رواية زاهية الشامة على الخد اليمين الفصل الرابع 4 بقلم جمان بنت عبدالله
رواية زاهية الشامة على الخد اليمين pdf الفصل الرابع 4 هى رواية من اجمل الروايات الرومانسية السعودية رواية زاهية الشامة على الخد اليمين pdf الفصل الرابع 4 صدر لاول مرة على موقع التواصل الاجتماعى فيسبوك رواية زاهية الشامة على الخد اليمين الفصل الرابع 4 حقق تفاعل كبير على الفيسبوك لذلك سنعرض لكم رواية زاهية الشامة على الخد اليمين الفصل الرابع 4
رواية زاهية الشامة على الخد اليمين الرابع 4 بقلم مجهولة
ناظرها نواف و مسح دموعها و حرك يده : ولا شي
ام تركي بلغه الاشاره : كيف ولا شي و هو يضربها
شريفه تقدمت لأمها و حركت يدها : ضربني و طعن بشرفي يحسب اني سويت الحرام قلبي يعورني من كلامه احسه سكاكين على قلبي
حطت يدها على فمها امها و فتحت يدها تقدمت شريفه تحضنها و بدات تبكي همس نواف و اشر على قلبه : قلبها
تركي بنفس الهمس: وين راح
سعود : صعد فوق
عبدالعزيز بهمس : لا يصير لها شي على موضوع قلبها
نواف : خلوكم هنا رايح شوي و جاي
سعود : وين
نواف مشى : جاي مو مطول
طلع نواف من البيت و مشى للبقاله ناظر خالد اللي كان مكتف يدينه ورا ظهره ولابس بدلته التفت عليه خالد : لا تقول لي ذب/حها
نواف : اسم الله عليها
فارس : خلصني وش صار كلنا متوترين
نواف ناظر خالد : واثق فيك و واثق بأختي بعد ثقه عميه و عارف انها ما تطلع منكم
خالد : يبه والله ما سويتها والله احلف ب وش
نواف : مصدقها و مصدقك
فارس : وش راح يصير
تنهد نواف : يا يذبحها يا تتزوجها
خالد : لا حول ولا قوة الا بالله
رفع اكتافه نواف ناظر فارس عمه مع العيال : عمي و العيال جايين
التفتوا نواف و خالد لهم دخل ابو تركي و اشر على خالد : قلت لأبوك على فعلتك السوده
خالد : عمي ما طلعت مننا العيبه
ابو تركي : لا تتكلم سامع ولا كلمه سكروا البقاله و تعالوا لبيت ياسر
طلع ابو تركي و نطق فارس : اطلعوا الله يستر من اخرتها
خالد و هو يطلع : ليتني ما رحت ليتني دخلت البيت
حاوط نواف كتف خالد : بالعكس اصلا مبسوط على فعلتك ذي
مشعل : صاحي انت
نواف ناظرهم : اي شفيكم ذا ان دل دل على ان ولد عمنا كفو و خايف على حريمنا لا يصيبهم شي
سكر فارس البقاله و مشوا و نطق عبدالعزيز : والله قلبي مو مطمن
تنهد خالد و دخلوا بيت عمهم ياسر و ناظر خالد ابوه و عمه و جابر جالسين و نطق ابو جابر : وش صاير
جلسوا العيال و نطق ابو تركي : اللي صاير ان بنتي و ولدك سووا العيبه
نواف بأنفعال وقف : ما سوتها يبه ما سوتها
جلس سعود نواف و نطق تركي بحده : يبه مو كذا
ناظر ابو جابر عياله : اي كلب فيهم
اشر ابو تركي على خالد و نطق ابو جابر : هذا و انت العسكري زاني ف كيف على الباقين
خالد بحده : مازنيت ما تطلع العيبه من آل جراح
ضحك ابو تركي : طلعتوها
