عند كادي وغرام ..

كانو مخططين على كل شي وكادي مسكت غرام وهم بالسطح وشافو جاسر يدخل بيته لان بيت جاسر بعيد شوي عن بيت اهل غرام فزت من شافته ..

كادي : بسم الله عليك وعلى قلبك اسمعي الحين دقي عليه قولي له انك بالسطح ولحالك.

غرام بخوف : يماهه كادي خايفه الحين اخر الليل وهو يعرفني اخاف من الليل واخاف اطلع لحالي.

كادي بهدوء : انا بكون واقفه بعيد شوي عنك معليك انا بحميك يا صديقتي لو حسيتي بخوف بجيك ركض تمام؟

غرام هزت بالايجاب : طيب بس وقفي هناك لا تتحركين بذمتك يا كادي ما تخليني.

كادي غمزت لها : يلا دقي عليه .

غرام دقت على جاسر : الو جاسر وينك.

جاسر بعصبيه : شتبين ليش داقه!

غرام بكت : انا بالسطح شوف قاعده اعاقب نفسي تعال وارضى علي ولا ما بتحرك.

جاسر ضحك : يلا عاد بدون سخافات اعرفك تخافين بوقت الليل ماتمشينها علي.

غرام : طيب شوف الحين بصور لك.

جاسر ضحك : يلا افتحي الكام وريني.

غرام فكت الكام : شوف شوف السطح.

جاسر انفجع : سلامات وش مقومك للسطح مجنونه!

غرام ببكاء : اي مجنونه بحبك تعال سامحني ولا بعاقب نفسي وبقعد هنا وعادي لو انخطف وقفلت الخط بوجه.

كادي ضحكت لها : كفو كفو خليك واقفه لما يجي.

غرام ابتسمت لها : والله خطتك حلوه.

جاسر جاء ركض لها وهو ميت خرعه عليها وشافها واقفه ومن شافته قامت تبكي.

جاسر بخوف : غرام انا جيتك خلاص لا تخافين.

غرام تمثل الخوف : بس انا خايفه وانت ماتبي تسامحني وتفهم اني فهمت الموضوع غلط.

جاسر بحب لها : شوفي انا احبك ومستحيل اترك تعالي خلاص والله اني مسامحك ومستحيل اكسر قلبك ويوم قلت لك هذاك الكلام صدقيني من غضبي على ظلم صديقي يلا غرام تعالي .

غرام جت عنده : خلاص انا برجع بس متأكد؟

جاسر هز بالايجاب : ايي متأكد ونص الله يخليك لي.

كادي كانت تشوفهم وتبتسم ودعت ربها ان عزيز يكون من نصيبها وشافت جاسر راح وغرام جتها ونزلو لغرفتهم وهم مستانسات مره .

عند نادر والجازي ..

بالسجن الحارس الشخصي طلع نادر من السجن مبلغ مالي لان الحارس الشخصي لامه كانت موصيته على نادر .. قام من شاف نادر طالع .

الحارس الشخصي : سيد نادر امش معاي للسياره اوصلك على قصرك.

نادر بحقد : اي مشينا لان وراي شغل.

راح ركب السياره وهو ناوي عليها وما كان يدري ان هي ناويه عليه ومخططه على اشياء من وراه وكأنها حست انه طلوعه قريب .. كانت جالسه بعد ما طردت حبيبة نادر لان هي زوجته وهذيك حبيبته والاحقيه بالقصر الجازي ابتسمت ابتسام انتصار .

الجازي قامت : انا طردتها لاني راعية هالقصر من بعد زوجي هددتها لو ماطلعت من قصري ببلغ عليها وبقول انها مو زوجته وتبي تخطفه مني هههههه.

نزلت تحت وشافت القصر ينفتح وقفت وهي متخصره وشافته داخل ويبتسم لها ابتسامة شّر ..

نادر بخُبث : ورجعت لك يا مرتي يا الي اتلذذ بعذابها !

الجازي ضحكت بشر : هالمره ماندري منو راح يتعذب فينا انا ولا انت!

نادر ضحك بسخريه : واضح تبالغين كيف حرمه تقدر على رجال!!

الجازي ابتسمت : كل امراء قويه تقدر بذكائها وشجاعتها تسيطر على كل شي ولكن انتم يارجاجيل تبقون رخمه دام تستخدمون العنف!

نادر بعصبيه : ما احد رخمه كثرك احترمي نفسك!

الجازي ضحكت : اوهه شفيك تحسست كذا ؟ اي صح نسيت تحسست لانك فعلاً رخمه وزلابه صح!

نادر بقهر : اسلوبك هذا الي جايبته مدري من وين يبي له قص السان!

الجازي ضحكت بسخريه : ابد قص الساني تدري انا يتيمه صح وراضيه بقضاء الله وقدره بس انت الي حرمتني اني اعيش شعور الام وصدقني يا نادر بخليك طول عمرك تندم وتتمنى الموت وقتها وش كان بيصير لو جبت هالطفل ما كان له ذنب انت مجرم وقتلته!

نادر : اذا انا مجرم انتِ مجرمه اجرمتي بحقي وحرمتيني من امي يالكلبه!

عند ريناد وناصر بالماضي ..

كانت ماسكه قلمها وكتابها وتكتب وهي تحس بالخوف ماتدري وش مصيرهم وكتبت موقفها وكيف ناصر عاملها بقسوه وهالحدث بيضل مرسوخ براسها مسحت دموعها وهي تحط الكتاب جنبها وغلبها التفكير ودموعها تنزل ماقدرت تنام بالليل وكرهت عمامها وكرهت ناصر وكرهت كل شي .

