عند ليان و ابوها تقدمت تطلع معه و ركبوا السياره و توجهوا العياده و طول الطريق كانت ليان تتألم من سنها ناظرها ابوها : أسم الله عليك يالله قريب و نوصل

هزت راسها ليان و كانت صدق تتألم من سنها بعد مده وصلوا العياده و دخلوا و بدأ يعطيهم بيانات ليان و بعد مده تقدموا يدخلون عند الدكتور اللي كان جالس يقرأ اسم الممرضه و رفع أنظاره : عمي

ناظره ابو رنا وابتسم و تقدم يصافحه : هلا سلطان

ناظر سلطان ليان اللي كانت حاطه يدها على خدها و عاقده حواجبها ابتسم و نطق : سلامات

اشر لهم يجلسون و نطق ابو رنا : الله يسلمك ، بس جالسه تتألم من سنها

هز سلطان راسها و نطق : يالله تعالي اجلسي على الكرسي

تقدمت ليان تجلس على الكرسي ووقف سلطان يلبس الماسك و القلفز و نطق ابو رنا : أنا برا انتظرك

ناظرته ليان : لا بابا اخاف

ابو رنا : تخافين من وش مو صاير إلا كل خير غمضي عيونك و خلاص

تأففت ليان و رجعت راسها لورا و تقدم ابو رنا يطلع و تقدم سلطان يجلس بالكرسي و ينزل الاضاءه : ما قدرتي على بعدي ، افتحي فمك

ناظرته ليان و فتحت فمها و نطق : اي واحد اللي يعورك

ليان : معرف كلهم احس

هز سلطان راسها و تقدم يدخل يده داخل فمها و يناظر أسنانها و نطق : ولا سلطانك يقدر على بعدك بس لا تخوفيني عليك كذا

ناظرت قربه ليان منها و كمل من تذكر انها كانت زعلانه منه : مو ذنبي إذا البنات يمدحوني و يكتبون لي كومنتات كذا

ناظرته ليان و كانت يده داخل فمها و نطق : سنك العقل ملتهب راح أشيله لك

تقدم كان راح يطلع يده من فمها و عضت يده بقوه و صرخ بألم : يدي بعدي

عضته ليان بقوه و ضحك بألم : كل ذا افا هذا وانا سُلطانك

وقفت عض ليان و ناظرته و صدت ابتسم و ناظر السستر اللي كانت تساعده : تقدرين تطلعين

↚

هزت السستر راسها و تقدمت تطلع ناظر خروجها و التفتت لها سلطان و قرب الكرسي و حط يدينه على خدها يمسكها : افا تسوين كذا بسُلطانك

ناظرته و عقدت حواجبها : بعد عني سلطان روح عند البنات اللي يمدحونك

ضحك سلطان و نزل الماسك و القلفز و ناظرها : ما ابيهم ابي اغلا البنات أنا

ناظرته و صدت و تقدم يمسك دقنها : لا تصدين ما اقدر على صدك لياني

ناظرته ليان و بكت و ضربته على كتفه : أكرهك

هز سلطان راسه بالنفي و ابتسم : لا ولا مره كرهتيني اصلاً ، والله اسف خلاص راح اسكر الكومنتات بس يعني لهدرجه ماتثقين بمحبوبك

ناظرته ليان و دموعها تنزل : حيوان أكرهك مين قال ما أثق فيك لو ما أثق فيك كان ما اخترتك أصلاً ولا اخترت حبك بس يضايق سُلطان يضايق أشوف البنات كيف يمدحونك وانا ما أشوفك إلا قبل الدوام او اول ما ترجع من الدوام و يومك الباقي كله نوم

ناظرها سلطان و ابتسم و بدأ يمسح دموعها : تغارين

ضربته على كتفه : حيوان حيوانننن

ضحك سلطان و تقدم يوقف : عارف بقدري بقلبك بس انتي لهدرجه ما عرفتي قدرك وأنك أغلاهم و اولى منهم كلهم و محد قدر يجذبني غيرك و غير شعرك الكيرلي و كمل : رجعي كيرلي مو قلتلك ما احبه كذا

تأففت و نطقت : طيب و الحين وش سالفه ضرسي ذا

ناظرها سلطان وهو جالس بمكتبه واشر بيده : خلع

حطت يدها على خدها : تستهبل صح لا يمه اخاف

ضحك سلطان : أنا اخلعه لك

كشرت بوجهه ليان و تقدمت توقف ناظرها و نطق : طمني قلبك و بالك ما حبيت غيرك ولا جذبني غيرك و تدرين انك كل شي ثمين املكه بحياتي و اني احب و جودك و احبك لين يخلص الحب كله احبك لين تذبل ورود البساتين كلها احبك و مكتفي فيك و ابيك معي ط...... قطع كلامه دخول ابو رنا : كيفها

ناظره سلطان و رجع أنظاره لليان اللي كانت تحاول تشتت أنظارها من الخجل ابتسم و ناظر عمه : تعال اجلس و اقولك

تقدم ابو رنا يجلس و ناظر ليان صاده و نطق و هو يضحك : تعالي اجلسي

تقدمت تجلس و نطق سلطان و هو جالس يناظرها : عندها التهاب بضرس العقل

ابو رنا عقد حواجبه : طيب و كيف خلع ولا كيف بالضبط

هز سلطان راسه : خلع بنج كامل او ابره

التفتت ليان و مسكت يد ابوها : لا بابا ابره لا مستحيل بنج كامل راضيه بس ابره لا

ضحك ابو رنا : طيب طيب و التفت لسلطان : خلاص نسوي لها الخلع بنج كامل

ابتسم سلطان و هز راسه : راح أعطيها أدويه مهدئه تخفف من ألم السن و بعد يومين نخلع لها الضرس

بدأ سلطان يكتب الأدوية على الورقه و تقدم يعطيها عمه : بس عطي الصيدلاني الورقه و هو يعطيك الادويه و سلامات آخر الأوجاع ان شاء الله

اخذ ابو رنا الورقه و التفتت لليان : يالله

تقدمت ليان تمشي مع ابوها و كان سلطان يناظر خروجها و مبتسم تنهد من خرجت و رجع راسه لورا و ابتسم : الغيره عذروب خلي محلا عذروبه والله

و بدأ يكمل شغله سلطان و يستقبل مرضاه و يعالجهم

عند جود كانت جالسه على طرف سريرها وبيدها جوالها تنطر رزان ، عند رزان اللي بعد ما خلصت غداء تقدمت تصعد لجود لمحها مشاري : وين رايحه

رزان بضيق : جودي تبيني بروح لها

هز مشاري راسه و تقدمت تصعد رزان و تقدم يصعد وراها بخفه مشاري ، دخلت رزان غرفه جود و تركت الباب مفتوح شوي ناظرتها جود و تقدمت توقف: روري شفيك

تقدمت رزان تحضن جود ناظرتها جود بصدمه و بادلتها الحضن : صاير شي مع ابوك

هزت رزان راسها بالنفي وهي بحضن جود بعدت جود و ناظرتها : تعالي نجلس على السرير و قولي لي

تقدمت جود تنسدح على السرير و انسدحت جنبها رزان و كان مشاري جالس يسمعهم و نطقت جود : وش صار

بكت رزان و مسحت دموعها ناظرتها جود : صاير شي بالمدرسه صح

هزت راسها رزان بالموافقه و نطقت بصوت باكي : بس كنت بكون صديقتهم

عقدت جود حواجبها : اشرحيلي كل شي

بدأت رزان تشرح لجود عن البنات اللي كانت رزان تبي تكون صديقه لهم بس جلسوا يضحكون عليها و كملت : بس قلتلهم عادي نكون صديقات و جلسوا يضحكون علي ضايقني الشي ذا جودي و تنمروا علي بعد

ناظرتها جود و هي منسدحه و حاطه يدينها ورا راسها : عادي روري مو كل شي نبيه نحصله

هزت راسها رزان بالنفي : بس طريقه ضحكهم تضايق و التنمر

هزت جود راسها : عارفه صدقيني الشخص المتنمر ذا أضعف انسان بالعالم كله ولا يقدر يواجهه اي شي بحياته ولا يهمك عندي أنا احل الموضوع

