكتور : انا باروح اشوف الموضوع

دخلو عندها وخاف ابو روان الضربه تكون رجعت لها الذاكره

صحيت العنود واستغربت هي وين ومين ذول

العنود بصراخ :………..

في المستشفى عند العنود

صحيت العنود واستغربت هي وين ومين ذول

العنود بصراخ : انا وين

ابو روان : انت بالمستشفى اهدي لاتتعبين

العنود بخوف : مين انت

ابو روان : انا ابوك شفيك

العنود بصراخ : انا ماعندي اب انت خطفتني صح شفيك سكت

روان باستغراب : يبه ذي وش تقول يعني ذي انت خطفتها

ام روان بعصبيه : انفضحنا كله بسببك

ابو روان بصراخ : انطمو كلكم وانت بنتي وذي امك وذي روان اختك

العنود : لا انا ماعندي اخت انا عندي اخ اسمه الياس

وصارت تصرخ وتنادي باسم الياس ومن قهره ابو روان ضربها كف قوي

العنود بعصبيه : اطلعو برا ما ابيكم مو اهلي انتو الله ياخذك رجعني من مكان ما اخذتني

جا لهم الدكتور لما سمع الصراخ واعطاها مسكن يخليها تنام

الدكتور : ياريت تطلعون برا وتخلونهز ترتاح واضح رجعت لها ذكره وتتذكر الماضي

ابو روان بصراخ : كذاب انت سويت لها شي واضح

الدكتور بقهر : احترم نفسك انا اقوم بواجبي

ابو روان : انا بحسابك وبعلم الشرطه عليك

الدكتور : ماتقدر تعلم لان بيوقفون معي وبقول لهم انك خطفتها

هنا ابو روان خاف وسكت وقال

ابو روان بتوتر : خلاص حصل خير

الدكتور : من البدايه احترم نفسك

ام روان : ابوك ذا ي روان بيودينا في دايها

روان بصدمه : جد ابوي خطفها

جا لهم ابو روان وقال لهم

ابو روان : اللي صار ما ابي احد يدري فيه

روان : حسبي الله ونعم الوكيل فيك

جا وضربها كف ونزلت دمعتها من قهرها بسبب الاشياء اللي يسويها ابوها

خرجو ورجعو البيت وقال لهم الدكتور لازم تجلس عندنا كم يوم نشوف وضعها وبعدها بتخرج

ام روان : لا تجلس تمد يدك على فلان وعلان وانت غلطان كل واحد يتحمل نتايج افعله حبيبي

ابو روان بتهديد : انطمي ولا وربي اطلقك

ام روان : هذا انت بس تعصب علينا

وصلو البيت وروان وامها مالهم خلق يكلمون ابو روان وكل واحد راح غرفته بس ام روان راحت عند بنتها

في شقة ابو راكان

كانو جالسين ومتجمعين مع بعض وفرحتهم مو سايعتهم ان ريم صحيت وجالسين يخططون وش بيسون حفله عشان ريم

ام راكان بفرح : انا بسوي حفله لبنتي عشان قامت بالسلامه

راكان : ابشري يمه اللي تبينه بنسويه بس نشوف متى بتطلع من المستشفى وقبلها بيوم نجهز كل شي

ام راكان بحب : الله يخليكم كلكم لي يارب

رائد : امين انا بخرج باروح المستشفى لان الدكتور قايل بين فتره وفتره اجي يشيكون على الحرق

ريف : اشتقت لريم ابي اروح لها

راكان : اجهزي دام رائد بيروح

رائد : بعدين انت جيبها

راكان باستغراب : ليه انا بجلس مع امي انت خذها معك

رائد : عشر دقايق ولا بمشي

قامت لبست بسرعه وخرجت مع رائد وراحو المستشفى وداها غرفة ريم وهو راح يشيك على يده ويعطي نوره الهديه الي جابها لها عشان كان مزعلها