ريناد بقهر : وينك يا جدي اليوم الكل قسو على بنتك وقسو على ابوي عمي الكبير الي مسوي نفسه يحبنا كلنا ولا يرضى علينا ما خلا ابوي يهاوش باسل على فعلته الشينه بحقنا لو انك عايش كان هاوشتهم ولا رضيت بهالشي يا جدي اهخ يا جدي ناصر مارحم صغر سني ولا رحمني والله كرهت كل شي من بعدك تتذكر ياجدي لما نتهاوش انا وناصر كنت تهاوشه بعاصتك وكان ينقهر طيب وينك الحين ليش ماتجي تكسر عظامه هو ما هاوشني هو كسر قلب بنتك ياجدي وضلت تبكي ونامت وهي ماتدري ان بتجيها مصيبه اعظم منها بكثييير ..

.

.

عند ناصر كان جالس وهو يتذكر قسوته على ريناد وانقهر ومسك الحديد وهو يولعها بالنار وقربها من يده الي مسك فيها ريناد وغمض عيونه من الالم وشاف يده احترقت دخل منصور انصدم وراح يقول لامه.

ام ناصر دخلت وشافت يده وهي مصدومه وشافت مستغرب من الحريق ومعصب حيل .

ناصر بعصبيه : منو حرق يدي!

ام ناصر بغضب : تستهبل انت يدك حرقتها بنفسك!

ناصر وخر يده وبصراخ : لا انتم سويتو فيني كذا انتم حرقتو يدي وتعب وطاح.

ام ناصر بكت : انا قايله الولد مسحور .

ناصر كان يحس بالتعب مره ويحس نفسه مو طايق اهله قام وهو يوخر امه عنه .

ناصر بعصبيه : لا تقربون مني انا بروح لباسل ام باسل احسن منك تعامله احسن انتِ مو امي ولا شلون دايم تعاقبينا انتِ مو امي هي ام وانا بصير ولدها .

راح ولكن امه مسكته وقفلت الباب ومن عصبيته داخ وهو يحس بالصداع براسه والتعب مسيطر عليه وكان جسمه حار ويلهوس .

عند ريناد وناصر بالماضي ..

دخل لغرفتها وهو يبي يقعدها ولاحظ كتاب جنبها وشاله وطاح من يده وكانت مفتوحه على صفحه وشده الفضول وقراه كامله وصار يقلب الصفحات وهو يقراء ويتأكد كيف وشلون ريناد وناصر ؟ من متى حبو بعض وكيف صار كل هذا من وراء ظهره وبدون لا يحس ما تحمل وهو يضرب الكتاب على ريناد وهي نايمه وعطاها كف قوي صحت من النوم وخدها متورم من الكف الي جاها مسكت خدها بألم وبلعت ريقها.

عبدالكريم بعصبيه : شلون شلون تحبين ناصر ولد عمي وش معنى هو ما توقعتها منك انا اقول ريناد مستحيل تكون كذا !!

ريناد ببكاء : كريم انت فاهم غلط انا صح كنت احبه بس وربي ماعاد ابي حُبه عقب سوالفه معاك!

عبدالكريم ضربها كف وراء كف : ماراح ارحمك وراح اذبحه هالوصخ شلون يستغفلني ويحب اختي من وراي!

ريناد شافت عبدالكريم قام وهو مأخذ الكتاب ويبي يوريه ابوه وركضت وراه تترجاه مايعلم ولا يسوي شي.

ريناد بترجي : تكفى كريم والله ادري غلطت وهو كلب مايستاهل تكفى يا كريم سامحني انا اسفه اخوي انا مستعده اسوي اي شي شي لو تبي اشيله من قلبي شلته بس لا تعلم ابوي ولا تعلم تكفى يا اخوي.

عبدالكريم عيونه حمرت : تدرين بسبب حبك هذا بكرا يعايروني ويقولون اخته كانت تحب ناصر راح يفكرون بتفكير وصخ انا يمكن اقول حبك له شريف بس هم وش بيقولون؟؟ بذات باسل الي يدور علينا زله!

ريناد ببكاء : انا ادري اني غلطانه بس تكفى والله ابوي راح يذبحني يا كريم وراح يطلق امي وراح تشتت عائلتنا بسبب الحب الكريه انا كرهت الحب بس تكفى لا تسوي كذا .

عبدالكريم ما رد عليها وهو يودي الكتاب لمكتب ابوه وراح للاستراحه عشان يتهاوش مع ناصر وريناد طاحت من طولها والدنيا ظلمت بعيونها..

ريناد بخوف : اشهد ان لا اله الا الله يارب تسامحني وتغفرلي انا غلطتي هذي ماراح يسكت لي ابوي عنها.

عند غيث وراما ظهور شخصيتهم وشخصية راما كانت راما واقفه وهي تلعب بأظافرها ومستانسه أنها لقت صديقه وبتكون معاها دايم شافت غيث واقف بالحوش ومتلثم راحت له وهي تبتسم له.

راما : اوهه وينك لك يومين مختفي عن بيتكم ولا ليكون هربت مني بس معليه حبيبي تعودت على الخيانات هذا وانا محجوزين لبعض.

غيث ضحك : هههههه عاد هذا انا يا راما شوفي انتِ احترام لك ومعزتك عندي عاليه ولكن من ابسط حقوقي اعيش شبابي واقضيها مع البنات لا صرت زوجك تاليتها تكلمي.

راما بعصبيه : واو ماتلاحظ دايم هوشاتنا بسبب حبك وخرابيطك تدري اننا نحب بعض من الطفوله ولنا ٧ سنوات وانا لاني احبك قلت اضبط خويتي منار الجديده لاخوك غياث بس انت واضح من بدايتها كذا.