ناظرتها رزان و هزت راسها : كيف

جود جلست و تربعت : اروح بكرا المدرسه و اكلم الناظره ما عليك انتي

جلست رزان : صدق

هزت راسها جود بالموافقه : لازم أوقفهم عن حدهم ماارضى عليك ترا

ضحكت رزان و تقدمت تحضنها : افف بموت غيره من عيالك من الحين

ناظرتها جود ضحكت و عقدت حواجبها : ليش

ابتعدت رزان : لأنك امهم

ضحكت جود و رفعت أكتافها بضيق : يمكن ما أتزوج ما تدرين

ناظرتها رزان : ليش تقولين كذا والله انك حلوه

تنهدت جود و انسدحت ناظرتها رزان و نطقت : اقول لك قصه سر بيني و بينك

هزت راسها رزان بابتسامة و تقدمت تنسدح جنبها و بدأت تقول جود : لما كنت كبرك او اكبر بشوي كنت احب واحد و احبه كثير و هو بعد يحبني كنا نحب بعض و محد يعرف عننا و كنت دايم اقول له عن وحده عدوه لي كانت تضايقني و تجرحني و تطلع عني كلام مو زين بعدين بيوم سمعت انه خطب وقتها قلبي انكسر كيف قدر يضحك علي و يخطب و لا قال لي اي شي و انكسر قلبي اكثر لما عرفت انه تزوج البنت اللي كانت عدوه لي

ناظرتها رزان بصدمه : صدق جودي

هزت راسها جود بالموافقه و دمعت عيونها : كسرني و أنا كنت احبه كثير تخيلي بس

ناظرتها رزان : كلب كيف قدر يسوي فيك كذا لا تتضايقين جودي

مسحت جود دموعها و ابتسمت : مو متضايقه

ونطقت رزان : هو وين الحين

تنهدت جود و رفعت أكتافها تمنع الرد و تجاوب بأنها ما تعرف شي سمع مشاري كل كلامهم و غمض عيونه بضيق و تقدم ينزل و بدأت جود و رزان يسولفون سوالف معتاده

وصلوا عوض و شوق البيت و التفتت لها : شوق

ما ردت عليه و تقدم يبعد الطرحه عن وجهها و ناظر وجهها النايم ابتسم : يالله شوق وصلنا البيت

تقدمت شوق تصحى و ناظرت حوالينها و نطقت بصوت توا صاحي : وصلنا

هز عوض راسه و ناظرت لابكوته اللي متغطيه فيه بعدته عنها و حطته على حضنه اخذ عوض اللابكوت و تقدموا ينزلون يدخلوا البيت و كانوا الجد و عبير و خوالها جالسين بالحوش يشربون قهوه ناظرتهم عبير : حيهم

نزلت شوق شنطتها و ابتسم لها و تقدمت بركض تجلس جنبها و تحضنها : الله يحييك

انسدحت شوق على حضن عبير و بأبتسامه : الدوام يجننن يا ماما

ضحك عبدالرحمن : يقولون إنكم تخانقتوا على باور بانك

تقدم عوض و شنطت شوق بيده و ضحك ناظرها : شنطتك يا الطيبه

ناظرته بحده : أنا حطيتها عند الباب

ضحك و هز راسه و تقدم يجلس و ناظرته عبير : قهوه

هز راسه بالنفي و نطقت شوق وهي تأشر على عوض : ذا صيح بأسمي بنص القاعه يبي باور بانك

ضحكوا و نطق ابو وليد : عوض وش قلنا

رفع عوض أكتافه و اشر عليها : وذي صاحت بنص القاعه و قلد طريقه كلامها : عوض يالله

↚

ضحكوا و ناظرته شوق و كشرت بوجهه و نطق الجد : اي كيف الدوام

غمضت شوق عيونها بحضن عبير : خفيف حلو

ضحك عوض : صح خفيف لدرجه ان طول الوقت معصبه

ناظرته شوق و تعدلت بجلستها : مالك دخل

ضحك عوض و هز راسه : خليتها تشارك بمسابقه

التفتت عليها عبير بفرحه : صدق

ناظرت عوض و كشرت : هو اللي خلاني أشارك من اول يوم

ابو مشاري : بالعكس ذا شي زين

هزت شوق راسها و تقدمت توقف : تعبانه اليوم بروح ارتاح

الجد : اخذي راحتك

تقدمت شوق تطلع لغرفتها و دخل ابو رنا و ليان التفتت عليهم الجد : كيفها

تنهد ابو رنا و تقدم يجلس : الحمدلله بس خلع ضرس العقل

التفتت عبير لليان : ما تشوفين شر

هزت راسها ليان و تقدمت تدخل البيت وقف عوض : سيف وين

ابو مشاري : قطوا وين مكانه

ضحك عوض من فهم مقصد عمه و تقدم يدخل البيت

عند سيف اللي كان بالمطبخ و جالس يسوي له توست و جبن دخلت غلا و ارتعبت : بسم الله

ناظرها سيف : جني قدامك

بلعت ريقها غلا و تقدمت تفتح الثلاجه تاخذ المويه التفت عليها و عقد حواجبه و كمل يدهن الجبن و يدندن حطت المويه على الطاولة و تقدمت غلا بتطلع و دخل عوض التفت لسيف و ضحك و تقدمت غلا تطلع : بس اكل يا سيف بس محد راح يطالع فيك والله إذا صرت دب

ناظر شكله سيف و اخذ التوست اكل و نطق : ماعليك يطالعون بس قولي كيف اول يوم مع حبيبه قلبك

ابتسم عوض و رفع أكتافه : عادي مدري وش صاير فيها معصبه اليوم

ضحك سيف و غص بالأكل ناظره عوض و تقدم يخرج : تستاهل علشان لا تقعد تضحك والله بكرا راح تبتلي وقول عوض ما قال

طلع عوض و ضحك سيف و تقدم يشرب مويه الموجوده على الطاوله خلص شرب و ناظر طبعه الروج مسح على فمه : مالقيت اشرب إلا مويه ذي

تأففت و رمى عليه المويه بالزباله و تقدم يكمل اكل و يدندن

عند شوق دخلت غرفتها و بدأت تبدل لبسها و تلبس لبس مريح تقدمت تجلس على الكنب ناظرت فروه عوض حطتها على كتفها و الايباد بحضنها طق الباب و نطقت : تعالي

دخلت عبير و ناظرتها شوق و ابتسمت : من زمان ما تكلمنا

هزت شوق راسها و تعدلت بجلستها : تعالي

تقدمت عبير تجلس جنب شوق : اي وش الجديد

هزت شوق راسها بالنفي : ولاشي

عبير ضحكت : دام كذا ليش معصبه اليوم

تأففت شوق و تقدمت تنسدح بحضن عبير : معرف هو عصبني

ضحكت عبير و بدأت تلعب بشعرها : وش صار قوليلي تخانقتوا على شي ثاني

هزت شوق راسها بالنفي : لا بس كريهه ماما تخيلي كل البنات يجلسون يناظرون فيه وهو يبتسم ويضحك

ضحكت عبير بقوه و نطقت : تغارين

اشرت شوق على نفسها بصدمه: أنا لا

عبير : طيب و ذا وش

رفعت شوق أكتافها : ماما معرف كان بيننا ضحك و مزوح و خناق معرف وش صار و صار معي بكل وقت احتجته فيه بكل وقت احس اني متضايقه احسه يعرف و يعرف أنا وش احب وش ما احب يعرفني بس

ابتسمت عبير من كلام شوق لعوض وقاطعتها : تعرفين لما جاء ابوك و صار اللي صار و طلعتي لغرفتك تعرفين وش قال

هزت راسها بالنفي و تقدمت عبير تحط يدها بيد شوق : قال اكيد انها متضايقه و في شي كبير بقلبها و كاتمته

هزت شوق راسها و كملت عبير : بس وش شوقي قولي من وش خايفه

هزت راسها بالنفي : مو خايفه بس هو ماما يحب وحده غيري ماما قلبه عند غيري انا مايهمني إذا يحب ولا لا اهم ما عندي انه ما يجرحني و أنا سويت الشي ذا لأني مرتاحه له ولاني ما احب ارفض لجدي طلب ولا أرده وهو ما قصر معي في ولا شي

عبير : مين قالك ان يحب وحده غيرك

جلست شوق من حضن عبير و ميلت شفايفها : أشياء كثيره قالت لي

ناظرتها عبير : معرف يا شوقي وش اقول لك بس صدقيني مع الأيام راح يحبك أصلاً حتى نظراته لك تثبت ذا الشي

