رواية زاهية الشامة على الخد اليمين الفصل الثالث 3 بقلم جمان بنت عبدالله
رواية زاهية الشامة على الخد اليمين pdf الفصل الثالث 3 هى رواية من اجمل الروايات الرومانسية السعودية رواية زاهية الشامة على الخد اليمين pdf الفصل الثالث 3 صدر لاول مرة على موقع التواصل الاجتماعى فيسبوك رواية زاهية الشامة على الخد اليمين الفصل الثالث 3 حقق تفاعل كبير على الفيسبوك لذلك سنعرض لكم رواية زاهية الشامة على الخد اليمين الفصل الثالث 3
رواية زاهية الشامة على الخد اليمين الثالث 3 بقلم مجهولة
اخذ جواله من جيبه و رد : هلا خالد ، جايك الحين توه مشى من عندنا
خالد اللي كان بالسياره و يكلم ناظر عبدالعزيز من بعيد : اي هذا هو يلا سلام
نواف : تعالوا قبل صلاه الجمعه و انتبهوا للطريق
فتح عبدالعزيز باب السياره و دخل و نطق خالد : ان شاء الله
سكر جواله نواف و ناظرها تحرك المفتاح بيدها و نطق : بنام لي ساعه قبل لا تشرق الشمس
وقف و وقفت معه و نطق : خلي الصينيه انا اشيلها
شال الصينيه و نزل معها تحت توجهت لغرفتها و جلست على السرير طلعت دفترها الصغير من داخل مخدتها و قلم و بدات ترسم و تفكر بحياتها و بعد مرور ساعات و تحديداً العصر في بيت ابو جابر كانوا بنات ساره يجهزون لجمعتهم و وصايف تخلط الكيك همست شموخ : جبت السماعه بنرقص
اصايل و هي تسوي القهوه : لا يشوفها ابوي والله يكسرها فوق روسنا نفس ذيك المره
وصايف : نبي ننبسط مو حاله ذي من وين جبتيها
شموخ : فروس جابها لي
وصايف : طيب روحي شوفي الغرفه فوق تحتاج تنظيف ولا لا و رتبيها
شموخ : طيب خلوا شهود تسوي لنا بسبوسه
اصايل : اتصلي عليها من جوال البيت لا تروحين قسمهم مو ناقصين مشاكل
كان بيت ابو جابر له قسمين قسم لزوجته الاولى و قسم لثانيه تأففت شموخ : طيب
توجهت للصاله و كان جوال البيت يدق رفعت السماعه و وصلها صوت : فارس خالد وينه العامل اتصل يقول ناقته شكلها بتولد
بلعت ريقها و همست : فارس طلع
عقد حواجبه نواف و سكر الخط على طول ولا اهتم للموضوع توترت شموخ اول مره تكلم رجال مو محرم لها حاولت تتناسى و اتصلت على شهد علشان تسوي لهم بسبوسه اما في بيت ابو تركي ف كانت شريفه جالسه تستشور شعرها و بعد مالبست و خلصت اخذت كحلتها و بدات تكحل عيونها سمعت صوت الباب و عرفت انهم اخوانها : تعالوا
دخلوا و كل واحد نطق بشي نطق عبدالعزيز: شروف لبسيني العدسات
سعود معاه شماغه: شروف اكوي لي الشماغ
مشعل : ابي ثوبي وينه
دخل نواف و بيده المبخر : ابي بخور
ناظرها اخوانها و بدأو يمدحون فيها و نطق سعود : اقصد لها نواف
نواف نزل المبخر على الطاوله : لا الزين ذا يبي لي اسدح له قصيده
ضحكت شريفه و قصد نواف :
صحيح غيرك بالعذارى مزايين
لكن ويش جاب النجوم لقمرها
ياسعود والله مابعد زينها زين
ومن الجمال الناس تلفت نظرها
صفق عبدالعزيز: الله الله انشهد