بعد ماخلص راح عند نوره

رائد : نوره ممكن شوي

نوره : بسرعه لان مستعجله

رائد بحب : تفضلي واسف على اللي صار

نوره بخجل : ماله داعي ماصار شي

رائد : الا له داعي انا زعلتك

نوره بابتسامه : مشكور يلا باروح اشوف شغلي

رجع عند خواته وتمنط على ريم وبعدها خرج هو وريف ورجعو البيت ونوره راحت تكمل اشغالها وهي مبسوطه مره وتنتظر اليوم اللي تصير فيه زوجت رائد

في شقة ابو هتاف

صحيت هتاف ودخلت الحمام ( الله يكرمكم) غسلت وجهها وتوضت وراحت تصلي اللي فاتها وبس خلصت خرجت تشوف امها

هتاف : السلام عليكم

ام هتاف : وعليكم السلام

هتاف بتعب : في اكل ماما

ام هتاف : ماقدرت اسوي شي تعبانه

هتاف : بدك نطلب من برا

ام هتاف : اه انتظرتك تصحي عشان ناكل سوا

هتاف : تمام هلاء بشوف ايش في مطاعم بتوصل هلاء

جات تمسك الجوال لقت رساله من الياس مكتوب فيها

الياس : حبيبي اعرف انكم تعبانين ذي الايام سواقي بطريق بيوصل لكم الاكل طالب لكم رز ولحم واذا تبين حاجه كلمي السواق عادي

هتاف : مشكور حبيبي بس ليه عذبت نفسك ماكان له داعي

قفلت جوالها وقالت لامها

هتاف : ماما الياس طلب لنا اكل رز ولحم

ام هتاف : الله يسعده تعب معانا كثير هذي الفتره

هتاف : امين يارب مابعرف والله فجأة وانا بدي اطلب لقيت رسالته وكاتب لي

ام هتاف : ان شاء الله بنرده له في الافراح

وصل السواق واعطاهم الاكل وقبل يروح قالت له هتاف الاشياء اللي تبيها من البقاله وجات بتعطيه فلوس

السواق : ما اقدر اخذ منك فلوس

هتاف باستغراب : ليه في شي

السواق : لا بس الياس منبه علي اي شي تبينه احنا ندفع

هتاف : تمام مشكور

راحت تاكل مع امها رغم الضيقه اللي فيها عشان ابوها وهي تاكل نزلت دمعتها ومسحتها عشان امها ماتحس عليها لان تذكرت ابوها وهي تاكل لان يحب الاكل ذا

ام هتاف : الحمدلله انا شبعت باقوم اغسل وانت خلصي ولمي الاشياء وبس يجيب السواق الاغراض جيبيهم الغرفه

هتاف : تمام

بعد مده خلصت وشالت كل شي ورتبت المكان واستغربت ليه السواق طول قررت تكلم الياس عشان يشوفه لان ماعندها رقم

اتصلت عليه وبعده مده رد

هتاف : السلام عليكم

الياس : وعليكم السلام فيك شي

هتاف : لا مافيني شي بس السواق طول وهو يجيب الاشياء اللي طلبتها منه

الياس : الحين اكلمه

قفلو من بعض وهو ماقال لها انه رسله يجيب له ورد من الياس لها عشان يغير مودها

جا السواق ودق الباب وفتحت له واعطاها الاغراض وقال لها

السواق : ذا من الياس لك

اخذته بكل حب وراحت اعطت امها الاغراض حقتها وراحت غرفتها وهي مبسوطه وتحس شوي تغير مودها

في فيلة ابو ريماس

بعد ما بدلت ملابسها ريماس وكانت متضايقه لان كانت تتعب هي ولؤي بالمكالمه اتصلت على الهنوف