غيث : واو اسمها منار تدرين اتوقع هالشي بيدخل مزاج غياث بس انا مو زي غياث لان اخوي واعرفه لا حب راح يحب من قلبه!

راما بعصبيه : شقصدك؟ يعني انت ما حبيتني زي حُبي لك!

غيث ضحك : شوفي عرس ريناد صلاح هاليومين ولا مهتم الا المهم وش اسم منار ؟

راما بقهر : اسمها منار ال رواف وقريب بتعرف على اختها الكبيره لان قالت لي عنها .

غيث صفق : حلو حلو بس وش اسم اختها؟

راما : والله مدري شسمها ليش تسأل؟

غيث بأعجاب وبينه وبين نفسه : مدري ليش احس اختها الكبيره غير .

غيث : ولا شي ولكن مجرد سؤال تدرين شقالت السخيفه ريناد صلاح وخلاني اضحك من كل قلبي؟

راما بفضول : وش قالت لك ريناد صلاح؟

"معلومه هذي ريناد صلاح سمية ريناد ال رواف بس مالها ظهور ولكن بتعرفون ليش هي انظهرت بهذا البارت وريناد ال رواف الي هي البطله بتسمع عنها"

غيث ضحك بسخريه : قالت لي انت يا غيث كسرتني ولكن صدقني بتجي وحده تخطف قلبك وبتكون غير عن كل البنات قالتها وهي محترقه بس الي خلاني اضحك مره تدرين وش ؟

راما زاد الفضول عندها : وش خلاك تضحك هالكثر ضحكني معاك!

غيث ضحك بسخريه وبصوت عالي : قالت لي هالسخيفه روح يا غيث جعل تجي وحده تذكرك بكلامك وتذكر من يكون اسمها ريناد اعرف ان دعواتي استجابت وربي انصرني عليك يالظالم وعلى كسرك لي متخيله دعت ان اطيح بوحده اسمها ريناد واحبها للجنون لدرجه ان من قوة حبي ترفضني!ماتدري ان انا غيث صياد البنات تخسي وحده تصيدني هههههه.

راما ضحكت على الكلام : صدق غبيه وعليها تفاهات مو طبيعيه.

عند ريناد وناصر بالماضي ..

دخل للاستراحه والغضب مالي عيونه وشاف ناصر قاعد وضربه بوكس قوي ولدرجه ان ناصر طاح منها وقام يبي يدافع عن نفسه وتطارحو وتجمعو العيال يفكون بينهم..

عبدالكريم بعصبيه : انت يالكلب تحط عيونك على اختي بشيلها لك!

ناصر بعصبيه شد عليه : مالك دخل انا وريناد لبعض وغصب عنك انا احبها وابيها وراح اخذها طرق هي بنت عمي انا اولى فيها .

عبدالكريم شد عليه : طول ما انا عايش تخسي تأخذها يالحقير وماراح اسمح هالشي يصير .

ناصر بعصبيه : راح يصير وقدام عيونك .

فكو بينهم وهم يفرقونهم وجاء ابو عبدالكريم واخذ ولده على جنب وهو معصب منه ليش يهاجم ولد عمه بالاستراحه وكلهم كانو يتكلمون بعبدالكريم وكيف طاوعه قلب يهاجم ولد عمه مايدرون عن الي بقلبه ..

ابو عبد الكريم بعصبيه : جاوبني ليش قول!!

عبدالكريم نزل راسه : ناصر يا يبا طعني من ظهري لما حط عينه على اختي وهي صغيره هم يحبون بعض!

ابو عبدالكريم بعصبيه : وانت ليكون هاوشت اختك عشان حبت؟ ليكون مديت يدك!

عبدالكريم هز بالايجاب : ايي.

ابو عبدالكريم عطاه كف : طول ما انا عايش ما احد له دخل ببناتي وريناد لو غلطت انا لحالي بحاسبها دامني حي ما احد يجيها تفهم وانا بروح وبتفاهم معاها!

عبدالكريم انقهر وراح يلحق ابوه ما وده يشوف احد وكره ناصر كره مو طبيعي وكيف حط عيونه على اخته!

سمعت صوت سيارة ابوها من برا بلعت ريقها وهي تقفل الباب وخايفه وجلست بالسرير ترجف بقوه واطراف اصابعها تجمدت من الخوف.. سمعت طرقات بابها وبدت تبكي وقالها ابوها .

ابوها بحنيه : ريناد بنتي افتحي الباب بتفاهم معاك بعدين براحتك.

قامت وهي تفتح الباب ومنزله راسها .

ابوها رفع راسها : يا بنتي لا تنزلين راسك وانا حي كريم هاوشك؟ عورك شي .

ريناد بأستغراب هزت بالنفي : لا بس بابا سامحني انا غلطانه انا ماعاد ابي حب ولا شي .

ابوها ضمها : دام عرفتي غلطك خلاص يا بنتي مو مشكله انسي.

ريناد بكت : احبك بابا شكرًا لانك تفهمتني خفت تهاوشني ويصير شي مو اوكي.

ابوها : لا تخافين ماسويتي شي كبير اغلب الاطفال بهذا السن يحبون غالبًا في منهم كذا وانتِ ماسويتي شي بس عطيتي قلبك لولد عمك وانا بدعمك لو تبينه.

ريناد هزت بالنفي : لاا بابا ما ابي الحين ولا ابي افكر بشي عن اذنك .

عند ريناد وناصر بالماضي..

قامت ريناد على ازعاج امها وابوها وركضت لهم وشافت امها معصبه وتقوله " بنتي مستحيل تزوجها" وتكررها اكثر من مره .