ناظرت نواف و بعدت شعرها الاسود الطويل خلف اذنها : صح لسانك
نواف : صح بدنك بعدين اذا ما قصدنا بشروف نقصد بمن
اشرت على ثوب مشعل اللي كان معلق : ثوبك
مشى يأخذه و يلبسه و اشرت لعبدالعزيز : اجلس على الكرسي البسك
↚
شريفه : اي علشان ارسم فيه
تقدمت الهنوف تحضنها بفرحه : والله فرحت لك من كل قلبي لازم تقولين للبنات
تنهدت شريفه : لا بعدين حسيت ابي اقول لأي احد لاني مبسوطه و قلت لك
الهنوف : الله يكفيك شره و يرزقك الخير تعالي نشيلها
شالت شريفه مع الهنوف طاولت الكيرم و نزلوا بالدرج و نطقت شريفه : الا رغد اختك وين ليش ما تجي معنا
الهنوف : رغد ما تعرفينها كله جالسه بروحها او مع امي ما تحب تجلس معنا
فتحت الباب برجلها الهنوف و دخلت للبنات و نزلوا الطاوله و تنهدت : اخخ ثقيله
شموخ وقفت : من الحين اقول انا اول
اصايل : لا لا نسوي قرعه اسماء
شريفه : اي صح
وصايف وقفت و ركضت : بجيب ورقه و اجي حطوا البودره و الحبوب
جلسوا البنات و بدوا يحطون حبوب اللعبه و البودره و جابت لهم ورقه و قلم وصايف و بدات اصايل تكتب الاسماء و البنات يصفطونها و نطقت اصايل : ها اسحب انا
الهنوف : اي انتي اكبرنا
دخلوا خلود و شهد و نطقت شهد : تلعبون كيرم ؟
اصايل ناظرتهم: تلعبون
سكرت خلود الباب : اي ليش لا
وصايف : بنسوي قرعه و اللي يطلع اسمه يلعب اول
جلسوا شهد و خلود : تم
الهنوف : اي وش جابكم
شهد : ملل تعرفين مافي سوالف قلنا نجلس معكم
الهنوف همست : بيني و بينكم امي طفشتكم و جيتوا لعندنا
ضحكت شهد بخفه : لا يا حلوها خالتي
الهنوف : كذابين واضح
شريفه و هي تاكل الجوكلت : واضح عمتي مطفشتكم الصدق من اشكالكم
ضحكوا شهد و خلود و نطقت خلود : ذا اللي صار
اصايل : يلا شهد انتي اكبرنا اسحبي
بدات تحرك الاوراق بيدها اصايل و مدت كفها لشهد و نطقت شهد : بسم الله
اخذت ورقه و فتحتها : شروف
صفقت شريفه : يسس
اخذت ورقه ثانيه : الهنوف
الهنوف : كنت حاسه اني راح العب
شهد اخذت ورقه ثالثه : شيمي
ضحكت شموخ بأنتصار و نطقت وصايف : يلا طلع دورك اول مثل ما كنتي تبين
اصايل : اخر ورقه سمي بالله و اختاري
اخذت الورقه و ناظرت خلود : اسمك
وقفت خلود : يلا انزاحوا
جلسوا كانت شموخ مقابل شريفه و الهنوف و خلود مقابل بعض نطقت اصايل : خلاص حنا لجنه التعزيز
بدوا البنات يلعبون و يحركون حبوب الكيرم و كل ثنيتين مقابل بعض كانوا فريق
وصل خالد المركز و دخل عند مكتب وليد و ناظر العساكر الباقين عنده بالمكتب طق التحيه لوليد اللي نطق : استرح
نزل يده و نطق وليد : تاخذ الملازمين الجدد معك تمسكون ماجد
توتر خالد شوي اول مره يطلع مهمه و هو يكون الاعلى فيها : حاضر
بدا وليد يعطيهم الاوامر و بعدها نطق : انصرفوا يلا
انصرفوا العساكر مع خالد و طلعوا من مكتب وليد ناظر عزام خالد : بالتوفيق صدقني المهمه ذي يمكن ترقيك
خالد : ان شاء الله........