عقدت شوق حواجبها : كيف يناظرني

ابتسم عبير ووقفت بتخرج : نظرات المغرم

ناظرتها شوق و انصدمت عقدت حواجبها و هزت راسها بالنفي و تقدمت تطلع من سمعت صوت البنات جالسين بالمجلس و تقدمت تجلس معهم و نطقت جوري : كيف الدوام

شوق : حلو كيف الدوام معكم

غلا : اخخ تعب من اول يوم

جوري : احس عادي يعني نص نص

التفتت عليها جود : صح ما قلتلك ليان و كملت تضحك و ضحكوا البنات ناظرتهم شوق و عقدت حواجبها : وش صاير

غلا ضحكت : جلست تبكي ان ضرسها يعورها بس علشان تشوف سُلطانها

ضحك شوق : احلفوا

العنود : والله

شوق : وينها ما شفتها

لجين : نايمه راحت كحلت عيونها بمحبوبها و رجعت نامت

ضحكت شوق و نطقت العنود : اي كيف تجهيزات الزواج

تنهدت شوق و رجعت ظهرها لورا : ولا شي

التفتت عليها جوري : تستهبلين شوشو

هزت شوق راسها بالنفي و نطقت العنود : جهزتي قائمه وش تبين تشترين

هزت شوق راسها بالنفي : معرف بنات متوتر

مسكت يدها جوري : ولا يهمك أنا أغششك بقائمتي بس حددي وقت نروح المول

رفعت أكتافها بعد المعرفه : نروح الحين

لمار : الحين بس منو يودينا

اخذت جوالها شوق و ابتسمت : عبدالرحمن

اتصلت على عبدالرحمن اللي كان جالس مع عوض و سيف

اخذ جواله عبدالرحمن و نطق : زوجتك

عقد عوض حواجبه و رد عبدالرحمن: هلا شوقي

ابتسم عوض و همس : سبيكر

هز عبدالرحمن راسه و حطه سبيكر و تكلمت شوق : نبي المول

عبدالرحمن: انتي و من

شوق التفتت للبنات : أنا و البنات و التفتت للبنات تسألهم : ناخذ فطوم

العنود : اي اي اكلمها الحين أشوفها

نطقت شوق لعبدالرحمن: أنا و البنات و فطوم بنت جارتنا

عبدالرحمن بخبث : افكر

شوق بعصبيه : مو فاضيه لذلك خلص عبدالرحمن ابي اجهز لزواجي من الحيوان ما شريت ولا شي حتى الفستان ما شريته

ناظر الجوال عوض بصدمه و نطق عبدالرحمن بضحك: حيوانك يسمعك الحين و انتي تسبيه

تأففت شوق : عبدالرحمن خلصني

ضحك عبدالرحمن: طيب اجهزوا نص ساعه و نمشي

شوق ابتسمت : احبكككككككككككككككك

↚

ضحك عبدالرحمن و سكر جواله عض عوض شفته من سمعها تقول لعبدالرحمن احبك و تمنى يسمعها من ثغرها له بكل وقت و كل دقيقه و كل ثانيه تنهد ونزل راسه و بدأ يلعب بشعره ناظره سيف و فهمه و تقدم عبدالرحمن يوقف : يالله أنا رايح اودي حرمك المصون

هز عوض راسه و تقدم عبدالرحمن يخرج و تقدم سيف يجلس جنبه : وش فيك

تنهد عوض : وش فيني يا سيف وش فيني تعبت المح لها والله تعبت وهي ما تحس وش اسوي زياده قولي اخاف اروح اقول لها احبك و ترفضني و ينكسر قلبي زياده فوق كسره الحين ما تسمعها وش قالت لي قالت لي حيوان و قالت لعبدالرحمن احبك طيب وانا متى اسمعها من ثغرها لي متى ما تحبني و تحس بوجودي تعرف سيف اني معجب بشخصيّتها من يوم ما كانت صغيره احب كيف قويه و بنفس الوقت دلوعه و بكايه ابتسم و كمل : احب شعرها احبها كلها احب كل شي فيها والله

ضحك سيف و ربت على كتفه : و قريب راح تصير زوجها ليش الخوف و الضيقه ذي كلها

رفع عوض أكتافه بعدم المعرفه: بنام تعبت اليوم

ابتسم سيف و هز راسه و تقدم عوض يخرج من المجلس و يصعد لغرفته دخل الغرفه و رمى نفسه على السرير : اخخ يا شوقي تعبني حبك كثير وش اسوي

انسدح على ظهره و بدأ يفكر فيها و يفكر بحياتهم الجايه و تذكرت صورته اللي بكتابها جلس بسرعه و تربع و ابتسم : وش كانت تسوي صورتي بكتابها

بدأ يفكر و يفكر : يا خوفي انك صدق تحبيني وانا جاهل عنك و انتي جاهله عني

تنهد و اخذ جواله و دخل تويتر و نشر تغريده :

تمنيت اسمع احبك من ثغرك لي

سكر جواله و تقدم يحط راسه على المخده بتعب و ينام

عند البنات تقدمت العنود تتصل على فاطمه و نطقت غلا : بنات مره احس متكسره من اليوم ما أتوقع اني اروح

شوق ميلت شفايفها: لا غلوي تعالي

هزت غلا راسها بالنفي ووقفت : والله مره تعبانه روحوا انتم

شوق : طيب

نطقت جود : ولا أنا مالي خلق ازعاج المول بالوقت ذا و المشي

شوق : بنات تستهبلون صح

جوري : ما عليك حنا معك و فطوم

لمار : طيب يالله نجهز الحين عبدالرحمن يجي و يهاوشنا

تقدموا البنات يجهزون

عند فاطمه نزلت جوالها بعد ما كلمتها العنود و تقدمت تنزل عند امها

فاطمه : ماما

ام طلال : تعالي

تقدمت تدخل المطبخ و شافت طلال : بروح المول مع البنات

عقد طلال حواجبه : اي بنات

فاطمه : جيرانا

ام طلال : روحي

وقفها طلال: لحظه مع مين ، مين راح يوديكم

رفعت فاطمه أكتافها بعد المعرفه و نطق : إذا مع السواق لا

تأففت فاطمه : اكيد مع واحد من اخوانهم

طلال : لو ما عندي دوام كان وديتك

غلا تقدمت تمشي : شكرا ما احتاجك

ضحك طلال و تقدمت فاطمه تتجهز

خلصوا البنات و تقدموا ينزلون لسياره عبدالرحمن: كل ذا يالله

تأففت شوق اللي كانت جالسه جنب عبدالرحمن: طيب يالله انتظر ناخذ فطومي بالأول

عبدالرحمن: يالله

اتصلت العنود على فاطمه : فطومي تعالي يالله

فاطمه : يالله جايه

تقدمت فاطمه تطلع و شافت طلال اللي كان جالس بالحوش و ناظرها : شكلي بوديك

فاطمه : لا طلال بروح مع البنات تكفى

طلال تقدم يمشي : امشي خلصي

تأففت فاطمه و مشت خلف طلال ناظر عبدالرحمن طلال من منظره السياره و نزل : حيه ابو طلي

ناظره طلال و ابتسم : حيك، انت موديهم

هز عبدالرحمن راسه : ابتلشت فيهم

ضحك طلال : خلاص دام كذا اختي بالحفظ و الصون

ضرب لهّ عبدالرحمن تحيه : افا محفوظه ولا يهمك

ابتسم له طلال و ناظر فاطمه اللي كانت متكتفه و واقفه عند باب البيت : يالله خلاص روحي معهم

ناظرته فاطمه و بعصبيه : من الأول قول كذا لا تجلس تستهبل معي

ضحك طلال و توجه لسيارته و تقدم عبدالرحمن يركب السياره و ركبت فاطمه ناظرت البنات و بدأت تسلم عليهم : اشتقت لكم صح قبل كم يوم شفتكم بس اشتقت

سمع عبدالرحمن صوتها و عرف انها هي ، هي البنت اللي كانت معطيته ظهرها بيوم ملكه جوري

ضحكت شوق : سلمتي علهم كلهم إلا أنا

ضحك فاطمه وتقدمت تسلم على شوق قدام و فاحت له ريحه عطرها غمض عيونه من شم ريحه عطرها و ابتسم بخفه و من داخله اخخخ طلعتي جارتنا و بابنا على الباب و شباكنا على الشباك

