"بالمدارس الخاصة والداخلية "

تعريف مدارس الداخلية هي المسكن والمدرسه بنفس الوقت

••••••••••،•••••••••

بالفصل:سلمان بجانب سعود وخلفهم فارس وبجانب فارس كرسي فاضي

سلمان التفت على فارس بهمس:فهيد وينه ؟ فارس بنفس الهمس:مدري عنه ماشفته! دخل الاستاذ استوقفوا الطلاب احتراماً له الا سعود وفارس وسلمان ،تنهد الاستاذ من طيشهم وحركاتهم وممكن هذي المره الرابعة اللي يدرسهم فيها!

عند فهد بغرفة المدير؛ المدير أبوة:ماتعلمني متى بتعقل؟متى تصير رجال ينشد فيك الظهر؟لك ٨ سنين وأنت بمدرسه الداخلية ماعقلت ماتبت!!

فهد قاعد وحاط رجلة اليسرى فوق ركبة اليمنى ويلعب بالأقلام اللي على الطاولة أبو فهد:متى بتتخرج أنت واخوياك؟ فهد رفع عيونه ثم ضحك ضحكه سريعه:أذا حجت البقر على قرونها ،قلنا لك اطردنا بلاها دراسه وسكن! أبو فهد على وشك يفقد سيطرته:ماني طاردك انت واخوياك ولا أخليكم تعشعشون تحت مسوؤليتي لاخر يوم بعمركم ،حتى المساعده ماراح أخلي المعلمين يساعدونكم والله لاخليكم تطفشون حتى الكتب اخليكم تحفظونها صم عشان بس تنتظرون الفرج من هالمكان!

فهد بيرود مستفز:لا والله لا فرج ولا محمد عاجبنا المكان وراضين بالعيشة هنا. ناظر ابوه:مب انت جبتنا هنا؟اكيد بيعجبنا المكان!

أبوفهد:فهد يبه انا جبتكم هنا لانه محد راضي يتحمل شطانتكم برا ولا احد قادر على تربيتكم.

فهد ببرود:عاملني انا وسعود مثل اي طالب ساكن بهالمدرسه لاتعملنا معاملة تفرق عنهم تفهم؟

طلع من مكتب أبوه وسحب شنطتة المرميه بالارض ورفس باب الفصل برجلة ببتسامه:هلا بستاذي هلا بحبيب قلبي! تسمح لي أدخل

الاستاذ؛لا! سلمان رفع يده:ياستاذ حرام عليك دخله

التفت عليه الاستاذ:سلمان اخذ شنطتك وأطلع معاه!

ضحكوا الطلاب وأستوقف سلمان:الله يسامحك ياستاذ!

سعود أستوقف معه وهو يجمع أغراضه ونطق الاستاذ:على وين ياسعود

سعود ببرود:رأسي يعورني. طلع معاهم واستوقف فارس يجمع اغراضه يخرج معهم تنهد الاستاذ من وضعهم واستهتارهم وقلة أدبهم وكيف للحين المدير مخليهم مافصلهم

سعود ببرود وهو يتقدم له ل سلمان وفهد:شقال لك عمي؟

فهد بسخريه: متى تتخرجون!

سلمان:ليه نتخرج؟على أساس بنصير دكاتره ومحامين نهايتنا عساكر ملعون أبوجدفنا خلنا هنا العيشة بالمجان ومرتاحين.

فارس: بس لاتنسون مردنا بنطرد من هالمدرسة ،وصلنا فوق السن القانوني!

فهد عطاه نظره:أبن أمه يطردنا نسيتو أني ولد المدير؟

سلمان وهو يتثاوب:فيني نوم نروح ننام؟

فارس ضرب رأسه:ناسي مبنى السكن مقفل ماراح ينفتح الا الين نخلص حصصنا سلمان تأفف...

-دار الأيتام،اخر الليل بالغرفه الخوف مسيطر عليهم وكل وحده على سريرها ولامه رجولها،قامت هيام من على سريرها مسكت مقبض الباب وتفاجئت:بنات! ناظروها بنبره مهزوزه وهي خايفه:الباب مقفل استوقفت ليال وهي تمسك الباب تضجرت وهي تضرب الباب:سجننننن

هيام وهي تمسك بطنها:أبي الحمام محد اهتم لها؛

شيم كانت حاضنه ريوف اللي ترجف من لليلة الحادثه!

من راعي الباص اللي تحرش فيها وفزعو لها حتى مامات بين ادينهم!

ساعدتهم مشرفة الدار حتى مابتزتهم وحبستهم بغرفتهم من غير أكل وشرب...حتى الحمام ممنوع يروحون له حتى مايوافقون على خطتها!

"بيوضح كل شي بالبارتات"

ليال بتحلطم وهي تمشي:بنبقى كذا محبوسين لاخر يوم بعمرنا!

ريوف بنبره بريئة وبصوتها الباكي بتأنيب الضمير: أنا السبب،انا بنقذكم ليال ناظرتها ومن دون ما تحس:أنتي بالاول انقذي نفسك!

شيم أستوقفت بعصبيه:ليال أمسكي لسانك لاقوم عليك!

ليال:محبوسه واتصفق بعد؟

"شيم ناظرت هيام الواقفه ومتجمدة"

تقدمت لها لهيام وبصوت هامس:شفيك ، ناظرت سروال بجامتها المتبلل غمضت عينها وهي تتنهد وناظرت لريوف وثم ناظرت ليال والقت نظره اخيره على هيام ثم طرقت الباب بقوة:نبي المشرفة هدى..هدى...هدددى!

ليال تقدمت لشيم:يامجنونه وش بتسوين؟

فتحت الباب المشرفة هدى ببرود:نعم؟

شيم وهي تناظر صديقاتها:احنا موافقين على الي تبينه!

المشرفة سكرت الباب:يعني موافقين تتحولون وتصيرون عيال؟

شيم ناظرت صديقاتها:أي!

المشرفة باستهزاء:واذا لعبتو بذيلكم تدرون وش بسوي؟ اسلمكم للشرطة واوريهم أنكم ذبحتو رجال ودفنتوه! فتحت الباب:الباب بيكون مفتوح وبكره أن شاء الله بعلمكم ليه أبيكم تصيرون عيال وتنتقلون هناك!

ركضت هيام للحمام وطلعت المشرفة ،ليال بعصبيه:أنتي بأي حق توافقين نصير عيال ولا مانصير؟ روحي انتي! أنتي اصلاً مابينشك فيك مايحتاج تتغيرين من نفسك لانك ولد اصلاً!

أبتسمت شيم أبتسامه مستفزة وراحت لريوف ليال انقهرت وجلست على سريرها

~اليوم الثاني~

مكتب المشروفة :تدرون ليه أبتزيتكم؟لانه مثل ماساعدتكم أبيكم تساعدوني!

أنا اختي مختفية من٢٢سنة!

ليال وهي متكتفة :وأختك وش لها علاقة نتحول عيال عشانها؟

المشرفه:خليني أكمل كلامي،مختفيه وماندري عنها محد يدري عنها الا شخص واحد صعب أحد يوصل له،أو يتقرب منه،هو عبدالله سند مدير سكن المدارس الداخلية اللي عليكم أنكم تتنكرون بشخصيات أولاد وتراقبونه على أمل نلقى أختي!

طلعت أربع بطايق من شنطتها:بطايقكم المزوره.....

رفعت البطاقة الاولى وهي تمدها لريوف الي قاعده ساكته:بيكون أسمك رائد

ضحكت ليال:من ريوف الى رائد!طيب وأنا؟وش بيكون أسمي؟يارب اسم حلو! المشرفه رفعت البطاقة الثانية وهي تمدها ل هيام:بيكون أسمك رعد!

ليال بحماس:وأنا وش بيكون أسمي؟

المشرفه عطتها نظرة:بيكون أسمك لافي!

كشرت ليال وهنا ضحكت شيم ماقدرت تكتم ضحكتها ليال بغضب:لافي؟ياشيخه وش مقصر معك اسم ليث ولا لؤي أخذت نفس عميق وتكتفت وهي تحاول تمسك أعصابها؛شيم رفعت رأسها وهي تناظر المشرفه الي نادتها:وانتي بيكون أسمك شهاب! كملت حكيها:الان ناقصنا بس أصوركم صور شخصية عشان يضبط التزوير.

فتحت الدرج وطلعت ماكينة الحلاقة:بس بألاول لازم تحلقون شعركم!

ليال شهقت وهي تمسك خصلات شعرها الطويل:ألاشعري!

المشرفة:تحلقين شعرك ولاتنامين بالسجن؟سكتو بضيق كان الزعل مرسوم على ملامحهم رغم فرفشو وضحكو آلا انهم بمصيبة وورطة ومجبورين يسمعون كلامها!

أبتزتهم وهددتهم...مالهم حل الا يسمعون حكيها،أستغلت طفولتهم وخوفهم لاجل يراقبون لها شخص مايدرون أيش قصتها معاه وإيش الخطورة الي بتصير هناك..

شعر شيم قصير لكن قصت أكثر..هيام شعرها لحد ناحية نهاية الخد وعندها غُره وشعرها من الله أشقر"أشقر على بني" ليال شعرها سواد الليل وطويل لحد ظهرها أما ريوف المكتئبة رغم ان الماكينه تحلق شعرها ماحست بشيء فقط ساكته؛

كلهم حلقو شعرهم.. وصورو صور شخصيه وانطبعت بطاقاتهم بأسماء مزوره وعلى انهم فعلاً أولاد.

~بعد اسبوع؛

بالقطار بينتقلون الى المنطقة الي فيها السكن بعد ماظهر قبولهم في للسكن،كانو خايفين وشيم كانت أيضاً خايفه لكن همست وهي مبتسمة:لاتخافون ماراح يصير لكم شي وانا معكم وبحميكم .هيام الي كانت وأضعة رأسها على كتف شيم:صدق انتي لو مو معنا كان ضعنا!

ليال بسخرية: ليتك ساكته بس.

شيم:أنتي جلدك يحكك

ليال بعصبيه: أسكتي بس

شيم: ترا بقوم وأفرك وجهك بالارض!

هيام: بنات تكفون مب وقتة هواشكم الحين أحنا عندنا مصيبة بنروح مدرسة كلها عيال وبنعيش هناك بعد

شيم وهي تحاول تسيطر: من قالك بنعيش هناك؟سنه سنتين وبنرجع

ليال:يابرودة اعصابك بس.

وصلو المدرسه؛

دخلو ريوف وهيام وهم متمسكين ب ثوب شيم حتى مانطقت:شيلو يدكم شوفو كيف يناظرونا

ريوف منزلة راسها وهيام نطقت بخوف: كفين أشكالهم تخوف...قلبي يدق بسرعة!

شيم:ليال وينها؟

ريوف وهي تاتاة بالحروف بسبب خوفها وترمش عينها لاكثر من مره:ق قالت ب بتضبط نفسها وبتجي

شيم: رايحة عرس هذي؟ قسم بالله محد بيفضحنا غيرها!

دخلت ليال بدلع ثم أستوقفت وهي تستوعب أنها الان بشخصية ولد ومشت بشكل عادي حتى ماصدمت وكانت أول هوشة بتبتدي ب مسكت كتفها بألم:اهخ.....وجع أن شاءالله!

سلمان عقد حاجبه: وجعه توجعك أن شاءالله!

كانو العيال يناظرون بالهوشة بتمتع وسخرية ماعادا سعود اللي مب مهتم

فهد وهو يضحك: شكلة خكري عليك به.

شيم التفتت على ليال ورفعت حواجبها لتعلن عن أندهاشها وغضبها

تقدمت وبعصبيه حتى ماستوقفت ليال خلفها:خير وشفيه؟

فهد بضحكة مستفزة:جاك اللي بيفزع الحين!

شيم أخذت نفس عميق ولاجل تحسس صديقاتها انها قويه وبتحميهم تقدمت لفهد: وش قلت!؟

فهد كان بيده كوب وعطاه فارس وتقدم أمام شيم:مسوي قوي قدام اخوياك؟

شم أستقشعر جسمها بعد مالمس خدها بكفه:هاه يالخكري؟

شيم غمضت عينها بغضب ودفعته بقوة حتى ماطاح تقدمت له وهي تجلس على خصره وتمسك ياقة ثوبه بقوة: لاتتمرجل علي عشان ماتندم كل الطلاب كانو يناظرون الهوشه بين سلمان وفارس ميتين ضحك وهيام خايفه وليال كانت تناظر شيم باعتزاز وفخر، فهد ضحك حتى ماصفعته شيم كف قوي وشهق الجميع فهد بغضب قام وقلب شيم وصار فوقها و ناظرها بغضب وملامحه تغيرت مسكها من رقبتها: أنت كفو ترفع يدك علي؟

شيم أنحبست أنفاسها وبخنقة تقدم المدير ابوفهد بغضب:وش هالفوضى

هيام بخوف:هم غلطو علينا وجالسين يضربون صديقت.صديقنا!

أبوفهد بغضب: فهد بعد عن الولد!

فهد بغضب وهو يناظر شيم: بس...

أبوفهد:قلت لك قوم لاتبسبس!قوم أنت وياه

أستوقف فهد ورفس شيم بقوة وتألمت رفسته بس سوت نفسها أنها ماحست بشيء وقامت: أنت وهو على مكتبي!

شيم ناظرت في البنات وتنهدت بغضب ضحك فهد ومشى ومشت خلفه لحتى مادخلو المكتب فهد دفع شيم كانت على وشك بتطيح التفتت عليه بغضب ودخل أبوفهد وجلس على الكرسي وناظر ب شيم: أول يوم لك وباديها بهوشة وش بتسوي بالايام الجاية؟

فهد ببرود وسخرية: ممكن يذبح

أبو فهد: اسكت انت، هالمره بعديها لك وله وأن شفتكم متهاوشين فصلتك

فهد: وأنا بتفصلني بعد؟

أبوفهد بغضب: قلت لك أسكت! أطلع ناد اخوياه

عند الشباب برا منتظرين فهد والبنات كانوموجودين فارس ناظرهم حتى ماتسعت ضحكتة وضحك بضحكة عاليه: أنتو وش تقربون لبد خلف؟

ليال وهي تهمس للبنات: هذا اللي صدق ودي شيم تضربه!

سلمان بقرف: وش هالمياعة والوفقة ذي؟ ترجلو لابوكم لابو كلب!

ليال توسعت عيونها وهيام بخوف همست: تكفين لاتزيدينها أنتي بعد خلاص خليه الله يسامحه!

طلع فهد وتقدمو العيال له؛

سعود ببرود:شصار؟ عسى فصلة أبوك

فهد ب أستهزاء: واضح بنطول مع هالخكري،وناظر بالبنات:ورع أنت وياه..أدخلو داخل!

هيام بخوف:ليش!

فارس: المدير بيعطيكم حلاوه.

دخلت ليال وخلفها ريوف بين كانت منزله رأسها ومشت هيام خلفهم حتى ما ضرب فارس الارض برجولة خافت بهلع!

سعود بضحكة خفيفة وببرود:فارس خله لاتبكية!

دخلت هيام الغرفة، كان أبوفهد يشوف ملفاتهم:سبب أنتقالكم هنا ليه؟

ناظرو بعضهم وأنقذتهم ليال وهي تقول:سمعة المدرسه هنا حلوه وفيها سكن والكل يمدح سكن الطلاب هنا!

أنبسط من هالحكي وسكر ملفاتهم "المزوره"

الغرفة الاولى هيام وشيم

الغرفة الثانيه ليال وريوف

عند ريوف كانت حاضنه رجولها وساكته

تكلمت ليال: ماخلوك الاعندي؟ لي ساعه اسولف وانتي مو معطتني وجه!

ناظرت وجها أمام وتظاهرت بعباطتها بالبكاء: يع يع شوفي كيف شعري صاير كانه شعر شيم! اف احس اني ولد يع! متى تخلص الخطة!

اف بموت من المشد ذا اللي على صدري!

- ريوف كانت ساكته وليال كانت تتحلطم كثير.

كل غرف المبنى نفس التنظيم والاثاث سريرين وغرفة صغيره لتبديل وحمام!

........،...............

اليوم الثاني؛

كان طابور... وادئماً الرباعي ساحبين على الطابور بالفصل كان بس فهد موجود،دخل فارس وخلفه سعود وسلمان وعيونه تغمس من النوم جل على الكرسي:تخيل أبوك درعم على غرفتنا وقومنا من النوم غصب!

فهد وهو ينفث الدخان ضحك بأستهزاء

سعود جلس على الكرسي والتفت على فهد:طف الزقاره بيجون الحين وطفاها فهد ودخلو الطلاب ودخل المعلم

فهد كان مكانه اخر واحد وبزاويه مثبت ظهره على الجدار وبجانبه فارس وقدامه سعود وسلمان؛

فارس بتحلطم وهو يكلم فهد:فيني نوم

أنتبه عليه الاستاذ وبنبره حاده:فارس قوم من مكانك

فارس بفهاوه:ليه شسويت؟

الاستاذ بغضب:قوم!

أشر على اول طاولة بجهة اليسار وتحديداً تحت المكيف "كانت الجهه فاضيه" اجلس هنا

دخل يده بين شعره الكثيف وأستوقف بتملل ونطق لاستاذه بسخريه:عشانك

جلس فارس لوحده بدون كتبه ويناظر الاستاذ وعيونه تغمض حتى ماوضع يدينه على الطاوله ورأسة فوق يدينه المتكتفه على طاولة ونام التفت الاستاذ بعد ما كتب على السبوره وتنهد من وضعية فارس وايضاً من وضعية فهد اللي مدد رجولة على كرسي فارس!

........،............

بغرفة ليال وريوف؛

شيم:كل وحده تغير نبرة صوتها تخليك خشن!

هيام: بنات الحين لو كشفونا صدق بيسجنونا

شيم سكتت وتذكرت كلام المشرفة وهي تهددهم قبل ركوبهم القطار"

الحين انتو عندكم جريمة ثانيه وهي التزوير شيم رجعت لوعيها:أكيد التزوير جريمه!

ليال تأفأفت وجلست على السرير: الى متى طيب! بنبقى كذا عيال الى مانموت؟

طق الباب ورأتعبو هيام بخوف: تهقون سمعونا وبيسلمونا للشرطة؟

نبضاتهم تدق بسرعه ماعدأ شيم الي قامت وفتحت الباب ونطق أبوفهد بغضب: الساعه٨:٠٠ متى ناويين تحضرون الحصص؟

شيم وهي مرتبكه:أي استاذ بس احنا ما ستلمنا كتب ولانعرف أي صف!

ابوفهد:اي بتكونون بثاني/٥! والكتب بتستلمونها بكره لانكم متأخرين بس الحمدالله احنا بداية الترم، شيم هزت رأسها ونزلو وكلهم ثياب وريوف متلثمة بالشماغ وكانت فكرة شيم لاجل ماتفضحهم ببكاءها أو بخوفها

ليال وهي تمشي بتطفش: اف كيف صرت علمي أنا؟ وقفو قدام باب الفصل

الخوف زاد...تجرئت شيم وفتحت الباب شيم وخلفها ودخلو خلفها البنات!

الاستاذ التفت ورفع ورفع حاجبه:خير أن شاءالله؟

شيم وهي تبتسم لاجل تخفف توترها: أستاذ احنا

فهد قاطعها بسخريه:أستاذ ذول مايستحون داخلين علينا من غير سلام ومتأخرين مفروض تطردهم!

شيم ناظرته بغضب وهي أمنتيها الوحيده أنها تضربه ضرب مبرح والتفتت على صوت الاستاذ: عرفتكم انتو الطلاب الجدد بس كيف مستوياتكم ومن أي مدرسة جايين؟ شيم بأرتباك: أحنا كنا ندرس برا وجينا هنا.

وتقدم وهو يمسك كشف الاسماء:المدير عطاني أسمائكم بس خلوني اتعرف عليكم، شهاب يوسف ال***

شيم:أنا

الاستاذ رفع أنظاره وثم اشر على المكان الاخير:أجلس بجمب فهد

أبتسم فهد وتكلمت هي:أستاذ ماشوف ورا

فهد نزل رجولة من الكرسي:ولا يهمك ياصديقي اخليك تشوف عدل معليك

الأستاذ بحده:هناك ياشهاب!

تضجرت شيم وتقدمت ووضع فهد رجوله على كرسي شيم وهي ماسكه اعصابها:شيل رجولك!

نزل رجولة وهو يضحك بأستفزاز وجلست وهي معصبة وأبتسم ودفع الكرسي برجلة وطاحت على جمبها وضحكو الطلاب وعدل جلسته فهد بعد ماكان مثبت ظهره على الجدار:بسم الله عليك.

أستوقفت بعد صرخة الاستاذ: بس انت وياه!

جلست ولازالو الطلاب يضحكون كان فهد مبتسم أبتسامه أنتصار عكس شيم اللي توعد فيه

الاستاذ بهدوء: رعد أحمد ال***

هيام كانت ساكته أو بالاصح كانت ناسيه أسمها ثم أستوعبت:أ أنا

عقد حاجبه الاستاذ وأشر على الكرسي اللي بجانب فارس النايم على الطاولة :أقعد عند فارس

هيام ناظرت البنات بخوف وثم مشت وجلست بجانب فارس الاستاذ:لافي مطر ال*** ليال وهي تحاول تخشن صوتها: انا ضحكو الطلاب على نبرة صوتها وأنحرجت ودموعها على وشك تنزل الاستاذ:أجلس ورا رعد...أنت اكيد رائد أجلس بجمب لافي مشت ليال وهي خلفها ريوف وأتسوقفو على سوال الاستاذ: ليه متلثم ليال تداركت الموضوع:لانه لانه معاه ربو واحنا نمشي كان الدرج مغبر فاتعب شوي!

الاستاذ:اها،سلامات ماتشوف شر.

جلست ريوف خلف فارس وليال خلف هيام.

~بحصة الرياضيات~

دخل الأستاذ، ليال بأنعجاب وأنبهار وبهمس:كل هالجمال ومدرس رياضيات

ريوف خزتها،هيام ناظرت فارس وقربت يدها وحركته من كتفه توسعت عيون ليال وضربتها على ظهرها!

هيام ببراءة:أقومة للدرس.

ابتداء الشرح الأستاذ وبعد ساعة أنتهت الحصة الثالثة وأبتدت الفسحة ورجعو حتى مابدت الحصه الاخيره ولازال فارس نايم

"طلعو كل الطلاب"

بقى فارس اللي انسحب عليه وهيام ماقدرت تروح وتخليه جلست بجانبه وهزته حتى مارفع رأسه ومنزل حاجبيه بنعاس:شسالفه

هيام بأرتباك:خلص الدوام وأنت للحينك نايم!

فارس مغط أيدينه وهو يتثاوب وهز برأسه:مشكور أنك قومتني.

أبتسمت هي بحماس ونطق هو ببرود وأستغراب:نطول بأبتسامتك؟

أنمسحت الأبتسامه بأنحراج وقام وحذف الطاولة على الارض ومشى وطلع من المبنى بكبره ركب سيارته وحرك وعارف مكان أصحابه،وصل المطعم ودخل وشاف فهد وسلمان وتقدم لهم وهو معصب جداً

سلمان: صح النوم

جلس وهو معصب:على تبن بس.

فهد:شفيك معصب؟

فارس:معصب من سحبتكم ولا واحد كفو قومني.

سلمان ناظر فهد وقال:دايم يظلمنا.

فهد وهو يكمل الكذبه بتمثيل للبراءة:أي والله دايم يظلمنا قومناك بس أنت ماقمت شنسوي بعد.

سلمان:المهم من قومك؟

فارس ببرود:واحد من شلة الخكاريه قومني ولابعد يوم شكرته بأستهزاء:جلس يبتسم.

فهد وسلمان بضحكة:أوووووه

ناظرهم فارس بأستغراب وفهد بسخريه:الولد معجب فيك،بكره نشوفك بالحمام تبوس فيه!

فارس بقرف:تخسي وتعقب

سلمان مسك جواله ودخل القروب:سعود يقول جيبو لي غداء معكم.

فهد ببرود:خل العزله تنفعك تبي تعال وتغدا معنا،ذا أشك أنه ولد عمي كله عازل نفسه مايحتك بأحد وعايلتنا معروفين بالتلقف والجمعة .

وناظر فارس بأستغراب وضرب مؤخرة رأسة:وأنت لا تزعل غداك اليوم على حسابي.

~يوم جديد~

تحديداً بغرفة الاجتماعات المعلمين؛

المدير أبوفهد أحاطه الخجل بسبب فعايل فهد وأصحابه.

أستاذ الرياضيات:أنا أتمنى أستبعادهم من المدرسه،ولا انا بنفسي أستقيل

هالاربعة ذول تعبت منهم وأظن مالهم أي فايدة بوجودهم بهالمدرسة .

الاستاذ الكيمياء: أجل يأستاذ عبدالله ولدك فهد يقل أدبه بالحكي ولا كأني أستاذة ويستهزء علي قدام الطلاب.