ناظر اخوه و كمل: الليله كتب كتابهم الليله نطهر عرضنا سامع يا اخوي
ابو جابر : مافي حل نطهر في عرضنا غير الزواج اصلا و الذب/ح
ناظر ابو جابر ولده جابر : بلغ الشيخ بعد صلاه المغرب يجي هنا
ناظر خالد و كمل : و انت وش مجلسك بين الرجال بعد فعلتك
وقف خالد رفع سبابته و بحده : العيبه ما تطلع مني ولا تطلع من بنت الاجاويد
↚
ناظر عيال عمه : و اختكم راح احطها فوق راسي لانها مظلومه و انا مظلوم معها
كمل و هو يناظر ابوه و عمه : راح يجي اليوم و تعرفون انكم غلطتوا كثير والله بالله ان ربي ما اخذ حقنا بالدنيا راح ياخذه بالاخره كل شي راح ينكشف بالاخير
طلع خالد من المجلس و دخل البيت بقوه و بدا يدور على امه ناظرها جالسه مع خواته بالمجلس : اليوم ملكتي
مريم بصدمه : وش تقول
خالد بحده : اي اليوم ملكتي على بنت عمي سلطان عمي اللي اتهمني اني هتكت عرضه و سويت العيبه مع بنته
شهقت الهنوف : كيف
مريم وقف : لا مستحيل ما تاخذ بنت مشاعل مستحيل
رغد بتقزز : طلعت منها العيبه
خالد بعصبيه : ما طلعت ولا تسويها سامعه عمك المتخلف ذا جالس يجيب كلام من عنده
تركهم و مشى لغرفته وقفت الهنوف : كلمي ابوي تنزلون تجيبون الدبله و الشبكه
مريم : اكيد اتهمت ولدي بنت الحيه مشاعل اكيد
تأففت الهنوف و طلعت تتركهم و صعدت عند خالد طقت الباب : يصير ادخل
خالد : ابدل
انتظرته الهنوف على ما يخلص و نطق : تعالي
دخلت الهنوف و سكرت الباب جلست على سريره و جلس خالد و نطقت : وش صار
مسح على شنبه خالد و تنهد : شفتها طالعه من بيتهم و رايحه للبيت المهجور
الهنوف : اي ذا اشتروه اخوانها لها علشان ترسم
خالد كمل : ما كنت اعرف من ذي بس صار فيني فضول اعرف ليش راحت له دخلت وراها و مسكنا عمك يحسب بينا شي
هزت راسها الهنوف و نطق : وش اسوي اذا ما تزوجتها راح يذبحها
الهنوف بصدمه : يذبحها كيف مو مصدقها و اخوانها
خالد : اخوانها مصدقين بس عمي
الهنوف ضربته بخفه على رجله : ما عليك ترا البنت عسل و تجنن
تنهد خالد : كيف اخذها و انا بقلبي وحده
التفتت له الهنوف : بقلبك وحده
خالد : مو بقلبي بقلبي بس في وحده حبيتها من اول ما شفتها
الهنوف ابتسمت : مين وش اسمها
رفع اكتافه : ما اعرف
الهنوف : خالد مافي انسان يحب انسان ثاني ما يعرف اسمه صدقني راح تحبها كثير شريفه تهبل و طيوبه
خالد : فيه انا
هزت راسها : طيب
كملت بحماس و صفقت : يالله ما اصدق انك بتاخذها تعرف انا وياها و شموخ مره قراب من بعض ما اتخيل انها زوجه اخوي و بتعيش معنا
خالد : تخيلي كل شي الا الاخيره
الهنوف تذكرت : صح نسيت بيتك المهم الله يسر الامور وكل امرك لله و كل الامور راح تنحل
تنهد خالد : ان شاء الله
وقفت الهنوف و طلعت ابتسم خالد من تذكر اللي شافها ترقص : ذي بس شفتها ترقص و اخذت عقلي كيف لو اشوفها صدق
فتحت شموخ الباب بقوه و هي فرحانه و سكرته ناظرها خالد : شفيك .......