ام ريناد شافتها وراحت مسكتها من ياقتها : لو وافقتي بتبراء منك ناصر ماراح تأخذينه لو خذيتيه مابسامحك ولا بسامح ابوك وبتطلق منه.

ريناد خافت : لا ماما ماراح اتزوج تكفين ماما اهدي.

ابو ريناد : اوفر ترا القرار بالنهايه لها وهي يحق لها تختار كيف تكون حياتها .

ام ريناد بعصبيه : ايي قرار تستهبل بنتي صغيره توها تدخل بالمتوسط توها تدخل ال١٤ مستحيل ازوجها لناصر انا ضاعتت حياتيي معاك والحين اضيع حياة بنتي مستحيل مستحيل!

ريناد راحت لغرفتها وهي تجلس ودها توافق وبنفس الوقت ودها تنتقم من ناصر الي كسرها واهانها هي واهلها والحين يبون يزوجونها منه ؟

ريناد نزلت دموعها : انت يا ناصر كسرتني ومره واليوم جاء الوقت الي اخذ قرار يحدد مصيري ومصيرك!

.

.

عند ناصر وابوه..

ناصر بفرحه : شكرًا يبا انك خطبتها لي انا مثل ماوعدتك بكمل دراستي بالجامعه وبسعد ريناد.

ابو ناصر بفرحه : كفو هذا ولدي يلا عسى الله يتمم على خير باقي بس موافقة ريناد ويتم الموضوع بينكم.

ناصر تحمس وبينه وبين نفسه : احبها اهخخ راح اخذها ونعيش انا وهي لحالنا وراح افهمها سالفة الحقير باسل انا يا ريناد ما تعمدت اقسى عليك واخليك بالشارع انتِ وخواتك حتى وانا اسحبك كان فيني غصه انا من بعدت شوي من بيت عمي صرت بخير صرت احن لاهلي صرت احن لك يا ريناد انا متأكد وواثق انك بتوافقين على زواجنا ونرتاح من كل شي لان المشاكل بدت والكل بداء يحاسبك على حُبك لي وانتِ مالك ذنب انا وانتِ حبينا والحب بيننا شريف ..

ناصر كتب لها شعر وهو متحمس لهذا اليوم .

" مثل ما ألمحك فالوجيه اللي علي تمر

‏أبي كل دربٍ لا مشيته

‏على بابك .. يوديني " .

عند نادر والجازي ..

كان قاعد بالتلفزيون ويتابع ومنتظر أتصال من متعّب ولمحها وهي نازله من الدرج ولابسه لبس طويل وعبايه على الكتف وحاطه الحجاب براسها وماسكه شنطتها وهي طالعه قام من مكانه وهو يوقفها وحط يده قدامها .

الجازي طيرت حاجبها وبحده : شيل يدك!

نادر بعصبيه : كأنك تمردتي وصرتي تبين تطلعين من متى تطلعين يالوقحه!

الجازي ضحكت بسخريه : من هاليوم وقدامك راح اطلع ولا تقدر تمنعني وتدري ليش!

نادر بعصبيه : لا تنسين اني اقدر اكسر رجولك واخليك تعرفين حدودك ونفسك!

الجازي بسخريه : جرب حظك بس صدقني بقدم شكوى وبيرجعونك زي الكلب بالسجن.

نادر بقهر : موتك بيكون علي مثل!

الجازي بضحك وهي من داخلها محترقه ونزلت دمعتها ومسحتها على طول : عادي اموت والموت ابرك من شوفة وجهك وطبيعي بتسويها لانك مجرم!

نادر بصراخ : تخسين ماني مجرم زيك!!

الجازي وعيونها مليانه دموع : والطفل الي ما شاف الدنيا منو قتله غيرك؟

نادر بصراخ : ما تعمدت هالشي وانتِ اساسًا مدري من منو حامل بس مستحيل مني!

الجازي بعصبيه : وباقي تنكر فعلتك مين غيرك لمسني يالحقير انت الي نمت معاي مدخل معاك القذره وسويت فعلك معاي اكرهك يالكذاب!

نادر بعصبيه : الشخص الي يراقبك من الشباك هذا الشخص الي نام معاك اكيد لاني انا عندي مشاكل صحيه وكيف حملتي مني وانا عندي مشاكل صحيه!

الجازي بقهر وعصبيه : ماراح اسامحك على كل شي سويتيه بحقي يا نادر انت حرقتني وانا حيه وانا بحرق صدقني بحرقك وبكسرك وبكسر ظهرك وبيكون الم ظهرك طول العمر دامك حرمتني من طفلي!

نادر بعصبيه : يكفي انك كسرتيني بسبب فعلتك وان امي توفت بسببك لو قعدتي بوقتها كان امي ما ماتت!

الجازي مشت وهي تفتح الباب وأشتاقت لخالها يوسف وودها تروح عنده وصارت تركض وهي تبكي وتتذكر كل شي حصل معاها ،، وصلت عند خالها يوسف وشافته قاعد وفاتح صندوق ومسحت دموعه من شافته يبكي ويتأمل بالصوره وو.

عند نايف ولمَار ..

دخل عندها ولقاها نايمه والبيت المهجور مرتب ونظيف وقرب منها وفتح جواله وهو يشوف كل متابعينها يدورون عليها والتساؤلات كثيره وانها وينها وليش مختفيه وشاف تصاميم لهم مع بعض وقستاتهم مع بعض وبدون شعُور أبتسم وأستوعب على نفسه وهو يتذكر المعلومات الي وصلت له وقام من مكانه وعروقه بانت من شدة العصبيه طلع برا وهو مايدري وش يبي بالضبط خلاص اشتهر وعالج امه وش يبي بـ وحده زي لمار ؟ ليش لهدرجه مهتم لأمرها وتذكر أنها أستغلت وكذبت عليه وشافها وهي تقوم نط عليها فزت من مكانها وهو ماسكها من رقبتها والعصبيه واضحه عليه ..