أستاذ العربي:والأخ سلمان يسوي مثل حركات فهد وأخس بعد،بالله عليك ياستاذ عبدالله ذول أشخاص كفو نعطيهم فرصه؟كم لهم وهم يعيدون السنه؟

كم تحملنا وصبرنا على وقاحتهم؟انت أنشئت هالمدرسة للطلاب المحترمين لطلاب ظروفهم صعبه من ناحية السكن والتدريس ومن نواحي إيجابية مثل المكافاة لطالب المتميز يدرس بهالمدرسة ولكن فهد وأصحابه ماظن أنهم يستاهلون البقاء بهالمدرسة.

المرشد:أظن الاولاد تعدو السن القانوني.

أبوفهدوأخيراً تكلم:أظن خلصتو كلامكم؟أعتذر يازملائي أني لااستطيع طرد فهد وأصحابه تدرون ليش؟

ناظروه ونزل نظارته:لأنهم يظنون أننا أنهزمنا ماقدرنا نربيهم ولا استطعنا ندرس فهد وأخوياه جالسين ينتقمون من الزمن بأهمالهم وشطانتهم ومصايبهم

بنبرة حنية وعطف:مابي الشفقه عليهم بس مثلاً عندكم فارس كان عايش عند جدته وخواله بعد وفاة أهله ولا أحد قادر يربيه ولا أحد قادر يوازن شطانته ويقول له هذا عيب وهذا غلط جاء هنا وهو عمره ١١ سنه!

عندكم سعود صح أنه ولد أخوي بس عاش بأنصراع بين خلافات أمه وأبوه

عندكم سلمان اللي عاش مع زوج أمه وتعذب لين ماصار ينام بالمساجد وأمه ماتدري عنه!

أنا قسمت لهم أني ما أطردهم من هالمدرسه حتى لو يوصلون لعمر ٤٠ سنه

بخليهم يعتمدون على نفسهم وينجحون ويعقلون ويتوبون من حركاتهم.

~المغرب~

نفس جلستهم جلسة مملة أبتدت ليال بالحكي وهي تطبطب على خدودها بالبلاشر:بنات شرايكم نطلع؟نص اللي بالمبنى طالعين وداجينها .

هيام بأستغراب:داجينها؟

ليال ضحكت:تصدقون مدري وش معناتها بس وأنا أمشي سمعت وأحد يقول ندوج مدري ندج لصاحبه كذا.

طلعت شيم من الحمام وشعرها مبلل بالماء ناظرت ليال وشدتها من شعرها:غبيه أنتي غبيه؟ تخيلي لو أحد يطق الباب ويشوفك تحطين مكياج!

ليال بألم دفعت شيم وناظرتها بغضب:كم مرة أقولك لاتشدين شعري؟

شيم بأستهزاء:أي شعر؟

ليال عبست وجها:هه هه تضحكين.

ناظرت وجهها بحزن لمرايا:أشتقت لشعري أف.

شيم بعباطه وهي تحب تستفزها: بكل حالاتك خايسه.

ليال بترجي والوجه بريئ وهي تجلس على الكرسي:بنات تكفون خلونا نطلع يقولون الرياض حلوه؟

شيم هزت أكتافها بحيره:أخاف نضيع ومانعرف الأماكن اللي هنا وأخاف نضيع موقع السكن.

ليال: مو منجدك شيم! وقت ماكنا بالميتم كنتي كل يوم تهربين يوم الحين أنتي حُره ماتبين تطلعين!

شيم جلست جنب هيام:خلاص أجل نطلع.

ريوف كانت تناظر الشباك وبهدوء:أنتو اطلعومابي أطلع.

تقدمت وسألتها شيم:على وين؟

ريوف:بنام.

طلعت من غرفة هيام وشيم وهي ناويه تروح غرفتها هي وليال وهي تمشي أنسحبت من معصمها بقوة ودخلها الغرفة وسكر الباب ببرود وضع أصابعه على شفايفها ببرود:أشششش.

وريوف بخُوف والدمعه على طرف وترمش عينها لاكثر من مره ورجفتها باينه:ششش تبي شتبي

سعود سحبها من كتفها لناحية الشباك وبحده:شفت ذا؟

أشر على رجال اللي قدام السيارة البيضاء وريوف برجفة:أي أي

طلع فلوس ودخلها بجيب ريوف وبحده وهو يتكلم بالهمس:تروح له يعطيك شي تعطيه هالفلوس تفهم؟

وأبتعد عنها وهو مستغرب من نبرتها وشكلها لكن تجاهل ولا أهتم وصد نظراته:يالله روح له.

ريوف هزت وأسها وهي خايفه وناظرت الشباك وثم ناظرته وتقدمت وهي تطلع باللحظة خروجها دق قلبها بسرعه.

نزلت وطلعت من المبنى وهي خايفه وهي تحت مراقبة سعود.

تقدمت لرجال وطلعت الفلوس من جيبها ضحك الرجال:قلبش هاليدين الصغار.

أنتفض قلبها وحذفت الفلوس بالارض برجفة رجعت خطوة للخلف أستغربت رجال من تصرفاتها هل معقول هذي تصرفات ولد؟

عطاها كتاب:هاك، أنتبه زين لايطيح اللي بداخل الكتاب.

ورفع رأسة وهو يلقي السلام لسعود الواقف عند الشباك وريوف مسكت الكتاب ودخلت المبنى؛

فتح سعود الباب لغرفه وهو ينتظر وصولها وصلت وهي خايفه

سعود بحدة سحبها من معصمها وسكر الباب:أحد شافك؟

بالنفي هزت رأسها مسك الكتاب وأتسعت أبتسامته وثم رفع عيونه على ريوف:مشكور، أذا احتجت شي ولاحاجة تعال أرد لك الجميل لاتخاف،

ريوف:تبي ترد لي الجميل؟لاتلمسني مره ثانية،ولاتمسك يدي ولاتكلمني!

طلعت من الغرفة وهي خايفه نبضاتها تزداد وتشعر أن قلبها بهالحظه بيطيح

دخلت الغرفة؛وهي جداً منهاره جلست على السرير وهي تشهق بالبكاء..

"فلاش باك"

لحظة نزولهم بالباص شيم وهي تتحلطم ولابسه شنطتها بالمعكوس وعبايتها مفتوحة:بيموت لو وصلنا قدام المدرسه.

شهقت ريوف وهي تضحك:بموت بنات تخيلو نسيت شنطتي خلكم هنا أنتظروني بجيب شنطتي وأجي.

ركبت الباص وهي تاخذ شنطتها وطاحت من طولها بسبب أن الباص تحرك

أندهشو البنات ركضت شيم خلف الباص وركضت هيام خلفها وليال أنحرجت:بنات خير!

ثم مامرت ثانيه وهي تلحقهم ، ريوف بخوف وهي متألمه من الطيحة:عمي انا لسى مانزلت. راعي الباص:داري

ريوف نزلت دمعتها:عمي نزلني أبي أرجع مدرستي.

راعي الباص:بالاول أخذ حقوقي.

ريوف أنهارت وقامت بسرعة وهي تحاول تفتح الباب التفتت عليه بعصبيه وببكاء:أفتح الباب!

أستوقف عند مكان قريب من المدرسه لكن مهجوره وفيها كثير سيارات مهجوره،التفت عليها بنص نظره بخبث والشهوه على طفله تصغر منه ٣٥ سنه ريوف بترجي: أرجوك عمي ،رجعت خطوة للخلف.

وصلت شيم وخلفها هيام ثم وصلت ليال وكلهم تعبو من الركض وتقدمت شيم باللحظة مانتبهت أن رأعي الباص قريب من ريوف!

تقدمت شيم بغضب وهي تضرب الباب بقوة:أفتح أفتحححححح!

التفت رأعي الباص على شيم وريوف فتحت شنطتها بسرعة وطلعت المقص وغرسته على ظهره ودفته.

توسعت عيون شيم بعد ماطاح والتفتت على ليال،هيام:بنات طاح!

ليال بهلع وهي تضرب الباب:ريوف ريوف بسرعة أفتحي الباب.

ركبت ريوف فوق الكراسي حتى ماستوقفت أمام الباب بخوف:بنات بنات تكفون الباب مقفل.

شيم وهي تصرخ:روحي أضغطي على الزر الي عند دريكسون

ريوف ركضت برجفة وهي تضغط كل الازرة ،حتى ماسمعت صوت وقامت وفتحت الباب وأنهمرت بدموعها ورجفتها:ح حاول

-نرجع للواقع؛

عند البنات؛

يتمشون بالرياض وهم منبهرين بجمال الرياض أول مرة يطلعون وهم حُرييين رن جوال هيام وتكلمت ليال بغضب: قفلية تكفين وش هالنغمة الخايسة.هواتف البنات كشاف

هيام:هذي المديرة الميتم أخاف تهاوشنا أحنا طالعين.

شيم: وليه تهاوشنا أن شاءالله؟جالسين نسوي كل الي تبيه ماينفع نطلع نشم هواء.

ليال بفخر:شيمي فخري للابد.

ثم قالت وهي تشوف المجمع:خلونا ندخل اكيد هناك حلوين.

شيم بغضب:وبعدين معاك!

ليال: نبي نكحل عيونا شوي.

سحبت شيم معاها بالقوة ولحقتهم هيام ودخلو المجمع وكانو أول مرة يدخلون مجمع

ليال:تدرون ماتوقعت المجمعات كذا حلوه.

شيم ببرود:ماحبيت،خلونا نرجع.

ليال:تكفين شيم عاد!

شيم بعصبية:قلت ابي ارجع،هيام تبين ترجعين؟

هيام وهي منبهرة بالمجمع وثم ناظرت شيم:هاه،أي أي أبي ارجع.

ليال بغضب:هيام خلي عندك شخصية.

شيم بحدة:لاتتدخلين هيام

ليال:البنت ماعاد صار عندها شخصية بسببك صارت تمشي معاك زي المفهيه تقولين لها روحي تروح تقولين لها تعالي تجي.

طلعت ليال من المجمع وهي زعلانه

شيم:تبيني أمسح فيها الارض هذي؟.

هيام بخوف:خليها مانبي تصير مصيبه بعد.

طلعو شيم وهيام ، ورجعو الثلاثه بتكسي.

~الصباح~

بالمختبر بحصة الفيزياء؛

كل أربعه بمجموعة عيون فهد كانت على شيم يناظرها بأستهزاء وناوي على شي فهد ناظر الاستاذ:أستاذ عندي مشاركة.

كل الفصل أستغرب فهد يشارك؟فهد يرفع يده؟

أستاذ الفيزياء بفرح:تفضل.

فهد:لك سنين تدرس عن الجاذبيه ، الجاذبيه كلها بصديقي شهاب

عدل جلسته:شهاب صديقي أنت جالس تجذبني ممكن تشرح لنا عن خكاريتك  أقصد جاذبيتك؟

ضحكو الطلاب كلهم وبالاصح شيم ضحكت والتفتت عليه بثقه بحيث كانت معطتة ظهرها:طبعاً! بس بالاول ممكن تشرح لنا جاذبيتك المضادة؟يعني كيف حيوان جالس يجذب البشر؟ أنت ك حيوان كيف متأقلم مع البشر وجالس معنا ؟

ضحكو الطلاب،فهد أستوقف وكأنه بيقرب منها مسكه فارس بغضب:منهو الحيوان؟ شيم بأستفزاز:يسئل مين الحيوان وهو الحيوان شخصياً،هل الغباء بجهد او وراثه؟.

أستاذ الفيزياء:بس انت وياه،شهاب أقعد وفهد أقعد لا أرسلك الحين عند أبوك يتفاهم معاك.

جلس فهد بغضب وهو يناظر شيم

سعود ببرود:أهدا.

خلصت الحصة وأبتدت الفسحه؛

طلع سعود وأشر فهد بحاجبيه لفارس وسلمان.

أستوقفو وهم يطردون الطلاب من المختبر ليال أنتبهت لهم وهمست:شفيهم؟

نقدم فارس وهو يسحب هيام من معصمها أستوقفت شيم بعصبيه:أتركها.

وسلمان سحب ريوف وليال،وطردهم من المختبر وقفل الباب

شيم بعصبيه:ليه قفلت الباب؟

فهد تقدم ببرود ورفع حاجبيه:عشان نلعب.

سلمان وفارس وهم يمسكون شيم تحاول تفلت من بين أيدينهم،وتقدم فهد بأبتسامه خبيثه وشيم كانت تضحك بثقه وهي تحاول تفلت بين أيدين سلمان وفارس:كل مره تثبت لي أنك مو رجال.

أيدين سلمان كانت ضخمه جداً بسبب عضلاته البارزه كان تألمها يدها من جهة سلمان،فهد أقترب وهو مبتسم أبتسامه خبيثة ناظر سلمان وفارس دفعوها على الارض مد رجوله ودعس كتفها:تعجبني لعبه أسمها الخضع.

بتبقى خاضع لي،ورأسك ماترفعه لما أكلمك تفهم؟

فارس جاب كرسي لفهد وجلس ولازالت رجوله على كتفها:عاجبتك رجولي شرايك تبوسها بشفافيك الحلوه؟.

رفع رجله لكن جمعتها قوتها ودفعت رجل فهد بقوة، أستوقفت وهي ترجع للخلف وتمسك الكرسي وتحذفها على فارس وسلمان حتى مارجعو للخلف

أستوقف فهد وهو مبتسم:تعجبني قوتك.

تقدمت شيم وهي تضرب الكرسي على رأسة تألم فهد من الضربه حتى ماستشعر بدوران وتقدم لشيم وسحبها من ياقتها

ريوف أنجنت وهي تضرب الباب:أفتحو الباب

ليال بلعت ريقها وبتوتر:ولحل يابنات شبنسوي

هيام ركضت لغرفة المدير،وريوف التفتت ولمحت سعود وهو داخل الحمام ركضت له كان يغسل يده ريوف بخوف وهي خايفه من الطلاب الكثيرين بالحمام أقتربت منه وتكلمت بهمس:أبي أكلمك.

رفع رأسة وهو يشغل يده:شتبي؟

ريوف ببحه:أصحابك يضربون صديق..صديقي.

سعود:أي شدخلني؟.

ريوف:روح كلمهم تكفى.

سكر المويه ببرود:أسف،مأتدخل بأمور ماتعنيلي.

ريوف بحدة والزعل على وجهها:أنت قلت بترد لي الجميل وأي طلب أطلبه بتنفذه لي.

سعود:شي يخصك أنت مب أروح أفزع لخويك.

كان بيطلع بس مسكته:ترا والله لو ماوقفت أصحابك ترى أروح للمدير وأقول أنت تخليني أجيب لك حبو..

سعود أخرسها وهو يضع يده على فمها بغضب:تهدد؟.

ريوف أنقبض قلبها بخوف وهي تبعد يده:ماهدد بس أصحابك قفلو الباب وجالسين يضربون صديقي.

سعود:أمش قدامي.

مشت وخلفها سعود وصل سعود وضرب الباب بقوة:فهيد،سلمان أفتحو الباب!

كانت المعركة حاره بس شيم وفهد كان يلكمها بقوة من دون رحمه؛

رأسه كان ينزف دم من ضربة الكرسي مسك يدها ولفها بقوة كانت ترافسه برجولها من الخلف حتى ما ضربت رجلها بمنطقته تألم وبعد عنها وهي طاحت هلكانه من التعب كل مافي وجهها ينزف،شفايفها،أنفها،على حاجبيها كدامات رأسها ينزف بسبب أن عاد لها الضربه ضربتين بالكرسي.

أنكسر الباب ودخل سعود بغضب وخلفه المدير أبوفهد،ركضو البنات لشيم ونطقت هيام بخوف:شي.. وضعت شيم يدها على فم هيام.

كانت شيم تحس بدوران،أبوفهد وهو يمسك فهد من ثوبه بصراخ:أنجنيت؟

فهد بغضب:يستاهل محد قال يتطاول على عمامه.

صفعه أبوفهد والتفت ناظر شيم الطايحه والمغمي عليها:لاتخافون أنا وفهد بنوديه المستشفى.

فهد:نعم؟.

أبوفهد بعصبيه:كل تبن،حسابك عسير انت وأخوياك.الحين الكل على حصته

طلع سعود وهو شاك بأمر البنات ودموعهم وخوفهم،طلع خلفه فارس

فارس؛ولدعمك ضرب شهاب ضرب تقل طلع كل قهر السنين فيه لدرجه حسيتني تألمت.

سعود:مستانس يعني؟

فارس:مساتنس،يعني تقول متمتع،تدري أفضل مشهد عندي هي مشاهد الضرب والعنف لدرجة أنه يدي تشتهي الضرب ،وصلو فصلهم وخلفهم سلمان،وبعد دقايق دخلو البنات كل وحده معصبه ومنفسه وخايفه على شيم

سلمان بسخريه:شوي شوي على الباب.

سعود:سلوم أسكت.

فهد كان شايل شيم ركبها السياره وركب قدام مع أبوه

أبوفهد:ماتتوب من حركاتك.

فهد:هو اللي بدا يستاهل.

أبوفهد بغضب:ياسر المسكين اللي فتحت برأسه تقرحات لين قلت بس هو للي بدا بعد؟ بدر اللي كسرت أصابعه ورحقت كتفه بالولاعة هو اللي بدا عليك؟ بتقنعني الحين ان كل الطلاب اللي تهاوشت معهم هم الغلطانين عليك؟ كان فهد يسمع تهزيئه من أبوه ومطنش ولا مهتم

أبوفهد:تدري مره من المرات أرسلت طالب من أول ثانوي عشان يناديك تدري شسوى؟

فهد ببرود:شسوى؟

أبوفهد:تغيرت ملامحه وخاف،خايف أنك تضربه ولاتسوي فيه شيء

فتحت عيونها بتعب وبألم وبشدة جسمها التفتت وأنتبهت لشخص الي يسوق فزت بصرخه:انا وينننننن،وين بتودوني

ثم صرخت بألم لما حركت يدها نطق أبوفهد:لاتخاف يوليدي بنوديك المستشفى،صرخت بألم:أهخخ يدي يدي ماقدر أحركها

أبوفهد خز فهد اللي كان أبداً مو مهتم ويلعب ويلعب بجواله.

••••••••،•••••••••••

بالمستشفى نزل أبوفهد؛

نزل فهد بجده فتح لشيم الباب،شيم ناظرته وثم قالت بغضب:جيب لي كرسي مقدر أمشي.

فهد ببرود وتضجر: أنزل خلصني.

شيم بعصبيه:قلت لك مقدر اخخ

شيم وهي تحس بألم بكل مكان بجسمها تقدم أبوفهد وهو جايب كرسي

فهد بعصبيه:ليه تجيب له كرسي؟نشتغل عنده؟

أبوفهد:أسكت ولا كلمه.

تقدم أبوفهد ساعد شيم حتى ماجلست على الكرسي.

دخلو الطوارئ؛

شيم كان قلبها يرجف غمضت عينها وصرخت بأعلى صوتها:أهخخخ رأسيييييي رأسييييييي!

أبوفهد ناظر بالممرضات وتقدمت الممرضة نحو شيم ودخلتها الى الغرفه بسرعه

خافت الممرضه بعد مسكت شيم بترجي وهمس:انا بنت والله بنت! بس مابي أحد يلمسني غيرك مابي أحد يفحص علي غيرك!

الممرضة بأستغراب :ليه لابسه ثوب...وليه الاخ

قاطعهم دخول أبوفهد:هاه شفيه؟

الممرضة بهلع وهي تناظر بعيون شيم:اءء ممكن تطلع برا لانه ممنوع أحد يدخل يبقى بالغرفه!

هز رأسه بالايجاب،طلع وشاف فهد يطقطق على جواله وتقدم له بهدوء:وانت روح خلهم يحطون لك شاش على رأسك!

فهد بسخرية:خايف علي؟

توسعت عيون أبوفهد وضحك فهد...مشى ممرض واستوقف على منادات أبوفهد له:ولدي رأسه منجرح ممكن تشوفه؟

الممرض بهدوء وهو يناظر الى جرح فهد:أي ممكن،تفضل معي الغرفه،وقف فهد ودخل مع الممرض

~عند الممرضة~

الممرضه وهي شاكة بعقلية شيم ،شيم بترجي:أنا وصديقاتي مبتزين من شخص ومجبورين نتنكر!.اذا لو تكرمتي أبيك أنتي إللي تعالجيني مابي أحد يلمسني.

الممرضه تنهدت:تمام

تقدمت وهي تفحص على يدها:مش قادره تحركين يدك؟

شيم وهي تهز رأسها بألم ضغطت الممرضه على يدها وصرخت شيم بألم

الممرضة:عظمة اليد مكسوره.

رفعت الممرضه على جبهتها الي تنزف بالدم!

الممرضه:متعرضة للعنف أنتي أو مضاربة؟ جبهتك يبي لها خياطه،يدك يبي لها جبس!

•••••••،••••••••

بعد مرور٦٥ دقيقه بالانتظار،

فهد بملل:ترى طول والله لو انها ولاده قيصرية

أبوفهد على أعصابه:أسكت بس!

طلعت شيم وهي تناظر فهد فهد بغيض وحقد فهد وقف:عيونك لا أفقعها لك!

أبوفهد:بس أنت وياه.

•••••••••،•••••••••••••

بغرفة البنات،ينتظرون مجيء شيم.

هيام بخوف:أكيد عرفو أنها بنت ودوها للشرطة!

ليال:فكينا من سلبياتك.

طرق الباب وركضت هيام تفتح الباب بفرح:شيم!!

توسعت عيون شيم وبلعت ريقها وهي تلتفت يمين ويسار تتأكد بوجود أحد.

دخلت شيم وهي تسكر الباب:مهبولة أنتي؟

هيام حضنتها وصرخت شيم بألم:شوي شوي.

ابعدت هيام:أسفة.

ضحكت شيم وهي تضرب رأسها وتقدمت ليال بشوق وهي تقبل خد شيم:خوفيتنا يانتفه.

تقدمت ريوف:شيم أنا أسفه على اللي صار لك،شيم أستغربت من حكيها،ريوف دمعتها على خدها:بنات أنا أسفه على كل شيء صار لكم انا سبب

ريوف ناظرت ليال:مو أنتي خاطرك تكونين فاشينستا؟ تسون اعلانات وتكون أهتماماتك فقط بالميكب أسفه أني هدمت أحلامك.

ناظرت هيام وشيم:أسفه أني عرضتكم للخطر.

شيم بغضب دفعت ريوف من كتفها بحده:موب بكيفك تخلينا أحنا الضحايا وتحملين نفسك السبب.

هيام:أحنا خوات تربينا مع بعض اكيد لو وحده صار فيها شي نفس الي صار لك بتوقفين معاها.

ليال ضحكت بسخرية:ماتوقع لانها أنسانه جبانه تخاف حتى من ظلها من جدكم بتساعدنا؟أول من ينحاش هي.

ناظروها هيام وشيم بغضب،ليال أستوعبت:ريوف والله العظيم أضحك!

ريوف نزلت رأسها ثم رفعته وناظرتهم وطلعت من الغرفه!

هيام بغضب:انتِ ماتمسكن لسانك!

ليال رغم أنها عارفه أنها مخطئة كابرت:أوههههه هي أربع وعشرين ساعة تصيح وش بيفرق كلامي؟.وبعدين تراك زيها نسختها أم دميعه وماعندك شخصية أي شي شيم تقولة لك تنفذينه وأي شي هي تسويه أنتي تسوينه.

شيم بغضب:ليال مو وقتك صدقيني.

هيام وهي ماسكة دموعها:خليها أصلاً انا أحسن منها،على الاقل أنا يتيمه وأعرف انه امي وابوي تحت التراب بس احسن من غيري اللي أبوها عايش وتاركها ولايدري عنها.

ليال أنجرحت بس تمالكت نفسها وقالت بغضب:شدخل أبوي الحين ماتعرفين تسولفين؟

هيام:لانك شبيهة وصاخته ،تحبين العيال يغازلونك تظنين نفسك ملكة جمال وهم شايفين سلعة يضحكون عليك بكم كلمة وأنتي تبتسمين لهم وتبينين لهم أنك رخيصة، قالت بغضب بدون تناظر شيم:أنا بنام الليله عند ريوف.

-طلعت ،كان هذا أستقبال البنات لشيم.

بعد يومين؛

بالكافتيريا ،شيم بتضجر:الى متى بتبقون زعلانين؟

هيام بغضب:أذا بعض الناس صارو بشر.

ليال عطتها نظره:شقصدك؟.

هيام ببرود:أنتي فاهمة قصدي زين مايحتاج أشرح .

ليال:أجل عمرنا ماراح نكون راضيين لانه معليش ما أصدق احد ماعنده شخصيه.