ابتعدت فاطمه عن شوق و ناظرت شوق عبدالرحمن: نايم تستهبل انت

فتح عبدالرحمن عيونه و ناظرها و بلع ريقه : لا

ضحكت شوق : استرخاء

ضحكوا و ضحكت بضحكه عاليه فاطمه : حيوانه شوشو صايره تنكتين

سمع ضحكتها و ابتسم و شغل السياره و بدأ يتحرك و نطقت شوق : ذا خبل صدق عادي يسويها و يسترخي هنا

التفتت للبنات : اخو اي وحده فيكم

هزت لجين راسها بالنفي : عمنا

ناظرتهم بصدمه: حسبته اخوكم

ضربته شوق مع كتفه : عبدالرحمن خالي و متصفق من عوض ٢٤ ساعه

ضحك فاطمه و نطق : ساكت لك علشان صديقتك ولا بالبيت اعلمك الشغل انتي و عوضك ذا

سمعت فاطمه صوته و عقدت حواجبها تتذكر الصوت ذا عدل حطت يدها على فمها بصدمه من تذكرت موقفها معه بالمطبخ و سكتت

طول الطريق كانوا البنات يسولفون و يخططون وش راح يسون و فاطمه ساكته ناظرها عبدالرحمن من المنظره و انتبهت له و بادلته النظره و نزلت راسها بسرعه ابتسم و نطقت شوق : بنات متوتر مو عارفه وش احط بالزفه تحسون وش مناسب

العنود اللي كانت على جوالها : همممم يبي لها تفكير ذي

لمار : صدق بالملكه حطيتي ماجد حطي غيره

جوري : طيب وش مخططه على الفستان

رفعت شوق أكتافها : شي ناعم بنات ما ابي شي مبالغ فيه

ابتسم عبدالرحمن: كنت اتخانق معك و حنا صغار و يجي عوض يدافع عنك و يخانقني و الحين بوديك تجهزين لزواجك منه كيف الوقت يمر

ابتسمت شوق : معرف أصلا كيف أخذته و أنا وياه خناق معرف كيف ارتحت له معرف كل شي غريب

ضحك عبدالرحمن : الله يهنيك

وصلوا بعد مده المول و بدوا البنات يجهزون و دخلوا محل الفساتين و بدأت تقيس شوق الفساتين و لبست فستان سكري و البنات كانوا ينتظرونها : يارب ذا يطلع حلو ولا راح أموت

لجين ضحكت : يالله شوشو اطلعي

طلعت شوق بفستان سكري ناعم و بدوا البنات يصفقون لها و يمدحونه و نطقت : كيف

بدأت فاطمه تصورها : شوشو تهبلين

جوري : يموت يموت عوض راح يدوخ صدقيني

ابتسمت شوق بخجل : يعني خلاص اخذه

العنود : بدون تردد

هزت شوق راسها و تقدمت تدخل غرفه التغير ناظرت شكلها و ابتسمت و بعد مده طلعت و حاسبت على الفستان و بدأت تتسوق و تجهز و بعد مده خلصوا البنات و توجهوا لسياره عبدالرحمن و تقدموا يدخلون و نطق : خلصت عروستنا تجهيز

هزت شوق راسها : نص

عبدالرحمن : و النص الثاني متى

شوق : بعدين اهم شي الأساسيات الحين

هز عبدالرحمن راسه و تقدم يحرك السياره و بعد مده وصلوا البيت ودعت فاطمه البنات و توجهت لبيتهم و توجهوا البنات يدخلون البيت و تقدمت شوق لغرفتها حطت الأكياس على سريرها ابتسمت و سمعت طق الباب : تعالي ماما

دخلت عبير بأبتسامه : جهزتي الفستان

هزت شوق راسها و تقدمت تطلع الفستان لعبير : يجنن ما شاء الله ، الله يهنيك حبيبتي انتي

ابتسمت شوق لها و نطقت عبير : مسكتك علي

هزت شوق راسها : أصلا ما عجبني شي هناك

ابتسمت لها عبير و تقدمت تحضنها : خلصتي كل شي

هزت راسها بالنفي : لا توني ما خلصت كثير

ابتعدت عبير و مسكت يدها : يمديك تخلصين ان شاءالله

هزت شوق راسها و تقدمت عبير تطلع ناظرت أغراضها و تنهد بضيق : وقت لقانا قرب وانت قلبك مع غيري وانا قلبي يبيك اخخ يا عوض

بدأت تبعد الأكياس عن سريرها و تدخل تغير لبسها و تمسح مكياجها و تنام بعد يوم مرهق و شاق

↚

عند غلا اللي كانت تتمشى بالحوش و حاطه السماعه بأذنها و جالسه تغني بصوت خفيف صرخت من حست بظل وراها .........

عند غلا اللي كانت تتمشى بالحوش و حاطه السماعه بأذنها و جالسه تغني بصوت خفيف صرخت من حست بظل وراها

التفتت وراها و كان سيف يضحك يقوه حطت يدها على قلبها و جلست تهدي من نفسها ضحك سيف و نطق : كل ذا خوف شايفتني جني

تأففت غلا و تقدمت تدخل من باب المطبخ دخل وراها سيف و هو يضحك : يالله شكلك وانتي خايفه مو قادره اوقف ضحك

ناظرته غلا و كشرت و تقدمت تدخل داخل البيت ضحك سيف عليها و تقدم يدخل غرفته تنهد و انسدح على السرير : من كثر ما عيبت شكلي راح ابتلي قريب

ابتسم و نطق : والله انها فتنه تفتن المعمي عض شفته و التفتت ينام

عند ليان اللي اول ما صحت تقدمت تفتح جوالها و دخلت الإنستقرام و ناظرت ستوري سلطان كان مصور نفسه قعدت و تربعت ناظرت الصوره و تأففت دخلت حسابه و بدأت تشوف صوره و شافت انه سكر الكومنتات ابتسمت و بعدت شعرها : افف متى تصحى ابي اشوفك

انسدحت ليان و بدات تناظر صوره ابتسمت و عضت شفتها : ما اصدق انك حبيبي و روحي

ابتسمت تتأمل صوره و تقدمت تدخل الحمام ( الله يكرمكم) و بعدها توجهت تسوي لها قهوه خلصت من القهوه و تقدمت تجلس على مكتبها فتحت الايباد و بدات تدرس و بعد فتره دخلت عليها جود : يصير أتكلم معك

عقدت ليان حواجبها نزلت قلمها و لف كرسيها : تعال جود وش صاير

تقدمت جود تجلس على السرير و تقدمت لها ليان بكرسيها : صاير شي جود

هزت راسها بالنفي جود : بس كذا بتكلم شوي

ليان ابتسمت لها : تكلمي

جود ناظرت يدينها : إذا تحبين سلطان صدق قولي له حبك له لا تسكتين ليان و إذا يحبك صدق لا يتعب قلبك و خليه يجي يتقدم لك

عقدت ليان حواجبها و كملت جود : اعرف ان ضرسك ما يعورك ب... قاطعتها ليان و هزت راسها بالنفي : صدق ضرسي يعورني حتى بيخلعه لي بعد يومين 

هزت جود راسها : ما ابيك تضيعين مثل ما ضعت

عقدت ليان حواجبها : وش تقولين

هزت جود راسها بالنفي و تقدمت تطلع من الغرفه ناظرت خروجها ليان و تقدمت تكمل دراسه و فكرت بكلام جود و ابتسمت ونطقت : سُلطاني ما يلعب علي و كملت تدرس

دخلت جود غرفتها و رمت نفسها على سريرها بتعب و جلست سرحانه تفكر بكل شي كيف و ليش و هل راح تقدر تعيش و راح تسامحه هل راح تحب غيره بعد كل ذي السنين ١١ سنه مرت او اكثر وهي لا زالت تحبه و متعلقه فيه ولا تخطت اللي سواه لها هي حتى من كثر حبها له جالسه تحب بناته لأنهم قطعه منه و تهتم فيهم تمنت بس لو كل ذا حلم و تصحى منه تنهدت بضيق و تقدمت تغمض عيونها و تنام