لمَار بقرف : أبعد عني ريحتك كلها دخان!

نايف بسخريه : اذا مو عاجبتك ريحتي قومي نظفي ثوبي مثل ما نظفتي هالمصخره!

لمَار بكتمه : طيب قوم عني تراك اوڤر!

نايف ضحك بسخريه : أقوم عن زوجتي طيب عادي شفيها يازوجتي لو جلست معاك ولا عندك قوانين بعد شوفة النفس على الكل وعلى زوجك الي يكون غير عن الناس!

لمَار بقهر : زواجنا باطل ومستحيل اعتبرك زوجي واساسًا انت مردك بتندم على فعايلك القذره معاي!

نايف ضحك بخُبث : صدقيني مستحيل اندم لما اربي هالاشكال وعمتك هذي انتظري كلها كم يوم وتسمعين خبر محزن عنها.

لمَار ببرود : مبروك وش اسوي يعني؟ اساسًا كلكم ماتهموني لا هي ولا انت.

نايف ضحك بسخريه : جحدتي عمتك وانتِ طول البث مقطعتها مدح طلعتي خبيثه وحقيره مستوعبه!

لمَار ضحكت بلا مبالاة : توك تدري ؟ اجل طلقني وراح تفتك من خُبثي وحقارتي!

نايف بخُبث : نو نو مستحيل اطلقك لما اذوقك العذاب الحلو معاي.

لمَار ضحكت بسخريه : ههههههه تضحكني تدري!

نايف ضحك وعطاها كف قوي وردت له الكف بكفين انصدم من قوتها وهي تنفخ بعصبيه ومسك شعرها وهو يشده لها وصارت ترفسه بكل قوتها وهو يمسك عقاله ويضربها بعىْف وحاولت الدفاع لنفسها بس لانه أقوى منها كان يضربها بقوه طاحت وهي تحمي نفسها منه ولكن أستمر يضربها والعصبيه أعمته وأستفرغت الله يكرمكم وتركها وهو يقفل الباب ووقف وهو يسمعها تستفرغ وماسكه بطنها من الالم.

عند ريمان ومتعّب..

كان طالع وسمع صوت شهقات بكاء قرب من المكان وهو يحس هالبكيه تشبه بكية ريمان صار قلبه يدق بقوه وهو من زمان عنها بس أستوعب أنه مسافر وهي مو هنا ومستحيل توصل هنا طلع من بوكه المناديل.

متعّب بحنيه : تفضلي المناديل ولا تحزنين ان الله معانا.

ريمان مدت يده وهي تأخذه وحست بشي قبض قلبها مسكت قلبها وهي تشوف دقات قلبها تتسارع جت بتلف عشان تشكره لكن ما شافت أحد هنا.

ريمان ببكاء وهي تمسح دموعها : تدري يا متعّب صح انت مو هنا بس لقيت شخص نفس حنيتك قلبي فز لان في شخص زيك اهخ يا متعّب ليتك معاي!

متعّب طلع جواله وهو يرسل رساله لنادر ورجع قفل جواله ودخل للغرفه وبعدها جت ريمان ودخلت غرفتها وجاء متعب فتح الباب وهو يناظر لغرفة ريمان ورجع سكر الباب وفتحت الباب وهي مستغربه من الي جنبها كيف يسكر الباب بقوه ورجعت سكرتها بقوه.

متعّب رمى جواله وانسدح : الي جنبي مدري شوضعه وقح ودفش يوم يسكر الباب بسرعه ناس مختله.

ريمَان كانت منسدحه وهي تلعب بشعرها : ياربي انا ما انتبهت والي جنبي هذا شوضعه مسوي يرد الحركه صدق وعع.

.

.

عند ساهر ..

فتح ثوبه وهو ينزله وكان معصب وهو يرجف ورجع يدق وهو متوتر ووده يدمر هالشخص ودق عليه.

ساهر بصراخ : انا تعبت لمتى بيضل وضعي كذا انا من حقي اعرف مين انا ومن حقي اعرف مين اهلي ليش ماتبيني اعرفهم انا راح اساعدك بكل شي بس ابي اعرف شنو عائلتي الحقيقيه ابي اعرف منو انا؟ او وش اسمي الحقيقي سويت كل شي ما بقى شي ما سويته!

ظافر ضحك بخُبث : شفيك قلت لك كل شي بوقته حلو مردك كذا ولا كذا بتعرف منو اهلك.

ساهر جلس : شوف انت اذا عدواتك مع متعّب مدري ابوه مالي دخل فيكم ولكن من حقي اعرف أهلي!

ظافر بخُبث : شوف خلك ذكي شوي انت تدري اذا دمرت هالعائله بتعرف منو اهلك؟.

ساهر بقهر : شوف عطني مده كافيه وراح اسوي الي تبيه ولكن متأكد بتعلمني كل شي عن اهلي!

ظافر بخُبث : معليك اهلك مو طايرين مردك بتعرفهم بس سو المهُمات الي عليك.

ساهر هز بالايجاب وقفل الخط ماتحمل وجلس بمكانه وعيونه قلبت حمراء حس نفسه ضايع!

ظافر بخُبث : لا سويت كل شي انا راح اخذ أملاك متعّب لازم ترتكب جريمه يا ساهر وهالجريمه بتخليك تدفع الثمن لحالك وبعدها اطيرك من حياتي ههههه.

عند عبدالعزيز وكادي ..