ريماس بتعب : السلام عليكم

الهنوف : وعليكم السلام شفيه صوتك

ريماس : تعبانه شوي تعالي عندي ساعديني اذا تقدري

الهنوف : واضح في بقلبك كلام باجي لك

ريماس : كيف تحسين فيني كذا

الهنوف : صاحبة عمري كيف ما احس فيك

ريماس : اجل نقفل عشان تجهزين وتجين

قفلو من بعض وبعد ساعه ونص جات الهنوف وطلعت غرفة ريماس

الهنوف : هلا بحبيبة قلبي

ريماس : هلا بعيوني

الهنوف : وش تسوين ليه ماقلتي للعامله

ريماس : يع ماتفهم علي وتعبتني

الهنوف : اجلسي انا بساعدك

ريماس : اتصل علي وكانت المكالمه عتاب

الهنوف : ادري صعب عليك بس انت بترجعين له عشان بنتكم

ريماس بضيقه : كل ما اتذكر كيف عشان مع غيري اتضايق

الهنوف : الله ياخذها لان وافقت

ريماس بدموع : هنوف ليه ماتحسون بقلبي كيف موجوع

الهنوف : وربي حاسه فيك وادري بقلبك عتاب بس منتي قادره تتكلمين

ريماس بغيره : ودي احرقها لان قربت منه ودي اذبحها

الهنوف : اهدي وان شاء الله خير

بدو يجهزون اغراض ريماس بالشنط لان بترجع عند زوجها وبس خلصو طلبو اكل وبعد ساعه وصل الاكل وبدو ياكلون ويسولفون

الهنوف : لما تروحين عندهم لازم تنتبهين من تالين

ريماس : وربي لا اوريها اذا تقرب مني وتخليني اخسر بنتي

الهنوف : احسها شيطانه وربي

ريماس : على نفسها حبيبي ماحد قال لها توافق

الهنوف : كله من ام زوجك مدري شفيها

تحس ريماس شوي ارتاحت بعد ماتكلمت للهنوف

الهنوف : انا بمشي تبين شي

ريماس : انتبهي لنفسك

في قصر ابو سلطان

بعد ما اتصل على الشرطه وجو ووراهم كل شي وشافو واخذو الحارس تكلم الشرطي وقال

الشرطي : بنتصل عليك لو في شي

سلطان : تمام

الشرطي : احنا بنروح بعد ما اخذنا الدليل عليه

خرجو واخذو الحارس معاهم وبيشوفون عقوبته بالمركز حقهم

بعد ماراحو راح سلطان يشوف وضع الحراس الباقين ويتطمن على الوضع حق القصر

بعد ماخلص راح عند اسيل ودق الباب

اسيل : تفضل

سلطان : كيفك الحين

↚

اسيل : الحمدلله بس مدري خايفه ارجع انزل تحت بالحديقه

سلطان بحنيه : لاتخافين كل شي امان وراح يحاسبونه

اسيل : تمام

خرج من عندها ونزل تحت ونادا الحراس كلهم يتكلم معاهم

سلطان بتهديد : وربي لو شفت احد يعيد اللي صار موته على يدي وربي ما امزح

كلهم مع بعض : ماعليك مارح يصير شي حاضر

سلطان : وعزة جلال الله احد يقرب لاهل القصر بيندم

خافو من تهديده وراح كل واحد المكان اللي يحرسه بالقصر

نزلت اسيل وراحت المطبخ وسوت لها حاجه خفيفه عشان تاكل وطلعت بحديقة القصر

جلست وبدت تشغل المسلسل وتاكل الا فجأة جسمها يرجف بقوة وبدت تصرخ

اسيل بصراخ ….

في قصر ابو سلطان

جلست وبدت تشغل المسلسل وتاكل الا فجأة جسمها يرجف بقوة وبدت تصرخ

اسيل بصراخ : لا تقرب

طبعا اسيل كانت تهوجس بعد اللي صار و خايفه سمعها سلطان تصارخ نزل عندها يشوف وش في

سلطان : وش في ليه تصارخين

اسيل بحزن : كنت اهوجس بس

سلطان بحنيه : لاتفكرين بشي حاول تسوين شي ينسيك الموضوع

اسيل : تمام

راح سلطان للمكتب وكمل شغله وبس خلص قرر يطلع مع اخوانه ياخذهم يستانسون نادا على المربيه