الصباح دق جوال شوق أخذته و هي مغمضه عيونها و فتحته و وصلها صوت عوض : وينك يالله

تمتمت له شوق بكلمات و هي نايمه ابتسم عوض و نطق : المحاضره راح تبدي يالله شوق

صحت شوق مفزوعه سكرت جوالها و تقدمت للحمام ( الله يكرمكم ) مسرعه غسلت و جهها و فرشت أسنانها و طلعت للغرفه و بدات تلبس ناظرت شعرها و بدات تمشطه حط ميك أب سريع وفصخت دبلتها و لبست جزمتها و تعطرت اخذت شنطتها و أيبادها و تقدمت تنزل مسرعه من الدرج ناظرتها عبير اللي كانت جالسه تفطر : صح النوم صاحيه بدري من الحماس

ضحك عوض و نزل راسه و نطق عبدالرحمن: تعالي تفطري معنا

ناظرت ساعتها شوق و ناظرت عوض اللي كان يضحك و بعصبيه : تستهبل عوض قول

عبدالرحمن ضحك : تعوذي من الشيطان و تعالي تفطري

تأففت نزلت شنطتها و أغراضها على الكنب و ناظرت عوض : حسابي معك بعدين

ضحك عوض و هز راسه : تفطري

تقدمت تجلس و التفتت لهم : وين الباقين

عبدالرحمن وهو جالس يأكل : نايمين

شوق : وانت ليش صاحي

عبدالرحمن: وش تشوفيني لابس

شوق و الاكل بحلقها : لبس الدوام

هز عبدالرحمن راسه و صفق : شاطره

التفتت عليها عبير : هدي مو نفس امس عصبيه

شوق رفعت أكتافها :مالي دخل كلمي زوج بنتك هو اللي يعصبني

ضحك عوض و ناظرها : حقك على راسي

ابتسم عبير من نظرات عوض لشوق و دخل سيف : صباح الخير

التفتت عليه عبير : جوعان تعال تفطر

حط سيف يده على بطنه : صدق جوعان

ضحكوا و تقدم سيف يجلس يأكل و نطق عوض : قدمت على جامعتنا

هز سيف راسه : اي اليوم اول يوم دوام لي

التفتت له شوق : راح تداوم معنا

هز سيف راسه و هو يأكل و نطقت عبير : كذا صح ارتاح فوق راحتي

عوض ابتسم : ما عليك بالحفظ و الصون التفت عوض لسيف : سجلت عند عمر

سيف : كلمته امس قال راح يسجلني

التفتت عليهم شوق بصدمه : تعرفون الدكتور عمر

ضحك عوض : صديقنا

شوق : قول والله

هز سيف راسه : والله

تقدمت شوق و بدات تاكل و التفت لهم سيف : اي اليوم كلنا كذا نروح كيف حماسك

ابتسمت شوق بحماس : حماس راح نصير كثير

هز عوض راسه : ما عندك مفر الحين تبتعدين عن صديقاتك ذوليك و تجين معنا

عقدت عبير حواجبها : اي صديقات

تنهدت شوق : ساره و وعد

عبير : الصراحه مو مرتاحه لهم بعدي عنهم قلتلك من قبل صح

هزت شوق راسها : قلتيلي بس قلتلك ما احب أصير وحيده

وقف عبدالرحمن : عندك سيف و زوجك ما راح تصيرين وحيده انتبهي لنفسيتك إذا مو مرتاحه لهم بعدي

هزت شوق راسها و تقدم عبدالرحمن يقبل راسها : احبك

ناظرته شوق و عقدت حواجبها : النفسيه متعدله

ضحك عبدالرحمن و تقدم يخرج و نطقت شوق : جدي ما صحى

هزت عبير راسها : صاحي بس راح عند الجيران يتفطر عازمينه

هزت شوق راسها و وقفت : بسوي قهوه اللي يبي يجيب لي ال مق حقه فوق

سيف و هو جالس يأكل : عوض عطها المق حقي

هز عوض راسه و تقدم يطلع من المجلس و توجه للمطبخ طلع المق و صعد فوق عند شوق اللي كانت جالسه تعدل مكياجها و تزيد كانت جالسه تحط بلشر و هي مبتسمه و الباب كان مفتوح ناظرها عوض و ابتسم و جلس يناظرها فتره و بعدها وقفت شوق و تقدم يدخل : جبتهم يالله

هزت شوق راسها و تقدم تحط البن بالقمع و التفتت عليها عوض : حطيتي جهاز السكر

هزت شوق راسها و هي جالسه تصب المويه تقدم يجلس على سريرها و انسدح ناظرته شوق : قوم لا توصخ سريري

↚

غمض عوض عيونه : بس شوي على ما تخلصين القهوه احس اني تعبان

تأففت شوق : عندك غرفه روح نام فيها

تمتم عوض ب لا و لف جسمه ينام فتح عيونه و كان راح يغمضهم لمح شماغ تحت مخده شوق اخذ طرفه و بدأ يشم ريحته و عرفه من ملمسه و من ريحته ان ذا شماغه ابتسم و عض شفته التفتت عليها و جلس يتأملها و هو منسدح و هي جالسه تسوي القهوه كان مبتسم و عاض شفته السفليه تنهد و حط يده على قلبه و من داخله : قلبتي حالي ماني عارف تبيني حبيب و لا صديق ولا وش بالضبط

جلس و التفتت عليه : خلصت يالله لو ما صحيتني من بدري كان نمت عدل بس تستاهل محد قالك تصحيني من بدري و تستهبل

ضحك بضيق و تقدم يوقف جنبها ناظرت وقوفه و لبسه و نظاراته اللي كان لابسهم و كيف رافع شعره و ريحه عطره اللي نفسها بشماغه و بفروته ابتسمت بخفه و تقدمت تصب القهوه لهم و لها : خلصت يالله

اخذ عوض المق حقه و حق سيف و تقدم يطلع و طلعت وراه شوق ناظرته كيف يمشي قدامها و عرض كتفه و عضلات يده البارزه عضت شفتها و تقدمت تنزل ، نزلوا تحت و كان سيف لازال جالس يأكل ناظره عوض : يمين بالله ان ما قمت ياويلك

ضحك سيف و تقدم يوقف : يالله دعواتك عمه

شوق : اي ماما ادعي لنا

ابتسمت عبير ووقفت تمشي معهم تودعهم و تدعي لهم و تقدمت شوق تطبع قبلاتها على خد عبير و وقفت عند السياره و التفتت لسيف : حجره و رقه مقص

هز سيف راسه و حط الايباد و المق فوق السياره ناظرهم عوض و ابتسمت بضيق كيف جالسه تضحك مع غيرها و تلعب و معه اسلوبها غير تنهد و جلس يشوفهم يلعبون و بدأ و نطق سيف : حجر ورقه مقص

حطت شوق المقص و حط سيف الورقه ابتسمت و نطت بفرحه : يالله ورا بلا مطرود

اخذ سيف ايباده و قهوته : أصلا من الأساس بخليك قدام جنب زوجك و شد على زوجك

اشرت له شوق بمعني يالله اركب وهي تضحك ركبت السياره و ركب عوض حط اللابكوت و الايباد ورا عند سيف و بدأ يشغل السياره و يحرك ناظر سيف نظرات عوض و عقد حواجبه و بعد مده وصلوا الجامعه نزلوا من السياره و نطق عوض : واحد منكم يمسك أغراضي على ما البس اللابكوت

تقدم شوق بتأفف تمسك ايباده و المق و بدأ عوض يلبس اللابكوت و كل ذا تحت أنظار شوق اللي ما نكرت انه شكله كان مغري و هو يلبس و يبعد شعره عن وجهه عضت شفتها بخفه و مد عوض يده ياخذ اغراضه و عطته و تقدموا يمشون و نطق سيف : اول محاضره ، محاضره عمر لكم

شوق : اي اول محاضره لاب الدكتور عمر

نطق سيف : معكم

هز عوض راسه و تقدموا يدخلون الأصنصير ضغط عوض على الزر و بعدها وصلوا للدور و توجهوا للمحاضره دخلوا من الباب و التفتت ساره من ناظرت شوق مع سيف و عوض و نطقت لوعد : يويل حالي طلع في ثاني حلو اكثر منه اخخ يا قلبي

عضت وعد شفتها : الأول لك و الثاني لي خلينا نتحرك نأخذهم قبل لا الحيه تاخذهم

ناظرتهم شوق يتهامسون و تقدمت تجلس بالطاوله اللي وراهم جنب الجوهره جلست و التفتت الجوهره : سلام

ابتسمت لها شوق : وعليكم السلام

ناظرتهم شوق قاعدين يتهامسون و يضحكون و يناظرون عوض و سيف صار داخلها يغلي و عقدت حواجبها ناظرت عوض و سيف اللي كانوا جالسين يسولفون طبيعي و نطق سيف لعوض : وضعك مو عاجبني