كانت عند بيت خالتها وتمشي بالحوش وشافت بالحوش في جلسه وهالجلسه فاضيه وفيه شاهي وفصفص وجوال والجوال كان مفتوح وجلست وهي تشوف صورة عبدالعزيز خلفيه أبتسمت ودخلت حسابه وانفجعت من المشاهدات بالاستوري وهي تقراء سوالفه مع متابعينه والخاص ممتلي رسايل وكانت تشوف تعليقاتهم وتفاعلهم بحسابه وكان بوقت اذان المغرب ودعت ربها ان يعجل بنصيبها مع عبدالعزيز ويكونون هالمتابعين شاهدين على زواجهم وحبها له وقامت من سمعت صوت الباب ينفتح وراحت وراء الباب وشافته يدخل ورجع يقعد بالحوش ويردد الحوقله بـ السانه اي كان وهو يمشي وهو يقعد يردد بـ السانه ويصلي على النبي وقعد وهو يشرب ويسمي بالله ويكمل سوالفه ويرجع يسكر جواله ويستغفر وفتح لابتوبه وهو ينتظر الليل يجي عشان يفضي نفسه لربه كان يحب هالاوقات لان من تصير الساعه ٢ لحد ٥ الفجر يجلس يدعي ويطلب ربه كان يحب هالاوقات لان يجلس يفضفض ويحس بشعور يجنن وينام براحه ..

عبدالعزيز لمح شي عند الباب وابتسم وهو يحسب ورع ولا قطوه وقرب وهو يطلع راسه ومبتسم ومن شافته مدخل راسه ومبتسم صرخت وهي تهرب وهو مفجوع منها ومستغرب شفيها هذي واقفه هنا.

عبدالعزيز بصدمه : اعوذ بالله قسم من صراخها احسبها جني بروح اشوف شعندها واقفه هنا.

كادي دخلت وهي تشرب مويا وقلبها يدق بقوه وابتسمت من تذكرته مدخل راسه ومبتسم ولفت وشافته قدامها ماعاد حست برجولها وكبها ومفاصلها عورتها وعبدالعزيز منخرش من شكلها.

عبدالعزيز بأستغراب : علامك كادي تعبانه؟.

كادي بترقيعه : كنت العب مع غرام الكلبه.

عبدالعزيز يلف يمين ويسار : مافي احد هنا وبعدين بس خالاتي هنا وانتِ وانا لحالي بالحوش ما اشوف غرام!

كادي بخوف : اي هي الكلبه ضربتني وهجت برا عشان كذا كنت عند الباب ويوم دخلت تفشلت منك.

عبدالعزيز ضحك : هههههه طيب كان طلعتي شعليك مني بعدين ترا خرشتيني عبالي جنيه صرخت بوجهي.

كادي ضحكت وطيرت حاجبها : هههههه ظريف مره .

عبدالعزيز : لا لا امزح معاك ولا تزعلين انا تراني احب اذب الناس الي يحبوني ويعرفوني عارفين ان هذي من اهم شي بحياتي الذبات.

كادي بينها وبين نفسها : للاسف يعرفونك صح بس يخسون يصيرون نفسي حُبي لك.

كادي ابتسمت : يلا عن اذنك واسفه على الازعاج.

عند غرام وجاسر..

دق الباب وهو معاه امه وابوه عشان يخطبون رسمي وفتح الباب ابو غرام ورحب فيهم ودخلو داخل ..

ابو جاسر بأبتسامه : ام جاسر روحي للحريم وانا وولدك مع ابو غرام .

ام جاسر هزت بالايجاب وراحت لقسم الحريم وأستقبلتها ام غرام وهي تسلم عليها .. وجلست وكانت غرام بالمطبخ تجهز القهوه والشاهي والحلويات وأبتسمت من كل قلبها ودعت ان هالليله تتيسر على خير ومشت واول ما شافتها ام جاسر ذكرت ربها عليها وعلى جمالها وخذت منها القهوه .

ام جاسر ابتسمت : ما شاء الله تبارك الله اذكرها صغيره الحلوه والحين كبرت بسم الله ما شاء الله .

ام غرام ابتسمت : تسلمين والله شخبارك .

ام جاسر : الحمدلله الامور كلها بخير وانتم شخباركم!

ام غرام : الحمدلله على كل حال .

ام جاسر : بدخل بالموضوع تعرفين يا ام غرام ولدي صامل ويبي غرام له على سنة الله ورسوله والقرار بيدها ومعاها وقت تفكر وتستخير.

ام غرام ابتسمت : ان شاء الله خير وربي يكتب الي فيه الخير وابد انا من ناحيتي موافقه ولكن يبقى الموافقه على البنت وابوها ان شاء الله.

ام جاسر : اجل توكلنا على الله وان شاء الله خير.

غرام قامت من مكانها وهي مستانسه مره وقلبها يدق وجت امها لها ..

ام غرام : شوفي بعطيك يومين تفكرين وتستخيرين.

غرام : طيب ماما انا موافقه ليش ماتعطيني موافقتي!

ام غرام دقتها : لا يا خبله مو بهذي السرعه نرد موافقتك لازم نعطيهم مهله لو وافقتي يقولون هذي طايره فيه عيب اثقلي يابنتي.

غرام مسكت قلبها : اهخ ماما انا منجدي طايره فيه.

ام غرام ضربتها بخفيف : اسكتي وروحي الحين غرفتك.

غرام هزت بالايجاب وراحت لغرفتها امها مسكت راسها من خفة بنتها وراحت لام جاسر.

.

.

عند الرجاجيل ..

ابو جاسر ابتسم : حنا جايين نطلب يد بنتك غرام لولدي جاسر على سنة الله ورسوله.

ابو غرام ابتسم : لنا الشرف والله ونعم فيكم ولكن تعرف القرار يرجع للبنت وكلها يومين ونرد لكم خبر.