المربيه : نعم استاذ سلطان

سلطان : جهزي ندى وعمر باخذهم معي

المربيه : تمام

راحت تجهز ندى وعمر وهو راح يكلم اسيل عشان لو تبي تيجي معاهم

سلطان : اسيل تبين تخرجين

اسيل : اي ثواني بس اجهز

راحت تجهز وبس خلصو كلهم نزلو وركبو السياره واخذهم مطعم

اسيل وهي نازله من السياره جات لها وحده تشتغل تبيع ورد

البنت : اشتري مني

اسيل : شكرا ما ابي

البنت تحاول في اسيل وهنا اسيل عصبت وماتحملت

اسيل بتكبر : ما باقي الا انت اشتري منك يع

راحت البنت وهي تبكي واسيل دخلت المطعم وطلبو اكلهم وبعد مده جاهم وبدو يتعشون

سلطان : وش تبون بعد الاكل

ندى : نبي الملاهي

اسيل : ابي قهوه

سلطان : تمام ابشرو

عمر : ابي الحمام (الله يكرمكم)

اخذه سلطان وبعد ماخلصو راحو عشان يجيب قهوه لاسيل وعمر وندى يلعبون وبعد ماخلصو رجعهم للقصر وهو دخل غرفته واخذ شور دافي وجلس على السرير يقلب بالجوال

.

.

في شقة ابو هتاف

كانت هتاف جالسه بالغرفه وتفكر بكثير اشياء وبوضع اهلها ووش راح يصير لابوها بعد الشلل اللي جاه نزلت دمعتها الا يدق جوالها

هتاف بدموع : السلام عليكم

الياس : وعليكم السلام شفيه صوتك

هتاف : مافي شي تعبانه

الياس : متأكده

هتاف : اي في شي

الياس : شرايك نطلع البحر

هتاف بحماس : الله اشتقت للبحر

الياس بفرح : اجل اجهزي ساعه واجيك

قامت هتاف جهزت وقالت لاهلها ووافقو وخرجت له وبعد مده وصلو البحر

هتاف من فرحتها جلست تصور ومبسوطه مره لانها تعشق البحر

الياس بابتسامه : مبسوطه

هتاف بسعاده : اي مره

وفجأة تمطر عليهم وصارو يجرون تحت المطر وهم مستانسين مره

هتاف : شكرا مره

الياس : العفو ي قلبي

هتاف بتعب : اخ تعبت وانا اجري

الياس : تبين نروح ناكل

هتاف : اي وابي مويه عطشانه

الياس : تمام يلا

ركبو السياره وهم مستانسين وراحو لاقرب مطعم وطلبو اكل وكملو يتمشون بالسياره وبعدها قررو يرجعون البيت عشان مايمرضون لان ملابسهم مره مبلله رجعت هتاف البيت وهي مبسوطه مرا لان نزل عليهم مطر وهي عند البحر اكثر شيئين تحبه المطر والبحر

في فيلة ابو ريماس

كانت ريماس وقتها ترتب الاغراض بالشنطه وبعد ماخلصت نزلت تحت عند اهلها تجلس معاهم لين يجي لؤي ياخذها وكانت مره خايفه من تالين تسوي لها شي وتخسرها اللي في بطنها

ام ريماس : خلصتي كل شي

ريماس بتعب : اي يمه

ابو ريماس : وش فيك ي ريماس باين انك تعبانه

ريماس : شوي متعبني الحمل

ام ريماس : الله يعينك ويقومك بالسلامه

ريماس : امين يارب ترا لؤي بيجي

ابو ريماس : تمام حياه الله

ريماس بتوتر : خايفه اروح معاه وتسوي فيني شي تالين

ابو ريماس : لاتخافين ماتقدر تسوي شي لك اكيد لؤي بيعصب عليها لو قربت منك

بعد مده فتحت العامله الباب ودخل لؤي مدخل الرجال وراح ابو ريماس يستقبله

ريماس : يمه

ام ريماس : هلا

ريماس : مشتهيه فراوله

ام ريماس : ماعندنا الحين نعلم ابوك ولؤي عشان يجيبون لك

ريماس : تمام

(عند الرجال بالمجلس)