↚
طلعوا من المركز و توجهوا للعنوان ناظر المكان خالد و تشجع : يلا ننزل
نزلوا معه و صعدوا للشقه اللي كان فيها ماجد المجرم و تاجر الممنوعات طلع سلاحه خالد و فتح الباب بقوه و دخلوا معه الملازمين و بدوا يفتشون الشقه مكان مكان ولا لقوا اي دليل تنهد خالد و نزل سلاحه نطق احد الملازمين : وينه ذا الشقه فاضيه
اخذ الجهاز من خصره : بلاغ كاذب
وليد بحده : كيف كاذب
خالد : مافي احد بالبيت حضره الفريق
وليد : ارجعوا للمركز حالاً
سكر الجهاز خالد : امشوا
طلعوا من الشقه و نزلوا من الدرج و ركبوا السياره و حركوا للمركز
بالمركز فار دم وليد : كيف مو موجود كيف
عزام : هدي هي وحده من الثنتين يا ان انحاش او..... قاطعه وليد و وقف : او وش و لو منحاش هذا يعني عرف اننا نراقبه و ناوين عليه راحت الخطه عزام راح كل شي
عزام قرب منه : استهدي بالله يا وليد و ما عليك مليون خطه في غيرها
دخلوا خالد و الملازمين و طقوا التحيه لوليد ناظرهم وليد وقرب منهم : تستهبلون ولا وش بالضبط وش قلت لكم انا
خالد : ما لقينا احد مو غلطنا ذا
عزام مسك يد وليد : عدل كلامه وليد مو غلطهم
تنهد وليد : انصرفوا
طلعوا من مكتب وليد ناظر عزام وليد : يا ابو خالد هد حالك ما عليك بعدين نحل القصه الحين خلك بعرس خالد على بنت اخوك و بعد العرس يحلها الف حلال
جلس وليد على مكتبه : بعد اسبوع بلغ الشباب في خطه ثانيه و ابحث عن مكان الكلب ذا
اكتفى عزام بهز راسه و طلع من مكتب وليد و على المغرب توجهوا ابو تركي و عياله لبيتهم و في الفجر صحت شريفه بحماس الليله راح تروح تشوف المرسم نزلت تحت و ناظرت امها و تقدمت تحضنها و بلغه الاشاره : صباح الخير
ابتسمت مشاعل لها : صباح النور تعالي توضي سخنت لكم المويه لك ولأخوانك
هزت راسها و مشت للمطبخ و ناظرت اخوانها يتوضون : صاحين بدري الليله
سعود و هو نايم على كتف مشعل : ابي انام ابوك ذا مو مخلينا ننام
ام تركي حركت بيدها : قلت لك لا تسهر لأخر الليل ما تسمع الكلام
مشعل رفع كتفه يصحي سعود: افتح عيونك امي تكلمك
سعود : عارف وش بتقول
نواف بلغه الاشاره : يمه شلونك معه يضايقك صار لك فتره مو على بعضك
ابتسمت ابتسامه مزيفه و رفعت ابهامها : الحمدلله
تنهدت شريفه عارفه ان امها مو بخير : خلصتوا ابي اتوضى
ابتعد عبدالعزيز : خلصت
بدات تتوضى و نواف يصب لها المويه الدافيه : شفيها امك
شريفه : مثل العاده يصرخ عليها و كلامه اللي دايم تسمعه و هي ولا فاهمه شي من كلامه بس تعرف انه يسب و يقذف
نواف : لا حول
شريفه : المهم نواف بروح البيت قبل لا يجي على الغداء يعني كذا على الساعه ١١ الظهر او قبلها
↚
مشعل سمعهم : روحي مجهز كامل و مكمل لك
ابتسمت له و هزت راسها و نطق عبدالعزيز: عاد ارسمينا
ضحكت بخفه و هي تنشف : اكيد اول رسمه لكم
حركت يدها ام تركي : تبون شكشوكه على الفطور
قبل يدها نواف و ابتسم و هو يحرك يده : كل شي من يدك حلو
دخل بقوه ابو تركي : صلاه خلصوني جالسين تسولفون مع ناس صمخه
ناظره بحده نواف : يبه وش ناس صمخه