هيام قامت من الكرسي بغضب أستوقفت شيم وهي تمسك هيام خوفاً أن تضرب ليال

سلمان أشر عليهم:عيال تكفون شوفو الخكاريه شكلهم بيتهاوشون

فهد قوس أصابعه بين شفايفه ويصوت بصوت عالي وهو يضحك:شهاب تبي فزعه بما أن يدك مكسوره.

شيم غمضت عينها بغضب:بنات تكفون أقعدو،شوفو كل نظرات الطلاب علينا،جلسو

شيم بحده:بنات مايصير كذا،أحنا المفروض نكون على قلب واحد ونحمي بعضنا هنا مانتهاوش

ليال رفعت حاجبها:ليه تقولين هالكلام وتناظريني؟

شيم:ليال خلاص!

ناظرت ريوف:ماعندك شي تقولينه؟

ريوف هزت وأسها بالنفي،شيم؛بنات أحنا لازم نتحرك ونسوي الخطة الي قالتها لنا هدى

هيام:قصدك نراقب المدير وين يروح وين يجي،أو قصدك ندور على ولد أخت المشرفه

شيم:الاثنين،عشان نرجع لحياتنا الطبيعية ونفتك من هالمدرسه ومن مخاوفها

•••••••••••،••••••••

-بعد مرور أسابيع؛

عند سلمان بأحد المقاهي؛

سلمان:أحس قلبي أرتاح لك

البنت ضحكت:صدق والله؟

أبتسم أبتسامه بريئه وهو يمثل:قلبي كذا يرتاح لكل الناس لطيب والقاسي ماعرف أحقد ولا أعرف أزعل.

أبتسمت البنت وهي تسمع لحكيه وهي تحس بشعور غريب أتجاهه

سلمان:تصدقين عهود احسني،قاطع كذبه بأتصال جواله مسك جواله ورد:الو

فهد وهو منسدح على سريره:أسمع وانت جاي ،جيب لي معاك عشاء،ولا واحد من الدبش اللي عندي راضي يطلع يجيب عشاء

سلمان أبتسم وهو يناظر عهود:ولايهمك فهودي كل اللي تبيه بجيبه لك

فهد بأندهاش:فهودي؟ولد أرفع علومك

سلمان:من عيوني كم فهودي عندي؟

فهد:لا أنت بعقلك شيء أكيد تعال بس أوريك شغلك

سلمان ضحك بمجاملة وهو يناظر عهود:حبيبي فهودي شوي وجايك

سكر وأبتسم سلمان:فهودي أخوي الصغير مايحب ياكل ألا وانا موجود

عهود:يعمري،كم عمره

سلمان بتوهق:اء عمره ٦سنين

عهود:عندك صوره له؟

سلمان توهق وثم قال وهو يمسك جواله:أوف أمي راسله لي تقول فهودي يبكي،سامحيني حبي لازم أروح له الحين.

راح،وهي وهي كانت على فرحة من جملته:"حبي".

•••••••••••،••••••••••

عند الشباب

طلع فارس من الدولاب شاشة تلفزيون لسوني شبكها وتربع على الارض

والتفت عليه فهد:ورع تبي تلعب طس غرفتك.

فارس ببرود:أنت اللي جاي غرفتنا.

فهد ضرب رأسة وهو يضحك.

سعود طلع من الحمام وهو ينشف شعره،فتح الدولاب وعقد حاجبه وطلع من غرفة التبديل:نص تيشرتاتي مختفيه

فارس بيرود:تلقى العامل للحين ماجاب ملابسك

سعود ناظر فهد:لا فيه أثنين يسرقون ملابسي.

فهد:وشهو ماسرقت شي

سعود ناظر بالتسريحه وقال بغضب:حتى ساعتي اللي دايم البسها مو لاقيها

فهد وهو يعدل سدحته:الساعه والقميص الاسود سلمان ماخذهم سلمان

سعود رفع حاجبه:والملابس الباقيه صار عندها جنحان وطارو؟

فهد بهدوء:تقدر تقول أربع خمس ست قمصان ماخذهم من عندك

فارس وهو يلعب مركز بشاشة:سلوم تقول يسرق عشان يتكشخ قدام البنات،أنت كل ملابس كشخه وماركه ليه تسرق؟

فهد وهو يمثل اللعب بأصابعه:حريه شخصيه.

سعود بحده:جد والله؟،فروس ترى فهيد ماخذ تيشيرتك حق الهلال ولابسه وموصخه بالصوص حق شاورما وكلنا مثلنا عليك أنه ماندري عن التيشيرت،

فارس حذف القير وهو يناظر فهد، فهد وهو كاتم الضحكة:نتفاهم لحظه أمش أوديك كوفي ونتفاهم

نقز فارس فوقه وهو يمسك شعر فهد:تدري التيشيرت بكم شاريه؟ متسلف من خالي ٤٠٠ ريال ومكذب عليه كذبه مايصدقها غير الشيطان.وانت موصخ تيشيرتي بالصوص ومخبيه عني ياحيوان.

فهد وهو تحت فارس:مابدال ما تقول فداك تذلني؟

لبس سعود ثوبه وأنسدح على سريره:لو أنا مكانك اروح اخذ كل ملابسه،لاتنسى ملابس اللي شاريها قبل كم يوم

فارس قام ومسكه فهد يبوس خده بترجي:تكفى ملابسي جديده توها خلني اكشخ فيها كم شهر ثم حلالكم

فارس توسعت عيونه:لا يشيخ،ماتحب أحد يلبس ملابسك وانت تاخذ ملابسنا وتلبسها

قام مر على السرير وهو يركض فتح الباب وركض وراه فهد دخل غرفة سلمان وفهد

مسكة فهد:تكفى فروس والله ملابسي كلها جديده ادري بتنتقم وبتوصخهم

فارس فتح البدولاب رفع حاجبه:مشاءالله قميصي البرتقالي موجود عندك أي شي يضيع من عندي بلقاه عندك أنت وسلوم

-أستمر مناقرتهم ومضاربتهم

•••••••،•••••••••••••

دخل سلمان على سعود

بيده كيس عشاء؛وين الباقي؟

سعود وهو يلعب بيجي:اتوقع يتضاربون.

سلمان وهو يجلس على السرير:تعرف بشرى؟

سعود رفع عيونه:مين بشرى؟

سلمان:ياخي بشرى بشرى هذيك الحلوه الشقرا اللي عطيتها سنابي،

سعود وهو يلعب ببجي: أنت تمشي وتوزع سنابك،المهم شفيها بشرى؟

سلمان:تخيل كذبت عليها وقلت لها أبوي مريض ومحتاج فلوس وجلست افضفض لها وقبل شوي بالظبط حولت لي ٥الاف متخيل؟

وكمل وهو يضحك:لا وتقول هذا اللي اقدر عليه شكلها ماتدري بطاقتي مافيها غير٢٠ريال.

سعود حذف جواله بجانبه وعدل جلسته بغضب: ماتستحي انت تاخذ فلوس من البنات؟ماتخاف ربي يبتليك ماتخاف من ربك أنت ؟

سلمان ببرود:لاماخاف،وش عندك؟

سعود:تصدق عاد؟ حريقه تحرقكك

دخل فهد وهو رأفع طرف ثوبه:يلعن أبو جوكم البيض أمشو خلونا نطلع نغير جو

سلمان قام:أنا بروح انام،طلع 

فهد بأستغراب:شفيه؟.

مارد سعود قعد فهد وهو يطلع الاكل من الكيسة:تبي؟..

سعود ناظر بالاكل وهز رأسه ب لا.

•••••••••••،•••••••••••••

الصباح؛

دخل أبوفهد غرفة فارس وسعود بتهجم وبغضب:قومو

تقدم لفارس وبعد البطانيه عنه:قوم أنت وياه.

سعود فتح عيونه وهويتنهد وماسك أعصابه

فارس قام وهو يحك شعره الكثيف الطاير على عيونه ويناظر الشباك

مابعد الشمس طلعت:وش الساعة كم؟

أبوفهد:ساعه٥

فارس:نعم؟خمس؟شفيك أنت الدوام هو دوام يبدا الساعه٧.

كان بيرجع ينام سحبه أبوفهد من قميصه:قلت لك قوم،انا كل يوم بقومكم نفس هالوقت مزاج قاعدين بمدرستي وعايشين عيشة الفنادق

سعود عطاه نظره:تذلنا أنت؟ترا أنت اللي جابرنا ندرس ونبقى هنا

أبوفهد:انتو الواحد يثق فيكم عشان يخليكم برا؟أنتو بتبقون تحت مسؤوليتي لين ماتعقلون وتنجحون لكم أكثر من سنه بنفس المرحلة

تأفأف سعود وهو ماسك أعصابه،سعود أنسان عصبي جداً مايتحمل أي كلمه تستفزه،طلع أبوفهد وهو يعطيهم نظره

دخل غرفة سلمان وفهد وتقرف من قذاره الغرفه حشى حشى غرفة عمال!

وش هالقذارة هذي؟

تقدم لفهد وسحب بطانيته:قوم أنت وياه،لا صلاه،لاعباده،ولافلاحه باهدنيا

فهد وهو يتمغط:يبه تكفى شوي خلني انام

سلمان ماينسمع غير شخيرة،حذف عليه أبوفهد القارورة قام سلمان بتروع وغضب وتنهد بهدوء بعد ماشاف أبوفهد:قوم هالثور وتجهزو أبيكم

طلع من الغرفة وحذف سلمان الوساده على الارض بغضب وقام من على السرير وهو يتقدم لفهد:قوم أبوك يبينا.

فهد نايم لا أستجابه وصرخ سلمان فز فهد:قوم لا أدفنك يلعن أبو البلشه اللي بلشتها فيك وبابوك

دخل الحمام ورجع فهد راسه على الوساده وقام بلحظة مافتح سلمان باب الحمام..

•••••••••••،••••••••••

بغرفة أبوفهد؛

كل واحد نفسيته بخشمه وماهو طايق أحد

أبوفهد ببتسامه:اليوم قررت أغيبكم

أندهشو،فارس بفرح:صدق؟

كمل حكيه ببتسامه:لانه مزاجي أعاقبكم، يعني ودي وأخذ حق المعلمين ولا الطلاب ولا اللي كل يوم متضاربين معهم ولا حق الفراش اللي ضاربه سعود ولا حق مين ولا حق مين،اليوم بخليكم تشتغلون عمال يعني تسوون زي مايسوي الفراش وتبيعون بالكافتيريا وتباشرون الطلاب كأنه مطعم

فهد بأستهزاء:باقي بس ننوم الطلاب بغرفهم؟

سلمان وهو يقرص فهد بهمس:أسكت لايسويها صدق ونبتلش

أبوفهد:يالله يالله كل واحد يمسك مكنسه ويكنس الدرج والارضيه قبل مايبدا دوام الطلاب.

ولا أحد قادر يتكلم،كل واحد ناظر الثاني وطلعو الأربعه.

بالفسحة؛

كان فهد يبيع لطلاب من دون نفس هو وفارس

فهد بتضجر وهو يكلم الطالب:جالس تسوي عقره بقره أخلص شتبي تشتري؟

الطالب:خلاص مابي شيء ،وراح

فهد:أحسن

فارس بالشباك الثاني ويعطي الطلبات بدون نفس دخلت شيم الساحه من غير ماتنتبه:أبي ماي..

سكتت وهي تصد وجهها بغضب كان اليوم أفضل يوم لها أنه ماشفته

فهد بدون نفس عطاها ونطقت بحده:الماي حار

فهد ببرود:ماعندنا ماي غير ذا.

شيم ناظرت الثلاجه:شوف الماي هناك بارد

جاء طالب وهو يستهزء على فهد:عطني فطيره بالجبن بالله.ناظره ببرود ومسك الفطيره ومدها ثم قال الطالب:لا لا أبي شسمه فطيرة فلافل ولا أقولك برقر أحسن.

فهد وهو ماسك أعصابه:مالك ألا تبن يالله فارق.

شيم طلعت ريال من جيبها وحطته قدام فهد دفع الطالب شيم:قال لاتدفع حسابك علي.

شيم ناظرته بحده وخذت الماء وجلست على الكرسي فهد:فارق لا أمسح فيك الارض.

راح الطالب وهو يستخسر من فهد وراح وجلس عند شيم أستغربت شيم قال الطالب:ودي أتعرف عليك ونصير أصحاب وكذا أسمي ياسر أنا بالشعبة اللي جنبكم

شيم تنهدت ماحبت تحرجه:أسمي شهاب

ياسر:شكلك أنت وأخوياك غريبين،يعني مو شكل عيال أتذكر أول مادخلتو المدرسه صرتو ترند الكل يتكلم عنكم بالمدرسه.

شيم ماردت وبدت تشخبط على الكراسة

ياسر:ماكأنه فهد مصخها معك؟كله يتظارب معك المشكلة بالواسطات

رفعت رأسها وناظرته:شقصدك؟

التفت على فهد وثم ناظرها وبهمس:فهد ولد مدير المدرسه،وسعود يصير ولد أخو المدير والباقي أخوياهم وعلاقتهم قويه دايم يسكت عن أغلاطهم

شيم:وأنا أقول ليه ساكت عنهم وخصوصاً هالكريه فهد تعرف كم أعمارهم احسهم كبار؟

تقريباً٢٣أو٢٢ اكثر من مره يرسبون معاملين المكان كإنه فندق

شيم بهدوء:هو فعلاً كأنه فندق،اول مره اشوف مدرسه فيها سكن.

ياسر:هو أصلاً ماهي مدرسة بس وبس،هو مكان زي رعايه بعض الموجودين جايين مكأفاة من دار الايتام وعلى فكرة المدرسه ذي تكرمت اكثر من مره ومحد داري عن اللي يصير هنا وعن شلة فهد وهياطهم

عند فهد كان يخزهم والتفت على فارس شفيه ذا جالس يطالعني ويتكلم

فارس عقد حاجبه:شفيك مسوي محور الكون؟

فهد بغضب:أقولك يناظرني ويتكلم وش معناته؟

فارس:أقول بيع وانت ساكت لايجينا أبوك ويهزئنا قدام الكل

•••••••••••••،•••••••••••••

عند سعود؛

خلف المدرسه قعد سعود على الدرج وطلع زقارة وولعها كان يناظر الجدار اللي قدامه ساحب على التنظيف

ريوف كانت تمشي ولمسها واحد من كتفها صرخت وهي تبعد وترجع خطوه للخلف وتلمس كتفها طارت عيون سعود على الاسياب وأستوقف من على الدرج وهو يطفي الزقارة وأستغرب من صراخها أبداً مو صراخ ولد!

تقدم ببرود:شفيه؟

الطالب بأستغراب:جالس أناديه حاقرني يوم مسكته قام يصرخ.ناظر ريوف:المهم أستاذ الكيمياء يبيك

ريوف بخوف:شيبي؟

الطالب هز أكتافه:مدري،بس يبيك

سعود طبطب على كتف الطالب:خلاص روح.،،وراح

التفت على ريوف بأستغراب:ماتروح عند الاستاذ؟.

ريوف وهي متوترة ومرتبكه بسبب أنها مضيعه صديقاتها والمدرسه كبيره جداً، منقسمه على مباني مبنى لسكن مبنى لدراسه

سعود ببرود:تبي أروح معك؟

ماردت كانت شادة على قبضة إيدينها بقوة!

من كثر ماكانت شاذه على قبضة إيدينها تجرح كفها من أظافرها!..

سعود:يالله أمش.

مشت قدامه ووصلو قسم المعلمين سعود فتح لها الباب وأشر لها بأنها تدخل دخلت وهي خايفه،شفايفها ترجف ماهي قادرة عارفة تنطق،نطق الاستاذ:رائد صح؟ المهم أنت وأخوياك مو مسلمين المشروع متى ناويين تسلمونه؟،ناظر سعود:طبعاً أنت وأخوياك غاسل يدي منكم عشان كذا حاط لكم صفر

وطلعت بسرعة من الغرفه الاستاذ بأستغراب:شفيه؟

سعود هز أكتافه وطلع خلف ريوف وركض ومسكها من ذراعها وصرخت وهي ترجع للخلف:لاتلمس لاتلمس!..

سعود رفع يدينه بأستسلام وأستغرب:تمام تمام....

أستمر يناظرها بأستغراب طلعت من القسم وشافت ليال تمشي لحالها ركضت لها ومسكت يدها واشدها وعيونها بالارض:وديني الغرفة

ليال بخوف بهمس:فيك شي؟

كانت ريوف فقط ترجف،تنهدت ليال سحبتها من يدها وطلعو من المبنى وراحو لغرفتهم!

••••••••••،•••••••••••••

-بالغرفة؛

دخلت ريوف وحذفت نفسها على السرير ببكاء:ماقدرأقعد تكفين ماقدررررر

ليال بخوف عليها:ريوف بسم الله عليك شفيك؟

ريوف بخوف:ماني قادرة أقعد هنا!احد يلمسني أحد يكلمني ماقدررر

بكت بشكل هيستيري وإيدينها على أذونها،تقدمت ليال وجلست بجانبها رغم أنهم متخالفين وبينهم زعل حضنتها بقوة وقبلت رأسها لتهديها!

•••••••••،••••••••••••••••

بالساحه؛

كان ياسر وشيم يمشون وجات لهم هيام

هيام أستغربت من الولد الي معاها:وين البن..البنايه البنايه..

شيم فهمتها:اء مو بهالمنطقة منطقة ثانيه!

ياسر:شسالفه؟

هيام بصوت خافت ببراءة:شدخلك؟

شيم سمعتها ودعست على رجلها وتألمت هيام:أء اهل رعد يبون يأجرون بنايه عشان يسون مشروعهم وكذا

ياسر بتعجب:حلو!.

شيم بمجاملة:يالله باي الفسحه أنتهت

سحبت هيام من ذراعها:شفيك أنتِ؟

هيام:أنتي اللي شفيك شفيه هذا ملقوف.

شيم:هالملقوف هذا عطاني نص معلومات المدرسه قريب بقولكم على ماتاكد من شغلة.

هيام:وانتي مالقيتي غير هالكذبة؟وربي صدقت أنه فعلاً عندي أهل وبيكون عندنا مشروع

شيم أبتسمت على برأئتها:ياحياتي

شافت العيال وشافت فهد بيده مكنسه وكان بيجيب ثوبها قارورة تقدمت لهم وهي معها هيام وحذفت وحذفت القارورة والمناديل بالارض ومشت

فهد كان مندهش:شايفين حركته أبن الكلب؟.

حذف المكنسة بالارض بغضب كان بيروح بيضربها بس مسكه سعود:خلاص خله مو ناقصين أبوك يزيد العقاب ونتمصخر صدق عاد

فهد بغضب:والله ماني ساكت له هالخكري

كان بيروح ومسكه سعود بحده،سلمان بصداع:خلاص فهيد قلتها خكري تمسكه من هنا دمعتين تنزل..

••••••••،••••••••••••

بالحصة؛

شيم مكانها بجانب فهد لان فهد غايب جلست مكانه وسندت ظهرها على الجدار،

تقدمت هيام وهي تجلس بجانبها:بقعد اليوم جنبك البنات مختفين

شيم وهي تبعد عن الجدار وبهمس:تصدقين أحس يدي للحين تعورني، خشمي كل ما أمسكة يعورني أحس العظام اللي داخل مكسوره

هيام وهي تناظرها:الله ياخذه فهد،شيمي عادي أطلب منك طلب؟

ناظرتها شيم،هيام:أمانه لاتجادلينه،ولاتحارشينه ترى يده قويه أخاف يجي يوم ويضربك وتموتين.

مسكت يد شيم:ترى القوة والامان اللي نحسه أنا والبنات بسببك أنتِ،مانبي نخسرك نبيك معنا!مانبيك تتألمين وتنكسرين بسبب سخافة فهد.

شيم بتحدي وغضب:يعني تبيني أسكت عن وقاحته معي؟تبينه يمصخرني ويضربني أقول له تسلم يدك يافهد طبعاً لا!

دخل الأستاذ وعدلو جلستهم ونطق الأستاذ بأستغراب:شلة العفاريت وينهم؟

أحد الطلاب جاوب:معاقبين.

الأستاذ بفرح:دوم.أجل مسموحين اللي حاب يسولف يسولف اليوم يومنا دامنا من غير العفاريت الرباعي ذول.

"أنتهى اليوم"

دخلت شيم الغرفة وحذفت شنطتها على الارض رومت جزمتها

ليال بقرف:ياريحة شرابك!

شيم عطتها نظره:تبينه ريحة بخور مثلاً؟

هيام وهي ترمي نفسها على السرير:بنات جوعانه تكفون أبي أكل لاتقولون لي ناكل فطاير لوزين

ليال وريوف على صدرها:الحين اللي سوى هالمدرسه ليه ماحط لنا مطعم او خدمه يجيبون لنا أكل.

شيم وهي توقف قدام المرايا:بنات تعرفون مستشفى يزرع شنب أو حبوب؟

ليال:نعم؟..

شيم التفتت عليها بحده:نظام هالمدرسة المرجلة تمشي بالشنب عندك شنب رجال ماعندك شنب مو رجال،بعدين خاطري أسوي شي عشان محد يشك أني بنت.

ليال ماتحملت وضحكت:أنتِ أصلاً لاتعيشين دور أنك بنت!

شيم ماهتمت لكلامها وأنتبهت على ريوف وتقدمت وجلست قدامها على السرير:ريوف شفيك؟..

ريوف كانت ساكنة وباين من ملامحها باكيه ناظرتها شيم وماتحملت ريوف ونزلت دموعها وخبئت وجها بصدر ليال هيام وقفت وناظرت شيم ثم ريوف

شيم بخوف:شصايييييير ليه تبكي؟

ليال بهدوء:ماهي قادره تتحمل هالوضع.

وبهمس خفيف :بعد اللي صار لها خايفه من الجنس الذكري

شيم وقفت بقساوة:لا مجبورة تتحمل! راح تتحملين وتصبرين،

ريوف صارت الانظار عليها والسبب أنتِ وخوفك بندخل السجن لو أنفضحنا

زاد بكاء ريوف شيم وصل حدها مسكت ريوف سحبتها حتى ماوقفتها بغضب:لاتبكينننننن،

ليال بذهول من غضب شيم:شيم شوي شوي عليها

ريوف طاحت على الارض وهي تبكي بشدة تنهدت شيم تنهيده عاليه وجلست على الارض قدام ريوف وترفع رأسها بحنيه:ريوف،حضنتها بقوة وزاد بكاء ريوف بحضن شيم هيام جلست على الارض وشاركتهم بالعناق

ليال كان بخاطرها تعانقهم بس كابرت وجلست رجل على رجل ولعبت باظافرها.....

~يوم جديد~

دخلو الشلة الرباعية الفصل.

فهد جلس بمكانه،سلمان بتعب:يومين مانمت والسبب أبوك.

فهد:ليش محسسني أني راضي عن فعايلة؟

فارس:أف أشتقت لمكاني حاطيني عند هالخكارية

سعود:تبي نتبادل؟

فارس:لا

سعود:كل تبن أجل

دخلو البنات،سعود أستوقف والتفت على سلمان اللي مسكر عليه:قوم بطلع

سلما وقف وطلع سعود من مكانه،وألتفت سلمان على فهد:ولدعمك شفيه؟

فهد ببرود:شدرا أمي عنه

سعود وقف قدام ريوف:شلونك الحين؟

ريوف بأرتباك تمسكت بذراع شيم،وردت شيم:بخيرأمس كان تعبان شوي

هز رأسه وريوف رفعت رأسها وناظرت سعود وأنتبه لنظراتها وبادلها النظره ثم نزلت رأسها

سعود ناظر شيم:اي شي تبونه بساعدكم مثلاً المشروع أذا ماعندكم لابتوب أو شي أعطيكم تسوون مشروعكم.

شيم ببتسامه:صدق؟مشكور مره كنا متوهقين أنه ماعندنا نت

أبتسم:أجل بعد الدوام نلتقي وأعطيكم أياه

شيم:تمام

ريوف راحت تجلس عند ليال وهيام وسعود وشيم راحو أماكنهم

شيم بدون نفس جلست بجانب فهد وهي حاضنه شنطتها

فهد عدل جلسة وبسخريه:مافي صباح الخير؟

شيم أخذت نفس وماردت عليه،دخل الأستاذ:اليوم الأستاذ مصعب غايب مابي أزعاج ولانفس

فارس جلس يتنفس بشكل قوي،ناظره الاستاذ ورفع يده فارس:معلش أستاذ اذا ماتنفست بموت

الأستاذ:خفيف دم ماشاءالله عليك

وطلع وجاب له كرسي وقعد قدام الباب

سعود وسلمان التفتو على فهد وشيم

سلمان:أبلش قاعد عند الباب مايمدي نهرب

سعود بفضول وهو يناظر شيم:أنتو من اي مدرسه جايين؟

شيم أرتبكت:اء اء احنا كنا

قاطعهم سلمان:الحين أنت قد رقمت أحد؟

فهد وهو متربع:مين قام يرقم الحين؟محد يرقم الا الفاهي فروس

سلمان:شفيك أنت الحين البنات مايمشون الا برقم السناب لا عندهم عيب!