لؤي : كيفك ي عمي

ابو ريماس : الحمدلله انت كيفك وكيف اهلك

لؤي : كلنا بخير

ابو ريماس : ادري جاي تاخذ ريماس وتحاولو تستقرون سوا بس اتمنى زوجتك الثانيه ماتقرب من بنتي وكل وحده تكون بحالها

لؤي بحب : اكيد رموس ممنوع احد يقرب منها وبتكون لها عامله خاصه فيها تسوي لها كل شي

ابو ريماس : تمام

جات لهم ريماس وهي واضح تعب على وجهها

لؤي بخوف : بسم الله عليك شفيك

ريماس بتعب : تعبانه

لؤي : نروح المستشفى

ريماس : لا ما يحتاج

لؤي : لازم نروح شايفه وجهك كيف اصفر

ابو ريماس : اي خذه تطمنو عليها وعلى بنتكم بعد

ريماس : يبه ممكن طلب

ابو ريماس : امري

ريماس : مشتهيه فراوله

ابو ريماس : روحي المستشفى ي بنتي وتطمني ولؤي بطريقه يجيب لك

لؤي بحب : اكيد تامر امر رموس

خرجو وتوجهو للمستشفى يتطمن عليها وعلى بنته واعطوها مغذي صغير وقالو لازم تتغذى زين وبعد ماخلصو راح لؤي يجيب لها فراوله وبالقوة حصل

ريماس : ممكن ارجع البيت ارتاح

لؤي : بنرجع ناحذ اغراضك ونرجع عند اهلي

ريماس : طيب

في شقة ابو راكان

كانو جالسين ويسولفون مع بعض ومسوين قهوه وحلا ومبسوطين تكلم راكان وقال

راكان : رائد لازم تدور لك شغل

رائد : مين بيقبل فيني

راكان : ماشاء الله تعرف انجليزي وعندك خبارات دور وشوف

رائد بتفكير : اممم طيب

راكان باستغراب : شكله مو عاجبك

رائد : ماقلت مو عاجبني بس تعب الدور

ام راكان : لازم تدور شغل تساعد اخوك بالمصاريف اخوك مره تعب بغيابك عننا

راكان بضيقه : يمه خلاص ممكن تسكرين الموضوع مايبي يساعد عنه لاساعد

قام راكان على غرفته متضايق من كلام رائد وان راكان عشان يأمن كل شي لاهله يشتغل الصباح اوبر وفي الليل يبيع اكل

ام راكان : كذا خليته يتضايق عمره ماقصر معانا ولا كان يقول لنا لا على شي صار الوقت اللي نوقف معاه وتقوم تدور وظيفه

رائد بصراخ : ماقلت شي غلط قلت بتعب وانا ادور

ريف بقهر : شفيك تصرخ على امي

رائد : مالك دخل انت بعد انقلعي من هنا احسن لك

ريف : اضربني يلا

جا لهم راكان وسمع صراخهم وشاف رائد بيضرب ريف ماتحمل

راكان بعصبيه : تمد يدك عليها ي ويلك مني

رائد : تستاهل مالها داخل وانا اكلم امي

راحت ريف وتخبت ورا راكان وهي تبكي

خرج رائد من عندهم وراكان انقهر منه مرا وحضن ريف ويمسح دموعها وقرر يروح عند عبد العزيز عشان يتكلم معاه

.

.