مشعل بحده : يبه امي مو صمخه و انت عارف ليش صار فيها كذا
ابو تركي كشر: خلصوني بس صمخه و ماتفهم البهيمه تفهم اكثر منها
تقدم له نواف بحده : يبه امي ذي امي
سعود صحصح : امي اللي تحملتك طول ذي السنين وش ذا الكلام اللي تقوله
قربت شريفه : فوق ما انك انت السبب باللي صار لها جاي و تقول الكلام ذا
ابو تركي رفع سبابته : ولا صوت انتي سامعه لي تكلموا الرجال الحريم يسكتون
شريفه بحده : ماني ساكته مو كافي امي متحملتك و متحمله ظلمك لها و لنا
سحبتها امها و بلغه الاشاره : بس شريفه
حرك يدينها شريفه بعصبيه : يغلط عليك ما راح اسكت
ابو تركي ضحك : طلع لك حس الحين
دخل تركي على اصواتهم العاليه : شفيكم
ابو تركي : شرفت خلصوني صلاه
طلع ابو تركي و نطق تركي : شصاير
نواف و هو يطلع : نفس كل مره غلط على امي
مسح على عوارضه تركي و ناظر امه و تقدم يقبل راسها و الحال مثله عند كل العيال قبلوا راسها و بعد ما طلع نواف ناظر ابوه بالحوش ناظره و هو رافع حاجبه : وش الكلام اللي قلته يبه ذي امي زوجتك
ابو تركي : اقول سد فمك احسن لك مو ناقص الا انت تعلمني احمد ربك اني ما طلقتها ولا كان عشتوا بالشوارع انت و ياها و خوانك
نواف ضحك : احسن من ظلمك صدقني
ابو تركي : اسكت فاهم ولا والله اخلي العصي تضرب على ظهرك
نواف ترك ابوه و مشى بحده للمسجد طلعوا الاخوان و نطق عبدالعزيز: نواف وين
ابو تركي و هو يمشي : راح لجهنم
استغفروا الاخوان و نطق تركي : اتركوه و امشوا الصلاه
سعود : غلط عليها غلط عليها و صرخ على شروف و نسكت بعد
تركي : سعود مو ناقصين مشاكل
مشعل : مو المشاكل موجوده من الاساس
تركي : بس خلاص انت وياه
مشوا الاخوان و دخلوا المسجد و بدوا يصلون سجد نواف و بدا يدعي ان ربي يكتب له نصيب مع نور عينه و يرتاحون من ظلم ابوهم لهم و يدعي من كل قلبه لان عارف ان ربي ما راح يخيب ظنه
بعد الصلاه توجهوا للبيت ينامون لهم كم ساعه قبل لا يبدا الصبح و على الصبح بالمطبخ حطت شريفه شال مثلث على راسها و بدات تسوي الفطور و تحرك عجينه الخبز نطقت خلود : شروف خلي انا اسوي الخبز
شريفه ناظرتها : اعجنها و انتي سويها
بدوا يسوون الفطور و صحوا العيال نطق مشعل : ريحه الخبز
↚
سعود و هو يطقطق بجواله : في ريحه بيض بعد
نواف : سكر الجوال لا يشوفه ابوي بيدك
شهق سعود و رمى الجوال و التفتوا له و نطق نواف: شفيك
اخذ الجوال و ناظر المقطع : الفيديو اللي امس صورته مع الناقه جاب مليونين مشاهده
عبدالعزيز و هو منسدح: تستهبل كذاب واضح
رفع الجوال لهم و ناظروا اخذ الجوال نواف و بدا يقرا الكومنتات و رمى له الجوال : اخس والله و صرت مشهور
سعود ابتسم : شكلي بصور مقطع ثاني بعد
وقف من فراشه و طلع مسرع ناظرته شريفه و بيدها الصينيه : فطور
سعود : بعدين بعدين
دخلت عليهم و هي تضحك : شفيه ذا
حطت الصينيه على الارض و نطق نواف : اخوك صار مشهور
شريفه : صدق ولا تستهبل
وقفوا العيال و نطق مشعل : اي والله حتى كان مصور فيديو عند النياق و جابت ٢ مليون