ابو جاسر ابتسم : على خير ان شاء الله واذا تمت موافقة بنتكم على ولدي ان شاء الله الملكه نبيها بعدها بأسبوع لو ماعندك مانع.

ابو غرام : لا ابد ماعندي مانع وحياكم الله وبنرد لكم خبر ان شاء الله.

جاسر بينه وبين نفسه : يعني بعد يومين ننتظر موافقتها وبعدها بأسبوع تصير زوجتي يعني ٩ ايام اجلس انتظرها تصير مرتي الله يصبرني صدق.

ابو جاسر ابتسم : مبروك لنا وبنصير عائله وحده ان شاء الله.

ابو غرام ضحك : ايي والله صدقت والله يتمم لهم على خير.

عند ريناد وناصر بالماضي..

كانوا خوالها كلهم متجمعين وامها معصبه وهي تعلمهم ان ناصر خطب ريناد وكلهم يهاوشونها بصوت عالي ويصارخون عليها والي يقولها لو تتزوجين ناصر ياويلك والي يقولها ناصر ما يصلح لك والي يقولها لو وافقتي عليه راح تدمرين عائله وعوائل مقصده ان لو امها تطلقت بيتطلقون خالاتها جلست وهي تغمض عيونها بحيره وحست بشعور غريب رفعت عيونها وهي تشوف الدنيا سودت فيها ..

ريناد نطقت بصعُوبه : بس انا احب ناصر وابيه صح هو غلط بس انا ابي اكلمه وبتفاهم معاه يا خوالي.

خالها بحده : تخسين يالبزره بتقعدين هنا وهذا ناصر بس يجي نعرف كيف نأدبه عشان يشيل الفكره من رأسه.

ريناد ببكاء : خوالي تكفون لا تتدخلون ابوي وعمي هم يعرفون مصلحتنا انا وناصر وبعدين مستحيل ابوي يطلق امي هو قالي وامي تسوي كل هذا عشان ما اخذ ناصر ليش ليش كلكم ضدي وماتحسون فيني!

خالها بعصبيه وشد شعرها : تبين تذبحين امك وهي باول عمرها والله يا ريناد لو توافقين بتصير مشاكل وامك ماراح تسامحك طول عمرها تسمعين!

ريناد بعدت نفسها : انا مو عارفتكم ليش كلكم ضد حُبنا كلكم قبل تقولون ناصر لريناد وريناد لناصر شصار فيكم انا اكرهكم كلكم!

خالها مسكها وعطاها كف وبداء يضربها وهو يدخلها الغرفه وريناد جلست وهي على اعصابها .

ريناد بقهر : انا بوافق عشان انتقم من ناصر بس انتم مستحيل تفهمون كنت بوافق بس عشان اوريه وجهي الثاني اكرهكم كلكم افتح الباب ماتعرفوني عدل انا ريناد بنت ال رواف قسم بالله يا خوالي ماتعرفوني عدل انا صغيره بس مالكم حق تحبسوني بس عشان ترضون امي انا راح انتقم منكم كلكم اكرهكم!!! صارت تضرب االباب بقوه وهي تطلع الغضب فيه .

ريناد لفت وفتحت الشباك وشافت حديد قريب من السرير وخذته تبي تكسره وصارت تدقه بقوه وببالها تهرب لبيتهم بس فتح خالها الباب وهو ماسك يطلع الحديد ورفسها بقوه وهو يدخلها داخل وصارت تكح وتدور شي يطلعها من هالغرفه ومن قوة الضرب صارت تبكي وحست ألم بقلبها وكان غريب الالم وتحس يدها مشلوله من قوة الالم جلست وهي تنتظرهم يفتحون الباب مرت الساعات وفتحت ام ريناد الباب وراحت لبنتها وهي تشوفها قاعده.

ام ريناد : ابوك جاء اطلعي عنده وقولي له رايك عن الزواج وتذكري يا ريناد السانك حصانك والسانك هذا راح يحدد مصير العوائل كلهاا وراح تدمرينا بموافقتك ورفضك هذا راح يرجع كل شي لمجاريها.

عند ريناد وناصر بالماضي ..

لبست ملابسها وهي متكاسله جت عندها أمها وهي تقعدها بحضنها وتمشط لها شعرها وكانت كاتمه كثير اشياء كثير بقلبها..

ريناد خذت نفس وبحزن : طيب شفيها لو تزوجت بهذا العمر ليش يا ماما كذا ؟.

ام ريناد باست راسها : مستحيل يا بنتي انتِ توك صغيره من الاحلام البراءه ولانك على نيتك ماتعرفين شي ولا تعرفين وش معنى مسؤوليه..الام تعرف لبنتها وانا اعرف ريناد بنتي واعرف وش ناصر وش اهله.

ريناد نزلت دمعتها : انتِ ماتحبيني لانك لو تحبيني ماكان طلبتي تفترقين عن ابوي بس عشان موضوع ناصر!

ام ريناد ضمتها : انا لاني احبك مستحيل اخليك تعيشين تجربه ما انتِ قدها يا بنتي دايم الام بنتها الكبيره تخاف عليها اكثر من الثانيات وانا دايم افكر فيك لما اسمع شي اقول يارب تحفظ بنتي ولا تحطها بنفس هالموقف انا مستحيل اخليكم انتِ واخوانك.

ريناد لفت عليها : بس ماما ناصر اعتذر منك بس انتِ تبين ترضين عبدالكريم وتكسرين قلبي!

ام ريناد هزت بالنفي : لاا مستحيل اكسر قلبك انا راضيه تتزوجين اذا خلصتي الثانوي بس مستحيل ارضى تتزوجين وانتِ توك بالمتوسط!