في فيلة ابو لؤي

بعد ماجو لؤي وريماس من برا كانت تالين راجعه لما درت ان لؤي بيرجع ريماس اليوم وكانت لابسه ومتكشخه وتعمدت تلبس قصير عشان تقهر ريماس

تالين بدلع : حبيبي اشتقت لك

لؤي : شكرا

تالين بحب : شفيك حبيبي شكلك تعبان تعال نرتاح

ام لؤي : الحمدلله على سلامتك ي بنتي

ريماس : الله يسلمك لؤي وين غرفتي برتاح

ام لؤي : غرفتك نفسها قال لؤي انتو اطلعو وانا بخلي العامله تيجي تجيب لك الاغراض

طلعو وقبل يكملون تعمدت تالين تقول

تالين : حبيبي اليوم ليلتي نسيت

لؤي : ماتشوفين مشغول ريماس تعبانه

طلعو ودخلها الغرفه وراحت ترتاح على السرير وتالين منقهره مره راحت غرفتها وهي متنرفزه تدلع وتسوي حركات وهو ولا همه

تالين بشر : انا اوريها ريماس خل بس يروح لؤي

خرجت تشوفه اذا راح او لا وهو كان عند ريماس

لؤي : جيعانه اجيب لك اكل

ريماس : اي

خرج لؤي عند امه اذا في اكل دخلت تالين عند ريماس قبل يجي لؤي وقالت

تالين بشر : ترا هو يحبني اكثر منك وانت يتعامل معاك كشفقه لانك تعبانه وبتجبين له بنت انت تربين وانا استانس معاه

ريماس بصراخ : اطلعي برا اطلعي برا

جا لهم لؤي على صراخ ريماس

لؤي بعصبيه : وش تسوين عندها

تالين : اليوم يومي مو يومها

لؤي : انقلعي برا واذا تقربين منها ي ويلك

تالين ……

في الديره عند العنود

كانت نايمه بسبب المهدأ اللي اعطاها اياه الدكتور وكان ابو روان معصب من اللي صار وان بنته درت انه خاطف العنود

روان ببكاء : ماعاد ابي اشوفك

دخلت عند العنود وكانت تبكي بحرقه عشان الكف اللي اخذته وعشان فعايل ابوها

ابو روان : يلا بنمشي جيبي روان

ام روان : روان بتجلس عند المها

ابو روان بصراخ : قلت يلا بنمشي

ام روان : خلاص فضحتنا الله يفضحك

ابو روان : انطمي ويلا نرجع وخلي الزق عند المها

رجعو وكانت روان جالسه بالغرفه عند العنود مقهوره قررت تقوم تتوضى وتصلي وتدعي ربها وترحي بالها

روان ببكاء : اخ يارب انت وحدك تعلم بكل اللي بقلبي فبعد عني الضيقه

صحيت فجأة العنود وتحس بتعب

العنود : ابي مويه

خلصت صلاة روان وراحت لها واعطتها مويه

روان ببكاء : انا مالي ذنب بالي صار وانا حبيتك لاتزعلين مني

العنود بقهر: ما ابي اتكلم بشي ممكن تخليني لحالي

روان بضيقه : بجلس هنا لاحتجتي شي

العنود : بكيفك

جلست العنود على جوالها وتقلب وجاتها رساله من سيف وجلست تسولف معاه تحاول تطلع نفسها من الضيقه اللي هي فيها جا لهم الدكتور يتطمن عليها وقال انها صارت احسن شوي

العنود : دكتور جيعانه وش اقدر اكل

الدكتور : انا كلمتهم يجيبون لك اكل لان لك ايام ماتكلين زين

العنود : تمام

بعد نص ساعه جابو الاكل وبدت العنود تاكل ومالها خلق احد ولا ودها تتكلم مع روان حتى لو روان تطالع فيها تصد عنها عشان ماتبكي

العنود : ابي الحمام (الله يكرمكم) نادي الممرضه

نادت لها الممرضه وساعدوها تروح الحمام(الله يكرمكم) ورجعت وبس خلصت كملت تسولف مع سيف وهي مبسوطه شي

في فيلة ابو لؤي

تالين بصراخ : والله مايحصل خير وانت بتيجي عندي الليله سامع

هنا لؤي ماتحمل وقام ضربها كف على خدها وهي مسكت خدها وحاولت ماتبكي قدام ريماس وتضعف

تالين بقهر : انا تضربني وهي عادي ساكت لها رغم انها راحت وتركتك بعز حاجتك لها الله ياخذها