ابتسمت : صدق الله وناسه يا عمري واضح مستانس
وقف نواف : اي و انتي كيف حماسك و شوي بتشوفين مرسمك
ابتسمت ابتسامه عريضه : مبسوطه مرهههههه
قبل نواف راسها : عسى دوم ، ريحه خبزك تاخذ القلب
شريفه : بالعافيه بس مو انا اللي خابزه انا بس سويت العجينه
عبدالعزيز اخذ قطعه من الخبز و اكل : ذا المهم العجينه ما يهم من يخبز
شريفه : غسلوا و تعالوا تفطروا
مسك نواف يدها : تفطري معنا
شريفه : امي و خلود و تركي داخل يتفطرون حرام اخليهم بروحهم
عبدالعزيز: و اخوانك تخلينهم بروحهم عادي
ابتسمت : لا طبعاً
مشعل : يلا ابوك كذا ولا كذا نايم ما يصحى الحين خلك معنا
هزت راسها : طيب يلا غسلوا على ما اشيل المطارح و المخدات
طلعوا الاخوان و فتحت الانوار شريفه و بدات تشيل المطارح و ترتب المجلس ناظرت ورقه عقدت حواجبها و فتحتها ضحكت بخفه عرفت ان الورقه ذي لنواف من نور التفتت من دخل نواف و هو يمسح وجهه بالمنديل رفعت الورقه و نطقت : لك صح
ابتسم نواف: لي قريتي وش داخلها
رفعت اكتافها : يمكن
حاوط كتفها : ما تسوينها يلا وش مكتوب
ضحكت بخفه و قلدت صوت نور : والله كحلت عيوني بشوفتك امس بالبقاله يا نواف متى تخيلاتي معك تصير حقيقه
ضحك نواف : تعالي تفطري
ابتعد عنها و دخلوا الباقي و بدوا يتفطرون و نطقت : الحين صدق سعود وين راح
مشعل و هو ياكل : يبي يكمل يصور مع النياق
ضحكت شريفه بقوه ناظروها اخوانها و نطق نواف : جعل ما يضحك غيرك
عبدالعزيز: ضحكه تذبح والله مع الغمازه و الشامه اللي بنص الخد اليمين
مشعل و هو ياكل : و العيون الكحيله و الرموش يويطي ( يويلي ) يا شروف يا حلوك يا حظ اللي بياخذك
ابتسمت شريفه : افففف تخلوني استحي.......
↚
ضحكوا الاخوان و كملوا يتفطرون و بعدها كل واحد شاف شغله اللي راح عند الحلال و اللي عند البقاله ، نواف كان دوره اليوم يشرف على الحلال و خالد بدوامه لحد الحين و باقي العيال بالبقاله و اللي بدوامه و ابو تركي و ابو جابر كانوا بالقهوة و في بيت ابو جابر كانوا بنات ساره ينظفون غرفتهم و همست شموخ : نص ساعه اروح و ارجع بسرعه
اصايل و هي تمسح المنظره : صاحيه انتي اقول اقضبي الوطا مافي
وصايف : مو ناقصين مشاكل شموخ
شموخ : بشوف الحوار متلهفه على ما اشوفه تكفون محد يدري نص ساعه غطوا علي يلا
وصايف و هي ترتب السراير : اسفه ما راح اغطي لان كلنا راح نروح فيها اذا عرف ابوي
شموخ تكتفت : يعني اقول حق ابوي ان عندك مجلات فيها صور ممثلين صح و اقول له بعد ان خالد يجيب لك
وصايف : لا لا خلاص اطلعي مالي دخل فيك ذنبك على جنبك
اصايل التفتت على شموخ: قلت لك ان طلعتي قلت لأبوي
شموخ ابتسمت : صدق اقول لأبوي انك تحبين ولد خالتنا
التفتت وصايف : مين اي خاله
اصايل قربت من شموخ : اسكتي مافي شي
شموخ لوصايف : كذابه شفتي يوم عيد الاضحى لما رحنا لخوالي دخلت المجلس على اساس تبخره و شافت مطلق
فتحت عيونها وصايف : امانه
اصايل : اذلفي اطلعي و انتي ان تكلمتي دفنتك
وصايف ابتسمت : تكلمينه
اصايل : لا تجننيني ما كلمته بس شفته