عند فارس مع البنات؛

فارس:هاه تجي؟

هيام:مدري أستآذن من شي..شهاب

فارس:شدخل شهاب الحين؟تعال خلنا نتعرف عليك يمكن تصير من شلتنا

هيام ببراءة:بس أخاف فهد يضربني

فارس ضحك بشده:ليه يضربك؟ترا فهيد طيب بس الطلاب يغثونة

ليال وهي تناظره بأشمئزاز:صدق والله؟

فارس ناظرها:أي والله فهيد ماتلقون مثل طيبته

ليال:أن شاءالله مانلقى

فارس ناظر ريوف:وانت تجي؟

ليال خافت أن ريوف تسوي شي وتفضحهم الحين:خلاص لاتكلمه ماهو جاي.

فارس عقد حاجبه وهمس لهيام:أخوياك ذول ماينبلعون أبد تقول لهم كلمه يتهاوشون،غمز لها:انت الوحيد اللي تنبلع

هيام أستحت فارس:بتجي ولا بتروح لاهلك؟

هيام بأستغراب:ليه أروح لهم؟

فارس:اليوم الخميس وبتبداء الاجازه الاسبوعية وكل واحد بيروح لاهله،هيام سكتت فارس تنهد:أنا ودي أروح اسلم على جدتي بس أكيد بشوف خوالي هناك وبيتهاوشون معي

هيام ناظرته:ليه؟

فارس هز بأكتافة:لاني فاشل وأنسان اللي ممكن أخرب عيالهم!

هيام ببراءة:بالعكس انت كيوت

ضحك فارس:كيوت؟ والله انت الكيوت

ضحكت وبانت غمازتها وتخرفن حتى ماسرح في ضحكتها

فارس لاشعورياً:غمازتك حلوه.

هيام تلاشت ضحكتها:صدق؟محد من قبل قال لي كذا.

ثم ناظرته وهي تبتسم:وانت في شيء حلو فيك

فارس أبتسم بخفة وعقد حاجبة:وشو؟

وهي تضحك:كشتك وشعرك الطاير على عيونك.

دخل يده مابين شعره ورفعه من جبهته ببرود:مالي خلق اروح أحلق

أنتهت الحصه ودخل أستاذ الرياضيات؛سلم وردو السلام

وبدا يشرح وكتب مسأله على الصبورة وثم ناظر ليال:لافي ممكن تحل لنا هالمسئلة ؟

توترت ليال وهي من صغرها تكره الرياضيات حتى مادخلت الادبي حتى تفتك منه بلعت ريقها ووقفت هيام بصوت خفيف:تضرب الكسور ببعضها

فارس ناظرها بتعجب ببتسامه خفيفه كملت:يطلع الناتج٢على ثُلث

ليال تكلمت بثقه:نضرب الكسور ببعضها وثم يطلع الناتج اثنين على ثلث

الاستاذ تكتف:الإجابة سريعه من غير شرح ماقبل أشرح لي كيف نضرب الكسور ببعضها وكيف نجيب ثُلث

ليال بأنحراج:ليه أشرح يعني أنت الاستاذ ولا انا،ضحكو الطلاب

الاستاذ بغضب:اطلع برا

ليال تجمعت الدموع بعيونها وطلعت

فهد وهو يهمس للعيال:بلعن أم امه لو يختارني مالي خلق أقعد بالحر برا

أزفر انفاسه بأرتياح بعد ماختار طالب ثاني

شيم وهي تهمس له:وش هالسلوب الخايس؟

فهد:نعم؟.

شيم:مالك حق تلعن اهله افرض امه ميته وانت جالس تلعن فيها؟

ثم ناظرت الصبور فهد ناظرها عدة ثواني ثم ناظر الصبورة مابين كل ثواني  يناظرها

انتهت الحصة ودخلت ليال الفصل وهي ماسكه دموعها بقهر

أنتهت الحصص؛

دخلت هيام مع فارس بالغرفة وهي خايفه جداً أستغربو الشباب من وجودها

فارس وهو يسحب شاشة التلفزيون ويشغلها:أعرفكم على صاحبي الجديد رعد.

سعود وهو منسدح على سريره:المهم وش تبون غدا شاورما؟

فهد:أي تكفى مشتهي شاروما؟

سلمان:شجوكم غداء شاورما؟أنا بروح البخاري أدقها بالخمس واخذها نومه وانتو خلوكم على الشاورما طلع من الغرفة

سعود وهو يكلم بجواله:٦شاروما؟

فارس:أطلب لرعد بعد

سعود وهو ينتظر الرد من المطعم:طيب

وأول مارد طلب الطلبات وتقدمت له هيام قدام سريره بس بينهم مسافه:سعود

ناظرها بخجل،هيام:عادي تطلب لاصحابي بعد؟

سعود:أبشر

زاد العدد،فارس تربع على الارض وماسك القير:ليش أخوياك ماراح يتغدون؟.

هيام بأنحراج:يتغدون بس ماقدر أكل شيء هم ماياكلونه معي يعني شاورما ماناكلها كثير

فهد بسخريه وهو ينسدح على سرير فارس:ليه مسوين رجيم يعني؟

هيام ناظرته ببراءة:لانه كان ممنوع علينا ناكل وجبات سريعه

سعود سكر جواله:المطعم بيجي بعد ٤٠دقيقه أتمنى انكم تجمعون الفلوس وتتفقون من ينزل وياخذ الطلب،ناظر هيام بهدوء:أما انت واخوياك حسابكم علي،ابتسمت

فارس وهو يلعب:تعال رعد خلني أكسر راسك

هيام ببراءة:معرف ألعبها

أستغرب فارس ثم قال:أعلمك عليها تعال

بحماس جلست بجانبه وعطاها القير سعود كان يناظر ملامحها كانت ملامح بنت مستحيل تكون ولد كل البنات ملامحهم أنثويه،الشك معلق بداخله يبي يعرف قصتهم وأرتباكهم الدايم

وصل المطعم كل واحد قط قطته ونطق سعود:رعد تبي نوصل غداء أخوياك لغرفهم؟

هيام وهي كانت تلعب مع فارس:أي عادي

سعود:كم رقم غرفهم؟..

التفتت عليه:هم كلهم متجمعين بغرفة لي..لافي ورائد ورقم غرفتهم٦٣..

سعود وهو منسدح ويكلم فهد:أسمع تاخذ الطلب وتقسم لنا ولهم

فهد تأفأف:اوهه

مشى فهد وطلع من الغرفة،همست هيام لفارس بخوف:أخاف يتضارب مع شي..شهاب

ناظره فارس باستغراب مايدري هي تتكلم بمياعة أو هي خلقة بحكم أنه اللي قدامه ولد وثم ناظر الشاشة بهدوء وهو يتعوذ من ابليس:لا لا معليك بيعطيهم الاكل وبيروح!

••••••••••••،•••••••

أخذ الطلب بخبث وهو قريب من غرفتهم فتح كيسهم بداء ياكل أطراف الشاورما وثم رجعهم بالكيس وتقدم قدام غرفتهم طق الباب

شيم:اكيد هذي هيام

ريوف باستغراب:أصلاً هي وينها؟

شيم:قالت بتروح بتنام (هيام كذبت عليهم)

قامت فتحت الباب أستغربت بغضب:شتبي؟

فهد بتمثيل البراءة:سوال أبي أجابة ذابح أحد من أهلك؟ليش كل ماتشوفني تعصب.

شيم بغضب كانت بتسكر الباب حط رجلة تأفأف بغضب:شتبي؟؟

رفع الكيسة لها:بصراحه أحنا أكلنا وشبعنا وقلنا بنرميه بس صديقك أتوقع اسمه رعد قال لا ترمونه عطوه اخوياي ياكلونه كمل حكيه ببراءة والله عاد قلنا له لا يارعد مايصير حنا أكلنا نص السندويشه مايصير ياكلون بعدنا اذا هم جوعانين نطلب لهم عادي قال لا اصحابي متعودين ياكلون الفضله

شيم ناظرته بحده:هذا كلامك ولا كلام رعد؟

ضربته من صدره وطاح الاكياس واستمرت تضربه بقوة وهو يرجع للخلف وهي مستمره بضربه على صدره ليال وريوف كانو واقفين عند الباب،اغلب الطلاب طلعو من غرفتهم ويناظرون الهوشه

فهد باستفزاز وبضحك:يبه هد

مسك يدينها بقوة وسحبها حتى ماضرب جسمها بصدره،طلعو سعود وفارس وهيام

فهد بهمس مستفزوهو يناظرها:شفيك شادها؟

وهي تناظره تحس بقهر بصقت على وجهه غمض عينه وفتحها مسكها من رقبتها وثبتها على الجدار:بكل مره تجني على نفسك مسك يدها وضغط على أصابعها بوقك وتالمت ابتسم فهد البنات كانو خايفين على شيم المره الاولى عدتها على خير المره هذي....

هيام أنقهرت من فارس وتشجيعه،مشت عند البنات أنابع عليها

ريوف تقدمت لسعود وهمست له همس مايسمعك الا هو فقط:قول له يبعد عنه

سعود رمش وهو يناظرها وثم تقدم ببرود وهو يسحب فهد للخلف

واستوقف مابين شيم اللي مثبته على الجدار وفهد اللي يحاول أنه يضربها:فهد خلاص

دفعه فهد:لا مو خلاص ماني متحرك من مكاني الايثبت لي انه رجال

ناظر الطلاب:أنتو مصدقين انه رجال؟

الطلاب كلهم بصوت واحد وهم يشجعونه:لا!...

فهد ناظر شيم بتحدي:ولا أقولك لاتثبت لنا

فهد وهو ماسكة سعود ويحاول يتقدم لشيم فهد:فصخ قدامنا يالله

سعود ناظر فهد بذهول:فهد!

اما شيم ضحكت بثقتها وثم تقدمت له بقوتها:سلم لي على مرجلتك اجل

كان فهد يبي يلكمها كان سعود ماسكه بقوة وصرخ:خلاص فهد امش

سحب فهد بقوة ومشى ومشى معاهم فارس ودخلو الغرفة،

فهد بغضب:ليه ماخليتني اكسر خشمه وراسه!

سعود دفعة على السرير:متى بتوب انت؟قلنا لك خلاص لاتعرض لهم،بس انا الغلطان اني ارسلتك بنفسي لهم!

فهد وقف قدام سعود بهدوء وهو يغمز له:ليه تدافع عنهم؟دافعين لك مثلاً؟

ولا ماسكين عليك شيء؟

سعود ببرود:انا مادافع عن احد بس بالغت بفعايلك مع شهاب

فارس وهو يلعب بشعره ويرفعه من عيونه:خلاص شباب ماتسوى السالفه هدوو..

فهد وهو لازالت عيونه على سعود:انا رايح،وطلع ما الغرفة ودخل غرفته؛

وهو معصب جداً وحركات سعود الاخيره بدت تستفزه.

عند البنات؛

ليال وهي تبرد أظافرها جالسة على السرير:لو انا مسويه هالحركه ومصادقتهم ورايحه غرفتهم كان شيم ماخلت فيني شيء صاحي.

شيم وهي تغمض عنها:ليال صوتك مابي اسمعه.

شيم ناظرت هيام:ليه؟

ريوف وهي متكتفه:مو يكفي الخوف اللي عايشينه تروحين لهم برجولك؟

هيام:بنات عادي ادافع عن نفسي؟

ليال وهي تحط رجل على رجل بسخريه:أي ممكن.

هيام بلعت ريقها:بنات انا عشان لايشكون فينا مو انتِ ياشيم تقولين خلكم طبيعين

شيم بقهر:بس الاهذول ياهيام الاهذول

هيام رفعت حاجبها:ليه؟مو انتِ تمشين وتصادقين،احد منا قال لك لاتصادقين؟

ليال وهي توقف:صدق شيم انتي مسويه انك القويه اللي بتحمينا وانتِ تراك تمشين وتصادقين ومحد تكلم عليك

شيم توسعت عيونها وهي تناظرهم،ليال:شيمي خلاص لاتصيرين جديه ترا ابداً مايلوق لك ارجعي شيم الهبله اللي مايهمها شيء ترا اوفر تصرفاتك معنا كانك امنا تحاسبينا!

شيم بقهر:انا هبله من البداية،خذت شنطتها وطلعت من الغرفه

ريوف وهي تناظرهم:زين كذا زعلتوها؟

ليال ببرود وهي تجلس على السرير:فكينا ماتشوفين من جينا وهي مسويه القويه الباتمان واخر شي كف من فهد الا هي طايحه

هيام بحده:ليال لاتتكلمين عن شيم كذا شيم ياما دافعت عنك فزعت لك

ليال بيرود او تمثل البرود وهي تبرد اظافرها:مايهم،لاتنسون اني هنا بسبب جريمتكم اللي ورطتوني فيها يعني تذكرو جميلي هذا لاخر يوم بعمركم

هيام تنهدت بتأنيب الضمير:أروح أراضيها؟

ليال رفعت انظارها:أشوف ماعتذرتي لي يوم قلتي لي كلام مثل السم؟

وبدلع:أصلاً مو منتظره أعتذارك لانك بكبرك ماتهميني كلامك أسمعه من هنا واطلعه من هنا

(طلاب المدرسة بدا ينقص عددهم بسبب الاجازه وزيارتهم لاهاليهم عم الهدوء بالمدرسه)

•••••••••،••••••••••••

بالليل؛

فهد عند أهله،فهد أبتسم على ترحيب أمه له

أم فهد بفرح:البيت نور بوجودك تدري كيف نور بوجودك

فهد:منور بوجودك يالغاليه

أم فهد بهدوء:يمه متى بتتوب عن مشاكلك وتخلي أبوك يرضى عليك

فهد بغضب:هواللي ماوده بالرضى

أم فهد استغربت من نبرته:لا يمه أبوك وده يرضى عليك بس انت يمه الله يهديك

فهد:يمه انا ماني مجنون عشان كل ماشفتيني قلتي الله يصلحك والله يهديك،يمه أبوي بنفسه قطني بهالمدرسة ويبي يحطني للناس عبره مستقعد لي انا واخوياي كل مارحنا مكان ورجعنا قام يفتشنا وكل ماحولنا نطلع من هالمدرسه مسك علينا شيء

فهد ضحك بسخريه:بس وربك اني لا اخليه يطردنا بنفسه هالسنه هذي لا أعيدها عشر سنين بس عناد له واللي معاه

تنهدت ام فهد:يالله يمه امش اخوانك منتظرينك على العشاء،وثم عقدت حاجبها:بتنام عندنا ولابترجع؟

فهد:ماقدر فروس أكيد بيكون لحاله،سلمان أكيد بيكون طالع وساحب عليه،وسعود مايحتاج أقول عازل نفسه حتى لو قعدنا معاه مايسولف وعلى جواله فالازم أرجع له فروس متعلق فينا مابيه يحس بالحظه انه وحيد

أم فهد عقدت حاجبها:الحين مين الوحيد فارس ولا سلمان؟مين اللي أمه تزوجت واحد وطرد والولد من البيت؟

فهد:سلوم اللي طرده زوج أمه،على الوحده كلهم وحيدين بس فروس حساس اما سلمان ماقولك انه مايحس بس مايحب أحد يشفق عليه أو يذكرن بأمه

ام فهد:وسعود للحينه مايزور أمه وابوه؟

فهد ببرود:هم اللي تركوه من صغره تبينه يروح لهم ولا يزورهم؟حتى السؤال مايسئلون عنه اذا بيسالون يسئلون أبوي عنه

أم فهد:الضنى غالي مايحس بقيمته الا اللي يفقده الله يهديهم انفصلو وكل واحد تزوج ونسو الولد

فهد وهو يستوقف ويبوس خدها بقوة:وانتِ غاليه عندي بس لولا مشاكلي مع أبوي وعناده لي كان بقينا مع بعض"تنهد" وانتِ عارفه قسوته معي بالهبيت وكيف يفشلني ويحرجني قدام اخواني

أبتسم:يالله ماراح تعشيني؟.

••••••••،•••••••••••••

على الطاولة؛

حمد أخو فهد بعُمر١٥سنه:الحين صدق فهود انت ثور؟

فهد رفع حاجبه وثم التفت على اخته حلا بعُمر٧سنوات:أبوي يقول مايفهم ولايستوعب وبيبقى طول عمره كذا وبيتعبنا لين مانموت.

حمد:قال أنك فاشل وأنا وحلا أفضل منك وراح يكون لنا أسم كبير وانت بتكون زبال.

فهد ناظر أمه:شفتي يمه؟عشان كذا ماحب أجي هالبيت

أستوقف فهد وطلع من البيت،أم فهد بغضب:زين كذا! احنا زين نشوفه وبيوم اجازته عكرتو مزأجه وزعلتوه

حمد:يمه ليه ابو مايخليني أدرس بمدرسته؟

أم فهد تنهدت بغضب:إذا جاء أبوك أسئله

••••••••••،•••••••••••••••••

لبس فارس كابه الاسود وكان مطقم تيشيرت أسود وبنطلون اسود وطلع من غرفته وركب الاصنصير

طلع التقى بهيام وابتسم:هاه جاهز للطلعه؟عاد توني كنت بجيك بس نسيت رقم غرفتك

هيام ناظرته بعصبيه كيف يستخف دمه قدامها ولاكأنه صار شي الظهر

تلاشت أبتسامتة بهدوء:يالله نروح؟

دخل فهد المبنى ولقى فارس وهيام وتقدم لهم،هيام ناظرته بغضب

فهد:شفيه ذا يناظرني كذا؟

فارس ضحك:تصدق لي ساعة اكلمه مايرد،قرص خد هيام:شفيك معصب؟

هيام دفعت يده وركضت على الدرج،فارس:أكتشفت شغله بمدرسه أبوك

فهد بسخريه:وش؟

فارس:اللي يزعل عليك يزعل علينا كلنا

فهد ضحك وبعدها ناظره:الا وين رايح؟

فارس حك ذقنه:ابد والله قلت طفشان وبسافر،وين بروح أكيد يفتر بالشوارع

فهد:صاير تردد يالهيس المهم يالله بروح معك،الاسعود وينه؟

فارس:مدري طالع موموجود

•••••••••••••،•••••••••••

عند البنات؛

هيام ودموعها على خدها:شيم ماعندها أحد غيرنا وين بتروح؟

ليال:مردها بترجع هي تتغلى بس تبينا نطلع وندورها على طاري طلعه الواضح أن المدرسه كلها شرايكم احنا نطلع بعد؟

ريوف:صدق انك فاضيه،المشكله انه جوالها قبل ماتطلع كان طافي ان شاء الله تلقى شاحن وتكلمنا.

ليال وهي تحاول تكتم ضحكتها لكن ماقدرت:شاحن؟شايفين جوالاتنا جولات نوكيا كشاف وين تلقى شاحن!

••••••••••••••،••••••••••••

عند سعود كان بحاله الهيستيريه يطق الباب بقوة وفتح له(عبدالرحمن)

عبدالرحمن باستغراب من الضرب أول ماشافه سكر الباب خوفاً أحد من اهله يشوفه:سعود شجايبك؟

سعود بأنهيار عصبي والواضح من ملامحه الي تحولت الى لون احمر:أبي حبه ماني قادر اتحمل

عبدالرحمن:بتورطني انت؟جايني لعند بيتي

سعود صرخ بوجهه:قلت لك عطني الحبه

عبدالرحمن تلفت يمين ويسار وثم تقدم لسعود اللي بحالة جنون وسحبه بعيد عن البيت:أنجنيت أنت؟

سعود بصراخ:أقول لك أبي حببببه

ثم ناظر لعبدالرحمن بترجي وشبه من البكاء:أبوس يدك ماني قادر أوقف من الم ابي حبه تهديني،والله اجمع واعطيك فلوسك لو أروح لامي واطلبها فلوس واعطيك بس ابي حبه تهديني

تنهد عبدالرحمن:الحين ماعندي حبوب البضاعه للحين ماوصلتني

صرخ سعود بجنون وهو يوسع عيونه:لاتقول ماعندييييي(تكلم بهدوء)لاتقول ماعندي رفع حاجبه بأصرار:عندك.

عبدالرحمن وهو يسحب سعود اللي شبه سكران بسبب حالته وبعده عن البيت وبهمس:ماعندي حبوب بس عندي جرعه تبيها؟

سعود بهدوء:ج جرعه؟نفس الحبوب؟تهديني تخليني أرتاح؟

عبدالرحمن:نفسها بالظبط

سعود مسك يده بسرعه:عطني أياها تكفى أبيها!

عبدالرحمن:روح سكنكم ثم أجيبها لك الحين ماقدر

سعود بعصبيه:ابيهااااا الحيينننن!

عبدالرحمن تأفأف بعد ماشاف مافي فايده:أركب سيارتك والحقني

هز رأسة سعود وراح ركب سيارته وعبدالرحمن ركب سيارته،

بالحظة ما مسك الجرعه كانه طفل فرح بحلاوة او بعيدية أخذ نفس بشكل قوي وهو يناظر الابره وثم فتح ازرار ثوبه ورفع الاكمام وغرزها على معصمه ماستشعر مفعولها الا بعد دقايق حس براحه والهدوء ومايسمع ولا يشوف!

سنتين بأكملها وهو ياخذ حبوب(ال ا سي دي)نوع من انواع التعاطي اللي اذا اعتاد عليه شخص يبقى مهلوس بدونها!

جربها عن تجربه وأصبحت له عاده،ومحد يدري عنه الا أبوفهد اللي يصيده اكثر من مره ويهدده.

وحرك سيارته لطريق مايدري وين يروح رجع المبنى ونزل من سيارته دخل المدرسه يمشى بهدوء وبتعب وأرهاق.

والتقى بنزول ريوف من درج وهي تركض واستوقفت وهي تبلع ريقها بعد ماشافته واقف عند الباب متضايقة من وجوده وخايفه جداً طيرت عيونها لاجل ماتشوفه:ب بطلع ممكن توخر.

سعود بحده:لا مو ممكن

خافت وبلعت ريقها رجعت بخطوه ماتدري تهرب وتركض لغرفتها ولا تهرب وتطلع برا،سعود بأستغراب:سوال انت متوحد فيك شي؟ليه تخاف؟

ريوف خانها البكاء،وعينها تلمع،نزلو شباب سحبها من ذراعها لاجل مايشوفون دموعها طلع من المبنى وهو شاد على ذراعها بقوة حتى ماتحس عظام يدها بتفكك،

وقفها بزاويه خلف كانت بتهرب دفعها بقوة على الجدار بغضب:تبيهم يشوفون دموعك ويمسكونك طقطقه؟

بشك:ياخي متأكد أنك ولد؟حركاتك ماتدل أنك ولد..

حست باللحظة أنقبض عليها وانها انكشفت بس أنسكب عليها الارتياح وهو يهمس لها بحده:ترجل سوالف الخكاريه والمياعه أتركها مش دموعك يالله

ناظرته عقدت حاجبها واستوقفت عن شهقاتها:د د دم من خشمك

امس خشمه بصبعه وأنصدم من الدم ثم بلا اهتمام:خلاص روح

راحت ركض بعد ماكان مثبتها على الجدار ومحاوطها بوقوفه قدامها،كانت طالعه على امل تلقى شيم..

••••••••••،••••••••••

عند شيم كانت تتمشى مابين الحدائق وشنطتها على ظهرها ومتكتفه بملل ماتدري وين تروح فيها غصة وهي تتذكر كلامهم

كلام اللي بقلبها وهي تضحك على نفسها:كنت أبي احميهم بس ماهم بحاجة حمايتي،أنا المفروض أحمي نفسي وبس.

••••••••••••،•••••••••••••

الساعه٣الفحر؛

سعود لمح ريوف وهيام بالشارع ونفث دخانه وهو يرأقبها من شباك غرفته وأزفر بغضب بالحظة وصول سيارات الشباب،سلمان بسيارته،فهد وفارس بسياره وهو عارف بيتحرشون فيهم(المقصد يتهزون)

سلمان ضحك:فروس لاتصيحهم بعدين وش ينومهم؟

فارس بنضرات أستهزاء:وش فيكم قاعدين هنا....مثلاً تنتظروني؟

فهد بسخريه:شيبون فيك؟

ريوف سحبت هيام وبعدومنهم،فارس:خليتهم ينخجلون

سلمان:ينخجلون؟هذا شفيه مايعرف يسولف

فارس بمزح:ياخي خلوني أضبطهم مالي نصيب بالبنات نحول قيّ

فهد بقرف:الله يقرفك عاد توني ماكل تلوع كبدي ليه؟

سلمان ضرب خدود فارس بخفه:أنت لا بنات ولا عيال بيونك تدري ن من يبيك؟

فارس بتمثيل للبراءة:من؟

سلمان بأبتسامه عبيطه:نتفليكس،مسلسلاتك،السوني،ببجي،فورت نايت،كود،هوشاتك بتويتر،فقط هذولاء اللي يبونك ولاتعدى غير هالحدود .