↚
فتحت شموخ الباب بقوه و هي فرحانه و سكرته ناظرها خالد : شفيك
شموخ : احلف انك راح تتزوج شريفه
قلب عيونه خالد : حسبت عندك سالفه
جلست جنبه على السريره : و ذي سالفه و مهمه بعد
خالد : شموخ اطلعي برا
شموخ بصدمه : جرحتني
خالد و هو يحاول يقومها : اطلعي مالي خلق لك
وقفت شموخ : بطلع اففف
طلعت شموخ و كانت شريفه تبكي بغرفتها حرقه تبكي على كلام ابوها و كيف قدر يشك فيها و ضربه لها و تبكي من الم قلبها اللي صار ما يتحمل شي سمعت صوت الباب مسحت دموعها : تعال
دخلت خلود و سكرت الباب و تقدمت تجلس جنب شريفه على طرف السرير : شروف اللي صار صار يلا يا قلبي انتي بعد المغرب يجي الشيخ تجهزي
تقدمت شريفه تحضنها ببكي : اخخخ يا خلود احس بقهر الدنيا كلها بقلبي
مسحت خلود على شعر شريفه كانت تحسها كأنها اختها الصغيرة: شروف انتي مثل اختي اللي صار يمكن خيره و اخوانك كلهم معك و انا معك والله
ابتعدت شريفه عنها : طعن فيني يا خلود
خلود مسكت يدها : كلنا عارفين ان ما تطلع منك اسمعيني شروف خلاص مافي هروب من الواقع الليله ملكتك عليه قومي تجهزي و تسبحي و قبلها صلي لك كم ركعه
اكتفت شريفه بهز راسها و هي تمسح دموعها طلعت خلود و وقفت شريفه و توجهت للحمام ( الله يكرمكم ) وبدات تتوضى مع سريان دموعها اللي اشبه بشلالات حاره تحرق خدها و عيونها بدات تنشف وجهها و طلعت من الحمام اخذت جلالها و لبسته و فرشت سجادتها تصلي
عند عيال ابو تركي كانوا جالسين بالمجلس و نطق تركي : كلمتوها تجهز
سعود : اي
نواف بضيق : والله خالد و النعم فيه بس مو كذا مو بالطريقه ذي يتزوجون
عبدالعزيز و هو يلعب بشعره : عسى الله يهنيها معه
مشعل و هو يفكر : وش جاب خالد للبيت
نواف بحده : مشعل لا يلعب الشيطان صاحي انت ذي شروف لو بتروح معه كان راحت بدون لا تقول لنا
وقف سعود : تروحون لها
وقفوا العيال و نطق نواف : امشوا
مشوا العيال و صعدوا الدرج التفتوا لبعض و نطق تركي : خلاص انا اطق الباب
طق تركي الباب و وصلهم صوت شريفه الباكي : تعال
دخلوا اخوانها و كانت جالسه على كرسي التسريحه و خلود وافقه جنبها ولابسه جلال صلاتها و بيدها فرشاه الميك اب جالسه تغطي اثار الضرب ناظروها اخوانها و همس نواف لتركي : خل حرمتك تطلع شوي
تركي : ام ثنيان تركينا شوي
نزلت خلود الفرشاه و همست لشريفه : شوي و اجيك
طلعت خلود و تقدموا لها اخواني و نطق نواف : يا بعد الدنيا
ناظرتهم بعيون باكيه : ما ابي كلموه تكفون ما ابي اتزوج بالطريقه ذي
مسك نواف يدها : تعالي
↚
وقفت و جلست على الكنب و جلسوا اخوانها حوالينها و نطق تركي و هو ماسك يدها : لو بس يتعرض لك راح تلقين ٥ صقور ورا ظهرك و اسود يدافعون عنك
شريفه : تكفى عزوز كلمه تكفى
حضنها عبدالعزيز على جنب : والله مو بيدي والله ، كلمناه و فهمناه بس معند راسه وش نسوي نشوفك تضيعين من بين يدينا
شريفه : اضيع بس ما اتزوج بالطريقه ذي
مسك نواف كفوفها : شروف عيوني الثنتين انتي اسمعني كلمت خالد فتره و يطلقك شرايك
سعود بصدمه : وش يطلقها
تركي : اسمعيني شريفه ما عليك منهم ذولي الليله ملكتك عليه و بعد كم يوم زواجك استخيري و اذا خير لك ربي راح يخليه بحياتك
عبدالعزيز: شريفه خالد يشبهنا كثير و عكس تفكير ناس كثيره يشبهني بالاسلوب و التصرف و فيه من نواف بعد
نواف ابتسم : صح حتى راح تحبينه بسرعه
شريفه ببكي : ما ابي احب ما ابي المحبه ذي
سعود بخوف عليها : شروف عيوني هدي لا تجيك النوبات
شريفه : ما يهم سعود ما يهم حياتي راح تتدمر
نواف : اسم الله عليك كلنا عارفين ان العيبه لا طلعت منك ولا منه بعدين خالد والله و النعم فيه رجال و كفو ينشد فيه الظهر ليش تتدمر حياتك
عبدالعزيز: مو كنتي تقولين متى اطلع من الديره ذي ما تدرين يمكن هو يطلعك
تركي ناظر ساعته : شريفه يا عيوني انتي مابقى شي على المغرب ارضي بالواقع لعل و عسى يتغير