شموخ فتحت الدولاب : شافته و من يومها ميته عليه حتى عندها صوره له و هو لابس بدلته العسكريه و كل يوم تشوفها
اخذت المخده اصايل و رمتها على شموخ : بس صدق مو كفو احد يأمنك على اسراره
ضحكت شموخ : خلوني اطلع و غطو علي و انا احافظ على اسراركم
لبست شموخ ثوب عبدالعزيز ضحكت وصايف : على طولك
شموخ غمزت : قصرته و خيطته
اخذت الشماغ و قربت للمنظره و بدات تتلثم: يلا امنوا لي الطريق
اصايل : الباب الخلفي لا تطلعين من قدام
شموخ : طيب يلا
طلعت اصايل اول شي و كان القسم هادي و امهم جالسه بالمجلس البعيد تشوف التلفزيون اشرت اصايل لشموخ بيدها : بسرعه
طلعت شموخ للعند الباب الخلفي و نطقت اصايل : اكثر من نص ساعه يويلك سامعه
قبلت شموخ خد اصايل و فتحت الباب تطلع و بحكم ان حلال آل جراح قريب قدرت توصل له بعد مده قصيره من مشي ناظرت النياق جالسه تاكل و مشت لهم تمسح عليهم : اشتقت لكم
مسحت على وضحه ناقه خالد : الحمدلله على السلامه
قبلت الناقه و ناظرت الحوار ابتسمت و مشت له تحضنه : يا حلوك
↚
ابتعدت و بدات تمسح عليه سمعت صوت خلفها : امرني يا اخوي بغيت شي وش تسوي عند حلالنا
بلعت ريقها شموخ و بدا صدرها ينزل و يصعد من التوتر ظلت معطيته ظهرها و بصوت رجولي : لا بس شفت الحلال و جيت اشوفه
ناظر شعرها اللي كان مبين و نست تدخله و نطق نواف : ماشاءالله شعرك طويل و اشقر
بلعت ريقها شموخ و التفتت له : تعرف يعني عايش طول عمري بالبر و كذا ف ما اقصه
تكتف نواف عرف انها بنت من هيئتها ناظر مناكيرها الاحمر و خواتمها الذهب : و ماشاءالله تحط مناكير و تلبس ذهب
فتحت عيونها شموخ و ناظرت يدها و رجعت انظارها له من نطق: ارجعي بيتكم يا اختي الله يستر عليك وش جايبك هنا
صد نواف وكمل: المكان خطر عليك لو عرف احد غيري انك بنت يمكن تروحين فيها
توترت شموخ و مشت تركض و تركته التفت نواف و ناظرها تركض ضحك : تمثل صوت ولد و حاطه مناكير احمر
مسح على الحوار : ما تعرف تمثل ذي تضحك
التفت من شاف سعود مقبل له من الجهه الثانيه : ان صورت محطت بالعقال بس خلاص
ضحك سعود : جاي اشرب شاي و اخذ علومك
نواف مشى معه : امش عندي علوم كثيره
جلسوا و بدوا يسولفون و نطق نواف : بكلم ابوها
سعود و هو يشرب من الشاي : لا لا تكلم بدون علم ابوي والله تنقلب الدنيا
نواف : سعود ابيها و احبها والله احبها
سعود نزل بياله الشاي : نواف عارف انك تحبها و انا اول واحد يعرف انك تحبها بس ابوي و عارفه انت بس صر على الموضوع و هو اذا شافك كذا جاد و مصر راح يزوجك ياها والله
تنهد نواف : ان شاء الله
كملوا يسولفون و بعد فتره حسوا بملل و توجهوا للبقاله عند باقي العيال
دخلت شموخ البيت مسرعه و توجهت لغرفتها بسرعه و فتحت الباب اخترعوا البنات و فزوا سكرت الباب و وقفت وراه و هي حاطه يدها على قلبها ناظرها اصايل : شفيك
فتحت اللثمه شموخ و نطقت وصايف : ابوي شافك صح
شموخ و هي تلهث : لا مو ابوي
اصايل : خالد
شموخ : لا لا بس في رجال عرف اني بنت و انحشت