فارس:عاد صدق انت اللي تفهمني،وترى على فكرة طوكيو ماتت.

هرب ودخل المبنى،سلمان بغضب:حيوان!ناظر فهد:شفته الحيوان خرق علي المسلسل.

فهد:على أساس ماتدري انها ماتت،فروس لوماتابع مسلسل وحرق علينا مايكون فارس أمش بس أمش.

••••••••••••••،•••••••••

دخلوعند سعود؛

فهد بتمثيل الزعل:بروح غرفتي

سلمان ببرود:أي روح

فهد أشر له بحاجبه وهو يرص على اسنانه:بروح غرفتي

سلمان بذهول منه:أي روح!

فهد:أقولك بروح!

سلمان حذف عليه المناديل:قلنا لك روح!ثم فهم:أي...أي انا بعد بروح بصراحه حاز بخاطر من واحد.

فارس:من مين؟

سلمان بتمثيل الزعل:واحد ماغير يتلغى وكله عازل نفسه ويتهاوش معنا

فهد وهو يكمل:ويتهاوش مع مين؟مع أقرب الناس له مالنا مكان بهالغرفة

سعود ماهتم لنغزاتهم أنسدح على سريره ويلعب على بجواله،فارس مسك جواله وتبطح على جنب بالسرير:سعود تبي نلعب ببجي؟

سعود بهدوء:مالي خلق

فارس:تكفى.

سعود:يالله أجل أدخل.

سلمان وفهد ناظرو بعضهم بعدم أهتمام سعود

سعود:لاتدخل وتين يرحم امك

سلمان:وتين؟مين وتين؟

نقز على السرير بجنب فارس وهو يناظر

فارس:شسوي كل ماتشوفنا نلعب انا وياك تسوي لي دعوه،أدخلها؟

سلمان ضرب رأس فارس:دخلها ترفس النعمة؟

سعود تأفأف وتضجر بعد مادخلها فارس غمض عينه بشدة وقرف مابعد ماسمع صوت دلعها

سلمان عض شفايفه بأنجذاب:يصوتها بس أسمع بدخل ببجي ودخلني معكم

ثم ضرب رأسة:نسيت أني حاذفها عشان المساحه

ثم تكلمت وتين بدلع:فارس سعود وينكم مختفين عن ببجي؟

فارس:هلا،نلعب بس مانشوفك داخله

بدت تسولف كثير وسعود متقرف منها وفارس يسلك وسادح على فخوذ سلمان اللي همه ياخذ سنابها وفهد قاعد على بالكرسي إيده على التسريحه وماسك جواله

سعود:لاتساعدهت فارس خلها تموت تكفى

فارس كان بيسمع كلام سعود لكن سلمان سحب الجوال منه وساعدها ثم رجع الجوال لفارس:صاحيين انتو؟تبون تفرطون بالهنعمه اللي عندكم!

سعود بغضب طلع من القيم:ماني لاعب

سلمان وهو يركز بلعب فارس:عنك مالعبت

فهد وهو يتثاوب:ترى شسمه أذن الفجر امشو نصلي

لارد ولا استجابه على حكيه ناظرهم:عنكم ماصليتو،أن شاءالله تقابلون أبولهب بجهنم وشعلي منكم ،وقف وطلع وصادف طالب:اوف أنت مارحت لاهلك؟

الطالب بسخريه:تصدق رحت لبيتنا الا طلعو مسافرين الشكوى لله  رجعت السكن

فهد بسخريه:ماينلامون لما يسحبون عليك

الطالب:نعم؟

فهد بتسليك:أقصد حرام يخلونك ويسافرون المهم صليت؟

الطالب:أي صليت،تخيل فيه واحد نايم بالمسجد

فهد بسخريه:أبوي من كثر مايجيب من الشارع فضت الغرف صار ينومهم بالمصلى

ضحك الطالب،ودعو بعضهم بالحكي،ودخل فهد مصلى السكن

وهو رافع اكمام ثوبه بعد ماتوضى عقد حاجبه بعد ماشافه نايم وتقدم ناحيته كان مغطي وجهه بالشنطه ومنسدح بزاويه جلس بالارض على ركبه وبعد الشنطه عن وجهه ثم هزها:ولد..ولد

فتحت عيونها وثم قال:ندري أنك خكري بس احترم المكان ليه تنام بالمسجد؟

ليه ماتنام بغرفتك!

شيم بغيض وهي تعدل جلستها:مالك دخل

فهد بحده وضرب رأسها بالجدار:شوف عاد ترى مافيه ألا انا وياك الحين محد يقدر يفكك من يدي،فاحشم نفسك وأعرف تتكلم مع مين.وبهدوء:ليه نايم هنا؟

شيم وقفت وهي تشيل شنطتها على ظهرها وطلعت من المصلى بسرعه.

صعدت فوق،أستوقفت قدام الغرفه وهي تاخذ بروفه بالحكي وبعد الاهميه لهم دخلت الغرفه وتنهدت براحه انه الغرفه فاضيه انسدحت على سريرها بتعب

بعد ساعه وربع؛

دخلت هيام بفرح بعد ماشافتها بالغرفه وتقدمت لشيم:شيم أنا ادري انك زعلانه منا والله موقصدي أزعلك،أنتِ تدرين قد ايش أحبك!واحبك اكثر من نفسي بعد لعبت بشعر شيم:واحبك لما تخافين علينا و(تحمينا)وهي تضحك بشكل خفيف:رغم أنك نتفه وأصغرنا ،ضحكت:تدرين أنك ماتعرفين عمرك الحقيقي دايم تقولين للناس ان عمرك ١٧وبتدخلين ١٨قريب لكن بالواقع انتِ للحين مادخلتي ١٧ اساساً دايم تضيعين بتاريخ ميلادك بس انا حافظته واعرف أنك للحين مادخلتي ١٧للحينك نتفه وأصغرنا!

وببراءه:وبتبقين نتفتنا الحلوه وحلوتنا،تدرين أن ليال هي اكثر وحده كانت خايفه عليك لما اختفيتي بس ماتبي تبين لنا انها خايفه وتدرين أنها تغار منك لانه بشرتك أحلى من بشرتها واجمل منها بس تحب تحارشك وتغثك!

تدرين أن ريوف تشوفك الامان والكتف لها.

وتدرين أني أشوفك كل حياتي وماقدر استغني عنك لحظه بس انتي اختي وصديقتي وكل شي بدنيتي انتِ أهلي اللي فقدتهم كانت شيم تسمع كلامها بس كابرت تمسكت بدموعها هيام وقفت وباست خد شيم وراحت سريرها

•••••••••••،••••••••••

العصر؛

ليال طقت باب غرفتهم بقوة قامو من النوم منخرشين ويناظرون بعضهم

قامت شيم بخوف وفتحت الباب:شفيه شصاير؟

دخلت ليال بدلع:أبد قلت نقعد عندكم ونتطمن عليكم وعلى الي اختفت وريوف دخلت الغرفه وسكرت الباب،شيم بعصبيه وهي تسحب ليال:تدرين أنك بغيتي توقفين قلوبنا بضربك للباب!

هيام بخوف:منجد!

ليال قعدت على السرير وهي تحط رجل على رجل:صدق والله؟أشوف اللي اختفت يوم كامل ماوقفت قلوبنا!

ريوف وهي تمسك شيم من أكتافها:وين كنت..تعرف لك أحد وين رحتي خوفتينا عليك انا وهيام كل شوي نطلع وندورك.

هيام وهي تعدل جلستها:صدق شيم وين كنتي؟

شيم بهدوء:يهمكم؟

ليال بكذب:بصراحة لا..

ريوف:معليك منها قولي لي تكفين وين كنتي؟

شيم اخذت نفس:بعد ماطلعت منكم بديت أحوس بالحدايق.

ليال وهي تعض بشفافيها بحماس:وكحلتي عيونك بالحلوين؟

شيم وهي ماسكة أعصابها:مدري أضربها وامسح فيها الارض ولا امسكها واطيحها من الشباك وأفتك منها!

ريوف ضحكت بخفة،ليال:أف أف دايم ماتقدروني ولاتقدرون أني متحملتكم ومعتبرتكم صديقاتي

شيم وهي تقلد نبرتها:صدق والله؟

هيام وهي تضحك:ومين بيتحملك غيرنا؟

ليال:واجد بس أنا مابيهم أخترتكم انتو عاد لازم تحمدون ربكم الف مره باليوم...

بعد مرور أسبوع؛

رجعو الطلاب من الاجازه اللي مرت بشكل سريع على بعض الطلاب بدأت الاجواء البارده تبتدي بشكل خفيف وبدا فصل الصيف يودع،دخلو العيال الفصل،فارس مسك خدود طالب بسخريه:من كثر ماياكل عند اهله طلعت له خدود.

فهد وهو يضحك:مروق من الصباح انت ولا وش؟

فارس بسخريه:واللي يقعد بمدرسة أبوك استحاله مايروق

سلمان:قصدك اللي يقعد بمدرسة أبوه استحاله يمتن أبوك المفروض يحط اعلان لمدرسته اللي يبي يضعف يجي مدرستي

فهد ضحك بشكل هيستيري وثم قال:ورع انت وياه خلاص عاد مو كل شوي تذبون على ابوي نوعو عاد ذبو على أستاذ الكيمياء ولا اقولكم ذبو على سعود

دخل سعود وهويضرب رأس فهد وقال:مين يقدر يذب على سعود؟

فارس ناظر سلمان:تصدق عاد الشتاء كان مقرر يدخل علينا بس شكلة هون ماراح يدخل علينا،دام سعود متحمس ولابس جاكيت طير أم البرد

كان سعود لابس ثوب ابيض وجاكيت أسود جلد تقدم له وهو يضرب رقبة فارس بضحكه خفيفه:كل تبن متسبح قبل شوي مادريت الجو كذا بارد

سلمان:ياحياتي خايف يمرض

سعود ضحك بخفه:والله صدق بردان!

فارس صفق وهو يلحن الاغنيه ومبدل الكلمات ب:بردان بردان خليت قلبي حيران

سلمان وهو يلحن ومعاه ويصفق:ماقلت لك حبيبي بطل دلع من زمان ماقلت لك حبيبي بطل دلع من زمان!

فهد وهو يصفق ويلحن معاهم:ليه ليه ماترد السلام وين الغزل والغرام؟تراضيني ولا بروح واسيب لك هالمكان!

دخلو البنات الفصل كانو العيال عند باب الفصل ب أتجاه السبوره سعود راح مكانه وفارس راح مكانه أما فهد وسلمان يسولفون مع الطلاب،والبنات كل وحده راحت مكانها تضجرت شيم من مكانها وتأفأفت وحضنت شنطتها

دخل استاذ الرياضيات وتأفاف فهد وهو يقول لسلمان:يقولك مره أستاذ رياضيات ماصارت حصته الاولى مات،فهد قفز من فوق شيم لكرسيه وسلمان جلس مكانه

سعود تأفأف من شدة البرد ورفع صوته لريوف:رائد سكر المكيفات

ريوف كانت على الجدار وزر المكيفات عندها رفعت أصابعها لاجل تسكر المكيف

فهد:شوضعك أنت وش طفو المكيفات سلامات يبوي خرشت أم الشتاء ترا بعدنا بالصيف يالحبيب

سعود:بردان!

فهد:جيب لك فروه ياشايب لاتجلس تقعدنا بالحر

سعود وهو يدفع الطاوله بغضب وبصوت عالي:أستاذ خلهم يسكرون المكيفات لاأفصل عليهم واحد واحد هنا.

ليال وهي تناظره بعناد:لاماراح نسكر شبتسوي!

سعود بغضب وقف لها:أقول...

الأستاذ بغضب:بس انت وياه.تبادلو الاماكن لافي روح مكان سعود وسعود روح مكان لافي

ليال تلعثمت:اء استاذ أنا احب مكاني

سعود ببرود:أجل طف المكيفات ولاتعاند

ليال:حر ماتفهم أنت؟

فهد:أي والله ماتفهم؟

سعود لف على فهد مسكه من رأسه وضربه على الطاوله:ماتسكت؟

الاستاذ:وشلون يعني مالي احترام،تبادلو الاماكن!

سعود طلع من مكانه وليال راحت مكانه

وجلس مكانها وعدل جاكيته،لف عليه فارس:تعادلنا كذا اثنين عند الخ..أقصد الحلوين واثنين عند الحلوين برضو

ناظر ريوف اللي بدت تشد على كف يدها بظفرها وثم ناظر الدرس بملل أنتهت الحصه؛

انتظر كل الطلاب يطلعون من الفصل بسبب عندهم حصة بدنيه ثم لف على ريوف وسحب يدينها وتوسعت عيونه من الدم اللي بيدها:تجرح نفسك أنت؟

بعدت يدها بخوف ووقفت ووقف معاها:يدينك فيها دم!

ناظرته بعتاب:كنت بتضربه صح؟

سعود بعدم الفهم من حكيها:أضرب مين؟

صرخت بحده وأرتباك:كنت بتضرب لي ل لافي عشان المكيف

سعود:شدخل لافي الحين؟بعدين مو بس لافي اللي تهاوشت معاه عندك فهد وضربته بعد!

دفعته ومشت وهي تروح،شيم تأفأف:مافي مفر من فهد ذا!

هيام:ليه؟

شيم:تخيلي كلنا بفريق واحد احنا وشلته!

هيام:يعتبر شيء زينتها صرنا ضده وش بيفكنا من محارشتة ؟

جاء فهد،كلهم لابسين قميص احمر وشورت أسود،ناظر لسعود وريوف نفس ملابسهم ماتغيرت:خير ان شاء الله ليه مو لابسين؟

سعود ببرود:حطنا أحتياط

التفت فهد على شيم وهيام وسلمان وفارس وطالب معهم ماجد

فهد:رعد أنت بتكون الحارس،هيام تلعثمت وهزت رأسها بالايجاب

سلمان بسخريه:مستانس فهيد أكثر حصة وللاسف ماعليها نجاح ولا رسوب

ليال بذهول:صدق حصة البدنيه مالها رسوب؟أجل ليه أجباري نلعبها؟

فارس:هالمدرسه تحب كل شي غصب

فهد ناظر شيم:انا وانت وسلوم بنكون مهاجمين ولافي وماجد بتكونون ورانا

أبتداء اللعب،والحماس وكانو فهد وشيم أكثر احترافياً باللعب سجلو هدفين على الفريق اللي ضدهم

فهد بتشجيع:طلعت حريف ماينخاف منك.

ماردت عليه شيم،وانحذفت الكوره ومسكتها ليال بيدها،عصب فهد مامداه يروق بالفوز،شيم غمضت عينها وضربت رأسها،نزلت الكوره بسرعه بخوف من نظراتهم

ماجد:بلنتي مايصير تمسك الكوره بس الحارس يمسك الكوره بيده

ليال:بالغلط طيب.

أنتهى اللعب؛

وجلسو بتعب عند ريوف وسعود،سعود:مشاءالله شهاب أهدافك ماتتوقف أنت وفهيد

أبتسمت،جاء فارس بتعب وهو يتربع عندهم وناظر سعود:يرحم أنك نزل الجاكيت!

سعود نزل جكيته لانه فعلاً صار الجو حار،سلمان:تبون نهرب؟

سعود ببرود:ماعندي مشكله

فارس وهو يدفع هيام بخفه:تجي؟

هيام هزت رأسها بالنفي:لا..

فارس:يلعن أبو جوك البيض.

شيم بغضب:شدخلك فيه؟

فارس ناظرها:نعم أحد كلمك؟

قرصته هيام مسح كتفه بألم وناظرها بذهول،هيام:الا صديقي

فارس:الله وانا ماني صديقك يعني؟

هيام ناظرت البنات اللي ناظروها،بتلعثم:الاصديقي

سلمان:أقول ياصديقي ماصديقي أخلصو بتهربون؟.

فهد:تكفى وين بتروح بهالشمس والحر؟أنثبر بس.

سلمان:تدري كم باقي حصة؟٧حصص تبيني أتحملهم؟

فارس بسخريه؛بتتحملهم عشر سنين بعد

دخل أستاذ البدنيه وهو يصفر بتصفيرته اللي معلقه على رقبته:الحصه خلصت وش مقعدكم؟

سلمان:أرتحتو الحين مافي مفر

وقف وقفو معاه والكل راح يبدل بين البنات بدلو بالحمام الا شيم تدور ملابسها والتفتت على فهد والاستاذ البدنيه:ياوليدي يالله تأخرت على حصتك

شيم بأرتباك:ط طيب

طلع الاستاذ من غرفة التبديل الطلاب،فهد بأبتسامه ساخره:بتروح الحمام تغير؟

فصخ القميص بقى بجسمه العاري طيرت عيونها ورجفه واضحه من جسمها لبس بلوزه داخليه وسحب ثوبه الابيض ولبسه!

ورفع حاجبه:ماتلبس؟

ناظرته بقهر ولبست ثوبها فوق القميص والشورت ومشت وهي تحت أنظار فهد.

•••••••••••••،••••••••••••••

بالميتم بالتحقيق؛

المحقق:يعني أفهم من كلامك شيم،وهيام،وريوف،وليال،هربو من دار الرعايه وماتدرين وينهم؟لكن كلام زميلاتهم بالدار أنك كنتي حابستهم في الغرفه ومهددتهم

المشرفه بأرتباك:أي كنت أدبهم من شي هم أخطو فيه!

المحقق عقد حاجبه:ممكن أعرف الشيء اللي أخطو فيه؟

المشرقة بأرتباك:يعني أستغفرالله واتوب اليه البنات مايحضرون حصصهم ويهربون مع عيال ويسرقون فلوس المشرفات وانا شفتهم بعيني

المحقق:على العموم أحنا بندورهم لانهم تحت السن القانوني وهم تحت السن القانوني وهم تحت حماية الدولة!بالحظة مامسكناهم بنحقق معاهم تحقيق

المشرفه:ك كلنا بندورهم أكيد!

••••••••••••،•••••••••••

أتصلت المشرفه على البنات؛

فزت شيم وهي ترفع جوالها وناظرتهم:بنات هذي الحيه جالسه تدق

هيام بأستغراب:الحيه؟

ليال:قصدها مشرفة الميتم

ريوف عدلت جلستها بعد ماكانت حاضنه رجولها:يمكن تبي ترجعنا للميتم كلميها،ردت شيم بدون:نعم؟

المشرفه وهي ببيتها ومتوتره رايحه جايه:صارت عليكم قضيه ثانيه.

أنشحب لون شيم ناظرت البنات وثم بلعت ريقها:كيف؟!

المشرفة تنهدت:المحقق جاينا لدار ويحقق عن أختفائكم وهروبكم من الدار المفاجئ

شيم:يعني.؟

المشرفه بحده:يعني أنتبهو على نفسكم

سكرت شيم الجوال بغضب،ريوف:شصار شقالت لك؟

شيم تنهدت:جالسين يدورون علينا أنه ليه هربنا من الدار

ليال:أوف،أحنا من قضية لقضية.

•••••••••••،••••••••••••••

عند المشرفة هدى؛

ناظرت صورة أختها المختفيه:كل يوم أدعي كل ليلة أدعي أنك عايشة

كل ليلة أتساءل وينك فيه؟وين عايشه؟وين قاعده؟تاكلين زين؟مرتاحه!

ماتعانين!ماتألمين.

أكبر غلطة سويتيها بحياتك أنك رحتي وتزوجتي واحنا كلنا رأفضين زواجك

خذاك عبدالله منا ولاندري عنك ولا رأضي يخليني أتواصل معاه على أمل البنات يلقونك خاطرت بارواح البنات عشانك اه هناء شاب عمري وقضى وانا ادورك

••••••••••،•••••••••

بعد أسبوع؛

دخل سلمان الغرفة لاصحابة بحماس:شرايكم بساعة؟

فهد وهو سادح بجانب سعود على السرير:جوي،شاريها ولاسارقها؟

سلمان تلاشت فرحته وحذف عليه الوساده:شايفني حرامي؟.اكيد شاريها

سعود:شاريها بفلوس البنات؟

سلمان ناظره:أي.

سعود:رجال مشاءالله عليك.

سلمان:تشوف انا على الاقل ماتظاهر بالمثاليه أنا سيده وواضح أحسن من غيري

سعود نزل جواله وقام:شقصدك؟..

فهد مسكة:ولد شفيك هبيت عليه؟يقصد أنك غامض ماينعرف عنك شيء

سعود رجع رأسه للوسادة بعد ماخز فهد:قلك مرقع الحين؟

فهد ناظر سلمان ببتسامه:تلبسها بالعافيه وسارقها منك أنشاءالله

دخل فارس ومعاه هيام،سلمان التفت على فارس:شرايك بالساعة؟

فارس ببرود:يعني مو حلوه مره.

أنسدح على سريره،سلمان وهو يقلد صوته:مو حلوه مره،أنت حاصل لك تشوف مثلها بالواقع؟

ثم ناظر هيام:وانت ياحلو شرايك بساعتي؟

هيام بتلعثم محايطها الارتباك والخوف واصر عليها فارس تجي معاه بعد انتهاء الدوام لكن أظهرت الاعجاب بملامحها:تجننن

سلمان:تعلم من صديقك،أسمعو انا بروح أتسبح،ثم أبيكم تساعدوني كيف أترك غلا يبوي البنت كئيبه كئيبه كل ماكلمها وتكلمني تجلس تفضفض

فهد:غلا ذي اللي تعرفت عليها من طرف فروس؟

سلمان خز فارس:أيه مايجي منه الاالنكد يالله باي

طلع من الغرفه،فارس وهو يطلع الايباد من الدرج اللي بينه وبين سرير سعود،فارس:تعال شفيك واقف؟أسمع أسمع أدخل غرفة التبديل تلقى ثلاجه

أفتحها جيب لنا اثنين ببسي وشبس فوق الثلاجه،هاتها نطقطق عليه بالفلم

هيام هزت رأسها وهي متلعثمة وخايفه جداً

دخلت غرفة التبديل،فهد ناظر فارس:فروس تكفى قول لصديقك بطريقه يغسل ملابسي والله تعبت وانا ادور ثوب نظيف

فارس خزه وخزه سعود:انت متى بتعقل؟

فهد:وانا شقايل؟

جت هيام لفارس وبيدها علبة ببسي وكبسة شبس كبير

فارس بأستغراب:ليه ماجبت لك؟

هيام:مو مابي اشرب

فهد:مو مابي؟صديقك كلمتين مايعرف يقولها

حزت بخاطر هيام نزلت رأسها وثم قالت بأرتباك وهي تغلط بالحكي:جاني أنام بروح

فهد مات ضحك من تكليجها اللي قالتها من ارتباكها،سعود:فهيد خلاص

فهد وهو يضحك ناظره:وهو مايعرف يتكلم وشسوي له؟

طلعت هيام من الغرفة وهي تحاول تكتم بكائها.

دخلت هيام الغرفة وهي تبكي وحاذفه نفسها على السرير،سمعت طق الباب وإيقنت أنها ممكن وحده من البنات وقفت قدام المرايا وهي تمسح دموعها وفتحت الباب وأندهشت منه وهو حاط الايباد على وجهه ويده المرتخيه ماسك فيها كيسة مفرحات

فارس نزل الايباد وهو يضخم صوته:ممكن ياحلو ترضى علينا؟

هيام تلعثمت وثم دخل وتكلم بصوته الطبيعي:بعدين أنت شفيك نفسيه كذا مفروض تكون متعود على طقطقة فهيد! احنا اصحابه الروح بالروح يطقطق علينا والضحكة من هنا الى هنا.

هيام بزعل:بس هو جرحني وانا مو صديقه

فارس بعباطه:هو ماجرحك جرحك هو مجرد قليل ادب بس.

هيام ناظرته:يعني انا ماعرف اتكلم؟

عقد حاجبه:شوف والله بصراحه هو مو استهزاء فيك بس فيك ربكه بالكلام مدري خايف ولا انت شخص من النوع الي يتاتاه بس على العموم كلك على بعضك حلو ناظر غرفة ونط على السرير:تعال بس

تقدمت له وعقد حاجبه:شفيك واقف؟تعال انسدح بشغل المسلسل تنهدت وجلست بجانبه فتح الشبس ومد لها الشوكلت:اكل بس مسوي زعلان

شغل المسلسل وأبتدت لقطة تقبيل أنحرجت قال فارس:محظوظ أبن الكلب فيها

خرته هيام:وصخ!

فارس ضحك بشدة:بالله ماتتمنى تشفشف بنت تحس بشعور الحُب؟

أنحرجت وثم ناظرته بهدوء:فارس كم بنت تكلمها؟

بذهول من سوالها:

••••••••••،••••••••••

سلمان طلع من الحمام وهو لاف المنشفة على خصره وشعره مبلل بالماء وجلس على السرير رن جواله وكان الاتصال من عهود وتأفأف بأنزعاج منها:نعم؟..

