إنهم ما يفهمونه ، تنهد وهو يناظر وقوف خيّال الهادي يتأمله : خيّال بروح البيت و انت اعطي الحارس رقمي

خرج بدون اي حرف و بدون لا يسمع رد خيّال له وهو يرتدي ناظرته الشمسيه بس يبي يكون لوحده ، يبي يستفرد بنفسه يختلي بروحه بعيد عن كلام و نظرات الناس له ، يضغطوه بدون شعور يتكلمون بدون تفكير و يدري إنهم ما يبون يأذونه ، ريح راسه للخلف من صدّع راسه لكن فز قلبه من دق شباكه يشوف شخص من جنسيه مختلفه يناظر بعيون تلمع ، نزل شباكه بإستغراب و نطق الشخص مباشرة : انت حي انت حي !

زاد استغراب بحر من سعادة الشخص امامه وهو يهمس : اعرفك؟

ابتسم الشخص امامه لأن خيّال علمه بوضع بحر من قبل و هز الشخص راس بإيه : انا حارس ارضك و خيلك

بحر : ارضي؟

الحارس : عندك ارض كلها اشجار زارعها و فيه عندك كرفان تنام فيه بعض الليالي محد يدري عنها ابدًا

الراحة يلي انزرعت في قلب بحر غريبه ، هالحارس جا بوقته فعلًا و كأنه يقول ترى لك مكانك و لك وقتك الخاص تكون فيه وحدك ، ابتسم بحر بإتساع يضحك : اطلب الي تبي و اعطيك هو

ابتسم الحارس وهو يمد المفتاح لـ بحر : برسلك اللوكيشن و بوصل الخيل هناك بس انتبه وين تمشي لأنك لو تذكرت بتعصب على نفسك

ابتسم بحر بهدوء ياخذ المفتاح يسكر شباكه وهو يشغل السياره يتوجه ناحية الموقع يلي رسله الحارس

_

« بيت تيّام ، غرفة لَحن »

كانت تجلس امام الباينو اصابعها تلامس اوتاره وهي تعزف بهدوء و شباكها مفتوح يجدد هواء الغرفة ، كانت تغطي اكتافها بشال وصلها هدية وقت ملكتها من يزيد بس ما تعرف مين الهادي لها ، كانت مستقيمة الظهر و ساكنة التعابير فقط اصابعها تعزف بكل حريه و اريحيه مُطلقه ألحان توصف مشاعر لَحن لأنها العازفة ، بكل مره لَحن تعزف هي تعزف مشاعرها تخرجها على شكل اعزوفه ، لكن هالمره عزفها مختلف ، كانت معزوفه صعبه تشد الأعصاب مرعبه ، عقدت حاجبها من وصلت لأكثر بارت يزعلها وهي تعزف بأصابعها توقف عزف في لحظة وهي تتنفس بتسارع و وجهّا كله احمر من زعلها ، غطت عيونها بذراعها ما تبي تبكي ، ما تبي دمعه تنزل بسبب شعور غبي وصلها ، بلعت ريقها وهي تاخذ نفس تشد الشال عليها تغمض عيونها بهدوء ترجع تفتحها توسعها مباشرة من شافت إنعكاس خيّال بالمرايا خلفها يجلس على الشباك ، لفت له بالعربية تناظره بذهول : وش تسوي هنا !

نزل بهدوء وهو يقترب منها ينحني عند اقدامها يهمس : ما رديتي علي

عقدت حاجبها و عض شفته يهمس بغضب : خفت عليك طيرتيني من خوفي !

احتدت ملامحها وهي ترفع الشال على شعرها : خوفتك؟ وش تسوي انت استحي على وجهك ..