اصايل وقفت و ضربتها مع راسها بخفه : هبله رايحه بمناكيرك و خواتمك اكيد بيعرف
فصخت الثوب شموخ : ذكرتيني بالمناكير خليني امسحه لا يجي ابوي و يشوفه
وصايف : امسحي مو ناقصين خناق
شموخ : طيب
اصايل جلست على سريرها : مين ذا الرجال
جلست شموخ على كرسي التسريحه و طلعت مزيل المناكير : معرف كان عند الحلال
جلست اصايل تفكر : اكيد واحد من عيال عمي لان محد يروح الحلال غيرهم هم و اخواني
شموخ و هي تمسح اظافرها : اسكتي لا توتريني الله يستر لحد يعرف
وصايف و هي تتصفح المجلات : ودعينا و ودعي امي و ودعي نفسك احتياط
ضحكت اصايل ناظرتهم شموخ : طقطقوا حسابي معكم بعدين
↚
كملوا البنات كل وحده مشغوله بشي و في بيت ابو تركي قالت شريفه لأمها عن البيت ابتسمت مشاعل و حركت يدها : انتبهي لنفسك
اشرت شريفه على عيونها و مشت للمطبخ اخذت كوب و حطت فيه مويه و طلعت من البيت للبيت المهجور اللي اشتروه اخوانها لها وقف سيارته خالد قدام بيتهم اللي كان مقابل بيت عمه و لمح اللي طلعت من بيت عمه عقد حواجبه و نزل من السياره و همس : وش مطلعها ذي بروحها و مين ذي
سكر السياره و مشى وراها و بنفس اللحظه ذي ابو تركي طلع من القهوه و ناظر خالد اللي كان يمشي خلف البنت و عرف البنت ذي انها شريفه بنته من مشيتها مشى وراهم و دخلت شريفه البيت اللي كان عباره عن غرفه وحده ابتسمت و شغلت الانوار ناظرت المريله و اخذتها كانت تبي تلبسها بس التفتت للباب من انفتح و ناظرت الشخص اللي نطق : مين انتي و وش جابك هنا
شريفه سكتت و صدت و نطق خالد و هو يدخل: اكلمك وش طلعك من بيت عمي و جابك للبيت المهجور
شريفه بتوتر : اط........ قاطع كلامها فتح الباب القوي و ناظرت ابوها اللي صرخ : يا قليله الادب والله ذب/حك على يدي الليله
قرب منها و رفع يده يضربها صرخت شريفه : بعد عني
ابو تركي و هو يضربها : ابعد عنك و انتي مسويه العيبه و انتي و ياه بغرفه وحده
خالد قرب منهم : عمي فاهم غلط خلني اشرح لك
التفت عليه عمه : ولا كلمه الليله تكلم ابوك تكتب كتابك عليها سامع
خالد بصدمه : عمي
شريفه ببكي : ما سويت العيبه ما سويتها
مسكها ابو تركي : امشي البيت و انت الليله سامع ولا والله اذبحها والله
خالد : عمي وش اللي تذبحها ما سوت شي
ابو تركي : مسوين العيبه و تقول لي ما سوت شي سد فمك سامع ولا تقول لي عمي يا نجس
سحب شريفه معه للبيت مسح خالد على وجه : استغفرالله
طلع من البيت و دخل ابو تركي بيتهم مع شريفه دخلها المجلس و نزل عقاله و نطقت: يبه لا لا ما سويتها والله اني ما اسوي العيبه يا يبه
فتح العقال و بدا يضربها بقوه : والله لا اموتك ضرب على فعلتك ذي
كانت تتألم و تبكي : قلت لك ما سويتها
ابو تركي و هو يضربها : سويتيها و صرتي مو طاهره
فتحت باب المجلس ام تركي و شافت شريفه تبكي على الارض و ابو تركي يضربها حاولت تبعده عن بنتها لكن دفها بقوه و طاحت بالارض و كمل ضرب فيها ركض خالد للبقاله و كانوا العيال يسولفون و يضحكون ناظروه و هو يلهث نطق : عمي جالس يضرب اختكم ......