تنهد عوض : ولا أنا خليها على الله بس

التفتتوا من دخل الدكتور عمر : السلام عليكم

ردوا الطلاب : و عليكم السلام

عمر : جوالاتكم على الصامت ويالله نبدأ المحاضره

بدأ يقول عمر : راح نقسمكم مجموعات بحيث تشتغلون مع بعض و منها تكونون صداقات بأحترام

بدأ عمر يقسم الطلاب كل مجموعه فيها شخصين و نطق شوق مع عوض ناظرت شوق عوض و التفتت للبنات اللي كانوا جالسين يناظرونها تأففت و وقفت تجلس عند مجموعه عوض و بدأ يوزع باقي الطلاب و كان سيف مع احد الطلاب وبدا يشرح عن الماده الدكتور و شوق جالسه جنب عوض كتفت يدينها و التفتت له ناظرته و ناظرها و شتت أنظاره من ناظرته و بدأ يسمع للدكتور

صفق عمر : يالله نبدأ بالأول ناخذ عينه من العينات اللي عندكم على الطاوله و ابيكم تكتبون لي على الورقه وش تشوفون بالعينه عن طريق المجهر

تقدموا الطلاب يوقفون و اخذ عوض العينه و حطها على المجهر و بعد و نطقت شوق : أنا اول بعد

ابتسم بخفه من حركتها : يالله

ناظرته شوق و صدت حطت عيونها على المجهر و عقدت حواجبها بعدت و نطقت : وش ذا دود

ضحك عوض وهو مكتف يدينه ناظرته و ضربته على يده : عوض ما استهبل حط عينك و شوف

هز عوض راسه و حط عينه و ضحك بعلوا صوته من تذكر تشبيها ناظرته و نطقت بصوت شبه عالي : عوض يا كلب ما يضحك

ناظرهم عمر وحبس ضحكته و تقدم لطاولتهم : أخت شوق ألفاظ و صوتك لا يعلى داخل الكلاس لو سمحتي و إذا عندك اي مشكله معه تقدون تحلونها برا

شوق بعصبيه : بس مالي دخل هو يضحك

مثل عمر العصبيه و نطق و هو حابس ضحكته : خلاص شرايكم نخلي المحاضره و نطالع توم و جيري

↚

ضحكوا الطلاب و ضحك سيف بقوه : اخخ يابطني

التفتت شوق للطلاب اللي كانوا يضحكون و ناظرت عوض اللي مبتسم اخذت شنطتها و أغراضها بقوه : حيوان لازم تخرب علي يعني ارتحت الحين

ناظرها عوض : وش سويت لك

شوق بحده : خربت علي اول لاب احضره بحياتي و تسأل زياده وش سويت يا عوض

ناظرها عوض و تقدمت تخرج من الكلاس و هي معصبه بقوه ناظر عوض خروجها و تنهد و التفتت للطلاب لقاهم يضحكون ناظر عمر : يصير اخرج

ابتسم عمر : اخرج اخرج كان الله بعونك

ابتسم عوض و تقدم يخرج من الكلاس يدور عليها مالقاها و اخذ جواله يتصل عليها ولا لقى رد

عند شوق اللي كانت معصبه طلعت من الكلاس و توجهت للحمام ( الله يكرمكم) رفعت راسها و ضربت رجلها على الأرض : حيوان يا عوض اخخخ تقهر

تقدمت تجلس على الكرسي و حطت يدينها على راسها و بكت : ليش خربت علي ليش دايم تسوي كذا و تخرب علي كل شي ضربت رجها على الأرض و بكت زياده : ليش كل البنات يناظرون لك و انت تبتسم وش سويت فيني يا عوض ليش كذا ليش

التفتت لجوالها اللي كان يدق ناظرته و كان رقمه رجعته داخل الشنطه و بدات تمسح دموعها : حيوان لازم تجرحني و تخرب علي ولا ما ترتاح

وقف عدل لبسها و تقدمت تطلع و صادفت ساره و وعد بطريقها ناظرتها ساره و تقدمت تحضن يد شوق ناظرتها شوق بأستغراب و نطقت : شوشو تكفين بطلب منك طلب

عقدت شوق حواجبها و نطقت ساره : سواقنا سوا حادث و ماعندي احد يرجعني البيت

وعد : اي شوشو حتى أنا

شوق : طيب وش المطلوب

ابتسمت ساره بأنتصار و ناظرت وعد : يصير نروح معك

شوق : بس ان...... قاطعتها وعد : عارفين انك تروحين مع ولد خالك عادي

ساره بوجه حزين : اي شوشو تكفين ما عندنا احد يودينا و وعد ابوها مسافر و كانت تروح و تجي معي

تأففت شوق بضيق و ناظرت عوض و سيف من بعيد اشر لها سيف : يالله شوق نروح البيت

ناظرتهم شوق و رجعت أنظارها لعوض اللي كان لاهي بجواله بلعت ريقها : طيب بس اقول لهم بالأول

هزت ساره راسها و تقدمت شوق لعوض و سيف و التفتت ساره لوعد و ابتسمت بأنتصار : قلتلك راح ترضى ذي بسرعه تصدق

ضحكت وعد و تقدمت شوق لهم و ناظرها سيف : يالله

ناظرت عوض : صديقاتي راح يجون معنا سواقهم سوا حادث

ناظرها عوض و نزل جواله و ناظر صديقاتها و نطق : يالله خلصوني صرت سواق لك و لهم

ناظرتهم و اشرت لهم : يالله

ابتسموا ساره و وعد و تقدموا يمشون معهم ركبوا السياره و ركبت شوق ورا عوض و جنبها وعد و ساره و بدأ عوض يتحرك ناظرت شوق حركات ساره و وعد و دلعهم تأففت و صدت للشباك تناظر الطريق ناظرها عوض من المنظره و عقد حواجبه و نطقت ساره بدلع : يعني الصراحه ما قصرتوا ولا شوشو ما قصرت بعد شكرا

ابتسم عوض بقرف و هز راسه ناظره سيف و ابتسم و نطقت وعد بدلع لسيف : انت بعد ولد خالها

هز سيف راسه و اكتفى بأنه يسكت نطقت ساره بدلع : عوض شرايك نسوي ستريك

ناظرتها شوق بصدمه و ناظرت عوض غطت وجهها بطرحتها و مثلت انها نايمه و بدات تبكي بصمت

رفع يده عوض و اشر على دبلته : متزوج

وعد بدلع : عادي ، اعرف كثير متزوجين و مسوين معهم ستريك

انصدمت شوق و زاد بكائها بصمت و بدات تضغط على يدها من كثر ما كتمت غيرتها

ضحك سيف : الولد يقول لك متزوج و انتي تقولين عادي

ساره بدلع : عادي سيوفي حتى انت شرايك نسوي ستريك

ناظرها سيف بصدمه و رجع أنظاره لقدام :ما أضيف بنات ما اعرفهم

وعد بدلع: افاا ليش كذا سيوف

ناظرها عوض مغطيه و جهها و لمح يدها تمسح دموعها عقد حواجبه و اخذ جواله فتح حساب وهمي : كود سنابي

ابتسمت ساره : يا لبيه يالله الحين أضيفك

سمعته شوق و حطت يدها قلبها و بدات تبكي زياده بدون صوته تحس قلبها بيتقطع، ناظره سيف و عقد حواجبه و بعد عوض الجوال و ارسل له سيف : تستهبل عوض

ابتسم عوض و ارسل : وهمي بس نسكتهم و نسكت دلعهم المقرف ذا

ضحك سيف بخفه و بدأ عوض يسوق و كل فتره و فتره يسرق نظراته لشوق اللي كانت مغطيه وجهها بطرحتها و سانده راسها على الشباك وصل عند بيت ساره و نطق : وصلنا

ناظرته ساره و بدلع : لا تنسى تقبل علشان نسولف

هز عوض راسه بقرف و نزلت وعد مع ساره و ابتسموا بأنتصار و نطقت ساره : اخخ اخيرا سنابه

وعد : ناقص بس اللي معه

ساره : قريب ولا يهمك انتي

هزت راسها وعد و تقدموا يدخلون البيت

↚

عند عوض بالسياره نطق : شوق فيك شي

هزت شوق راسها بالنفي ، عقد حواجبه و بدات شوق تبكي زياده و زياده من تذكرت انه عطاهم سنابه و نطقت بصوت باكي : إذا ما تبيني طلقني