وقفوا العيال و نطق نواف : لو انه مو خالد ترا سويت حرب علشان لا ياخذك بس لان خالد راضي
شريفه ناظرته و ناظرت عبدالعزيز اللي نطق : و لان صديقي و ساعدني اكمل دراستي و كتم سري بعد رضيت عليه
سعود : ما نعطيك لأي واحد انتي الغاليه
قبل راسها مشعل : عسى الله يهنيك
شريفه بأنفعال : كيف تبوني اتهنى و انا ابوي يطعن بشرفي ابوي اللي المفروض يكون لي سند و يصدقني جالس يسوي كذا
عبدالعزيز: شريفه يا بعدي انتي بعد الملكه نتفاهم اكثر
دخلت ام تركي و ناظرت عيالها قربت منهم و ناظرت بنتها حركت يدينها : شفيك
نواف ناظر امه : راح تتزوج خالد تذكرينه
صفقت ام تركي بفرحه و بلغه الاشاره ناظرت بنتها : ليش زعلانه ذا خالد
صدت بضيق و سمعوا العيال صوت جرس البيت و نطق تركي : واحد يروح يفتحه
ناظر نواف شريفه و قبل خدها : الله يتمم لك على خير
تركهم نواف و نزل يفتح الباب فتحه بسرعه و ناظر فارس و حوله بنات صد على طول : لحظه شوي اخواني داخل
فارس : ابد اخذ راحتك
مشى نواف و تركهم مسكت شموخ يد الهنوف ناظرتها الهنوف : شفيك
همست شموخ : هو اللي شافني
ضحكت الهنوف بخفه : تعيشين و تاكلين غيرها
توترت شموخ و كتفت يدينها طلعوا عيال ابو تركي و همست الهنوف : بنات ذا مشهور بالتيك توك
↚
التفتوا البنات للعيال ناظرهم فارس : شفيكم ادخلوا
اصايل للبنات : ادخلوا يلا مافي شي
دخلوا البنات و نطقت شموخ : شروف
طلعت خلود من المطبخ : شريفه فوق
عطتها قبله بالهواء اصايل : تعالي اذا خلصتي معنا فوق
صعدوا البنات لعند شريفه و دخلوا غرفتها ناظرتهم و مسحت دموعها تقدموا يسلمون على ام تركي و حركت يدها ام تركي و هي تناظر شريفه : امسحي دموعك يلا
اكتفت بهز راسها و طلعت جلسوا البنات حوالينها و مسكت يدها شموخ : شروف قلبي عارفه اللي صار كبير بس لا تحاتين خالد راح يصونك
الهنوف فصخت نقابها : اقول لك ياها و اريحك اصلا راح تعيشين معه كأنه مو زوجك
اصايل : وش اللي مو كأنه زوجك
الهنوف مسكت يد شريفه : خالد حاب وحده يعني راح تعيشين معه زوجه بالاسم بس حتى هو خايف ولا يبي يتزوج بالطريقه ذي
شريفه تنهدت : ما يهمني اصلاً كذا ولا كذا فتره و بخليه يطلقني
ناظرتها وصايف بصدمه : يطلقك لا شروف
شريفه وقفت : خلونا نتجهز مو وقت كلام الحين
طلعت شموخ فستان سكري و اكمامه طويله من الكيس : ما لبسته انتي اول وحده راح تلبسه
ابتسمت بخفه شريفه و همست : لو اسود
سمعتها اصايل و ضحكت : خلاص عاد ذا اللي كاتبه ربي بعدين خالد مافي مثله اصلا حتى يمكن ينسى اللي يحبها و يحبك مع الوقت
حطت الفستان على السرير شموخ و جلست شريفه على كرسي التسريحه : بنات وحده تساعدني بالمكياج
وصايف اخذت شنطتها الصغيره : جيتك يلا
حطت الشنطه على التسريحه و بدات تطلع الاغراض و نطقت شريفه : رغد وين كان جت تتجهز معنا
اخذت الهنوف فستانها : رغد بعد ما تعرفينها
وصايف و هي تحط لشريفه المكياج : عادي ما تجي الملكه تسويها
شموخ و هي تحط مناكير : صدق كنت اتمنى انك تكونين قريبه مننا مثل كذا
الهنوف دخلت الحمام ( الله يكرمكم ) تبدل و نطقت اصايل : خيره لك شريفه و حياتنا مكتوبه لنا ما تعرفين وش الحكمه من اللي صار
شريفه : و نعمه بالله يصير اسأل
شموخ و هي تنفخ على يدها : اكيد حبي انتي
شريفه : الحين راح اعيش معكم صح
اصايل و هي تحط مكياجها : للاسف لا
فتحت عيونها و ناظرت اصايل : وين اجل
وصايف : شروف لا تتحركين
شريفه بعدت وجهها عن وصايف : لحظه وين راح نعيش
شموخ : في بيته اللي هنا
وصايف ناظرت شريفه : خالد عنده بيت هنا و كان مجهزه من زمان علشان لي تزوج يسكن فيه
الهنوف طلعت بعد ما بدلت : بسرعه امدحوا بسرعه
اصايل طلعت جوالها من شنطتها : دقيقه بس
اتصلت على خالد و حطته سبيكر و وصلها صوته : هلا اصايل......