عهود باستغراب:وش هالنبرة؟

سلمان:عهود مشغول ماني فاضي أنا ماني فاضي..

عهود رفعت حاجبها:سلمان انت تغيرت علي

سلمان:بلاش افلام دراميه يرحم امك

عهود ببكاء:سلمان انت علقتني فيك ثم تغيرت علي من دون سبب؟

سلمان بحده:ماتغيرت عليك!

عهود:ماصرت تكلمني ولاتسأل عني

سلمان وهو يوقف قدام المرايا المشط ويمشط شنبه:يبه ظروف ظرووووف

بتمثيل:ولا أنتِ تدرين أني أحبك مو بس احبك اموت فيك

عهود مسحت دموعها:صدق؟

سلمان:أي صدق،ولا انا انسى عهودة قلبي؟ترى انا زعلان أنك تفكرين فيني بالشين

••••••••••،•••••••••••

فارس بذهول من سوالها:كيف يعني؟

هيام:شفت يوم كنا بغرفتك الولد اللي معضل قال أنك عرفته على بنت يعني أنت حق بنات؟

ضحك فارس:لا وين شوف انا كل وقتي بالتويتر او ببجي والبنت ذي كانت تلعب معي ببجي وكنت ارد على تغريداتها بتويتر وسلوم قفطني وبس والله عرفتهم على بعض وانسحب علي اما اني راعي بنات وكذا لا والله على قولة سلوم من بيرضى فيني؟

هيام حزنت:ليه تقول كذا؟

فارس وهو يهدد بأصابعه:أول شيء لاجمال ولاشكل ولاحتى فلوس انا مالي خلق للحب والسخافة انا بس اللي يهمني مسلسلاتي وتحديث ببجي

ثم خزها:تابع ترى ماحب احد يقاطع وانا اتابع

ضحكت بخفه ومجاملة،فارس بهدوء وأندماج:قم طف النور،ثم ضرب رأسها بخفه:يالله

قامت وطفت النور ورجعت جلست بجانبه،وبعد ساعه وبعد ماوصلو ثالث حلقة هي لاشعورياً نامت رأسها يميل لكتفه وصدره،أما هو كان مندمج ولقطة عنيفة جداً جداً وكان من امتع اللقطات عنده لقطة العنف والمضاربة المبرحة مثل ضرب بالساطور والاحزمة

حاول تغميض عينه لاجل لاتجيه الحاله اللي تجعلة يشتهي انه يضرب

وخصوصاً ان قلب رهّف بأتجاه هيام!

طلع من نتفلكس وهو ياخذ نفس رغم كان متمتع بالمسلسل بس خاف يتهور بهيام ويفضل المشاهده لوحده

قام من على السرير وهو يحط جواله بجيب ثوبه وحمل الايباد مابين كفة وطلع من الغرفة والتقى بريوف الي ارتعبت وصرخت،وارتعب من صراخها وتوسعت عيونه ورفع حاجبه:وجع وجع

ريوف بخوف:انت ك كنت داخل؟

فارس:اي اي كنت داخل مع رعد نتابع مسلسل!

ريوف بعصبيه:وخر،اقولك وخررررررر!

وخر من الباب ودخلت هي وسكرت الباب بقوة،دخلت وفتحت الانوار وتقدمت لهيام اللي كانت نايمه بعصبيه وسحبتها قامت هيام بخوف

ريوف بعصبيه:أنتِ صاحيهه؟أنتِ والولد ذاك بغرفة وحده!مو قلتي بروح بنام!

هيام بتلعثم:من الحصص الاولى وهو يحن علي أني اتابع معاه وهو معتبرني صديقه ومرتاح لي،والله فارس غير عنهم

ريوف:وانتِ مصدقة انه غير؟

هيام بخوف:ريوف لاتكلميني بهالنبرة أخاف

ريوف ببحه:تخيلي لو قرب منك؟تخيلي انتِ وياه بغرفة والشيطان ثالثكم هيام لاتنسين احنا ليه هنا!

هيام ناظرتها ونزلت رأسها،ريوف بخوف عليها بنبرة تنبيه:أنتبهي ياهيام أنتبهي.......

نزل أبوفهد من السيارة ودلو ليال وشيم من سيارة تاكسي

ليال بتحلطم:عشرين ريال لقيناها بصعوبه ماندري كيف بنعيش اخرتها بناكل أنسفنا

شيم وهي تناظر البيت:هذا هو أستاذ عبدالله

ليال وهي مصغرة عيونها بسبب الشمس القويه:أي عبدالله؟

شيم ضربتها:مدير المدرسه ياحماره.

ليال:طيب شلون بندخل بيته ونفتش وهم موجودين والحين العصر وأي شخص يشوفنا داخلين البيت اكيد ببيلغ واحنا ناقصين قضيه رقم الف

شيم:أنتِ شفيك انا قلت نلحقه ونعرف بيته ونراقب وين يروح وبعد مايروح نفتش بيته،التفتيش يبي له خطه ثانيه

ليال:الله على ذكائك أفرضي ماطلع من بيته نجلس ننتظره على الفاضي؟.

شيم مسكت أذنها بقوة:شوفي عاد بتساعديني ولاشلون انا الغلطانه اللي ماخذتك معي.

ليال دفعتها:يالله مناك أصلاً ماخذتني عشان انا الاقوى فيكم ولابتاخذين ريوف وهيام البكايات؟

شيم:لو ماخذتهم أبرك لي

ليال بغضب:شوفي عاد

شيم قاطعتها:لا شرايك نسحب شعور بعض والجيران يتفرجون علينا من الشباك؟

ليال بغيض:سخيف.

•••••••••••،••••••••

الساعة١٠بالليل

ليال وشيم قاعدين على الرصيف يتأملون بيت أبوفهد

ليال بهدوء:تهقين وش السبب اللي يخلي أبوفهد يتزوج اخت المشرفه بالسر ويبعدها عن اهلها؟

شيم بغضب:لانه وأطي!

ليال:ممكن اخت المشرفه ماتت

شيم:يمكن حابسها ومعنفها بعد اللي يتسمون مسمى الرجال تلقينه يعنف زوجته ولا اخته ولا بنته!

ليال:قررتي تكرهين العيال بعد موقفك من اخوك؟

شيم ناظرتها بغيض:لا طبعاً كذا خلقه ماحبهم ولا أطيقهم

ليال:تدرين عاد أخوك فرط بوحده مايلقى مثلها أبداً يوم رماك بدار الايتام

شيم ناظرتها بسخريه:الشمس من وين طالعه؟ليال العوبه المغروره تمدح شيم.

ليال ببرود وهي حاطه إيدينها تحت فكها:صدقيني ضربة الشمس لها دور

شيم ضحكت بخفة وثم قالت:أنتِ بعد ماينفرط فيك ليت أهل أمك خذوك وربوك

ليال بسخريه:انا كنت بنت عسكري أفتخر فيه،الحين بنت المدمن وخاين للوطن،ماتت أمي من القهر ورموني أهل أبوي لخوالي وخوالي رموني لدار الايتام.

شيم غمضت عينها وهي تتذكر،كانت تلعب بعروستها وبأنتظار أمها وأبوها

ومنتظره هدايا أبوها اللي يوعدها دايم بجملتة:بنروح انا وماما ونجيب لك العاب كثيره،طلعت للحوش وتنتظر حتى مانزلت دموعها بتأخيرهم أول مره يتأخرون كذا.دخل زياد أخوها وأبتسمت باللهفة من بعد زواجه ماصارت تشوف الا بالاسبوع مره وركضت وحضنته وشالها وهو يشد عليها بدموعه التي تنهمر على خده،لداخل البيت قامت الشغاله بعد ماكانت نايمه بالصاله

جلس زياد وجلست شيم أخته على فخذه وكانت بعمر الست سنوات:ماما وبابا راحو السوق وتأخرو.

زياد ببحه:شيم.

ناظرته وهي ترمش عينها،بكى زياد بعدم تحمل:ماما وبابا..راحو عند الله

داهمها الخبر المفاجئ أكبرها الرهبه وصعوبة الفعل على الخبر:يعني مافي ماما وبابا؟

حضنها زياد وهو يبكي بشده:خلونا ياشيم خلونا

مانزلت منها دمعه وحده فقط كانت مصدومه من بالخبر..

••••••••••••،•••••••

بعد ايام،بعد أنتهاء العزا؛

جمع ملابسها بالشنطه وناظرها وسحبها لحضنه

زياد:راح نبقى مع بعض وراح تبقين بنتي وأختي الصغيرة تمام؟

هزت رأسها شيم وهي لازالت بصدمتها

مسح دموعه ووقف وشبك يدها بيده،وراحو لبيت زياد بحكم بيت أهل شيم إيجار ماهو ملك.

أستقبلتها سنأ:ياهلا بشيم الحلوه،تعال بدر حبيبي أخذ عمتك الصغنونه هذي والعب معاها

••••••••••••،••••••••

بعد مرور أسبوعين؛

سنأ:وبعدين يعني أحنا لاقيين ناكل عشان نربي أختك؟انت راتبك كله الف ريال بتكفينا؟لاتنسى البيبي الجديد جاي على وصول

زياد بحده:شلون يعني شيم مضايقتك بوجودها؟

سنأ بحده:أي أسمع ياانك توديها دار الايتام وهم يعتنون فيها ويربونها وأحنا كل أسبوع نزورها ولاترى باخذ ولدي وأروح بيت أهلي

زياد وقف:تهددين يعني؟

شيم وبدر كانو يسمعون صراخها،بدر:نلعب كوره؟

شيم:الكوره للعيال مو للبنات

بدر:انتِ أصلاً ولد بس أحنا غيرناك وخليناك بنت والحين صرتي ولد

شيم:لا انا بنت

بدر:أف يالله خلينا نلعب

شيم تقدمت له وبدو يلعبون

عند زياد وسنأ كان صراخهم عالي جداً،كل منهم يصرخ بوجه الثاني حتى مالبست سنأ عبايتها وطرحتها وطلعت باللحظة خروجها ركلت الكورة شيم وضربت ببطن سنأ بغير قصد.

صرخت سنأ بالم حتى ماوقعت على الارض،زياد كان ماسك رأسه ورفع راسه بالحظة ماسمع وقف بخوف وركض لها:سنأااا!

رفعها وسنأ بتعب وصراخ:زيااددد البيبييييي!

الفت زياد بعصبيه من فيكم رمى الكوره عليها؟

بدر ببراءة وخوف:شيم والله

حمل سنأ والتقى بشيم وهو يمشي ورفسها على ركبتها ووقعت وطلع من البيت.

•••••••••••،•••••••••

بالمستشفى؛

زياد ببتسامه:الحمدالله البيبي بخير

سنأ:تنتظره يموت يعني؟

زياد كشر:وش هالفال؟.

سنأ بغضب وقهر:أختك حذفت علي الكوره وقاصده تضرب الكوره على بطني

زياد:رجعنا لموضوع أختي؟

سنأ:أختك مايتحملها أحد ان مارسلتها وديتها دار الايتام والله يازياد أنك ماتشوفني لا انا وبدر ولا البيبي الجديد يأنه يموت يأنه يتربى بحضن أبو جديد

صفعها زياد وملامح الغضب بوجهه وهمس لها:عيالي يتربون بحضني أنا طال الزمن ولاقصر،طلع من الغرفة ورجع البيت،دخل غرفة شيم وبدر

شيم شافته رجعت خطوة للخلف بخوف زياد بهدوء وهو يكابر بحنيته:تعالي

شيم هزت رأسها ب لا،صرخ زياد:قلت تعالي

تقدمت شيم له بخوف جلس بمستوى طولها وحضنها بقوه وثم بعد عنها مسك وجهها:تبين بنات تلعبين معهم وتنامين معهم؟

ناظرته بصمت،زياد:باخذك مكان حلو وكله بنات تمام؟

شيم:بتجي معي؟

زياد:لا.

وقف ونزل شنطتها من فوق الدولاب وجمع ملابسها وأغراضها

شيم وهي تمسك يده:زياد والله والله ماسوي أزعاج،نزلت دموعها:زياد.

سكر شنطتها متجاهل بكائها شال شنطتها بيساره وسحبها من ذراعها لدار الايتام لرعايه

وقع على الاجراءات،ناظرها وكانت نظرتها تقطع القلب ووقف من دون مايحضنها بس ودعها بنظرته.

••••••••••،•••••••••••

نعود للحاضر،كانت ليال تتحلطم:أف بموت بموت وهذا للحين ماطلع من بيته

دفعت شيم من كتفها:أكلم مين انا؟

شيم:هاه؟

ليال:أقولك أمشي نرجع

••••••••••••،••••••••••

بالمدرسة بيوم جديد وتحديداً بغرفة المدير

أبوفهد:أسمعني ياسعود والله لو ماتعقل لا أوديك السجن بنفسي وليه سجن أحبسك بمستشفى مجانين مثل ماحبستك هنا.

سعود:سجن ولامستشفى ولامدرسه كلها خير وبركه دام السكن بالمجان مانقول لا.

أبوفهد:أخر تحذير أقوله لك فهد ولدي أبيك تبعد عنه تفهم.

سعود باستهزاء:والله ياعمي اقصد يامدير انه العيال حاولت أبعد عنهم بس ماقدرت!اكتشفت انه العيال مشاركيني حتى النفس اللي أتنفسه صعبه أبتعد عنهم او هم يبتعدون عني لانه انا وياهم جسد واحد.بعدين خايف على فهد؟

فهد مايحمل لك ذرة حب على فعايلك معاه!قدامنا تضربه وقدام الطلاب تضربه وتفشلة وتهينه وحابسه بهالمدرسة وكرهته بأخوانه والحين خايف عليه مني؟صدقني لو انا بضر أخوياي كان من زمان علمتهم اني مدمن وخربتهم معاي عادي.

أبوفهد:ماقول الاالشرهه على اهلك اللي تركوك أمانه لي

سعود ضحك:والله تقدر تعقيني منك وتطلعني من مدرستك بالنهاية ماراح أصير دكتور ولا معلم ولا بصير مهندس بتتعب معي.

أبوفهد:أن طلعتك مالك غير السجن

سعود ضحك:الحين اقدر اطلع واحضر حصصي؟

أبوفهد:توكل وإياني وإياك تخرب فهد بحبوبك هو بروحه موريني الويل.

سعود ضحك بأستفزاز وطلع.

••••••••••••••••،•••••••••••••

بالفصل"كان فسحه"

فهد كان ينفث الدخان وحدق بدفتر اللي طايح تحت كرسي شيم أخذه.

وطاحت صوره صغيره نزل نفسه وأخذها كانت صورة شيم وهي صغيرة مع أبوها عقد حاجبه

دخلت هي الفصل وتوسعت عيونها بالحظة ماشافت الدفتر بيده والصوره

ركضت وسحبت منه الدفتر والصوره اللي ماسكها،بغضب:من سمح لك تمسك دفتري؟

فهد:البنت الصغيره تشبهك نفس ملامحك

شيم بحزم:لانها اختي اكيد تشبهني وان شفتك ماسك شيء من اغراضي كسرت أصابعك

فهد:ترا ماني ميت على أغراضك ولا صورة أختك هذي اللي متأكد انها أرجل منك

شيم:وانا متاكد انها ارجل مني ومنك بعد..

فهد وقف من كرسيه وسحبها من فكها:انا راسي مصدع لو ماتعطيني عرض مقفاك،وصرخ بوجهها:لا أجرم فيك هنا.

ودفعها على الطاولات وطاحت،وشيم تألمت وصرخت أهخخ وفهد تأفأف وتقدم لها ببرود وناظرها كيف تتألم،نزل لمستواها ومسك يدها وصرخت بألم..فهد وقف:أمش أوديك المستوصف!

شيم وهي تمسك يدها بألم ووقفت بصعوبه:مابي.

فهد بعصبيه:تستهبل انت يدك مو قادر تحركها،ولا أقولك توفر علي أحسن

ودفعها على الارض مره ثانية،وراح جلس بمكانه وطلع زقارة

كانت على وشك أنها تبكي من ألم يدها وقفت ودخلت ليال الفصل وشافت شيم طايحه:شيم!.ركضت لها ورفعتها وشيم التفتت على فهد على أمل ماسمع مناداتها

•••••••••••••،•••••••••

فارس وسلمان وسعود دخلو الكافتيريا؛

فارس اشر بحاجبه أن يقعدون مع هيام وريوف بسبب الطاولات المزدحمه

وجلس فارس بعباطه:سلام

وجلس سعود وسلمان،ريوف تضايقت من وجودهم

هيام بأرتباك وتلعثم:ليه جايين؟

سلمان:أنه الطاولات كلها فيها أوادم الا طاولتكم قلنا نقعد معكم

فارس ناظر بريوف ومسك يدها عمداً ارتعبت ريوف وبعدت يدها ووقفت من الطاوله.

فارس ضحك:شفتو مايحب احد يلمسه

هيام:فارس!

سعود ببرود:رائد اجلس ماراح يعيد حركته

ريوف كانت واقفه،صرخ سعود:قلت أجلس

جلست بخوف وسعود خر فارس!

فارس ناظر بهيام:تجي اليوم ولا أجيك؟محمل لك أفلام كرتون عشان ماتخاف يالخكري،قالها بمزح

هيام بحده:تابعها لحالك والخكري انت

قامت وريوف على طول قامت معاها.

••••••••••••،••••••••

فهد فعلاً مانتبه على مُنادة ليال لانه فقط سمع صراخها ولا أهتم قعد على جواله

ليال بهمس:فيك شي؟

شيم بألم:يدي ماقدر أرفعها

ليال ناظرت فهد:انت وش ماتستحي على وجهك.

فهد وهو يلعب بجواله ببرود:لاماستحي على وجهي

ليال:غثيث

فهد وهو يلعب بجواله ويستهزئ عليها:سج والله؟

شيم مسكت قارورة وحذفتها على رأسه وناظرها بغضب وهو رافع رأسه بغضب:تبي اكسر يدك الثانيه؟ماتعقل انت؟

شيم:يالله اكسر

ليال مسكت شيم لاجل ماتتقدم لفهد وتتهور:ياجماعه المسامح كريم

فهد:مسامح كريم ماينطبق عندي

تقدم وكان فرق الطول بينه وبين شيم فضيع جداً مسكها من فكها لكن رفسته على منطقته بقوة وطاح ودخلو الطلاب الفصل بعد مارن الجرس فهد ناظرها بتوعد

شيم جلست مكان فارس وجلسو البنات بجانبها بأستغراب وهي ماسكه يدها بألم

دخل فارس الفصل؛

فارس:خير ياورع مكاني

شيم حذفت عليه القلم بغضب،هيام:خلاص تبادل معاه أبي صديقي جمبي

فارس:عشان رعد بس ولا علمتك كيف تحذف علي القلم

وراح وجلس بمكان شيم اللي كان مكانه بالاساس.

سلمان:شصاير متهاوش مع شهاب؟

فهد:هو اللي بدا

سعود:سبحان الله بدا دايم هو اللي يبدي وهو المخطي

فهد:شتبي انت؟علمني انت ليه تدافع؟

اف سعود وعطاه ظهره،وفهد سند ظهره على الجدار وناظر شيم اللي تتالم من ايدها

ونطق بحدته:عساه للقطع

فارس ناظره بفهاوة:هاه؟.

فهد حدق فيه بغضب:شتبي انت؟

وعدل جلسته ووضع إيدينه على الطاوله ورأسه فوق إيدينه ونام

فارس همس لسلمان:شفيه ذا عصب علي؟

سلمان بنفس الهمس:مسوي الحين معصب ولا احد يكلمني خله جاته الحالة

بالحصة الاستاذ يشرح وسلمان على جواله وهو مخبيه تحت الطاوله،وسعود مو مهتم ولايسمع الشرح وفارس يشخبط على طاولة وفهد نايم على الطاوله

الأستاذ التفت وتهد من وضعهم لااحترام ولاتقدير:سعود تجي تحل المسألة؟

سعود ببرود:رجولي تعورني

الاستاذ:مو مشكله تقدر تحل من مكانك

سعود:ماقدر ألاحبال الصوتيه عندي تعبانه وراسي مصدع مالي خلق

الاستاذ ناظر سلمان:وانت ياسلمان

سلمان رفع رأسه:حول حول اللي بعدي

الاستاذ بغضب:وبعدين يعني لااحترام ولاشطاره انا قد ابوكم المفروض تحترموني وتقدروني هذا احترام المعلم انا يوم كنت طالب الاستاذ يجلدني وانزل رأسي احتراماً له

سعود قوس شفايفه:يعني أفهم من كلامك ناوي تمد يدك؟

سلمان:لا يا أستاذ ماتفقنا على كذا بس اذا حاب تجرب وتبي نكسر يديك ماعندنا مشكله

الأستاذ:انا كنت صابر ومتحمل لاجل رزقي لكن دامكم بتبقون بهالمدرسة مافي مفر منكم انا بتقاعد

طلع بغضب وضرب الباب بقوة على الجدار حتى ماصحى فهد من صقعته

سلمان:نقول عاشر معلم يطلع من المدرسه؟

ضحك سعود بخفه وهو يرفع حاجبه:والقادم اكثر

فهد عقد حاجبه:شفيه ذا روعني

سلمان التفت عليه:نام حبيبي نام انت انت والفاهي اللي جمبك مايدري وين الله حاطه..

فارس رفع أنظاره وثم كمل شخابيطه على الطاولة..

فارس رفع أنظاره ثم كمل شخابيطه

سعود ناظر بشيم وثم التفت على فهد:الولد شكله يده انكسرت ماتقوم توديه المستشفى

فهد ببرود:قلت له بس مايبي.

فارس:ليه مايبي؟

فهد:مدري عنه،داخل علي بشره وانا كاف خيري شري وسحب مني الدفتر وصورة اخته

سلمان عدلت جلسته والتفت عليهم:اخته؟حلوه؟،سعود خزه

فهد:لاتتحمس تراها بزر.

فارس وهو يناظر البنات:ترى انا احس فيهم شي غريب مثلاً رائد مايحب احد يلمسه ولايكلمه ولايجلس معاه حتى القلم اذا خذيته منه مايستخدمه بعدي

ورعد يرتبك بكلامه ويتأتاه وتحسونه ضعيف الشخصيه يمشي ورا شهاب

كل ماقلت له شي قال بستأذن من شهاب

فهد بأستهزاء:على اساس شهاب ينشد فيه رفسه وحده تكسر كل عظامه

فارس:ترى صدق غريبين ياعيال حتى الطلعات مايطلعون وكله بغرفتهم ويوم سالت رعد أرتبك بكلامه وقال ماعندنا سياره

سعود بهدوء:صدق ماعندهم سياره لانه دايم اشوفهم يركبون تاكسي وبعدين موشرط فيهم شيء لاتستغرب انه ماعندهم سياره أصلاً تحت السن ١٨

توهم وبعدين حتى انت ماشريت لك سيارة الا تو

ابتسم فارس بخفه وهو يتذكر:جدتي ياجعل يومي قبل يومها باعت ذهبها عشان تشتري لي سيارة

سعود أبتسم:يخليها لك،متى اخر مره التقيت فيها ؟

فارس:مدري يمكن قبل شهر

سلمان:فروس لازم تتواصل معها وتزورها

فارس بلع ريقه وهو يناظر سلمان:ودي بس خوالي مو معطيني اي فرصه اتواصل معها كل ماروح سمعوني بالكلام أني سبب تعبها الحين واني متعبهم بمشاكلي.

فارس نزل رأسه وهو يشخبط على الطاولة:واخر مره التقيت بجدتي قالت لي انت مين.

رفع رأسه:جاني خوف صحيح خوالي حرموني منها بس متعود على حسها بهالدنيا،مابي أفقدها مثل مافقدت اهلي

فهد شد على يد فارس وأبتسم فارس بخفه،سلمان حس بأنكسار فارس:كلنا فروس محرومين من الاهل والعزوه رغم أنهم عايشين صدقني جدتك تعبت وبتشافى اكيد مع الادويه

اخذ نفس بوسط حكيه:تصدقون ان انا بيوم شفت امي بالصدفه رغم اني ماشفت وجهها بس حسيت فيها وعرفتني جاني شوق لها كان ودي اركض كني طفل واحضنها بقوة بس زوجها جاء ومسك يدها.رجعت ذاكرتي يوم تزوجته بغيابها كان يضربني وبوجودها يحضني

عض شفته:لكن بوجودها طردني من البيت وقتها نمت بالمسجد

ناظر فهد وضحك بسخريه:وشافني أبوك وجابني بهالمدرسة وصرت صديقكم وسوينا حزب وشلة العفاريت

فهد:تصدق عاد ذا احسن شي سواه أبوي انه جمعنا احنا الاربع بمدرسته الخايسه،والله صدق لو مو أنتو بحياتي كان الحين انا مؤدب وداخل كلية الطب،ضحكو،سعود بعد ضحكته:فهيد شوف الولد يتألم روح له

فهد:ياخي ان رحت له ورفع مرارتي وضربته

فارس:روح وأن رفع مرارتك اضربه

فهد:واذا تدخل سعود؟

سعود ببرود:ماراح اتدخل بس كلمه بالاول مو تضربه

سلمان سحب القلم من فارس وهو يطقطق:هاك القلم عشان لارفع مرارتك تغز عينه بالقلم

فهد اخذ القلم:فكره.