↚
وقفوا العيال و طلعوا مسرعين و نطق نواف : وش تقول انت
خالد : اسمعني نواف شفت بنت تطلع من بيتكم للبيت المهجور استغربت و دخلت وراها البيت و والله العظيم ما سويت لها شي ولا ناظرت بعيونها حتى سألتها ليش جايه هنا و بعدها دخل عمي و فكر ان بينا شي و ضربها
نواف بحده : انت وش تقول ضرب شريفه
ركض نواف و ترك خالد مع فارس دخلوا الاخوان البيت و ركض نواف للمجلس : يبه وش تسوي
ابو تركي و هو يلهث من الضرب : الواطيه راح عرضها و شرفها مع ولد عمكم الكلب خالد
مشعل بعصبيه : خالد يا حيوان
كان بيمشي و مسكه نواف و بحده : اجلسوا محد يروح له سامعين
عبدالعزيز بأنفعال : يقولك اختك و خالد سووا فعلتهم و انت تبينا نسكت
نواف مشى و بعد ابوه عن شريفه : بعد
ابو تركي : صاحي انت
نواف بحده : اقول لك بعد عنها بعد
شريفه ببكي : والله ما سويتها والله
بعد ابو تركي و مسك نواف يد شريفه يوقفها و صارت ورا ظهره و نطق : على اي اساس تضربها سمعت منها
ابو تركي : ما اسمع لوحده جابت العار لأهلها
نواف بحده : ما جابته و شريفه اشرف من الشرف بعد
شريفه و هي خلف ظهر نواف : ما جبته هو دخل وراي و سألني وش جابني للبيت و انا سكت ما تكلمت حتى ولا نطقت بحرف ولا شي كنت بقول له اطلع بس انت دخلت
ابو تركي حاول يضربها و هي خلف ظهر نواف فتح يدينه نواف : بعد عنها تشك بتربيتك لها
ابو تركي : اشك بعدين وش موديها للبيت المهجور
مشعل استوعب : اشتريناه لها علشان تحوله لمرسم
ناظرهم ابو تركي : الليله عقد قرانها عليه الليله سامعين فعلتهم اللي بدوا فيها ذي يا تنتهي بموتها او بزواجهم
نواف بحده : يبه بنتك ذي بنتك ثمينه و طاهره كيف تطعن فيها كذا
ابو تركي : مهي طاهره ولا هي شريفه ذي زانيه سامعين
شريفه ابتعدت عن ظهر نواف و وقفت قدامه : طاهره و اطهر من الطهر بعد و ما تطلع مني العيبه الله ينتقم منك
ضحك ابو تركي : زانيه و تتكلم
مشى و تركهم كانت ام تركي تناظرهم من عند الباب ولا هي فاهمه شي حاطه يدها على فمها و تبكي ناظرت شريفه اخوانها اللي كانوا يناظرونها و عيونها حمراء من البكي تنهد نواف و التفت لها : شروف
شريفه : والله اللي رفع السبع اني ما سويتها
حضنها نواف على جنب : واثق فيك ثقه عمياء شروف
عبدالعزيز: وش صار شريفه
ابتعدت شريفه عن نواف : اللي قلته صار والله العظيم
اكتفى عبدالعزيز بهز راسه ناظرت مشعل : مو واثق فيني
ناظرها مشعل : واثق
دخل تركي من باب البيت و هو يركض لهم ناظر شريفه : سوا لها شي
سعود : عرفت
تركي : قال لي خالد
سعود تكتف : تعال فهم ابوك الحين باللي صار مستحيل يقتنع
قربت منهم امهم و حركت يدينها : وش صاير