↚
تضايقت شريفه من سمعت صوته و همست : كملي وصايف
نطقت اصايل : خالد الهنوف بكامل كشختها و تبي مدحه اسدح لها قصيده
ضحك بخفه خالد : جايكم فوق
شموخ : مو بالبيت في بيت عمي مع زوجتك نجهزها
تلاشت ابتسامته خالد : اصايل بعدين اكلمك و قولي للهنوف اللى على الخفاق تنهى بنت شيخٍ غز له بالمجد رايه بين شرياني و شرياني وطنها
شيخه بالحسن و الاخلاق آيه
صفقوا البنات و نطقت شموخ : عشت
ابتسمت الهنوف : و يلوموني بحبك ذا القصيد اللي يليق فيني
ضحك خالد و نطقت اصايل و هي تناظر شريفه اللي كانت تحرك رجولها بتوتر : تبي شوفه
خالد بأنفعال: صاحيه انتي شوفه عند ابوك و عمك ذولي
اصايل : طيب شوفه من تحت لتحت بدون لحد يعرف
الهنوف و هي تلبس ساعتها : صح ما تبي تشوف الزين
خالد بحده : تستهبلون ولا وش بالضبط اذا انا زواجي بكبره ما ابيه و مجبور عليه و السبه عمكم ذا ما عرف وش يسوي مع بنته راح قطها برقبتي ما ابيها اب.....
سكرت الجوال على طول اصايل و وقفت : بنات تحسون البس بناجر ولا اسواره شرايك شروف
شريفه تنهدت : كيفك بناجرك حلوين البسيهم
ابتعدت وصايف عن شريفه : افتحي عيونك خلصنا
ناظروها البنات و نطقت شموخ : يجنن ماشاءالله
الهنوف: اقري اذكارك و تحصني اهل الديره عيونهم ما ترحم
دخلت خلود و ماسكه يد دُره : تأخرت بس كنت اضبط المجلس مع خالتي
ناظرت شريفه و ابتسمت : وش ذا الزين حظيظ من اخذك و راح تصيرين من نصيبه
عطتها شموخ الفستان : يلا ادخلي البسي
شريفه : وش احط مناكير
شموخ رفعت يدها : احمر
اصايل طلعت مناكير نود : لا يا لبدويه الغنوجه الخبله احمر اوفر حطي ذا
خلود : اي ذا حلو و هادي
اكتفت بهز راسها و دخلت الحمام ( الله يكرمكم ) تبدل جلست خلود و نطقت شموخ : واضح ضاربها
خلود : ضربها والله محد خلصها من يده غير العيال الله يخليهم لها غطيت اللي بيدها بالفاونديشن
وصايف و هي تحط مكياجها: اشوف في ضرب بكتفها بعد
شموخ : ما يبين بالكتف ما عليك
اصايل : والله ظلم والله كلنا مظلومين معهم و تعبنا
التفتوا لشريفه من طلعت : حلو
كانت جميله بفستانها السكري و شعرها اللي كانت مسويته من الاطراف ويفي و مكياجها اللي برز ملامحها نطقت شموخ : اصايل بسرعه اتصلي على خالد يقصد فيها
فتحت عيونها: لا لا
اصايل ابتسمت : ما عليك بكرا راح تقابل وجهه ٢٤ ساعه و يعطيها قصايد لحد ما تشبع
شريفه : بنات تكفون بس والله شوي و راح ابكي من الموضوع ذا
الهنوف : لا لا خلاص بنات
شريفه جلست على السرير و دخلت ام تركي ناظرت بنتها و بتسمت بفرحه حركت يدينها : في شويه معازيم جو
التفتت للبنات : بنات في معازيم جو انزلوا لهم
اصايل : يلا يلا