ريناد بغصه : انا ما كنت بسامح ناصر بس كنت ابي اخليه يندم على فعايله معانا يا ماما انا مو انتِ انا ريناد!

ام ريناد قامت : يلا ابوك برا روحي له ولا تطولين علي.

ريناد راحت عند ابوها وهي تسلم عليه ووقفت قدامه وهي منزله راسها .

ابوها رفع لها راسها : هالرأس ماينزل طول ما أبوك ال رواف عايش تسمعين!

ريناد هزت بالايجاب : ابشر بابا.

ابو ريناد ابتسم لها : شوفي يا بنتي انا مستحيل اغصبك بشي حتى عمك ابو ناصر بيحترم قرارك مهما كان وانتِ شرايك موافقه على ولد عمك ولا لا ؟.

ريناد كتمت بكيتها وضغطت على يدها لا تضعف عند ابوها وقوة قلبها : اوافق على شنو؟.

ابو ريناد ابتسم : توافقين على الخطبه من ولد عمك!

ريناد بحزن : بابا انا بصراحه ... ما ابي ناصر.

ابو ريناد ضحك : ياروح ابوك معليك من امك لو مهددتك ترا هي بس تهايط ولا ماتقدر تعيش بدوني وبدونكم.

ريناد هزت بالنفي : ماما مالها دخل ابدًا ولو سمحت يا بابا ماتقول لاحد ان ماما لها دخل انا رفضت بأرادتي وبالاساس فعايل ناصر معانا خلتني اكره!

ابو ريناد بأستغراب : يا بابا لا تخلين الكره يعميك ويخليك حقوده كذا انتِ قلبك طيب.

ريناد ابتسمت بحنيه : كرهيي يا بابا له حدود ومستحيل اضر احد بكرهي له تطمن.

ابو ريناد : قبل لا اروح واعطي عمك قرارك متأكده من رفضك يا بنتي؟.

ريناد لفت وهي ماشيه : متأكده ..

طلعت من المجلس وشافت اشواق..

التكمله وراء الشاشه.

عند ريناد وناصر بالماضي..

كانت جالسه بالحوش وهي مشتاقه لاخوها الكبير اي ريناد عندها اخو اكبر من عبدالكريم كانت مقهوره ليش اخوها هذا دايم بالديره وقامت تبكي وهي مقهوره ماتدري ليش تبكي بس فيها ضيقة الدنيا كلها.

ريناد بقهر : ياليتك يا اخوي موجود وتشوف حال اختك كنت دايم تقول انا اخوك وانا سندك اليوم كلهم ضدي انا عارفه مستحيل انت تصير ضدي مستحيل!!

ناصر دخل وشافها بالحوش قاعده وكان معاه لابتوب حقه ودخله للمجلس وكان يبي يوريها هي اول وحده مخططاته لهم..

ناصر بفرحه : ريناد قاعده هنا تنتظريني تعالي شوفي بوريك السياره الذهبيه الي عاجبتك هذي بشتريها قريب وبتكون السياره لي ولك وبعد بوريك بيتنا بالمستقبل تدرين من اخلص جامعتي راح اسكنك بقصر واعيشك ملكه واساسًا انتِ ملكة قلبي.

كانت ريناد تسمع له ودموعها تنزل وتشوف البيت والسياره بالابتوب وحتى كان يوريها السعر.

ناصر ترك اللابتوب : عسى خير شفيك تبكين منو زعلك والله ادعس عليهم!

ريناد قامت : ناصر بقولك شي واروح.

ناصر بأستغراب : تروحين وين ايي قصدك داخل؟

ريناد طاحت دمعتها وتشجعت ونطقت : انا اسفه على كل شي وانا جاء بيمسك يدها مسكت يدها بخوف وتذكر لما شد يدها وشاف رجفتها وهي ترجف وماسكه يدها.

ناصر أبتعد : ريناد أنا أدري أنك تعقدتي لان هذاك اليوم ما كان بأرادتي كنت مجبور لان السياره لعمي ابو باسل والله لو السياره كانت لنا لا طردته وخليته يمشي بالشارع زي الكلب.

ريناد نزلت دموعها : كيف طاوعك قلبك تسكت عنه بهذاك اليوم كنت تشوفه يهيننا وانت ماقمت عليها!

ناصر بقهر : تكفين يا ريناد والله هالشي يقهرني ومره!

ريناد مسحت دموعها : مو مهم هالشي اسمع!

ناصر يتأملها بحزن : وش انا بسمعك ومستعد لكل العواقب!

ريناد بغصه : ناصر انا كنت كذابه اي كذابه ماكنت احبك ولا شي كنت اسوي هالشي عشان افك خواتك ومنار اختي منك اي كنت ما احبك ولا بعمري احبك!

ناصر بصدمه وضحك : هههههه تمزحين صح هذا مقلب منك كيف ماتحبيني ونظراتنا لبعض والغزل والاغاني الي كنت اشغلها بسيارتي وغيرتنا على بعض!

ريناد بلعت غصتها : انا من قبل اكرهك وللحين كرهي لك موجود كنت احسب هالشي راح يسعد العائله وكنت اقول مافي الا اني اكذب عليه بالمشاعر والحُب!

ناصر قلبت عيونه حمراء : تكرهيني وهذا كله تمثيل!

ريناد هزت بالايجاب : ايي اكرهك ومستحيل يكون لك مكان بقلبي انت من زمان ولا شي وراح تبقى ولا شي!

ناصر أشر على الباب وبصراخ : روحي برا لا اقلب الدنيا فوق راسك انا ماراح انساها لك يا ريناد انتِ كسرتيني ولعبتي بمشاعري!