عقد عوض حواجبه بأستغراب : شوق وش تقولين انتي

نزلت شوق الطرحه و تقدمت تقرب منه ناظرها و ناظر عيونها الباكيه : لا تقعد تلعب علي عوض

ناظرها بأستغراب : اي لعب شوق

رجعت شوق لمكانها و اكتفت بالسكوت و تسندت على الشباك و بدات تبكي ناظرها سيف و رجع أنظاره لعوض و رفع عوض أكتافه بعدم المعرفه و ضحك : يالله أوديك البقاله أراضيك عن اللي صار بالكلاس

ناظرته شوق و بحده و بصوت باكي  : شايفني بزر ترضيني بالبقاله ، طيب أنا ترضيني بالبقاله قلبي ترضيه ب وش

ناظرها عوض من المنظره و عقد حواجبه ما فهم من كلامها شي و ناظر جواله من ارسل له سيف :

شفيها

ناظره عوض و رفع أكتافه بعد المعرفه و ارسل له :

نرجع البيت و اعرف

بعد مده وصلوا البيت و طول الطريق شوق كانت تبكي و عوض يناظرها بالمنظره جاهل سبب بكاها فتحت شوق باب السياره بقوه و سكرته بقوه ناظرها عوض بأستغراب و تقدم يدخل وراها ناظرها الجد تقدمت تصعد غرفتها و هي تبكي ناظر عوض : وش صاير

ابتسم عوض : زعلتها شوي

ابو وليد : يا عوض وش قلنا

هز عوض راسه : رايح أراضيها

تقدم عوض يصعد وراها بعد ما صعدت تقدمت تدخل غرفتها و سكرت الباب بقوه و رمت طرحتها و شنطتها على الكنب و وقفت جنب السرير و بدات ترفع راسها و تمسح دموعها دخل عليها عوض ناظرته بعيون باكيه : وش جاي تسوي بعد عوض

سكر الباب عوض و تقدم لها : شوق هدي شوي شوي اشرحيلي ب وش غلطت معك قوليلي

شوق بعصبيه كتفت يدينها و ابتسمت بضيق و ببكي : أقولك وش سويت وش غلطت

ناظرته و كملت : تعطيهم سنابك تستهبل عوض إذا ما تبيني قول من الأول لا تقعد تستهبل تاخذ سناب البنات و تكتب تغريدات و معرف وش

عقد عوض حواجبه : اي تغريدات

اخذت جوالها و فتحته و دخلت تويتر على حساب عوض و حطت الجوال قدامه : ذا وش عوض وش الكلام ذا تستهبل إذا في وحده بقلبك لا تقعد و تلعب معي أنا وش ذنبي قولي تقعد تاخذ سناب البنات و تكتب تغريدات و تقعد تتبسم للبنات اللي يناظرونك وانا كذا كأني لعبه عندك

تقدم و صار قدامها بالضبط:  هبله يا شوق صدق هبله و مفهيه

ناظرته شوق بعيون باكيه و بعصبيه : ماني فاهيه يالبلاير

ناظرها عوض : لهدرجه ما استوعبتي ان بكل تغريداتي أقصدك

عقدت شوق حواجبها : كيف

تقدمت عوض يمسكها من وجهها و يطبع قبلاته على ثغرها بقوه تصنمت شوق مكانها و فتحت عيونها بصدمه و زاد قوته على شفايفها كأنه يأخذ حق كل الأيام اللي مسك نفسه عن تقبيلهم و كأنها بأخره الزمان و هي الاخيره يقبلها بقوه بطريقه يمحي فيها وجعه و تشفيه من كل شي و يتذوق طعم شفتها لأول مره لأول مره ثغرها الناعم على ثغره و يتنشق ريحه عطرها الاسيره و يمسك خدودها بيده خدودها اللي يحبها و يحب وجوده غمازاتها فيها ، كانت شوق على حالها مصدومه تحس انها بحلم و تحس بوجود شنبه قريب من شفتها و يده على وجهها و قوته على ثغرها و تحس قلبها بيطلع من مكانه تحس بفراشات داخل معدتها تحس انها فوق الغيم تحس ان قلبها مبسوط و سعيد تحس ان قلبها جلس يستريح للمره الأولى بعد عمر من الوقوف و التعب تحس ان قبلته لها محت كل حزنها و ضيقها

حست بشعور محد قادره يوصفه و كان الحال عند عوض نفسه يحس بسعاده كل البشر بقلبه حالياً يحس ان سعادته تعدت حدودها البنت اللي كان يحبها و يغرد لها يومياً طلعت تحبه حبيبه قلبه و كل حياته معجبته الأولى و الاخيره حالياً قاعد يقبل ثغرها بعد عنها من حس انه يحتاج يتنفس و حط جبهته على جبهته و بدات انفاسهم تتضارب مع بعض غمضت شوق عيونها و هي جالسه تحس بأنفاسه قدام وجهها و الحال مثله عند عوض كان حاط جبهته على جبهتها و يدينه على وجهها و مغمض عيونه و يبتسم نطق بعد ما اعتدل تنفسه : محد ملك قلبي غيري طمني قلبك ان محد سكن قلبي من بنات حواء غيرك ولا احد قدر يضيع هيبتي غيرك كل تغريداتي انتي المقصوده فيها فتح عيونه ناظرها كانت مغمضه عيونها و تتنفس بهدوء و نطق الكلمه اللي كان يتمنى ينطقها لها من زمان الكلمه اللي كانت ثقيله عليه صارت الحين خفيفه : احبك

بدأ صدر شوق ينزل و يصعد من سمعت الكلمه اللي ما توقعت تسمعها منه و من ثغره توقعت تسمعها من ثغر شخص ثاني إلا هو بس سمعتها من ثغره و بدأ وجهها يحمر بخجل و جبهتها على جبهته تحس انها بحلم مو واقع كيف كذا طلع يحبها و طلعت كل تغريداته و كلامه يخصها وهي ما استوعبت ولا شي

بعد جبهته عنها و فتح عيونه وهي لازالت مغمضه حست ببعده و بدات تفتح عيونها شوي شوي ناظرها و ابتسم ناظرت ابتسامه و خجلت و تقدمت بحركه سريعه تخبت تحت البطانه من خجلها ضحك عوض بخفه و نزل راسه و تقدم يجلس على السرير و نطق : شوفي وش داخل دبلتك و اقرى تغريداتي من جديد و تعرفين مين انتي بحياتي صدق و إذا على السناب ما عطيتهم سنابي عطيتهم سناب مزيف مو عوض اللي ياخذ سناب البنات و عنده أجمل و اغلا عناقيد البنات

غطت شوق وجهها بخجل وهي تحت البطانيه من كلامه و ابتسمت و تقدم عوض يقبل راسها من فوق البطانه : أنا خارج الحين بس ماابي سكوتك ذا و ابي اشوفك لا تصدين عني كثير ما اقدر والله

ابتسم عوض و تقدم يخرج من غرفتها خرج من الغرفه و مسك قلبه و نط بحماس : يسسس يسس اخيراً

تسند على الباب : اخخ يا شوقي اخخخخ

سمع صوت الاغنيه من غرفتها و ابتسم تقدم ينزل و هو يركض و ينط

عند شوق اللي بعد ما طلع عوض بعّدت البطانيه من عليها و اخذت جوالها و شلغت الاغنيه و علت على الصوت اعلى شي و وقفت على السرير تنط بفرحه :

و غلاوتك و حلاوتك و الشوق

اللي ملوش حدود

بصراحه بكل صراحه

أنا غرم بعينك السود

↚

بدأ صوت عمرو دياب يصدي بالغرفه و شوق تنط بفرحه بعد فتره تعبت و انسدحت ابتسمت و حط يدها على قلبها التفتت و دفنت وجهها بالمخده و بدات تصرخ و تضرب رجولها بحماس ابتعدت عن المخده و اخذت جوالها دخلت تويتر و بدات تقرا تغريداته و تستوعب شوي شوي انها المقصوده ضربت جبهتها : غبيه صدق

ضحكت من تذكرت اعترافه و قبلته و غطت شفايفها بيدها و بدأ صدرها يصعد و ينزل من التوتر تذكرت دبلتها و تقدمت تأخذها من التسريحه ناظرت داخلها و قرات ( حبيبه قلبي ) حطت يدها على فهما بصدمه وضحكت : كيف ما شفتها