خرجت تالين وراحت غرفتها ورمت نفسها على السرير وجلست تبكي بحرقه بسبب الكف اللي اخذته

ريماس : لؤي اهدا عشان لاتتعب

لؤي بنزفزه : الله ياخذ لؤي وترتاحون كلكم

ريماس وجعها قلبها بس حاولت ماتبين وقالت

ريماس : لاتدعي على نفسك بنتك في بطني

لؤي : انا بطلع تبين شي

ريماس : لا يسلمو

خرج لؤي وجاته تالين بعد مامسحت دموعها ورتبت شكلها

تالين بحب : حبيبي تعال نجلس مع بعض

لؤي صد : باروح مشغول

تالين : بس شوي عندي لك مفاجأة

طبعا تالين ماعندها مفاجأة بس تبي تقهر ريماس

دخلو الغرفه وهنا ريماس انقهرت ومن القهر وجعها بطنها وصارت تصرخ وماحد كان سامعها

ريماس ببكاء : اخ بطني بنتي لا تعالو ساعدوني

جات لها العامله

العامله : مدام ريماس وش في

ريماس بتعب : نادي لؤي من عند تالين

راحت العامله جري تدق الباب وفتح لؤي الباب وبس قالت له راح جري عندها يشوفها وهنا تالين انقهرت عشان ريماس خربت عليها

لؤي بخوف : اشبك تبين المستشفى

ريماس شافت تالين تطالع فيهم قامت حطت راسها على لؤي

ريماس : ما ابي المستشفى ابيك انت خلك معي

حضنها لؤي وانسدحو على السرير وهي من التعب غفت بحضنه وانقهرت تالين مره ورجعت غرفتها وسكرت الباب بقوة

مسحت دموعها والمكياج وحست ان ذي خطه من ريماس عشان لؤي مايجلس عندها

عند راكان وعبد العزيز

كانو بالكافي وجالسين مع بعض ويسولفون وكان راكان متضايق مرا بسبب كل شي صار معاه واخوه رائد زاد عليها ومو عارف وش يسوي

راكان بتعب : تعبان ي عبد العزيز ماحد حاسس فيني

عبد العزيز. : وش فيك تكلم

راكان : اخ تخيل كنت اقول لرائد يشوف شغل يساعدنا في البيت مو عاجبه

عبد العزيز بقهر : وش اللي مو عاجبه المفروض يساعدك حملت حمل كبير وهو مش هنا

راكان بضيقه : مدري احس السفره غيرته مره لما بعد عننا مده طويله

عبد العزيز : وينه هو الحين

راكان : ما ادري وين انقلع خرج ولا كأن همه شي وكان بيضرب ريف وصرخ على امي

عبد العزيز : اوف شفيه ذا

راكان : ماحد مخليني اتحمل الدنيا غير امي واخواتي

عبد العزيز : كل شب بيهون وربي بعوضك لانك جالس تسعدهم

راكان : تبي نطلب شي ولا نمشي

عبد العزيز : باقوم اطلب قهوه لنا

قام طلب قهوه لهم واخذ الطلب بس خلص ورجع وجلسو سوا وكملو سوالف وقال عبد العزيز

عبد العزيز : شكلي انا بقابل رائد واتكلم معاه

راكان : ما سمع لي بيسمع لك

عبد العزيز : بحاول عشانك لازم يصحى من الطيش اللي هو فيه

راكان : تمام يلا انا برجع عشان امي وبجيب لها معي دواء السكر

عبد العزيز : تمان واذا احتجت شي كلمني

راكان بابتسامه : ماتقصر ي اخوي

عبد العزيز : ولو احنا اخوان وسند لبعض

راكان : يلا مع السلامه

خرجو وكل واحد ركب سيارته وكان راكان من القهر يسرع ومو منتبه للطريق خبط بعمود وتلمو حوله الناس

الرجال : تعالو ساعدوني نطلعه من السياره

جو ساعدوه واتصلو على الاسعاف واخذو راكان على المستشفى والسياره اخذوها لتشليح وكان جواله يرن

رد الرجال وقال …..