وطلع من مكانه بعد مانقز من فوق فارس وتقدم للبنات ووقف قدام طاولة شيم

ودخل القلم بجيبه،شيم وهي ماسكه يدها:شتبي؟.

فهد بمكابرة:يدك تعورك؟.

ليال ردت عليه بسخريه:لا تصدق يدغدغه

فهد بحده وهو يناظرها:ماكلمتك انا.

ليال بأبتسامه استفزاز:مو مجبور تكلمني او تعطيني فوصه اتكلم انا اتكلم متى مابغيت

فهد ضرب الطاوله وأرتعبت هيام:ماتمسكون خويكم لاوربي اكسره هو بعد.

شيم بغضب وهي توقف:كانك رجال مد يدك عليه

سعود تقدم لهم وسحب فهد وخلاه خلفه وماسكه بمعصمه وبمجامله وهو يناظرهم:ياجماعه الامور ماتوصل كذا احنا نبي نطيح الحطب،ناظر شيم:فهد جاي يعتذر ويوديك المستشفى

شيم صرخت بقهرها ومن شدة الم يدها:مابي اعتذاره ولا ابيه يوديني المستشفى،انت بالذات لاتتدخل انت خلك رجال وامسك خويك

سعود عقد حاجبه وتقدم لها بغضب وهو يحط إيدينه على الطاوله:جالس ترفع صوتك علي؟

ريوف وقفت وطلعت منها شهقة وشفايفها ترجف

ناظرها سعود وتحديداً عيونها أنخضع غضبه وهو يناظرها محد كان منتبه لخضوع غضبه الغريب التفت لفهد يدفعه قدامه وراحو مكانهم

فهد:روح له وكلمه!وهو مايستاهل

سعود بغضب:خلاص عاد لاتصدق لا أفرك وجهك

فهد كان بيرد،فارس:ياجماعه

فهد وسعود:كل تبن

فارس:أوكي

•••••••••••،••••••••

عند شيم طلعت من الفصل ولحقتها هيام،دخلت المبنى السكني وقف رجل الامن:ممنوع تدخلون الا بعد انتهاء الدوام

شيم بتعب:يدي طحت عليها وتعورني ماقدر أكمل دوام

رجل الامن ناظر هيام:والاخ اللي معك؟

هيام:بشوف يده

ركضت شيم لدرج غرفتها وخلفها هيام شيم جلست على السرير منزله رأسها

هيام جلست على الارض قدامها:ودك تبكين؟

شيم رفعت رأسها:وليه أبكي؟

هيام:باين من عيونك فيك البكيه بس تكابرين.تكابرين حتى بدموعك!

شيم:وش هالدراما؟من قال أبي أبكي

هيام:ماودك نروح المستشفى؟

شيم:المره اللي راحت ربي سترها بس هالمره يمكن ربي مايسترها علينا ونروح فيها.

مسكت خد هيام بيده:هيام انتي روحي عند البنات مانبي يجي ابو هالغثيث يعصب

هيام بنعومه هزت رأسها وطلعت شيم عضت شفايفها بألم نزلت دموعها بشكل هيستيري من الم يدها باللحظة اللي ماتحرك يدها او ترفعها يزيد الالم بقوه وغير أن يدها الثانيه ثابته لاكن تؤلمها بشدة

أتصلت على المشرفه؛

ردت عليها بنبرة القساوة،شيم وهي تبكي وتشاهق:يدي تعورني..ماقدر ارفعها خلينا نرجع الميتم مو قادره اتحمل اقعد دقيقه هنا!

المشرفه هدى:حطي عليها ثلج وخلاص

شيم بعصبيه:أقولك يدي تعورني يدي انكسرت ومنتفخه وماني قادره ارفعها

المشرفه هدى:شيم عن الدلع وكملو شغلكم ترى اشوفكم ماسويتو شيء لاتحسبون اني ما اراقبكم ولا ادري عنكم صدقوني بمكالمه وحده أرميكم بالسجن بنهاية لامستقبل ولاحياة تشوفونها

تكلمت بنبرة قساوة جداً حتى ماجعلت شيم تكتم شهقاتها وتتخلى ملامحها لبغضب

حذفت الجوال بقهر على الارض وانكسر وركضت لناحية الجوال وهي تتالم وشافت الجوال منكسر مامنه صلاح وصرخت بقهر:اوفففف

•••••••••••،••••••••

انتهت الحصص؛

فارس دخل غرفة سلمان وفهد وتربع على سرير فهد:على اني ماذاكر ولا اسوي شي الا اني احس اني منكرف كرف.واخيراً الخميس جاء ماني مصدق الخميس جاء!

سلمان:ياحياتي عليك تنتظر الخميس وانت كل ايامك خميس

فارس ناظر فهد اللي ساكت:شفيك منفس؟

فهد:منفس من سعود وحركاته معي.

دخل سعود:شفيها حركاتي معك؟

فهد صد وجه بزعل جلس سعود بجانب سلمان على السرير بيرود:مسوي زعلان؟

فهد:على أساس يهمك الحين

سعود بحده:جاي أواضي بزر انا؟قول وش مزعلك

فهد بقهر:زعلان من تصرفاتك معي قدام هالخكاريه تفشلني وتصغرني قدامهم فوق ذا تمصخرنا والسبب انت،اجل انا شهاب واخوياه يرفعون صوتهم علي ولا يراددوني وانا اسكت ماسوي لهم شيء؟..

سعود بهدوء:وش يرضيك الحين؟

فهد ناظره:انك ماتتدخل باللي اسويه معاهم!

سلمان:ياعيال اخلصو تراضو الليله وعازمكم على عشاء هاه موافقين؟

فهد ساكت وسعود ساكت،سلمان:شكله مافي الا انا والفاهي بنطلع!

سعود ببرود:معاكم

فهد وهو يخز سعود:معاكم

••••••••••••،••••••••

الساعه٦

البنات جداً متمللين لاروتين ولا تسليه،هالمكان مايفارق السجن ابدا

ليال بتضجرها وهي تضرب طاوله الستريحه:وع اذا بنقعد كل يوم لين مانلقى اخت الافعى ذيك!

والتفت عليهم:ليه مانروح عند عبدالله ونصارحه؟

عقدو حواجبهم هيام وشيم،ليال:نقول له انت متزوج بفتاه اسمها هناء اذا قال اي نتفاهم معاه ونقول رجع البنت لاهلها وبس انتهى الموضوع

شيم بسخريه:ليت نشوف الحياة زي ماتشوفها ليال!

شرايك بعد نقوله احنا بنات هاربين من دار الايتام وجايين نراقبك!

ليال هزت اكتافها:فكره يمكن يسامحنا ويساعدنا

شيم حذفت عليها المخدة وتالمت من يدها:ذي اللي بقوم عليها صدق!

هيام ناظرت ريوف اللي ساكته:فيك شيء؟

ريوف هزت رأسها ب لا. شيم:أكيد؟

ريوف هزت رأسها بالتأكيد،ليال:زين بنات قومو نتمشى شوي نشم هوى؟

شيم ناظرت ريوف:تبين؟

هزت رأسها بالموافقه،قامت ليال بحماسها.

•••••••••••••،•••••••••••

طلعو لحديقه قريبه من المبنى،هيام:بروح البقالة تبون شي؟

ليال بدلع:أبي كندر وحليب كاكاو

شيم بقرف:تكلمي عدل يرحم أمك

ليال بدلع مايع لتستفزها:كندر وحليب كاكااااو

هيام:وريوف تبين شيء؟

ريوف:لامابي.

راحت هيام لبقالة وشيم ناظرت يد ريوف وسكتت وتنهدت من وضع ريوف

•••••••••••،•••••••••••

عند العيال

سلمان وقف سيارته عند البقاله سلمان بهدوء:من ينزل يجيب دخان؟

سعود ببرود وهو بجانب سلمان:مافني انزل

فهد:أصغر واحد فينا ينرل.

ناظرو فارس،فارس:نعم انت وياه اقصر واحد فينا ينزل،يالله فهيد انزل.

فهد:لايحبيبي قلنا اصغر يالله انزل

••••••••،•••••••••••

هيام وهي تشتري رجعت للخلف وصدمت بجسد واحد والتفتت بأنحراج:أس اسف.

الرجال بغضب:أسف وش مهبول انت تمشي بالمعكوس

هيام ماردت عليه كانت بتمشي ومسكها من معصمها بقوة وبنبرة تخوفها جدا:جمع كل اغراضي اللي طيحتها بالارض

هيام بألم:أتركني.

الرجال بغضب:ماني تاركك جمع كل اغراضي اللي طيحتها!

فارس دخل البقالة؛

الس،قطع سلامه وهو يلتفت على هيام وعقد حاجبه وهو يتقدم لهم:رعد؟

هيام افلتت من يد الرجال بصعوبة،تقدم فارس قدام رجال:شفيه؟

الرجال وهو يلعب بشعر فارس:يروح الماما انا لاتتدخل السالفه بيني وبين هالخكري اللي وراك فارس التفت رأسه على صوت هيام:دعمته بالغلط!ويبيني اشل اغراضه غصب!

شبك فارس يده بيد هيام ورفع حاجبه بسخريه قال الرجال:بالظبط هذي المشكله،يالله ياحبيبي اطلع منها وخلني اتفاهم مع هالخكري

فارس ضحك وشد على يد هيام حتى ماتوترت وتبدلت ضحكته لغضب برزت عروقه وهو يلكمه بيده اليمنى طاح الرجال وضحك ووقف:دام كذا لاتطلع رجولتك هنا!انتظرك برا.

هيام بخوف وهي تمسك كتف فارس وتحاول تسحبه:فارس معليك منه أمش

فارس بضحكة بتحدي وهيام تسحبه:جايك جايك طلعو فارس وهيام،فارس تقدم لحديقة ينتظره هيام بخوف:فارس أسحب عليه من جدك بتنتظره؟!

فارس مارد عليها ومنتظره بكل حماس وطق رقبته يمين ويسار وصل الرجال وخلفه خمسه!

ضحك الرجال وهو يتقدم لرجال:أنتظرك برا واخر شي جايب كلابك؟

ضحك الرجال وفارس رص على يده وضرب جبهته بجبهة الرجال

•••••••••،•••••••••

بسيارة سلمان؛

سلمان:الفاهي قايل لكم تلقونه دخل البقالة وناسي احنا وش نبي

سعود التفت يناظر الحديقة وعدل جلسته وهو يصغر عيونه:شباب كأنه فروس يتضارب؟

فهد وسلمان اقتربو يناظرون بحركه سريعه من الشباب نزلو من السيارة يركضون لفارس

وبنفس الوقت شيم وقفت تنتبه على هيام!

ليال كانت متربعه على بالارض:شصاير كأنه هوشه هنا؟

شيم ركضت وقامت ليال وهي تلحقها،سلمان مسك أثنين وبرحهم بالضرب بأحد زوايا

وسعود سحب الولد اللي فوق فارس وضربه،فارس ابتسم من فزعتهم له رغم أن قادر عليهم ماهو خايف بس أبتسم وأنبسط من داخله وتقدم لرجال اللي تحداه وخلى رجاله يضربونه دب الخوف بداخله ورجع خطوه للخلف الا فارس يسحبه ويتضارب معاه بشكل عنيف،شيم تقدمت وهي تدفع رجال عن هيام وتقدم فهد وهو يسحبها وبهمس لها من الخلف وهو يثبتها بقوة بمسكته لها بهدوء:نصيحتي لك لاتقرب عشان ماتنكسر يدك الثانيه!وتقدم لرجال ولكمه

وتمت المضاربه بين العيال المتهورين،والرجال دفع سعود على ورا وطاح سعود على ريوف لكن بسرعه قام ورد له الضربه وامتلى وجهه بدم وريف طاحت بسبب جسد سعود

هيام خشمها ينرف دم وشيم ماتحملت وتقدمت لرجال اللي يتضارب معه فهد وسحبته وهي تعطيه رفسه على منطقته وتضربه بشكل جنوني فهد ركع ظهره وهو ياخذ نفس ورفع رأسه على شيم وثم دفعها على الارض وطاحت على يدها وبدا يتضارب معاه،فارس مسك الحصى وضربها على جبهة الشخص اللي يتضارب معاه

سلمان رفع رأسه بعد ماسمع الصوت ولمح سياره الشرطة وصرخ:النحشه!

ركض لفارس وهو يسحبه من ثوبه وفارس سحب هيام وسعود لكم الرجال لكمه اخيره ولف على ليال وريوف الطايحه ومتجمدة من الخوف والضرب اللي صار قدامها رفعها سعود وسحب ليال وركضوا وهو يصرخ وهو يدفعهم قدامه:بسرعه أمشو!

فهد بعد عن الرجال اللي شبه مغمي عليه من الضرب،وركض لكن رجع لشيم الطايحه ونزل وقعد على ركبه وهو يراقب الوضع:شهاب قوم الشرطه

شيم بألم وهي تصرخ وماسكه يدها:يدييييي!

فهد التفت على هرنات سلمان له وبسرعه شالها ولحقهم وركب قدام وهي بحضنه وبالخلف بالترتيب،سعود - ريوف - ليال - هيام - فارس

سلمان حرك السيارة بسرعة وهو يضحك؛

وسعود وفارس التفتو وهم يراقبون وضحكو

البنات مندهشين وخايفين ماعدا شيم اللي أستوعبت انها جالسة على فخوذ فهد

قامت بغضب:خير انشاءالله

فهد:تصدق أنك موب كفو ليت تالينك من شعرك.

فهد:تصدق انك موب كفو ليت تالينك من شعرك

شيم ببرود:نزلونا

سلمان:وين ننزلكم تستهبلون الشرطة وراي صاحين انتو؟

شيم تأفأفت وهي تخز فهد:ابي اركب ورا

سلمان بحده:أنثبر مكانك يالله ماتشوف الزحمه اللي ورا وانت اترك له مكان يقعد

فهد ببرود بعد رجولة وترك لها مكان بسيط بجانبه تأفأفت وجلست وتألمت من يدها والصقت رأسها على الشباك،فاوس مسك فك هيام وانصدم من الدم اللي بخشمها:ورع لايكون تعورت؟

هيام بتوتر:شوي.

ناظر وجه والجروح اللي انطبعت:أنت تعورت؟

فارس ضحك:لا طبعاً احنا نعور ما نتعور

سعود ناظر بحركات ريوف بيدها كانت تضغط أظافرها بقوه على يدها ومنزله رأسها

فهد وهو يناظر ورا:ضيعتهم صح؟

سلمان وهو يناظر بالمرايا:للحين وراي،أقولكم شي؟

ناظروه بأستغراب،سلمان بحزم:تمسكو زين!

مامرت ثانيه من حكيه الا حرك فيهم بسرعة القصوى بالسيارة ريوف تمسكت ب ليال بقوه وهيام كانت متمسكه بكتف ليال وثوب فارس الشباب كانو متمسكين ويشجعونه بحماس،شيم ماكانت متمسكه بشيء كل شوي يصدم رأسها بكتف فهد

ليال بصراخه وخوف:يرحم لي امك مانبي نموت خفف السرعه

ماكان حد يسمعها،لف سلمان بتفحيط وهو يضحك بعد مامرت نص ساعة من متعتهم وخوف البنات

وقف سلمان سيارته قدام الممشى

سلمان لف بجسمه عليهم:شرايكم متعتكم صح؟

ليال:موتنا قصدك،سخافه اللي سويتها

فهد التفت عليها:يالخكري وش مزعلك الحين؟هذا الجزى يوم هربناكم معنا؟

ليال تكتفت بغضب،سعود فتح الباب لاجل يدخل الهوى:ننزل نقعد على الكراسي؟

شيم فتحت الباب ونزلت ونزل فهد مبتسم لها بسخريه وراح مع اخوياه وبقى شيم وسعود وريوف

سعود ناظر ريوف:شفيك ماتنزل؟

ريوف كانت ساكته،شيم تقدمت بأرتباك من وقوف سعود:رائد انزل

ناظر شيم وبهمس:خويكم مريض؟فيه توحد؟

شيم بحزم:لا مافيه شيء!

سعود بأستغراب بسخريه وهو يرفع حاجبه:يعني تشوف تصرفاته طبيعية؟

شيم تلعثمت:أي تصرفاته طبيعية وعلى فكرة ماسمح لك تشكك بصاحبي ولاتتكلم عنه بهالطريقة.

سعود رفع حواجبه بأبتسامه،سحبت ريوف ومشو وشيم تتحلطم:مثل حركات ولد عمه ماردى من ذا الا هذا.

ناظرت ريوف بحده:هذي المره المليون اللي ناويه تفضحينا فيها ؟

ريوف كانت ساكته وشيم تتحلطم دخلو الممشى وجلسو،سعود تقدم من وراهم وجلس

فهد وهو يمسح على الجرح اللي على شفايفه:ماتعلمنا شسالفه ليه تضاربو معك؟

فارس:أفضل رعد يقول لكم

ناظروها،هيام كانت قاعده بجانب فارس،وبأرتباك وتوتر:اء دخلت البقاله وانا اشتري رجعت لورا ودعمته واعتذرت له وهو عصب الا يبيني اشيل اغراضه ثم جاء فارس

سلمان:وفرع لك؟..

هزت رأسها،فارس:الحيوان شاف هالضعيف وقام يستقوي عليه وفوق ذا جايب كلابه!

شيم عصبت من جملته لهيام بالضعيف تمالكت نفسها بالقوة

فهد:والله انه حيوان صدق فوق انك معتذر له يبي يتهاوش معك

ليال ناظرته بأنبهار:مشاءالله مسوي ملاك؟

ناظرها من غير فهم،ليال:حبيبي لاتطلع منها نفس حركاتك

فهد يقلد نبرتها:والله ياحبيبي محد فيكم أعتذر لي

عدل نبرته:لو أعتذرتو لي ليه بتهاوش معاكم؟

ليال انقهرت من استفزازه وبروده:وليه أنشاءالله نعتذر لك؟

فهد بأستفزاز:تعتذرون وتبوسون مو بس تبوسون تلحسون رجولي لحس عشان اسامحكم

شيم:تخسي!

ليال:تخسي مره ثانية

فهد كان بيقوم بس مسكه سلمان:ياجماعة فكونا من هواشكم ترا صدق مصدعين مالنا خلق

فهد مسح دم على شفايفه ومابين خشمه ويخزهم وسعود كذالك يمسح الدم

هيام مسكت المناديل مسحت الدم اللي ينزل مابين حاجب فارس بهمس:ضربوك بقهوه وانت ضربتهم بشكل يخوف

فارس ضحك:خايف علي يعني؟

مسك المناديل ومسح على خشمها بهدوء:وانت لازم تدافع عن نفسك

هيام هزت رأسها بالايجاب،خلص من خشمها وحضن رجوله وهي لازالت تمسح له الدم

هيام نزلت يدها:مو خايف ياخذونك السجن؟

فارس بأستغراب:ليش؟

هيام:انك ضربته بالحجر

فارس ببرود:معليك الضربه خفيفه ومحد ميت قبل يومه وان مات الله يرحمه

هيام بذهول:يعني مو خايف ياخذونك؟!

فارس:محد راح ياخذني شفيك خايف؟

جلسو مابين الساعة وبسبب البنات وتضجر البنات وتملل سعود رجعوالمبنى

دخلو البنات المبنى وبقو الشباب

فهد:مشاءالله مخاوين شايب احنا؟

سعود:والله عاد جاني نوم ماني قادر اتحمل

فهد:اي ماتقدر تتحمل تقعد معنا بس مع الخكاريه تحب القعدة معهم

سعود عقد حاجبه:شقصدك؟

تقدم له ومسكه فارس وسلمان عدل وقفته بعد ماكان متكتف

سلمان بأستغراب ونبره هاديه:ورع انت وياه جالسين تتهاوشون من جدكم ولا مقلب من مقالبكم؟..

فهد ببرود:أنت فاهم قصدي زين ماتعلمني وش بينك وبينهم لدرجه انك تقرر يقعدون معنا وتدافع عنهم بكثره؟..

سعود ناظره ودخل المبنى من غير مايجادلة

فهد بقهر:شفتو حركاته معي؟

فارس:تراك مبالغ حاط دوبك بدوب سعود والعيال

فهد وهو ومتمالك أعصابه:فروس لاتقهرني انت بعد

فارس:انا بروح اتابع مسلسلي ابرك راح

فهد:هذا الي فالح فيه

سلمان:شفيك عليهم؟

فهد عدل وقفته:ماتشوف حركاتهم معي؟فروس صاير كله مع رعد ولا سعود الجنتل مهتم فيهم أهتمام،أنت بعد

سلمان:وش بعد؟..

فهد بتغلي:ساحب علي كله مع البنات

سلمان ضحك:مخلفك وناسيك؟.

وثم أستوعب وصد بناظراته:لحظة لايكون تغار علينا؟

فهد بأندفاع:أي اغار ليه مايهتمون فيني مثل مايهتمون بالخكارية،وانت الحين بتسحب علي وتقعد بسيارتك تكلم وثم تجي الغرفه تكلم

سلمان:أفا كل هذا شايلة بخاطرك بالغيور؟

فهد:كل تبن قال غيور

اتصل جوال سلمان وكانت عهود تنهد سلمان بضيق

فهد:شفيك؟

سلمان:هالبنت مافي مفر منها!كل اللي تركتهم مطززين لي الا هذي كل ماحاول أبعد تجلس تبكي وينكسر خاطري

المهم بقعد بالسيارة اسولف معها شوي وثم ادوج تجي؟

فهد:لامابي بروح أريح

••••••••••،•••••••

عند البنات

ليال:قعدتهم حلوه صح؟

شيم:لا طبعاً

ليال:والله استانسنا يعني عشنا مغامره

شيم ببرود:كلنا بنروح فيها وانتي تقولين مغامره

ليال وهي تبتسم لشيم:مالاحظتي بفهد شيء؟

شيم:نبي ننام ممكن تاخذين ريوف وتطسين غرفتك؟

ليال بخبث:كان بيهرب بس رجع عشانك

شيم بغضب:صدقيني لو مو يدي تعورني كان علمته كيف يشيلني

ليال:وكنتي قاعده على رجوله

شيم بغضب:وش تبين توصلين له؟

ليال بضحكة:تحسبني ابي اخليها تستحي ترى الرجال مادرى عنك حتى لويدري انك بنت ماهتم لانك مومن ستايله هو وسلمان ستايلاتهم حلوه وتعجبني وفخمه وسعود تقريباً مثلهم بس كله لابس ثوب بس فخم اما هذاك أف تحسونه فوضوي

هيام:حرام عليك ترى فارس مثلهم يلبس وفخم بس لانه بسيط ولايهتم للكشخه.

شيم بغضب:ماعندنا موضوع غير شلة فهد وش لابسين!ولا وش رايكم نقيم ملابسهم،علموني المعضل لبسه حلو صح؟.أستغفرت ربها وهي معصبه

ليال:أف هيام وش رأيك تجين عندي وريوف عند شيم ابي العب بوجه احد شوي بالميكب

شيم:جايبه معك ميكب مجنونه انتي؟

ليال:شفيك شفيك ميكب عادي جايبه مخدرات؟

شيم:لوصار تفتيش وشافو الميكب عندك

ليال:الله ليش هالدراما؟

بغمزه:فيه أشياء كثيره لو يفتشون ويشوفونها عندنا بيعرفون احنا بنات،وقامت هيام:ريوف بتنامين هنا؟

ريوف بهدوء:عادي

مشت هيام مع ليال وطلعو،شيم قامت وجلست بجانب ريوف: ريوف حبيبي فيك شيء؟

ريوف ببكي:يطلع لي

شيم عقدت حاجبها:يطلع لك مين؟

ريوف:اللي ذبحناه كل ماغمض عيني كل مافتح عيني كل ماناظر مكان أشوف طيفه،شيم والله تعبت هنا هالمكان يتعبني أكثر

شيم:ريوف تكفين تحملي والله احنا كلنا تعبانين وكلنا خايفين بس انتِ تعرفين القضايا اللي علينا قتل وأخفاء الجثه وتزوير بالهوية وتنكر!لازم نتحمل ونصبر

ريوف وقف:الى متى؟علميني الي متى وبصبر! كل اللي صار لكم بسببي انا يدك مكسورة ولا قادرين نوديك المستشفى عشان لاننكشف

شيم وقفت معاها:تهون ان شاءالله وبتعدي وبيبقى كل شي ذكرى بس انتِ استقوي نبيك تكونين قويه وماتخافين...