لبست الدبله و قبلتها و غمضت عيونها و ابتسمت : حيوان صدق عضت شفتها و ناظرت الدبله و غطت وجهها بيدينها بخجل و تقدمت تفتح كتابها و تاخذ صورته و تقدمت تنسدح على ضهرها طبعت قبلاتها على صورته و طبع الروج و تقدمت تحضنها : اخخخ صرخت بخفه من تذكرت قبلته و ناظرت صورته : طلعنا اثنينا عشاق يا عوضي ابتسمت و تقدمت تغير لبسها بفرحه

عند عوض اللي بعد ما نزل نط عند آخر درجه بالدرج و صرخ : يمهههههه يمههه

ام وليد اللي كانت جالسه بالحوش مع عبير و ام مشاري و ام رنا التفتت على الصياح بخوف ونطقت عبير : بسم الله ، الله يستر

تقدم عوض يخرج للحوش بفرحه و يركض و يصرخ : يمههه

ناظرته ام وليد : لا تصرخ

تقدم لها عوض و قبل راسها : احبك يمه احبك كثير

ناظر عماته و اشر عليهم : احبكم كلكم بعد ، خواتي وين

ناظرته ام وليد بصدمه واشرت : داخل

دخل عوض يركض و ضحكت عبير و ضحكت ام وليد بصدمه :الحمدلله و الشكر قلبي كان راح يطيح من مكانه

ام رنا ضحكت : قلبنا كلنا صدقيني

ام مشاري تنهدت : الحمدلله مو صاير شي

عبير و هي تشرب قهوه : الحمدالله

دخل عوض البيت و بدأ يصرخ : جورييي العنود لجين

البنات كانوا جالسين بالمجلس و نطقت العنود : الله يستر

لبست ريم طرحتها : لا يكون صاير شي

نطقت لجين : تعال بالمجلس

تقدم لهم عوض يركض و نطق و هو يلهث : جوري

ناظرته جوري بخوف و كمل : احبك و التفتت للجين و العنود : احبك انتم بعد

تقدم ياخذ وتين و يطيرها و ضحك : اخخخ احبك توته

ضحك وتين و تقدم عوض ينزلها و يقبلها من كل مكان و نطق : سلطان و وليد وين

ريم : وليد بالدوام

جوري : و سلطان بعد بالدوام ، عوض وش صاير

هز عوض راسه بالنفي و تقدم يخرج التفتت جود للبنات : اخوكم بعقله

العنود : ما عليك منه جته جنيته بس كملي السالفه

ضحكوا البنات و كملوا يسولفون و تقدم عوض يصعد الدرج و هو يلهث و سيف كان نازل ناظره سيف : عوض وش صاير

تقدم عوض يحضن سيف بقوه : اخخخ سيف امسك قلبي ، قلبي راح يطلع من مكانه

بعد سيف عنه و عقد حواجبه : وش صار

رجع حضنه عوض : قلتلها الكلمه يا سيف قلتلها و طلعت تحبي تخيل طلعت هي بعد

بعد عنه سيف بصدمه : قول والله

ضحك عوض : والله والللهههه

سيف ضحك : لا ذي يبي لها جلسه بمكانا مع عبدالله و عمر

هز عوض راسه : اي اي كلمهم يالله اروح أغير لبسي و انزل لك

هز سيف راسه و تقدم ينزل و عينه على جواله يكلم عبدالله و عمر و صدم بجسم صغير قدامه رفعت غلا أنظارها له و ناظرها بلعت ريقها من قربه و بعدت يمين و بعد معها يمين و بعد يسار و بعد معها ناظرته و ناظرها و بعد سيف و نطق : امشي

تقدمت غلا تمشي و التفتت له تناظره و صدت تمشي رفع راسه و ناظرها و ابتسم بخفه ضرب راسه و همس : من عاب ابتلى

ضحك و تقدم يطلع و يركب سياره و بعد مده جاه عوض و هو مبتسم و ركب جنبه : يالله سرينا

شغل سيف السياره و هو مبتسم و شغل عوض أغنيه كانت تمثل حالته و بدأ يغني معها :

↚

أنا خفت انه يرفضني

او انه ما يلاحظني

طلع مو هو بس ملاحظ

طلع دارسني حافظني

طلع مشغول وهو مثلي

مثل ما اسهر له يسهر لي

وانا احسب من زمان أهواه

أثاري يحبني من قبلي

تنهد بفرحه و الابتسامه ما فارقته ناظر سيف ابتساماته و ابتسم بفرح و دخل تويتر و نشر تغريده :

أنا مو بس أحبك أنا هيمان و مغرم فيك و بكل تفاصيلك

سكر جواله و ابتسم ناظر ابتسامته سيف : بس يالحبيب بس درينا انها تحبك

ضحك عوض و ناظره : تخيل كانت تبكي تحسب اني اخذت سناب البنات

ضحك سيف : الغيره عذروب خلي

تنهد عوض بأبتسامه : محلى عذروبه والله محلى عذروبه التفتت لسيف و نطق:  بلغت عبدالله يجيب أغراض الشاي

هز سيف راسه و بعد مده وصلوا المكان كان بنص البر و نطق عوض : قبل فتره جبتها مكان قريب من هنا عند الجبال هذيك و اشر على الجبال

ابتسم سيف : الله يهنيكم

تقدموا ينزلون من السياره و فرشوا السجاده و وصلوا عمر و عبدالله مع بعض بسياره عمر جي كلاس اسود و نزل عمر و عبدالله و نطق عمر : ما تجتمعون إلا و في بلا

ضحك عبدالله و تقدم يجلس معهم : صح وش صاير الابتسامه و الأسنان

ضحك عوض : نجهز الشاي بعدها نقول لكم العلم

تقدم عبدالله يشعل النار و يجهز الشاي و بعد مده خلص و بدأ يصبه بالكاسات و نطق عبدالله: يالله وش العلم

تنهد عوض بفرحه و مسك شواربه و بدأ يلعب فيهم : العلم يقول انها تحبني ياعيال

نزل كاسه الشاي عمر : تحلف بالله

هز عوض راسه و ضحك عمر : شكله الطرده جابت نتيجه

ضحك سيف و التفتت عليهم عبدالله: طاردهم

ضحك عمر : متخانقين بالمحاضره

ضحك عبدالله: يالله جاب نتيجه شكله

ابتسم عوض و نطق :  الاغنيه ذي براسي الفتره ذي

و بدأ يغني و يغنون وراه و يصفقون  :

اخاف احجي وعلي الناس يقولون

تولع بالمحبه و صار مجنون

بعد هيهات افرح ...قول و احجي

أنا قلبي تجرح ...عيني احجي

شحجي رموني بسهم العيون

ضحك سيف : صدق تولع بالمحبه

ضحك عوض : لو اعبر عن حبي لها مستحيل اي شي قادر يوصف محبتها بقلبي

ضحك عبدالله: الله الله العاشق الولهان ارتاح قلبه الحين

عمر ضحك : قلوبنا كلنا صدقني راح نرتاح من التحلطم

سيف: جلس يصرخ بكل البيت و راح عند عماتي و امي يقولهم احبكم

ضحكوا و نطق عمر : واضح المقصد مو لهم المقصد لشخص ثاني

ضحكوا و كملوا يشربون شاي و بعد ما بدأ يظلم الليل توجه كل واحد لسيارته و بدأ يمشي و بنص الطريق اتصل جوال عوض و رد : هلا جوريه

جوري و اللي كانت جالسه مع البنات : يصير اطلب منك شي

عوض : امريني

ابتسمت جوري بفرح : نبي أغراض من البقاله

عقد عوض حواجبه : منو انتم

جوري : أنا و البنات شوشو و جود و كلنا يعني بنسوي جلسه

ابتسم عوض و نطق : عيوني لك حاضر ، حاسبين حسابنا ولا ناسينا

جوري : افا اكيد مو ناسينكم ، ادز لك الاغراض واتس وبس توصل البقاله اتصل علي

عوض : تمام سكر جواله و التفتت لسيف : خلنا نروح السوبر ماركت

هز سيف راسه و نطق عوض : يبون يسون جلسه اكل و حركات

حط سيف يده على بطنه : صدق جوعان

ضحك عوض : مو شي جديد

بدأ سيف يسوق للسوبر ماركت