بعد كم ساعه دخل سلمان وجلس على السرير بتفكير ناظره فهد:شفيك؟

سلمان:عهود ميلادها بعد كم يوم وش أجيب لها؟

فهد وهو يلعب بجواله:روج،كحلة،ورد أي شي

سلمان:تستهبل معي ولاصادق؟

فهد ناظره: شوف محد بينقذك بالهالامور الافروس عنده ذوق بأختيار الهدايا

سلمان:ياخي هالبنت نشبه بالحلق

فهد:خلاص أتركها وقول لها مانقدر نكمل مع بعض ولاأقولك عطها تصريفه اللي أبوي بيزوجني بنت عمي

••••••••،••••••••••

عند سعود وفارس؛

سعود قام من النوم وطفى المكيف ورجع لسريره وتغطى،فارس بحده قام:صاحي؟.

سعود ببرود:بردان

فارس قام وشغل المكيف وسعود قام من السرير وطفاه،فارس بغضب:لاتطلع حرتك فيني عاد

سعود جلس وبحده:بردان ماتفهم؟.

فارس:وانا ميت حر شلون يعني؟

سعود:المكيف اليوم ماراح يشتغل قلت لك بردان وانا اذا بردت كل جسمي يتجمد ولا أقدر اتحرك،أنقلع عند العيال

فارس راح لسريره يسحب بطانيته ومخدته:انا اذا ماقلت لعمك ينقلني من هالغرفة ماكون فارس.

وطلع وهو حاط البطانية على رأسه وراح لغرفة سلمان وفهد وضرب الباب،سلمان كان يلبس،طلع من غرفة التبديل وهو لابس شورت وبيده ال القميص لبسه وفتح الباب ودخل فارس وناظره بأستغراب،سلمان:تقل زوجته طاردته،ضحك فهد،

سلمان:أفصخ عبايتك

فارس نزل البطانيه بالارض وحذف المخدة:سعود طفى المكيف وطردني من الغرفة وقالي روح عند العفاريت ونام عندهم

سلمان ضرب كتف فارس:يعين مالك غير الارض

فهد فتح إيدينه:لا الخوي ماينام الا بحضني

تقدم فارس وشارك فهد على السرير وجلس سلمان على سريره

فارس:أقولكم طفى المكيف ورجع ينام كإنه يقول طز باللي معي

فهد وهو يضحك يلعب بشعر فارس:اذا انت متورط بسعود انا متورط باللي حولك ماينام ٢٤ساعة يكلم ماينام

فارس:يبي لنا نبدل.

سلمان وسع عيونه:لاتبديل ولاشيء،انا وسعود ماننام بغرفة وحده لو بننام بنفجر ام المبنى وثم يوقف قلب أبوك

أنسدح:الشمس طلعت اخمد انت وياه قال تبديل قال

فارس:فهد.

فهد:هاه

فارس:تعرف تقول قصة؟.

فهد ضرب رأسه:نام بس

فارس:العب بشعري طيب

فهد ضحك ولعب بشعره،سلمان ناظرهم:ذا جاينا مطرود ولا فاقد حنان؟

فهد:الواضح الاثنين

ضحكو بأندهاش بعد مانام فارس بسرعه،فهد ضحك وغطاه ببطانيته ونام معاه بنفس السرير ونفس البطانيه

••••••••••،•••••••••

بالمدرسة يوم الاحد كان مطر خفيف وكانو كل الطلاب مستانسين على المطر،دخل فارس الفصل وشعره مبلل ومعاه فهد

فارس:سعود قاعد هنا ليش ماطلعت معنا؟

سعود بهدوء:أهم شي انت انبسطت؟.

فارس وهو يقعد على الطاوله:اي الحمدالله

سعود أبتسم:هذا أهم شي

فهد جلس بمكانه:قلنا زعلان بس ماتحرم نفسك من المطر

سعود ببرود:ماني زعلان أطمئن

فهد بأستهزاء:ريحتني الله يريحك

ثم وقف وهو يضرب كتف فارس:أمش ورانا حصة بدنيه

فارس:زين شفيك متحمس كذا؟

فهد:تدري قد ايش احب الكوره امش

سحبه من ثوبه ودفعه قدامه،بقى سعود بالفصل حط رأسه على الطاوله ونام

وليال دخلت الفصل بتضجر وجلست مكانها وهي متكتفة بسبب ماعندها حتى الريال تشتري فيه ماء،غرورها مايسمع لها انها تطلب البنات فلوس وخصوصًا انها كل صباح تصير بينهم مشادة بالحكي التفتت على سعود وتوقفت أنظارها على المحفظه والساعه اللي بجانبه،ليالٍ عدلت جلستها وهي تهمس:أصحي تحطين نفسك بمصيبه

بللت شفايفها وهي تناظر الساعه:بس هم واضح أغنياء لو أخذها وأبيعها اكون أنا المستفيديه؟.

أف ليال كل المصايب اللي صارت مستخسره تسرقين لك شيء؟وإذا سرقتي محد رايح يدري اهم شي انك ماتحرمين نفسك من شيء هم فلوسهم واجد

قامت ببطء لاجل لايحس فيها سعود،أخذت الساعة ببطء لين مامسكتها بيدها وحطتها بجيبها

ومشت ببطء ثم ناظرت بالمحفظة غمضت عينها وهي تهمس:هي خربانه خربانه

تقدمت وهي تفتح المحفظة دخل سلمان وماحست بدخوله وناظرها باستغراب وأبتسامه ساخره وهو يطلع جواله ويرفعه عليها ويصورها وهو يتقدم لها وهو رأفع الجوال بين هي كانت تدور بالمحفظة شهقت وهي تشوف جسد سلمان قدامها،حط أصابعه على شفايفها وبصوت هامس:أشش

سحب منها المحفظة وناظر بالطاولة وهو يبحث على الساعة كانت بتهرب شد على معصمها وسكر جواله وسحبها قدامه وبصوت هامس:أمش قدامي.

طلعها لساحه ثبتها على الجدار،ليال برجفه لكن قالت بحده:لوسمحت أبعد وخلني أروح الحصه

سلمان ضحك وقال:فوق انك حرامي ولك وجهه تتكلم؟

ليال بأرتعاب وبخوف لكن تظاهرت بالقوة:ماني حرامي،والحين أبعد عن وجهي.

سلمان:مو حرامي؟

ليال:أي!

سلمان سحبها من معصمها:أجل حياك معي الشرطه

صرخت ليال:تكفى لا لا

سحبها بالقوه وهم يطلعون من المدرسه:حياك أوريهم مقطعك.

ليال بترجي وخوف:تكفى لا لا

سلمان:تسرقني وماتبيني أشتكي عليك؟.

ليالٍ برجفه:أسوي لك اللي تبيه بس لاتوديني للشرطة

سكت سلمان ورفع حاجبه:اللي ابيه؟!

ليال بخوف وهي تهز رأسها ب أي

سلمان:وإذا ماسويته؟تدري شبسوي فيك لاأخليك معابره بالمدرسة ومو بس بالمدرسه بكل مكان ضغطة زر المقطع ينتشر

ليالٍ تلمعت عيونها وضحك بسخريه:تصيح ولا يتهيأ لي؟.

كانت بتدخل بس مسك معصمها بحده:سمحت لك تروح؟

ضحك سلمان:روح روح لاتصيح علينا

ليال ناظرته:المقطع بتحذفه؟

سلمان: باحلامك،ويالله أنقلع واذا بغيتك تجي

••••••••••••،•••••••••

بدورة المياة؛

شيم كانت تغسل يدها وتقدم لها فهد بحده:ترى مايحتاج الافلام الهنديه اللي تسويها وتطلب الشفقه من الناس.

شيم التفت عليه:نعم؟.

فهد وهو يقلدها مسك يده وهو يقلد نبرتها:أهخ يدي،أهخ،شمعناها؟

شيم ببرود وبأستفزاز:وانت شتبي وش حارك وش اللي يقهرك بالموضوع؟

فهد:أنا أعرف حركات كلاب الشفقة،ليت نبطل عشان لا أقطعها لك وخالقي

شيم بأستفزاز وهي تمسك يدها:أهخ يدي تعورني

أنقهر فهد منها وضربها بقوة على الجدار بعصبيه:تبي أقطعها لك ؟

شيم تصنمت من الم يدها ماودها تبكي قدامه

فهد أستغرب من تجمدها،لا حركه،وتقدم لها بأستغراب بأول مارمش صفعته كف قوي جداً

دخل ياسر بأستغراب:شهاب؟فيك شيء؟سوى لك هالكلب شيء؟

فهد رفع حاجبه:الكلب؟

تقدم له وسحبه مع ثوبه:عارف تكلم مين يابابا؟

شيم طلعت من الحمامات وهي كاتمه دموعها،ركضت الفصل وهي تاخذ شنطتها وتطلع من المدرسه

كان بالفصل كم طالب موجود ومن ضمنهم سعود اللي أستغرب منها ووقف وقال:شهاب؟

طلع من الفصل ومالحق يلحقها وعقد حاجبه

•••••••••••،•••••••••

بدورة المياة؛

ياسر:مسيطر على الكل انت ووجهك؟!ولد المدير بس ماتفرض رجولتك على الكل

فهد ضحك ولكمة وطيحه بالارض،ومسك المكنسه وضربها على المرايا طاح كل الزجاج بالارض وياسر تباعد لاجل لايجيه ضرر

مسك فهد قطعة زجاج وسحب ياسر اللي دعس رجله بزجاج والطلاب كانو واقفين عند الباب يناظرون الهوشة

غرز فهد الزجاج برقبته بسخُريه:طول لسانك مره ثانيه

صرخ بوجهه:ارجعك لاهلك والكفن ملفوف عليك عليك تفهم؟ضرب راسه بالصنبور.

وطاح بالارض وضحك فهد بعد دخلو المدير

أبوفهد بغضب:فهد!.

فهد ببرود:لاتخاف اصابات بسيطه محد يموت من القزاز بس أطلبو له الاسعاف حرام يقعد كذا

سحبه أبوفهد من ثوبه بصراخ:ماتعلمني متى تعقل؟

فهد وهو يضحك:تصدقون يازملائي من أنولدت وهو يقول متى بتعقل ومتى بتعقل!

أبوفهد ضرب فهد بجنون واستمر يصفقه يمين ويسار دخل سعود وفارس وبعدو أبوفهد لكن دفعتم وطاح فارس بالارض

وسحب فهد اللي ماهزت شعره فيه وهو لازال يضحك:أضرب بعد.

وضربه كف وناظر بولده بنظرة الشر وسحبه من ثوبه وطلعه من الحمام

وتقدمو المعلمين لياسر وهم يساعدونه بالوقوف ويتحسبون على فهد

فارس شبك يده بذراع سعود وسحبه معاه وماخذه معاه لمكتب

فارس بغضب:مو أول مره يضربه قدام احد بس الغريب اليوم جلس يضربه ضرب كان شوي ويذبحه

سعود وهو متكتف ببرود:بعد اللي سواه فهيد مو شوي

فارس:لو وش مايسوي فهيد مايضربه قدام الطلاب!

سعود:يالله انشاءالله أهل الولد اللي ضربوه مايشتكون عليه

فارس:تهقى؟.

سعود عدل وقفته:الولد كانه جثه بالارض تقول تهقى

فارس بخوف:لا إنشاءالله مايصير له شيء

ناظر بهيام وريوف:امشو نروح الفصل

هيام:احنا كنا ندور لي..لافي وش..شهاب.

سعود ببرود:شهاب شفته قبل شوي كان يركض وكأنه زعلان

هيام بخوف:متى شفته؟وين راح؟

سعود:لحقته وثم اختفى من قدامي مدري وين راح

•••••••••••،••••••••••••

بالمكتب؛

دخل فهد المكتب وهو يغني:وأغيب بكيفي وارجع اتفنن وأذكر ناس فيني مانسوني

دخل أبوه بغضب وسكر الباب،هز أكتافه وهو يدندن ويناظر أبوه:وانا بساحة ماهتم ولكن تخرب الساحه بدوني

سحب أبوفهد من ثوبه بعصبيه:تعبتني يافهيد تعبتني وأشقيتني بمصايبك أنا حاس بموت والسبب انت!

فهد كان ساكت ومبتسم ابتسامه مستفزه جداً حتى ماتسعت أبتسامته بضحكه دفعه أبوه بغضب أنفتح الباب وكان أب مع ولده،فهد وقف

إلاب بأستغراب:السلام عليكم

فهد بترحيب:عليكم السلام

أبوفهد بأنحراج:هلاوعليكم السلام

الابو لازال معقد حواجبه:اء انا والله جاي بعد ماسمعت سمعتة المدرسة طيبه وتعليمها عالمي،حبيت اسجل ولدي

فهد ضحك:جاي تسجل لولدك الخراب لش مو فاضي تربيه؟.

جلس فهد على كرسي أبوه،أبوفهد برصة أسنانه:فهيد!

فهد:عمي الناس مكذبه عليك لا عالميه ولاشيء أخذ ولدك ودرسه بمدارس العاديه لان هالمدرسه قال بسخُريه حق الايتام،حق الناس اللي موراضيه تربي ولاترعى على،على قولتهم يالله نسجلهم بالمدرسة هذي منها سكن لهم ومنه نفتك منهم

أبوفهد:فهد!

فهد وهو يدور بالكرسي:طبعاً أعرفك على نفسي أنا اول طالب يدخل هالمدرسه وأبشرك عشعشت فيها لانه ابوي يبي يفتك من شطانتي على قولته ماله خلق يربي صح يبه ولا انا غلطان؟

بس أبشرك مبسوط جداً اني قاعد بهالمدرسه لاني تعرفت على أخواني وابوي ماقصر متحدي نشد حيلنا بالدراسه بس الحمدالله ماشدينا لانه ماودي نفارق مدرستنا الحلوه وبدخل ٢٣سنه وانا للحين ثاني ثانوي الف لك الحمد

أبوفهد كان يناظر فهد بغضب،الابو ناظر ولده وهو شاك بعقولهم:أمش بس

طلعو أبوفهد قرب من ولده لكن رن تليفونه ومسك فهد السماعه التليفون ورد:الو

فهد عدل وهو يدور بالكرسي:أوه مدير الاشراف

سحب أبوفهد التليفون وهمس له:أطلع وشغلي معك يالهيس

وقف فهد وهو يدندن:تحداني تحداني حبيبي لاتحداني انا لولاك لحن الهجر والفرقا ماغنيته،طلع من مكتبه وهو يدندن

أبوفهد بهمس:لابارك الله فيك من ولد

رد على تليفونه وتعذر بتسليك عن فعايل ولده

بالسكن؛

فهد نزع فيش غلاية المويه وحرك الكوب بالملعقة بعد ماحط سكر ومسك الكوب وشرب رشفه منه الا دخل سعود ووراه فارس

سعود باستهزاء:جالسين ندور عليه والاخ هنا يشرب شاهي

فهد ببرود:ليه تدورون علي؟

سعود ببرود:والله قلنا يمكن يقصون رقبتك يمكن يحطونك بموقع فرجت ندفع لك ديه.

فهد:هههههههه لاتعيدها لابالماي الحار على وجهك.

سعود وهو يجلس على سرير سلمان:أخلص ليه متهاوش؟

فهد ببرود وهو يجلس:غلط علي وأدبته مسوي يبي يدافع عن شهاب لكن لقمته.

دخل سلمان الغرفة؛

سلمان:السلام

جلس على السرير بجانب فهد الي ممدد رجوله وفارس اللي متربع:تدرون وش ريحتكم؟

ناظروه،سلمان:ريحة رياضيات على كيمياء على فيزياء على ريحة استاذ مصطفى، ناظر يد فهد:شفيها يدك؟

فهد:متهاوش تفزع لي؟

سلمان وهو يأشر بحواجبه:أكيد مع الخكاريه

ناظر فارس:بعرف شلون متحملهم انت؟انا لو واحد منهم يمشي من قدامي ودي اصكه كف

فارس وهو يرفع شعره:شوف عادي شهاب وذوليك مايهموني بس تعرفون رعد صديقي والبست حدكم عاد

فهد وسلمان ناظرو ببعضهم،فهد عدل جلسته:شقلت؟.

فارس ببراءة:البست

سلمان:قايل لك ذا صار يقعد معهم ويتكلم زيهم،يبي له هاه؟

فهد وهو فهم لسلمان ونظراته:يبي له وحده قاضيه جداً

فارس وهو يرمش بعيونه بفهاوة:وحده قصدكم يعني بنت؟

سعود ضحك بخفه وانسدح على سرير سلمان،فهد سحب شعر فارس وسدحه:وحده يعني ضربه على رأسك ياحمار

سلمان ضرب ظهره:احنا نربي وغيرنا يخرب على طول فكر بالبنات قليل الحياء!

فهد وهو شاد شعره:أجل صرنا نقول لبعض الناس بست هاه؟

فارس وهو يصارخ ويرافس سلمان،سلمان وهو يمسك شعر رجل فارس:كم لك تعرفه عشان تقول عنه بست هاه؟

فهد وهو شاد شعره:صار الحين هو القريب؟

فارس وهو يصرخ:الله لايوفقك انت وياه ياكلب سلوممم رجلي ياحيوان.

فهد وهويشد شعره اقوى ويضرب ظهره:علمني اذا تضايقت تروح لمين لنا ولا له؟.

فارس وهو يصرخ:لكممممم.

فهد تركه وسلمان ضرب ظهره وقام

فارس قام  بعد ماسدحوه من ضرب قعد على ركبه ويلتقط أنفاسه ويناظرها بغضب:الله لايوفقكم

•••••••••••،••••••••

الساعة ١٠ بالليل؛

البنات محتاسين بتفكيرهم بشيم ماعدا ليال اللي تلعب بأظافرها وتفكر بمصيبتها ولا مهتمه لاختفاء شيم

هيام بخوف:بنات تهقون أحد زعلها بالمدرسة؟.

ليال:أنتو الحين شايلين همها الله معاها كل ماتزعل تروح تختفي واحنا نجلس ندورها!

هيام:ليال أسكتي مو وقتك

ليال:متى يصير وقتي أصلاً؟كل ماتكلمت قلتو ليال مو وقتك إسكتي

ريوف:تهقون فهد زعلها؟

ليال:والله بتكون تافه لوزعلت منه لانه بصراحه تعودنا كل يوم يتضاربون

وش الجديد وهي الغلطانه ماتمسك نفسها ماترتاح الا لما يذبحها يعني؟

ريوف التفتت عليها بغضب:ليال!

ليال:بسكت زين؟

ليال ناظرتهم بحده وقهر لكن كتمت وقامت وطلعت من الغرفه

ريوف:انا حاسه شوي وبتجي مستحيل تخلينا.

هيام بقهر:الله ياخذ فهد وياخذ هدى

وطلعت من الغرفه وطلعت معاها ريوف،

••••••••••••،•••••••••••

بغرفة فهد؛

طقت هيام الباب بقوة،فهد كان يلبس فتح لها الباب ببرود:فارس مو هنا يالله هش.

وكان بيسكر الباب لكن فتحت الباب أندهش من حركتها هيام بغضب:بسببك شهاب مختفي!

فهد ببرود:تجيك التهايم وانت نايم شدخلني فيه مختفي؟

هيام:اكيد ضايقته اليوم هو له فتره تعبان من يده والسبب انت.

فهد:ياحرام،أبكي؟..

هيام ناظرته بغضب ومشت ومشت معاها ريوف،وسكر الباب فهد

نزلت هيام وهي تركض من على الدرج وخلفها ريوف،بالشارع كان المطر خفيف

ريوف سحبتها من ذراعها:وين بتروحين؟

هيام:بروح ادور شيم مستحيل اقعد كذا،انتِ خليك هنا عشان اذا جت تتصلين علي تمام؟

ريوف هزت رأسها بالايجاب راحت هيام وريوف جلست على الكرسي تدعي ربها ان شيم مايكون فيها شيء

كانت قطرات تناظر بأمل قوي جداً بأتجاه رب العالمين

نزل سعود من سيارته وزقاره معلقه بفمه وشاف ريوف ومشى لها بهدوء؛

جلس سعود:شفيك قاعد هنا؟

كانت ساكته،سعود:مضيع أخوياك؟

ناظرته والرجفة بداخلها،جلس بجانبها وحط رجل فوق ركبه ومد لها زقارة:تبي؟.

ريوف بعد وجها،وقام كان بيدخل لكن أستوقفه حركتها وهي تجرح نفسها بأظافرها وقامت وشهقت أن واقف خلفها ومشت وهي من دون ماتناظره وقفت بذهول وأستغرب من رجفتها تقدم لها سعود وريوف ببكاء:تشوفه صح ؟

سعود ناظرها:وش تشوف؟..

ريوف ببكاء وهي تناظر الشخص اللي تحرش فيها قدأمه نزلت دموعها بكثرة

سعود مسك يدها ويحاول بتهدئة الشخص اللي قدامه:رائد

ريوف بكت:د دمر حياتي والله دمر حياتي

سعود بعدم فهم ويحاول يشوف اللي تشوفه لكن مافي الا هو وهي

ريوف صرخت وهي تغطي عيونها:جاااءءءء عندي ج جاءءءا

كانت بتطيح ومسكها سعود وهو مستغرب جداً،حضنها وبكت على صدره لاشعورياً

سعود وهو مصدوم غمض عينه وشد عليها ناظر وجها اللي متخبي على صدره وتبكي

سعود:رائد؟

التفت على الطلاب اللي نازلين من السيارة بعد عنها سحبها معاه كانت بحاله هيستيريه وخايفه

دخل غرفته وهي معه ومشىء بهدوء وهو يدخل غرفة التبديل ويفتح الثلاجه الموجوده وياخذ قارورة ماء موجوده ويتقدم لها:أشرب.

بعدت وجها،سعود رمش عُيونه بهدوء:أخوياك وينهم؟اوديك لهم؟

ريوف كانت ساكته وتنهد سعود بغضب:ماراح اسوي لك شي اجلس لين مانلقى أخوياك

مشت ريوف لداخل الغرفه،سعود:اجلس لاتخاف

جلست على طرف السرير

تقدم سعود وسحب الكرسي وجلس قدامها كانت منزله رأسها:اخوياك مضيعهم ولا وش؟

ريوف كانت ساكته،سعود تنهد بهمس:ان الله

سعود: رائد اكلمك انا انت ليش لحالك الحين؟

ريوف:ه..رعد ق قال لي أقعد يمكن يجي

سعود:يجي مين؟

ريوف:يجي شهاب

سعود:وشهاب مختفي يعني؟.

ريوف هزت رأسها بالايجاب،وسعود هز رأسه وهي أستوعبت وهو توسع عيونها ومشت بأتجاه الباب وهي تحاول تفتحه التفتت عليه بغضب:الباب ليش مقفل ليششش مقفل؟

وتقدم سعود بناحيتها بغضب

سعود بغضب وهو يفتح الباب لها:مقفل الباب عشانك عشان لايدخلون اخوياي ويشوفون حالتك

طلعت بخوف،وسكر الباب بقوة

مسك جواله واتصل على فارس رد بعد ثواني،فارس:هاه

سعود:دق على خويك رعد شوف شسالفتهم.

فارس:طالع انا

سعود بحده:أي ادري انك طالع دق شوي شسالفتهم خويهم يتنافض وخايف ماني عارف كيف اتصرف معه خلهم يجون يشوفون شفيه

فارس وهو يسوق:افهمها ماعندي رقم رعد.

سكر سعود وفتح الباب وشافها وتقدم لها بهدوء:تبي ندور على شهاب؟

ريوف هزت رأسها بالنفي مسك يدها وهو يشوف الدم:ليه تجرح نفسك؟

طلع مناديل من جيبه ومسح الدم وناظرها بحده:انت المفروض مايخلونك لحالك والمفروض تدخل هالمدرسة

نزلت رأسها،سعود:امش ندور اخوياك،بحده:ماراح اخليك لحالك

مشى ومشت معاه،ونزلو ووقفو عند الباب يطلع مفتاح سيارته تمسكت بثوبه من الخلف وهي تراقب الشارع انه الشخص اللي تشوف طيفه موجود ولا

سعود بحده:أمش جمبي لاتمسكني كذا!

رجعت لخلف بخوف،تأفأف سعود بغضب والتفت عليها بمحاولة أن يهديها ويبعد الخوف عنها:تعال

التفت يمين ويسار:الشارع فاضي مافي أحد لاتخاف

مشت ريوف وهي تحس باللحظة انها بتطيح بسبب خوفها منزله رأسها

مشى سعود ببطء وهو يمشيها معاه ويهديها:شفت مافي أحد

فتح سيارته والتفت على هيام وهي زعلانه،سعود سكر باب سيارته

وقفلها بمفتاحه:فيك شيء؟

هيام:لا..

سعود ناظرها من فوق لتحت:أنتيه لرائد لاتخلونه لحاله،ودخل المبنى

ريوف:مالقيتيها؟

هيام بخوف:لا..